هاي موون
بارت ريحته خايسه ههههه

لاجدمتحمسه للي بيصير
بينهم مع هالسكير


والعم بوصالح ممكن
يكون له صله بهند


وليد هالبيت له
والله ان احرمن دمع اليتيم
دمعة الرجال من فرقا مره


وخالد وياسر باقي حولهم
سرللحين ماعرفناه


ثرويه وه بس الله يرزقها
بمزيووون


وفي انتظارش حياتي
اوه صح شخبار درجاتش








0

مووون تسلمين فديتج<< فيس يبوسج

لا شكلنا بنبدا قصه يديده.. وجود عبدالعزيز" سيف2" هل بياثر على حياة هند.. وبتفرغ حبها لسيف في شبيهه<< فيس يتوقع

نترياج فديتج<< الفيس راعي الورود

مووووووووووووون

و اخيـــــــــــــرا لحقتكم
يعطيش الف عافية
و على قولت البتول
بدعيتي

و تريني ما اعرف اعبر و احلل شخصيات
و اذا حللتهم يطلع تحليل مسكين على قدي

و بعد الاجازة بحللها معش وجها لوجه

و بانتظار التكملة
















باااااااااااااااااااااااااايو

السلام عليكم اسفه ما راح انزل رد للبارت الي فات عندي ظروف سببها الانترنت اسفففففففففففففففففففففففففففه

اعذروني

محبتكم مون

بس صدقوني قريت الردود وشفتها احبببكم

سوزي

مبروووووووووك فديتش

الفصل الخامس العشر

هند قعدت تتذكر تفاصيل حوش ابو سماح تذكرت وهم صغار لما يلعبون غميضه مع اصحاب البيت القديمين وين تتخبى بس هذاك المكان ضيق مو مهم لازم انروح الحين


هند ادخلت المخزن ( غرفه برا في الحوش مو كبيره) ولما دخلت المخزن دخلت لمكان كانه دولاب بس مصنوع من الحديد ما كان كبير هند ادخلت وجرت الرجال معها وقفلت الباب عليهم

عبد العزيز مو عارف وش قاعد يصير لكنه مو قادر يتنفس وكانت حاطه بينها وبينه كيسه والكيسه مو صغيره

هند بعد اشوي شالت الكيسه ورمتها جنبهم عشان لاتطلع صوت لما يتحركون عبد العزيز كان ماسك جدار الخزنه الي ورا هند يعني هند كانت محصوره بين ايدينه وملامسه لجسمه وهند كانت ماسكه الصديري حقته (لانه لابس بلوزه بيضاء وفوقها صديري مخطط وجينز اسود )


هند وعبد العزيز كانوا يسمعون الي قاعد يصير سماح كانت تحاول توقف ابوها لانه قاعد يضربها كان يقول كلام هند استحت منه وبالاخص مع وجود الغريب الي معها الحين


ابو سماح _ من هو الي جايبته في انصاص الليالي يا الصايعه يالعانس


سماح وهي تحاول تتفادى ضربات ابوها ؟_ يا يبه بلا الهوى هو الي ضرب الباب



عبد العزيز ما قدر يمسك نفسه فانحنى على هند من الغضب وهند تقلصت كانت ريحته مخدره هند كانت تسبه في خاطرها من ريحته كانت حلوه مره هند تمنت انها في المريخ لحالها ولا تكون هنا قلبها يوجعها وتحس بطنها منقبض ينتظر شي


عبد العزيز بصوت واطي غاضب _ انتي اختها


هند هزت راسها فطلعت ريحة شعرها عبد العزيز غطا فمه وانفه
هند تفشلت تذكرت شعرها


هند بصوت حزين من وضعها تحس انها الحين اقرب من شخصيه هند القديمه_ لا مو اختها (تذكرت انهم في الظلام ما يشوفون بعض وش ذا الذكا الي يخليها تهز راسها )


