فتحت عيناها والليل حل والظلام بالغرفة يخنق والصمت اقوى كئيب يطبق على صدرها زيادة
انتبهت من غفوة متعبة وهي تتقلب قبلها تحس نفسها خفت بس خايفة تقوم ويزيد التعب ويرجع وهي توها مرتاحة بس تبقى تروح الحمام وتبدل هالملابس كرهت نفسها كثير اقنعت نفسها لو ترتب حالها بتتحسن نفسيتها شوي
بخطواتها الضعيفة راحت للدولاب ومدت يدها على اول بجامة شافتها قبالها اهم شيء عندها تكون ساترة ودافية ماتحمل ذرة هوا زيادة

اول ماخلصت من الحمام وفرشت اسنانها وبدلت ورتبت شعرها على الطاير المهم تكون مقبولة بنظرها طبعا ماتعرف انها حلوة بكلا الاحوال

وهي رايحة المطبخ ناظرت الصالة دورته بعيون تعبانة الم ودمع
وقالت بنفسها : فكة

كملت مشوارها للمطبخ وشافت الابريق اللي كانت حاطتة رجعته للفرن وشغلته وراحت تجهز الكاسة والسكر وجلست على الكرسي تنتظر الفرج

حطت راسها على الطاولة ومدت يدها وغمضت عينها
في حين بذاك الوقت احد يناظرها كانت ملاك تعبان وشعرها المبعثر وملامح الارهاق والصفار اللي احتل وجها ماشوه بالعكس عطه ضعف على برائة جميلة بس رق قلبه لها

سمعت صوت الابريق وفتحت عيناها وانتبهت للي واقف ويناظر فيها
التقت الاعين ثواني لم تصل للدقيقة واشاحت نظرها عنه

شافها بتقوم للفرن راح وسبقها وصب لها الماي وقبل مايعطيها اياها راح للثلاجة وطلع تفاحة وحطها يمها وعطها الكاس

تتامله بحركاته مستغربة الوضع والهدوء اللي هي فيه هل حقيقة هو مهتم ولا شنو بالضبط
هل هو يحس بالشفقة ولا شو
شووو يافطوووم ؟؟؟؟؟؟؟

كانت تبقى تعرف شعوره في هاللحظة شنو هو بالضبط اللي يحركه ..

حطهم على الطاولة جنبها
خذت الكاس وتركت التفاحة ومشت

: التفاحة ؟

التفت عليه لمن وصلت لباب المطبخ
وهزت راسها بنفي وبهمس بشفاها توقعت انه ماسمع بس على الاقل فهم : مابي

مشت شوي وقال مرة ثانية : في فيلم حلو بعد شوي بيجبونه للبطلة اللي تحبينها

ناظرت بعيونه شوي ونزلت نظرها وهي تشوفه ببجامته البلاك طالع جنان مع شعره وعرض اكتافه بس ماطولت النظر نزلت عينها وبنفس الهمس بس اعلى شوية : مااقدر بروح غرفتي

التفت لتكمل مشوارها بس ماكملت مشوارها الا هو قبالها ورفعت نظرها وتناظره وهي مستغربة وبنفسها : شفيه هذاا اليوم ؟
حط يدينه على كتوفها وعيونهم على بعض هو كمان استحى من اللي عمله وجاته ضحكة من اندفاعه المفاجئ بعد وجهه بس رجع ناظرها تاني
: اشفيك ؟ قولي لي ؟ مو انا زوجك اللي تبيني اهتم فيك ؟ مو انا مسؤوول عنك ؟ مو هذا اللي تبينه ؟

ونبرة تعجب وضحكة مستهترة : هذا اللي ابيه ؟ كنت خلاص الحين مابي شيء ؟؟ وخر يدك لاتعب نفسك معي لاني صرت ماابغى شيء
فهمت ماابغى شيء
حست نفسها بترجع تبكي وهي تعبانة مو قادرة خلاص الالم وراسها والدوخة من قلة الاكل كل شيء على صدرها مو ناقصة بعد
بعدت يديه وراحت وهي تحاول تسرع لغرفتها هي قريبة بس هالمرة حست جد بعيدة عن المطبخ

سكرت الباب وتسندت عليها القوة اللي مجمعتها لهذا الموقف راحت
ويدها حست حتى الكوب مو قادرة تمسكه
فلت اصابعها وخلت الكاس يطيح والشراب الساخن نصه على رجلها والباقي على الارض وصوت التكسر تسمعه وهي مستمتعه به


غربه وليل .. وعمر ضايع ..
وحب ضايع .. في مركب أماني ..
ماله دليل
وانت يا اغلي الحياة ..
في الحب ناسي .. ليتك تقاسي ..
لو قليل ..
يا خطوة دمع فوق الخد..
يا جرح .. يا عمري ماله حد ..
يا حب كبير .. يا حزن كثير ..

