يسلمووووووووووووووو موووووووووووون على الباااارت الأكثر من رائع مرررررررره حلو وفيه انتقال كبير بالزمن

هــنــد: حيــاتي ياهند ايش الي صاير لك الحب يسوي كـذا صدق الي قال الحب عــذاب بس طلبتـك روحــي المستشفى شوفــي ايش قصة تطريش الدم هذا لا يكــون فيه مصيبـه واحنـا ماعد قدرنـاللحــزن روحــي اكشـفي بلييييييز ولا تكــوني انهزاميه أرجعي هنـد الحلوه الي كلها شقاوه الي ضحكتني كثيير في اول بااارت في الراويه

ياســر:مألومك على معاملتك لهنـد بعد الي كـان بينكم من مقالب وضحك ولعب بـس خلاص كفايه هنـد محتاجتك وانت العاقل روح تكلم عليـها هيه مصدومه بوفاة سيف لازم تطلعها من الكأبه الي هيـه عايشتها يلا روح تكلم معاها

أم اسيل: لا تعليـق

العم محمد: انت وش فيك البنت مريضه وتعبانه في تنظيف البيت وأنت جالس عندهم وتتأمر وتوسخ كمان!!!! استح على وجهك خذ فلوسك الي انت كانزها واتزوج وريحناوريح هنـد المسكينه

أبو محمد& ام محمد: روحو شوفو بنتكم ايش فيها ودوها المستشفى مو جالسه تنظف بس

ضحــى: انتي شايفه نفسك على ايش خلي هنـد بحالها ماهي ناقصه مشاكلك فوق مشاكلها حدك حدك كله الا هند

ريم:مبروك الزواج عمر الصغير والله يوقمك بالسلامه مع النونه الجديده

هاله&محمد:ليش ياهاله كذا تغيرتي بعد الزواج وأنت يامحمد ترا مو الحرمه الي تحكم الرجال وكله الا اهلك لا تقطعهم وهم محتاجينك كثير لا تبعد عنهم وفوق لنفسك وأحكم بيتك انت

يسلموووووووووووووووووو مووووووووون انتظر الباارت الجاي بشوووق كبير


حســن الخلــق : رديييييييييييت قبلك ههههههههههههههههااااي
دوري ارقص
متابعتـــكي::ســـــــــــــــوزي::

بسم الله الرحمن الرحيم
السلام عليكم ورحمة الله وبركاته
(الفائز بوح القلم)
أنا أعجبتني حركة الرد الأول شكلي بحجز مثلكم بس ياترى فين
بوح القلم
إيش أخبارش والله ورجعتي المرتبة الأولى عفارم عليكي
الغنج
وناسه وناسه؟
على أيش .........فيس يحك راسه وينظر بنظرة خبيثة
أنا قعدت أحلل رسالتش والله صعبة بس العتب غلى اختبار اليوم مضيع عقلي
سوزي
أنا اليوم برقص معش .......فيس يحب الرقص
بدعيتي(أبدعتي)في التحليل والله روعة أحس أني في سوق الأسهم تقولين قصتي رابحه
حسن الخلق
فيس خايف من التحذير ويدق على جيمس بوندعشان ينقذه رفض خايف على نفسه
حسن الخلق رائعتي كلامش يزيدني فخرا أن شخصا مثلك يتابع قصتي
دمتم محبتكم مووووووووووون

الفصل الثالث عشر

هند قامت من النوم على الساعه خمسه الا ربع وبعد ما سوت القهوه لعمها وصلت وكل شي وهي تنتظر الباص حست ان الجو اليوم متغير ممكن ينزل مطر ان شاء الله واذا ما نزل هند صدرها مليان احساس غريب احساس ترقب حلو هند ما تبيه ما تبي يصيرلها مفاجات ولا أي حوادث غير مالوفه تبي بس تسير وفق نظام معين تعرفه


.....................................................


