كاتب الموضوع :
المجنون
المنتدى :
الاسرة والمجتمع
اقتباس :-
المشاركة الأصلية كتبت بواسطة وجه الصباح  |
يعطيك العافيه اخووي المجنون موضوعك شيق للغاية
ومفيد جداا للمتزوجين والمقبلين على الزواج.
راح اقول وجهة نظري في الموضوع
اذا وجد الحب بين الزوجين وجدت السعادة
لان الحب يللقي كل الحواجز يللقي كل القيوود
يصبح الرجل والمرأة شخص واحد روح وحده في جسدين
وانا اعني هنا الحب الروحي الحب البرئ الحب العذري
مو حب الجسد ولا المصالح .
الخلافات الزوجية لابد منها فااهيا البهارات للحياة الزوجيه
وياحلاة الرضا بعد الزعل .
اهم الشي ان الزعل مايطوول ولايستمر لازم واحد من الطرفين
يتنازل ويعتذر مو كل واحد يقول انا كرامتي ماتسمح لي اعتذر
مافيه كرامة في الحب .
الرجل بطبعه مايحب يعتذر يحس ان الاعتذار يقلل من هيبته
وكبريائه كرجل واغلب الرجال مايعتذرون بالكلام يعتذرون
بالافعال وهذا يكفي .مايحب الرجال يقول كل شوي ااسف
يحب يعتذر بفعل بتصرف يعني على المرأة تتقبل هالشي بصدر رحب
مو كل شوي تطلب منه يقول لها ااسف هذا غلط .
المرأة لما تغلط تعتذر عادة بالكلام مو بالافعال وهالشي يسعد
الرجل ويبهج قلبه .واذا ماتقدر المرأة تعتذر بالكلام واهيا تواجه الرجال تقدر
تكتب له رساله اعتذار تقدر ترسل له مسج اعتذار حتى بعد تكتب له ايميل وترسله له .
هناك عدة طرق للاعتذار اهم الشي الزعل مايطول .
الرجل مايحب لما تكون مشكلة بينه وبين زوجته ان الزوجه
ترفع صوتها عليه او تعصب وتغير ملامح وجهها في هالحالة
يحسها الرجال انها مو امرأة يحسها رجل وكل مايتذكر
عصبيتها يشمئز لان المرأة انثى رقيقه حساسه حتى في عصبيتها
لازم المرأة تراعي هالشي .اذا عصب الرجل افضل شي انها تسكت
لين يخلص كلامه ويفرق عصبيته وبعد مايهدى تجلس تناقشه بهدوء
وتعرف اسباب زعله وعصبيته .
الرجل يتعرض لضغوط خارجية ومشاكل في العمل ومسؤلياات كبيرة
لازم المرأة تتفهم هالشي مو اول مايجي من العمل بدل ماتستقبله
بابتسامه وبكلمة حلوة تستقبله بمشاكل البيت والاولاد وانها تعبانة
من الشغل في هالحالة الرجال وش يسوي مشاكل في العمل مشاكل في البيت
وين يروح وين يهرب في هالحالة الحياة بتتحول الى جحيم.
المرأة بعد تتعرض لضغوط شغل البيت وتربية الاولاد ومشاكلهم
يعني الرجال لازم يتفهم عصبيتهالازم يساعدها ويشي شوي
من الحمل والمسؤليه من عليها يعبر لها عن حبه وانه مقدر اللي
تسويه عشانه وعشان اولاده المرأة تكفيها كلمة حلوة تحس فيها ان زوجها
يهتم فيها وانه مقدر كل تعبها ومافيها شي اذا الزوج ساعد زوجته
في شغل البيت لاياخذون السالفه كشي جدي ياخذون السالفه كلعبه
يلعبونها مثلا ينظفون البيت مع بعض واهم يمزحون ويضحكون كأنهم
جالسين يلعبون مو كشي فرض وواجب يسوونه .
الحياة حلوة ليش نقضيها بمشاكل وهموم احنا اللي نخلق السعاده
واحنا بعد اللي نجلب التعاسه لانفسنا .
ليش ماتكون فيه جلسة مصارحه بين الزوجين وكل واحد يقوول
كل اللي عنده بكذا بتنحل كل المشاكل .
وزي ماقلت في البداية اذا وجد الحب انللقت كل الحواجز والحدود
ااسفه اطلت الحديث وكثرت هذرة زايده ترى فيه المزيد
بس مااحب اصدع رووسكم.
مشكووور اخووي المجنون وتسلم ايدينك
تحيااااتي
وجه الصباح/اللبؤة
|
الله يسعد صباحك ويرحم والدينا ووالديك
كلام جميل تحسه طالع من القلب كلام في محله يشرح النفوس ويبهج القلب
احب ان اضيف ان المشاكل الزوجيه تبدأ صغيره ثم ما تلبث ان تتطور وتكبر وخاصه اذا لم يتم استدراكها في حينه يعني خلال ساعات وحلها
بالطرق الي ذكرناها
واحب ااكد كمان على ما ذكرتيه من رفع صوت المرأة على زوجها بالصراخ
وما شابه فهذا الامر من اشد الاشياء التي تزعج الرجل
وين الحنيه وين العطف وين الانوثه وين العقل كل هذه الاشياء ينظر اليها الرجل ويحسهاويتمناها في زوجته وهو في اشد حالات الغضب
شكرا لكي وجه الصباح على الاضافه القيمه
كل مره اطيلي بالحديث وكثري من هذا النوع من الهذره
هههههه 
ربي يسعد ايامك ويحفظك ويسدد على الخير خطاك
برعاية الله
|
06-02-10, 06:16 AM
جديد مواضيع قسم الاسرة والمجتمع
العرض العادي
