هل يعود ؟!* - الصفحة 2 - القصص المكتملة (بدون ردود)

29-07-09, 10:47 PM

المشاركة رقم: 6

المعلومات
الكاتب:	وجه النهار
اللقب:	ليلاس متالق

البيانات
التسجيل:	Jul 2009
العضوية:	147447
المشاركات:	317
الجنس	أنثى
معدل التقييم:
نقاط التقييم:	40

االدولة

مدونتي

الإتصالات
الحالة:
وسائل الإتصال:

كاتب الموضوع : وجه النهار المنتدى : القصص المكتملة (بدون ردود)

البآرت الخـآمس .. في هالبآرت احتآآج نقدكم .. لا تخذلوني

في قمه الهذيآن..

منتديات ليلاس

عنـدمـآ ارآكِ ...

:::

وفي قمه الحنآن ...

عندمـآ آجفآكِ ...

البارت الخآمـــــس ..~

فتح عيونه برعب .. وين انا هذي الكلمه الي تتردد في باله .. فز بسـرعه وشاف الغرفـه .. هذي هب غرفته .. غرفه حصـه .. قام بسرعه وهو يسمع صوت فارس بصوته الطفولي .. بعده عمره شهر ونص ما يتكـلم .. وقف عدال سرير فارس الصغير وشافه يبتسم

: بابا وعيت ؟؟

ضحك على عمره .. تقرب من ولده وبآسـه وشم ريحه الجنه .. ريحه الاطفآل .. مسك تلفونه المرمي على الطاولـه .. الساعه 9 ما داوم .. 3 مكالمات من الدوآم .. الظاهر بيفنشوني .. هذي الكلمات الي كانت تتردد في باله .. هب متعود على الدوآم .. لانه باختصار ترك شغله في شركه ابوه والعايـله بـعد الاحداث الي صارت من تزوج حصـه .. فر التلفون .. فتح الباب.. وطلـع ..

منتديات ليلاس

فـهد

مررت ايدي بشعري .. يبالي اروح احلق .. ابا اسبح وملابسي كلها في غرفـتي الي نايمه فيها حصـه .. رحت صوب الباب .. ما اتحمل اي منظر الحين .. ان شاء الله تكون متلحفه وهب ظآهر منها شـي .. يآرب .. بروح الدوآم بقدم استقالتي وبرجع لشركه الوالد آحـسن لي ..،

فتحت الباب .. بس انصدمت من الي شفته .. كانت الغرفه معفوسـه فوق تحت .. اوراقي كلها مبعثره .. وهيه قاعده على الكرسي وآطالعني بنظرات .. خلتني اجمد في مكانـي شو لقت في اوراقي خلاها جيـه ..

قلت : يا مدآم يا محترمه .. هب من عوآآيـد بنات الاصول يفتشن في الي مالهن فيـه والحين طلعي برع غرفتي .. ما يكفي امس ما ياني نوم في غرفتج .. كنت بختنق بس لما افكر ان السرير الي خليت عليه جسمي .. كنتي مخليه عليه جسمج

تقربت مني .. متغيره .. عيونها متورمه من الصايح .. ما ادري ليش قآآسـي عليها .. استرجع كرامتي يمكن..

قالت وهيه تقرب مني .. لا بس وقفي لا تقربين اكثر .. بس هيه استمرت .. تمالكت نفسي ..

قالت لي بهمس يذبحني : لهدرجه ما اسوى في عينك

قلبي عورني عليها .. بس ما اقدر ابين لها حبي لها شرات اول ايام عرسنا .. خليتها مثـل الملكه .. تعرفون شو يعني ملكه ..

قلت : طلعي برع ..

طلعت .. قفلت الباب وبديت الم الاوراق .. شو كانت تبا في أوراقي .. شوه ..!!!

لميت الاوراق .. وانسدحت على السرير وانا اتذكر كلام ابوي ..

{

كنت حدي فرحآن .. اليوم عشقـي والبنت الي من طلعت على الدنيا واهلي يقولون لي هالبنت بتكون زوجتك .. اليوم هيه زوجتي ما بينا حاجز .. لا حمد ولا يوسـف .. انذال تراهم .. هههههههههههههه .. كانت هذي افكاري وانا اشوف شكلي بالمرايا..

مرتب اللحيـه .. ومضبط شكلي ..

انفتح باب غرفتي وشفت ابوي .. رحت صوبه حبيته على راسـه ..

قال : مبـروووكـ يا فـهد .. هالله هالله في بنت عمكـ

قلت : في عيوني يا ابوي .. هذي حصـه هب اي وحده ..

ابتسـم : تحبها ..؟؟

ضحكت بصوت عالي وقلت : هيه احبها واموت فيها بـعد

قال : ايلس اباك في رمسـه

استغربت .. يلست وهو جابلني ..

قال : فـهد ..انا ما اخترتك لحصـه الا لاني متآكد انك ما بتذلها .. ولا بتآذيها

قاطعت الوالد بصدمه : وليش اذلها ..!!

قال : لا تتكلم لحد ما اخلـص .. حـصـه يوم صغيره متعرضـه لـ حآدث ...

... حصه بخيـر .. وبعافيه .. ما حسيت انها ضعيفه او فيها شي للحين اتذكرها لما تقرصني كل ما اتقرب منها تعلم في جسدي اسبوع ..

منتديات ليلاس

طالعت الوالد اباه يكمل ..

قال : حصـه فقدت ذاك اليوم عذريتها ..

وقفت بصدمه .. : ابويه انتـه شو تقول ..؟؟!

قال : فـهد .. خلك ريال واقعد وخلنا نكمل الرمسـه ولا تصير يآهـل

يلست وانا احس باعصآبي بتفلت مني

قال : الدكتور جيـه قال .. وانت قاري وفاهم ان احيانا البنت تفقد عذريتها بدون ماتنلمس

طالعت ابوي .. يعني حصـه هب عذرا .. يعني الليله ما ...

قال : فـهد ..انته اقرب واااحد .. ولد عمها .. لو خذها ريال ثاني.. سمعتنا بتروح فيها ..

قمت معصب : وعشان جيه محيرينها لي .. عشان جيـه ..ليش ما حيرتها لـ يوسف يا ابويه .. !!

انجرحت في الصميم .. كآنهم استغفلوني.. لو كانوا قايلين لي بها الموضوع قبـل كان ما بيآخذها غيري .. بس بعد الملجه وكانهم يجبروني

قلت بعصبيه : شو خليتوا للبنات .. اذا انا الريال جبرتوني بطريقـه غير مباشره .. شو خليتو

وقف جدامي وعطآني ذاك الكف .. الي ما بنساه طول عمري ...

يمكن تحسون انه الموقف صـدمه .. لكن الي ياي .. اكبر من هالصدمه .. اكبـــــــر .. ما استغفلوني مره .. استغفلوني مرتين .. والمره الثانيه كانت بشـعه ... بشعه ..

:::

رفعت رآسي وانآ منصدم .. الوآآلـد يضربني .. وانا اقرب له من يوسـف انا المدلل ..

طالعته بصدمـه .. قال بغضـب : فهــــــــــــــــد .. الحقني للقآعه

سمعت الباب يتسكر .. لحضآت ودخل يوسـف .. طالعني وقال

: لا تفضح اهلك يا فهد

طالعته بصدمه .. الظآآهـر ان الوآلد خيفآآن اني افشلهم وما احضـر .. .للحضآت كنت عادي اسويها .. هب من شي .. من الاستهآآنه الي حقروني فيها .. حصـه نآآعمه .. في كـل شي .. حتى عوآآطفها .. اذا تركتها في هذا اليوم بتدمـر .. قلت : منو يدري بالسآلفه ؟

رد : انا الحين دريت .. خبرني ابوي .. واكيد ابو حصـه .. وحمد اخوها

قلت وانا اعصآبي مشدوده : وحصـه ؟

قال : ما تعرف شي ..

تقرب مني خلى ايده على جتفي : فهد .. لا تكسرها دخيلك .. ترآآها ما تستاهل الا كل خيـر ..

كلامه كسرني انا .. حبي لها .. وكلآم اهلي. والنخوه والشهامه تخليني اروح لها ..

ركبت سيارتي .. وطرت للقآعه .. الناس تهنيني .. يباركون لي .. حمد كآن يطالعني بغضب .. ما ادري ليش ..بس لحضآت وعرفت .. لانه تقرب مني قبل لا ادخل اصور وياها

قالي بنبره تهديد :حصـــــه اذا اذيتها بذبحك

طالعته .. هذا شو يقووول ... يهلوس .. ودرته وطلـعت ..وانا امشي صوبها .. صوت الزغاريط .. وابوي ويآي .. وابوها .. صدموني . والله صدموني والا انا ما بخبر اي حد .. محد بيدري .. طالعتها وهيه بالابيض .. وكلماتي ايام الملجه تترد في بالي ..

حصـه : فهد لا تقرب مني ..

طالعتها وانا امثـل العصبيه : شو بتسوين ليله الدخله ؟

احمر ويها .. قالت : فهد.. خلني اتعود عليك فتره

تقربت منها .. خليت ايدي على خدها ..نزلت راسها بخجل ..

قلت : انتي تآآمـرين امر .. اهم شي تكونين مرتآآحـه ..

كآآنت ملكه .. بس كلمآآت ابوي تترد .. حصـه هب عذرا ..ما ضايقني هالامر .. كثـر الاستخفآف فيني من اهلي واهلها .. حتى هيه كآن لازم يخبرونها .. ما بكذب عليها .. من اول ليله .. بخبرها بكلآآم ابوي ... ما ببدا حيآتي بكذبه .. الي يبدا صـح .. يستمر .. والي يبدا غلط . . ينتهي قبل لا يبدا ...

}

التفت على تلفوني الي يرن .. وكآنت سآره .. ابا انسى كل شي .. مسكت تلفوني ورديت ..

: بعد قلب فـهد.....

نور

فتحت عيني وانا احس بخوف .. اليوم بشوف فيصل بعد موقفه وياي .. شو بسوي .. رتبت شكلي بشكل هآآآدي .. ما احب الفت الانظآآر ..

لبست وطلعت شفت امايه تفطر .. والولد يقرا الجرايد .. سلمت عليهم فطرت على السريع ورحت صوب الجامعه ..

ماشي يهدي مثل القرآن جيه قالت لي ام ساره ..آم ساره وآآيـد تهتم فيني .. احـب اكلمها .. وايلس وياها نصآآيحها تريح القلب ,.., .,, كل ما اتضآآيج اروح لها..هالشي الي وثق علاقتي بـ سآره .. استغرب من علاقـه سآره ويا امها.. حاولت اكثر من مره ادخل ,, بس سآره تنفعل دآيمـآ كل ما اييب لها سيره علاقتها ويا امها ..

قلت لسايق : رشيد شغل اذاعه القرآن

ابتسم رشيد .. سايقنا من 15 سنه.. والدي يحبه .. وانا بعد .. احسه قريب من عايلتنا وارتاح وانا راكبه وياه .. يا صوت العجمي .. يارب .. يارب سآعدني على هالفيصـل كنت ارتجف .. بخوف .. بس صوت التلاوه خلاني اهدى ..ومآ حسيت الا رشيد وهو يقول

: نور

منتديات ليلاس

شفت اني وصلت الجامعه .. سحبت شنطه جهآزي اللاب توب .. ودخلت الجآمعه .. كانوا كلهم يطالعوني .. الشباب والبنات .. فيه نظرات احتقار .. شو بلاهم اليوم انا شو مسويـه ..نزلت راسي من نظرات الشباب الوقحه .. وما رفعتها الا وانا اشوف شخص واقف جدامي رفعت راسي وشفت فيصل في ويهي .. وهو يبتسـم .. تذكرت الموقف .. غمضت عيني بقو ..

ضحك : ههههههههههههههههههه

تقرب مني وانا متسمره مكاني وهمس في اذني : ترا كل الي هنيه يدرون بالي صار بينا .. بس فيه تغيرات طبعا.. انا ريال .. واذا بنت اغرتني بجسد مثل جسدج المنحوت .. ما اقدر اقاومه .. غلطت وياج .. وابا اعلن توبتي.. انا اخاف ربي ..

فتحت عيوني وانا اشعر بتقزز من الي يقوله .. هذا اكيد تخبـل .. طاحت الدمـعه .. ما قدرت اصارخ او اسوي شي .. كتم كل كلماتي بكلماته المغمسه بقذارته ..

كمل وانا ابا اصارخ عليه .,.

: فقلت للكل هنيه .. حذروا منها هالبنت .. اخاف على ربعي منج ..

دزيته وضربته على صدره .. والتفت بسرعه برجع البيت .. وشفت ساره اطالعني مع الناس المتجمعين حولينا .. الكل شهد الموقف .. تمنيت الارض تنشق وتبلعني ..

.. الريم .. جاسم .. الكل ...

نظراتهم صعب علي اتحملها ...صـعب .. طالعتهم اترجآهم بعيني.. بس كل واحد فيهم لف عني وتهرب من نظرآآتي.. شهقت بصوت عالي .. شفت سآره بين ويوه الكل ..

يوسف

وقفت عند المرايا وانا اعدل الغتره .. شفتها نايمه .. البيت ما فيه خدم ..هيه ترفض دخولهم للبيت..كل شي كانت تسويه بايدها .. رحت صوبها مررت ايدي على بشرتها النآعمه وطلعت .. بروح صوب بيت ابويه بتريق .. وبخلي امايه ترسل لنا ريوق للبيت اليوم هيه تعبانه علني افداها ..

ركبت سيارتي .. وطلعت .. وقفت عند بيت ابوي وانا اتعطر بدهن العود .. نزلت وانا ابتسم واشوف الوالده يالسه فالحديقه والولد يقرا الجرايد ..

سلمت عليهم وقعدت اتريق.. رفعت نظري على صوت امايه : يوسف ..

قلت : امري يالغاليه

قالت : شكله بيتكم ما فيه اكل اشوفك مفجوع

ضحكت : ههههههههههههههههههههههههههههههههههه امايه صراحه ماشي نفس الخبيصه الي تسوينها .. وبعدين امس مهره شوي تعبت

امايه وعينها دمعت : وااايه عليها ..تعبانه مهره يا يوسف .. تعبانه وانا اشوف حالها .. ربي يرد لها ضناها

في خاطري اقول لــ آمايه.. تشوفين تعب مهره .. ضاعفيه الف مره .. ترا هذا تعبي ..

قالت : انا برسل لها ويا السايق ريوق .. وغدا بالمره .. فديتها .. والله انها ورده هالبنت

ابتسمت .. امايه تموت فيها ..

زاح الجريده من قدام ويه .. وقال بصوت الي يدل على قوته : ماادري على شوه صابر ولدج .. الحريم مكثرهن .. ومن باجر نخطب له بدال الحاله الي عايش فيها كل يوم ياكل في مطعم والا عندنا والا حرمته تعبانه ..

سكت .. بس الوالده ردت : بو يوسـف .. مهره ما تستاهل انه يعرس عليها .. ولدهم بقوه ربي بيرجع ان شاء الله .. انا مدعيه له وانا فالحي في بيت الله

طالعت الوالده وابتسمت بالم .. ادعي . دخيلج امايه ادعي عسى بس يرجع ابا ارتاح ..

ابويه : الظاهر انج انتي الي مقويتنه .. ام يوسف .. ولدي بيعرس .. ابا اشوف عياله ..

وسالم ..الله عطاهم اياه .. والله خذه ..

قمت بسرعه بضيجه .. لا ولدي ما مات.. ما مات .. ركبت سيارتي وانا اسمع امايه تصارخ علي وتناديني .. طرت بالسياره صوب الشركه .. من وين بلقاها والا وين .. !!

آعرف ليش ابويه هب متقبل مهره لاني انا أخترتها بروووحـي .. مستوآآهم الاجتمآآعي غير

نهآآئيا عن عائلتي وابوي من النوووع الي ما ينآآسب اي حد على قوووولته ..

عمـر

كنت فالطآيـره.. التفت صوب مايد الي يهز راسـه .. وهو يسمع الاغاني في الاي بود .. ورجعت لحديثي ويا ابويه ..

