ضحى
الباقي على زواج وعد يوم واحد كان المفروض من امس اكون مع خواتي
لكن عساف رفض الا قبل بيوم اروح لهم ...
وطبعاً مانقدر مانفذ أوامــــــره ..واليوم من الصباح مشيت لبيت اهلي واخذت كومة البزران ...
دخلت عليهم والكل نايم او بغرفته وصاحي مأدري بالبيت هذا مايعرف احد عن أحد شـــــــي ..
الله يرحم ايام لو همس احد باخر البيت اللي بالطرف الثاني يسمعه...
طلعت لوعد يااااه ماني مصدقه ان اصغرخواتي وعد الطفله بتتزوج رغم ان عقدها مكتوب من سنوات
ودايم القى نفسي ماني مصدقه ان وعد متزوجه ...
دخلت غرفتها وكانت نايمه اكيد مانامت الاقبل الفجر بساعات تركتها على نومتها وطلعت برتاح بغرفة الضيوف شوي
قبل الظهـــــر ...لكن صوت اياد وخلف اللي جاي من تحت لفت انتباهــــي ...
نزلت لهم معصــبه ..
ضحى :خير خير ماتخلوا احد يرتاح بتلعبون اطلعوا للحديقه الخلق نايمه ..انتم من تشوفون بعض
اصواتكم طالعه اخر الدنيا..
اياد:ماحبه بفقع عيونه الزرقاء بلعب قيم ونط لي مادري من وين ..؟!
ضحى :واحد قالك حبه انقلع عن وجهي يالله واذا شفتك ماد يدك على أحد رجعتك عند أبوك ...يالله تقلع روح عند
حمودي ..
مأدري وش فيه على خلف والله الولد مؤدب وش حليلة بس من يشوف اياد ينقلب هو الثاني
اياد :طيب ان شاءالله هو حمودي وانا ايادووه ..
سألت خلف ..
ضحى :من متى انتم هنا وينها امك ..
خلف :منذ الأمـــس ..نائمه ..
مأحبه لاتكلم فصحى مخربته أمـه ..هو بمجتمع المفروض يتكلم مثل باقي الناس ...
ضحى :تكلم عدل لاتلوي لسانك تقلد امك ..
خلف:حسناً سأفعـــل ..
ضحى :روح روح انت مافيك رجاء ولد مشاعل وخلف من وين بتعرف السنع ...
توقعته مثل اياد بيطير من وجهي بس هذا ثلجه طالع على امه ..
خلف :خالتي أريد أن اسألك ..
ضحى :شي بالرياضيات خله وقت ثاني شايفنا رايقين اللحين
خلف:كلا ليس عن الرياضيات ..
ضحى :اجل عن ايش
خلف:عنك انتي لماذا غاضبه طوال الوقت ...؟!!!
دزيته مع كتفه بشويش
ضحى :انقلع الحق اياد ولاتتركون بعض صفقوا بعض لين تشبعون بس حلو عن سمـــاي ...
خلف :سؤال اخر ..
ضحى :خليفان والله عطيتك وجه خلصني وش عندك
خلف:لماذا عندما تغضبني من والدتي تدعينها مشاعل ...
هذا وش اقوله امك عندها اسمين ...اخاف الولد شاك ان ريما ماهي امه ..
ضحى :يعني اللحين ماتدرين ان امك كان اسمها مشاعل وغيرته لريما
خلف:حقاً لم اكن اعلم ..
ضحى :واللحين دريت يالله وريني عرض اكتافك ..
ماصدقت ان خلف يتحرك من وجهي الا ميار جايتني تركض
ميار:مااما ابي فطور ماكلت على الفطور...
ضحى :ياربي منكم ياعيال عساف ماتشوفون الأكل الا ببيوت الناس روحي على المطبخ شوفي الخبله خليها تحط
لك أي بلعه ...
جاني صوت ملاك من وراي ..
ملاك :ياويلك من ربك حتى البريئه هذي صوتك طالع عليها ...
لفيت اسلم على ملاك اللي استغربت انها صحت بدري ..
ضحى :انتي وش صحاك
ملاك:بالي مشغول شوي تعالي نجلس بالحديقه ...
طلعنا للحديقة وحنا نمشي للجلسه اللي فيها اخذت نفس عميق من الهواء البارد
ضحى :اووووووه هذا الجو اللي يريح البال ...
ملاك :مررره حلو الجو اليوم ..
ضحى :وش اللي مشغل بالك ؟؟
ملاك :اوف من سارا قلبت لي مخي غصب تبغاني اخذ اسماعيل ...
ماعجبني اصرار سارا على الموضوع هذا بس ماهو منها قيس هو اللي يدزهااا
عشان يضمن لأخوه زوجة وفلوس ..
ضحى :تبغين الصراحه اسماعيل مايناسبك ابداً حتى مرتب ثابت ماعنده ... شوفي انا وعساف على انا مرتباتنا كويسه
بس ماحنا قادرين نلحق على المصاريف كيف لو انتي واسماعيل اللي اول شي بيسويه بيخليك تتركين شغلك ..
ملاك:اصلاً انا مافكرت فيه أبداً تصوري اتزوج واحد من الماضي
ضحكتي كلمتها من الماضي
ضحى :كيف من الماضي ..؟!!!
ملاك :يعني من ايام الفقــــــر انا خلاص الأيام ذيك مابغى شي ذكرني فيها ..بس سارا تحاول تقنعني عشان نرجع
قراب للبعض مثل اول ..ولا بالنسبه لأسماعيل كشخص ماعرفه ولاحتى اتذكر شي منه عشان احكم عليه ولاقدر
اقول يشبه فلان او فلان لأن شخصياتهم تختلف شوفي قيس وشوفي منير فرق السماء عن الأرض ...
ضحكت بقوه على الكلمه
ضحى:اووف لو تسمعك سـارا ..
ملاك :ماراح تعرف الا اذا قلتي لها ...
ابتسمت يوم شفت هيثم جاي يركض من بعيد ...
ضحى :يالبي دلبوو تعال حبيبي ...
بس ولا كاني تكلمت طنشني ونط لحضن ملاك...
اموت على هالولد ينقط دلع مو ايادوه الدفش ..
قرصت خده
ضحى :اللحين ليه تطنشيني وتروح لملاك ...
ملاك :وانتي ماتشبعين بزران مو كفايه نص الدرزن اللي عندك ..
ضحى :حاسدتني يعني تزوجي وجيبي درزن لو تبغـــــين ..
ملاك
ضحكني اسلوب ضحي بمحاولة تدخيل فكرة الزواج لراسي
أجل اتزوج عشان عيــــــال للحين مافقدت عقلي انا لو بغيت اتزوج
عشان ارتاح مو عشان اشقى ...عيال وتربيه وغثى كبد ...
ملاك:لاحبيتي وليه الشقى انا اللي يعجبني من عيالكم اتبناه ...
ضحى :ومن اللي تبنيتيه اكيد ولااحد من عيــالي ...
مشكلة عيال ضحى ثقيلين دم الهادي منهم والمشاغب طالعين على أبوهم ..
بس خفت اعطيها بالوجه ...
ملاك:هههههههه انتي مره مو عاجبينك ...
ضحى :شياطين مجننيني ...
قلت بدبلوماسيه
ملاك :شوفي من عيالك اختار ميار مع اني افضل عليها أسيل اللي تنقط ادب بس اسيل وحيدة شهد
اكيد ماراح تفرط فيهاااا...
ضحى :مير اللي بيعطيك لو اياد بقول خذي معه اللي تبين بس ميار وحيدتي ماني مفرطه فيها ...
بست خد هيثوم اللي بادي ينعس وضميـته بقوه ..
ملاك:طيب خلاص مابيها كفايه علي هيثم وخلف ماحد يبغى يعطيني بنته ..
ضحى :ياقواة شرهتك مالقيتي الا خلف تاخذينه وريما بتعطيكياه مع هديه ...
ملاك:هههههههههههههههه انتي وين روح المرح عندك من جدك انتي ...انا امزح ...
ضحى :انتي الناس تكبر وللحين عقلك صـــغير كلنا نمزح بس انتي لحجرنا لك بديتي تبررين ..
ملاك:والله انا عيالك يأجرون ان لهم ام مثلك ... لا ومخربه سارا بعد مخليها بناتها مثل الهمزه تبغاهم يطلعون امعات ..
ضحى :اللي ماعندهم عيال لايتكلمون انتي وش عرفك بالتربيه ..التربيه تبغى لها شده اجل نطلق لهم الحبل على الغارب
ملاك:اذا مفهوم التربيه عندكم كذا فاقولك من اللحين غلطانين هذي مو تربيه هذي تعذيب ...
وغيرت الموضوع لأن ضحى شكلها ناويه تعطيني كورس بفنون تربية الأبناء
ملاك:ماقلتيلي وش سويتي بفستان شدن ضبطتي ولاجبتي واحد جديد
ضحى :لاهو نفس واخيراً اقتنعت فيه ...
ملاك:الحمدلله مابغيتي انا قلت شكل البنت اخرتها ماراح تحضر الزواج ...
