السلاام عليكم..
ودووم اشتقتتتتتتت للعمررررررررررررررررره.. تهي تهي ابي اعتمرررر.. تهي تهي.. ودووووووم ماالي شغل انتي اللي شهويتينا بالعمره انتي اللي وديناااااا..>>فيس يقول حكم قراقوش..هخهخهخه
يجنن الباارت ودوم..بس تبين الصدق انصدمت صدمة عمري لما ماشفت لي طااري اليوم>> فيس يقول خيييير هو العيد كل يووم؟؟هخهخهخهخه
استاانست مره بالجزء ومااكدر علي الا اني مااشفت خالي ابو تركي فديته..>>فيس حب هالخال..هخهخهخه
مااشااء الله عليهاا نووور ,,ابدعت اليووم وحسيتها مدرسه تاريخ.. والله كل اللي درسناه من ابتدااائي لقيته هنا.. >>فيس يقول للحين مختس حلو..هع
نور والله تفااعلت معااتس وانتي تسردين هالتااريخ.. وحسيييييت باحسااستس وانتي تسعين وكيف كنتي تفكرين بالسيده هاجر.. بس قطع هالاحساااس كلام زايد وهو يتسائل منو الحرمه..ههههههه..
اما وانتي تفكيرن بطريق الهجره من مكه للمدينه .هنا الصرااحه تخيلت الرسوول صلى الله عليه وسلم مع ابو بكر رضي الله عنه .. والله جتني الصيحه وانا اتخيل كم العذااب والتعب اللي اتعبووه بهالطريق..بس النتااائج كانت تستااهل كل هالتعب.... صلى الله على رسولنا الكريم ورضي الله عن كل صحاابته وجزاهم عنا كل خير..
الحين نجي للموقف اللي بالفندق مع زاايد.. الحلو بزايد انه عارف نفسه بس واللي مو حلو انه موو عارفتس للحين عدل .. واتوقع على كل هالتهديداات اللي يهددها لنور وكل الكلام اللي يقووله لهااا عن الويل والعذااب اللي بتشووفه منه لرجع كله يطلع خراااط.. ماا اصدق ان فيه واحد شااف كل هالرقه وهالالتزام وهالحب ويرجع مثل ما كان بالملي.. يمكن يرد شووي بس مستحيييييل يكون على طووووووووول الخط بالشكل هذا.. وطلبك ياا زيد اللي طلبته من نوووووور اوووووووول من بيتحسف ويتندم عليه هو انت.. لانك خلاص بتحس ان قلبك تعلق فيها وبيصير لك نفس اللي يصير لخالك خلووووف .. والله انك بتمووت الف مرره قبل مااتحن عليك نور.. والشي عااد لا بغيت تشووفها وبتمووت على شووفتها ومب حاصل لك هالشي.. لانها بتقوول المسلمون على شرووطهم .. وهنا عاد بتقوول الله يقطع لسااني ليش هنا تهووورت وقلت هالكلام وهذيك الليله ماسك نفسي عن التهووور؟؟>>فيس يتشمت من الحين ..ههخهخهخه

اليازي وفهد: خلصنا عاد الرجال وكفختس ماايسوووى عليه هالاعلان باقي تروحين لقناة الجزيره والعربيه ويصير موضوع تقرير ولقاءات عندهم.. والشي عاااد لااعرفت فيه اووبرااا وينفري بتجي طيراان عشان تسووي لقاااء مع ييزوي العربيه اللي كفخها رجلها وهو تووه ماابعد صاار رجلها.. >> فيس ميت على انه يشووف كيف بيفهمون هالشي..هخهخهخه
فهد تساااهل مايجيك هذا اللي يمد يدينه على بنت عمه يستااهل الفضيحه واللي يصير له .. خلك تعرف ان البنت مو لانها يتيمه تجلس كل شووي مسوويها كيس بوكسنق ... والله اللي بتمووت الف مرره قبل تشووفها الحييييين طاحت بيد خلووه وخلووووف له فيها مأرب اخُرى... هخهخهخهخه

حميره: يااعسااهم يحرقونتس بموويه نار قوولي آآمين... وهـ حسافه اضيع وقت بكلامي عنتس.<<فيس خاطره يمشي عليتس بالسيااره مرتين رايح ومرتين جاي..>>فيس يقول الله يقويك.

خليفه ونوره: مصااائب قوم عند قووم فوائدُ.. تدري عاد يعجبني اللي يقتنص الفرص .. واللي مايقتنص الفرص بتروح عنه طووووووووول عمره.. بس الحين لايكون بترجع تلعب بالكهرب.؟؟؟>>فيس يقول خلصنا عاد من هاللعبه اللي تحررررر..
شووف خليفه لو كنت مااتبي حماره القايله اللي انت متملك عليها وماتتاثر بكلامها كنت على طوووووووول معك بانك تاخذ اليااازي عندك عشان تكون عون لك قدام نووره.. بس انك تبي اليازي عشان تتعدل الاوضااع بينك وبين نووره وانت على اللي انت عليه من خبال مع حميره لاا والله ماا ارضاها على نووره..لكن ادعي ربي ان وجود الياازي عندكم يكون هو اوول معووول من معااول هدم العلااقه اللي بينك وبين ام السعف والليف.. اتمنى ان اليااااازي تحررررررررررررق قلب حمارة القاايله وتقوول انك سوويت كذا لنووره وحطيت لها وجبت لها عشاان هذيك تموووووووووووت من الغيظ والحررررررررررره والقهرررررر..احس ان الياازي بتكون بدايه النهاايه بين خليفه والمااصخه. وانا واااثقه من الحين ان اليااازي مااتطقين حميره .واتمنى انك انت يااخلووف تكون اكثر جديه وتكون اكثر استقرااار وتعرف انت وش تبي وتخلصنا عاد من هالمصااخه.. والله خاطري اشووفك انت والنووري مستاانسين ومرتااحين مع بعض بدون خطر هالبغيضه...


ودوووم والله يعجبني كثييييييير بقصتس ان هالمواعظ وهالنصاايح تجي بمكانها المناااسب وماتكون ابداا حشووو بالقصه.. هالتاريخ هذا كله عارفينه بس طريقه روايته بالقصه هنا رووعه روووعه وخصووصاا ان الواحد فعلاا يحس انه يشوووف التعب والمخاطر اللي عاشها الرسول صلى الله عليه وسلم وصحابته الكرام رضوان الله عليهم..
والحلو انها تصدر من شخص مثل نور ملتزمه وتخاف من الله ودينها وتمسكها فيه وااضح للكل.. حبيت جداا شعور نووور وهي داخله للحرم وحبيت طريقه زايد وكيف تفاعل معها وهي مخليها وراء ظهره.. الصراحه ان جزء اليوم كان قمه وماعليه كلام..
تدرين هذيك اليوم ودووم بالمقلط تقول وحده من البنات ان اسلووبتس ينفع انتس تكونين داعيه.. الله يجعلنا نشوفتس ياارب دااعيه لها مكانتها في الاسلام.. وشخصيا اعتبرتس داعيه من خلال كتابتس اللي يقرونها الناس هنا.. الله يجعلها في موازيين حسانتس يااارب..

