الفصل الثـاني)



••.•°¯`•.•• وينــك حبيبي ما وحشنــاك ••.•°¯`•.••







كــل شي يتمنـــــــــــــــى يشارك فينــــي

الارض والاشجــــار والبحــــر والحــوت..

يــا مبــرأك يــا مظلمــك ياضنيــــــــــنـي

مـا ضاع لـك ضايـع ولافــات لـك فـــوت..



المــارينا مووول..

الســاعه 8 ونــص..



هاللحظــه..سهيل وأحمـد قاعدين في واحد من المطـاعم يالسين ياكلون ..سهيل ما خلى بنيه الا وطالعها من فوق لين تحت..عكس أحمد اللي يالس يمزر بطنـه..

أحمد:انزين ما قلت لي ليش كنسلت السفره للبحرين..؟؟

سهيل:بس جيه..قلت خل اسعيد يروح بدالي..

أحمد:والكليه..

سهيل:قال انه بيدبر روحه..

أحمد:انزين بسك مطالعه وكل اللي جدامك ما أخسر فلوسي ع الفاظي..انزين؟؟

سهيل"يضحك":ههههههههه...

أحمد"يشرب بيبسي ويرمس":ليش تضحك يالسبال..

سهيل:الي يسمع انك ما اتطالع البنات..

أحمد"يحط البيبسي ع صوب":ياخي ..انا شو اقولك..سهيل مادري..احس ان احن نضيع وقتنا ع الفاضيززانغازل ونتمصخر ونجذب..يعني خاطريه شو الفايده من هاه كله..

سهيل:شو لا يكون حمد من بعد ما عرس غسل مخك..

أحمد:جب..جب..أصلن حمد من عرس ما رمسته الا ثلاث مرات..ماريد أطفربه..خلني ارمس باللي في خاطريه..

سهيل"بضيجه":أرمس..

أحمد:والله تدري هاك اليوم حاس بضيجه مادري شو بلاااني..أحس حياتي سخيفه..كله خربطان ع البنات..اخلص من وحده ايي للثانية أبند منها ارمس الثالثه ومن اخلص اطرش مسج للرابعه ..وجيه ..يعني هن يضيعن عمارهن..واحن نكون السبب..شو الفايده ؟؟شو نستفيد من انه نقص عليهن وهن يقصن علينا..؟؟

سهيل"مسوي طاف":...أمممم.....يعني اللي افهمه انك كنسلت مهنتك الأولية..

أحمد"بملل":هي كنسلتها..ولو تكنسلها يكون أحسن..نسمع اغاني وما نكسب غير الذنب..ونروح صوب هالبنات ورمسه ومادري شو نكسب ذنوب أكثر..واذا تذكرنا الصلاة سوينا خير في حياتنا..

صخ سهيل ..ما بقولكم أنه تأثر من رمسة أحمد..بالعكس ما حفل"حفل :أهتم"..لرمسة أحمد..بس فضل السكوت عسب ما يطول أحمد فالرمسـه..ويتم ايقول رمسه مالها معنى"في نظر سهيل السخيف"..ما يعرف ان أحمد يحاول ينتشل سهيل من درب الخيااس..لأنه اليوم بس يرمس..الله وعلم باجر شو بيسوي..؟؟

من خلصوا أكـل..نشوا من مكـانهم سايرين صوب حمدان في بوظبي..عسب يسلمون عليه هو وقصايد..لووول..





●

●

●

●





ياضـــــي عينــي خاطــري بالبكــى ضــي..

ودمـوع قلبــي من شجونــك شجــــــنــها..

بــي منــك فالخافــق مثــل رسمــت الكــي..

واسمـي الحــزون اللـــي تطـاول زمنــهــا..

فــي منــك هــم طاويــن خاطـــــري طــي..

حــرم علــى عينـي تصافــــــــي وسنهــا..

لــك بستـــــــــوي فــيّ اذا تقاصـر الفــيّ..

ولــك بستــوي وبــل السحــاب ومزنهــا..

وجهــك ينيــــــــــر دبــي يابهجـة دبـــي..

وروحــك تنـور البشاشـــــــــــه وطنهــا..

بينــي وبينـك عهــــــــــــد انــه اذا شـي..

كــدرك تشكــــــــــــي للهمــوم وحزنــها..



أبوظـــبي..

بيت بـو سلطــان..

حيرة شيخــاني..



شيخه:ياااااااااويل حـــاالي على هل دبـي..

ميثا"من الصوب الثاني":هههههههه..هزااااااعووووه..

شيخه:تصدقين ميثا يوم سرت المكتبه ويا سلطان امس..شفته..وييلي بغييت اموت..

ميثا"تضحك":هههههههه..ربج ما متي؟؟..مافينا عاده..

شيخه:ههههههههه..والله شو اقولج شكله ينن..حلووو من الخاطر..انزين تم يرمس ويا سلطان..ويتخبره عن احواله وجيه..وانا مب متغشيه..بس من حدرنا السيارة..تم سلطان امسويلي محاظرة شطوولها..يباني اتغشى وااحليله..

ميثا:حيج شفتيه..اقول متى عرس سلطان..

شيخه:بعد شهر..

ميثا:شو دورتيلج فستان ولا بعدج..

شيخه:لابعدني..بس قلت بسير دبي وياج وبدور فستان شيوووووووووخي..أبغيه احسن عن فستان العروس..

ميثا:ههههههه..بيتحرونج انتي العروس..

شيخه:خخخ..تخيلي..

ميثا:شو اتسوين من فصلتي من المدرسه..؟؟

شيخه:والله يا يالسه ع التي في ولا ع النت ولا اتحوط في السوق..ورقااد الصبح وانش فليل..استويت خفاش..

ميثا:انزين شرايج باجر انسير السكيت..والله كشخه..

شيخه:باجر أحد..كيف انسير..ماشي بنات..

ميثا:لالا..في بنات من الشارجه اعرفهن بييين..ادخيييييييييلج..

شيخه:انزين انزين..وبنييب حصوه ويانا...

ميثا:وينها هالبنت ادق ع تيلفونهم كله يقوليلي حصوه محد..

شيخه:هلها خايفين..خخخخخخخ..عن اتخرب بنتهم..

ميثا:واايه ومن و بيخربها المصريه..سمعي انزين بقولج..

شيخاني"بملل":شوو.؟؟

ميثا:شفتي سيف من بعد السالفه اللي استوت في عرس عيال خوالج..

شخاني:لا..فقدته ولا ابغي اشوفه..مسود الويه..

ميثا:بتخبرج وانتي اصلن ليش رمستيه وسويتي عمرج مها..

شيخه:بس جيه..كل ما يلسنا في بقعه..يابن طاريه البنات..قلت برمسه وبخليه يحبني من حلات منطوقي وأسلوبي..وبسوي عمري بنيه فالجامعه..وبعد ما يتعلق فيني بقوله انا شيخاني بنت خالتك..بس هو الحقير كشفني..

ميثا:يعني لو خطبـج بتوافقين..

شيخاني:اممممممم..لا..بس جيه..العب بمشاعره..

ميثاني:اهــا..اوكيك بخليج امايه تباني..

شيخاني:اوكيك ماي هيرت بااي.

ميثاني:باااي..

وبندت شيخاني عن ميثا وتمت اتطرش مسجات لربيعاتها وهي ملانه..واشوي الا تسمع صوت حد يدق الباب..نشت وفجت الباب..وكانت بشكارتهم..

البشكارة:ماما يقول يجي تحت ..

شيخاني"تظهر من حيرتها":انزين انزين سيري انتي..

سارت البشكارة فالوقت اللي وقفت شيخه على الدري تتسمع اصوات العرب اللي تحت..سمعت صوت روضه ومحمد وعليا وحرمة خالها"ام روضه"..وخالها راشد.

تضايجت..وسارت غيرت لبسها من بنطلون وبدي صغيروني لكندروة تحشمها جدام العرب..تكشخت ع الخفيف..وأي خفيف ..بالنسبه لها خفيف..ولا هي اتقول سايرة عرس من زود كشختها..

المووهيم انها نزلت..وسلمت ع الموجدين..ويلست عدال أمهـا..وهي تعق نظرات حقيره على روضه وعليا..فالوقت اللي هن مسويات طااف لها..هن ما خطفن على هالبييييت الا يشوفن عموتهن ويسلمن عليها ويشوفن حالة ريلها..ولا شيخوه الساباله..محد عاطنها ويـه..ومرت نص ساعه..وخلاف ساروا صوب شقة حمدان..



●

●

●

●





هاتلي ذكرياتي واستـــــــلم ذكرياتك..

رد قلــــبي وروحي..حتى باقي خيالي..

كنت احبك حقيقه كنت اداري غلاتك..

كنت تسوى حياتي..بالفعل كنت غالي..



سويحـــااان..

بيت بوسيف..

الســاعه 9 ونـص..



مناقشه جداً حاده فالصاله بين سيف وامـه..

سيف:يماايه قلت لج شيخاااني لا لا لا ...

أم سيف:يا ولديه وبلاها شيخاني زينة البنات وشحلاتها وحلات منطوقها..

سيف"في خاطره هيه يمايه ما تعرفين شي":شيخااني ما ابغيها البنيه هب داشه خاطريه..

أم سيف:بس يا ولديه انته وعدتيني بخير بعد أربع شهور..من بعد ما تخلص اشغالك ويا السياايير واتخلص سالفة البحرين..وخطفن الأ{بع شهور..وسالفة البحرين بيخلصونها خالك محمد وولده سعيد..

سيف:بس انا ما بغي شيييييييييييخه..

أم سيف:البنيه زينه..ومحد شراتها..انته تعرف ان واايد خطبوها من قبل بس هي ترفض..ولو خطبتها انته ما بتردك..

سيف:ماريد اعرس..انا بتم اجابلج انت وفطامي..ماريد غيركن..