جلسنا نسولف شوي وبعدها افطرنا وعلى الفطور جتنا سارا وبعدها شوق
لين اجتمعنا كلنا بس باقي وعد النايمـــه..
كانت ضحى تتكلم عن اخوانها من امها واللي ماتعرفت عليهم لين توفت أمهااا
وصارت بينهم علاقه ..
ضحى :يوم ارجع بتفكيري لأيامي قبل عمري مافكرت أني ادور على أمي او اعرف عنها شي
كل اللي اعرفه انها من شمال وبس ..
شوق :الظروف اللي كنتي فيها ماتسمح لك تفكرين بعدين فكرة ان امهاتنا تخلوا عنا كانت مترسخها
داخلنا لدرجة ماتعطينا فرصه نفكر فيهم ...انا يوم كنت صغيره كنت احس امي تكرهني عشان كذا ماعمرها سألت عني ..
ضحى :بس انا كان عندي فرصه اني اعرف عن امي شي لما كانت جدتي عايشه بس صدق عمري مافكرت أعرفها عنها
شي او انه ممكن تكون بينا علاقه ..خلاص الشي شايلته من راسي حتى على سبيل الخطأ مافكرت ...
ملاك:والله حالتكم صعبه يعني امك عايشه وماتعرفين عنها لو أنا امي عايشه مادري كيف بيكون تفكيري
يمكن بكون غير..
سارا:والله انا من حالكم قدامي ماتوقع بيتغير شـي ...شوق انتي وهند قدامكم فرصه تكونون علاقه مع امكم ...
شوق:مادري انا ودي بس زوجهااا مايبغى يكون لها أي علاقه معنااا ..
هند:انا كذا مرتاحه ولاتقولن بر ومادري ايش لو تبغاني ابرها اخذتني معها ماتركتني للمجهول ...
والله معهــم حق صعب انك تعرف ان امك عايشه ومتخليه عنك ولاعمرها سألت ..
تأثير مو سهل يعني مو كفايه كنا منبوذين من ابوي بعد من الأم شي محطم
..يمكن اللي مرتاح بس انا وسارا وريما ونورا لأن امهاتنا ماتوا ..
سارا:ام شهد هي الوحيده اللي طلع فيها خيــــــر ..
ضحى :صادقه للحين اتذكر يوم تجي بتأخذ بناتها وانا اطردهاا..
ملاك:لا وحنا نقسيهم عليها ونأزرهــــم لأنهم يرفضون يروحـــــون معهاااا
ضحى :كان لهم فرصه يتربون عند ام ...
سارا:بس تحت سقف زوج ام يعني الوضع بعد صعــــــب .. بقائهم معنا كان افضل ..
رغم ان ماضينا ماكان سعيد لكن دايم ننبسط بالكلام عنــــه ..وننسى انفسنا وسط ذكرياتنـــــا ...
ريما
اليوم زفاف صغيرتي وعد التي لم تعد صغيره بل أصبحت شابه جميلة
تغيرت امور كثيره بحياتي خلال ثمان سنــــوات منهاا فقداني للخلف
وحصولي على خلف أخر ...لم ارد تسميت ابني خلف ولكن باشا اصرت على ذالك
فهي تريد لحفيدها ان يحمل اسم ابيه لم استطيع الرفض كنت اضعف من الوقوف بوجه باشا
التي لم تتئنى عن استغلال ضعفي ومحاولة اختطاف ابني من احضاني...
وربما محاولتها تلك كانت مقدمة خير لي لأني صحوت من غفلتي ومن ضياعي الذي صاحبني
بعد فقداني لخلف ....
صحوت لأحتضن ابني واحميه من باشا ....التي اصبحت فيمابعد حليف خيرلي
ضد ابنها مالك ...الذي حاول السيطره علي بل كاد يختطف هو الأخر ابنــــي
وخيرني بين الزواج منه او سيختطف ابن اخيه مني لأنه الأولى بتربيته حسب رأيه ....
حينها وقفت معي باشا ... وحينما لم يستطع الحصول على مبتـغاه بدأ بمضايقتي داخــل منزله
لأني ضطررت للبقـاء هناك كما اقترحت باشا واشرن اخواتي علي بالموافقــه من أجل ابنـي ..
لم يكن مالك هو المعيق والمضايق لي الوحيد بمنزله بل ساعدنه على ذالك زوجاته
أجل زوجــــاته ...لقد سار مالك على خطى مبارك وخــلف ...
واخذ التعداد منهج له ...
واصبح لديه 13 مابين صبي وفتاة ...
كانت مضايقته لي بدافع التضيق علي لقبول الزواج منــــــه ...
ومضايقة زوجاته لرغبتهن ابعادي عن المنزل لمعرفتــهن بأمر رغبة مالك بالزواج منــي ...
جميع تلك الأمور لاتؤثر في المهم عندي تربية خلف بطريقة جيده ...
وأن يشعر بالراحه بحياته ...اريده ان يستمتع بطفولته وكافة مراحل حياته
لأريده ان يتذوق أي نوع من الحرمان او ان يتعرض لأي قهر او رغبة بأنتقام
كما حدث معــــــي ..
لأسعى بالحياة لتحقيق أي امر خاص فيني فقط كل مأريده ان اربي خلف تربية جيده ..
وان اشاركه حياته لأريد أي حياة خاصه بي لأني حياتي الخاصه انهيتها بعد موت خلـف ..
لم يعلم احد اني السبب بموت خـــلف ..جميعهم علموا انه اشتكى من قلبه ونقله الأسعاف للمستشفى ليموت هناك
كما حدث فعلاً ولكن اخفيت عنهم سبب غضبه الذي أدى فيه إلى ذالك ...
كان هو المذنب لم يخبرني انه كان يشتكي من قلبه ...وانه مريض بحاجه للمراعاه ...
لم استطع مسامحته حتى الآن على اخفائه هذا الأمر عني ... لقد تسبب كتمانه للأمر
بحرماني منــــــه ...وحرماني من الحياة ..
انتشلت نفسي بصعوبه من تلك الذكريات وعدت إلى واقعي
اجلس بالحديقة احتسي الشاي والأطفال من حولي يلعبون
كانوا رائعين بمشاغبتهم وافعالهم الطفوليه
لأحب معاقبتهم اوتهديدهم بذالك فهم يستحقون التسامح واعطائهم مساحه اكبر من الحرية
ليعيشوا حياتهم بعيد عن تعقيدات الناضجين ...
اكثرهم شقاوه كان أياد ابن ضحى ..وكنت افضله كثيراً على الأخرين
لأنه يذكرني بـ خلف أجل هو يذكرني بخلف اكثر من خلف ابنه ..
لدي ثقه كبير بأنه سيصبح شديد الشبه فيه حينما يكــــــبر ..
احتضنت هيثم حينما جاءني يشتكي من اياد وخلف ..
ريما:ياصغيري الم اخبرك ان تبتعد عن هذان الشقيان
هيثم : ماحبهم ..
ريما :ياعزيزي الم اخبرك ان تتحدث بالفصحى ..
هيثم :ماعلف ..!!
ريما:قل لا أعرف ...
هيثم :لا اعلف ...
ريما :مازلت تخطا لما لسانك ثقيل هكذا ..
لما أشعر بوجود ســــار التي عادت من الصالون بوقت مبكر ..
سارا:ريمووه هاتي ولدي لاتخربينه قال لأعلف ..تعال بس وش اللي ماتعــــرفه ...
نزل الصغير وركض لأحضان والدته ...
هيثم :ماعلف كلام خاله ليما ..
سمعت والدته تخبره انه ليس من الضروري ان يعرف حديثي والأولى به ان ينطق الحرف بطريقة صحيحه
قبل ان يتحدث مثــــلي ...
ريما :لما عدتي مبكره
سارا:حسيت ان ملاك وسمر بيسوون مصيبه تعرفين ماتمنهم على حالهم ...
ريما :لم يخرجا من غرفة الألعااب...
سارا:والله يخوفي طالعين من البيت كله وانتي مو داريه ....
ريما :آسفه ياعزيزتي اصبحت في الأونه الأخيره كثيرة الشرود...
سارا:الله يعينك يالله تطمنت على هيثم وبروح اشوف البنات..واتطمش على وعدووه والكوفيره العالميه اللي جابته ...بجد البنت اخذه بنفسها مقلب مصدق نفسها انها صارت هاي كلاس ..
قالتها بطريقه ساخره اضحكتني كثيراً ...
ابتعدت سارا وابتعدت ان عن الواقع إلى ذكرياتي ومعاناتي بعد خـلف في منزل مالك ..
لقد تذوقت الأمـرين منه ومن زوجاته ومن سعــــاد التي باتت تعيش بسعاده حينما تزوجت
شاب يصغرها كثيراً وصاحب شخصيه ضعيفه فرضت سيطرتها في منزلها
وعادت إلى حياتي لتفرض سيطرتها عليها ولم تتئنى عن تدبير وحيك المخططات لأيذائي
فتتهمني تاره بالسرقه وتاره بأيذاء احد ابناء مالك ...
