كاتب الموضوع :
همسه ود
المنتدى :
القصص المكتمله
الحلقة الثالثه والخمســـــين
,’ فواصـــــل ,’
((1))
ضحـــى
مر علي شهر طويل بعد طلوعي من المستشفى وأمام واجباتي كأم لأول مره كان الموضوع مرهق جداً ... بس خواتي ماقصروا كانوا دايماً يساعدوني والقاهم قريب مني اذا احتجتهم خصوصاً مع صحة محمد المتدهـــوره ولي لازم كل يومين ثلاثه موديته للمستشـفى وهواللي ماطلع منه الا قبل أســبوعين ... حتى عساف ماقصر معي من اول يوم طلعت فيه من المستشــــفى ماقطعني أشوفه باليوم على مرتين هذا غير أتصــــالاته اللي تعودت عليهااا أكثر من مره باليوم ....
بس بأخر أسبوع كل شـي تغيــــر الرجال اختفـى مره وحــــدهـ ولاشـفته حتى ... بس مره اتصل علي وسط الأسبوع مره وحده بس بعد ماكانت المكالمه الوحده ماتكفيــــه باليـومـ ...
ماني قارده افهم وش اللي صار ..... غصب عني فقدته كيف كذا فجأه ينقطع يعني حتى ماصار بينااا أي مناقر او هـــــواش ....
انا من شلت حمودي بين يدي حسيت بتغيــــر كبير بمشاعري اتجاهـ عسـاف ....
بديت احس بأهميته بحياتـــي ... أنا من غـــيره ماراح أقدر أربـــــي محمـد ...
حتى قلت له هالكـــــلااام فأخر مره شفته فيــــــهـااا .. لما سألني عن شعـــــوري اللحين اتجاهه ..
أدري اني أخطأت بتصريحي برأيي فيه بهالطريقه .... اللي ماعنده شعــور بينجرح كيف اللي متأمل كلام حــــلو .. وعساف اللي كنت أشوفه ماعنده دم وماصخ ... أكد لي بعدين ان عنده شعور ويحس مثلنـــــاا ...
بس خلاص انا عارفه غلطتي وفاهمتها بس ماتحتاج كل هالزعـــــل منــه ...
يمكن هو متوتر ونفسيته تعبــانه بعد كل اللي مرينا فيــه بس انا تعبانه اكثـر منـــه ...
ياءالله بنجن تفكيري فيه يخليني أسرح حتى عن ولدي اللي يحتاج كل لحضه بوقتـــــــي ...
((2))
سارا
قفلت الكتاااب بطفش ورميته ... اوووووف مو حاله من العصــــر وأنا مقابله هالكتااب بالبدايه مع المدرسه وبعدين جلست أدرس لحــالـي ...
بس أستاهل أنا اللي ورطــــــت نفســــي ... لمااا عرض علي يدخلني مدرسه خاصه ويجيب لي معلمــات انبسطت قلت خليني اسوي نفســــي مهمه شوي وأحس أن لي قيمة وبنفس الوقت أخســــره ...
بس للأسف الموضوع أنقلب علي والأخ يبغاني صدق أنجـــــح ... صدق حظــي نحس لا ولما حسبت أن السنه فاتت علي لأني مامتحنت نهائي حق الترم الأول المدرسه اللي سجلت فيها قالوا يسوون لي الأمتحـانات اللحين يعني بداية الترم الثانــــــي ...
وهذا أنا من يوميـــن بااديه والله يستــــر المادتين اللي امتحنتهم خبصت فيهم لين قلـــــت بـــس ...
سحبت ربطة شعــري وتمددت على السـرير ورفعت رجولي وحطيت رجل على رجل وكأني جالســـــه مو نايمـة ...متى يأذن العـشاء عشـان أقدر أطلع من الغرفــة ..اوووف مو دراسه سجـــــن ...
ايه انا جالسه ادرس هنااا وهو برى يشوف التلفزيون ورايق ...
انفتح الباب فجأه ونطــــيت جالسـة ...
دخل وناظر فينـــــي بتعجب :وين اللي تذاكــــــــرر ..
قلت بتأفف...
سارا :شبعت من الكـــــتب ...
قيس بعصبيه :اقووول ذاكري بس حللي الفلوس اللي اندفعــت لك وخوذي هذا والله ماتستاهلين اللي يجيب لك شــــي ...
ونزلهم قدامي على السرير كوب قهــوة وكيس فيه الدونــــاات ...
ادمنت عليهااا طبعاً القهوه مو الدوناات اللي كنت قبل اكلها عادي بس اللحين كرهتها لأنه كل يوم يجيبهااا .. مســـــوي طيب كل ماجلست ادرس جابهم لــي ...
فتحت القهوه وبديت أشرب منها ومانتبهت انها لسى واقفه لين قال ...
قيس :متي بتخلصين مذاكره .
سارا :قلت لك خلصت.
قيس :انا اتكلم صدق تخلصين يعني تذاكرين كل حاااجـه ...
سارا :اووف مادري باقي كثيـــر ..
قيس :طيب خذي راحتك طبعاً بالمذاكره مو بلعب انا بسهر بالأستراحه
وطلع ... مصدق نفسه يعطيني جدول مشاويره بقلعته لو بيسهر بجهنـــــمـ ...
حلو جت منه بس يطلـــــع .. بجلس على التلفزيـــــون ...
انتظرت لين سمعت باب الشـقه يقفل وطلعت ومعي كيس الدونات بحطه بالثلاجـه ويلقااه هو بكره ويأكله عادي روتيــن معتاااد ...
اول ماوصلت الصالة مت من القهـــــر كان شايل الرسيفر الحقيــــــر عارف اني بطلع اشوف التلفزيون ومأدري وين مخفـيه ...
المتخلـــــف يقهـر يحسبني طفله عنده يتحكـم فيني وبدراستي وجع عمى يعميـــــــه ...
مت من القهر ورجعت للغرفة والله مأدرس مو غصب هــــــو ...
شكلي بجد بفكــر بالموضوع اللي قالتلي عنــه أبله نجــوى ...
بس مو كنــه حرام ....
بس أبله نجــوى طيبة معي وتحبنــي مثل بنتهـــااا ... وصدق هي اشفقت علــي من معاملة قيس لي لما خبرتها بقصتنــــــاآ المأساويه ...
حتى الجوال اللي جابته لي رفضت تأخذ حقه صح انه كحيااان ومكسر ... وشحنه بس بعـشره .. بس ولوو يعني بادرة طيبه منهــــــــاآ ..
مو بهالجوال قدرت ارجع اكلم ملاك بعد ماتوقعـت ان هالأمــر مثـل الحلــــــم .. ويارب ان شاءالله اقدر اشوفها بعد ...
بس لو اقدر اسمع نصيحـة أبله نجــوى .. المشكله هي قالت لي أقتراحين وكل واحد أصعــــــب من الثاني ... واحد أخاف ربي مأقدر اسويه .. والثاني على رقبتــي مأسويه ...
تذكرت الفيلم اللي جابته لـــــي أبله نجـــــوى .. واااو فكره ...هين اوريك قيسووه مسويي فيها ذكي مادريت انك خدمتني لو ماشلت الرسيفر ماكنت بفتكر شريط الفيديو اللي من اخذته كنت شايلته من راسي ...
بس اللحين متشوقه أشوف الفيلم ووش وسطه من تهبيب تذكرت كلام أبله نجـوى لو أخترت أقتراحها الثاني اللي بالشريط بيفدني كثـررر ...
تحمست مــررره من اخذت الشريط منها من أسبوع وانا شايله فكـرت أني أشوفـــــه ..لأن قيس مايطلع من الشقه أبد وهي قالت أشوفـــــــه لوحدي لأنه ماينفع أحد ثاني يشوفـــــه معــــي ....
رحت أخذ الشريط اللي مخبيته بدرج كتــــبي ...
ورجعت للصاله وانا ودي أطيررر .. دخلته بالفيديــو بس ماأشتغل .. بغيت انهبـــــل لاا حرام متحمسه ...
جلست اتبعث بالأسلاك وأطلع فيهم وارجع أدخلــــــه لين بطلعت الروح اشتغـــــــل ...
كان فيــــلمـ ببدايته حلـوووه بس بعدين ضحكـــــت كثير وأنا اشوف الفيــــــلم وفهمت وش تبغى أبله نجوى
والله داهيـــــهـ عرفت كيف توصل لي المعلـــومـه بدون ماتصرح لي فيهـــااا ..
تصدقون صايره هالأيام احس نفسي ذكيــــه ... شكل الدراسه تنعش المخ وتخلي الواحد ذكــــي ...
لا ماشاءالله علي اعرف اكتشـــــف طالعت بالساعه تو الناس على جية قيس ... فتحت درج أشرطة الفيديو .. واخذت فيلم وشغلته بس طلع شايفته من قبل ...
كل الأفلام اللي عنده شايفتهــــا قبل أكيد من فضاوتي ماكنت انا وملاك نقوم من قدام التلفزيون كيف بيفوتنا شــــــي ..
((3))
ميشو
كنت بغاية التحفـــــز وأنا استعــد لمقابلة خــلف ... بعد طلبــة الذي ورد فالأسبوع الأول من خروجه ولكني لم أقبل سوى قبل يوميــــن ... كن اتخبط في حيــــرتي ... وشعــوري بأنهـ يعلم مأقترفته من ذنب يحاصرنــــــي
.. دئماً اشعر بأن خلف يعلم عن تسببي بكل ماحدث ... والكوابيس التي تثبت ذالك الظن بداخلـــــــي تراودني يومياً حتى أصبحت أخشى النوم منهااا ...أجل مأمر فيه مشابه جداً لما مـريت فيه بعد وفاة والدي ....
لأعلم هل موافقتي على مقابلته خيار صائب أم لااا .. ولكنها بالنسبه لي ستكشف لي حقيقـــة وضعـــــي ...
وسأعلم على أي بر سأرســــو ...
ارتديت عبائتــي بعد اتصال من سعاد التي أخبرتني أن خلف في الخارج وقد كانت أشد المتحمســـــــين لهذا الأمـــر ...
خلف لم يرغب ان يلتقـي في بمنزل والدي فهو يرفض دخول المنزل لأعلـــــــم لمااا ..
عندما نزلت لصالة تعلقت بي نورا التي تعــودت اصطحابها معي كثيراً في الأونه الأخيره ... ولكني تركتهااا للبكاء للمجال لأن اصطحبها معــي ...
وقفت على باب المنزل الخارجـــــــي ... وأنا اتطلع إلى السيارة حيث ينتظرني خلـــــف .... هل أذهب ماذا لو كان يعلمـ ..؟!!
هو خطـير هل استطيع الركوب معه دون ان يأذينـــــــي ..
نحيت أفكاري جانباً وحاولت ان أركز على الوضع الراهــــــن ...تقدمت إلى السيارة بخطوات حازمة ...
فتحت الباب الأمامي وركبت إلى جوارهـ دون أن انظر إليــــه بعد أن همست بالســـلامـ المعتاد ..
