اعذروني انا لالحين مو عارفه وش ارد لاني كل الي تقولونه فيه شي من الصحه وانتظروني وابي اقول كلمه مهما صار في الاجزاء والاحداث ثقوا فيني
انا اقراء الردود و يسعدني تواجدكم بس دراستي و وقتي مزحوم و ما اقدر الى اني انزل البارت و اقرا الردود ادعولي بالتوفيق
و بعد المرحلة اللي ابي اوصلها في القصة الى الحين ما وصلنا لها
و لما اوصلها راح تفهمون كل شيء و راح افضي نفسي بعدها و ارد عليكم

استلمووووا البارت


عدت الايام هند كانت ساكته كان ياسر يحاول يخرجها من مودها لكن هي تضحك ساعه وتسكت الباقي الكل لاحظ لكن هند الوحيده الي عارفه ايش الي قاعد يصيرلها كانت مشتاقه لواحد كل ما شافته دمها يفور وقلبها يدق اما عمها محمد فسافر في عصر ذاك اليوم اسيل حاولت تواسيني لكن لاحظت انها كانت مرتاحه لانها ما كانت مقتنعه مثل غيرها اما طلال فحاول يضحكني لكن انا ما كان لي خلق ويوم كانوا رايحين للمطار حضني لكن الحمدلله ما شافنا احد الا ياسر وريم وخواته الكل ضحك عليه شفته دمع وناظرني وشاورني قال _لا تنسيني ..ابتسمت
لهم من يوم تركونا ثلاث اسابيع كان البيت خالي من دونهم طبعا انا رجعت غرفتي الاسبوع الي فات لان ريم ما رضت اطلع من غرفتها الا لين تطمن علي من يوم دخلت غرفتي كانت ريحته موجوده في الغرفه ما قدرت حتى اتعطر عشان ريحته لا تروح لكنها في الاخير راحت كنت حاسده السرير لانه لمسه صرت زي المجنونه بس كل هذا كان في عقلي الباطني لان عقلي الواعي ما كان راضي لحد اليوم ما فتحت درج من ادراجي لاني كنت ادخل الغرفه عشان النوم بس
ريم دخلت غرفتي لقتني مستلقيه على السرير اناظر السقف
ريم _هند فوقي ..ناظرتها..انت فتشت وراه يمكن انه ترك شي
هند_لا مو معقول اصلا اهو ما جاب اشياء كثيره معه
ريم _كيفك اسمعي انزلي ابوي يبيك
هند _طيب
ريم اطلعت هند قعدت تناظر الكوميدينه وقررت انه تفتحها افتحتها لكن ما لقت شي اصلا كان واضح انه ما فتح الكوميدينه اصلا كان كل شي مثل ما تركته
فتحت الدرج الثاني ونفس الشي هند قامت عشان تروح لابوها وراحت للتسريحه تأخذ توكه تلف بها شعرها افتحت الدرج الاول ما لقت شي افتحت الثاني لقت التوكه قدامها خذتها وراحت تبي تطلع لكن في شي ردها وناظرت الدرج الي مفتوح بعيون كبيره كان فيه حاجتين الاولى عطره كان فيه عطر يعني مو مخلص كان العطر لنص الزجاجه امسكته هند بيد مرتجفه وشمته وغمضت عينها حسته انه جنبها وقريب وفتحت عينها وردت العطر مو مصدقه ولقت حنب العطر كرتون لعطر ثاني خذته وفتحته لقته
نفس عطره لكن للنساء هند ما فهمت قالت في نفسها ممكن انه كان شاريه هديه لغيري ونساه وردته متألمه ما كانت تبي ان افتراضها يكون صح وقعدت تناظر العطر وشافت شي ثاني مكتوب على الكرتون حق العطر كان مكتوب
TO HEND
هند قعدت تناظر الخط مو مصدقه ومن غير ما تحس قعدت تنط فرحانه
ريم _هند ايش فيك انجنيتي
هند تفشلت _لا ما فيه شي يله انروح لابوي تأخرت عليه
ريم كانت تقول بحماس_عرفت ايش يبي فيك يبي يسفرنا لجده الخميس والجمعه الجايين
هند_قولي والله ايش الي طراله
ريم _عشانك و......
هند فهمت ايش ريم تبي تقول _اه ليتني عرفت ان رفضي لوليد يعني السفره لجده والله اني محظوظه اروح الشرقيه وجده في شهر واحد
ريم _بس انت متى سافرت الشرقيه
هند ناظرت ريم بخوف _انا انا ما سافرت الشرقيه
ريم كانت فاتحه عينها على الاخير عرفت ان هند تكذب _كذابه من الي خذاك الشرقيه قولي لاروح اعلم عليك
هند _ريم تكفين وطي صوتك
ريم _اكيد محمد هو الي وداك النذل انا رايحه اخاصمه
هند_لا لا يا ريم مو محمد الي وداني الحقيقه سيف هو الي وداني
ريم تجمدت مكانها وناظرت هند مو مصدقه _انت ...وسيف. بس
هند_لا لا انا وهو وياسر وطلال
ريم _تعالي في اشياء كثيره انا ما ني بعارفتها
هند_لا ما في شي كل الي صار ان سيف كان يبي يأخذ طلال وياسر معه وتفشل يوم شافني لحالي فقالي يله معنا هذا الي صار ريم _اكيد يعني لا يكون في حب سري نشأ في هذه الايام القليله
هند؟_لا يا المتنبي لا حب ولا شي انا زي ما قلتلك بينا عداوه مالها سبب
ريم_ كيف جاتك الجرأه ورحتي معهم
هند_الحمد لله ما صار شي ريم لا تقولين لاحد تكفين
ريم_لا تخافين ..يله انروح لابوي
هند راحت لابوها وسوت نفسها زعلانه عشان لايغير رايه
ابو محمد_هلا بالغاليه
هند راحت لابوها وجلست بحضنه على الكنبه
ابو محمد_عرفت اني راح اوديكم لجده ..هند هزت راسها ..طيب ايش رايك انروح للشرقيه
هند_لا جده احسن
ابو محمد_هند انتوا متى عطلتكم الي بين الترمين
هند_بعد شهر
ابو محمد_انا مسويلكم فيها مفاجئه بس خليها تزبط
هند قربت لابوها _قلي وش هي حرام تخبي علي تعرفني ما انام اذا فيه شي ما اعرفه
ابو محمد _كل شي بوقته حلو
............................................................ .......
