غموووووووضة عيوني و الله الباتات قمة في الروعة يا قمر تسلم يمنك يا عسسسسسسسسل
عائلة جواهر جالكسي يا رب يخلي لكم الوالد و ما ترون فيه شر
حنينو يا رب يكفي الكل شرك و يرده ربي في نحرك
منالو مع انها مو من قلبي بس مبروك و الله يستر عليكي
دانا ربي يستر عليكي و توصل الشرطة و هالوحوش ما قامو من غفلتهم و ما يصحون الا و هم في جيب الشرطة خخخخخخخخخخ<<<<<<<<<من قهره منهم بجد
ديما قرة عينك يا بنت و ربي ما يحرمك من امك طول عمرك و ياتوقع انا ابوك راح يتلقى صدمة عمره عن قريب الي تقلب حياته فوق تحت و تطين عيشة ام طارق و بقوووووووووووة
فيصل و ميساء ربي يجعل ما سويتوه في ميزان حسناتكم و يخلي لكم بناتكم يا رب
سوييييييييير عقلي يا بنت و لا تفشلين نورة و تنزلين راس اهلك في الارض تراها دنيا فانيه مو دايمة و بعدين وين الي تبغى تشتغل و تشيل شوي من هم مصاريفهم عن ولد عمها شكلك راح تجيبين العيد يا بنت
نووووووووورة و طلاااااااااااااال ياي ما اقدر اوصف فرحتي باعتراف طلال و الي اتوقع راح يزيده حذر من ناحية مشاعره و نورة اتوقع راح يكون الاعتراف هذا حافز اكبر لها على الي كانت تفكر فيه و هو اكمالها لتعليمها الله يوفقهم و نشوف عيالهم
تقبلي مرورة و ثرثرتي يا قمرررررررررررررررررر

مبروك الف الف مليون مبروك غموووضه على النجاح الباهر في الروايه الاكثر من رائعه

غموض كاتبه مهيب غريبه على النوفي سبق وتابعت لها الروايه الاولى وهي اول انتاجها تصدقين عاد من الروايه السابقه مع انها اول انتاجتس الا اني حاسه انتس مولد كاتبه جديده في عالم النت

كثرة المتابعات للروايه ماتتخيلين وشكثر اسعدني غموض صحيح اني اول مره ارد على الروايه بس صدقيني كنت متابعه من البدايه وكل اللي بخاطري اذا جيت ابكتبه القى خواتي ماقصرو قالوه وزادو خاصه ماماتي اللي متحفتنا في توقعاتها وردودها الحلوه

على فكره مبروك ماما على الاهداء تستاهلين اهداء احل بارت بالروايه
بارت اليوم بصراحه يجبر اللي مايرد انه يرد على الروايه بارت اكثر من حلو غموووضه

طبعن بحاول بالمختصر اني اتكلم عن شخصيات الروايه بما انه اول رد
ولله يعينتس على الهذر الزايد



بيت ابوركان وبيت اخوه : بصراحه حبيت بساطة العائله وايمانها بقضى الله وقدره على كثر مايجيها من الكوارث الا انهم اتكالهم على رب العالمين وعارفين ان الضيق بعده فرج فقدان ابوركان للمشي وفقده لاخوه وتحمله مسئوليتن البيتين وهو بذا الشكل بصراحه ابدعتي غموووضه بوصف حياتهم بدايتها من علاقة الحب اللي تربط هيا بولد عمها راكان العلاقه البريئه اللي تعبر عن قمة البرائه والحب الشريف اموت انا على حياء هيا
تحمل راكان مسئوليتهم وهو يدرس ماضيعه بهرجت المدينه ولا الترف اللي يعيشه غيره وحاول انه يحصل على باي وسيله
حكمة ابو ركان بتزويجه البناته حتى يوم خطب نايف وجا يتعذر بسبب رفض اهله التمس للولد العذر وماحاول انه يحرجه وتقبل الموضوع بصدر رحب حتى موضي ضغطها على نفسها ومحاولتها انه تبين العكس حتى ماتحسس اهلها بذنبه قمة القوه
ابد ماثر علي نفسياتهم الفقر اللي عاشوه
تدري من خايفه منه ساره البنت مندفعه وتبي حياة المدينه ياخوفي انه ترسم على فيصل تاخذه حصوص اعتقد ميساء ولمي عندهم اخو اسمه سلطان شوفي نصيبتس معه وشغلي عقلتس عشان تاخذينه البنت غايره من بنات عمها اللي تروح الوحده منهم وراى الثانيه للرياض عشقها ماتبي تاقف متفرجه تبي تاخذ نصيبه بس يخوفي انها تفشل عمرها واهلها ولا يلعب عليها احد وتمشي وراه وتفضح اهلها بس ماصدق تربية ساره بتمنعها
مادري عن الحلم اللي يجي راكان حلم مخيف اتمنى انتس ماتموتينه او تفرقينه عن هيا كافي ماجاهم غموووضه فرحيهم بزواج بنتهم وولدهم