حطت يدها وجهها وكملت بكي ثانية وسمعت صوته يناديها ويدق الباقي
: فاطمة
فاطمة
فاطمة

فتحي الباب

عرف انها خلفه والباب اصلا مفتوح بس هي كانت صادته بجسمها تمكن شوي يفتحه وهي بعدت ودخل وجلست بزاوية الغرفة ونظراتها له كل خوف
: اكيد بعصب علي اكيد !!

ناظرها وناظر الوضع وبجامتها
نزل لوضعها
: ماتقولين لي شفيك ؟
تعبت معك ولا عارف شو اعمل وياك !

: لاتعب نفسك اتركني بحالي وبس مابي منك شيء لاتسوي شيء لاتعمل نفسك مهتم فيني اكرهك تفهم اكرهك اهئ ......

: تكرهيني؟

: أي

على نفس الانهيار وهي تعرف كثر مارددت انها تكرهه ووتخبر العالم تعلم ان قلبها يقول احبه واحبه بكل نبضة وكل ثانية لو قالت دقايق تكذب على نفسها بعد

قرب منها اكثر واشر بصبعها على قلبها
: قولي لي يافاطمة شفيه هذا ليه صرتي كذا انتي ماكنتي بهالحالة كنتي اقوى مع ضروفك ومع حالنا والوضع ادري مو عاجبك بس كنتي راضية وعارفة بالنتيجة وليه صار كل هذا ؟

مد يدينه لها تدعوها انها تقرب اكثر وتحضنه وهي استجابة له بكل انصياع
وهي تبكي : تعبت ياجاسر تعبت خلاص
ابي ام ابي ابو ابي اخوان
واهل واصدقاء
ابي ابي

فاطمة بنفسها : شنو ابي ابيك انت واعرف انك مش ملكي ملك انسانة ثانية على شان انت كذا معي

رفعت راسها له وقالت : ابيك أنت
وعملت نفس الحركة الجريئة اللي تعتبر بالنسبة لوضعهم اشرت على قلبها هذا التعبان تدري شنو يبي واشرت على قلبه يبقى هذا هذا يبيه وهو يعرف انه مش ملكه ومش من حقه يقول هالحكي كل اللي يعرفه يبيه ويبقى اهله يبقى اشياء كثيرة فقدهم ومايدري هل هم عنده من قبل ولا لا ؟

ماعرفت كيف تجرئت وقالت هالكلام بس بعد هالحكي انهارت اكثر وبللت بجامته وشدت عليه اكثر وهو قربها له اكثر وظلوا بهالحال والوضع بزاوية بالغرفة مادخلها ولا عيشها بليلتها اللي كل بنت تحلم فيها باللي يرضيها
عيشها بصد وجفا
فراق قبل اللقا
بدمعة نامت على فتاة تعتبر لقيطة
مايعرفون عنها شيء
اهلها احياء او اموات
هنا ولا بمكان ثاني
مايعرف عنها أي شيء

قربها اكثر واكثر رغم خوفه عليها انه يشك انه يكسر لها عظامه وانها بهالفترة صايرة رقيقة حيل وجرحه انها تعرف ان في انسانة ثانية على باله جرحه قبل مايجرحها
جرحه لانه جرحها
جرحتها ياجاسر

: وأنا بعد أبيك

رفعت راسها انصدمت استغربت تفاجئت بكلمته كانت متوقعه بس هي وانا هالمشاعر كلها من طرف واحد بس اللي عرفته الحين انها من طرفين
ناظرت فيه وعيونها مليانة دمه وحايرة وعلى فمها ابتسامة
ماتدري تكملها ولا تخاف تنصدم بالوضع الجديد

بعد ثواني وهم يناظرون بعض
بكفوفه الكبيرة مسح دموعها ومسح على خدوها المحمرة مع وجها الاصفر
غمضت وهي تحس نفسها ترتعش بكل لمسة وبكل دمعة
فكرت تفتح عينها بس حست بانفاسه قربت منها واختلطوا مع بعض واخيرا صارت تنفس هواه ومعاه
قبل عيونها وبصوته القوي اللي جننها صاير حنون وجننها أكثر : مابي هالعيون تبكي مرة ثانية دامني معها طيب ؟

