الــــبـــــــــارت الثاني

راح يكون بإذن الله يوم الأثنين أو الثلاثاء

بـ سبب توقف الكاتبة عن تنزيل البارتات سوف أكملها لـ اخر بارت نزل


الـــــــــبــــــــــــارت الــــــــــثــــــــــانـــــــــــــــــي


راح اخذ له شاور ونزل يفطر بالفندق

شاف سجى جالسه على احد الطاولت

ابتسم وراح لها بعد ماطلب له فطور:تسمحين لي اجلس؟

سجى ردت له الابتسامة:حياك ..

جلس ياسر:اخبارك سجى؟

سجى:الحمدلله بخير .. اخبارك انت؟

ياسر وهو يحرك الشاي بالملعقه:انا بخير دامك بخير

وبعد ماخلصوا من الفطور

ياسر:عن اذنك سجو انا رايح ابدل ملابسي واروح للجامعه

سجى استحت من كلمة سجو:اوكي انا رايحه للجامعه

راحت سجى للجامعه وياسر بدل ملابسه ومشى للجامعه علطول

دخل الجامعه:بسم الله الرحمن الرحيم وش جابك هنا؟

سجى:هههههه انت اللي وش جابك؟

ياسر بإستهبال:هذي جامعتي

سجى:ههههه وانا بعد

ياسر:لا صدق انتي هذي جامعتك؟

سجى:ايه وش رايك؟؟

ياسر:رايي من رايك ..

سجى تغير مزاجه فجأة:افف علينا محاضرة بعد شوي .. عندنا الدكتور الافريقي مادري البنغالي مادري وش قصته

ياسر:هههههههه الله يرجك .. وش بنغالي انتي ؟؟ تقصدين الدكتور (...)

سجى:ايوه

ياسر:جد؟

سجى استغربت:يس .. وش فيك؟؟

ياسر:شكلنا بنفس الكلاس

سجى:لا ماأتوقع .. لو حنا بنفس الكلاس كان عرفنا بعض

ياسر:بس انا علي محاضرة .. عند الطبيب اقصد الدكتور البنغالي على قولتك

سجى:ههههههههه.. بإختصار حنا بنفس الكلاس
ياسر:ماتلاحظين اننا سويناها قضية ؟

سجى:تلاحظ انت؟؟

ياسر:اقول امشي للكلاس وبلا هرج فاضي

سجى:اقول لاتنافخ

ياسر بإبتسامة:وش عندها الاخت صارت قوية

سجى:انت اللي وش عندك صاير شراني

ياسر:زعلتي؟

سجى:............

ياسر:والله ماكنت اقصد كنت امزح معك

سجى:.............

ياسر بإهتمام:سجى ؟؟ عن الدلع عاد وش فيك؟؟

سجى ماقدرت تمسك نفسها وضحكت

ياسر:أوريك وانا احسبك جد زعلتي .. خلاص انا زعلت عليك

سجى:طق راسك بأقرب جدار

ياسر:وجعه انشاالله ... على قولة جدتي الله يذكره بالخير

سجى:هههههه

ودخلوا الكلاس


&&&&&&&&&&&&&&&&&&&&&&&&&&&&&&&&&&&&&&&&&&&&&

ضاقت الدنيا عليه واسودت فيه وجهه

لكنه قرر يصبر ويجاهد الدنيا ويتحمل .. ويهتم بأخته .. لانه مالها غير الله الا اخوها

عزام:لاحول ولا قوة الابالله .. الله أجرني في مصيبتي واخلفني خيرا منها ..الله يرحمك يايمه

بعد كم ساعه رغد تتكلم وهي مغمضه عيونها:يمه .. يمه

عزام:رغد .. الحمدلله على سلامتك

رغد فتحت عيونها وهي جالسة عالسرير:انا وين فيه .. وين حطيتوني؟ وامي وينها؟

عزام:رغد ادعيلها بالرحمة

جلست تبكي رغد بكل حرقة:الله يرحمك يايمة .. الله يرحمك ..

شالت المغذي من على يدها

عزام:رغد ليش تشيليـ...

رغد وهي تقوم من السرير (قاطعته):انا مافيني شي علشان يحطون فيني مغذي

قطع كلامهم رنة جوال عزام

عزام بصوت حزين:هلا محمد

محمد:عزام وش فيك؟

عزام:أمي .. تطلبك الحل

محمد:أيـــــــــش

عزام:الله يرحمها

محمد:انت وش تقول ؟؟ .. عمتي ماتت؟

عزام:مثل ماسمعت يامحمد

محمد وهو يبكي:لاحول ولا قوة الا بالله .. الله يرحمها .. الله يرحمك ياعمه

عزام:آمين الله يرحمها

محمد:انت وينك الحين؟
عزام:بالمستشفى انا ورغد

محمد:طيب عمتي وش فيها ؟؟ .. ايش كان مرضها؟؟

عزام:يقول الدكتور انه ارتفاع حاد بالسكر عندها

محمد:لاحول ولا قوة بالله .. إننا لله وإنا إليه راجعون .. طيب ياعزام تعال انت واختك

عزام:وأمي..

