الزائــرة .. غاليتي ما تدريين وشلون تبهجني رؤية الأجزاء الجديدة اللي تنقلينها ..

عندي يسؤال محيرني ... الحين الغالية وديمة العطآ تتطلع على هذه الردود ؟؟

اممم بالنسبة لجديد القصة... فاجأتنا وديمة برؤية خليفة لنورة ( الصراحة تعبونا معهم .. لكن للاسف .. خليفة ندم بعد فوات الاواان ..) ومازلت للحين ما الوومه .. لأن لو نظرنا للموضوع من وجهة نظره راح يختلف.. بس ما يعني إني أنكر ظلمه لنورة .. صحيح ظلمها وكان أناني لما ما راعى مشاعرها .....بغض النظر عن معرفته بحرقها أو كبر سنها من عدمه .. عموما أتوقع أميرة راآح توسع تحركاتها بالفترة الجآآية إلين ما تفضح نفسها بنفسها ..

مممم ... نور .. قلنا عاقلة و زايد هواللي متهور .. لكن سبحان الله الطبع فيكم انتو الاثنين .. صدق ابنااء عمومة وهذا دليل عاااشر.. ضحكتني نوور بطلبها .. والاكثر ، صدمتني!!
أما زايد .. حلااته وهو يهدد وصوته بالياالله يطلع ومتكسر .. احلى موقف ...ههههه

اليازي مسكينه بس راسها يابس اتوقع اللي فيها خوف من الوحدة والم بسبب اليتم .. وردة فعلها تكون عكسية من الضعف اللي فيها وتحاول تظهر عكسه بعناد.. ان شاء الله فهد بيكتشف هالشي ويقدره ويعرف يتعامل معها..

ممم مروان مع ان شخصيته عجييبة ، لكن ما اعجبني تفكيره وتصرفاته ... أتوقع مي لازم تفووق وتصحى ،،
بالفعل حالتها متوااردة .. عشان كذا البنت افضل شي لما تبلغ تبدأ بالتواري خلف الحجاب والتستر عن الاجانب والمفروض نبدأ نعودها على هالشي ..

مشكورة وديمة غاليتنا على الابداع الممتع والاكثر من مميز ... مستمرة وبقوة .. ثابري ونحن معك .. ننتظر إبداعك بشوق لا يجف ..

والزائرة شكرا لك مراراً على ايصالك أجزاء القصة لنا.. والسموحة منك على الرد التعباان .. مو نآآيمة مثل النآآس ،، ان شاء الله الجايآآت افضل ..

في حفظ الرحمن

"نــــــــــــــــــــــور"

