السلام عليكم ..
.. الصفحة ال ( 44 )
.
.
.. تلف بنا الدنيا وتدور ..
.. ونعوووود من حيث اتينا ..
.. وان كان هذا ليس في قاائمة حساباتنا ..
" هاجر "
.. كطير مهاجر عآد لاوطآنه هو احساسي ..
.. كم الغربه قاسيه .. موووحشه .. مؤلمه ..*
لاسيما ان كآن ذاك التعيس هو رفيق الغررربه !
*.. اذاقني الذل والهوااان اشكالا والوانا ..
.. واسقاااني كؤووس من *المر و العلقم مددآ بلا عدد ..
*.. جعل من روحي عجوزا عآجزززه ! ..
.. صقل شخصي لييحفز صبري النائم ليطفو فوق سطح طغياانه وجبروووته و بطره ..
.. اخرج مكنوناااتي من سباتها ليمتحن جودتها واليتها لتحمل الصعاااب ..
.. شجاااعه .. جرأه .. اقدااام .. ثقه واهنه مغلفه باغطيه من قوة ليس لها مفر ولا مناص الا بها ..
.. فاما حيااااة تسر الصديق . . واما ممات يغيض العداا*
.. الم اقل لكم ..
.. هذه الخيره في امرري الذي كنت انعته بابشع الكلمات ..و استنكر اين هي الخيره لتكون فيه ..
.. عدت ليس كما كنت ..
.. من فتاة سطحيه اقصى امانيها مأكل طيب .. وملبس حريري .. وحياة رغيده مترفه .. وشااب وسيم ك مكمل لفطرتها الانثويه .. لِ....
*
.. فتااااه صقلتها الحيااه ..
.. قلبتها ذات اليمين و ذات الشمااال حتى آخر رمق ..
.. باتت هذه الدنيا لاتساوي عندي جناح ذباابه ..
.. اصبح صيامي و قيامي و مصحفي هم انيس غربتي بين اهلي ..
.. نعم زاااد ايماااني و ثقتي بخالقي ..*
فكل بداايه لابد لها من نهااايه ..
.. وماوجودنا في هذه الحياااه الا عابري سبيل ..
.. فلنغتنم الزااااد ووفرته ليوووم يشح فيه الزاد وليس للمرء الا ماجنت يداااه ..
.. زهدت في مافي يداي بعد ان كان مافي ايد الناااس يزيغ ابصاااري ..
امنيه وحييييده اتمناها ولا يأس لي في تحقيقها فقط ليمد الله في عمري حتى احققها ..
.
.
.. سبحان من يسخر عبدا لعبد اخر مستضعف ..
.. وقد يكوون خير ممن خرج معك من بطن واحده .. او ممن خرجت من اصلابه ..
" فييييصل "
.. فااق الخبيث من خبثه ليهذي بجنون من لاعقل له ..
.. مذ اصبح مغلول القيد وهو يكيل الشتائم بكرم و يتوعد بان يجعلها ممسحه لحذاءه و جاريه تركع تحت اقدااامه حتى اسكته الضابط بلطمه اودع فيها حوله وقوته حتى لون الدم شفاااهه ..
.. وكأن على راسه الطير ..
.. استكااان مرة واحدة لاقايضه بالطلاااق مقابل التنازل عن القضيه ..
.. نعم ..
.. القضيه اقمت قضيه بعد ان اثبت طبيا تعرض هاجر*للاعتداآ والضرب المبرح و مجاهرته بالمعاصي واتعريضها للتحرش عدة مرات .. فضلا على عدم اهليته للقيام بزوجه واسره ..
.. طمأنني الضابط بان الامر مفروغ منه ..
وان طلقها بطيب خاطر والا فابالارغام من فوق انفه ..
.. وافق سريعا ليقلب طاولة *المقايضه على ام رأسي ..
.. ويقبل بشرط ان يرد له مهرها كاملا دون نقصااان وان ازيد بعشرة الاف تبعااات خسارة زواجه دون فاآئده ..
.. كتبت له فورا شيكا مصدقا باسمه
خشية ان يأتي احدهم ويعبث بعقله فنعود لنلجأ لحبااال المحاكم التي قرارها بعيد وغير مكين ..
.. بصحبة الضابط تم لي ما اريد ..
.. وكم كنت اتمنى ان ابصق في وجهه قبل ان نفترق ..
.. عدت منهك القوووى ..*
.. التعب والارهااق ينهش جسدي ..
.. والحر و العرق زاااد الطين بله !
.. اتصلت بامينه فانا بأمس الحاااجه لها الان ..
ليس جسديا بل نفسياا ..
.. قربها يرخي اعصااابي ويريح نفسي ..
.. والكر والفر الذي لاقيته اليوم اتلف اعصااابي و قطع اخر رمق من انفااسي ..
.. فيصل بعد السلام ..
امينه تجهزززي .. انا بالطريق جايك ..
امينه *.. لا معلش انا قايله لك من قبل بقعد مع خواتي والعصر بنطلع للسوق بعدين هنا سعة صدر *ماودي اخليها ..