محمد:الله يرحمها .. خلهم يودونها للثلاجة

عزام تردد في أذنه كلمة الثلاجة

الــــثــــلاجــــة
الـــثـــلاجـــة
الــثــلاجــة
الـثلاجـة
الثلاجة

يعني هذي اخر مرة راح يشوفها فيه

عزام:طيب .. يعني بنصلي عليها بكرا؟

محمد:إن شاءالله .. أنا انتظرك

عزام:طيب هذاني جاي

&&&&&&&&&&&&&&&&&&&&&&&&&&&&&&&&&&&&&&&&&&&&&

محمد:لاحول ولا قوة الا بالله .. الله يرحمك ياعمة

سارة (اللي هي أم محمد) وهي نازلة من غرفتها شافت ولدها واضح عليه انه حزين

سارة:وش فيك يامحمد.. ؟

محمد:عمتي لطيفة .. تطلبك الحل ..

سارة بصدمة:أيــــــش ؟ .. توفت ؟ .. ومتى ؟ ووش فيها ؟

محمد:فيه ارتفاع حاد بالسكر عندها

سارة وهي تجلس بجنب محمد ولأول مرة يحن قلبها:ياقلبي على بنتها وولدها .. الله يرحمها .. لاحول ولا قوة الا بالله

وبالوقت نفسه نزلت ريماس:ماما وش فيك تبكين ؟

سارة:عمتك .. عمتك لطيفة

ريماس بكت فجأة:لا .. إلا عمتي .. لا وشلون ماتت انتم تكذبون ..

محمد:استغفري الله ياريماس مايصلح كذا .. صار عندها إرتفاع بالسكر وكان عزام واخته مو بالبيت وتوفت الله يرحمها

ريماس:ورغد وينها ؟ وش صار عليها ؟

محمد:قلت لهم يجون

وسمعوا صوت طرق الباب الرئيسي

راح محمد فتح ولقاه عزام واخته

محمد ضم عزام بكل قوة وبكى وكأنه لم يراه من سنين

بكى محمد القوي .. بكى محمد اللي الكل يهابه .. بكى محمد كالطفل الرضيع

وقابله عزام أيضا بالبكاء

ريماس قامت بسرعة وضمت رغد وجلستها على الكنبة

وجلسوا يبكون كلهم

&&&&&&&&&&&&&&&&&&&&&&&&&&&&&&&&&&&&&&&&&&&&&
وشلون يسلى القلب والقلب مجروح ؟
محبوس في صدره ولا أحد درا به




على فراقك يا عمة يكثر النوح




أبعد عن البيت و اكثر من البوح
وأهيض العبرات و ابكي غيابها




أشوف طيفك يا عمة وين ما اروح
ببيتنا و بيتك بعتبة بابه




و إن شفت عيالك بدا صدري يفوح
أذكرك و اذكر ضحكتك والدعابه






الله يرضينا بما خط باللوح
الله وجلت حكمته في كتابه

&&&&&&&&&&&&&&&&&&&&&&&&&&&&&&&&&&&&&&&&&&&&&

سارة ذات القلب القاسي .. ماقدرت تتحمل وراحت غرفتها تبكي


&&&&&&&&&&&&&&&&&&&&&&&&&&&&&&&&&&&&&&&&&&&&&

عزام & رغد

تطلقت امهم من يوم كان عمر عزام 4 سنين و رغد عمرها سنه واحده

يعني عزام اكبر من رغد بثلاث سنين

عمرهم الحين
عزام : عمره 23 سنه

رغد : 20 سنه

&&&&&&&&&&&&&&&&&&&&&&&&&&&&&&&&&&&&&&&&&&&&&

محمد كيف راحت عن باله

مشـــــاعل

وش ردة فعلها لما تدري إن أم عزام توفت

هي صدق ماتقربلها بالنسب

لكن تقربلها بالقلب

كانت هي الام الحنونه لمشاعل

كانت تلبي رغباتها وتسوي أي شي تبغاه

مشاعل كانت تحس ان عندها ام

لكن الحين وش ردة فعل مشاعل

جا الوقت اللي مايبيه محمد

نزلت مشاعل

محمد ناضرها : (وش أقول لها الحين)

مشاعل لاحظت على الكل علامات الحزن

استغربت:محمد ؟ وش فيكم ؟

محمد (بتردد واضح) : عـ.. عمتي.. أم عزام

مشاعل انصدمت:عمتي أم عزام .. وش فيها ؟ تكلم يامحمد تكفى قول

محمد:تطلبك الحل يامشاعل .. إنا لله وإنا إليه راجعون

مشاعل صرخت بأقوا ماعندها:لااااااا

وطاحت مغمي عليها

&&&&&&&&&&&&&&&&&&&&&&&&&&&&&&&&&&&&&&&&&&&&&


نهاية البارت الثاني

&&&&&&&&&&&&&&&&&&&&&&&&&&&&&&&&&&&&&&&&&&&&&

توقعاتكم وآرائكم

الشخصيات الان بدأت بالوضوح

وعرفتوا كل شي عن الشخصيات تقريبا

ماعدا ياسر & سجى سوف أتعمق فيهم إن شاءالله

وعارفه ان البارت قصير جدا

لكن الجايات أحسن بإذن الله

تقبلوا تحياتي:

أمــــــــــــــوره

&&&&&&&&&&&&&&&&&&&&&&&&&&&&&&&&&&&&&&&&&&&&&









الـــبارت الثالث

راح يكون بإذن الله قريب جدا

يعني بكرا ولا بعده

لان البارت هذا قصير جدا


..
..
..

