كاتب الموضوع :
الراكدة
المنتدى :
الارشيف
الفصل الثالث عشر
***************
فلة راكان
أبو فيصل
أريج بنت خالتهم أم عبدالاله جالسه عند نجلا رفضت تروح لملكة طلال ،،، نجلا منقهره ( كفوه بنت عمه ،،، أصلا أنا اللي ما أبيه ،،،عساه إن شاء الله يطلقني )
أريج باستغراب ( هو ليه إلى ألحين ما طلقك )
نجلا تلوى شفتها على جنب ( ميت يبيني أرجع ،،،بس يحلم أرجع له )
عبير تسمع الكلام ومنقهره من اختها ،،، ما تقدر تكلم ،،،
أريج تستفسر ( إلا هي ليه تاخذ واحد متزوج ،،مع إنها حلوه وصغيره وبتصيردكتوره )
نجلا هذا اللي قاهرها لأنها شافتها من قبل ،،،ولا فيه مقارنه بينهم( ما لقت اللي ياخذها بالكويت ،،،جت الرياض ترزق الله )
عبير انقهرت زياده ( هند ما لقت اللي ياخذها ،،، أصلا مضاوي تقول تهاوش عليها أبو فهد وأبو طلال ،،،كل واحد يبيها لولده )
نجلا احترت من اختها ،،،وتبي تنهي الموضوع ،،،وتسأل عن عبدالاله ،،،التفتت على أريج ( إلا وش أخبار أهلك )
أريج ما تعرف عن العلاقه اللي كانت بين عبدالاله ونجلا ( طيبين وبخير ،،،)
وتبتسم ( إلا ما تدرون ،،،خطبنا لعبدالاله ،،،وعطونا البارح الموافقه )
نجلا حست إن الدنيا تدور فيها ،،، وتماسكت
معقوله كل اللي خططت له راح ،،،ليه يا عبدالاله ،،،وين الحب اللي بينا ،،،آااااه
عبير تبتسم لها ( مبروك ،،، الله يوفقه )
أريج فرحانه ( أمي تقول تجنن ،،،إخت صديقه ،،، شافها مره وانهبل عليها)
نجلا انربط إلسانها ،،، وقامت تروح داخل غرفتها ،،،
*********************************************
فلة أبو سلطان
في المجلس الداخلي هند تنتظر دخلة جدها ،،،مرتبكه ومستحيه ،،،منزله راسها
عندها هيا ومضاوي وعماتها ،،، وجدتها وأم طلال وهنوف ،،،
دخل متعب أول واحد علشان يتأكد من الموجودين ،،،
شاف البنات تطمن ،،، أشر بيده لهنوف وهيا يعني تعالن ،،،
كلمهم بشويش ( طلال بيدخل ،،،)
هنوف وقف قلبها ،،،هيا متفاجأه ( وشوا ،،، معقوله )
متعب باهتمام ( قولوا لها لا تفاجأ )
هنوف ( لااااا ،،، خلوها لا يخرب مكياجها ،،،)
البنات رفضوا يطلعون ،،، وجلسوا على طرف وهم متغطيات ،،،
دخل أبو سلطان وأبو طلال ،،،ومتعب ،،،وخوالها
هند كانت منزله راسها ،،، رفعته لما دخلوا ،،،
دمعت عينها أول ما طاحت بعين خالها محمد ،،،
وقفت هند لجدها وحبت راسه ،،،( مبروك يا بنتي ،،،)
ابتسم خالها محمد ( ما شاء الله ) مسكها يحب راسها ولمته بقوه كأنها تقول دخلني بين ضلوعك وخذني معك ،،،حزن عليها خالها اللي رباها وكان لها نعم الاب والاخ والخال ،،،
محمد يمسح دمعته،،ويلتفت على متعب يضحك ( خلاص هونا ،،،تزوجون بزر )
أبو سلطان يحترم خالهم محمد ويحبه (هند تربيتك يا بو عامر ،،،)
متعب يضحك ( إلا شافت محمد وتدلع ،،،)
خالها عامر بحب ( إذا ما تدلعت هند من اللي يتدلع ،،يحق لها الدلع)
سلمت هند على خوالها ،،،
صوروا معها ومع وهنوف ،،،
متعب كلم هنوف بإذنها ،،،وتغطت ،،،
هند تنتظر جدها يلبسها الشبكه،،،حست إنه تأخر،،وكانت منزله راسها
لكنها رفعته لما سمعت صوت الزغاريط ارتفعت
وانصدمت
دخل طلال مع سلمان وهو مبتسم ،،،
حست إنها بتدوخ ،،،نزلت راسها وغمظت عيونها ،،،مسكت يد جدها بقوه وضغطت عليها بدون ما تحس،،،درى جدها إنها ارتبكت وحط يده الثانيه فوق يدها،،،
هند ترجف ،،،تبي تماسك ما قدرت،،،
طلال لما ناظرها ابتسم ولا عاد قدر يسكر فمه ،،، وفي نفسه مهوب مصدق ،،،إن هالملاك زوجته ،،، قلبه يدق بسرعه كل ما قرب منها ،،،لين وصل لها حس إن قلبه وقف ،،،،
تنهد وحب راسها ،،،( مبروك )