.. فيصل بصبر .. معليش امون تعبااااان مرررره بننام والعصر اجيبك ..
.. امينه .. اووووه فيصل لاتزن على راسي ..
خوااتي كلهم هنا .. لاتصير اناني واتنكد علي عآد ..
بعدين لاصرت بتنااام وش اسوووي انا ! اسمع شخيرك بس !!
.. فيصل بحساسيه .. الله اكبر انا اناااني !
انا انكد عليك ..
.. سعة صدرك بعيد عني !
.. طيب بشري اختك اني من سبع وانا مثل الرحى ادور من الشرطه للمحكمه ومن المحكمه للشرطه لحد ماجبت ورقة طلاقها بجيبي ..
.. وتراي دفعت ستين الف مهرها اللي شرط يرجع له عشان عيونك انتي موب عشانها ..
.. وع العموووم ماقصرتي يابنت عبدالله ..
*.. الله الغني عن راحة بين ايدينك ..
.. اقعدي عند خواتك واشبعي فيهم ..
ولاتذكرتينا وحنيتي علينا تعالي ..
اغلق الهاتف بالمقعد المجاور له*
بعنف و معدته بدأت تتقلص بتشنجااات مؤلمه .. تضامنا مع نفسيته المتعبه ..
*.. راه يصدح باذان لذيذ يبث الطمانينه والراحه في النفس .. فهذه النغمه تشرح صدره دوما ..
استعاذ باالله من الشيطان الرجيم وهو يتناوله ليغلقه كليا .. قبل ان يتهور و يجيبه .. وجل مايخشاه ان يتطور الامر لامور اخرى هو في غنى عنها ..
.
.
.. الطيب في هذا الزمن زمن ال " أنا " يستغل ابشع استغلال ..
.. وفي اقل الحالات ضررا يستهان به ولايقام له قدرا ..
.. بل يركن على الرف لحين عوز ..*
" امينه "
.. لم اتوقع مطلقا ان يتحسس الفيصل من كلامي الذي القيته جزافا دون النظر لاحتمالية تبعاته ..
.. كلمات بسيطه *في نظري القيتها ببساطه اكثر بعد ان غرني حبه لي ..
وغرتني الاماني انه لاهم له سوى راحتي حتى لو كانت على حساب راحته !
*
.. اتصلت به مرارا و تكرارا .. دون جدوى ..
.. بعد ان كان قلبي يدق مع دقات هاتفه اصبح الان يستشيط غضبا ممزوجآ بذعر مماقد يحدث له.. !
ومن ردة فعله الصارمه حيث لم اتوقعها قط ..
.. تنآولت عبآءتي وافكار مشتته تعبث بخلايا رأسي ..
.. لم أشفي فضول اخواتي المستفسرآت عن سر حاتي الغير موزونه وانا ابحث عمن يوصلني اليه ..
.. وقفت في ال " الحوووش "في حر يقطع الانفاااس ..
هذا لهيب حرارة *شمس الدنيا .. فكيف بلهيب نااار جهنم في الاخره !!!
اعاذنا الله من شرها وحرها ..
وكأن وقوفي في هذه الشمس الحارقه سيجعل حظي يجلب لي من يوصلني لبيتي .. او لعله عقااب لي على تفريطي ..
.. وعدم وزن كلامي الذي لم يكن من عادتي ..
.. لكن طيبة الفيصل وتساهله معي جعلني استهين بقدره وواجباته بعد ان كنت متفانيه لابعد حد ..
.. ولم يخطئ حدسي ..
.. فهاهو الخاال ساري يتجاوزني وهو يرفع عقاله ليستقررمتوسطا رأسه تأهبآ للخروج ..
.. عاجلته بامساك ذراعه ليرتد لي بعد ان استوعب عقله اخيرآ *بأن هناك شبحا اسودآ مر من امامه !!
وقبل ان يتفووه بحرف وهو عاقد لحاجبيه بعثرت الحروف امامه ليلتقط منها مايشاء .. ليفهم حاجتي بأي حروف كانت !
.. امينه .. خااال لاهنت بخاووويك ..
آقصد آبي بيتي ..*
يعني توصلني هنآك ..
.. فيصل مايقدر ......
.. بتر ثرثرتها ليريح عقله من عناء تركيب وترتيب الجمل بعد ان فهم الجزء المهم في الامر .. والباقي لايعنيه ..
.. ساري .. تبين بيتك اركبي بوصلك ..
ساد الصمت بينهما وكل غارق في افكاره ..
.. هي مع الفيصل وكيف ستبرر له استهانتها به !
.. وهو مع زوجته النازحه لاهلها بعد.ان اتو اهله .. امه واخواته .. !
.. وكيف سيعالج الامر الذي بااات يغيضه فعلا و يحرجه امام والدته واخواته وبنات اخته !
.
.
.. احساس كالصقيع .. وبروده تنااافي حرارة الجو الذي يأسرها من كل حدب *صوب ..
.. تعددت الاسبااب والمووت واحد ..
.
.
" منيررره "
.. ملني البكاء ومللته !