الكل كان جاهز عشان السفره كانوا راح يسافرون بسياره خالد هند كانت تقفل شنطتها وكان شعرها مغطي وجهها
ريم _يله اخلصي احنا في السياره
هند_يله
ريم _على فكره يا هند تري شعرك طولان
هند قعدت تناظر شعرها كان طولان شوي هند لاول مره تفرح عشان شعرها طول بس ما بينت لريم فرحتها
هند_يله بس انا ما لقيت بلوزتي الي عليها همتارو
ريم _من هو همتارو ذا
هند_الصوره الي على كمبيوتري
ريم_ذاك الدبدوب الي كنه انت
هند_احترمي نفسك
ريم _انا ما سبيتك والله شكله جنان عيونه نفس عيونك وبعدين لا ما شفت بلوزتك اخلصي علينا
هند طلعت من الغرفه وهي مستغربه وين حطت بلوزتها المفضله كانت بلوزه صفرا نص كم عليها صوره همتارو
سافروا وكانت الرحله جنان هند ماخلت مدينه العاب الا وراحتلها كانت تصارخ عشان تخرج القهر الي فيها جا يوم الجمعه وابو محمد تجهز للسفر لكن هند وياسر ما كانوا مستعدين نهائيا يرجعون الرياض وقعد ياسر يبوز وهند سوت نفسها زعلانه وانها رجعت لحالتها النفسيه اما ريم كانت راح تجلس مع خالد عشان اغراض العرسه
ابو محمد_انتوا ليه مبوزين
ياسر _يبه ما شبعنا
ابو محمد_بس فيه مشكله انا حالف ما اوديكم الاخميس وجمعه
ياسر _راح اصوم لك الثلاث الايام
هند_ولا خلنا نروح لابها البهيه (هند ما كانت متوقعه ان ابوها يوافق )
ابو محمد ناظر هند وقال _يله جهزوا نفسكم راح اخلي خالد ياخذنا لابها
هند وياسر ناظروا بعض منصدمين مو مصدقين ومن غير ما يحسون اركضوا وحضنوا بعض من الفرحه لانها وهو بذات سافروا لثلاث مدن في شهر واحد ..........................
............................................................ ....
في الطريق كانت هند مستانسه (هند تخاف من المرتفعات كثير )وكانوا على طريق العقبه
ياسر صاح صيحة حماس _هند شوفي الطير يطير جنبنا
هند ما استوعبت وناظرت لقت طيور وناظرت لتحت عرفت انها فوق جبل عالي ومن غير ما تحس صارخت _خالد وقف يـــــمه يمه وقعدت تبكي وتغطي عينها الكل كان قاعد يضحك
ابو محمد_في ذيك المراجيح ما خليتي لعبه والحين تبكين
هند_يبه تكفى وقفوا قلبي بيوقف
خالد _هند ايش رايك انزيد السرعه
هند وهي تصارخ _يمه لحقيني انتوا ايش فيكم تبون تدخلوني مستشفى المجانين
ريم وهي قايمه من النوم _هند لعنه ابي انام
هند_لعنه توقف حظك وتطيحه قولي امين (قلتلكم دعاويها مخيفه)
ومن غير مقدمات اغمي عليها
ريم صارخت وامها لكن ابو محمد قال خلوها
ام محمد_ايش فيك مغمى عليها
ابو محمد_صلي على النبي يا مره احسن لها تغوم ولا تشوف الي جاي
اما ياسر الي كان جالس جنب هند ورا كان يناظرها ومو قادر يتكلم من الخوف عليها وخذا راسها وحطه في حضنه
وصلوا لابها وفوقوا هند
هند ما كلمت احد منهم كانت معصبه بس تتكلم مع ياسر
خالد_ يله نأخذكم للمول
ريم _ايه تكفى يا خالد
خالد_يله يا هند
هند_لا ما ابي اروح مع امثالكم
ياسر _تكفين يا هند ما راح يخلوني اروح معهم اذا ما رحتي
خالد_تبين ياسر يروح تروحين
هند قامت والبست عبايتها من غير نفس (على فكره عباية هند راس تضحك... هي لابستها عشان تغيض ريم )
راحوا للمول ريم ما خلت شي الا واشترته
هند_انت ايه يا مجنونه خبيلك شوي من هاذي الفلوس ليومك الاسود (هند ملاحظه ان ريم من يوم جات اسيل وهي متغيره تشتري ببذخ وتصرف فلوسها كلها )
ريم_فكينا انتي واليوم الاسود ليه غيرنا يلعب بالفلوس لعب واحنا نخبي الميه كانها الف
هند ناظرت ريم نظرات استهجان _لا حول ولاقوه الا بالله
ياسر شاور هند_هند ابي عطر
هند تحب تشتري لياسر وهي الي تعطيه فلوش الفسحه من مكافئتها
هند_يله انروح لمحل العطور
ياسر _خالد بنروح للمحل الي قدام
خالد_روحوا
هند وياسر ادخلوا المحل وقعد ياسر يتخير اما هند فقعدت تناظره
اختار عطر الفارس هند كان مو عاجبها
هند_ياسر خذ عطر الفارس للبنات احلى
ياسر _بس انه للنساء
هند_ريحته ما تختلف
ياسر سمع كلامها عطته هند الفلوس عشان يحاسب وهو يحاسب شافت هند العطر الي لقته في غرفته (هند رفض عقلها انه يصدق ان العطر لها )
هند قالت لياسر اسئل عن هذاك العطر
ياسر _يا محمد هذاك العطر بكم
البائع _للرجال بألف وميه وللنساء الف وميتين بس راح نعمل الكم دسكاونت
هند افتحت فمها مو معقول العطر غالي
ياسر _لا مشكور
هند وياسر اخرجوا من المحل
............................................................ .......