حتى أنها اتهمتنــي باني حرضت احد الخادمات لعمل السحر لوالدتهااا ...
والكثير الكثير من المكائد.... مازالت تحاسبني على مافعلته منذ سنوات طويله
ولن تتوقف ابداً عن محاسبتي ....وأنا لاأهتم مادامت الأمور لاتطال ابني ...
أشعر بقرارة نفسي انها عقاب استحــقه واتمنى ان يكفر ذنوبــــي ...
.
.
.
وعـــــد
نفسي اقوم واخرب كل شي وانام مية سنه ....ماني قادره استوعب الموضوع
اليوم عرسي اللي جلست اجهزله من شهور ...وخلاص بصير مع منير على طول ..
رجعت لي افكاري وهواجيسي عن صحت اختياري ...احس منير يحبني بس انا ماحبه بنفس القدر ...
وبنفس الوقت ماقدر اتصوره مو زوجي ...
بس منير صديقي ايام الفقر ...الرابط هذا يخرب كل شي ويسود الحياة بعيني
يعرف عني كل شي من ابسط الأشياء لأكبرها ...مايناسب وضعي الجديد ...!!
منير تزوج وعد القديمه ...بس انا ابغى اتزوج منير القديم ...
تنهدت بصوت عالي:اووه ..
سألتني شوق اللي جالسه معي
شوق :اش فيك
وعد :ماني قادر استرخي ...شوق متصوره الوضع ...
شوق :أي وضع
وعد:وضعي ..!! ..شوق بتزج منير ..
شوق:صح النووووم يابنتي انتي متزوجته من اربع مادري خمس سنين توك تصحين ..!!
وعد:اووووووف وهنا المشكله ..
شوق:روقي اعصابك هذا مجرد توتر عرايس..
ياءالله ماأحد فاهمـــــــني ...
وينك يانوف محد فاهمني غيررررك الله ياخذ الدراسه اللي تفرق بيناااا......
اوووووف لو عندي اللحين افهمتني واقنعتني بأي مبـــرر... بس مو هنا واللي هنا اغبى من انهم يفهموني
اصلاً هم ماتغير نفس الأفكار الفقر انتقلت معهم ...
ودايم يذكروني فيهاااا ...ياليت ماضي يمحـــــي
ياشينها من طـــفووووله وععععع ياربي ليش تجي على بالي هالأفكار المقرفه هذا وقتها ..
سمعت شوق تكلمني بس ماقدرت اسمعها
وعد:هاه اشقلتي ماسمعتك
شوق:اقول سمر وملاك بيشوفونك كسروا خاطري يترجوني...
تنرفزت حسيت اعصابي بتنفلت مني اسمائهم بس تطلع كل نرفزتي كيف لو اشوفهم
وعد:ِشوق انجنيتي انتي بتدخلين الشرشوحات ذولي علي ناقصه قرف انا تدرين انا من اشوفهم
اتذكر ايام الحاره والطفوله اللي تغـــــث لاترفعين ضغطي ...
شوق:وعد لو مو عرسك اليوم هفيتك كف بجد صايره قليلة حيا ...
اشوى طلعت من عندي ولاكنت بنفجر فيها ...
شغلت ميوزك يغير مودي اللي نكدوه ...
دقايق من طلعت شوق ودخلت من جديد ...
وعد:بعدين يعني بسترخي شوي ماني قادره
شوق:اشوى انك مابديتي ...
وعد:قلت لك ماراح ابدأ الا بعد المغرب بس ليش..؟؟؟
شوق:منير تحت يبغاك والصراحه شكله مترفز ..
وعد:انهبل هذا وش يبغى جاي واليوم اكيد مو صاحي..
شوق :يعني شلون مو نازله
وعد:طبعاً لااااا ...
كنت اتكلم مع شوق تفاجئت بـ سارا داخله علي
وعد:وانت امداك ترجعـــين من الصالون ..
سارا:يابرودك الرجال بيهد البيت علينا تحت وانتي جالسه بكل رواقه انزلي اخلصي علينا ولاهو بيطلع لك ...
لما شفت اصرارهم لبست روب على البيجاما اللي لابستها ونزلت وانا واصله حدي منهــــم ...
وعد:وين هو ؟؟؟؟
سارا:تاركته بنص السلم شوي ويطلع لك ...
اوف اوف شكل ذا عنده سالفه من جد لايكون عرف عن الحفله اللي غيرت مكانها
لامستحيل انا مكلمته امس وماجاب طاري ..
نزلت وانا افكر وش ممكن الموضوع المهم اللي مخليه بيجي بالوقت هذا ...
كان واقف قدام السلم مباشره لف بسرعه اول ماحس فينــــي ...
وعد:هلا ....
ماكملت جملتي خوفتني نظراته بعدين نطق بكلمه ماستوعبتهااااا ......
لا لحظه قال انتي طالق ...اكيد يمزح وش قصده ..
وين راح ليش لحظه خل يوقف وش قصده بكلمته
ليش يقول انتي طالق يعني طلقــــــــــني ......
اكيد يمزح ليش يطلقني كيف بعد اربع سنوات
اليوم يطلقني اللحين ليش...؟!!!!
طلعت السلم وانا ماني حاسه بنفسي لقيت سارا وشوق
وعد:يقووول انتي طالق ......!!!!!
شوق:ايييييييييييييييييييييييييييش
سارا:وعد هذا مو وقت لعب وش اللي يقول انتي طالق ...؟!
وعد:والله هوقاله ..قال انتي طالق ...
تردد صدى هالجمله براسي وحسيت الأرض من تحتي مو ثابته والسقف بيطيح علي
وسمعت صرخه بأسمي وبعدها ماعاد حسيت بـــــــشي ....
سارا
انصدمت كيف يعني طلقها مستحيل منير ليش يسويها اصلاً
ماراح تطلع منه الا لشي كايد ...!!!
حسيت نفسي مو قادره امسك اعصــــــابي اتصلت على قيس وانفجرت فيه
وكان رده علي قفل الخط بوجهـــي ...
ملاك:سارا امسكي اعصابي ولاتدخلين نفسك بالموضوع ...
وخرت يد ملاك عن كتفي وسألتها بعصبيه
سارا:اللي طايحه هناك مو بوعيها من صدمه مو أختي ..واللي تسبب بكل هذا مو الأفندي اخو زوجي كيف تبغيني امسك اعــــصابي هو في اعصاب عشان امسكها ...
ملاك:طيب اللحين قيس وش ذنبه تكلمينه بالطريقه هذي انا بحياتي ماشفتك تكلمين معه بالطريقه المهينه هذي
اول ماتزوجتيه عشان تكلمينه اللحين بعد ماصار عندكم عيال وصرتي بالسن هذا بالطريقه هذي ....
سارا:ملاك خليني بحالي مو ناقصتك انا
ملاك:مو بس انتي اللي متورطه كلنا بالمركب هذا ....
الموقف اللي انا فيه صعب صعب صعب ......
كيف بتكون حياتي مع قيس بعد ماطلق اخوه اختي بليلة عرسها ...
ملاك :لاتعذبين نفسك بالتفكير بنلقى حل روقي ...ضحى اكيد بتحل الموضوع ..
ضحكت على كلمة ملاك رغم مأساة الوضع
سارا:للحين ورغم كل هالوقت مازلت عندنا ثقه ان ضحى دايم عندها حل لكل شـــــي ..
ملاك :شوفي هي ومشاعل يتكلمون بالموضوع اكيد بيدبرون الوضع وقيس وابوه مستحيل
بيسمحون له يفشلهم ويفشلنا قدام الناس ...وغصب عنه بيحضر حتى لو طلقهاااا اهم شي ماحد يعرف باللي صار ...
سارا:ملاك وش تفكرين فيه انتي يعني بس هذا كل همك المظاهر طيب ووعد اللي تلقت
اكبر صدمه بحياتها كيف بتتحمل تكمل الليله بعد اللي صــــار توقعين بتقدر تطلع قدام الناس
ولاكأن شي حصـــــل ....
ملاك :مو وقته التفكير بالمشاعر اللحــــــين ... ووضع وعد مايسمحلها تشرط نسيتي انها تطلقت من قبل ....
وبيكون وضعها أسوأ لو عرفوا الناس باللي حصــــــل ...
كلام ملاك لخبط كل تفكيــــــــري
سارا:شلون يعني
ملاك:يعني بدال مو متصله تهزأين بقيس وتسردين له مساوئه اتصلي فيه قوليله يلم الموضوع قبل لننفضح ...
راحت عني ملاك وانا جلست بهمي كيف كلمت قيس كذا مستحيل
يسامحني على الطريقه اللي كلمته فيها ...يعني كان لازم يصير كذا
الله يهديك يامنير ... اتصلت على قيس قفل بوجهي اوووووف شكله معصب ...الله يعيني ...
منيـــــر
كنت بحالة من الغضب
تستغفلني مسويتــــــني طرطور عندهااا ..