.. وكرهني التصنع والتمثيل وكرهته !
.. حتى اصبحت قالب ثلج لايحس ولا يشعر ..
.. وك جمآد لايحرك ساكنآ ..
.. وثقت حقوووقي في المحكمه بشهوود واودعت الصك لدى اخي ساري في خزانته ..*
*
.. وغدآ هو موعد قصآصي تحت مقصلة الزوااج ..
.. لا اخفيكم سرآ بأني فرحت بالفستآن الابيض الًذي طالما زارني في احلامي وحلق بي مع اطياف فارسي فوق الغماام ..
.. الفارس الذي شاخ بعد طول الانتظار .. وانصهر في اثواب زوج اختي !
.. فرحت به رغم اعتراضي على هذا اللون الذي لايناسب سني ولا يأسي ..
.. لكن نسمه كانت اعتى من ان يعارضها احد بالرغم من موافقة اخواتها لرايي !
.. نسمه .. بس اتتي وياهااا
.. لا احمر ولا اخضر ولاموووف ! *
.. خالتي توها بنت ومن حقها تفرح بهااللون وهالفستان ..
.. بعدين هو هادي يعني لانافش ولاحركات مراهقات ..
.. مخصر جسمهاوو معطيها طلة عروووسه ..
.. وهي تلبسه عشان روحها موب عشان احد .. !
.. واليوم الكوافيره بتجيها عشان تضبطها *..
.. وبكره العصر بتجي تسوي لها الميك اب والتسريحه ..
.. منيره .. نسووم تكفين لاتخليني مضحكه .. البس ثوب مهوب قدي ..
وووش مكياااجه وووش تسريحته !!
ابحط كحل وروج .. واسشور شعري وصل الله وبارك ..
.. نسمه .. ولاااالك لوا خالتووو ..
ماتبين عيااالك يشوفون امهم بالفستااان الابيض !
وشهقت وهي تصفق بكفيها وكأنها اكتشفت حقيقه للتوو ..
.. نسمه .. احلاااااااا .. اخواااني وعيااال خالتي بنفس الوقت !
.. عقدت منيره حاجبيها بانتقاد و خجل في آن معا ..*
.. ياالله حسن الخاتمه وووش عيااله بعد !!
.. نسمه بتفااؤل .: خلووله ليش متشائمه ..
الغرب الحرمه عندهم تدخل الاربعين وكانها توها تنطلق للحياااه ..
.. تتزوج تحمل تولد .. وتعيش حياتها بلا عقدة هم الكبر اللي عندنا يالشررق ..
.. البنت لاوصلت الثلاثين قالوو عانس الله يرحم حالها .. زوجوها شااايب ياالله تلاحق عمرها بولد والا اثنين يشيلونها بكبرها !!!!
.. والا قطوها في نحر مزواج وجاره وبزارين وعله تقصر العمر !!!!
.. لاعاااد والا اللي هايت والافايت وماتقبل به ولا السلق الزرق يتقدم بكل ثقه انه ماهو بمرفوووض .. كيف يرفض وهو بيفكهم من العانس اللي ببينتهم ..*
.. والله مو كل العوانس على قولتهم فيها عله لانها طافت الثلاثين وهي ماتزوجت .. !
.. ياناااس هذا رزق من الله يمسكه متى يشاء .. ومتى ما الله امر به ينزل نزل ..
.. لاله علاقه لابزين ولاشين ولاثقافه ولاجهل كله مقسوم من عند الله والواحد لازم يرضى به ..
ومايندرى وين الخيره فيه !
.. واكبر مثااال هجوره الدبه .. بغت تنجلط لين تزوجت عشان تطلع من جحر الفار بيتنا .: وطاحت بأردى بقبر مظلم ويمكن القبر اهووون منه !
.. صفقن لها ايمااان وسناء و سميه صاحت سميه باعتراض ..
هييييييه لاتقولين لي خيره ماخيررره .. حطيتي ابو شرف في جيبك وجايه تلقين محاضرره .:
وتعمدت اغاضتهااا ..
.. كانك صادقه تنازلي عن ابو شرف وباخذه انا .. زي خالتي وامي ..
وانتي خلي انطلاقك بعد الاربعين عشان نصدق حكيك ..
نسمه .: جعلك حررررريمته .. وعنك ماصدقتي ولو بعد مية سنه ..
وان بغيتي فكي باااب الشااارع وقولي عررروس بريااالين برياالين .. تخفيضاات اخر الموسم ..
والا طقي لوحه جنب ابوخمسه وابو عشره !
*بس بعلي لاتقررررربين صووووبه لااتوطى في بطنك واقطع ذريتك ..
.. ايمااان .. ههههههه كلتي البنت !
.. حشا لو انه فلتة زمااانه !
.. نسمه بتوعد *.. كيفه فلت والا مافلت لاحد يطريه بزين والا شين لااطلع بلطجتي عليكم ..*
*.. سميه .. ههههه امحق من اخلااااق يالشيخ !
توووك تحدث شحليلك وخشعنا وزهدنا .. !