ودووم مشتاااقين لاهل الامارات.. وخص نص الناس اللي في بيت زايد>>فيس يقول هنييه وييييييين لهااا شووووق مواازي شوقنا لروويض وبدور..هخهخهخه
زوزوووو بنتي وحبيبتي ومهجة قلبي..مشكوووووووره ياقلبي على النقل بس تبين الصدق وبدووون زعل من يدين ودووم احلى. وله طعم ثاني.>>فيس يقول الصراحه حلوه..هخهخهخه
بس والله ماتقصرين يااقلبي ..

النوفي ..هلاا وغلاا نوورتي الموووقع يااعسووله. يااحلوو ردتس وهو هنا بين ردوود امه وخواته,. بس تعالي قولي لماما انتي من وين جبتي اني بااكستاانيه ؟؟ ياا اختي الباكستانيات اذاا شافوني تمنن انهم عربيات ابـ( ن) عن جد. >>فيس يقول وانا اشهد.. هخهخهخه
بانتظاااااااار الباارت الجاااي فلاا تطووولين علينااا فيه ودوووم..

مرحبا بالجميع اليوم انا يايبه رسائل كانت عنديه من زمان واريد اكتبها بالتفصيل
قبل كم سنه كنت في باكستان وهناك رحنا زياره لواحد من البيوت الي يعرفهم زوجيه...كانت عندهم حلقة ذكر تعرفت بعد الحلقه على مجموعة بنات باكستانيات يتكلمن اللغه العربيه الفصحى بطلاقه اعجبت فيهن واااايد
وطلبت منهن يكتبن اليه في دفتر مذكراتيه وانا بنقل الكم الرسائل مثل ما اهيه بدون زياده او نقصان
الرساله الاولى
"بسم الله الرحمن الرحيم
انما المؤمنون اخوه

المؤمنون كالبنيان يشد بعضه بعضا

اختي المحبه والعزيزه:
السلام عليكم ورحمة الله
نحن من بلاد شتى ومن قبائل شتى وقبل اسبوع لا يتعارف بعضنا بعضا
ولكن الان نحن كالاخوات الله جعل في قلوبنا المحبه وصدق قوله"انما المؤمنون اخوة" وهذه هي المحبه التي تجمعنا في ظله يوم لا ظل الا ظل عرشه وارجو من الله تعالى هو يجمعنا في مجلس مرارا ومرارا )ان شالله( وادعوالله ان لا يطيل الفراق بيننا بل يزيدنا عاجلا ومرارا في الدنيا خاصه وانا ماقلت بلاخره لانني انا متيقنه ان شالله في الجنه لا تكون اي صعوبه في رؤيتنا كما قال تعالى ولكم فيها ماتشتهيه الانفس وتلذ الاعين
اختي في الله احبك حبا ولا اتصور عن فراقكم
عليك ان لاتنسيني في الدعا ابدا
اختك في الله

الرساله الثانيه
بسم الله الرحمن الرحيم

السلام عليكم ورحمة الله وبركاته

اختي في الله الغاليه.............طلبت مني ان اكتب لها الذكرى ولست جديره لذلك

يا اختي الله سبحانه وتعالى جمعنا في هذا المجلس المبارك بحوله وقوته وقادر ان يجمعنا مره اخرى في الدنيا والاخره
ان شالله تعالى
جزاكم الله خير احسن الجزاء في الدارين
اختك في الله

الرساله الثالثه

بسم الله الرحمن الرحيم

اختي الكريمه والعزيزه
اسلام عليكم ورحمة الله وبركاته
عن عائشه رضي الله عنها قالت قال رسول الله صلى الله عليه وسلم:خير مايكنز المر الامراه الصالحه
اذا نظر اليها اسرته واذا امرها اطاعته واذا غاب عنها حفضته
شكرا جزيلا انك اعطيتني كراستك للكتابه