{

ابويه : انا برجع لـ للبلاد .. لان فيه انسانه تنتظرني ..

ابويه معرس .. هذا الي توقعته قلت وانا اعصآبي مشدوده : منوه ؟

قال : عمتك

طالعت ابوي بصدمه... بس الي اعرفه ان عمتي توفت.. من بقايا ذاكرتي .. وفجاه سافرنا وكنت كل ما آسأل عنها يقولون ماتت ..

طالعته اباه يكمل

قال : هي ما ماتت.. الي صار .. انها كانت متزوجـه غصبا عن العايله وخذت ابو ساره... اتزوجها غصبا عن العايله .. في يوم آآسود ومنحوس . .هربت من البيت ... وتزوجتـه .. آنصدمنا ما توقعنا انها تسوي هالشي .. .. وابويه تعب .. انا كنت بذبحها بس ما شفنآهـا الا وهيه حآآمـل .. وكآن ماشي فآيـده من الكلآآآم .. بعد ما حملت يت في يوم عندنا .. كنت نآزل وانا شال مسدسي في ايدي .. ابا اغسـل عارنا .. بس هيه قعدت تصيح جدآآم آبويه .. وتستسمح منه ... ابويه سامحها لانها دلوعته .. وانا رضيت بالوآقـع او انغصبت اني ارضـى .. لان يدك هو الي قآل لآحد يلمس فيها شعره .. بس كل شي تغير بعد ما رجعت وطآلبت بنصيبها من ورث ابوي .. قبل لا يموت .. كانت صدمه .. كان زوجها يطالبها بفلوس .. توفي ابوي بعد فتره .. من همه وضيجته .. وعطيتها حقها وتركت البـلاد لان الناس كلها تتكلم عن عمتك .. وعني .. وعن ريلها الي سمعته هب زينها .. خفت على شغلي ومكانتي .. سافرت بريطانيا .. وقطعت علاقتي فيها .. بس الحين صآر لازم ارجـع خصوصا بعد الي سمعته و وصلني .... عمتك كلمتني.. ما اعرف كيـف وصـلت لي .. بس كلآمها خلآني..آخآف عليها .. وعلى بنتهـآ .. لازم نرجـع يا عمر .. انا متكـل عليك في الي بيصير خلال الآيآم اليآيه ... مآيـد محد يتكـل عليه.. انته تشوووفـه .. غاسـل ايدي منه ..

}

رجعت للواقع على صوت يآهل تضحك بصوت عالي

طالعتها في حضن مايد وهو يدغدغها .. ابتسمت ..شفته شلها وبدا يعلمها ترقص وهيه فاجه حلجها واطالعها .. هههههههههههههه ... يلست تسوي نفس حركآته .. شكلها تحفـه .. وهو مبسوط .. اول ماشفت المظيفه قلت الحين بتهزبهم على صوت الموسيقى والصدعه الي صآيره فالطايره ...بس مايد قـعد يضحك ويا المظيـفه هذا غير انه مسكها ورقصها وياه .. فجيت عيوني .. عنده سـحر خاص على حوآء .. يجذبهن .. يخليهن ملك لـه .. ما ادري كيف .. هذي نعمه والا نقمـه .. بس الي متآكد منه اني انا ابدا ما اجذب البنات باسلوبي .. لاني جاف وااايد وياهن .. التفت على البنات الي يضحكن .. شكلها اختهن .. وعيونهن على مآيـد .. خخخخخخخخخخ

مهره

فتحت عيني بتعب ..خليت ايدي على الطرف الثآني .. شكله قآآم ,, رآح دوآمـه .. ما تريـق .. قمت بسرعه وخذت شور سـريـع .. وطلعت .. وقفت جدآم المرآيـآ .. تذكرت كلمآت حصـه

" مهره اهتمي بنفسـج .. بتتغير نفسيتج "

فتحت الكبت .. طلعت لي بنطلون جينز ,, وقميص لونه بنفسجي .. نآآعم .. فتحت شعري ورتبـته .. طالعت نفسي في الاخير .. جيـه اوكيـه.. تعطرت .. ويلست .. فآآضـيه .. ما عندي لا شغله ولا عمله .. وهالشي يخليني افكر وآآيـد .. مسكت تلفوني ... بدق لـ جآسم اخوي.. لحضآت وياني صوته ..

هلا حبيبتي ..

ابتسمت : هلا جآآسم شحالك ؟

قال : بخير الحمد الله... شخبآرج انتي؟

رديت : بخيـر .. ماشي اخبآآآر يديده !!

تنهد : لا والله ولو شي خبرتج ..

عرفت ان ماشي اخبآر عن سآلم .. جآسم اخوي هو الي مآسك القضيـه ..

قلت له ابا اغير الموضوع .. على اساس ما يلتفت لنبره الحزن الي فصوتي : وين انته ؟؟!

رد : في بيت عمي ...

قلت : خلآآص .. بسكر عنك ..

سكرت التلفون ورميته على الطآولـه .. أوووووف .. شو هالملل .. كآن صوته مالي علي البيت .. صوته .. سوالفه .. توم وجيـري الي نتابعهم ويا بعض ... بس يا مهــــــــــــره بس من هالافكآآر .. رجعت انسدحت على السرير ... ماعندي شـغله ... حتى المطبـخ الي آحب ادخله واتفنن فيه مـآلي له بآآرض ...

سآره

كنت رايحه صوب الجآمـعه مستعيله .. احس اني بتآخر على الكـلاس .. دخلت الجامعه .. كنت اسمع صوت فيصل النشآز ..

دفعت بايدي الشباب الي ملتمين والبنات واصوات الهمس شفت نور تصيح دفعته وانا ما قادره اصدق الي يقوله .. شفتها في ويهي .. حسيتها بطيح

صآرخت : يا حثآآآآآآآآآآآآآآآله اذا تكلمت عن نور بذبحك

ضحك : هههههههههههههههههههههه انا حثاله والا انتي وربيعتج .. كل وحده تتستر على الثانيه .. انتي عاد فاضحه عمرج بعمرج .. بس هيه لابسه قناع البرائـه وخادعه على الكـل

صارخت : تخســــــــــي يا الكـ.......

قال : هههههههههههههههههههه ..

ودرني وراح وانا احترق .. بغيت اتخبل .. خاطري اكسر عظآمـه .. بس نور خطفت تركض وظهرت .. بس كل الي فالجامعه يطالعوني

قلت : شو فيكم .. صدقتوا رمسته ؟؟

ياني صوت وآحـد : والله انا كنت متوقع انج من هالبنات الي استغفر الله بس نور ما توقعت.. الا الليله وياها بـكم ..؟؟

وقفت مصدومه نور ماتستحمل هآالكـلام .. ركضت ابا اتبعها .. شفتها تطلع صوب كووفي الجآآمعه .. ركضت ورااااها ... دخلت الكوفي .. شفتها قاعده على طآآوله وفاره اغراضـه على الارض وتصيح.. الكوفي شبه فاااضي .. النآآس في قاعاتها .. رحت صوبها .. سحبت الكرسي وقعدت ..

قلت : نووور ..

طالعتني وصآآآآآحت .. الله يغربلني شو سويت فيها .. شو سويت ..

خليت ايدي على كتفها : انا والله احبج مالي غيييرج نور .. والله

طالعتني .. حضنتني .. وقالت : سآآره بعديه عني .. دخيـلج خليه يودرني .. ماباه .. انا لما اشوفه تلوع جبدي .. دخيييييييييييلـج ..

قلت لها : اهدي الحين .. آآهدي .. خلينا نروح المحآآظره ما عليج من حد ... واذا اي حد تعرض لج .. بس خبريني ..

طالعتني ... طمنتها بعيني .. وقلت :يلآآآآ

مآيـد

فتحت عيوني بتعب وانا احس بحد يهز كتفـي .. شفت عمر

What ?

( شوه ؟؟)

قال : وصلنا قوم ..

قمت بسـرعه شليت شنطتي الي فيها جهاز اللاب توب مالي .. وداعي ويا جين كان مؤثـر .. اكثر وحده تعلقت فيني .. وعطتني كل الي ابيه .. اول ما وقفت برع الطيآره .. ضربني هوى حرارته مثـل اللهيب .. صآرخت

I cannot stay here , the weather is very hot please

( انا ما اقدر اعيش هنيه .. الجو حآآآآآآآآآآآآآآآآآآآآر .. دخيلكم )

طالعني عمر ..: ما وقتك ..

شليت الشنطه بتافف .. شو هذا خذنا ساعتين لحد ماخذنا شنطنا ..طلعنا .. الحين بنروح الفندق برتآآآح .. ابا انآآم واشغل التكييف اذا عندهم بـعد تكييف ..

شفت ابوي وعمر يتناقشون

Where we go now ?

( وين بنرووووح الحين )

عمـر : الحين بتشوف ..

تآففت .. ما ابا ارمس وياهـم ابد.. حتى التكسي هب مريـح .. شو هذا ...؟؟؟!!!!

رفعت راسي اول ما وصلنا عند بيت فـخم ... هذا بيتنا .. شفت ابويه ينزل .. نزلت وراه انا وعمـر .. اووف .. شو هالجو ..

دقيناالجرس .. طلعت لنا خدامه ويلست تكلم ابوي .. وانا اتآفف .. متى نروح الفندق .. هذا وقت زيآرات الوالد .. لحضآت .. وطلعت حرمـه كبيره شوي بس هذا ما يمنع انها حلوه .. وقفت اطالع ابوي .. وبعدها صارخت وفرت عمرها في حضنه .. فتحت عيوني .. الوالد ما شاء الله بـعد علاقات ..

شفت عمر يبتسم فرحان .. تقربت منه وهمست

Is she his gilr friend ?

( هذي حبيبته ؟؟؟)

طالعني بعصبيـه ..

قلت

What .. she is beautiful

( شو فيك ... ترآهـآ حلوووه )

التفت ابويه علينا وقال

: يا عيال هذي عمتكم

عمتي .. اووف وانا اتوقع الوالد عنده قصص حب ..

شفت عمر يحضنها ويحبها على راسها .. لازم بـعد انا اسوي جيـه .. كنت بمد ايدي .. بس شفت نظرات الوالد الي تهددني .. كانت تقول كلام .. نصـه افهمه ونصـه لا

دخلتنا داخل .. ابا انااااااااااااااام ..التفت صوبها وهيه تقول

: هنت عليك يا ابو عمر تخليني كل هالسنين ..

ابويه راح صوبها وحضنها .. وعمر مستمتع وفرحان .. متى يخلص هالمسلسل التراجيدي بس ..لحضآت .. ونزلت بنت .. لا هب بنت .. هذي صآروخ .. عمر قايل لي يتغطن .. اشوفها هالبنت كآشـفه .. كانت لابسه شورت لنص فخذها لونه احمـر .. وبيآض جسمها مبين ولافت .. قميص ماسك ..لونه رصآصي ومكتوب عليه بالانجليزي

I am beautiful

شعرها اسود طويـل ملامحها مغريه لابعد حد .. شفايفها الممتلئـه .. بلونهن الاحمـر .. تشهي .. تعرفون شو يعني تشـهي .. كانت نآزلـه .. هسمت في اذن عمـر ..

Oh my heart

( آآآخ يا قلبي )

طالعني بعصبيه وضربني على صدري بقو ..

ساره

من رجعت من الجامعه وانا نايمه من القهـر .. فيصل خاطري اذبحه .. نور محتآآيه لي انا متآآكده من هالشي .. هيه ضعيفه .. ومحد بيساعدها غيري .. وهيه تعرف هالشي .. ما صدقت انها رجعت تكلمني ..

قمت وقفت عن البلكونه شفت امايه في حضن واااحد .. شو الي قآعد يصير .. حسيت برجـفه .. معقوله .. مسحت دموعي ونزلت وانا مقهوره ..

دخلت عليهم الصاله ..

منتديات ليلاس

صرخت : منو هذيـــــــــــــلاااا ؟؟؟؟

التفتوا صوبي .. قلت : بررررررررررررع هذا بيتي انا .. واعتقد انه ملك ابوي .. يا انتي ما ادري شوا سمج .. طلعي ربعج وظهروا برع ..

ما حسيت الا بكف على ويهي .. طحت على الارض .. رفعت نظري وكان جدامي واااحد يطالعني بعصبيـه ..

نهآيـه البآرت ..~

هـالمره عاد البآرت طووويـل ..

متلهفه لـ اصآآفـح تعليقاتكم وانتقآدآتـكم

منتديات ليلاس

وجـه النهآر~

منتديات ليلاس

04-08-09, 09:51 PM

المشاركة رقم: 7

المعلومات
الكاتب:	وجه النهار
اللقب:	ليلاس متالق

البيانات
التسجيل:	Jul 2009
العضوية:	147447
المشاركات:	317
الجنس	أنثى
معدل التقييم:
نقاط التقييم:	40

االدولة

مدونتي

الإتصالات
الحالة:
وسائل الإتصال:

كاتب الموضوع : وجه النهار المنتدى : القصص المكتملة (بدون ردود)

البأإأرت السآدس ~

البارت السآدس ~

رغم الضوضآء من حـولي

الا ان صوتـه مسموع .. وهمّش اصوآآت الاخرين ,,

الا انني لا ارآه ,,

رغم الضوضآء من حولي ..

الا انه جآآء لينقذني .. وهمّش كل آخطآئـي ..

الا انني لا امد له يدي ..

رجـل ثلآثيـــــــــني } ..

كآنت الاجوآء كلها مشآكـل في بيت ام سآره .. ام سآره قلبها يعورها على بنتها .. وفي نفس الوقت .. ولد اخوها ما غلط .. سآره كانت منصدمه من الي قآعد يصير .. تحس عمرها في كآبوس .. منو القذر الي مد ايده عليهآ .. كانت بتصيـح بس مسكت نفسها دموعها ما تتنآثـر جدام شخص غبي .. ما يعرفها .. ولا يثمنها..

مايد هو الي في عآلم ثآني .. صديقآته .. و وداعه من ربـعه .. ورجوعه لها المكان الي يعتبره مكان غريب عليـه ..

آبو عمر منصدم من تصـرف ولـده .. ما كآن لازم يتسـرع ويتصـرف بـ هالاسلوب ..

بس هو عآذرنه في نفس الوقت .. لو تآخر ثوآآني .. كان هو الي ضربها ..

سآره

صارخت : انته اكيد تخبـلت .. بكسر لك ايدك

شدني صوبـه وقال : وطي صوتج وعلى غرفتج ..

صآرخت ويت امآيـه صوبي .. والتموا كلهم .

: منو هذيـــــــــلا ..؟؟!!!!

قالت : هذا خآلـــــــــج وعياله ..

طالعتهم بصدمـه سحبت نفسي من المكان وطلعت غرفتي .. من انولدت للحين محد ضربني .. الحقير مد ايده والله لكسرها له .. حقيــــــــــــر .. كسر ايده بيكون علي .. انا بعلمه الادب .. وما يمد ايده .. هو ما يعرف منو انا .. انا سآآآآآآآآره .. الي كل هالعز ملكي انا .. انا .. .. كسرت كل شي جدامي .. انجرحت ايدي وبدت تنزف .. بخليك تندم ..بعدك ما تعرف منو انـآ .. آذا خليت حد في رآآسي آآخليه يكره حيآآته .. ما عليه .. ما عليييييييييييييه .. الزمن بينآ ...

عمر

طالعت ايدي بعد ما ركضت هالحقيره من الصآلـه .. انا ولا عمري مديت ايدي على بنت .. هب من طبآيعي .. بس قله ادبها .. بشكل فضيـع .. ما قدرت اتمالك نفسـي .. ما قدرت ..

طالعني ابويه بعتب ..

قلت لعمتي : انا آسـف ..

طالعني مايد ..

Are you stoped how can you do that?

(( انته غبي .. كيف سويت جيـه ؟!))

عمتي : لا يا عمر .. هيه قله ادبها تستآهل

تلومت .. من اول يوم جيـه ..

