موووون آآه >فيس يتنهد
ابي واحد زي سيف

صراحه قصه رووعه
حبيت سيوف وهنوده
بس لاتصير دلوعه
كذا تجنن واحلى شي
حياها اللي يجي ويروح

والبناااات يونسون
ولجين وع ماحبيتها
وعامرابوعين زايغه
الخبل اسيل وش تبي
فيه تاخذه
وياسرولورا ههههه
مراهقين مهبل

في الانتظااااااااااار
موووووووووووني
وطولي البارت شويتين

الفصل الحادي عشر



هند ناظرت سيف بحب هند ما قدرت تخفيه



سيف قام_ هند قولي لي احبك


هند قامت من الخجل _ ابي استئذن


سيف ابتسم _ اوكيه راح اخليك تقولينها اذا مو اليوم الايام عندنا( هند ابتهجت لفكره ان سيف يحبها بذا الجنون ) مسك يدها وعطاها الكيسه وقرب منها وباسها على راسها


هند كانت تبي تقولها بس السانها انشل هو بعد مع سيف كل شي يتوقف عن العمل ما عدا القلب الي يجتهد في عمله زياده هند خرجت من الغرفه ولما سكرت الباب بقت تناظر الباب كانها تناظر الي داخله وقالت في نفسها احبك


ثريا وهاله وريم كانوا جالسين جنب الباب


ثريا _ لا اقول ادخلي له وكملي المسلسل الي بديتوه وش خليتوا للزواج

هند اول مره تنتبه ان فيه احد عندها


هند_ مالك علاقه حره مساكين


هاله_ اللله ياخذك كنتي في ملكتي كانك ابليس ما خليتي محمد ياخذ راحته ولا كان


هند قاطعتها _ شوف شوف مو انتي الي قلتي لي وبعدين حبيبتي انا خليتكم على راحتك في الاخير تعرفين الحمد الله ان محمد مو موجود ولا كان ردها لي


هاله_ ليته موجود هند بصراحه انا حاسدتك


ريم_ هند وريني الخاتم ما شاء الله


هند لاول مره تنتبه للخاتم لانها كانت منتبها للي لبسها الخاتم كان من رقيق بس مشغول يدوي في النص كان فيه التقاء لطرفين الخاتم وفي نقطه الالتقاء تربض الماسه تضيئ ببهاء


ثريا _ اقول اطلبيه الطلاق وبيعي الخاتم تريه يعيشك غنيه طول حياتك


ريم_ هند هاتي اشوف ممكن انه كاتب داخل الخاتم حروفكم مثل الافلام الولد كل حركاته غربيه


هند خلتهم يفكون الخاتم لما طلعوا فوق لغرفتها وزي ما توقعوا كان حاط الحرفين الاولى من اسمينهم


ثريا _ هند تعرفين لو مو مستعجل كان سوينا لك حفله اكبر من الي سويناها لهاله


هند_ انا اصلا ما احب الاحتفالات الناس كلهم عيونهم علي




بعد كذا هند انزلت للنسوان سلمت على جده سيف الي كانت مبتسمه وشروق وخواتها الي جاوو قبل اشوي اما عن وليد ما حضر بعذر انه في الشرقيه لكن الحقيقه انه في البيت مقفل غرفته عليه عرف خلاص انها راحت حبه الوحيد الحنون راح في الاخير كلام الناس صح هند مو لك



............................................................ ...
الكيسه كان فيها جوال غالي و ظرف فيه رزمه فلو س هند علمت امها وامها قالتلها خليها معك هاذي هديته لك



هند هذاك اليوم ما جاها نوم على الساعه اربعه الفجر جاها مسج
احبك وبغيت اقولك اني نسيت عندك شي ما خذيته اليوم مع اني كنت ناوي اشله



هند فجاءه تذكرت الالبوم كيف كيف نسته اكيد هذا الي نسيه راح تسوي نفسه مو داريه وتساله وينه



وش هو وقلي وينه عشان ادوره

بعد اشويه جاها مسج ثاني
عندك قربك ومعك رغم ان معك واحد مثله بس هو مو راضي يرضى انه لي ..ردي لي قلبي


هند ضحكت صدق يعرف يتكلم


ااه وانا اقول منه ذا القلب ملكه بس زين انك قلتلي لاني كنت اسوي جرد للقلوب الي لاحقتني ولا عرفت من هو ذا القلب ملكه بس سوري راح ارده لما ترد التي شيرت حقي

سيف رد

خلي قلبي عندك ما ابيه لاني مو قادر اتخلى عن التي شيرت منو الي راح ينام جنبي بعده ..الا اذا بغيتي تجين تراني احب الاصل اكثر

وطول الليل كذا لين قرروا الثنين ان كل شي يكون لهند وسيف كان راضي ما يبي يكون الا لهند


........................................................


