مووووووووووون<< فيس مصدوم

شو هالبارت الماساوي<< فيس منهار

لا لا ما اييوز<< فيس مصدوم خلاص


وقروووب فيسات يصيحون

ما بعلق عالبارت<< ويستمر الحزن

نترياج<< فيس شال ورده وحده هالمرة

مو كل شي في الدنيا نعالجه بالنسيان
هذا انت رحت وما نسيتك
ما نسيت ذكراك وعشت تايهه ومحسوبه على الدنيا انسان
ادور عليك بين وجوه البشر بس ليه ما لقيتك..مالقيتكالسلام عليكم

عارفه ان البارت مليان حزن وعارفه اني مفروض اتوارى عن الانظار خوفا من الاغتيالات

لكن انا من الاول المح واقول ثقوا فيني

عموما انا يوم وصلت عند كتابت البارت وخلصته وقفت كتابه لمده طويله لاني كلامي هذا مو جاي من عدم ولا هاذي التجربه بعد

تقولون انكم بكيتوا

انا بكيت اكثر

زعلتوا

انا اكثر واكثر

...........................
حسن الخلق

غاليتي ..كم احب كلامك وتعبيرك

كم احب تعليقك كم احب الرومانسيه التي تنبعث منكي

شكرا ..ولكن لكل شي نهايه وحتى ان كانت النهايه لا تكون النهايه التي نريدها

مع اني لا اقصد ان هناك نهايه هنا

دعونا من هذا الشرح لا اريد ان اوضح اكثر

...............................................

سوزي

قمتي بالواجب وانا قلت لابو سيف هو الي يعطيك الكاس بس مو الكاس حق المراتب لانه صار لحسن الخلق لكن كاس الرحمه ...هههههههههه

سوزي كنت خائفه من تعليقاتكم بس الحمدلله جات خفيفه على الاقل اقل من المتوقع تعرفون زمان كنت اقول ليه ما ينتقدوني ليه كل البارتات تعجبهم بس كنت اسكت نفسي واقول معليه راح يجي البارت الي اتمنى انهم يوقفون كتابه ردود

بس الحمدلله

...................................ز

بوح القلم ا

انا مو فاهمه وش الي كتبتيه كله صدمه كله بكاء طيب قولي طلعي كلام طلعي حرتش فيني انا راضيه يا قلبي

فيس مضحي بنفسه عشانك

فيس سلم على هله ورايحلك عشان تسوين فيه الي تبين

فيس كتب وصيته خلاص

فيس يحبك

.محبتكم مون

ب

الفصل الثاني عشر


الدكتور _ نحتاج لتبرع من الي فئه دمه أي +


خالد _ انا فئه دمي او تنفع صح


الدكتور _ يله يله بسرعه روح لمركز التحليل بسرعه الله يخليك يا ابني



محمد_ دكتور هند هل فيه امل


الدكتور _ لا مرد لقضاء الله يا ابني الي بدو الله يصير راح يصير


............................................................ ..

تبرع خالد لهند بالدم هند لها ست ايام
حالتها تحسنت رغم انها لالحين ما صحت من المهديات
ريم وهاله وثريا وشروق وناديه صاروا يتناوبون لمرافقه هند


الكل بان وجهه الحقيقي في هاذيك الفتره
اكيد تسئلون عن بطلنا الغائب ياسر
ياسر منهار لانه عارف ان نور حياته خلاص ما راح ترجع مثل اول

حاس باحساسها انه فقدها ياسر من يوم راح سيف وهو يجلس عند هند بالليل وهي نايمه يناظرها ويطلق العنان لدموعه


ومازال الحال كذلك بالنسبه لزيارات المستشفى ياسر يكتفي انه يجلس على كرسي قريب من هند ويقعد يناظرها الكل حاسس فيه وخاصة خالد


........ بعد اسبوع هند فاقت واول ما قامت راحت تصلي لانها لها من يوم فقدت العزيز ما صلت صلت واستغفرت ربها ونزلت الدموع الي ما راح تكون لها نهايه مع هند الدموع راح تكون رفيقه دربها

الكل متاكد ان هند شافت شي هل هو رساله من سيف ممكن

............................................................ .........