ايمااان .. ياحلييييييلك والله .. درر تنطقين ..
تغيرتي عقبي نسووم .. تصدقين احسبك خبله !
والله واانا برا دايما افكر فيك ..*
واقوول يمكن مايتحمل يوصلها لاهلها يمكن يقطها بحر ولايسمي .. !
.. نسمه بغرور .. يالحبيبّه .. لاجيت مع المصلين صليت .: ولاجيت مع المغنين غنيت .:
*
.. يعني انتم حدكم الاستهبااال والركزه والتكااانه هناااك !
.. واسترخت على المقعد وهي تتناول قطعتااان من الكنافه المحشيه دفعة واحده حتى بالكاد اغلقت فاها بعد عناااء ..
.. استاءت ايمان لهكذا مشهد لم تره منذ امد ..
ايماان .. هيييييييه بنت !
خفي على عمرك شوووي !
وين الريجيم والحركاات !
.. نسمه بغصه .. " قل اعووووذ برب الفلق . من شر ماخلق .. "*
اذكري الله يابنت !
بعدين شسووي والله حاووولت بس ماقدرت ..
مره سويت ريجيم .. ويجيني هاك التكااك ..
بغت روحي تطلع من الضيييقه ..
واسمي واقرا على عمررري ..
قلت بس هالضيييقه من عييين ماصلت على النبي !
ياررررب من اخذ من اثررره .. المعجبييين واااجد ولا ادري من ابدي من اخلي ..
عند هذا المشهد انفجرن اخواتها ضحكااا و امرنها بالاسترساال ..
.. فتابعت غير ابهه بهن سوى تبرير بسيط ينم عن ثقة عظيمه لتغيضهن .:
.. صدق والله .. انا معرضه للحسد .. زييين و ملح .. وو...
قاطعتها ايماان بسخريه *.. وجسسسم بعد لاتنسين ..
.. فنهرتهن بغيض .. الله يقطع الحريم ومن يحكي لهن سااالفه ..
سالفه تاخذ دقيقه والا اقل يقاطعووونك ب ستمية سؤال ..
ويدخلون لك في السياسه والخدم وسوالف عيالهم اللي ماتقضي ورجالهم و فواتيرهم و مشاريهن امس بالسوووق وان ذكروك بعد ساااعه والا تنثين قالو كملي !!!!
.. لينك فاقده مخك من لحستهم ..
سمييييه .. ياااربي يالحناااانه .. وش صار بعدييين !
انتي الي شطحتي بنا لهمووم المجتمع ياالمصلحه !
.. كملي ديدا حباابه ..
.. نسمه بتطنيش .. والحمد لله اني ماتكلفت وعزمت العرب عشان اخذ من اثرهم .. مع اني خذت من عمارووه وتررششت فيه ..
اعرررفه معجب فيني .. واخاف عينه تزهد لي !
.: عدن للضحك و الهمز واللمز فتابعت !
[/COLOR]
[/COLOR][/SIZE]
[COLOR=blac[[/COLOR]
[COLOR=black[[/COLOR]
وانا اللي اوصي السواااق يمر اقرب محل حلويااات ويجيب لي كل اللي وده يذوووقه ..*
ويمر البقاااله ويعبي امن هالششوكولاتات .. الصاحي منها والخبل ..
.: واسوووي قهوووتي .:
*وفك لاتفك .. ابلع لاتبلع ..*
.: والله من خلصت اربع شوكولاتات الا والعين بدت تحل !
والضيقه انفرررجت !
.. طلعت من الشوكولاته موب من العيييين .: !
.: وهكذا بدت سهرتهن وانتهت على خزعبلااات نسوم التي لاتصدق ولاتكذب !
.. منيره ..
.. كنت في السهره ضيفة شرف !
.. لا اسمع لا اتكلم لا اضحك لاابكي .. ففط متفرج اصم وابكم ..
.. لعل الحديث ينسكب غدا كله !!!!
.
.
" طراااد "
.. لاادري سر بقاء نشوه للياال ثلاث لم يسبق لها ان فعلتها ..
.. والاغرررب انها طلبت مني البحث عن خالها باقصى سرعه بعد ان علمت بسفرري ..
لكن مايبدد الشك في نفسي هو تبرير محمد لهكذا امر .. بانها تري امها في احلامها توصيها خيرا بخالها وبالبر به ..*
وانني الاجدر بالبحث عنه ..
.. لم اتكلف كثيرا .:
.. فهو في الصيف يكون حيث ابله في مراعيها المحدوده .. !
.. اخبرتها باني وان كنت مسافرا فهي اختي وفي عهدتي ..
وان محمد لن يحوجها لشيء فهو تعهد بالاهتمام بها ..
تركتها عندهم مع جيش من الاطفال بمختلف الاشكال والالواان والاعماار *ودون تعليم او ولايه .. فالكل هنا يربي نفسه بنفسه !
.. اوصيتها .. اسمعي لاتطووولين هنا ..
يوم اثنين بالكثير وتكلمين محمد يجي ياخذك !
.. فيه ارسال لاطلعتي على هاك الجبل ..*
.. الوضع هنا مايريح ابد !