وصلني صـوتهـ المخيف والجذاب بنفــس الوقت بالرد السلامـ فقط .. يبدو أنه مثلي غير متسرع على الحديث ..
بعد دقائق من الصمـت لم استطع ان ابقي عيناي تحدق للأمام فقط فحانت من التفاته إلية لم اكد المح فيه جانب وجهه حتى اعدت نظري إلى الأمام ...
وبعد ثواني أخرى أعدت الكــــره .. ولكن هذه المره اطلت النظر حتى اطمئنيت أن لنية لديه لنظر إلي ..
كان كل ماأرى منه النظارة التي تغطي عينـيه وطرف شماغه الذي يغطي رأسه وينساب على كتفيه ثم يرتد إلى الخلف مره أخـرى ...
هل جننت لما أركزز على هذه التفاصيل الغبية التحديق بالسيارات المارة أروع بكثيـــــــر ...
((4))
ود
بعد اخر اتصال كان بينــي وبين ملااك ماقابلت عمــــي جواد وهذي أول مره أقابله كان يسولف على أبوي والموجــودين عن وضع عمـي الوليــــد ..
الصراحه مأدري ليه ماهضم عمي جـــــواد يمكنه عشاان فصخ خطـوبته من سارا وأنا أحـــــب سارا ..
بجد احبهم سارا ومــــلاك رغـم كره وديااان لهم اللي ودها تذبحنــــي لسمعتني اتكلم فيهم مع جدتي شيمـاء ...
بس مايهمني هذي مشاعري ولو زعلوا أمي ووديان مالهم حق يتحكمـــــون فيهااا .. وديااان مثلاً مشاعرها بعد ماتطلـقت هي حررره فيها مأحد قالها أزعلي على عمي الوليد اللي طايح بالغيبوبه وهي ماتزوره .. ومحد قالها رجعي علاقتك بالشـــــوق .. اللي بجد طلعت مخلصه لعمي الوليد ومانسته مثل مانسته وديااان اللي هو عمهــا ..
صدق كنت اتوقع شوق تحب عمي بس عشان جميل ولو صار له شـي بتنساااه وتدور واحد ثاني ..بس هي اثبتت غير هالشــــــــي ...
عشان كذا حبيتهااا وأحاول اتقـرب منهااا اصلاً هي أكثر شخص أشوف لرحت ازور عمي الوليد كل جمعــه مع أبوي اللي مايتفرغ الا يوم الجمعه ...
لما قام ابـــــوي رحت جلست جنب عمي جواد اللي كان يقرأ رساله بجـــــواله ...
ود :تدري سارا تزوجــــت...
شكله مأهتم حتى ماناظرني ...تذكرت لما كان يقـــــــول سبب فصخ للخطوبه وأنهااا ماتناسب تكون زوجه للدكتــور ..انقهرت وكذبت عليه اصلاً مأدري من تزوجــت بس اتذكر لما كانوا دايم يسولفون عن ولد جيرانهم جابر اللي مأدري حتى وش يشتغل ..
ود :ولد جيرانهم دكتـــــــور بالجامعه ..
بعد ماتكلم ..
سألته :ليش تسفهنــــــي ..
جواد :سوري حبيبتي بس وش تبغيني اقول الله يوفقهااا ..
ود :انت ضيعتها..
جواد :طيب انا الخســـــران ..
انقهرت منه
ود :لاتعاملني كذا اعرف تقول عني بزر .. بس صدقنــــي سارا مافيه مثلها
جواد :عارف
ود :تتمصخر
جواد :لاصادق
ود :لاا عارفه انك تتمصخر بس سارا احسن منك دمها خفيف
جواد :حلوو ..
ود :لااا مالح ..
جواد :وش هذي اخذتها من سارا
ود :لا من ملااك
جواد :ايه صحيح وش أخبارها هذي بعد تزوجت
ود :لااا تتزوجها
جواد :واللهي اهبل أنا ارتاااح من وحده عشان اتزوج الثانيه
ود :صح هم توأم بس مايتشابهـــــون
جواد :بالشكل يمكن لأن مو كل توأم متشابهـين بس بالأخلاق متأكد بيكــــونوا شبه بعض
ود :وش قصدك أخلاقهمـ مو زينه ..
جواد :ماتشوفين انك ثقلتي علي بالأسئله وانا ضيف ببيتكم وهذا مايصلح
ود :طيب متى بتزور الوليد بروح معاااك
جواد تنهد :كل يوم ازوره بعد العشـــــــاء لو تبغين انتي ووديان تجــون معي أمركمـ ..
ود :قول لوديان بس مأتوقع تجي معنــا هي كل ليلة ياطالعه للسـوق ياببيت وحده من صاحبتها يا مع امـي ببيت احد من عماني ...
جواد :طيب جهزي أنتي نفســـك كفايه ..
ود :طيب خلنا نأخذ شــــــوق معنااا ..
تأفف عمـــــي بقوه وتنرفز من اطريت اسمها طيب هي وش ذنبهــــــــاا ... يعني هي اللي ذبحت عمي ولاهـي اللي تبغى تتطلق منه ماهو كله بالغصـــــب ..
ود :انت وش فيك تكرهاا
جواد :انتي مالك شغل وخلاص ماني أخذك ..
واخذ جواله وطلـــــع اوووووووف بعينــه هذا عم هذا والله عمي نواف اللئيم ارحم منــــــه ...
لا نواف كريه بعــــــد هو اللي يبغى شوق تتطلق .. الله يأخذه هو اللي يزن بأذن أبوي وجدي أبو شوق ..
اوووف ليش عايلتنا كذا كلهم كريهيـين ... بروح ادق على بيت ملاك وســارا ...
طلعت فوق واخذت التلفون واتصلت على بيتهــمـ ...
بس دق مره وحده ورفعوا السماعه ...
:هوم قيرلز مبارك من المتحدث ...
ياحليلهم فله مصدقين أنفسهم ....
ود :السلام عليكم ...
:وعليكم السلااااموو والرحمه ... من تبغين ..؟!
ود:ابغى ملااك ..
:ملاك مين ...
ود :ملاك مبارك ...
:اشوي احسبها ملااك الأحزان ..هههههه ..دمي شرباااات ..يالله انتظري على الخط بس انتبهي لاتطيحيــــن ..
وجلست على الخط بس ماطحت خخخخخ ...
ورجعت نفس البنت تقـولي ..
:سوووري يا... الا صدق انتي وش أسمك ...
ود :انااا ود ..
:ود خخخخخخخ وين باقي اسمك نسيتيه ...
عصبت تقهر هذي تحسب كل الناس رايقين لهااا
ود :اسمي يهبل يعني وش اسمك انتي ...
:حلوه انتي لاعاد تعيدينها محسوبك نواف والأجر على الله ...
انصدمت كيف وولد ماعندهم من وين جاء هذا ...
تكلمت بجديه
ود :وين ملاااك ...؟
نواف:وش عندك معصـبه ملااك ماتبغى تكلم أحد .. بس بقولها عنك ويمكن تدق عليك ..؟!
ود :بس هي ماتعرف رقمنااا .. باعطيك رقم جوالي عطـه ملاك مو تأخذه انت ..
نواف :هههههههه اخذه وش اسوي فيه يالله انثبري بروح أجيب قلم وورقه ...
عصبت وش انثبري قليل أدب ...
نواف :يالله قولي الرقم ...
ود :خلاص بطلت ماراح اعطيك شــــي ..
وقفلت السماعه بوجهه ..
((5))
ميشو
لم أشعر بيوم ان الصمت كريه لهذه الدرجـــــــه ...ولأعتقد ان خلف الذي يشاركنـــي بهذا الجـو يشاركني الرأي
لأنه التزم الصمت رغم انه المطلوب منه الحديث ...
ولايفعل سوى التحديق بفنجان القهــــــوه الذي لأعلم مالمثير فيه ويستدعي النظــــــر ...
ماذا أصابه لقد كان ثرثار بطريقة مزعجــــــه .. هل قطعوا لسانه بالسجن ...
وماذا عن نظراتـــــــه الخبيثه هل تعلم الأدب في السجن والتحديق دائماً للأسفل ...
فجأه ومن العدم اتاني صوته ..
خلف :متى تبغين نسوي العــــــرس ...
لما أفكر بماأقول بل فقط تحدثت لمجرد الحديث ..
مشاعل :كما تريد ...
شككت بأنه أبتسم وهو يقول ..
خلف :لوعلي أبغاه اليوم قبل بكــــــرهـ ..
حسناً يبدو أن هذا فقط مازال على حاله ..
مشاعل :حقاً ظننتك قد أصبحت اكثـــــر تأني وحذر من السابق ..
لأعلم لما قلت ذالك ...
خلف:لاصدقيني من الناحيه هذي صرت مره حذر ...
شعرت بأنه غاضب جداًحينما أكمـــــل ..
خلف :مشاعل ...
وفجأه صمت واصمت دقات قلبي معـــــه ... هل تلوموني على خوفي منه ..
جربوا الوقوف أمام قنبلة لاتعلموا متى ستنفجــــر وتعايشوا مع ذالك ...
خلف :ليش غيرتي أسمك ...؟!
تلكئت بالأجابه من سعادتي أن هذا مأصمته وليس أي أمر مخيف آخر .. وحركت فنجان القهـوه حركه دائرية ثم أعدته حيث كان .. تقدمت لأضع يداي على الطاوله ...
مشاعل :فقط لا لشيء بت لأحبذ ذالك الأسم ...
خلف :بس أسمك مأتصورك بغيره أصلاً ماراح اناديك الا فيـــــــه ..
مشاعل :ولكنك كنتي تحب اسم روبي ..
خلف :بس مشاآآعل حبيته اكثر .. ريما مو بطـال بس أنتي مشاااعل وبس...واللي كنت بقـوله يامشاآعل انا مأحب الخياانه فاهمتني ... اللي يخونني يكون جنى على نفســـــه ...
وأنا أعرفك مو هينه وحاولتي قبل تلعبين فيني بس مشيتها بميزاجـــــي ...لأنك عاجبتني ومابغيت أخسرك ...
هل يقصد ان محاولته فقع عينـــــــي غفران ... لم أدخر هذه الفكره لداخلي.
مشاعل :وهل تقصد محاولتك فقء عيني غفران ...
خلف :لا حياتي قرصت اذن ..
مشاعل :انا لأحب ان يؤذيني أحد بالكلام او الفعل أرجوك تفهم ذالك ..
لم أجد أي رد منـــــــه متعلق بحديثي بل أخذ يتحــدث عن مواضيـــــع أخـرى ...
أشعر بالتغيــــر كبير فيـــــه ... واضح وغامض في آن واحــــد ...
لم أتعــود أن اكون في موضع جهــل في أي لعبــــهـ ادخلها وخصوصاً مع خلف اما اليوم أجدنـــي
غريبه في لعبتـــي وضيفة شرف...
كنت دائماً اعرف ماسيفعله خلف او ماسيقوله .... قبل ان يبدر منــــــه ...
لأني أجهل ماسيحدث أشعــــر بالخوف ..... أنا لست قويه ...