أم سيف"اتدمع":ياولديه اليوم انا وياك..باجر ما بتشوفني..وفطامي بتكبر وبتعرس ما بتم فالبيت..وخلودي عرسها بعد كمن اسبوع..بتم اتجابل شو..طوفة الحوي ولا الدريول..؟؟

سيف"يبوس امه ع راسه":اوكيه خطبيلي اللي تبينها..بس شيخاني لا..

أم سيف"متضايجه":والله كان ودي تاخذها..بس انا ما تعودت اغصبكم ع شي ما تبونه..من باجر بدورلك البنيه الزينه..

سيف:لا لا..انا ماريد شي عرس اللحينه و لا ملجه ولا هم يحزنون..خلي كل شي فالصيف..

أم سيف"مستانسه ":انزين انزين..

صـخ سيف وهو متضايج..انقهر من هالساعه اللي امه رمسته وزادت المواجع..وذكرته بأيام مرت وين..ع قولة ميييحد..أيام عهد الوفا..أيام ما كان يموت في شي اسمه "مها"..اللي هي شيخه..

.

.

"والله والله لو ان روضه مب محيرة..جــاااان خطبتها من اليوم قبل بااجر..بس ياخسارة البنيه سارت لولد عمهـا..الله يوفجهم.."

.

.

تدرون شو الشي اليديد فالسيف بن المر..انه كل يوم والثاني يحب روضه زوود عن قبل..كيف ما يعرف..ولا يعرف شي.وتدرون شو الشي الحلو في السيف بن المر؟؟انه راضي بحكم القدر..وانه راضي ان البنيه اللي يحبها بتسير لربيعه وولد خاله..وتدرون شو الشي اللي يقهر في السيف بن المر..انه يتذكر روضه كل ماطروا شيخه..وانه يتذكر شيخه كل ماطروا روضه......؟؟

فطامي"شاله الصاله بصريخها":وااااااااااااااااااااههههههههههههههاااااا اها...

وتربــع جنها حصان..

خلودي"وراها":ايييييه يالعنز ييبي تيلفوووووني..

فطامي:ههههههههههاهاهاهاها..مااااااااااريد..

أم سيف:شو بلاااكن بسم الله لبسكن يني..شوو بلاكن استهدن بالله..

خلودي"معصبه":أمـايه شوفيها سرقت تيلفوني..

أم سيف:الله يهداج يا فطااامي..انا ما قلت لج تتزين عند كتبـج اتدرسين..

فاطمي:اووه امايه انا خلصت من زمان..

سيف:جذاابه هالبنيه طول الوقت اسمع صراخها وضحكها فوق مامداج تدرسين..

فطامي:لا وانا ادرس احب اصاارخ..

خلودي:ابا تيلفوووني..

فطامي"تفره ع ويه خلودي":خذييييييييه يالياااااااااااااهل..

وتربع فوق عسب ترمس مهروه بنت ييرانهم اللي منقعه ع سماعة تيلفون البيت..فالوقت اللي ظهر سيف من البيت..وخلودي يلست ويا أمها اتسولف..

شو اللي صار في حيـاته..شو هالتغيرات اللي طرت عليهـا..تخلي سيف مرة متضايج لأنه خاض تجربه سخيفه مع شيخه..وخايف لأن قلبه حب روضه..ومتضايج لأن امه ترمسه في سالفة العرس..

كل شي حولـه..من ظروف ومن ضيجه ومن خوف..تخليه يحرك موتره للعراقيب..لأنه راس العرقوب هو الوحيد اللي يروم ينتشل حزن سيف..وضيجته وهمـه..وكأنها حياته صارت جحييم في عيونـه..من هم لهم..ومن مشكله لمشاكل..

وشوي الا يود تيلفونه وتم يرمس سهيل..اللي كان يقوله انه كنسل سفرته للبحرين..



●

●

●

●







والارض في اتضيق وابي الفضا ضــاق لـمـن بـعـدك حــــــال دونـــك ودونـــي

انـت الـذي سكنـت قلـبـي والعـمــــــــاق منـسـاك لوتـحــــت الـتـراب ادفـنـونـي

بنيت لك وسط الحشا قصـور وانفـــــاق وزهــور واورود(ن)عـلـى كــل لـونـي

وين انت ياللـي عقبـك الوقـت مـــــالاق عندي واشوف الكـــــون كلـه سجونـي



الكــويـــت..

جدام بيت أمل.."ربيعة شموس"..



حدرت شموس السيارة وهي مبتسمـه..

حمد:مرحبااااااااااا مليوووووووون ولا يسدن في ذمتيــه..

شموس:مرحباابك زوود..

حمد:ييبي ايدج يلا بسرعه..

شموس"خايفه":بسم الله شو تبغي بيدي؟؟

حمد:ييبييييييييها اقووووووووول..

شموس"تمد يدها":هااااك تفضل ..

حمد:ههههههههههههه..لا بس ابغي ايودها..ابغي احس بالحنـــااااان...

ضحكت شموس على استهبال حمد وصدت جدام اطالع الشارع..

حمد:شو استانستي يوم شفتي ييرانكم...؟؟

شموس:هيه فديتها خالوه حليمه وأمول..والله ولهت عليهن..

حمد:رمستي امـج ولا؟؟

شموس"حاسه بضيجه":الوالده مسافره..ومن ادقلها ما ترد عليـه..

حمد:ما علييه يوم ترد الكويت بنسافر مرة ثـانيه..ابغي اشوفهـا..امممم..تشابهينها انتي ولا؟؟

شموس:اممممممممم..هيه وااااايد..

حمد:يعني أمج حلوووة..

شموس:هيه فديت قلبها اتيينن..حمد أكو لفه اهنيه..

حمد:أكوو؟؟..عاااااااااااش الله وياااك يا بوشهاااب..نقعلج عرج كويتي ..الله ياحلات الرمسه الكويتيه عليج يا شموس..

شموس:اااااه فدييييت الكويت وفديييت هلها..

حمد:اممممممممم..شو رايج انسير المطعـم..

شموس:اوكيك...

حمد:شموس قالولــج؟؟

شموس:شو؟

حمد:قالولج انيه احبج وأمووت فيــج..

شموس:لا بس انا اعرف..

حمد:ااه شموس والله امووت فيييييييييييييييييييييج..

شموس:حتى انا..

حمد:انزين رمسي شرات العالم والنــاااس..

شموس:وانا ارمس شرات العالم والناس....انا بعد أحبك وأموووت فيك..

حمد:ااااااه..ااااااااااه...لالالالالالالالا..بمووو وووووووت..

شموس"متعوده على حركاته":ييييها دوومك انته على هالحــاااااله...

حمد"يعلي على صوت المسجــل":اهدااااااااااااااااااا لأحلى ما شافته اعيووووني..



القلــب سلم لك امــرة في حالتــي انتـه ادرى..

ياللـي حنانك وطيبــك تنحــط ع الجرح يبــرى

شفــاف يانور عينــي حبــوب قلبـك يبينــي..

زهــره شبابي وسنيــني تفداك الفيــن مــرة

الله لمـا تكلــم كنـــــك تغنـي وترنــم..

والورد منــك تعلــم والشاعـر يضيــع شعــره

حنـون ربي يصـونك في طيبتــك فــي عيونك..

دنيــاك حبي وكونــك ياطيب عمــري وياعطـره

فديــــت صوتــك فديتك شفتـك عشقتــك هويتــك..

..ياليــت تــدري ياليتك غــلاك وياكبــر قــدره



بالفعل ..حمد سلم لشموس قلبه..ونفس الشي ..شموس سلمت لحمد قلبـهـا..

ياحلاااات الحب لو كـان من طرفين..لأنه اذا كـان من طرف واحد.."عذاااب"..

وصلوا المطعم..وشموس هي اللي ادل بوشهاب على دربـهم..كان ملعوزنها بالرمسه اللي يقولها..مرة أحبج ومرة اموت فيج ومرة اعشقج ومرة اهواج..

شكله ماصدق شافها عسب يظهر اللي في خاطره كله

●

●









أنكسر قلبي وضاعـــت أمانيه..

في غيابك حزن هالعالم سكني..



الرمــااح..

الســاعه 9 ونــص..

حيرة موزاااااانــي..



وقفت جدام الدريشه وحضنت عمرها بيداتها الثنتين..والهوا يضرب ع ويهها..حست بالبرد لأنه هوا باارد..ما تدري ليش ابتسمــت على شكل عنودي والبشكـارة تربع وراها..ومن صوب امهم العوده يالسه ع القعده الا تبغي عنودي عسب تأكلهـا خبز مدقوق بلبن..وعنودي ما تحب هالسوالف..لووول..

امهم العوده في هالساعتين متكفله بعنودي..لأن عليا هي وروضه مثل ما تدرون ساروا ابوظبــي..تمت موزاني تضحك على اشكـالهم..بس أخر شي لمحت بورش واقفه على طرف بيت عمها راشــد..

وعلى طول عرفت انه منصور..لأنه البورش مالته معروفه من بين هل الرمـاح..من لمحته على طول بندت الدريشه..وجابلت اللاب اونها تظهر بحوث..

بس كيف اتظهر بحوث وفكرها في منصور..الفظووول بيجتلها..خااطرها تعرف ليش هو يلاحقها من مكان لمكـان..ليش اتحس عمرها مراااقبه..راحت المدرسه ولا ردت منها شافته..سوق وشافته..يتحوطون فالشعبيه شافته..

كرهت عمرها لأنها فظوووليـه..بس فالأخير سوت طاااف لما سمعت صوت خلوف من ورى الباب..

خلوف:فجيييييييي..

موزاني:في اسلو ب حضاري يسمونه دق الباب..

خلوف:ما عندنا دق الباب"وتفج لها موزة الباب"..عندنا تكسير ابواااااااب..

موزاني:هاه حبيبي نظر عيوني قلبي وعمري وحياتي شو تبغي؟؟

خلوف"يرقص حياته مستاانس":هع هع هع..فطامي تبغيج ع التيلفون..

