كاتب الموضوع :
الراكدة
المنتدى :
الارشيف
الفصل السابع
في مطار الملك خالد في الرياض
الساعه 9 مساء
هند وسلمان ينتظرونهم في المطار ،،،، سلمان يكلم هند ( ناظري هناك وصلوا )
هند ما حست بالضعف إلا لما شافت خوالها وخاصة خالها محمد ،،، وانهارت قواها
مسكها سلمان وجلسها على الكرسي،،،
هنوف من عرفت عن مرض ابوها وهي في صمت ،،، ما تكلمت ولا كلمه ،،، ولا انزلت منها دمعه،،،،،
محمد من شاف هند انهارت ،،، وهو رايح لها يركض ،،،( هند ،،، )
ناصر وسعود حولين هنوف اللي تجر رجولها جر،،، وعامر عند الشنط بيوديها للفندق ،،
ويجيهم المستشفى
المستشفى
بعد ما طلع متعب من العنايه المركزه ،،، وعدى مرحلة الخطر ،،، زاره الاهل والجماعه وربعه،،، لكن متعب كان كل ما صحى شوي حس بالألم خدروه ونام
بعد صلاة العشا فضى المستشفى بأمر من سلطان ،،،
ام سلطان بعتب ( سلطان ،،، خل الجازي تنتظرها علشان تجيبها معها )
سلطان يفهم امه ( يمه البنت توها داريه العصر ،،، ويقولون انها اغمى عليها ،،، وتعبت ،،، خليها اليوم تشوف ابوها وتهدا نفسيتها ،،، وبكره انا اللي بجيبها لك )
ابو سلطان يأيد ولده ( وهو صادق ....)
وصلوا المستشفى ،،، هند تماسكت واذكرت الله ،،، هنوف محد سمع لها صوت ،،، تمشي بين خوالها منزله راسها،،،
كان في استقبالهم عند باب الغرفه ابو طلال وعياله وفهد ومشاري وحمد ،،،، كلهم واقفين ويسلمون على ضيوفهم وخوال بناتهم
هنوف من دخلت الممر وهي تحس بدوخه ويالله تجر رجولها ومنزله راسها،،، ما تناظر احد أو ما تبي تناظر احد قبل أبوها ،،،،،
سلطان شاف هنوف على هالحال ،،، حب يطمنها ( الحمدلله على سلامه ابوك ،،،ابشرك طيب وبخير ،،، والدكتور طمنا ) ينتظرها تتكلم لكنها اكتفت بهز راسها
مسكها عمها ودخلها على ابوها ،،، لكنها ما رفعت راسها ،،، وقفها عند السرير بينه وبين هند ،،، اللي واقفه عند راس ابوها ،،، وما ارفعت راسها ،،، ينتظرونها ترفع راسها ،،، تكلم ،،، تبكي،،، تصيح ،،،لكنها كانت تناظر يده ،،،،،،،،،
مدت يدها ومسكت يده ،،، تنتظر تسمع صوته علشان تكلم ،،، ماسمعت شي ما تدري انه مخدر وعليه اجهزه ،،، تضغط على يده تبيه يحس فيها ،،، ما حس فيها ،،، اللي حولها يهدونها ،،، لا حياة لمن تنادي ،،، تضغط وتضغط وتضغط يده ،،،
حس فيها ،،، فتح عيونه شوي وناظرها بتعب كانت منزله راسها ،،، ضغط يدها شوي
يبيها تناظره ،،،
حست بضغط يده ،،، ارفعت عينها عليه ،،، شافته يناظرها بتعب ،،، انزلت دمعتها اول مره من درت بمرضه ،،، غمض عينه وانزلت منه دمعه ،،،
ارخي يده من يدها ،،، وفجأة
( آاااااااااااااااااااااااااااااااااه ) طاحت من طولها على الارض بكل قوتها ،،، وما عاد حست بأحد
إلا وهي في غرفة الملاحظة ،،،
ما صحت الا بعد ساعتين ،،، هند كانت تقرا عليها ،،،
فتحت عيونها وبصوت ضعيف ، ودمعه حايره في عينها وصوت خانقته العبره
( ابي ابوي ......!)