مرت سنين على غيابك وما زلت بعيني موجود
عدوك مرحوم وانت عندي من الاحياء معدود
وغيري قفل باب سيرتك وعندي باب سيرتك مردود


.......................................................






اليوم 978 من بعد رحيلك
اليوم وللمره الثانيه ضايقتني البنت الي قلتلك عليها انت عارف ان مضايقتها ما كانت لي شخصيا لكن انا ما يعجبني وش هي قاعده تسوي مع البنات الي في قسم المنهج العربي البنت هاذي متكبره لازم لها حل
انسيت ما اقولك يقولون ان شعري طال زياده يعني الحين صار لتحت خصري ايش رايك اكيد راضي....ترا طلال ولورا زاروا عمي اليوم انا ما قدرت اسلم عليهم اسفه .. تعرف نفسي اروح لياسر واشوف احواله ابي احضنه .. سيف انا اشتقت لياسر مره بس مو عارفه كيف اروح له واضمه.. خلني اغير الموضوع انا الحين خلصت تنظيف الحوش عمي محمد مو عارفه ليه بس يخلي الباب دايمن مفتوح وعشان كذا الحوش يمتلي غبره وانا اتعذب وانظف اسمع ان ريم تقول راح ترسل خدامتها بس انا ما كان رضيت ريم حامل ولازم احد يساعدها وبعدين ولدهاعمر مره شقي يذكرني بياسر وكل شي كوم وعيال محمد كوم وخاصة لما يجتمعون مع عمر خاصة هادي الصغير مو طبيعي امه رضعته بايسون مو حليب اما تؤمه خالد فانا مو عارفه منين جاي هادي ودبدوب لما تشوفه يا سيف تتذكر خدودي هذا كل شي لهذا اليوم انا الحين تعبانه لازم انام واصحى بدري عشان عمي محمد يبي القهوه بدري
هند


قفلت الشابه ذات الملامح الحزينه دفترها الكبير التي تصل اوراقه للالاف كانه كتاب الف ليله وليله
وقعدت تناظر غلافه كان شعرها يغطي وجهها ويصل الي محيط الخصر لونه اسود داكن وكثير كان باين عليه ان مافيه مقص لمسه من مده طويله
الغره طويله متساويه مع الشعر كان لون بشرتها ابيض لدرجه الشحوب وتلك الخدود وان كان لونها وردي الا ان اللون اصبح حزين على تلك الخدين..
ذلك الفم الذي يبدوا ان له فتره طويله لم يجرب الضحك او حتى يتكلف ابتسامه وعيناها كانت تصرخ بنظره حزن مثيره عيناها بكل سهوله لا نور بهما
كل ما نستطيع ان نراه هو بقايا لفتاه كانت بيوم من الايام تنبض بالحياه ............

هــــــــند حطت الدفتر تحت فراشها وتمددت على السرير
خلصت كتابة حوداث اليوم كانت تكتبها لسيف تخبره بما يحدث وهاذي هي حالها من بعد ما فاقت في هذاك اليوم بالمستشفى طبعا مر على هذاك اليوم 978 يوم
صار فيها اشياء كثيره ريم تزوجت مع هاله في نفس الوقت وما اجلوا الموعد حق زواجهم فسوو الزواج في العيد الاضحى الاول من بعد وفاه سيف
هند ما حضرت الزواج واكتفت انها جلست عند العروسات والكوفيره تضبطهم


ريم وهاله ما علقوا ولا جبروها على شي ريم متهنيه مع عادل جابتله عمر اشقى طفل بالعالم والحين حامل يقولون بنت



... اما عن هاله فاول ما تزوجت من محمد خلته ينقل لبيت بعيد من بيت اهله وصارت المتحكمه بحياه محمد لان محمد ما عاد يزورهم الا في الشهر مرتين ومحسوبه عليه بعد ليه هاله صارت كذا الله اعلم..

