كاتب الموضوع :
سر الخلود
المنتدى :
القصص المكتمله
والله لجيب راسك للكاتبة الجوري / منقولة
(( الجزء الرابع ))
حمد : الو ..الو
دانه : خير
حمد: الخير بوجهك
دانه : خلصني ليه داق علي ومن وين جبت رقمي
حمد: من وين جبته هذي مصادري الخاصه اما ليه داق والله حسيت اني زهقان قلت اتسلى معك
دانه : احترم نفسك احسن لك وانا مو من الصايعات الي تتسلى ابهم سامع
حمد : ههههههههه تحمدين ربك عطيتك وجه بس
دانه : وعلى ايش ياحظي من الحلا ولا من صغرك شايب ومعيل ويغازل
حمد : هالشايب الي مو عاجبك بيصير زوجك ياماما
دانه "يمه شيقول ذا ": احلم انا اتزوجك انت لو مابقى رجال بالدنيا الاانت ماخذيتك تسمع
حمد: واذا تزوجتك
دانه وانا اعصبي وصلت حدها : ماتقدر تدري ليه لاني مخطوبه لولد خالتي يعني مالك نصيب عندنا
حمد: اممم ولد خالك يعني مو لد عمك اقدر افركش الخطوبه
دانه خفت من ثقته بنفسه : ماتقدر
حمد: شوفي انا اذا حطيت الشئ ببالي اسويه ومايهمني احد سامعه وهذاني اقول لك بعد شهر من الحين بتصيرين زوجتي وقولي حمد ماقال يلا سلام
سكر من غير مايسمع ردها ونزل من سيارته ودخل عمارته ودخل على شقته
رشا :هلا بحبيبي وبروحي انا
حمد :هلا فيك
رشا بدلع: تاخرت
حمد : رشا انتي عارفه ظروفي ومايحتاج اعيد
رشا: طيب تعشيت
حمد يجلس على الكنبه : لا حطي لي
رشا : بتنام هنا الليله
حمد بنظرة تفحص: تبيني انام
رشا تجلس جنبه : اكيد ابيك تنام الليله هنا حبيبي والله اشتقت لك
حمد يحوط خصرها : وانا اشتقت بعد
قام وشالها وتوجه للغرفة رشا: حبيبي العشاء
حمد يعض على شفته : لاحقين عليه خلينا بالاهم
دخل الغرفه وطفى النور ...........................
حمد ينشف راسه من المويه : يلا رشروش بلا كسل قومي حطي لي شئ اكله
رشا تقوم وتلبس الروب : من عيوني حبيبي
راحت المطبخ وحطت الاكل على طاوله الطعام : يلا حبيبي تعال
حمد يجلس على الكرسي : ياسلام وش ذا الحركات
رشا : ذوق وان شاءالله يعجبك
بعد العشاء جلسوا يتقههون بالصاله
رشا : حمد
حمد : هلا
رشا بتردد : حبيبي انت متى راح تعلن زواجنا
حمد رفع حاجبه : وليه انا قلت لك بعلنه
رشا : لا بس مو انت تحبني
حمد :ايه طيب وبعدين
رشا: وانا احبك بعد وابي يجمعنا طفل حبيبي والطفل اذا جاى لازم تعلن عن زواجنا
حمد من غير مايطالعها : شوفي يابنت الناس على مااظن اني لماتزوجتك قلت لك عن شروطي وانه بيكون على طول مسيار وانتي قبلتي وقلت لك مافي اطفال وقبلتي والحين تغيرت النيا
رشا بصوت باكي : افهمني حبيبي انا كبرت والعمر يمر من غير ماننتبه واخاف كل ماتقدم فيني العمر مااقدر بعدين اجيب عيال ومع الموانع يتاخر اكثر
حمد : ومن طلب منك تجيبين عيال
رشا : يعني انت ماتبي
حمد : ايه ماابي انا ماتزوجتك الا عشان انبسط واريح بالي مو عشان اغث نفسي
رشا : وانا مافكرت فيني
حمد : وانت شفيك هذا انتي معززة وكل حاجة تبينها تجيك
رشا : يعني ماراح تعلن زواجنا ابد
حمد: ابد
رشا : طيب وبعدين ايش راح يصير
حمد : يعتمد عليك وعلى شطارتك
رشا : شلون
حمد بخبث: والله اذا مليت منك راح اطلقك وانتي بشطارتك ماتخليني امل
رشا : يعني انت ماخذني تسليه بس
حمد :شاطرة هذا انتي عرفتي بنفسك
وقام عنها متوجه للغرفة : انا ابي انام الحين وماابي ازعاج سامعه
دانه : وجع كان مارديتي من زمان وانا ادق عليك
ريهام : مو جنبي الجوال اول ماشفت المس كول دقيت
دانه : لحقي علي
ريهام : دانه خوفتيني شصاير
دانه : التبن دق على
ريهام :أي واحد
دانه : أي واحد بعد انتي وش شايفتني
ريهام : كلمه وبالغلط اطلعت شسوي
دانه : المهم التبن الي بالمزرعه داق ويهدد بعد يقول بيتزوجني عصب عني