.. هزت راسها بموافقه وهي تبتلع غصات تترى ..
واختفت عن انظاره دون تعليق بعد ان زودها ببضع الاف للضروره ..*
ترددت في اخذها واصر بنظراته دون ان ينطق .. !
.. عااد وهو يقلب رقما بين كفيه ..
.. لايحب هذه الطريقه ابدا .. ولايستسيغها ولايتقبلها ..
*.. مادامت ستكون ملكه و تحت يده .. وسيحدثها العمر كله ..
فلم الاستعجال ورجولته تأبى هذه الطريقه التي لايرى لها مزايا !
.. دون الرقم بهاتفه ثم رمى بالورقه بعد ان مزقها اربآ اربآ ..
.
.
.. ان لم تصل لحقك ولاتستطيع فاستعمل المخادعه علك تجني حقا مشروعا لك ..
.. ولكن حاذر من انكشاااف امرك . حتى لاتتحمل العواقب ..
" بشااار "
.. بكل برووود العالم سخرت مني !!
.. سنا .. الحييين ناتفني من بيت خالي ومن بين خواتي وامر مهم امر مهم وما يتأجل ومادري ايش ،، واخرتها ابي ولد هههههه منين لي !
قالو لك بالشارع نلقاهم والا فالبقاااله !
بشار .. يه انا اكلمج من صجي .. تطنزين علي شكو !!*
سنا .. الله ماشفناه بالعقل عرفناه .. تبي ولد بهالليل امنين اجييييب هههه*
.. بشاار بغضب .. جذي !
.. طيب ياالسوووسه ابقفل عليج الباااب لين اتعرفين من وين ايبون لعيال ..
واحلمي تحضرين عرس خالتج والا تشبرين لخواتج ..
وانا هني مبسوط وبانتظر ماوري شقل الا انتي ..
سنا .: يالله عااااد ..
بكره عرس خالتي .. وابشر بدور لك ولد سبشل في طريقي ..
.. قفزت لذهنه فكرة ما فوثب بخفه رغم ضخامة جسده ليتناول حقيبتها ويقلبها رأسا على عقب .. وينثر محتوياتها ..
.. حينها قفز قلبها ليسد حنجرتها بهلع ..
.. فسابقته وهي تلتقط الاغراض بسرعه عشوائيه وغضبها يزيد ..
سنا .. خيررر خيرر ان شاء الله مضيع جدتك في شنطتي !
.. قالها وهو يفرزها من بين الاغراض المتساقطه ويلتقطها بخفه متناهييييه ليضعها نصب عينيها ..
بشار بغضب .. شنووووو هذيه يامداااام !
سنا ببرووود ظاهري .. اظنك اخبر مني فيها .. سبق وشريتها واكلتني منها .. حبوب منع حمل كااانك نسيت !
قالتها وعيناها مسلطه على عينيه بتحدي رغم لمعة الدمع في محجريهما ..
.. بشار .. وووومنو استاذنتي منه ! .. ومن خذتي قرارج منه !
سنا .. من عمررري مثل ما انت قررت بنفسك ونفذت من كيفك ..
.. بشااار وهو يفرغ محتوياتها ويدوسها بقدمه ..
.. بشوووف اشلون اتجيبين مثلهاا ..
سنا بتحدي اكبر .. بجيب وبجيب وبجيب ..
ولا ل...........
قاطعها وهو يلصق جسده الفارع بجسدها الصغير ويطبق على فكيها رغم اعتصار قلبه المإ بسبب شيء ما يلمع في مآقيها *..
.. وتراااددين بعد ..*
.. افلت يده لينقلها لمؤخرة رأسها ليجبر راسها على الانكفاآء ليلتصق بصدره فيمرغ رأسها في صدره ليمسح اي دمعه منها قد تقف عآئقآ امام عقاابه الذي سينزله بها ..
.. رماها على السرير خلفها بعنف وهو يأمرها ..
.. البسي عباااتج انطرررج بالصاااله .. وخرج كعاصفة من خلف جبل ..
.. انقبض قلبها ..
.. هل سيقررر الفراق وحده كما اعتاااد !
*.. لاشافي لهيجانه ذاك الا ان يعاقبني بفراااقه الذي هو دائي ودوائي ..
شيء ما ثار في نفسها .. اهو الكرااااامه .. ام السأم من انتظار البلاآ ليحل في اي لحظه كما حل الان !
.. سارت خلفه وما ان استقرت على مقعدها حتى بادرته بهجووم ..
والله والله لو اطلقني هالمررره اني ماارجع لك لو فيها طلعت روحي ..
.. تفاجأ بهجومها ومضمونه ورغمآ عنه تبسم بحب وشيئ من الغرور بدا ينتشيه ..
.. لم يجبها .. بل *جعلها تحترررق على ناااار عاليه عقابا لها ..
.. تحترررق فعلا تحتررررق تريد فقط كلمه تطفيئ نيران قلبها ..