&&&&&&&&&&&&&&&&&&&&&&&&&&&&&&&&&&&&&&&&&&&&&



الــــــبـــــــــــارت الـــــــثـــــــــالــــــــــــــث


بعيدا عن الجو الكئيب والمحزن .. في مكان جميل جدا وهواء نقي .. وصباح مشمس



خلصت المحاضره وكلن طلع



ياسر يقصد المحاضرة:يــع



سجى:بوجهك



ياسر بدا يعصب:ماتلاحظين إني عطيتك وجه



سجى:لاياشيخ متكرم علينا بهالوجه



ياسر:اقول اسكتي ولا كلمة



سجى:اقول تقلع بس .. انت اللي اسكت ولا كلمة



ياسر:طيب .. هذا وجهي ان تكلمت معك مره ثانيه



راح عنها وهو مبعد:لا تعرفيني ولا أعرفك



سجى:احسن انقلع



ياسر:احسنين



وراح



سجى:وش فيه ذا شايف نفسه .. اقول بس احسن لي اروح امر صديقتي



وهي بالطريق



وقفها شاب



سجى بنفسها : (الا هذا هو اللي مسكني اول مره)



حاولت تهرب لكن دون جدوى



&&&&&&&&&&&&&&&&&&&&&&&&&&&&&&&&&&&&&&&&&&&&&



رغد:ياربيه يامشاعل .. ايش نسوي



محمد جيبوا مويه بسرعه



ريماس ولأول مره تهتم راحت بسرعه وجابت مويه ورشته عليها



ريماس:خلونا نوديها لغرفتها ترتاح



رغد:زين بروح اجهز لها فراشها .. وين غرفتها ؟؟



ريماس:اول ماتروحين مع الدرج بالدور الثالث تلاقينها على يمينك



رغد:طيب



وراحت شافت غرفتها وانصدمت:هذي غرفة ؟؟ .. هذي غرفة يعيش فيها انسان ؟؟



نزلت:ريماس مايصلح نحطها بالغرفة هذي



ريماس نزلت راسها وهي تدري انها صادقه:اوكي راح احطها على فراشي



رغد:زين سويتي يالله نوديها



شالوها ريماس ورغد .. وبمساعدة بسيطة من محمد وعزام


وحطوها على فراش ريماس



ريماس حنت على مشاعل:ماتستاهل ياقلبي عليها



رغد:نخليها ترتاح هنا



ريماس:انتي روحي وانا بجلس عندها



رغد:وين اروح لحالي؟ .. بجلس معك



ريماس:بكيفك



رغد وهي تمسح على شعر مشاعل:ياحبيلها .. والله ماتستاهل .. استغفر الله العظيم



ريماس:رورو بقولك شي



رغد:هلا تفضلي ..



ريماس:بس اوعديني ماتزعلين



رغد:لا قولي ..



ريماس:مشاعل .. تصدقين انها من اول ماجت ماشافت معنا يوم حلو



رغد (بصدمه):كيف ؟؟ .. بس هي قالت انها مرتاحه معكم ولا حد ضايقها



ريماس:ياقلبي .. هي تكابر ولا تبغى توضح لاحد شي .. انا كنت قاسية والله قاسية



رغد دمعت عيونها:حرام عليك هذي يتيمه .. محتاجه رعاية .. ماعندها لا أم ولا أبو .. تعرفين وشلون ماعندها ام ولا ابو



ريماس ايضا دمعت عيونها:والله كنت غبية .. مادري وشلون كل هالسنين أطعت الشيطان .. مسكينه شافت الويل مني ومن امي وابوي .. رغد احس اني ندمانه



رغد:استغفري ربك واستسمحي منها



ريماس:تتوقعين بتسامحني ؟؟ .. انا اتوقع مو مسامحتني .. لانها تعذبت مني من سنين



رغد:مشاعل قلبها طيب .. وراح تسامحك .. قلبها يعورها لاشافت احد زعلان ..



قــــامت مشاعل وهي تحس راسها ثقيل



شافت من حولها (رغد .. ريماس .. غرفة تختلف عن غرفتها)



مشاعل:وين أنا



ريماس بفرحة:مشاعل .. الحمدلله على سلامتك



مشاعل استغربت بس ابتسمت:انا وين



رغد:انت ارتاحي بس ..



مشاعل وكأنها تذكرت:عـــمــتي



رغد:مشاعل انتي مؤمنة والمؤمن مبتلى ..