الجزء التاسع عشر

نور:حمدلله على سلااامتك طهور ان شاالله
زايد تم ايطالعها بدون ماترمش عينه
نور:زيد يجب ان نتزوج كي استطيع ان اسافر معك
غمض زااايد عيونه قو ومن بين ضروسه طلع صوته وهو ينادي خليفه
زايد:خ.....خـ.........لــ...يـييييـ...فه التفت الهم خليفه وقرب بسرعه
خليفه:شووووه يا زااايد
زايد:طـ طـــ.....ط....لــعهاااااا بـ....بــــــــــراااااااا ...ولا...بــــ...قووووم وبــــــ....ذبحهااااااا
ابتسم خليفه ولف ناحية نور ومسكها من اكتافها وقادها برا
خليفه:تعالي يا نور
نور:عماااه انتظر يجب عليه ان يسمعني
خليفه:يا نور بعدين اهو الحين ما يستحمل حد يكلمه
نور وهيهاطالع خليفه برا:عماااه يجب ان تقنعه بان يتزوجني اريد السفر معه انا لن ادعه يذهب لوحده اريد الذهاب معه
خليفه بابتسامه:نووور انتي شو تقولين زايد مستحيييل حد يقدر يكلمه في الموضوع هذا انتي لا تشلين همه انا بروح معاه
نور:لا عماااه اريد الذهاب معه لا اريد ان اتركه ...لا اريد ان ابقى وحيده كما انه في حاجتي رجوتك بالله يا عماااه ان تشير عليه بامر زواجنا
بعدها خليفه ابتسامته على شفايفه:ماعليه يا نور بحاول
نور:يجب ان تقنعه عماااه اسالك بالله ان تفعل ذالك
خليفه:ماعليه
تمت نور عقب في الاستراحه التابعه للمستشفي وهيه متوجهه بالدعا ان زايد ما يرفض الطلب
وبعد فتره قرب خليفه من زايد الي كانت نظراته مثيته في السقف
خليفه:اخبااارك يا زااايد؟
زايد: مـ متاااا ا ال السفرررر
خليفه:قريب ان شالله يومين ثلاثه انخلص المعاملااات ويكون كل شي جاااهز
زايد:بـ بدر و ووييين
خليفه:والله بدر قاعد ايراكض بين الشركه والمستشفي وابشرك كرسيك بعده فاضي قدرنا ناخذ مهله بما انك الوحيد المستحق للكرسي مدة شهرين لين تفتك وعقب بيكملون الانتخاباات
زايد رجع اطالع السقف ومارد على خليفه
خليفه:زاايد
التفت له بنظراته
خليفه:سفرتنا يمكن اطول ..وانا وبدر ما بنقصر معااك بنتناوب ان شالله عليك بس بعد يا زاايد انته محتاج لحد قريب منك يعتني بك
زايد:ا الـ الزبببده
خليفه:نوور نوور مصره اتريد اتروح معاااك ومصره انكم تملجون علشان اتم منك قريبه دوووم
زايد:انــــــــــا زااايـ يــــــــد تبااا اانيه ا اخـ اخـذ بـ بنت الباكــباكستااانيييييه
خليفه:لحوووه يا زايد تراها بنت عمك
زايد:تــ تهـــااابيييي مش مش فييي حاااايتتتتهااا
خليفه:فكر يا زااايد فيها وبتشوف انها من مصلحتك
زايد:اا اطل اطلع برااااا وانقلع م ماااارييييد اشوووف و ويييهك
ضحك خليفه:زييين ...هد اعصاابك الحين بطلع
طلع خليفه وهو يضحك ويحمد الله ان زايد بعده حي وماعليه من اسلوبه الزفت المهم انه بعده بينهم
كلم نور وقاللها انه مش راضي
نور وعيونها قريب تدمع:لن اتراجع عما اريد سوف اقنعه مهما كان
خليفه:يا نور اهو الحين تعبان خليه ترااه مش متقبل وضعه
نور بعصبيه:ولاااكنني اريد الذهاب معه
خليفه:انزين شو المشكله انا معاج وانا محرمج بتكونين معايه
نور:لا يا عماااه يجب ان اكون منه قريبه جدا هو في حاجتي انه لا يستطيع الحركه ولا المشي
انا اقرب اليه من اي انسان اخر وهو في حاااجة من يعتني به ...عمااااه انته تفهم ما اعني يجب ان يوافق على طلبي
خليفه:ما عليه خليه اهو يفكر في الموضوع على راحته واكيد انه بيوافق عقب
نور:ارجو ذلك
كثرت المحاولات على زايد في اليوم الثاني عشان يرضى بالزواج من نور وكل ما كلمه حد تم ايصارخ عليه ويطرده من الغرفه حتى بدر الي عجبته الفكره
تم ايكلمه وما استحى امنه في توضيح اشيا واايد بيكون زايد فيها ان تكون حرمه قريبه امنه تعتني فيه ابها
بدر:يا زااايد عناية الحرمه غييير وهذي بنت عمك متبرعه بنفسها اتكون قريبه منك ...واسال مروان يوم كان مسوي الحادث محد قدر يستحمل يتم عنده غير اميه اهيه الوحيده الي ارتاح الها وكان الها بارض في اكله وشربه
وعنايته
زايد وخلااااص وصلت عنده:مش فيييي حااااية ححد ا انقلعوووو ك كلكم
بدر:عيل تبا اتم في عناية الاجنبيات
زايد:اطـــــــــــــــــل لع براااااااااااااااااااااا
في خااااطره ايقوووم ويكفخهم كلهم لاكنه ماااايقدر مربوووووط جسمه كله مايحس فيه لاكن بيبطون بنت الباكستانيه اخذها اتم على هالحااال ولا اكون في حايتها