قال تعالى
صبغة الله ومن احسن من الله صبغه ونحن له عبدون

اختك في الله

جمعني الله بهن يارب وبكن في الاخره تحت ظله يوم لا ظل الا ظله


الجزء الثلاثون



رسالة خليفه لنوره وترتها يعني هذا كيف ايريد الوضع ايكون
راحت المطبخ وجهزت عشا خفيف وقهوه وشاي وبدلت ملابسها بلبس مغربي خفيف وطلعت تنتظرهم
دخل خليفه وهو شال اليازي ويرحب ابها وهيه تضحك مستانسه من معاملة عمها الها
نوره وهيه توقف:يامرحبا مليوووون
رفع خليفه راسه"يا ويل حااالك يا خليفه والله الي يبته لعمريه
خليفه بابتسامه:تعالي يا نوره عندنا ضيفه ما حلمنا في يوم اتكون عندنا
ونزل خليفه اليازي على الكنب وهيه مفتشله من نوره الي انبهرت بجمالها
نوره:يا مرحبا والله ملايين ولا يسدن
سلمت نوره على اليازي
نوره:الحمدلله على السلامه وماتشوفين شر يالغناه
اليازي وبعدها مستحيه:الله يسلمج والشر مايييج
نوره:ارتاحو بروح اييب لقهوه
اول ما راحت نوره لفت اليازي لعمها
اليازي:اوووه دوخت عميه وين يبتها هذي اتجنن والرمسه تذبح
خليفه:قولي ماشالله
اليازي:مشالله ماشالله اهيه هذي الي دوختك ثلاث سنين خاطبنها مسكين يا عميه جانها اهيه
خليفه:لا لا هذيج بنت خالتيه هذي خالة عيال عمج خلف
اليازي:عاااش عميه ثنتين مره وحده وكيف الحال بينهن
خليفه اتوتر من اسالتها:يزوي انتي يايه بالعتلج مسجل اص ترا هن مش متوالفات وتحملي ترمسين عن اي وحده جدام الثانيه
اليازي:ههههههههه قوول والله يا حليلك يا عميه اكيد منتفاتنك
خليفه:يزوي خلاااص فضيها سيره الحين تراها بتي
اليازي:والله انا ضاربنيه فضول اشوف الثانيه
نوره وهيه يايه:يامرحبا يا مرحبا
وحطت نوره الصنيه وهيه تقعد عدال خليفه الي انتفض قلبه من قربها
خليفه:احم احم
اليازي:هههههههه
فتحلها عيونه بمعنى انجبي
اليازي وهيه تحط يدها على ثمها وتمت نوره تتلفت الهم:شو السالفه
خليفه:ماشي ...بس انا اريد اقول يعني ان اليازي بتم عندنا ....اليوم خليها اتبات معاج وباجر بنفتح غرفة الضيوف الثالثه وبنجهزها الها
اليازي:وانته عميه وين بتبات
خليفه:ببات فوق غرفتيه الاوليه ...احنا انبات تحت في قسم الضيوف لان يوووم
ورفع نظره لنوره ايطالعها وهو يتكلم شكله خابص الدنيا
خليفه:يوووم نوره تعبت انـ انتقلنا تحت
نزلت نوره راسها تحت متوتره
اليازي وهيه مستانسه:ووين عيال عميه يرقدون
نوره:لعيال يرقدون في الغرفه الثانيه وانا وفطامي في الغرفه الي عدالها
اليازي:وعميه؟
خليفه بلقافه:وانا معاهم
حطت نوره عيونها في عيونه بمعنى لييييش هالتخبيص كله جان علمها السالفه كلها وخلاااص
خليفه وكانه فاهم لنظراتها"لو اهيه مش داريه عن سالفة حملج جان قلتلها المشكله تدري ما قصرت نور قالتلهم
اليازي:خلاص انا ببات مع لعيال في الغرفه الثانيه
نوره:لا لا اصلا الغرفه صغيره مابتحصلين مكان ترقدين فيها خليج عنديه بنستانس مع بعض
اليازي:لااا انا استحي من عميه انزين ليش انتي ماتروحين ترقدين عنده فوق
ابتسمت نوره:ما مااا اقدر اخلي اليهال بروحهم
خليفه تركهن يتفاهمن بروحهن وقلبه ايدق وتم منشغل بتيلفونه يا تراى على شوووه بيرسن
قامت نوره:انا بروح اييب الكم عشا
التفتت اليازي لعمها:عميه عادي عندك اتبات عنها ينب
خليفه:هاااه ...عااادي علشااانج
اليازي:انزين عميه هن كيف رضن ايكونن مع بعض يعني كيف بنت خالتك رضت
خليفه خبر اليازي بالسالفه كلها وكيف اتوهق بعيال اخوه ورفض اميره اول شي مما خلاه يظطر يتزوج نوره بس ما قال الها عن الشروط الي شرطهن في الاول
اليازي:يا حليلها بنت خالتك وقالت تباك عقب ماتزوجت اكيد انها تحبك المسكينه
سكت خليفه وهو يطالع تحت
اليازي:عميه الله يعينك لازم تعدل والله يهديهن جانهن مايدانن بعض
خليفه واونه يرقع السالفه:انا ونوره متفاهمين بس المشكله اميره تراها ظربها انهيار عصبي و ووو
اليازي:هههه احوال ثرها عندك واحنا ماندري ووو شووه؟
خليفه:يعني انداري الها
اليازي:صدق وحرمتك هذي يا حليلها عادي عندها
خليفه وهو يوقف:يا يزوووي عاده خلاااص عن الاسئله الزايده اي شي تشوفينه ومافهمتيله طنشيه وتحملي تكثرين من الاسئله تراج بتعقينيه في مشاكل
اليازي:ان شاااااااالله من عيونيه بس صدق عميه شل حرمتك معاك فوق الحين بتقول هيه ماهقاها من الله يرقد بروحه عشان يسهر مع هذيج على التيلفون ويمكن يسري الها
خليفه منصدم منها:انتي من وين تيبين الرمسه هذي؟
اليازي:هههههه ترا هن الحريم جذيه
دخلت نوره:حياكم العشا جاهز
اتعشو وبعدها ودا خليفه اليازي لغرفة نوره ورجع عند نوره في المطبخ ولقاها تغسل الصحون الوقت كان متاخر والخدامات ارقدن
خليفه:اوووووووف والله انها بلشه
التفتت له نوره:ليش ماتقول الها السالفه كلها وخلاص
خليفه حط عيونه في عيونها:اقولها السالفه وهيه تدري انج كنتي حامل
احمرت خدود نوره والتفتت عنه منشغله في لمواعين
خليفه:انااااا خبصت الها وقلتلها لا تكثرين الاسئله
نوره:ماعليه
خليفه وبداية دقات قلبه تعلن الحضور:تراااااها اااا غفلت الباب وقالت شل حرمتك معاك
التفتت له نوره بسرعه:شوووه لا معليه منها بدق عليها الباب....فطامي اكيد بتوعا فليل
خليفه ببراءه:ما احيدها توعا
نوره وهيه اطالعه بنظرة شوفي خاطرك:ماعليه منهن بدق عليها
خليفه:كيييفج
نوره :وحتى لو ما فتحت برقد في الغرفه الثانيه ماشي مشكله
خليفه:على راحتج...مع ان الغرف فوق وايد مابتدري انتي في اي غرفه بتي تصبحين على خير


..........................................


غمض اخيرا زايد عيونه ونور راقده على يده وبعدها بنصف ساعه فتح عيونه على صوت الاذان الي كان قريب وايد منهم
اعتدل وتم ايطالعها وراسها على يده
زايد"حشى هب ليله هذي الي بتتها على نار
ابتسم وهو ايطالعها يدريبها انها كاشفتنه وتدريبه من اول ماصرخ عليها في المستشفي عشان تتستر انه انسان يحاول يعصم نفسه لانه اذا غلط
معناااه انه ملزووم بغلطه هذا ويدري انها ماتريد تبتعد عنه وتحاول باي طريقه تربطه ابها....بس يا نووور احنا مانصلح لبعض ما اقدر اتقبل ان امج باكستانيه هذي مشكلتيه
حط يبهته على يبهتها عقبها اعتدل
زايد:نووور نووور ياله قومي جانج بتروحين اتصلين الفجر في المسيد
لاكنها كانت في سابع نومه وماحست به
زايد:نووور نووور حشى ميته ......نووور يا نوووور
حرك ويهها يمين شمال لاكن مافي فايده
زايد:نووور وبعدييين ياله قومي الصلاه بتفوتنا
قرب منها يسمع تنفسها وسمعه..ماتنلام يومين مواصله
زايد:نووور يعني اييب ماي واصبه على ويهج ياله قومي
لاكن شكلها صدق ميته من الرقاد والتعب
طبع قبله على جبينها
ورفع راسه ايطالعها شكلها وهيه راقده غييير قمه في البراءه
رجع بقبله ثانيه على جبينها اغرته عقب ينزل ويقبلها على خدها قبلات خفيفه وينتقل للخد الثاني وهو مطمن انها راقده لاكن هذي القبلات خلته ينسى نفسه وكان على وشك يطبق على شفايفها الا ان رنين التيلفون العالي قفزه وفتحت نور عيونها
تلاقت نظراتهم واعتدل ايرد على التيلفون وانسحبت نور بسرعه للحمام سكرت الباب وحطت ايديها على ويهها وقلبها ايدق
نور"كان يقبلني
الي متصل كان صاحب الباص الي بيوديهم المزارات
حددلهم وقت المغادره وسكر عنه زايد
طلعت نور بعد ماتوضت
نور:هل سنذهب الى المسجد؟
زايد:هااه هيييه خليييج جاهزه بتوضى وبنروح
نزلو بعدها للمسجد وصلو وبعدها رجعو عشان يطلعون للمزارات مع الباص ومثل البارحه كانت نور متاثره بكل مكان ايمرون عنده وتمت اتقص لزايد شو صار اهنيه وشو صار اهناك وهو ايحس انه مستمتع من قصصها الي صدق اثرت فيه واكثر ماتاثر يوم تمت اتقصله عن الغزوات وكيف كانت الاحوال وكيف كانت التضحيهعوره قلبه على الرسول يوم تنكسر رباعيته واعجب وايد بالبطولات وشجاعة سيدنا على وخالد بن الوليد واستانس على دها سيدنا عمر بن العاص
زايد:ماشالله عليج كل هذا اتعرفينه
نور:ااااه يا زيد ان في قصصهم عبره وموعضه ....منذو ان كنت صغيره وذالك الرجل الذي قام على تربيتي وهو قريب من اقربا جدتي ينهل علي بتلك القصص كما انني قرات الكثير الكثير من الكتب
في خاطره يلوي عليها ومايدري ليش
بعدها رجعو للفندق وراحو للصلاه ومن بعدها تجهزو للرجعه مودعين مدينة الرسول المدينه المنوره وماقصرت نور في النحاط وزايد ايهز راسه