هند ابتسمت لاختها ( هنوف ،،، ابوي طيب ،،، والدكتور طمني عليه ،،، احلف لج بالله )
هنوف وهي تبكي منهاره ( جذابه ،،، ابوي مات ،،،وجدام عيني ...)
هند وهي تبكي بدون صوت ( اسم الله عليه ،،، ابوي مخدر ،،، تبين تشوفينه امشي )
هنوف اللي كملت صياحها ،،، ( آااااااااااااه ، يارب تشفيه ،، وتخليه لنا ،،،،)
هند وهي لامه اختها ( يا رب ،،، هنوفه ابوي يبي منج الدعاء ،،، تكفين ادعي له ،،،ولا تفاولين عليه )
هنوف وهي تغمض عيونها ( يارب ،،،يا رب )
ابو طلال وسلمان ،،، وصلوهم الفندق واحلفوا عليهم ان الغدا بكره عندهم
اليوم الثاني ،،،،، من الصبح هند وهنوف عند ابوهم ،،،،، الحمدلله كان واعي لكنه يتألم
ابو سلطان والحريم ما زاروه الصبح علشان اليوم الجمعه ،،،صلاه ،،،وذكر ،،،، وعنهم غدا كبير للضيوف ،،،، يجهزون له ،،،،
هند ماسكه يد ابوها اليمين وفرحانه ( الحمدلله على السلامه ،،،يبه ،،،)
هنوف ماسكه يد ابوها اليسار ، وتكلم ابوها بدلع وابو سلطان واقف بجنبها يناظرها (يبه حبيبي ،، عندي لك اقتراح ،،،بما اني صغيره وممكن اتحمل اكثر منك ،،، اشرايك انتبادل القلوب )
ضحك سلطان ،،، وكشر متعب ،،،( هنوفه ،،، ان قلتي هالكلام مره ثانيه ،، ازعل عليك ،،،)
هنوف وتبي تضحك ابوها وتكلمت بدلع ( يبه تراني اتمدح ،،، والا اذا صار الصج ،،، بصير مثل أم محمد )
ضحكوا عليها ،،، وهند ضحكت باحراج لانها تعرف سالفه أم محمد ،،،،
سألها سلمان (ليه ،وش فيها أم محمد ،،،،،،،،،،،؟ )
هنوف ضحكت ( اسأل هند ،،،،،،)
هند وهي مبتسمه ( ام محمد هذي وحده كل ما شافت ولدها قالت ،،،، جعل يومي قبل يومك ،،، جعلني أموت قبلك،،،سألها ولدها ،،، يمه شنو الموت ،،، قالت يا ولدي الموت مثل أرنب مصلوخ ،،، راح محمد وصلخ له أرنب وحطها عند راس أمه وهي نايمه ،،، يوم صحت وشافت الارنب عند راسها ،،،تخرعت وغطت راسها ،،،وقالت محمد وراك ،، محمد وراك )
ضحكوا كلهم على السالفه ،،، وعلى تفكيرهنوف ،،،
************
في فلة ابو طلال
طلال جاب الذبايح من الصبح،،،،ووداها للمطبخ اللي دايما يطبخون عنده،،،وارسل عبد العزيز للمجلس الرئيسي يشرف على تنظيفه،،، ويدخنه
وبعد ما انتهوا من شغلهم ،،، راحوا للصلاة مع جدهم
************
هنوف رفضت تروح للعزيمه الا لما يطلع ابوها بالسلامه ،،، لكن ابوها رفض ذا التفكير
متعب وبكل حنيه ( هنوفه ،، انا طيب وبخير ،،وتراني ما احب تفكير المتشائمين )
هند وبكل ادب ( لا يبه اسم الله عليك ،،، إحنا مو متشائمين ،،، الا متفائلين ان شاء الله ،،، وبنروح نلبس ونكشخ ،،، ونروح الغدا،،، هاذي خبله ما عليك منها )
هنوف بضيقه ،،، ( يبه آنا مو متشائمه ،،، بس مالي نفس ،،، بقعد عندك ،،،)
متعب مبتسم ،،،( عارف إنك مشتاقه لي ،،، بس ما تبين تشوفين أم سلطان ،،،)
ابتسمت له لأنه عارف إن هاذي أمنيتها ،،،( بلى ،،، ومشتاقه لشوفتها ،،، وأتمنى أحب البطن اللي شالتك فيه ) نزلت راسها بعد ما حست إن دموعها بتخونها بهاللحظه
**************
في فلة ابو سلطان
ام سلطان مدخنه البيت ،،، ومطلعه السجاد الغالي اللي ما تفرشه الا في المناسبات وفارشته
دخلت نوره وهي اول وحده من خواتها وصلت هي وبناتها ،،
ريم فرحانه (يمه حنا ،،في عيد )
نوره تضحك ( ما شاء الله،،،،ريحة البخور والسجاد ،،، كل ذا علشان من،، بنات متعب،،،وخير ان شاء الله )
ام سلطان اللي ما ضحكت من مرض متعب ،،، ضحكت ( لا علشانك أنتي )
ضحكت نوره وبناتها بصوت عالي ، الا على دخلت ابوها جاي من الصلاه ولابس بشته ،،،، ( ضحكينا معك ،،،،)
ام سلطان تبي تضحك على نوره ( تقول كل ذا السنع علشان بنات متعب خير ان شاء الله ...)