ريماس:حبيبتي مشاعل .. الله يبتليك يشوف انتي تصبرين وتحتسبين ولا لا



مشاعل وكأنها طفلة:طيب أبي أم .. راحت عمتي اللي هي بمثابة امي .. خلاص انا وش بقى لي من الدنيا



رغد وريماس ضموها حيل



ريماس:ياقلبي انا اصير امك وابوك واللي تبين



رغد:حبيبتي لاتضيقين صدرك وصدري



مشاعل لأول مره في حياتها تحس إن عندها سند .. فضمتهم حيل .. وكأنه ماتبي تفارقهم أبدا



رغد وريماس .. بدل مايطلبون احد يواسيهم ويقلل من حزنهم



كانوا هم اللي يواسون مشاعل



&&&&&&&&&&&&&&&&&&&&&&&&&&&&&&&&&&&&&&&&&&&&&



حاولت تبعد عنها لكن هو ماسكها



وطلع من يده سكين



كان فرنسي وقالها بالفرنسي:راح اقتلك اذا تحركتي او بينتي شي



سجى ماتدري ايش تسوي .. بالأول ساعدها ياسر .. والحين مين يساعدها .. ياسر ؟؟ بعد مازعلته ؟؟



سجى:تكفى اتركني .. تكفى



كان ياسر ماراح للشقة كان بيرجع لها ويعطيها دفترها



لكنه شاف سجى وهو ماسكها الفرنسي:وش هالصدف .. ووش يبي الملعون هذا .. اروح لها ولا اتركها ؟؟ .. لا حرام خل اروح اساعدها



راح للفرنسي واخذ منه السكين:انا وش قلت لك ؟؟ مو قلت لك ماتجي هنا مره ثانيه (طبعا بالفرنسي)



الفرنسي تغيرت علامات وجهه من الخوف وراح عنهم بسرعه بدون مايقول شي



سجى نزلت راسها



ياسر ناظرها بعدم اهتمام:خوذي دفترك



ومده لها .. واخذته منه .. وكان بيمشي



بس وقفته سجى بإسمه:ياسر ..



ياسر وقف شوي



بعدين كمل طريقة وراح لسكنه



سجى وقفت شوي ودمعتها على خدها:انا وش سويت ؟؟ .. صدق اني ماأقدر اوفيه حقه .. اللي صار لي قبل شوي كأنه يذكرني بأول مره ألتقينا



راحت كملت طرقها للفندق



وراح لشقة ياسر



طرقت الباب



مره .. مرتين .. ثلاث



لكن دون رد



راحت سجى لشقتها وجلست على سريرها:ليش انا سويت كذا .. صدق اني غبية .. كيف راح اعتذر له الحين



نزلت دمعتها على خدها مره ثانية



وهي تفتش بالجوال لقت رقمه:فكره ليش ماأرسل له رسالة



وجلست تدور له رسالة اعتذار



إلى أن لاقت رسالة حلوه



وقرتها كم مره تشوف فيها اخطاء أو ملاحظات



ارسلتها وهي تنتظر الرد



عـــــند ياسر



كان يبغى ينام



لكن صحاه صوت جواله بنغمة مسج



فتحها ولقاها من سجى



\----------------/


وش هالكونبعدك
علمني وش يكون؟؟
وش هالدنيا بدونك غيرصمت
وسكون!
الصبح شاحب!والليل تملاهالظنون!
والزوايا موحشه!(فاقد قلب حنون)
عادي كل هالناس عندي يروحوناو
يجون
الا انت غير الناس روحتكعني
ماتهون"



ياسر سامحني انا آسفة وحقك علي


ســجــى


\----------------/



ياسر أثرت فيه الرسالة


لكن رمى الجوال ونام



سجى كانت تنتظر الرد:اووه وش فيه مارد .. يارب يرد



لكنها نامت وهي تنتظر .. لانها كانت تعبانه وسهرانه من امس



&&&&&&&&&&&&&&&&&&&&&&&&&&&&&&&&&&&&&&&&&&&&&



مشاعل حست انها مرتاحه



مشاعل:خلاص ريمو رورو بروح غرفتي



ريماس بتفكير وبعدها اتخذت قرارها:لا لاتروحين



مشاعل:ليش



ريماس:لانها مو غرفتك



مشاعل انصدمت:ايش؟ يعني وين انام؟؟



رغد:ريماس وش تقولين؟؟



ريماس:رجاءاً لاتحكمون بسرعه .. مشاعل شفتي الغرفة اللي بجنب غرفتي ؟؟



مشاعل بإستغراب:ايوه



ريماس:راح تكون لك وغرفتك اللي قبل مو زينه خلي كل شي فيها الا اللي تبينه



مشاعل بفرحه:صدق ؟؟ بس .. انتم قلتوا لي قبل انك ماتستاهلين الغرفة هذي



ريماس:لا ياقلبي تستاهلينها ونص غصب على اللي يقول لا .. وان شاءالله راح اشري لك اثاث على ذوقي الشين .. اقصد ذوقي الخاص



رغد:ههههه لا بالعكس ذوقك راقي



مشاعل:اي والله والدليل غرفتك هذي



ريماس:المهم بروح ان شاءالله بعد كم يوم واشتري لك اثاث



مشاعل:بس كيف اكوي الملابس واغسلهم .. وكل شي فوق



ريماس:لا ياقلبي مافيه شغل ولا شي ثاني .. انا راح اجيب خدامه



مشاعل:يمكن خالتي أم محمد ماترضى



ريماس:لا ماعليك ان شاءالله بترضى

&&&&&&&&&&&&&&&&&&&&&&&&&&&&&&&&&&&&&&&&&&&&&


محمد وعزام كانو جالسين بالملحق



الملحق كان اسمه ملحق



لكن هو بالحقيقه مو ملحق



أثاث جميل جدا وإضاءة روعه



وفيها شاشة تلفزيون كبيرة



وسجادات نظيفة ..



