صدت روضه صوبــه..وكانت منصدمــه من وجوده..شو يابه هاذا بعد اللي صار كلــه..شو يابه وبعد ما جرح قلب روضه وخلاها اتصيييحه ليل ونهــار..شو يابه بعد ما نزل ادمووعهــا..وصار الألم امخاويها وين ما صارت..شو يابه..بعد ما هدت الأمواااج..وبدت حياة روضه تتعدل..وتمشي في مكانها الصحيح..

كــانت اعيونها ورموشهــا الناعسه تحكي عن اثير صدمتهـــا..طنش اسهيل هالنظــرات وبدى رمستــه..

سهيل:بعدج اتحبيني ولا نسيتيني؟؟

صدت روضه عنه..اتحــاول تجمع كل القوة وترد عليه الرد..اللي يليق بمكــانه..سحبت الكرســي..ويلست عليه وعطتــه ظهرهـــا..

روضه: نفسي طابت منك يالجرح الكبير..

عافـك قليبي حبيبي ما يبــاك..

انصدم سهيل من الرمسه اللي تقولها رواضي اللحيــنه..عافك قليبي حبيبي ما يبااااك..مستحيييييييييييل..كيف والرووض تعشق بسمته ..وطلته ونظــرته..كييف وهي اللي كانت اتموووت ع الأرض اللي يمشي عليهــا..كيف وكيف وكيف؟؟

سهيل:شووووو؟؟انتي شو يالسه اتقولين؟؟بلييز الغلا فهمييييني..

روضه: تبي الصراحه يالغلا منك مليت..

ومليت من طبعك وانا اليوم برحل..

زادت صدمة سهيل..وفج اعيونه ع وسعهـــن..بس لازال واقف افمكــانه..

سهيل:ترحليـــن؟؟وين ترحليـــن وانا اشوف صورتــج افكل مكــان ..وين ترحليــن وانتي الدافع اللي خلاني استرد صحتي..روضه ..ادخييلــج يا روضه..لا تخليني برووووحي..

روضه: كنت عندي ضي عيني من غلاك..

كنت احارب من يواري طلعتك

كنت متربع ولا احدن سواك..

فوق عرش الحب لكن غلطتــك..

سهـيل:ادري والله انها غلطتيــه..بس روضه انا ماادري شو فيني في هاذيج الفتره..مادري شو اللي خلاني اقص عليج وامثل عليج انيه اموووت فيــج..

روضه: لا تبرر لي صوابك من خطاك..

لا تظــن اني بسـامح زلتــك..

لا انا في ارضك ولا انا في سماك..

لا بعد ذا اليوم ادور طلتــك..

سهيل:انتي اكيد تتمصخرين واتسولفـــيين..انتي اتحبيني..

روضه:ذااك الأول يوم هــاونك..

في لقاك القلب طمــاعي..

سهيل:الرووض اعذريني هالمرة..ادخيــلج..

روضه: مالك عذر لو تعتذر ما عذرناك..

يكفي رجا لا ترتجي من يجافيك..

سهيل:انزين ليش..ليش تقسييين قلبج علي..روضه..صدي صوبي..انا سهيــل..اسهيييل يااا رووووووووضه اسهيل..

روضه: لا تلوم قلبي لو نسيتك..

هاذا سبيل أحكام الأقدار..

حبن مضى منه لغيتك..

مشطوب مالك أي تذكــار..

سهيل:شو مالي أي تذكــار..الروض..فهمييييييني..انا شو اسوي بدونـج..قوليلي شو اسووووي؟؟

روضه: روح بطريقك كمل خطاك..

ابعد و أنا بالخير بطريك..

ابعد عساه الرب يرعاك..

روح عساه ربي يجازيك

سهيل:لييييييييش يا روضه ليييش؟؟

روضه:بكل سهوله..لأن الصدق ما عاش افذاتك مثل ما عاش في ذاتي..

ملامح الكذب في ويهــك وفي كل كلمــة حكيتهــــا..

سهيل:انسي اللي صااار..

روضه: من تغلى يا حبيبي ما ترجيناه...

و من تعدانا ترانا قبل صده راحلين

سهيل:الرووض..خلاص عاااد..خليــنا انرد شرات قبــل..وأحســن..صدقيني ما جذب عليــج..

روضه: انا نفسي عزيزه ما تود اللي ضايع وداده...

ولا تهوى عشير كل يوم يغير اطباعه..

سهيل:مستحييل انتي روضه..شو اللي اتغير فيــج..ليش استويتي جيه فجــأة..

روضه: بعز النفس عن ذكراك ..

ولا تظن اني بترجاك..

ابتجاهلك وانسى الحب..

ماعاد يهمني فرقاك

سهيل:رووضـــه..ادخيــلج فكري زين..انا اعترف اني الغلطــان..بس احلف لج بربــي..انج انتي الوحيده اللي سكنتي قلبــي..روضه..انا اتغيــرت..

روضه:سبحــان الله.حتى انا قلبي..تغير..ابتعد يا سهيـل..ترى ما سرت تعني لقلبي الشي الكثير..

سهيل:تجرحيــني..بكل بســاطه ياروضه تجرحيــني..

روضه:يا كم جرحتني وجرحتني وجرحتني وانا ادور لك الأعذااار..

سهيل:بس اللحينه خلاص..كل هالأيام راحت..خلينا نبدأ من أول ويديد..والخطا مني..

روضه:للأسف..الخطا خطاي..وحدي الوم النفس واتحمل خطاي.

سهيل:الرووض..ترى والله قلبي يحبـــج..وعيني تتمنـى لقــاج..ارحميني عااااده..

روضه:غريبه..يا دنيا غريبه.. " كنت بالماضي حبيبي ....... اليوم قلبك لي ينادي "

سهيل:الروووض..هاك الحب كله..وينه؟؟وين رااح..

روضه:مات حبك والبقيه بحياتك..

سهيل:الروووض..الكل يشهد ابغلاااااتي عندج..الكل يشهد..

روضه: ماعاد قلبي بعد هاليوم يغليك .. دور على حب جديد يسليك .. عذبت قلبي روح والله يهنيك..

سهيل:ليييش؟؟

روضه:لأنك في يوم خليتني واليوم والله لااخليك وادوس قلبي لين يقول خلاك..

سهيل:ادري ان قلبــج ما يقوى ع زعلــي..انا وااثق من هالشي..

روضه: تبي تزعل تبي ترضى تبي ترحل تبي تبقى.....على كيفك.....ترى عادي وجودك والعدم وااااااااحد!!

سهيل:ليش ياروضه..ليش؟؟

روضه: تخيل موقفك لو كنت انا اليوم خاينك

وشهو شعورك لو فؤادك غدرته

سهيل:لالالا..انتي هب روضه..صدي صوبي..طالعي فيني..اتأكدي ان اللي جدامــج سهيل..هب أي حد..

روضه:كنت في يوم من الأيــام..مالك القلب..بس اللحينه..منو يعني سهيل؟؟

سهيل:شو مكاني بقلبـــج..؟؟؟

روضه: تبي تعرف بقلبي وش مكانك

تبي تعرف وش اسوي كل ليله

عزيز الدمع هليته عشانك

وعزة نفسي لك صارت ذليله

سهيل: لا تعذبيني يا روضه لا تعذبيني..

روضه:حلال فيك العذاب ذوق مر الغياب

مدام حبك سراب شالفايده من هواك !!

سهيل: ليش اتغيرتي عليه..انتي ما كنتي جيه؟؟

روضه:لأني كنت أُحٍَِسب النُاسُ مٍثَلِي فُي طَيُبِي وعلىُ نُفٍسَي أبْدِيَهِم ومًليُونَ مرٌه أنٌصُدِمٍ فيَهٍمَ

سهيل:لا تقولين هالرمسه..أنا غلطان واعترف..اقولج كل شي تغير..خلاص..

نشت روضه من مكانها ووقفت جدامه بكل شموخ وكبرياااء..صحيح لمح نظرات الشموخ والكبرياء من قبل كمن مرة..بس اللي يلمحها اللحينه غير..كانت نظرات ممزوجه مع الغموض..نظرات ما رام يفسرها..

روضه:خلاص يا سهيل..يكفي اللي قلته انت..ويكفي اللي قلته انا...لا تظن بردتك لي وبرمستك هذي بتخليني ارد لمحبتك..لا والذي سواك وسواني ما رديت..وبقولك شي..حطه لعنوان قصتنا الجديمه..عنوان لكل المواقف اللي جمعتنا..عنوان للأيام اللي فيها قسيت علي وعشت الويل فيها..عنوان للجروح والدمع..وخله داايم الدوم فكرة عني..





..×..مع غ ـيــري إلـ ع ـب وبين له مهاراتك..×..

لو كنت مثل بدون احساس جان لاعبتك..وافهم شي ثاني..القلوب..احاسيس ومشاعر..لا تتحراها ألعاب تتعبث بها..لو تلاحظ اللي سويته فيني..شيخه سوته فيك..و لو تحيد انك ييتني فالمطبخ فاليوم اللي ابويه خبرك انيه رديتك..ولعنت خيري اهنه..وفي نفس المكان..اليوم ييتني تترجاني ارد لك..الدنيا دواره يا سهيل..

انصدم للمرة الأف من رمستها..ما رام يسوي شي..ذل نفسه بما فيه الكفايه..شل بعمره وظهر من المطبخ ..وروضه..اتطالع فيه..كانت دوم تكره اتشوف سهيل وهو مقفي بها..لأن فكرة ابتعاده عنها تينن بها..بس اللحينه الوضع اختلف..ومقتنعه الإقتناع التام ان سهيل ابتعد عنها للأبد..



ذااك أول.. كنت أسامح لو تعذرت... وبكيت..

رااح وقتك يا عشيري... وراحت ايامه معاك..

انتهى حبك بقلبي..يا محبي... وانتهيت..

صدك وبعدك ..تساوى في عيوني ..مع رضاك..

صرت عندي شخص عادي..لا عشقت ولا هويت..

رووح عن دربي..وابعد..دام هذا ..مستواك..



فجت الثلاجه ودورت عصير ليمون لفطامي وظهرت من المطبخ وسارت فوق صوب البنات اللي كانن محتشرات عسب زفة العروس..

موزاني:انا اقول واحد من خوانها تحدر وياه القاعه..

سلامي:امممممم..لا لا ..جديمه..

رويض:طاع ويهج..انتي بكبرج جديمه..كح كح كح..عليج غبااار..

سلامي:صخي ولا اخبر عليج خلوف..

فطامي:هاهاهااها..باتمان على غفله..

شجون:وايد فرحانه بخلوف..

غبوش:مسكينه اول مرة تعرس..

موزاني:اشوي اشوي عن ايطيح نصج..

خلودي:حشى كلتن البنيه..كلكن هجوم عليها..

رويض:لحظه لحظه انتي شو يايبج اهنه..الملتقى للبنات فقط..

شجون:يعني يا انسه فطامي يوم تعرسين ما بنيسلج ويانا..بتستوين عيوز..

فطامي:هههههههههههههههههههههههه..خلودي فهميها..انتي عيوز..

خلودي:بسم الله ..انا عيوز يا العيوز...

شموس"توها يايه من تحت":بسم الله هاي ضحكة فطامي واصله عندنا تحت..وقالوا انها ميهوده..خرطي..

رويض:اكبر خرطي..شوفيها يالسه اتسولف وتكركر..

فطامي:يالله..تبون الصراحه..انا هب ميهوده وما فيني شي..بس يالسه اظهر اشاعات عسب اقولهم انيه ما روم ع صك خط سويحان..ويقول سيف..خلاص بنبات اهنه..

الكل:هههههههههههههههههههههههههههه..

خطف الوقت بسرعه بين استهبال فطامي وموزاني وتعليقات رويض وتخطيطات سلامي وسوالف شموس وخلودي..ونظرات شجون لعنودي وسكوت غبوش..وبعد ما تعشن الحرمـات..البنات كلهن شلن بعمارهن بيت بو خلوف..وعند الباب العود مال الشارع لبيت قوم رويض..هناك وقفت سلامي وما رامت تتحرك من مكانها ..

رويض:اووه سلامي..بلا سخاافه..

سلامي:أي سخافه يا ذكية زمانج..عرسنا بعد 3 اسابيع..ليش اشوفه ان شالله قولي لي..

رويض:اوونج اللحينه..في ذمتيه ودج بشوفته اللحينه..

موزاني:هاي سلامي تستهبل..

فطامي:عيل بنودرها وبنسير..

غبوش:بطوفج يلستنا ..

شجون:غبيه..فكري زين..

سلامي"اتويه صوب بيتهم":براايكن بسير بوطير اسي.ورايه مشاوير هب شراتكن معندكن الا الرقاااد..

رويض:يالقووووم..رمست العروس..اقول فاارجي فاارجي..

سلامي:حشى..لا اسلوب ولا هم يحزنون..

رويض:عدااال خليته لج يا ام الأسلووب..

سلامي:بسم الله الرحمن الرحيم انا شو قلت؟؟

رويض:ما قلتي شي..اقول سيري بيتكم ووطي راسج ورقدي شرات العالم والناس وخلي عنج التفكير الزايد في الأخ خلوف..ترى هب زين..وما يمدحونه التفكير ما قبل الرقااد..وباجر الصبح..اتييني وتوعيني بسير وياج السووق..ابغي اشوفج شو تتشرين..؟؟

شجون:حشى..امية مليون الف حرف..فالثااااانيه..

الكل:هههههههههههههههههههه..

رويض:تفوو تفووو..يلا ابدي فالحسد..

سلامي:يا هالرويض اذا فجت ثمها ما تبنده..الله يعينكن..ما بترقدن الا ع ويه الفير وانتن حالتكن لله..

رويض"ادز سلامي بدفااشه":يلا يلا هنااااك..محد طلب رااايج..

وسارت سلامي وهي تهز راسها جنها الا هنديه..ومن صوب سارن البنات لبيت بو خليفه..ويلسن كلهن في حيرة موزاني..اللي تجلب فالسيديهات..واللي يلست ع اللاب..واللي يابتلها عصاير وجيبس ويلست ودقت العيشه بالخمس..واللي يلست اتقرقر عليهن..ومن بين هالصريخ والمصايح في حيرة موزاني..نشت رويض وغمزت لموزاني ونشت بنانا وظهرن خاري..

وفالصاله..يلسن يتناقشن في موضوع...

موزاني:ههههههههههههههههههههههههه..هههههههههههههههه هه..حلووووووووووووووووووووووووة..والله انها فكرة عجييييييييييبه..

رويض"تضربها ع راسها":واايه يالسخيفه بيسمعن صوت ضحكج وبيين يتراابعن..