ريهام : وانتي مصدقه يخوفك بس
دانه : لا مو تخويف هو جاد وواثق وهو يقول
ريهام : طيب اذا تقدم رفضيه عادي
دانه : اخاف اهلي يقولون ليه لان معروف عندهم انه والنعم فيه مايدرون عن بلاويه
افف انا وش الي خلاني اروح لمزرعتهم والله كان قلبي ناغزني
ريهام : ياقلبي تركي عنك وهو مجرد كلام صدقيني لاتهتمين منه بس
دانه : مدري ياريهام
ريهام :تعوذي من ابليس وروحي اقري لك قران يهدي بالك وانسيه طيب
دانه : طيب يلا باي
مر اسبوع على الموضوع ونسيته بسبب الامتحانات وهمهم
بالاستراحه
احمد: ها بوحمني في زواجه جديده
حمد : لا لحد الحين مافي بس شكلي بسويها بطلق واحده من الاربع واخذ غيرها
احمد : الي شغلت بالك
حمد: تدري ليه شغلتني
احمد ينسدح : ليه
حمد : لانها اول حرمه تمد ايدها علي
احمد فز من مكانه : مدت ايدها
حمد يتحسس خده : ايه عشان كذا والله لاجيب راسها وانا حمد
احمد: بس شلون مااظن اهلها بيرضون تتزوجها مسيار
حمد: لا مو مسيار زواج زواج
احمد: من صدقك
حمد: ايه ليه لا بنت حلوه وصغيرة
احمد: يعني الي خذتهم مو حلوين
حمد: لا حلوين بس مو صغار بالعمر اعمارهم مقاربه لي وغير كذا هم بنات فقر اهلهم بايعينهم وهي مو مثلهم يعني طريقي الوحيد اتزوجها
احمد: وبعدين
حمد: لحد ماامل منها واكسر راسها واطلقها واذا قالوا ليه بقول ماارتحت لها
احمد: انت داهيه داهيه يارجال
حمد :هههههههههههههههههههههههههههه
دانه : وعليكم السلام
اسماء : اخبارك
دانه : بخير يوم سمعت صوتك وانتي علومك
اسماء: بخير
وجلسوا سوالف وضحك
اسماء بتردد: دانه بسالك
دانه : تفضلي
اسماء : شوفي انتي بنت ناس والنعم فيك والصراحه امي انعجبت فيك وتبي تخطبك
دانه "يمه هذا الي ماابيه ياربي ": والله ياسماء انا اتشرف بس الصراحه انا ماافكر بالزواج الحين
اسماء : والله يادانه ان اخوي حمد مافي احسن منه ومااقول هالكلام لانه اخوي صدقيني
دانه "ايه باين مافي احسن منه كثري منها بس : والله عذريني بكون صريحه معك واتمنى ماتزعلين مني
اسماء : تفضلي ياقلبي
دانه : شوفي الصراحه انا لما ابي اتزوج ابي اتزوج واحد سنه مقارب لعمري طيب ويكون ماتزوج قبلي
اسماء : على راحتك ياعمري
دانه : اسوم لايكون زعلتي
اسماء : لا والله وبعدين الزواج قسمه ونصيب
دانه : طيب اخليك الحين واشوفك بكرة بالجامعة
اسماء : ان شاءالله باي
حمد: ها وش قالت
اسماء : البنت رفضت بس مو عيبا فيك بس اقنعتني برايها
حمد بستهزاء : الي هو
اسماء : تقول انها تبي تتزوج من واحد مقارب من عمرها ويكون واحد ماسبق له الزواج
حمد بحده: ويعني شايفتني كبر ابوها وش فيه عمري
اسماء : حمد لاتعصب وبعدين الزواج قسمه ونصيب
حمد: لا هاذي مصدقه نفسها اجل ذي ترفضني انا اوريها
اسماء : حمد ايش بتسوي
حمد طلع جواله : الو السلام عليكم
ابو عبدالمحسن : وعليكم السلام
حمد : هلايبه شخبارك
ابو عبدالمحسن : بخير
حمد: مشغول
ابو عبدالمجسن : لا تبي شئ
حمد: أي يبه ابي اخطب
ابو عبدالمحسن بفرحه : وهاذي الساعة المباركه ياولدي
حمد: أي يبه وابي اخطب بنت صديقك ابو عماد
ابو عبدالمحسن : والنعم زين مااخترت بكره ان شاءالله نخلي الحريم يرحون يشوفونها لك
حمد: لا مايحتاج نروح نخطب على طول وبعدين انا واثق من ذوق اسوم وابيك تكلمه اليوم
ابو عبدالمحسن : ليه العجله يبا
حمد: اخاف اغيير راي وبعدين خير البر عاجله
ابو عبدالمحسن : الله يكتب الي فيه الخير
بعد مرور يومين
دانه : نعم بغيت شئ
ابوعماد : تعالي يابنتي
دانه تجلس مقابله لابوها : نعم
ابو عماد : يابنتي في ناس متقدمين لك والنعم فيهم عاد انا حبيت اقولك
دانه يارب يكون عادل يارب يكون عادل :...................