ومعها دورة مياه (الله يكرمكم)



وماكان منفصل عن البيت مره



يعني فيه باب يطلع على برا وفيه باب على الفله



محمد:عزام وين بتسكنون ؟؟ .. بتسكنون ببيتكم لحالكم



عزام:لا مستحيل .. تبغاني كل يوم اقوم من النوم .. واشم ريحة الغالية بكل مكان وابكي عليها ..



محمد:طيب بتروح عند ابوك



عزام بقرف:لا افف هذا مو ابو



محمد:استغفر الله .. مهما كان يبقا ابوك



عزام:المهم ماراح اسكن عنده .. باخذ لي شقة



محمد:لا ياخوي وين تاخذ شقة واحنا موجودين .. وش رايكم تسكنون عندنا



عزام:لا يالغلا راح نتعبكم معانا



محمد:تعبكم راحه



عزام:والله مادري



محمد:يابن الحلال قل موافق وخلها على الله



عزام:موافق



محمد:حلو .. وش رايك يكون الملحق لك انت وأختك



عزام:والله ماأقول شي فوق كلمتك



محمد:لا يالغلا قل اللي تبي .. اذا مو عاجبتك .. اشوف لك غرفة احسن منها واوسع



عزام:لا لا ماأبي اتعبك .. هذي زينه وتصلح لنا



محمد:اوك راح نطلع ان شاءالله بعد كم يوم واشوف لك اثاث حلو



عزام:مشكور والله ماقصرت



محمد:العفو وهذا واجبي



&&&&&&&&&&&&&&&&&&&&&&&&&&&&&&&&&&&&&&&&&&&&&



قام بعد نصف ساعه وهو يحس بكتمه وحشره



يتنفس بصعوبه



حاول يتنفس لكن النفس بالصعوبه يطلع



اخذ الجوال بسرعه واتصل على الاستقبال


ياسر:الوو .... انا بالشقة رقم (24) تعال بسرعة


اللي بالاستقبال حس انه فيه شي من صوته


قال لواحد من أصحابه يشوف وش فيه


راح دخل عليه لكن لقاه فاقد للوعي


اتصل بالإسعاف وجو بسرعة


سجى صحت على صوت الضجة اللي طالع من صوت الشقة اللي بجنبها



طلعت تشوف وش السالفة



لكن انصدمت



لما شافت الإسعاف حاملين ياسر معهم



سجى صرخت:ياسر .. وش فيه ياسر تكفون ردوا علي



لكن ماحد رد عليها



وركبوه بسيارة الإسعاف



سجى راحت بسرعة لسيارتها واتبعتهم



&&&&&&&&&&&&&&&&&&&&&&&&&&&&&&&&&&&&&&&&&&&&&



صــــبــــــــاح يــــــوم جديد




رغد ومشاعل نامو عند ريماس بغرفتها



عزام نام عند محمد بغرفته



رغد وهي تشوف ساعتها



اوه الساعه 9 .. ايه موب لازم مدرسة



رغد وهيت تصحي مشاعل وريماس:يالله قوموا الساعه 9 .. خلونا نفطر



صحت مشاعل وهي تتثاوب:آآآآآه لا إله الا الله



ريماس:كم الساعه الحين؟؟



رغد:غبيه انتي اقولك الساعه 9



مشاعل:لاتشرهين عليها دامها توها قايمه تصير مثل البقره



ريماس:انا بقره يالعنز



مشاعل:لالا ماحد بقرة بس يالله امشوا نفطر



رغد:ههههههه يالله



راحوا غسلوا وجيههم وجلسوا على طاولة الطعام



ريماس وهي تصوت للخادمه:لينا .. لينااااااا



لينا:Yes, madam



ريماس:وين الفطور ؟؟



لينا:الهين الساعه تسأة وانا سوي فتور السأة سته (الحين الساعه 9 وانا مسويه فطور الساعة 6)



ريماس:طيب جيبيه ولا سوي واحد ثاني



لينا:Okay, madam



وراحت تسوي الفطور



ريماس:اعوذ بالله تعلمني الساعه .. غبيه انا عندها



رغد:هههههه



مشاعل:لا اختنا بالله مروقه اليوم



دخل عليهم عزام



عزام:ترانا بنصلي على امي بعد صلاة الظهر .. والعزاء راح يكون ببيتنا



تحول ضحك رغد الى دموع على خدها



رغد:الله يرحمك يايمه



جات الخدامه معها الفطور



رغد:والله انا ماأشتهيه



مشاعل:ولا أنا



ريماس:ولا أنا بعد



وقاموا من الطاولة



&&&&&&&&&&&&&&&&&&&&&&&&&&&&&&&&&&&&&&&&&&&&&


في فرنسا ظهراً




سجى جالسة عند ياسر .. كان موضوع على فمه أكسجين



وللحين ماصحى



حست انه تحرك:ياسر ..