موزاني"تحط يدها ع ثمها":انزين انزين..يلا بلشنا..؟؟

رويض:بلشنا..

سارت رويض بيتهم وهي تربع وحالتها لله يابت كيمرتها..وسرقت عروسه من العاب عنودي وهي كبيرة نوعاً ما..ويابتها لموزاني..وموزاني سارت لحيرة امها ويابت برقع..ولبسن هاللعبه البرقع..ويابن جحال ورسمن عيونها وخلوها تشرد جبايل سبع وديان..لووول..وسارت موزاني الحوي وتمت اتلف وتدور لين ما يابت شي ينفع .. يعلقون فيه اللعبه ويا برقعها من فوق..على دريشة حيرة موزاني ويخافن شجون وفطامي وغبوش..نذاله صح؟؟يابن حبل..وسارن فوق البيت..

موزاني:في ذمتيه..لو حد شافنا والله ليقصبونا قصااب..

رويض"تربط الحبل فاللعبه":ههههههههههه..خوووواااافه..

وتوقف روضه واتم اتطالع منطقة الرماح من فوق..

رويض:واايه علني فدااها الرماح..ماشي شراتها..

موزاني:مع انه صيف..بس اللحينه احس بهوى بارد..

رويض:ياخي احن ليش باجر ما نسير دبي..

موزاني:ووووااايد زحمه..

رويض:بتم على راسهم باجر لين يودوني دبي..ما يخصني انا اريد دبي..

موزاني:حمد وشموس اكيد بيسيرون..

رويض"تكشخ ضروسها":شرايج انسير وياهم..نياهاها..نخرب عليهم..

موزاني:حشى يالأفكااار السووودا..بس تعالي بخبرج..

رويض:هااااااااااااه..؟؟

موزاني:شبلاها شموس جيه متضايجه..ومالها خلق لأي شي..

رويض:مادري والله..امايه العوده تقول شكلها الحرمه حامل..

موزاني:العياييز كل شي يدرن به..الحرمه حامل او متضايجه او تعبانه..

رويض:هيه..وكافة الأمراض بعد..دكتورات على غفله..

موزاني:هاهاهااي..صدقيني باجر اكيد حمد بيربعبها صوب الدختر..

رويض:ما يباله..حمد يموت في شموس..واكيد عقد جلسات سوالفجيه وياها وعرف انها متضايجه..

موزاني:اها..لا يكون بعد اذا ساروا صوب الدختر بتسيرين وياهم..

رويض"اتطالع تحت":هيه ما يباله رمسه بعد..بنسير بنتحوط بنشم هوى..

موزاني:ليش واللي تشمينه اللحينه شو..؟

رويض:هذا؟؟امممم..شبه هوى..يلا يلا بنزلها تحت وبنسير صوبهم..وبخلي فطامي اتفج الدريشه وبصورها فيديو على طول..

موزاني:هاهاها..فطامي ولا تكون غبوش..غبوش بتطيح غشيانه على طول...

رويض:هيه ما عندها ون تو..لحظه لحظه..شو فيهم الريااييل..؟؟

موزاني"تتلصق برويض":شو شو شو؟؟

رويض:طالعي..كلهم يوايهون سعيد..شو السالفه..؟؟

موزاني:سعيد؟؟

رويض:هيه سعيد..عيل تعيس..؟

موزاني:افا يا ذا العلم..من وين ظويتي تعيس..

رويض:من كوري..

موزاني:شو السالفه شو السالفه شو السالفه؟؟

رويض:قلبك تغير حنانه..

موزاني:رويض..هزري سعيد نجح عسب جيه يوايهونه وحالتهم لله..

رويض:يمكن نجح ويمكن شي ثاني..

موزاني"تصد صوبها":شو تقصدين؟؟

رويض"اتطالع تحت":ما اقصد شي..

موزاني"تناقز فوق تحت":حدروا بيتنا ..حدروا بيتنا..

رويض"تزخها بنظره":لهالدرجه واايد فرحانه وشاقه الحلج لأن سعيد حدر بيتكم..

موزاني:بسم الله..ياخي خاطريه اعرف شو السالفه..

رويض:وانا فيني فظول اخس عنج..بس السالفه فيها ان..انا وحده الصراحه حاسه بشي..يعني انتابني شعور..واحساس..بس ما برمس عنه..

موزاني:وليييش؟؟

رويض:بس جيه..وبلا رمسه مالها معنى..يلا بنسير صوبهن..وبنخلي كل وحده قلبها ايطيح في بطنها..

موزاني:....هههههههههههههه..يلا..

وسارن صوب حيرة موزاني وحدرن..ورويض فجت الكيمرا وبدت اتصور..

شجون:شالطااااري..ليش يالسه اتصورين؟؟

فطاامي:ووواايه التراااب..

رويض:بسم الله..شو مستوي..

فطامي:تعالن تعالن..طالعن هالفيديو كليب..

موزاني:وعععي..هاه ماصخ شو تبين فيه..

فطامي:يالله..طالعوا طالعوا..

موزاني"تيلس ع الشبريه":في ذمتيه ما عندكن سالفه..

رويض:انتي ليش معصبه..

موزاني:هب معصبه ولا الله قاله..

رويض:عيل ليش جيه..

فطامي:هدووووووء..

رويض"تسحب فطامي":خوزي خوزي..بفج ايميلي..اختاري تبغين اتطالعين التي في ولا عطيني اللاب..

فطامي"واقفه في النص":نذله..نتفاهم بعدين..ماريد شي..

موزاني:فطامي فجي الدريشه..خلي المهب يحدر صوبنا..افف ملينا..

فطامي:زين زين..ما طلبتي الساع..

اول ما سارت فطامي صوب الدريشه على طول روضه نشت من مكانها و تمت اتصور فطامي ..وشجون كانت يالسه ع اللاب الثاني وما انتبهت لهم..اما غبوش تمت اتطالع الفيديو كليب اللي ع التي في..>>>عايبنها؟؟

فطامي:وووووووووووووووووووووواااااااااااااااااااااا ااااااااااااااااااااااااااااااا..

موزاني ورويض:هههههههههههههههههههههههههههههههههههه..

شجون "اتصد صوب الدريشه":واااااااااااااااااااااااااااااااااااااااا ااااااااااااااااااااا..

غبوش:امااااااااااااااااااااااااااااااااااااااااااا اااااااااااااااااااااااااااايه..

ونشت غبوش من مكانها وفجت الباب وهي تربع خاايفه وحالتها لله...وسارت بيتهم على طول..^-^..خخخخخ..وموزاني سارت وراها اتشوفها وين وصلت الأخت غبوش..نزلت موزاني تحت..وشافت الحوي فاااضي..ومحد فيه..استغربت..؟؟؟!!قبل اشوي حدروا الريااييل الحوي..واللحينه محد فيه..سوت طاف..وكملت دربها..من ظهرت من بيتهم..شافت سعيد في ويهها..اللي شق الحلج من شافها..

سعيد:مرحباا ملااييين ولا يسدن..

موزاني:مرحباابك زود..

سعيد:شحااالكم..

موزاني:يسرك الحال..ومن صوبك؟؟

سعيد:ما نشكي باس..ابغيج في موضوع مهم..

موزاني:موضوع؟؟

سعيد:هيه موضوع..

موزاني:اوكيه..

سعيد:تعالي بنيلس في الحوي..

موزاني:اوكيه..

وردت موزاني لحوي بيتهم مرة ثانيه..وهي مستغربه..شو هو الموضوع اللي بيرمس عنه سعيد..؟؟؟!!!!

(الفصل الثــالث)


••.•°¯`•.•• نقطة وداع ••.•°¯`•.••





هـذا مسلسـل حبنـا والعنـاويـن

يا قلبهـا مثّلـت وأبدعـت وأتقنـت

أنا وقلبـي والهـوى بيـن ناريـن

نار الفراق ونار حـبٍ بـهـ آمنـت .





من يوم ما نشت من الرقاد..وهي ميته من الوناسه..اتحس عمرها اشوي وبتطيير فووق..وكأنه هم وانزاح..اليوم..انمسح اسم سهيل من حياة شيخاني..وكلن في درب..وما يجمع من بينهم اللحينه أي شي ..وصلها خبر من سلطان ان سهيل طلقها..وهي من سمعت بالخبر..وهي شاقه الحلج..

صدت صوب الساعه شافتها الساعه 9 ونـص..انصدمت من عمرها..من بعد الساعه 12 ونص الظهر للحينه وهي راقده..نشت من مكانها وسارت خذتلها شور وكشخت كشخه غير عاديه..لبست تنورة معظم ألوانها فسفوريه مع اللون الوردي..وسوت ميكب كامل..ولمت شعرها كله ع صوب وحطتلها شباصه صغيرونه لونها وردي..ونزلت تحت..شافت امها يالسه فالصاله..سارت صوبها..وباستها ع راسها..ويلست عدالها..

شيخاني:بعدج تعبانه..؟؟

أم سلطان:الحمدالله ع كل حال..

شيخاني:وينها خلود..للحينه ما يت من سويحان..

أم سلطان:هيه..بنتيه سيري شوفي البشاكير جانهن زهبن الفواله..مال الرياييل والحرمات..

شيخاني:جيه..منو بيينا؟؟

أم سلطان:هزاع بييب امه ..واحليلها يوم درت انيه ميهوده تعنـت من دبي ويايه صوبي..

شيخاني:هيه..فيها الخير والله..

نشت من مكانها..وهي ميته من الفرحه..ضربت راسها ع الخفيف بطرف يدها..تلوم عمرها..كيف بتروم تعيش ويا سهيل..وهزاع.. اتمووت فالأرض اللي يمشي عليها..كيف؟؟اللحينه ام هزاع بتيي..لازم تبثت عمرها..لازم تكون شيخاني اللي قصت على سهيل..ومها اللي مثلت على سيف..لازم تكون شيخاني ثانيه جدام ام هزاع..وبتاخذ راحتها..لأن خلود محد..؟؟!!

لأول مرة فالتااااااااريخ..ولأول مرة تستوي هالحادثه..ان شيخه سارت المطبخ تشرف على شي..تمت اتطالع البشاكير شو يسون..وقالت لهن يدخنن البيت ..والميلس بعد..وسارت وسوت عصير ليمون ويابت كيك..وحطته في الصينيه ويابته لأمها..مشالله..اليوم شيخاني غاديه حرمة بيت..حتى امها استغربت..شو طرى ع البنيه اليوم غادية طيبه؟؟

بعد مرور ربع ساعه..وصلت ام هزاع بيت قوم بو سلطان..وحدرت الصاله ورحبت بها شيخاني ترحيب على مستوى..وسارن ويلسن في حيرة الحرمات..وكانت ام سلطان تترياها هناك..ويلست شيخاني وصبت القهوه للحرمه..وقربتلها الفواله والتمر..

وام هزاع..كلت شيخاني بعيونها..وتقول مشالله في خاطرها عن تصك البنيه بعين..حتى ام سلطان لاحظت نظرات أم هزاع..وبعد ما خلصت شيخاني دورها..شلت بعمرها فوق لحيرتها..

ام هزاع:مشالله مشاالله..هاي بنتج الوحيده يا أم سلطان ؟؟

أم سلطان:هيه ..انا ما عندي الا سلطان وشيخاني..

أم هزاع:هيه مشالله مشالله..تدرس؟؟

أم سلطان:درست وخلصت 2 ثنوي..واللحينه يالسه فالبيت اتقول مالها بارض للدراسه..واحن ما غصبناها ع الدراسه..قلنا لها ع راحتج..

أم هزاع:هيه والله..دام البنيه عايفه الدراسه..لا تغصبونها..الا ما قلتي لي..شيخه بنتج محيرينها حق حد ؟

صخت ام سلطان مفتشله ما تعرف شو تقول..بس تداركت الموضوع بسرعه..

أم سلطان:قبل 4 شهور..ملج عليها ولد خالها..بس خلاف..استوت مشاكل لين ما انفصلوا عن بعض..

أم هزاع:هيه .. مشالله عليها شيخه راعية بيت..الله بيعوضها بخير ان شالله..وهي مشالله عليها بعدها صغيره...الله يوفجها ان شالله..

أم سلطان:الله يوفج اليميع..

أم هزاع:الا ما قلتي لي..شحاله ريلج..؟؟عساه بخير وسهاله..

أم سلطان:الحمدالله ع كل حال..

أم هزاع:عاد انا سمعت من هزاع ان مواعيد ريلج كلها في دبي..افا ولا تقربون صوبنا ولا شي..جانه ولدكم ربيع ولديه من سنين..ليش ما تيون صوبنا نتعرف عليكم زود

أم سلطان:يستوي خير ان شالله..هذا والعشم فيج يا ام سلطان..

أم هزاع:الا ما قلتي لي..وينها حرمة ريلج..ما شفتها..

أم سلطان:سارت صوب هلها في سويحان..وباجر ان شالله بترد..

أم هزاع:هيه سلمي عليها عيل..انا أستأذن اللحينه..

أم سلطان:افا يا ام هزاع..ما يلسنا ويااااج..

أم هزاع:مرة ثانيه ان شالله..وانتي عاد مريضه..وما ينزيد عليج..

وسارن لباب الصاله..واول ما فجت الباب ظهرت حصوه في ويهن..سلمت عليهن وسارت فوق لشيخاني..اما ام هزاع من تحركوا من بيت بوسلطان..ويا ولدها هزاع..وهي طايحه مدح في شيخاني وأمها..!!!



×

×

×



كـيــف حـالــي؟! وربي / بـ الحـزن ممتحني

كـيـــف حـالـــي؟! وعمري / انجرحت وحكيت !!

بسـمتي ارتسمها رغم حـزني وكني

دايم الحـال طيب / أبد ماقد شـكيت !!!!



ضحـايا سويحـان..

سيـارة سهيل..

الساعه 10 ونـص..



سيف:هذي النهايه يا سهيل..وظنتيه انته ريال وما ترضى على عمرك تاخذ وحده ما تبغيك..وبالنسبه لشيخه..كنت تروم تتفاهم وياها..بس انته الله يهداك..

سهيل:عفتها يا سيف عفتها..مالي نصيب ..ويا رويض او شيخاني..

سيف:الله يعوضك باللي احسن عنهن..بس انته لا تضيج باحوالك وتكدر خاطرك..والله تراه شي ما يسوى..

سهيل:انا مقهووور يا سيف مقهوور..اقولك ذليت عمري عندها..ذلييييت عمري..اترجااهااا..احاول وياها..بس كانت..قويه..وما تهاب..

سيف:تراك انته بعد ذليتها..

سهيل:خلاص..كل شي انتهى وراح..