التفتنا كلنا على مآيـد :

I want to sleep

راحت عمتي صوب مايد.. خلت ايدها على خده وقالت

: مايد فديتك الحين بخلي الخدامه تجهز لك احسن غرفه .. مشتاقه لكم .. لريحتكم .. وحضنته وهو ما تحرك ..

اشرت له احضنها .. حضنها وانا اسمعها تصيح .. بعدها طلعت .. للخدم ..

التفت لابوي

قال : هذا الي رجعني .. ساره ....

طالعته: الكلام الي سمعته ما يعادل شي يا ابويه .. شكلها يبالها اعاده تربيـه ..

ابويه : عمر انته تولى المسؤليـه .. انا ما اقدر .. تعبان عن عمري

رديت : انته تآمـر ..

التفتنا على صوت عمتي .. : مايد وعمر .. غرفكم فوق ابويه .. تعالو وياي ..

ابويه قـعد تحت شكله بيلس وياها .. يتكلمون طلعت وانا امشي وراهآ .. ومايد كذلك .. دخلت غرفتي .. حبيتها فوق راسها وطلعت ويا مآيـد ..

قعدت افكر .. معقوله في بنت تعامل امها جيه .. وليش .. شكلها يبالها تآديب .. خوف .. وشك في قلبي . . مايد غلط تواجده هنيه .. لان كل بنت جدامه .. يعني حبيبته .. وبيخدع عليها .. اخاف علي ساره من مايد .. وعلى مايد من ساره .. عليه مهمات واايد وخصوصا لما قلت لابوي اني بتكفـل بـ سآره وبخليها تعرف ان الله حق ... رجعت لي صورتها وهيه تنزل بكل غرور .. نظراتها لامها .. ولنا .. وحتى ما سترت نفسها.. شكلها متعوده على اللبس الفاصـخ .. بنت عمتي جيه ونحن لاهين عنها ..

غفا وهالافكار في باله .. سآره كيف بيغيرها ؟؟؟

مآيـد

مسكتني من آيدي بلمسه كلها حنان ارتعشت .. ما متعود على هالشي انا ..

دخلتني غرفه من الغرف .. وقالت : هذي غرفتك يا مآيـد ..

قلت :

Thank gad there is ac

(( الحمد الله شي تكييييييييييييييف ))

طالعتني ويت صوبي : ابويه .. ما ترمس عربـي ؟؟!!

وقفت مكاني .. اكذب واقول لا وانا ارمس .. بس ابا اقهر الوالد .. ما ارمس الا انجليزي .. ابا اقوله انك فريتني في مدرسه خاصـه . .وخليتي شرات الاجآنب .. ما افهم العربيـه بس انا افهم .. ومركز في كلام عمر وابويه .. علمت عمري بعمري .. وربيت عمري بعمري ..

قلت : لا اعرف .. بس لا تخبرين ابوي

ابتسمت وقـعدتني على السـرير وقالت : تشبه امك ..

ابتسمت : ما اتذكرها ابدا

قالت : الله يرحمها ارتاح الحين .. ونآم ... وبعدين بنسولف ..

كانت بتظهر .. بس انا يوعان ..

قلت : لو سمحتي

قاطعتني وقالت : قولي امايه ..

ترددت في البدايه .. بس ابتسآمتها خلتني اقول : امآيـه ابا اكل ..

ضحكت وقالت : من عيوني .. الحين الخدامه بطلع لك احلى اكل ..

:::

ابو عمر كان مبـلغ اخته بموعد الرجـعه .. كلمها تلفون بعد انقطآع سنين .. اشتكت له من ساره .. قالت انها محتايه ريّال ... هالشي خلاه يرجع وحنينه للبلاد .. وكل شي في البلاد .. خلاه يرجـع بنيه يعدل سآره .. شو السبب الي خلاها جيـه ..

التفت على اخته الي نزلت وهيه تبتسـم .. يت صوبه وحضنته

: مشتاقه لكم .. انا تعذبت وااايد .. كنت اباك وياي ..

هل بيغير رجعت ابو عمر وعايلته شـي في ساره ؟؟!!!

يـوسـف

كنت في مكتبي .. الساعه 3 الظهر .. دخل عليه حمد

: بو سآلم .. انا بتغدى ميت يوع ..

قلت له وانا منهمك فالشغل : كل يوم نتغدى الساعه اربـع شو اليديد اليوم ؟!!

رد : اليوم العله حور مخلصه امتحانها وتباني ايبها على الساعه اربـع .. تعال نتغدى .. صح ما خبرتك .. فهد في مكتب الشواب .. شكله يبا يرجع قلت لك اخوك ما مال شغل ,.. مرده لنا ..

ضحكت : تعال نروح مكتبه.. ونتغدى فيه ..

ضحك : تباه يذبحنا هو ريحه عطوراته من بعد 10 كيـلو تباه يروح ريحه الاكل في المكتب .. انته نسيت انه يدخنه كل يوم بعود بروووحه

ضحكت : ههههههههههههههههه تعال انته يلا

رحنا مكتب فـهد .. وفتحنا غدانا .. غدى مطاعم .. خصوصا هالايام .. كرف وااايد فالشغل .. فنتغدى انا وحمد .. اما الشواب يرجعون البيت ..

انفتح باب المكتب .. وحمد مسك ضحكته وانا كذلك

: نعم نعم نعم مخلين مكتبي مطعم لكم .. اقول شلوا عماركم ويلا برع .. ابا ارتاح انا ..

حمد : والله بعدهم ما طلعوا قرار رجوعك ولد العم ..

فـهد : اقول واصـله حدي .. لا تخلوني اطلع من طوري

قلت: وشو بتسوي .. هاه صـح تذكرت امس عسى لقيت الي شآغلنك ؟؟

(( كنت اقصد حصـه .. ))

تغير ويهه .. احلف انه يموت عليها ويحبها ..

قال برتباك: مالك خص

حمد : تتكلمون بالرموز .. انا بشل بعمري وبييب حور العله

قام حمد وطلـع .. رحت صوب فـهد اخوي ما ارضى جيه حاله ..

قلت : شو سويت امس..

فـهـد : عذبت عمـري بس ..

مسكت ضحكتي .. : كيـف ؟!

قال : كذبت علي يا يوسـف ما اقدر آسآمحها ..

هزيت راسي وقلت له : غبي ..

طلعت وشليت غداي ميت يوع .. هع

حمد

طلعت من الشركه صوب جآآمعه حور .. الله يغربـل ابليسها هذا وقته تتعطل فيه سيارتها .. وقفت سآآآآعه عند بآب الجآآمعه .. ارتفع عندي الضغط وهبط السكر هع .. وآآخيـر شرفت .. ركبت

: هآآآآآآآآآآآي

قلت لها : كآن تآآخرتي بعدج .. سآآآآآآآآعه يا الظآآآآآآآآلمه

قالت بنعومـه : شو فيك اسلم على ربيعآآتي

صدق هنيه لو مآآكنت في السياره ما بتحس الا الكف على ويها

قلت : وربيعااااتج ما بتشوفينهن بآآآآآآآآآآآجر !!

ردت : بشوفهن ..

قلت : صدق مآآصخآآت

تآآففت : خلنا انزين نسمـع شي ..

رآآحت بتشـغل الـ اف ام .. طآآآلعتهـآآ

وش جآآه محبوبي مشى وخلآآني ما بين نيرآآني وبين احزآآآني

والي يسوي سوآآته ماهو عاقل ..يحبني مووووت ويصآآحب ثآني

قطعت الصوووت ... وقلت : سيآآآرتي انا اتحكم شو اخلي فيها ..

ردت : حممممممممممد

ضحكت عليها ورجعت طولت على الاغنيـه .. رن تلفوني ..

حور

التفت على اسم يـوسـف .. شو يبا دآآق لـ حمـد .. خليت ايدي على قلبي .. انا حآآسه انه بيخطبني قريب .. هند احسن مني ملجت .. والا هذيج هدى كل يوم تتكلم عن خطيبها .. وشو يقولها في التلفون .. مآآآلت بس ..

سمعتهم يتفآآهمون على موضوع في الشـغل ... مصيرك تمل يا يوسـف من هالمهره ...ومردك لي انا .. خصوصا ان عمي يبآآآني لـ يوسـف ..

رجعت على صوت حمد

: حوور يلا نزلي بسرعه ما فيني آآتـآخر اكثـر على الشـغل

ابتسمت ونزلت وانا بعدني افكر في يوسـف .. ما ادري ليش يجذبني .. يعيبني الرجـل الثلآآثيني ....الشعر الابيض .. اااه .. شكله هو ما بيحس لليوم الي اصآآرحه فيه ..بس آآخـآآف يصدني..بتحطم

نور

فتحت عيوني .. من امس ما طلعت من غرفتي

.. كلام فيصل ذبحني .. قمت بسرعه من السرير .. دخلت الحمام خذت شور سـريـع .. وطلعت بعد ما لبست تنوره قصيره لونها ابيض وقميص لونه وردي .. مشط شـعري .. لبست عباتي المسكره وقلت بروح لسآره ..اكيد هيه بـعد ما داومت اليوم .. آكيـد .. انا اعرفها ..

ركبت السياره ورحت صوب بيت خالوه ام سآره .. نزلت .. فتحت باب الصاله .. هذا بيتي الثآني .. كانت السآعه 4 العصـر.. فريت العباه على الكنبه ورحت صوب غرفـه سآره .. بس وانا اركض على الدري .. ضربت في حد وهالشي ..شل تفكيـري .. رفعت راسي وشفت عيون وساع اطآلعني .. بغيت اتخبل انا كيف ظاهره جيـه بلا شيله ولا عباه .. ومنو هذا .. حوط ايده على خصـري كنت بطيـح من على الدري .. ماحسيت بنفسي الا بحضنـه وانا ارتجف .. ابتعدت بسرعه وركضت .. شو هذا .. ومنو هذا .. شو الي صآر .. تنفسي تزايد وانا اتذكر عيونه الحاده وكيف كان يطالعني بياكلني بعيونه .. منو هالريآل الي في بيت سآره .. دخلت غرفتها سكرت الباب وقعدت على الارض اخذ انفآسـي ..

التف صوب ساره الي اطالعني مستغربـه : شو فيـج ؟؟

شهقت : انتي الي شو فيه ويهج صاير احمر .. كآنه حد صاطرنج على ويهج ..

قالت : النذل الحقير اكرهه ..

قلت لها : منو هذا الي في بيتكم .. شافني وآنا جيـه

قالت : هذيل عيال خالي ..

طالعتها مستغربه .. اول مره اعرف ان عندها عيال خال ..

قالت وهيه تشوف شكلها في المراآيـأ : الحقيـر يعل ايده الكسـر ..

قلت : منو

قالت : ولد خالي . .ضربني ..

شهقت : والله

قالت : قومي نتمشى على البحر انا تعبانه

قلت :فديتج هاتي لي عباه وشيله

تلبست ونزلنا.. المكان فاضـي..طلعنا ويوم شغلت ساره سيارتها التفت على صوت ..

Excuse me

التفت ساره وانا وياها .. هو مره ثانيه .. كان يطالعني بنظرات وقحه وجريئه وكاني للحين بشعري ولبسي المايع مالقيت البس قصير الا يوم شافني ..

قال ونظره صوبي

I want to see the country can I go with you

(( ابا اشوف البلآآد .. ممكن اروح ويآكم ؟!))

طالعت ساره الي لفت صوبي ..

قالت : شكله ولد خالي ماا يرمس عربي .. من زود الفلاحه يعني ..

ضحكت وهو يمرر نظراته بيني وبينها ..

قلت : مابا بعد الموقف الي صار ما اقدر اطالعه في عيونه دخيلج قولي له مره ثانيه

قالت :هههههههههههههههههههه .. غبيه انتي ابا اعرف عن اخوه الحقير الي مد ايده علي كل شي عشان ادبر له مصيبه تخليه يرجع للمكان الي يا منه ...ما اكون انا ساره

قال

What now

ردت ساره

Ok come with us, we will go to the beach

(( اوكيه تعال .. بنروح البحـر ))

يا صوبي وتقرب مني لدرجه فضيعه تروعت ورجعت لورى .. التفت عليه يوم فتح لي باب السياره ..طالعته مصدومه ..

ساره : هههههههههههههههههههههههههههههههههههههههههههههه .. شكله اتكيت ودنيا .. شغلوه عندكم سايق بدال دريولكم رشيد

قلت : يخسي الا هو ياخذ مكان رشيد ...

ورآح الصوب الثاني وفج الباب لساره وهيه عايبنها ..

اول ما ركبنا .. ركب هو ورى ..التفت على ساره الي حركت المرايا وصوبتها صوبه ..

قلت : انتي ما تستحين شكله هذا شبعان من بنات ......(( سكت )) .. الا هم وين كانوا عايشين ؟؟

ردت ساره : بريطانيا .. امس قالت لي الخدامه

ضحكت: خخخخخخخخخخخخخخخ .. شكلج ماقادره تظهرين من غرفتج بعد الكف المحترم

طالعتني وهيه معصبـه : جب لا افرج برع سيارتي الحين.. خليني اشوف عيونه عذآآآب ..

تحركت السياره .. بس هو مركز نظره علي .. وهالشي ضايجني .. كل الرياييل قذرين .. وتفكيرهم وصـخ شرات فيصـل

تناقشت وياه ساره .. قالها ان اسمه مايد .. واسم اخوه عمر .. وان اخوه دكتور ..

وقفنا عند البحر ..

شفناه ينزل وبدا يصور ... قلت لها : لاحضتي انه لابس حلق في اذنه

ساره : انتي ليش اطالعين ولد خالي .. على فكره بياكلج بعيونه

انحرجت وقمت بسرعه بضيجه : انتي شو تقولين ؟؟

ضحكت : هههههههههههههه بلاج عادي ..

قلت : لا هب عادي ..

لفيت وطالعته وهو يصور ..

كان يصور البحر ...شكله غريب ..الشعر الطويل اللبس الغريب .... والحلق الي في اذنه .. واسلوب كلآمـه .. آحسه وااايد ماخذا اطبآع الغرب ..وآآآآآآآآآآيد ....

مايد

المكان اكثر من روووعه والجو هآدي .. بديت اصور هوايتي ضحكت وانا اتذكر كلامهن .. يتحسبني ما ارمس عربي .. بس هالبنت الي اسمها نور .. خجلها .. يجذبني وانا ما اقدر امسك عمري اذا شفت بنت حلوه.. اول مره اشوف هالنوع من البنات .. البنت الخجوله .. كل الي قابلتهن في حياتي جريئات وفاصخات الا هيه ..

رجعت للموقف الي صار بينا .. كانت في حضني.. ادري انا متعود على البنات بس خوفها جذبني اكثـر تنفسها السريع .. احمرار بشرتها اول ما شافتني للمره الثانيه .. ولما قالت لساره عيب عليج لا اطالعينه .. نوع مختلف على مايد .. وانا احب انوع ..رحت صوبهن ..

سآره : خاطري اعرف عن عمر اكثـر بس هذا منطب وسآكت ..

منطب ما فهمتها .. بس سآكت .. يعني تباني ارمس ..

قلت : انتي ما ترومين على عمر

شهقن وطالعني .. فجن عيونهن .. ونور احمر ويها اكثـر واكثـر ..

تقربت منها وقلت لها : يا جمالج .. كآنج دميـه ..

مديتا يدي وخليتها على خدهآ .. : ليش جيـه؟؟

ضربت ايدي وصآرخت : انته ما تستحي..

كانت عيونها مليآنه دموع .. استغربت هذي شو فيها ..

لفت لـ سآره وقالت : انا بتصـل بسآيقنا يأخذني من هنيه ..

سأره وقفت بتلحقـها .. مسكت ايدها : انا سويت شـي غلط ؟

قالت : ودامك تعرف عربي .. ليش ما ترمس عربي ... وبعدين ما يحق لك تمسك ايدها والا خدها .. انته اكيد استخفيت

قلت لها : ليش .. شو الغلط ؟؟

طالعتني مصدومه : انته شكلك ضارب مخك ..

ابتسمت وانا اتذكر كلام عمر .. البنات هنيه غيـر ..

شفت سياره اتي صوبها وهيه تركب ..

