كاتب الموضوع :
المجنون
المنتدى :
المنتدى الاسلامي
السلام عليكم
أخباركم جميعا
ما هذا ؟ كل هذا النقاش على الكلمتين اللى كتبتهم ؟..ربنا يستر ههههههههههههه
الظاهر كده أنى هضطر أرد على كل أخواتى و أحبائى اللى اتكلموا عن ردى
يعنى هكتب كتير وانا اصلا ايدى وجعانى من كتر الكتابه هههههههههه
بس الأول خلوها يا جماعه هزار وضحك ..احنا كلنا اخوات وبنحب بعض
يلا نمشى بالترتيب :
مسلمه وأفتخر :
حضرتك أعتذرتى لى ...بتعتذرى على ايه ؟ حصل خير ..أنا مش زعلان ولا غضبان ولا بشد فى شعرى ههههههههه حضرتك زى أختى بالظبط ...
حفيده الألبانى :
ايضا تعتذرى عن ايه ..حصل خير بس انتى وانتى بتحطى الشروط للرجل علشان التعدد نسيتى شرط مهم وهو ان اللى هيتزوج على زوجته يحضر مخبأ فى أمان علشان يهرب فيه من حماته هههههههههههههههههه...
انا مش زعلان ولا حاجه صعب الواحد يزعل الا اذا الموضوع كان فيه غرامات وفلوس هههههههههههههههه
المجنون : الأول وقبل كل شىء ..عندك وسام جديد ...مبروك عليك وعلى فكره تستاهل اكتر بكتير ....
تصدقوا نسيت كلامى اللى كتبته وظللت اقرا كثيرا وبعدين اجد شخص كاتب انا مع رأى دخالد وواحد تانى يقول لا أنا اختلف وبعدها رد اخر بس دخالد ميقصدش كده ؟ !!!
والأخر اكتشفت ان د خالد ده هو انا هههههههههه والله مش بنكت اكيد مش هتصدقوا
هههههههههههه روحت اجيب كلامى الأصلى واشوف دخالد ده اللى وجع دماغنا كتب ايه ؟ ههههههههههههههههه
خلونى أقول ليكم كلامى بمزيد من التوضيح :
1- التعدد شرع الله الذى أباحه ولا كلام فى هذا ولا نحتاج لأدله لاثباته .
2-انا لم أقول انى لا أحب التعدد فلا يوجد شىء أسمه انا لا احب شريعه الله (استغفر الله ) حرام عليكم تقولوا عنى هذا ..انا قلت فقط انى لن اعدد ولن اتزوج غير واحده ..والفرق شاسع بين الكلمتين .
3-بالنسبه لنقطه رفض المراه لان تكون الزوجه الثانيه ..اخى المجنون كتب ان المراه ترفض الرجل كزوج لاى سبب ولكنى لم اقصد هذا انا قصدت انه لو هناك رجل توافق المراه على جميع مواصفاته كزوج ولكنه متزوج من واحده قبلها فمن حقها ان ترفضه لهذا السبب فقط ولا يوجد شىء يمنعها من هذا وهذا حقها بل هو المنطقى ...
4- بالنسبه لموضوع الصين والمسلمين الأوائل ...أنا قلت نضرب مثل المسلمين الاوائل أفضل وحضرتك بتقول انهم تقدموا بسب اخلاصهم وجهادهم يعنى بتوضح نفس كلامى لأن هذا اللى كنت اقصده من كلامى أما كثره العدد فالصين كثيرون وشريعتهم ليست الاسلام كما ان فى الاسلام من حق الرجل العقيم ان يتزوج اربعه مثله مثل الذى ينجب وكل قصدى أننا مهما بحثنا فى اى مثال او اى شريعه لن نجد العدل كما هو فى شريعتنا ...هذا كان قصدى .
5- فى جزء من كلام حضرتك كتبت فيه الاتى بالنص : (هذا غير صحيح احنا بس نضحك على بعضنا بالمكياج والاصباغ وصدقني ان الزوجه هي هي حتى لو غيرت بشكلها اليوم بكره راح ترجع لطبيعتها واسلوبها وطريقة حياتها صعب جداجدا تتغير
يعني لما يكون عمرها 35 سنه راح تغير عمرها بالمكياج وترجع 20سنه
ولما تكون دايما مكشره وجديه بحياتها راح تكون مرحه بس تقرر انها
تتغير
خلينا نعيش بالواقع).....