موزاني:اوكيه شي ثاني بعد..

خلوف:وين سلامي..

موزاني"تستهبل":لحظه اشويه يمكن تحت الشبريه ولا داااخل الكبت..

خلوف"رافع واحد من حياته":تستهبلين..

موازني:لحظه لحظه يمكن داخل مخباي ..لا لا أكيد عقيتها في مكااان..

خلوف:جب يالسبااااااااااااااااااااااااااااااااااااااااااااا له..

وعطاها ظهره وراح..سوتله مالت بيداتها ويودت السمـاعه..

موزاني:مرحباااااااااا ملاااااايييين ولا يسدن بهل سويحــان..

فطامي:احم احم..مرحبااااابج زوود..شحــالج..؟؟

موزاني:خير يعلـج الخير..ومن صوبـج..؟؟

فطامي:بخير وسهـاله..شي علوم من جداكم..؟؟

موزاني:لا ابدن..ومن جدااكــم..

فطامي:ابدن..شو تسوين ..أكيد مجابلة اللاب..

موزاني"تضحك":ومن متى موزاني عندها شغل غير اللاب..

فطامي:هييييييييه..أقوووول..وين الشله عنج..؟؟

موزاني:والله روضه في بوظبي ووياها عليوه سايرين صوب بيت عموتي وخلاف صوب حمدان..وسلامي رمستها قالت انها بتيي بعد اشويـه..وغبوش رمستها اتقول انها تدرس..وشجون راقده..ومنو بعد؟؟بس..

فطامي:اها..انزين انا بدخل يا انسه موزاني فالموضوع بدون مقدمات..

موزاني:يلا..حطي اضافه موضوع عسب نقرااه..

فطامي:شو ع بالج يالسه في منتدى..

موزاني:هع هع هع ..انتي قلتي موضوع..لو قلتي سالفه يكون احسن..

فطامي:شو بتخليني ارمس ولا ؟؟

موزاني:افاا والله كم تتامي عندنا..؟؟يلا حبيبتي قولي اللي عندج..

"تتامي:فطامي"

فطامي:سمعي موزاني..انا مرة سرت لروضه..وقلتلها ان سهيل يلعب عليج وما يباج ويلعب بمشاعرج..تدرين شو كانت ردة فعلها..تمت تضحك وبتموت من الضحك..وتقولي مستحيل مستحيل..

موزاني:سهيل..روضه..؟؟ااااه..اللحينه فهمت السالفه..يعني انتي تقنعين روضه انها تترك سهيل..

فطامي:مب جيه السالفه..صدقيني سهييل حقير ويقص على روضه فديتها صدقيني..

موزاني:انزين شو رايج اتخبريني السالفه من أولها ..

فطامي:اوكيك ما عندي مانع..الله يسلمج من كم شهر..انا وسيف خويه قاعدين انسولف..وطرينا سهيل وروضه..ومع تطور الحديث..سيف قالي انه سهيل يقول بعظمة لسانه انه ما يداني روضه..وان روضه هي عاطتنه ويـه..وانه هو ولا فكر فيها ومعتبرها شي غير مهم في حياته..فهمتي...؟؟

موزة:بس الكل يقول انه سهيل يموت في روضه..ولا يروم على فرقاها..وبعدين لا تنسين انها محيرة له..

فطامي:ادري انها محيرة..ترى سهيل ماحير رواضي الا بشور ابوه..ويوم تدخل حميد فالسالفه..حب انه يعاند حميد..وفاز بروضه...بس فالأصل..هو ما يحبها ولا شي..

موزة:اممم..لحظه تتامي خليني أفكر...................بس من صوب ثـاني روضه اتحبه..ومب بالشي السهل انها تقتنع ان سهيل جذاااب..

فطامي:وهاللي قاهرني..ابغيج اترمسينها..ابغيج تقنعينها ان سهيل مب بس حذاب..سهيل أكبر جذااب...موزاني انا اغلي روضه وايد..ما بغيها تندم بعدين على كل لحظه عاشتها وقلبها ينبض بمجبة سهيل..وانتي تعرفين انها ختيه اللي ما يابتها امايه..صح ولا لا؟؟

موزاني:صح يا تتامي صح..بس انتي تعرفين كيف روضه اتحب سهيل..روضه حبها لسهيل حب جنوووونــي..

فطامي:بس انتي رمسيها..

موزاني:اوكيه من ترد بوظبي برمسها..بس في شي ما فكرنا فيه..

فطامي:شوو؟؟

موزاني:انتي ناسيه ان عرس روضه في الصيف..ومنو بتاخذ؟؟..بتاخذ سهيل..يمكن بعدين ..يعني بعد ما يعرسون..تروم بأسلوبها اتخلي سهيل يحبها..انتي شو درااج؟؟

فطامي:مااادري..انا ما اقولج انيه اعلم بالغيب..بس انا ما ارضى على رواضي اتعق روحها على واحد ما يباها..موزاني فهمتيني انتي ولا شوو..؟؟

موزاني:اوكيك اوكيك فهمـت عليج..بخليج سلامي يت..

فطامي:اوكيه..ولا تطرين السالفه لحد..وسلمي على سلااامي..

موزاني:يبلغ..تامرين بشي..

فطامي:سلامتج ..ومن صوبج..؟

موزاني:ما يامر عليج عدو..بدق لج من اخبرها السالفه..اوكيك..؟

فطامي:اوكيك..

بندت موزاني عن فطامي وابتسمت لسلامي اللي كانت توها ناشه من الرقاد..

موزاني:هـلا والله..باجر كيف بتداومين فالمدرسه وانتي توج ناشه من الرقاد..خستي رقاد وعبرتي ابوه كله..

سلامي:ههههههه..عادي ع الساعه 12ونص برقد..شحـالج..؟

وتيلس سلامي ع الغنفه اتجابل موزاني..

موزاني:يسرج حـالي..توه خلوف يتخبر عنج..؟؟

سلامي:أأأأأأأه فديييت خلووف والله..

موزاني:عاااشوا الله وياااااااك..الله يا الدنيا...البنات خلاص فصخن الحيا..يالسه تتفداه جدامي لا مستحى ولا حشمه..

سلامي:يالله هنااااااااك..

تمت سلامي اتسولف على موزاني وتظهرلها سوالف فالمدرسه وجيه..بس موزاني..بالها فالسالفه اللي سمعتها من شو..ومحتارة..شو من رمسه بتقولها في ويه روضه..روضه اللي كانت ما تعرف شي الا انها تحب واحد اسمه سهيل..ومستحيل تصدق أي رمسه تنقال عنه...؟؟!!!!



●

●

●

●







لك وحشةٍ في خاطري لا تغيبت

تظلم علي دنياي ساعـة غيابـك

يا نور عيني في غيابـك تعذبـت

أمشي على دربك و أنادي سرابك



أبوظبــــي..

الســـااعه 10 ونــص..

شقـة حمداان..



طااحت روضه ع الشبريه عدال قصاايد اللي كانت اتصيييح..

روضه:خخخخخخخخخ..طاااع ويهها..والله اتضحكني هالبنيه..

ريسه"تبند الباب":ويااا ويهـج..فديتها ظاهره على ابوها..احلى عنج انزين..

روضه:يالله هنــاااك..قاصه على رووحــج..وينكم يا ناس تعالوا بينوا ضرووسكم وضحكوا ع راااحتكم..

ريسه"تسكت بنتها":واايه الترااب..ما خبرتيني من بعد التعديلات الي سووتها في صفكـم..فزتوا ولا بعدكم..

روضه"تلعب بخصلات شعرها":لجنة التقييم يوم دخلوا صفنـا واايد عيبهم..وان سالله نفوز.."ان سالله:ان شالله"

ريسه:اها..شرايج اتباتين عندنا اليوم..وباجر العصر حدان بيردج الرمـاح..

روضه:لا والله..حلفي انتي بس..؟؟اجاااابل ويــه منو؟؟..ويهج ولا ويه حمدان ولا ويه الدوده قصايد؟؟؟..أقول ماما..باجر بيقولون في الطابور منو الصف اللي فاااز..

ريسه"تحاول ترقد بنوتتها بس هي كل مـالها وتزيد اصيااااح":ان شالله صفكـم ما يفوووز..

روضه:تدرين شو اللقب اللي ينفع لج..؟؟

ريسه"تضحك":شووو؟؟

روضه"ماده بوزها":نذله..

وتنش من مكانها..

ريسه:هههههههههههه..وين سايرة..؟

روضه:امايه تزقرني..بس حربنا ما انتهت..بشوفها شو تبغي..وبييج..مااالت..

ظهرت روضه وسارت صوب امها وعليا وأم ريسه اللي كانت قاعده هالأسبوع عند ريسه..

أم محمد:فديتج رواضي سيري صوب حمدان يصارخ مادري شو بلاه..؟؟

روضه:انزين فديتج اللحينه بسيرله..

اول ما دخلت الممر اللي في ميلس الرياييل والحمام الله يعزكـم..وهو نفس الممر اللي العرب يحدرون منه الشقه او يظهرون..سمعت صوت حمدان..

حمدان:روووووووووضه..ييبي الحلوى العماااااانيـــــــة..>>حمدان يموت في شي اسمه حلوى عمانيه..

روضه"بصوت واطي":اووف مــالت عليه لازم يصارخ جدام الشباب كلهـم..

حمدت ربها انها ما حدرت الميلس..لأن سهيل وأحمد ميلسين عند حمدان..سارت المطبخ وفجت الثلاجه وما اتشوف الا سهيل داخل عليها..

سهيل:ييبي ماي بسرعه..

روضه:ليش؟؟

سهيل:برش به حمدان..

روضه"تمد لها الغرشه اللي ع الطاوله":هااك خذ هاي الغرشه..

خذها وظهر برع..بس روضه تذكرت الحلوى العمانيه..