سيف:سير عند امك وقلها اتدور لك حرمه سنعه ..

سهيل:هههههههه..شكلي والله..وحتى محبتيه لرويض بمسحها من قاموس حياتي..

سيف:هههههه..من زود تجاربك فالحب..صرت تمسح احبابك بسهوله..

سهيل:هههههههههههههههههه..احسن شي..

سيف:يلا يلا نزلني البيت..ببدل واشوفك فالعين..

سهيل"يوقف الموتر":يلا فمان الله..

سيف:مع السلامه..

ظهر سيف من موتر سهيل..وحدر بيتهم..شاف خلود يالسه فالصاله ويا امه..سار صوبهن..عق السفره ع الكنبه..وحط راسه ع ريول امه..

خلودي:عاشوا..هالشايب للحينه يالس يتدلع عليج..

سيف:شايب في عينج..شو قالوا لج سلطان؟؟

خلودي:تغلط هاه؟؟

سيف:انتي اللي بديتي..

خلودي:متى بتعرس اخ سيف..

سيف:اقترحت على سلطان انا وياه انعرس اربااعه..

خلودي:شووووووووووو..

سيف:هاهاهاااااااااااااااااهاااااااا..مسكين حاااالج يا اختي العزيزه..الا وينها فطامي..؟

أم سيف:ميلسه في حيرتها..محرجه ما تبغي تيلس في سويحان..

سيف"ينش من مكانه":هههههه..بسير صوبها وبضيج بأحوالها..

وسار سيف لفطامي اللي كانت يالسه في حيرتها ..طايحه ع الشبريه واتطالع فوق..لقى الباب مفتوح..حدر وشافها..استغرب..للحينه محتفظه بجداول الإمتحانات..

فطامي:مرحبااا مليوون ولا يسدن..بالأخ اللي ما ينشد عن احوالي..

سيف"يبس جدامها ومرتبش ويالس يغني":ليش ما تنشد عن احوالي..دامني انشد عن احوالك..

فطامي:ايوااا عااشووا يابس يابس يابس..هلا هلا..

سيف"ييلس ع الشبريه":واايد مصدقه روحج..

فطامي:لا تلومني..اتريا حد يعطيني فيس..

سيف:هاهاها..المهم..شحالج..؟؟

فطامي"تتمدد ع الشبريه":حالي ما يسرك..عنبوووه مليييت من اليلسه فالبيت..كل بنات ييراني هاجروا مادري ويييين..

سيف:عادي ..شو يعني بتموتين بلاهن؟؟

فطامي:السالفه هب جيه..بس انا متضايجه..وخاطريه حد يسولف ويايه..

سيف:عيل نشي بوديج صوب رويض..

فطامي"تعفد وتلوي عليه":فدييييييييييتك والله انك طيووووب..

سيف:حشى حشى ..بشوي شوي ع روحج..ما ينرزى عليج..

فطامي:يلا يلا ..انا زاهبه ودوني الرماح انا ماريد ايلس في سويحان..

سيف:انزين ليش هي ما تييج ويا الشله الكريمه..دوم انتي اتسيرين صوبهن..

فطامي:صح والله..اللحينه بدقلها بخليها اتيي..بس الساعه كم اللحينه..ما ظنتيه بيخلونها اتسير ويا الدريول؟؟

سيف:حمد بييني بعد اشوي وبنظهر ارباعه ويا سهيل..خليه اييبها ..

فطامي:اوكيك اوكيك ..بدقلها اللحينه..

سيف:يلا عيل انا بسير..شي في خاطرج..

فطامي:سيافي الغالي..اللاب مادري شوفيه..يشتغل بس من افح أي فايل ما ينفتح..شكله مريض..

سيف:خلاص خليه يتلبس بنوديه المستشفى..

فطامي:هههههههههههههه..انزين انزين..

سيف:حطيه في قسمي من ارد بشوف شو مشكلته..

ونش من مكانها ع اساس انه بيظهر من عندها..بس يودت يده..

فطامي:اسمع سياافي انا في شي ابغي اقولك ايااااه..بس الوقت اللحينه ما يساعد..تدري لأنه موسم اعرااس وجيه..

سيف:اوكيك..بعدين نتفاهم..

فطامي:ما فيك فظوول..

سيف:ههههههههه..للأسف لا..

فطامي:بسم الله شو من صبر عليك..

سيف:الحياه تخلي الواحد غصب عنه يتعلم الصبر..لازم تتعودين ع الصبر حتى فالأشياء العاديه..

فطامي:تقصد انيه لازم اكون صبوورة في كل الحالات وفي كل مكان و زمان..>>تتفلسف باللغه العربيه الفصحى..

سيف:هيه..ويا ليت بعد اتكونين صبورة عن الأكل..

فطامي:لالالالالالالا..هنيه العوق امممرة ما روووم..

سيف:انزين انزين..يلا مع السلامه..

فطامي:الله وياك..

ظهر سيف من عندها..وتمت اتدور على تيلفون امها وتتذكر هي وين عاقتنه..وبعد معاناه لقته..ودقت تيلفون لرويض ..



×

×

×



انا بالله كيف احيا بدونـــك..اذا كان الــهجر يعني مماتي..

اذا نوم الهنا داعب جفونك..انا جفوني مـا تعرف سباتي..

حبيبي والغرام كله بكونـك..حبيبي والعطـــش كله بذاتي..

تطمن ما احب الا عيونـك..لأني شفت بعيونــــــك حياتي..



بيت بو خليفه..

قسم شموس..

الساعه 10 ونـص..



موزاني:والله صدمني شموس من قال رمسته..حسيت ان شعر يمبي وقف..

شموس:ضرب تحية العلم ولا..؟؟

رويض وشموس:ههههههههههههههههههههههه..

موزاني:قسم بالله متفيجات..

رويض:لا انا مزاجي هب توب اليوم مادري شو بلاني..بس الأخت شموس..مطيحه الميانه..

موزاني:فديتج هب من فراغ..من رد حمود توت توت ..وهي مستانسه ..

رويض:هيه ..الفتره اللي سافر فيها..كنتي كله متضايجه وما ترمسين حد .. واحن مستغربين من تصرفاتج..

شموس:شو اسوي..والله استوى لمايه هب شويه..وانا قلبي عليها..و اللي زاد الطين بله..اللوعه اللي احس فيها..

موزاني:هيه تعالي شو قالولج يوم سرتي المستشفى..

رويض:بسرعه يلا رمسي..

شموس:هاه؟؟

موزاني:شمووووس..

شموس:بسم الله بسم الله..هيدن عليه اشويه..ااممممم..كل النتائج والفحوصات تؤكد.......................

موزاني ورويض:شووووووووووووووووووو؟؟؟

شموس:انيه حاامل..

صدت رويض صوب شموس وقالن ويا بعض..

رويض وموزاني:ألف الصلاة والسلام عليك يا حبيب الله محمد..كلووولوولوولوولوولوولوولش..عاشوا عاشوا..عاشوا والله عاشوا..عاشوا عاشوا..عاشوا والله..شموس وحمد..بييبون بيبي..بيبي حلو..عاشوا عاشوا عاشوا..

ونشت رويض تيبس جدا شموس..وموزاني مرتبشه وتصفق لهن..

شموس:بس بس..حافظات الغنيه مشااالله عليكن فاجات لكن استديو على غفله..

موزاني:اصلاًُ احن كنا شاكات في هالشي..عسب جيه زهبنا عمارنا..

رويض:المهم خلونا انرد لسالفة مزاني الأثليه..

موزاني:اااااااااه..لا تزيدون المواجع..

رويض:سؤال سؤال..انتي موافقه على سعيد..

موزاني:وبعد تسألين..هيه موافقه عيل شووو..؟؟

رويض"تغمز لها":لا يكون كانت بينكم قصة حب من قبل بس كانت ضاربه مخفي..

شموس:هههههههههههههههههه..

موزاني:لا تنرفزيني ولا بفلعج بشموس..

الكل:هههههههههههههههههه...

رويض:عمي رمسج..؟؟

موزاني:اول شي سعيد رمسني وخلاف ابويه ياني وقالي انا ادري ان سعيد رمسج فالموضوع..انا ياي عسب اعرف اذا انتي موافقه او لا..

رويض:وانتي شو قلتي..؟؟

موزاني:تستهبلين؟؟

شموس:لا تستعبط..

ويضربن شموس ورويض كف بكف..

موزاني:قسم بالله انكن ما تخيلن..

رويض:ويت ويت..انتي شو اللي مضايجنج فالموضوع..

موزاني:انهم يبغوني اعرس ويا سلامي..

رويض:انزين من أي ناحيه..من ناحية الوقت..ولا انج عروس وتبغين عرس اروحج وتكونين انتي سارقة الأضواء..

موزاني:الله يهداج رويض شو هالرمسه..؟؟انا وسلامي واحد..وهالشي انا ما فكرت فيه..اللي فكرت فيه..كيف بروم بتزهب وجيه..ماشي وقت..

شموس:صدقيني شي وقت ..اسبوعين و3 ايام ما يسدج..

رويض:موزاني ترى سعيد يتريا الجواب..هو ما عنده مانع يأجل العرس..هيه صح ..ويقولج انه بداية هالسنه بيبدا في شغله..يعني بيكمل الكليه وبيشتغل..

موزاني:هيه ..زين يستوي خير..

شموس:هاه شو قلتي..باجر بنسير دبي وبندور ع فستان..؟؟

موزاني:اممممممم.........توكلنا على الله..مع انيه وايد خايفه..

رويض:وبلاها سلامي لا خايفه ولا هم يحزنون..

موزاني:سلامي..ما سوولها سبرايز شراتي..

رويض:اووه هاي فطامي اتدق..الووو مرحبااا السااااااااااااااع..

فطامي:المرحب لا هاااان..شحااااااالج..

رويض:يسرج الحال ولا يضرج..ومن صوووبكم..؟؟

فطامي:بخير وسهاااله..يلا تعالي بيتنا..

رويض:حادره حرب انتي؟؟بدون مقدمات وبدون ون تو..

فطامي:انا كووول هياتي ماما يمشي سييييييييييييييده..

رويض:وااااااااايه التراب الساعه 10 ونص منو بيويني عندج يا ام رااس..

فطامي:بوشهاب يا أم راااسين..

رويض"ترمس شموس":شموس..حمد بيسير سويحان..؟؟

شموس:هيه.. ميلس خاري ويا الشباب بيظهر بعد اشوي..

رويض:اوكيك اوكيك اللحينه بييج فطامي بااااااااي..

فطامي:باااااااااااااااي..

خلال ساعه..تواجدت رويض في سويحان في حوي بيت بوسيف ويا فطامي داقات سوالف ويسمعن الإف ام..كانت رويض تخبرها عن موقف سهيل وياها ..وعن سالفة موزاني اللي ما كانت تعرف عنها فطامي..وسالفة حمل شموس..ودقتلهن فطامي ولعنت خيرهن لأن ولا وحده منهن تكرمت وخبروها باي شي من هالسوالف..ع الساعه 12 ونص..سارت فطامي ودقت لسيف وقالتلها اييب لهن بيتزا هت..وهو موول ما عارض..بس ذكرها اتحط اللاب في قسمه..

فطامي"تبند التيلفون":يلا تعالي باخذ اللاب مالي وبوديه قسم سيف..لابي مريض..

رويض:هاهاهااا..يا غبيه اسريبه المستشفى..؟؟

فطامي:هههههههه..حتى سيف قالي هالرمسه..

صخت رويض ..حست بضيجه من طرت فطامي اسم السيااافي..وسارن فوق ويابن اللاب ونزلن تحت صوب قسم سيف..فجت فطامي الباب..وسارن ويلسن فالصاله..وحطت اللاب ع الطاوله..

رويض:بطليه عسب انشوف البروبليم ماله..

فطامي:اوكيك..

وبطلت فطامي اللاب ..وخلاف سارت لحيرتها تبدل لبسها وتلبس بيجامه..ويلست رويض اتشوف شو المشكله..وتعابل فيه..وما حست بعمرها الا تشوف سيف واقف جدامها ويالس يطالعهـا..كان اشوي وبياكلها بنظراته..كان يتمعن فيه..وكأنها لوحه جدامه..





ألا ياليتني نبضك ابات بداخل اعماقك

ازيل الهم عن قلبك وامحي كل اهاتك

ألا ياليتني حظك واسعد كل ايامك

اخلي الفرح في دربك

وضحكه على شفاتك

ألا ياليتني ظلك وامشي معك يمك

ازيل التعب عنك

عساني مانحرم منك

اسمحلي

باشتري ضحكة شفاتك

بألف دمعة من عيوني

اعذرني

باحتوي همك وحزنك

وأحبسك داخل عروقي

آآآسف

باحرم الدنيا جمالك

واحتكر روعة وصالك

وبالنهايه

ادفنك داخل عيوني

لأنك أغلى من حياتي





وقفت على طول..وتحجبت زين ما زين..وظهرت من القسم بدون ولا كلمه..ومن خطفت عداله..كان سيف بيرمسها بيقولها أي شي..الموووهيم يسمع صوتها..بس حس شي في داخله يمنعه..؟؟!!!وخطف هالموقف كغيره من المواقف..بكل هدوووء..واذا ما كان بكل هدوووء..فبيكون موقف يجمعهم بس كلن يغلط ع الثاني؟؟!!.,,,


×

×

×



وشلون أعيش بغربتك لا تغربت

ما أقدر أواجه غربتك مع عذابك



لك وحشةٍ في خاطري لا تغيبت

تظلم علي دنياي ساعـة غيابـك



يا نور عيني في غيابـك تعذبـت

أمشي على دربك و أنادي سرابك




الرمــاح..

الساعه 8 ونـص..

بيت بو محمد..



سلامي:شووووو..؟؟سارت سويحان..؟؟

عليا:هيه..غريبه ما دقتلج..؟؟

سلامي:هاي رويض ما تستحي..تدرين انها داقه علي الساعه 3 ونـص..تقولي خطفي علي بسير السوق وياج انتي وموزاني ..

عليا:ههههههههه.يالسه تخرط عليج..

سلامي:امممف عليها..دواهااا عنديه مسودة الويه..

عليا:عيل الله يعينكن على بعض..

سلامي:هههههه..المهم..شي في خاطرج..؟؟تحيرت على سعيد يترياني خاري..

عليا:يالحركات..المعرس بيوديكن اللحينه..يا عيني يا عيني..

سلامي:حتى خلوف يبغي يرز الفيس..قالي اونه غصب ابغي اسير ويا ختيه..

عليا:شو خايف عليها..؟؟

سلامي:هههههه..شكله..يلا مع السلامه..

عليا:فمان الله...