عبد العزيز حس بنبره الحزن الي بصوتها و كان متضايق مره مو معقوله هذا العم صالح وبعدين ليه يحس ان قلبه اشتغل طبال


صالح _ وقفي هنا يا الصايعه بروح ادورله عارف انك مخبيته


عبد العزيز وهند سمعوا كلامه



عبد العزيز _ هذا وش قاعد يسو

هند ما خلته يكمل قفلت فمه بيدها

هند_اشششش

عبدالعزيز تفاجأ من حركتها


سكت لانه سمع صوت العم صالح يدخل المخزن ويضرب اشياء

ابو سماح _ يابن الك,,,, اطلع لو انت رجال يلي ما عندك ذرة شرف تدخل على الناس بانصاص الليالي


عبدالعزيز ما تحمل لدرجه انه كان يبي يطلع لكن هند مسكته بقوه هند ناظرته وشافت عيونه كانت تلمع بلون فضي هند في هاذي اللحظه حست ان فيه شي طاح على كتفها العاري


هند _ اممممممممم صاحت بصوت واطي مرره


عبدالعزيز بصوت واطي _ ايش فيه

هند ما ردت بس حطت راسها على صدره وقعدت تبكي بصوت واطي وتهز راسها عبدالعزيز مو عارف وش يسوي ريحة راسها تموت ومو عارف وش الي قاعد يصير


عبدالعزيز عرف ان العم صالح طلع


عبدالعزيز _ انتي وش فيه


هند _كتوفي كتوفي


عبدالعزيز مسك كتفها الاول وحس انه حط يده على شي بعده بسرعه هند حست ان هذا الكائن الصغير صار بين ارجولهم


عبدالعزيز ما حس لانها كان لابس سبورت شوز


هند الي قعدت تتحرك عبدالعزيز ماعاد تحمل مسكها من ظهرها وثبتها( كانه ضامها )


هند بصوت باكي وواطي لانها متوتره ومشوشه لان وجهها كان على صدره _ الحاجه تحت عند ارجولي


عبدالعزيز ما عاد فيه من رد ما رد عليها


عبد العزيز وهند قعدوا ينتظرون مو معقوله يطلعون الحين هند كانت خايفه من الحاجه الي تتحرك عند ارجولها

وعبدالعزيز مصدوم من عمه صالح ليه صار كذا بس ممكن انه مو عمه


عبدالعزيز التفت للي جنبه _ هو اسمه صالح


هند ما فهمت _ اه ايه


عبدالعزيز غمض عينه من الالم هند ماكانت تبيه يغمض عينه لامت نفسها على تفكيرها


بعد مرور ساعه والثنين ما تحركوا ولا تكلموا مع بعض كان في قلب كل واحد حزن


عبد العزيز فتح عينه _ مفروض نطلع لنا ساعه هنا


هند_ ايه يله نطلع ..


هند بفظاظه لم يكن لها معنى _ انا الي راح اطلع اول


عبد العزيز ناظرها _ لا ما ابي يصيرلك مشاكل


هند بنبره فظه لم تخفيها _ لو لقاني احسن ما يلقاك (هند فكرت انه ما رفع صوته من يوم دخل نفس النغمه نفس موسيقى الصوت هل معقوله فيه واحد كذا )


عبدالعزيز ما رد هند طلعت احتكت فيه وهي طالعه عرفت انه حاول ما يحتك الكل حاول بصراحه


هند اطلعت بخفه لقت باب البيت مقفل بقفل كبير وما في احد هند رجعت للمخزن عشان تخرج الرجال الغريب


هند_ يله اطلع


عبد العزيز طلع ومشى وراها لي الحين ما شافوا بعض من الظلمه


هند بصوت ياس قريب للبكاء _ اوه ياربي وش ذي الورطه


عبد العزيز ناظرها باهتمام هم اصلا ما يشوفون بعض بس خيالات _ وش فيه ( الي يشوفهم يقول يعرفون بعض من زمان )


هند_ الباب مقفل وجدار البيت عالي مره وش اسوي ( ما اهتمت الا بنفسها )