هي اللي تحدتنـــــي حذرتها هددتها بس هي اللي ماعدت لكلمتي أي قدر ...
بس تســــــــرعت بالله سويته
خطأ اللي سويته اكيد خطأ
تصرف غبي ومجنـــــون طلقتها يوم عرسناااا ...
المفروض تئنيت شوي بس وين الصبر كان الشيطان راكبني من عرفت الخبــــــر
ماتوقعت تستغلفني بهالطـــــريقه بس هذي وعد عمرها ماراح تتغير اخر شي ممكن
تحسب حسابه كلامي ...
بس هذا مايغيـــــر اني اخطأت اصلاً انا مو قد الزواج
ولاقد المسئوليه...
اووووف وش هالغباء كنت اقدر اعاقبها بأي شي بس ماتوصل للطـــــلاق ..
اللحين وش بيقول عني ابوي وقيس لو عــــــرفوااا ..
والناس وش بتقــــــول ...حركت سيارتي بسرعه وابتعدت ...
دق جوال رقم قـــــيس ...زفرت قبل مارفعه
قيس:وينك يا***** وش اللي سويته يالخـــسيس اللحين تجي وتكمل كل شــــــــي
وبعدين اوريك شغلي معك هذي الأمانه اللي موصيك عليهااااااا بس انت *********
منير:انت ما......
ماعطاني فرصه اكمل جملتي وقفل بوجهي ......
ملاك
كالمعتاد ضحى هي اللي قدرت تلم الموضوع اتصلت بقيس وتفاهمت معاه
وسارا صدمتني بالموقف اللي حطت نفسها فيه
ومالومها لصعوبة موقفهااا .. الوضع اللي صارت فيه اللحين اصعب
يعني أي موقف بين وعد ومنير بيأثر على علاقتها مع قيس ...
بس لو كانت اكثر حكمه يمكن تقدر تفصل العلاقتين عن بعض ...
بعد صلاة العشاء ولسى وعد ماصحت ..انا سحبت نفسي من الموضوع
وقررت اروح مع شهد وشوق للقاعه والباقيين يتفاهمون معهـــــا ..
كانت منيره بالأستقبال مع بنات خوالهاااا ...
ماكانوا ينسجمون معي ولا انا انسجم معهم ولا أحب شوفتهم
بعكس باقي خواتي كانت علاقتهم معهم كويســــه ...
يمكن لأني توأم سـارا تأثرت باللي مرت فيهم معهم وخصوصاً مع منيره في بداية زواجهااا
طبعاً كل شـي تعدل لكن انا مازلت متأثره باللي كانت تسويه بسـارا ..
وهم يعاملوني باستحقار للمجال عملـــي ويشـوفوني مسترجله وقالوها لي اكثر من مره
تلميح وتـــصريح ...
قبل ماجلس جاني اتصال خاص بعملي اضطريت ابحث عن مكان هادي ... طولت فيه وانا راجعه
شفت منيره واقفه مع شوق على المنصه ..من فتره ملاحظه منيره تحوم حاولين شــوق معقوله تبغيها
لأحد من اخوانها مادري وش عندهم على المطلقات ...
وعد
كل اللي يصير مثل الحــــــــلم
منير يطلقنــــي انا اللي كنت اقول ان يحبني اكثر ماأنا احبه
بس طلعت غلطانه ... طلع خسيس وحقــــــير ...
مو من الماضي شكلي انا للي للحين اعيش الطفـــــوله ...
للحين بريئه احسب الناس مثلي مادريت ان فيه ناس تغيرت وأول هالناس منير
يطلقني كذا بهالسهوله ينهي الرابط اللي بينا وين الوعود والعـــــــهود
كذا انتهت بلحظه ...واللي يقهرني للحين ماني عارفه وش سبب هالطلاق ...
احســــــه حلم ياررب يكون حلم مابغى اخسر منير اللي حطيت فيه كل ثقتـــــــي ...
ضحى :وعد وين رحتي ...
وعد :وين رحت يعني ماراح اروح مكان .... واللي تطلبينه مني مستحيلللل
توهم ماله ساعتين من طلقني وتبغين اكمل ولاكأن صار شــــي
ضحى :ياحياتي ماحد طلب انك تنسين اللي صار اللي بتسوينه مو عشانه ..عشانك انتي
ونظرة الناس لك ...مأحد عارف انه طلقك الا اذا انتي مارحتي وسببتي الشكوك ... بس اللي صار ماطلع من هالبيت
خلي بس ليلة تنتهي على خير وبعدها عاقبيه بالطريقه اللي تبغــــين ...وكلنا بنوقف معاك وماراح نضغط عليك بالشي...
وعد:لااا تفهمين لااااا ....خلي كل الناس تدري انه طلقني ماهموني النااااس بس اني اروح واسوي نفسي ماصار شي
ومو اول مره اتطلق فيها عشان ازعل ...وهو والله لأوريه قسم لخليله ...
ريما :وعد ارجوك لاتفعلي ذالك توقفي عند اطلاقك الوعود بالأنتقامات هل نسيتي من هو منير
الذي تهددين باذاقته الويل ..منير لم تعرفيه منذ سنه او اربع سنوات عرفتيه بعدد سنين عمــــــــرك ...
هو أخطأ وانتي اخطأتي ولكن لايجب ان لااا يكون هناك توابع للأخطــــــأ
مالفائدة من الأنتقام وايذاء شخص تحبينــــــه ...
رجعت ابكي من القهر انا عارفه انه منير بس هو ليه سوى فيني كذا ليه ...
وعد:ريما هو اللي بدأ ليش سوى فيني كذا ليش ..
ريما :اعلم ياعزيزتي هو نادم وغارق بالندم هكذا هي الأخطأ نفعلها ونندم عليها مدى الحياة ..
ولكن انتي لن تفعلي ذالك لاتكبري الخطأ عاقبيه ولكن لاتؤذيه ...صدقيني كل ماتشعرين به الآن من ألم
لايسوي لحظة ندم بعد الأنفصال عن الحبيــــب ...
ضحى :خلاص وعوده ارتاحي نص ساعه وبعدين خليهم يبدون يسوونك يالله لاتخربين الليله اللي تخططين
لها من شهــــــور ...
ثواني وحسيت نفسي لوحدي بالغرفه ...مابغى افكر بألم ابغى افكر كيف اعاقبه واقهره
وارد له الحركه اللي سواهاا فيني ...الله يامنير بكل سهوله كذا هنت عليك ...!!
بس لو اعرف السبب معقوله يكون عرف عن الحفله ....اكيد عرف مافيه
سبب مقنع وممكن يوصل الأمور للوضع هذا الا موضوع الحفله ...
شدن
جلست أتأمل جسم نورا اللي اصغر مني بسنتين وحسدتها
على طولها وجسمها الحلــــو مو أنا كل ماناظرت شكلي بالمرايه ودي ابكي
نحيفة وقزمه ..مره شكلي مايساعد ...
نفسي ألبس شي يطلعني انثى مو كأني طفله ...
هذي افكار داخل راسي مستحيل اطلعها لأحد ولاحتى ماما ...
لأن الواحد لازم يفصل مابين الصراحه والخصوصيه ..
يعني فيه اشياء اتكلم فيها بصراحه مع الأخرين
وفيه اشياء لازم تكون خاصه فيني وماتعدى حدود نقاش فيها مابيني وبين نفســـي ..
دايم يقولوا عني فيلسوفه واحب لاتكلمت اعمل نفسي حكيمه طبعاً الكلام هذا مو صحيح انا مو مثل مايقولون
انا بس افهم اشياء كثيره تتعدى معرفة اللي حولي وبمحيطي ...
دائماً احاول اسوي نفسها جاهله باشياء رغم معرفتي فيها عشان اللي حولي ماينفرون مني
يعني انا ذكيه واتصرف بمجتمعي بذكاء ...
نورا:شو شدون وين وصلتي ....؟!!!
شدن :برج ايفيل يالله كذا جاهزه ...
نورا:يس شرايك فيني اجنن صح ...
هي فعلاً حلوه وجميله مرره شي طبيعــي تملك عيون خضرا وبشره مثل الثلج
وشعر اشقر كيف ماتكون جميله وتخطف الأنفاس .. بس تفكيرها لايتعدى حدود جمالها ..
اهتماماتها عاديه جداً مافيه مميزات لها....
وهي متعايشه مع وضعها بالعكس مبسوطه فيه
وتشوف نفسها ملكة جمال زمانهااا ...
شي حلو القناعه كنز لايفنى ...
نورا:ياءالله منك نفسي افهم لما تسرحين بايش تفكرين احسك تصيري بغيبوبه
بسرعه خلينا ننزل ضحى بالسياره ...
طلعت معها للسياره ..دايم يلوموني على سرحاني الكثير
بس بصراحه افكاري مع نفسي احلى بكثير من الحوارات التافهه
اللي تدور بيني وبينهم ..!!
طبعاً هذي بعد فكره داخليه مستحيل تطلع
ولاحتى عن طريق الخطأ عمري ماحسست اللي قدامي بتفاهة حديثه
وممكن امشي معاهم باحاديث تافهه مشوار طويل ومن اوصل الا مصادر التفاهه نفسها ..