جلس بجنبها وحس برجفتها اللي زادت ،،،قاموا خوالها وسلموا عليها
محمد يبتسم لها ( يالله هند مع السلامه،،،ومبروك مره ثانيه)
ويسلم على طلال اللي فز له وحب خشمه ( ما وصيك،،،الله الله فيها)
طلال يضحك ( أبشر ،،،)
وطلعوا عشان يخلونهم على راحتهم وطلع معهم متعب ،،،رفعت راسها لهم لين طلعوا وتعلقت عيونها على الباب كأنها تقول اخذوني معكم تكفون لا تخلوني
طلال ما همه أحد ،،،ناظر فيها لين شبع ،،،وهذا اللي زاد من ربكتها
انزعوا عماتهم وخواته هيا ومضاوي غطاهم ،،،
سلمت عليه أم سلطان ،،،اللي ما عجبها إنه دخل ،،،( مبروك ،،،)
قام طلال وحب يدها وراسها ( الله يبارك لك ،،،)
أم طلال فرحت يوم شافت ولدها ( مبروك يا الغالي ،،،)
طلال بابتسامه واسعه ( الله يبارك فيك ،،،)
الجازي تضحك ( وش هالتطورات يبه ،،،)
أبو سلطان فرحان ( والله يا بنتي مهوب كلن انتطور له ،،،هاذي هند وماخذه طلال ،،، أكيد بنتطور،،، بعدين مهيب مرته ذلحين،،واحتفلتوا وفرحتوا فيهم ،،، أجل ياخذها ويتوكل على الله )
هند من الخوف التفتت على جدها بسرعه ،،،اللي ضحك عليها ،،،وضحكوا معه
ضحك طلال وبهدوء ونظره حالمه ( لاااا ،،، مهوب ذا حفل زواج هند ،،، حفلها بيكون اسطورة الرياض )
انحرجت هند ،،، وتكلم جدها ( جيبوا الشبكه ،،،)
الشبكه كانت في يد أم سلطان ،،،عطتها لأبو سلطان ،،،
أبو سلطان فتح الشبكه ،،،كلمته الجازي ( يبه خل طلال يلبسها ،،،)
سلمان تكلم باعتراض يبي يقهر طلال( يخسي إذا ما لبسها أبوي أنا اللي بلبسها تراني سكت واجد له ،، وأبوي اللي شاريها مهوب هو)
طلال فتح عيونه ( أنت وش دخلك ،،، هو اللي تمدح وشراها هدية لزواجنا )
سلمان يبي يحرجه ( ليه ما حلفت إن ما يشتري شبكة هند إلا أنت )
ابتسمت هند على أسلوب عمها ،،،وشافوا الابتسامه ،،،وضحكوا
طلال انحرج ( تستاهل بنت متعب ،،، وتبشر بالخير )
فرح جدها إنها هدت ،،،وعطى طلال الشبكه يلبسها،،،
هند تمنت الأرض تخفس فيها ،،،
طلال ابتسم ،،، وخذا الدبله أول يلبسها ،،،
مسك يدها ،،،واستغرب من نعومتها ،،،كأنها زبده تذوب بين يدينه،،،ما وده يهدها
تنهد ،،، وخذا العقد وحط يدينه حول رقبتها ،،،وكان قريب منها لدرجه إنها تحس بنفسه يحرق رقبتها خافت وصارت ترجف مره ،،،
ارتبك وما عرف يلبسها ،،،ساعدته عمته ساره ،،،
خذا السوار ولبسها ،،،آخر شي كان الحلق ،،،لبسها وكلمها بشويش ( اربكتيني ،،،)
هند وجها ولع وعيونها صارت حمر ،،،
نوره وساره جلسوا جنبهم يصورون معهم
ساره ( هند ارفعي راسك ،،،عشان الصور،،،)
هند تحاول ترفع راسها ما اقدرت ،،،
مسك طلال وجها وارفعه،،،وكلمها بهدوء ( حرام هالوجه يندس ،،،ارفعيه )
كملوا تصوير ،،،
تكلمت عمتهم الجازي ( يالله الجميع يطلع خلوهم على راحتهم ،،،)
هند ارفعت راسها لعمتها تناظرها ،،، محد انتبه لها إلا طلال وسلمان ،،،
ضحك سلمان ( مسبب لها رعب )
طلال ( والله إني مزيون ،،،وما أخوف )
سلمان بجديه ( امش امش ،،،ما فيه جلسه )
الجازي ما عجبها أسلوب سلمان ( سلمان اطلع لا تصير معقد ) ودزته ( ما بقى إلا إنت )
انتهز طلال مناقشتهم اللي مهيب منتهيه ( مبروك )
هند منزله راسها ،،،
كانوا مشغلين أغنية محمد عبده،،،
طلال سرح مع الأغنيه وهو يناظر فيها ،،،
أحلي من العقد لبــــاسه ..
يزها بها العقد في جيده
الماسة تلبس الماسه ..
مــا زادها الجوهر تزيده
سيـــد الغنادير ياسيده
رمشه غدا جند وحراسه ..
يبيد من وده يبيده
رمشه انا اخاف من باسه ..
رته ولو كنت ماريده
عيني عليكم عساسه ..
قلبي في هواكم تغريده
راعي الهوي عارف ناسه ..