عبدالعزيز ناظر الجدار مو عالي كثير عليه لانه طويل _ اقدر اطلعه


هند ناظرته بلؤم لو شافها كان خاف _ بس انا ما اقدر



عبدالعزيز ناظر الجدار بعدين ناظر المخلوقه الي تعتبر عنده قزمه وانحنى هند ناظرته وش قاعد يسوي



هند_ وش اتسوي


عبدالعزيز_ يله تعالي اطلعي علي


هند ناظرت الجدار بعدين ناظرته استغربت حركته تقدمت ببطء متعب وطلعت على ظهره ومع ذلك ما قدرت توصل لنص الجدار


هند انزلت من على ظهره عبد العزيز ناظرها بعدين قام


عبد العزيز_ اقدر اشيلك وارفعك وانت تمسكين الوول ( يعني الجدار)
هند ناظرنه ولاول مره تفكر انه طويل مره


هند غمضت عينها خلاص مو قادره تستحمل _ طيب( لا وجود للسحى يا هند في هذا الموقف هند قالت لنفسها )


ومشت له عبد العزيز مسكها ورفعها عبد العزيز اولا بعد راسه من ريحه شعرها وبعدين شدته ريحه ملابسها ريحه فراوله وليمون ريحه شامبو هند حبست انفاسها من قربه مو عارفه ليه


.. قلبها ما يدق بسرعه بصراحه قلبها ما يدق نهائيا تحس انها مخدره بس وانها لو شافت مصيبه قدامها راح تبتسم كانها مخموره هند امسكت راس الجدار وطلعته ونزلت للجهه الثانيه عبدالعزيز استغرب منها كانت سريعه وكانها متعوده طول حياتها على التسلق بس شيلتها طاحت عنده مسكها وتراجع شويه وبعدين ركض للجدار وتسلقه بخفه وان كان هادي قدام اهله فاخوياه ما قصروا في تعليمه نزل للجهه الثانيه كان النور خفيف بس يقدر يشوف كل شي بوضوح لقاها ملقيته ظهرها تناظر الجدار الي قبالهم


عبدالعزيز تكلم بنبره ما قدر يخفي فيها قرفه من بيتها _هذا بيتك


هند التفتت له وتجمدت وهو بعد قعدوا يناظرون بعض منصدمين هند لا وش ذا مو حقيقي اكيد خيال وبدت عيونها تجتمع الدموع فيها من رهبه الجمال الي تشوفه وبعدين ليه تحس انها شافته من قبل عبد العزيز قعد يناظرها شكل غريب ما يتوافق مع الشكل الي حطيته لها شعرها اسود قصير مزيت خدود حمرا من التعب او حقيقي مو عارف والاهم العين مو عارف وش اقول وليه اقول وليه اهتم اصلاهند حاولت تشيل عيونها من عليه بعد جهد ومحاوله قدرت هند عرفت انها ما تنفست طول ما هي كانت تناظره هند رجعت تناظر الجدار وراحت تدور الطوبه الي تطلع عليها دايمن بس مالقتها وش ذا اليوم الخرا وبدت دموعها بالنزول


عبدالعزيز فاق من الصدمه و شافها تدور على شي _ ممكن اساعدك

هند ما تعرف تعامل الناس لما يكونو طيبين معها


هند ما تبي تناظره فاشرت له لا


عبدالعزيز راحلها وقعد يمشي وراها _ وش قاعده تدورين عليه


هند عرفت ان الطوبه اختفت المصايب بدت تكبر الحين جد


عبدالعزيز ما يحب احد يتجاهله وقف قدامها _ تبين مساعده عشان تطلعين لبيتك


هند ما كانت تبي تناظره فخلت نظراتها سيده في الجه الي هو ما هو فيها
هند_ ايه


عبدالعزيز حس ان الهوا اختفى شاف دموعها حس انه مو هاذي المره الاولى الي يشوف فيها هاذي الانسانه بعدين قال _ الوول حقكم مو عالي تقدرين تطلعين على ظهري