طيارتهم وصلت ابهم بعد المغرب بشوي وكان بدر ومروان وخليفه في الاستقبال داخل المطار بعد ما اخذو اذن انهم يدخلون داخل عند وين الشنط توصل
كان بدر على نار في انتظاره وماصدق وشاف زايد حتى صار اللقاء توايهو وقالوله الحمدلله على السلامه وعمره مقبوله لاحظ خليفه وبدر بانوار تطلع من ويه زايد وكيف ان صحته اوكيه
قرب خليفه من نور وسلم عليها وخلاها تمشي معاه بعد مامشى زايد وبدر ومروان سابقينهم
خليفه:اخبارج يا نور عمره مقبوله
نور:تقبل الله من الجميع
وهم يمشون اختفى زايد وبدر ومروان تكفل بنقل الشنط ونور عيونها اتدور زايد
بعد ما طلعو
خليفه:تعالي يا نور السياره منيه
مشت معاه وهيه تحس بغصه وفي السياره بعد ما مشو نصف المسافه
خليفه:نوور بيت زايد فيه احتفال يايبين عياله وناس وايد اهناك ايريدون يستقبلونه عقب السفر شرايج انروح بيت اخويه راشد او بيتيه
نور:هو اين قال لك اذهب بي؟
خليفه:ا ا اهو مـ...ماقال يعني عشان
نور:حسنا عماه انا لا اريد اذهب الى الاحتفال اذهب بي عند جدتي
خليفه وهو يبلع ريقه شكلهم متفاهمين وتدري انه يباها اتروح عند يدته:يدوه في بيت زايد الحين الكل اهناك اوديج عند نوره واليازي
هزت راسها بلا وتوجه ابها لبيت اخوه ابو فهد
نزل معاها
التفتت له وكشفت غطاها:عماااه لا عليك مني اذهب اليهم انا ساخلد الى النوم اشعر بانني تعبه قليلا
خليفه:ماعليج بروحج
نور:لا علي عماه
وابتسمت له
نور:غدا يجب ان تاتي لا خبرك بمدا سعادتي بهذه العمره لا اصدق بانني كنت هناك كم انا مدينه لزيد لذهابه بي الى العمره لقد استمتعت كثيرا وايضا ذهبنا الى المدينه وقد كانت سعادتي هناك كبيره عند زيارة قبر الرسول
ابتسم خليفه :الحمدلله ...ماعليه ان شالله باجر بنييج
نور:الى اللقاء عمي
وراحت نور داخل ورجع خليفه لفلة زايد وينكان الاحتفال والكل موجود لاستقباله بعد ما سلم زايد على الكل برا وتم معاهم شويه استاذن عشان ايروح ايسلم على يدته الي استقبلته عند الباب ومعاها البنات وام فهد وهنيه الي اول ما شافته تمت اتزغرط
لوا زايد على يدته الي تمت اتصيييح في حلجه وهو يلوي عليها ويهديها كان لقاء صيح الكل من حوليهم بعدها سلم زايد على ميييمي الي اندفعت لحضنه وهيه تصييييح ومن بعدها سلم على الكل وهو يسمع همسات وين نووور
زايد:شحالج يا هنيه
هنيه:يامية الف مرحب ومسهل يا ارض احرسي ماعليييكي منوووور يا باااااشه
امااال البنت نووور فيييين
الجده:هيه يا ولديه وينها نووور
زايد:نور متوله عليييج وكيد ماتدريبج انج اهنيه وراحتلج البيت مع خليفه
الجده:فديييييتها
انتهى الاحتفال والكل رجع بيته وانصدم زايد بترتيب غرفته الي كانت مرتبه لعرسان العطر والدخووون والملحف الرهيب كان ترتيب البنات على اساس انهم راجعين عرسان
قلبه وقف من الدق وهو يكتشف كل شي في الغرفه حتى ملابسها وشكلها كلها جديد في جديد فساتين وكنادير وعض على شفايفه وهو يفتح باب واحد من الخزانات ويشوف ملابس النوووم والملابس الداخليه
هذيلا على اي اساس يتصرفن بكيفهن ويسون جذيه ما يدرن انه خلاص كل شي رجع لسابق عهده
البنات كانن في صيحه مع نور وهن ايقولن الها انتي شو تسوين اهنيه ياله على بيت ريلج خربتي علينا المفاجئه
لوت نور على يدتها :لااااا انني في شوق لجدتي سوف ابقا هنا
روضه:وزايد
نور:انتهت مهمتي روضه لم نتزوج من اجل ان نبقا سويا تزوجنا من اجل ان استطيع السفر معه
روضه:بس مايجوز الزواج بنية الطلاق
نور:لم نكن قد نوينا الطلاق ...ولا اريد ان يكون هناك طلاق
روضه:يعني كيييف
نور:روضه لا تكثري على هذه الاسئله
مي:انتي شدراج ان الزواج بنية الطلاق مايجوز
روضه:اليوم قالت اليه وحده من صديقاتيه
تذكرت روضه سالفتها مع صديقتها المقربه الها والي خبرتها عن وضعها مع بدر وردة عليها صديقتها بانه باطل اذا كانو ناوين على الطلاق وهذا الشي وترها وماتعرف كيف تتصرف
ومرت الايام خليفه التهى مع زايد في استقبال الضيوف وماكان ايرد البيت الا متاخر اليازي انتقلت لغرفه بروحها وما انتبهت ان عمها مايبات عند نوره
اميره من بعد ماعرف ابوها بسيراتها بيت خليفه حلف عليها ماتروح اهناك الا وهيه عروس
فهد الي صار بينه وبين اليازي اثر فيه وااايد وحس انه مش راضي عليها وطنشها ولا سال عليها مع انه محترق من الشوق الها
روضه طرشت رساله لبدر اتخبره بموضوع نية الطلاق وتم اهو في حيره من هالسالفه
اما نور عمرتها كان الها اثر ايجابي على نفسيتها وهونت موضوع فراق زايد الي صرفت التفكير فيه وهو من رجعو من ثلاثة ايام ما سال عنها
اما زايد فالله اعلم بحاله

..................................

