كاتب الموضوع :
اشكيلي أبكيلك
المنتدى :
الارشيف
الجزء الرابع
فطوم
فطامي
فاطمة
فطيم
:هممممم
:فطيم قومي صلي الفجر
فتحت عيونها وشافته مبتسم رغم الملابس البيت وعيونه مبققة من النوم الا انها ماتخفي عربيته يحس الواحد بالفخر واقف يمه كله شموخ وهيبة ..مشاء الله عليه
:انزين وخر ابغى اقوم
:عاجبتني كشتك وانتي جالسة هههههه
:تزوج واجلس ناظر كشة زوجتك لين تمل .
قام وتركها تندم على الغلطة الللي قالتها بدون ماتحس
شافته رايح المطبخ كاني طعنته من جديد قمت صليت وانا افكر كيف افتح معه الموضوع من جديد رحت له المطبخ شفت ينتظر الماء يغلي وهو سرحان في عالم ثاني حطيت يدي على كتفه ..
:آسفه ماكنت اقصد بس لازم تنسى ياخال العمر يمضي وانت باقي على ذكرياتك حرام اللي تسويه في نفسك وفينا .
التفت لها ورفع وجها وشاف الدموع في عيونها تحاربها بس ماتقدر تقولي هالكلام وتنسى نفسها صديقتها واختها من هي صغيرة طول سنين دراسة في دقيقة سمعت الخبر وفقدتها في غمضت عين ..
انا وش حال قلبي من فراق من فراق....
انا واحسرتي يازود حزني زود حزني...
انا وشلون في لحظة عناق خذاه الموت مني غصب عني..
غصب عني.....
انا وش لون
:وانتي نسيتي؟
سكتت وهو سكت
سمع صوت الفرن ..
: ماقلتي لي وش تبغى قهوة ولا كوفي ميت
راحت غسلت وجهها
: لا ماابغى شئ .
:لازم تاكلي بعدين تضعفي بقولون جالس آكل منك ولا اكلك .
رغم الحزن اللي فيهم ابتسموا وسوت فطور خفيف وحطته على الطاولة وحاولا اثنينهم يذكروا كل الناس الا هي من جديد
:أي صح نسيت اقولك لمن نمتي البارح دقت امك وسئلت عنك تقول لك لمن تجلسي دقي عليها تبقى تسمع صوتك الكروان ..
:ليش محتر ياربي مسكين كسرت خاطري مافي أحد يسأل عنك خخخخ
ماحست الا باللي يضربها على راسها
: آآي وجع انا من الجنس الناعم اللطيف يالطيف ياربي مو واحد من الشباب صج دفشين هالرجال الله يعنينا عليكم بس .
:اقول بس شيلي الفطور وغسلي ونظفي غرفتي وملابسي حطيتهم لك في غرفة الغسيل والصالة شيلي الغبرة من الطاولات أي صح نسيت بعد سطح بغرفتي نشري الملابس فيه أي بروح الشغل لاتطلعي اعرفك انا دقي علي اذا بقيتي شئ بجي الساعة ثنتين تقريبا جهزي الغدا ها ابغى كبسة يابنت اختي اموااا طياري شاوووو
: تعال حرام عليك توني جاية البارح من السفر سليطين تعال ؟؟
لكن لاحياة لمن تنادي
ياربي وش هالوهقة الحين انا جاية من هناك ادرس واتدلع وأحد يطبخ لي ويغسل مو أنا شئ ماكنت حاسبه حسابه ..
قامت بدأت في غرفته ونظفتها وبعدين نظفت الصالة وراحت غسلت في المطبخ وبات تغسل الملابس وعدلت غرفتها يارربي مو راضية اخلص خل ابدأ بالغدا قبل مايجي واصلي ...
وسبحت وغيرت ملا بسها ولبست جلال الصلاة سمعت صوت الجرس
:يؤؤؤؤ ماخلصت الغدا الله يستر .
طلعت له في الصالة شافته معطيها ظهره بشغل التلفزيون ماجى على بالها انه واحد ثاني
:سلطان
التفت ياليته مالتفت شافت واحد ثاني مومصدقة اللي تشوفه وش مدخله هذا هنا ومين معطيه المفتاح
حست نفسها تيبست مكانها مو قادرة تتكلم ولا تتحرك .
احمد
لمن دخلت الشقة ماتوقعت ان يكون سلطان موموجود قلت باقي عليه ساعة ويجي خلي اشوف فيلم البارح ماكملته خذاني النوم الا سمعت صوت انثوي ناعم رغم البحة الخفيفة اللي فيه التفت شفت سبحان الله ملاك بجلال الصلاة صايرة نور استغفر الله مو قادر اوخر عيني منها حسيتها خافت عيونها فيها حزن ودمع ..
حرام لاتدمع عيونك حبيبي ،،، لايضيق بالك ولو هوضاق بالي
كل دمعة كنها طعنة بقلبي ،،، من سيف جروحي يا ليت اسمك طرالي
أدري ان سلطان مو تبع هالسوالف ..يعني هذي وحدة من اهله بس ماقالي؟ ليه مو قادر اروح اتكلم اتلكم ياحمد.
:آآسف
وعطاها ظهره
:أنا صديق سلطان.