.
ياسر صار اول سنه جامعه ووضعه في تدهور وراح تشوفون بعدين وش صار معه


..ثريا ما زالت عزبى لكن الجديد انها هي وهند صاروا مدرسات بنفس المدرسه الاهليه العاليه وعلاقتهم صارت قويه مره


... خالد اجتهد كثير في عمله وصار عمله ما خذ وقته كله ممكن عشان المدير الجديد الي ما كان لخالد معه علاقه فعشان كذا خالد يبي يثبت جدارته معه ومع ذلك المدير كان يتجاهل خالد بقوه ويعاقبه على كل كبيره وصغيره



..شروق ما زالت بانتظار خالد ....


العم محمد سكن عند اخوه ابو محمد بعد تطليقه لام اسيل وبيع كل املاكه العم محمد كذب حتى على اخوه وقال انه صار فقير معدم ليه يسوي كذا انشوف ....


اسيل تزوجت عامر وعايشه معه في اوروبا ومبعده نفسها عن عايلتها لا سلام ولا كلام..


. لورا وطلال الضحيتين رجعوا مع امهم للسعوديه بعد طلاقها ودرسوا في مدارس اهليه ما تغير شي لهم بالنسبه للوضع المالي لان عايله امهم مقتدره لكن الي تغير المحيط الي حواليهم والاهم تفكك الاسره الي عايشينه كانوا يزورون ابوهم مره كل شهر وبعض الاحيان ما يجون



...اخيرا الاهم هند كيف عاشت في هذيك السنين هند الحين ممنوعه الابتسامه عندها ممنوع الضحك شعرها طولته او بالاحرى اهملته


كملت دراستها ما كانت تتكلم مع احد الا عند الضروره ياسر هي وياه ما عاد يلتقون

ياسر ان شافها خذا طريق ثاني وهند كذلك مو عارفين ليه ممكن لان هند ما تبي تشوف ايش صار لياسر الي تغير ثلاثميه وستين درجه وممكن عشان ياسر ما يبي يشوف هند وهي ما هي هند الي يعرفها وبعدين هند صارت مدرسه في مدرسه ثريا وملابسها صارت كلها رسميه ومقلمه وشغل البيت كله على راسها ومو متعبها الا طلبات العم محمد الي صارت قريبه من التعذيب ونظراته الي تجمد النار يعني بكل سهوله هند ما تطلع الكلمه الا غصبى وصارت منطويه اغلب وقتها في الغرفه


..................................................


هند قامت من النوم قبل اذان الفجر وتوضت ونزلت تسوي قهوه عمها

دخلت المطبخ لقته معفوس اواني وصخه

غريبه مع انها نظفت امس قبل ما تنام
ممكن انه ياسر لانه امس ما تعشى مع انها ما تعتقد
المهم سوت القهوه وحطتها في المجلس وطلعت تصلي
واول ما خلصت صلاه
حست ان صدرها يتقطع مسكت صدرها ودخلت الحمام وطرشت وامتلت المغسله بالدم الي طرشته هند بوجه خالي من التعابير غسلت وجهها ونظفت المغسله وكان هذا الشئ مو شي غريب
وطلعت لبست لبسها التنوره السودا والبلوزه الزرقا الغامقه الي مخططه بالابيض ولفت شعرها بشباصه ونزلت تحت عشان تنظف المطبخ ...

غسلت المواعين الكثيره وطلعت تبي تروح لعمها محمد تسئله يبي شي


دخلت المجلس لقته يشرب القهوه تكلمت هند بنبره صوت اختفى فيها الحماس والتمرد_ يا عم انا بروح بعد اشوي تبي شي


العم محمد ناظرها بنظرات اللؤم _ روحي وبصوت واطي سمعته هند قال كلمته الي هند متعوده عليها وعلى تطنيشها ( الله لا يردك )



هند متعوده على كذا وادعته
وراحت وقعدت تنتظر عند الباب
وقعدت تناظر الجدار حق البيت الي قدامهم كان سكان البيت الي جنبهم جدد لهم سنه ساكنين
ابوهم ما يسمح لهم يخرجون حتى لو للمدرسه وبنى لهم جدار عالي مره البنات كانوا 11 بنت والعيال كانوا 2 بس وتعال شوف الاضتهاد اللي عايشينه البنات هند كانت تساعدهم لانها بعض الاحيان تروح مع امها لهم لما ام محمد تبدى تبكي وتترجى هند انها تطلع هند ما تبي تكسر خاطر احد بس البنات كانوا صدق ينحبون ...هند سمعت صوت

