"نــــــــــــــــــــــــــور"
الجزء الخامس

كان خليفه راجع البيت ومعاه نوره بعد ما انهى موضوع الملجه...نوره كانت قاعده عداله
ومرهووبه من الي صار ومن وجودها معاه في السياره...كانت امنزله راسها تحت ودقات قلبها
الي اغرمت بالريال الي قاعد عدالها اتزيد واتزيد"يارب ساعدنيه المفروض ما احس بالاحساس هذا
الزواج هذا زواج مصلحه لازم ما انجرف ورا عواطفيه بس شو اسوي هذا مش راضي ايوقف من الدق"
الساعه كانت الحادية عشر رن تيلفون خليفه ورفعه لاذنه
خليفه بصوت تعبان:الوووو
زايد:انته وين اليوم؟
خليفه :موجود
زايد:اليهال ملعوزينك؟
خليفه:لااا
زايد :تعال اليه خلنا انفكر في المصيبه الي بتوصل باجر شو بنسوي فيها؟
خليفه:زايد انا تعباااان وماليه خاطر على شي...بعدين انته متى قد خذت شور حد في اتخاذ قراراتك
زايد:خليفه....هذي مصيييييبه مب اي شي عااادي...لازم افكر في كل شي واشوف اي اقتراح يرضيني
خليفه:انته ابخص بعمرك انا الاحوال الي عنديه تكفينيه
زايد:ياللـــــــــــــــــــــه يهالوووه مسوين لك سااالفه...اقلع الخدمات عندهم وريح راسك
خليفه:باجر بمر عليك وبقولك كل شي...الله ايعين بس
حست نوره من كلامه انه مثل الي طاحت على راسه مصيبه
وصل خليفه ونوره للفله الصغيره الي يملكها خليفه صح انها صغيره لاكنها رووووعه في الديكورات والتصميم والاثاث الموجود فيها
كل شي راقي وقمه في الروووووعه
دخلت نوره وانبهرت بالبيت الي يدل على ذوق راعيه الرفيع كانت نظراتها اتجول في كل شي
ولع خليفه الانوار
خليفه:تعالي
مشت معاه اول شي في الممر الي يطلع على صاله كبيره متوزعه في انحاءها اطقم كراسي
وفي نصف الصاله كان سلم كبير ايودي على فوق
خليفه:هذا الممر ايودي للمطبخ وعداله غرفة الطعام وغرفه صغيره للتلفزون
من الجهه هذي في مجلس كبير يعني للعزايم الي تصير داخل غير مجليس الريايل الي برا
وفي صاله بعد للقعده اليوميه مطله على الحديقه وبرجة السباحه من هذا الصوب
خليفه وهو ملتفت لاحد البيبان:تعالي
لحقته نوره
خليفه وهو واقف جدام الباب بعد ما طلعو امنه:اهنيه باذن الله ببني قسم كبير خاص لج وللعيال عشان تاخذون راحتكم فيه
هزت نوره راسها بشويش
خليفه:يالله تعالي انروح فوق برويج غرفتج الي بتمين فيها حاليا لين نبني القسم
صعد خليفه السلم بسرعه وهو يخلع سفرته وعقاله وتركهن في ايده ولحقته نوره
وفوق كانت في صاله كبيره رابطه بجميع الاقسام
او الغرف
فر خليفه السفره والعقال على الكنب الي جدامه
وكانت نوره اطالعه من فتحت نقابها مبهوره فيه وبشكله الي تحس ان قلبها عورها من احساسها بعبق رجولته
تخللت اصابع خليفه شعره وهو واقف ياشر الها على الغرف
خليفه:غرفة العيال هذي والغرفه الي عدالها للبنات والي عدالهن فاضيه قلت للخدمات ايخلنها للعب لان ما كان فيها اثاث
وانا ترستها الهم العاب....هذي الغرفه فاضيه تقدرين تاخذينها لج
نوره:بتم مع لعيال
خليفه:افضل اتكونين في غرفه بروحج لانيه احب اقعد معاهم قبل لا يرقدون
سكتت نوره وهيه تهز راسها وتنزله تحت
خليفه:وووهذي غرفتيه
رفعت نوره راسها وشافت ان اقرب غرفه لغرفته هيه غرفتها خذت نفس وتمت ساكته
خليفه:تعالي شوفي غرفتج
نوره:خلنا اول شي انشوف لعيال
خليفه:طيب
دخلت نوره غرفة ناصر واحمد وشافتهم رقود بعدها طلعو وراحو لغرفة البنات وحصلو الخدامتين قاعدات ويحاولن
فطامي الصغيره ترقد
على طول اندفعت نوره للصغيره وخذتها من ايديهن
نوره:خلاص روحن انا بتم عندهن
الخدمات كانن متعجبات منيه هذي اشار الهن خليفه انهن ايروحن
نوره:فطامي فديت روحج تولهت عليج والله
حضنت نوره فطامي وتمت اتهزها بحنان وكل شوي اتقبلها
ضحكت فطامي اول ما عرفت نوره ومدت يدها اتريد اتعق النقاب
نوره:لاااا حبيبتي عيب
فطامي:ماما نووووونه
كان خليفه واقف وهو مبتسم
خليفه:عرفتج؟
نوره :همممم فدييييتها هذي بنتيه
ماترقد الا عنديه واسمحليه برقدها عنديه
خليفه:صار يابنت الحلال المهم ترقد...لحقونيه برويج الغرفه
تبعت نوره خليفه وهيه شاله فطامي وحاضنتنها واعجبتها الغرفه وايد
خليفه:شنطتج تحت ؟بروح ايبها
نوره:لاا خلك انا بروح ايبها
خليفه:لا لا مايصير ثواني واكون عندكو
قعدت نوره على طرف السرير واهيه اطالع الغرفه الرهيبه مثل راعي هالبيت"اوووف يارب مايستمر هالشعور"
دخل خليفه وحط الشنطه
خليفه:تبون شي قبل لا اروح ارقد...اهنيه في الطرف الثاني في مطبخ تحضيري صغير اذا تريدين ماي ولا شي
نوره:مشكووور وماتقصر والله ما اعرف وين اودي جميلك
ابتسم خليفه:اي جميل انتي نسيتي انج ريحتيني من هم اليهال يالله تصبحون على خير
نوره:وانته من اهله
تمدد خليفه على فراشه وزفر وهو ايفكر ياترى شو بتكون ردة فعل اميره اذا درت
.................................................. ......................
في اليوم الثاني وصلت طيارة بدر ومعاه نـــــــــــــور وقريبها الي ما رضت نور اتسافر الا وهو معاها
وصلو في الساعات الاولى من الصباح ودع قريب نور في المطار نور وراح مع واحد من ربعه الي يا واستقبله
وصل بدر نور لبيت زايد وما حب يخبر زايد بموعد وصولهم
دخل بدر للفله داخل ونده على هنيه الي كانت صاحيه من وقت وهنيه طول الاسبوع اتكون في الفله الا اخره اتروح عند زوجها وعيالها
هنيه:ايوا يا استاد بدر
بدر:هنيه هذي نـــــور اظن زايد قالج عنها
هنيه:الخدامه الجديده
بدر باستغراب:هو قاال؟
هنيه:ايوااا دا أألي انها بنت باكستانيه ودي باين عليها هيه من لبسها
بدر:هااه مادري المهم انا وصلتها وانتي عليج الباقي وتراها اظن ماتعرف عربي
كانت نــــــــــور بلبس البنجاب مع لبس العباة الي تغطي راسها لين نصف ساقها وعند منطقة العيون
بقعه مخرمه عشان تقدر منها اتشوف زين
خذت هنيه نور وودتها معاها للملحق
اما نور فكانت عيونها اتجول في كل ارجا القصر الي ماتخيلت انها بتدخله"واشتاقت روحها لقصور الجنه اذا هذه قصور الدنيا التي ماتسوا جناح باعوضه فكيف هيه
قصور الجنه"
هنيه:انته ...اييجي من هنا هينا سوي في نوووم معلوم يعني شووو نوم يعنييييي ازي اتقوليها يابنت ياهنيه
نوووم يعني كده سوي سلييب
هزت نور راسها علامة الفهم
هنيه:دانتي كويسه يا اختي ...بسي دا بتروووووم
يو معلوم انجلش
هزت نور راسها بنعم
هنيه:مي نووو انجليش
رفعت نور العباه الي عليها وهيه مبتسمه وتنحت هنيه من الي شافته واتفاجئت وااااايد
.................................................. ................