قرروا ان زواج هند يكون في اول العطله الجايه مع ان سيف كان يبي الاسبوع الجاي هند كانت تبي تخلص دراستها وما به فرق باقي ثلاثه شهور بس لا والله اقل من ثلاثه اشهر بعد خالد ومحمد ردوا الكل حدد زواجه هاله زواجها على العيد الكبير وريم معها ثريا توظفت في مدرسه خاصه راقيه جدا تدفع رواتب مجزيه الكل استغرب لان المدارس الخاصه ما تدفع كثير لكن هاذي المدارس كانت فخمه مره وتوها فاتحه والاساتذه فيها يمرون باختيارات كثيره لين ينقبلون والاهم ان الطلبه الي فيها ما ينقبلون على اساس انهم يقدرون يدفعون قسط المدرسه لكن عشان تميزهم ومواهبهم والمدرسه فيها مناهج بريطانيه وامريكيه وسعوديه الاغلب كانوا يروحون للمناهج البريطانيه عشان مقدرتهم للسفر هناك ثريا فرحانه بدوامها رغم انها تشوف عالم عمرها ما شافته


.........................................................


بعد مرور شهرين هند كانت بدت تقدم امتحانتها وسيف مازال يرسل المسجات لانه حاول مره يدق قالت له هند انه ممنوع هند لانها مو عارفه وش تقول لانها ما تقدر تكلم الانسان قدام عينها... احسن لما يكون مختفي وصلوا لمرحله انهم يعرفون الكثير عن بعضهم هند من دون اسرار لكنها علمته خرياتها (مصايبها ) وسيف قالها عن حياته عن هواياته عرفوا بعض بس ما اختفى اسلوب المرح والضحك سيف كانه انسان ثاني انسان عاشق حتى النخاع رجع لطبيعته الي اختفت مع وفاة اخيه طبيعته المرحه الضحوكه المتواضعه
في ذاك اليوم

هند كانت تدرس اخر اختبارات هذاك الاسبوع باقي لها اختبارين بس

وكالعاده جاها مسج

احبك وكنت ابي اسئلك عن قلبي واخباره هل هو تعبان مثل صاحبه اسئليه


هند ردت عليه


بخير واموره كويسه لان مالكته الجديده معيشته بعز ..بس ابي اسئلك سؤال وترد علي بصراحه


هند خلاص لازم تسال وش سالفه بدر وليال


ردسيف


اذا كنتي تبي تسئلين عن حبي فهو في ازدياد وعلى انتهاء الربع الثالث من هذه السنه سيجني هذا القلب الكثير من الارباح بالمختصر القلب الي اخترتيه قلب رابح



هند ردت

سيف انا اتكلم جد ابي اسئل سؤال جدي

سيف

هند انا وانتي واحد الي عندي عندك اسئلي من غير استئذان


هند فجرت القنبله


ابي اعرف قصة بدر وليال


سيف بوجه خالي من المرح الي كان الطبع الغالب على شخصيته من زواجه من هند


ما اقدر اقولك القصة كمسج اذا تبين تعرفين ارسلي مسج بموافقتك على اني ادق عليك لانها قصة طويله