السواق وطراقه طلعت له دخلت الباص ولقت فيه ثريا الي كانت تقرا كتاب الكيمياء حق صف ثالث ثانوي


ثريا _ صباح الخير


هند جلست جنب ثريا _ صباح النور وحطت هند راسها على كتف ثريا تبي تنام

لان المشوار بعيد المدرسه كانها في مدينه ثانيه او بالاحرى المدرسه كانها مدينه ثانيه بعيده



ثريا _ عندك اختبار اليوم


هند_ لا


ثريا _ انا عندي لثالث علمي عربي راح اعطيهم اختبار سهل مساكين


هند_ كويس


ثريا _ شكلك تعبانه عمي محمد كالعاده


هند_ من الي قالك عنه


ثريا _ ريم


هند ما ردت اكتفت انها تغمض عينها

ثريا قعدت تناظر هند بقلب مليان حزن عليها دايمن تعبانه
وصلوا للمدرسه بعد مشي ساعه كامله


بعد الطابور وكل شي هند دخلت اول حصه لها لذا اليوم


وصل ( طالبه مجتهده عند هند ) _ استاذه هند عرفتي انتي الرائده حقت فصلنا



هند ناظرت فصلهم بعدين ناظرت الطلاب كانوا يحبونها موت _متى عرفتوا


وصل _ الحين عرفنا قريناها في مجله الاسبوع الجديده


هند_ احد منكم مشترك في تحرير المجله


فجر _ لا يا استاذه انتي عارفه المجله كل الي يحررونها من قسم المنهج البريطاني


هند_ ليه ما تعارضون


فجر _ بنات المنهج البريطاني ما احد يقولهم كلمه



هند عارفه كويس كله من بنت ال سياف الي اسمها ضحى لان عمها مالك المدرسه فمتحكمه بالمدرسه والمديره ما تقول لها كلمه



هند_ عموما اسمعوا بما اني رائده فصلكم لازم نضبطه وش رايكم ايش الالوان الي تبونها



وصل _ استاذه هذا مو شغلك ولا شغلنا شغل الاداره



هند_ وانتوا ما تبون تسوون فصلكم على كيفكم


( لا تظنون ان هند تتكلم بانفعال تروها هاديه ولا تبتسم ولا أي تعبير يرتسم على وجهها )



فجر _ بلا نبي خلاص راح نختار انا عن نفسي راح اختار اللون الازرق والوردي



البنات تحمسوا وقعدوا يختارون الالوان وهند جالسه بينهم تناظر متى راح يوقفون


وصل_ انتي يا استاذه وش اللون الي تبينه


هند_ مالي علاقه انا بس راح اساعدكم اني راح اشتري لكم الاغراض


فجر _ لا استاذه احنا راح نعطيك الفلوس وانتي اشتري لنا


هند فكرت بالحاله الماديه الي يعانون منها هلها وعشان كذا سكتت علامه موافقه


وصل _ استاذه احنا نعتبرك اختنا الكبيره عشان كذا احنا راح نخلي اختيار الالوان عليك


هند هزت راسها بهدوء_ انا بس راح اشتري قولوا يله



فجر بضحكه ( البنت شقيه شوي )_ استاذه كل بنت منا اختارت الاوان مختلفه ايش رايك نسوي الفصل الوان قوس قزح


هند_ فكره حلوه اوكيه


البنات كانوا يبون يرفضون بس يوم شافوا ان استاذتهم وافقت لاذوا بالصمت


هند_ عموما خلونا نبد الدرس


............................................................ .
هند خلصت الحصه وطلعت من الفصل وكانت رايحه تبي تزور الاستاذه فاتن من القسم البريطاني

هند قعدت تمشي في بهو القسم الي كانه شارع كله رخام والجدار كان مغطى بالحجر وعليه انوار على شكل فوانيس
وهي تمشي مروا جنبها شله بنات هند على طول عرفت منهم ضحى وخوياتها الثنتين لولوه وربى

هند مشت ما حبت تبين لهم انها شافتهم لكن وهي تمشي ما شافت الا ضحى واقفه قدامها هند التفتت لها