حتى الجده كان الها دور في اقناااعه هدت عليه وقالتله ان ماخذت نور انا بروح معاااك وانا ما اقهر السفر سكت زايد عنها وتم مغمض عيونه مايريد يغلط في حق يدته
زايد:ا اذاا تـتبااا اتسيييير خـخلوووهاااا اتـ اتسييير بس ما باااخذهاااا
خليفه:اتقول بدون ملجه ماتقدر اترووح
زايد:ان انتوو ما مااا تـ تدرووون لـ ليييش اهيه تبا نيه ا املل املج عا علاااا شااان تــ تورثن تورثنيه اذااا مت
خليفه:لاااا يازايد شو هالكلااام لبنيه نيتها صااافيه
زايد:يـ يدوووه هاذي نييييتهاااا ترااا
الجده:لا يا ولديه محشومه بنت عمك عن هالتفكير لبنيه ما همها غيرك
كانت نور وراهم قاعده على الكرسي وتمت منصدمه من تفكيره
غمض زايد عيونه رافض اي نقاااش معاهم وعقب ما طلعو عنه وقفت نور وتمت تمشي ناحيته ودخل خليفه اشار الها تتركه في حاله لاكنها رفضت وقربت امنه
فتح زايد عيونه وتم ايطالعها
نور:هل تعلم يا بن عمي انني وريثتك الوحيده من غير زواج...هل تعلم بانني لو ادق عنقك الان سوف تؤؤؤل كل املاكك
لي بصفتي قريبتك الوحيده المستحقه لاملاكك
انا لا اريد فلسا واحدا مماتملك وانا على استعداد بان اتنازل عن كل ما استطيع وراثته مقابل ان اتزوجك
زايد:ط ـطــ طلعيييي براااااااااا
نور:انك رجلا متعجرف وتملك من الغرور مالا يملكه احدا سووواك تبا لك ولهذا الكبر الذي تمتلكه
كان مضوق عيونه وهو ايطالعها بغيض ايريد بس يده تمسكها من رقبتها عشان يعرف يسكتها
نور:اسمعني جيدا انا اريد السفر معك وسوف اسافر رضيت ام ابيت ولن اسافر الا وانا زوجتك وبعد ان ينتهي العلاج افعل بي ما تشا تستطيع ان ترسلني من هناك الى دياري لا يهمني الامر
ولاكن اعلم بانك لن توفق في سفرك هذا مالم تتزوجني
زايد:جــــــــــــــب انتي كـ كله مــ منج انااااا ســ سوييييت الـــ حاااادثثث د دعــ دعييييتي عـ علييييه بالخساااااره
والــ والحييين تبييينيه امووووت قـــ قبل لااا اساااااافر
نور بنظرات مستهتره:حـــــــــــــقا
زايد:با برااااا يـــ ياااابنت البااااكستاااانييييه انااااا ما ماااا اتت اتنزل اخذ ب بنتت الباااكستااانيييه
نور :تبا لك انك حقا احمق سليط اللسان لو انقطع لسانك بدل ان تكون طريح الفراش لكان ذالك اهون
زايد:بر براااااااا طـ طلعووووووهاااااااا براااااااااا
دخل الدكتور وتم ايصارخ عليهم لان الضغط ارتفع عنده
نور وهيه طالعه:لا عليك ايها الدكتور هذا حاله منذو ان ولدته امه لا تخشى عليه
زايد وعيونه طايره باتجاهها وهيه طالعه:بــ بذبحهههاااااا
................................................
رجع خليفه البيت وحيله منهد من كثر ما كان واقف مع زايد الي ما وقف صريح
اول ما دخل البيت اتفاجئ باميره قاعده باستقباله وهيه عاقه الشيله ومتمكيجه وكانت صابغه شعرها بلون ذهبي صااارخ مش مناااسب الها
اميره وهيه توقف:خلييييفه اخيرا ييت تعبت من الانتظار
خليفه:اميره
عيونه جالت في المكان وما شاااف حد غيرها
خليفه:انتي من متى اهنيه وليش ما سوييتي اليه تيلفون؟
اميره بدلع:كنت اريد اسويييلك مفاجئه
خليفه:حد لقيتي اهنيه؟
اميره:اممممم شقصدك بحد حد تقصد غير الخدامااات ؟
خليفه:اقصد الخدامات طبعا
اميره:هيييه حصلتهن مع فطامي فديييتها من الصبح وانا الاعبها الا وييين خالتها مش اتقول اهيه اهنيه عشان اطالع عيال اختها اشووف الخدامات الي مهتمات باليهااال؟
خليفه:اميره ممكن ما نتكلم في هالموضوع
اميره:هيييه انته عادي عندك انا انحرق مش مشكله
خليفه:اميره انا عقب يومين بسافر
اميره:بهالسرعه حبيبي؟
خليفه:شو اسوي
دخلت نوره اليايه من برا وهيه شاله دانووه وقف خليفه بسرعه وهيه لابسه العباه والشيله والنقااب
خليفه وهو مفزوووع:شبلاااها؟
نوره:ما شي طاحت في المدرسه ورحت ايبها الحمدلله ريلها ما فيها شي
شل خليفه دانه منها وراح صوب الكراسي وحطها وهو يشوف ريلها الي فيها شويه جروح
خليفه:فديييتج ليش حبيبي تركضين قوي؟
دانوه:البنااات عقونيه
خليفه:ما عليه باجر انا بروح وبشتكي عليهم عند الشرطه
دانوه:لااا خالوه اتقول الله يسامحهم ...ماعليه الله يسامحهم
خليفه وهو يحضنها:فدييييتج الله يسامحهم ويسامح الجميع
نوره وهيه تقرب منهم واميره ميييته من القهر بعد ما شافت نوره اتعق النقاااب