عيده مع الولف وسعيده
وأحلي من العقد لباسه
انحرجت هند ونزلت دمعه غصب عليها ،،،انتبه لها طلال
وتنهد بعد ما انتهت الاغنيه ،،،( هند ممكن اكلمك الليله ،،،)
هند ناظرت فيه لأول مره ،،،( لا ،،آسفه) ونزلت عيونها
طلال ابتسم وقام ( ترى بتصل ،،،وإنتي وضميرك )
وكمل ( يالله مع السلامه )
********************
فلة أبو فيصل
أم عبدالاله وام هاني ،،،جالسين في جناحهم في فلة أخوهم راكان ،،،مخصصه لهم
بسمه بنت أم هاني تكلم أريج ( يا ليتك شفتيها ،،،كأنها أميرةالأحلام )
أريج تمنت انها راحت تشوفها ( اوصفيها لي ،،،من تشبه )
نسمه تفكر ،،،( ما تشبه أحد ،،،الصراحة فتنه ،،،خصوصا باللون الأحمر ،،،أتوقع طلال مهوب راقد الليله ،،،)
أريج تستفسر ( ليه هو شافها ،،،)
نسمه تأكد وهي فاتحه عيونها ( لبسها الشبكه ،،،تقول مضاوي أخوي ما عاد سكر فمه ،،،قام يوزع ابتسامات)
أريج مستغربه ( معقوله ،،، وين العادات والتقاليد ،،،وإلا على ناس وناس ،،،يوم نجلا ،،،قالوا مهوب من عاداتنا)
بسمه ( كل بناتهم ،،،محد لبسوه الشبكه إلا هي )
أريج (ما علينا،،، اختها زيها ،،،)
نسمه تحرك يدينها الثنتين ( يوووووووه،،،ما قلت لك،،،أمي ماتت عليها تبيها لأخوي هاني )
أريج ( ليش نواف ما يبيها ،،، )
نسمه بتفكير ( نواف ،،، ما دري )
أريج تتذكر ( إيه ،،خالتي نفله طالبه عبير له )
نسمه ( بس هو كان رافض ،،،وإذا هو شاف ذاك الزين ،،،والله ما يفكر في عبير )
أريج ( أحسن لعبير ،،،متكبر وما يرد على أحد ،،،شايف نفسه )
نسمه تنهد ( يالله يا أريج ،،،والله من حقه )
********************
فلة أبو سلطان
هند جالسه مع عماتها اللي ناموا عندهم ،،،كانوا يسولفون عن الحفله ،،،
هنوف رايحه تعمل لهم عشا خفيف،،،
الجازي تكلم هند ( هند ،،،متعب ما كلم هنوف عن فارس )
هند ارتبكت كانت متوقعه إن أبوها علمهم برفضها
هند ابتسمت لعمتها ( ما اعتقد ،،، بعدين هنوف توها جايه )
الجازي باستفسار ( ليه أنت ما كلمتيها ،،،وعلمتيها ،،أنت اختها )
هند تعذر ( عمه أبوي أحسن وأبخص في الولد )
الجازي تمدح فارس ( يا ليتها توافق ،،،فارس رجال وسنافي ،،،وهوأطيب اخوانه )
هند تذكرت ردت فعل نواف وخافت ( الله يوفقها ،،، والزواج قسمه ونصيب ،،،ما يندرى من تاخذ ،،،)
دخلت عليهم هنوف بالعشا ،،،وحطته بينهم ( تفضلوا بالعافيه )
نوره ( هنوف تعالي فيه مكان )
هنوف تهف على نفسها حرانه ( لا بروح اتحمم )
راحت هنوف لغرفتهم ،،،سمعت صوت جوال هند ،،،
خذته ترد إلا المتصل ( ؟)
هنوف في نفسها برد أشوف من علامة الاستفهام ،،،
(ألو،،،)
بصوت هادي ( خفت ما تردين ،،حبيبتي )
هنوف وقف شعر راسها ،،،عرفته وخافت،،،ما ردت
تنهد وقال ( حبيبتي )
هنوف استوعب وضحكت بصوت عالي
استغرب طلال ،،،( وش فيك )
هنوف تضحك ( آنا هنوف مو هند ،،، خرعتني الله يهديك )
ضحك طلال باحراج ( هههههههه وين هند )
هنوف بابتسامه ( هند تعشا ،،،بعدين من سمح لك تتصل )
طلال رافع حواجبه ( اعتقد زوجتي ،،، وإلا نسيتي )
هنوف تحك راسها ( والله ما نسيت ،،،بس إنت اللي ناسي إنه من المحرمات عندكم البنت تكلم زوجها قبل الزواج )
طلال يضحك ( هذاك أول قبل لا ألبسها الشبكه )
هنوف بمكر ( يعني ،،أبوي وجدي يدرون ،،،)
طلال وهو يدري انها بتقول لهم ويهددها ( يا ويلك إن قلتي لهم )
هنوف بعد تفكير ابتسمت ( أوكي ،،،لحظه لا تسكر )
تأخرت شوي ،،،
( ألو )
طلال منصدم ( هلا يبه ،،،كيفك )
متعب بجديه ( طيب ،،،وأنت )
طلال مرتبك (أنا بخير فديتك)
ضحك متعب (والله ما إنت بطيب ذلحين،،،وش سوت فيك هنوف )
ضحك طلال باحراج ( هنوف ،،، سببت لي الرعب )