نوره تفاجأت من كلام امها وفتحت عيونها وبلعت ريقها ( والله يا يبه اني اضحك معها ........)
امها وابوها وبناتها اضحكوا عليها ،،،،،،،،،،
**************
في الفندق
هند تجفف شعرها ، وهنوف مرتبكه وما عرفت تختار بدله تلبسها ،،،،( هنوده شلبس الكادبوري ،،،، والا الفستقي ،،،)
هند محتاره لان كلها حلوه ( اخذي الفستقي ،،،،،،احلى بالنهار ،،،)
هنوف وكان ودها انها تقول الكادبري ( شورج وهداية الله )
لبست هند بدله تنوره سودا حرير كسرات مدقوقه الى تحت الورك بعدين تنفتح،،،وقميص واسع نص كم لونه بيج بورود وردي فاتح اطرافها محدده بأسود وحزام جلد لمعه اسود
ما حطت مكياج ،،لانها عارفه انه بيخرب ،، حطت بودره خفيفه وحمره ورديه
هنوف لابسه فستان فستقي ،،صدره واسع شوي،، كم ثلاث ارباع،، الفستان واسع حيل موديله كلوش من فوق الى تحت ،،لكنها لابسه معه حزام ذهبي مطفي يلمه ،، فيصير مزموم من فوق الحزام ومن تحت وبعدين يصير واسع من تحت لكن لانه شيفون فرنسي،،،صار لام على جسمها ،،،ومعطيها اناقه ومبين طولها فيه،،،،، مع بودره خفيفه وقلوس وردي
خوالهم ادخلوا عليهم ،،، لما شافهم خالهم محمد قرا عليهم ،،، اضحكوا عليه
سعود يضحك عليه ( اقول اقرا علي انا بعد ،،، ترا زينهم من صوبي،،)
محمد يتفل عليه لانه فعلا مزيون ( ما شاء الله ،،، بس لا تصدق )
ضحكوا عليهم وطلعوا
اللي خذتهم من الفندق سيارتين ، سيارة سلطان ومعه محمد و البنات ،وطلال ومعه عامر وسعود وناصر،،،،،،،،،،،،
****************
في فلة ابو فيصل ( راكان )
نجلا رافضه تروح الغدا وعبير ترجاها ،،، ( ارجوكي نجلا ،، ابوي يقول اذا ما راحت ما تلوم الا نفسها )
نجلا وهي خايفه من ابوها بعد اللي صار ( اف، شلبس ،،،ما عندي شي البسه،،،)
عبير بعتب ( يوم قلت لك اشتري للعزيمه ما رضيتي)
نجلا وهي منقهره ( والله ما بي اروح ،،، )
عبير وهي تستعجلها ( إلبسي بسرعه ترى تأخرنا )
وطلعت وخلتها ،،،،،،،،،،،،،،،،،،،،،،،،،
************
فلة ابو سلطان
اكثر الناس المعزومين احضروا والصالات مليانه حريم ،،، مع انه غدا ويوم الجمعه ،،، لكن الفضول ذابحهم،،،،،،،،،
دخلت السيارات الفله
كان في استقبالهم ابو سلطان وسلمان ،،،اما عبدالعزيز جالس عند عمه متعب في المستشفى
ابو سلطان يهلي ويرحب ويقصد ،،،، وواقف مع العيال اللي يقهوون،،،،،