في مطار الملك خالد الدولي في الرياض خرج من صاله الزوار الخاصيين كان يمشي بهدوء وكان بجنبه شابين كانوا الثلاثه يلفتون الانتباه بكل سهوله جمال ورزانه واضحه وهدوء ينشاف على انه تكبر


رعد _ سيارتي من هنا

عبد العزيز ناظره وناظر المكان الي ياشر عليه

تركي _ عبدالعزيز معي ولا مع رعد


رعد _ معي انا ما فيها كلام


عبدالعزيز ابتسم وناظر رعد وكملوا طريقهم


طلعوا برا كان بانتظارهم سيارتين لمبرقيني وحده بيضاء والثانيه برتقاليه وكانت السيارات محوطه باربع سيارات لكزس سودا


عبدالعزيز بملل ناظر رعد _ ما ابيهم يمشون ورانا


رعد _ انا بعد


تركي _ خلاص ما عرفوا ان احنا كبرنا وبعدين احنا في السعوديه


رعد_ عبد العزيز انت نادي جاك وقوله يخلينا


عبد العزيز ماحاول حتى يرفع صوته _ جاك


جاك على طول سمع صوت سيده حتى وان كان واطي


جاك _ نعم سيدي


عبدالعزيز بنبره امر _ لا احد يلحقنا


جاك _ لكن سيدي انها لامانك


عبدالعزيز ناظر جاك في عيونه _ راح اعتني بنفسي


جاك ناظر سيده بنظره متردده _ حسنا وبعدها ناظر رعد وتركي على انهم المذنبين


رعد وتركي ناظروا بعض بخبث عبدالعزيز فهمهم متعود عليهم
رعد ركب المبرقيني البيضاء معه عبدالعزيز وتركي البرتقاليه
رعد فتح شاشه في سيارته وطلعت صوره تركي الي في السياره الثانيه


رعد _ هاذي الزياره الاولى لكم في الرياض صح


تركي _ الي يشوفك يقول عايش فيها طول حياتك ترا مالك فيها الا شهرين

عبد العزيز _ انتوا خلاص


تركي _ عبدالعزيز اقول ارجع لطبيعتك معنا ترا خلاص مابه احد يراقبك


عبد العزيز ناظر تركي في الشاشه وهز راسه باستهزاء والتفت للدريشه


رعد_ بدت المغامره في الرياض



عبدالعزيز وتركي ناظروه نظره استهزاء

............................................................ ......


هند مشت في المدرسه وهي مستغربه اليوم ما تعرضتلها ضحى ولا مره صح ان هند مرتاحه منها بس ايش صاير لهاذيك البنت اكيد غايبه يا رب دوم هند دخلت على مكتبها الي تشاركها فيه هند وخمس معلمات ثانيات كانت الغرفه كبيره وفخمه اصلا المدرسه كانها قصر


هند راحت لعند ثريا الي كانت تناظر هند من يوم دخلت المكتب


ثريا _ هند انا سمعت انهم خلوك رائده فصل


هند_ ايه انا عارفه من قبل يومين


ثريا بفرح _ هند مو مفروض تفرحين هذا شرف


هند_ ليه وش الشرف انك تكونين رائده فصل


ثريا _ اولا زياده في الراتب


هند فرحت بس ما بينت بس عيونها كان واضح عليها الفرحه لان صدق هند بحاجه فلوس لان خالد رغم راتبه الا ان اغلبه يصرفه على العزايم وسهرات اصدقائه الي يبي منهم خدمه



هند_ الحمد لله


ثريا _ مو بس كذا راح تبدين تدخلين اجتماعات قرارت المدرسه وتقل ساعات حصصك


هند_ الحمد لله رغم اني خذيت همها بس الحين الحمد لله


ثريا – لازم تغديني ولا تعشيني على حسابك


هند ناظرت ثريا بخجل لانها صارت حساسه مره من سالفه الفلوس _ اجيبلك بكره معي اكل راح اسويه في البيت ايش رايك



ثريا فاهمه _ هند كنت اضحك انا الي راح اسويلك عزومه وما يحضرها الا انا وانتي وريم اما هاله خليها ملتهيه بمحمد ما اعرف ايش فيها حتى ما تخليني اتكلم عليه حبها له حب تملك فظيع



هند سكتت وجلست جنب ثريا ومسكت كتابها _ انا قلت للبنات اني راح اضبط الفصل معهم ما راح اخلي المدرسه هي الي تسوي الفصل