متعب بجديه ( طلال ،،، ان اتصلت مره ثانيه يا ويلك )
طلال بملل ( أنا اخلص من هنوف تطلع لي )
هنوف تأشر لابوها عطني الجوال ،،،وعطاها بدون تردد
هنوف تضحك ( اشرايك بالمفاجأه )
طلال معصب منها ( عاجبك ذلحين ،،،أبوي متعب زعل )
هنوف مستغربه واتكلم قدام ابوها ( يعني أبوي ألحين زعلان ،،،والله أمركم غريب ،،،أنا بنت عمك أكلمك عادي ،،،وزوجتك اللي هي حلال ممنوع )
أبوها وطلال ضحكوا
اقنعت هنوف أبوها إنه يكلمها ،،،
متعب خذا الجوال منها ( طلال أنا باسمح لكم ،،،) ويكلم هنوف وطلال يسمع (ترى سمحت لهند ،،، بس أنتي لا شبكه ولا مكالمات )
هنوف ترفع متونها وتضحك ( ها ها هاااي،،، حبيبي أنا بطلع معاه وتمشى بعد )
متعب رافع حواجبه ومبتسم ( ومن بيسمح لك ،،،)
هنوف بثقه (إنت طبعا )
متعب بضحكه عاليه ( حاضر عمتي ،،،)
طبعا أسلوب هنوف مع أبوها بس ضحك مهوب جد ،،،،،
ضحك طلال اللي استغرب علاقة عمه ببناته وخصوصا هنوف اللي تعامله كأنه أخوها مهوب أبوها ،،،
*********************
رفضت هند تكلم طلال رغم محاولات هنوف معها ،،،
انقهر طلال وتحلف فيها ،،،
أول يوم في رمضان
الفطور في فلة أبو سلطان
هند وهنوف هم المسؤولات عن تجهيز الفطور ،،،
حلفوا على جدتهم ما تدخل المطبخ ،،،ولا تشوف وش سووا إلا مع الفطور
ومن الصبح وهم مقابلات المطبخ ،،،
طبعا السلطات والحلويات تعملها هنوف ،،،أما الاطباق الدسمه والرز تعملها هند،،،،
الساعه 2 الظهر هنوف انتهت من شغلها وراحت تنام ،،،أما هند في المطبخ ماراح تنتهي إلا مع الفطور تقريبا ،،،
وصلت رساله لجوال هند
المرسل ( ؟) ما غيرته
مبروك عليك الشهر
تعبت وأنا ارسل وما تردين
بس باركي لي الشهر
والله تكسبين فيني أجر
ضحكت هنوف وطرى عليها شي
اكتبت وارسلته
**********************
طلال يكلم نواف بالمسن مكالمة فيديو
( ما شاء الله أكيد الفطور عند أبوي عبدالله )
طلال نايم ونعسان ( إيه أكيد ،،، نرسل لك منه ،،،)
نواف ( يا ليت ،،،والله يا خوك نفسي تهف على فطورنا )
طلال حاس في أخوه ( الله كريم ،،،هانت،،،بكره تجي وتزوج وتطبخ لك مرتك ما لذ وطاب)
نواف مبتسم ( إن شاء الله ،،،)
طلال فتح عيونه عالآخر ،،،مسج
المرسل (ضحكه ترد الروح )
هلا طلال
مبروك علينا وعليك
ما يخالف اعذرني
وإذا يرضيك
تعال ألحين
آنا في المطبخ والكل نايم
لا تأخر
طلال فتح عيونه بزياده
نواف مستغرب ( طلاااااااااااااااال،،،وش فيك ما تكلم )
طلال مهو مصدق ( هند )
نواف يضحك ( وش فيها ،،، جننتك )
يأشر براسه ( إيه ،،،تقول تعال المطبخ ما عندي أحد،،،نواف أروح )
نواف يضحك بصوت عالي ( لا حرام حنا في رمضان ،،،)
طلال يضحك ( ليه حرام ،،،وش مسوي أنا ،،،)
نواف بجديه ( أقول ،،،روح قبل لا تهون ،،،وإلا يجي أحد يخرب عليك )
ويكمل ( وافيني بالاخبار )
طلال اللي كان نعسان وتعبان ،،،طار النوم من عيونه ولبس وراح لها بسرعه،،،
**************************
في الكويت
تهاني وأهلها زايرين عمتهم منيرة ،،،عازمتهم على الفطور
تهاني جالسة مع لولوه بنت عمتها في المطبخ ،،،يجهزون الفطور قبل الاذان
لولوه ( حطي الشوربه بسرعه ،،،)
تهاني تذكرت هنوف (صب الشوربه تخصص هنوف ،،،والله مشتاقه لها)
لولوه ( تصدقين إنها هي اللي مسويه جو في رمضان،،،)
تهاني صديقة عمرها هنوف ( إي والله صاجه،،،ألحين ما فيه أحد يسوي فيني مقالب )
ضحكت لولوه ( تذكرين لما كتبت شعر في دفتر حمود ،،،واكتبت اسمج تحته)
تهاني انحرجت لما تذكرت ( يوووووه ،،،والله إني بغيت أذبحها،،،خصوصا لما قالي حمود وصلت الرساله )
لولوه تضحك لما شافت حمود يدخل ( حي الله تهاني ،،)