هند فكرت هذا الحل الوحيد وبانصياع قالت_ طيب


عبد العزيز مشى قدامها وانحنى هند ناظرته انحنائته راقيه ما فيها انكسار وصوته ما ينسمع الا بعد جهد ( هند لامت نفسها وش عليك منه)


هند طلعت فوق ظهره تبى تطلع لبيتها هند طلعت بس المفاجاه كانت قدامها ابوها وياسر


ياسر_ يبه بروح وبرجع بعد ساعه براجع مع حمد اختباربكره( هند فكرت بكره خميس وش ذي المذاكره)


ابو محمد _ وانت ما يجيك عقلك الا في انصاص الليالي لا تنسى قفل الباب وراك..

هند شافت بعد ريم الي كان وجهها متجمد شكلها خايفه هند انزلت بسرعه عبدالعزيز ناظرها


عبدالعزيز _ وش فيه

هند مسكت فمه مره ثانيه هي تعرف ان ياسر لازم يمر من هذا الشارع
هند مسكت يده ومره ثانيه ركضت وهو وراها بس عبدالعزيز حس انها مو عارفه وين تروح فركض اسرع منها عشان تلحقه هند وعبدالعزيز لفوا من الشارع وياسر دخله

عبد العزيز _ بنروح لسيارتي

هند ركضت وراه ودخلت السياره من ورا وتخبت تحت في السيت الخلفي وعبدالعزيز دخل لمكانه ياسر لف للشارع ولقى سياره لمبرقيني ياسر تجمد من الصدمه مو معقوله سياره مثل هاذي في حينا ياسر راح للمبرقيني لقى فيها واحد ياسر فضولي


ياسر بكل جراه دق دريشه عبدالعزيز فتحها بهدوء


ياسر_ السلام عليكم


عبدالعزيز _ وعليكم السلام


ياسر _ هاذي السياره لك


هند بغت تطلع وتضرب اخوها وش عليك من الرجال


عبدالعزيز بادب _ ايه

ياسر _ انت منو تبي هنا

عبدالعزيز تورط ايش الاسم هو يعرف اسمين في باله رعد وتركي رعد صعبه اسمه نادر _ تركي


ياسر استغرب _ تقصد تركي ولد بوعلي مو هنا مسافر لجده له اسبوعين


عبدالعزيز _والله امم شكرا على كذا راح اروح


ياسر بعد اشوي ينتظر عبدالعزيز يروح يبي يشوف كيف اللمبرقيني تتحرك من قريب عبدالعزيز انقهر وساق بسيارته


عبد العزيز تكلم الي يشوفه من بعيد يظن انه يتكلم مع نفسه


عبدالعزيز _ وش انسوي الحين ( عبدالعزيز لاول مره مو عارف وش يسوي ويحس ان فيه شخص ثاني لازم يحميه )


هند كلمته من تحت السيت الثاني كانت منهاره _ ما اعرف


عبدالعزيز حس بتعبها _ نرجع الحين اكيد اخوك رجع البيت


هند بالم لانها شافت فيه شباب مجتمعين في اول الشارع يدخنون عرفت ان ياسر رايحلهم _ لا ياسر راح يرجع البيت بعد ساعه تلقاه جالس في الشارع مع الزفت اصدقائه ( هند قالتها بقهر وعيونها ما وقفت تنزيل دموع )


عبدالعزيز _ اوكيه اظن احسن نرجع البيت من طريق ثاني


هند سكتت مو عارفه صح ولا لا


عبدالعزيز كان لاف يبي يوديها بس ما قدر حس بشي ومن غير تخطيط قال


عبدالعزيز _مو مفروض نرجع الحين راح اخذ دوره بعدين نرجع اوكيه


هند _ طيب


عبدالعزيز يحب رنه صوتها فيها تمرد في اخر الكلمات


هند ناظرته من ورا وعقدت حواجبها كانت عيونه زرقاء غريبه اكيد مو سعودي اصل بلا يسوي نفسه