ضحى التي كانت ايه في الجمال ونظراتها متكبره لابعد حد _ وش تسوين هنا


هند ناظرتها بعلامه تعجب وش السؤال الغبي بس هند عارفه اذا سوت شي لذي البنت راح تتورط

( لو كانت هند الاوليه كان لعبت بحسبه البنت )


هند_ ابي ازور الاستاذه فاتن ممكن


ضحى _ وش تبين بها ( هي تبي تغيض هند باي طريقه )


هند_ اسلم عليها


ضحى سوت نفسها تفكر وانها ممكن ترفض وبتملل قالت _ روحي



هند راحت وخلت ضحى رغم ان هذا تصرف ضعيف من قبل هند لكن هذا التصرف الي ينفع مع ضحى لانها مهمه وهند مو من زين حالة البيت الاقتصاديه عشان تتامر ولا ترد على وحده كل امور المدرسه بامرتها



ضحى وهي تشوف ظهر هند


ربى – يله ضحى وش له موقفه


ضحى _ انا حاسه انها تتهزا فيني


ربى _ انا حاسه انها خايفه منك


لولوه _ اكيد خايفه منك


ضحى كانت معصبه _ انا ما احبها


ربى ولولوه ضحكوا _ اعتقد انك تحبينها كثير ولا ما اهتميتي بها وتحطين جواسيس لها وتتبعين اخبارها



ضحى _ اقول ولا كلمه فاهمين لا انا اكرهها عموما انا بس ابي اعرف ليه ذي النظره الميته في عيونها


ربى _ مالك علاقه فيها يله نروح بنات خلاص الويكند نروح لبنان اوكيه


ضحى _ مو كنا مخططين تونس


ربى _ لا ما ابي بعدين انا خلاص سويت كل شي وحجزت. قمر. اول ليله يعني سهر


لولوه _ قمر وما لقيتي غيرها ايش اغنيتها الجديده العتبه كزاز والله لو غنتها لاضربها مقرفه


ربى _ انا اموت فيها


ضحى _ اتمنى تموتين ولك مني اني راح اسويلك جنازه يتكلمون عنها الناس


ربى _ لا انا ما اموت الا لما انول مرادي


ضحى ولولوه فهموا وش تقصد


لولوه _ ايه هذاك بعيد المنال انسيه


ربى _ بس خليني اطلع من هاذي المدرسه واروح فرنسا واسويلي كم عمليه تجميل وشوفوا كيف بطلع


ضحى _ بعدي مو لك على فكره قريب راح يزور الرياض


لولوه _ قولي والله اكيد هاذي اول مره له يزور السعوديه


ضحى _ ابي اشوف شكله لما يشوف البنات هنا وهم لابسين عبايات


ربى ولولوه ضحكوا ومشوا يكملون الراوند حقتهم


............................................................ .........
هند رجعت البيت وقعدت تدق على باب البيت ما احد فتحلها قعدت تدق لين تعبت لها ربع ساعه ما احد فتحلها

والشمس ضاربه على راسها هند خذت جوالها

( جوال هند واحد جديد مو الي من سيف ولا حقها الاول لانها حالفه ان هاذيك يكون اخر اتصال فيهم هو سيف )

هند دقت على تلفون البيت ما احد رد هند حست ان الدنيا بدت تلعبها لانها خلاص شويه وبتغوم
استندت على الجدار وما كان فوقها ما يمنع الشمس عنها هند فكرت ياسر مستحيل يكون في البيت في ذي الحزه وخالد بعد وين هلي وما ان سئلت الا وقفت سياره ابوها