بعد ما ارجعوا من السفره (هند وياسر وابوهم وامهم بس لان ريم وخالد رجعوا لجده)
ياسر دخل على هند في غرفتها كانت تذاكر
ياسر _هند انا جبت كرت شخن عشان اندق على طلال
هند_ياي تعرف اشتقتله موت
دقوا عليه وبعد اشوي اسمعوا صوته
طلال وهو يصارخ _ياسر
ياسر _ايه يالغبي شكلك ما تعرف ان في السعوديه شبكة اتصال
طلال_لا والله بس عشان النقل لبريطانيا
هند_طلول كيف بريطانيا
طلال قعد يصارخ مره ثانيه _هند اشتقتلك
هند_وانا بعد يالقاطع
طلال _وش القاطع هاذي
هند وياسر قعدوا يضحكون
ياسر _طلال لا تضيع الدروس الي عطيتك ياها
طلال _لا ما نسيت تعرفون لازم اتجون لبريطانيا
هند_انت الحين في اي مدينه في بريطانيا
طلال _انا الحين مو في بريطانيا انا في روما المدرسه مسوين جوله انا الحين عند سيف
هند قلبها اختبص وبطنها وجعها يوم سمعت اسمه
ياسر ناظر هند وقال _هنا ياخذونا لحديقة الحيوانات وهم ياخذونهم لروما
طلال _الو ياسر
ياسر _معك معك وكيف روما
طلال _ حلوه
هند_اسمع يا طلال البطاقه راح تخلص بنروح نشتري بطاقه جديده خسرتنا مالت على وجهك
طلال _ليه تشترون بطاقه جديده انتوا قفلوا وانا راح ادق عليكم
هند دايمن تنسى انهم اغنياء
ياسر _اذا يله مع السلامه
قفلوا وناظروا بعض وابتسموا بعد ثواني كان الجوال حق ياسر يدق
ياسر _اهلين
طلال _انا ابي اشوفكم عندكم نت
ياسر _ايه بس اخواني ما يسمحون لنا ان حن نفتحه
طلال _كالعاده في اخر الليل
ياسر _لا والله وصرت رفيق سوء
طلال _يله تكفون ابي اشوفكم
هند_طيب بعد خمس ساعات افتح النت
طلال قعد يكلم احد عنده كان يقول ..اكلم ياسر وهند..بعد اشوي راح اجي
طلال _ها هند ما سمعت وش قلت
هند_من الي كان يكلمك
طلال _سيف كان يبيني اروح معه للشركه
ياسر _ليه
طلال _بس كذا عشان لا اجلس لحالي
هند _انا قلت راح ندخل النت بعد خمس ساعات الحين الساعه عشر الليل بنكلمك على الساعه ثلاث يله باي
طلال _اوكيه يله باي
راحت هند وخلت ياسر وطلال مع بعض هند كانت تفكر انها خلاص عرفت انها تحبه ولا ليه كل ما شافته او سمعت صوته تحس ان الجو ما فيه هوا
اما طلال بعد ما قفل الجوال لقى سيف مستند على الباب
سيف _ايش اخبارهم
طلال _بخير ياسر دخل نادي للكوره وسافروا لجده وابها
سيف كان يبي ان طلال يطري اسمها يحس برضى لما يسمع اسمهاوكان يغار من طلال الي يقدر يكلمها _طلال تعرف انه غلط تكلم بنت عمي في السعوديه غير خاصة انها مخطوبه
طلال _انت تقصد هند هند مو مخطوبه
سيف حس ان الثقل الي كان فوق صدره انزاح _كيف موهي مخطوبه لواحد اسمه وليد
طلال _لا خطبها بس اهي رفضت لان عمي ابو محمد ما كان يبيه بس ياسر يقول ان هند تبي وليد
سيف _مجنونه ايش تبي بواحد مثله ما يقدر يهتم بها اهي اصلا ماتخرج من مشكله الا وتدخل مشكله ثانيه
طلال كان مستغرب اول مره يكلمه سيف ويعامله كأنه كبير _هند غير كل الناس
سيف هز راسه بقهر _يله نروح
طلال _لازم ارجع بعد خمس ساعات ياسر وهند راح يفتحون النت
سيف _اوكيه اصلا راح نرجع بعد اربع ساعات
............................................................ .....
هند قامت من النوم ما نامت امس زين لان طلال ما قفل معهم الا قبل صلاه الفجر
هند البست ملابسها حست ان كل شي متغير الجو متغير الهوا متغير هند خلاص قررت انها تعترف لنفسها انها تحب سيف للابد
وانها ما راح تبين له لانها عارفه انها يكرها هو اصلا قاله قال لا تفرضين نفسك علي وان راح انفذ الي قاله لاني احبه
هند ارجعت من الجامعه
ام محمد_هند تعالي ابيك في المطبخ
هند دخلت المطبخ _ها وش فيه
ام محمد_محمد لراح لابوك وقال له ان يبيه يخطبله هاله
هند_قولي والله
ام محمد_ايه والله اليوم راح يروحون يخطبونها
هند ركضت للتلفون وقالت لهاله هاله ردت فعلها الوحيده انها قفلت الخط في وجه هند هند ضحكت وطلعت الغرفه وجلست تناظر السرير الكل كون له حياه الا انا
البنات اجتمعوا في ملكة هاله بعد اسبوع الكل كان متكشخ هند كانت لابسه ثوب احمر كانت مغصوبه ريم وهاله اطلبوها الي يشوف هند ما يعرفها كانت اجملهم بس ما احد قال لانهم ما راح يستفيدون لان هند راح تزعل ما تحب احد يمدحها
محمد كان شكله اجنان هند كانت تركض في الممر عشان تعلم البنات انهم يطلعون يشوفون محمد وهاله لكن وهي تجري انفتح باب المجلس حق الرجاجيل وصدمت هند بواحد حست ان قلبها طار قبل حتى ما تشوفه عرفته من ريحة عطره هي عرفت انه ماسكها من عند خصرها
سيف _انتي بخير
هند ناظرته كان مبتسم
هند فكت نفسها _ايه بخير اسفه
سيف _تقدرين تعيدينها ما ازعجتيني
هند ناظرت سيف وهي فاتحه عينها على الاخير اما سيف كان يناظرها وهو مبتسم ابتسامه تطير العقل
هند مشت وخلته لانها ما تقدر تجلس اكثر ممكن اتسوي شي تندم عليه كانت تقول في نفسها ماحد يحقله يكون بهالجمال كانه ملاك
ادخلت على البنات _تعالواشوفوا هاله ومحمد راح يدخلون المجلس بعد اشوي