كان مروان منسدح تحت التلفزون
التفتت ام بدر لبدر:ولديه اخوك حاله مش عاجبنيه
نزل بدر كوب الجاهي من يده:شبلااه يا اميه
ام بدر:انته اتشوفه اخوك الاولي مره مايرمس معانا ولا يسولف والعيشه قاطعنها شبلاااه انا عمريه ماشفته بالحال هذا شي مستوي عنده في الشغل
تنهد بدر وهو بروحه مستغرب من حال مروان الي حاول معاه كم مره ايريد يعرف شو سالفته لاكنه ايرد عليه ببرود ويقول مافيه شي سال ربعه في الشغل شي صار قالوله ماشي صار عندهم وانهم هم بعد منكرين عليه انه مش طبيعي لدرجة ان بدر خاف انه يكون مريض بمرض ومايريد ايخبرهم
تم قلبه قارصنه ومنيه بروحه قلبه متعبنه من يوم قالت له روضه سالفة نية الطلاق
ام بدر:بدر
بدر:هلا اميه
ام بدر:انته ماقلت عقب مايرجع زايد بتسوي حفلة ملجه
بدر وهو يفكر"كيف يا اميه حفلة ملجه والزواج باطل
ام بدر:انا ترانيه خلصت كل امور الحفله حجزت كل شي ورتبت كل شي وخبرتهم بعد عن الحفله
فتح بدر عيونه:اميه شو تقوليين ليش سويتي جذيه؟
ام بدر:يا ولديه انا اريد افرح ابكم الخير وايد الحمدلله وانا ماعنديه شغله والله انيه كنت مستانسه وانا ارتب للحفله عقبال مانرتب لعرسك وعرس اخوك
مروان وعيونه على التلفزون وبدون ما يلتفت الهم:اميــــــــــــــه اخطبيليه
التفت بدر وام بدر لمروان منصدمين اخيرا نطق ابو الهول
ام بدر:شوووو قلت؟
لف براسه ناحيتهم:ماسمعتي اونج ولا ماتبين
ضحكة ام بدر:فديييييتك اخطبلك ليش ما اخطبلك بس انته اشر وقوووووول
مروان بغصه:مااادري دوريليه..... المهم انيه اريد اعرس وقريييب
بدر:يخرب بيتك لا تقول ان حالك هذا حال واحد يبا العرس
ابتسم مروان:هيييه يا خويه ابا اعرس
رجع والتفت للتلفزون
مروان:ومن تحصلون العروس على طوووول حددو العرس
بدر:انزييين ماشي مواصفات معينه
مروان وصورة مي في باله:لااااا بس اريدها حرمه عاقله هب ياهل
بدر وهو يضوق عيونه:شووو شوقصدك يعني
ابتسم مروان لانه يدري ان اخوه يتحسبه يقصد حرمته
ام بدر:مررررره ما طلبت ورفجتك مايمرن يومين الا وانا محصله لك العروووس
الغصه عنده زادت وشكله خلااااص ماله مفر
مروان:انتي خيطي وانا بلبس
ومثل العزيمه صابت بدر وبدون تفكير التفت لامه:وانا اميه حددي معاهم الحفله متى ماتريدين
خاربه خاربه ....والي يصير ايصيييير
فرحت الام وتمت تدعولهم ان الله ييسر امورهم ويوفقهم
طلع بدر متوتر من قراره يعني كيف احدد يوم الحفله والزواج على قولتها باطل
اما مروان زادت عنده الضيقه وماحس انه سوا شي يطلعه من الحال الي اهو فيه

................................................

رجع خليفه البيت منوقت وحصل نوره واليازي والعيال في الصاله سلم عليهم كلهم وقعد قريب من نوره
التفتت له:تعشيت حبيبي
صاعقه لفته من راسه لريوله التفت الها وعيونه متخدره
وعضت شفايفها اتنبهه لنفسه
سحب نفس بصعوبه:لا يالغلا ماتعشيت
توها بتوقف مسكها من يدها
خليفه:تعالي ما اشتهي شي
نوره:في شوربه بتعجبك
خليفه:ماعليه بعدين الحين ما اشتهي شي
رجعت نوره وقعدت وهيه متوتره
التفت لليازي:رحتي اليوم اتصورين ريلج
اليازي:هييه صوروها وقالو الكسر التائم بس خلي الجبس بعد فتره
خليفه:اتجهزي باجر اليازي بوديج بيت اخويه راشد عمج محتشر عليج ليش ييتي اهنيه
اليازي:ماريد اروح اهناك
خليفه:لا تخافين بردج اهنيه بس بوديج اتسلمين على يدوه والبنات وعمج وعقب انا بتفاهم معاهم
اليازي:لااا انته تريد اتخلينيه عندهم
خليفه:والله ما اخليج
اليازي:زييين عيل بروح
حط خليفه يده على رقبته:ااااه اظاهر ظاربتنيه عصبه في رقبتيه
اليازي:خل حرمتك تهمزك ماشالله عندها خبره في المساج البارحه سوت لريليه مساج جنااان راح الويع الي فيها كله
ابتسم خليفه:لا ماعليه ماريد اتعبها
وقفت نوره:عادي احطلك زيت الزيتون
التفت الها وعورته رقبته:ااخ..هااه مادري عادي
راحت عنهم نوره وتمت اليازي اطالعه بابتسامه
خليفه:شبلاااج
اليازي:احس انكم تستحون من بعض
خليفه:هااه كيف بعد نستحي من بعضرجعت نوره وقعدت على الكرسي وطلبت امنه ايي يقد جدامها وهو على الارض
خلع سفرته وعقاله وحطهن على طرف وقرب لين ما صار قاعد جدامها
هوست على ايديها قوي عشان توقف الرجفه وتبدا اتسوي له المساج
اما اهو كان يحس ان قلبه بيطلع امنه لمجرد انها بتلمسه
مسحت نوره ايديها بازيتوحطت ايديها على رقبته وتمت تمسدها له
تنهد بصوت عالي وهو يغمض من ملمسها له ولانه حس ان الويع في طريقه للزوال ....شوي وتخدر من مساجها وغمض عيونه مرتخي على الاخر وشي صوته قوي حاشر الدنيا في صدره يرقع
نوره بخباثه يتها فجئه:حبيبي يعورك اهنيه
الكلمه ذبحته
خليفه:لااااا
نوره:اهنيه
خليفه:لااااافديتج
وهوست في مكان صرخ من شدة الويع:لااااااا ارجووووج ايعووور
نوره بابتسامه:مااااعليه استحمل اشوي وبتروح نهائيا
خليفه طلعت روووحه من المسكه
خليفه:خلاااص خلااااص الله يخليج
اليازي واليهال كانو يضحكون بصوت عالي
واخيرا بطلته والتفت الها وعيونه دايره في راسه
خليفه:انتي شو سويتي ابيه
ابتسمت له:مش احسن الحييين
خليفه:ااااه ايوالله راح الويع بس عقب شوووه عقب ما طلعت روحيه
نوره وهيه تقرب راسها امنه:سلامة روحك يا روحي
انتفض قلبه هذي قاعد تلعب ابيه زيين ماعليه
التفت خليفه وزحف لورا وحط راسه على ريولها ورفع رقبته فوق ايطالعها ومد يده ليدها وقربها من ثمه وفرد صبوعها وبدا بقبلاته من راس اصابعها نازل تحت في كف ايدها ونظره عندها في البدايه غمضت غيونها بسبب الرعشه الي صابتها
وخفق قلبه بقو لحركتها وذااااب في يدها وهو يقبلها اكثر
بتوتر وعيونها على اليهال واليازي الي كانت مبتسمه وتحاول اتصد بنظرات اليهال بعيد عنهم
نوره:خليفه يــ يــديه خااا يسه ززييت
خليفه وهو مغمض وشكله رايح فيها:فديت الزييت انا احلا زيييت
نوره وهيه تحاول تسحب يدها:حبييبي خلاااص عاده بطل
اعتدل في قعدته والتفت الها وبعده ماسك يدها وقام وقعد عدالها ومسك يدها الثانيه
خليفه:وهذي بعد ما قصرت لازم بعد تاخذ حقها ورفعها لثمه وبدا قبلاته في باطن كفها وعيونه عليها
عضت شفايفها من رجيفها وتوترهاوهزت له راسها بمعنى خلاااص لاكنه هز راسه اهو بعد بلااا
اول ماشافته بدا ياخذ اكثر من يدها رايح فوق سحبت يدها بسرعه ووقفت
نوره:خلااص عااد
ابتسم وهو يحس بروحه منتعشه من توترها واحمرار خدودها ومن النظرات المعصبه الي اطالعه ابها
مشكلته انه يعيش الحدث ويمتع نفسه فيه بدون ما يفكر في شي ثاني او يذكر وضعهم كيف
التفتت عنه وراحت
نوره:فطامي ياله تعالي ببدل لج
شلتها وراحت لقسم الضيوف
التفتت له اليازي بابتسامه خبيثه
اليازي:عميه اول مره ادري انك جذيه
خليفه تخربط:هااه شووو شو قصدج
رجعت والتفتت لليهال وبعدها مبتسمه:لا ماااشي سلااامتك

.................................................. .......