تهاني ما شافته لأنها معطيه الباب ظهرها ،،،حاولت إنها تكون طبيعيه معاه
التفتت له وابتسمت ( الله يحييك،،،شلونك حمود)
حمود بغى يغمى عليه لما ابتسمت ( الحمدلله طيب وبخير ،،،انت شلونج)
تهاني تهدا وتكمل شغل ( الله يسلمك )
لولوه تستعجله ( يالله حمود ناد الشباب يقلطون الفطور بسرعه قبل لا يأذن،،،)
حمود يبتسم ووده يتأخر الاذان شوي ( الاذان أخروه ساعه ،،،)
ضحكت لولوه لأنها فهمت قصده ،،،
*********************
فلة أبو سلطان
في المطبخ هند رافعه شعرها ورابطه راسها لأنه يعورها ،،،
ورابطه جلابيتها بطرحتها ورافعتها من عند الخصر ،،،
واقفه عند الغاز تقلي بطاط لأحد الاطباق الدسمه ،،،
ووجها صاير أحمر من حراره النار ،،،
بس حلوه في كل الأحوال،،،،
دخل طلال المطبخ ،،،
وجلس يتأملها ،،، مستغرب من هدوءها ،،، ورزانتها رغم صغر سنها ،،،
حست هند إن فيه أحد واقف ،،،لكنها تحسبها الطباخه فما التفتت إلا لما سمعت أحد يتنهد
التفتت هند ،،،وصخرت آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآ وحطت يدينها على وجهها لا شعوريا
قرب منها طلال ومسكها ( اسم الله عليك ،،،وش فيك )
سلمان جالس في الصاله يشوف مسلسل رمضاني
سمع صوت الصيحه ،،،وراح يجري للمطبخ
سلمان منصدم من طلال ،،،اللي ماسك هند
هند كانت ترجف ،،،ومغطيه وجها ولازالت تصيح
سلمان بعصبيه ( طلال وش عندك هنا )
طلال هد هند اللي ركضت داخل
طلال يتأفف ( ما دري ،،،)
سلمان يتمالك نفسه (كيف ما تدري ،،،،ممكن تفهمني )
طلال صمت
وبعد تفكير (الظاهر هنوف عامله مقلب فينا )
جلس على الكرسي وقال اللي صار معه لسلمان
سلمان بعد ما كان معصب جلس يضحك ضحك هستيري
طلال مكتف إيدينه ،،،وساكت ،،،حتى ما ابتسم ( وش اللي يضحك ألحين )
سلمان وهو يالله يتكلم ( والله هنوف تحفه ،،،الصراحه ما قصرت فيك أول وألحين )
طلال يتوعد ( ما يخالف ،،،دواها عندي ) وطلع
سلمان راح يتطمن على هند،،،،
عاده يرقى الدرج،،،إلا صوت الهواش والصياح ،،،
طلع متعب من غرفته متروع ،،،وبوجهه سلمان يضحك ،،،
متعب بخوف ( وش فيهم ،،،)
سلمان ما زال يضحك ( أمش معي وتعرف ،،،)
دخلوا عليهم ،،،إلا هند ماسكة الجزمه وواقفة عند باب الحمام المقفل ،،،(والله ما أخليج ،،،أصلا اليوم فطوري عليج )
متعب يضحك ،،،أول مره يشوف هند معصبه ( هههههههه هنوف في السالفه ،،،وهند معصبه ،،،فيها شي كبير هاذي )
سلمان منسدح على السرير في الغرفه ويضحك ( بنتك هاذي عليها حركات ،،)
هند انحرجت من ابوها وعمها ،،،
متعب يمسك هند ويجلسها ( اجلسي ،،،واهدي ،،،اذكري الله حنا صايمين ،،،خلي عنك ذا البزر المهبوله )
هند ميته من القهر ( يبه اقهرتني ،،،والله راسي يعورني ) وتحط يدينها على راسها
أبوها جالس جنبها وحاط يده وراها ( ممكن تفهميني ،،،وش اللي صار بينكم )
سلمان بضحكه عاليه ( أنا اللي بفهمك ،،،بس خل هنوف تطلع ،،،وتشاركنا )
هند تطق عليها الباب ( أبوي يقول اطلعي ،،،)
هنوف تضحك ( أبوي هنيه ،،،قولي له يعطيني الامان أول)
قالت له هند وعطاها الامان
هند تكلمها ( اطلعي عطاك الامان ،،،)
طلعت هنوف تحت حماية أبوها ،،،اللي لما شافها ضحك ،،،وضحكت
جلسوا حول أبوهم على الكنب وحده يمين والثانيه على اليسار ،،،
سلمان منسدح على بطنه على السرير يناظرهم ،،،مبتسم ،،،
قال سلمان السالفه لهم ،،،
هنوف فاتحه عيونها ( اشدراك ،،،والله جنك معاي وتقرا أفكاري ،،،)
هند بقهر ( شفت يبه عمايلها ،،،لا وبعد تعترف ،،،ما أنكرت ،،،يعني التهمه ثابته عليها ثابته)
هنوف تمسك دشداشة أبوها ( برئ يا بيه ،،،وبعدين المتهم برئ حتى تثبت إدانته )