شهــد
كل ماشفت شــوق احس بالذنب انا السبب باللي صارلها استحي من خواتي رغم مرور وقت طويل على السالفه ...
لكن نتائجها للحين ساريه ... كان غلطة جنت علي وعلــــــى شــوق
غلطه وغباء وجهل ...ماتوقعت ابد ان نايف اللي كان ميت في ويعشقني انه بيقلب علي لمجرد
اني اعترفت له اني كنت اكلم شباب كيف لو قلت له اني طالعه معـهـــم ..ماكنت ادري ان الماضي المفروض مايعرفه الزوج لأنه بيبقى طول عمــــــره بشكوكه ...
كان ذكي وانا غبيه جاهله اعترف ان له ماضي وقال بنتصارح ونرمي الماضي ورى ظهورنا ..ومقدمات وعبارات منمقة وسوى فيهااا الأنسان العاقل الرزين ..لين اعترفت بكل غباء مسويه بكفر ذنبي وعشان ماكون خنته ....
وكانه لو عرف كل شي بينمسح من ماضي ...وهو بس سمع اعترافي ماسمح لنفسه يتاكد من صحته ...
انقلب علي وظربني وسود عيشتي وحذر ولد عمه يتزوج اختي وانه المفروض يطلقها دامهم على البر لأنها اكيد بتكون طالعه علـــــي وتطلقت شوق بسببي عمــــــري ماراح انسى اني بماضي الأسود سبب خراب حيــــاتها
حتى لو قالت لي هي الف مره انها مسامحتني ومن اول يوم قابلتها بعد طلاقها حلفت لي انها ماشالت علي ولاذرة كره اوغضب بس انا مستحيل اسامح نفســــي ...
نايف كذب علي ماكان مجرد ماضي علاقاته استمر فيها لليوم حتى بعد ماجاتنا اسيل من اربع سنوات
ومأتجرأ اتكلم معه بالموضوع هذا لأن يشوفيني احقـــــر منه وان اللي يسويه مايجي شي قدام اللي سويته ...
انا بس مجرد مكالمات وطلعات بريئه ماوصلت لارتكاب فواحش ... ويشوفني اسوء من *****...
ولاراح يصدق اني بريئه واني تبت ...وهو ماشي بطريق هذا رغم انه متزوج ويرتكب فواحش ...
ماخاف من ربه اهم شي قدام الناس انه رجال ومهما سوى أي شي ماعليه عيــــــب ...
تحملت وتحملت ومازلت اتحمــــل فسـاده ..كل خوفي على بنتي ربي يبتليه فيها ..
ولا الباقي تساوت عندي الأمــور ماهمني هو كثير ماهمتــــني بنتي ...
حاولت اصلح فيه لين تعبـــــت واللحين ماعندي الا بنتي اخاف علـيها والمصـيبه انه من اللحيـــن مخربها علي
لرحت لمكان ورجعنا جلس يحقق معها ومخليها جاسوس علـــــي .. ولازم تقوله كل شي ولاظربهااا
ودايم ينعتها بألقاب فاسده وانها بتطلع علـــــي قدام اهله واخوانه واخواته وعيالهم ...
فاضحني ومخرب سمعتي وسمعة بنتي ...وانا صابره على امل يتعدل ..
شوق:شهد ..شهد
انتبهت لشوق تناديني
شهد:هلاا
شوق:بروح لمنيره تبغاني اساعدها ..
شهد:طيب حبيتي خذي راحتك انا ماقدر اجي معاك عشان الأصوات يمكن نايف يتصل وماسمعه وانتي عارفه
هزت راسها بتفهم وراحت ...
تعبت من التفكير المفروض اتمتع بالحفله اللي أنا فيها لأني ماطلع كثـــــير ..
كانت التجهيزات مبالغ فيها اكيد هذي طلبات وعد ..الله يهديها ..كل اللي يعرفنا يقول ان وعد تشبهني
بس اتمنى لها حظ اكبر من حظي ..
رجعت ملاك اللي كانت رايحه تكلم دقايق بس ورجع تلفونها يدق وقامت من جديد ..
انتبهت لوصول باقي خواتي ... كانوا متأخرين الوقت تعدى بعد منتصف الليــــل ..
اكيد وعد عطلــتهم ..الله يهدي بالهااا ..اللي حـصل مو سهــــل عليــهااا ..
تمنيت لو اقدر اشوفها قبل تدخل بس ماقدرت ماقدر ادخل بضجيج اخاف يتصل نايف
ومارد ويخرب علي ليلتي ...
دمعة عيــــــوني يوم شفتها تدخــــل .. كانت اجمل عروس شفتهــــا ..
ماحسيت بشوق انها معي على الطاوله لين قالت
شوق:اوخس يالرقيقه ..تبكيــن ..
شهد :احلفي انك مو ماسكه دمـوعك ..
شوق :الصراحه انا متزنه نفسياً مابكي بوقت الفرح..
شهد:ياشين فلسفتك ...
شوق :شوفي انتي عشان ببيت لحالك بتفقدينها وتحسين انها بتبعد عنك اكثر بس انا ببيتنا وهي ماراح تستغني عنا
يعني ماحس اني بفارقها ..
شهد :معاك حــق ..وش عندهم شدن ونورا مرتزات مو بيدخل منير اللحين ..
شوق:وشدن ونورا متى مارتزو قدامه اصلاً شدن ولاحتى تغطى عنه ...
شهد :الله يهديهاا اذا شدن اللي عندها ابو كذا اجل نورا وش نقدر نقول عنها ..
شوق:عادي نفس اللي مروا فيه خواتها من تمرد بتمر فيه مصيرها تعقل ..
شهد:بس ياشوق مو كل واحد قدامه فرصه انه يعقل يمكن قبل مايعقل يسوي شي يبقى يطارده طول عمره ..
شوق:ياحياتي الله كريم ..
وعد
اللحين بيدخل اللحيــن بشوفه
الخاين مابغى ابكي لازم امسك نفـــسي ..مابغى احد يلاحظ علي شــــي ...
اول ماحسيت بوجوده قريب مني ماقدرت ارفع عينـــي له ...
بوسته على جبيني ويدي كهربوني .... صبرك علي يامنير والله لادفعك ثمن قهري ...
جالس جنبي وصاد عني مسوي زعلان هاه والله مو قد الزعل اللي بيجيك ...
صبرت نفسي على كل المراسم والشكليات اللي صارت
حرمني فرحة التمتع فيهاااا ...
لا ليش تنزل دمعتي وهو يناظر فيني ليش ...
مو وقتك يادموع ....
ماصدقت يوم شفتها يمدلي منديل ..
صديت عنه بعد ماعطيته نظره احتقــــار ....
.
.
قبل مانطلع من القاعه مسكتني ضحى وعطتني موشحه من النصائح
اني اتجاهل كل شي حصل ومأكبر المواضيع
مجنونه اصلاً ماكنت ناويه اروح معهم ابداً للأوتيل بس عشاان مابغى صداع من خواتي
عن الناس وكلام الناس ...
وعد:ضحى خلاص انتي لمين تكلمين انا ماراح اسوي الا اللي بالراسي ...
ضحى :وعد تكفين لاتفضحينا ..
قلت بتمصخــــــر ..
وعد:طيب من عيـوني ..
تنهدت وكأنها فاقده الأمل وتركتني ...سملت على باقي خواتي وطلعت مع منير اللي ينتظرني لسياره ...
ماحسيت على نفسي الا لما وصلنا الأوتيل ..
اول مادخلنا الجناح قبل مايتكلم بأي حـــــرف ..
وعد :لاتتوقع اني نسيت اللي صار العصر انا بس جايه هنا عشان خواتي ...
انقهرت لما طنشنـــــي بس سويت نفسي مانتظر منها رد دخلت الغرفه ورميت عبـــايتي والجزمه فتحت الدولاب اشوف
اغراضي اللي رتبتها سارا ...معلقه لي كل الشنطه مو كأني بجلس يوم ونص ..
غيرت ملابسي بعد تعب وحرص شديد ان الفستان مايحصله شي لأني بعطيه صاحبتي اللي انهبــلت عليه
كنت بحتفظ فيه بس اللحين وبعد اللي حصل كرهته ...
تجهزت للنوم ومنير لسى مافكر يتكلم معاي ولاحتى يدخل يشوفنــــــي ...
قهرنــي تطنيشه لي توقعته اول مايشوفني بيبدأ يعتذر ويبررر مثل حركاته دايم لزعلت منه
واللحين رغم كل اللي حصل مالقيت منه أي اهتمـــــااام ..
حسيت بتعب اليوم واحداثه يتجمع علـــــي ولقيت نفسي بدون مقدمات ابكــي
واستمريت على هالحال لين اختلط الواقع بالحـــــلم وجمعتهم الدموع ...