هند بتصميم


موافقه


بعد ارسالها المسج بدقيقتين دق الجوال


هند_ الو


سيف _ اهلين حبي


هند_ سيف انا اسفه بس لازم اعرف


سيف_روحي لا تتاسفين على شي معي الي تبينه قوليه والي تبين تسوينه سويه



هند_ قول لي



سيف تنهد_ هند لازم ابدا من واحنا انا وبدر صغار


هند انا اشبه امي ( هند قالت اكيد ما دام انك تشبه جدك)
وهذا الشبه الي كان منعدم عندبدر هو الي خلا ابوي يهتم فيني اكثر
وان كان اهتمامه لبدر مو صغير بس كان اهتمامه بي يصل لحد الهوس
ينام عندي ما ياكل الا لين اكل ولما اكل يانظرني بنظرات اهتمام كبيره
ولما بديت اكبر كان ذكائي وتفوقي يزيد من اهتمام ابوي وكان دايم يردد الشركه لسيف هو الي راح يديرها
ولما بدر يسئله وهو وش راح يعينه كان يقول نائب الرئيس
كبرنا وانا رغم اهتمام ابوي فيني ما زلت افضل اني اكون مع بدر
انا وبدر علاقتنا مثاليه الكل يضرب بها المثل
ولو ان الادوار معكوسه لاني انا الي كنت ادافع عن بدر
المهم في مرحلة المراهقه سكن بالبيت الي جنبنا عايله ليال
ليال من اول ممكن عشان عمري القريب من عمرها
او لاسباب ما اعرفها تعلقت فيني وانا رضيت لانها بنت طيبه ورقيقه ومتفهمه لابعد الحدود
بدر بدا يبعد عنا ويكون له صداقات بدر كان محترم ومحبوب اكثرعند الشباب
لكن عند الناس الكبيرين ان المفضل

رغم اني كنت مرح واحب اضحك
عموما خلصت المدرسه والي كان بالامس مجرد كلام عند ابوي بدا يطبق

دخلت هندسه وبدر قد طب

وفي اول سنه جامعه لي قرر ابوي عشان مستقبلي اللامع الي كان يفكر فيه اني لازم اخطب ليال

انا ما كان عندي مانع ليال كانت فرحانه
وكنت للثلاث السنين الي بعدها محور اهتمامها وحياتها فكانت كثير تيجي عندنا البيت وتحب تصور هوايتها التصوير
وما كنت عارف وش الي قاعد يصير
تعرفين بعدين لقيت صوره تفضح كل شي لو بس انا شفتها من قبل كان الاوضاع اختلفت
( هند قالت في نفسها عارفه )
عموما على السنه الرابعه ليال بدت تقلل زيارتها
وبدر بدت تكثر طلعاته
انا ما كنت مهتم بغياب ليال لاني اشوفها صديقتي
وفرحان بخروج بدر الي كان البيت حياته
انا الحين اشوف كل شي من المنظور الصحيح
ليال كانت تبي تلاقي احد يحبها ومالقت الرجال العاطفي معي
وبدر الي كان رومانسي الا ابعد الحدود
اكيد انه طاح في هوا ذيك الانسانه الرقيقه
عموما انا سافرت فرنسا والامور صارت من بعدي
عرفت ان ليال وبدر راحوا لابوي بعد ما ضاقت بهم السبل
لانهم الثنين يحبوني وما كانوا يبون يجروحوني
راحوا لابوي وقاله بدر عن مشاعره لليال وليال كذلك
وطلب بدر من ابوي انه يساعدهم
هند كنت اسمع كلام ابوي بكل طواعيه لكن تعرفين رد ابوي عليهم

انه قام مثل الشيطان كان الي برا يسمعون الحوار
من الغضب قالهم انهم لايفكورن يقولونلي او بس يحاولون محاوله

وقال لبدر انت مو اخو كيف تاخذ الي ملك لاخيك
كيف تضيع حياة اخوك الي ما يساعدك الا هو
واظن انه ضربه كف الكل
يقولون ان بدر طلع ويده على خده
عموما بدر وليال طلعوا من الشركه
بدر غاضب الحارس حق الشركه يقول لاول مره اشوف السيد بدر غاضب
لهذيك الدرجه والباقي تعرفينه

انا لو قالولي كان خليتهم انا كنت اشوف ان بدر كان لابد يكون مكاني
ليال اختي وما كنت راح احلم اعطي اختي واحد افضل من بدر


هند كانت تبكي بصوت مخنوق _ اسفه سيف


سيف _ هند هند لا تبكين ولا دمعه مفروض تنزل من عيونك انا وهو انا مو مفروض تزعلين علي هند اذا تبيني ارتاح لازم تكونين قويه مثل ما عرفتك انتي الي خليتيني اصحى على حالي من شخص ما يفكر الا بالانتحار الا شخص يتمنى يعيش للابد عشانك