ظهرت سلامي خاري البيت..وسارت صوب سعيد..

سعيد:بلاه خلوف ما يرد عليه..

سلامي"اتسوي عمرها ما تعرف":لا يكون بيسير وياانا...

سعيد"يطالعها بنص عين":وانتي اونج ما تعرفين..لحظه لحظه هاي هب جنها عليا ظاهره من بيتهم..

سلامي"تفج الباب":هيه بسير بشوفها شو تبغي..

وسارت سلامي صوب عليا..

عليا:لحقي يا سلامي..عمتيه لقيتها فالصاله طايحه...وما ترد علي..

سلامي:شووووو..؟؟ييبي ييبي عباتها بقول لسعيد..

وسارت تربع تخبر سعيد..



؟؟!!



؟؟!!

الجزء الثــامن والـ ع ــشرين..



..×..الفصـل الـ(1)..×..




••.•°¯`•.•• ليتك معي صافلي ••.•°¯`•.••





مـاللعـمر في بعـض الايـام قيـمه..لاغـاب عنك من تعـزه وتغـليه

تصـبح حياتـك في بعاده سقيـمه..ويفـز قـلـبك كل ماجاك طـاريه





فطامي:بلاج رويض جيه مويمه..ليش ما تتريقين..؟؟

رويض:اممم..والله مادري شو فيني..اقول انا بسير بتصل تيلفون ع البيت بشوف شو اخبارهم..

فطامي:انزين انتي ليش جيه متروعه..؟؟

رويض:اممم..قلبي ناغزني..احس ان شي مستوي فالرماح..

فطامي:لا ان شالله مب مستوي الا كل خير..

رويض"اتنش من مكانها":الله يسمع منج..

نشت رويض من مكانها..وسارت اتييب تيلفونها من فوق..ومن يابته نزلت تحت عند فطامي ويلست عدالها وتمت ادق ع تيلفون البيت بس محد كان يرد عليها..ونفس الشي على تيلفون امها..

رويض:وااايه التراب..وبعد محد ايرد عليه..صدقيني شي مستوي..

فطامي:يعني تقنعيني ان عندج الحاسه السادسه..اييج شور؟؟دقي ع تيلفون حد من خوانج ولا عليا..

اول ما خلصت فطامي رمستها..انفج الباب وحدر عليهن سيافي..رويض تحجبت بسرعه..وفطامي نشت من مكانها وهي معقده حياتها..اخوها سيف جدامها كتاب مفتوح..ومن ملامح ويهه حست انه مستوي شي..

فطامي:السيف شو بلاك..؟

سيف:اول الشي السلاااااااام عليييييييهم..

فطامي و رويض:وعليييك السلام والرحمه..

سيف:شحااالكن..

فطامي:بخير وسهاله..ومن صوبك..؟؟

سيف:يسرج الحال..الا وينها امايه..؟

فطامي:سارت العين..

سيف"ييلس ع الكنبه":ليش؟؟

فطامي:ماشي بتسير بتتشرى لها رقع وبتفصلهن وبتيي..

سيف:اها.."صد صوب روضه الي كانت واقفه ع طرف"..الروض..يايينج برمسه..

روضه:.....................................

سيف:سمعي الروض ادريبج ما تهابين..بس..سمعي اللي بقولج اياه..الوالده طاحت عليهم فالبيت..وسرحوبها صوب توام..واللحينه بخير وما تشكي باااس..

رويض:شوووو؟؟واشعنه ما خبروني..؟؟

سيف:الكل كان مرتبش..

رويض"اتقاطعه":وطبعاً محد ذكر رويض عسب يخبرها..المهم..اللحينه شو حالها ..؟؟

سيف"يتأمل عيونها":بخير..العصير بتظهر من توام.."العصيّر:العصر"..وجـانج تبغيني اوديج صوبها اللحينه..في ذمتيه ما طلبتي..

رويض"اتطالع فطامي":يلا فطامي بنسير..

سيف:لا فطيم قري مكانج..

فطامي:افاااا..اشعنه..بيلس روحي؟

سيف:بتيي امايه وبتيلس اروحها..

فطامي:هيه صح..

سيف"ينش من مكانه":يلا رويض اترياج..

سار سيف وظهر من عندهن..وصدت رويض صوب فطامي..

رويض:واايه التراب اللحينه تبغيني اسير اروحي ويااااه..

فطامي"اتطالع التي في":عادي ظنتيه هب اول مرة..>>عندها علم بالسوالف الأوليه..

رويض:شووو؟؟

فطامي:ماشي ماشي..يلا اخويه يترياااج خاري..يا ان تحيرتي عليه بيحدر عليج وبيمطج من شعرج..

رويض:حشى..هاذا سيف وحش..

فطامي:هاه هاه..وقفي مكانج اختنا رويض..قصورج بعد اتسبين سيافي..

رويض:واايد فرحانه بسيااافي..

فطامي:هيه ومن حقي..قسم بالله رويض بييج بيهزبج ان ما ظهرتي..

رويض:خلاص خلاص ..بلبس عباتيه..وشنطتيه ييبها وياج العصير يوم بتيون صوبنا..

فطامي:يستوي خير..

وربعت رويض فوق ولبست عبايتها وشيلتها ويابت شنطتها ونزلت صوب سيافي بسرعه..فجت الباب الوراني بكل استهبال واستعباط..الأخت ناويه تيلس ورى..بس شافته عطاها نظرة..وكأنه ايقوله.."حلفي انتي بس"..بندت الباب وسارت فجت الباب..ويلست عداله..وهو وده بس..ايفارج رويض عسب يضحك عليها..مسود الويه..

هي كـانت ساكته..واحليلها فكرها عند امها..أما هو..كان مرتبش..مرتبك..مب عارف شو يسوي..حس ان هالفرصه هي الوحيده اللي بتعدل من مواقفهم اللي طافت..وإنه لازم يعتذرلها على كل المواقف..ويوم صد صوبها..شافها مبنده اعيوناتها وراقده..صخ ..وتنهد بكل قهر..تم ايحرك الموتر يمين يسار..ماشي فايده..البنيه راقده راقده..خفف السرعه..وصد صوبها..وده ايقول شي..بس ما يعرف شو يقول..سوى انه يحبها ويغليها ويموت فيها..؟؟هاللي قدر يفهمه من هالمشاعر اللي هاجت بقلبه يوم شافها جدامه..بس رويض..ما تعطيه الفرصه حتى عسب يفهمها اللي يستويله اذا ابتعدت عنه..او يقولها كيف حاله يوم سافر ويا سهيل..؟؟!!كانت ما تفهمه ولا تعبره..كـانت ما تهتم لوجوده..وهاللي يقهر سيف..شل السفره من راسه بطريقه سريعه وفرها ع السيت الوراني..شغل المسيل ويلس يتسمع..لين ما وصلوا توام..وقف الموتر فالباركنات..وصد صوبها..

سيف:رويض..رويض..

روضه:هممم..برقد برقد بعدين نتفاهم...

سيف:هههههههه..امحق تفاهم هاللي عندج..نشي يلا بنسير صوب امج..

روضه:امااايه..؟؟هيه صح..

تمت ترمش بعيونها..بطريقه تضحك..وسيف..يبتسم ع شكلها..فج الباب وظهر..وهي بعد فجت الباب وظهرت..أشرلها اتييب سفرته من السيت الوراني..وفجت الباب ويابت سفرته..وقف ايطالع عمره في جامة الموتر..ويلس ايعدل سفرته..ورويض يالسه اتطالعه..

سيف:يلا..

ومشت رويض عداله..وساروا لماما مال روضه..>>احم احم بدينا انقع اشويه..

طول الدرب..لاحظت روضه ان سيف يمشي عدالها..وما فكر انه يبتعد عنها..وفجأه..طرى ع باالها الموقف اللي استوى بينها وبينه من كمن شهر..ويلست تضحك بصوت واطي..

سيف:بلاج؟؟

رويض:ماشي..بس تذكرت موقف استوالي..ويلست اضحك..

سيف:الحمدالله والشكر..

ويلست رويض تضحك وتضحك..لين ما وصلوا حيرة امها..وحدرت هي وسيف رباعه..ويلست عند امها لين العصر..



×

×

×


لو حســــــيت بدمعة قهر..لا تنسى غلات دموعك..

ولو يوم خانتــــــك دنياك..تذكر من يحـــــــــبونك..

لو كل البشر ضـــــــــــدك..تعال بحــضن مجنونك..

تراك أغلــى البشر عندي..وأموت بضحكة عيونك..




العيـــن دار الزيــن..

السـاعه 9 ونـص..

العيــن مول..



سلامي:واايه التراب..هاي رويض وين سارت..؟؟

ريسه:طبيعي..موزاني ورويض سارن ارباعه يستهبلن..

عليا:بالله عليكن اللحينه موزاني ويه وحده يايه السوق تشترالها زهبه..

عنودي:ماما..والله مالي حث.."مالي خص"..ابغي حلاوة..

عليا:زين زين يستوي خير..اذا يت عمتج رويض بخليها اتسير تتشرالج اللي تبغينه..

ريسه:سويتلهن تيلفون..محد منهن اترد عليه..

عليا:عيل خلاص..أنتوا خلونا نحدر شومارت..وانا بطرشلهن مسج ان نحن في هالمحل..

ريسه:عيل يلا..

وسارن لمحل شوومارت..ويلست سلامي تتنقالها نعول اشكال وأنواع..وتاخذ راي ريسوه وعليا..وبعد ما خلصن سارن لمحل سبلاش..ونفس الحاله..يدقن على رويض وموزاني ولا وحده منهن اترد عليهن..



× عند رويض وموازني ×



رويض:لا ياغبيه هاللي اخترته انا احلى..

موزاني:انزين منو الأبطال اللي فيه..؟؟

رويض:جون ابراهام واشواريا ..

موزاني:عيل باخذه وباخذ هاذا اللي عندي..

رويض:منو الأبطال..؟؟

موزاني:والله ما اعرف اساميهم..

رويض:اشوف صورهم..

موزاني:هاج..

روييض:سلمان خان..بس منو البطله..غريبه هب حاطين صورتها..

موزاني:اوكيك نو بروبليم يلا ..

وسارن يحاسبن ع الأفلام الهنديه..هاذا بدل لا يشترن شي للعرس الي ما بقى عليه الا اسبوع وكمن يوم..والأٍيام تخطف بسرعه..وموزاني هب حاسه..

موزاني:خلينا انسير ميغا مارت..

رويض:اشعنه نسيرله؟؟

موزاني:ناخذ حركات عسب يوم انشوف الفيلم..يعني حلويات جيبس عصاير..

رويض:هيه والله صح..

موزاني:يوم اقولج انج بدوني انا وفطامي ما تسوين شي..

رويض:هع..واحليلكن واايد قاصات على عماااركن..يالهرمه..

موزاني:اتسبيني هاه..استغفر الله العلي العظيم..وينهن البشاكير..

رويض:يترابعن ورانا..

موزاني:يتراااابعن..؟؟؟لا في ذمتيه يمشن ع بيض..

رويض"تحدر ميغا مارت":اقول..تشري وانتي ساكته..بديت اعصب تراني..

موزاني:يالقوووم..اذا عصبتي يا ويلـج..

رويض:هاهاهاا.."وسارت ويابت 4 جيبس ليز العوود"..انا اريد هاذا..يلا ماما حركي يدج وظهري بيزاتج..

موزاني:سيري لااااا..مالي خص فيج انا..اللي تبغينه اتشريه انتي اروحج..

رويض:قد رمستج؟؟

موزاني:قدها وقدود..

وسارت رويض ويابتلها باسكت..ومزرتها حلويات وجيبس اشكال وانواع..السالفه سالفة عناد..وسارت صوب العصاير والآبسكريمات..ونفس الحاله..ويوم وقفت عند الكاشير..وبعد ما حطوا الأغراض اللي فالأجياس..

رويض:اتريي اشوي هاي بتدفع اللحينه..

وأشرت على موزاني اللي كانت اتطالعها..انصدمت موزاني..وافتشلت..ما عرفت شو تسوي..جان تسير وتدفع ع اغراض رويض..واغراضها بعد..وظهرن ويا البشاكير اللي محملات الأجياس..

رويض:هاهاهااهاها...نياهاهااهاااااااهااااااااهااااا ا..

موزاني:عنلات هالويه وهقتيني..شاريتلج الأفلام..بعد..خليتيني ادفع عن اغراضج..

رويض:اول شي بنت عمج هب ع الفاضي..ثاني شي..سعيد مادري تعيس ما يقصر..

موزاني:حووووه..لا تغلطين ع سعيد ريلي..

رويض:ريلج مادري يدج ما يخصني..بس للحينه ماستويتي حرمته مسودة الويه..

موزاني:اقول..لمي هالثم علني بلاااااه ولا اسمع نصخج فاهمه..؟؟

رويض"اتسوي عمرها بشكاره سيرلانكيه":جين ماما..

موازني:هه خليج جيه..لا افرج بهالشنطه..

رويض:اقول عدلي اسلوبج لا افرج بوحده من البشاكير..

موازني:حشى..هب بنية جسد قويه عليج..

رويض:هاها..قولي مشالله..

موزاني:امحق..على شو؟؟

رويض:تعالي..وصلي مسج من قوم عليا..توني شفته..

موزاني:الله يعينا..اكيد محرجات علينا..

رويض:واايه واحن شو سوينا..

موزاني:اللحينه بتسويلي محاظره..وينهن وينهن..؟؟؟

رويض:لا اصدق عيوني..طالعي جدامج..

موزاني:زين انتفعنا من عيونج..يلا بنسير صوبهن..

وسارن صوب قوم سلامي ..

سلامي:مشااااااالله..شرفن الشيخات..

رويض:احم احم..شكراً ع الإطراء..

موازني:سلامي فالخدمه..

عليا:انتن وين سرتن..؟؟

موزاني:ماشي سرنا ناخذ لنا اكل وأفلام هنديه..

عليا:بالله عليج وهالأغراض بتحطينها ويا زهبتج عسب الحرمات يشوفونها..

موزاني:اخخخخخخخخ ويهي احترق..المطافي الله لا هانكم..

رويض:هههههههههههههههه..

موزاني:هيه ضحكي مسودة الويه..وهقتيني للمرة الألف.."وتصد صوب سلامي"هاه سلامي خلصتي..؟؟

سلامي:هيه الحمدالله..من باجر بيلس في بيتنا وبرتاح..ما بتحاوط فالأسواق شراتج..

موزاني:وعععع..وايد خقاقه..

ريسه:يلا سلامي و رويض حمدان تحت يتريانا..

رويض:وانتن؟؟>>على عليا وموزاني..