قلت : زعلت ؟

تقربت مني وضحكت .. خلت ايدها على كتفي وقالت : عايبتنك ..

قلت : هيه .. اباها تكون

My girl friend

( حبيبتي )

ضحكت : بعدك ماتعرف نور ..

طالعتها مستغرب .. قالت : يلا نرجع البيت .. بكلمها تلفون وبشوفها وبراضيها ..

عمـر

فتحت عيني بتعب .. سحبت التلفون .. التوقيت بعده على توقيت بريطانيا .. قمت وشفت ساعه فالغرفه الي انا فيها .. الساعه 1 فالليـل .. ميت يوع .. الظآهر ما وعوني من النوم .. قمت خذت شور وانا احس بتعب .. هذا ميود النذل انا قايـل له وعني المغرب .. ماشي فايده فيه .. طلعت من الغرفه بالبجآمـه .. ما اعرف الغرف .. ابا اكل شـي .. نزلت تحت .. اكيد المطبـخ تحت ..

الباب كان مفتوح وفيه صوت .. تقربت وشفتها .. هذي هيه .. بس المره غيـر .. كآنت لابسـه بجآمـه طويـله .. تعرفون انها لما متستره .. مغريه اكثـر .. ما ادري كيف افسـر بس المره الي قبـل ما حسيت انها حلوه ابدا .. اما المره احسها مقبوله ..

آحم آحم .. التفت هيه ولما شافتني كملت اكلها .. فتحت الثـلاجه .. كنت احسها تبا تضربني .. احس انها مقهوره مني .. خذت اقرب شـي .. كان فيه صـحن مليان فطآيـر .. ميت يوع حدي .. خليته على الطآوله وبديت اكل وهيه مجابلتني ما رفعت راسـي .. لما حسيت انها بتطلـع قلت

: سآره .. وقفي ..

وقفت والتفت صوبـي وقالت بمياعه وقله ادب : انا على كيفي .. اذا ابا اوقف بوقف.. واذا لا ما بوقـف .. خير دكتور عمر .. شو تبا .. ؟

رفعت حاجبي . الظآهر مشتغله استخبارات ..

تقربت منها وقفت جدامها تماما .. وقلت : من اليوم ورايح ما ابا اشوفج بدون شيله فالبيت .. البيت فيه ريآييـل اعتقد .. وعيب شكلج جيـه ..

ضحكت : ههههههههههههههههههه ..

تقربت مني .. خلت ايدها على كتفـي .. كنت منصدم من جرئتها .. ما كانت بينا خطوه .. اذا دخل اي حد بيفكر بشي غلط ..

تقربت من اذنـي وهمست : لـ هدرجـه انا مغريه وهب قادر تمسك نفسك يا ولد خآلـي ..

هنيه انا صدق انفعلت .. قلت لها وانا اطآلعها في عيونها : الظآهر انتي ما شايفه عمرج فالمرايا .. انتي اقـل من ان يطلق عليج لفظ عآديـه ..

تغير ويها وقالت : هذا بيتي .. وانا بطلع فيه على كيـفي الي ما عاجبنه .. يطلع بـرآآآ..

التفت بتطلـع .. من قهري من قوتها وغرورها .. سحبتها من ايدها بقو .. ما حسيت الا بشعرها يضرب في ويهي .. قربتها مني وقلت بنرفزه : هذا البيت ما بطـلع منه الا وانا معلمنج الادب يا بنت عمتي ..

ضحكت : كان غيرك اشطـــــــــر ..

سحبت عمرها من بين ايديه .. وكانت بتطـلع .. وقفت عن الباب وقالت :

على فكره .. اخوك مآيـد .. وسيم وجنتـل .. فديته تصدق .. دخل مزآجـي .. من العصـر لساعه 10 وانا وهو نحوم .. عرفته على البلاد .. ورحت تعشيت وياه .. ياااي .. شو رومانسي .. تصدق حب ايدي اول ما رجعنا بطريـقه خلتني اذوب .. صـرآآآحه استغرب انك اخوه ..

طلعت وانا اطالعها ومصدوم .. انا حاس ان وجود مايد غلط .. وهيه قذره لابـعد الحدود .. عأدي عندها تسوي اي شـي .. مايد لازم اتفاهم وياه .. لازم ..

قآهرتني .. كنت بظهر بس سمعت صوت تلفون يرن . .التفت .. هذا تلفونها .. تقربت وشفت اسم

(( حبيبي ..فـهد ))

لا .. الظآهر ان المهمه الي تنتظرني صـعبه للغآيـه .. صـعبه..لما سمعت خطواتها وهيه ترجـع ركضت وطلعت من باب المطبـخ الثاني وقفت في الحديقه ما اباها تعرف اني شفت التلفون .. تنهدت .. كيـف بغيرها .. كيـف ؟!!

يوسـف

فتحت عيني بتعب على صوت التلفون الي يرن .. الاضاه اشتغلت .. شفت مهره قايمه ترد على التلفون .. لحضآت وسمعتها تصارخ .. فريت البطانيه وركضت لها........

!!!

نــهآيـه البآرت السآآآدس

انتظر ردودكـم ..

وجـه النهـآر ~

11-08-09, 11:21 AM

المشاركة رقم: 8

المعلومات
الكاتب:	وجه النهار
اللقب:	ليلاس متالق

البيانات
التسجيل:	Jul 2009
العضوية:	147447
المشاركات:	317
الجنس	أنثى
معدل التقييم:
نقاط التقييم:	40

االدولة

مدونتي

الإتصالات
الحالة:
وسائل الإتصال:

كاتب الموضوع : وجه النهار المنتدى : القصص المكتملة (بدون ردود)

البآرت السآبع ..~

لحضـه لقــــآء }

قمت وانا احس بنعآآس .. منو متصـل نص الليـل .. صوت التلفون ازعجني ... سحبت عمري سحآآب من الكـرفآآآيه ...رفعت السماعه .. قلت بصوت كله نعآآآآس ..

: آلـو

ياني صوت متشوقه له .. كل يوم اتذكره واحفظه .. آخاف انساه ..

: مامآ .. ماما ..

صآرخت : سآآآآآآآآآآآآآآآآآآآآآآآآآآآآآلم ..

حسيت الدنيا ادور فيني .. كنت ابا اتسند على شـي .. بس للاسف ماشي جدامي ارخيت جسمي وحسيت بيوسف يسندني

قال : شو فيج ؟؟ مهره شو صاير؟!!!!!!!!

اشرت على السماعه وقلت بصوت متقـطع :سـ...ـأأألـ...ــم حي ..

مسك السماعه وقال : الو سالم باابا ..

يلست على اقرب كرسي .. شفته يفر التلفون وينكسـر .. صحت وغطيت على ويهي ..

قـعد يصآرخ : انذآل الي خذوه انذاااااااااااااااااال

تقرب مني وحضني .. قعدت اصيـح ..احضني اكثر يا يوسـف .. احضني .. قعد يمسح على شعري .. ويقولي: بس حياتي والله بدفعهم الثمن غالي ..

قلت وانا ابتعد .. : يوسف انته سمعته

هزر اسـه .. قلت : اتصل بـ جآسـم اخوي.. قوله ..

قال لي :حبيبتي اهدي الحين نص الليـل ..

صارخت وضربته : جاااسم هو المسؤؤل عن القضيه دخيلك ابا سااالم اباااااااااااااه

فريت عمري في حـضن يوسـف الي بدا يهديني .. بس ذكريات صوت سآلم .. لهفتي له زآدت اضعافها ..

يوسـف

ركضت صوب المطبـخ .. ويبت لها كوب عصير وخليت فيه منوم ..لانها منهاره بشكل فضيـع ...بدت تشرب وهيه ما تعرف شو ينتظر.. بدت تسكر عينها وتقولي بصوت متقطع

: شو خلـ..يـــت ..؟؟!

غفت .. شليتها وخليتها على السرير ..قعدت اتآملها .. خلاص صبرنا وآآيـد .. وآآيـد .. ان شاء الله بيرجع ابتسمت وانا اشوفه اتمتم باسمي .. تقربت منها وقبلتها على خدهـآ... عشآنج ..

عشان مآ أشوفـج زعلانه مره ثآنيه .. ما ابا اشوف دمعتج.. شكلها الايام اليايه بتكون مفرحه لنا .. طلعت من البيت وقفت في الحديقه ..زخآت المطـر بدت تهطل على ويهي .. المطـر يعني عطآء ... من الرب .. للخلق .. يعني خيـر .. وصوت سآلم اليوم رد لي الامل .. المطر تزايـد يلست على الكرسي والمطر يتزآيـد ما همني شي الا اني اسمع اذان الفيـر اركـض اصـلي وبعدها ادق لـ جآسم .. اخو مهره .. هو ضآبط ... وهو الي ماسك القضيـه .. تزايد هطول المطر .. وفي نفس الوقت قعدت ادعـي .. يآرب رده لي .. ولـ أمـه .. الي من غاب هو .. وهي الي ضآيـعه .. صـرت ما اعرفها .. بس حبـي لها هو الي مخلني اكمل .. عشانها وعشانه... يآآآرب ...

حصـه

مسكت الورقـه الي حصلتها في غرفته وانا افتش ...

ملكيه شقـه..

ايدي ترتجف .. متزوج علي .. يخوني .. يقابل بنات فيها .. شوي سوي بالضبط .. اللاحظ الاوقات الي يقضيها برع البيت .. يطول وااايد .. يعني هيه .. يخونج وانتي يالسه هنيه مثـل الهبله .. حسيت بنار في قلبي .. غيـره .. اغار عليه بشكل جنوني .. رحت بسرعه صوب الكبت بخبي الملكيـه .. ما اباه يعرف .. باجر اول ما يطلع الصبح برجعها للغرفه ..

بس الحين اخاف .. لانه موعد رجعته للبيت .. شفت فارس الي نايم بسـلام .. حبيته .. ابوك نذل ..يبالي اعلمه الادب .. بس كيف ..؟!

{

قآمت مرعوبه لما شافته فز وطلـع من الغرفه .. شو ياه .. لفت الروب على جسمها وطلعت .. لقته يالس ومخلي راسه بين ايديه ..

قالت : فهد انا ضايجتك بشي ؟

رد وهو يصارخ : لاااااااااااااااااااااااا

ارتعبت .. وبت تصيح .. قام هو بـعد ما اشفق على حالها,, تقرب منها وحبها على راسها .. تمت تشاهق وترتجف .. كان يدعي على عمره.. ليش جيه اتصرف وياها ..هيه مالها ذنب ..

حضنها كانها طفله ترتجف بين ايده ...همس في اذنها بالكلام الي قاله له ابوه .. هب قادر يكتم في صـدره اكثـر .. خلاص .. شهقت .. يلس يمسح على راسها .. هو انصدم فما بالك هيه .. قامت وابتعدت عنه ..

قالها : حصـه وين رايـحه ؟

قالت وهيه تمسح دموعها .. : ما اعرف .

قال : انتي مالج ذنب ما كنتي تدرين .. ومن اليوم هالسآلفه انتهت ..

تقرب منها وهو وآثق من نفسـه من عواطفـه .. لحضات .. ساعات .. قدرت هيه تآثـر فيه وتخليه يـغير رآيـه ..

نزلت راسها بخجـل ..

قالها : ممكن ندخل .

اشـر على الغرفـه ... ضحك على خجلـها .. ما يهمه .. كل الكلام ما يهمه .. دخـلوا .. اغلقوا بابهم .. ما كان هو يدرك الي بيصيـر ولا هيـه .. ولا كان اي حد يتوقـع يوصلون للي وصلو له ..

}

يوسـف

السـلام عليكم ورحمه الله ..

السـلآم عليكم ورحمه الله ..

قام مستعيـل يبا يطلـع من المسيد .. صوت الامامـ ..

: يوسـف

توجهت له بسـرعه .. وانا ابتسـم.. سلمت عليه .. قال ..

: اليوم مستعيل اشوفك .. احيدك تقرا قرآن الصبح

قلت : دعواتك يا شيخ .. سالم اليوم سمعت صوته وان شاء الله بيرجع لي قريب

شفت ابتسامه تغطـي ويه الشيخ الي يشع بنور الايمان : عسـى خيـر .. طمني ... على صلاه الظهر ..

ابتسمت وقلت لـه : ادعي لي

قال : لا تحاتي .. في كل صلاه ادعي لك

طلعت بسـرعه .. دخلت البيت .. ويلست في الميلس .. لحضات ودخل علي جآسـم بلبس الشرطه .. وشكله منهد حيـله الحين مخلص دوامه...

قمت ورحت صوبه ,,, سلمت عليه وهو مستغرب من حالتي ..

قال : بلاك ابو سالم .. لا يكون مهره فيها شي .؟

رديت وقلت: لالا .. مهره بخيـر .. تفضل انته ايلس

يلس وهو يطالعني .. قال : ما بتتكلم

قلت : ياني اليوم اتصآل .. وسمعنا صوت سالم

ابتسم : عسى خير ان شاء الله .. وشو قال ؟

رديت : ما قال شي غير بابا ماما .. مهره نايمه .. خليت لها منوم في العصير .. من خمس ساعات .. اكيد الحين بتوعى وهيه قالت .......

قاطعني : ما عليك من رمستها انا الحين بسوي اتصالاتي .. وبعرف هالمكالمه من وين بالتحديد ومن منو .. وبكلم رئيس القسم عندنا وبخبرته بنقدر نوصـل للي خذ منكم سالم

تفائلت بخيـر التفت على مهره وهيه داخله.. طالعتني وهيه تبتسم : سآلم بيرجع لي .. انا متاكده ....

فـهد

قمت على صوت قوي .. تقلبت في السرير .. شو هالازعآج .. رفعت جسمي وانا لابس بنطلون البجامه بس .. رفعت تلفوني .. الساعه 2 فالليـل ... شو هالصوت .. صـوت المطـر قوي ... قمت بسرعه فيه صوت ثآني ... صوت فآرس يصيح ... والمكيف ما يشتغل شكلها الكهرباء فصلت طلعت بسرعه وفتحت باب غرفه حصـه .. من اناره الزجاج الي فالغرفه شفتها وهيه وآقفه وهي حاضنتنه اول ما شافتني قالت :

بســـــــــــــــم الله

قلت: شايفه يني شوه ؟

قالت : لا .. بس

قلت : شو بلاه يصيح ؟!

ارتبكت.. رحت صوبها .. وقفت جدامها رفعت راسها اطالعني .. خذته من ايدها .. ايدي لمست ايدها الناعمه .. دققت في ملامحها الي يخفيها الظلام.. حضنت فارس وبدا يهدى ...

طالعتها : شكلج ترتجفين وخليتيه يخاااف اكثر

نزلت راسها وراحت يلست على الكرفايه .. لحضات وحسيت بتنفس فارس يصير بطيء ...نام..رجعته في سريره ...وما قدرت اسيطر على نفسي رحت صوبها قعدت ..خليت ايدي على ايدها وحسيت فيها وهيه ترتجف...

قلت لها: كنت اعرف انج تخافين من صوت البرق ..بس هب لهدرجه ...

قالت : انا... انا

تقربت منها ونسيت نفسي همست: شو رايج اخليج تهدين شرات فارس..!!

طالعتني منصدمه ..ما خليت لها مجال للرد .. سحبتها بكل رقه صوبي .. لحد ما خلت راسها على صدري .. قعدت امرر ايدي بكل حنيه عليها,, اشفق عليها وفي نفس الوقت قاسي ,, كنت احس ان رجفتها تزداد ...قلت : بلاج حصه.. شو الي مخوفنج ؟

قالت بعصبيه : اطلع برآآآآآآ

كنت منصدم من تصرفها ...شو الي تخربطه حصه

قامت بسرعه : اطلللللللللللللللللللللللللع

قمت بسرعه مسكتها من ايدها اباها تهدى بس هيه دزتني : اطلع يا فهــــــــــــــــــــــــد

مشيت ابا اظهر...اول مره اشوفها جيه ..وقبل لا اطلع سمعت صوت زجاج الغرفه فتحته ..والزجاجي مطل على حديقه البيت.. فتحته وطلعت وهيه بلبسها الخفيف ..والمطر يتزايد هذي اكيد تخبلت بتمرض ...!!