:آآآآخالي سلطان
يعني سلطان يصير خالها غريبة مامرة قالي انه عنده بنت اخت وحلوة حلوة استغفر الله
وهو يحوس في جيوبه من التوتر وساعه يرفعها لشعره اللي طاحت خصلة على جبينه .
ومشى وتمنى هو مايمشي ويظل بس يمسح دمعتها ويخفي حزنها وتبقى له ووعد نفسه تكون له وحده ومن نصيبه سكر الباب واطلق معها زفرة استند على الباب ياقلبي وش فيك بس اهدأ انت لحالك وهي لحالها وين لحالها وهي خلاص سكنت قلبي وكياني فديتها خرعتها وهي تصلي ..
ابتسم وهو يقول :.
فديــت .. اسمك .. انا و رسمك
وارض .. تشرفت بخطـــآك
فديت عيونك .. ولونك ..!
وصـوتك .. لي وحـش اذني
فديـت احساسك و قلبك
وريحه عطــــر ../ انفاسك
وذيــك الضحكه .. لي منــك
عن الدنيـــا .. تغيبني!
طلع على أمل مع القدر ومعها موعد ..
فاطمة
ياقلبي من وين طلع وليه يدخل كذا
جلست على كنب مو قادرة توقف زود رجلينها ترتجف من الربكة اللي هي فيها بس صج الحين وش بقول عني واقفة تناظرني والله من الخوف ماعرفت اتحرك وهو كمان شكله نفس حالتي احس انا الى الآن مصدومة الله يهديك ياخال وش سويت فيني يؤؤؤ اتخيل يقول لخالي عني وانه شافني يؤؤؤ قسما يذبحه ويذبحني زين ماجى وهو فيه كان انا الحين في خبر كان ..
قامت شوي شوي وراحت اجلست على سجادة الصلاة كيف بصلي والموقف يتكرر في بالي مية مرة تعوذت من الشيطان وقامت تصلي وتحاول تنسى السالفة وتسحب الكلام من سليطين ..
الله أكبر
بعد ماخلصت جهزت السفرة وانتظرته كأنه طول
مدري والله ناظرت الساعة شافتها 2 ونص أخاف صار له شئ وأنا توني يوم هنا ماأعرف كيف أتصرف مين أدق عليه ,أنقذها من تفكيرها صوت الباب ..
طلت من الباب خافت يكون واحد ثاني بعد مو كل مرة تسلم الجره ..أي والله
:السلام عليكم
: وعليكم السلام
: وش فيك تطلين كأنك قطوو
ابتسمت : لا مافي شئ
ومر على بالها الشخص اللي جى من شوي
حط أغراضه المفاتيح والجوال والبوك على الطاولة .
: شخبار الغدا
: يسلم عليك ياسي سيد
:افا سي سيد
: مو حضرتك لاطعين بالشقة وحضرتك طالع وانا انظف واغسل واكنس ياباشا .
:حلو منك يابومبا .
:انا بومبا ياتيمون .
:ههههههههههه
:خليني من هالهذرة وحطي الغدا جايع حدي والريحة تشهي حيل .
:أنشاء الله
وهي في المطبخ تكلمه
:كأنك تاخرت اليوم من العمل .
:لا ماتأخرت بس شفت صديقي احمد مسكين وأنا جاي يقول صعد ودق الباب ومافي احد فتحه له الباب على باله انا هنا على الرغم انه عنده المفتاح بس نعمه من ربي انه نساه ..
هو يتكلم مادرى على اللي يصير لفاطمة في المطبخ
أحمد..؟؟!!
مالقى أحد يفتح له الباب؟؟!!
هو ولا يمكن واحد ثاني
وليش ماقال له ؟؟
انتبهت من سرحانها على صوته من جديد
: فطووم وين الغدا تأخرتي ؟
: ها أي جاية جاية ماعندك صبر أعرفه وقت الأكل مايعرف أحد لا أمه ولا أبوه ..
الله يرحمكم ياجدييني ويسكنكم الجنة يارب ..
:تعال شيل معي .
: وأنتي وش شغلتك ههههههه .
:انزين هذا جيت
اقول خالوو متى بتطلع لي رقم وجوال
: أي صح نسيت كان ذكرتيني أحمد يشتغل في الاتصالات ..مايخالف ادق بعد الغدا من شان يكون عندك في الليل .
: ماتقصر ياخال.
: شو ماأقصر مو من جيبي طلعي فلوسك .
:افا بس تاخذ مني فلوس وانا بنت ابوي .
:ههههههههه امزح معك ولو انتي بنت اختي ماصدقت تجين تنورين علي اهئ اهئ وتغسلين لي
:يعني كذا تنورين ها وبعد تغسلين رقع بس .
:أنزين ولا يهمك يارفيقة شقتي ههههه.
:خلاص سامحتك .
:تكفين عاد سامحيني.
:أفكر.
:كش عليك .
:مدام أنا لسه ماداومت واليوم الخميس طلعني ومشني وعشيني بره .
:تآمرين أمر .
مشكور ياخال.
:العفو الحين أنا بنام جلسيني خمس واصلي بالمسجد وأجي وأشوفك جاهزة أوكي
:أوكي
قامت ترتب وهي كلها حماس لليوم .
|
20-01-10, 07:25 PM
جديد مواضيع قسم الارشيف
العرض العادي