عليا:بعدنا بنيلس فالمول بناخذ لنا اغراض وخلاف بنسير الخياط بنييب الكنادير..

رويض:انزين بسير وياكن..اهئ اهئ..

عليا:لا يا عيوني ...خذي عنودي وياج وسيري البيت ولمي بنات الشعبيه وخذيلج حوطه في شوارع الرماح..

رويض:حرام..موزاني تريدني..

موزاني:هيه صح ..

عليا:لا يعني لا..عسب اتسيرن وتنقعني اروحي..

رويض:خلاص خلاص..امرنا لله..

وصدت صوب سلام وريسه..

رويض:ريسوه وانتي ريلج ما يخليج اتسيرين ويا الدريوليه..

ريسه:لا عيوني..فديته ما يقصر..

رويض:احم احم..قردنيه عسب يخطفنا ع المحطه..

ريسه:بيخطفج..بس تدرينبه ما بيخليج تظهرين..

رويض:اففففففف قهر..ليتني ويا فطامي في بوظبي نتمصخر على خلودي..

ريسه:يا حليلها خلودي..يلا يلا بسرعه..أكيد قصايد تصيح..

رويض:مشكله..



×

×

×



قلبي اللي ضيـــع العالـم وصانــــك..منتهي في عشقـك بحبـك بلانـي

ولو احسه يوم في احسـاس خانـك..انزعه مايجلـس بصدري ثوانـي

جـرب الايثــــــار وامنحنـي عنانـك..لجل احلق فيـه واوصفنـي اناني



عراقيب سويحــان..

السـاعه 10 ونـص..



سهيل:صدقني يا سيف..محد بيصونها الا انت..ومحد بيروم على عنادها الا انت..

سيف:..سهيل..شو هالرمسه..انته متأكد ..هاي رويض..كيف تبغيني اخطبها وانته اتحبها..هالشي مب من طبعي يا سهيل..وانته أكثر الناس تدريبي..

سهيل:بس يا سيف..ما بجبر قلبي يحب وحده ما تبغيه..ذليت عمريه عندها..بس ما تبغيني..والريال ما تحق له نفسه ياخذ وحده عايفتنه..كنت اروم اسير وارمس عمي وحمدان فالسالفه مرة ثانيه..وكنت متأكد ان حمدان بيغصبها عليه..بس انا ماريد بنيه تاخذني مغصوبه..ابغي بنيه تاخذني وهي موافقه من نفسها..وعندك رويض..احبها..وهي ما تبغيني..من ذيج الساعه..خليت القلب ما يفكر فيها..نهيتها من تفكيري..

سيف:.......مادري..مادري..

سهيل:اسمع سيف..انا ماريد ريال غريب ياخذ الروض..انته اكثر واحد تستاهلها..

سيف:تخيل لو خطبتها..بيفز حميد وبيقول بنت عمي وانا احق بها..

سهيل:مستحييييييييل مستحييييييل..اعرفه حميد..غسل ايده من رويض..

سيف:بس يا سهيل..انته اتحبها..كيف تبغيني اخذ وحده وانته اتحبها..

سهيل:يا ولد الحلال ماااا حبها ما ابغييييييها..عافتني وعفتها وخلااااص..ليش اتطول السالفه..جان لي خاطر عندك..اسمع شوري واخطب رويض ..

سيف:يا سهيل..انته اكثر واحد تعرف بغلاتك..ليش تحطني في موقف محرج..

سهيل:ياااااااا خي بلاااااااااك انته..

سيف:لحوووووووول...انته ليش مصر انيه اخذ رويض..

سهيل:لأني اعرف انك تحبها..

سيف:شووو..؟؟>>>منصدم..واحليله كيف انكشف..

سهيل:ههههههههههههههه..

سيف:قسم بالله انك..

سهيل:والله والله ثم والله..محد ياخذ رويض..الا سيف بن المر..وعن حلفتيه هاي..وعن رمستيه بعد..في ذمتيه مارد فيها..ييب تيلفونك بدق ع أمك ببشرها..

سيف:حووووووه..احن للحينه ما خلصنا..

سهيل:وانا ليش اخذ تيلفونك..وين تيلفوني.."ويظهره من مخباه"..بندق ع عمتيه ببشرها..

سيف"يشل التيلفون عنك":يا ريال استهد بالله..وحط الرحمن في صدرك..ليش تبغيني اخذ الروض انا بالذات..وكيف وانته تحبها..وتفكر فيها..ياخي لا انا ارضاها عليك ولا ارضاها ع نفسي..

سهيل:انته ما تفهم؟؟شو مشكلتك فالحياه..عمرك بيصك الـ27..سيف للمرة الألف اقولك ان رويض ما ابغيها عافتني وعفتهـا..تتوقع بعد اللي استوى بيني وبينها..وبعد المحاورة الشديده اللي في المطبخ بسير وبخطبها..

سيف:والمطلوب..؟؟

سهيل:اللحينه للمرة المليون اقولك محد بياخذ رويض الا انته..رمس خالك وانتهى الموضوع..

سيف:.................................>>يشل الرمل ويرفع يده ع فوق ويخلي الرمل يتناثر بكل بطء..

سهيل:اسمع بدق ع امك وبقولها..وانته رمس عمي راشد في سالفة رويض في هاليومين..بس بشرط..يرمس رويض بعد عرس خليفه وسعيد.."ويدق ع أم سيف"..

سيف:والله مادري شو اقوك يا سهيل..

سهيل"يقاطعه":لا تقولي ولا شياته..خلاص اتفقنـا.."ويرمس ام سيف"..ألووو مرحباا مليوون ولا يسدن..>>ويحطه ع السبيكر عسب سيف يسمع..

أم سيف:مرحبابك زوود ولديه..شحالك؟؟

سهيل:اممممرة ما نشكي بااس..ومن صوبج؟؟

أم سيف:بخير وسهاله..هاه وينكم..ما رتيكم ييتوا سويحان اتخطفوني ع هل الرمـاح..

سهيل:افا يا ذا العلم..ولا محد مخبرني انج بتسيرين الرمـاح..ولا جان خطفت علييييج من زمااااااااان..

سيف:جيه انا قايله لسيف..

سهيل"يصد صوب سيف"هاه السيف..شو هالرمسه اللي اسمعها..

سيف:والله من طريت السالفه اللي قلتها وانا بليا ذهن..

أم سيف:افا..وشو من سالفه؟؟

سهيل:طولي بعمرج..ولدج ناوي يكمل نص دينه..

أم سيف"تستوعب الوضع":...................شووو؟؟؟سيف ولديه؟؟

سهيل:عيل ولديه انا؟؟

سيف:ههههههههههههههه..

أم سيف:عنلاااات صداااااااك يا سهيلوووه..صج صج سيف ناوي يعرس ولا هاه من جذبكم وخريييطكم..

سهيل:لا افاا عموه اشو هالرمسه..سيف ان شالله باجر بيرمس خالي راشد..تراه يبغي رويض..

صد سيف صوب سهيل بكل عصبيه..بس كتم غييضه وما رمس..

أم سيف:هالسااااعه المبااركه..من متى اترياك ترمس يا سيف..ورويض..في ذمتيه انها شيخة البنـات..زييين ما اخترت..

سهيل:الفضل لله من ثم لي..انا اللي تميت ازن ع راسه لين ما اقتنع..

أم سيف:لو انيه ادري برمستك يا سهيل..جان من زمـان خليتك اتزن ع راسه هالعنيد سيف..اممممرة ما يطيع لي شور..

سيف:افا الوالده هاه رايج فيني..

أم سيف:هيه نعم هاذا رايي فيك..المهم..ترى اختك فطيم فريتها في بوظبي..جانك بتخليها برايك..وجانك بتييبها صوبي الرمـاح يكون احسن..ما تقر عيني الا واشوفها راقده جدامي..

سهيل:عاد هاي فطامي عيوووز..وللحينه ادلعونها..

سيف:امممححق..مسويه عمرها ياااهل..

سهيل:يلا عيل عموه بنخليج اللحينه..

أم سيف:فمان الله ..تحملوا على عماركم..

سيف:لا توصين..

أم سيف:الله يحفظكم..

بند سهيل..وصد صوب سيف..وابتسم له..

سيف:تعرف شو الي في خاطريه ودي اسويه لك اللحينه..

سهيل:ههههههههه.."ينش من مكانه"..هههههه؟؟ودك تدفن راسي فالرمـل..

سيف"يربع وراه":ههههههههه..تقرا افكاري مشاااالله عليـك..عيل يلا تعال بدفن راسك ..



×

×

×



جيتك ولاغيرك ذكرته بمسراي.

جيتك وكل انسان غيرك نسيته.

جيتك وقلبي دقته تسبق خطاه.

جيتك اقولك مفارقك ماقويته.

وان مر يوم بالعمر منت وياي.

اشتاق لك شوق المسافر لبيته.



أبوظبــي..

السـاعه 10 ونـص..

قسـم سلطان وخلود..



سلطان:هاه وينها فطامي..؟؟

خلودي:سارت المطبخ مادري شو بلاها..

سلطان:خلصتي ولا بعدج..

خلودي:لا فديتك خلصت..

سلطان:اها.."ينش من مكانه"..انا بظهر تامرين بشي..

خلودي:لا سلامتك..وين بتسير..؟

سلطان:صوب الربـع..

ظهر سلطان من عند خلودي فالوقت الي حدرت عليها فطامي..

فطامي:لحقي خلوودي لحقي..

خلودي:بسم الله شو مستوي..

فطامي:يوم سرت المطبخ..دق تيلفونج وكانت امايه وقالت لي ان سيف بيرمس خالي راشد ع اساس انه يبغي رويض..وااااااااايه وناااااااااااااااسه ونااااااااسه..أخييييييييراً اخيييييييييراً تحقق اللي في بالي..

خلودي:شوو؟؟وسهيل..؟؟

فطامي"تعقد حياتها":انتي شو بلاج شو بلاج والله خاطريه اعرف شو بلاج..هالكور اللي عندج ما يفكر..سهيل خلااااااااص خلااااص ياماما بابح..>>يااهل..

خلودي:شو يعني..؟؟

فطامي"تيلس ع الغنفه":الله يعييييينك يا سلطان..اكيييد تعيد السالفه لخلودي دودي دودي عشر مرااااات..

خلودي:زين زين والله..فهمت السلفه خلاص..انزين سمعي اللي بقولج اياه اللحينه..

فطامي:شو مستوي؟؟

خلودي:توه سلطان قايل لي ان من يومين هزاع مرمسنه..انه يبغي شويخ..واليوم رمس شيخه..وهي وافقت على طول بدون لا تقوله عطني وقت افكر فيه..

فطامي:مشاااااااالله..في نفس الشهر تتطلق وتعرس مرة ثـانيه..حار بحار..

خلودي:ههههههههههههه..واتفقوا ان الملجه والعرس ..شهر 9..

فطامي:زين زين والله..عيل بترتاحين من شيفتها..

خلودي:الا برتاح ونص..ما عليها الا تسوي مشاكل فالبيت وتحشر العرب..

فطامي:وسلطان..؟؟

خلودي:وايه فديته سلطان..محتار بيني وبينها...ما عرف يسمع رمستيه ولا رمستها..عسب جيه انا اتجنبها ولا اسويلها سالفه..

فطامي:اخخخخخخخخ..لو اني انا بدالج وقسم بالله امسح بها الأرض..

خلودي:بس بعد والله حرام خالوه ما ترضى ع بنتها..

فطامي:امحق..الله يعينها خالوه على هالبنيه..

خلودي:نشي نشي بنسير لها يلا..

فطامي:يلا..

..×..الفصــل الـ(2)..×..



••.•°¯`•.•• نـار قربـك ••.•°¯`•.••



24/7/2007



الرمـــ ♥ ـــااح..

الســاعه 8 ونـص..











عرس

خليفـة ♥ سلامـه..

سعيـد ♥ مــوزة..



أشـتـري نـار قـربـك..لو فـراقـك سعـاده

أرهـن العـمـر كلـه..لـجـل أشوفـك ثـوانـي

كـل مازاد بــعـدك ..زاد حـبـك زيــاده

مانسيــتك حبيـبي لـو زمـانـي نسـاني

الاراده سـلاحـي وإنـت معـنى الإراده

كـل ماعطيـت قـلبـك أشعـر إنـه عطانـي

الـفؤاد وسكنتــه..مايفيــدك عنــاده

كيــف تقبـل عـذابـي وانـت مصـدر حنـانـي

كـان جـرح المشاعـر سـر قـلبـك وفـاده

راحتـك عنـدي أغلـى.. لـو تمـوت الأمـانـي

عطنـي احـزان قلبـك وخـذ منـي وداده

عـش حياتـك سعيـد..وخـل غيـرك يعــاني

الحـزن ماخلـق لـك..خـل الأفراح عـاده

ابتســم..يبتســم لـي ياحبيبـي زمانـي

...









موزاني:اوووف..اخيراً..حسيت ان الخوف راح اشوي..

سلامي:حشى يا عيون الحرمـات كيف..بياكلن الوحـده..

موزاني:طالعي طالعي رويض يوم ترقص..وايد مرتبشه..

سلامي:هههههههه..الله يستر جـانها ما شافتهـا امايه العوده..

موزاني:في ذمتيه انهـا لا تقصبها اقصاب..

سلامي:بس والله شعرها غادي حلو..

موازني:أمايه العوده ما عندها حلو ولا هب حلو..شعرها كان يوصل لركبهـا..اللحينه في نص ظهرها..بتقولها وين هاك الشعر كله..

سلامي:لا واللون..من أسود لكل الوان العالم.

موزاني:هههههه..لو سمعتج اللحينه عادي اتقوم اتزفـج مرة ثـانيه بس وانتي اتصيحين..طبعاً بتلعن خيرج..

سلامي:لا هب لهالدرجه..ما تلاحظين انها طول الوقت شارده من عند الحرمـات..

موزاني:ماشفتي عموه نورة"أم سيف"..حدرت علينا الحيرة وطاحت فيها مديح..اسميها رويض انتفخ راسها..

سلامي:هاه..ليكون حاطه عينها على رويض..لولدها سيف..

موزاني:اووف..يليقون لبعض..أحلى فتى فالعايله..وأحلى فتاة فالعايله..

سلامي:هيه والله ما جذبتي..

وأشوي الا اتييهن رويض اللي كـانت بكـامل كشختها..ووياها شموس..

شموس:حشى..داقات سوالف ع الكوشه..

سلامي:والله مب من فراغ..من الزيغه..

موزاني:صدق انج خوافه..انقلعي هناك يلا..

رويض:موزاني خلي الدفاشه..اغدي رقيقه اشوي..