حصه

حسيت بزخات المطر .. كيف كنت بطاوعه وهو يخوني ..صرت اكرهه ...كنت اتوقع بس مكالمات بس شكلها السالفه اكبر من جيه كنت احس اني مختنقه ..طلعت وانا احس بالمطر الباااااااااارد ...فتحت ايدي وبديت اتنفس بهدوء ...حسيت بحد يشدني اول ما فتحت عيني شفته

: انته بعدك هنيه ؟

قال : دخلي دآآخـل فارس بيزيغ من اصواتنا

قلت وانا اشد ايدي : ماابا اتركني

قال : جداااااااااااااااامي

زغت..مسكني بقو ودخلني ورماني على السرير ,, وشفته يفتح الكبت ..وينبش في اغراضي ..خفت بيشوف اوراق الملكيه وبيذبحني .. رفعت شعري المبلل ...

فر عليه لبس وقال : بدلي ...

قلت وانا اغايضه وابا اقهره : مـــاا ابا .,,

صارخ : حصــــــــــــــــــــــــــــه

اشرت بايدي بلا مباله .. ما حسيت الا هو عدالي ويالس على ركبته ...

قال : ما بتبدلين تعاندين فيني .. زيـن

ما حسيت الا وهو بفك ازرار القميص .. هنيه انا شهقت وابتعدت منحرجه من حركته

قال : بدلي

طلع من الغرفه .. صحت وحضنت المخده .. يعذب عمره ويعذبني ويآآه ..

تصرفآآته صآآرت ما تستحمل خلآآص تعبت .. اكثر من جيـه ما اقدر استحمـل .. يتغير في الثآنيه الوحده .. قآآسي حنون .. انا تعبت من تنآآقضـه .. تعبت خلآص ..

...

قمت بسرعه وبدلت .. وانسدحت على السرير وملكيه الشقـه اتي في بآلي .. الله يسآمحك يا فهد

فـهد

طلعت وانا ارفع شعري الي مبلل ونازل على يبهتي .. شو الي سويته وكيف تجرئت .. شو بتفهم من حركتـي .. فـهد خانتك عواطفك .. ما قدرت تسيطر عليها .. يلست على الكنبه اتريا التيار الكهربائـي يرجع ..

:::

كآن يلعب في بيت عمـه .. ويا حمد .. وحصـه .. هو آكبـرهـم .. .. حصـه على الدرآآجـه ( السيكل ) .. وحمد يلعب على الرمـل وهو يآآه ..

التفت لـ حصـه الي لابسه بنطلون ابيض وشعرها معقص ( مجدل ) ...

قال : حصووه تعالي لعبي ويآنـآ

قالت : مابا ..

التفت يلعب بالرمل ويا حمد .. لحضآت وسمعو صرآآخ ورى البيت ..ركضوا الي يعرفه ان عمه يبني ورى البيت قسم والمكآن كله حفـر ونزلات وطلعآآت ..

شآفوهآ طآآيحه وتصيح .. كآآنت وااايد تصـيح .. حمد ما عرف شو يسوي امـآ هو ركـض لـدآآخل البيت ..

:::

بعد المغرب .. كان عمه متضآيج وآآيـد ..

وهو يرآقب نظرآآت عمه وابوه ... دخـلوا الميلس وهو وقف عند الباب لانه تسكر في ويهه ..

سمع نقآش حآآآد ..بس ما عرف ان هاليوم كآن مشئوم ...

وآآكتشـف كل شـي في ليـله العمـر

:::

قمت مفززووع على صوت التلفون .. الصـبح .. الظآهـر اني نمت وانا آتريـآ التيار الكهربائي يرجع .. رفعت التلفون ..

( يوسـف اخوي ) يتصـل بك ...

مآيـد

سمعت صوت الباب ينـدق بقو .. منو هالغثيث .. فتحت الاضآءه .. قمت من السـرير .. شفت الساعه .. 4 وونص .. شكله شي صآيـر .. فتحت الباب وانا مسكر عيني .. سمعت صوت عمتي

ابويه مايد اسمح لي هذي سيآده .. تراه اذن الفيـر .. وهذا المصحف .. قلت تعبان ما بتروم تروح المسيد ..

فتحت عيوني .. صلاه الفير .. تصدقون ما اتذكر متى اخر مره صليت.. انحرجت .. خذت السياده وسكرت الباب .. خليت المصحف على الطآوله .. وخليت السياده على الارض يلست اطآآآلع السياده والمصحـف .. بس النوووم في عيني .. ما متعود على قومه الصبح.. رجعت لـ سريري .. ما اقدر اقآآوم النوووووم .. تعباآآآآآن ..

عمر

طلعت بعد ما خذت شور صليت الفير .. ونزلت بسـرعه اصلا انا ما نمت من البارحـه افكر في سآره .. هالبنت خاطري اذبحها .. شفتها جدامي لابسه عباتها مريت من غير لا اطالعها .. شفت ابويه وعمتي .. رحت صوبهم سلمت عليهم .. وهيه راحت وقعدت تتريـق بدون كلام ولا سـلاآآمـ..

ابويه : عمر شو موعنك من الصبـح ؟

قلت : عندي مقابله للشـغل ابويه .. اليوم طالبيني المستشـفى

ضحكت : ههههههههههههههههههههههههههههه .. شكلهم يبون حد يذبح مرضآهم ..

تجاهلتها كلياً .. والتفت للوآلـد

: عمر .. هذا سويج سياره لك .. وهذا لـ مآيـد ..

خذت سويجي ... قلت: ابويه معذب عمرك ..

قال : افا عليك ..

ابتسمت .. والتفت لـ عمتي : الف مبرووووك يا عمر .. هالله هالله بالسواقه الزينه ..

ضحكت .. شفتها قامت : شي يقرف ..

وطلعت .. طلعت وراها .. بركـب السيآآره وبروووح للمستشـفى ..بس شفته معترضه طريجي

قمت النظآره الشمسيه .. وطالعتها في عينها ..

قالت : تتحسب الكف الي ياني بيروح بالسآآهـل جيه

تقربت منها وقلت : تبين غيره .. ترآآني جآآهز

استفزتني وهيه تقول : تحـلم تمد يدك مره ثآنيه

ضحكت : هههههههههههههههههههههههههههههههههه .. سمعي وخلي كلآآمي في بالج زين .. اذا ناوييه تتحديني ..بتتعبين ...

ودرتها ورحت .. سمعتها تضرب ريلها بكل غيض على سيرميك الدري ...حركت السياره .. تهت في البلاد .. وقفت تآكسي وخليته يتجدمنـي ....

نور

مشيت صوب كلاسي .. والنظرات نفسها تلاحقني بس ما يهمني... رحت صوب المرسم .. هالمكآن عشـقي .. وانا المسئوله فيه .. كل الي عنده هوآآيه التصويـر ..والا الرسم .. يجتمعون هنيه .. فتحت المرسم ودخلت المكآن فآآضي .. من فتره ما ييت صوبه .. نزلت عيني على الارض وانـآ اشوف ورقـه على الارض .. فتحتهـآ ..

( نور ... شقتي عنوآنـها #### .. اذا تبينا ننهي الموضوع الي بينـآ ... حبيبج .. فيصـل )

رميت الورقه في سله الزبآآلـه .. صدق انه نذل .. طلعت بسرعه .. صوب الكلآس

اول ما دخلت شفت سآره قاعده تلعب بتلفونها ..

قلت : صبآآح الخيـر

ابتسمت وقالت : صبآآحج مآآيـد

كشـرت .. : نذل هذا ولد خالج ..

قالت : والله انه جنتل هب اخوه .. هذا الي اسمه عمر بيجلطني ...

قلت : اوووف فكينا منه امس قهرني ..

ضحكت.. التفت على صوت فيصـل : السـلام عليكم ...

ردوا عليه الي فالكلاس .. حسيت بعطره يقرب مني .. قذر ..

قال : توقعتج تنقلين اوراقج جامعه ثآنيه ..

ما رديت ..ضحك ... وانا التفت اكمل حواري ويا سآره ...

قلت : سآآره .. دريولنا رشيد بيسآفـر .. وانا بتوهق منو بيوصـلني الجآآمعه ..

طآلعتني : متى بيسآآفـر ؟؟

قلت : بعد 3 اسآآبيـع ..

قالت : انا بمر عليييج .. كـم نور عندي

ابتسمت : وحده ...

حور

طلعت من غرفتي على صوت آآمـآيه وحمد ..

حمد : آآمـآيه يلآآ بسرعه لبسي عبآآتج

طالعتهم.. قالي : انتي ما مدآآومـه ؟؟

قلت : لا ما عندي اليوم كلآآسآت مهمه .. شو صآآيـر ؟؟

رد : سآآآلم .. ولد يوسـف فيه اخبآآر عنه .. ونحن كلنا رآآيحين عند يوسـف الحين السآلفه طويـله بحكيها لج بعدين

قلت بسرعه : بيي ويآآكم

ما عطيته مجآآل .. ركضت اتلبس بسرعه .. لبست وطلعت وشفت امآآيـه في الصآله ..

قلت : آآمـآآيـه يعني الولد بيرجع ؟؟

قالت : ما ندري للحين .. يآآآآرب ..

يلست تدعى .. اذا رجع الولد .. مستحيـل يوسـف يعرس .. يآآرب مآ يرجع .. يارب ما يرجع ...

:::

فـي مكآآن بعيـد .... يلس يطآآلع بآستغراب .. ما فآآهم ..

ليش يسوون فيه جيـه ..

تخلى جدآآمـه آآكـل .. وكوب حليب .. بدا يشرب .. ويطآآلع النظرآآت الي ترآآقبـه ..

ابتسم له .. بس النظرآآت بعدهـآ حآآده ..

: لو بس ما تشبهه ...!!!

ما فهم .. شو تفسير الكلآآم .. بس الي يعرفه انه مشتآآق لـ امه وابوه .. ويبآ يرجع لهم..

رجعت النظرآآت ترآآقبه .. نزل نظره لـ كآآس الحليب ...

يـوسـف

جآآسم طلع بيشوف شو يقدر يسوي .. قعدت ويا مهره.. وهيه خلت راسها في حضني .. وتمت تسولف عن سآلم .. اخافها تتآمل خيـر .. واخر شي على ولا شي .. خفت .. وانا في هاللحضـه .. سمعت الجرس .. قامت مهره وغطت شعرها .. وسمعت صوت فـهد وحصـه دآخلين.. انا اتصـلت لـ فهد .. اباه ايب حصـه عند مهره .. تهديها .. هيه تعرف تتفاهم وياها .. دخل فـهد وحضني .. اول مره احس فـهد يحاتيني .. حصـه طلعت ويا مهره .. وراحن فوق ..

فهد : وجاسم متى بيرد عليك ...

قلت : ما ادري ..

قال : ان شاء الله خيـر ..

قلت : خآآيـف ..

قال : شو بـلاآآك جيـه صآيـر .. ان شاء الله خيـر

لحضآت وتجمعت عائلتي وعايله عمي عندنا في البيت.. وام مهره والكل .. ننتظر رد جآسم ..

التفت على فـهد الي يطمني بنظرآآته ..

حمد : يوسـف .. انته متآآكـد من الصوت .. ؟؟!!

قلت : ما انسـى صوت ولدي .. لو شو يصير ..

التقت نظرآآتي بمهره الي تقآآوم دموعها .. بس ابتسمت . .. وهالشي ريحني ..

ام مهره : يوسـف .. آآتصـل انته على جآآسـم

قلت : هو قالي اول ما يتآآكـد من اي شي بيدق .. مالنا الا الانتظآآر ...

التفت على حور الي آطـآلعني بنظرآآت غريبه ..

بس اول ما شآآفتني اشوفها بعدت نظرآآتها .. هذي شو فيها ..

ابويه : بيآآذن الظهر وماشي رد ...

عمي ابو حمد : استغفر .. الاستغفار يهون الانتظآآآر ..

طآلعتهم .. بندت عيني .. ودعيت .. يآآآآرب .. رده لي .. سليم معآآفـى .. يآآرب

لحضآآت .. كل لحضه ارتبك فيها .. ارجع اندمج في سوآآلف الآهـل ..

مهره رفضت تطلع من الميلس .. لانها تبا تسمـع اي خبـر وبسرعه .. وهآلـشي خلى كل الحريم يقعدن وياها .. وعيايزنا عاآآد من يتجمعن يربشن الوآآحد ..

لحضآت انتظآر .. هيه الاحتضآآر ..

سئمتها .. او باالآحرى هيه من سئمني ..

تقتلني .. ولكني احيآ للحضه اخـرى

هيه لحضـه لقآآء ..

متى اللقآآء !!

رن تلفوني ومع كل رنه احس قلبي يطلع .. يآآرب . .. لا تخيب رجآآي .. يآآآرب ..رفعت السمآآعه

نهآيـه البارت السآبـع ..

نلتقـي في البآرت الثآمـن بإذن الله ..

دمتم كمـآ تحبـــــــووون ~

16-08-09, 01:09 PM

المشاركة رقم: 9

المعلومات
الكاتب:	وجه النهار
اللقب:	ليلاس متالق

البيانات
التسجيل:	Jul 2009
العضوية:	147447
المشاركات:	317
الجنس	أنثى
معدل التقييم:
نقاط التقييم:	40

االدولة

مدونتي

الإتصالات
الحالة:
وسائل الإتصال:

كاتب الموضوع : وجه النهار المنتدى : القصص المكتملة (بدون ردود)

البارت الثآمن ..~

وآآنتـهـت المســـرحيـه }

ظـلآآآم ...

يحآآصـرنـي .. يتبعني ..

آصبحت اؤومن.. انه جزء منـي ...

نهآيه مسـرحيـه ..

وبقاء ضحآيـآ ... ومآت الامل

وتعمق الجرح ..

سآصمـد ~

التفت عليه لما دخل القآآعه ...صآآر له اسبوع غآآيب ..

احسنهم هنيه .. شهـم ... صفآآته غير عن الكـل ...

خدووم .. وعلاقته ويا البنات علآآقـه اخويـه .. ودمـه خفيف...

قال : شحالج خاله نوسـه

رديت : خاله نوسـه في عينك

لف صوب نور : القشطه اليوم مداومه

ضحكت : انته الي غايب صآآر لك يومين

رد : رآآآيح ويا الوآآآلـد اسبانيا من اربـع ايام ورجعت

قلت : شو يبت لي فديتك من هنآآك ..؟

دخل ايده في قميصـه وحركه على ان قلبه يدق : ايب لج الي تبين !!

رديت : حآآمــــــــد يا الجذآآب ..

ضحك قلت : دريت شو سوى فيصـل فيني انا ونور؟!

طالع نور .. ونور انكمشت على عمرها .. قآآل : ما عليج منه .. هذا واااحد نذل .. بس اقولج .. تراه هب هين .. احذرن منـه ..

خفت على نور وااايد .. انا الي دخلتها في هذي المشكلـه .. التفت وشفت فيصـل ماسك تلفونه .. ابوه له منصـب .. ومعروووف .. امه متوفيـه .. الي يباه يوصـل له ... وعنيد .. وهذا الي يخوووف ...

يوسـف

رفعت السماعه والكل وآآقفين وراااي .. جآآسم يتصـل بك .. هذا هو.. لحضآآت ما اسمع شي الا انفآس المتواجدين وكل شخص ماسك اعصآآبـه .. ما اقدر على اي خبـر سيىء ..

رديت : الو ..

سمعت صوته .. ومن صوته فهمت .. خلاااص ..

قال : اسمح لي يا ابو سآآلم .. الرقم من تلفون عآآم .. يعني ..

ما سمعت الي قاله بعدها .. لان المواجودين فهموا من ويهي .. وما شفت الا مهره تركض وهيه تصيـح لحقتها حصـه والباقين بس يراقبوني ..

قلت : من تلفوووووووووون عآآآآآآآآآآآآآآآآآآآآآآآآآآآآآآم ..