ولا بمنأى عن الخطــــر ... ولكن تخطيطي الدائم ومراقبتي كل مايحدث في الساحه يمدني بالقــــوة ...
الآن فقط بت أشعـــــران كل حواجزي مكشـــــوفه ..وأسراري مفضوحه وعيناي تصرخ بأنها مذنبــــه ...
فجأه وقف ليقـول انه يرغب بالمغــادره ...
وحينما استقرينا بالسـياره قال ...
خلف :ابغى اشوف وجهـــك وداخل مايناسب ماكنت مرتاااح اخاف شخص ثاني يشـوفك ...
ماذا يرى وجهـــي ... كلا ليس الوقت المناسب مازال وجهي مختلف يجب أن اعيده لوضعه الطبـيعي قبل أن يراه ...
مشاعل :كلا لأستطيع الآن ليس بهذا الوقت ....
ابتسم قليلاً بثقـه وهو يجيبني ...
خلف :انا اللي احدد متى وأنا ابغى اللحين اشوف وجهك رضيتي أو لااا هذا شي راجع لك بس اللي أبغااه انا هو اللي بيصـــير ...
مشاعل :انا لأحب المتسلطــين ولن أرضى بما تفرضه علــــي ...
لما يرد علي وتحرك بالسـياره ولم يخبرني حتى إلى أين ..
بعد ربع ساعه بدأت تتضح لي بعض المعااالم اعرف هذا الطريق جيداً في حياتي لايؤي الا إلى مكان واحد فقط منزله ...
مشاعل :لأريد أن أذهب اعدني إلى المنــــزل...
خلف :قلت لك لقررت أنا مالك قـرار .... صيري عاقله عشان المرات الجايه استشيرك قبل مأخـذ قراي ...
أشعر بالأختناق من هذا التسلطـ الذي يحاصرني فيـه ... ولكني لن اضعف لن أكـــون لقمة سائغه له ولتسلطـــه ...
مشاعل :خلف لاتنسى مع من تتحدث أنا لست احد زوجاتك السابقات او شقيقتك سعـاد أو حتى والدتك ... أنااا مستقـــــله ...
ولم استطع اكمال حديثي لأنه بدأ بمقاطعتـــــي ..
خلف : عارف ياحبي أنتي مو مثل أي أحــــد .. انتي لو مثــل اللي ذكرتيـــهم وسويتي اللي كنت تسوينــــه ...
ماكنتــي اللحين جالســـه معـي لأني بكون موريك نجــوم القايلـــه ومنتقم منك بطـريقتــي ...
بس اللي شفع لك قبل لكن ماراح يشفع لك اللحين اني حبيتك قبل والـيوم بس ماتدرين بكــره وش يصـير ...؟!
لم أكن ارغب باالحديث ولاحتى مجادلتــه لأني ارغب بسماعه حتى أعرف على بر أنا وأين سأستــقر ...
حديثه هذا يريحنــي لأنه يكشف لي مايخفي من مشاعـــره ..
خلف :أنا احبك صح بس ماسمح لك تخونيـني ولا تلعبــين من وراي .... أنا مايهمني قبل وش كنتي تســويني وهذا استثناء لكن انتي بس ... لكن اليوم انتي على ذمــتي وأي غلطـه ترتكبينهااا بيكون عقابها كبيـــر ... حياتك قبل انكتبت نهايتها باليوم اللي أرتبط فيه اسمك بأسمـــي ...
حينما يتحدث عن الخيــانه أشعـر بقلبي ينقبض بشده هل ستكـون نهايتي أنا ايضاً الخيانه كما ريم ووديـان ...
ولكن عندما يتحدث عن الأستثناءت المقدمه لي أشعــر بالراحه ...لأعلم هل حقاً مايقـوله ام هي مجـرد أحاديث لانفع لهاااا ...
خلف :يالله قلبي أنزلي ..
ماذا إلى أين أنزل .. اخذت باالنظر إلى المكان الذي توقفنا فيـــــه ...وسألته بكل هدوء ..
مشاعل :لماذا أحضرتني إلى هنا رغم رفضـي ...
لم يجبنــي نزل من مقعده ودار حيث أجلس وفتح لي الباب ...
خلف :تفضلي ياقلبـــــي ...
أمسك بيدي وساعدني بالنزول وأقفل الباب خلــفي ...
شبك أصابعه بأصابعــي ووجهني للسير معــــه حيث المنـزل ..
عند بوابة الدخــول تلكأت قدماي عن المواصله ...وطلبته بأستجداء..
مشاعل :أرجوك لأستطيع الدخــــول ..
ولكني حثني على الدخــول بضغطه من أصابعه على أصابعي .. وهو يقول ..
خلف :ليش مستحيـــه .. هذا بيتك لاتستحيــــن ...
حينما يقرر خـلف شيء لايستطيع أحد ثنـيه ولاحتى أنا ...
أخذني حيث جناحه .. ولكني رفضت الدخـــــول ...
خلف :مشاعل وش فيك كل دقيقه واقفه .. رجاء وقفي تصرفات البزران هذي ...
مشاعل :لست طفـــــله ياعزيزي ولن أدخل الا مكان سكنت فيه زوجاتك السابقـات ...
ضحك قليلاً ...
خلف :ومن قال بتدخلين مكان سكن فيه أحد قبـلك ...بالعكس انتي بتدخلين مكان مأحد قبلك أدخلـــه مو أقولك انتي استثناء ...
فتح الباب وأدخلنـي إلى مكااان اعرفه جيداً سرناا إلى اخر الرواق وفتح الباب بمفتاح كان يحملـه مع بقية مفاتيـحه ... حقاً خلف يعاملني اليوم بأستثناء هذا الغرفه الوحيده التي لم أستطع الدخول إليها من قبل أنها غرفته الخاصه التي لاتشارك فيها أيً من زوجاته ..
لم أتلكأ كثيراً بنزغ الغطـاء عن وجهي ثم عن شعـــري .. هو لم يحضـرني إلى هنا الا لهذا الشـيء لما التأخيـر وأنا سأفعل ذالك الآن او بعد دقائق أو حتى ساعات خلف سيفعل مايريد .... وهو الآن يريد رؤية وجهــــي ...
أدرت له وجهـي وألتقت عيناي بعينــــاه ...
بشهقه نطق أسمــي ... وأحتضـني بشده ...شعرت بأنفاسه ثقيله على شعـري وهو يخبـرني كم أشتاق لرؤية وجهــي ...
ولكني لم اكن اهتم إلى ذالك ولاحتــى لوجودي بين ذراعي رجل لأول مره في حياتي ...أنصب تفكيري على فكره واحد فقط خلف لم يعـرفني جيداً هو لايعرف ملامحي ولم يلاحظ حتى التغير الذي طرأ عليها ....اذاً كيف أحبنـــــــي ..؟!
((6))
سارا
التفكير بالفيــــلم وقصته سيطر علي ...يعني معقــوله اللحين انا اذا سويت مثل بطلة الفلــــم قيسوووه بيصير مثل آدمـ بالفيـــلم وبيلبي كل طلباتي ...
بس لااا مأتوقع الوحـــــش الغبي بيصير مثل آدم المـزيون ...
وش دخل مزيون او وحــــش ..
لاا أكيد هم صادقين اللي كتب الفيلم ماجابه من فراغ ...
جلست أفكر بعمق وأشد شعــري من الأندماااج وأتقلب على الســرير ....
على دخلت قيســـــوه ..
اللي على طول قال ياقوة الملاحظه عندهـ ...
قيس :كل هذا تفكيـــر لا شكلك مذاكره زيــــن ...
قمت عن السرير وأنا اقول بنفسي لو تدري وش أفكر فيه خخخ افكر كيف اخليك زي الخاتم بأصبعـــــي ولااا .... مو أحسن مني جولييت ..
قيس :بتنامين او بتكمـلين مذاكره ...
نطيت بسرعه للسرير ..
سارا :لا وش أكمل انا ماصدقت اخلص بناااام ...
قلت أخر كلمـــه وأنا اتغطى باللحاف ...
بعدين تذكرت اللي ناويه علي فتحت اللحاف وقلت له بأبتسامــــه ...
سارا :تصبح على خيــــــر ..
ورجعت بسرعه أتغطــــى ...
قيس :وانتي من أهل الخيــــــر ... بس قبل ماتنامييين أكوي الثوب اللي بداوم فيه بكره وطبعاً الغتــــره ...
عضيت شفايفي بقـوه للأصرخ بوجهه الغبي مصدق نفســـــــه ...
رديت وأنا أشيل اللحاف من على وجهي ..
سارا :من عيوني بس خلها الصباااح ...
قيس :لا الصباح ماعندك وقت خلصيني اللحين ..
بمأنه صرخ معناااها مافيه أمل يتأجل الموضوع الله ياخذك ان شاءالله ...
نزلت السرير بقهـــــر .. واول مامرت من عندها وصرت وراه ماقدرت امسك نفسي سويت نفسي بظربه مادريت الا هو لاف علــــــي وانا رافع ايدي بظربه ...
تحركت بسرعه بطلع بس مسكنــــــي مع ايدي بسرعه ...
يالله تفضلي ياسويره الكف اللي بعدل ميزاجك وتعرفين كيف تسويين هالحركااات ..
كانت عيون مولعه نار .. لا رحت فيهاااا ...
انا جولييت ...
قبل مايظربني قربت منه وحطيت راسي على صدره يعععع وش ريحة الدخان هذي ....
مررت يدي الثانيه على ذقنه ..
سارا :أنا آسفــــــه ...
ماحسيت الا بنفسي طليقه ...
قيس :أنقلعي ومره ثانيه فكري قبل ماتسويين تصرفاتك الهبــــلآ ...
تنقلع روحك من صدرك ان شاءالله ... الحمدلله اني مو جولييت ولاتفشلت قدام المشاهــــديين ...
مالت بس هين اوريك اذا ماخليتك خاتم بأصبااعي ..
طلعت للغرفة المـلابس ... بعـــد دقايق وانا مندمجــــه بالكووي تذكـرت انه مو لازم ينامـ وهو معصب عـلي عشان بكره يمشي مخططي حلـــو ... بروح اجس نبضه بسـوي بسأله وش بيفطر بكــــره ...
دخلت الغرفه كان مغير ملابسه وبينام ... ايه ينااام وأنا اكوي ملابسه مالت بـــــس ...
اللحين وش أقول بسوي نفسي بدلعــــه ... تذكرت جولييت تقول حبيبي يخســــى ماعاد الا قيسوه أقوله حبيبي ...
بس هذا وش ادلعه وحشـي يجنن لايق عليه اللقـــب ...
قلت امممم يقالي افكر من دخلت مع الباب لين جلست على طرف السرير ...
ادري كان قلت له الكلام من عند الباب ورحت بس لا لزوم الدلع وعشان يتنبه اني متغيـره وماصرت طفشانه منه ومأبغى ابقى معه بنفس المكااان ...
سارا:امممم ..
قيس :ايه اممممم ايش ...؟!
بلا دلع بلا بطيخ هذا شكلــــه ناوي يصكني بالمخده اللي جنبه ...
سارا :وش تبغى فطور بكره ..؟!