اليوم الثاني اخذ خليفه اليازي بيت اخوه ابو فهد وقضت عندهم بقية اليوم وكان فهد في هذا اليوم في دبي
ام بدر اتصلت عليهم وقالتلهم ان الحفله بتكون باجر وانها مجهزه كل شي روضه تمت مستغربه كيف هذا بعده مش فاااهم
على طووول راحت فوق واتصلت عليه كان في المكتب واول ما شاف الرقم قام واستاذن من الي عنده وطلع برا
بدر :هلاا
روضه:السلام عليكم
بدر:وعليكم السلام
روضه:انتو صدق بتسووون حفله
بدر:اظن انتي تدرين من قبل
روضه:بس انته ماقريت الرساله الي طرشتها لك
بدر:ومستانسه انتي على هالمعلومات
روضه:انا ما اعرف شي الموضوع يعتمد على نيتك يوم الملجه
بدر:ونيتج
روضه:المهم الحين شو الحل وبليز الحفله مالها داعي
بدر:انتي من شوووه متروعه الحفله مجرد حفله انا مابدخل عليج عقبها وايصير خييير عقب بنشوف شو بنسوي خلي انتي الحفله بس انتي تخلص
روضه:اكيد انك مابتدخل
بدر:كيف ادخل وانا مش عارف شو وضعيه معاج...اهيه بس بتكون حفله تماام ياله انا بسكر عنديه ناس في المكتب
وسكر عنها وهو مطمن انه بس بيسوي الحفله وعقب بيشوف حل لوضعهم
البنات اصرن على اليازي اتم لين اتخلص الحفله وبرضاها وافقت
خليفه:لا لا انا حلفت اردج
اليازي:باجر عميه برد معاك بس اريد اتم عشا ن الحفله
ابتسم الها:على راحتج
الكل استعد للحفله باجر وروضه مشت حالها طبيعي خذتلها فستان ايناسب ستايلها وتجهزت للحفله
كان خليفه في قسمه فوق وهو يكلم اميره
خليفه:هااه دليتي البيت
اميره:هييه عرفته واذا غلطنا بنتصل بك
خليفه:تبينيه امر اوديكم
اميره:صدق مابنكلف عليك
خليفه:افاااا يعني كيف اتكلفون عليه خليكو جاهزين بس
ونزل وهو يرتب سفرته وعند اخر سلمه طلعلهه نووور عاشا عيونه كانت نوره طالعه من قسم الضيوف وهيه لابسه فستان اصفر حرير صاك على جسمها ومن فوقه مثل البشت تور اصفر على حوافه اغصان متشابكه بالجلد الاسود وكان شكلها رهيييييب وشعرها مرفوع ونصه طايح وورود صفرا اتزين قمة راسها مع المكياج الي كان
ما عليه كلاااام
نوره بالتفاته منها له:ميناااااا تعالي خلصتي العباااه
مينا:ايوا ماماا بس شوي باقي
نوره:بسرعه الله يخليج
ريوله جمدت وما قدر يتحرك وهو متنح ايشوفها
والله انها عذااااب والمووووت
طلعو من القسم احمد وناصر وهم لابسين ومكورين السفر
نوره وهيه تلتفت الهم:خلصتو حبايبي وين خواتك خلصن
احمد وهو رايح لعمه :الحين بيطلعن....اييييه عميه شبلاااك فاتح ثمك
وجه خليفه نظره لاحمد وهو يضوق عيونه:انا ثميه مفتووووح
احمد:هههههه عيل ليش اتسوي جذيه وتصنم احمد مقلد حركة خليفه
خليفه:يا حمااار اصطلب
احمد:انزين شرايك في الكشخه ؟
خليفه توه اتذكر ان نوره واليهال بيروحون الحفله
خليفه وهو متوجه للطاوله الي عليها القهوه والشاي وشكله نسى اميره الي ترقبه:انتم بترووحون
احمد:نعاااااام بنروح وبنرزف وان عجبتنا العروس بنحير عليها يعني الانويصر بيحير اليازي حتى انا بحير بنات عميه
ابتسم خليفه وهو يشرب فنياله:كيف ايحير على اليازي وهيه ماخذه ولد عمها
وجه نظرها الها وهيه قاعده ترتب فستان دانوه المووووت والله انج المووووت بلانيه انا ماطلعت من الصبح
وقفت نوره وقربت منهم
نوره:ناصر شفت الدريول
ناصر:هييه ايقول خمس دقايق وبيي
خليفه وعيونه جدام:مع الدريول بتروحون
التفتت له وتلاقت نظراتها به:حد عندك غيره بيودينا؟
وقف وقرب منها وعيونه بتاكلها اكل:وانتي جذيه؟
نوره بنظرات تحدي:بعدنيه مالبست عباتيه ونقابيه
خليفه:انا الدريول ابااطرشه في حايه
نوره:قصدك يعني اننا مانرووح
خليفه:لااا انا بوديكم
احمد:هيييييه يعيش عميه
التفتت نوره للخدامه وخذت عباتها منها وشيلتها وغطاها وراحت للمنظره الي في الصاله ووقفت عندها تلبس العباه وعيونه تلحقها
ركضت دانوه عنده:عممميه شو رايك في فستانيه
نزل نظره الها:جنااااان
ونزل لمستواها وحبها:مو بس جناان الارهييييب تعرفين شو معنى رهيييييب انتي رهييييييبه رهيييبه رهييييبه وبتظلين دووووم رهيييبه
انتفضت نوره لتكراره هذي الكلمه وهيه تدري انه يقصد ابها شي ثاااني الوقح قاعد يلعب على اعصابيه هين انا برويك وان ما خليتك اتحلف ماتعيد هالوقاحه مره ثانيه ما اكون نوره
التفتت له:يعني انته الحين بتودينا
وقف مجابلنها:هيه لييش تسالين
طلعت نوره العطر من شنطتها :اذا معاك بتعطر من اهنيه
والتفتت تعطر نفسها والعطر ايفوووح في كل مكان وخليفه دوخ من ريحة العطر
وقرب منها لين صار واقف وراها وهمس
خليفه:يعني الدريول ممنوع وانا عااادي
حطت عيونها في عيونه وهيه اطالع المنظره وهزت راسها بنعم
خليفه:يعني رحمتي الدريول وانا مارحمتينيه
التفتت عنه ماتريد تعطيه مجال وايد يتكلم وهيه توجه كلامها للعيال
نوره:ياله اشوووف لبستو نعولكم
خليفه:ماجن عباتج هذي وايد خفيفه
نوره:بعدنيه ماطلعت بلبس فوقها عباه ثانيه غليضه
خطف خليفه من عدالهم رايح برا:انا برقبكم برا
اتصل على اميره واعتذر منها وقالها خلي الدريول ايكلمنيه اول ما يدخل المنطقه بدون مايقول الها سبب اعتذاره والله يستر بيتلاقن في الحفله ويا خوووفيه من حفله ثانيه اتصييير اهناك
ركب ناصر عداله والتفت له خليفه:وين خالتك
ناصر:اتقول بتركب ورا
خليفه:انزل انزل قبل لا احيس ذنك
نزل ناصربسرعهمتروع من عمه واول ما قربت نوره من السياره قالها ناصر انه بيركب ورا
ركبت عداله ورجع العطر ايدوخبه مره ثانيه
خليفه وهو يمشي بالسياره"هذي وين رايحه وهيه كاشخه جذيه ماغير ايصكونها بعين لا ان شالله
التفت الها:حصنتي البنات
نوره:هيييه
التفت جدام وبعد شوي
خليفه:لااازم الواحد ايحصن نفسه ترا العين حق والناس الحين مايعرفون يذكرون الله
نوره"هذا شو سالفته معقوله يقصدنيه انا اتحصن هههههه يا حليله