ابو عماد : ابيك تفكرين عدل وتعطيني رايك وهو الصراحه رجال ماينعاب بس تراه ارمل وعنده ولد
دانه "كان مويه بارده انكبت علي ":..............
ابو عماد: هو حمد عبدالرحمن الـ....لاتفكرين انه ارمل ومو زين لا يابنتي الرجال مايعيبه شئ ومايعيبه الا جيبه وهو الحمدالله رجال مقتدر والكل يشهد باخلاقه
دانه :.....................
ابو عماد : يلا ابيك تفكرين عدل وبعد يومين عطيني رايك
على طول قمت بسرعة لغرفتي وقفلت الباب على وبديت بنوبة بكى "لا ياربي ماابيه مو معقول ابوي بيغصبني عليه لا مو معقول "ونمت من التعب ولا صحيت الاعلى صوت جوالي بنغمة رسايل وفتحته "اكيد طايره من الفرح لاني خطبتك صح وانتي تطولين المهم ان فكرتي ترفضين ترا انتي واهلك الخسرانين سامعه وقد اعذر من انذر وبكرة بعطيك قرصة صغيرة عشان اثبت كلامي "رميت الجوال من القهر ياربي ايش ناوي ذا بس انا ماابيه مارتحت له وانا احب عادل وبنيت كل احلامي معه ليه ياربي "
)) الجزء الخامس ((
بندر دخل معصب : السلام
عماد: وعليكم السلام شفيك شايل الدنيا على راسك
بندر: اليوم المدير مهزئني ويقول اني متسيب بالشغل
عماد: محد قالك ليه ماتنتبه
بندر: اكثر من كذا يعني اذبح عمري والله حتى الوظفين استغربوا لاني منتظم بعملي
عماد : اجل ليه سوا كذا
بندر: مدري ويقول عندي فرصة لبكر ولا بيفصلني من الشغل
دانه "ياربي لايكون هاذي القرصه الي يقصدها "وقمت لغرفتي الا اشوف فيه مسج وفتحته
"ها وصل اخوك شفتي ايش اقدر اسوي الليله ان ماسمعت من ابوي انك موافقه لا تلومين الانفسك اخوك الثاني وابوك بيلحقونه سامعه "
دانه بكيت قهر وخوف ايش الي طايحني بطريقه ياربي مين اشكي له حالي غيرك يارب بعده
عن طريقي يارب ااااااه شسوي شسوي انا ماابيه بس ابوي واخواني ايش ذنبهم بالي يصير
وخواتي لا انا لازم اشوف لي حل اخذت جوال ودقيت عليه :..........
حمد: هلا والله الحلو داق علي
دانه وانا صوتي كله بكى : انت شتبي مني ها
حمد: قلت لك ابيك
دانه : وانا ماابيك روح دور لك على غيري
حمد: والله بدور بس انت ماخذك ماخذك
دانه : ليه طيب تاخذ واحده ماتبيك وتحب غيرك
حمد بحده : كلي تبن تحبين غيري شوفي الحين اقولك بتوافقين ولا مكالمه واحده ابوك واخوانك عاطلين عن العمل سامعه
دانه انهرت خلاص مو قادرة اتحمل : ليه طيب ليه تسوي كذا
حمد: مززززاج انتي دخلتي مزاجي وعجبتيني وخلصي الحين موافقه ولا ادق
دانه :......................