ابو محمد_ هند وش الي مقعدك هنا ليه ما دقيتي على عمك


هند عرفت ان السالفه فيها العم محمد_ دقيت ما احد رد


ابو محمد_ ليه وانا ابوك ان بعدني داق عليه قبل اشوي وراد


هند_ ممكن انه ما سمع صوت التلفون


ابو محمد_ الله يهديه


ام محمد مسكت بنتها لاحظت ان هند بدت تفقد توازنها


هند_ ما عليه يمه جعلني قبلك انا بخير بس ابي انام


دخلوا ولقت عمها محمد على التلفزيون وناظرها نظره ذات معنى

( انا سامع بس ما ابي افتحلك ) هند كانت تبي تطلع طلت على المطبخ لقته اكوام فوق بعض تنهدت ودخلته تنظفه مره وحده
ولما خلصت طلعت فوق وغيرت
ورجعت تطبخ ام محمد كانت تبي تساعد هند بس ظهرها وبعد هند ما كان سمحت لامها تدخل المطبخ
............
هذا يوم من الايام الي تمر على هند نقدر نسميه يوم عادي ...............
............................................................ ..
الغريب
الغريب الثاني _ سيدي اتصل بي السيد رعد وقال لي يريدك


الغريب الاول بكل بروده وبصوت لا يستطيع ان يسمعه الا من ينصت جيدا هذاك الصوت الي ينكتب في عذوبته ودفئه وجاذبيته شعر رغم انه منخفض الا انه يخلو من البروده ونبره التكبر _ ما قالك ليه


الغريب الثاني _ قال لما تدق عليه راح يقولك وقال ملاحظه بعد


الغريب الاول ناظر الغريب الثاني بعلامة تساؤل

( لانه ما يتكلم كثير )


الغريب الثاني _ قال انه يحذرك ويهددك اذا مره ثانيه هو دق وانا رديت او غيري عليه


( المحادثه من الطرفين تمت باللغه الانجليزيه )

الغريب الاول ابتسم بهدوء وقام من كرسيه
ومد يده للغريب الثاني الي عطاه جوال عمره ما نزل في الاسواق والحقيقه انه عمره ما راح ينزل فيها لانه خاص جدا

وبكل هدوء مشى مشيه يحسده عليها رجال العالم
وهو يمشي كان عيون كل الشابات والعجائز ومتوسطات العمر في قاعه ذاك الفندق تناظره منبهرين
بلي يشوفونه من جمال افلاطوني رقيق وعذب وبارد وبلاخص عيونه الي تخفي اصله الحقيقي هاذيك العيون الي بلون الفجر الازرق الغامق الي يلمع لمعه فضيه ساحره محاطه برموش كانها الليل الي يحاول اخفاء الفجر او كانها جنود متوشحين بالسواد وعددهم هائل لم يسبق لجيش ان كان بذلك العدد

الغريب كان يمشي متجاهل الكل في عيونه نظرات ملل وهدوء وتهذيب توقفت قدامه شابه فيها من الجمال الي يخليها ملكه جمال في دولتها


الشابه _ هاي


الغريب الاول ناظرها بتمعن عشان بحاول يتذكرها لكنه فشل
الشابه _ ما تقول انو نسيتني


الغريب الاول عقد حواجبه وناظر فوق عشان يتذكر مره ثانيه ما قدر ناظرها بابتسامه وقال بصوته الهادي الي كانه يتبع نغمه او موسيقى خفيه_ اسف


الشابه الثانيه كانت فاتحه فمها ببلاهه من قوه الهاله الي تحيط به

_ لا عادي مني زعلانه كتيير بس بدي تراضيني بدي ياك تتروق معي


الغريب الاول _ اسف مره ثانيه بس انا ما افطر الحين سوري لكن فطورك راح يكون على حسابي اعذريني الحين _

(وانسحب بهدوء منها )



الشابه ناظرته من وراه وهو رايح للمحاسبه كانت نظراتها مليانه حب واعجاب



الغريب الاول وقف عند المحاسبه وقعد ينتظر لان كان فيه اثنين شكلهم سعوديين


الشاب الاول_ يابن الحلال وش قاعد تقول تبيني الحين ادفع لك20 الف


المحاسب_ القناح الي انتا وصحبك قعدتوا فيه اليوم بينحسب بـ2000 دولار فانا مش زنبي ان انتا مكنتش عارف


الشاب الثاني_ شوف يا ابن الحلال احنا قولنا للتاكسي ياخذنا لفندق كويس ورخيص وخذانا لعندكم ورحنا للمحاسبه ولا قالوا لنا ان اليوم ب2000 احنا ظنينا ان الاسبوع ب