ثريا _ بس ما اظن المدرسه توافق انتي تعرفين هي تسوي الفصول على هيئه واحده


هند_ احنا راح نسوي ولو ما دامت الا يوم واحد ابي احس اني في مدرسه عاديه


ثريا _ طيب فكره حلوه


هند_ انا الي قلت للبنات اني راح اشتري الاغراض


ثريا _ بس منو الي راح يوديك


هند_ ما اعرف


ثريا _ قولي لعمي يوديك وانا بعد ابي اروح معك


هند_ بشوف


ثريا _ هند حاولي انتي عارفه عمر مسافر وعادل عنده مناوبه في الحرس ولا كان خليتهم يودونا وانتي خالد ما تشوفينه وياسر مو عارفين وينه



هند رجع المها مره ثانيه يحفر بقلبها من يوم جابت ثريا سيره ياسر وخالد _ طيب طيب بشوف


............................................................ ......


ابو محمد وام محمد والعم محمد كانوا في المقلط كالعاده في الليل كان البيت هادي ما فيه حد من بعد ما كان من اكثر البيوت ازعاج هند في المطبخ تغسل مواعين العشا وياسر مو موجود وخالد في الدوام



هند تذكرت انها لازم تطلب ابيها تركت المواعين وراحتله



دخلت عليهم المجلس ووقفت لان يدها مليانه صابون



هند_ يبه بغيت منك توديني بكره الليل لمحل



ابو محمد وهو حان بنته الي ما تطلبه شي _ ابشري وان ابوك وين ما تبين اخذك باخذك



هند_ مشكور يبه انا وثريا راح انروح معك


العم محمد قعد يناظر اخوه وكأن في راسه موال يبي يقوله لاخوه وهم بروحهم


............................................................


ضحى _ مامي عزوز تاخر لا يكون جلس مع رعد ولا تركي


ام ضحى _ ضحى عبدالعزيز انتي عارفته ما يحب احد يناديه عزوز بعدين كيفه متى ما يبي يجي


ضحى _ لا مو بكيفه انا اشتقتله


ام ضحى _ طيب روحي انتظريه في الحديقه مو هنا


ضحى على طول طلعت للحديقه وما ان طلعت الا والبوابه الي تبعد عن البيت اربعمائه متر تنفتح طبعا ضحى ما شافت البوابه ولا الي دخل من البوابه


وقعدت تدور حول النوافير المنتشره في الحديقه كانت لابسه تنوره لعند الركبه لونها وردي فاتح وبلوزه واسعه بيضاء قطن اكمامه تتدلي من على كتفينها


ضحى سمعت صوت السياره ومن غير ما تحس ركضت للسياره الي وقفت قرب البيت ضحى ركضت ونطت على ظهر الشخص الاول الي خرج من السياره


ضحى وهي متعلقه بظهر عبدالعزيز_ وينك وين روحتوا


عبدالعزيز مسكها صح عشان لاتطيح ومشى بها وهي باقيه على ظهره اما رعد الي طلع من السياره فقعد يضحك


رعد_ ضحى لايكون مدرب الرياضه حقك قرد


ضحى ناظرته وهي متعلقه بعبدالعزيز _ انت اصلا حسابك بعدين انت راس المشاكل دايمن


رعد وعبدالعزيز قعدوا يضحكون


رعد_ انا استئذن انا بعد عندي اخت بس اصل مو تقليد وهي اكيد قالبه الدنيا علي


عبدالعزيز بحنان وصوت ضحى ترتاح معه وتحس بالامان لما تسمعه _ الا في هاذي يا رعد ضحى عندي اغلى من اختي لو كان معي اخت


رعد- اشبعبها ياله باي


ضحى بعد ما راح رعد نزلت من ظهر عبدالعزيز _ وين كنتوا


عبدالعزيز ناظرها بحنان وحب اخ لاخته _ احنا ما نعرف المكان هنا كويس ضعنا بالطريق


ضحى _ البودي قارد وصل قبلك


عبدالعزيز ناظر البيت _ عمتي بعدها صاحيه


ضحى _ ايه وانت الحين حديتني( جبرتني) اغيب بعد بكره من المدرسه


عبدالعزيز ابتسم ابتسامته المشهوره الي من شافها تنور في حياته الدنيا


عبدالعزيز دخل على عمته الي كان يعتبرها امه الثانيه وسلم عليها وجلس شويه وراح ينام من التعب مثل ما غيره نام بعد من التعب في ناحيه اخرى من الرياض

............................................................