موزاني"بكل رقه":لا خلاص سلامي لا تنقلعين..

شموس:بالله عليكم هاه ويه وحده الليله عرسها..

موزاني:وايه التراب الميكب هب حلو..؟؟

الكل:ههههههههههه..

رويض:لا لا حلوو..

سلامي:هاه رويض بشري أمايه العوده شافتج ويا هالشعر جنج الا لبنانيه..

رويض:لا والحمدالله..أسميها اذا شافتني..بتستوي فظيحتيه فالعرس..

سلامي:الا بتخبركن..شيخوه بنت عموه ناعمه وينها؟؟يت؟؟

رويض"اتطالع شموس":ههههههههههههههههههههه..

شموس:استغفر الله رويض بسج تطنيييز..انتي وفطـامي خذتن سيئاتها كلهن..

موزاني:اه ليته هب عرسي الليله عسب اتطنز وياكن..شو شو السالفه..

رويض:طولي بعمرج شيخـاني كاشخه وغاديه ملكة جمال مشالله عليها..وميودة أم هزاع وياها وين ما اتسير..

سلامي:لحظه لحظه سمعت اسم غريب..منو أم هزاع..

رويض:هزاع..اللي خطب شويخ..

موزاني:اشوو..ما مداها تتطلق الا وانخطبت..

سلامي:مشاااااااالله ع البنيه..اسميها عليها حظ يفلق الصخر..

موزاني:انزين انزين منو هاه هزاع..من وين عرفها..

رويض:والله مادري..بس ام هزاع يوم يت بيتهم مرة اتسلم على عموه ناعمه شافت شيخه ..والظاهر انها قردنت ولدها ويابت راسه..واقنعته بشيخه..وهو خوي سلطان..

شموس:ييها يا رويض..يا حبـج لعلوم العـرب..

رويض:شو اسوي ظاهره على بنت عمي شموس..

موزاني:الا غبوش اليوم محد عرفها..

رويض:محد هين يا بنت عمي..

غبوش:السلااااااام عليكم..

الكل:وعلييييييكم السلام..

سلامي:بل بل كاشخه غبوش..غير شكل..

غبوش:وجـــــاااااان استحي..عندج معرس..

سلامي:لو تبين سهيل ما يغلى عليج..

شموس:وبعـــد؟؟

غبوش:سهيل..؟؟لالا مشكورة..

شجون"اتدش فالسالفه":عندها أحمد ومالي عيونها..

الكل صد صوب غبوش اللي حمر ويهها..

رويض:اهاااااااااا..يلا يلا..بدا السر ينكشف..

شموس:اعترفي غبوش شو تسوين؟؟يلا قولي..؟؟

غبوش:ما عليه يا شجون..قسم بالله دواج عنديه..

وسـارت غبوش..فالوقت اللي تمت شجون تضحك عليهـا..

رويض:يلا يلا ويا ويهج..ع باالج ما نعرف عن اللقاءات السريه اللي بينج انتي ونصور..

شجون:شووووو..؟؟اتخسى ولله..

موزاني:اعدااال اعداااااال..بشوي شوي ع اخويه فديته..مسكين لو الود وده ياخذج اليوم قبل باجر..

شجون:قسم بالله سخيفات..

وسارت شجون من عندهم معصبه..واشوي الا يتهم ريسه ويا بنتها اللي شلت البقعه بصريخها وصياحها..وتمت شموس اتسكتها اشوي وتهديهـا..واشوي يسمعون الا المعاريس بيحدرون..ربعت رويض صوب باب الخيمه بتظهر بتييب عبايتها..واهنـاك..شافت امها العوده ووياها شيخوه وكمـن عيوز..وأم خليفه...خطفت بسرعه..بس أمها العوده زقرتها..

أم راشد:روووويض..مسودة الويـه تعالي اهنه اشوف شو مسويه بروحج..؟؟

يت رويض صوبها وتتمنى ان امها العوده ما تنازعها جدام شويخ..

أم راشد:قاصه شعرج مسودة الويه يللي ما تخيلين ولا تحشمين..انا هب قايله لكن كلكن يا بنات سهيل بن محمد"يدهم"..محد منكن اتقص شعرها..وانتي قاصتنه ولاعبه فيه..مسودة الويه مضيعة المذهب..

مـا كانت تمزح..لا..كانت اتصارخ من الخـاطر..وحتى الحرمـات مستغربات من تصرف أم راشد الخارج عن السيطرة..اما شيخـاني كانت تضحك بصوت عالي بطريقه تقهر من الخاطر..احترق ويه رويض..ما عرفت بشو ترد على يدوتها..وكـانت نظراتها لشيخـاني اتدل على كرهها لهـا..وخت براسها تحت..وكـاتمه هالغيض اللي فيها..

أم راشد:مــــااااااااالت عليييييج ومالت على مذهبن عليج..فارجي فارجي مسودة الويه يعل عيني ما تشوفج..يعلني بلا ريييييحج..

شويخ:دوااااااج..

مـا كانت تعرف شو تقول او شو تسوي..على طول ظهرت من الباب..وهي حابسه دموعها..عمرها ما حبت تنحط في مواقف محرجه وتكون هي المصخره من بين الحضور..وتنجبر انها تبلع لسانها الطويل..جدام الحرمـات..ظهرت وشافت البشكارة ميوده عبايتها وشيلتها..كانت بتحدر للصاله..بس غيرت رايها..

وصلـت للحوي اللي ورى البيت..تراكمـات القهر اللي تجمعت في وسط قلبهـا..ما عرفت أي طريقة سوى الدموع عسب يروح هالقهر والغيض..كـانت اتصييح واتصيييح بس بصوت غير مسموع..عني انا اشوف ان السالفه ما تنرزى وما تحتـااي هالدموع وهالفيلم اللي سوته رويض..يمكن لأن رويض شبه حساسه..واحط مليون خط تحت كلمـة شبه..وما قهرت الرمسه اللي يتها من يدوتها جدام الحرمـات وشيخـاني..فشافت ان الصياح هو اللي بيريح قلبهـا..

جذبها صوت..؟؟!! وما تعرف شو اللي ميّز هالصوت وعرفت على طول ان هاذا سيف..الريـال..اللي ينقذها فالمواقف الحرجه"أحياناً"..وأحياناً يزيد الطين بله..وبسرعه..تذكرت موقفها ويا سهيل فالمطبخ..وتذكرت الرمسه اللي ظهرتها لسيف..بكل عفويه..ومسحت كل الحدود الفاصله امبينهم..تذكرت كيف فتحت قلبها لسيف وسألته كمن سؤال يخص سهيل..وحطته في تجربه هو في غنى عنها..

وبعد..تذكرت كل المواقف اللي سيف كان يهزأها..يوم كان بيدعمها فالعراقيب..وفالمستشفى..ويوم راده من عيادة الأسنان..ومواااقف واايده كان سيف ما يهتم لرويض ويحسسها انها ولا شي..

سيف"يلس عدالها بس بعيد اشوي":شو بلاج اتصيحين..؟؟

رويض"تمسح دموعها":هاه..انا..لا انا ما صحت..

سيف:صوت صياحج ينسمع عن بعد كيلو..

رويض"بغباء":كنت اصيح بس بصوت واطي..

سيف:ههههههه..يعني ع السايلنت..

رويض"عقدت حياتها":تتمصخر..

سيف:لا منو قال..؟؟

رويض:تحريت بعد يالس تتمصخر عليه..

سيف:المهم..ليش اتصيحن شو مستويبج..

رويض:لأن امايه العوده هزأتني..جدام الحرمـات...وحرقت ويهي..

سيف:بل بل..جيه انتي شو مسويه..؟؟

رويض:ماشي..بس قصيت شعريه وصبغته..

سيف:بس؟؟

رويض:بس..

سيف:بس انا اشوف ان هالشي ما يخليج اتصيحين وتقهرين عمرج..

رويض:لااااااا..السالفه مب جيه..

سيف:عيل؟؟!!

رويض:شيخاني بنت عموه ناعمه كانت موجوده..وسمعت يدوتي يوم هزبتني..جـان اتقولي ادوااااااج..

سيف:افاا..من متى اتهمـج رمسة شيخـاني..ما اعديبج جيه..

رويض:مادري..حسيت انيه انقهرت..وخاصتن لأني ما رديت عليها..

سيف:تحيدين مرة قلتي لي..السكوت عن السفيه صدقـه..مع انيه هب سفيه..بس تقبلتها منج..

روضه:..........................





يا مصعب الاوقات كلـــــــها بدونك

واصعب كثير ان قلت اشوفك على خير

يا للي تبعثـــــــرني و أدور جنــــونك

وألقــــــــى لجنوني في غرورك تفاسير





سيف:سكوتج هذا يدل على ان مستواج اعلى من مستوى شيخاني الواطيه..يوم نسكت عن غيرنا..اللي غلطوا علينـا..هذا هب ضعف ولا شي ثـاني..هذا عقل وحكمـه..إنتي جيه قهرتي شيخـاني..لأنج سويتي لها طاااف..ومنو يعني شيخـاني..وحده لا يت ولا راحت..رمستها لهالدرجه مأثره فيج..؟؟

رويض:لا..

سيف:لأن أحسـن دوا للي يحاول يستفزك تحقره..

رويض:ماجذبت..



همسك وضحكاتك ولذة طعونــــك

أشـــيا تهوّن مقبلات المـــــــــعاذير

شوقي واحاسيسي بكوّا يـــــحترونك

ترى الليـــــالي في غيابك معاسير





سيف:رويض..الا دموعج..كل شي الا دموعج..لا تجرحين خدج بسبب ما يسوى..شو يعني صارخت عليج..يدوتج ولزوم عليج تحترمينها..وشو يعني اذا قالت لج ادواج..عادي ما يهمج صح..

رويض:صح..

صخ سيف..كـان يتأمل هالدموع اللي لازالت متحجرة في مكانها..بس للحينه ما نزلت..ولمح نظرات رويض..كيف كانت تتنفس بكل صعوبه..



تدري حبيبي خايـــفة من ســـكونك

و تــــدري احبك والمحبــــــــــة مقادير

لبيه أنا كلــــــــي ألبي عيــــــونك

لبيه لو ما هي لعيـــــــــنك مخاسير





سيف:بعدج متضايجه..؟؟

رويض:.................................

سيف:بعدج متضايجه..

سيف:لا هب متضايجه..خلاص الضيجه راحت..

سيف:زين بعد..خلاص عيل مسحي هالدموع..واللي تبغي تنزل امنعيها..

رويض:ان شالله..

سيف"ينش من مكانه":يلا عيل اشوفج على خير..



يا مصعبه من يوم إذا مر دونـــــــك ..

وأصعب كثير إن قلت أشوفك على خير..





كـانت تراقبه وهو يبتعد عن نظر عينهـا..وخت براسها تحت وتنهدت..ما تدري ليش ابتسمت..اللي سوته انها نشت من مكانها..وسارت للخيمه على طول..حدرت..شـافت موزاني وسعيد..سلامي وخلوف..مالهم شووف..اها..عيل اكيد راحوا الفندق..ما عندهم ون تو..صدت اتطالع ساعتها..اووه بعدها 11 ونـص..سارت صوب موزاني وسعيد وباركتلهم..ووقفت ع صوب وهي صاخه وما ترمس..كانن فطامي وشجون وغبوش..وعليا وريسه وشموس..يسولفون ويضحكون ويضربن كف بكف..بس هي لا..؟؟!!ما تعرف ليش..

هل من اللي استوالها..ولا من المنظر اللي اتشوفه جدامها..شموس وعرست..سلامي وعرست..وموزاني وعرست..منو بقالها يستهبل و يستعبط وياها...محد بيسويلها سالفة شرات قبل..محد بيفضالها..شموس كانت دوم وياها..بس من عرست ما استوت تيلس وياهم وياها..وأكيد سلامي وموزاني شرات االحاله..هالأفكار كانت اتدور في راسها..كانت تتخيل عمرها عرست وخذت سهيل وهي مخدووعه فيه..كيف بتعيش وياه..على أي اساس..على اساس اللعب بالمشاعر..؟؟!!على اساس الجذب..؟؟!

شلت بعمرها وظهرت من الخيمه..وعلى طول رقت الدري وسارت لحيرتها..صوب دريشتها اتطالع العالم اللي تحت..كان من صج منظر يخبــل..العرس مسوينه في بيتهم..لأنه اكبر من بيوت عمومتها الثانيين..

فالحـوي..حاطيين خيمتين ..وحده كبيرة..وهاللي فيها الكوشه والمعازيم بييلسون فيها..والثـانيه..أصغر منها بشوي للعشا..البشاكير يترابعن من مكان لمكـان..وصدت بنظرها صوب الرياييل ..كانوا جدام بيوتهـم..مسويين خيمه للرياييل..بس طبيعي الكل قعد خاري صوب اليواله..كـانت اتشوف عمهـا ذياب يوول ويا عبودي وسهيل..شوفة سهيل..ما هزتها مثل كل مرة..يوم اتشوفه يوول..ما حست بأي شعور..بس من شافت سيف..أنتفض جسمها بكبره..حست برهبه وبخوف..ما تعرف ليش..مرات تكرهه..ومرات اتحسه عدي..كان يالس واللي عنده في عالم..وهو في عالم ثـاني..بندت الدريشه بعد ما حست انه انتبه لها..وسارت ويلست ع الشبريه على طول..

كـانت تفكر باللي استوالها قبل شوي ويا سيف..شو تفسر هالشي..بشو توصفه..ليش ما تحس بعمرها وهي ترمس سيف..وكيف هو يروم يسحب الرمسه منها بدون أي صعوبه..؟؟؟!!هاي ثاني مرة..ترمس سيف بكل عفوية ..وتنسى كل التحفضات اللي عندها..ليش هي بالذات ويا سيف جيه..حالتها مرة فوق ..ومرة تحت..مواقفها ويا سيف فيها ارتفاعات وانخفاضات..ليش ما توقف عند منسوب معين وخلاص..؟؟!!

على هالأفكـار..رقدت وهي بكشختها..؟؟!!



×

×

×



لو الغلا يوخذ ويعطي على الكثيف

ترى الغلا مني لك أول هديه

هرجي معك صادق ولا أظن به زيف

مقصد شرف مالي مقاصد رديه

والله أعزك لو علـــــى رقبتي السيف

أوفي ولو دنياي ماهي وفيــــــــه



دبـي دار الحــي..

جميرا بيتش..

الساعة 11 ونـص..



سلامي:لحوول..انته حياتك كلها رقاد..

خلوف:...............................

سلامي:اييييييييه خلوف قوم يلا..الساعة 9 ونص..