طول خليفه النووم لانه البارحه ما رقد الا متاخر وهو ايفكر هل الخطوه الي اتخذها صح ولا غلط
صحى من النوم وبعد ما بدل وجهز نزل تحت وحصل نوره والعيال في غرفة الطعام ونوره واقفه اتسويلهم سندويجات
استانس خليفه يوم شافهم ياكلون
خليفه:صبااح الخير
نوره والشعور الغريب يرجع الها:صباح النور حياك افطر مع لعيال
كانت لابسه جلابيه مخوره و يلال وعليهن النقاب الي قررت انها ما بتخلعه
خليفه:ياسلااااام اليوم يعني اشوفكم تاكلون
قعد خليفه وهو ايوزع قبلاته على الجميع قربت نوره منه
نوره:اصبلك حليب؟
رفع راسه الها:هاااه لا خليج انا بصب
نوره:وانا ليش واقفه
ابتسم خليفه ورجع ايطالع عيال اخوه الي حسهم اليوم غير
حطت نوره الحليب
نوره:اسويلك انته بعد معاهم سندويج
خليفه:لا لا لا ما يحتاي انا بتريق بروحيه
احمد:خالوتيه اتسوي احلى سندويج في الدنيا
خليفه:وااااال في الدنيا عيل سويليه....خلونيه اطعمه كيف طعمه هذا؟
نوره:اتفضل ولو سمحت ما اريد اي بقايا للسندويج صح حبايبي
العيال :هييييه
خليفه:وليييييه شو هالسندويج وين بقدر اكله انا بروحيه
احمد:عاادي تراه على قدك صح خالوه
ابتسمت نوره ورجعت تقعد عدال هند
تمو لعيال ايطالعون خليفه ويحثونه ياكل السندويج
خليفه:لا طالعونيه جذيه لا تخافون باكله
وتم خليفه فترة الضحى مع عيال اخوه ونوره وهو يسولف معاهم ويضحكهم
.................................................. ............
روضه:الياااازي بتنزلين تحت
اليازي:هيه
روضه:فديتج وصلي تمثال الكرستال هذا تحت
اليازي وهيه تاخذ التمثال وهيه تنظرله باعجاب:رهيييب حق منو؟
روضه:مال فهووود فاز به في سباق الفروسيه الي في دبي...اهو يريده متصل عليه وقال طرشيه الميلس
حاولت اليازي تخفي ابتسامه خبيثه كانت اتريد تبتسمها وخذت التمثال ونزلت تحت قبل لا توصل السلمه الاخيره سمعت صوت فهد في الهول
ولحقه صوت التمثال وهو يتكسر على السراميك
ركض فهد ناحية الصوت وفتح عيونه بوسعهن
فهد:شو سويييييييتي؟
اليازي وهيه اطالعه بنظرات مرتبكه وخايفه ولامه ايديها لحضنها:ما ما مش قصدي هو بر وووحه طااااح
صرخ عليها:كذاااااابه
ابو فهد:فـــــــــــــــــهد
ركضت اليازي بسرعه صوب عمها واندست وراه
اليازي:عميه قوله ما يضربنيه انا مش قاصده اعقه بروحه طاح من ايديه
فهــــــد:كذاااابه انتي قاصده
اليازي:عميه لا تخليه يضربنيه
وبدت بعدها اليازي اتصيح
كان فهد نازل على الارض ايشوف كيف التمثال اتكسر
ابو فهد:خلاااص يابنتيه مابيضربج
فهد:والله يبالها اتكسير راس على الي سوته
ابو فهد:فــــــــــــــــــهد
قام فهد ومر من عدالهم وهو يطالعها بنظرات متحلفه
اليازي:عميه تراه يتحلف اليه يظربنيه ارجوووك خلنيه اروح بيت خالتيه انا ما اريد اقعد اهنيه
ابو فهد بحزم:انسي اتروحين بيت خالتج ومالج مكان الا اهنيه وفهد انا بكلمه مابيضربج
تركها وراح ومسحت عقبها اليازي دموع التماسيح واهيه اتقول في خاطرها"بعدك يا فهد ما شفت شي والله لا اخليك تندم انك مديت يدك عليه"
.................................................. ........
نزل زايد من فوق واتوجه للمكان الي يحب يقعد دائما فيه في البلكونه المطله على الحديقه
واهناك دائما يفطر
قربت امنه هنيه وحطت صنية الفطور
هنيه:صباح الفل يا باااشه
زايد:ما دااااني ريحة الفل كم مره قايللج لا تقوليليه صباح الفل
هنيه:دا الفل ريحته جناااان ازي مابتحبهااااش؟
زايد:هنيييييه حطي الصنيه واتوكلي
هنيه:حااااظر انته انهارده مش عارفه فيك ايه
زايد:وبعديييييين
هنيه:طيب طيب
التفتت هنيه رايحه بعدها رجعت والتفتت له
هنيه:يا بااااشه بخصوص الخدامه الجدييده اعملها اييه
زايد بنفاد صبر:لحوووووه يا هنيه بلاج انتي اليوم لعواااز سويلها الي تبينه ...عندج البيت وصرفيها في اي شي
هنيه:طيب وانا مااالي
مشت هنيه رايحه وصرخ عليها زايد
زايد:تعالي اهنيه....اي خدامه الي تتكلمين عنها؟
هنيه:البنت البكستانيه الي جابها الاستاد بدر
وقف زايد والشرر يطاير من عيونه
زايد بصراااخ:وليش ما تقولين جذيه من البدايه
اتعدى زايد هنيه رايح داخل
زايد والغضب متملكنه:انا بروييييج فيها هذي يايه حضرتها تتحدانيه اهنيه وايد واثقه من نفسها انها بتحصل حلال ابوها جدامها
كف واحد على ويهها بذكرها بحليب امها
لاكنه اتدارك نفسه ووقف والتفت لهنيه
زايد:تعالي انتي اهنيه
اقتربت هنيه وهيه ترتجف:ايواا ياباااشه
زايد:شووووفي العله الي عندج داخل ياويييييلج تسمعين ياويييييلج وياسوااااااد ليلج ان شفتها اهنيه في الفله
تسمعين ان شفت بس زولها بتتسفرين انتي ووريلج وعيالج ...تفهمين
هنيه وهيه مرعوووبه:ايوا ايوا يابااااشه من عنيه من عنيه واللـــــــــــــــــــــــــــه
زايد:شووووفي ترا ان شفتها بذبحها وبقول انج انتي الي ذبحتيها
هنيه:يلهوي ليه يا باااشه هيه فيها ايه
زايد:جب انتي مالج خص تفهميييين
هنيه:حاظر حاظر الي انته عايزه كله ماشي يا خرااااشي
مشى زايد وهو ايحس بحراره تطلع من جسمه وقعد على الكنب الي في الصاله الكبيره وبعده ايفكر
اقتربت هنيه
هنيه:يا يااا يا باشه اجيب لك الفطاااار
وقف زايد وهو يصرخ:اي فطار وانتي سديتي نفسيه على هالصبح الله ايسد نفسها ونفسج فووووقها
طلع زايد من الفله بخطوات سريعه ركب سيارته وصفق بالباب وعلى سرعه عاليه مطلع صوووت عالي سمعه كل الخدم الي في الفله
اما نور فكانت اطالعه من فتحات المشربيه الخشبيه الي تفصل مدخل الخدم عن بقية الفله
وكانت مستغربه هو ليش ايصارخ اول ما شافته بدء قلبها بالخفقان لانها تعرفه وشاااافت له صور وايد في المجلات والجرايد
ومافي صوره نزلت الا واحضرنها الها صديقاتها الي كانن يستانسن يوم ايشوفن ويهها يحمر اول ما تشوفه
خطت نور خطوه معلنه وجودها وصرخت هنيه وهيه تركض ناحيتها
هنيه:يلهويييييييييي يلهوي يالهوي يابنت انتي عايزه تاطعي عيشي امشي يابنت امشي ادامي
خلي النهارده يعدي على خيييير
امسكت هنيه نور وجرتها وراها في الممر الطويل الي اخره ملحق الخدم ونور اطالع هنيه مستغربه تصرفها
.................................................. .........................................