هند مسحت دموعها وقالت تبي تغير الموضوع _ انت تقول ان ليال طيبه اختها مو طيبه انا ما حبيتها



سيف _ لجين طيبه مره


هند_ ايه بس هي تحبك



سيف بصوت مشاكس _ وانتي تغارين ها


هند_ لا تغير الموضوع انت عارف انها تحبك ولا لا


سيف _ ما يهمني اعرف المهم انتي تحبيني ولا لا


هند غيرت الموضوع تحس بخجل _ تعال تعال تذكرت حاجه ليه تقولي ليال هاذيك الليله


............................................................ .

هند قفلت الجوال وقعدت تناظره سيف كلامه ريحها وفهمها عرفت الحين كل شي هند خربت شعرها مو معقوله هالفرحه تبقى بس على قولة الحريم لما تتزوجين الفرحه تنتهي هند كانت تبي تتخيل الحياه مع سيف ما قدرت بكل سهوله ما قدرت ناظرت قدامها ولقت كتاب الماده حقت بكره مفتوح صاحت باقي لها نص الماده الله يعين

...........................................................


سيف قام من نومه وهو مو مرتاح امس حلم حلم ما اعجبه حلم انه يكلم هند وكانوا جالسين على كرسي وحس ان هند تلتفت لورا كثير سيف سئلها هند ايش فيك قالت ولا شي وبعد شوي التفت سيف بنفسه لورا لقى ان فيه رجال جاي لهم من بعيد يغطيه ضباب او غمامه المهم ما شافه سيف سيف ناظر هند وقالها خلينا نروح شكل هالمكان بيصير زحمه هند ناظرت لورا جهه الرجال وقالت سيف ابي اجلس هنا سيف رفض هند صارخت في وجهه وقالتله خلني براحتي مالك علاقه فيني سيف مسك يدها وحاول يجرها بس هند كانت بحركاتها الطفوليه حتى في الحلم كانت ماسكه الكرسي لحد ما جا الرجال الثاني ومسك يد هند الثانيه عشان يسحبها لناحيته فصارت هند بين سيف والرجال الغريب .



.وهند اصلا كان كل الي تبيه انها تجلس في الكرسي


سيف قام متضايق وقام ولبس ملابسه

>>>>>>.
في وقت لاحق من ذلك اليوم
سيف كان جالس في مكتبه قدام الاوراق الاوراق النكبه سيف ما قدله مقفل التلفون كانت الاوراق نوعين وكل نوع يؤيد وجود الثاني ويؤكد على ان المصيبه كبرى

.......................................................


هند كانت نايمه من التعب ما صحوها هلها ومثل ما كانت غرفة ريم مخبوصه عشان اغراض العرسه هند صارت الغرفه حقتها وان كانت اقل من ريم فوضويه هند قامت وصراخها يقطع القلب


ريم دخلت على اختها الحين الساعه 4 الفجر وهند شكلها حالمه مو كويس


ريم راحت لاختها وجلست قربها في السرير وبدت تصحيها لان هند شكلها تتعذب


هند قامت بس ما زال الحلم ما اثر عليها _ ما ابي ما ابي ابي اروح معك خل هذاك يجي ورانا


ريم قامت تطبطب على خدود هند_ هند هند قومي بلا حلم


هند قامت ناظرت ريم وركزت بعينها


ريم_ منو ذا الي يبي يروح


هند_ سيف


ريم_ اها اشوف الحب وصل حتى للاحلام صدق انه طيحك


هند تحاول تتذكر الحلم ومن غير كلام خذت الجوال ودقت عليه في روما


هند تنتظر ما رد قلقها زاد المره الثانيه بعد ما رد هند بدت تتدمع وريم قلبها طاح هند دقت عليه للمره الرابعه


سيف _ الو الو هند اسف كنت اخذ شور



هند من سمعت صوته بكت ريم خذت الجوال منها


ريم _ الو سيف


سيف بخوف_ ريم وش في هند


هند خذت الجوال من ريم وبصوت معصب _ لما تروح الحمام خذ جوالك معك لا تخليه نهائيا فاهم