طالعني بنظرة كأن وده يخنقــني بس ماسك نفســـــه ...
قيس :لاجاء بكره يصير خيـــــر تفضلي برى بنااااامـ ...
قمت بسرعه وانا أقول
سارا :ان شاءالله من عيونــــــي ...
اخر كلمه طلعت تلقائيه من الخرعه بدون تخطيط ...
قضيت ليلي كله تخطيط ونمت بس شــــوي ماصحيت الا على رجعة قيس من صلاة الفجـــر ..
طلعت من الغرفه غــصب .. لأني متعــوده بهالوقت كل يوم اصحي أراجع اللي درستــــه ...
بس اليوم ويني ووين الدراسه النوم كابس علي ...
رميت نفسي على الكنبه ونمــــت ماحسيت بنفسي الا وقيس يصحيني بهزه قــــويه ...
قيس :قووومي ياهبلااا شوفي الساعه كم حسبي الله عليـك ...
صحيت وانا ماني فاهمــــه شي وش ساعته ...
سارا :ايش ..؟!
قيس :الساعه سبع ونص سامعتنــي وين يمديني اوصلك لمدرسته وأروح لدوام ...؟!
سارا :أوووووه لاتصارخ علي دوامك ثمان بعدين انت مدير مين يحاسبك ...
قيس :قومي تحررركي عساااك لجلسه اللي مابعدها قووومه ...
صرخت بقهر وش عنده هذا مع الصبح يدعي عليك
سارا :ان شاءالله أنت لاتدعي علي يالمتخلف ...
صرخ علـــــــــي ..
قيس :ساااااارررراااا
وصد وراه شوي يكلم نفسه ....ورجع لف علي وقال ..
قيس :تبغين تروحين تختبرين اوكـيف ..
قلت وانا اوقف من على الكنبه بكل هدوء
سارا :اكيد أبغى أروح ولا ليش مذاكره ومتعبه نفــــسي... انتظر ثواني بس أغسل وجهي والبس عبايتي ...
قيس :وملابسك مو مغيرتهااا
سارا :لا ليش اغيرها بلبس عبايه انااا ...
قيس :لاياروحي بتروحين كذا اقول غيري ملابسك ولبسي مثل الناس مأحب شغل الفقراء اناااا ...
رحت للغرفه ومارديت عليه مالت عليه هو وخشته وش له دخل باللي ألبسه ..؟ ... ياحبه للتحكـم والتدخل بشئون الأخرين ...
لبس تنوره من تحت وفوق خليت بلوزة البيجاما مالي خلق أغيـــــر ولبست العبايه فوقهــم ...
وانا طالعه قال ارفع عباتـــــي بيشوف وش لابسه طبعاً وريته التنوره خخخ لعبت عليه ...
مو على كيفه يمشي كلامه علي ... خطيره أنا عرفت كيف اكسر كلمته بدون هو مايدري ....
نزلني بالمدرسه والساعه ثمان ونص بدأ امتحاني خبصت لين قلت بس ماصدقت اخلص ...
طلعت كان وقت الأستراحه والبنات بالساحــه .. تذكرت هيصتنا بالمدرسه أنا وخواتي والله كان فلـــه ...
بس هنا البنات غير مأدري مابلعتهــــم هو وأشكالهم الكشخه فيهم زايده ...
والله أني عجيب اللحين الكشخه فيهم زايده ولا أنا وبنااات الفقر اللي مانعرف نكشخ ياحليلكم يابنات مدرستنااا ماتعرفون السنع والكشخه والدلع ... لااا حرام والله بنات مدرستنا سابقاً ماهم شيون بس الظروف والمدرسه اللي هم فيهااا هي سبب .. تأقلمهم مع الظروف اللي حولهم هو سبب أشكالهم الشينه طبعاً باستثنائي وأنا خواتي لأنااا كل الحــــلااا فينااا ..
ماصدقت قيس جاء بسرعه طلــــعت .... كان مستعجل كثير ماصدق نزلني وراح يقول عنده اجتماااع مهــــم ..
شوفتي للبنات بالمدرسه والجروح اللي فتحـــوهااا خلاني أفكر بجديه بخطتـــــي مو معقـوله الغباء اللي فيني
انا لازم أكــون أكثر ثبات على خطتي مو لهزأني أو صارخ علي أنسى ولابكون ماسويت شــــي ...
اللحين اسويلي كوب نسكافيه واروق عليـــــه وأخطط وبعدين افكر وش اسوي له غداء بس لازم طبخه جديده عشان تضبط خطتي ...
رحت غيرت ملابسـي وسويت النسكافيـــه تربعت على الطاوله قدام التلفزيون وقدامي النسكافيه وبيدي وورقه وقلم اسجل فيها خططـــي ... ومشغله فيلم جولييت عشان اشوف وش تسوي وأسويه وبنفس الوقت افكر وش الطبخه الجديده اللي بسويها غداء .. لكن المشكله أني مأعرف طبخات كثــيره وأخاف اخذ شي من التلفزيون أو مجلـه ومايضبط ويضحك علي قيـسوووه...
حسيت بهزه أرضيه اوووو ... قيس لامستحيل وش السالفه ... نمت لااااااااااااا ....
قيس :انتي غبيه او متخلفه او وش سالفتك ...
كنت ضايعه ماني فاهمه شي توني كنت اشوف الفيلم واكتب بالورقه وناظرب بالورقه اللي تحتي على الأرض والنسكافيه مغطيهااا ... ضاع تعبـــــــي ...
ماحسيت الا يظرب اصابعه على جبهـــــتي ...
قيس :ماعندك هنا عقل تفكرين فيـــــــه .. انتي تدرين يوم دخلت هنا وشفتك بهالحاله توقعتك ميته او مذبوحــــــه ...
وكمل يظرب راسي
قيس :وانتي نايمه .. نومت أهل الكهف ان شاءالله... فيه احد ينام تحت الطاوله انتي مجنوووونه رسمـــــي ....
وراح وخلاني ...
ياربي وش اللي سويته كيف نمت ... الله يأخذني انا وغبائي ... صادق انا مجنونه رسمـــــــي ...
كيف انام قسم لو اني بزر بس اجلس قدام التلفزيون نمت طالعت بالفيلم لقيته مخلص ..
قمت طلعته من الفيديو لايشوفه ...
اللحين وش ارقع وش أقول لاسويت غداء ولاحاجــــه ...
بقول مثل ماقالت جولييت انا كنت مفكره نتغدى بــــرى ... هو صح سالفة جولييت غير سالفتي بس يالله ترقيعه تمشي الحال ....
جلست انتظر دقايق مأبغى ادخل عليه وهو معصب يحط حرته فينـــي ...
ايوه صح اخذ له عصير يعني عشااان لو ماقدرت اتكلم اعطيه العصـير ومايقول لي شي ...
رحت للمطبخ وعبيت كوب كبير عصــــير رمان وأخذته له ...
وقفت قدام الباب متردده بعدين اخذت نفس عميق ودخــــلت ...
((7))
ضحـى
صرخت على وعد اللي شايله محمــد ابغاها تنزله ..
ضحى :نزليييه وأنقلعي عن وجهي شوفي كتبك ...
وعد :وش فيها كتبي احد منهم مشتكيلك ...كتبك وكتبك اللي يسمعك يقول كائنات حيه مو كتب ...وتفضلي هذا ولدك ...
ونزلت محمد بسريره ...
والله حتى وعد صايره تعصب عشنا وشفنــــــا ... انقهرت لأنها طلعت قبل مأهزئهــا .. طلعت للصاله لقيت الحبايب متجمعين على فيلم ...
رحت وطفيت التلفزيون ...
ضحى :انتم ماتشبعون تلفزيون طول يومكم عليه ...
نوف :بسم الله علينااا .. تونا داخليين من المدرسه كيف طول يومنااا عليه بالله ضحى شغلي التلفزيون بلا شغل الأبلات هذا ..
هند :يعني عشان رجعتك للمدرسه قربت بتبدين تجربين فيناااا ...
ضحى :انتم لما اتكلم تسمعون وتطيعون بــــس مو تردون علي الكـــــلام ...
هند :ضحى بجد شغلي التلفزيون خلينااا نتابع يعني وش تبغينا نسوي غير نجلس على التلفزيون نام مثلاً عشان عندنا طلعه العصر للحديقه ...
نوف :ياقرويه العصر وحديقه اللي يسمعك يقول بالربيع ...
هند :ليش حنا مو بالربيع ؟؟
نوف :لا مأعتقد حر اكيد دخل الصيف ..
هند :طيب انثبري لاتليقفين وأنتي مو متأكده ...
ضحى :لاحبيبتي مابغاك تنامين أبغاك تشوفين لك أي عمل مفيد غير شوفت التلفزيون
هند :طيب جيبيلي كمبيوتر وأقوم عن التلفزيون ...
نوف :يب صادقه نووووف جيبيلنااا كمبيوتر
ملاك :أقول بس ترى صدعتوني وانتي مدام ضحى شغل التلفزيون وروحي انشغلي لك بالشي ثاني غيرنا ترى عندك ولد شوفيه ليكون انقلب على ووجه ووفطس ...
ضحى :واذا ماشغلته ملاك افندي ...
ملاك :شغلتيه ولا ماشغلتيه نوبروبلم الدنيااا مو طايررره وانا بالذات ماوراي شـــي ...
ضحى :زين اعترفتي ...
ملاك :ليه قاضي ومحكمه زين اعترفت ... ياليل الغثــــاء ...
قبل مارد عليها دق جوالي وبسرعه رفعته اشوف من كان عساف .. اخيراً مابغى
طنشت اللي بالصاله ودخلت الغرفه ارد عليــــــه ..
ضحى :هلا وينك انتي من أسبوع ...
عساف :السلامـ عليكم ...
تأففت بصوت عالي
ضحى :وعليكم السلام ...
عساف :أخبـــــارك ..؟!
ضحى :طيبه ...
جيت اتكلم قاطعني
عساف :وحمودي أخبـاره ...؟!
هذا راعي طويله
ضحى :بخير طيب ماعليه ... وينك من اسبوع ..؟!
عساف :زين ... موجود وين بكون يعني بس أنشغلت شــوي ...
وبس غريبه ماسأل ليش اسأل عليـــــه .. هذا والله مو صاحي
ضحى :طيب كنت أبغاك توديني السـوق ..
عساف :طيب امرك بكره العصر ...
انقهرت انقهرت انقهـرت .. ليش بكره .. ليش مو اليــــوم .. وش عنده ذا من أسبوعين ماشافني ماشتاق لي يعني وين اللي يحبني ولاهو بس كلام ...
مابغيت اوضح له اني مره ميته على شوفته مع اني مأتوقع يتفكر كذا لأني وضحت له قدر الأمكان اني بس اسأل عنه عشان يوديني السوق .. بس الحرص زين ...
ضحى :طيب انتظرك بكره العصــــر ...
عساف :لاتأخذين معك أحد مالي خلق ازعاج ...يالله تبغين شـي ثاني ...
مو كأنه مو معطيني وجـه أبد ...
ضحى :لا سلامتــ...