كسـرت التحفه الي جدآآمـي وتكسرت بصوت عااالي في الصآله . ..وطلعت وسط نظرات عمي وابويه .. وحمد .. وفـهد .. وامهاتنا ... ما اقدر خلااااص .. حسيت بختنق .. دخلت المطبـخ.. ابا اي شي يوقف النزيـف الي فايدي .. سمعت صوت وراي .. التفت وشفت حصـه .. لاول مره في حياتي دموعي تبلل ويهي جدآآم حد ..

قالت : اصبر يا يوسـف اختبار ..

قلت وانا اسحب كرسي من كراسي طاوله الطعام واقعد : تعبت يا حصـه ..

قالت : يوسـف ان شاء الله يتحصلونه على الاقـل الحين ظمنتوا انه حـي ..

طالعتها .. وشفتها تبتسم بآمـل ..: مهره ما قالت شي غير كلمه الحمد الله على كل حآآل وانته قاعد بهالشكل.. يـلآآآ قووم لها

قلت : حصـه ابوي يباني اتزووووج ..

طالعتني مصدومه : بس من تدخل الشياب في حياتنا .. ابوك من قبـل هو الي حدد مصيري ومصـير فـهد .. والحين يباك تعرس على مهره .. احيدك اقوى من جيـه يا يوسـف .. وبالنسبه للعيال .. انا بكلمها .. وان شاء الله خيـر ..

طالعتها ..: تصدقين ان آخوي غبـــــــــــــي ..

حسيت انها انحرجت قالت : ابو فآآرس بعد فيه الخيـر ..

راحت صوب الثـلاجه ويابت لي مآآي .... وانا طلعت الشآآش ابا الف ايدي ..

فـهد

(ابو فآآرس بعد فيه الخيـر )

نزلت هالجمله مثـل الصآآعقه علي .. انا اذلها واضربها وهيه تمدحنـي ..حسيت اني صـغير.. امس ما قدرت اقاومها .. واليوم حالتي تضآآعفت .. انا لازم انهي المرحله الي اعيشها وياها .. لازم .. ابا ارجع اعيش حيآآه طبيعيه .. صـدق اني غبي .. ونص بـعد .. والا حد عنده هالجوهره ويسوي جيـه .. كنت سرحآآن في افكاري .. .شفت يوسـف ظهر .. هزني مشـهد يوسـف وهو منهآآر .. صدق اني بطران .. زوجتي موفره لي كـل شي .. وانا آخونها ويا سآآره .. انا اعرف ان علاقتي ويا سآآآره هروووب من الحقيقه .. والي هيه حبي لـ حصه ... اليوم بخلي النقآآط على الحروف ...

طالعني وقااال : حصـه دآآخل

كآنه يقولي راضها .. دخلت شفتها تملا جيك ماااي بارد .. تبا تشـله شكلها للحريم .. ما حست فيني .. تقربت منها وهيه بعدها تغسل الاكواب.. مررت ايدي على طوول ايدها بلهفـه.. حسيت بارتجافتها .. حوطت ايدي على خصرها .. تقربت منها وقلت

: ولهت عليج .. الله يخليج لي ...

كنت انتظر منهـآ اي كلمـه .. لكنهـآ جاوبتني بصمـت ...

طلعت .. لاني اذا قعدت بتمادي والظرف ما يسمح .. رحت لـ يوسـف ..

حصـه

وقفت ارتجف .. معقوله هذا فـهد الي همس في اذني ...( ولهت عليج .. الله يخليج لي ...) اكيـد انا اتوهم ..مسكت راآآسـي .. شو صآآيـر وليش هالتصرفآآآت هب فآآهمه .. هذا اكيد تخبـل .. شو فآآيد الوله والشوق وهالعوآآطف اذا هو يخوني ويا وحده ثآآنيه والله العالم اذا اكثـر من وحده .. يمكن هو متنآقض .. محتآر .. بس انا وصلت لدرجـه اني ما استحمل اكثـر .. خذت الماي وطلعت لـ مهره .. الي هدت شوي .. شفتها ماسكه فآآرس ..

قلت : عن يتعبج

قالت : لا فديته .. عااادي

يلست عدالها .. قلت : يوسـف محتآآج لج .. محتآآج انج تكونين قويـه ..

قالت : ادري .. بس انا مآ آقـدر .. فآهمتني يا حصـه ..

طالعتها وهيه تقوم .. وقفت جدام البلكونه وتفكر .. الله يسآعدكم .. هذا الي اقدر اقوله ..

اليوم لما بلغني فـهد كنت فرحآآنه قلت بتنتهي معاناتهم.. لكن المعاناه تجددت من اول ويديد ...

عمر

حدي هلكآآن .. طلعت من لقآآئي بمدير المستشـفى .. ركبت السيآآره وطلعت على البيت .. ونفس الحاله اغيب . ... بس اخر شي وصـلت للبيت .. نزلت ودخلت .. شفت عمتي وابوي يسولفون ..

ابوي : هاه بشـر قبلوك ..

قلت وانا ابتسـم : اكيـد ..

ضحك .. وباركولي .. طلعت لـ غرفه مآيـد اشوفه .. دخلت وانا ما اسمع اي صووت .. شفته قاعد وجدامه السوووويج ويطالعه.. قلت : بلآآآك؟

قال :

I want another car

آبآ سيآآآآآآآآره ثآآنيــــــــــه

قلت : هب عايبتنك ؟؟

تافف .. اعرفه .. ما يحب اي شي من ذوق ابوي .. تقربت منه وخليت ايدي على جتفه

دزني بقوه استغربت .. طلع من الغرفه يركض ..

هذا اكيـــــــــد تخبـــــــــــــــــــــــــــــــــل ..انا تكفيني سآآره .. طلعت من غرفه مآيد رحت صوب غرفتي .. بدلت ملابس ولبست اقرب بجامه بنزل اتغدى وبعدها بنآآم ... طلعت .. شفت ويه ابويه وعمتي متغير .. قلت : شو صآآآر ؟

ردت عمتي : مايد طلع معصب وفر كلمتين على ابوووك ..

قلت : هذا طبـعه ..ما بتغدونا..

كنت ابا اغير الموضوع ما ابا ابوي يتعب ...

فـهد

اللحضآت الي كنت فيهن ويآها .. من بيت يوسـف .. لـ بيتي انا وحصـه .. كآنت لحضآت هدوء .. هيه سآكته وانا بعد.. ما آعرف شوا قول .. غير ارتب افكآري ..

نزلت وراها .. وهيه بسـرعه دخلت غرفتها .. فكرت .. وقررت .. مرت نص سآعه واكثـر .. دقيت بابها وفتحتها .. ما انتظرت كلمه ادخل .. خلآآص تعبت من الحآجز الي بيني وبينها ..

قلت وانا اطالعها وهيه بالبجامه الي للركبـه : تعالي ..

طالعتني مستغربـه ...

قالت : بنوم فآرس وبيي.. اصبـر نص ساعه

ازاحت نظرها عني .. وانا ادقق في تفآصيلـها .. طلعت .. قعدت على نفس الكرسي ..

{

طلعت من ميلس عمي .. مرت ثـلاث شهور على زوآآجي من حصـه .. ومرتآآح ومبسوط.. آعرفها وين الحين.. اكيد عند المسبـح .. رحت صوب المسبـح .. سمعت حسها هيه وحور .. كنت ابا ابين لهن وجودي .. بس كلآآمهن خلاني انطم واسكت

حور : حصـه .. الحين فـهد مصدق انج ما تدرين ؟

ردت : انتي هبـله .. شو تبيني اقول .. انا اعرف بنتايج الحادث الي صآر لي يوم صـغيره .. ما اقدر ..

ردت : يعني معقووووله هو غبي لهدرجه

حصـه : لا تقولين جيـه ..فهد طيـب .. و

قاطعتها حور : وغبي .. وانتي تمثلين البرآءه عليه .. والله انج دآآهيـه

ردت حصـه وانا مذهووووووول : حووووور قفلي الموضوع

اكيد انا ما اسمع زين .. كآنت صدمه .. حصـه البريئـه طلعت تكذب علي .. يعني انا مصخره العايـله .. مصـخرتها هيه .. واختها واخوها وابوي .. والكل .. الكل تعاونوا ضـدي ..

يوم عرسي .. انصدمـت فـي ابوي .. وآخوي والكل . استغفلوني ..كنت دآيما انتقد تصرفهم وياي لانه فيه استخفآآف فيني ... الصفعه اقوى ..الانسآنه الي كنت اشتكي لها .. ومخلنها اول شي في حيآآتي طلعت مثـلهم .. صورتها اهتزت.. الا ادمرت .. حصـه تسوي جيه فيني .

ارتجفت ..على قوه شخصيتي.. الا اني ارتجـفت ..شو بعد مخبيه علي.. وهل الكـلام الي تقوله صـح .. يعني هذا السبب .. مسكت راآآسـي ..هذي حصـه يا فهد .. وحصـه شو يعني ترآآها طلعت تكذب عليك ..حالها حآآل ابوك .. واهلك كلهم ..

زقرتها بصوت يبين غضبي : حصــــــــــــــــــــــــــــــــه

شفتها ارتجفت ..وحور فزت وحطت شيلتها وانصـرفت.. قلت : بنروح البيت .. يـلآآآآآآآ

طالعتني وتجمعت الدموع في عينهآ : فـ...ــــهـ....ـــد اسمــ...عـــنـــي ..

قلت وانا اقرب منها : آآووووص ولا كلمـــــــــــــــــــه .. جدآآآآآآآآآآآآآآآآمــــــــــــــي ...

مشت جدامي.. وانا للحين هب قآآدر استوعـب .. حصـه يطلع منها هالشـي ... حصـــــــــــــه !!

كنت اسوق بتهور .. ابا اسمع اسبابها .. غضب عارم .. مثـل العاصفه انتابني .. مخدوع عليك .. مخدوووع عليك .. كآن اهون علي تقولي اول يوم ..ما تخليني مضحكه لهم .. ليش وانا اقول انتي غير عنهم .. لييييييييييييييييييش ..

رميت بكل قوتي على الارض اول ما دخلنا البيت ..تقربت منها .. رفعت ايدي ابا اضربها ..صرخــــــــــــت :

آنــــــــــــا حآآآآآآآآآآآآآمـــــــــــــــل لا تضربني ..

نزلت الدمعه من عيني .. نزلت على الارض وقلت لها وانا احس اني فقدت صوتي .. فقدت هيبتي .. فقدت شخصيتي ..

: ليش يا حصـه ليش؟؟؟؟؟؟؟؟؟؟؟؟؟؟؟؟؟؟؟؟؟

تمت تصيح .. حضنت نفسها .. كان خاطري اضربها .. بس لما قالت بينا طـفل ..انربطت ايدي.. صدمتي كآنت كبيـره .. تركت الكل . . اعتزلت .. ملآآكـي طلعت كذآآبـه .. وحالها حال ابوي الي من يوم سالفه العرس وانا علاقتي متكهربه وياه .. خصوصا بعد خلافي وياه يوم العرس.. وتدخل يوسـف .. الكل عرف بالموضوع .. اخوها حمد .. ابوها .. يوسـف .. الكل توقع اني ما احضـر العرس واحرجهم .. بس انا رجعت عشآنها .. اللحضآت البسيطه الي قضيتها وياها .. ايام الملجه بينت لي انها انسآآنه غيـر ..لكن كل شي انهدم في لحضـه .. وانهدمت صورتها ..كنت اكذبها واشكك في نزآهتها .. بس علشاان ابين لها انها كذآآبـه والكذآآب محد يصدقـه ...

}

رفعت نظري وشفتها جدامي .. آطالعني ببرآئـه ... وخوف .. قلت :

قعدي جدآآمـــــــــــي

:::::::

طفـله .. تلعب بآلعابها في غرفتها .. سمعت صوت عآآلي ارتجفت .. ركضـت اطالع من ورى البآآآآب ...كآآآنت تغمض عينها وهيه تشوف ابوها يتضآآرب ويا امها .. تحب ابوها وآآيـد .. شآفت امها تغادر المكآآن.. التفت لها ابوها الي متضآآيـج .. ومن شكله معصب ..

قالت ببراءه : بآآآبآآآ ,,

يا صوبها .. ما عرف انه في هاللحضـه يذبح بنته ويخليها توصـل للي وصلت له ..

قال : سآآره .. امج تبا تبعدني عنج .. تراها ما تحبني .. امج هب زينه ..

طالعت ابوها باستغراب .. عقليه طفـله ما كملت 7 سنوآآت ما فهمت الكلمه ..

قال لها : امج #####

طالعته وفجت عيونها .. ما تفهمه .. بس حست بمشآآعر كره صوب امها .. امها تروح ويا غير ابوها.. هو قالها انها تخونه .. شوى معنى كلمه تخونه ..ما فهمت .. الايآآم كشـفت لها المعنى ... فالمدرسـه .. الكل ما يكلمها.. ويقولون لها كـلآآم ان امها هب زينه .. وان اهلهم قالوا لهم لا تقعدون وياها .. هذي بنت حرآآآم... كآنت تصيح .. محد يقعد ويآآها في الفرصـه .. تآكل بروحها .. ليش امها جيـه .. ليش خلت النآس يكرهونها .. اكيد امها هب زينه ..كلمآآت ابوها تترد في اذنها .. امج ...امج .. امج .. كآنت الكلمات قآآسيـه .. فتره بسيطه واختفى ابوها .. كآنت متعلقه فيه .. انصدمت ... كرهت امها .. اكيد هيه الي بعدته عنها .. امها الي ما تحبه ولا تحبها .. من صـغيره كبر هالشي في قلبها .. مواقف المدرسه .. الاطفآآل .. حتى المدرسآآت يتهامسن .. وهيه تشوف .. وما تقدر ترد.. هيه بنت حرآآآآآم .. يعني .. هيه بعد هب زينه شـرآآآت امها .. كلمات .. طعنت برآآئتها . ..خلتها تنسى ان هالانسآآنه امها .. كبرت وهيه تحقـد آكثـر واكثـر .. كبرت وهيه تحس ان العالم كله يطالعها بنظره دونيه .. هذي بنت حرآآم .. يعني عآآدي عندها اي شي وكل شـي ..

بتنتقم من امها الي خلتها جيـه .. بتكون نفسها .. بنت الحرآآم .. تسوي اي شـي ..

بنت الحرآآم محد بيتزوجها .. شو يبون فيها .. يقدرون يوصلون لها بدون زوآآج .. هذا كان في بآآلها .. هيه ... ولا شي ,, حثآآله .. بتهدم كل آسـره .. كل ابو بتبعده عن عآيـلته .. مثـل ما ابعدوا ابوها عنهآآ .. صآرت الدنيا مجرد انتقآآم بنظرها .. وهيه ضآآيـعه في دوآآمـه ..

هذي سآآره .. وهذي طفولتها .. هيه بنت حرآآم .. هالكلمه ترددت حوليها .. كانت تخاف تقول لاي حد .. او تعبر .. لانهم ما يصدقون الا الي يبونه ..

علمتني الحيآه

ان النآس دآئما .. تفضـل سوء الظن .. على حسنه ..

علمتني الحيآه ..

ان الانسآن يزيد جروح غيـره .. ولا يعالجها ...

علمتني الحيآه ..

اذا اردت ان تعيش .. عليك ان تكون قآآسـي ..

وان لم تكن كذلك .. لا تعيش ..

علمتها الحيآه ان تكره امها والي حولها ... وتمجد صوره ابوها ..

حور

فريت عبآتي وشيلتي بآهمآل على السرير... ضحكت ... ما رجع سآلم .. يعني فكـره اني اكون قريبه من يوسـف بعدهـآ موجوده .. رميت نفسي على السرير .. وانا اتذكر ملآمـحه .. شآآآآآمخ .. قوي .. وعيونه شـرآر..الرجولـه تشـع منـه .. .. بس قلبي عورني عليه لما تضآآيج على ولده .. خآطري اكون قريبه منـه ..حلآلـه.. آخذه في حضني ..اطبطب عليه .. آقوله بمشآعري صوبـه .. وان قلبي كل ما اشوفه يرتجـف .. وسآمته .. صوته الخشن .. وحتى عصبيته .. تخليني افقد السيطره على نفسـي .. لما اشوف نظرآتـه لمهره .. انقهر .. خآطري اذبحهـآ .. شو فيهـآ احسن مني .. ولا شي .. .. ما عندهـآ الا الصآآآيح كرهته في حيآته ... يوسـف بيصبر .. فتره .. وبعدهـآ بيمـل .. وقفت جدآم المرآيـآ .. جسمي مثآآآآآآآآآآآآآآآلـي .. وحلوه .. شعري طووويـل وقمر .. شويبآ بعد ..