سيف _ اه كل ذي غيره


هند_ غيره في عينك انت ما تحس


سيف _ يا بعد احساسي وروحي



هند_ مو فاضيه لك ولا لكلامك



ريم ضحكت وطلعت من الغرفه



سيف يبي يخليها ترجع لطبيعتها _ هند قولي لي احبك تريني محتاجها حيل



هند_ عقابا لك ما راح تنقال اليوم مع اني قدني ناويه اقولها



سيف _ ابيك تحلمين بي كل يوم اذا كان الحلم هو الي راح يخليك تدقين علي احبك يا هند


هند شالت الجوال وقفلته في وجهه يستاهل ليه يخوفها في حلمها
بعد شوي مسج واصل
ااه اولا السلام عليكم وثانيا صباح الخير لان ولا وحده منها قولتيها يا روحي وللمره الثانيه احبك لحد اخر ايامي


.......................................

في مكان غير معروف في مكتب سنغفل تفاصيله الان وقف ورا المكتب رجل مع كبر سنه الا ان الوسامه ترسم على وجهه فنونها ومن تراه الان تتحسر على انها لم تكن في عهد صباه اذ انها لا تستطيع ان تتخيل مدى جمال هذا الشخص وهو بعمر الشباب ولكن فتره حسرتها تنتهي عندما يدخل ذلك الشاب وعندها لا يعود هناك مجال للتحدث

الاب _ اريدك ان تذهب الى المشروع الذي يقع في منطقه ,,,,,, وان تثبت للمهندس المشرف هناك ان ثقتنا فيه كبيره

( رغم انهم اثنينهم سعوديين الا انهم ما يتكلمون مع بعض الا انجليزي )


الابن _ هل استطعت ان تقنعه بالبيع ( بصوت هادي موسيقي راقي وعميق جذاب )



الاب _ لقد تمت الصفقه الاوراق هنا هل تريد الاطلاع عليها


الابن _ لا ..انت تعرف موقفي من هذه الصفقه


الاب _ ان مشاعرك الانسانيه لا يجب ان تتدخل في العمل


الابن _ مشاعري الانسانيه ليس لها وجود حتى تتدخل في العمل



الاب ضحك بافتخار – اعلم هل ستذهب


الابن _ لدي عمل هناك ولهذا ساذهب


الاب _ شكرا


الابن خرج وركب السياره المبرقيني السودا وما ان مشى شوي بسيارته كان فيه سيارتين سودا وراه نوع لكزس يتتبعون حركاته لحمايته ناظر الابن السيارات من مرايه السياره فعقد حواجبه بخفه

_ حتى لهنا ( الي يسمعها يتكلم سعودي يستغرب لان ما في احد يعرف بامر اللغه العربيه الي يملكها الا اصدقائه الثنينه الي هم اصلا الي علموه ياها)


............................................................ ..


سيف كان في مكتبه في الشركه الي الحين صارت رسميا مو له الصفقه كانت ضاغطه واكيد انها من تخطيط شركه ال سياف دفع ديونك مقابل شركتك نظرا لحجم الديون المتراكمه على الشركه الي كانت تقدر بمليار وستمئه مليون نظرا لفشل مشروع الناطحه السنه الي فاتت وغيرها من الامور المحبطه الي حصلت كان تهديدهم عباره عن مكالمه تخبرها انه مجبر بالاختيار بين قرارين اعلان خبر افلاس شركته وهنا الديون تزيد لان رواتب العاملين تنضاف او دفع ديونك مقابل الشركه مع بقاء سيف المدير العام سيف في قلبه هم يبي يقوله لهند بس بعد ما تخلص الامتحانات هو عارف ان هند ما تهتم بالفلوس هو اصلا مو معدم ما زال يشتغل في شركته بمنصب المدير العام


التلفون دق سيف خذه على الدقه الثالثه _ الو سيف الصالي يتحدث


الطرف الثاني _ ........................................


سيف_ حسنا ساتي حالا


سيف قفل التلفون لازم يروح للمشروع

............................................................ ..

سيف راح للمشروع وقف سيارته في المواقف دخل كان المشروع كبير كبير كان المكان يعج بالشاحنات سيف كان يمشي ومو ملتفت للشاحنه الي كانت متجهه صوبه

......................................................