نوره وطلال : علاقه ولا اروع بصراحه تدرين ليش معجبه بعلاقتهم على انها فيه نوع من البروده وخاصه من جانب طلال الا ان شخصية نوره عاجبتني بلحيل لانه تقول اي شي بخاطرها
لو غيرها وشافت صورة حنين خبتها بدون ماتوريها طلال وشالت بنفسها وتاخذها العزه بالاثم وتنقهر لانه فضل غيرها عليها لكن نوره كانت واضحه معه وعلمته باللي بخاطرها وماكتمت بنفسه بساطتها في حياتها ماخلت فيه تكلف في المعامله بينه وبين طلال حتى يوم حبته ماحبت تكابر عبرت له عن حبها وبدوان اي تحفضات وبطريقتها البريئه
انا مالوم طلال اذا كان فيه برود تجاه نوره مع اني احسه ماقصر ويحاول بقدر وسعه انه يشاركها مشاعرها تجاهه لان طلال مر بتجربه استنزفت منه كثير من المشاعر
اعجبني طلال يوم برر النوره عن وجود الصوره وان حنين معاد تعني له شي في حياته واعجبني اكثر انه ماترك الموضوع يعدي مندون مايراضي نوره حلو طلال انك بينت لها انهاتعنيلك الكثير وماتركت الوساويس تلعب فيها واخر شي قلتها وبدون تحفظ انك تحبها
ياكبر قلبتس يانوره وياعظم اخلاقك ياطلال احس انكم ثنائي ولا احلا وانا متاكده لاحنين ولا عشره من امثالها يصلون القلبك وقلب النوري وياثرون على حياتكم


عائلة ابو طلال : على انها متحرره وانا بصراحه احب انه تكون فيه خطوط حمراء من الابو ولام للبنات خاصه ومايخلون البنت تاخذ راحتها كثير في اللبس والطلعات بس اتوقع الثقه والحب اللي عايشينه واحترام الام للاب واحترام الاب للام ماثر على البنات وخلى اخلاقهم مع انهم متروكين براحتهم في اللبس حتى قلوبهم الطيبه الخاليه من الحسد والغيره
حبيت برائة وتواضع سما وحتى رسيل مهما حاولت تكابر وتبين تذمرها من مرة اخوها واهلها قلبها طيب وتربيتها الطيبه واصلها مأثر فيها


عائلة ابوطارق : النقيض من عائلة ابوطلال اذا الام بشكل هذا وش نرجي من عيالها عندي احساس انها السبب في الفراق بين ابو طارق وام ديمه الله يمهل بس مايهمل يجيلتس يوم انتي وعيالتس يالخبيثه مافيها مخافه لا من الله ولا من خلقه
وخوات ابوطارق مادري هل هم من طينتها ولا مغترين فيها
منار الله يفضحتس مثل ماظلمتي اختس وانت ياطارق اللي يلعب بعراض الناس يجيله يوم ينلعب بعرضه
اما اختس المصون هذي ماينفع لها لازواج ولا غيره هذي بايعتها وماتدري هي وشتبي من الدنيا دايم متذمره وتبي طلال وماتبيه تلعب مع الشباب وماتبي قربهم تزوجت ولد عمها وهي كارهته احسها مريضه نفسين
اما ديما هذي حكايه الحالها ظلم ابوها ومرة ابوها واخوانها لها مايساوي شي عند قهرها في فقد امها ولاتهامات الموجهه لها وهي بقرارة نفسها تعرف انها بريئه الله يتمم لتس على خير برجعتس الامتس وتزوجين متعب ان شاءالله


ميساء وفيصل : ثنائي ولا اروع الله يرزقهم بالولد اللي يملى عليهم حياتهم القلب الطيب مساعدتهم الديمه الله يعطيهم على قد نيتهم بس احذري ميساء من ساره ولله مدري عنها البنت بايعتها


عائلة ابوعادل : اللي يصير من هالشايب بصراحه يقهر الذدرجه بايع بيتك تخلي البنت بشقة الرجال وليته كفو انتقامك من امها يخليك تبيعها زين دانا انتس بعقلتس لين الحين وماودوتس للحين لشهار وقفت ولد خالتس ماتنسي اذا رجعتي وهذا قريب ان شاءالله البيتكم وافقي عليه وخلي اول خبر ياصل ابوتس هو زواجتس ماستقوى اللى عليتس في الانتقام من امتس
عادل احسه سلبي جدا يعني عارف ابوك وعارف عمايله مع امك وخواتك اقلها نقلتهم عندك في مكان عملك ولا بلا شغل بلا هم امي وسمعت خواتي علي الزم


هذا ردي بختصار اجل لو اطول وشلون
اعذريني غموووضه على الاطاله في الرد مع ان في جعبتي الكثير<<<<حلوه جعبتي اخس على اللغه العربيه انحسد ماشاءالله علي
مشكوره الف شكر على الالتزام في تنزيل النارتات صدق هذي ميزه تتميز فيها غمووضه مع مجموعه قليله من الكاتبات وتراها مش اي ميزه هذي ترفع برصيد الكاتبه وتحبب القراء فيها وتشجع على متابعة الروايه
غمووضه اتمنى النهايه ماتكون حزينه اكره النهايه الحزينه في الروايات
الله يجزاتس الف خير غمووضه ومن تقدم الاحسن يارب وتستاهلين كل كلمه وكل شكر وكل تميز قيل بحقتس على الروايه

آبدعتتتتي مررره مآشآلله عليك

آعذريني مآعرف آعلق على كل شي بآلروآيه


بس عآجبتني ومتآبعتهآ للنهآيه بإذن آلله ,,


وآنتتتتظرك على آحر من آلجممممممر ,,