حرك عيونه وحس ان النور آلم عيونه



غمضها بقوه



سجى:ياسر .. تسمعني



ياسر مسك يد سجى



سجى انحرجت من حركته بس شدت من مسكتها على يده



ياسر فتح عيونه اخيرا وناظر بسجى



سجى بفرحة: ياسر الحمدلله على سلامتك



دخل الدكتور عليهم وطمأنهم على حالته وسمح لهم بالخروج الآن



كملوا الأجراءات وطلعوا



سجى ركبت ياسر بسيارتها بالأمام



سجى:الحمدلله على سلامتك



ياسر:الله يسلمك



سجى:ياسر .. أنا آسفة .. والله انه ضاق صدري عليك



ياسر اكتفى بإبتسامه



سجى:ياسر تكفى سامحني .. انأ غلطت وحقك علي .. تكفى لاتزعل



ياسر:من قال إني زعلت



سجى:يعني راضي الحين



ياسر:وأنا أقدر ازعل عليك



سجى وجهها صار أحمر وماقالت شي



وصلوا الفندق وسجى ساعدت ياسر على دخول شقته



سجى:ياسر اذا بغيت شي اتصل علي



ياسر:مشكوره ..



سجى:العفو وهذا واجبي .. يالله عن اذنك



ياسر:اذنك معاك



سجى:باي



ياسر:سجى



سجى التفتت له:هلا



ياسر:رحتي الجامعه اليوم ؟



سجى:لا والله .. كل ذا علشانك



ياسر:ليش تفوتين الجامعه .. انا مافيني شي الحمدلله وهذاني قدامك



سجى:اممم وش اسوي ماقدرت اروح واخليك بالمستشفى لحالك



ياسر:جزاك الله خير ياسجى .. ماقصرتي والله



سجى:آمين وإياك



ياسر:يالله عن اذنك بروح ارتاح



سجى:يالله سي يو



ودخل الكل شقته



&&&&&&&&&&&&&&&&&&&&&&&&&&&&&&&&&&&&&&&&&&&&&




نــــــــهــــــــاية الــــــــبـــــــــــارت




&&&&&&&&&&&&&&&&&&&&&&&&&&&&&&&&&&&&&&&&&&&&&



أتمنى أنه أعجبكم ويكون طويل مثل اللي تبون



على عكس البارت السابق القصير



&&&&&&&&&&&&&&&&&&&&&&&&&&&&&&&&&&&&&&&&&&&&&



تحياتي:



أمـــــــــــــــــــــــــــــــــــــــــــــــو رة


&&&&&&&&&&&&&&&&&&&&&&&&&&&&&&&&&&&&&&&&&&&&&


..
..
..