حمد بحده: خلصي ماني فاضي لك
دانه: م موافقه
حمد: شاطرة يلا روحي لابوك وقولي له
بعد اسبوع سوينا التحاليل ومن حظي النحس طلعنا مناسبين والليله الملكة الليله راح اكون ملكه زوجته
ريهام : خلاص يادانه قطعتي قلبي
دانه تشاهق : ماني قادرة اتخيل اني اكون زوجه لغير عادل وياليت بعد لانسان كفو او احسن منه
ريهام : حبيبتي استهدي بالله وهذا نصيبك وارضي فيه خلاص انتي زوجته الحين
دانه رميت نفسي بحضنها : مو قادرة ياريهام مو قادرة
ريهام تحضني : سمعيني كويس انتي لازم ترضين بنصيبك وتبدين تهيئين نفسك انك صرت زوجته وحاولي قد ماتقدرين انك تكونين الزوجه الصالحه ومع الايام ان شاءالله بتحبينه وبتنسين عادل وبعدين حمد رجال والنعم منه عيبه انه عينه زايغه وحمدي ربك انه جاك بالحلال ولا بالحرام بالعكس على حركته البايخة الا انه مالعب عليك وانتي بذكائك تقدرين تعلقينه فيك وتخلينه يتعلق فيك اكثر
دانه : تتوقعين اقدر احبه
ريهام: متاكده وغير كذا تراه وسيم مره واذا على العمر ترا الرجال بالسن هذا يدلعون حريمهم كثير
دانه……. :
ريهام : يلا حبيبتي قومي غسلي وجهك واقري لك الاذكار والمعوذات وادعي الله انه يوفقك ويكتب لك الخير والصالح
قمت وغسلت وجهي واستعديت وطلعت للكوفيرة عشان تزيني وعلى الساعة تسع خلصت ورحت للبيت لانه بيسون حفله صغيرة
منى تسلم علي : الف مبروك حبيبتي
دانه : الله يبارك فيك وعقبالك ان شاءالله
منى :امييييييييين
هنادي : بس يامفجوعه فشلتينا
منى : جات هادمة اللذات والفرحه
هنادي بغيض : حمدي ربك انه احنا بين الناس ولا كان بيصير لي تصرف ثاني معك
ام عبدالمحسن : الف مبروك يابنتي
دانه بخجل : الله يبارك فيك ياامي
ام عبدالمحسن : الله يوفقك ويسعدك ان شاءالله
اسماء : ياربي تجننين الف مبروك حياتي
دانه : الله يبارك فيك
سهام: والله اخوي بيتخبل عليك اليوم مااظنه بيطلع من عندكم الليله
دانه :.............
اسماء : بس احرجتي البنت
ام عماد : يلا ياسماء بلغي اخوك عشان يدخل
اسماء : ان شاءالله
دانه " رجع الخوف يتملكني من جديد بس راح احاول قد مااقدر اني اتقبل حياتي الجديده "تهت بعالمي وتفكيري ومانتبهت الا وهو واقف بوجهي ويبوس جيبيني
حمد "ابهرني شكلها وجذبني حيل وكان ودي باللحظة هاذي انا نكون لوحدنا
ااخ بس "وعض على شفته :مبروك عليك حمد
دانه رفعت وجهي وارتبكت لما شفت نظراته ونزلته بسرعه : الله يبارك فيك
مسك ايدي بقوة وحاولت افلت ايدي منه بس ماقدرت وهو يسلم على اهله ويباركون له وكل شوي يناظرني بنظرات ينتفض جسمي منها بعدها لبسني الشبكه وكانت طقم الماس ناعم وحلو والدبله كانت عبارة عن خاتم الماس بعد وحسيت وهويلبسني بانه يقول
"ماكنت تحلمين انك تلبسينهم بسبب الفرق الي بينا وبينهم باين عليه انه مريش اما حنا
الحمدالله مستوانا المعيشي حلو بالوسط لا احنا من الاغنياء ولا من الفقراء "
قطعنا الكيك واكلني واكلته وطول الوقت اتحشى اناظر عيونه من خوفي منه وبعدها جات اللحظة الي كنت خايفه منها ان نكون لوحدنا قلبي كان بيوقف من الخوف وقفنا ومسك ايدي وتوجهنا للمجلس وانا جالسه اقرا الايات الي حافظتها وادعي ربي انه يهديني ويخفف من خوفي وقف مقابلني وحسيت بايده ترفع وجهي انفجعت منه ومن جرائته لما سحب الشال مني كنت لابسه فستان ذهبي عاري من الكتوف ومخصر عند الصدر والخصر وبعدها يوسع اما شعري سويته مرول ومفتوح وحاطه على الجنب اكسسوار ذهبي
حمد: اعتقد انه مايحتاج الشال هذا
دانه جمدت مكاني احس اني شوي وبيغمى على ووجهي قلب مية لون :............