معقوله الريآييـل ما يشووفون انا حلوه .. ولا حد خطبني .. ليش ؟؟

اسم عائـلتي معروف .. ما اسوي اي شي غلط.. وآخلآقي واثقه منهـآ ... ليش جيـه .. !!

تنهدت وقعدت على السرير .. بآجر عليه امتحآن احسن لي ادرس ...مسكت الدفتر الي كآتبه فيه اشعـآر لـ يوسـف اكثر من كتآبتهـآ للي تسمعه في المحآظرآت ..

رميت الدفترمره ثآنيه ..ورفعت التلفون .. فتحت القآئمه .. ضغطت حرف اليآي .. وظهر اسمـه

يوسـف .. طآلعت الاسم كآنـي آكلمه هو .. بهيبته جدآمي .. بجآذبيته الي ما اقدر عليهـآ ..قلت ..

بتكون لـــــــــي ...

يـوسـف

الكل رآآحوا .. وآقف عند البآب.. أشوف سيآره فهد وهم مغادرين .. آآخـر المغآدرين ..يلست على الدري الي عند بآآب الصآآله .. المكآن ظلآآم . ما ادري .. هل هو شعور الانسآن المكتئب .. يحس ان الظلآآم يحآآصـره .. تعبت ..

سرحت اكثـر من نص سآآعه .. لاحضت بيتنا مظلم .. قمت وشغلت الانآآره في كل ارجاء البيت .. حتى الامآآكـن الي ما ندخلها .. المسـرحيه خلـصت .. وبقوا الضحآيـا .. انا وهيه .. كيـف اشوفها وهالمره انا الي منكسـر .. كيـف .. اذا شآفتني جيـه بتنتهي .. ...

كل درجه للطآآبـق الثآني .. اردد .. الله كبيـر ..

فتحت بآآب الغرفه بتردد.. شفتها متمدده على السـرير .. سكرت البآب ..

لحضآت وياني صوتها

: رآآحوا ؟

قلت : هيه ..

ما حسيت الا وهيه تقوم تركـض صووووبي .. وتحضني بقووو .. كنت انتظر آآسمع صوت بكآآئها مثـل كل مره ,,, بس هالمره ما صآآحـت ..

قلت : مهره انتي بخيـر ؟

قالت : هيييه ... بخيـر .. بس .. كنت ابا اقولك .. اني اليوم ما بنكسـر .. عشآآنك

قلبي وقف .. مسحت على شعرها وانا ابعدها عني ..

قلت : شو رآآيج انا الي اطبـخ العشآآ اليوم ...!!

ابتسمت وهيه تكآآبـر : بتعفس لي المطبـخ..

قلت : استحملي يوم وآآحـد ما فيها شي ..

قالت : اوك .. بس انا برآآقبك...

ضحكت وقرصتها على خدهآ .. وقلت : يلآآآآ

:::

عيونـه عليهـآ هيـه ... دآخله مزآجـه .. ليش كل البنآت غير وهي غير .. شو تتحسـب عمرهـآ .. آحسن من كل هالبنآت الي طآآحن تحت ريولـه .. هو اوسم شباب الجآمعه .. أغنآهم .. وآكثـرهم شعبيـه .. شو تبآ اكثـر ...ما ينكر انهـآ جميـله ... بس هب للزوآج .. بيسوي اي شـي عشآآآن يوصـل للي يبآه ..

رفع تلفونه ...فتح الصور .. وآول صوره صورتهـآ .. هي .. نور..

مصيرهـآ تخضع له .. هذا الي كآن يتردد في ذهنـه....

رقمهـآ عنده .. اتصآل ...

لحضآت .. التلفون مشغول .. حس بنآر في قلبه منو تكلم في هذا الوقت المتآخـر.. دق عليهاآ

مره .. مرتين ..ثلآآآآآث ... وفي المره الثآلثه ردت ...

:::

رفعت التلفون بقهر .. صدق وقـح .. ردت

: خييييييييييييييييييييييييييير ؟

قآل .. : ما ايي مني الا الخيـر

اشمئزت من صوته ...

قالت : لا ادق على تلفوني

قآطعهـآ .. : حبيبتي ..البيت مآ فيه الا انتي والخدم .. صوتج هذا ما ترفعينه علي ..فآآآآآآآآآآآهمه

صوت انفآسها يدل انهـآ خآيفه ,, يحب يشوفها خيفآنه ..

قالت : بتلقى غيري .. شمعني انـآ ...!!

قآل بدون تردد : نور ....يمكن لآنج نفسـي ... وحيـده ..... بتحسين فيني ...

طوط ...طوط ..طوط

سكر في ويهـآ ,, رمت التلفون وانسدحت على الكرفآيه ...وغمضت عينهـآ .. الحديث ويآهـ يخليهـآ تتعـب ... مريض نفسـي اكيـد ....

ضحك.. بيوصـل لهـآ بهالاسلوب .. وحيده .. ووالبنت لمـآ تحتآج عاطفـه .. تحتآج حد حولها ومحد يلتفت لها بتغلط ... يتريآ اصـغر غلطـه .. بيفترسـهآ فيهـآ ..

وبيبدآ البحث عن ضحيـه ثآنيه

مآيــــد

طلعت من البيت متضآآيـج .. ابويه دوم يميز عمر عني.. يكرهني .. انا شو سويت له .. شوه ..؟؟السياره الي يابها لـ عمر احسن عني. . ادري شي تآفه.. حتى ابسط الامور .. كلمه ولدي ما يقولها الا لـ عمر .. ليش انا ولد منوه .. ولد الشـغاله .. .. كنت قبل لما اتضآآيج اروح لوحده من ربيعاتي واقعد عندها .. المره هذي ما عرفت وين اروح .طول عمرك بتظل تآيهه .. مآ لك مكآن .. والا قلب يحتويك ويحس فيك .. .. وقفت وانا اشوف اسم فندق .. نزلت للبآآآآر..انسى يا مآيد وتنآسـى .. محد يهتم فيك .. ان شاء الله تموت محد بتتحرك مشآعره ...

حصـه

من سكر البآب .. بدآ قلبي يرقـع بقو .. شو يبآ الحين ؟؟!!

آخآف منـه .. من تنآآقضـه ...فآرس نآم خلال لحضآت.. وانا آمرر ايدي على شعره .. ما كنت ابا اظهر له .. خوف من الي بيقوله .. خليت فآرس في سريـره ...

وقفت جدآم المرآيـآ .. جيه بطلـع له .. هيه شو يعني.. لفيت شعري بسـرعه.. ورجعت فتحتـه مثـل ما كآن .. يلست على السـرير .. ما بطلع وبتجآهل طلـبه .. شو اتجآهل بيدخـل مره ثآنيـه ..

اوووف الحين شو اسوي.. فتحت بآب غرفتي بترقـب .. شفته في الصآله غارق في افكآره.. الباب اصدر صوت .. غمضت عيني بقو .. فتحتهـآ.. وشفت عيونـه ترآقبني ..

سكرت الباب على فآرس ورحت صوبـه .. كونـي قويه .. ما يهمني شو بيقول .. خلآص

وقفت جدآمـه ..

قال : قعدي ..

يلست عداله .. التفت بجسمه كله صوبـي .. خلا ايده على ايدي .. وهنيه ارتبكت اكثـر .. شو تحت رآآسك .. نظرآته مختلـفه .. ارتبكت اكثر من سكوتـه ..

قلت : شو تبآ .. انا تعبآنه بروح انـآم ...!!

قال : حصـه .. سمعيني لحد ما اخلص كلآمـي ..

بلعت ريقي .. وسكت بخضوع ..

قال : ادري .. وآآيد اشياء صآرت لنا .. انا وآنتي .. آهلنا .. المشآكـل الي صآرت .. كل هالاشيآء كآنت خآرجيـه .. للحضـه الحين.. انـآ متآكد من الي بسويـه .. حصـه .. ابا ننسى كل الي صآر .. ونبدآ ..عشآن فآرس .. وعشآن ... وعشآن .. سكت ..

كنت اتريـآ شو بيقول ..

مد ايده ومررهـآ على خدي بنعومـه .. أقشعر بدني .. ما آقدر اوصف ضيجتي .. وانا احس بلمسته وفي نفس الوقـت يخوني .. ازحت ايده بقووو من على خدي .. طآلعني منصـدم ..

وقفت وقلت وانا مرتبكـه .. خآيفه .. بس كل هالمشآعر ما ظهرتهـآ .. ما ظهرت الا نظرآتي لشخص خآآين.. ومخآدع ... ويبـآ بس يريح نفسـه ..

قلت : فـــــــهد وصـلني بيت آآآآآآآهلي بآآآآآآآآآآآآآآآآآآجر اول ما تطلـع الشمس..

وغآدرت الصآله وسط سكوتـه ... دخلت الغرفه سكرت البآب بهدوء .. بس انهرت .. قعدت على الارض .. وغطيت على شفآيفي عشآن صوت شهقآتي ما توصـله .. خلآص بروح بيت اهلي .. وما يهمنـي اي شـي .. لا ابوي ... ولا فهد .. ولاعايلتي .. الي يهمني حصـه .. اول مره اخلـي حصـه في المركز الاول .. دوم هو الاول .. خلآص هذا مآضـي .. نفـسي ما ترضـى المذله اكثـر ..

نهــآيـــه البآرت

همسـه : هالبارت من اكثـر الاجزاء الي استمتعت في كتآبته وقرآئته ... عسـى بس يعيبكم ...~

نلتقـي بإذن الله ..

20-09-09, 09:14 PM

المشاركة رقم: 10

المعلومات
الكاتب:	وجه النهار
اللقب:	ليلاس متالق

البيانات
التسجيل:	Jul 2009
العضوية:	147447
المشاركات:	317
الجنس	أنثى
معدل التقييم:
نقاط التقييم:	40

االدولة

مدونتي

الإتصالات
الحالة:
وسائل الإتصال:

كاتب الموضوع : وجه النهار المنتدى : القصص المكتملة (بدون ردود)

عيدكم مبآرك .. عيديتي ردودكـم .. ~

البآآرت التآســـــــــع ..~

منتديات ليلاس

دمـآري .. !

ونـآري ..!

ومنفذ لـ انهيآري..!

في المدرسـه .. كآآنت قآعده بروحـهآآ .. تآآكـل من سندويجـه الفـلاآآفـل .. وتشـرب من العصيـر .. جميـله .. قليله في حقها .. تلفت الانتباه .. بس منعزلـه .. يت صوبها بنت .. تعرفها زين وياها من الابتدآآئـي .. يلست عدآلها ..

سآآره .. بـلآآآج قآعده بروحج .؟؟

ردت عليها بجفآآف : بس على كيـفي

قالت : شو رايج اتين حفله اليوم انا مسويتنها .. !!

التفت صوبها : شو سبب دعوتج ؟؟

ردت وعينها فيها شي غـريب : صرآآآحه في شخص طلب مني انج تحضـرين

ردت بآستغراب : منوه ؟

قالت : وآآحد معجب فيج

فزت من مكآآنها بصدمه .. الي قدامها شو تخربط .. ردت : دوري على غيري .. وعلى وحده صآآيـعه مثـلج ..

قامت ومسكتها من ايدها بقو: وانتي شو تتحسبين عمرج؟؟ لا تخليني اذكرج بمآآضي امج .. وبنت السآآآآآآآآآآآقطه سآآآآقطــــــــــــــــــه ..

منتديات ليلاس

التفتن البنات الموجودآآت في السآآحـه ... طالعنها.. والهمس اشتغل ..ارتجفت .. نزلت دموعها .. الكلمه تترد في ذهنها .. ايآآم .. ليآآلـي ... بنت السآآآآآآآقطه .. سآآآآآآآآآآآآآآقطه ... هيه بنت حرآآم .. خلآآص .. بدت تتغير .. وتصدق هالعبآآره .. كرهت الي حولها لانهم بكل بسآآطه ينظرون لها نظره دووونيـــــــــــه .. سآآآقطــــــــــــــــــــه ....

منتديات ليلاس

سآره

آبعدت هالذكرى عن بآآآلي .. دخلت البيت .. هآآدي .. من طلعت الصبح ما رجعت .. الحين السآآآعه 8 .. شفت ويه النحـس .. الي يقولون عنها امـي .. طلعت غرفتي بسرعه .. فريت عباتي وشيلتي .. وشفتها تدخل ..

قلت : ما تعرفين ادقيـن الباب.. ؟؟؟

ابتسمت متجاهله الجمـله .. قالت : سآآره .. ابوي اباج في موضوع ..

قلت بضيجه : خيـر ؟؟؟

بديت افتح شعري وامسح مكيآآجي..

قالت : اليوم يت عندي ام مطر .. خطبتج لولدها

انصدمت .. الا قلبي وقف ..شوتخربط هذي .. انا .. انا ما من حقـي اتزوووج .. ما من حقـي .. ترددت الكلمات .." بنت السآآقطـه سآآآآآآآآآآآآآآآآآآآقطـه "

ما قدرت اكتم هالشي في صدري.. صرخت : انتي شو تخربطيييييييييييييييين ؟

منتديات ليلاس

قالت : شو فيج .. لا تخافين الريآآل زين .. و

ما ادري ليش الدموع بللت ويهي : انا ما من حقي اعرس .. انا .. انا بنت حرآآآآآآآآآآآآآآآآآم ..

طالعتني وهيه تمثـل البرآآئه : شو ؟؟

قلت : لا تتوقعين ان كل هالسنين انا ما ادري .. ادري .. ابووووي قالي .. والنآآس قالت لي .. خلااااص كذبتج مكشوووفه .. بسج تمثــــــــــيـل انا تعـــــــــــبت خلآآآآآآآآآآآآآآآآآآآآص .. ما تحسين انتي .. انتي شووووووووووووووه ...

سكت .. لاني حسيت بكف على ويهي .. قووووي.. رفعت نظري وهيه اطآآلعني .. وتقول ..

: خسآآآآآآآآآره عمري وياااااااااااااااااااج ...انا الي خسـرت عمري .. ويا بنت .. قلت بتكووون لي عوون .. ترددين كلاااام ابوج وكلآآآآآآآآآآآم النآآآآآآآآآآآآآآس .. انا الي في يوم من الايآآآآآآآآآآآآم .. غامرت بحيآآتي عشآآآآآآآآنج .. وعشآآآآآآآآن مستقبلج .. ابعدج عن هالابو الي هو غلطت حيآآآآآآآآآآآآتي ..وانتي تقوليييين اني يبتج بالحرآآآآآآآآآآآآآم.. يا بنت ابوووووج انتي نفســـــــــه .. نسخــــه منه .. خسآآآآآآآآآآآره ..

آآآبوووج الي مفتخره فيـه .. مدمن .. ورآآعي بنات .. وخمر .. وامور الله العااااااااااااالم فيها .. خدع علي .. تزوجته .. غصبآآآ عن اهلي .. لاني حبيته .. او لاني غبيـه ..ايآآم واكتشـفته.. بس بعد ما نكرت فضل ابوي علي ..طآلبته بورثي وحقـي من فلوووووووووسه قبل لا يموت .. اول ما مسكت الفلوس .. عرفت هدف ابوج .. كنتي صـغيره .. قآآآلي . اذا ما عطيته الفلوس .. رآآآح اندم .. بس انا وعيت من غيبوبه الحب الي كنت عآآيشه فيها .. لما عرفت كل اخبآآره.. عذبني عذاااب ما انسآآه .. وطلبت الطـلآآآق .. يومها .. هددني وقال :

اذا ما عطيتني فلوس بفضحج ..