.. وبعد ان يأست ان يفتح فاه بحرف .. اخدت عيناها تلتهم الشوارع بشرووود حتى اطفأ المحرك ليأمرها بالنزووول !!!!
روادتها هواجس و خواطر ووساوس اكثرها شراسه .. انه عقيم ولاحاجة لها بالتهام المزيد من الموانع !!
شهقت ببكاء مرير لهكذا فكره .. واقسمت بينها وبين نفسها ان تبقى معه ابد الدهر ولو بدون ذريه ..
.. امسك يدها وهو يضغط عليها بقوه ..
.. بسج بجي فضحتينا .. وبثقه وغرور في إن معا *همس لها :
.. ارتااااحي مو مطلقج .. والله يعيني عليج ..
.. افلتت يدها بقوه بعد ان تلاشت الرحمه التي في قلبها تجاهه ..
وقبل ات تنطق تكلم هو للرسيبشن ليقطع موعدا عنذ طبيبة النساآ فيتناول الرقم ويتجه كل منهما لقاعة الانتظار .. !
.. مرت ساعه وبضع دقائق حتى نودي على اسمها فتبعها هو دون اذنها ..
.. رحبت بهما الطبيبه بعجل لتبادرهما بسوألها المعتاد ..
اش المشكله !!!
،. اجاب هو بكذب وتزوير للحقائق ..*
**والله يادكتور من امس وهي كلا *تبجي ..
صارلنا تقريبا سنه من تزوجنا وماالله كتب تحمل .. واهي تبي ياهل قلنا مالنا الا الله ثم حضرتج .. مع العلم انها في بداية زواجنا كانت تاكل موانع لانها تبي تاخر مسألة الحمال شويه ..
.. فتحت عيناها من كذبه الذي لايكذب والدمع جف في ثوان بعد ان التهمه الاستغراب ..*
فاكمل دون ان يبالي لنظراتها اللائمه والغاضبه وكانه لايراها بينما الطبيبه توبخها على استخدام المانع دون استشارة الطبيب ثم تلجأ له بعد ان يقع الفأس في الراس ..
.. بشاار بنذاله .. علميهااا دكتوره علميها .. تبلع من هالحبيبات والتالي اتصيح تبي يهال ..*
ارسل لها قبله في الهواء *مكتومة الصوت مع غمزه سريعه *ليغيضها بعد ان راى الطبيبه منكبه على الملف وهي تلقي اسئله على سنا دون ان ترفع راسها ..
انتهى اللقاء بعد ان كشفت الطبيبه ان المبايض مع المنشطات ستكون مستعده للتلقيح الشهر القادم بعد ان اطلعت علي سلامة ااتحاليل من هرمونات وغيره .. *
وصفت لها المنشط ليمد يده هو ويتناول الوصفه ليتجه من فوره للصيدليه بذات المشفى ليخرج لها قرصا ويضعه بنفسه في فمها ويناولها قنينة الماآ بسهوووله *
.. حاولت التملص بعناااد لكنه ساومها ..
هااا اذا تبين اتحضرين عرس ابوج مدري خالتج ابلعي بسكات ..
قالها واصبعاه اللذان يحملان الحبه يكادان يصلان لبداية حلقها ..
.. سعلت مرات عده بسبب اصبعاه الغليظاان *فاغلق فمها بكف يده خشية ان تخرج الحبه مع السعااال ..*
رفع نقابها قليلا ليتاكد ان يدها المتناوله للماآ لاتخرج الحبه في طريقها ..
.. نهرته وهي تبعد يده وتنزل نقابها بعد ان ابتلعتها بالاجبار رغما عنها ..
سناا .. ابعد يدك .. مافي ثقه يعني !
وبالفعل كانت سترميها بين صدرها مدعية ابتلاعها ..
.. بشاار .. ولوو قلبي الثقه متبادله بس لاخديتيها من ايدي ايي مفعولها اسررررع ..
.. عاد لشقته بمزاج غير الذي خرج به منها ..
نظر لساعته التي تزين معصمه وهو يتمتم لنفسه بخبث ياالله يمدينا نراضيها عشان لاقضت هالحبووب انشوف شغلنا :. اراااويج ياسنااا*
وانا اللي اقول من الله. شايل همج علي اللي سويته فيج ..*
اتجه لبيت خالها .. تبين اتكملين سهرتج مع هلج !
من عيووووني وبكره مثل هالحزه بيي ابلعج حبتج حتى لو عندج مية عرس ..
.. بجديه ناقشته ..
.. بشاار حرام نجيب عياااال بهالوقت بالذات ..
لو ماصاربينا نصيب انكمل مع بعض اللي بيجي بيتبهذل ..
مو بس بين ام وابو منفصلين الا بدولتين منفصلتين بعد !
يرضيييك ولدنا يجي كله عقد .. يتيتم من ابوه والا امه وبعدهم حيين .. والا يتشتت بينا .. !
وووش ذنبه وووش ذنبه !
بشاربجديه مماثله .. ذنبه ان ابوه ايحب امه ..
ولو انحرم منها بيوم هالولد اللي من ريحتها بيرد له روحه ..