كان مروان وبدر قعود مع امهم الي ماعندها غيرهم ويسولفون معاهاطالع بدر مروان وابتسم
مروان:هااه شبلاك اليوم اتوزع ابتسامات
بدر:مستصيب منك ومن لبسك هذا
مروان:يا اخي انا مرتاح في لبسيه هذا
بدر:والعقيد ما يقولك شي
ضحك مروان:ههههه هو كل مره ايي ايريد يتكلم في الموضوع هذا ايحصلنيه ضارب حد ويخون عقبها مسكين
بدر:يعني تدري انه ممنوع
مروان:اوووه وانا شعليه
بدر:خلك بلبسك لك هيبه
مروان:انا اباهم طبيعي معايه عشان اشوف الي مش مسوليه سالفه اصفقه على علباه هههه
لبس مروان واكثر اوقاته بالشورت والفانيلات الكت.... طويل...عريض... شعره ملامس اكتافه
اما بدر صاحب الشخصيه الهاديه فهو طويل بعد بس انحف من مروان شوي واجمل اسم على مسمى
ام بدر:ياعياليه البيت كلنيه دووووم بروحيه متى بتعرسون
واشوف عيالكو
مروان:هذا العوديوزيه اهو اول اما انا واحد مرتاح ماليه في صدعة الراس
ام بدر:شصدعة راسه يا ولديه
مروان:انا مرتاح الحين اروح ايبليه وحده تاكل قلبيه وين رايح ومن وين ياي واليهال امرض وودنا السوق وسفرنا
ام بدر:لحوووووول يا ولديه وهذا الي صارفنك عن العرس هذي يا ولديه مسؤلياتك والريال يوم بيحصل بنت الحلال
الي تعزه وايعزها اكيد انه بيسوي كل هذا من خاطره
مروان:انزين يوزي ولدج هذا اول شي
التفتت ام بدر لبدر الي كان مبتسم
ام بدر:هاه يابدر ترا لبنيه موجوده
مروان:صدق اميه من بنته ووين ساكنه ومنو هلها وحلوه ولا لا؟
ضحك بدر بصوت عالي
ام بدر:الحين منو الي ما يبا العرس
مروان:ا ا ا انا قصدي يعني اشوف حرمة اخويه اتيوز له ولا لا
ام بدر:انته قم سر شغلك وخلنيه انا اشاور بدر على راحتيه
مروان:ليش وانا ماتريدون شوريه؟
ام بدر:قم قم انا لو مفتكه من مشوراتك جان اخوك من زمان معرس
.................................................. ...............................
خليفه راح لبيت خالته وفتح موضوع زواجه مع خالته وريلها وقالهم اسبابه وان اميره ابدا مش متعاونه معاه في موضوع عيال اخوه واضطر ايسوي الي سواه وانه عده عنده رغبه في اميره
والزوجه هذيج بس زوجه بالاسم ...خالته وزوجها تفهمو الموضوع وقالوله انهم بيكلمون اميره اما اميره فبعد ما عرفت
شلت الدنيا وحطتها ورفضت اتكلم خليفه ...خليفه اتضايق وايد من ردة فعل اميره وكمل يومين ما يروح البيت الا متاخر واذا قام على طول طلع بدون ما يفطر
وكان مرتاح على عيال اخوه دام ان خالتهم معاهم
زايد بعد اكثر اوقاته في الشركه وترتيبات الانتخابات والقاءات في محاوله امنه ينسى سالفة بنت عمه الي عنده في البيت
وكان كاره انه يتذكر سالفتها...اما بدر فتم يومين ايفكر في البنت الي اختارتها امه ويفكر في وضعه وانه وصل الثلاثين ولازم يستقر ويكون بيت لاكن هل البنت مناسبه له؟
الخطبه صارت بعد يومين كانت ردة فعل زايد انه تم ساكت ما عرف شو يقول لبدر؟وفي بيت خال زايد ابو فهد كان زايد ومروان وعم
بدر وبدر عند ابو فهد
ام فهد:اليازي
اليازي:لبيه عمتيه
ام فهد:فديتج سيري ازقري اليه رويض
كانت روضه نازله تناقز وهيه اتغني
ام فهد:حسبي الله على بليس قصري حسج يا بنيه عندنا ريايل
روضه:واللـــــــــــــــــه اكيد خطاطيب قولي حق منووووه؟
ام فهد:انتي يابنيه ماتستحين على ويهج؟
روضه:اي مستحى ياميه خلص وقت المستحى الحين العالم اطورت قولي يالله حق منووو الخطاطيب؟
ام فهد واهيه اطالع اليازي ضحكت روضه واهيه تقعد على الكرسي
روضه:اووووه عادي عادي ارمسي اميه
هزت ام فهد راسها:ماقول غير لاحول ولا قوة الابالله
روضه:هم خطاطيب صح؟
ام فهد:هيه خطاطيب
روضه قامت وقعدت عدال امها وبصوت عالي:صدق عااااده؟
ام فهد:يعنيه افارق ويهج اقطعي ذالحس
روضه:اميه فديييييييتج حق منوووه اكيد انا ولا اليازي؟
فتحت اليازي عيونها وهزت راسها بلااا
ام فهد:انا ما برمس ابوج بيي وهو الي بيقول
روضه:لااااا اميه فديييتج قوليليه منووووه؟
ام فهد:يعلج الشفاحه استحي يابنيه
روضه:فديييييتج اميه انا انا صح
ام فهد بتردد:هاه ا ا هيه
وقفت روضه:صدق حقيه اخ اخ احس قلبيه وقف
ضحكت اليازي وكان فهد داخل مار رايح فوق وبطرف عينه كان ايطالعها لاكنه كمل طريقه فوق
روضه:فديييييييتج اميه ارمسي قولي منوووه؟
ام فهد:ابوج عقب بيقول
روضه:لا اميه الحين قولي
ام فهد شافت انه ماله داعي تنتظر ريلها:هذولا خطاطيب ياين حقج والمعرس اسمه بدر
فتحت روضه عيونها مستغربه من الاسم
روضه:بدر!!!؟ منووه هذا بدر؟
ام فهد:هيييييه هذا ريال والنعم فيه كل لبنيات ودهن ايبن راسه
روضه بضيقة خاطر:انزين عاده منووووه؟
ام فهد بوناسه:هذا صديق زايد ومحاميه
روضه:اممممميه خافي ربج
ام فهد:بسم الله عليه من زمان خايفه ربيه
روضه بعصبيه:انا تبونيه اخذ هذاالشيبه؟
ام فهد فتحت عيونه:شابت ركبج يالحمار...بدر شيبه
روضه:ان شالله شوه عيل هب اتقولين محامي الشيخ زااايد بن محمد
ام فهد:رويض قصري حسج الريايل بعدهم في الميلس
رويض:وانا شعليه منهم خلهم يسمعون انا هذا بدر ما ابااااه شووو هالاسم بدر انتو متاكدين انه مواطن
ام فهد:حسبي الله ونعم الوكيل انقلعي فوق انقلعي
روضه:لا ما بنقلع قولي حق ابويه انا مش موافقه ...وياويلكم ان قربتوه والله لا افضحكم
ام فهد قربت اتين:خسج الله ابنيه وطي صوتج
زايد وهو داخل ووراه خليفه صرخ عليها:رويـــــــــــــــــض
التفتت روضه لزايد:نعــــــــــم
وكتفت ايديها
زايد:شو هالزعيق الي تزاعقينه
روضه:محاميك هذا الي يايبنه خله يتوكل انا مش موافقه
زايد:جـــــــــــــــــــــــب
تم زايد ايطالعها وعيونه يطلع منها الشرار..ام فهد تمنت ان الارض تنشق وتبلعها
روضه حست برجفه تتمالكها وبصوت مرتعش:انا مش موافقه...