نوره:حبيبتي ياله انروح داخل
وقف خليفه وشلها:انا بوديها
التفت عنهن واتجه لقسم الضيوف الي تحت التفتت نوره لاميره وتمت اطالعها مستقربه ليش بدون حجاب
اميره بمكر:خليييفه قااالج اننا ملجنا ؟
نوره:قال اليه ولا ما قااال كله واحد
اميره بغيض :تعالي اهنيه انتي ليش تتكلمين معايه جذيه شوووه حاااقده؟
نوره:على شوووه اللهم لك الحمد والشكر
التفتت عنها نوره واتوجهت للقسم وراحت للغرفه الي خصصوها للبنات الي انتقلن تحت عند نوره
خليفه قعد عدال دانوه وتم ايعق نعولها وجواربها وتمت نوره وراهم اطالعهم وهيه تفصخ العباه والشيله وقربت منهم وهيه تلم شعرها بالشباكه شكلها اليوم مثييير
وغيييير من امس ما شافها
نوره:دن دن ايبلج عصير وسندويج
هزت راسها بنعم
نوره :اوكيه بروح ايبلج لا تعبين عموووه بالدلع الزااايد عرب برا يرقبونه
وقف خليفه والتفت ناحيتها وبابتسامه ماكره طالعته والتفتت طالعه
مرت نوره من جدام اميره بشكلها الملفت وهيه بدون شي وماااااتت من القهر اكثر اميره
واول ما قرب خليفه منها تمت اتصيييح
خليفه:شبلااااج؟
اميره:انته وين رحت وخليتنيه معاها ؟
خليفه:ليييش شو صااار؟
اميره وهيه تتلفت ادور عباتها وشيلتها:انا بروح مش قاااعده اهنيه وهذي تتكلم معايه بالحقاااره هذي
خليفه:امييره شبلاااج شو صاااربالضبط وشو قالتلج؟
اميره قعدت اتصيييح:ماشي ما قااالت اليه شي
نوره وهيه ماره شاله الصنيه
خليفه:نوووره شو الي صار بينج وبين اميره؟
التفتت له نوره باستغراب وطاحت عينها على اميره وهيه تصييح:شوووه؟
خليفه:اميره ليش اتصييح شو قلتيلها؟
تمت نوره اطالعه بنظرات تذبح وهيه مستغربه منهم وهزت راسها:ما سويت الها شي
خليفه:بتصيييح من فراغ
وجهت نوره نظرها لاميره:سوووري ما ادري ان المدام حساسه وااايد ولا ماتكلمنا معاها خلاااص المره اليايه بتم سايلنت عشان ما نجرح شعورها اي طلبات ثانيه
خليفه انصدم من ردها وتم ايطالعها عرفت انه ملج واسلوبها في الكلام غييير ياترا شو صار بينهن؟
نوره:ممكن اروح اودي العصير لدانوه؟
خليفه وبعده ايطالعها التفتت عنه وراحت
رجع والتفت لاميره:شفت شفت اسلوبها الوقح في الكلااام ..اهيه ليش تتكلم معااايه جذيه انا شو سويييت الها يعني عشانيه
صرت زوجتك وهذا من حقيه قبلها تجلب عليه جذيه عيل كيف تبانا انعيش باجر مع بعض؟
غمض خليفه عيونه مش عاارف بشوه ايرد عليها ولا شو يسوي
طلعت نوره وهيه ماسكه سفرت خليفه الي نساها امس
نوره:يا مينا تعالي شلي سفرت سيير غسليها"حركة نذاله...حليلها موصااايه"ّ
طالعتهم بنظره ورجعت داخل بعد ما شلت الخدامه السفره
اميره طلعت عيونها:شو تسوي سفرتك عندها؟
تخربط خليفه:هااه سفرتيه هذيه سفرتيه عليه
اميره:الي شلتها الخدامه الحييين خليفه انته اتبات عندها؟
خليفه:لااا اميره وبعدين خلاااص عاده احنا انتهينا من الموضوع هذا
اميره:عيل شو تسوي سفرتك عندها انته تبا تضحك عليه مثل اول لا يا حبيبي انا مش عنز نفس المره الي فاااتت
خليفه:يابنت الحلااال سفرتيه اكيد نسيتها في حجرة اليهااال
اميره رجعت تقعد وهيه تصييح:حرام عليك يا خليفه تحرق قلبيه اكثر من جذيه انا ادريبكم تبون تتخلصون منيه باي طريقه
خليفه:يا اميره يا اميره وبعديييييين مع هالحاااال شو الي يرضيييج يعني؟
اميره :خلها تتركنيه في حاليه وماتثير غيرتيه كل شوي؟
خليفه:خليييج بعيد عنها وبترتاحييين
اميره:يا سلاااام هذا البيت بيتيه مش بيتها اهيه بتنعق في الملحق
خليفه:وبعدييييين بعدنا على هالكلااام خلاااص عاده فضيها سيره
سكتت اميره وتمت تكتم شهقاتها بحركات قطعت قلب خليفه
قرب منها:خلاص عاااده
عقت بعمرها على طووول في حضنه وتمت اتصيييح
طلعت نوره ورقع قلبها بقو للمشهد الي شافته وهيه متوجهه للمطبخ وانتبه الها خليفه والتفت ناحيتها مرت وهيه شاله الصنيه وتوجهت للمطبخ ما يدري ليش حس انه في وضع غلط واتمنى ان نوره ما شافته بالوضع هذا
اميره عجبها الحضن وتمت ماخذه راحتها غياض لنوره ولا طاعت ترفع نفسها وخليفه تمنى انها اتقوم قبل لا ترجع نوره للقسم
قطعه صغيره من الفلفل كلتها نوره عشان تلتهي ابها عن الي يصير برا وتنشغل بحرارتها
نوره وهيه تهب الفلفل:اه اه اه مييينا بسررررعه هاتيييي ماااااي
مينا:مداااام شو فييي؟