الـــبــــارت الــــرابع
&&&&&&&&&&&&&&&&&&&&&&&&&&&&&&&&&&&&&&&&&&&&&
في السعودية
ماصدق انه هذي اخر مره يشوف فيها امه
باسها على جبينها ووجهها وكل مكان
ودمعته مافارقت خده:الله يرحمك .. الله يرحمك
كفنوها ودخلوها المسجد
ودخلوا هم ايضا
وصلوا عليها ودعوا له
عزام , محمد , ومساعد و زياد >>> أصدقاء محمد وعزام
أم محمد على النعش فوق كتوفهم ومعهم ناس من أقاربها
حطوها بالقبر
ودفنوها
عزام دفن ثلاث مرات وماقدر يستحمل .. وراح لسيارته وهو يبكي بكاء يقطع القلب
خلصوا من الدفن
وجو اخوياه مساعد وزياد ومحمد وركبوا معاه بالسياره
اللي يسوق زياد
زياد:عزام .. انت مؤمن بقضاء الله وقدره وامك الحمدلله مسلمه ومؤمنه بربها وتوفت وهي ساجدة
مساعد:ياعزام امك الآن سعيده جدا .. هي عند ربك .. بالجنه ان شاءالله
محمد:ايوه ياعزام .. كلام زياد ومساعد صحيح .. ادع لها بالرحمة
عزام:الله يرحمها .. الله يرحمها
&&&&&&&&&&&&&&&&&&&&&&&&&&&&&&&&&&&&&&&&&&&&&
بعد صلاة المغرب مباشرة
الكل جا لبيت ابو محمد يعزي
كل اصدقاء عزام جو يعزونه .. لأنه بالنسبة لهم أعز أخ لهم
وجاء جده (أبو امه) وجيرانهم
....:أحسن الله عزاك
عزام:جزاك الله خير
....:أحسن الله عزاك وعضم الله اجرك
عزام:جزاك الله خير
....: احسن الله عزاكوتغمد امك في واسع جنانه
عزام:جزاك الله خير
&&&&&&&&&&&&&&&&&&&&&&&&&&&&&&&&&&&&&&&&&&&&&
أما عند الحريم الحزن مايقل عن الرجال
رغد ومشاعل هم أكثر من بكى
طبعا الكل بكى
ودعا لها بالمغفرة والرحمة
رغد وهي مسنده راسها على الجدار ورافعته للفوق ودموعه حاره على خدها:أنا من لي غيرك يايمه .. ليش رحتي عن وتركتيني
مشاعل ماتدري تهدي نفسها ولا تهدي بـ رغد
طبعا ماقصروا صديقاتهم بتهدأتهم
&&&&&&&&&&&&&&&&&&&&&&&&&&&&&&&&&&&&&&&&&&&&&
مرت أيام العزاء الثلاث ثقيلة على الكل وكأنه ثلاث سنين مو أيام
الكل رجع لدوامه ودراسته
الصباح الساعه 8
وهي جالسه عند التلفزيون بعد ماكانت من قبل بالوقت هذا تنظف
لأن ريماس اقنعت امها تجيب لها خدم ولا تشتغل مشاعل
جالسه تفكر:امم اقولها ولا لا ؟؟ .. اممم والله خايفه ترفض .. انا الحين وش اسوي ماعندي لاشغل ولا مشغلة .. جالسه بالبيت ولا عندي شي .. اممم خلاص راح اقولها اذا صحت .. لا بقول لريماس اول ,, وهي تقول لخالتي
وعلى الساعه وحده
دخلت ريماس وهي توها جايه من الثانويه
مشاعل:هلا ريمو
ريماس:هلا قلبو وش اخبارك؟
مشاعل:انا بخير ياقلبي ..
ريماس:وش فيك جالسه عند الباب كانك تنتظريني
مشاعل:الصراحه ايوه ابغى اكلمك بموضوع .. روحي بدلي وتعالي اكلمك فيه
ريماس:اووكي
&&&&&&&&&&&&&&&&&&&&&&&&&&&&&&&&&&&&&&&&&&&&&
في فرنسا وفي الأجواء البارده
طلع من شقته وصادفها توها طالعه من شقتها
ياسر:هلا وعه
سجى:هلا وع وشلونك؟
ياسر بإبتسامه:احسن شي
سجى:الحمدلله
ياسر:وشلونك انتي يالدوبا؟
سجى:انا دوبا ؟؟
ياسر:ايه اجل مين ؟
سجى:مافي غيرك ..
ياسر:هههههههه يهبل شكلك وانتي معصبه
سجى:تستهبل على هالصباح ؟
ياسر:ايه استهبل .. اقول امشي نروح نفطر .. علشان مانتأخر على الجامعه .. عاد وش يفكنا من الدكتور البنغالي على قولتك
سجى غصب عليها ضحكت:ههههههه يالله
ياسر سحب لسجى الكرسي وسحب له كرسي
وجلسوا يفطرون
ياسر:سجى ؟؟ ممكن سؤال ؟؟
سجى رفعت راسها وقالت بإهتمام:هلا .. اسأل
ياسر:أمم لا خلاص ماعندي شي
سجى وهي تعرف ان عنده شي بس متردد:طيب
&&&&&&&&&&&&&&&&&&&&&&&&&&&&&&&&&&&&&&&&&&&&&
في السعودية
نزلت بعد ماغيرت ملابسها
وجلست بجنب مشاعل بالكنب
ريماس:ها وش عندك؟؟
مشاعل:اممم .. مشاعل ابغى اطلب منك طلب .. لكنه صعب وانا متردده
ريماس:لا عادي قولي
مشاعل:ريماس .. انا الحين جالسه بالبيت ماعندي لاشغل ولامشغلة .. علشان كذا أبغى أكمل دراستي دام هالسنه ببدايتها .. واكون معك بنفس الصف
ريماس فرحت من قلب:جد .؟؟ والله حلو .. بروح اقول لأمي يااااارب توافق
راحت ريماس طيراااااان لغرفة امها
وطقت الباب:مااامي؟
أم محمد:ادخلي
فتحت الباب وجلست عندها على السرير
أم محمد:وش عندك؟؟
ريماس:يمه بقولك شي .. مشاعل الحين جالسه وماعندها شي .. وش رايك تخلينها تكمل دراستها معي
أم محمد:ايش؟ لا مافيه دراسة
ريماس:ماما؟؟؟ ليش ؟ .. خليها تكمل دراستها دامها فاضيه .. والشغل ترا عندنا خدامات .. ومشاعل اذا درست راح تكون بصفي .. ها مامي ؟؟ دامه ببداية السنة تكفين قبل مايفوت علينا ؟
أم محمد:اللي تبغين سويه
ريماس:يااي مشكوره يمه




