السلام عليكم ...

اولااااااا :: مبروك عليك التميز وتستاهلين الأفضل ..


ثانيااااا :: اجازة سعيدة يا رب ومنتظرينك من الحين ...


ثالثاااا :: البارت اليوم عجيييييييب غريب وفي تتطور كبير بالاحداث صارت مو تمشي الا تركض ركيض وانا وحدة نفسي مقطوع وعلى قدي وبما اني
كمان اليوم رايحة استمتع بالاجازة ما حبيت اخرج من غير ما اترك اسمي واقول لك ان البارت حلووووووووووو مرررة مشكورة غموضة يا ناسوا تجننين اي ومن الحين منتظرة المفاجأة الخاصة فيني مالي دخل بأحد انا خخخخخ وان شاء الله راح يكون لي عودة للتعليق على البارت بعد يومين ثلاث يا الله نشوفك على خير ...

زوزو ...

اول شي

الف الف الف مبرووووك عالتميز

تستاهلين كل خير.. مبدعه ما شاء الله

نورة وطلال

شي طبيبعي انج اتلاحظين الفرق.. يعنيمن الحب اللي جمعج ويا اهلج.. للتفكك الاسري.. المقارنه صعبه..وحليلج يا نورة.. طلعتي اتحبينه.. شوفي هو صح ما يرمس.. ودفش شوي.. بس وياج حق ينحب.. ما تصدقيني اسالي زوزو.. صدق ما عندك سافة.. متاثر وزعلان لان حنينو الدبه بتعرس.. عرست على يني ان شاء الله.. اقول صخ بس.. الحينه حد عنده الزين ويحب حنينو.. صدق الحب عمي

راكان

هي يا ولد الحلال.. لاتخليها بروحها ضايجة بها الدنيا.. بعدين بهالسرعة خبرتهم.. توني يايه بروحها ابشرهم.. يلا ما عليه اتمون

شيخة وموضي

الف الف الف مبروووك شواخ.. هي جي ابيج.. تنسينهوتنسين ايامه.. والله يوفقج ويا الوليد.. تراه ريال والنعم فيه..عاد انا حلفت عليج فستانج انا بصممه.. موضي لا تصيحين فديتج.. الله بيعوضج.. بعدين ما تعرفين يمكن ايروم يقنع اهله وتاخذينه

ديما

لا انتي شكلج بتودين عمرجفي داهية.. ديوم حبيبتي ركزي فديتج.. الحينه شقايل اتروحين ويا اي حد زقرج.. بعدين هب كفاية سالفة الطرارة.. لا انتي حالتج صعبه.. اخير لج اتردين لاهلج.. بعد ما تتروعين منهم.. يمكن حد يشوفج.. وايسوي بج شي..

دانا

لالالالالالالالالالالا.. انتي كيف تنزلين.. ابي اعرف اشحقه روحتي وياه.. اكيد الصوت اللي سمعتيه صوت ابوج.. عادي كل شي يظهر منه


غمووووضه

اتروحين واتردين بالسلامة

الله يحفظج

ونترياج

السلام عليكم ورحمة الله وبركاته



اهلين اولا مبروك التميز وتستاهلين والله على كل بارت تميز


وثانيا تروحيم وتردين بالسلامه واجازه سعيده اناشاء الله



البارت اليوم متميز بدخول ساره الرياض نور الرياض فيها


ديما اكيد هذا ابوها الله لا يوفقه واكيد بيحاول يزوجها عشان بس ماتاخذ ولدخالها يعنى بينتقم منهم


نوره وتحملها لطلال الى متى وحبه لحنين الى ما تستاهل



دانا والعجوز يمكن خيره لها انها راحت عندها




بنتظارك على خير

السلاام عليكم..
غموووضه الف مبرووك التميييز تستااهلين اكثر يااقلبي..
واخيرااااااااااا انتهييييت من الاختباارات .. ونعيش ونختبر غيرها وننجح فيهاا يارب..هخهخهخه
نجي الحين للبارت اللي نزل.. احلى مقطع اعجبني وشيخه موافقه على الولييييد وتحرق رساايل السعدّني..هخهخهخه تمنييييييت انه يشووفها بعيوونه ويمووت بقهره مع اني للحين اتمنى انه يلقى اثر بسيط من هالرساايل ويعرف انها احرقتها واحرقت معها كل ذكرى لها معه. ابرك السااعات والله..وانتي شيخه صدقيــني مااراح تندميييين ابداا على هالشي الولييييد شااري وبتشووفين معه السعااده وبتقوولين الف حمد وشكر ياارب ان نصيبي كان مع الوليد مو مع اللوح ولد خالي.. اتمنى نشووفتس مع الولييد باقرب فرصه ..يااحلووكم وانتم ماشييين على خطتي..هع هع هع