نوره:ماي ماي كوكلي اه اه
الخدامه وهيه تركض بالماي انزلقت وطاحت على الطرف الي فيييه الصواني وصاااارت ضجه كبيييره في المطبخ
وكل شي ايطيح على الارض مسوي صوت عااالي
ركض خليفه بسرعه للمطبخ ووراه اميره لان الخدامه صرخت ولحقتها صرخت نوره والخدامه الثانيه
وقف خليفه مذهول عند باب المطبخ وعيونه على الخدامه الي طاحت والثانيه واقفه اتساعدها
لف بنظره لنوره الي قاعده عند طاولة الطعام الصغيره الي في المطبخ وانفجرت نوره تضحك بصوت عاااالي
وهيه تتذكر الي صار قبل اشوي ومن كثر ما ضحكت حطت ايديها على ويهها اتحاول تهدا لاكن مافي فاااايده الضحكه ما طاااعت اتفج منها حتى الخدامات رجعن يتضاحكن
عرف خليفه شو صار بالضبط وابتسم وهو يحاول انه ما يضحك وخصوصا ان نوره يننته بضحكتها
قامت نوره وقربت من الخداامه وقعدت قريب منها على الارض وهيه بعدها تضحك ويدها على فمها تحاول وتحاول تسكت لاكن ما قدرت
نوره:م مـ ميييي ههههههههههه مينا هههههههههههه الله يغربلج شو سويييييتي هههههههه
تعدت اميره خليفه ودخلت المطبخ:شو قلت الادب هذيييي شو هالمصااااخه؟
التفتت نوره لاميره وصفقت بيديها مع بعض وقعدت على الارض مستسلمه لضحكتها والخدامات يتضاحكن من ضحكتها
اميره بغيض:وبعدييييييين؟
قدرت اخيرا نوره تسكت وهيه تشييير بايديها بلاااا ما اقدر اتكلم لانها قالت لخليفه المره اليايه بتم سايلنت لاكنها بعد ما قدرت ورجعت تضحك
ماااااتت من القهر التفتت لخليفه وطلعت بسرعه راحت للصاله خذت عباتها وشيلتها وطلعت وهيهه تلبسهن اما خليفه فضل ايتم واقف مستمتع بشكلها وهيه تضحك وكل شوي خبطت الخدامه على راسها
نوره:هههههه الله يغربلج كسرتيييي المواااااعييين ههههههه
ما يدري ليش خليفه حس ان ضحكتها هذي فيها شي من القهر وشي في صدرها كاتمتنه تحاول اطلعه
قرب منها ونزل وشلها وهيه بعده تضحك وتحاول تضربه علىصدره يتركها
خليفه:اشششششش خلاااااااص بس من الضحك
نوره:ههههههه المينوووونه انزلقت ههههههه
خليفه توجه لقسم الضيوف سيده لغرفتها وحطها على السريربعد ما كشف اللحاف اهيه على طول التفتت عنه وسحبت اللحاف وتغطت به مانعه انه يشوف دموعها الي بدت تنزل
وقف خليفه ايطالعها ويحس برجفتها من تحت اللحاف ايحس انه بيمووووووت من حالها
كشفت نوره شوي من اللحاف:اطلع براااا وسكر الباااب
خليفه تم واقف وريوله تسحبه عشان يطلع هذي الانسانه اول مره يتعااامل معاها انسانه غير عن الانسانه الي كان يتحسبها وصلت للثلاثين هذي بعدها طفله
وطفولتها توها بدت تطلع ويمكن كانت موجوده بس ماانتبه الها ااااااه الرحمه ياربييييي والله احس انيه مكتف وما اعرف شو اسوي
طلع بصعوبه وسكر الباب وراح للصاله وتم قااااعد مستغرب ان تفكيره عند نوره وما افتكر في الي طلعت معصبه
.................................................. .....................
فترة العصر رجع خليفه عند زايد الي قلت المحاولات عليه للعصبيه الزايده الي تعرض الها
اما نور ما استسلمت واجتهدت بالدعا اكثر ان الله يسخره ويوافق وطلبت من خليفه انه يرتب لسفرها في حال وافق زايد اتكون اهيه جاهزه
على المسا نزلت اليازي الساعه وحده المطبخ وهيه تحس بجوع وتفاجئت بالي قاعد يطبخ قربت امنه مستغربه
اليازي:فــــــــهد شو تسوي
التفت الها:ايعااان واسويليه بيض وطماط
اليازي:الحين فليل
فهد:شو اسوي
تمت اليازي تتلفت:معناه ماشي اكل
فهد:انتي ايعانه بعد
اليازي:امممم يعني
فهد:ازيدلج؟
اليازي:لاااا حد ياكل هذا فليل
فهد:المهم عيشه
مسك فهد الملاحه وفتحها كامله وتوه بيحط ملح انفتحت الملاحه وانجب الملح كله صرخ
فهد:لاااااااا
التفتت اليازي للغاز وضحكت:هههههه تستاااهل
ابتسم فهد:مش مشكله امبونيه متعايز اروح كوخ البرجر اخذليه وجبه بس الحين تنشطت وبروح
سكتت اليازي:ماحب اكله
فهد وهو يعق المقلى ويروح ايغسل ايديه:صدق!!!؟ عيل شو تحبين
اليازي:لييييش؟
فهد:يعني يمكن افكر اعزمج ونروح نتعشى برا؟
اليازي:تطنز؟
التفت الها وهو يسند ايديه على الرخام وراه:اذا عزمتج بكون عند كلمتيه
اليازي:هيييه هذا اذا عزمتنيه وانته اكيد ما بتعزم؟
فهــد:اذا كانو العرب الي بعزمهم بيلبون الدعوه اكيد بعزمهم
اليازي بقصد انها تستفزه:وشو المشكله انهم ما يلبونها؟