حمد "جميله وجمالها مامر علي من قبل على كثر الحريم الي قابلتهم ولا واحده فيهم جذبتني مثل ماجذبتني مع شكلها الطفولي وخوفها ورجفتها بعد مامر علي من قبل ":ناظريني
دانه "ياربي ماني قادرة ارفع نظري له ":....................
حمد: دانه ناظريني
دانه "ياربي اسمي له رنه غريبه بصوته صوته اسرني ":............
حمد بشويه حده : نااظرييني
دانه خفت ورفعت وجهي بسرعه له وكانت عيوني تلمع بسبب تجمع الدموع فيها :..........
حمد حوطني من خصري وقربني له : ليه ترجفين كذا
دانه وجهي قلب احمر من الخجل ومن جرائته "ياربي هذا مايقدر اني استحي ":.........
حمد : خايفه
دانه :...............
حمد: لايكون قلبتي طرمه وانا مدري وين لسانك راح
دانه :.................
حمد مسكني من ايدي وسحبني معه وجلس على الكنبه وجلسني جنبه وحوطني من خصري
وصرت اشوي وابجلس بحضنه من قربي منه : دانه
دانه وصوتي احسه راح : ن نعم
حمد: نعم الله عليك واخيرا نطقتي رفعي وجهك بتطولين كذا
دانه : ممكن تبعد شوي
حمد: ليه انا مرتاح كذا
دانه : الله يخليك بس شوي
حمد : ليه لايكون مو طايقتني ولا مجروب
دانه : لا بس
حمد: بس ايش
دانه حاولت اني مااطالعه : لاني استحي زين
حمد بضحكه : ياقلبي على الي يستحون
دانه :.....................
حمد رفع وجهي : سمعي ماله داعي الخجل انا زوجك الحين "وبغمزة"وهذا شوي من الي بيصير وتستحين اجل لو صار الاعظم وش بتسوين
دانه قلبي بيطلع من مكانه "ياربي جريييء ":.........
حمد: طيب بعديها هالمرة بس بعدين تحملي الي بيجيك
دانه خفت وعلى طول رفعت نظري له :..............
حمد : ههههه أي تحملي لان انا الصراحه الخجل يجذبني ومااقدر امسك نفسي اخاف اتهور بعدين
دانه "ووجع ان شاءالله يعني شيبيني اسوي غصب عني استحي": حمممد
حمد بصوت رايق : عيونه
دانه بلعت ريقي : الله يخليك خف شوي علي
حمد: هههههههههههههههههههه
دانه خلاص احس اني بختنق وبديت اصيح : الله يخليك لاتسوي فيني كذا
حمد مسح دموعي بيديه "والله انها طفله هالبنت ": خلاص خلاص لاتصيحين بعدين يخرب مكياجك
دانه :.....................
بعد فترة هديت وعطاني عصير اشربه :هديتي الحين
دانه هزيت راسي بمعنى ايه :...............
حمد: ااه
دانه :شفيك
حمد: عيني شكله دخل حاجه فيها شوفيها لي
دانه قربت عشان اشوف ايش فيها : ما......
مانتبهت الا وانا بحضنه وهو بجراءه باسني جسمي صار قطعه ثلج وحاولت افلت منه بس ماقدرت وكل ماحاولت هو يشد اكثر مالقيت الا اني استسلم لحضنه بس الحمدالله انطق الباب وقلت والله لااعطيه الي يبي هالي طق الباب وانقذني
حمد بقهر : الله يلع..مين ثقيل هالطينه
اسماء بعد مادخلت : ممكن ندخل
حمد بقهر : لا ظفي وجهك
اسماء : ومصدق نفسك بستاذن منك اقول يلا بس طولتها قوم
حمد : وانتي وش يخصك رجال وحرمته جالسين ليه قاطه وجههك تقلعي اقول
اسماء جات واجلست بيني وبينه اظنها حست بنظرتي لها وانا استنجد فيها : طلعه ماني طالع وهاذي جلسه
حمد: وطيب وش مجلسك هنا غلت الامكان تجلسين هنا
اسماء : والله مرت اخوي واشتقت لها وابي اجلس جنبها ولا تبيني اقوم دانه
دانه باندفاع : لا
اسماء: هههههههههههههههههههههههه
حمد طالعني بقهر : لا ها انا اوريك
وبحركه سريعه مسكني من ايدي وجرني وجلسني بحضنه حاولت اقوم ماقدرت وهو مطوقني بيديه
|
10-02-10, 04:00 PM
والله لجيب راسك للكاتبه الجوري / منقوله / كامله
جديد مواضيع قسم القصص المكتمله
العرض العادي