الرياجيل اللي يحلف واللي يطلق ان العشا عنده
اعتذروا منهم لانهم مسافرين اليوم الكويت الساعه 6 المغرب،، لان عندهم اشغال
دخلوا البنات للفلة ،،، واللي كانت في استقبالهم هيا ومضاوي بنات عمهم ،، يبونهم يتعدلون قبل يدخلون على الحريم،،، انبهروا من جمال هنوف لانهم شايفين هند من قبل ،،،
دخلت مضاوي على الحريم ( يمه وضحه ،، البنات بيدخلون ،،)
ام سلطان وقفت وتقدمت ( يا مرحبا ،، خليهم يجون )
ادخلت هند ووراها هنوف ،،،،،،الكل وقف ،،،اعجاب ،،،ويبون يسلمون ،،،فيه اصوات تقول ما شاء الله ، تبارك الرحمن ، الجده وعلشان الكل يسمع قامت تذكر الله بصوت علي ( ما شاء الله ، ما شاء الله ) وهي ماشيه صوبهم تهلي،،،
هنوف اطرافها ابردت ،،، وادمعت عينها ،،، واتجهت على طول للمره اللي جتهم تذكر الله ،،، لانها حست ان هاذي ام ابوها ،،، ولمتها بدون ما تحس ،،، أم سلطان تذكرت كلام متعب اذا تكلم عن بناته يقول هنوف دلوعه متعب وقالت بدون شعور ( يا مرحبا ،،بدلوعة متعب )
كل الضيوف بكوا في هذي اللحظه ،،،
سلموا على الضيوف ،،، وقعوا حولين جدتهم وعماتهم
الضيوف يسولفون ( الكبيره ماغير امها حصه ،، والصغيره فيها منها ،، بس شكلن ثاني ما شاء الله تبارك الرحمن )
قامت هيا وخذت بنات عمها وراحوا للصاله الثانيه ،، عند البنات ،،، قعدوا بين بنات عمهم وعماتهم ،،، يضحكون ويسولفون لكن بحيا ،،،
مضاوي تعرفها على البنات ،،، تأشر عليهم بيدها وكل وحده توقف عندها تأشر بيدها وتقول ( شلونكم بنات ) وتسولف شوي
( هذي دلال بنت عمتي الجازي ، واختها مها ، هذي ريم بنت عمتي نورة وخواتها,,,,, عبير بنت خالي راكان وهذي اختها نجلا )
عبير تكلمت بعجله ( مرت طلال ...) هند تسأل ( منو طلال ) هيا بإحراج (اخوي)
هيا ومضاوي التفتوا على بعض ،، نجلا اقرصت اختها وابتسمت لهم لكن بقهر من اختها
هند استغربت تحسب طلال مهوب متزوج ،،،،،
انتهت العزيمه وكلا راح لبيته ،،،، هند وهنوف خذوا اغراضهم من الفندق ،،، وراحوا بيت جدهم ،،،،،،
*******************
طلعت نتيجة هنوف ،،،جابت 98,8% ،، الثانيه على الكويت ،، انتشر اسمها بالجرايد والتلفزيون ،،، وما قدرت تروح التكريم ،، لكن خالها راح بالنيابه عنها،،،،،،،،
هنوف اول ما وصلها مسج الوزارة ،،، راحت لابوها ،،،
ابوها بفرح ( مبرووووووووووووووك ،يا دلوعة متعب ....)