النووري وطلال : طلال وقسم بالله اني انقهرت منك قهرر لدرجة تمنيت ان النووري تعطيك كف مو تظمك.. الحين انت ثوور يااثوور؟؟ تشووف النووري وذرابتها وسنعها واحترامها لك وادبها واخلاقها العاليه ووللحين متحسف على وحده لا اخلاق ولا ادب ولا احترام ولااا ...... ولاا.......... ولاا........... الخ.. الخ ... الخ..
يعني الصراحه بعد انا مااعندي سالفه اللي اسووي مقارنه بين الثنتين لان المقاارنه فيها ظلم لنووره مب لان الخاايسه احسن منهاا لاا تخسي حنينووه لان حرام نسووي مقاارنه بين النووري العقل والثقل والادب والسنع وهالخفيفه الهبلا والحقيره..
شووف طلال اتمنى ان هذي اخر مره نشووفك فيها بهالضعف ونشووفك تفكر بحنينووه .. تتوفقه ماتتوفق هالشي مايهمنا .. انت وبس اللي تهمنا وغيرك فلاا.. وبعدين ماا ادري ليش اتوقع انك ممكن تشووفها بعيوونك بمكان عام مع واحد صاايع ضاايع ..او بتشووفها بموقف اكبر فضيحه والهيئه ماسكتها؟؟؟

النووري فديــــــــــت الذراابه والعقل والرقه ايه الحين اهم شي خليتس مع ام طلال هالحرمه حبووبه وطيووبه وبتكون معتس بكل شي.. يعهي وااضح انها شاايفه الفرق الكبييير اللي بينتس وبين حنين وهالشي بيكون من صالحتس انتي...
وبعدين مواقفتس مع راكان قدام طلال بتخليه يحسن علاقته باخواته ..اتوقع ان طلال ممكن يحاول انه يتقرب من خواته لما يشووف تعاملكم مع بعض.. قصدي انتي وراكان.وقريبا بتختلطين مع الطبقه الارستقرااطيه وتسحرينهم بجمالتس واناقتس ..

سااره : واخيرااا شفتي الرياااض ووصلتي لها.. تدرين ساره من شفت هالانبهااار اللي انتي فيه خفت عليتس.. والله خفت تتغير اخلاقتس .. ياخووفي تخربين على ميسااء حياتها مع زوجها وتحاولين تخطفين فيصل منها عشان ما ترجعين للديره... بس لاا انتي بنت متربيه وتخافين الله ومااراح تسووين شي يغضبه اتمنى ان هالانبهار يخف وترجعين ساره الاولى اللي تحب اهلهاا وتخاف عليهم.. والحين صراحه اشووف ان وجود اخووتس معتس ممكن يمنعتس عن اشيااء كثيره لانه بيكون حمل عليتس وانتي اللي بتكونين مسؤله عنه...

دانا : الحدث الاخير هو الاخطر لان بنااء عليه اتووقع بتتغير حياتس وشكلها للاسوء فاللي بالمقطع الاخير هذاا ابوتس او احد من طرفه بس ابوتس له علاقه باللي صاار .. الا لو كان هو الشخص الكبير اللي هربتي من بيت ابوتس وانهرتي بسبته .؟؟ الخووووووووووف انه يكون ابوتس مزووجتس وانتي مااتدرين وهذا هو الزووج جااي بياخذ زوجته معه والسواق متفق معه..

ديما : اوول قااعدة يعلمونها الاهل للصغار لااا تكلمون اشخاص ماتعرفونهم ولا تركبون معهم.. وانتي عجووز كبر جدتي راايحه مع هالحرمه وماااا شكيتي ابد فيها وعلى طوول معطتها الثقه؟؟؟ هل وضعتس لهالدرجه صعب بحيث ان أي وضع ثااني بيكون اخف.. ؟؟ اتوقع ان هالحرمه بيكون لها دووور كبيير في حياتس بس يااخووفي انه يكون دوور سلبي والخووف الاكبر انه يكون فيه اشيااء تمس الشرف من خلال معرفتها لكل صغيره وكبيره عن حياتس... يعني كان لاازم تبقين لها السالفه كلهااا من اولها لاخرها؟؟ الله يهديتس بس ..

منال : هل بدت ساعه الحقيقه تقرب ويعرفون ان اللي يطق باب الناس الناس يطقون باابه.. اتمنى اشووف طارق لو عرف باللي انتي مسوويته وش بيسووي فيتس ؟؟؟
واصلا طارق هذا وين طس وين ذلف خااطري اشووفه بعد ماا صاار فيه فكره انه بيجتمع مع السووري..هخهخهخهخه.. اقوول مو يمكن يشتغل مع عمه فيصل بعد مايهديه الله ويشوف السووري .. ياليت والله تاخذ طارق ولا تخرب بيت ميساااء..

ابو طارق : هل بيموت ؟؟ هل بيطالب انه يشوووف ام ديما قبل وفاته؟؟؟ هل بتعرف ام ديما عن بنتها وانها عاايشه من ابو طارق؟؟؟

غمووووووضه مشكووره على هالباارت الرووعه والاحدااث الاروووع..
و اجازه سعيده علينا وعليتس ياارب ونتهنى فيها جميعاا.. تروحين وترد بالسلاامه

اذا الله احيانا بنكون بانتظاار الجزء الجاي بكل شوووق..
..