قفل قبل مأكمل كلامي وش فيه الرجــــال هذا استخف ...
((8))
قيس
يحمد ربه ألف مره انه ماتهور وذبحــها على الخرعه اللي سببتها له ....
الله يعيـــنه على هالأنسااانه شي اسمه مسئوليــه ماتعترف فيه ويشك أنها بيوم حست بالمسئوليه تجاه شـي دايم تتصرف بغبـاء ولامبـالااه ... بتجننه .. هذي لو صار بكره عندها عيال وش بيصير فيهم اكيد بيضيعــون من أهمــالهــااا ...
مايشفع لها عنده غير انها تضحكـه أحيـان بعز غضبــــــه ..... وهالشي ماعمر أحد قدر عليه دايم هو لغضـب خلاص مايقدر يتبدل ميزاجه الا هالأنسااانه قدرت تبدله بس عمره ماوضح قدامهــااا أنهااا قدرت على هالشـي ... حتى وهو وده ينفجر ضحك بسبب تصرفاتها يتمالك نفسه ويكمل موال العصبيه والغضـب ...
اليوم لمادخـل وشافهـا بحالتها ذيك بغى ينجـــن توقع كل شـي سيء الا أنها نايمــــه ..
فيه أحد ينام تحت الطـاوله ...
دخلت عليه ومعهااا كــــوب عصـير ... وش عندها الزوجه المطيــــعه ...
مدت الكوب له بدون ماتكلم أخذ الكوب منها ونزله على التسريح وكمل اللي كان يســــويه ...
سارا :بيصلع شعرك لو مشطته أكثر ...
مارد عليـــــهااا .. لأن مثل الكلام البايخ هذا مايلقاااله رد وعشاان ماتفكر انه نسى المصيبه اللي كانت مسويتها قبل شـوي ...
سارا :قيس ماسويت غداء ...
رمى فرشاة الشعر من يده بقهر ...
قيس :داري وريحي نفسك بنااام بدون غداء ...
ولف على السرير ...
قيس :وانتي ...
قطع كلامه لما مسكت مع يده ..
قيس :خيــــر
سارا :لحضه شوي بقولك شـي بس لاتعصب ...انا اصلاً متعمده مأسوي غداء
لوى يدهاااا بقوه ..
قيس :وتعترفين انك تعانديني بعد ..
سارا :لاا مو كذا ...اصلاً انا خططت انا نتغدى برى ...
طالعها بأستهزاء..
قيس :والله
سارا :والله ...
قيس :وبأي مطعــم تبين تتغدين ...؟!
أبتسمت أبتسامـــه كبيـره وطلعت اسنانها الأماميه واللي يتميزون بفجـله خفيفه بينهم..
سارا :يعني موافق وناسه كنت عارفه انك طيب وماراح ترفــــــض ...
ترك يدها وبدزه خفيفه وخرها عنه ...
قيس :لأني طيب اقولك انقلعي عن وجهــــي لأرتكب فيك جريمــــــــه ...
اول ماصرخ نقزت لين الباب ...
سارا:يعني مو رايحين المطــــعم ...
عطاها نظره خلتها تطلع وتقفل الباب وراهـــــا ...
((9))
سارا
وفشل مخططـي وليه مو حاله ماني عارفه ادبر شـي كل شـي اخذه من جولييت أخربــــــه ..
بس والله أوريك قيســـــوه ماتوديني مطعــم ...
مو كفايه مجبرني أكمل دراستي ... تبغاني بس جالسه بالبيت لا أنا مو شغاله عشان بس جالسه بالبيت ..
أنا ابغى اطلع وأتمشـى .. اووووف مأبغى اطلع ولاأتمشى أبغى خواتـــــي ...
وخواتي ماراح اوصل لهم لين يصير قيـسوه مثل الخاتم بأصبعي... شكل الخطه هذي مو ناجحـه ..
اوووف بس لو السحر مو حرام كان سحرته ومشيته علي كيفي ...
مر باقي اليوم علي ممل جداً قيس صحى العصر وقال بيروح يزور أمه وبعدهااا ماشفته نمت وهو مارجـــــع ...
((10))
وعد
صحيت من النوم بكســــل وتوضيت صليت ...
نزلت تحـت وأخذت كوب حليب ورجعت اطلع فوق ... نوف دخلت بعدي الحمام مباشره وللحين ماطلــــعت ..
استغربت مو من عادتهـــا ...
ليكون البنت نزلت عليها النظافه وتسبح اليـوم بنص الأسبوع عاد نوووف احس مستحيـــــل ... لو شوق ولا حتى هند الموسوسـه يمكن أصدق بس نوف تسبح نص الأسبوع كبيره ...
دقيت عليها باب الحمام ...
وعد :نوووف وش تسوين داخل ...
نوف:.......
رجعت ادق على الباب لايكـــون نوفوه سبحت وغرقت بس الحمام مافيه بانيو تغرق فيه .. بس فيه مثل يقول تغرق بشبر مويااا ...والله مأدري عنها هالخبلــه ...
وعد :نوففووووه انته عايشه اومتي ... لاتخافين لو متي اللي يموت غرقاً يصير شهيــــد ... بتصيرين الشهيده نوف وأنا اخت الشهيده نووف .. وبيتنا بيت الشهيده نوف واخوات الشهيده نوووف وبنت عمة الشهيده نووف ...
نوف :عساك انتي تغرقين وانا اصير اخت الشهيده وعد وادخل الجنه على حسابك ....
يمه الجنيه لسى عايشه ...
جيت افتح الباب لقيته مفتـــوح .. دخلت ولقيت المفاجئه بل الطامــــــه ...
وعد :وش تسووووووووين يالمجنونه ...
نوف :اللي شايفته وش رايك بشعري شـي صح ...
وعد :شي اللي يشيل راسك يالغبيه اللحين من بيفكك من ابله عطوف وابله قمـــر انااا ثلاث شهور وانا كل ماصليت ادعي شعرك يطول عشااان تفتكين من حنتهم ويوم طال شعرك قصيتيه ...
نوف :مالت على خشتك كانك فاضيه تتدعين كان دعيتي نصير أغنياء مو تدعيــن شعري يطول هذا دعاء بالله عليك ..
وعد :احلمي بس مره ثانيه ادعيلك بعدين دعائي وأنا حره فيــه و انتم مو معطيني وجه وانتم فقراء اجل لو صرتو اغنياء وش بتسوون فيني اكيد بترموني بملجأ انا ونوره بعد قلبـــــي ...
بس البنت مو معطيتني وجه جالسه تمشط شعره مره يمين مره يسار
نوف :وش رايك كذا حلـــــو ..؟! .. او كذا أحلى ..
وعـد :عمره ماراح يكون حلو يحوم الكبد ... ومسويه فيها عندي شعر مره يمين مره يسار مافرقتك كأنك هندي حاط على شعره فليت يحسبه اسبريه ...
نوف :تدرين بروح لملاك حبيبة قلبي هي اللي تفهم بهالأمور اما انتي حدك ترفعين شعــرك كأنه ذيل فار خخخخخخ ...
النحيسه انا شعري ذيل فار اكرهههاا اصلاً الفار ماله ذيل ...
انسدت نفسـي عن الحليب ونزلت فيه تحـــــت ماصدق شفت ضحـى قلت لها ان نوف قصت شعـرهااا ...
طلعت ضحى معصبه من المطبخ هع الله يرحم نوف كانت طيبه بس من صاحبة ملاك صارت شريره وتستحق القتـــــل ...
((11))
نوف
بديت يومي بهوشه محترمه مع ضحى ماثرت فيني كثير بس حزت بنفســـي ...
الا الحصـه الثانيه كانت كل الأمور معاي تمام ... ببداية الحــــصه الثالثه دخلت علينا أبلة العربي تكرهني ماتصدقون قد ايش تكرهنـــي .. ودايم تقول عني متشـبه ... وكل شي يصير بالفصل تحطه علي .. احس انها تفضل أبليس علــــي .. مع اني وربي ماعمري سويت لها شـي ... واحترمهــا بس من كرهااا لي غصب أكرهها ... وطريقة تصرفها معي كأني مغيره دينــي ..حتى معملة الدين الملتزمه ماعملتني مثلها بالعكس دايم تدعيلي بالهدايه ولاعمرها جرحتنــــــي ...
من دخلت حسيت بالشر بعيــونهااا ... انا اعرف لو بيصير لي شي مو زين قلبي ينقبض ....
وفعلاً دقايق بس من بداية الحصه وانتبهت على شعــــري وقطعت شرحها وبدت تسب فينــي وتلعن وتقول كلام ماينقــــــــااال وبالأخير عطتنــي كف ....
بذيك اللحضه تساوى عنـــــدي كل شــــي ..
أنا هذي تظربنـــــــي ... عطيت كف وثنين وثلاثه وأربعـــــــــه ...
ماحسيت بنفسي الا مسحــوبه عنهــا ومرميه على الأرض كانوا بنااات الفصــــــل اللي فكوهااا مني ومسكوني حتى مأرجع أظربها وهي جلس تسب فينــي وتهزأ ومأدري وش بعـــــــد ..... لأني اغلي من داخلي ودي أقوم وأكمـــل عليهاااا حسيت ان هذي نهايتي بهالمدرسه وأبغى ابرد قلبــــــــــــي ..
بس البنااات كانوا حاجز بيننا بعدين جت المديره ومعلمااات والمراقبااات .. وماقدرت أوصل لهااا بس حلفت أنهااا هذي مو نهاية اللي صار بينااااا ...
وشي طبيعـــي فصلوني مؤقتاً لين يقررون العـقاب الأكبر واللي استحقــــــه ماهتمــيت بالقرار واصلاً حاسه انه خلاص هذا أخر عهـدي بالدراسه .. طلعت لمخبأنا السري مالقيت أحد رحت لشلة الشباب ولقيتهــم يدخـنون .. غصبوا علي ومن القهر اللي فيني جربت أدخن معهــــــمـ ...هي مره وحـده ومأتوقع اشوفهم بعد هاليـــوم ..
((12))
ضحـــى
من قمت الصبااح وأنا افكر بطلعت السوق بمقابلتي لعساف عمري مافكرت كيف بقابله ووش بسوي ووش بيصير من طلع بحياتي مره ثانيه ...
يجي ويغيب وماحس أنه غاب أو اختفى ... بس المره هذي حااسه بالموضوع يوم ورى يوم ...
ماصدقت دق علي وقال أني عند الباب طلعته وطبعاً حرص مأخذ احد معي لأنه على قولته ماله خلق عوار راس ..
ماتكلم كثير رد السلام ووشلونك وأخبار محمد وبـــــس ....
ماقدرت اسكت اكثر لازم أسأله وش فيــــــه ...
ضحى :عسااف فيك شـي ..؟!
ناظرني ورجع ناظر قدام ...
عساف :شي مثل ايش ..؟!
ضحى :يعني متغير .. قبل ماتوقف كلام
عساف :ثرثار يعني
ضحى :لا مأقصد كذا بس بجد وش فيك ..
عساف :ولا شي بس متضايق شوي من الشغل
سكت .. وأنا سكت وش أقول والسالفه فيها الشغل ..