. سنااا ابي منج .. بموووت بحسرتي لو مايبت منج ياهل !
.. سنا .. بشار عيشتنا مع بعض شبه مستحيله الا اذا اهلك رضو فيني *وجيت اعيش معك في ديرتك ..
.. بشار .. ماوعدج عمي وابوي ينطرووووني اطلقج باقرب فرصه ..
ايحسبونها نزوه وبتمر .. حتى انا كنت اظن جذي في البداايه ..
سنا بزفرة الم .. يعني فراقنا شبه محتوم !
الله يرحم والديك اذا انت ناااوي فيني نيه اعتقني من الحين قبل ما نتوهق بعيال بلا اب !
.. بشاار .. شدعوووه بلا اب .. وانا شنو ابو الييرااان !
قلتي بلا ام يمكن !
سنا بغضب .. شقصدك !
تبي تاخذهم مني !
بشار .. اشرايج انتي ..
اخلي عيالي يعيشون بعيد عن عيني والناس ياكلون من خيري واهم لااا !
سناا .. ههاااي تحلم والله تشم ظفر واحد منهم ..
بشار .. قصب عن عيونج .. باخذهم وانتي تضحكين بعد !
سناا .. والله ثم والله ثم والله ان ....
بشاار ببتسااامه *... انهم مابعد يو .. توهم بظهري وان الله كتب نربيهم سوا ونيوزهم سوا ..*
. ضربته على كف يده قبل ان تنزل بغضب ..
سخييييييييف ..
بشار بضحك *.. ماعليج زود ياالمليقه ..
.. تلف وتدور كعاصفة المغضوب عليهم ..
.. هااااتفه مغلق ولااثر له في بيتهم !
لا ملجأ له الا بيته فاين يكون ياترى ..*
.. توضات وصلت عل مافي جوفها يبرد .. وعل الوساوس تنزاح قليلا !
.. دعت بدمع مذنب نااادم بان يحفظه لها وللقادم في بطنها ..
زاد نشيجها بعد ان يأست ان تجد له اثرا ..
*
كادت ان تتعثر عندما طرأ لها مكانا ما .. ان لم تجده هناك فهو ليس بخير بالتأكيد ..
.. اتصلت باخيها محمد على استحياء فهو بعيد نوعا ما عنه ..
محمد .. اررررحب ياالشيخ !
امينه .. انا امينه اختك ..
بادلها السلام باستغراب دون ان يسأل .. حتا بادرته هي ..
محمد فيصل عند امك .. جواله مقفل وماقاال بيتأخر !
محمد .. ماهقيت .. بس بتأكد وارد لك خبر ..
امينه بخجل اكبر .: ان لقيته لاتقول له شي .. بس عطني خبر ..
محمد .. ابشري دقايق بس. ارد لك خبر ..
.
.
.. بالرغم من فرحتها التي لاتوصف اليووم الا ان لسانها لم يرحمهما من سخريتها اللاذعه ..
صغيراها الكبيران هاهما يعودان لاحضانها بعد ان ضاقت بهما الدنيا ذرعا ..
.. ام بشااار ،،
.. هاااه طردتك بنت عبدالله !
.. وش مزعلها فيه !
.. والا وش تبيك تسوي لها وما ا رضيتها !
.. لاتكووون تبيك تكتب بيتك باسمها .. تسويها بنت العجوز !
( ولم تكن تعلم ان زوجها بذاته هو من ساق بيته مهرا لعروسه اخت العجوز كما تصفها )
..؟فيصل وهو يهم بالخروج ..
*خلاااص كثر الله خيرك .. بروح اريح بالمكتب ..
ام بشار وهي تمسك عضده ..
وووووين وووين امزح معك بسرعه شبيت وش فيك علي !
اقعد بجيب لك الغدا اكيد بنت العجوز مجوعتك جعلها الجوع محني الضلوع !
.. فيصل وهو يعود ..
بس مابي غدا عليه مية دعوه .. وفراش فيه منه !
ام بشاار تمسكه بقووه .. هه هه والله لاصك فمي ولا انطق بحرف يضيق صدرك قالتها وهي تغلق فاها بكفيها ببراءه مضحكه لعجوز مثلها ..
ابتسم رغما عنه فتهلل وجهها ..
ياجعلني ما افقد هالضحكه ياجنين امي .. !
*
تبعها وهي تسوقه لغرفته المشتركه *مع البشار ايام العزوبيه والدراسه .!
.. وقب ان تدير ظهرها لتخرج امرته بحنااان ..
ارقد ارقد وانا اختك جعلرمن ضيق صدرك تضيق عليه ثيابه من الهم .
استغفرت بعد ان احرقها بنظراته وهو يحوقل *.. ليدير ظهره لينام بينما هي تتابع بخفوت ..
وانا صادقه .. اللي ضيق صدرك جعل صدره ثقب ابره !
*
.. ماهي الا ساعه او اقل تخدر فيها جسده وذابت روحه في عوالم اخرى .. *
.. وماكاد يطمئن في سباااته حتى جثم عليه بااااب من حديد ..