رفع قضيـه .. يقول انج هب بنته .. هب لـ شي .. الا عشآآآآآآآآآن اعطيه الفلوس .. واسـتر على نفسي على قولته .. بس انا رفضت .. بعد ما تركني خالج برووحي .. ما كان عندي الا الفلوس احمي فيها نفـسي ... ورفع القضيـه .. لوث سمعتي .. بس اياااام .. وسحب القضيه وتنازل .. لانه عرف اني ما بعطيه ولا فلس .. وانج بنتـــــــــــــــــــــــــــــــــــــــــــــــــه ... ياليتج متي وانتي في بطني ولا يا اليوم الي اشوفج فيه جيــــــــــــــــــــه..

منتديات ليلاس

لفت بتروح وانا واقفه ارتجفـ .. صآآآآآآآآرخت بغضب : بتخدعين علي بهالكلمتين .. ؟؟هااااااااااااه ...

ردت وهيه فاجه الباب : ابوج في السجن .. ما مهآآآآآآآآآآآآآآآآآجـر .. روحي له وسآآليه ...

سكتت طالعتني وانا مصدووومه .. بس خلاااص تعبت من الحيآآآآآآآه .. تعبت .. ابوي والا امي صـح .. حرآآآآآآآآآم عليكم .. صحت ..

التفت لها .. قالت : من اليوم لا تكلميني.. ولا تقولين لي امي .. لاني ما ابا بنت نفســــــــج ..

كلامها صفعه اقوى من الصفه الي قبـل .. قعدت ارتجف .. هب قآآدره اجمع الكلام الي قآآلته ..يعني انا هب بنت حرآآم .. يعني ,, بللت دموعي خدي .. تكورت على السـرير .. وقعدت ارتجف ,, ابا اسيطر على نفسي هب قآآدره .. حسيت بحرآآره في جسمي كآآمـل .. شـريط حيآآتي يمر علي .. فـهد .. فيصـل نوووور .. الكل .. علاقآآتي .. ارتجفت اكثر وانا انكـر الي اشوفـه لالالا انا طيبـه .. والله زينه .. والله ..ابا حد يحضني..ابا حد قربي .. يلمني .. ابا سند لي .. ليش تتركني الحين .. وليش هو تركني .. ليـــــــــــش....؟؟؟؟؟!!

عمر

ما سمعت الا عبآآآره .." من اليوم لا تكلميني.. ولا تقولين لي امي .. لاني ما ابا بنت نفســــــــج .." .. شفت عمتي تطلع من غرفه سآره .. غطت على ويها .. وراحت غرفتها وانا هب قآآدر استوعب .. لحقتها .. فجيت باب غرفتها شفتها تصيح وقاعده على الكرسي .. يلست جدآآمها على ركبتي ..

: عمتي .. بلآآآآآآآآج ؟؟

قالت : بنتي رآآحت ضآآعت خلاااص يا عمر .. ضآآعت

منتديات ليلاس

طالعتها .. شو مسويه سآآره .. شو مسوووويه.. شو الي خلا عمتي تقول هالكلمتين وتسكت .. مافهمت .. ولا ابا اتخيل اي شـي .. لان خيآلي يوديني لمنآآطٌـق مظلمه.. وهيه هب بعيده على سآآآره ..

قلت : عمتي ارتاآآحي انتي وكل شي بينحل اوعدج .. يـلآآآ

خليتها تنآآم .. شكلها تعباآآنه.. ما شفت في حيآآتي بنت جيه .. طلعت من غرفه عمتي على غرفتها .. وانا معصب من الافكآآر الي في رآآسـي .. هذي اكيد خبـله .. اكيد رخصت بعمرها.. اكيد .. دقيت الباب ماشي رد .. ثلآآث مرآآت نفس الحاله.. انتابني خووف .. فتحت الباب وانصـدمت ....

فـهد

مرت ربـع سآعه وانا قآآعد مكآني وكلمآتهـآ وهيه تقولي وصلني بيت اهلي .. تتردد ..اكيد انا عندي مشكلـه في السمـع .. قمت بسـرعه اتبـع ريحـه عطـرهـآ .. فتحت الباب .. والتفت لي .. ملآمحهـآ كلها عصبيـه .. وآشـرت بعصبيـه على فارس .. عرفت انها خيفآنه انه يوعـى .. رحت صوبها وانا اعبر الظلآم مسكت ايدهـآ اول ما وصلت عتبه البآب .. سحبت ايدهـآ .. وقفت قربهـآ تقربت منهـآ ..

قلت : حصـه .. شو تقصدين برمستـج انتي متآكده من الكلآم الي قلتيه ؟

عطتني ظهرها وهيه تهز ريـلها : هيه متآكـده ..

قلت بضيجه .. وانا امسكها من زندهـآ واخليها تجابلني ..

قلت : ليــش ؟

قالت بثـقه : ابا افكر ..

طالعتها مشتغرب .. تقربت هالمره هيه مني .. فهمتج يا حصـه تبين تخليني اعظ صبوعي ندم ... خلت ايدهـآ على كتفي .. والثآنيه على صدري : ما لي حقي افكر .. اذا استمر ويآك والا لا ؟!

نسيت كلآمـها وركزت في ملآمحهـآ ...

ما حسيت الا بالباب الي يتسكـر في ويهـي ..

غبي .. وتستآهل كـل الي يصيـر لك .. انسدحت على الكـرفآيـه

رفعت كندورتي .. ريحـه عطرهـآ عالقه فيني ..

ليش تصـرفت وياها كل ذيج التصـرفآت ما ادري .. ممكن فتره تخبط

على قولتهم ضربتين في الرآس توجـع ..

ما هدني الا انهـآ مخبره الكل .. يعني تثق فيهم .. يعني انا هب اهـل لـ ثقتهـآ ..

بس هذا كله رآح .. مـآبقى لي الا الصـبر ...

غفيت وانا افكر فيهـآ .. اول ما فجيت عيوني .. كآن على صوت .. فآرس .. قمت بسـرعه خذت شور . طـلعت وشفتهـآ .. كآشخـه .... ويالسه تعطي فارس حليبـه ..

تقربت من فآرس وقعدت جدآم سـريره الصـغيره .. وهو يبتسم .. مررت ايدي على خده ..تقربت منه وبستـه .. فديته بس ..

التفت عليها وهيه رآجعه ولابسه عباتها وخلت شنطه ملابس .. وشنطـه لـ فارس واغرآضـه

قلت بضيجـه : اتريآج في السيآره

عمر

شفتها ترتجف بشكل غريب .. رحت صوبها .. كانت متكوره ويها ما ينشآآف .. قلت

: سآآره .. سآآآآآآآآآآره

طالعتني .. وهيه هب ويآآي .. ويها احمـــــــــــــــر ..

قالت : انا..زينــ...هيــه .. قـ..ــآلــت .. ابو..ي .. قآآلــ .. انا ....

ما فهمت شـي .. منو هيه... وشو ياب طآآري ابوها ..الظآهر تهذي ...

طلعت لـغرفتي بسـرعه .. يبت مقيآآٍس الحرآآره وقربته منها.. عاملتها كـ مريضـه ..

39 ..

مرتفعه .. ماشي غير مسكن .. يبت لها مآآي وعطيتها وهيه ترفض وتدفعني .. للحضـه اول ما شربت الدوى ... طآلعتني .. تقربت مني وخلت راسها على صدري.. انصدمت .. هذي شو تسوي الظآآهر هب في وعيها ..ما قدرت ادفعها وفي نفس الوقت .. اذا حد شآفنا جيـه شو بيقول .. هيه بنت عمتي ..

قلت لها بارتبآآك : سآآره .. سآآآآآره

همست : لاتودرني.. لا تبتعد عني ..

ما قدرت ..الي يصير غلط .. بعدتها وخليت رآآسها على المخده ..تآملتها .. ابا افهم شو صآآيـر .. قعدت على الكرسي .. عدالها ..اترياها تهدى .. وتنخفض درجه حرآرتها ...

ما حسيت االا على صوت قوي في البيت .. قمت بسرعه ......

حصـه

ركبت السيآره ...وانا مصممه على القرآر الي اتخذته ... كآن سآكت .. اباه يترجآني ارجـع . .. بس هو ما عنده الا الصمت .. صمته يقهرني ..فهد اطلع من طورك .. قول ما بتظهرين ...

ابا اكسـر كلآمك ... ابا اخليك تتعلم كيـف تعاملني ..

وصلت بيت اهلي.. تعمدت اتنفس برآحـه .. كنت بفتح الباب ... بس ايده منعتني ..

قال : حصـه

اووف .. شو يبا الحين .. قلت : نـعم

فتح بوكـه وعطآنـي فلوس .....

قلت : الحمد الله ما بحتآج ابوي

عصب وبين هذا على نبرته ..: حصـــــــــــــــــه انا للحين زوجج .. وابو فآرس .. أعتقد هذا وآجبي .. عمري ما بخلي حد يصرف على ولدي .. حتى لو يده والا خآله ..

فتحت الباب ونزلت .. خلآص يآ فهد.. يمكن جيه احسن .. عوآطفـي آحآسيسي .. وآحآسيسك .. حبك ..كل هذا ما يفيد ...

شفت حمـد في ويهي ...

قال وهو يشوف الشنط : شو السآلفه ؟

ارتبكت ... يا صوتـه ..

قال : انا بسآفر يومين .. وحصـه ما بخليها بروحهـآ في البيت

حمد طالعه بستهزآء .. احس بالنآر الي شآبه بينهم ..

مسك حمد فآرس .. وهو سحبني صوبـه قربني منه لدرجـه احرجتني..نظرآتي كانت تهدده ..اعرف شو في باله ... لا تقرب مني.. هذي كآنت كلمآتي.. بس ضرب بها في الحآئـط ..

حسيت بشفآيـفه على يبهتـي ... ارتجفت ...

تقرب مني وقال : اهتمي بنفسـج .. وبفآرس

قلت وانا ادوس على قلبي .. عشآن احرق قلبـه ..

: ما احيدني اهمك .. لا انا ولا هو

غمض عينه وطـلع .. شفت السيآره وهيه تتحرك .. وقفت في حوش الفيـلآ بروحي .. اشوفـه..

ما قلت غير الله يحفظك ..

:::

سمعت صوتـه .. آبوي

: حصــــــــــه ؟؟

رحت صوبه وسلمت عليـه وحبيته على رآآسـه .. قلت وانا ابا اخـفي اسباب رجووعي للبيت

: فهد بيسآآفر اليوم

طالعني ..نظرآآته خلتني ارتعب ..

رد : آها..مرحبابج .. هذا بيتج ..

ابتسمت برضـى ..وطلعت لـ غرفتي .. شفت حور .. يت تربع صوبي .. حضنتي ..

: دبوووه تولهت عليج

قلت لها : في عينج محد دب غيررررررررررررج

ردت : لا والله شوفيني رشيقه ..

قلت : اقووول بس من الغرور

طلعت وهيه ورآآي .. : هآآآتي فآآآرس

قلت لها : خذيه خليه في سـريره ..

خذته وهيه تبوسه وشكله هو متأفف ...هههههههههههههههههههه ... احس برآآحه اني في بيت اهلي ... فريت العبآآآه ..

حور: شكلج تبين تذوبين قلب فهيدآآن شو هالحركآآت

طالعت لبسي ..تنوره سودا .. قصيره وقميـص بحري نآآعم

ابتسمت .. ولفيت ابا اعلق العباه والشيله ...

قآآآآآآآآلت : بعده على حآآآله ويآآآج ؟

ترددت شوا قول .. جاوبت : ما يخصج

قالت :آفآآآآآآآآ

قلت : لا افا ولا غيره .. ويلا طلعي ابا انآآآم ما نمت امس زين ..

يلست تلعب بحوآجبها ...: وشو الي ما خلآآآج تنامين امس ؟؟

قلت لها : برررررررررررررررا يا قليله الادب ...

ضحكت وطلعت : هههههههههههههههههههههههههههههههههههههههههههههههه

صدق ما تستحي .... يلست على السـريـر وانا افكر في كلآآآمه وفي نفس الوقت.. ملكيه الشقه تظهر جدامي وانقهر

يـوســـــــف

كنت على الريوووق .. طالعتها وهيه سرحآآآنـه ..

قلت : مهره .. نحن من بآآآآآآجــــــــــــــر بننتقـل بيت اهلي ,, احسن لنا .. منها انتي ترتاحين .. وانا بعد

هزت رآآسها .. طلعت .. دخلت مكتبي الي فالبيت .. طـلعت تلفون من تلفونآتي الجديمه .. آآيآآم الصيآآعه والمرآآهقـه فجيته .. وشفت لستت الارقآآم .. بنآآت اغلبها .. كلهن بكلمهن وبترجآهن الي تعرف مكان ولدي والا هيه لها دخل بختفآئه ترد لي ...

طلعت شفت مهره على قعدتها ...قلت : لمي اغراضج المهمه ..

قالت : ان شاء الله

اتخذت هالقرار .. علشآآآن تتغير نفسيه مهره ....

حمـد

دخلت الشركـه متآآخـر عسـى بس ما يلآآحظ الوآآآلـد .. التفت على صوت خلآآني اوقف

: حمـــــــــــد !!

فجيت عيوني على اخرها : يوووسـف الله يغربـل ابليسك .. جيه تزيغني تحسبت الوآآآلـد

ضحك .. : تعآآآل اباآآك في رمسـه ..

رحت صوب مكتبه وانا اتبعه .. فيه شـي .. ما الومه .. انا امس ما قدرت انآآم من الضيجه يوسـف وآآآيـد قريب مني .. مالي اخو .. بس هو آآخوي ...

قلت : بلآآآك ..؟؟!

رد : ايـلس

شكلها السآلفه طووويـله ..

قال وهو يخلي جدآآمـي مجموعه من التلفونآآت ..

: تتوقـع هل ممكن بنت تسوي فيني انا ومهره هالشـي ..!!

قلت : يـو....

قآطعني : جآآوب ..

رديت : هيه ممكن ليش لا .. انته تعرف البنات .. اذا حآولن ينتقمن من حد ... ما يفكرن

قـآل : يعني الخطوه الي بسويها صـح ..؟؟

قلت : يوسـف لا تتهور ..

قاطعني : بكلم كل بنت كلمتها.. بسآآلها عن سآآآلم

يعني بالله عليكم .. لو وحده منهن هيه الي خذته .. هل بتخبـر يوسـف.. ما قلت هالشي .. خليته في خآآطـري.. ما ابا اخليه يفقد الضوء الي يشوفـه ويمكن كلآآمـه صـح ..

عسـى خيـر .. هذي الكلمه الي اقولها

مآيـــــــــد

دخلت البار .. طلبت خمـر وقعدت على الكرسي .. لحضآت وكآن الكآس يعزمني لـ نسيآن كل شي ... تنهدت ... مسكت الكوب الكرستآلي .. الي يحتوي على دمـآري .. ونـآري .. ومنفذ لـ انهيآري .. قربته من حلجي .. بس ريحته القذره .. خلتني ارجع ارميـه على الطآوله .. رميت نص الفلوس الي في بـوكـي على الطآولـه ..وطلـعت .. هب مآيد الي يتصـرف هالتصـرف ... ركبت السياره وسرعت باقصى سـرعه .. دخلت البيت .. وركضت على الدري .. ومقصدي غرفته..

غرفه ابو عمـر بسآله .. ليش جيـه ..

فتحت الباب وانا الهث .. فز بكل شموخ .. قال

: تدخل بدون اذن ؟

قلت : ليــــــــــــــش ... ؟؟ بس فهمني ... خلني افهم ؟؟

طالعني: شو الي ليش يا مـآيد .. ؟

قلت : ليش انـآ غيــــــــر ... ليش تعاملني بكل قسوه .. ليش .. فسر لي .. ليش ما تهتم فيني .. ولا مره سآلتني وين رآيـح .. ومنو ربعي .. ليش ؟؟

طالعني وقال : يا ولـــــدي ...

صرخت وانا اأشـر بصبعي له : غلطآآآآآآآآآن ... ولدك عمر هب آنـآ ..