عبدالعزيز _ وش اسمك


هند رجعت تختبي _ ما راح اقولك




عبدالعزيز فتح عيونه على الاخير _ليه

هند من ورا السيت بصوت واطي _ لانه عيب لا عاد تسالني لا تعرفني انا مو موجوده اصلا مو موجوده


عبدالعزيز فكر وش العيب كلمه جديده _ انا اسمي عبدالعزيز


هند قالت في نفسها يناسبه هذا الاسم بعدين تذكرت انها لازم تدق على ريم تطمنها

هند بحيا_ معك جوال ابيه


عبد العزيز دور في جيبه الاول ما لقاه في الثاني بعد ما لقاه
عبدالعزيز _ اوو قاد لا يكون طاح


هند بصوت عالي _ جوالك ياربي لا يكون طاح في حوش ابو سماح انتهينا انت اقول توارى عن الانظار لمده سنتين( هند سكتت ايش فيها ا انفعلت )


عبدالعزيز ابتسم البنت هاذي البنت غريبه صدق _ اكيد انه طاح في بيتهم يوم تسلقت الوول


هند حست انها تبي تقوله الوول جدار يا غبي بس وش عليها منه _ الله يعين راح ادق على سماح واخليها تخبيه وتعطيني ياه بكره

عبدالعزيز فرح مو عارف ليه _ وكيف اعرف انك لقتيه

هند تضايقت مو عارفه ليه _ ما اعرف

عبدالعزيز _ شوفي دقي على رقم جاك في الاسماء وانا راح اعرف

هند _ طيب

هند خافت الحين ما في وسيله اتصال بينها وبين ريم وما شافت الا سماعه تلفون تنمدلها ناظرت لقة السماعه من السياره نفسها


عبدالعزيز_ كلمي من هنا


هند _ يعني هذا يدق


عبدالعزيز_ ايه هذا تلفون


هند ما استوعبت تلفون في سياره خذت التلفون وكانت الارقام بعيده
عبدالعزيز _ انا الي راح ادقلك عطيني الرقم

هند قالتله الرقم ولاحظت يده كانت غريبه طويله ومتناسقه هند خبت يدها من الفشله

عبدالعزيز _ يله خلاص

هند استنت لين ردت ريم

ريم _ الو

هند_ الحمد الله ريم اسمعي انا هند تريني بخير لا تسوين شي غبي (عبدالعزيز عرف ان اسمها هند بعد الاسم ما يركب عليها )

ريم _ وينك الحين

هند _ راح ارجع بعد شوي لاتخافين بعدين اقولك

ريم _ طيب يا وداد ان شاء الله مع السلامه

هند عرفت ان ريم عندها احد قفلت التلفوت بسرعه

هند بغت تبكي وش الي صار وليه صار معقوله انها مع شاب غريب وفي سيارته وبرا البيت وش الفيلم ذا مره ماصخ يا رب استر هند عرفت انها في مصيبه بعد ما دقت على اختها الحمد الله ان خالد ومحمد مو في البيت


عبدالعزيز _ لازم اردك الحين صح

هند بلهفه _ ايه

عبدالعزيز رجع يسوق خلاص الكلام بينهم انتهى ( عبد العزيز فكر انه في هالثلاث ساعات تكلم اكثر ما تكلم في حياته كلها )

عبدالعزيز ردها وحط سيارته في شارع ثاني بعيد ومشى وطلع هند وناظرها لين اختفت من قدامه هند دخلت البيت
>>>>>>>>>>>>>>>>>>>>>>>>