سلمان يضرب السرير بيده وبصوت عالي ( محكمه)
متعب يضحك ( حكمت المحكمه حضوريا على المتهمه هنوف بالبراءه ،،،لأنها لم تتعمد الحادثه )
هند بعد ما كانت زعلانه ضحكت ووقفت ( أحتج ،،،أنا تعرضت لضغط نفسي رهيب )
هنوف تضحك ( قدمي شكوى أخرى في المحكمه ،،،)
هند ترفع حاجب ( إيه بقدمها ،،،يبه ممكن أقدم ،،،)
متعب يمثل الجديه ( وين المحامي اللي بيترافع عنك ،،،)
هنوف بضحكه ( عندها أكبر محامي في الرياض ،،،ومستعد يترافع عنها إبلاش )
افهموا قصدها وضحكوا ،،،متعب وهو لازال يمثل ( تتصلين فيه ،،،وإلا،،،)
هند قاطعته ( لاااااااا ،،،متنازله عن القضيه ،،،،خلااااااااص ،،،لا وبعد بحب خشمها )
ضحكوا عليها متعب وسلمان وطلعوا ،،،
*************************
قرر الجد يوم الربوع في الاسبوع الاول من رمضان ،،،إنهم يباتون في المزرعه
وأعلن إن اللي عندهم أطفال ،،،يجون حزة الفطور ويروحون في السحور عشان الازعاج بالنهار،،،
طبعا أبو سلطان ما يستغني عن أخوه سالم واخته موضي ،،،لازم في كل طلعه للمزرعه أو للبر يكونون معه،،،
في بيت الشعر قبل الفطور ،،،أبو سلطان وعياله ،،واخوه وعيال عمه
أبو سلطان يصوت لعبدالعزيز ( عزيز ،،،قلطوا الفطور ،،،)
قام سلمان يعجل البنات في المطبخ ،،،وطلع وراه طلال وعزيز
دخل سلمان وهو يشم ريحة الاكل ( الله ،،،يا زين الريحة ،،،)
هنوف تضحك وتحط الطبق عند خشمه ( هاه شرايك بالريحه لذيذة ،،،)
سلمان والبنات يضحكون عليها ( إممممممممممممم ،،،تحتاج قليل من الملح ،،،)
تنحنح طلال ودخل ،،،عيونه تدور بين البنات ،،،ما شافها
سارة تبتسم له ( طلال ما أنت مسلم ،،،)
ضحك طلال ( هلا ساره ،،،كيفك )
هيا تلفت تدور هند اللي كانت موجوده ( وين هند ،،،)
طلال مستغرب ( ليه هند موجوده من دخلت ما شفتها ،،،)
هند لما سمعت صوته انخشت ورا الثلاجه،،،
ساره وهنوف وسلمان شافوها لما انخشت،،،وضحكوا
هنوف من ورا البنات محد يشوفها إلا طلال ،،،
تأشر له يعني ورا الثلاجه،،،
طلال يستعبط ( وين اللبن ،،،بوديه ،،،)
هيا ببراءه ( اللبن في الثلاجه إخذه ،،،تراه جاهز )
هند غمضت عيونها ،،،لا يا رب ما يجي ،،،
ساره تبي تنقذ هند ( لحظه طلال ،،،أنا أجيبه لك )
طلال يمسكها مبتسم ( لا والله ما تجيبينه ،،،ارتاحي )
فتح الثلاجه ونزل راسه ياخذ اللبن ،،،وهم ما يشوفونه ،،،التفت ورا الثلاجه،،،
واشر لها باصبعه يعني اطلعي ،،،صار وجها أحمر وهزت راسها بلا ،،، ابتسم لها وعطاها بوسه في الهوا ،،، غطت وجها بيديها وصارت ترجف،،،ضحك طلال
رفع راسه ،،،وسكر الثلاجه
سلمان مكتف يدينه ( طلال وين اللبن ،،،مهوب في الثلاجه)
طلال يناظر يديه وارتبك ( هاه ،،،إيه ،،،ما أدري )
هنوف ومضاوي ضحكوا بصوت عالي
هيا ما تدري عن شي ( وش فيكم ،،،وجع )
هنوف تضحك ( اشفيك طلال جنك شايف جني )
طلال يضحك ( أحلى جني ،،،)
سلمان يضرب راسه ( صوم صوم ،،،)
ساره ما تبي تحرج هند ،،،خذت السفرة وعطته طلال ( طلال اخذ وده بسرعه قبل يذن)
طلال ياخذه منها وهو لازال يضحك ،،،
هند ميته من الاحراج ،،،وتحلف في اختها ،،،اوريج يا هنيف
طلع طلال وسلمان وعزيز يودون الفطور للمجلس ،،، بعده طلعت هند من مخبأها ،،،
هيا مستغربه ( إنتي منين طالعه ،،،)
هند عيونها تدمع ووجها أحمر ،،، محتره من اختها( إنتي متى توبين من حركاتج ،،،)
هنوف ورا عمتها ساره ( آسفه والله آسفه )
هند بعصبيه ( آسفه ،،،كل مره تقولين جذيه ،،،وبعدين يعني )
ساره تضحك ( خلاص هالمره في وجهي والمره الجايه اذبحيها )
هنوف راحت تحب راس اختها ( المره الجايه بتكون أسهل ان شاء الله )