البنات اركضوا للمجلس اما هند اجلست مكانها هي عارفه انه الحين في المجلس يسلم وهي ناويه تتجاهله استغربت ليه جا اكيد انه كان في الشرقيه وعزمه الغبي محمد
ريم نادتها
ريم _هند امشي هاله تقول انها ما تقدر تجلس مع محمد بدونك
هند _طيب شوفتي سيف جا
ريم _ايه لا يفوتك ثريا تناظره بدلع
هند _من الي دعاه
ريم _اهو كان في الشرقيه ومحمد دعاه شكلك متضايقه منه حد يتضايق من ملاك
هند_انا ما علي منه
ريم _يله بس يله قالت مو متضايقه
هند اطلعت وشافت هاله جالسه جنب محمد هاله كان شكلها يضحك كانت خايفه مره محمد طلب انه يجلس مع هاله لحالهم لكن هاله رفضت تبيني معهم وانا ما قصرت خليت محمد يموت قهر
محمد كان في المجلس الصغير هو وهند وهاله
محمد_مبروك يا هاله
هاله هزت راسها
هند_تقولك الله يبارك فيك
محمد ناظر هند بقهر وهند ابتسمت تغيضه
محمد_هاله ايش خاطرك اشتريلك هديه
هند _ تبي منك طقم ذهب وجهاز اي بود تتش وجوال اي فون بس
محمد ناظر هند يقولها انقلعي
محمد_هاله قولي لهند تطلع برا
هاله ناظرته وخافت وناظرت هند _هند لو سمحتي
هند_انتي ايه بدا يفرض رايه عليك من الحين مالت عليك
محمد_اطلعي انتي اصلا لازملك رجال يلمك
هند خرجت من الغرفه وهي تضحك راحت لمجلس النسوان لقت الكل موجود
راحت لريم وثريا
ثريا _تعالي يا هند انا وانت الي بس عوانس
هند_اي والله مصيبه خلينا نروح لمجلس الرجاجيل ونطلبهم يدورون لنا احد
ريم _تعالوا انروح المطبخ
راحوا المطبخ ولقوا قدامهم سيف كان يتكلم مع عمته ام محمد هند بغت ترجع قبل ما يشوفها لكنها اول ما دخلت ناظرها هند نزلت راسها ودخلت وقعدت تقطع السلطه كالعاده هند كانت تناظر ثريا الي كانت تناظر سيف لكن لاحظت ان ريم تناظرها
ناظرت هند ريم يعني ايش فيه ريم ارجعت لشغلها ام محمد اطلعت من المطبخ اما سيف جلس
سيف _ايش اخباركم
ثريا _بخير كلنا بخير
لكن سيف ما كان يناظر الاهند
ريم _انت ايش اخبارك
سيف_بخير
سيف _هند مو ناويه تردين علي
هند وقفت القطاع وناظرت بخوف ايش فيه تغير
هند_انا انا بخير
سيف _شعرك طولان كذا احلى
هند خدودها شبت نار
ريم _راح تقصه هند ما تحب الطويل
سيف _لايا هند انا احب الشعر الطويل
هند كانت تقول في نفسها وش فيه ذا انجن ليه يتكلم كذا قدام البنات
ريم كانت تناظر هند وسيف مستغربه
سيف راح لهند وقعد ياكل من السلطه وهند ماهي مستحمله قربه وعطره وجماله
ثريا وريم قعدوا يناظرون بعض وفي وجيهم مية سؤال
هند من غير ما تحس عصبت شكله يضحك عليها
هند_خلاص خلصت السلطه
سيف ناظرها بكل جرأه في عيونها _انا جوعان يهون عليك ابقى جوعان
هند قعدت تناظره حست انه مغناطيس وشافته يناظر كل وجهها بشكل غريب سمعت احد يتنحنح سيف بعد نظراته اما انا بغيت ابكي
سيف خرج من المطبخ وما شفت الا ثريا وريم عندي
ريم _الحين تقولين ايش بينكم
هند_ما شي
ثريا _كذابه الي يشوفكم
هند_انتوا ايه انجنيتوا تروه يكرهني لايغركم بلا يبي يفشلني قدامكم
ريم _ هند اظن ان سيف يحبك
هند _انتم مجانين رسمي
............................................................ ......
سيف كان مستغرب من نفسه وش الي صارله ما قدر يمسك نفسه
انا ما ابي الي صار يصير مره ثانيه ركب السياره وراح للشرقيه اصلا اهو جا للرياض عشان يعرف وش الي ناقصه هو من يوم سافر من الرياض حس انه نسى شي بس هو مو عارف وش هو الحين عرف وش هو هذا الشي الحقيقه هو ما كان شي كان انسان ............................................................ .......
هند_كذابه مو معقوله طيب ابوي كيف وافق
ريم _ابوي يعز عمي وما كان رفض له طلب
هند_بس هذا مو مثل أي طلب ابوي ياله وافق ان احنا نطلع من الرياض
ريم_بس انا فرحانه والي مخليني فرحانه زياده ان محمد وخالد ما راح يجون معنا
هند_قولي والله مو من عوايدهم
ريم _خالد يقول انه يبي ياخذ محمد لسفره شبابيه قبل ما يتزوج حركات
هند_اوه حظهم ودي اني رجال
ريم_لا تتمنين اصلا انتي طبايعك طبايع ولد وبعدين تخلين سفره لبريطانيا عشان سفره لمصر
هند_ بيروحون مصر والله حركات احلا شي ان احنا بنروح في وقت اعياد عندهم يعني بنستانس
ريم_ بروح اجهز شنطتي
هند_ايه مجنونه السفره بعد اسبوعين
ريم_ايه هاذي بريطانيا لازم نجهزلها قبل بشهر وازيدك من الشعر بيت ياسر خلص شنطته
هند+_اقول اطلعي عندي اختبارات قالت بريطانيا والله ما راح اجهز شنطتي الا في اليوم الي راح انسافر فيه ايش رايك
ريم_تسوينها خبل
هند ضربت اختها بمخده وطلعت ريم
هند قعدت تفكر هل معقوله راح يكون هناك لا ما تعتقد اصلا انا ما ابغى انه يكون هناك اخاف اشوفه وانا احبه مو كافي انه قعد يتطنز علي يوم ملكة محمد اكيد سوى هاذيك الحركات عشان يخلي البنات يضحكون علي بس انا الي استاهل ولا احب واحد مثله ما يناظر الي احلى مني يناظرني انا
............................................................ ............