زايد:انتي تنجبين وتسكتين .....حمدي ربج واشكريه انج مضويه راس بدر
روضه بانفعال وصوت اعلى:عاده انا ما اريده .....ما اريد واحد شيبه
تقدم زايد خطوه جدام منفعل منها وخاطره يعطيها كف على ويهها:جــــــــــب اقولج
لاكن خليفه مسكه واعترض طريقه
روضه:هيه شيبه الا هوه جانه محاميك
خليفه:يارويض بدر من سنانا
روضه:ليش انتو تتحسبون عماركم هب شوااب
زايد:يعنيه افارق ويهج اقولج جب والله ان مسكتج اليوم ان محد ايفجج من يديه
روضه:انا ماليه خص ...قلتلكم مش موافقه...انا بعدنيه صغيره ويوم بتزوج باخذليه واحد في سنيه يفهمنيه وافهمه مش شييييبه
ومحامي يغبش غبشه ويرقد الساعه تسع
ولع زايد على الاخر وكان على وشك انه يمسكها الا ان خليفه بالقو يره عنها
زايد:وقسما بالله انيه اليوم ادفنج يعنيه افارق ويهج ...انتي ظفره بدر ماتسوينه وانتي الي ما تستاهلينه يالكلبه
روضه صابتها حاله انهيار وتمت اتصارخ :ماريييييده قلت مارييييده
زايد:غصبا عنج بتاخذينه وريلج فوق راسج وانا بعرف اربيج من اول ويديد يالحيوانه
التفت زايد معصب وراح لغرفة يدته عشان يقدر ايهدي اعصابه قبل لايروح الميلس
خليفه تقدمت امنه اليازي وسلمت عليه عقبها التفت لروضه:وانتي مابتين اتسلمين عليه
روضه:خل المعرس هذا الي يايبينه ينقلع اول شي برا عقب بسلم عليك
خليفه:ياروضه بدر ريال والنعم فيه كل بنت اتحلم فيه
روضه:الا انا انا هالنوعيه ماتعجبنيه
خليفه:كيف اتحكمين على الريال وانتي ماتعرفينه
روضه:شووو اعرف بعد اكثرمن انه محامي ....اكيد يعني ظارب بالنظرات وشال في يده اربع وعشرين ساعه شنطه سودا اخ انا محب جذيه
خليفه في خاطره يضحك وهو يتخيل صدق شكل بدر جذيه لاكن الموقف مايسمح انه يضحك
خليفه:رويض لاتحكمين على الناس بس من خلال مسمى
روضه:انا مش موافقه وانتهى الموضوع وبعدين هذا زايد شو خصه كل شي لازم يعني يتحكم فيه
ام فهد:حسبي الله عليج ابنيه فضحتينا
روضه:عاده انتي كله ولا الشيخ زايد لاحد ايقوله شي هي كلمه اخيره انا الريال هذا ماااابااااه شيبه
انا الي باخذه واحد شباب من سنايه
التفتت عنهم روضه وراحت فوق
في الوقت هذا كان بدر ومروان عند المغاسل وسمعو نص الكلام همس مروان في اذن بدر
مروان:يااااهل قلتلك ياهل
بدر:شوتبانيه اسوي باختيار امك
مروان:زين الحين شو بتسوي
بدر:الله كريم ..بتصرف انا عقب
لحق خليفه زايد لقسم العيوز حرمة ابوه ولقى زايد في الصاله الي تابعه لغرفة الجده وكان مدخن من الغيض
خليفه:وين عمتيه
زايد:بعدها داخل الحين بتي ....الكلبه رويض والله انه لوما غلات بدر عنديه انيه اقولها انقلعي في ستين داهيه
لاكن بدر غالي عنديه وما يهون عليه اقوله لبنيه ما تصلح لك وباجر توصله رمسه انها اهيه الي مش موافقه...يعل اتشيب ركبها بدر شيبه
خليفه:هههه حتى انا وانته طلعنا شواب
طلعت الجده وقام خليفه قرب منها وحبها على راسها
خليفه:شحالج عمووه
الجده:بخييير ....وييين من زمان مالك حس
خليفه:موجود فديتج
الجده:عيال اخوك يبتهم بيتك؟
خليفه:هيه فديتج
الجده:وبنت خالتك متى بتعرس وتاخذها تروح اتحاضي عيال اخوك
تبادل خليفه مع زايد النظرات ورجع ايقول
خليفه:الله كريم يا عمتيه...انا ملجت على خالة لعيال لبنيه مالها حد ومنيه عشان اتضم عيال اختها
الجده:واااايه متى صار هذا وليش ما عزمتنا
خليفه:بس ملجه
الجده:وبنت خالتك النسعا"تشبيه للفتاه الطويله"ّ
خليفه:ان شالله قريب
الجده:جيف وهيه طاعت اتعرس
خليفه :بعدها زعلانه وقريب ترضى
الجده:هيييه انتو الريايل ماعليكو شر الحرمه عندكو تزعل وعقب اتقولون ترضى وانته شرات ابوك ماعنده مشكله ياخذ وحده ولا ثنتين
المهم ايسوي الي في راسه
خليفه وهو دايمن ايحصل هجوم من زوجة ابوه لاي موضوع:عمتيه انا مالج الا بالاسم لعيال وخالتهم ببني الهم في الحوش قسم خاص الهم
وانا باخذ خطيبتيه
الجده:يا حافظ عليك وبنت العرب بتم في ذمتك الاجذيه حليلها ماتبالها عيال بعد اهيه
خليفه:اهيه راضيه ياعمتيه ومتى ما بغت الطلاق انا حاضر
الجده:صدق انكم اخر زمن عيل هذا حال حالكم
قام زايد الي ما كان ايحس انه معاهم:انا رايح الميلس
الجده:بلاااه هذا اتقووول راكبنه ارضي
ورجع زايد للميلس
كان ابو فهد يسمع الصريخ بس ما كان فاهم شي قعد زايد عدال بدر وجسمه ينتفض من الغيض والقهر ومحد كثر بدر يعرف زايد
التفت زايد لبدر الي كان مبتسم
بدر:علووومك لازم يعني في كل مكان اتصارخ
زايد:اوووف ما عليك ناس داخل رفعوليه ضغطيه
بدر:تمام فديتك احنا ارخصولنا عميه عنده عزيمه ويريد يلحق عليها
ابو فهد:ترا باجر غداكم ولا عشاكم عندنا ولااازم اتيون
عم بدر:ماتقصر يابو فهد بس انا اسمحوليه انته تدري انيه ساكن في الغربيه ودرب منيه لين اهناك
ابو فهد:مايصير مانويبكم
عم بدر:ان شالله انصير نسايب وبناكل مايوبنا
زايد:خاليه ترانيه شاورت لبنيه واهيه موافقه
انصدم بدر من قرار زايد الي ما اعطاه فرصه يفكر كيف ايحل الموضوع
بدر:ما جنك يا زايد استعيلت على لبنيه عطوها فرصه اتفكر
زايد بابتسامه:واهيه وين بتحصل واحد احسن عنك تحمد ربها الي تضوي راسك
بدر:بس انا اشوف انكم ماتستعيلون في الرد
زايد:ياريااال مايبالها تاخير ومبروك
تلاقت نظرات بدر بنظرات مروان الي كان ايهز راسه بشويش بلا
ابتسم بدر وهو يحظن زايد:خلاص الله ايقدم الي فيه الخير والبركه
ودع عقب بدر ومروان الجماعه وطلعو ومروان منبطه جبده من بدر وردة فعله يعني هذا عادي عنده عقب كل الي سمعه
اما عمهم فركب سيارته وانطلق رايح لبيته بعد ما ابعد بدر الي كان ايسوق ومروان قاعد عداله بدا بدر يزيد من سرعته
ومروان مستغرب ليش السرعه كل ماييلها اتزيد لين ما حس ان بدر مش طبيعي وهو ايزيد في سرعته اكثر واكثر
وهو نتيجة الغيض والقهر الي حس به من سمع صوتها تعلن الرفض وتقول اسبابها
مروان:بــــــدر خف السرعه الله يهديك
بدر:اهيـــــــــــــــــــه شوووو فاكره نفسهاااا هاااه
مروان:ياريال ياهل ياهل
صرخ بدر:لااا مب ياهل
مروان:عيل شوووه في وحده عاقل اتقول الي قالته
تم بدر لازم الصمت وسرعته تهدا شوي شوي
......................................