عساف :متى بترجعين البيت ...
ضحى :بعد أسبوع .
عساف :ايه زين بجيب شركه تنظف البيت ...
ومابعدها ماقال شي لين وصلنا المجمع اللي أبي ...
وقدامه قالي أنه مايقدر ينزل معي بس اذا خلصت ادق عليــــــه ...
تنرفزت منه يعني ماراح ينزل معي وماخلاني اخذ معي أحد .. من النرفزه نزلت بدون مأوجه له أي كلمه ...
بعد مادرت السوق وأخذت كل اللي أحتاجه كان معي كومت أكياس لو جايه مع سفر دقيت عليه يأخذهــن ...
وكملت اللي باقيلي بس اللحين مضطره أطلع من السوق وانا ماكملت تسوقـــي دقيت على عساف اللي تنازل لين جاني بعد ساعه من اتصالي ...
اول ماركبت السياره وشفت كيف استقبلني بالتأفف عـــــرفت وش اللي غيـره ... خلاص الأخ مل ... كنت عارفه ان هذا اللي بيصير عمر عساف ماراح يكون قد المسئوليه تعود يكون حـــر ... وولده اللي جاء رجع يحسس أنه مربوط ... الأيام تعيـــــد نفسهــااا ...
ماتكلمت ولا ناقشـــته على تأخيره او علــــى الحال اللي صـاير فيـه واللي عرفت أخيراً سببــه ..
أخيراً عرف حجم المسئوليه اللي حط نفسه فيها واللي ماهو قدهاااا ... كنت عارفه ان هذا اللي يصـــير ..
عمر نظرتي فيه ماأخطأت ...
قريب بيعلـــــن أنسحــابه من حياتي والله العالم بعد كم سنه بيرجــــع ...
وبكون سعيــدهـ لأنه بينسحب بالوقت المناسب قـبل مأحط عليه آمال ويضيعهــااا..
آمال كبيـــــره .. لأني للأسف حطيت عليه آمال صغيره ... بس مو مهــــم خله يروح برجع مثل قبل ...
نزلني بدون كلااام ... دخلت غرفتي والقهر ذابحني طليت على حمودي النايم وسويت له رضعته كانت اسويها وارجها بيدي بقوه يمكن تخليتها مكااانهاا رقبة شخص معيــــن ...
نزلت الرضعه من يدي لمااا دق جوالي وجلست ادور شنطتي بين الأكياااس وين حاطتها أنا ...
وبعد ماوصلتها وطلعت الجوال لقيت على شاشه مكالمه لما يرد عليها من عساف وش عنده مو كأني تو كنت معه وكلمتين على بعض ماقالهم ...
طنشت اذا يبغى شي يرجع يدق وكأنه يسمع كلامي دق الجوال مباشره .. انتظرت بعد ثلاث دقااات فتحت الخط ...
ضحــى :خيــــررر ..
عساف :حبيبتي معصبه ...
لاشكله الأخ رايـــــــق ..
ضحى :وليش اعصب ..؟!
عساف :ضحى اناا عارفه وش اللي سويته وتأثيره عليك بس انتي موعارفه شي أنا مررره تعـبااااان ...ولاتسألين عن اللي متعبني انا محتاجك مره مابغى اضغط عليك بس حاولي تقربين رجعتك ...
بغيت اقهره مثل ماقهرني يعني هو متعود اللي يسويه ...
ضحـى :اقول عساااف بتكلم بشكل واضح تفضل اومااا كلام التلميح هذا ماينفع معـــي ... واذا حسيت نفسك مسوي شي فأنا بريحك تطمن ماحسيت انك مسويلي شي لتعب ضميرك ...
وقفلت ..... اول ماقفلت تندمت اوووووووف ليه سويت كذا انا من زمااان توقفت عن هالحركه والله عيب علــــي ...
عطيت حمــودي رضعته وأخذته للصاله ...
وهناك كانوا البنااات يتخااانقــون ...
ضحى :خير وش فيـــــــه ...
استغربت انفعااال نوف
نوف :قررت مأكمل دراستي هذا اللي فيه ومأبغى احد يناقشني بقراري انا مليت كرهت نفســــــي اووووف خلوني بالبيت اريح لي ...
حسيت أنهاااا مقتنعه بقرارها اللي مأقول صدمنــــــي الا شلني ... ولو ماكنت جالسه قبل ماتلقي قنبلتها طحت من طولي نوف الشاطره الطموحه هذا كلااامها ليش وش اللي صــــار ..... بس من طريقتها بالكلااام حسيت ان لو تكلمت معها من اليوم لبكره ماراح يتغير شوي اصبر عليها شوي لين تهدا وأقدر اكلمهااا بطريقة تجيب نتجيه ومو تزيد الطين بله ...
ضحى :بس هذا اللي عندكم ... توقعت شي اكبر قفلوا المـوضوع وتكلموا بالشي ثاني ...
نوف :لاتحسبني امزح ترى قراري خلاص ماراح اغيره
ضحى :طيب انا وش قلت خلاص انتي قررتي ليش هم يناقشونك .. قولوا سالفه جديده ..
ملاك :ونعم الأخت ...
كالعاااده طنشتهــــا ... وكالعاده بزنقاات مايطلعني منها غير مشـاعل ...
مشاعل :ضحى لقد طلب مني خلف تحديد موعد لزفااف لكني محتاره ...
ضحى :ماشاءالله زواج مره وحده مكأنك طالعه امس بتطلقينه ...
مشاعل :ضحى توقفي عن ذالك لما تحبين أزعاجي بحديثك ... لما لاتتحدثين بطريقه عاااديه ...
ضحى :ليش كلامي وش فيه ..
مشاعل :ساخررر دائماً ردودك لاذعه ..
ضحى :مع اني مالاحظت بس دامك قلتي هذا اكيد صادقه ...
وعد :وش قصدك كلااامها يعني دايم صدق ...
اللحين ليش لاتكلمت مشاااعل وعد لازم تكون على الخط ...
ضحى :اللحين انتي تشكين من شدن لاتكلمتي لازم تنط ماتلاحظين ان هذا رد دين للي تسوينه بمشاعل لاتكلمت ...
وعد :حرام عليك انا ماسويت لها شي وش قلت اللحين ....
لفيت لمشاعل ورديت عليهـــــــا ..
ضحى :طيب وين المشكله ليه الحيره حددي الموعد اللي يناسبك ...
مشاعل :ولكني لأعلم ماهو المناسب ...
نطت وعد قدام مشاعل ...
وعد :احلى شي بسرعه يعني قريب جداً... الخميس الجاي يعنــي الخميس القادم ...
شادن :ماشترينا فساتين ...
وعد :وانتي وش لك مو لازم تروحين ...
شدن :أنتي وش لك ماتحبين مشاعل ليه تروحين ..؟!
ضحى :شدن وش قلنااا لاتكلموا الكبار الصغار يسكتون بتجلسون كذا تقاطعون حديثنا تفضلوا برى تهاوشوا على كيفكم ...
وعد :اصلاً انتم اللي جالسين عندنا حنا نشوف التلفزيون ومافيه مكان ثاني فيه تلفزيون غير هنا بس السوالف تصير بأي مكان ..
هند :صادقه وعد حددوه قريب نبغى نستانس ونوسع صدورنااا ...
وعد :امووووووووه ول مره احبك ياا البارده ..
رجعت مشاعل تسألني ووقتها حسيت انها مو معنا تقول شي وتفكر بالشـي ثاني ...
مشاعل :ماذا لوطلبت منه ان يختار هو الوقت المناسب ...
ضحى :اقول مشاعل انتي متأكده انك تبغين تتزوجين انتي وياااه والله احس كل واحد منكم يرمي الخيار على الثاني لأنه مو مستعد احسن شي انتظروا لين تحسون اثنينكم ان الوقت مناسب ...
مشاعل :هل تنصحيني بذالك ...؟!
ضحى :أكيد .. دامكم للحين مو مستعديين ليش العجله ..بعدين خلفوه توه طالع من السجــن ويمكن هذا يأثر على حياتكم خليه لين يرجع لحياته الطبيعيــه وبعدين انتبهي يتزوج عليك انتي مو ناقصه شرشحه ..
وعـد :اوووما اتحدى مايتزوج عليـــــها انا مره سامعته يقــول لعســـاف ...
قاطعتهااا قبل ماتقول أي شي كانت بتقوله ...
ضحى :وانتي من طلب رايك ... وصفت نقل الحكي هذي مأحبـــــهــااااا ...
وعد :لااا خليني أقولهـــااا اختي لازم انصحهاااا..
ضحى :وعد انطمي قبل مأوريك الوجه الثاني ...
وعد :لااا وجه ثاني ولاثالثه وهذي طمه ماراح اقول ولاحــــــــرف ....
ضحى :شي طيب وياليت تكملين جميلك وتقومين تذاكرين ...
وعد :وشوو لاحبيبي ماحزرتي نوف تترك الدراسه وانااا اذاكر لاعيوني وربي ماراح امسك كتاب اليوم ....
ضحى :احسن ارسبي وشدوون تنجح وذاك الوقت بتعرفيين وش بيصير ...
وعد :ماهمني خليهااا تنجح هي تحب الدراسه انا مأحبهاااا وكل واحد وقدراته ...
ضحى :والله من متى كبر العقل هذا ولا بس يطلع علي ...
((13))
قيس
هذي استخفت وبتجننه معهـــــااا .. وش النظرات والأبتسااامات اللي مصبحته فيهــااا اصايره ولاا ممثلة دعاية معجون أسنااان ... ولاحركات نص الكم اللي طايح فيهــا لابسه بلوزه قصيره مع كل حركه ترتفع .... والكارثه جالسه تمسح الجدار اللي فوق التلفزيون من متى هالسنع مايدري ...
ماتحمل أكثر صدق يشفق عليهااا أحيان بس هي اللي تجيبه لنفسهاااا له ساعه ساكت عن حركاااتها هذي ماعاد يقدر يصبر بعد ...
قيس :ساره ورب الكعبه اذا مانقلعتي عن وجهي لا تصير ليلتك سوداء هالليله ...
سارا :حرام وش سويت انا والله ساكتــــــه ...
قيس :روحي لأي مكااان ونظفيه وتكلمي على كيفك بس مو توقفين فوق راسي وتقلبينه لي وتقولين سااااكته ...
سارا :طيب حاضر ..اووووووف .. لاتعصــــــب ...
ماصدق انها فعلاً طلعت من عنده جلس ربع ساعه بهدوء مندمج بالبرنامج اللي يشوفه ...
تنرفز يوم شافها داخله عليه بس قال يمكن تذكر تهديده وتهجـــــد ... بس المصيبه كانت يوم جت وجلست جبنــه ..
هو ليش جالس على كنبه مزدوجه كان جلس على كرسي لحاله ..
عاد اللحين ماتسكت كأن البرامج يتكلمون فيهاا بلغه ثانيه تطيـــح لها سؤال لكل حرف ينطقــــونه ...
سارا
ماشيه بالخطه بالملي والصانتي ... مع أني خايفه بس يالله على قولت الناس علي وعلى أعدائــي ...