هنوف وهي كل شوي حابته ( شرايك فيني ،،، عجبتك )
متعب يضحك عليها ( وفيتي ،،،وكفيتي ،،،)
سلمان يكلم متعب ( والله وطلع اسمك في الجرايد ،، لا في الصفحه الاولى ،،وبالخط العريض )
متعب وبكل فخر ( لا وبشرك ومهوب اول مره ......... هند طلعته قبلها لكني ما علمت احد ،،، الله يستر على هنوف )
هنوف اتطمنه وهي تضحك ( لا تخاف ،،، قريت الاذكار حتى قبل ما علمك ،،، ترى ما يحسد المال الا أصحابه )
متعب وسلمان وهند ههههههههههههههههههههههههههههههههههههههههههه
**************
بعد اسبوعين من اجراء العمليه ،،، طلع متعب من المستشفى
وحلف ابوه انه يسوي عشا لمدة ثلاث ايام في المزرعه
الاهل كلهم احضروا العشا في المزرعة ،،،
سيارات المعازيم ملت المزرعه ،،،
هند وهنوف كانوا لابسين بدل استقبال راقيه ،،، لكنهم كانوا لابسين عباياتهم عليها لان كل شوي داخل رجال يسلم ،،، حتى جماعتهم اللي برا الرياض حضروا العشا
دخل عليهم جدهم وأخوه سالم أبو فهد ،،،
ناداهم جدهم يسلمون على أخوه ،،، أول ما أقبلوا عليه وقف الشايب منبهر ( ماشاء الله ،،، ما شاء الله ،،،) وفي نفسه بخطب وحده لفارس،،،
في آخر العشا ،،، دخل واحد من الاطفال ،،،،وراح لام طلال وبشرها بوصول نواف
ام طلال ( ام سلطان ،،، ابشرك نواف وصل )
ام سلطان ( الله يبشرك بالخير ،،، متى........؟)
ام طلال وهي فرحانه ( توه واصل عند الرياجيل ،،،)
ام سلطان تحاتيه ( عساه لحق على العشا ،،،،،،،،،،،،)
ام طلال ( ان شاء الله ،،، توه مقلط العشا ،،،)
جاب طلال نواف من المطار على المزرعه مثل ما وصاه جده ،،، كان لابس بدله ،،،ومنحرج من الرياجيل،،، دخل عليهم وسلم ،،، ولما وصل عند عمه ،،، حلف عليه ما يقوم
حب يده وراسه ، وما قدر يكلمه ،، لانه بكى وبكى اللي حوليه ،،،،
نواف بعد ما هدى ،،،( كيف حالك يبه ،،،،)
نواف وهو يشوف ان حال عمه مهوب زين ،،، وعرف متعب من نظرته له وقال ( يا ولدي لا سلم العود ،،،،،، الحال يعود ،،،، وانا بخير من عملت العمليه )
نواف قام مره ثانيه وحب عمه ( الحمدلله على سلامتك ،،،،،،،،)
************
عند الحريم
الجده ترسل للرياجيل ،، تبي نواف يجي ،،،
هيا جالسه مع بنات عمها ،،، ( امي وضحه حرقت اعصابها ،،، مهوب جاي لين يروحون الرياجيل )
هند تسألها ( نواف اخوك ،،، ؟)
هيا بحب لاخوانها ( ايه فديته ، الثاني ،، طبعا الاول طلال والثالث عبد العزيز وهو اصغرنا )
هنوف تقول لمضاوي ( ما يصير نطلع شوي ،،، عن الحريم )
هيا مسكتها من يدها وقالت ( الا يصير ....)
راحت هيا وخذت بنتها معها تعشيها بعيد عن الحريم لانها متختخه شوي وخايفه عليها
اطلعوا برا من باب المطبخ ،،،
على الجهه الثانيه من المزرعه ،،، وكان فيها بركه (حمام السباحه)
جلسوا على طاوله وكراسي عند حمام السباحة،،،تعشي بنتها روابي
هنوف ( كم عمرها ،،، يا حلوها )
هيا ( عمرها 3 سنوات ،،)
روابي تأشر بأصابعها المليانه وتقول ( تلاته)
هنوف تضحك ( تلاته حلوه منك ،،، شتبين امج تجيب ،،، بنت والا ولد )
روابي اللي كانت امها تقول لها اسمه متعب ( توبي )
هنوف ( توبي شنو ،،،)
ضحكت هيا (توبي دلع متعب ،،، لان اذا جاني ولد اسمه متعب على عمي)
هنوف ادمعت عينها وحبتها ( فديت قلبج ،،، والله يخلي لج روابي وتوبي )
هيا بعتب ( وانت تحسبين ذا طيبن مني ،، لاااااااا، هذا اقل شي اقدمه لابوي متعب )
بكت هنوف شوي وهدتها هيا بعد ما دمعت عيونها
دق جوال هيا ،،، ( هذي مضاوي ،،، )
**********
عند الحريم
دخل نواف على الحريم ،،، وكانت هند موجوده لكنها متغطيه بشيلتها،،،
ام سلطان تجيب الحلا وتحطه عنده ( كيف حالك ،، فديتك )
نواف وهو يقوم ياخذه منها ( انت اللي تجيبينه ،،، مضاوي )
مضاوي ( هي اللي خذته مني....)