دخل زايد من باب بيته الكبير في الصاله الكبيره خطى خطوتين ووقف يحاول ايعرف شو هالريحه الي تفوح
التفت للباب وفكر معقوله ريحة ورود الحديقه وصلت اهنيه
في الوقت هذا كانت نــــور مندسه ورا الباب الكبير وهيه حاضنه باقة ورد كبيره جمعتها من الحديقه
التفت زايد للصاله يمسح بعيونه كل الارفف والطاولات اذا فيها ورود طبيعيه يمكن هنيه حطتهن لاكنه ما شاف شي
فكمل طريقه للسلم رايح فوق
تنفست اخيرا نور بعد ما راح وهيه تحس بخفقان قلبها يرجع مره ثانيه
واول ما خطت كم خطوه سمعت صوته ينادي هنيه وصوت ريوله نازله من السلم ..ايديها
ما قدرت اتسيطر على مسكة الورد ففلت الورد من يدها وطاح وركضت اهيه بسرعه من الباب الكبير طالعه للحديقه عشان تختفي فيها
اول ما لامست ريول زايد الارض انتبه للورد الي طايح على الارض جدامه واستغرب هو متاكد انه
ما كان موجود من وين يا يعني؟
##
##
##
ودمتم وديمه العطا

"نـــــــــــــــــــــور"
الجزء السادس

نزل زايد ومسك بعض الورد ووقف وهو ايشمه وتم يتلفت ايدور منو الي تركه على الارض
زايد:هنيه ياهنيه
يت هنيه تركض وهيه تلف الاشارب على راسها زين
هنيه:ايووا يا سعت الباشه
وقف زايد ايطالعه باستغراب
زايد:انتي شبلااج؟
هنيه:مالي ياباشه انته شايف فيه حاقه
زايد:هنيه منوووو ياب الورد هذا وعقه اهنيه وانا قبل لا اطلع فوووق ما كان موجود؟
هنيه:يخرب بيتها البنت نوووور
زايد بصرخه افزعت هنيه:منوووو؟
هنيه:ا ا ا انا مش عارفه مش عارفه يا باشه
زايد:هنيه لايكون صدق فاجتلها راسها اتهوم في الفله...انا شو قلتلج
هنيه:واللــــــــــــه ياباشه اني محرصه عليها ماتطلعش ايتها حته
زايد:عيل منو الي يايب الورد هذا؟
هنيه:دي دي دي البنت الشغاله الفلبينيه هيه الي بتجمع الورد كل يوم
زايد:تجمع الورد وين اتوديه وانا ما قد شفت ورد في الصاله
هنيه:ب ب ببتعملبه حاقه مش عارفه هيه ايييه
زايد:هنيه ترانيه اعرفلج زين يوم اتقومين اتهوبين عليه من هالكلام
ترا والله ان شفت زول الي ماتتسمى انج...
هنيه:ياباشه ابوس ايدك بلاش النغمه دي دنا كل الي حاقدر عليه حعمله
زايد:ماعليه بشوف...المهم جهزو فطور زين باجر لان بيينيه ريال اوووكيه
هنيه:اوكييه ياباشه اوووكي
زايد:يالله اجلبي ويهج
التفت عنها وراح فوق
هنيه:يا خراشي منك يابنت يا نور دي عفريته مش راضيه توعد في الاوطه وانا غلبت منها يالهوي حعمل ايه دلواقتي
كانت نـور في الحديقه مبتسمه انها قدرت تشرد قبل لا يشوفها اصلا اهيه ماتدري انه مايريد ايشوفها بس خجلها امنه
ايخليها تندس امنه اذا دخل الفله.... كانت لابسه لباس البنجاب الي هو عباره عن اليونفيرل قميص طويل لوسط الفخذ مع فتحتين على الجنبين ومن تحته
صروال وكان لون اللبس بالون البنفسجي الي الوانه عجيبه عليها في اللبس وكانت بعد لابسه
شال بلون الصروال
نور تمت فتره طويله في الحديقه والوقت كان ليل لين ما حست بالبرد...دخلت للفله ونظرها متوجه للسلم الي يودي لفوق ياترا متى بتقعد معاه وبتشوفه زين
دخلت المطبخ وشافت الورد الي جمعته وراحت له مسكته وتمت اترتبه في الفازه
سمعت صوت زايد اينادي برا
زايد:هنيه يا هنيه
ركضت بسرعه واندست ورا الثلاجه وهيه تدعا ربها انه مايشوفها
فتح زايد الثلاجه وطلع دبة ماي
زايد:صدق انج تبيلج اتسفير يا هنيه كم مره قايل الها خلي العامل ايي يصلح الثلاجه الي فوق
ولا ايبدلونها
وطلع وطلعت نور من ورا الثلاجه وهيه نفسها تفهم اهو شو يقول
.................................................. ...
دخل مروان على بدر
مروان:هااه يابو الشباب حق شوووه وصلت؟
بدر الي ارهقه التفكير:ماشي بخلي الموضوع معلق وان فتحو معايه الموضوع با صر انيه لازم اسمع موافقتها
مروان:كيف يعني تسمع موافقتها؟
بدر:مروااااان الله ايخليك سكر الموضوع هذا وخلنيه انسااه
مروان:واميه شو قلتلها؟
بدر:قلتلها خلي الجماعه ايفكرون على راحتهم
مروان:انته من البدايه يوم عرفت بسنها المفروض ترفض
بدر:انته شو مشكلتك مع السن...الفرق عشر سنين
مروان:يعني مافي فرق ...انته يا بدر تبالك وحده فاهمه وناضجه مش ياهل اتلعلع بصوتها هذا شيبه ما ابااه
ابتسم بدر:وانته اتشوف انيه شيبه
مروان:ياخمام ترا ماشي فرق بينيه وبينك الا سنه
بدر:هههههه السنه اليايه بتصير شيبه الحق عمرك السنه هذي عيل
مروان:اكيد انيه بتلاحق عمريه بس ماباخذها اقل من العشرين
بدر:شو فرقت يعني روضه عمرها تسعة عشر
مروان:ما تقول في الثانويه
بدر بابتسامه ساحره:ساقطه سنه ههههه ويمكن سنتين
مروان:ااااه الاخت رايحه في عينها افاااا يا خويه طحت على الفئه التعبانه
بدر:عاده هذا اختيار امك
.................................................. ......