السكرتيره _ سيدي والدتك تريد التحدث معك
سيف _اخبريها اني لا استطيع الاتصال بها الان سأتصل بها لاحقا
السكرتيره_حاضر
سيف رجع لشغله كان قدامه ملف مشروعه الي تنافست عليه كثير من الشركات الكبير وفازت به شركته شركة سيف تعتبر من الشركات الكبار في اوروبا ولها فروع في انحاء العالم بس سيف ماكان مهتم وكانوا موظفينه يخافونه ولا حاولوا مره يأخروا عملهم الي يطلبه لكن الكل لاحظ انه متغير كثير في الشهور الي فاتت ماكان يخرج من مكتبه كثير يجلس في الشركه لاخر الليل اما سكرتيرته فلاحظت فيه انه دايمن بسرح وتلاحظ انه دايمن لما يسرح يبتسم وكأن الي يشوفه شي يضحك
سيف يشتغل الحين على مشروعين مشروعه الخاص الترفيهي الي مستحيل كان احد صدق ان سيف يفكر بالترفيه بس هو سواها عشان يشوف الناس تضحك مثل هاذيك ما تضحك (هند) والمشروع الثاني هو بناء برج
السكرتيره رجعت مره ثانيه _سيدي الوالده تقول ان الموضوع الذي تريد التحدث به معك مهم
سيف كان معصب قطعوا عليه تخيلاته_ها يمه وش تبين
ام اسيل _ما في اهلين ايش اخبارك يمه
سيف _اهلين ايش اخبارك يمه رضيتي
ام اسيل_لا انت اليوم لئيم
سيف_يمه ما عندي وقت قولي وش تبين
ام اسيل _ خلاص ما راح اقولك بالتفصيل المهم ابوك ابوك يا سيف عازم عمك وهله
سيف اشتغل مخه _لا لا يمه قولي بالتفصيل وش السالفه
ام اسيل استغربت_ابوك عزم عمك هادي واهله عشان يردله الكرامه
سيف _كويس
ام اسيل _ايش كويس انا ما ابي اشوفهم مره ثانيه انت عارف ان هاذي الفتره فتره اعياد والضيوف راج يكثرون عندنا وانا بصراحه اتفشل منهم سيف_ يمه العايله ما تفشل
ام اسيل _وان الي قلت ان سيف هو الي بيحس فيني
سيف _يمه ايش المطلوب مني
ام اسيل_ ابيك تيجي عندنا في الاجازه لاني راح اكنسل كل الزيارات وكنت ابي احس اني في فتره اعياد ابي ضيوف
سيف اصلا كان رافض انه يروح لبيت ابوه مره ثانيه بس السالفه فيها هند بس انا ما ابي اشوفها لاني اعصب عليها وما ابي اخرب فرصتي معها
ام اسيل _سيف وينك رد علي
سيف _يمه خلاص راح اجيكم
ام اسيل _مشكور سيف يله مع السلامه
سيف قفل الخط من غير ما يرد وابتسم ابتسامه كبيره وناظر قدامه لقى السكرتيره فاتحه فمها ظنها تشوفه مهبول بس مو عارف انها مفهيه من جماله
سيف _ترينا ساسافر بعد اسبوعين لبريطانيا فالغي جميع المواعيد في تلك الفتره
السكرتيره _حاضر سيدي وخرجت من المكتب
............................................................ ...............
هند_خالد فكر ترا اطبخ لكم واصير مؤدبه بس تكفى فكر
خالد _انتي مهبوله ما تفهمين سفرة شباب
هند_ما فيها مشكله والله البس ملابس شباب بس خلوني اروح معكم ما ابي اروح بريطانيا
خالد_هند خلاص بلا مزح ما فيه روحه احمدي ربك انك راح تروحين لبريطانيا ولا امثالك حدهم الشرقيه
هند_اصلا انا مفروض ما اطلب واحد مثلك غبي اكرهك
خالد_يله قولي الي تبين انتي اصلا مجنونه مرفوع القلم عنك مالت على وجهك
هند_جعلكم ما تهتنون في سفرتكم ....وخرجت من غرفة اخوانها وقفلت الباب بقوه
هند طلعت لغرفتها ولقت امها وريم في الغرفه كانهم ينتظرونها
هند_بسم الله وش فيكم
ريم _هند ادخلي وقفلي الباب نبيك بموضوع
هند قفلت الباب وادخلت
هند_وش تبون
امها _هند ايش رايك بعمتك ام نايف
هند_هاذيك الي اخدودها حمرا المتينه اموت فيها ليه وش فيها
امها _امس تكلمت معي عنك تبيك لولدها نايف
هند_ها
امها _نايف مدرس انجليزي وراح يسافر لامريكا ياخذ الماجستير وتريه رجال
ريم_تريه حليو نفس طولك
هند انصدمت ايش تقولهم كيف ترفض وش راح يكون عذرها تقولهم احب سيف وهو ما يحبني بس انا ما ابي اتزوج احد غيره واخليهم يضحكون علي
ريم كانت تناظر اختها _هند تقدرين تاخذين وقتك فكري الرجال مو مستعجل تقدرين تعطين رايك لما نرجع من السفره
هند حست ان ريم تفصد شي ثاني _خلاص يمه راح اعطي راي بعد سفرة بريطانيا ....هند عارفه رايها من الحين بس ما تبي امها تزعل
امها _كيفك يا هند ...وطلعت من الغرفه وبقت ريم وهند
ريم _ليه رافضه
هند_ابي اخذ وقت قبل ما ارد
ريم _ما في شي له علاقه بالموضوع وما تبين تقولين وش هو
هند_ها وش هو هذا
ريم قامت من مكانها وطلعت وخلت هند لحالها هند ما نامت ذاك اليوم من القهر تحس انها لعبه بيد سيف بس سيف مو عارف عن ذي اللعبه شي قامت الساعه 2 من سريرها بعد ما جافاها النوم وراحت تنظف غرفتها نظفت الغرفه تنظيف مخيف عشان تتعب وتنام راحت تدور بلوزتها الي تحبها وراحت تدور في كل مكان وراحت في الاخير تدور تحت السرير افتحت الشرشف حق سريرها لقت الي تحت السرير نظيف ما فيه شي بس المحت شي كان فيه كتاب راحت تاخذه اكيد انها احد كتب الجامعه الي ضيعتهم ويا كثرهم خذت الكتاب بس ما ان لمسته عرفت انه مو لها كان مجلد بفرو وردي هند عمرها ما غلفت كتاب واكيد مو بفرو وردي كذا هند حست انه كتاب بنت لانه انثوي مره افتحت الصفحه الاولى عشان تعرف اسم الطالبه الي خذته منها لقته مكتوب اسم بلمعه بنفسجيه قويه لدرجة هند ظنت ان الاسم مكتوب بالالماس كان الاسم بالانجليزي الاسم كان (ليال ) هند على طول حست انها تذكرت الاسم بس مو عارفه متى سمعت فيه ففتحت الكتاب تبي تعرف ايش الماده لكن الي شافته خلاها تشهق بقوه مخيفه كانت صور محتل تفكيرها الي غزا فكرها واستحله من غير مقاومه منها كانت صورته بس وهو اصغر وشعره اقصر وكان معه صورة بنت حاضنته من ورا وهو مبتسم ابتسامه هند عمرها ما شافتها كانت ابتسامة خالي هند راحت تقلب الصفحات والي تشوفه يالمها اكثر واكثر كانت صوره هو والبنت المجهوله كانت بعض الصور مع عايلته وعايلتها على اعتقاد هند والصور الثانيه كان من الواضح ان ما كان معهم احد كانت البنت ملكة جمال شعرها طويل مره لونه بني فاتح كانت حلوه وانيقه والواضح انها بعد رقيقه هند كانت تناظر الالبوم بعيون مليانه دموع ما تنزل هند سوت مقارنه بسيطه بينها وبين البنت عرفت انها الخاسره والخساره لالسف مؤلمه كانت البنت متعلقه بسيف وسيف شكله ما يحب ان احد يصوره هند وصلت للصفحه الاخيره وشافت صوره جماعيه لثلاثة اشخاص البنت المجهوله في النص تلتفت لليسار للمكان الي جالس فيه سي وعلى اليمين شخص يناظرها بمحبه واضحه وعلى يسارها سيف الي كان يناظر شخص ورا المصور كانت الصوره الوحيده الي مكتوب عليها ملاحظه وشكلها اكثر صوره انفتحت في هذا الالبوم الملاحظه تقول بدر وليال وسيف هند اول ما قرت اسم بدر تذكرت سالفه الهوشه الي سمعتها الي كان فيها سيف يهاوش ابوه كان يقول ما راح ارتاح غير لما اشوفك تحت التراب زيهم هل معقوله هم المعنين الي يشوف بدر في ذي الصوره يعرف انه يحب ليال لكن ليال تناظر سيف بمحبه واضحه هند قفلت الالبوم بقوه وفتحت درجها وحطته فيه وحطت وجهها بين يدها وقامت تبكي عرفت ان سيف مو لها عرفت المقاييس الي يبيها سيف تذكرت كلام سيف ناظري نفسك في المرايه انتي اصلا ما تعتبرين من جنس حوا
............................................................ ..............