منيـر
كان يكابر بتجاهلهااا ...لانه عارف اني أي محاوله منه لتصليح الوضع
بتبؤ بالفشل ...وعد متوقعه منه يعتذر ويعتذر ويترجــى ...بس مستحيل يهين نفسه لها
هي أخطأت واستحقت عقابهااا صح اني أخطأت باختيار العقاب وندمت بس الشي هذا ماراح يتعدى داخلي
لأن وعد الصراحه والوضوح معها ماتنفع ....
تطلب مني انسى طفولتنا وهي تعتمد عليها بعلاقتنااا ..
ودايم المفروض اكون منير اللي ماكان يرفض لها طلب واللي دايم معها على الصح والخطأ ...
قمت التناقض داخلها تبغاني مثل ماكنت لها دايم بس ماتبغاني اعتمد على هالشي بالنسبه لها ...
والمشكله اني ماقدر انسى من كانت وعد واشفق عليها لتذكرت طفولتهاااا ...
مأدري هوخطأ اني تزوجتها بس ماني ندمان ...
من دخلت الغرفه ماطلعت منها وانا بقيت بالصاله مابغى أي تصادم معها اليوم ...
لأني عارفه انها مصدومه وتعبانه وانا بعد تعبان ...
مر اكثر من ساعه وتوقعت انها نامت اول مره تتصرف وعد بحكمه ..
دخلت الغرفه كانت نايمه توجهت للحمام باخذ دش ..
لما طلعت رحت بشوفها من قريب معقوله اشتقت لها ..
مادري بس عندي رغبه كبيره اني اقترب منها واشوفها ..
على الأضاءة الخفيفه اللي بالغرفه مشيت لها هي ماتحب الظلام كامل عقدة من الطفوله ..
جلست على طرف السرير وهي تتقلب بنومتها اول ماوقعت عيني على وجهها حسيت انها بتصحى
وفعلاً ثواني وفتحت عيونهاااا ..
وسألتني بصوت ناعس
وعد:منير..
مارديت عليها ..
تعدلت بجلستها وهي تقول
وعد:حلمت حلم يخوف ماراح اقوله اخاف يتحقق ...
معقوله سامحته تكلم معه بكل هدوء وكأنهم متصافين ..
هزت راسها برفض مافهمه
وعد:انت ليش هنا ..وانا وين ..؟!!
وحده من ثنتين يالنوم مأثر عليها او جالسه تستعبط عليه ..
منير:اليوم كان زواجنا نسيتي ...
حطت يدها على راسها
وعد:بس انت طلقتني يعني مو حلم ..
ضعفت وقلت
منير:بعض الواقع المفروض نعامله مثل الحلــــــم ..
وعد :ليش ميمو سويت كذا .. انت اكثر انسان يعرف قد ايش اخاف من فكرة الطلاق ليش تسوي فيني كذا ...
صديت عنهاا
منير :شايفه الوقت مناسب للكلام هذا ارجعي نامي انتي تعبانه ...
وعد :ارجووك جاااوبني ليه سويت كذا الطلاق سهل عندك لدرجة هذي بس عشان خالفت امر منك سويت كذا
طيب لو كان الموضوع اكبر من كذا وش بتســــووي ماتوقعت اني اهوون عليك لدرجة هذي ....
قهرتني لما حاولت تصغرني وتوضح اني تافه وماعندي حكمه
منير:لاااا تقللين من اللي سويتيه وتحطين كل شي علي انتي مو عاندتيني انتي خدعتيني لأنك قدام عيني سويتي
نفسك راضيه بقراري ومن وراي سويتي اللي براسك كان اهون علي لو انك ضليتي على عنادك بس الخداع انا مأحبه
ياوعد مليون مره قلت لك شغل الناس اللي مو متربيه مايمشي معي
وعد :تعيرني وتقول عني مو متــــــربيه ...
حاولت اخفف من كلمتي بس بدال ماعمل كذا لقيتني ادعمها ...
منير:ماقصدت اعيرك او انتقص منك بس هذي الحقيقه ياوعد ...
وعد:وانت توك تصحى وتفتكر اني مو متربيه ...اللي مو متربيه زوجتك من اربع سنوات ...
حاولت تدفعني عن السرير بس ماتحركت ..
وعد:اكرررررررهك ...
منير:بس لأربع سنوات كنتي تحبيني
مسكت يديها وضغطتهم على بعض ...
وعد:ليش تسوي فيني كذا خلاص اسكت عنــــــي ...
منير:قلت لك نامي بس انتي اللي اصريتي نتكلم ..
تنهدت يوم شفت دموعها
وعد:ليش صاير لئيم معي عشان بس سويت الحفله خلاص انا آسفه بس لاتعاملني كذا ...
منير:وانا آسف ..بكره ورانا سفره خلينا ننام ونرتاح ..
وعد:نام بس للحين ماسامحتك ...
منير:ولا أنا سامحتك ..خليها للأيام ..
رجعت تنزل دموعها بطريقه اكبر
وعد:ماراح اقدر انام ليه ماتفهم اليوم انت تسبب بفقداني للأمان اللي كنت احسه بقربك للأبد ...
كلمه وحده جمله وحده بس هزته وسوت اللي ماسواه كل العتب والتهزيء اللي جاه بعد سواته ...
حضنتها رغم كل محاولاته على البعد ...
منير:لا لتقولين كذا وعد انا مستحيل اتخلى عنك مستحيل اترك حتى لو انتي اللي تطلبين منــــــــي ...بتبقين معي آمنه طول العمـــــــر ..
وعد:ماراح تقدر تنسيني اللي صار اليوم ..
منير:برجعلك الامان غصب عنك بجبرك بحبـــــي تنسين اني يوم أخطأت بحقك بمسحه من عقلك وقلبك ...
وعد:بتنسى وعدك مثل مانسيته اليـــــــــوم ..
منير:تنســـــاني الحياة لونسيتك ..حتى بقبري ماراح أنــــــساك ..
كان عارف وقع الجمله عليها ..
صرخت بألم
وعد:لاتقول كذا ارجوك منير لاتعيدها اكرررره الكلمه هذي اكرهااااا ..
منير:طيب قولي انك سامحتيني وتحبينــــي ..
وعد:انا احبك بس خليني انسى عشان اسامحك ...
منير:بس ماطلبتي لو بغيتي اخليك تنسي عمرك كله ماعندي مانع ...
ناظرتني بخوف
وعد:لأيش تلمح ...
ضحكت باستهزاء
منير:ولاشي ليش تفكيرك في سيء..
ماتوقعت انها تملك مثل هالقوه يوم اشرت باصبعها على صدري وضغطت بقوه
وعد:شوف اللي تفكر فيه شيله من راسك انت مطلقني اليوم العصـــــر ...
منيــر :ورجعتك وانتهى الموضوع ليه تبغين طولين السالفه ...
وعد:لاتكلم عن السالفه كأنه شي تافه ..
تنهدت بتعب
منير:اللحين من قال انها شي تافهه بالعكس موضوع صعب علي قبل مايكون صعب عليك ..
لكن ليه نتركه ينكد علينا خلاص بننساه لأنه شي سيء والمفروض مانترك له توابع تأثر علــــى حياتنااا..
بنكمل ليلتنا ولاكأن شـي حصـل اليوم ... ولاعمرنا ماراح ننسى ...
ماتوقعت ان وعد تقتنع بكلامي بهذي السهــــوله ..
منير:ماتوقعت تقتنعي بسهوله
حطيت يدها على صدري ..
وعد:الكلام اللي يطلع من القلب يوصل للقلب ..
ضميتها لصدري وانا اقول
منيـــر:وانتي القلب وراح تظلين بالقلـــــب ...
سارا
كانت قدام المرايه افصخ العقد اللي لابســـته وعيني على قيس اللي جالس على السرير وتركيزه على جواله ..
ماتوقعت منه يطنش الموضوع ولاكأن شـي حصـل تكلم معاي عادي ولاكأن شي حصـل بينااا...
اصلاً توقعته يتركني عند خواتي .. بايش يفكر انا اعرفه قـــيس .. تجاهله للموضوع يعني عنده
طريقه بيعاقبني فيهاااا ...
قيس :شنطتي جاهزه ...
سارا:طبعاً كل شنطنا جاهزه ..
قيس :بس انا بسافر لحالي ...
لفيت عليه بسرعه والله كنت حاسه
سارا:لا تكفى قيس الا السفره عاقبني باي شـــي ..حرام عليك اصلاً السفره عشاني كيف تسافر لحالك ...والبنات حرام
متقطعين على هالسفره لاتحرمنا منهااااا ...
ياربي ولاكأني اتكلم مطنشني ويشتغل بجواله ..
رحت اجلس جنبه وأنا اقوله
سارا:ارجوك قيس حياتي ليش تسوي كذا ...
صرخت لما مسكني بقوه مع يدي اللي حطيتها على كتفه ..
قيس :اللحين صرت قيس وحياتك عشان السفره ولاالعصر وش كنت ذكرنــــي ..آآه بس ياسارا الفاظ بحياتي ماتوقعت اسمعها منك ...
سارا:قيييييييس ..
