كاتب الموضوع :
ΑĽžαεяαђ
المنتدى :
القصص المكتمله
السلام عليكم ..
يااامرحبا بااام حمد .. وياامرحبا بالجزء الي يرد الرووح ويشفي الغليل بناااس كانت وماازالت راافعه الضغط ..
تدرين ودووم من اول كان خااطري ارد على القصة واكون من ضمن متاابعتها بالردود والتعليق عليها .. الظروف الي تمنعني بس هالمرة قررت ادخل وانا ناايوه ما اظهر الا لما اضيف رد ,,
خليفة ..
اخيرا تلحلحت يالصخر ونطقت وظهرت ما في الخاااطر عقبال ما تنطق بكلمة انتي طالق بثلاثة بويه العنز اميرة.. صدق انك تبط وتعل الجبد وتييب المرض بالبروود الي عليك والسلبيه الي انت عاايش فيها والغبااء الشديد الي مخليك تمشي وراء اميرة وانت هب شااايف من عيوبها شي ولا عاارف انها احقر ما خلق ربي ومافيها لا دين ولا مذهب .. اتريا بفاارغ الصبر اليوم الي اشووفها فيه تااكل الترااب الندم وتعض اصاابعها قهر وهاليوم قريب ان شاء الله .
زااايد ..
تدري اول مرة في قصة اقراها واتمنى اني اذبح البطل .. صدق ما تعرف قدر نور ولا تعرف ان الله معطيك نعمه هب مقدرها ولا راح تعرف قدرها الا بعد فواات الاوان واتمنى هالشي ما يصير .. عمر الانسان ما رفعت من قدره المنااصب او الاصل الي ينتمي له لا الي يرفع شاانه وقدره اخلاقه ومعدنه الطيب وهالشي الي موجود في نور هي صحيح بنت بااكستانيه ولكن افضل من مليون وحده غيرها لانها خاايفه ربها وفيها كل الصفات الي يتمنى اي رجل تكون في زوجته وام عياله .. وهالشي الي انت تحاول تتغافل عنه وتتصنع اعذار لانفسك عشان تطلقها .
نور ..
رااحمتج وايد .. صعب تعطي قلبك وشعورك واحساسك لانسان ما يقدرك ولا يحس فيك ..
وصعب تحس انك منبووذ ومكروه من اقرب النااس لك ..وصعب تحس انك غريب وانت في دارك وبين اهلك .. ونبذ الزوج الي تتمنين انه يكون لج الانسان الي يشااركج الحياة والي تحسين انه هو كل اهلج ونااسج واذا فقدتيه فقدتي كل شي من بعده .. بس هالشي غلط لانه الحيااة ما توقف على زاايد الي الغرور والتكبر عاامي عيونه والي بيي يوم ويندم على هالشي اشد الندم .
مرواان ومـــي ..
مـــي ..الغلط كل الغلط يتحملونه اهلها وخصوصا امها الي المفرووض تماارس دورها كاام وتنصحها وتوعيها وتعلمها ان في مرحله من مراحل عمر البنت تكبر وتتحجب عن غير المحارم لها بس للاسف ما حصلت هالشي ولا حد حاول انه ينصحها ويوعيها من البداية انها خلاص صاارت حرمه والمفروض الحينه تعرف الحلال من الحرام ..
ومروان الي حبيت واكتشفت انه الي تحبها طفلة ويمكن هي بعيونك طفلة ولكن بالشرع والدين لا هي بنت بالغة.. واياام زمان الي بعمر مـــي تتزوج وتشيل مسؤليه بيت وزوج وعيال بس الي اختلف بعصرنا الحالي وصاارت البنت تصك 18 ويعتبرونها للحينه طفلة ولا تقدر على شيل المسؤليه ..
هل راح تخطب وتتزوج عشان تنسى مــي ولا الخطبه ما راح تتم ..؟؟؟؟؟ ولا بتكون هالخطيبه نفسها هي مـــي الي اتوقع ان ام بدر هي بنفسها بتخطبها لانها تشوفها مؤهلة انها تكون زووجتك حتى على صغر سنها ..؟؟؟؟؟؟
وديمة .. سلمتي يالغلا على هالجزء الرائع ,,
وعسى ما ننحرم هالتواجد الحلو بالقسم العاام الي اسعدتينا فيه . بانتظااارج بالجزء الياي وكلنا شووق ولهفة .
بحفظ الرحمن .
التعديل الأخير تم بواسطة فروحه ; 10-03-10 الساعة 09:24 PM
سبب آخر: اغلااط املائية
|
10-03-10, 08:04 PM
جديد مواضيع قسم القصص المكتمله
العرض العادي