مرت الاسبوعين بلمح البصر هند ما عاد انشافت كانت ترجع من الاختبار وتروح لغرفتها وتقفل عليها ما كان يشوفها الاياسر اللي كان يحتاجها تدرسها او يشتريلها بطاطس الاكل الوحيد الي كانت تاكله طول هاذي المده ياسر حاول يفتح معها مواضيه لكن كانت ترد عليه بكلمه وراي دراسه لا تضيع وقتي هند عرفت انها لازم تسافر مع هلها غصب عنها وعمها حجز لهم في الطياره في الدرجه الاولى وهند اهي الوحيده الي ما هي مهتمه كانت تبي تنسى وجا يوم السفره وهند صارت فيها بوادر الحمى لكن ما قالت لاحد وزي ما قالت ما رتبت شنطتها الا يوم السفره وحطت الالبوم في شنطتها هند قررت انها اذا شافته لتخليه يكره عيشته تبي تبرد خاطرها فيه وخلاص ما راح تتكلم معه نهائيا وراح تتمتع بسفرتها لابعد الحدود وراح توافق على نايف الي خطبها هي في الحقيقه قالت لامها امس و قالتلها امها اليوم انها كلمت ام نايف وانهم راح يملكون اول ما راح يرجعون من بريطانيا هند عرفت انها غلطانه بس حست براحه غريبه
ريم وياسر دخلوا عليها ريم كانت لابسه بنطلون جنان وبلوزه ورديه حركات
ريم_خلصتي
هند_ايه
ياسر _انا راح اشيل الشنطه
............................................................ .........
عند بوابه دخول الطياره وقف خالد ومحمد من جهه والاهل الباقين من جهه ثانيه محمد سلم على الاهل كلهم وقال لامها _يمه لا اوصيك لا احد يرجعنا ببنطلون برمودا وبلوزه كت
ام محمد_الله لا يقوله
خالد سلم على الكل _انا شكلي راح اكنسل روحة مصر واروح معكم لبريطانيا
هند_اروح بدالك وانت روح بدالي ايش رايك
خالد تجاهلها مثل ما تجاهلته الايام الي فاتت _يله يمه مع السلامه
هند؟_مالت على وجهك قول امين من زينك تتغلى
ريم _شوفوا انا راح ابري ذمتي تروني ما راح البس حجاب استئذنت عادل ووافق قالي لي الحريه قبل الزواج
خالد_ لا والله ليه ماسئلتينا
ريم_انا الحين ولي امري زوجي مالكم علي كلمه
خالد_يمه تسمعين بنتك وش تقول
ام محمد_وهي صادقه الي مفروض تخاف على زعله ورضاه هو زوجها
هند+_اذا كانت ريم راح تفتح شعرها وانا بعد بسوي مثلها
خالد_اصلا انتي احد طلبك تغطينه من كثره وبعدين خلي اهل بريطانيا يعيشون الرعب الي احنا عايشينه في البيت
هند_انت ايه لا تتكلم معي تراني مخاصمتك ما تفهم
خالد_يمه قولي لبنتك المربوشه تحط اللسانها في فمها
هند_يمه قولي لولدك الي ماله داعي في الحياه انه يحط اللسانه في مكانه الصحيح في الزباله
امهم_خلاص وقفوا لا عاد تتكلمون مع بعض بذي الطريقه
العايله بدت تدخل الممر وقبل ما تدخل هند مسكها خالد وجرها وباسها وراح هند ابتسمت عارفه ان خالد ما كان هان عليه تسافر وما يسلم عليها
ريم اركبت الطياره _ليه الناس الي راكبين هنا اشويه
ياسر _ما اعرف شكل هالمكان مو كويس
هند_صح الناس اغلبهم راكبين في المكان الي ورا هاذيك الستاره (تقصد الدرجه السياحيه )
ياسر _الله يستر
ريم_ياسر اسكت لا تخوفني
ياسر _ليت خالد ومحمد خذوني معهم
هند_عشان اخبل رسمي واموت من القهر بعد اعلان جنوني
ام محمد كانت جالسه بجنب بو محمد وكلمتهم من السيت الي جنبهم _هند شوفي قبل ما انسى لازم تشترين هدايا لام نايف واخته
هند نزلت راسها من الخوف واالسحى
ياسر _هند لا يكون وافقتي على الي اسمه نايف
هند_ايه وش فيه
ياسر _تريه كان يدرسني وانا في الثانوي تريه معقد عصبي
ريم_+ياسر بس لا تخوف البنت المعلمين كلهم كذا
هند_اصلا ما علي منه اذا سوالي شي الله يسلم بيت هلي
ياسر _انا اقول لا تأخذينه
هند_بعد ما ارجع من بريطانيا ملكتي كلامك ماله فايده الحين
ياسر _ارجعي وفكري
هند حست ان صوره سيف وليال اطلعت قدام عيونها ورجعت لالمها وقهرها _لا ابيه ما ابي غيره
ياسر_هدي هدي ما قلنا شي
في هذا الوقت جاهم مضيف اسمر وقدم لياسر صحن فيه تمر ياسر ما عرف ايش يسوي اخذ الصحن كله
المضيف _لو سمحت خذ منه
ياسر انحرج وهند وريم قعدوا يضحكون من غير صوت
ياسر اخذ تمره وحده وعطاها هند انسدت نفسه وهند ما قصرت كلت الي يعطونهم كله
............................................................ .........