روضه:سهييل..سهيل..

سهيل"طفران منها":هااه..

روضه:خذ الحلوى العمانيه وياك..

سهيل:اوكي.

شلها سهيل من عند روضه..وعطته مقفاها بسرعه..فالوقت اللي هو حرك راسه بمعنى كلمة لا..بس هو مكان يستهزء فيها.....؟؟؟!!!!!وسار يربع صوب حمدان يرشه بالماي..عايلتهم يحبون الماي وااااااااايد..خخخخخخ..



●

●

●

●







أنا نسيتك قبل لا انســــاك..حتى خفــوقي اليوم هدك..

ابكل صرااحــه واتحداااك..وااقف مكاااانك عند حدك..



يوم الإثنين..

بيت بو محمـــد..

الســااعه 11ونــص..



وقفت شجون وهي ملااانه..

شجون:تتوقعين شو يقول لها اللحينه..

غبوش"عينها ع الكتاب":اللحينه بتخبرنا هي ما تخلي شي في خاطرها..

شجون:بس والله طولوووو...

غبوش"مركزة ع الرمسه اللي تقولها":اللحينه اللحينه بيظهر..

هر ابوهـن من حيرة روضه وابتسم لهن ونزل تحتز.فالوقت اللي ترابعن صوب روضه وطبن عليها وهي يالسه ع الشبريه مستانسه..

غبوش وشجون:شو قااالج؟؟

روضه"اتنش تتحوط":ماااشي..بس خبرنـي ان ملجتي تحددت فالصيف..تاريخ 10/7..وعرسي 15/7..يعني بعد خمسة أيام من بعد الملجة..

شجون وغبوش:الف الصلاة والسلااام عليك يا حبيب الله محمـــــــــد..

كلوووووووووووولووووووووووولووووووووووووووووش..

تمن غبوش وشجون يالسات ايسولفن عند روضه ويتطنزن عليها ويعقن رمسه تحرجهـا..وخلاف طردتهن اونها تبغي ترقد باجر مداارس..

بس من ظهرن خواتها..على طول ظهرت دفترها وكتبت الحدث الموهيم اللي استوى..بس رمسة موزاني لا زالت ترن في اذنها..خاطرها تعرف ليش موزاني وفطامي يحاولن يقنعنها ان سهيل يقص عليهــا..ليش لهالدرجه حاقدات على سهيل ويكرهنه..

بس فالأخير.سوت طااف..وصدت صوب مكان طيف سهيل..مثل كل ليله

الفصل الثـالث)





••.•°¯`•.•• مــات حبــكـ ••.•°¯`•.••







كثــر عيــن اليتيم اللّي ترجّــت من بخيــل إحســـــان

لـــي الـلــه مــوكـثـــر دمـــعٍ نــزفتــه دم بأسبـابـــك

تخيـــّل قـــد مـاتقــدر تعـــايـش ساعــة الحرمـــــــان

تصــــوّر كيفهـــا حالـــك إذا خانـــــوبـــــك أحبابــــــك

تخيـــّل روحـــك بكـــف وبخــل فيهــا عليك إنســــان

مصيبـــه تنســـرق روحـك ولاأنته حاسب حسابــــك

وتخيّـــل صدمـــة الغفلـــه تجي من كـف له ولهــــان

تصــــوّر واقـــع الصدمـــه وتأثيــره علــى أعصابــــك

لـــي الـلـــه كـل ماتخطــي أجيلك منكسر غلطـــان

أقــول إن الخطـــا منــي دخيلك بأسمــــع عتـابــــك

وأجيــلك مـن ورى غفــوة جـروحي ضايق وحيـــران

كـــرامة عـزتي هنتــه أبـــي عيونـــي تهنّـــابــــــك

من شروق الشعر حتى ضحى الذكرى أفيض أحـزان

إلـــى مغـــرب معانـــاة إنــدفاعــي واقــف ببابـــــك

قتلنـــي بهــالغــلا يـتـمـه تلـفــّت مالــقالـه إخــــوان

يهيــم بقايلــة وهــــم ولقـــى ظلــــك تـفيّـــابــــــك

ولأجلـك شلـت مـن غبــن الزمـــان جــروح ياخـــوّان

تخيّــل كـــم تعــرّيــت بــزمــانـــي بأستــر ثيــابــــك

وعلـى كثــر الوفــا منـــّي تجــازيني بكــذا نكـــــران

جحـــودك كاليهـــود ولا بيــديني شــــئ وأغـتابــــك

وأنا أذكــر مـرّه أطروك بحضوري وإحترقت أشجــان

وتـوجّـد كـل عـرقُ من عروقـي وصــاح وشجـابــــك

وشــآخــرة الغـــلا ياللــّي ملبّسني غــواك أكفـــان

يليتــك محتــرم هجــري وأقـول إن اللــه أولابــــــك

ورحيلك وش تــرك فيني سوى التابـوت والجثمـــان

وعــرفت المــوت لـه إسميــن وكان الثاني غيابـــك..



●

●

●

●







::: بعــد مرور شهريـــن :::









في هالشهريـن..استوى عرس خلودي وسلطـان..ادري معصبين كان ودكم تحضرونه..بس في عرس سلامي وخلوف ان شالله..لووول..الموووهيــم..عرسهم كان وايد حلوو..وهم حاليأص ماخذين لهم جولـه في دول اوروبا..

بالنسبه لشيخـاني..الأيام كل مالها وتجمع بينها وبين هزااع..بس ماقد مرة رمسته..اللي يصير انها بس اتشوفه..وميثـاني معاونتها ع الخير والشر..

موزاني وفطـامي كذا مرة رمسن روضه في اسلفة سهيل..بس كان ردها انها تضحك على"سخافتهن"..وتغير السالفه..فالمقابل..سهيل..ولا عليه..ناسي ان يلعب بمشاعر روضه..احيانن يعطيها ويـه..وأحيانن أكبر طااف..

سيف من درى بملجة روضه وسهيل..أشفق على حاله..وكره نفسه اللي تخليه ايحب..وأمه حالياً تحاول تقنعه بوحده شافتها في عرس بنتها..لووول..

فطامي..ملت من كثر ما تعيد سالفة سهيل..وعصبت على روضه..وقالت في خاطرها ان روضه هي اللي بتندم..

سلامي وخلوف من صوب..كااانوا "غيييييير شكل"..ومحد يحضر يوميـاتهم الا غبوش وشجون..





::: أخليكم مع أخر حدث في هالبـــااااااارت :::











●

●

●

●











اعتبرني محبن في غرامك وفـــيت..

ابعدته الليالي عن عيونك ومـات..

او مجرد خيالن غاب عنك وسليت..

مر بنوم واصبح في النهار شتات..





حواار جداً حاار بين سهيل وسلامي..

سهيل:تنكتين ولا تحاولين..

سلامي:هههههه..لا بس صج انته تحبها وشو رايك اتسويلها سبراايز..خاصتن انيه شفتك هالفتره وايد مبتعد عنها..البنيه خطف عيد ميلادها وانته ما قلت لها كل عام وانتي بخير..

سهيل:منو هاي؟؟

سلامي:روضه يعني منو؟؟

سهيل:ااه روضه..انزين أنا ما أحب روضه منو قــااال..

سلامي:تستهبل ولا تحاول..

سهيل"ييلس ع الشبريه":لا صج سلامي والله بقولــج باللي في خاطريه..

سلامي:فضفض يا بابا فضفض..

سهيل:سلامي بكل صراحه انا عمري ما فكرت بشي اسمه روضه..شو اقولـج..روضه في عيني ياهل غبيه عاقه روحها علي..اتعودت انيه اجاملها..او بنقول بمعنى ثـاني..أقص عليهـا..اقولها انا احبج وهي تصدق..اممممم..بس..

سلامي:شووووووووووو..بس انته اتحبها..

سهيل"يضحك":هههههههههه..جب جب..لو روضه اخر بنت فالعالم ما بحبها..

سلامي:بس انته وياها عرسكم في الصيف..

سهيل:شو يعني..تزوجتها بس ما حبيتها..هههههههه....اللحينه..انا ..؟؟سهيل بن محمد بن سهيل الــ.......ـــي احب روضه اللي ما تسوى شي..

سلامي"تضحك":ههههههههه..جذاااااااااااااب..انته تحبها وتموت فيها..

سهيل:خخخخخ..والله اني ما احبها ..أقولج هالبنيه سخيييفه..بالله عليج منو بيحب سخييفــه..

سلامي:سهيل شو هالرمسه اللي تقولها..؟؟

سهيل"بضيجه":أنا اقول الصج يا سلامي..فالفترة اللي حميد كان مسوي حشرة يبغيهـا..من بعد ما انا رمست..كان عادي عندي اقول تفداااااااااك يا حميد..روضه ما ابغيها..بس خذت السالفه سالفة عناد..عسب جيه تميت اعاند الكل وصارت روضه لي..بس روضه ما احبهـا..وتندمت ع الحركه اللي سويتها في حميد..ليته اييني ويقول انا ما ابغي روضه ..والله انيه بحس بالراااااحه..هــم وانزااااااااح..

سلامي"منصدمه":سهيل..والله احسك تجذب ماادري ليش؟

سهيل:أجذب..؟؟انا عمري ماجذبت على حد..بس روضه كنت اجذب عليها واقولها انا احبــج..

سلامي:جذاااااااب..

سهيل:والله انيه مااااااااااااجذب..في ذمتيه..اذا ما تبين تصدقين كيفــج..

نش سهيل من مكـانه..وويه صو الباب بيظهر..من بعد ما عق القنـاابل..

بس انصدم يوم شـاف روضه في ويهه..والدمعه اتسيل على خدهـا..





ياخــذك يا دمعــةٍ طاحــت على خد المواجــه

!ما عرفتي تصبــرين لحــد ما عينــه تروح ؟



و الله اني ما قصدت بدمعتي يا قلبي حاجه

!!بس فاجأني بخيانته و صممت عيني تبوح

..الجزء الواح ــد والـ ع ــشرين..