حاول خليفه كم يوم يتصل باميره لاكنها كانت ترفض بعدها تركها وكمل يومين ما اتصل عليها واتفاجى وهو راد من الدوام باتصالها
كانت اتصيح وما عطته فرصه يتكلم
خليفه:اميره ارجوج اهدي اشويه
اميره:ليش اتسوي جذيه هنت عليك يعني خلااااص ماتبانيه نسيت يا خليفه انا من كم سنه مخطوبه لك
خليفه:منو قال انيه ما اباج انتي الي حديتينيه اسوي جذيه
اميره:لااا قول انها عجبتك وقلت فكه منيه
خليفه:حرام عليج يا اميره انتي تدرين بالسبب الي خلانيه اسوي جذيه وبعدين زواجيه منها بس
بالاسم عشان تقدر اتعيش مع عيال اختها بدون شوشرة الناس
اميره:اااااه يا خليفه هذي بتاخذك عنيه انا ادري انها بتفر راسك عقب
خليفه:لحوووول الا بالله يا اميره شو هالكلام انا هب ياهل ينفر راسيه
اميره:لا والله عيل اهيه وافقت منيه والسلام راضيه انها اتكون بس خدامه حق عيال اخوك بدون مقابل اكيد انها ناويه تفر راسك
خليفه:كلااام فاضي
اميره:كم عمرها وحلوه ولا لا؟
خليفه:ما شفتها يابنت الناس الحرمه منقبه وعمرها والله ما انتبهت له حتى الجواز يوم كان عنديه ما فتحته
ضحكت اميره فجئه
ابتسم خليفه:تضحكييين!!!ّ
اميره:صدق منقبه وما شفتها؟
خليفه:هيييه والله
اميره:من اسبوع الحين وما عقت النقاب انته قايل الها؟
خليفه:لاا اهيه بروحها ما عقته
اميره:اه ريحتنيه هههه اكيد انها مش حلوه عشان جذيه ما عقت النقاب ولا معقوله في وحده حلوه اتشوفك وحلالها ولا اتعق النقاب
خليفه وهو مستانس انها رضت:لاااا عيل جذيه السالفه وانا اقول ليش ما عقت النقاب
اميره بدلع:خلييييفه
خليفه:يا عيون خليفه
اميره:تحممممممل اتفر راسك تراها اكيد عانس وانته فرصتها في الحياه بتضحك عليك بالكلام الحلو
والحركات البايخه وانته بتستانس عليها وبتسحبك الها
خليفه:غيرج بعدها امها مايابتها الي بتسحبنيه صوبها...المهم حياتي انتي راضيه عليه
اميره:هيييه بس بعدها الغيره ماكله قلبيه وخلص القسم بسرعه عشان تحذفها اهيه وعيال اختها فيه وبعد مانتزوج اطلقها زييين
خليفه:زييين انتي امري امر بس لاتنسين هذولا عيال اخويه انا بعد
اميره:المهم عشان ارضى عليك وما اغير راييه
خليفه:حاضر حبيبي
رجع خليفه مستانس البيت وبنفسيه احسن حست ابها نوره الي شافته المره هذي يوم دخل راح للعيال وتم ايسولف معاهم
دخلت نوره وقعدت قريب منهم
خليفه:اخبارج مع لعيال؟
نوره:الحمدلله اليوم نقلت اوراقهم للمدارس الي قريبه منيه
خليفه وتوه منتبه:اووووه المدارس اتصدقين انا نسيت سالفتهن زين زين ربهم ماتعبوج بس في النقل
نوره:لا الحمدلله كل شي متيسر
خليفه:زين ذكرتينيه انا فتحت لج حساب في البنك وهذي البطاقه
نوره تفاجئت وانحرجت:لااا مافي داعي الحمدلله انا عنديه الي يكفينيه
خليفه:امسكي ...نزلت مهرج وبنزل الج مصروف شهري وبعد بنزل مصروف حق لعيال
عشان تاخذيلهم الي يحتاجونه
وقفت نوره منحرجه:والله ماله داعي هذا كله احنا اا
وقف خليفه:شوووه ليش كل هالاحراج هذا حقكم وانا عادي عنديه
نزلت نوره راسها تحت منحرجه على الاخر
نزل وشل فطامي:دام فطامي مستانسه على خالتها وتبات في حلجها هذا يسوا الدنيا ومافيها عنديه
شرايكم باجر انروح الوندر لاند في دبي
صرخو لعيال فرحانين والتفو على عمهم وحضنوه لين ما طيحوه على الارض وطاحت سفرته وعقاله وهو يضحك
نوره كانت اتحس بويع قلبها كل ما شافته وضحكته ذوبتها التفتت عنهم وراحت للمطبخ اتحس انها ماتقدر
على الويع الي تحس به
..............................................
يومين وروضه راكبنها عفريت كل ما فتح حد معاها موضوع الخطبه ندم عقب انه فتحه معاها واولهم ابوها الي مايقدر عليها
والسبب انها ربت دلوعه للزين الي فيها وابوها كان مدلعنها اكثر
طلعت اليازي ومي من غرفة روضه وهن يتضاحكن لانها كانت اتصارخ عليهن وطردتهن
مي نزلت تحت اما اليازي شافت غرفة فهد مفتوحه وراحت الها بخطوات حذره طلت في الغرفه وشافتها خاليه ترددت انه تدخل لاكنها
دخلت وهيه متروعه ان فهد يدخل عليها من عقب هذاك اليوم اتحاول ماتنفرد معاه ولا اتكون في مكان اهو موجود فيه
راحت للطاوله الي عليها كتبه وتمت اطالع كل شي ولفت نظرها صورته بلبس الفروسيه وهو على لحصان
تمت اتجول بنظرها في الغرفه واستقر نظرها اخيرا على زجاجة حبر ابتسمت بخبث وفتحت الزجاجه وصبتها على الكتب والبحوث الي على الطاوله
فهد:شو تسوييين؟
صرخت اليازي وافلتت الزجاجه من يدها والتفتت له مرعوبه
دخل وغفل الباب وهو يسحب المفتاح متاكد ميه بالميه انهامسويه مصيبه
اليازي:هاااه انا انا ماكان قصدي ا ا
فهد بقا اين وعيونه على اوراقه وبحوثه الي انصب عليهن الحبر خلاااااص ناوي اليوم ايخليها اتزور المقبره لاكن اليازي اسرعت
للحمام دخلته وغفلت الباب
دق عليها الباب بكل قوته
فهد وصراخه شال الدنيا:اليوووووم لا محاله بزورج المقبره يا كلبه فجي الباب
اليازي بدت اتصيح وهيه مرعووووبه من الي يصير الها
اليازي:لااااااا حراااااااام علييييك انا مكاااااان قصدييييييي
فهد:فجي الباب لا اكسره عليج
اليازي:لااااا انته بتضربنيه حرااااام عليييك اخر مره والله اخر مره
فهد:حيواااانه انتي حيواااانه تدرين شو سويتي هاااه تدرين انا بفهمج بطريقتيه شو سويتي فجي الباب يالله
تمت اليازي اتصيح بصوت عالي بند فهد عليها الليت وكان الوقت ليل وبدا صريخ اليازي الي فاجئ فهد ورجع بسرعه يفتح النور عليها
فهد:لاااا تصااارخين انتي في حمام الحين بيلبسج مليووون جني
زاد صريخ اليازي اكثر وتوهق فهد
فهد:ياحمااااره عن الصريخ اقولج
قعدت اليازي ورا الباب وبعدها اتصارخ وتصيح واهيه متخيله ان الجن صدق بيدخلون فيها
فهد:خلااااص يابنت الحلال مابضربج فجي الباب وانقلعي برا
اليازي:لاااااا انته بتضربنيه اااااااااهه هه
طلع فهد من الغرفه صافق الباب وراه وراح لروضه ويابها
فهد:كلميها تطلع خلاااص مابضربها
فتحت روضه عيونها مستغربه:اهيه شو تسوي داخل
فهد:شو تسوي طالعي وراج جبت الحبر كله على بحوثيه وكتبيه واكيد انه بتزبن الحمام عقب ما صدتها
التفتت روضه لباب الحمام:يزوووي افتحي انا رويض افتحي فهد ما بيقدر يضربج
فتح فهد عيونه