2000


الشاب الاول _ وبعدين مو كنا عارفين ان انها 2000 دولار كنا انظنها 2000 جنيه



المحاسب المحترم والانيق ليليق بالفندق الي يعمل فيه _ شوف حزرتك انا والله عايز اساعدكوا بس مش بايدي دي الاسعار



الشابين ناظروا بعض هم لو ينفضون ملابسهم واغراضهم ما لقوا ذا المبلغ وما عندهم احد يعرفونه ممكن يسلفهم



الشاب الاول _ راح انروح اندق


المحاسب _ منعا للاحراق (للاحراج) ما تخرقوش من الفندق


الشاب الثاني _ طيب واخذ صديقه وراحوا للمطعم


الغريب الاول الي كان شاهد على كل الي صار تقدم بعد ما راحوا الثنينه الي كانوا قدامه


المحاسب اول ما شاف الغريب ابتسم _ ايوه يا باشا عايز حاقه


الغريب الاول ناظر ورا عشان يشوف الشابين الي كانوا يمشون في القاعه حقت الفندق وهم يتكلمون مع بعض بعصبيه وبعدين ناظر المحاسب


الغريب الاول _الغي فاتورتهم وقول للخدم انهم يجهزون اغراضي ابي اسافر الحين


وطلع من الفندق المحاسب كان يناظر السيد من وراه برهبه وبكل سرعه نفذ الاوامر


............................................................ .....

هند قامت من النوم على صوت دقه جوالها ناظرت الساعه لقتها ثنتين ونص الليل عرفت من المتصل من غير ما ترد وفي الحقيقه هند ما راح ترد لانه هذا الاتصال مزعج لان هند لما تفتح السماعه ما تسمع رد وهكذا كل يوم


هند قفلت الجوال ورجعت تنام وعلى الساعه اربعه الفجر ياسر تسلق الجدار حق البيت ودخله راجع بعد السمره مع اصدقائه وكالعاده وقف عند باب هند وقعد يناظره كطقس من طقوس فرحته ان هند ما زالت عايشه بعد الي صارلها ياسر لمس الباب وبعدين رجع لغرفته ينام


.........................................................

محجووووووووووووووووووووووووووز<< فيس رد قبل الناس

لي باك << فيس بعده ما قرا البارت

========

رديت لكم بالرد

قبل كل شي تسلمين فديتج<< فيس يبوسج

لا الاحداث انتقلت نقله نوعيه وكبيرة.. ودشينا عالم المجهول<< فيس متروع

هند

حليلج يا هند.. كل هذا بسبه الحب<< فيس زعلان على حالها.. وين هند الجديمة اللي كنت اقول لها بويه<< فيس يطالع مووون.. ما عليه فديتج.. سيف حي<< فيس شاك في موضوع موته من البدايه.. الا تعالي شو سالفه الدوم.. الاعراض اللي فيج تقول ان عندج<< فيس ما يبي يطري المرض

ريم

مبروووووووووووووك.. اشحقه ما عزمتينا<< فيس كاشخ بيروح العرس.. اله يوفقج ويخلي لج عموور وتقومين بالسلامه

هاله ومحمد

افا ما عيبتونيه موليه<< فيس يحرك راسه.. وانته بلاك مستوي خاتم في صبعها ما تستحي على ويهك<< فيس مقهور منه

العم محمد

بسم الله .. بلاك عالبنيه.. يعني هذا كله لانها كانت في يوم من الايام حرمة سيف<< فيس يتوقع.. اسمعنيه عدل.. خف عالبنت ولا ترا<< فيس يهدد

الغرباء..

هل لسيف علاقه بهم.. خصوصا ان خبر وفاة سيف كان مفاجى.. يعني اشعنه ما يكون اختفاء مؤقت<< فيس يخطط

نترياج فديتج<< الفيس راعي الورود

وناسه وناسه سيوف حي
مامات وهو صاحب المكالمات
المجهوله
وهاله حواليها استفهامات كثيير

والعم محمد وش سبب
معاملته لهنود صراحه
كرهته وبعدين وش
شغل البزران ذا
يوصخ المواعين

وفي انتظار الجاي
في اسرار ابي اعرفها
ترى مافيني صبر

وسلام موني