(الفصل الأول)



••.•°¯`•.•• نفسي طابت منك يالجرح الكبير ••.•°¯`•.••







أبحـــــــــــكي قصتي وأنا من داخلي مقهور

على وتـــــــــــــــر الغلا تلتهب باقي سنيني

تحطمت امالي والحــــــــــــــب امامي منثور

والحزن فليلي مع نهاري قــــــــام يحتويني

انكسر خاطري من انسانٍ حيل مـــــــــغرور

باع حبي بعد ماكــــــــــان بكل روحه يبيني

كنت اساوي نظر عينه وهـــــــــــو مسرور

كنت روحه وقلبه وبالحيل يشرينــــــــــــي

كان يقــــــــــــــــــولي حبج فرح يهز بحور

ماله شبيه في حياتـــــــــــــــي بكل مافيني

كنت مهجته وروحه والباقـــــــــــي منحور

كنت كل اماله وكان مول مايجفـــــــــــيني..

كنت اضحي لاجله ولو علي ألف ســـــــور

مايمنعني احد من شوف نظر عيـــــــــــني

كنت أموت مليون مـــــــره وانا ألف وادور

.. لجل يثمر الحب مابينه وبيـــــــــــــــــــني

أخوض لاجله مدارات ترتسم له من نـــور

وانا الظلام يلفني ولاكان أبد يعــــــــــنيني

كنت ابتسم والالم فيني يقولي ماجــــــــور

قلت عسى الله يهديه لي ويهديـــــــــــــني

كنت اسمي عليه لي مسه شي فالشــــعور

كنت أقرأ عليه ,ادعي رب العالميـــــــــني

كنت اخاف لا صار خاطره حيل مكـــــسور

أعطيه غلا عمري واقله لاجلك ياضنـــيني

لين ماأفتر عقله ودار في الــــــــهوى دور

قام يتعذر ويكابر ويقول الله يعــــــــــــيني

تغير فجاه وغير في الحب الدســـــــــــتور

قام يعذبني ومن داخله مول مايبـــــــــيني

حاولت اجاريه وانا من فعايله مقــــــــهور

قلت خلي اتحمل منه مايـــــــــــــــــــجيني

لكن ماقدرت وانا اشوفه ماهو بمـــــجبور

قلت اخليه لاتزيد في هوانا الشياطيــــــني

تحملت عشانه الذل وقلبي حزن ممــطور

وقلت بصبر الصبر مفتاح ا لمحبيـــــــــني

لكن مافاد الصبر وانا فابتــــــعادي معذور

قلت ابتعد احسن ولاذل يوطيـــــــــــــــني

ان جان هو ولد جبيله فانا بنت لي شعــور

بنت تربية ابوي ماخابت والله فــــــــــيني

أرفع راسي ولايـــــــــوطيه انسان مغرورٍ

من باعني بعته ولــــو يساوي نظر عيني

يخسي أنظر حولـــــــــــــــــــي أدوره دور

لاهو ولاعشره من امثاله يــــــــــجازيني

أنا بنت عزي ينبت كل يوم زهــــــــــــــور

ولااحد يقدر يقطف من بساتيـــــــــــــني

من يقرب شوكي سمه معســــــــــــــــور

دام قلبي ماناداه أبد مول لايجيـــــــــــني

منخلق من يعيشني مــــــــذلول ومقهور

ولاانخلق من في الهوى قـــــــــام يهيني

حلفت بالله مأنظر حوله ولو طايح معثور

ولو الدم يســـــــــيل منه شروا البراكيني

عزة نفسي أكبر وقلــــــــبي منه منصور

مااعود لو يشريني حتى بمـــــــــــــلايني

بظل رافع الراس فغــــــــــــيابه والحضور

وبتزين ففراقه وبكحل بالفـــــــــخر عيني

أنا شوق وغلا ماألف أبــــــــــد ولا ادور

من بغاني باحترام حياه فدمــــي وشرايني



ومن لعب في هواي صار فالهوى منحور



يترحم عليه كل من قرا عناويــــــــــــــني

هذي انا وهذي قصتي ويافلان المــــغرور

نهايتها حسبي الله على من خان فينـــــي







بكل معنى للوقـاحه والنذاله والحقاره..ابتسـم..ابتسم ع الدمعه الللي طاحت..وابتسم ع الإنسانه اللي انجرحـت..ابتسم ع الموقف اللي استوى..وابتسم شاكر ربه انه انكشف..ابتسـم..على شكل روضه..شاف الصدمه في عيونها..ولمح نظرة الحزن..

كل معـاني القساوة تجمعت في قلبه القاسي..ولا بقى للرحمـه مكان فيه..

هاذا هو الإنسـان..هو نفسه اللي حبته..ونفسه اللي ياما سهرت الليالي تسامر طيفه..سهيل..سهيل هو نفسه محد غيره..واللحين شو يالس يسوي..؟؟بكل جحود يبتسم على حالهـا...كـانت مستانسه..تبغي اتخبر سلامي عن الدرجات الحلوة اللي يابنهـا هي وموزاني في امتحان التاريخ...وكـانت تبغي اتقولهـا ان غبوش قررت تعزمهم على حلويات..بس ما كانت تبغي تسمع رمسة سهيل..

طـاحت أوراق إمتحان التاريخ ع الأرض عند ريولهـا..وكل فرحه كانت في قلبها ماااااااتت..وكل شعور حلو ماااات..الإبتسامه اللي كانت على ويههـا..ماااتت..ومن شافت نظرات سلامي..وهي ترمس سهيـل..شو تقوله..روضه ما كانت تعرف..بشو ترمسه وعن أي موضوع..المهم انه روضه ما كانت تعرف..اللي تعرفه انها كانت لعبه من ألعاب سهيل في حياااااااااااااااتــه..

ركضت بكل سرعه ع الدري..ركضت بكل قوه..بكل ألم..بكل قهر..ركضت ودموعها من وراها تتطاير مثل قطرات الندى فالهوا..دمعه وسط عينها صافيه حنونه رمز للوفـا..نزلت بكل اهانه على انسان ما يستاهل حتى السلام..







""



هذا هو اللي حبيته..

اليوم يعترف لسلامي انا ما يبيني..

هذا اللي هو نظر عيوني..

مليك حياتي..

روحي وقلبي..

لييش حبيته..الحقير ..الحيوان..

الكريه النذل الوااطي..

ااااااااااااااااااه..ياااهمن ظوااني..

اااااااه يااااا همن ظواااااااااني..

ليييش يا سهيل..

لهالدرجه بنت عمك هانت عليك..لهالدرجه..

وييل حاااااااالي وانا اللي اصيحه..

وااانااا اللي اصيحه..ياناس اصيييحه..واسامر طيفه..

ياناس هو اللي أحبــه..ما غيييره هو اللي أحبه..

كم من ليلة سهرتها لجله..

وكم من دمعه ذرفتها لجله..

كنت أضحي لجله..

وارسم من ورى الدمعه ابتسامه..

كنت أضحي لجله..

أضحي لجله..



""



وصلت بيتهـم..وهي لا زالت اتضحي لجله..خطفت ع غبوش اللي كـانت ميوده كتابها العربي في الحوي ووياها عنودي اتسولف عليهـا..

غبوش:روااضي تعالي تعالي بخبرج عبودي شو سوى بكيمرتج..؟؟!!

عنودي:هيه..وسلق"سرق"..من دكــااانج..وشجون..وشجون..كانت وياااه..

غبوش:رووضه..شو بلاااج..؟؟!!

خطفت عليهـن..ودموعها وحده ورى الثـانية ..دموع قهر وندم..ضيجه وحزن..







""



ااااااااااااااااه..يالقهر اااااااه..

وانا اللي قلت عنه غلا عمري..

وانا اللي ماصدق الرمسه اللي تنقال عنه..

فطامي..موزاني..

كلهم كانوا صادقين..ومحد جذب علي..

وانا الغشميه في هواه ..

ماصدقت ولا كلمـه..

ليييتني مت ولا اشهد هاليوووووم..

لييييييييييييتني مت ولا حبيتك يا سهيــل..

ليتني وليتني وليتني..

اااه ياهمن ضوااااااااااني..



""





عدت الحوي..وفجـت باب الصـاله ولقت موزاني في ويهها معصبه..

موزاني:انتي وينـج يالسباااله..ابغي اشوف كم يبت في امتحان التاريخ..وسايرة لحيرة المس ولا قلتي لنا يالنذله..

صخت روضه عن موزاااني..بس كانت موزاني ملاحظه هالدموووع..والشكل الغريب..اللي ما يليق على روضه..اللي كانت كل حياتها ضحك وسوالف..واللحينه تصيح....!!

موزاني"وملامح الصدمه ع ويهها":واااااايه الترااااااب شوو فيــج....؟؟شو ياااااااااج اانجلب حــاااااالج..





""



لحد ايقولي انا نذله..

انا مب نذله..

انا غبيه..

وسهيل النذل..

حرااام عليكـم..انا مب نذله..

والله انا مب نذله..

انا اللي عطيته المجـال..

انا اللي خليته يقص علي..

انا اللي حبيته..

انا اللي تفديته..



""





في وسط الصاله ..أم روضه من صوب تزاقر عليها..

ام محمد"ميوده تيلفونها":وينج فديتج..تعالي ابغيج اتدقين على أم عيسى..وانتي حاطه هنتين ام عيسى..وموزاني ما عرفت..تعالي فديتج..

سمحلوهـا..دخييلكم..سمحوولها هالمرة..ظروفها ما تسمح..لا اتظهر رقم ام عيسى ولا ام سلطان ولا هم يحزنون..حبيبها قص عليها..لعب بمشاعرها..جرح خفوقها الشامخ..رااعوووها..دخيلكم رااعوها..







""



مب موزاني اللي ما عرفت..