وصلوا للندن هند طاح قلبها خافت انه يكون موجود تمنت من كل قلبها انه يكون في روما .... دخلت المطار وقعدوا ينتظرون انتظروا حول عشر دقايق
ابو محمد_تاخروا الله بستر
ياسر _ناخذلنا تاكسي
هند_ايوه يا الشاطر ومن وين لنا العنوان (هند كانت لابسه بنطلون جينز اسود الي ضيق من تحت وعليه بلوزه سبورت الي في نصها سحاب كان لونها ازرق عليه صور شمس ومصاص دم محترق نصه الصوره تخوف )
وهي تتكلم الكل التفت لجهه ثانيه
ريم_يبه هاذاك سيف صح
هند طاح قلبها وما ناظرت المكان الي ياشرون عليه خافت تناظره وتسوي شي غبي مثل انها تروح تحضنه من شوقها له
سيف _السلا م عليكم (هند مسكت صدرها حست بسكينه تنغرس فيه ) اعذروني تاخرت بس ما كنت اعرف رحلة طيارتكم بالضبط
ابو محمد_ما عليه يا ولدي المهم انك حضرت
سيف خذا عربة الشنط وساقها وقعدوا يتبعونه وفي الاخير كانت هند تمشي ببطء..ريم كانت مدهوشه من العالم الي تشوفه عالم غريب هند كانت كالعاده كل شي عندها ايزي حتى التغير وياسر كان فاتح فمه من الصور حقت الافلام المعروضه على جدار المطار
هند كانت تناظر سيف من وراه كان قاص شعره اشوي صار فوق ارقبته بشوي بس كان كالعاده ناعم متدرج اسود لما يلتقي بالشمس يميل لالحمر
سيف التفت لهند وطاحت نظراته بنظرتها وابتسم ابتسامه غريبه هند حولت نظرها بتكبر قالت اكيد بتهزا فيني مالت عليه
سيف وصلهم لسيارة ثانيه كان فيها سواق وقال لعمه_ اركبوها انا وياسر والشنط راح انروح بسيارتي
هند ناظرت ياسر بقهر ودخلت للمرسيدس السودا وجلست جنبها ريم وامها وانطلقت بهم السياره
وصلوا لللبيت سوري القصر ريم مسكت يد هند من رهبة القصر وهند ما حست براحه
ادخلوا بعد الترحيب وسيف وياسر بعدهم ما حضروا للالحين هند وريم لاحظوا ان ام اسيل متضايقه منهم بس اسيل ولورا كانوا فرحانين مره واكيد طلال الي كان زعلان لان سيف اخذ ياسر معه بسيارته وهو ما سمحله يركبها من قبل
هند تحسست جبهتها عرفت انها مسخنه
دخل سيف وياسر وسلم ياسر على عمه اما سيف فتوجه لاسيل الي كانت جالسه جنب هند وريم
سيف _اسيل لجين دقت
اسيل _ايه دقت قالت تنتظرك الساعه ثلاثه يعني بعد نص ساعه
سيف سمع كلام اخته وطلع على طول وهند قعدت تفكر من هاذي لجين بعد لكن ريم تجرأت وسئلت السؤال الي تبي هند تسئله
ريم_من هاذي لجين
اسيل _وحده نعرفها
ريم وهند فهموا ان اسيل ما تبي تعطي معلومات اضافيه عن لجين
هند_اسيل ممكن تدليني على غرفتي ابي ارتاح احس اني مسخنه
اسيل _سلامات وتحسست راس هند عرفت انها مسخنه صدق
طلعت اسيل وهند لغرفة هند
هندناظرت الغرفه وفتحت فمها كانت كبير وفخمه هند_ انا بنام لحالي
اسيل _ايه ريم بعد راح تنام لحاله
هند _شكرا اسيل
اسيل _اتركك ترتاحين
وطلعت
هند ناظرت الغرفه وتنهدت كل شي يثبت لها انها صدق فكرت بشي مستحيل,, حست هند انها خلاص ما تشوف الي قدامها من النوم تبي تنام راحت للسرير ونامت اجمل نومه في السرير الكبير
قامت هند الصباح مغصوبه سمعت احد يتحرك في الغرفه حقتها فتحت عينها لقتها ريم
ريم _اخيرا صحيتي هند هند انا ما نمت احس اني في عالم سحري
هند ناظرت من حولها _لا حول وش سحره ذا ريم ابي انام تكفين
ريم _لا ابيك تسمعين قراري اول انا قررت اني اعيش مع عادل في بريطانيا
هند_ما شاء الله هاذي اولتها عمتي ما كان خلت عادل يترك الرياض انسي
ريم_راح اقنعه
هند_بالتوفيق خلاص يله اطلعي
ريم _مالت على وجهك ووجهي انا الي اشكيلك
هند_امين
ريم اطلعت وخلت الباب مفتوح تبي تقهر هند
هند قامت معصبه وراحت للباب وهي تقفل الباب شافت سيف نازل الدرج قعدت تناظره كان لابس ملابس رسميه مره اسود في اسود هند تنهدت من جماله وحضزره القوي هند قفلت الباب وراحت لسريرها
هند قالت في نفسها لنا لازم اتجنبه قدر المستطاع لازم اعرف فيني احدودي هو اصلا ما راح يحاول يكلمني ولا يناقشني المرات الي فاتت انا السبب في المشاكل الي بيننا واذا تكلم معي ارد عليه بادب صح اني كنت ابي ابرد خاطري فيه بس ما ينفع الرجال مهندس وكبير وانا اروح اسوي معه حركات بزران
جلست على سريرها وناظرت الارض وفي ذا الوقت دق الباب قامت تفتحه وكان قرب الباب فراش عجمي هند ما كانت عارفه انه معطوف ويوم كانت في نص الغرفه علق في رجولها شي فمسكت رجولها وناظرتها وهي تمشي برجول وحده و يوم وصلت للباب عطفة الفرشه كرعت لرجلها الوحيده الي تمشي بها فطاحت طيحه محترمه لدرجه ان صوت طيحة راسها لها صوت
هند _اححححححححح
الباب انفتح (لانه اصلا مفتوح )ودخل الشخص الي شافته هند قبل اشوي نازل
هند كانت جالسه تتحسس المها وتناظره وهو جاي
سيف _صار لك شي
هند _لا (كانت جلسة هند تضحك فاتحه رجولها على الاخير وحاطه يدها في النص ويدها الثانيه على راسها ...سيف ركع جنبها
سيف _خليني اشوف
هند وهي خايفه من التغير المفاجئ والرقه والصوت المؤدب _ماله داعي تراه شي عادي
سيف ضحك ضحكه قصيره منها هند بغت تبكي _على كذا نقدر نرد سبب تصرفاتك لعدد الضربات في راسك وقرب منها اكثر ..هند ممكن صار ارتجاج مخ