قيس:بلاقيس بلا هم ..نفسي اظربك بس للأسف من زمان تركت هالطبع بس انتي والله تستحقين اكثر من الظرب ..
حسييت ببكي من القهر بعد كل هالعمر يبغى يظربني
سارا:قيييس حرام عليك ...
ندمت يوم سمعته يكمل بقهر
قيس:ياشيخه حرام عليك انتي ..اللحين انتي وش متوقعه يوم متصله تهزأيني ليكون انا اللي طلبت من منير يطلق ...
صح انا اللي زوجتهم وانا اللي ابغى اطلقهم .مليووون مره قلك فكري قبل ماتطلقين احكام ...
سارا:كنت مصدومه الله يخليك لاتحاسبني على شي سويته بلحظة قهـــــر ...
قيس: اللي وصلنا لهالوضع اني ماحاسبك اني تارك لك كل شـــي ...
سارا:والله انا ندمانه لاتحسسني بذنب أكثر حتى الزواج ماقدرت انبسط فيك طول الوقت افكر فيك ..
ضحكت يوم شفت ملامحه تغير للدهشه
قيس:لا ياحرام ليش بعد تعبتي نفسك وفكرتي فينــــي ...
سارا:خلاص عرفت مانت زعلان وبتاخذني معك ..
عورني قلبي يوم سمعت تنهيدته ليش يحسسني دايم اني ظالمته
قيس: طيب بنسافر بس بدون البنات ...
سارا:حرام واعدهم انت ...
قيس:خليهم عند ملاك وخواتك
سارا:تبغى ملاك تنجن ماتوقع ترضى ..
قيس:اقنعيها بطريقتك او اجلسي معهم ...
اوف رجع يعصـــب ... انا ماصدقت ان الموضوع ينتهي بالهدوء هذا يرجع يتنرفز
سارا:خلاص حبيبي روق البنات يصطفلو لما كنت بعمرهم ماطلعت من الرياض ...
ضمني وسألني
قيس:للحين تكرهين اذكرك بأيامنا قبل ...
ضحكت عليه دايم اكذب عليه واقول اني اكره سوالفنا لماكنا صغار عشان احسسه بالذنب ..واليوم قررت
اعترفله
سارا:الصراحه ماعمري كرهتها بس احب اتدلع عليك ...
قيس :وانا اللي مسوي نفسي اقهرك فيهــــا...
اجتمعت ضحكنا واستمرينا بأعترافات وذكريات حلوه عن ماضينااا ...
خصوصاً ماضي الشحاده ومدير البنك واكثر شي يضحكني لاقال قيس ..
قيس:اموت واعرف كيف مشاعري تتقلب يوم احبك ويوم اكرهك ...
سارا:شفت كيف قلبك يشتغل معاي حتى وهو مو عارفني مو مثلك يالخبـــل ..
قيس :ايو الله مشتغل معك وخصوصاً يوم بغيت اخطفـــك ..
سارا:انا مادري كيف ذاك اليوم ركبت معاك والله يوم نزلت وفكرت بالوضع زين ماجتني سكته قلبيه ...
قال بطريقه تقهر
قيس:يالله اعترفي كنتي تحبيني وقتهااا..
سارا:مره ميته بدباديبك ياما فكرت اذبحك ...
قيس:عادي من الحب ماقتل ..
سارا:لاوقتها بتكون من الحقد ماقتل ...
قيس:احيان تحسسيني انك ماسامحتيـني ...
قلت بدلع عليه ..
سارا:آه شوف هو سامحتك ايوه بس على اشياء واشياء لسى باقي صعب اسامحك عليهاااا ..
رفع عيونه لسقف وتنهد
قيس:آآه منكم يالحريم ماتنسون ... طيب وش يرضيك ...
انبسطت بداخلــــي اللحين بتشرط علي كيفــــي ...
ملاك
رجعت من الدوام قبل العصر بساعه وتعبانه موت ...
ندمت على وعدي للبنات انا نطلع العصر ..بس ماقدر اخالف وعدي لهم
لأنهم متحطمين مره بعد ماسافروا سارا وقيس واخذوا هيثم وتركوهم ...
ماعطوني فرصه حتى اغير ملابسي هاجموني اول ماوصلت
سمر:والله ماتنامي انتي وعدتيناااا
ملاك:لاتسوي مثل بابا ..!!
ملاك:طيب عطوني فرصه ابدل ملابسي واتغدى ...
رجعوا يصرخون
ملاك&سمر:لااااااااااا
ملاك:الااااااا ولاتصرخون علي ..بعدين وش ذا اللبس كانكم شحدات روحوا البسوا لبس مرتب
وتعالوا نطلع ...
سمر:لبسنا حلو عمو اسماعيل يقول لبسكم هذا حلو مانقدر نلبس قصير يهاوشنا ...
ملاك:وانتي شايفه عمك اسماعيل طالع معنا روحوا غير إلاا ...
ملاك:بنروح بس اذا شافنا عمو اسماعيل بنقوله انتي اجبرتينا
ضحكتني بجد جالسه تهدد طلعت لغرفتي وانا اتمنى النوم والله مرهقه
غيرت ملابسي للبس مريح ونزلت تحت ...
رحت للمطبخ وقلت لهم يحطوني لي غداء عندنا شغالتين وطباخه وشغالة لوعد ..
توني جلست على السفره الا وصلوا البنات
ملاك& سمر:يالله جاهزين
ملاك:الساعه كم اللحين
ملاك&سمر:ثلاثه
ملاك:وانتم بحياتكم شفتو احد يطلع الساعه 3 ...انتظروا شوي بتغدى بعد الصلاة نمشي
سمر:من الصباح صاحيه مانمت كويسه عشان الطلعه ..
وبدوا بالحنه على راسي بس بقيت على رايي حتى جاء الوقت المناسب وطلعنااا...
كان ودي اخذ نورا بس رفضت وهند مستحيل وشوق عندها موعد ... الكل تعذر
وابتلشت انا فيهم والقهر بغيت ضحى تجيب بزرانها عشان انا ارتاح واجلس معها وهو جميع
بس رفضت تقول أخوها من امها بيجي هو واهله..
اخوانها من امها تعرفت عليهم بعزاء امهاا قبل اربع سنوات ..
يومها انصدمت ضحى مرره وتأثرت مادري علي ايش التأثر
على أم عمرها ماسألت عنها ...
دايم احمد ربي ان امي ميته مو تاركتنااا...
كانت الطلعه حلوه بس انا مرهقه عشان كذا ماستمعتت فيها
واحنا راجعيـن ازعجوني البنات يبغون يمرون بيتهم...
حاولت اقنعهم نروحله بكره لأني خلاص تعبانه ومرهقه جداً ...
نزلوا وجلست انتظرهم بالسياره ..كنت تعبانه
وانا عند الباب سندت راسي على الشباك ...
حدث شي غريب ..مادري انا غفيت او سرحت
كان فيه واحد متسند على شباك السواق ويتكلم معي ....
لحظه وش يقول ...
:البنات بيبقون عندنا الليله ...
ماحسيت بنفسي الا اصرخ عليه ...
ملاك:اييييييييش ...
ولقيت نفسي افتح الباب وانزل للشارع ومباشره للبيت ...
بجد ماني مجمعه البنات نزلوا بعدين انا وش فيني نمت او ش صار علي
هم ليش مارجعوا ومن هذا اللي يبغاهم يبقون عنده هذا مو جابر ولافادي ...
وقفت عند المدخل وناديت عليهم
ملاك :سمر ملااااك ..
انقهرت يوم مالقيت منهم رد ..
ولفيت وراي شفته واقف عند الباب ..
لحظه لايكون هذا اسماعيل
يؤؤؤ وانا اصرخ عليه ..يافشلتي ...كلهم من الغبيات يعني لازم يسوون الحركات الغبيه ذي وين يبغون
يجلسون هنا وامهم مو فيه ...دخلت وانا اتحسب على أبليسهم ...
جلست انادي محد رد علي ياربي وش ذا البيت المهجور والغبيات البنات وين راحوا
دخلت غرفه اتوقع المجلس اللي تجلس فيه جدتهم لأني كم مره جيت ازورهم والقاها فيه ...
وفعلاً لقيتهم هناك والحبايب لابسات جلالات ويصلون مع جدتهم ..
وانا ملطوعه برى بالسياره ...
جلست انتظرهم يخلصون ...
طبعاً خلصوا قبل جدتهم سحبتهم بالجلالات اللي عليهم ..
ملاك :تفضلوا قدامي فشلتوني عند الناس
سمر:خالتي حرام عليك بنبقى عنده جده
ملاك:اقول امشي اللحين تبين جدتك كان جلستي عندها من الأول ...
هذا للحين فيه طنشته وطلعت بسرعه واشوى ماصار ملقوف وتكلم ...
ملاك:ياربي منك ماخليتني نقول حتى للعمي اسماعيل انا بنروح معاك
ملاك:ماتوقع عمك اعمى شايفني لما اخذتكم ..
سمر:هو قال بيقولك انا بنبقى عندهم اليوم ماقالك...