انا اللي ما عرفت شي في درب المحبه..

انا اللي كنت محتاجه الأمان مادري ليش..

انا اللي سلمت لك قلبي..

انا اللي خليتك تسرقه..

انا الغلطاااانه..

انا الغلطااااانه..

حبيتك..

ولا تستاهل انته الحـب..

حسافـه يوم سميتك..

حبيبي وانته ما تنحب..

انا الغلطــــــــــانه..





""







شجون وعبودي ظاهرين من قسم محمد..

شجون:انا الغلطااانه رحت وسرقت وياااك..روضه بتصفعنا اللحينه..

عبودي"يبلع له باسكن روبنز من دكان روضه":هع هع ..هكي روضه يت..يلا بنشرد..

شجون"لاحظت ويه روضه":شوو بلاااج؟؟

موزاني"ورى روضه":روضه انا ارمسج شو بلاج..؟؟!!خبرينا..فهمينا ليش اتصيحين..

أم محمد"يايه تربع":واايه فدييت شيخة البيت شو بلاج امايه..ليش اتصيحين..

صدت روضه ودموعها تملي خدودهـا..صدت صوبهم بكل حيرة ..وهي ما تعرف وين تروح..ويين تروح..بعد ما حست بالضياع والشتاااات..وين تروح..؟

الكل سكت..يتريوون كلمه منها..يكتفون ابها..بس للأسف..روضه عطتهم مقفاااها..وراحت ..

ركبت الدري..وركضت بسرعه..ولا زالت دموعها سيل جاري بكل قوه..





""



شو أقولكم..؟؟

شو افهمكم..؟؟

تتخبروني ليش اصيح؟؟

انزين شو اقولكم..

اقولكم ان سهيل ما يحبني..

ووعوده كلها وهـم..

كل الوعوود وهـم..

كل كلمـه ..كل حرف..

كل لقاء..وكل ودااع..

وهـــــــــــــــــــــــم..

من بعد غيمــة غلا..

صااارت غيمــة حزززن..

تهطل علي دمووع القهر..

وهـــم..

كل الحب وهــم..

أي شوق كان يقصده..

وأي غلا وأي محبه..

كل ابوووها وهــم..

فرحتي تلاشت..وخطوتي تاهت..

شو اقولكــم..؟؟شو أفهمكــم..؟؟

اني دخلت تجربه حب فااااااااااااشله..

أٌقولكم..انا كل الأماني..وهــم..

والأحلااام..وهم..أٌقوولكم ان سهيل بكبره وهــم..

اقولكم..

ان سهيل كـان يلعب علي..



""





آخر ما قالته..وتعثرت على الدري..وطـااحت بكل قوووة عليه..وحست انها في دوااامه..وان عيونها تلقائيا تتبند بكل بطــئ..وحست بألم ينتاااابهـا..في قلبهـا..وفي راسها..مكان ما طاحت..

تلمح عيون شجون..وتسمع صراخ موزاني..ونداء أمها..ويد غبوش اللي على راسهـا مكان النزيف..وشافت ذهول عبودي..وخوف عنودي..بس للأسف..

مارامت تتحرك..اتحس عمرها ثجيييله واااااااايد..وما قالت الا..

"سهيــ........."

ومن بعدها راحت لعالم ثـــاني..احن للحينه ما رحنــاله..لأن شعور الندم كل ما يدخل أكثر وأكثر في قلبهـا..تحس ان النبض يوقف على اشوي اشوي..



●

●

●

●



بغيت اعلمك قبل اتــــــــــــــــــروح يا خلي..

ان زعلــــــــك صار هالـــــــــيومين بزياده..

كنت احسبك كل ما صديت متــــــــــــــغلي..

بس للأسف صارهاذا الطبـــــــــع لك عاده..





سويحــان..

السـاعه 7 ونــص..

حيرة فطــامي..



فطامي:هههههههههههههههههههههههههههههههههههههههههااا ااااااااي..

انزين سمعي هاي..

كانت فطامي اترمس ربيعاتها ع المسـن..بالمايــك..ومن زوود الطفره فالبيت..اللي نتج من بعد عرس خلودي..استوت فطامي ما تنزل تحت..بس مبركنه فوووق..لوووول..

فطامي:عاااااااااااااشووووا...ياااااااااااااااااااا اااابــس..ههههههههههههااااااااااي..

هههههههههههههه..اوكيك بخليـج اللحينه..بسير صوب امايه ..هيه..يلا برااايج حبووبه...وااااااااااكككككككك..باااااااااي..

نشت من مكانها ..وسارت تربع تحت..

فطاااااااامي:اووووف ويييييينج خلووودي مليت والله..ظييييجه على مستوى..

اماااااااايه...اماااااااااايه وينج انا بموووت من الملل..امااااااااايه...امااااااااااااااااااااااااا ااااااااااااايـــــــــــــــه..وييييييييييينج تعالي حبيبي ابغي ابوووووووووســــــــــج..

ومن شافت امها يالسه تتقهوى...وفي سبيل الأمـان..ومجابلنها سيف يرمس تيلفون..

فطامي:فدييييييييييتج والله..

بس صخت يوم شافت سيف معصب عليها ويأشرلها تسكت..لأنها كان يرمس ريال ومب من الشي الزين ان الريال يسمع صرااخ فطامي..فراحت فطامي وهي تضحك ع السايلنت ويلست عدال امها ولعوزتها مرة تسحب البرقع وتبوسها ومرة تاخذ القهوه عنهـا..وتأكل أمها برتقال وتفاح..ومن هاللعب والخربطاان .. لين ما بند سيف..وطاااح فيها..

سييف:انتي ما تعرفين ترمسين بشوي شوي..حشى ريال يصارخ هب بنيه..

فطامي:هب هباااااااااااك الله..عن تضربني بعين اللحينه..وتنقطع الأحبال الصوتيه..

أم سيف:لا والله..هزري احبالج لو تقطعت..عندج من غيرهن اللي بينفعنج في الصريخ والصقيع..اتدبرين عمرج يا ام دويس..

سيف:خخخخخخخخخ..لقطي لقطي ويهـج..لو تبين مساعده محد بيسااااعدج..

فطامي"اتصارخ":ااااااااناااااااااااا زعلااااااااااااااااااااااااااااااااااااااااااااااا انه...

سيف"يود تيلفونه عسب يفره عليها":جــــــــــــب..لا تصااااااااارخييييييييين..

فطامي:انزين انزين..بس ظهروووني..والله حسوا فيني..انا مسكينه بريئه ..طفله جميلة ..مظلومه هادئة..ليش جيه اتسوون فيني..حابسيني فالبيت..حتى العزبه ما نروم نظهرلها من زووود الحر..اللي يسمع مسويه جريمه ولا فظييييحه..

"طبعاً هالإسطوانه انا كل يوم اسمعها هل البيت..اوني مظلوومه..هع هع هع ..."

سيف:اوكيك زهبي عمرج ساعه وبوديج صوب هل الرمــاح..

فطامي"تبوس سيف ع راسه":فديييييييييييت صوووتك فديييييييييييييييييتك..ياخي والله انك ونعم الريااال..اممممرة ما ترد حد..

سيف:بن المر طولي بعمرج..

فطامي:راعي الفزعااات وانا اشهد..

وتفحط بسيارتها"اقصد ريولها"..على فووق..

أم سيف:حشى يا هالبنيه اممممرة ما تروم اتقر في مكانها دقيقه..هه..طالع وين وصلت مشااالله عليهـا..

سيف:هههههههههههه..فطامي انا قلت بعد سااااعه..ما قلت اللحينه..

فطامي:اوكيك لين ما ازهب اغراضي وواخذلي شور ..

سيف:لالالا..يلسي ابغي اسولف وياااج..

فطامي"اتطييعه ..":انزين بنيلس..

ويلست عداله وهي متململه..

أم سيف:يااحلاااتج وانتي تسمعين الرمســه..وتودرين هالعناااد عنــج..

فطامي:يييييييها يمااايه..والله انيه ما سمعت رمسته الا عسب سيرة الرمـاح ولا سيف..امممرة ما حفلته..

صد سيف صوبها وتم يطالعها وهو راع وحده من حياته وقال بهدوء..

سيف:اوكيك ماشي سيرة للرمـاح..وشوفي منو بيوديج..؟؟

فطامي"اتفز ":اشووووو...؟؟؟علنيييي فدااااااااااااااك ..بلااااااااك غيرت راااايك..

وتمت اتبوسه ع راسه..وتم هو مستااانس ومتشقق..

سيف:انزين انزين خلاااص..بوديج بوديج..لا تصيحين..

أم سيف:لا ترمسين ولا بيدبر وبيخليج اتصيحين سيرة الرمـاح..

"يدبر:يعني بيروح وبيخليها..بيسير عنها"..

فطامي:احسن حل اسويه اتم صاااخه وبالعه هاللسان الطويل..

سيف:زين منج تعترفين..

دق تيلفون أم سيف..ونشت فطامي تربع وشلته..وكانت موزاني متصله..وسارت للصاله الثانيه ويلست اترمس موزاني..

فطامي:شووووو؟؟شو يالسه اتقولين انتي..؟؟!!

موزاني:اللي تسمعينه..يااا ويل حالي والله لو شفتي شكلها يا فطامي لتصيحينها ليل ونهاار..

فطامي"اشوي وبتصيح بس يودت عمرها":شوو اللي استوالها بالضبط..شو اللي استوالهاااااااااا...؟؟

موزاني:ماااادري ..انا ارووحي ماادري..شلت اوراق الإمتحان مالنا للتاريخ وربعتبها صوب سلامي..ومن ردت انتم نرمسهـا ولا اترد علينا..وتم اطالعنها ودنموعها سيييل ع خدودها..واخر شي خطفتنا وتربع ع الدري..وطاحت..

فطامي:شووو..طاااااااااحت ..؟؟

موزاني:هيه..والدم اللي شفنـاه..يزيغ..نزفت نزييف..هب نزيف عادي..