اليوم 984 من بعد رحيلك

ا الالم الي في صدري يزيد يا سيف اشتقتلك ..سيف انا تعبت اسوي نفسي مرتاحه خلاص بجد تعبت وش اسوي ما قدرت حتى اصلح علاقتي بياسر وخالد مو خالد سيف وانت عارف من الي مصعب حياتي اكثر مو عارفه ليه يسوي كذا سيف ليه يسوي كذا وليه انا بعد حاسه ان من حقه يسوي كذا .... بكره راح اروح اشتري اغراض الفصل الي قلتلك سالفته تصدق عرفت ان عمي هو الي طلب من ابوي انه هو الي يودينا انا وثريا لكن ريم اقنعت عادل انه يرجع من الزامه وياخذنا للسوق ما اعرف ليه سالفه السوق متعقده انا حاسه انها ما راح تعدي على خير عموما هاذي الايام احس الجو متغير رغم ان فيه بودار للمطر ومع ذلك ما نزل لي الحين هل هو شعور قلبي ما اعرف
هند
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
السنين تمر
حبك الي ساكن في قلبي كل لحظه يزيد
لو أعدي العمر
عمري الي بدا بشوفك هو عمري الاكيد
************
نفسه هو شوقي الي اول ما تغير يمك انت
نفسه هو قلبي الي اول هو قلبي الي سكنت
السنين تمر
وانت لي وجود
وحبك لي حدود
السنين تمر
............................................
السنين تمر
وكل ما غمضت اشوفك يبتدي حلمي من جديد
السنين تمر
وانت شمسي الي تضويلي وتفاكيني وحيد
بعده اسمك هو لساني يالي بقلبي حضنت
بسمتي ياعمري وكياني لك فداك يا عمري انت
.........................................................


نزلت دموع هند على غلاف الدفتر الي فيه الرسائل الغير مرسله لسيف هند حطت الدفتر في مكانه المعتاد وفتحت الدرج حق الكوميدينو وخرجت البوم هند فتحته ومن غير مقدمات الدموع اصبحت فيضانات تنزل بصمت يهز الجدران هند تناظر الصوره بصمت تناظر صوره لثلاثه اشخاص مو متواجدين على الكره الارضيه تمنت انها تكون الرابعه كانو الصوره تبين الحقيقه كلها ولد يناظر بنت وبنت تناظر الولد الثاني والولد الثاني يناظر هند ..هند قربت الصوره وقعدت تناظر عيون سيف الصامته والجامده الي تناظر باتجاه هند
هند بصوت واطي مكتوم من البكا _ ليه ليه انت تبيني مو تبيهم ليه رحت معهم وخليتني اشتقتلك ابي اشوفك ابي المسك ابي اسمع صوتك وينك سيــف وينك انت وينك


هند بعدت الالبوم ومسكت وجهها بين يدينها وبكت وتشهق بصوت مرهق وتنهدات صغيره رقيقه


وتمددت على السرير وقعدت تناظر السقف وعيونها الحمرا تقفل بهدوء

............................................................ ....



هند رجعت من المدرسه ولقت خالد قدامها في الصاله



خالد من شافها مد يده يسلم عليها من بعيد


هند هزت راسها ردا عليه ودخلت المطبخ لقت انهم قد كلوا شكله اكل من المطعم ومابقولها ما اهتمت نظفت الصحن وطلعت تنام


على الساعه سبعه الليل ريم دقت الباب على بيت هلها تبي تاخذ هند يروحون للسوق


دخلت على هند في غرفتها


ريم _ هند يله عمري عادل وثريا ينتظرونا تحت


هند استغربت وش الي جاب ريم لان الحمل متعبها


هند_ ريم وش الي موديك مو كويس لحملك


ريم_ ما عليك مني ما كان خليتك انت وثريا تفرفرون في الاسواق بروحكم رجلي على رجلكم


هند راحت تلبس عبايتها
وخرجوا


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


في السياره هند ركبت جنب ثريا ورا



ثريا بصوت تبي تسمعه ريم عشان تغيضها مزح _ شفتي يا هند اللصقات صارت خطر ذي الايام مو كويسه \