انا حالفه اجننه اليوم ... له يومين مرتاااح اليوم بطلعه من طوره مأكون سارا اذا ماخليته يطق من الشقه من القهـــــر ... جيت جلست جنبه على الكنبه .. بعد مرور دقايق كنت فيها هاااديه عشان مايطردنــي ..
حسيت انه خلاص ناسينــي تمددت على الكنبه وحطيه راسي على رجـــــله .....
اومااا شكله كأن انلسع بفولت كهربا...
ابعدت راسي بسرعه وجلست وبكل براءه سألته
سارا :وش فيه ...؟!
قيس :ليه تلمسيني فجأه روعتينــــــي ..
اووما روعتك انت تتروع وحش ويقول روعتيني
سارا :حرام لاتكذب مالمستك ...
قيس :والراسك اللي حاطته بحظني وش تسمينه ...؟!
سارا:انت دايم تحط راسي بحظني وقفت علي يعني بعدين انا دايخه من اليوم اشتغل والمخده بعيده ورجلك موجوده ...
قيس :خلاص طيب حطي راسك لو تبين بجهنم بس مابغى اسمع صوتك ...
وحطيت راسي وبكل قـوه .. اخخخ بس والله راسي اللي تعور وهو مأتوقع جاه اذى ...
عديت لميه بعدين حطيت خصل من شعري على وجهي وجلست انفخــــه عن وجهي ويرجع وانفخـــــه ..
مرت فتره على هالحال لين لقيت نفسي طايحه على الأرض ...
طالعت بقيس اللي واقف فوقي ويناظرني بعيون الغضب ..
سارا :يامتخلف ليش ترميني .. ظهري انكسر ...
قيس :اذا صرت متخلف بيكون من تحت راسك ... انتي بتجننيني ...
رمى كلامه الأخير علي وتحرك للغرفه..
قمت بسرعه لحقته ...
سارا :تعال وين رايح ماخلصت كلامي اللحين تشوفني مجنونه الله يرحم يوم كنت تركض وراي لماكنت شوشو ...
لف علي يطالعني بعصبيه وانا ثبت مكاااني مسـويه قويه وداخلي اتمنى لو مالحقته وظليت مكاااني على الأرض اتألم من العوار الوهمي يمكن كان بيشفق علي بس اللحين خربت كل شي بغبائي لاحقته بكل قوه وسببت لنفسي مدخل لعلقه ....
قيس :انااا ماني قايل السيره هذي ماعاد أبغى اسمعهـــا .. انتي غبيه تبغيني اذبحك عشان ترتااااحيــــــــــن ...
ياجدااار يالوووح افهمـــــــــــــي السالفه هذي تجنني تثير أعصــابي تخلينــــــــي مستعد أقتلك وأقتل اللي خلفـــووك فأحسن لك اسمعي كلامي ..
سارا :حاضر والله مأعيد السالفه بس لاتظربنـــــــي ..ظهري يوجعني توني طايحه عليه مايحتاااج تظربني فهمت الدرس ...
قيس :لاا انت ماتفهمني مايفهمك الا الظــــــرب ...
قرب بيمسكني بس أنااا هربت ...
سارا :تكفى قيس والله افهم بلييز لاتصيرر متوحش بعدين اسميك الوحش ...بلييز والله ظربك يوجع ...
قيس :لاا ياحلوه لو ذايقة الظرب اللي يوجع ماكان هذا حالك ...
نطيت من فوق الكنبه قبل يمكسني ..
سارا :حرام عليك والله صار ظربك يسبب لي كوابيس ...
قيس :انتي اللي تتسبين لنفسك بالظــــــرب ...
انقهـــرت منـــه... يطول يده ويبرر لنفســـــه بكل
سارا :كل ظالم وله يـــــومـ ..
قيس:لاا وتقولين ظالم وماتبغين اظـــربك ..
سارا :ليه مـ ....
قطعت جملتي يوم شفته جاي لمـي .. ماعرف اتصرف حاولت اهرب انزل من الكـنبه بس من الربكه ماقدرت الخوف ماخلالي فرصه طحت جالسه عليها وهو واقف قدامــــي وحاط يديه الثنتين على ظهر الكنبـــه ...
ناظرته بخوف .... وترجيته..
سارا :تكفى لاتظربني ...
قيس :قلت لك مشكلتك ماتفهمني الا بالظــــــرب ...
هزيت راسي بالنفي
سارا:والله كذب أنا افهم انت قول وشوف افهم او لاااا ....
سحبني مع يديني وحطهم ورى ظهــــري ولف ظهري له ...
قيس :كذا نتفاهم عشاان اضمن ان كلامــــي يوصلك وبنفس الوقت اضمن انك ماتهربين لأنك لزجه ماتمسكيـــن .. وماتسمعين الا اللي تبغيــــــن ..
سارا :طيب بشويش عورتني ولاتقرب من اذني اسمعك بدون ماتكلم فيهاااا ...
قلت أخر كلمه بقرف لأني أكــــــرره انفاسه على اذنــي ...
قيس :اسمعـيييني بس ...
سكت يالله بسمعه ...
قيس :سارا تسمعيني ...
سارا :انت تبغاني اسمعك او ارد عليك ...
قيس :سارا انتي تفهمين ...
سارا:افهم بس فك ايدينــي ...
كنت احس ايديني مشدودات لجبل مو أنســــان ماسكهـم ...
قيس :لا لو فكيتك ماراح تسمعيــن أنا اعرفك سارا ...
سارا :طيب تكلم بسرعه خلصنــــــي ..
قيس :انتي ليش ماتفكرين بالكلام اللي اقوله لك ليه ماتسمعيني بعقلك ليه ماتحاولين تفهميني ليه كل تصرفاتك غبيه ...
كل شي سمعته وبلعته الا الكلمه الأخيره ماتحملتهــــــا .. ركلته مع رجله بكل قوة...
سارا:لااااااتقووول غبيه ياحماررر ...
لاا وش قلت أنا بيذبحنـــــــي ...شد علي يديني بقوه وتكلم بغضب عند اذني ..
قيس :الا غبييييه ... سارا الكلام اللي قلته لك طول الشهرين اللي فاتوا .. لو الجدران تنطق نطقت وقالت انهااا فاهمته بس أنتي ..لااااااا..
وحسيت نفسي اخير طليقة ...
بس يافرحه ماتمت رجعت حبيسة الكنبه ...ويدينه على كتوفي ملصقتني بالكنبـــــه ....
قيس :شوفي ناظرينــــي حطي عينك بعــيني وقوليلي انتي غبيه او تتعمدين تكونين غبيـــــه ...
يمه ياويلي هذا وصل قمة الغضب ياخوفي صدق ينفجر اليوم بركان غضبه ...
لو بسفهه ومأدري عليه مليون بالميه ماراح يتركني بحاااالي بس لو رديت ممكن اخفف من الوضع ...
سارا :والله مأتعمد بس انت تفكر بالطريقه وانا بالطريقه ثانيه ...
قيس :لاا السالفه مو طريقة تفكير انتي تعمــدين تقفلين عقلك عن الكلام اللي أقوله ...كلمة لااا عندك يعني نعــــم ... اظربك وتعذرين وانتي قصدك انك بتزيدين جرعة الهبااال والتخريب ....
يالناس كتـــــوفي تحولت لطـحين ...
قيس :افهمــي أنا انسان ماتحمل الغباء والهبـــــــــــااال الزايد ... اعصـابي ماتتحمل انسان غبـــي ... لو تبغين تحافظين على حيــاتك ... تصرفي كأنسانه عاقله .... تصرفي بطريقة وحده بسنــــــك ...
سارا :طيب والله بسوي اللي قلته بس وخر ايديك عني حرام عليك كتوفي تحولت طحيــن ...
وياليتني ماقلت الكلمه صرخ بوجهـــــــي
قيس :شفتي انتي عمرك ماراح تعلمـــــــــين ..... انااا جالسه اتكلم معـــك بكل صراحه وانتي فاضيه لتشبيهاتك الغبيــــه ...انا بديت اشك بسلامت عقلك احيااان كثيره اوديك لمستشفى افحص عقـــــــــلك ...
لا هذي قويه كيف اسكــــت عليهــا بس اخاف لو تكلمت فعلاً تصير نهايتي التعيسه اليوم ...
سارا :بس افحص عقلك قبــــــل ...
حسيته هدا يوم قلت الجمله بس مو كثر الهدواء اللي نزل علـــــــي ... حسيت بداخلي تنفجر براكيين الحزن والقهر اللي عشــــــته طول عمــــري ..
قيس :ليه وش ملاحظه على عقلــــــي ...
سارا :يعني انت مو شايف نفسك كيف تصـــــرف ...
وغصيت بالكلام قبل مأقول ...
سارا :ونسيت كيف كنت تظربني وانا صغيره بدون سبب ..
وجلست أبكـــــي .. دايم لتذكرت طفولتي أبكــــــي .. لأنها كانت اتعس من التعاسه بفضــــــله ...
كنت ابكي واناظر فيه .. حسيته مصدوم مشفق .. مو عارف وش يقــــــول..
قيس :ليش تبكين أيام وراحت وكنا بزران ... ليش تحملين الموضوع اكثر من قدره ....
دزيته عني وقمت ...أكثر شي يقهر الأنسان الحزين ان اللي قدامه يهونون حزنه بطريقة تصغيره وانه مايســــوى ...
سارا :لااااا ماكنا بزران ..والموضوع كبير .. انت اللي تبغاني اتكلم بعقـــــــــل ...
تدري ليش انا خبله وهبلا على قولتك بسببك انت .... انا لو ماكنت هبلا وخبله ومأخذه الدنيااا لعب ماكنت عايشه للين اللحيـــــن ...
شهقت بقوه حسيت اني ارجع للأيام زمااان واحزان الطــــفوله ..
سارا :عشت طفولتي كلها حزينه العب وأنا حزينه انام حزينه وخاايفـه ومرعوبه من الوحــــــش ... بالليل مأقدر افتح عيني بالظلااام لأني اخاااف اشوف الوحش ... بالنهار مأطلع لحالي بالشارع عشان مايجينــي الوحش ... مأقول بكره بسوي او لكبرت بسوي ..لأن كان عندي احساس ان الوحش بيقلتني قبل مايجي بكره وأكبـــــر ...
كنت دموعي اللي تنزل مثل المطر تضايقني بس ماراح امــسحهااا خليها تنزل بخليهــا تذكرني كيف كنت انام كل ليله وهي على خدي ورجعت انام كل ليله وهي على خدي ...
سارا :مهما فكرت بمقدار الرعب اللي كنت مسببه لي ماراح تســــتوعبــه لأنك ماكنت الطرف الضعيـــف ...
صرخت بقهـــــر ..
سارا :فيه شي واحد بس أبغى افهمه ليش تستقوي علي وتظربني وش معنــــــــى اناااااااا ...
حاول يمسكني مأدري وش فاكر يحسبني انجنيت مثلاً ..
سارا :لاتمسكني وخر ايديك عني انا مو مجنونه مثل تقول رد علي وبس وش معنى اناااا ....