فهد:النحاسه الي فيهم
تمت اطالعه بقهر:جرب مابتخسر شي
ابتسم فهد:اوكيه تسمحين اتروحين معايه نتعشى برا
التفتت عنه بتطلع وولع نار وهو يمسكها ويلفها ناحيته بغيض:الياااازي
اليازي:بروح اييب عباتيه وشيلتيه ولا تبانيه اروح جذيه
هدا شوي فهد:يعني ماتعرفين قبل اتقولين انزين
تمت اطالعه وتنتظره يترك يدها
فهد:ياله روحي بنتظرج في السياره وشوي شوي لاتخلين حديدريبج ولا تسحبيليه ميوه ورويض ترا ما شي سيره عقب
التفتت عنه وراحت ...وقف فهد عند المرايه الكبيره الي في المدخل وكان لابس كندوره سودا وسفره حمرا وتم يكور سفرته
نزلت اليازي بعد مالبست عباتها المسكره ولفت شيلتها على راسها وتوجهو للسياره بسرعه
في السياره:ماشي غشوه ياليازي
اليازي:بتغشى بشيلتيه
فهد:بروحها شيلتج صغيره شو بتغطي
اليازي:خلاص انزين رجعنيه ماريد اروح
فهد:بنروح مابرجع بس المره اليايه انتبهي وخليها دائما مع عباتج
اليازي:امــــــــر يعني هذا؟
سكت فهد وتم ومارد عليها ومسك الشارع الي يودي للكورنيش
اليازي:ويين بنروح
فهد:اهنيه قريب
اليازي:المارينا؟
ابتسم فهد:وماشي مناك الا المارينا
ماتدري ليش اليازي حست بشعور غريب وهم يمشون على الشارع والشارع خالي الا من بعض السيارات
توجه معاها لمطعم السفينه وحجز مكام منعزل مثل الكبينه وراحلها السياره وقالها تنزل
اليازي:وييين؟
فهد:تعالي انزلي
كانت متردده وشي غريب عليها اول مانزلت مسكها من يدها حاولت تسحبها لاكنه مسكها بقو
ومشاها معاه...في الكبينه
فهد:تعالي اقعدي وعقي غشوتج محد اهنيه ايشوفج
اليازي وعيونها مبهوره والدريشه اطل على البحر
اليازي:احنا ويييين
فهد:في السفينه
اليازي:هاااه؟
فهد:ما قد ييتي اهنيه
طالعته بنظره ورجعت اطالع تحت
فهد:يزوي اذا تبين اتعقين عباتج وشيلج عقيهن عاادي
بنظراتها الي كانت اتشوفه ابها سالته شوووه اتريد تختبرنيه زييين
وقفت وعقت العباه والشيله وصنفتهن
فتحت شعرها ورتبته وخلته مفتوح غياااااظ بتشوفه شو بيسوي
اما فهد وهو ايطالعها مع اضاءة الشموع كان مبهور ابها بحركات عيونها الي فيهن تحدي
ابتسم ونزل راسه تحت وهو يمسك المنيوم فهم الها ولتفكيرها
فهد:شو تبينا نطلب
اليازي:مادري؟
فهد:تبين باستا بالخضروات ولا بالدياي؟
اليازي:اممم بالدياي
فهد:وبعد شو تبين
فتحت اليازي المنيوم واختارت كذا نوع بعد من السلطات والمقبلات
فهد:بس
اليازي:بس كم باكل بعد؟
فهد:انزييين
قام فهد وطلع وعقب شوي رجع وتم ايطالعها وعيونها اطالع برا وكل ما التفتت له انه ايطالعها صدت بنظرها برا
بدت اتحس بتوتر وتندمت انه وافقت اتروح معاه ياترا اهو ليش قال الها اتروح معاه اكيد ايريد يختبرها
التفتت له:متى بنرجع؟
فهد:اليازي تونا يايين عدنا ماتعشينا
اليازي:انا ما اريد عشى رجعنيه البيت
فهد:اليــــــــــازي لعب عيال اهو اقعدي لين انخلص
رجعت اليازي وقعدت..المره هذي صد عنها فهد بنظره للشموع الي جدامه
رن تيلفونه وشله وكلمه واحد من ربعه
فهد:انا عند الكاسر انتو وييين؟.....خلاص عيل اكيد بتلاقى معاكم وانا طالع عند الكورنيش طيب طيب
اليازي:شوووه؟
فهد:ماااشي؟
حطو العشى وتعشى فهد
فهد:اليازي اتعشي ياله والله انا ماييت اهنيه الا علشانج
اليازي مدت يدها للشوكه وهيه تقول في خاطرها جذاااب تضحك عليه
بعد ما خلصو من العشا طلعو وشكل فهد كان على عيله اول ما طلعو من الشارع الي راجع من الكاسر كانت جدامهم مسيره
للشباب لفوز المنتخب
التفت فهد لورا وسحب سفره حمرا كانت ورا اعطاها اليازي
فهد وهو يتلثم بسفرته
فهد:يزوي البسي السفره وتلثمي ابها وخذي النظرات هذي البسيهن بندخل المسيره
اليازي متفاجئه:هاااه؟
فهد:البسيها ماعليييج انتي لابسه عباه بيتحسبونها كندوره سودا
اليازي:ا انا ما ما اعرف
فهد:انتي اتلثمي ابها وخلااااص
لفت اليازي السفره على راسها وتلثمت ابها واعطاها فهد نظرات لبستهن وكانت بوووووي
على طول فهد دخل بين المسيره وهو يهرن معاهم اليازي اندهشت من الي يسونه في المسيره وكيف العالم مندمجه ويهيصون ونصف الشباب فوق السيارات واشكالهم غريبه بدت اتحس بالوناسه وبراحه انها ماتسوي هذا الشي من وراهم
فهد معاها وسامح الها بهذا الشي
فهد:تبين اتشوفييين لاعبين المنتخب التفتي عدالج
