عايزة أعرف اسم الرواية دي

إزيكم يا بنات ليلاس
بجد يا رب حد يقدر يساعدني في معرفة الرواية دي .
أنا المشكلة إني قريتها تقريباً من 8 سنين و ناسية خالص معظم أحداثها و اسمها (و كمان مش متأكدة إذا كانت عبير و لا غدير!).

إلي أنا فكراه إن البطلة كانت ماشية على الشط في يوم خطوبتها لما قابلت البطل ، و هو أعجب بيها علاطول ، و كان لابس خاتم فيه جوهرة حمراء إداهولها و قالها تخليه معاها لحد ما يتقابلوا تاني . بعدين لما راحت حفلة خطوبتها ، اتفاجأت إن البطل طلع أخو خطيبها (أو قريبه ، مش فاكرة بالضبط) . المهم إن البطل أجبرها إنها تتجوزه هوا بدل أخوه . مش فاكرة أوي الأحداث بعد كده ، بس أنا فاكرة إنها كانت حطت الخاتم في سلسلة و بقت بتلبسه علاطول حوالين رقبتها من غير ما البطل يعرف ، و كان بيعاملها وحش . و بعدين في الآخر اتصل بالبيت عشان يقولها إنه بيحبها لما الخدامة قالتله إنها شافت البطلة بتحضن واحد شعره أصفر جه البيت (و الراجل ده أصلاً طلع أبو البطلة بس البطل ما كنش يعرف) ، فلما رجع البيت طردها و قالها تمشي فهي مشيت . و بعدها بشهور اكتشفت إنها حامل و ما كنش معاها فلوس خالص ، فراحت عشان تبيع الخاتم بتاع البطل في محل مجوهرات ، و طلع صاحب المحل كان صاحب البطل و كلمه و قالوا عن مكانها .

دي الحاجات إلي أنا فكراها من الرواية ، فياريت بجد لو حد يعرف اسمها يقولي ، و ياريت كمان لو حد يعرف اسمها الأصلي بالانجليزي .

ميرسي يا بنات