خلوف:يوم ترمسيني بأسلوب حلو بنش..أسلوب دفش ما بنش..

سلامي:خلوفي حبيبي نظر عيني نش يلا فديتك..

خلوف:اللحينه بنش..

وفج اعويناته وتم يطالعها..

خلوف:انتي منو؟؟

سلامي:الينيه..

خلوف:كنت متأكد..

سلامي:تستهبل..

حلوف:لا احاول..

سلامي:متفيج..

خلوف:معرس يديد..

سلامي:أنزين اسمع..

خلوف:هاه شو..؟

سلامي:نش يلا خذلك شور بنسير الرماح بنتغدى وعقب برايك وين تبغينا نسير..

خلوف:وين بعد بيلسج في بيتنا..

سلامي:شوووووو..؟؟

خلوف:اشوي اشوي عن يطيح نصج..

سلامي:يالس اتسولف..

خلوف"ساير للحمام الله يعزكم":لا فديت روحج..بتيلسين فالبيت..مشكله حريم هالأيام لازم شهر عسل..

سلامي"تيود يده":لااااااا تيلس تتمصخر..

خلوف:كيفي كيفي..

سلامي:افففف..خلوف ياخي اتفاهم انته ليش جيه..

خلوف"ييلس جدامها":هاه يا عيون خلوف..امري وين تبغين اتسيرين شهر العسل..

سلامي"رافعه واحد من حياتها":تستهبل..

خلوف:سلامي والله احبـــــــج..

سلامي:خلوف شو دخل هالرمسه في كلمـة أحبــج..

خلوف:اممممم..ما ادري..

سلامي:انزين خلاص.. خلاف بنرمس نش يلا خذلك شور..

خلوف:انزين سلامي..

سلامي:امر..

خلوف:متضايجه مني..

سلامي:لا افا منو قال..

خلوف:لالالا..

سلامي:..........................

خلوف:لحوول..اللحينه ليش صخيتي..؟؟

سلامي:ياخي كيفي لساني ولا لسانك..

خلوف"يود خدها بقوو":عدلي الفااااااظـج..

سلامي:شو يعني تستخدم اسلوب الضرب وياي..؟؟

خلوف:خلاص عيل..شو رايج نجرب القسمه..؟؟

سلامي:خلووف فديتك نش يلا..والله بنتحير عليهم..توني مرمسه امايه ..تقول لا تتأخرون..

خلوف"يلوي عليها":سلامي..

سلامي:طوول اليوم سلامي..امر حبيبي شو في خاطرك..؟؟

خلوف:توعديني..

سلامي:.....بشو....؟؟

خلوف:اذا شفتي شي غلط مني ترمسيني ولا تأجلين أي موضوع..

سلامي"تحط عينها بعينه":عنوني خليفه شو تقصد..

خليفه"يحط يداتها ع ويهه":هههههههه..ما اقصد شي..سلامي عطيني كف بس خفيف..هذا اذا رقدت..

سلامي:ليش ناوي ترقد انته..؟؟

خليفه"مغمض اعيونه":خلاص انا رقدت اللحينه..

سلامي:خلوووووووف..نش نش..يلااااااااااا..

هدووووووووء..

لا حياة لمن تنادي..

!!



×

×

×



صباحك نور

صباحك مدرسه ونعاس طفل في آخر الطابور

صباحك ام تخوف ولدها بطاري الدكتور



صباحك لمة اصحاب نسو بأن الزمان يدور

صباحك ضحكة بنيه تقول لصاحبتها اسرار



صباحك هدهدة اشعار

وعاشق يهمس لخله

انا ما اشك بس اغار



صباحك طفلتين صغار

جمعهم صف وافترقوا

وتلاقو يوم صاروا كبار





دبـي دار الحي..

جميرا بيتش..

السـاعه 11 ونص..



سعيد:يالله تعيني على هالحرمه..اقول موزاني نشي نشي يلا..

موزاني"ترمس وهي راقده":سعييييييد والله ميهوده حرام عليك..

سعيد:من شو ميهوده..رقدتي من وقت..

موزاني:..............................

سعيد:أقول..أنا بظهر..ويوم تخلصين وتشبعين من هالرقـاد دقيلي تيلفون..

موزاني"تفز من رقادها":شووووووو..؟؟تعال تعال حبيبي وين ساير؟؟

سعيد"ييلس ع الغنفه":اللحينه حبيبج واللحينه وين ساير؟؟وين الرقاد..؟؟خلاص طار؟؟

موزاني:هيه الحمدالله انه طار.وين بتسير..ريلي ع ريلك..

سعيد:ما بسير مكان..بس أجرب الأساليب اللي تنفع وياج..

موزاني:انزين انزين..وشو من أسلوب شفته اللي ينفع وياي..

سعيد"يسير صوبها":أسلوووب..امممم..غريبه للحينه ما سموه..

موزاني:افا..كيف جيه..؟؟

سعيد:مادري..

موزاني:اها..

سعيد"يظهر من عندها":تزهبـي..اترياج فالصاله..ريوق وبعدين سبراااايز..

موزاني:لاا حرام الفظول بياكلني..

سعيد:عادي..ما سمعتي ع العيوز اللي ماتت والسبه الفظول..

موزاني:افا..يعني أموت؟؟

سعيد:لا فديت روحج..كيف ابغيج اتموتين وانتي قلبي..

موزاني:اوووه وايد رومنسي..

سعيد:طبيعي ..من عرفتج وانا رومنسي..يلا اتريااج..

10 دقايق الا والأخت موزاني يالسه فالصاله..ويا سعيد..

موزاني:هاه شو السبرايز..

سعيد:تريقتي..

موزاني:هيه..

سعيد:لا تجذبين..

موزاني:صدقني ما أجذب..هههههههههههه..

سعيد:انزين ..طالعي طالعي..

صدت موزاني صوب اللاب اللي سعيد ما يفارجه موول..شافت فيلم ينعرض جدامها..وتسمع صوت سعيد ياي من اللاب..



لاتصدق من يقـول اني نسيتــــــــك .........من يقول انــي هويت انسان ثانـــــي

لك حبيبـــي نبض قلبي من لقيــتك .......لك دموعــي..لك خفوقـي..لك حنــاني

شف عيــوني هي تقول اني هويتك .......شف خفــوقي من بعـــادك هو يعــاني

تسكــن بقلبي وفي عينــي مبيتـك ......بك صدى صـــوت بأشواقـــه دعــــــاني

بك أعيش ومن بحر حـــبي رويــتــك .......قلبـك العاشـق ومن عشقـه كســاني

لو تبي هالروح ماتغلــى..عطيــتــك ......اطلب البسمــة وبك جرحـــي نســـاني

بس أبيك اتكــون في قربي رجيــتـك .......جيت لك بهديـك عمـري مع زمانــــي

حيــل أحبـــك ياسمــا عمري فديتك ........حيــل أحبــك ماحــد غيـرك حوانـــي

لاتقــول اليـــوم انــي ماهويتــــــــك ........قـول قلبي مايعيـشه شخص ثانــــي



عدة مشاعر..حوت قلبها اللي خفق بكل سرعه..؟؟!!ما تعرف هل هو احرااج من نظرات سعيد ولا من حركته الي يننت بها..ولا من شي ثاني..؟؟!!التصميم كـان وايد حلوو..ومسكت..وصوت سعيد صداه يتردد في مسامعها..؟؟!!كل كلمه من اللي قالها سعيد احتوت في قلبها عدت من حروفها قصيده من امية بيت وبيت..كلها شاعر ..ممزوجه ..واحاسييس مرهفه..اللي سوته انها سألته سؤال واحد..

موزاني:سعيد ..انته من متى اتحبني..؟؟

سعيد:امممم.."يود يدها"من زمـاااااان..

موزاني:.........إنته خطير في هالسوالف..

سعيد:عيبج؟؟

موزاني:وااااااااااااايد..بس متى بنسير الرمـاح..

سعيد:ما مداج تتولهين عليهم..

موزاني:سعييد..

سعيد:انزين انزين عن ايطيحن دموعج..



×

×

×



يا ليـل لـو عـلّمـتـني بـ إن الأمــاني فــيك مــيح

ما كان شطــّرت المعـاني يوم جــتـني بـ المـقاس

يـا نـاشد ٍ عـن دربـي أبشـر ما بــ هالدنـيا مريـح

دام المـلامـح عـاريهـ وما يحـــتــمل صـدقهـ لــباس .



الرمـاح..

الساعه 12 ونص..

حيرة رويض..





وقفت مبهته..في مكانها..بعد ما ظهر ابوها من عندها..حاولت تستجمع كل قواها العقليه عسب تستوعب الكم الهائل من الرمسه اللي صدمتها ويتها من ابوها..سيف وخطبها..كيييييييييييف..ولييييييييييييييش..ومتى..وع شان شوو..؟؟سيف..؟؟!!سيييييييييييييف براااااااااااااااااسه..؟؟!!>>لا بريوله..هع هع..

يلست ع الشبريه وتفكر وتفكر وتفكر الى مالا نهايه..ما حست بعمرها الا وهي ترمس روحهاوتقول..







"لالا..مستحيييييل انا اوافق سيف"

]..×..الفصــل الـ(3)..×..



••.•°¯`•.•• جرحـي عميق ••.•°¯`•.••





فاصلهـ او نقــــــطهـ في اخر الحرف..عجزت اخبــي دمعتي من عيوني

مدري جملتي ممنوعهـ ً من الصرف..الأكيد ما طلعت ودفنتها بـ جفوني





أشياء كثير اتدور في بالها..معظمهن كانن ذكريييييياتها ويا سهيل..والبعض (الآخر) كـانت مواقف سيف وياها..الحلو..والغير حلو..؟؟!!ازدحاااام فظيييييع وصداااع افضع..والسبب..شو هو السبب؟؟رمسة ابوها..اللي ولعت حرب..؟؟!!



"انا اخذ سيف..؟؟!!لاااا مستحيل طبعاً..ماشي توافق بينا ابد..كيف اخذه..وانا اذا جابلته خمس دقايق قلبي يرقع من زود الزييييغه..كيف..وانا اذا شفته احياناً اييني اشمئزاز..وليش كل ما يتني الضيجه ولا كنت في موقف محرج..سيف يكون المنقذ ليش..؟؟ليش هالتناقضات ..وليش الإنخفااضات والإرتفاعات..دومي مواقعه وياه..وسب وشتم..وفي مرة بعد صفعني..ومية ألف مرة هزأني ولعن خيري..واحياناً..يظهرني من اللي انا فيه..يقنعني بأسلوب..مستحيل يكون اسلوب سيف..المتكبر الخاق بعمره اللي شايف روحه..وليش فتحت قلبي وقلتله عن سهيل وسوايا سهيل..وليش خبرته عن سالفتيه ويا امايه العوده ورمسة شيخاني..كنت..كنت ارمس بكل تلقائيه ..وبدون ما احس..حتى من بعد ما رمسني..حسيت ان فيه شي يجذبني له..أنـا محتاره..واللي ظهرت به من هالتفكير كله..انا انا ما استاهل سيف..ولا هو يستاهلني.."



انفـج الباب بكل قوه وحدروا عيال محمد..توم وجيري..اقصد عبودي وعنودي..

عبودي:المعاااااااااااريس وصلوووا..المعاااريس وصلووا..

عنودي"فاله شعرها وتنعش":امباااركين عرس الإثنيــن............

رويض:عاشوا عاشوا..عاشوا والله عاشوا..

عبودي"يطالع رويض بنظرات":هيه صح..ابويه راشد يقول زقروا العروس بسرعه..



!

!

!

!

!

!



لحظه لحظه..مب جنه رويض سمعت شي×غلط×..وانتوا قريتوا شييعيبكم..هع هع..العروس..يا مشاااالله مسرع ما لصق فيها اللقب..بلعت رويض ريجها وهي فاجه اعيويناتها ع وسعهن..

رويض:شو قلت..

عنودي:اونج..اونج..ما ..ما سمعتيه..قااااالج العرووووووووووووووس...

رويض:يالسبلااااان يا عياااااال محمد..تعالوا..

كح كح..ما نشوف الا غبارهم..يلست ع الشبريه وتنهدت بصوت عااااااااااااالي..

رويض:اوف اوف..شكلها السالفه منتشره عند هل البيت كلهم..لا مستحيل مستحيل اوافق على سيف..يالله ..

نشت من مكانها ويابت شيلتها وتشيلت..وأول ما ظهرت من حيرتها..شافت شموس وشجون وغبوش..وكل وحده نظراتها تفضحها..

شموس:ألف الصلاة والسلام عليك يا حبيب الله محمد..

غبوش وشجون:كلولولولولللللللولولولولولووووش..

شموس:مشالله مشااااااااالله الثلاثي المرح سلامي وموزاني ورويض..كبرن وغدن حريم..سلامي وموزاني امسات عرسن..واليوم يا الدور عليج يا رويض..

شجون:ومنو بتاخذين..؟؟سيف..أحلى شباااااب العاااايله..

غبوش:تصدقين؟؟اتليقون لبعض وااايد..

شموس:أنتي احلى بنوته فالعايله..وسيف أحلى شباب العايله..

شجون:الله..بس اتخيل عيالكم كيف بيصيرون..

رويض"اتصارخ عليهن بعصبيه":ايييييه انتن..يالسات تستهبلن ولا شوو؟؟قسم بالله سخافه..شو هالرمسه اللي أسمعها..انا للحينه ما فكرت فالسالفه وانتن مخططات لكل شي..

صخن ما كانن متوقعات ردة الفعل الـ(القويه)..خطفتهن رويض ونزلت تحت شافت الحرمـات كلهن يالسااات مشااااالله..ولمحت موزاني وسلامي يالسات ع صوب وكاشخات كشخخخخه كااااااامله..عاد اللحينه نست سالفة سيف ..وربعت صوبهن وباست كل وحده ع خدها..

رويض:الله الله..اللحينه عرستن...ونستن رويييض الخبله..

موزاني:افا افا والله شو هالرمسه..ما عاش من ينسااج..

سلامي:انتي بعد بتعرسين وبتسوين اكبر طاااف لنا..

موزاني:الا تعالي شو الرمسه اللي سمعناها..؟؟؟سيف يبغيج هاه..؟؟تدرين كنت متوقعه هالشي يستوي..

سلامي:انا توني سامعه عمي يوم سلمنا عليه يقول لخلووووف..

موزاني"بصوت واطي":ألف الصلاة والسلام عليك يا حبيب الله محمد..