خليفه:هلا اميره هااه وصلتو زين اعطينيه الدريول
نوره"يا الله هذي بتحضر الحفله ليتنيه دريت جان ما عزمت الله يستر منها اهناك
بعد ما سكر عنهم
نوره:ليش ماقلت انها بتحضر الحفله
خليفه:ليييش؟
نوره:كان من الاحسن وحده بس الي تحضر
خليفه:مااادري مايا في باليه وبعدين انتن عاقلات هب يهال تيبن لعماركن المشاكل
نوره:والله انا ما احيد عمريه ياهل خلها اهيه تصك عنيه والتفتت ناحية الدريشه
مسك ابتسامته....الله يستر
اميره وصلت مع امها واختها موزه الحفله كانت في الحوش في الهواء الطلق
والمكان كان مرتب طاولات العشاء والكراسي موزعه في كل مكان وعليها سلال الخضره والمقبلات وعلى طرف الحوش مدو طاولات البوفيه الي كان عليها كل اصناف الاكل وباقات الورد موزعه في كل مكان وكان الجو عجييييب
ام بدر وام فهد كانن في الاستقبال واستقبلن اميره وامها مع اختهن وتوجهن لوحده من الطاولات وعيونهن اتفرفر في كل مكان ايشوفن شو موجود وشو مش موجووود
اميره بهمس لامها:اااه يا اميه شفتي حضيه كان في خاطريه حفله معتبره جذيه لاكن الله يغربلها بنت الذينا خربت عليه كل شي فارقت ويهها
مي كانت لابسه فستان حلو وخفيف وكانت اتدور بين الحضور اترحب بصديقاتها وقريباتها اما اليازي ماكانت راضيه عن شكلها بالعكازه ورفضت تطلع برا للحفله
نور تمت في المطبخ الداخلي اتساعد في تجهيز القهوه والمشروبات وفضلت ماتطلع برا وهيه لابسه دراعه خفيفه
في المجلس الداخلي كانت روضه وعندها صديقاتها ملتفات حوليها ومبهورات من عدالتها وقاعدات معاها ضحك وسوالف
وصل خليفه ويابهم عند الباب واتصل على ام فهد تستقبل نوره ولعيال ارتاحت نوره وهيه تسمعه يطلب من امفهد هذا بروحها كانت مفتشله وتقول يارب اشوف اليازي ولا نور جداميه اول ما ادخل
ام فهد طلعت برا وهيه ترحب:يامرحبا يامرحبا اسفرت وانورت حيالله بحرمة الغالي وعيال الغالي يا مرحبااابكم
استااانست نوره على الترحيب ودخلت داخل وخليفه واقف ايراقبهم لين اختفو طبعا الشباب كانو معاه والريايل كانو بانيين الهم خيمه قريبه من البيت اتوجه الها خليفه وين حشرة الشباب والرزيف
بعد ما دخلت نوره للحوش وسلمت على ام بدر وقفت على طرف وخلعت العباه الغليضه وطوتها والتفتت لام فهد
ام فهد وام بدر:ماشالله ماشالله تبارك الرحمن
ابتسمت نوره ومشت معاهن باتجاه الحضور
كانت مي واقفه ومبهوره بالبنت الي مع امها وام بدر قربت منهم وهمست لامها
مي:اميه منيه هذي
ام فهد:هذي حرمة عمج خليفه
مي:هاااه عيل منيه هذييج
نحزت ام فهد مي وهيه تقرصها وتسحبها صوبها:انجبي هذيج حرمته الثانيه هذي بنت خالة عيال اووه
مي:اوف اتجنن ماجذبت يزوووي بروح اقول الها
قربت ام بدر نوره لوحده من الطاولات ونادت لمقهويه اتقهويها وكانت اهناك عيوووون اتمنت تنشق الارض ولا اتشوف الي تشوفه
مسكت اميره يد موزه بقو وهوست قو
موزه:اااي فارقتج يديه
اميره:قهر والله انه قهر هذي شو يايبنها زييين زييين يا خليفه سويتها
ام اميره:تعوذي من ابليس ولا تفضحينا
اميره:شووو افضحج انا بموووووت خلاااص ما استحمل والله
موزه:اخخخخخ وهذي اهيه يوييييل حالك يا ولد خالتيه جدامه هالشمس وماتبونه يغلط الا انا متاكده ان علومه ضايعه ضايعه
اميره:يا حيوانه انكتمي انتي قاعده تقهرينيه
موزه:ابا اعرف انتي ليش دازه بويهج في السالفه وانتي ماتحبينه بس اتحاولين تخدعين نفسج انج احسن منها لا والله فرق بين السما والارض
اميره:حقييييره دواج في البيت هب اهنيه
ام اميره:مويز انتي ماتعرفين اتلمين ثمج فضحتينا
موزه بنظرات حقد لاختها الي دائمن امها اتفضلها عليها:والله انا اقول الصدق ماتبنيه ارمس بسكت امري لله المهم ادحب بطنيه من هالعيشه قبل لا تقولن ياله نرجع خسرنا المعركه
اميره:انجبي
موزه:انزين اختيه اخر ملاحضه هدي شويه الدخان طالع منج والعالم بدت اتشم الريحه
اميره:مرض
وقامت:انا بروح اعدل مكياجيه
موزه:خخخخخخخخخخ اتريد تتاكد من نفسها
اميره:ليتج الا ماييتي
موزه:ليتنيه الا مانولدت
الامر عادي عند موزه الي بدت تاكل من المقبلات متجاهله نظرات امها الي خطر عليها تعطيها كف
كل الي كانن حاضرات اعجبن بنوره وبدا السؤال عنها والتفت حوليها بعض الحريم ياخذن ويعطن معاها بالكلام
بعد ما خلص العشا طلعو روضه ومشوها اشوي بين الحضور ورجعوها داخل للميلس
اليازي نزلت تحت وراحت للمطبخ وحصلته خالي قعدت على الكرسي وطلبت من الخدامه تييب الها سلطة فروووت محد في المطبخ غيرها من الباب الخلفي طل فهد ودخل والتفتت له وتلاقت عيونهم الا انه تجاهلها وراح لين الباب اينادي الخدامه فجئه دخلت شلة بنات وصرخن اول ماشافنه منحرجات وطلعن بسرعه
ماحست اليازي بريلها الثانيه وهيه تهزها بتوتر بعد مالتفت فهد راجع وهو مبتسم والله الاستاذ مستانس شكله يوم شاف البنات اصلا اهو ليش يسمح لنفسه يدخل البيت وهو يدري ان في بنات
بعد ما طلع دخلن مره ثانيه وضاربنهن فضول يعرفنه
وحده من البنات:اليااازي شحالج ليش قاعده اهنيه ماطلعتي برا
بضيقة خاطر:مرتاحه اهنيه
البنت:اااه عشان ريلج ان شالله تقومين بالسلامه
اليازي بدون نفس:ان شالله
البنت:الا اقول اليازي منووو هذا الي كان اهنيه
اليازي:وانتن ليش تسالن عنه
البنت باحراج:هااه لا بس يعني فضيحه شافنا واحنا بدون عبايا
التفتت الهن وحطت عيونها في عيونهن:هذا ولد عميه زوووووجيه ارتحتن
وقامت ماسكه عكازتها وطلعت من المطبخ متوجهه لقسم يدتها اما البنات انحرجن بجد بعد ماعرفن انه زوجها
في قسم اليده حصلت اليازي نور ونوره والبنات الصغار بنات عمها واستانست ابهن
اليازي:فديييتكن انتن اهنيه