وبالفعل التفتت اليازي وكانو في باص مظهرين روسهم من الدرايش الكل في زيطه وزنبليطه
الله يهديهم بس المهم يزوي استانست
ومثل ما دخلو المسيره فجئه طلعو منها فجئه ومسك فهد الشارع الي يرجعهم للبيت
سكر الدرايش وعقت اليازي السفره:جناااااان اجوااء غريبه ماكنت متخيلتنها جذيه
ابتسم فهد انها عبرت عن وناستها
اليازي:يااااي بحر رويض اهيه الي تحب اتابع المباريات بقول الها شفت المنتخب
فهد:وبتقولين الها انج كنتي معايه؟
سكتت وماردت عليه وقريب البيت التفتت له
اليازي:الا شو نتيجت الاختبار؟
فهد:اي اختبار؟
اليازي:يعني انته مودنيه معاك لله مش نيتك تختبرنيه عشان باجر اتقول لعميه والله انا وديتها وماعارضت وصار وصار وصار وانا ما اتشرف اتكون حرمتيه
تم فهد ايطالعها:اقول انزلي انزلي
نزلت وصفقت بالباب بقو وركضت داخل
فهد:اوففففف الهم طولج ياروووح ...مافي فايده
.................................................. ....................................
نزل خليفه من فوق وشاف نوره مع لعيال اتريقهم شعرها مفتوح وشكله خرسان مانشفته زييين هذا غير ريحة العطر التابع للمستحضرات الي يابهن الها اتفوح في المكان
تمت مشغوله اتسوي السندويجات وتصبلهم حليب ومش معطيتنه ويه خليفه تم ايفكر هذي شو سالفتها متسبحه على هالصبح في البرد هذا ناويه تذبحنيه الحين
عيونه مافارقتها وهيه لاهيه مع اليهال نظراته تتبعها في كل حركه اتسويها وكل شوي الخدامه تي وتاخذ حد من اليهال اتوديه السياره لين ماقربو كلهم ايروحون اتلاقت نظراتها معاه
خليفه:ليش متسبحه في هالبرد؟
التفتت له:فطامي زاعت عليه
رجعت اتخلص شغلتها وعقب التفتت له وخلت عيونها مثبته في عيونه تساله ليش حسيت باثاره وانا جذيه
رد عليها بعيونه الا انا منثار وخاااالص
نزلت عيونه عنه بسرعه وشلت فطامي وهيه تقول في خاطرها عيل الشرده نص المريله
وعلى طوووول راحت لقسم الضيوف وقفلت الباب عليهن
خليفه بعد ماخلص ترتيبات الجوازات والفيز رجع لزايد في المسا على اساس السفر ايكون باجر وقال انه بيحاول معاه في موضوع نور
خليفه:زااايد مافكرت في الملجه
تم زايد ساكت ومارد عليه
خليفه:يا زايد ماشي باقي عن السفر ...ماشي وقت والمسكينه منحرقه اتقول الا تقنعونه
زايد:خلهاااا ات اتوليييييي
خليفه:زايد والله ان نور محد شراتها انته لو تحصلك حد غيرها مثلها محد بيهتم فيييك لو شفتها انته عقب الحادث شو سوت طول الليل والنهار مجتهده بالدعاء ويومين اتيي اهنيه تقرا علييك البقره
زايد:مـ محد قاااالهاااا
خليفه:كله كان عشانك
زايد:يــ يوووووووه تــتراااكم اذيييتوووونيه بالساااالفه هذي
عصب خليفه عليه:انته المفروض اتحمد الله وتشكره الي نجاااك بفضلها وفضل قرايتها عليك ليل ونهار الا مستقوي ولا كان شي صااار لك
ولا تفكر انك خلاااص نجيت من الموت انته مجبل على عمليه بتحدد مصيرك ياتعيش طبيعي مثل الناس ياتنشل وطالع عاده عقب منوه بيتم معاااك
زايد:اطلع برااااااااااا
دخل بدر عليهم
خليفه:هاه يابدر خلصت كل شي
بدر وهو مقهووور:لااا الطياره مش جاهزه لازم اندور طياره خاصه غيرهاا
خليفه:لحووووه الصبح قالو كل شي فيها زييين
زايد:هــ هـــاذي اهيه هــ هاذي حوباتهااااا قالت مابتسااافر الا وانا معااااك سر سر هااااتها وخلصوووونيه اريد اسااافر واخلص
بدر:شو تقصد يا زايد
زايد:نوووور هاتها وهات المليج خلصوووونيه
ابتسم خليفه:اخيرا اقتنعت
زايد :هييه اقتنعت لانيه ا اد ادري ان انيه مابساااافر الا وهيه لاااازم اتسااافر الكلبه والله لا ارويها نجوم القااااايله اهنااااك
بدر وخليفه ضحكو واستانسو انه وافق اخيرا في اليوم الثاني يابو المليج ويابو نور وبعد الملجه طلع الشيخ وتم زايد يسمع الكل ايبارك لنور الي كانت تضحك وترد عليهم
زايد:نـ نوووور
التفتت ناحيته ورفعت غطاها بعد ما طلع الكل
زايد:تـ تتحسبييين انتييي كل شييي خلص مـ ماااعليييه برويييج انا عقب شـ شغلج بطلع الشعررر الابييض من رااااسج
ابتسمت واهيه اطالعه:لا يهمني المهم ان ابقى الى جانبك
زايد وهو يغمض عيونه:مــماااعليييه بتعرفييين عمرج عقب...ي يالله اطلعيييي براااا فاااارجي
التفتت عنه نور وهيه مبتسمه وكلااامه مثل العسل على قلبها
##
##
##
ودمتم وديمه العطا