روضه:قصدي قصدي مابيضربج اهو قال مابضربها وانه مسامحنج يالله فجي
اليازي هدت اشوي:لااااا جذااااب بيضربنيه
روضه:يوم انتي تدرين انه بيضربج ليش اتخيسين كتبه صدق يوم قالو الجلب ايحب خناقه تمي عيل لين باجر في الحمام
فهد:لااااا والله هذا الي قدرتي عليه
روضه:اووووه صدق انكم متفيقين قم عنيه انا هب فكاركم
تركته روضه وطلعت
فهد وهو يسمع ان اليازي هدت من الصياح
فهد:اليازي
وقفت اليازي وحطت اذنها على الباب
فهد:اليااازي
اليازي:هاااه
ابتسم:فجي الباب
اليازي:مابتضربنيه
فهد:لااا
اليازي:اكيد
فهد:اوعدينيه انج مابتعيدينها
اليازي:وعد ما اعيدها
فهد:فجي الباب
اليازي:اوعدنيه انك مابتضربنيه
فهد:اوعدج والله ما اضربج
اليازي:وعد
فهد:وعد يالله يابنت الحلال اريد ارقد والبحوث ترا عنديه نسخه منهن في السياره
اليازي:يعني اكيد مابتضربنيه
فهد:تنقطع يديه ان ضربتج
بتردد وخوف فتحت اليازي الباب وتلاقت نظراتها الخايفه بنظرات فهد الي حست انه مش معصب
فهد:ازعجتي جن حماميه بصريخج
التفتت للباب وشافته مسكر ومافيه مفتاح
اليازي:انته قافل الباب؟
فهد:انا منو قال؟ روحي شوفيه اذا مقفول ولا لا؟
مشت اليازي بسرعه للباب عشان تنصدم ان الباب صدق مقفول التفتت له مرعوبه
اليازي وهيه تبتعد بخطواتها للجدار:انته وعدتنيه ماتضربنيه حرام تخلف الوعد
فهد:ومنو قال انيه بضربج؟
اليازي:عيل شوووه؟
تقدم منها خطوتين وصرخت واهيه تحط ايديها على ويهها تفادي لاي ضربه مسك ايديها وابعدهن
ومسح بيده الثانيه الحبر الي بقا في الزجاجه ويهها
فهد بتهديد:والله يايزوي ان سويتي اي حركه مره ثانيه قاصده فيها تضرينيه انيه اعاقبج ابها
اليازي وهيه تطعم طعم الحبر وصل ثمها وتدري انه وسخ به كل ويهها
اليازي:لااااا ليش اتسوي جذيه
تركها وفتح الباب وهو يضحك على شكلها
فهد:هههههه ياله فارجي
وصلت اليازي الباب :حقييييير اكرهك اكرهك يعلك المووووت
ركض فهد وراها وهيه تبتعد عن غرفته ووقف ايشوفها وهيه تهرب
فهد بصوت عالي:المووووت ياخذج
دخلت اليازي غرفة مي الي اهيه فيها وراحت للحمام وشافت شكلها في المرايه وبدت تشتم وتلعن فهد وتتوعده اكثر واكثر
عقبها انفجرت اتصيح بشهقات عاليه تكررررهه وتتمنى موته اليوم قبل باجر
...............................
في اليوم الثاني كان زايد قاعد فترة الضحى عند البرجه برا في الحديقه على طاولته المعتاده وكانت نور تسرق بعض النظرات
له من دريشة غرفة الطعام الي تابعه للمطبخ
بعدها رجعت للمطبخ عند هنيه وهيه سرحانه واتفكر
هنيه:يابنت دنا غلبت معاكي انتي مابتفهميش خالص داالباشه لو يشوفك هنا حياطع عيشي
نور ماتفهم لهنيه شو تقول وتمت قاعده سرحانه وابتسامه على شفايفها خلعت الشال مالها
وفتحت شعرها الي كان لاخر ظهرها وتمت ادور وردة الفل الي حطتها الصبح يوم كانت في الحديقه وبعد مالقتها
تمت اتشمها....طلعت هنيه وهيه شاله صنية الشاي والقهوه لزايد
هنيه بعد ما وصلت عند زايد:صباحك منور يابااااشه
زايد:هلااا حطي الصنيه واتوكلي
هنيه:انته فيك ايه يابااااشه دانته مش عجبني خاااالص
التفت زايد الها:لاااوالله ......ومن متى ان شالله انا لااازم اكون عاجبنج
هنيه:ياباااشه مش اصدي كده انا اصدي يعني انته كنت بتفرفش ومبسووووط مش عارفه ايه الي الب حالك
زايد:هنـــــــــــــــيه انا العفاريت بدت تلعب ادام عنيه ....قووووري ابل ماخليها تورجيكي حاجه انتي مش عيزاااها
هنيه واهيه تخبط على صدرها:يالهووووي حادر ياسعت البااااشه اقوووور اقووور في ستين داهيه
ركضت هنيه وابتسم زايد غصبا عنه بعدها اتذكر شي وقام رايح للمطبخ
سمعت نور صوته قبل لايدخل المطبخ اينادي هنيه وكالعاده ركضت لمخباها السري لاكنها المره هذي نست شالها وفلها على طاولة المطبخ
دخل زايد:هنيه يابنت ياهنيه انتي قووورتي فييين
ما شااف حد وتوه بيلتفت عشان يطلع لفت نظره الشال الاصفر رجع ووقف قريب من الطاوله مسكه في يده
وتم ايطالعه مستغرب امنه حس بحركة وصوت حيووول التفت للثلاجه وشاف انعكاس اللون الاصفر على الجدار
تم يتقرب اكثر من الثلاجه وهو يحس ان في حد مندس وراها وقرب اكثر واكثر لين ما وضحت له الصوره
نـــــور على طول حطت ايديها على ويهها منحرجه من شعرها الي طالع وهيه بدون شالها لصقت اكثر في الزاويه
تم زايد ايطالعها منصدم ومش مستوعب اهو شو ايشوف كانت بلبس البنجاب قميص مشجر باللون الاخضر والاصفر
وصروال ماسك على ريولها بلون الشال اصفر ساده لدقايق وزايد مثبت نظره عليها وهيه تدعس بنفسها اكثر واكثر في الزاويه بين الجدار والثلاجه كانت
شي رهيييييب في شكلها شعرها السايح وجسمها المتناسق طبعا عيون زايد جالت على كل شبر فيها
بياض بشرتها كان صارخ حتى بدت مفاصل اصابعها تحمر من الاحراج وضغطها ابهن على ويهها شو هالانسانه الي ما قدر زايد يستوعبها؟
نور حست باحراااج قوي وشافت ان هالانسان مش راضي يبتعد عنها وهو يدري انها متكشفه صرخت عليه
نــور:تبا لك ...هيا اغرب عن وجهي ..الاترا انني بدون حجابي
انتبه زايد وابتعد بسرعه لاكنه وقف في وسط المطبخ وهو يحس انه معطاي ثلااااث مرات كف على ويهه
اول كف كان شكلها....ثاني كف اللغه العربيه الفصحى الي تكلمت ابها....ثالث كف السب الي ياااه تبا لك واغرب
رجع والتفت للطاوله وين ماكان شالها وبعده مش مستوعب شي بعدها مشى وهو مايحس بنفسه لين الطاوله الي برا وقعد على كرسيه وهو
ما زال يتخيل الي شافه
دخله هنيه على نور وهيه مرعوووبه
هنيه:بنت يا نووور هو شافك؟
نور:ربااااه لقد راني من غير حجابي...هنيه لقد شتمت السيد ياالاهي انني محرجه حقا
هنيه وهيه تلطم خدها:يالهوي يالهوي يالهوي النهارده انا حرجع مصر مع عيالي وابو عيالي ليه يانووور ليه ماسمعتيش الكلااام واعدتي في الاوطه
كانت نور ماتفهم لكلام هنيه
نور:هنيه ماذا علي ان افعل ربما سيغضب مني السيد...هنيه هل اذهب اليه واعتذر
هنيه كانت تولول لحالها ونور انشغل بالها ان زايد زعل من الشتيمه الي يته
نور:سوف اذهب اليه واعتذر
خذت نور شالها وركضت لملحق الخدم لفت الشال الاصفر على راسها مظهره فقط وجهها وخذت شال ابيض كبييير وحطته فوق الشال الاصفر