في الميلس وبعد ماطلعن صديقات روضه دخلت عليها امها
ام فهد:هااه وين رايحه
روضه:بروح قسم يدوه بشوف حرمة عميه خليفه البنات ينن عليها
ام فهد:تعالي اهنيه ام بدر راحت تتصل على ولدها عشان يدخل ايشوفج
روضه منصدمه:هاااه ايشوفنيه لاااا لا لا ليش ايشوفنيه اهو قد شافنيه خلاااص
ام فهد:شبلااااج تراج حرمته والريال ماعليه ان شافج مره ثانيه
روضه:لا اميه فديتج كيييف ايشوفنيه وانا جذيه لا لا انا ما اريده ايشوفنيه
من جهه ثانيه كانت ام بدر تحاول في بدر يدخل وهو واقف معاها عند باب الحوش
بدر:لحووووه يا اميه قلتلج انا مابدخل ليش اتسوين جذيه
ام بدر:يا ولديه شبلاااك اباك اتشوف حلالك والله انها اليوم اتجنن عنبوووه العالم كلها شافتها وانته مالك نصيب اتشوفها
بدر:بس انا يا اميه متفق معاج من البدايه انيه مابدخل يمكن هلها مايوز الهم
ام بدر:لا عادي كلهم قالو عادي
بدر وهو مش عارف شو يسوي كيف يدخل ايشوفها وبعده مش عارف اهيه حرمته ولا لا والله انها بلشه
بدر:اسف يا اميه

عصبت ام بدر:والله ان مادخلت انيه ما اكون راضيه عليك الييوم
في الميلس دخلت ام بدر اتشوف الطريق جدام ولدها
ام بدر:هااه ترا بدر بيدخل
روضه:عمتيه لالا فديتج
والتفتت لامها:اميه اريد عباه فستانيه عريااان الله ايخليج اريد عباه
ابتسمت ام بدر:ماعليييج تراج حلاااله اقرب فديتك محد جدامك الا حرمتك وعمتك
دخل بدر وهو متوتر ونزلت روضه راسها تحت وانتبهت انها نست انها عقت نعولها قبل اشوي يوم كانن البنات عندها ...الله يغربلهن نعول وين راحن
تقدم بدر وقلبه يرقع وسلم على عمته الي باركت له وعيونه رافضه تلتفت الها قربت امه منهم
ام بدر:هاه يابدر شرايك في عروسك
غصبا عنه التفت الها وياليته ما التفت اسرته وماقدر ايرد نظره عنها
دقت ام بدر ام فهد وانسحبن من الميلس
كانت واقفه على يمينه واول ماحس بامه وعمته طلعن التفت على يساره لاكنه دار دوره كامله ودار من وراها وهو يشوفها شعرها قصير واصل تحت اكتافها وملولو من تحت فستانها عسلي ومطرز بذهبي عريان من فوق بدون ايدين وكانت حاطه شال من التور الي والله انه ماستر شي
قرب منها وهو يتفحصها تمت اهيه منزله راسها تحت ياترا انا شو وضعيه معاك يابدر
وحست بشي خفيف ينسحب منها الشال شكله واقف وراها وقاعد يسحبه روحها طلعت مع سحبة الشال وسحبت نفس بصعوبه وهيه تحس انها بدون الشال...الوقح شو قاعد ايسوي
حط ايديه على اكتافها وانتفضت
قرب منها وهمس الها:هاااه اهدي ماصار شي
تم ايحرك ايديه على اكتافها العريانه
بدر:هذا واحنا ماندري بوضعنا لابسه جذيه
روضه:ارجوووك لا تقول جذيه انته قلت مابتدخل
بدر:وتلبسين جذيه
روضه:انا هذا ستايليه
لفها ناحيته وذاب على الغمازيه الي كانت واضحه
بدر:وكيف بيكون ستايلج يوم بنكون مع بعض
تمت ترتجف:شوو شووو قصدك
بدر وهو يلمها لحضنه ويرفعها:قصدي واااضح
تفاجئت روضه بقبلته الي خلتها ترتفع عن الارض وتلامس اطراف اصابعها الارض
بعد ماتركها حطت ايديها على ويههها وركضت ناحية الباب ولحقها مانعنها
بدر:تعالي اهنيه وين رايحه
روضه:انته شووو سويييت
بدر:انا اسف ماكان قصدي انا انا
احتااار ومسكها من اكتافها بقو:اسمعينيه انا الي قلتيه ما اعرف شو الحكم فيه بس اريدج تعرفين انيه مابطلق لو تنطبق الارض على السما مابطلق والاخ الي تفكرين فيه احذرج حتى من التفكير فيه انتي صرتي ملكيه وقريب بيصير العرس رضيتي او مارضيتي
تركها وطلع بسرعه وهو مستقرب من قراره الي اتخذه بدون تفكير على اقرب كرسي قعدت وهيه تنتفض
اما اهو دخل عند الشباب الي باقييين وشاف مروان فاتح له عيونه وانتبه لثوبه جدام لطعة رووج مسك طرف سفرته على اللطعه وقام متوجه للمغاسل لحقه مروان اهناك
مروان:يخرب بيتك هذي النتفه سوتبك جذيه
ابتسم بدر وهو يتراجع عن غسل الروج
بدر:بروح ابدل احسن
طلع عنه وتم مروان واقف وراح عقله عند مي

##
##
##
وديمه العطا

يعطيك الف الف الف عافيه زوزو على النقل

وتسلم يدينك وديمه على البارت

ههههههههه بصراحه بدر مووب صاحي يصدق بقووه وذابحه ذا الي تحبه ومشالله عليه الي ماتفشل من مروان لو احد في موقفه مات من الحراج

خليفه ونووره كل واحد بيحرق الثاني بنار الي يلعبوون فيهاا وبيصير حمل ثاني وبتزعل اميره وبيقول له زايد محولاته وبنفتك منهاا

ننتظرك بفارغ الصبر

جــ,ــ,ــودي

يسعد صباحك ΑĽžαεяαђ ..

زيد ونور ،، صدق لاقالو يرفس النعمه برجله ومرده لها وهذا هو ،، بدر وروضه ،، من اولها وانت كذا اجل وش تاليها هههه لا ويقالك الزواج باطل ،، يعطيك العافيه عالنقل ماننحرم ،، ويعطيك الف عافيه وديمه ،،


بإنتظار البارت الجاي