عادل بلقافه _ لا عاد اسمع احد يتكلم على ام عمر الغاليه


ثريا _ مالت عليك وعلى الغاليه


ريم بدلع _ ياشين الحسد يوجع ويفتت الكبد


ثريا _ وش احسدك عليه مالت زوج وشين يقطع الخلفه هو السبب في عدم زواجي كل من شافه قال خواته مثله شيان وولد شكل الشيطان بيستقيل من منصبه ويعطيه لولدك مو بادمي بسم الله علي


ريم_ هند دافعي عني


لكن هند ماكانت تسمعهم كانت تناظر الدريشه وداخله عالم


الكل سكت


عادل _ وين اخذكم


ثريا _ على المكتبه وبعدين انا ابي اغراض من المول ونتعشى هناك بعد


عادل _ هند تبين شي ثاني


ثريا قبصت هند عشان تسمع


هند_ ها لا لا تسلم


............................................................ ....

رعد _ وين نروح


تركي _ ما اعرف انت الي مفروض تعرف لك فيها شهرين



رعد_ خلاص راح نروح لمول نتعشى


تركي _ والله لا قول والله ما ابي اتعشى جنك فود انسى


رعد- متى راح تعرف الرجله مو لازم اكل فخم خلنا نحس ان احنا مثل العرب


تركي _ نواي انا بطني ما يستحمل يجيني تسمم انسى جد انسى عبدالعزيز انت تسمعه وش قاعد يقول


عبدالعزيز كان يناظرهم وعيونه مركزه بتخامل


عبدالعزيز ناظر تركي بابتسامه واحد مستمتع _ وش اقول وش تبيني اقول


تركي _ لا تكون راضي ناكل جنك فود


عبدالعزيز بلقافه _ ما عندي مانع


رعد_ خلاص نروح لواحد من هاذي المولز (المولات)


تركي استسلم وغير الموضوع _ عبدالعزيز ابي افهم معقوله عمتك ما قالت لاهلك انك تتكلم عربي


عبدالعزيو ناظر قدامه _ وليه هم يسئلون اصلا


رعد_ تركي بلا غباء عمته تعرف من زمان تجي الحين ويطلعلها عقل وتقولهم


تركي _ خلاص خلاص يله نروح وشوف يا رعد اذا صار لي شي راح تدفع تعويض



............................................................ .


هند دخلت السياره بعد ما اشترت اغراضها من المكتبه
ريم وثريا ما نزلوا معها هي ويا عادل بس وعادل طيوب يعني جلس على كرسي وخلاها تشتري اغراضها على راحتها


ريم_ هنودتي خلصتي


هند_ ايه الحمدلله


ثريا _ اوكيه نروح للمول



عادل _ أي واحد منهم


ريم _ نروح لمول ..............


ثريا _ لا ابي اروح لمول ...............


ريم_ لا ما ابي


عادل_ خلاص بنروح للمول الي قالته ريم


ثريا – ليه عشانها زوجتك


عادل _ ايه عندك مانع


ريم_ بلا اضحك يا ثريا اذا تبين نروح للمول الي تبينه خلاص بنروحله


ثريا _ لا خلاص نروح للمول الي قلتيه احسن


عادل_ ايه قوليلي وين نروح


ثريا _ اسمع شور مرتك يا مرت مرتك


عادل ضحك _ ثريا الله يهديك ما تعرفين المزح من الجد


....................................................

في المول هند تطلع من محل وتدخل المحل الثاني ورا ثريا وريم الي كانها مو حامل اما عادل فجلس في واحد من المقاهي المفتوحه عشان يعطي البنات حريتهم ما يبي يضايقهم بوجوده


ريم مسكت بلوزه فيها عيون تدمع دم _ هند مو هذا ستايلك


هند ناظرت البلوزه ولفت بوجهها للناحيه الثانيه بالم


ثريا وريم ناظروا بعض ريم تمنت ان الارض بلعتها قبل ما تنطق الكلمه


............................................................ ..