سيف كان يمشي ومو ملتفت للشاحنه الي كانت متجهه صوبه وعند اقتراب صاحب الشاحنه من سيف وقف السياره بفرمله قويه سيف ناظر وتلفت صوبه شاف ان الشاحنه قريبه منه لدرجه الخطر سيف كان في عالم ثاني عالم مليان هم يتمنى ان هند تخرجه منه


صاحب الشاحنه نزل وراح لسيف واعتذر سيف قاله ان الغلط غلطه مو هو

سيف ناظر الشاحنه لين ابتعدت كان صدره خالي من الاحساس مو عارف ليه

سيف راح للمبنى وهو فوق بعد ساعه كان على حافه الغرفه الي هم فيها وللمره الثانيه كان راح يروح فيها العمال لاحظوا طلبوه يرتاح سيف راح ورا المبنى ودق عليها يبي يسمع صوتها


سيف وهو مستغرب ان هند ردت عليه


هند_ الو صار لك شي اليوم


سيف _ عدا اني بغيت اموت اليوم مرتين لا ما صار شي


هند بانفعال_ سيف اوعدني انك راح ترجع البيت بعد اشوي وما راح تطلع منه اليوم


سيف _ وليه


هند_ سو الي قلته لك انا خايفه اليوم كثير مو مرتاحه


سيف _ خايفه علي

(هو في ذي اللحظه لاحظ من الناحيه الثانيه من الشارع وقفت سياره لمبرقيني وراها سيارتين سودا خرج منها شاب سيف حمد ربه ان هند مو هنا عشان لا تشوفه من الغيره )

هند_ ايه خايفه ما ابي اترمل بسبتك



سيف ابتسم وجاه احد العمال وقاله ان لازم يروح لهذاك السيد لانه من شركه ال سياف


هند سمعت ان فيه احد عنده _ خلاص اخليك انتبه لنفسك ولا عاد تدق علي


سيف بعذوبه _ هند قولي لي احبك ابيه اسمعها صدق تكفين


هند كانت تبي تقولها بس ما طلعت


سيف _ هند بس قولي انا احبك يا سيف


هند حست ان قالتها راح يروح شي _ انت غبي ليه وافقت عليك ولا ليه اخاف عليك مالت عليك


سيف _ ابي اسمعها


هند غصب _ انت قولها اول


سيف _ مو علي هالحركات لما اقولها تقولين وانا بعد


هند تضايقت _ سيف انت اغلى ممتلكاتي سمعت ممتلكاتي احبك


سيف ارتاح ضيق الايام راح وهمها _ يازينها منك هند تذكري اني بعد احبك ومو محتاج انك تعذبين نفسك عشان اعرف ارتاحي انا راح اكون بخير صدقيني


هند_ ان شا الله سيف


سيف _ هند احبك سمعتي فهمتي احبك





وقفل الخط بعد هند




والتفت للشاب الي كان فارع الطول الي كان مسوي برجوله حركه التقاطع وضام يدينه على صدره ومتكي على جنب سيارته يناظر سيف بصبر سيف مو سايعته الدنيا مشى قدام يبي يقطع الشارع من الجهه الثانيه ابن ال سياف كان يناظر سيف بالم هو ماكان يبي يصير لسيف الي صارله لانه معجب بشخصيه سيف ..سيف من الجهه الثانيه وصل لنص الطريق ووقتها قعد يتذكر كلام هند وناظر قدام شاف الكل يناظرون الجانب الي جنبه ناظر معاهم وكان اخر شي شافه وجه سائق مرعوب والكلمه الي قالتها هند تنسمع
احبــــــــــــــــك


............................................................ ..

والله يامووووون كنت ابـغى ارد أول واحـده بـس حسـن الخلق سبقتني بس بوريـها اقـول حسـن الخلق هذا مكاني بعدي عنه

هــذا البااارت ياموووون غــير عن كل الباارتااات فيه مشـاعر كثـيره بس في الأخير يحـزن

احـس سيف بتجيه غيبـوبـه
وفـي هذي الفتره بيظهر ولد ال سيـاف في حيـاة هنـد ويحـبها بس هند ماتعطيه وجـه واتـوقع الموضوع فيـه فلوس كمان يعني ديـون على سيـف مع شركة ال سيـاف

بصراااحه البااارت رووووعه يسلموووووووووووو مووون ولو انـه يحزن

متابعتـــكي::ســـــــوزي::