هند نزلت راسها عشان تبعد ايده _انت ايه لا تخوفني مو ناقصتك
سيف ناظرها وابتسم _ما زلتي على طبعك امس في المطار ظنيتك تغيرتي
هند_وليه اتغير مو عشان خاطرك باتغير
سيف قام وهند بعد بدت تقوم
سيف _ بس انا خاطري يقول انه ما يبيك تتغيرين
هند قلبها دق ليه يسوي كذا فيها _عموما خاطرك ما يهمني
سيف بعد اشويه وقال بصوت واطي _ما زلتي تكرهيني
هندناظرته من غير ما تحس ليه يظن انها تكرهه على بالها انه يعرف انها تحبه هند غيرت الموضوع _ليه انت هنا
سيف ناظرها و وابتسم ونزل عيونه وبعدين ناظر الدريشه عرف انها غيرت الموضوع _ كنت ابي اناديك للفطور
هند حست انها لئيمه _ها بس بس انا ما ابي افطر اصلا
سيف ناظر جسمها هند انحرجت _انا اشوف انك مفروض تاكلين صرتي مثل الهيكل العظمي (هند قالت في نفسها وش يهمك كلي على بعضي ما اسوى عندك شي )
هند ابتسمت _وانت بعد ضعفان كانك نقصان عشره كيلو
سيف _بس ما احد يقدر يقول عني هيكل عظمي
هند عصبت وبوزت _لازم اضعف وراي زواج
سيف _بس مو حلو جسمك مره ضعيف
هند_مو مهم رايك نايف الي يهمني رايه (قالتها قاصده )
سيف ناظرها وهند راحت ترتب سريرها _من هو نايف
هند ناظرته وحست ان هذا الوقت الي تقدر تحس فيه انها تحررت منه _خطيبي زواجي بعد ما نرجع من بريطانيا
سيف ناظر الارض بهدوء وضحك ضحكه صغيره وبعدها ناظرها في عينها مباشره وقال بهدوء بنرفز _مبروك
هند ابتسمت ابتسامه مغصوبه بغت تبكي عرفت انه ما يحبها والي المها اكثر هو قبوله للموقف ورده الامبالي
هند ما قدرت تطلع صوت من حلقها حست انها تقدر تطلع بكوه لكن صوت لا
سيف_ بس اعذريني ابي اقول ملاحظه نظرا لانها يحب انك تكونين بذي الدرجه من النحافه شكله انسان ما عنده ذوق
هند خلاص طفح الكيل _اوه انسيت انت سيف الي ما يرضى الا بدرجه جمال غير عاديه يبي بنت شعرها طويل رقبقه ودلوعه وانا للاسف اختلف اختلاف كلي عن الي تبيه وحده شعرها عمره ما وصل لحد كتفها وما تعرف الرقه بس على فكره ما يحقلك تختار منو انت على فكره انت انسان متكبر ومره شايف نفسك ناظر غيرك عشان تعرف وين مفروض تكون
سيف ناظرها ولف وراح للباب ومسك الباب يبي يقفله وراه وراح
هند ناظرت الباب وراه ورجعت تجلس على السرير هند قال في نفسها هذا وانا قلت اني ما لازم ارد عليه انا غبيه لازم اصلح الي سويته اروح اعتذر منه ايه صح خليني اروح اعتذر منه مو عشانه بس عشان ما ابيه يحس اني احبه واني زعلانه عشانه مو يعتبرني جميله وبعدين انا ابي املي عيني بشوفته
هند طلعت من غرفتها وراحت تدور لغرفته كيف تعرفها شافت خدامه من الخدم خارجه من غرفه وهي تبكي هند خافت الخدامه شافت هند ومسحت دموعها
الخادمه ابتسمت وراحت لهند _هل استطيع مساعدتك
هند_نعم ولكن اولا لماذا كنت تبكين
الخادمه _لاول مره سيدي يكلمني بهاذي الطريقه
هند_ اوه اسفه
الخادمه _لما تعتذرين ان السيد رجل طيب انا لست غاضبه منه على الاطلاق كيف استطيع مساعدتك
هند_اين غرفه سيف
الخادمه _ انها الغرفه التي خرجت منها قبل قليل
هند(هل سيف هو الذي ابكاك
الخادمه _ارجوك سيدتي لا تخبريه
هند_لا لن اخبره ..وراحت لغرفته صدق لئيم
هند دقت الباب ما احد رد عليها دقته مره ثانيه هند مو متعوده على الادب افتحت الباب بهدوء تبي تعرف وينه افتحت الباب اشوي لقته يلف على يده شاش ويده مليانه دم هند من غير ما تحس اشهقت ودخلت الغرفه من غير استئذان
هند_هند يمه وش صار ليه يدك تنزف
سيف ناظرها بدهشه
هند راحت له ومسكت الشاش وفكته _كيف تحطه من غير ما تطهره غبي
سيف يناظرها وهو معصب ما يبي يتكلم
هند خذت يده وقومته _يله معي افتحت الباب الاول لقته غرفه الملابس وافتحت الغرفه الثانيه لقتها الحمام يا كبره كانه مجلس كان لون ذهبي مع عنابي
هند مسكت يده وافتحت عليها المويه وسيف طول الوقت يناظرها كيف تقدر تقول مثل ذاك الكلام وترجع طبيعيه
هند ناظرته _وين المطهر
سيف بعد يدها من يده بقوه
هند اشهقت _هات يدك خلني اساعدك
سيف _هند اطلعي مو قادر امسك نفسي اكثر
هند_ومن قالك امسكها ..وطلعت من الحمام ورارجعت بعطره ومن غير مقدمات حطت العطر على الجرح
سيف _احححححححححح وش قاعده تسوين
هند مسكت يده غصب قالت بهدوء وغباء _انظفها
سيف تنهد وخلاها تنظف وتحط الشاش بتنظيم ما ظنه يطلع من يد هند
هند تكلمت عرفت انه يسال كيف انها منظمه قالت بحزن _كنت ابي اطلع دكتوره
سيف بجفا _ليه ما صرتي دكتوره
هند_اهلي رفضوا الطب عيب
سيف _عيب كيف عيب
هند_عشان الاختلاط
سيف _كلام فاضي واخذ يده بقوه من يد هند كانه يدها بتحرقه هند انقهرت ومسكت نفسها الجوال حقه دق رد عليه وتكلم قدام هند
سيف _حاضر بعد خمس دقايق ساكون هناك لا تخاف
وقف الجوال
وناظر هند _تقدرين تطلعين ابي اغير ملابسي
هند_اولا ابي اقولك
سيف _هند بليز مو لازم تقولين شي ارجوك اطلعي الحين
هندناظرنه بحزن _ابيك تفهم شي انت بعد غلطت مو انا بس ..وطلعت من الغرفه
سيف قفل الباب بقوه وراها كان منقهر من سالفه الخطبه حقتها ومنقهر منها والي خلاه يجن قربها منه قبل اشوي كان راح يسوي شي مجنون عشان كذا كان يبيها تطلع بسرعه