ام سلطان ( انا اللي مشتهيه اجيبه لك ،،،)
ام طلال ( الله يعطيك العافيه ،،،،)
نواف باستغراب ومستحي انه طول ( مضاوي وين هيا ،،،،؟)
مضاوي وهي تذكر ( ما دري وين راحت.... بروح ادورها فوق )
ام سلطان وهي تأشر على هند ( نواف ،،، سلم على هند بنت متعب)
هند تمنت الارض تنشق وتبلعها ،،، احرجتها جدتها
نواف مبتسم ( كيف حالك هند ،،، تو ما نورت الرياض،،،)
هند مستحيه ( منوره بأهلها )
نواف حس انه طول وهو جالس عند الحريم ،،، ومضاوي تأخرت
( يالله ،،، اذا جات هيا قولوا لها اني سألت عنها )
**********
مضاوي لما ما لقت هيا اتصلت عليها
( نواف موجود ،،،، يستناك )
هيا ( جايه ،،، مع السلامه )
ادخلت هيا وهنوف داخل،،، هيا راحت الصاله وهنوف جلست في المطبخ
لين يروح نواف،،،ما لها خلق تغطى،،،،،
هيا ما لقت نواف ،،،،اتصلت عليه قالت له يجي،،،لكنه رفض متعذر بوجود الحريم
اصرت عليه ( خلاص بعد ربع ساعه القاك عند البركه )
هيا ( اتفقنا،،،،،،،، )
هيا راحت تنوم بنتها و نست هنوف في المطبخ ما قالت لها ان نواف راح،،،،
هنوف بعد ما تأخرت عليها هيا ،،، راحت ووقفت عند حمام السباحه ( البركه ) تناظر في المويه
وتفكر بالتخصص اللي بتدرسه كانت لابسه عباتها الكتف وطرحتهاعلى متونها ،،، لامه شعرها بكماشه ،،، وحاطه بودره خفيفه وحمره مشمشيه،،،،
نواف مالقى احد من الشباب في المجلس،،، قال خلاص بروح اسلم على هيا بعدين بنام
راح نواف لحمام السباحه
شاف هيا واقفه عنده ،،،، قال بروعها
مشى شوي شوي،،،،،مسكها بقوه من متونها ،،، ويبي يدزها ويمسكها بنفس الوقت علشان ما تطيح
صرخت ( آاااااااااااااااااااااااااااااااااااااااااه)
مسكها بقوه ولفها الصوب الثاني علشان ما تطيح وصار بينها وبين حمام السباحه ووجها بوجهه
انصدمت وحاولت تبعد عنه،،،،
تمسك فيها اكثر وضغط عليها ،، وعورتها مسكته ،، (آااااااااااااي ، هدني أرجوك ) وما تكلم من الصدمه اولا ومن الجمال اللي ما عمره شاف زيه وثانيا من الصدمه،،،،،،،،،
تحاول تفك نفسها ( هدني ، هدني )
مسكها اكثر كأنه يقول مستحيل
( الله يخليك هدني ) ودموعها ملت عيونها
هنوف تحسبه حرامي ،،، داخل يسرق والا يسوي أي شي ،،، لانه كان لابس بدله
هنوف تبكي وصوتها اللي كله دلع حتى وهي تبكي ( حرام عليك هدني،،، اش تبي فيني ،،، أرجوك ،،، )
نواف استوعب اللي بصير وهدها
هنوف خافت إنه يلحقها والا يمسكها مره ثانية دزته في حمام السباحه وهربت تركض
صرخ ( آآآآآآآآآآآآآآآآآآآآآآآآآآآ )
**************
لا تحرموني من ردودكم
اختكم
الراكدة
|
17-03-10, 11:38 PM
العرض العادي