[

وراحت تبشر مشاعل
ريماس:مشاااااااعل ابشرك أمي وافقت
مشاعل بفرحة كبيرة:صدددددق؟؟
ريماس:اي والله
مشاعل:امشي نبشر رغدوه
وراح لغرفتها وطقوا الباب
ريماس تصوت:رغدوووووه
طلعت رغد من الغرفة:هاااا وش عندكم ؟؟ ماتخلون احد يبدل ملابسه
مشاعل:رغد .. ابكمل دراستي معكم
رغد:هااه وشلون؟
مشاعل:رغدوه يالهبله انا بكمل دراستي .. خالتي وافقت
رغد:احححححححححححححلللللللللللفففففففففييييييييييي
مشاعل:قققققققققسسسسسسسسسسممممممم
ريماس:وناااااسه
مشاعل:اي والله
ريماس:شوفي مشاعل انا باخذ ملفك من عند امي .. وتروحين معنا بكرا نودي الملف لهم .. ويسجلونك
واذا قبلوك ان شاءالله راح تدرسين من اليوم اللي بعده
مشاعل وهي تضرب كتف ريماس:ياسلام والله تحمست
ريماس وهي تمسك كتفها:اااووه طيب وش دخلني انا
مشاعل:مادري
دخلوا محمد وعزام
محمد:لاااه وش عندكم فرحين .. فرحونا معكم
مشاعل بفرحه:راح اكمل دراستي
عزام ومحمد بصوت واحد:تششش .. الحمدلله والشكر
مشاعل وريماس ورغد عصبوا عليهم لانهم حطموهم
ريماس:وجعه توجعك انت وياه مجانين حنا عندكم
مشاعل:قسم بالله ذولا مايتكلم معهم
رغد:يلا تقلعوا عن وجهي
محمد يكلم عزام:احم .. عزام متأكد ان اللي قدامنا بنات ؟؟
عزام:والله مادري .. ماأتوقع
ريماس:وجعه توجعكم تقلعووووواااااا
عزام:اهبي تقل دعاء عجوز
ريماس:عجوز بعينك
عزام:عاد وش تبين انا اقول الحق
ريماس:انا وش قلت لكم .. قلت لكم تقلعوووووووا
عزام يطلع لسانه عليهم ومحمد بعد
وطلعوا يتقهوون بالحديقه وتركوهم
عزام:هههههههههههههههه
محمد:عطني كفك ههههههههه
وشافوا سيارة همر سوداء داخله القصر
وطلع من السيارة شاب وسيم لابس نظاره شمسية وعليه بلوزه سوداء وجنز ازرق
محمد بالشخص اللي ينزل من السيارة:هلاااااااااااااااااااااا ابو العز ..
عزام:هلااااا بو الشباب وينك ياخي ماتنشاف
عبدالعزيز:هههه هلا والله بولد عمي وولد عمتي .. وش اخباركم ؟؟
وسلم عليهم
محمد:جاي معك احد
عبدالعزيز:يس .. بس أختي مرام
محمد:خلها تدخل
عزام:وش عندك جاي ؟؟
عبدالعزيز:بس مزاج .. عندك شي ؟؟
عزام:طيب خلاص لاتاكلن انا بس اسألك
عبدالعزيز:ايه اشوا
محمد:اقول امش اشرب لك شاي يحبه قلبك
عبدالعزيز:تسلم
&&&&&&&&&&&&&&&&&&&&&&&&&&&&&&&&&&&&&&&&&&&&&
عند البنات
دخلت مرام عندهم
ريماس:مرااااااااااااااااااااااام يالدووووبا وحشتيني
مرام:وانا كمان وحشتيني اكتر
رغد:مو لايق عليك المصري ابدا
مرام:ماحد طلب رايك
مشاعل:هههههههه هلا مرام كيفك
مرام:هلا قلبو .. الحمدلله بخير
وجلسوا يسولفون ويستهبلون
&&&&&&&&&&&&&&&&&&&&&&&&&&&&&&&&&&&&&&&&&&&&&
في بـــــــــــاريس
طلعوا بعد ماخلصت المحاضرة
ياسر:سجى ؟؟ نسيت اقولك شي
سجى:هلا وش عندك
ياسر:سجى انا بسافر للسعودية.. أمي مريضة .. طيارتي راح تمشي بعد ساعه
سجى:الله يشفيها
ياسر:سجى .. راح اشتاقت لك موت
سجى والشمس كانت قدامها وهي بالكاد تشوف:وانا راح اشتاق لك اكثر
ياسر بجرأة رجع شعرها ورى اذنها وفصخ نظارته الشمسية ولبسها اياها
ياسر:سجو انتبهي لنفسك
سجى بحياء:إن شاءالله
ياسر:يالله انا رايح تامريني على شي ؟؟
سجى:سلامتك
ياسر:يالله مع السلامه
راح اخذ له تاكسي وراح للمطار
وسجى مافارقت عينها عنه لين اختفى
راحت لشقتها وهي ضايق صدرها
سجى:راح أفقده والله ..
&&&&&&&&&&&&&&&&&&&&&&&&&&&&&&&&&&&&&&&&&&&&&
نهاية البارت
أتمنى ان البارت اعجبكم ولو هو قصير .. ~
لأن عندي اختبارات والوقت مايسمح لي .. ~
وانا حاولت استعجل بتنزيل البارت لاني من زمان مانزلت بارت .. ~
في إنتظار آرائكم وتوقعاتكم حول البارت .. ~
&&&&&&&&&&&&&&&&&&&&&&&&&&&&&&&&&&&&&&&&&&&&&
تحياتي لكم .. ~
أمــــــــــــــــــــــــــــــــــــــــــــــــ ـــــــــــــــورة .. ~
&&&&&&&&&&&&&&&&&&&&&&&&&&&&&&&&&&&&&&&&&&&&&


..
..
..