.. قفزت معدته المتضرره حتى كادت تصل لحلقه فصررررخ بألم مبرررررح ..
فيصل .. آآآآآآي .. آآآي ياكبدي !!
بشاو بهلع .. بسم الله .. انته يني خااالي والاخاااالي صج ..
فيصل بغضب .. ياااالووووح عمياااان ماتشوووف !
.. اعدمت صحتي !
.. الله ياخذك يالدب .. كسرت ضلووعي وقطعت كبدي ..
.. بشااار.. هههههههه اشدرااااني انك اهني !
وبلؤم .. هااا يالخااال جنك مطرووود والا !
فيصل بلعانه .. مثلك يالدب .. شوتك بنت عبدالله !
بشار... ههههههه الحال من بعضه .!
الا شرااايك ياخااال نضرب النسا بالنسا .. خل يعرفون شلون ايزفونه ..
فيصل .. انقلع عن وجهي .. وحده ويالله نبلعها بعد اخذ ثنتين !
بشار .. ولا احلى والله .. جنك ديك منتف ريشه .. كل ةحده كن صوب اتيرك ..
.. نااام الاثنان لساعتان اخرى ليستيقضان بنفسية عبد آبق من سيده !
.. بينما ام بشار تعد مأدبة بما لذ و طاااب لتريهما مالم يفعلنه زوجاتهم لهم !
.
.
.. على انغام دي جيه وبصوت شاعري ترنم الشاعر بابيات غزليه ب منيره كزفة هادئه لطلة اهدأ ..
.. تقف برعشه لم تعتريها من قبل ..
وبخجل وخوف تفتقده ابنة السابعة عشر في هذا الوقت .. *كانت ابصارها تخشع تحت قديمها حتى نبهها صوته الرجولي*
*ابو مشعل بفرح منقطع النظير *..
لم يحلم بان تتكشف امامه بهذه السهوله*
فكيف وهي عروس حقيقيه بفستان سكري اللون *حريري الاملمس ..
وبميك اب اضاف لاشراقتها اشراقه ..
*وتسريحه ستينيه تليق بوقارها وبمنتصف العمر .
.. امامه مسكه من الجوري الاحمر رفضت بشده الامساك بها بحجة انها للمراهقات اللاتي يزيهينها ويضفن لجمال الورد من جمالهن ..
.. بدا هو فعلا ابنا للعشرررين ..
طاااغي الوسامه رجلا بهيئته ..
شنبآ اسود مرتب نسق و صبغ بعنااايه ..
.. بشره مشدوده تفوق بشرات الشباب في نظارتها ..
.. وسكسوكه ملكيه اضافة لها هيبه و طله شبابيه في آن معا ..
يآ بنت لآ يغرك ملح آلرجآجيل . .*
ولآ تعشقين آلرجل آبد من وسومه . .*
بعض آلرجآجيل مثل دله بلآ هيل . .*
يعجبك شكله و آلبلآ في علوومه . . !!!
.. رفعت ابصارها بخجل لتلطمها وسامته بعنف !
اهذا هو ابو مشعل ام احد ابناءه محمد او ناصر حتى ..
قبل جبينها بوقار وامسك كفها برومانسيه وهو يبارك لها وكاأنه ليس هو لا شكلا و لامضمونا ..
.. اقتربت منه نسمه وهي تخشا ان يحرج خالتها برفضه فساسرته برجاء .. يبه الله يرضي عليك .. المصوره هنا نبي ناخذ لك مع خالتي صوره عشان خاطرها ..
.. بذات الهمس اجابها بابتسامه .. افا عليك وانا ابوك ..*
خاطرك وخاطرها غالي عندي سوو اللي تبون ..
وهمس ..؟من اللي ضبط خالتك !
بفخر اجابته .. اناااا يبه ..
ابو مشعل .. بعدي والله .. والله انك اطلق خواتك ..
تسلم يمينك يابنتي !
.. فتحت عيناااها بدهشه ..
هل هذا ابيها ام الصبغه السودا فصلت احد اسلاك رأسه !
اذا كان ااامر هكذا ف عله مفصووول دوما .. هكذا افضل ..
.. الجميع متفاجيئ بابو مشعل ليش بالشكل فقط ..
بل بالرومنسيه التي تقطر كالشهد .. لابد انه قضيى ليله يحفظ احد ااافلام العربيه ليطبقها بحذافيرها .!
.. بل بدا اكثر رومنسية ممن يكبرهم بعشرات السنين وهو يرفع كفها ليقبلهارو يلبسها خاتما الماسي *
*لم تكن تظن انه يعرفه قبلا !
انتهت المراسم .. وهاهو يامرهم باحضار عباءتها ليغادرا لان طيارتهما لاستراليا في الصبااح الباكر !!!!!!!!!
( انتهى البارت ولعله يحوز على رضاكم )
لكم مني اعذب التحايا احس اني بقناة السعوووديه خخ
بتنتظار تعليقاتكم ..
14-02-11, 10:46 AM
جديد مواضيع قسم القصص المكتمله من وحي قلم الاعضاء
العرض العادي