هند تجلس وتحط يدينها على راسها ( يا ويلي من المره الجايه ،،،والله بتموتني ناقصه عمر)
ضحكوا البنات ،،، وراحوا يجهزون الفطور للحريم
*********************
في كاليفورنيا
نواف يفطر مع ربعه الطلبه السعوديين ،،،
مساعد يصب الشوربه ،،،( من يبي شوربه ،،)
نواف يقدم صحنه ( شوي ،،،لا تكثر ،،،)
أسامه يستفسر ( من اللي مسويها ،،،)
مساعد بفخر ( أنا بلا فخر ،،،طول ما أنا في السعوديه وأنا أتعلمها ،،،يالله ضبطتها )
نواف عاجبته ( ما شاء الله عليك ،،،علمني كيف )
مساعد أعز أصدقاء نواف وأقرب واحد له ،،،(ليه أعلمك ،،،ما يحتاج ،،طول ما حنا هنا أنا اللي بعملها لكم ،،،)
نواف يضحك ( عشان أذوقها المدام إذا أعرست ،،،)
كلهم مع بعض (هاااااااااااااااااااااااااااااااه)
نواف يكمل ضحك ( باسم الله وش فيكم ،،، الحياه تعاون )
مساعد يضحك ( خلاص بعلمك كل الطبخات اللي أعرفها ،،،دام ان الحياه تعاون)
أسامه مستمر بالضحك (إيه،،، هين ،، متعاونين )
بعد ما كملوا فطورهم ،،،كل واحد راح في صوب
مساعد نام بعد الفطور لانه دايخ
أسامه يكتب له بحث ،،،
ونواف مسك اللاب توب يبي يشبك مع طلال وإلا مضاوي ،،،
***************************
مضاوي جالسه مع هند وهنوف في جناحهم ،،،ومشغلين النت
من صادق إحساسـي أحبـك وأحبـك *من حافة اقدامي الى هامة الرأس
هنوف مستغربه ( حلو البيت هذا ،،،لمنو )
مضاوي مبتسمه ( هذا أخوي نواف ،،،)واكتبت وارسلته
بنت الرجال اللي على العز ضارين
( هلا هلا هلا هلا هلا والله والله والله ) هنوف تضحك عليها ( اشحقه هذا كله)
من صادق إحساسـي أحبـك وأحبـك *من حافة اقدامي الى هامة الرأس
ههههههههههههههه هلا فيك ،،،وش أخباركم
بنت الرجال اللي على العز ضارين
الحمد لله ،،،مو ناقصنا إلا شوفتك ،،،ولازلنا يا أخي العزيز في المزرعه
من صادق إحساسـي أحبـك وأحبـك *من حافة اقدامي الى هامة الرأس
كيف حال جدي وأبوي وأمي
هنوف في نفسها مالت عليه ما سأل عن أبوي
بنت الرجال اللي على العز ضارين
ابشرك ،،، طيبين وبخير ،،،وفرحانين
من صادق إحساسـي أحبـك وأحبـك *من حافة اقدامي الى هامة الرأس
بأحلفك بالله تجاوبيني بصراحه
مضاوي وهنوف خافوا ( وش أجاوبه عليه )
هنوف مستغربه ( ما أدري ،،،بس شوفي وش يبي )
مضاوي محتاره ( يعني أحلف له )
هنوف ( هو فيه شي صاير )
مضاوي تذكر ( لا )
هنوف ( خلاص احلفي ،،،)
بنت الرجال اللي على العز ضارين
والله لجاوبك بصراحه ،،،تراك خوفتني
من صادق إحساسـي أحبـك وأحبـك *من حافة اقدامي الى هامة الرأس
أبوي متعب يصوم ،،،؟
التفتت مضاوي على هنوف ،،،(يصوم،،؟)
هنوف مستغربه ( إيه اسم الله على أبوي ،،،حتى موقتين علاجه مع الفطور والسحور)
مضاوي فرحانه
بنت الرجال اللي على العز ضارين
والله يصوم ،،،وهنوف عندي تقول ان علاجه موقتينه على الفطور والسحور ،،،
ابتسم لأنها موجوده وكتب
من صادق إحساسـي أحبـك وأحبـك *من حافة اقدامي الى هامة الرأس
الحمد لله ،،،والله خايف عليه واحاتيه،،،كيفك هنوف
هنوف تحسفت انها ظنت فيه ظن السوء
(قولي له طيبه وبخير)
سمعوا صوت أم طلال تنادي مضاوي
مضاوي قامت ( ردي عليه ،،،بجي بسرعه)
هنوف (شقول له )
مضاوي مستعجله ( لا تقولين شي ردي بس ،،،)
هنوف تضحك عليها ( الحمدلله والشكر،،،)
من صادق إحساسـي أحبـك وأحبـك *من حافة اقدامي الى هامة الرأس
وينكم ،،،وش فيكم ما تردون ،،،
بنت الرجال اللي على العز ضارين
هلا نواف ،،،شلونك،،،
نواف داخ وحب يتأكد
من صادق إحساسـي أحبـك وأحبـك *من حافة اقدامي الى هامة الرأس
هلا والله ،،،إنت هند وإلا هنوف