عبدالعزيز ورعد وتركي دخلوا المول


عبدالعزيز مو عارف وش في الناس يناظرونه نظرات غريبه


عبدالعزيز وهو يناظر قدام كلم رعد الي كان جنبه


عبدالعزيز _ رعد انا في ملابسي شي او مخله للادب ( كان لابس بنطلون جينز ازرق غامق ضيق من تحت ومعكوف من عند حذيانه الرياضيه ماركه لاكوست وبلوزه بيضاء سودا مخططه بالابيض خطوط صغيره ولامه لعند الكوع وعليها جاكيت من دون اكمام منتفخ لونه ابيض وعلى يده ساعه بيضاء )


رعد ناظره ويا تركي _ لا لاتخاف


تركي _ ايه ليه يناظرونا


رعد_ عادي لاتخافون لا تعطون وجه وبس


عبدالعزيز ووجه عليه علامه استفهام_ ايش معنى لا نعطي وجه


رعد_ يعني لا تعبرهم لا تلتفت لهم


عبدالعزيز ابتسم ابتسامه خيال مشهوره مرت من جنبه بنت حلوه لابسه بس عبايه وشيله


البنت_ اموت انا


عبدالعزيز ناظرها وهي واقفه قدامه بكل جراءه _ ممكن رقمك ترا ما راح اروح الا برقمك


عبدالعزيز مازال يناظرها نظرات مركزه يفكر وش يسويلها اما تركي ورعد فخلوه مو مهتمين عارفين ان عبد العزيز يعرف يتصرف


عبدالعزيز بصوته الي ما ان سمعته البنت الا وعيونها رفرفرت من جماله والحنيه الي فيه مو عارفه وش توصفه _ ابعدي


ولف مشى من حولها البنت فاقت من الصدمه وراحت وراه


البنت وقفت قدامه مره ثانيه_ ابي رقمك بليز تكفى انا ترجاك


عبدالعزيز بدت نظراته تولع نار عارف ان هذا الموضوع هنا عيب قاله رعد


عبدالعزيز ناظر البنت وقال بلهجه بارده يعرف كيف يتقنها عند الحاجه _ لا ............. ومشى وخلاها



اما البنت فجمدت مكانها ودمعه طاحت من عيونها ودخلت لحمام المول ما عنه مو الاول الي سوى كذا رغم انهم قليلين بس هذا غير



عبدالعزيز مشى يدور رعد وتركي الي خلوه وهو يمشي التفت لواجهة محل لقى اصدقائه فيه بس قبل ما يدخل رجع يناظر واجهة المحل مره ثانيه عبدالعزيز حنى راسه عشان يركز في الي قدامه وركز بعينه كان يناظر شي غريب شي مؤثر شافها شاف بنت تناظر عطر عيونها كانت تملأها الدموع ومتجمده تناظرالعطر عبدالعزيز ناظر عيونها ومن غير احساس او وعي عقد حواجبه كأن في صدره الم منظر مؤثر يشل الاطراف عبدالعزيز قعد يناظرها بس شاف البنت التفتت لوراها شكل احد ناداها عبدالعزيز تابع نظراتها ولقاها تلتفت لبنت ورجعت تناظر العطر عبدالعزيز ناظر رعد وتركي الي كانوا يلفون في المحل ودخل مو عارف كيف شالته رجوله



وقف ورا تركي ورعد الي كانوا عند العود


رعد ناظر وعلى طول خاف الولد كان يناظر لتحت نظرات متأثر


رعد_ عبدالعزيز ايش فيك


تركي _ عبدالعزيز وش صار قول


عبدالعزيز الي كان ما عنده رغبه يلتفت لورا ما يبي يشوفها ليه وش صار له ليه يوم شافها تذكر الحادث ليه حس انه السبب في دموعها وش الجنون الي فيه ليه صدري احس فيه فجوه سودا توجع الم عمري ما حسيته


رعد_ تركي


تركي _ عبدالعزيز رد وش فيك


عبدالعزيز التفتلهم وقال بصوت مخملي _ ما فيني شي باطلع لما تخرجون من هنا دقوا علي وخرج بسرعة وعنف رجل مثير

......................................................