السلام عليكم

ودوم يعطيك الف عافيه ماقصرتي بارت ولا اروع

اليوم البارت يبرد القلب لاخر حد سلمت يمناك يابنت زايد

اول شئ احب اتكلم عنه هو نوره وخليفه
لبى قلبك يا النوري وربي اليوم بردتي قلبي فى العله خميره الله لايبارك فيه ( ياجعلها بالساحق الماحق والبلا المتلاحق ههههههههههههه
تدرون اللي موتني ضحك خميروه قال اسش صابغه شعرها يعني يعني بتفتن خليفووه ياشيخه اقضبي ارضك الرجال قده رايح فيها من فتنه النوري بس ارتاحي ولاعاد تعتبين بابهم

بس عورني قلبي عليك على النوري والموقف اللي صار في المطبخ وربي حسيت فيها بقوه احيانا من شده الحزن الانسان يفرغها بخفت دم زايده او ضحكه مبالغ فيها
وصدق الشاعر اللي يقول
ماكل من يضحك مع الناس مبسوط يا كثر من يضحك ونفسه حزينه
*************
اليازيه وفهد
للان انا عند وجهه نظري بالنسبه لك يا اليازيه انها انسانه فاقده للحنان وطول عمرها ماحد قد حسسها بالحنان وهي الان تفسر تصرفات فهد انه يبي منها شئ او عامل لها اختبار
فهد انت بديت معها تاخذ الاتجاه الصح بس يبي لك صبر ومثابره لين توصل للي تبيه
*********
زايد ونور
ونور وطلبها منه
اشوفه جد عادي لو نظرنا له من منظور نور مو من منظورنا احنا في مجتمعات اول ما يحكمها هو العادات والتقاليد حتى في بعض الاحيان يقدمونها على الدين (رائئ بالتفصيل كتبته في الملتقى
******
ودوم لم كل الشكر على انتظامك في التنزيل
الزائره مشكوره على جهودك في النقل
تحيااااااااااااتي