فطامي:اللحينه اللحينه ..يايتنكم..قلبي ناغزني..السالفه فيها سهيل..محد بيأثر على روضه شرات ما سهيل يأثر عليها..يلا ببلبس عباتي وبييكم لتوام..

"تواام:مستشفى في مدينة العين"..

فرت فطاامي التيلفون ع الغنفه اللي جدامها..ورفعت كندورتها وربعت ربييع محترم صووب سيف..

فطامي:سييييييييييف يااا سيف ..

سيف"يفز من مكانه":ابشريييييي بسيف..

فطامي:الروض يا سيف الروض..فالمستشفـى..

صخ سيف يستوعب شو اللي تقوله فطامي..حس بنغزه في قلبه..وكأن شي غااااااااااااالي قاعد يبتعد عنه بكل هدوووء..وبكـل عذااااب..

سيف:اتريااج استعيلي..

راحت فطامي فوق اتييب عبايتها وشيلتها..

أم سيف :ييبي عبااتيه وياااج..

فطامي:يماايه وين تبين..؟؟

أم سيف:عيل اتم روووحي اهنه شو اسوي ورواضي بنتيه فديتها متعوقه..

"متعوقه:مريضه ..يعني شي صابها"..

فطامي:خلاص ظهري صوب سيف انا اللحينه بيي..

وخمس دقايق الا سيف وأمه وفطامي صاكين خط العيــــــن..





●

●

●

●





معقوله هذا عنــــــــــدك اليوم قدري..

وانا اللي كنت احسبني اسكن عيونك..

يالله بسيطه وان بعد ضــــاق صدري..

ما عاد تسوى ضيقتي اليــــوم دونك..



مستشفـــى تواااام..

الساعه 7 ونــص..





أول ما فجت اعيوناتهـا..حست بيد حنونه تنحط عليهـا..وكأنها تمنعها اتشوف الي حواليهـا..

ذياب:رقااد رقاااااااد..

روضه"تبتسم":فدييتك تولهت عليــك..انته وينــك ياللي ما تستحي ولا تخيل..؟

ذياب "يخوز يداته عن عيون روضه ويحك راسه":هـع..ما اداني حر الرمــاح..حتا جوها بااارد..

روضه"تضحك":هههههههههههههههه..خقاااااااااق..ولو الرماح احسن عن حتا..

وتنش من مكانها بشوي شوي ..عسب تستوعب هي وين بعد ما سولفت ويا عمها ذيااب..

ذياب"يحط يده ع جتفهـا وكأنها يمنعها انها تنش من مكانها":ارتااحي فديييتج..

روضه"توها تستوعب":انــا وييين..؟؟

ذياب:فالمستشفـى..

روضه"تضحك بصوت عالي":ههههههههههههههههههه..وشو أسـوي فالمستـ...........................................

قطعت رمستهـا..لأنها اللحينه اتذكرت كل اللي استواله من أربع ساااعاااات..اختفت هالإبتسامه..وما بقى من صوت ضحكهـا الا صدااه يتردد فالمكـان اللي فيه..

سهيــل..

ضحكه..

سلامه..

صدمتها..

رمسة سهيل..

اوراق التاريخ..

نظرات سهيل..

دموعها اللي طاحت..

غبوش.

عنودي..

موزاني..

شجون..

عبودي..

امها يوم تزقرها..

نظراتهم عند الدري..

طيحتها ع الدري..

احساااسها بالألم..

اللحينه استوعبـت..

تذكرت كل الأحداااث بشكل سرييييع..

وطاحت بكل قوة كأنها منهااااااااره .. ووطت راسهاع المخده وغطت راسها باللحااف..وصوت صيااحها ينسمــع..

ذياااب:رووضه..شو بلااااج؟؟؟توج وشحلاااتج؟؟

روضه:............................................. .

ذياب:رمسي فديتج شو فيج؟؟

روضه:ماااااريده..ماااااااااااريده..

ذياب :من واللي ما تريدينه..

روضه"صوتها يعلى أكثر وأكثر":مااااااااااااااااااااااريده ..قلبي اللي ما اريييييييده عفته والله عفتـــه..

استغرب ذياب من رمستها وعقد حياته...واشوي الا يشوف السستر تحدر عليهـم..

السستر:شو بكي..؟؟

ذياب:مادري نشت من الرقاد وتمت اتصييييح..

ذياب"يشل اللحاف عنها":روووضه..رووووضه..

روضه"تشد اللحاف بقووه":خلووووووووووني ..لحد ايرمسني..انا استااااااااااااااهل...انا استاااااااااااااااااااااهل ..."وتصيح"..والله انا الغلطاااااااانه انا الغلطااااااااااااااااااااانه...

ذياب:شو بلاج..؟؟

السستر:خلاص راح اضربها بأبرة..

روضه:لاااااا ماااريد ظهري اقووولج ظهري عن اترفسج ببطنج اللحينه..

بس للأسف تقرب السستر من روضه وبمساعدة ذياب ..عطوها الإبرة..ورقدت ودومعها للحينه ما جفت..وظهر ذياب من عندهـا..





●

●

●

●





ليت الوجع بعـــــــروق قـلبي ولا فيك..

وليت التعب غلطـــان سـاهي ولا جاك..

لو الشفا بضلع صــــــــــــدري لداويك.

. واطحن جميع ضلوع صدري فداياك..

الله من شر المقادير يحـــــــــــــــميك..

والله يحفظك يا عيوني ويرعـــــــــاك



جدام مستشفى توااام..

الساعه 8 الا ربــع..

سيارة سيف..





سيف"متوتر":شووو؟؟ليش ما خلوج تحدرين عليهـا..

فطامي"فيها غصه":ماادري..بس والله قهروووني..اونه نايمه ووجودج مثل عدمج ما بتحس فيج..

سيف:شو من عوق فيهـا..؟؟

فطامي:ماادري..مااادري..

سيف:معقوله من يابوها المستشفى لحد اللحينه ما وعـت..

فطامي:خالي ذياب قال انها نشت وتمت اتسولف وياه..خلاف انجلب حالها وتمت اتصيح وتصارخ وتقول انا استاهل..ومادري شو يالسه تخربط فالرمســه..ااااااه..فديتها والله يعله فيني ولا فيهـا..قال الدكتور تعالوا باااجر الصبـح وبتلاقونها جدامكم نشت..

صـخ سيف..ما يعرف شو يقول..احساسه يقول ان سهيـل فالسااالفه..ما يعرف ليش..

سيف:انزين امايه وينها..؟؟

فطامي:سارت ويا خالي ذياب..

سيف:اها............

فطامي:شو بلاك..؟؟

سيف:هاه..ماشي..مافيني شي...شو اللحينه وين سويحان ولا الرمـااح..

فطامي:لا شو سويحـان..أكيد الرمـاح..باجر بنصبح عند الروووض..

حرك سيف سيارتـه..ويحس بألم في صدره لأنه ماشاف روضه..ومنقهر من سهيل..وحزين على حالته اللي ما تسر لا عدو ولا صديق..وصلوا الرمـاح..ونزلوا في بيت قوم روضه..سيف سار الميلس يبغي يرتاح اشوي..وحصل اهناكي خليفه وحميد..ويدق على سهيل وسهيل ما يرد على حد..

اما فطـامي..سارت فوووق..فصخت عبايتهـا...ويلست ويا شلة البنات اللي كانن يسولفن فالساالفه..

فطامي:سلامي احسن لج ترمسين..

موزاني:اكيد تعرفين..روضه سارت بيتكم وهي مستانسه..وردت وهي تصيييح..شو الساااالفه قوووولي..؟؟؟

سلامي:سهيل..

فطامي:شوو..سهيييييييييل؟؟

غبوش:جيه شو مسويبهـا سهيل..

سلامي"دموعها في عيونها من زوود ما تحس بالذنب":شو اقولكــن..؟؟شو اقووولكـن..كنا انا وسهيل نرمس في سالفة روضه..على اساس ان عيد ميلادها خطف وما يابلها شي هديه..بس صدمني باللي قاله..

شجون:شو قال؟؟

سلامي"اتصيح":ياالس ايقول انا ما احب رووضه اصلن روضه غبيه ومن بيحب الغبيه ..المهم تم يعق رمسه تجرح..انا انا انصدمت منه..وما توقعته يقول هالشي..وتم يسب روضه..ومن ظهر شافها في ويهه..وكـانت اتصيح..توقعته يرقع السالفه..يقول شي ولا شي..بس كااان يضحك..وكأنه مستاااانس ان روضه سمعتـه..وعرفت شو اللي في خاطره..تمت اتطالعه اشوي..وخلاف راحت..وما شفتهـا..

شجون"اشوي وبتصيح":شوووووو..قسم بالله انه حقير وما يستحي..

فطامي:ياماقلتلها ويا ما حذناها انا وموزاني من سهيل..بس كله كانت اتجذبنا ..

موازني:هاه هب وقت انعاتبها ونلووومهـا..اللحينه شو بنسوي..

غبوش:اااااااه ياالهم اللي ظوى قلبهـا..روضه تموت في شي اسمه سهيل..

شجون:ما اتوقع ترده..وخصوصن ان ملجتهم تحددت..

فطامي"حاسه بظيجه فراحت صوب الدريشه وفجتها":للأسف للحينه ما عرفتـن روضه شرات ما انا اعرفهـا..عند روضه كل شي يهوووون..الا كرااامتهــا..

مهما يقولون مهما صار مهما تـم

أنت البدايات وأخر ساحل ومينـا

في هرجة الناس بالعـذال لاتهتـم

لو هم يحسون فينا ماحكـوا فينـا

ماعقب شرب الصبر والمر والعلقم

شي على طاري الفرقـا يودينـا



الكــــــــويت..



وقفت شمسه اتطالع حمد..

حمد:ماااا أحبـــــــــــــــــــــج..انتي كرييييييهه..