ملاك:الا قالي بس انا مارضيت ...اللحين يوم تبغون جدتكم ليش ماطلبتوا من امكم تخليكم عندها
جايين عندي ليش ...
سمر:طيب جينا عندك واللحين نبغى جدتي ...
ملاك:خلاص بكره اجيبكم لها ..
سرحت بتفكير من الغبي ذاك ياربي وش وقفه بالطريقه ذيك وقريب من الشباك وشافني
يعني انا اخذه راحتي لأن الشباك مضلل يجي هذا يشوفني قهررر..
طيب واذا شافني كنت مغطيه وجهي بس عيوني طالعه
بس الموقف مرا بايخ كنت نايمه وصحيت الاهو بوجهي ...
بس ال*** وسيييييييم .. لامو وسيم هذا يجنن ...
نسيت نفسي وقلت للبنات
ملاك:اللحين عمكم حلوو
سمر:عمي سمعو احلــــى واحد..
ملاك:أجمل واحد ..
قلت بتنهيده
ملاك:جميل وبس هذا صاروخ ....
تلاحقت نفســـــي وش جالسه اقول انااا ...
ليت البنات مايفهــــمون كلامي ولابيقولون خالتنا راهقت بعد ماشابت ..
اكيد هذا تأثير النوم ...مسوى فيني خير خلاني اهلوس ...
غيرت الموضوع قبل ماينتبهون البنات علي مع انهم ماراح يفهمون شـــي...
بس ماقدرت اغير صورته اللي جت ببالي وصرت بس افكر فيه
معقوله هذا الشخص اللي سارا تحن من سنين تبغاني اتزوجه ...
ماعندي سالفه يوم ارفض ....
مرت ايام وكل يوم تكبر الأفكار براسي
وشكلي تعلقت فيه صدق ..ويوم اقول لنفسي
اني انخدعت من قبل بالمظاهر ..التزام اسماعيل يسكتني ..
يعني هو مو بس مظهر ...مظهر وجــــــوهر ...
نـــــوف
ماتوقعت المفاجئه اللي سووها لي وعــد ومنيـــر جو يقضون شهر عسلهم بنفس المدينه اللي أدرس فيــــهااا ..
كانوا يجننون مع بعض رغم اني فهمـــــت من وعد انه حصل مشكله يوم زواجــهم بس الحمدلله انها مرت على خيـــر ..
لكن المشاكل دايم موجوده باي عــــلاقــه ..
ماقدرت احضر الزواج لأني ضاغطه نفسي بدراسه ... اهم شي بحياتي حالياً دراستي واوجه لها كل اهتمـامي ...
ماقدرت اكمل نفس الحياة من الصغر للحين كان لازم ابعد عن خواتي عشان اقدر احس بالحيــــــاة ...
مابغى الماضي يلاحقنــي ..والقرار اللي مايعرفون عنه خواتي اني بستقر هنا نهائياً ..
يمكن تتغير قرارتي مع الزمن لكن هذا قراري الحالي لمستقبلي ...
حياتي هادئه جداً واي مشكله ممكن تواجهني بتكون لي لوحدي وانا اتحمــلهااا ...
كرهت فكرة أني اعيش تحت ضغوط مشاكل العائله ...
انا كذا حـــره واحب حياتي هذي ...
ملاك
بعد اسبوع مافرقت فيه صورة اسماعيل خيـــــالي ..
اتصـلت سارا تطمن علـى بناتهااا ووسط الكلام قالت لي انهم ممكــن يرجعون بدري ..
بسبب اسماعيل اللي مستعجل يبغون يخطبــــــون له ..
سارا:والله قيس مبسوط مره وشكله بيخرب علينا السفـره عشان اخوه يقول ماصدقت ان هو اللي يطلب مني ..
وقتها حسيت قلبي بيوقف معقوله من نظرة وحده حبينا بعض ماني مصدقه اللي اسمعــــــه ..
سارا :اللحين مرة جابر بتنفجــــر هي قبل لحالها معي اللحين مع خواتي صرنا ثلاث ...
كنت اطيـــــر من الفرحه ...ماني عارفه وش اقولهااا
سارا:اوه قيس سمعني اللحين يحسب اني اللي اتمشكل معها يالله مع سلامه ..
ضحكت على سارا ورميت الجـوال ...
الفرحه مو سايعتــني واخيراً قلبي دق صح مليت من
قصص الحب الفاشله اللي امــــــر فيهااا ...
متى يجي اليوم اللي يخطبوني فيه نفسي اغمض عين وافتح عيـــــن وكون بذاك اليوم ..
كنت مقفله عيــــوني ..
دخلت علي نورا بصرقعه
نورا:منيره اللي ماتحبينهاااا تحت ومعها ذيك الخبله ام كايد ..
مقعـــــوله بسرعه هذي ليكون فعلاً تحقق حلمي غمضت عين وفتحت عيــن ...
مسكت اعصابي وسويت نفسي مو مهتمه
ملاك:خير وش جايبهم بدون تلفــــون ..
نورا:مادري بس ضحى دقت العصر وقالت بعد المغرب بيجون ضـيوف وهي بتجي بعد ...
ملاك:طيب انزلي عندهم انتي
نورا:مايحتاج شوق معاهــم ..
ملاك:طيب انا بروح البس خليك عشان تشخبطين على وجهي مكياج ..
نورا:اكشخ وش عندك ..؟!
ملاك:بس كذا تغيير ..
احترت مأدري وش البس بس استسخفت نفسي لايكون بسوي قدامهم البنت المستحيه
لا لازم اظل مثل مأنا بلبس بدله عاديه مثل اللي اداوم فيهااا كفايه بحط مكياج ..
لبست بسرعه وطلعت لنورا تحط لي مكياج وحذرتها
ملاك:اسمعي ياويلك لو حطيتي تحت عيني فوشي وفوق احمر ومادري ايش من خرابيطك ...
نورا:اللحين تقولين الكلام هذا لي حبيتي انا مو وعد انا افهم شكلك وسنك وافهم وش يناسبه ..
ملاك:وليش تقولين سنك بطريقه هذي ..
نورا:والله نيتي طيبه خلصينا استرخي ببدأ اشتغل ولا شكل الناس بتمشي وانتي مانزلتي ...
استرخيت وقلت لها بابتسامه
ملاك:لاحبيبتي رحي بالك مستحيل يمشـون قبل مأنزل ...
وفعلاً مثل ماتوقعت بعد ماتطمنت على شكلي ونزلت لقيتهم لسى موجودين وضحى وشوق عنـــــدهم ...
بعد ماسلمت عليهم وجلست استفزتني ام كايد بنظراتهاااا
ام كايد :كل ماشفتك قلت سبحان الله ماتشبهني سارا...
رديت بسخريه وانا اضبط جلستي ..
ملاك :شفتي كيف ..؟!
انسانه مليئه بتفاهه الله يعني عليها بتصير سلفتي ...
من جلست ماتكلموا الا بأمور عامه وبعدها قامت منيره وهي تقــــول
منيره :عاد فكروا وردوا عليـــــنااا ...
بعد ماودعناااهم ...
سألت ضحــى وكانت شوق قامت
ملاك :وش عنــــدهم ..؟!!!
ضحى :جايين يخطبـــون شــوق ..
حسيت بصدمــــه غير طبيعه بس لحظه مو شرط لأسماعيل يمكن فادي ..!!!
ملاك:لمين ؟
ضحى :أسماعيـــل ...
لا مو معقــول حظي ردي لدرجه هذي يمكن من كثر مانا افكر فيه اسمع اسمه
ملاك:مين
ضحى :اسماعيل وش فيك فقدتي حاسة السمع ..
قلت بقهـــــر وانا احس بحرقه وسط قلبي ...
ملاك:ولاتكون الخبــــــله بتوافق ..
ضحى :والله مأدري عنها الرأي لهاااا ..
قمت وانا ارمي المخـــده اللي بيدي
ملاك:لااا مستحيل ماينفع لهااااا وش الخبال هذا...
ضحى :ملاك وش فيك حرام نقطع نصيبها ناسيه ان شوق مطلقه ...
ملاك:طيب واذا مطلقه نرميها هالرميه ...
بديت ارمي حكي مادري وش اقول من الصدمه اللي تعرضـــــت لهاااا
وش هالحظ الزفت يعني يوم فكرت فيه خطبــــوا أختـــي ...
كانت ضحى تكلم مادري وش تقول
ملاك:خلاص اسكتي عني كيفكم سوو اللي تبــــون ..
وطلعت غرفتـــــي ...
رميت نفسي على سرير ودي ابكي بس لقيت نفسي اضحك بدال مابكـــــي ...
يوم ورى يوم أتأكد ان حظـــــي مايل ومستحيل بيوم ينعدل ..
اصلاً من أسماعيل الخبل اللي ابكـي عليه ..
كله من سارا اللي دخلــــته بعقـلي ..
اتصور لو خطبني وقبلت فيه مستحيل يخليني اشتغل ولا اعيش حياتي
27-04-10, 06:55 PM
جديد مواضيع قسم القصص المكتمله
العرض العادي