نظرات اعيوونها اكتفت..وما ظهرت ولا كلمه من ثمها..لأنها بالأًصل هب عايبنها هالوضع..الكل يرمس من صوب..ونظرات العياييز حقها..اللي سوته انها نشت من مكانها..وسارت لحيرتها ورقدت..لأن يوم توطي راسك وترقـد..تنسى الدنيا وما فيها..والرقاد وسيله من والوسائل"الحلوة"..والقويه..اللي تخليك تتهرب من مواقف ما تبغي تحط عمرك فيها..



×

×

×



صار بعض الشوق فيني منطوي خلف الجفاف

وهذا بعضهـ في خفوقي يحتري باقي الوعود

من فقدتك ياحبيبي / والمشاعر ماتخاف ..

وشـ بعد خوفي من انك من غيابك ماتعود ؟؟



العراقيــب..

السـاعه 8 ونـص..



بالفعل مرت أيام وأيــــااام..وكل دقيقه كل ثانيه اتمر عليه كئيبه بطيييئة..وكل لحظه تمضي عليه من هالليل زادت فيه الحزن و حدة الإكتئاب..العبره خانقتنه..والدمع متحجر في عيونه..ذياب رياال..والريال ناادرن ما تشوفونه يصيح..او تدمع عيونه..وفي جمله معروفه.."أصدق الدموع دموع الرجـال"..طول حياته ما هز قلبه الا وفاة ابوه..واللحينه مفارق مريووم..الليلة ليلة عرسها..؟؟!!يا للأسف اندفن حبن جديييم..المشاعر اللي هاجت بقلبه تزيد من تعذبيه..والقهر واللوم على هالزمـن ما بينفع ولا بيضر..كل اللي يسويه هو انه يعيش هاللحظات الأليمه بكل ألــــــم..

وفي وقتها..هزه صوت من الذكريات ..صوت مريوم..



هذا المكتوب يا ذياب..لازم نرضى بالواقع..



حاول وحاول ..وكل محاولاته على انه ينسى مريوم..ينسى صياحها..او رمستها..باااءت بالفشل..كيف ينساها..؟!!وهي حب طفولته؟؟!!ظما خافقه..شعور قلبه..منبع أحساااسيه.."أحاسيسه"..؟؟ومن فقدها..فقد الإحساس..فقد كل شي حلو في دنيته..سبحان الله..الإنسان اذا فقد شي غالي عليه..يحس انه فقد الدنيا كلها؟؟!!



فقدتـك..يا أعز الناس..فقدت الحب والطيبه..

وأنا من لي في هالدنيا سوواك..ان طالت الغيبه..

رحلتوا..ومن بقا وياي يحس بضحكتي وبكـااي..

وحتى الجرح..في بعدك..يغزيني وأهلي به..



شل تيلفونه اللي كان متخيس من الرمـل..كان غالقنه..والسبب بكل اختصار ما يريد أي ازعاااج..بس من فجه..هطوول شديد من المسجات..معظمها من حمدان..أستغرب الريال شو عنده؟؟اممم..أكيد عن سالفة رويض وسيف..هي الشغل الشاغل لحمدان في هالفتره..اللي استانس من سمع هالخبر من ابوه...ومعتبر كل شي استوى وخلاص..دقله تيلفون وعرف ان حمداان ميلس ويا أحمد وحمد فالمول..ومن نش وشغل الموتر..دق تيلفونه وكانت رويض..

ذياب:مرحبا ..

رويض:مرحبتين..بسم الله عمي شو بلاه صوتك..؟!

ذياب:ما فيني شي..شحالج؟؟!

رويض:ما اشكي باس..وينك عمي من يومين ما شفتك..

ذياب:والله سرت الشمال صوب الربع اهناك..واليوم ييت..

رويض:يا حظك..

ذياب:هاه رمستيهن موازني وسلامي..

رويض:رمست سعيد وموازني..خلوف وسلامي ما عليهم من حد..نحرق التيلفون عليهم وهم مسويين أكبر طااف..

ذياب:ههههههه..ما يتعاملون..

رويض:والله خطفت خمس أيام من سافرت وانا هب في حاله..فقدتهن وااايد..

ذياب:خمسة أيام وللحينه ما رديتي على ابوج بالخبر اليقين..

رويض:..........تقصد سالفة سيف؟؟

ذياب:ههههه..ليش في سالفة غيرها..؟؟

رويض:لا والحمدالله..سالفه وحده ومظهرتلي قرووون..اووه ريسوووه شلي قصايد مني..افف..يا هاليهااال قذااا..

ذياب:انزين انزين أكيد معذبه الحرمه وبنتها..

رويض:لا حرام عليك هم عذبوني..

ذياب:رديتي على ابوج ولا بعدج؟؟

رويض:عمي انا ابغي ادرس..

ذياب:ادريبج..هذا عذر عسب ترفضين صح..؟

رويض:ليش ناويين يغصبوني..؟

ذياب:تبغين الرمسه الصحيحه..وتبغيني احطج تحت المجهر..حمدان ناوي عليج..غصب طيب تاخذين سيف..محمد من المؤيدين لسيف..أبوج..اذا شاف الرفض منج..بيحاول يقنعج..بس اذا اصريتي ما بيغصبج على شي ما تبغينه..وعمومتج..الكل استانس من سمع الخبر..

رويض:رمستك ما تطمن..

ذياب:انتي رافضتنه؟؟

رويض:عمي..بالله عليك انا وسيف اناسب بعض..؟لا لا انا ماريد سيف..

ذياب:رويض نصيييحه مني..لا تحطين عمرج في موقف محرج..وانتي تعرفين حمدان..كلمه كلمتين..5 دقايق ويفتر راس ابوج..أحسن شي اتسوينه..انج اتوافقين على سيف..صدقيني ما بتندمين..يا رويض..سيف ريااال وبيحطج في عيونه..ماشي سبب ترفضينه..صدقيني الكل بيكون ضدج..الكــل..

رويض:كيف ..وأبويه طولي بعمره وقف وياي يوم ما كنت ابغي سهيل..؟؟

ذياب:الظروف اللي كنتي عايشتنها غير عن هالظروف اللي انتي فيها اللحين..كنتي طايحه ع الدري وظاهره من المستشفى وصراخج شالنها..وحـالتج الصحيه ما تسمح أي انفعالات ولو كـانت خفيفه..عسب جيه..ضغط على نفسه ورد ولد اخوه عشــــاااانج انتي بس..وما سمع رمسة حمدان ..

رويض:واللحينه؟؟شو الحل؟؟

رويض:لا اتعبين ابوج ويااااه..خليه يتطمن عليج..

رويض:آآآآه..والله انيه محتااااااارة..

ذياب:فكري زين..أهم شي انج تكونين مقتنعه ورااضيه..

رويض:بفكر في رمستك وبحط لها ألف حساب..انا بسير عرس ربيعتيه تامر بشي..؟؟

ذياب:مريوم؟؟

رويض:هيه..

ذياب:بركيلها..

رويض:من القلب؟؟

ذياب:هيه في ذمتيه انها من القلب..

رويض:وين بتسير اللحينه..؟؟

ذياب:المول..

رويض:وانته ياي الرمـاح..اخطف وييبلي باسكن روبنز..حرام أنا وحيده محد موزاني وسلامي..

ذياب:حشى ياااهل؟؟بنييلج عن ايطيحن دموعج اللحينه؟؟

رويض:هع هع ..فديتك والله انا احبك..بااااااااااي..

ذياب:الله يحفظـج..

أول ما بند عنها..دق تيلفونه وكان حمدان..

ذياب"يصارخ":يااااااااااااااااااااااااااااااااااي والله الحينه فالدرب..

حمدان:حشى يا اذوني اسمييهن راحن في خرايطها..يلا يلا تعال بسرعه..

ذياب:اقول..انته ويهك يلا..

حمدان:خلاص رحنا انا وويهي..

ذياب:انزين خلاص مع السلامه..

حمدان:فمان الله..



×

×

×



ما يعيش بهـ الزمان / الا " ولد " خاين / وعايب

والمحافظ عـ المروهـ والوفا / محد|ن| درا بهـ !!

والمصيبهـ / أي مصيبهـ ؟! الا هي / أم المصايب

ان جرحك ما يجيك الا / من احباب وقرابهـ !!!



أبوظبــي دار الظبي..

بيت بو سلطـان..

الســاعه 9..



شيخاني:شوووو؟؟حصه عطتك الرقـم..؟؟

ناصر:هيه حصه عطتني الرقم..

شيخاني:انته شو تبغي مني؟؟

ناصر:سمعي انا ما بقول لج انيه احبج..اللي بقوله ..في خاطريه نستوي ربع..يعني اتعرف عليج..انا مب من هالشبااب اللي يطيحون البنات في قصص حب كل ابوها وهم×وهم..



"نستوي ربع..يعني يكون لي بوي فرند..انزين عادي..شو فيها يعني ربيعي..شراات ما حصه ربيعتيه..و ميثاني يوم كـانت ربيعتيه..آآآآآآه يا ميثا في ذمتيه اتولهت ع سماع صوووتــج..ما توقعت انج تتركيني.."



شيخـاني:عادي عندي..بس اسمع يا نصور..علاقتنا ما تتعدى حدود الصداااقه..

ناصر:امممرة ما طلبتي..

شيخـاني:بتخبرك انته متى شفتني؟

ناصر:اممم..مرة وانتي ظاهره من البيت..

شيخاني:مشاالله..رادر..

ناصر:لا برج مراقبه>>>سخييييييف..

شيخاني:هاهاها..انزين اوصفلي اوضاعك..

ناصر:أوضااعي..؟؟طولي بعمرج انا من هل العيـن..وكنت سكرتير في وحده من الشركـات..بس المدير ملعوون صير طردني..لأني ما ادانيه ولا هو يدانيني..واستوت عدة مشاكل..واللحينه اعتبر من هل بوظبي..حـالياً عايش عند خوالـي..اللي هم قوم حصه..ومن اتفيـج برد للعيــن..

شيخاني:معرس..؟؟

ناصر:طلقـت؟؟

شيخاني:طلقـت!!..أفااا ليش؟؟

ناصر:الحرمه اللي ما تبغيني..مليوون مرة مابغيها..

شيخاني:هي من قرايبكم..؟؟

ناصر:بنت عمي..

شيخاني:هذا وانته ولد عمها طلقتها..في ذمتيه ما تستحي ع ويهك..

ناصر:ههههههههه..يا بنت الحلال اقولج هي ما تبغيني..ليش اجبرها اتعيش وياي..خلاص برايها..بدلها المليوووون يتمنون شوفتي..

شيخاني:واايد خاق بعمرك..

ناصر:اعتبر نفسي من الغراشيب..

شيخاني:هيه هيه زين شي طيب..

ناصر:وانتي ..اوصفيلي اوضاااعـج؟؟

شيخاني:اسمع ناصر انا وحده ما يهمني شي في هالدينا الا وناستي..وفالمدرسه..تدري ماشي وناسه..من خلصت 2 ثنوي..سٍحبت ارواقي ويلستها ويايه فالبيت..لا ابغي ادرس ولا شي..أبويه دوومه ميهود وأمايه واخويه يرابعوبه لدخاتر..وانا بس عليه اسير المولات ويا حصه..ولا اسير السكيت..بـس..

ناصر:يعني شراتي..لا شغل ولا هم يحزنون..

شيخـاني:اتصدق..اول مرة اسويها وادخل في تجربة ان يكون لي بوي فرند..

ناصر:انا الصراحه شيخـاني..دووم العب ع البنات..كل يوم اسمع وحده كلمة اهواج واحبج وأخطبج..بس انتي..امممم..حسيت انج تكونين ربيعتي..غير عن حبيبتي..صح؟؟

شيخاني:صح؟؟

ناصر:والدليل انيه خبرتج عن سوايااي الأوليه..بس انتي ما قلتي لي شي؟

شيخاني:أنا؟؟..يمكن تستغرب مني شوي..

ناصر:لا عاادي..

شيخاني:استعرت اسم..مها..واستخدمته فاللعب على ولد خالتيه ..واحد من هل سويحـان..غرشوب..و ريااال بمعنى الكلمـه..انا..انا ما كنت أحبه..بس كنت ابغيه يحبني..ويتعلق فيني..عسب بعدين لا خطفت ع شلة بنـات..ايموتن قهر وايقولن هاي هي شوق فلان بن فلان..اللي موتن عليه البنات كلهــن بس بنظره من عيونه..وهو ولا معبر ولا وحده منهن..

ناصر:كيف ايقولون عنج انتي شيخاني شوق فلان بن فلان..وانتي جدامه امسويه عمرج مها..

شيخاني:كنت اقول ان الأيام كفيله بهالموضوع..وانيه بعترف له بكل شي..كنت واثقه من حبه لي..وبيسامحني..

ناصر:وبعديـن؟؟شو استوى؟؟

شيخـاني:في يوم العيد سرت المطبخ ونسييت تيلفوني..وظهرت..وبعدها بعشر دقايق ييت المطبخ..جـان اباركله بالعيد..جـان يلعن خيري..

ناصر وشيخاني:هههههههههههههههههه..

ناصر:أكيد كان يدق ع تيلفونج..

شيخاني:هيه .. استوت مشاحنه بالرمسه وقمنا نخورها لين ظهرت من المطبـخ..كل اللي اعرفه انه كـااااااان منصدم واااايد..

ناصر:هههههههه..والله انج..

شيخاني:أسمع..سوالفك ما تنمـل..بس انا مليت..بسير بشوف الناس اللي عايشين ويايه..

ناصر:اتصدقين..انا اللي دومي أمل من سوالف غيري..اليوم ما مليت..عيل يلا برمسـج خـلاف..

شيخاني:باااي..

ناصر:باااي..

بندت عنه وحطت تيلفونها بكل هدووء عدالها..اتنهدت..شو اللي يالسه اتسويه اللحينه..بالضبط..هالمصخره..شو يسمونها؟؟!!!في حرب مع النفس..أحب هزاع..أموووت فيه..أتخبــــل عليييييه..عرسنا خلاص تحدد..ليش هالزوبعه كلها..ليش رمست ناصر وعطييته المجال..اممم..بوي فرند ومع الأيام بتروح هالفرند..ولا بيستوي لها أي مكان في حيـاتي..لأني..لأني بعيش ويا هزاااع..نظر عيووووني..آآآه يعلني فدااااه ..في لحظة مواجهة مع الواقـع..كـانت بتاخذ تيلفونها ..وبتدق ع حصوه وبتهزبها اشوي لأنها عطت ناصر الرقـم وبدون ما تخبرها بالأصل منو هاه نااصر..؟؟!!بس هي تدري انها مستانسه..دخلت في تجربه مرة ثانية و رمسـت"ريال"..هالكلمه فيها جبااايل..يلا..اتغير جو ويا ناصر>>>>ويا ويهها..