ماعرفت وش تقول غير انها هزت راسها
وكمل وحب راسها وسئلها : تدرين شنو معناتها ؟
هزت راسها مرة ثانية ماتدري وهي ماترد ضايعة وحاسة انا حرارتها مرتفعة من الوضع الحالي
: معناتها أثق فيك
وحبها على انفها وسئلها نفس الشيء
وهي تناظره وضايعة اكثر يعني : أحبك
حطت راسها على صدره تخبي خجلها واخيرا قالها واخيرا حست بهالمشاعر اللي تبغاها وتحس فيها وتسمع عنها الحين كل شيء تحقق وابتسمت لها الحيا والدنيا وكل شيء تلون وتغير وتفتحت كل الابواب المتسكرة عليها من اول مافتحت عيونها بالمستشفى

وضمته اكثر بس هو ماخلص رفع يدها اللي ضامته وقرب كفها من فمه وحبها وهذي تعرفي بعد شو معناها
ونفس الشيء لاجواب وهي مبسوطة اكثر : أني يافاطمة مااقدر اتخلى عنك فهمتي يافاطمة

هزت راسها : وأنا بعد
: أنتي شنو
: أنا الأولى والثانية والثالثة
: أنتي كل شيء

بعدين تذكر وانتبه لبجامتها ورفعها عن الارض للسرير بس هالمرة غير كل شيء غير هو بقربها بس تبيه بكل قلب تبيه وهي بنفسها تضمه لها اكثر وتشم عطره وكريمه ووكل شيء تبقى تعرف عنه كل شيء وادق التفاصيل

جلسها على السرير وراح طلع لها بجامة ثانية زين انها وصت خولة تكثر من البجامات ولا كان الحين توهقت كثير حست انه شاف الاشياء الثانية بس ماهتم ماتبي تشغل نفسها بهالاشياء الحين الوقت الحالي انه اعترف لها وتحسنت الامور بينهم وتغيرت مئة وثمانين درجة

حطها يمها وهو يبتسم لها وقال :شوي بدلي على مااجي واذ امابدلتي ببدلك بنفسي
خجلت من الوضع هي كانت تبيه بس ماعرفت انه جريء كذا بس الابتسامة وهي مافارقتها وهو بعيد كيف وهو قريب

خلصت وجى مع شوربة ساخنة
حست نفسها جد عروسة وانها بشهر عسل بس ناقصة وردة وصبحية مباركة ياعروسة
خخخخخخخ تضحك بنفسها صدق قلة ادب بنات اخر زمن ههههه

: حسافة لبستي بسرعة مع ان حاولت اخلصها بسرعة على شان اللحق على شيء هههههههههه بس مالي بالطيب نصيب خخخخخخ

أول مرة تشوفه يضحك معها عدل كانت اول بالمزرعة واول ماخطبها كانت بغرفتها بس تسمعه وتسمع ضحكة مع جدتهم وباقي البنات كانوا يحبونه كثير حتى بنات اخته واخوه الكبار يعشقون شيء اسمه خال او عم جاسر الصراحة ماينلامون هو كل شيء فيه يجنن سرحانة البنت سرحانة وهو ينتظرها تجاوب عليه
وهو يحرك الشوربة من شان تبرد لها شوي نزلت خصلة من شعره الفاحم على جبته حست انها غارت منها انها قريبة منه مدت يدها وتجرئت ورفعتها
رفع راسه لها متفاجئ من الحركة
خافت هي وهو تفاجئ
: آسفة
: ليه ؟
: مدري
: لو انا عملت كذا وقام وشال الصينية على الكمدينو ورجع جلس وقرب منها اكثر من شوي وراح فتح شعرها وحط البنسة ببجامته ومال عليها وظل يعدل بشعرها ينزل شيء ويرفع شيء ويحط شيء ورى اذنها وشيء على عيونها
: تدرين مش حاط شيء على عيونك اخاف تشوفينها وماتشوفيني عدل وانا مش حاط شيء على جبهتي وحرك حواجبه دليل على انه فهمها من شان اشوفك واشوف عيونك العسليه اللي دوخة حبيبك جاسر وابتسم وابتسمت معه واستحت اكثر من الموقف المخجل
رفعت يدها بتاخذ البنسة من بجامته
: ليه بتشلينه ؟
:لا بس بشيلها لاتشمخك وتضايقك ؟
: على بالي بتسوين شيء ثاني هههههه وغمز لها ..