قيس:سارا طيب اهدي عشاان اقدر اتكلم الانفعالاات هذي بتخليك مو قادره تفهمين كلامي ...
هزيت راسي بقوه بنفي ..
سارا:لا أناا افهم مو مجنونه مثل ماكذبت الكذبه وصدقتهاااا ...
سحبني وجلسني غصب وهو يقول
قيس :انا ماقلت مجنــونه ..سارا أنا مأعتبـرك مجنــونه .. ويوم أقولها مأقصد الكلمه بمعناااها يعني مثل يوم تقولين لي وحــش اكيد انتي ماتقصدين معنا الكلمه ... والكلمات اللي تطلع وقت غضبي أنا مأكــون قاصدهـــا ...
سارا :الا اقصدهاا انت ووووووووحششششش ... تعرف وش معنى وحـــش ...
وقمت بسرعه على الحمام وتخبيت فيه ...جلست ابكي حتى حسيت بيغمى علي من التعب ....
بس ماني قادره اوقف احس بكائي هذا مو على حالي اللحيـــــن على حالي قبل ... حال سارا المظلــومه قبل مأعرف كيف اعيش حيـاتي باسلوب التطنيش ... قبل مأعرف اني اقدر اصير قـويه وانسى ضعفــي ...
بس اللحين رجعت لهالحاله بسبب الذكريات وبسبب الطريقه اللي عاملني فيهـــا قيس ...
رجعت سارا الضعيفه اللي ماتعرف كيف تأخذ حقها وحياتها كلها سواد بســواد ...
ماعندي أحد يفرح لشافني مبسوطه بالعكس هو يستغرب لشافني باطسه نفسي بنفســـي يبغاني مقهوره وضعيفه للطريقة اللي عاملني فيها مايبغى يكون عندي اكتفاء بنفسي يبغى يظربني وينكد علي وانا كل اللي اسويه اتضايق واموت قهر وبكاااء ...
صعب صعب استمـر كذا بموت لو بقيت اكثر على هالحاله ...
((14))
ضحى
ثلاث أيام بدون أي وجود له لامكالمات ولاحتى رسايل ... لين اليوم الرابع وصلنــــي منه مسج ...
صدمني محتــواه (( تعالي ضحى ... انا محتاجك المرض بيذبحنــــــي ))
كان باقي من الأسبوع اللي حددته لرجعتي ثلاث أيام ثانيه بس شنطي جاهز وحمودي وشدن جاهزين يعني أقدر أروح اليـــــومـ ..
لا وش اروح اليوم ... وش فيني ماني عارفه أفكـــــر ...
يعني ماصدقت ارسل اروح له وكني انتظر بس هالخطوه منـــــــه ..
فيه شي بداخلـي يبغاني ارجـــع عشان يأكدلي انه مامل مني مثل مااستنتجت ...
بس عقــلي مستحـيل يأخذ هالقرار ... اروح لعســــاف عشان يكتشف الضعف اللي صابني ومخليني ماني عارفه وش أبغى من الحيــــاة ...
سحبت حمودي وفكيت لفته ورجعت الفها من جديد ...
وش فيه عسـاف ليه يقـول مريض معقـوله وحده من حركاته الغبيــــه ...
بس وش يضمني مايكـون مريض صدق ...
عاد هو مايعرف يتصرف لو تجي كحه عفستـه .. كيف لو مرض صدقــــي ...
عطيت حمودي رضعته ورجعت اقرأ المسج ...ارسله اسأله وش فيك ...؟!
لاا بطنشــــه مثل ماهو مطنشـني ...
ياربي وش افكار المراهقين هذي اللي تطلـع معي ...
ضحى :استغفرالله العظيــم ..
هدهدت محمـد وانا اقول ..
ضحى :نااام ياماما نام امك انهبلت ..
ماأدري كيف صـبرت لين مرت الثلاث أيام علــــي خيـر كنت كل يوم اقول خلاص بروح ... ولا أمسك الجوال اقول بدق عليه بس الحمدلله اني الصبر متأصل فينــــي ولاكان من وصلتني الرساله وأناا رايحـه له ...
مر اليوم الأخير بدون اتصال او رساله منـــــه وجاء عشاء اليوم اللي بعده بدون أي خبر عنـــه ...
مثل ماكنت مقرره أخذت شناطي وعيالي ورحت له البيت واخذت الشغاله بعد معـي اكيد البيت معفـــوس ويبقى له ترتيب وانا مافيني شده ...
من باب الشارع لين داخل البيت كان الترتيب والنظافه واضحـــين .. ويوم دخلت البيت تأكد لي هالشي معقـــوله عسااف يتوقع اني بجي اليوم ومرتب البيت بس اكيد مو هو جايب احد يسوي هالشغل ...
قالت شدن اللي دخلت تركض قدامي
شدن :الله وناااااسه اخيراً رجعت لغرفتـــــي ... بابا وين ...اروح اشوفه بغرفته ..
وراحت تركض قبل مأرد عليهااا...
قلت للخدامه ...
ضحى :دخلي الشنط وفرغي الملابس منها ورتبيها وبعدين روحي نامي خلاص مافيه شغل ...
جلست بالصاله وحمودي بسريره على الأرض نايم ...
تأخرت شدن معقوله لقت عساف ودرى انا جينا وجالس داخل وماطلع .. ناديتها بصوت عالي وجتني ..
ضحى :وينك لقيتي ابوك ..
شدن :لاااا موفيــــــه بس لقيت أغراض كثيره وأشياء بغرفته ..
تأففت وينه هذا قسم بموت من رفعة الضغط ..
ضحى : طيب شغلي التلفزيون خلينا نشوف شي نتسلى فيه ..
شدن :بشوف ثري ..
هزيت راسي بايه بدون مارد عليهاااا ..
ماراح اتصل عليه .. يعني مو كفايه مطنشني لاأتصال ولاشي ولاحتى جاء يأخذني من البيت ..
وهو عارف أن اليوم برجع له ... وكل شي يشهد على ذااا ... واللحين جايته بنفسي وماألقاه بالبيت ...
جلست نص ساعه او يمكن اكثر وسط هواجسي وأفكـــــاري ...
ماحسيت الا بصرخة شدن ...
شدن :بااابااا حبيبـــــــــــييي ...
وطارت له ... كان عساف بسيب المطبــــخ أنا مأشوفه بس شدن كان تقدر تشـــــوفه ..
ماجاء على طــول دخل هو وشدن المطبــخ اسمعه يتكلم معها ويضحكــون ... ماشاءالله عليهم من متى هالحب سبحان مغير الأحوال ...
ماني قادره اجلس مكاني شوي افرك بيديني شوي أقوم جالسه لين بالأخير بكى حمـــودي شلته على دخلت عسـاف ... جلست اهز حمودي وأمشي فيه شوي وكان عساف جنبـــي ..
سحب حمــودي ...
عساف :هلاااا والله بعد قلبي .. كيفك حبيبي ...يه يه وش هالعيـون وش هالخشــم .. ماشاءالله طالع مزيون على أبوووك ...
ماشاءالله كل الترحيب لولده وأنا ولاكأني موجـــوده ... قلت وانا اهز رجلي بقهــــر ..
ضحى :ليش ماجيت تأخذنااا ..؟!
عساف :هذاكم جيتم بدوني ..
وكمل سوالفه مع ولده .... وشوي مع شــدن وأنا ولاكأني موجــوده ماقدرت استحمل .. سحبت شنطة الرضع حقت حمودي ورحت غرفتـــي .. رميتها على السرير بقهــر وجلست .. لقيته واقف على الباب وشايل معه حمــودي ..
عساف :وش فيك ...؟َ!.. متهاوشه مع خواتك كالعاده ..؟!
درت بعيوني بالغرفه وانا ارد عليه
ضحى :مافيني شي ..
انتبهــت على مجموعة صناديق كبير مغلفة على التســـــريحـه .. ماكانت موجـوده قبل ...
ركزت عيوني عليها وأنا اهز رجـــــلي ...
عساف :طيب ماتبغين عشى قلت لكاتي تجـهزه ...
اخذت منه محمد وقلت له
ضحى :لنيمت محـمد جيـت ...
ناظرت فيه للحين واقف كان يناظرني بتركيز سألته ..
ضحى :فيه شـي ..
عساف :لا ولاشي بس لاتأخــــرين ...
نومت محمـد اللي ماكان يأخذ وقت بتنويمـه وطلعت للصاله ....
على الطاوله مجهــــز العشـاء .. شكل عساف متكلف فيـــه ..
جلست وجت شدن تجلس ...
ضحى :وين أبوك ..
شدن :راح للمطـبخ ..
شوي دخل علينا عساف ومعه كوب مأدري وش داخله وجلس قدام التلفزيون ..
سالته
ضحى :ماراح تعشـى ..
عساف :لاا مأقدر تعشوا انتـــم ...
تصنعت عدم الأهتام وهزيت راسي بتفهم ... وبديت أكل ...
بعد العشـاء شدن اللي متحمسه تنام بغرفتها بسرعه راحت تنااام .. وكاتي تنظف المطبـخ ...
وأنا رحت للغرفه تحممت وغيرت ملابسي ونمــــت ...
صحيت على بكاء حمـودي .. ياءالله وش فيها هذا اخذته من سرير ونومته جنبي فكيت لفته ...
ضحى :حمودي ايش فيك بس نااام ..
كانت دايخه مأدري وش يبغى منــى ... بعد شوي تذكرت أكيد جوعان وين اسوي له رضعه اللحين ماجهزت عندي مويا دافيه ...
اووه ياحمودي هذا وقتك ... رجعت لفيته وحطيته بسريره وهو يبكي ...
وطلعت من الغرفه مأشوف شـي وش الظلام هذا ...
حطيت مويا على النار وجلست على الطاوله وسندت راسي بيدي ...
ثواني وصوت المويا يغلي ...عبيته بزمزمية حمودي وأخذتها معاي وطلعت من المطبـخ ...
حسيتني بظرب شي الدنيا ظلام ماني شايفه شي بس عندي احساس ان فيه شي قدامي وقفـــت وأنا احس صوت انفاسي عاليـــــه .. بس لحضه هذا مو أنااا ... سألت بثقه ..
ضحى :عسااف ...
:ياقلبه وعيـــــونه ..
حطيت يدي على قلبي وشهقت بقوه ..
ضحى :حرام عليك ليه تسوي فيني كذا ...
مافيه رد رجعت انادي عليه مافيه رد ... بجد انهبلت رحت للغرفه بسرعه فتحت النور مالقيت احد بالصاله ..
ليه عساف سوى كذا ....
دخلت وقفلت باب الغرفه سويت لحمودي رضعــــه شربها ونااام ...
جلست افكر بحركة عساف ليه فجأه تكلم وبعدين اختفى .. انقهرت اخذت جوالي وارسلت له ..ان الحركه اللي سواهااا سخيفـــــه ... ونمت ...
نهـــاية الحلقـــــه
|
25-04-10, 12:45 PM
جديد مواضيع قسم القصص المكتمله
العرض العادي