بنت الرجال اللي على العز ضارين
هنوف يا الحرامي ،هههههههههه
نواف آآآآآآآآآآآآآآآآآآه يا حلو الاسم
من صادق إحساسـي أحبـك وأحبـك *من حافة اقدامي الى هامة الرأس
ههههههههههه،،،ألحين تأكدت إنك هنوف
بنت الرجال اللي على العز ظارين
نواف ،،،مضاوي نادتها عمتي وبتجي ألحين
نواف حس انها تبي تهرب
من صادق إحساسـي أحبـك وأحبـك *من حافة اقدامي الى هامة الرأس
ما يخالف،،،لحظه بسألك
طرى عليه شي
هنوف مستغربه
بنت الرجال اللي على العز ظارين
تفضل
من صادق إحساسـي أحبـك وأحبـك *من حافة اقدامي الى هامة الرأس
وش أنت مسويه في طلال وهند،،،حرام عليك
ضحكت هنوف
بنت الرجال اللي على العز ظارين
ههههههههههه،،،أحسن ،،،مملين لازم حياتهم يكون فيها شوي أكشن
لا وبشرك ما شافوا شي ليما ألحين ،،،
نواف يضحك يا حلو الاكشن اللي منك،،،متى يصير في حياتي أكشن
من صادق إحساسـي أحبـك وأحبـك *من حافة اقدامي الى هامة الرأس
هههههههههههه ،،،أكشن مره وحده ،،،خفي عليهم شوي
هنوف تنهد
بنت الرجال اللي على العز ظارين
حسافه برجع الكويت ،،،بس دامني موجوده بخرب عليهم
مملين لازم يكون فيه ذكريات حلوه أيام الملجه
دخل مساعد على نواف ( وش فيك صوت ضحكك ما خلاني أنام )
نواف والسعاده في وجهه ( والله إني أحبك يا مساعد هههههههههههه)
مساعد فاتح عيونه على الاخر ( ما أنت بصاحي ،،)ويلمس راسه (مصخن أنت )
نواف يضحك بصوت عالي ( لا في حلم حلو ،،،)
ضحك عليه مساعد وراح لما شافه في عالم آخر
من صادق إحساسـي أحبـك وأحبـك *من حافة اقدامي الى هامة الرأس
هههههههههههه،،،لا تخلينهم
هنوف حست إنها مصختها بالسوالف معه
بنت الرجال اللي على العز ظارين
نواف ،،،ينادوني ،،،تامر على شي
نواف ضاق صدره،،،ومتأكد إن محد يناديها
من صادق إحساسـي أحبـك وأحبـك *من حافة اقدامي الى هامة الرأس
سلامتك ،،،هنوف احلفك بالله إذا تبين شي من امريكا تقولين تراك مثل مضاوي وهيا
لا تستحين واخذي ايميلي ألحين سجليه عندك
هنوف فرحت لما تخيلت انه اخوها
بنت الرجال اللي على العز ظارين
مشكور نواف ،،،ما بي شي والله ،،،وإذا بغيت شي ما راح اتردد
وباخذ ايميلك ،،،الله يعينك على طلباتي ههههههههه
من صادق إحساسـي أحبـك وأحبـك *من حافة اقدامي الى هامة الرأس
هههههههه الله يعيني ،،، تراني حافي لا تصدقين
بنت الرجال اللي على العز ظارين
والله محد قالك تمدح ،،،انت اللي خربت على نفسك
من صادق إحساسـي أحبـك وأحبـك *من حافة اقدامي الى هامة الرأس
لااااااااااااااااا،،،خلاص سحبتها ،،انسي اني قلت لك آمري
بنت الرجال اللي على العز ظارين
ههههههههههه،،،يالله نواف مع السلامه
من صادق إحساسـي أحبـك وأحبـك *من حافة اقدامي الى هامة الرأس
مع السلامه
وغمض عيونه،،،وراح في عالم آخر
مساعد يهزه (هيييييييييييييه ،،،أنت فيك شي اليوم )
نواف ولازال مغمض عيونه (آآآآآآآآآآآآآآآآآآآآه يا مساعد يا حلو الحب )
وغنى بصوته الشجي
تدلل علينا يا سمي الظبي وش عـاد
تدلل ..ولك بأمر الهوى شافع عندي
ولك في خيال الشاعر المهتوي ميعاد
ومجلس على غيمة وليلة قمر نجدي
أسافر معك لبلاد وأنزل معك في بلاد
ومن غيمة لغيمة ولا للسماء حـدي
رسمتك ضحوك الفجر يا فرحة الأعياد
ولمعة شعاع ينغمس في نـدى وردي
وغنيت بك صوت بقلب الهوى ميـلاد
ونغمة غرام ذاب في لحنهـا وجـدي
أشوفك مطر هتان لا بـرق لا رعـاد
من الوسم يبعث بالصحارى زهر ودي
أحبك وصل وبعاد وأحبك رضى وعناد
ولا يختلف وعدي ولا ينتقض عهـدي
مساعد يهز راسه (لااااااااا،،،حالتك مستعصيه )
************************
|
20-04-10, 04:42 AM
العرض العادي