شمسه"تضحك":ههههههههههههههههاااااااااي..ليش تكرهني..مستحييييييييل..

حمد:وااع واااع واااع...انا ما أأأأأأأأأأأأأأحبـــج...أكرههههههج..

شموس"صدقت هالمرة":شوووو؟؟حمد انته تكرهنــي..

حمد"بجديه":عيل أجذب ويا رااسـج..اصلاً انا ما خذتج الا عشان بوويه قالي بنت عمك ومادري شوو..ولا انتي من زينج أعق عمري عليج..

صخت شموس وهي مصدقه الرمسه اللي يقولها حمد..واتحس ادمووعهـا اشوي وبتطيـح جدامه..جلبت ويهها..وتمت تصييح..خخخخخخخخخخخخخخخ..

حمد:شموس حبيبي شو تسوين..

ماردت عليه ومشت للحيرة اللي فيها اثيابها..الحرمه بتزهب شنطتها تبغي اترد للإمارات اللحينه..

حمد"يود يدها":شو بلااج ليش ما ترمسين..

شموس"اتجابله فيس تو فيس وهي تصيح":خووز عني..دامك تكرهني وما تحبني لا اتيي صووبي..ولا ترمسني..خووز عن دربي..

حمد:شوو؟؟>>الأخ ناسي الرمسه اللي قالها من شوي..

شموس:شو شو بعد..؟؟حمد لا اتم تلعوزني..

حمد:استوعب السالفه":ههههههههههههههههههههههههههههههههههههههههه ههههه..بلاج شموس والله قاعد اسولف ويااج..

شموس"انته جذااب خووز عن ويهي..

حمد:ههههههههههههههههههه.."ويلوي عليها"..والله يالس اسوولف..اشوف شو ردة فعــلج..

شموس"تضربه ع الخفيف":انته ما تحبني..فجني فجني..

حمد"يحظن ويهها بكفوفه ويخليها اتحابله":اوووه والله دمووع من صج.."ويمسح دموعها"..شمووس كيف صدقتي..اتعرفين اني احبــج مووت ولا اروم ازعلـج بكلمه..

شموس"مب رااضيه عنه":واللي قلته من شوي..شو يسموونه..؟؟

حمد:هههههههههه..والله قاااعد اختبر اعصاابج..

شموس:ليش انته شااك فيني...؟؟

حمد"كأنه عصب شوي":شموس شو هالرمسـه..؟؟

شموس:اللي سمعته...

حمد:شمووس...

شموس:هههههههههههههههههههههههههههههههه..ياغبي ارد حقي..ههههههههههههههههههههههههههههه..

حمد"يمط شعرها":أخر مرة تفهمين..

شموس:هههههههههه..اااااه..ااااااه...مب اخر مرة بعدك ما شفت شي..

حمد:انتي اللي ما شفت يشي..

وتم يلعب بشعرها مرة يعدله ومره يخربه..ما يرسيله على بر..

شموس:يا النذل..اتغار من شعري الحلو..

حمد:ههههههههههههههههههههههههههههههه..لا حلفي انتي بس..

شموس"اتمط شعره":اتغاار واتغاااار واتغاااار..

حمد:فدييييييييييييت هالمنطوووووووووق والله..

شموس:اونك تتفدى هاه..

من قالت شموس كلمتها الأخيرة..دق تيلفون حمد..وكانت موزاني"سي ان ان"..تقوله عن سالفة رووضه..وقالهم انه بيلس يومين وبيي عسب ايشووفهـا..والله واايد عليه..وبعد ما بند..

شموس:لا حمود فديتك والله واايد اتولهت على روضه..اللحينه كيف برقـد وهي تعبانه فالمستشفى..دخيلك باجر بنسافر والله انيه مستهمه عليها..

حمد:شو مستويبها روضه..هاايج البنيه قطوه ام سبع ارواااح..ما عليج اليوم تعبانه باجر بتنش تتناقز فوق الشبريه اعرفها هالبنيه ما تيوووز..

شموس:فديييييييتك حمد طلبتك لا تردني..

حمد:اووه..خلاص خلاص ما روووم أرد لج طلـب..

شموس:والله انك ريال والنعم فيك..

حمد:ييها ع القردنه"غير شكل"..عندج...."ويقلد شموس"..حمد اكو شارع اهنيه..اكو اكو اكو..فدييييييييييييييييت اللي يرمس كويتي..





●

●

●

●





أنا تعلمت الهوى تــــــــــــحت يمناه..

درست معنى العشق حسب اختياري..

ما أبغاه يعشقني ولكني أبـــــــــــغاه..

لاضاقت الدنيا يصــــــــــــــير داري..

وابيه لامني تزاعلت ويـــــــــــــــــاه..

يرضي غروري قبل أجيب اعتذاري ..



أبوووظبـــي..

الساعه 9 ونـــــــــص...

جدام بااب الصــاله ..



سهيل:هووووووووووود..هوووووووووود..

سهيل"نظرات الإعجاب في عيونه":السلااااام عليكم..

شيخه"باتسامه حلوة":وعلييكم السلام والرحمـه..حيالله من يانا ولفـانا..اهدا محد غريب..

سهيل:جريب الله لا هــانج..

حدر سهيل الصـاله وعيونه على شيخـه..وفي لحظه تذكر روضه اللي جرحها اليوم..ومع هالذكرى ..ابتسم..لأنه بالنسبه له هـم وانزاااح..يلـس ع الغنفه..ويلست شيخوه جدامـه وهي اونها متحجبه جدامه..

سهيل:وشحـالج يا شيخه ربـج الا بخير وما تشكين بااس..؟؟

شيخه:يسرك حالي ومن صوبـك؟

سهيل:بخير وسهـاله..شو وينهـا عمتيه ناعمه..يبتلها حايه طرشتني أمايه العوده اييبهـا لهـا..

شيخه:امايه في حيرتهـا اللحينه بسير بزقرهــا..

ونشـت شيخـاني وسارت للممر اللي فيه حيرة ابوها وامهـا..وقبل ما اتق باب الحيرة..ظهرت تيلفونها من مخبااهـا..ودقت للبشاكير اللي فالمطبخ اييبون القهوه والفواله صوب سهيل..وكـانت مستانسه انها لابسه كندورة..ومـا كانت لابسه تنوره ولا بنطلون..يعني ظهرت بصورة مشرفه جدام حد من عيال خوالها ..اللي في نظرها متخلفييين وكل شي عنده منقوود..الأخت مادرت انها عادات وتقاليد الواحد يفتخر بهــا..والبنيه من نفسهـا تحشم عمرها جدام الريااييل..

دقت الباب بكـل أدب وفجتـه بكل هدووء..الوحي نازل عليهـا..

شيخه:اماايه امااايه..

أم سلطان"تحط القران ع الطاوله":لبيه ..

شيخه:يمايه سهيل بن خليفه فالصاله يترياج....

أم سلطان:اللحينه بسيرله..قربتي القهوه..؟؟

شيخه"بابتسامه":هيه..اللحينه البشاكير بيوطنها فالصاله.."يوطنها..:يعني بينزلونها او بيحطونها"..

أم سلطان:الله يرضى عليج يا بنيتي..وش حلاتج وانتي رااعية بيـت..

شيخه"اتبوس امها ع راسها":فدييتج..من سار عنا سلطـان وانا رااعية بيت..بس هو يحب يعاندني..

أم سلطان:لا فديتج..أخوج يحبج ويغليج..وما يبغيلج الا الزيـن..

شيخه:هيه وااضح امممرة..

أم سلطان:ادعيله يردلنا بالسلامه هو وخلوود..

شيخه:الله يردهم لنا بالسلامه..

صخت شيخوه وهي طفرااانـه..تكره عمرها يوم تمثل دور الطيبه..تحب اتكون على طبيعتها وما تتصنع شي ..هي هب متعوده عليه..بس هي عليها افكار خبيثه..تهتم لأمها بس عشان تحميها من طراقات سطان وضربه القااسي..ما تهتملها لأنها امها اللي يابتها وربتهـا..

ظهرت أم سلطان صوب سهيل..وسهيل هو الثـاني ..يمثل جدام شيخه بانه انسان حبوب وسوالف وطيوب..يحاول بكل الطرق انه يلفت انتباهها..ولو كان موقف سخييف..

بعد ما مد الحايه اللي من عند يدوته لعمته ناعمه..ظهر من عندهم ونظراته على شيخــه..ومن ركب سيارته وحركها يتحوط في شوارع بوظبي..دق تيلفونه وكانت سلامي..

سهيل:هاه شو تبغين؟؟

سلامي:شو ابغي..انته وينــك...؟؟

سهيل:في بوظبي..

سلامي:وشو عندك في بوظبي..

سهيل:مالج خص...

سلامي:ليش سرت بوظبي..مب انا اللي ابغي اعرف امايه..

سهيل:اشوف قلبي..

سلامي:منوووووووو..

سهيل:مالج خص..قلبي ويهج يلا..

سلامي:ليش سويت في رواضي جيه...

سهيل:أنا ما سويـت شي..زين منها حست على دمهـا...

سلامي:مع انك اخويه..بس اقولك انته مسود ويه ولا تخيل ولا تحشم..ما تسن عند الجبايل ولد العم يلعب على بنت عمـه..حسااافه يوم ان ابوك جبيلي وانته ظهرت غير عنه..

سهيل:جب جب..ياليااهل جابلي خلووف احسن لــج..

وبند في ويهها..

سهييل"يصاارخ":روووووووووووضه روووووووووووووضه روووووووووووووضه اوووف كيف كريهه هالإنسااااااااانه..متى اتمووووت وافتك منهــا..اااااااااه ليتني ارخصتبها جدااااام حميد..ولا تميت مصر اني اتزوجهــا..اااااااااه يالقهــر أاااااااااه..

ورد للرمـاح يوم رمس سيف وقاله انه في بيتهـم