هند طلعت الجدار ولا ناظرت وراها ما تبي تشوفه

هند دخلت البيت

ريم_ الحمدلله

هند ناظرتهم كانوا موقفين عند الباب

هند_ ابي مويه

ثريا راحت تجيب مويه

ريم خذت هند الي وجهها صار ورقه بيضاء

ريم_ هند وش صار صالح لقاك

هند ما جاوبت

ثريا عطت هند المويه

ثريا _ وش صار قولي

هند ناظرتهم ومن غير مقدمات بدت تبكي

ريم_ يمه لا يكون سوالك شي هند تكلمي يله

ثريا _ هند لا تخوفينا هو سوا شي لك قولي

هند ناظرتهم من بين دموعها وهزت راسها

هند_ لا لا

ريم _ قولي مو ناقصتك تري ممكن اولد

هند حكتلهم القصه

ثريا الي ما همها في القصه الا موضوع عبدالعزيز رغم ان هند كانت مركزه على سماح وابوها وبعدين على ياسر يعني ما خلت لعبدالعزيز دور مهم

ثريا _ هند هند تكفين الولد زين

هند ناظرت ثريا بقرف _ ما شفته

ريم_ سوالك شي ما استغل الموقف


هند ناظت ريم نظره ناريه

ريم بخوف_ تعرفين الحمدلله هذا يدل انها ولد حلال ولا كان استغل الفرصه

ثريا _ حظك يا هند ليه انا ما يصير لي شي مثل كذا

هند قامت معصبه _ انتوا في وادي وانا في وادي اووف منكم ليتكم ما جيتوا

ريم قامت معصبه هاذي قله ادب من هند_ هند احترمي عيب

هند ناظرت ريم بنظره خاليه من العواطف الانسانيه وطلعت

ثريا وهي تشوف ظل هند وهو طالعه على الدرج

ثريا _ وش سوينا

ريم_ ما اعرف

ثريا _ السالفه فيها الولد

ريم_ ثريا انتي مجنونه

ثريا _ وش اسوي انا كذا تعرفين مدري ليه احس ان الولد حلو

ريم _ هند ما راح تهتم

ثريا _ اووف وهي بتجلس عايشه عشانه

ريم_ هند انا عارفتها حاسه انها السبب في موته حاولت افهم ليه بس ما فهمت هي تظن انها وجه نحس عليه

ثريا _ اما ذي كلام فاضي

ريم_ شكل الي يحب كذا حتى عمي احسه يعذب هند لانه يشوفها هي وجه النحس على ولده

ثريا _ اكيد انه هو الي دخل الفكره في راس هند

ريم _ ممكن بروح اراضيها

ثريا _ ما سويتي شي هي الغلطانه

ريم_ معذوره هند

ثريا _ انا استناكم

بعد شوي نزلت ريم وهند

هند جلست جنب ثريا

ثريا _ مالت كان زعلتي اكثر

هند ما ردت ولا عبرت بوجهها

ثريا كشت هند

ثريا _ منقلبه صنم مو ادمي

هند ابتسمت

ثريا وريم كلهم انصدموا لهم مده ما شافوا هند تبتسم

ريم حضنت اختها _ هند يازين ذي البسمه

هند تناظرهم كانهم مجانين

هند وهي تناظرهم تذكرت شي وشهقت

ثريا – وش فيه

هند_ الجوال الجوال

ريم_ جوالك فوق شفته على الكومدينه

هند هزت راسها يعني لا _ لا لا مو جوالي جواله

ثريا قامت _ الولد جوال الولد

هند_ نساه اقصد طيحه عند بيت عمي صالح

ريم_ يمه مصيبه

هند_ ابي الساعه تجي سته عشان ادق على سماح تدور للجوال

ريم_ وليه تنتظرين دقي الحين

هند_ انتي مجنونه ممكن انه ما زال قايم

ريم_ خلاص بنستنى ما باقي شي الساعه خمسه الحين

هند_ انا بروح اتروش قبل الصلاه وعشان الزيت القرف

ثريا كانها تذكرت شي _ هند انتي قلتي انك اندسيتوا في خزانه يعني شم ريحه شعرك ايش سوى

هند وجهها حمر واذنيها حمرت مره

هند_ بروح اتروش

ثريا قعدت تضحك وهند تناظرها بضيق
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