اى واقع هذا الذى يرفض جمال المراه لمجرد انها وصلت لسن الثلاثين ؟؟
مع احترامى الشديد هذا الكلام غير صحيح
لأن جمال المراه ليس جمالا للجسد وللسن والعشرين والثلاثين والمكياج وغيره
فكل هذه سطحيات ليس الا ؟
والاسلام هو الدين الذى كرم المراه وتعامل معها كعقل أما أصحاب الاتباع الاخرى ينظرون فقط للفتاه وهى فتاه جميله صغيره فاذا جاوزت السن القوا بها فى دار المسنين
المراه هى شخصيه متكامله عباره عن جسد وعقل واحساس ومشاعر ورأى
وبالنسبه لقدره المراه على تغيير نفسها فهذا واقع مثبت فى علوم العلاقات الزوجيه وفى علوم السيكولوجى وفى علم الاجتماع وحتى فى علوم تجريديه مثل علم امراض النساء فهو ليس خيال وانما واقع فكل هذه العلوم درستها وهى عباره عن نقل لتجارب حقيقيه فهى علوم كلينيكيه عمليه تقوم على حالات لمتزوجين اما عن قولك ان هذا ليس واقع فربما انت لم تجرب هذا التغيير
لكنه موجود بالفعل ولا يحتاج لدليل ...
6- فى النهايه فقط احببت ان أقول شىء اخير وهو عندما تمرض الزوجه ...نعم يحق للرجل ان يتزوج لكن صدقنى وانا اتكلم عن نفسى ..لن اقبل ان اتزوج على زوجتى أبدا بسبب مرضها او انها لا تفى ببعض الاحتياجات الماديه وهذا راى شخصى ..يمكن تقول ان الزواج الثانى لا يعنى عدم الاهتمام بها او قله المحبه واتفق معك فى هذا ولا خلاف ولكن لى وجهه نظر مختلفه فى هذا الموضوع :
زوجتى التى سوف اختارها ان شاء الله فى المستقبل القريب اهم شرط فيها أنها تكون روح لمست روحى وقلب حس مشاعرى وكيان سيمتزج بكيانى وعقل يكمل وجدانى ..سأختارها لتكون ملكه حياتى والمتصرف فى كل شئون قلبى وزعيمه احاسيسى واميره مملكتنا الصغيره
وانا لا اريد الا ملكه واحده واميره واحده
عندما تكون فى العشرين ..ستكون اجمل أمراه فى الكون
وفى الثلاثين ستزداد فى نظرى جمالا
ان تعبت حملت همومى وان مرضت هى حملتها بقلبى وعقلى
وان اعطانا الله العمر ولو وصلنا لمائه عام ستظل اجمل امراه فى نظرى
يمكن حضرتك تقول انه خيال او فلسفه لكن هى فلسفتى التى تسعدنى ولماذا لا اختار ما يجعلنى سعيدا طالما انى سعيد به ؟؟
والى ان اجد هذه المجنونه التى ستوافق ان تكون زوجه لشخص مثلى ..هههههههههههه واكيد هى مجنونه ههههههه لانها هتوافق ههههههههه اوعدك انى هعزمك على فرحنا ان شاء الله
بس بشرط تعزمنى انت على افراحك الاربعه هههههههههههههه
نسمه خفيه :
سورى خليتك فى الأخر لانى ماشى بالترتيب
ايه اللى انتى قلتيه عنى ده ؟ كل ده ؟ اكيد خيال ....مش ديما كله صح هههههههههههه
اكيد انا لا استحق مدحك ..شكرا ليكى على المجامله
وعلى فكره انا مش زعلان عادى اللى عاوز يعلق على كلامى او ينتقده اهلا وسهلا بالجميع كلنا اخوه ...
يلا كفايه كده اكيد صدعتكم بالكلام الفارغ اللى عمال اكتبه من الصبح هههههههه وربنا يستر شكلى نسيت حد هههههههه
سلامى لكم جميعا ....
|
06-01-10, 11:25 AM
جديد مواضيع قسم المنتدى الاسلامي
العرض العادي