ويابت اطرافه من الجنب لجدام والشال كان كبير وايد مغطي كل جسم نور الا ريولها مظهر شوي من صروالها ركضت نور وهيه ماسكه بالشال جدام عند صدرها
لين ماتمت مسافه صغيره بينها وبين زايد وخفت خطواتها زايد عده في ذهوله وفاجئه انها وقفت قريب امنه كانت امنزله راسها تحت ومنحرجه على الاخر وهيه تعض طرف خفي من شفايفها
رفع زايد نظره الها وتنح وهو يشوف نفس اعيونه وخشمه في وسط ويهها بنت عمه مافيها شك الا ان شفايف نور انعم واجمل وجماال الانثى يختلف عن جمال الرجل حتى لو كانو يتشابهون هذا وهو يشوف نفسه جميل ومغرور ابها
رفعت نظرها له وتلاقت نفس العيووون الناعسه قشعريره سرت في كل من زايد ونورنزل عينه تحت ونزلت اهيه عينها تحت تم الوضع هاادي بدون ما يتكلم اي واحد منهم وبعد وقت
خطت نور خطوه ناحية طاولته وهيه منزله راسها زايد كان في حالة ترقب ومش عارف شويسوي
نور:سيدي اعتذر عن ما بدر مني من شتم لم لم اقصد
تم زايد ساكت وهو يحاول يستوعب الي سمعه يعني ماكان يتخيل
نور ونظرها يرتفع له وينزل للارض:هل هل انته غاضبا مني؟
واخيرا قدر زايد يرفع نظره الها اكثر شوفة عيونها والشبه الي فيها امنه مربكنه يحس برجفه بدت تسري في جسمه مره ثانيه
حطت عيونها في عيونه بتوسل
نور:هل انته غاضبا مني ؟
نظرته وترتها وبدت شفايفها ترتجف وهيه اتشوف انه بدا يضوق عيونه والنظره الاولى اختفت وحلت مكانه نظرة احتقاار
وقف زايد وصوت ارتطام الكرسي على الارض معلن صوت قوي وغضب لصاحب الكرسي ياي في الطريق صرخ باعلى صوته
زايد:هنـــــــــــــــــــــــــــــــــــــــــــ يه هنــــــــــــــــــــــــيه ومرض
ارتجفت نور من صرخته وانكمشت خاطيه خطوه لورا
وقبل لاتعدي اللحظه والثانيه كانت هنيه واقفه قريب امنه اتحاول تسحب نفسها
التفت الها زايد وهو يشير بيده واصبعه ممدوده
زايد:شليهاااا وفااارقي ابها عن ويهيه....تسمعيييين فارقي ابها عن ويهيه الحين قبل لا ارتكب فيها وفيج جريمه
هنيه بارتباك:حااادر ياباااشه حاااادر ددد دادادللوووواتي افارق بيهاااا
التفتت لنور ومسكتها اتحاول اتجرها معاها
نور كالعاده ماكانت تفهم شو يقولون رغم انها تتكلم اللغه الفصحى لاكن عباراتهم اول مره تسمعها في غاموسها
سحبت نور نفسها من يد هنيه وقعدت على الارض بقعدة التشهد وضامه ركبها لبعض ومنزله راسها تحت
نـــور:سيدي اقسم لك لم اقصد ان اقول لك ما قلت ...لقد فاجئتني وانا من غير حجاب
التفت الها زايد والغيض رجع ايسيطر عليه وبنظرات كلها احتقار رفعت نظرها له ولمحة نظرة التحقير في عينه
زايد بصوت يزائر من بين اسنانه:قلتلج شليهاااااا وفاااااارقي
نور بترجي اكثر:هيا سيدي لا اريد ان اذهب قبل ان تصفح عني ...اقسم لك لم اقصد...سيدي اعلم انك تحتقرني
وانك لا تريدني ان اكون ابنة عمك وذلك بسبب ان والدتي اعجميه
انتفض زايد من كلماتها وزاد صريخه على هنيه الي لاحول لها ولا قوه
زايد:انتي مااااتسمعين شليهاااا
نــور:دعيييني ...سيدي يجب ان تعلم ان والدتي قد احسنت تربيتي وانني حافظه لكتاب الله واحفظ من الاحاديث الكثير الكثير
وقد حرصت والدتي ان تعلمني اللغه العربيه منذو الصغر
نزلت دموع نور على خدودها وهيه ترتجف
نور:اعلم انكم انتم ابنا هذا الوطن وانكم ابنا الصحابه والخلفا الراشدين....افظل بكثييير من العجم انه لفخرا لكم ذالك ولاكن اقسم انني
على خطاكم واننا هناك عند العجم ننهج على ما وصلنا من الدين الحنيف
زايد:انتي شو قااااعدهاتخربطين...هنيه ذلفيهاااا عن ويهيه قبل لا اذبحهاا
رفعت نور نظرها له ونفسها تفهم اهو شو يقول
هنيه وهيه تحاول اتوقفها:ياخراااابي ياخراااابي امشي يابنت امشي دانتي ليلتك منيله خاااالص
نـور:هنيه اتركيني لا اريد الذهاااب قبل ان يعفو عني السيد
اتفاجئت حينها نـور بيده الي مسكتها من عضدها ووقفتها وهو يجرها للبيت داخل
زايد:اظاهر ان الكلام معاكن مايفيد انا برويج يابنت الباكستانيه
نور وهيه منحرجه من مسكته
نــــــور:سيدي لااا يجوز ان تلمسني هيا اترك يدي
زايد:جـــــــــــــــــــب
نور واهيه تفكر ماذا يقصد بهذه الكلمه هل يقصد ان اصمت سكتت وهيه تتبعه بخطوات سريعه لانه كان ايرها وراه
على طووول لملحق الخدم دخلها لوحده من الغرف ودزها داخلها والتفت لهنيه الي كانت تتبعهم مثل الظل كان الشرر يتطاير من اعيونه
وحط يده في رقبة هنيه
زايد:وقسما ياهنيه انيه مابعيد الكلااام مره ثانيه ان شفت زولها في البيت انج اتشوفين شي ماقد شفتيه
وبصرخه وقف عقبها قلب هنيه
زايد:تسمعييييين
دزها ورجع من وين ياي لاكنه راح على طوووول فوق لغرفته
وبصعوبه حست هنيه ان دقات قلبها رجعت ادق فتحت الباب على نور وشافتها منزله راسها تحت واتمتم بكلمات
نور:غفرانك ربي سبحانك اني كنت من الظالمين
غفرانك ربي سبحانك اني كنت من الظالمين
غفرانك ربي سبحانك اني كنت من الظالمين
اقتربت هنيه منها وهيه بعدها ترتجف وقعدت عدال نور
هنيه:منا التلك والتلك والتلك والتلك والتلك مية مره بلاااش تطلعي عنده مسمعتيش الكلااام
التفتت نور لهنيه
نور:ماذا يعني بكلمة جـب
حطت هنيه يدها على راسها:يااااااالهويييييييي
كان زايد يمشي في غرفته رايح ياي مثل الاسد الي وده يفترس حد مايعرف شووو هالي قاعد ايصير اهو ابدا
ما صدق انها بنت عمه وقال انها اكيد مكيده وقرر انه ايبها عشان يقدر يسيطر على الوضع لين تنتهي الانتخابات لاكن الحين
ماعنده شك انها بنت عمه....معقوووله بنت عمه وطووول هالسنييين مايدري عنهااا شي داخله محسسنه بالذنب لاكن اهو لازم
ما يحس بالذنب لازم ايدوس عليها وماعليه من حد..تراها الابنت باكستانيه مالها غير الاحتقااار
"يعني يا زايد بنت باكستانيه مب من خلق الله"
.................................................. .................................
على العصر طلع خليفه والعيال لدبي مثل ماوعدهم ايوديهم لوندر لاند
ضحك خليفه يوم شاف نوره ركبت ورا:تعالي اركبي جدام
نوره:لاا خل ناصر يركب ناصر ريال
ناصر:عادي خالووه ركبي انتي انا عادي بركب ورا
نوره:لا حبيبي انا فطامي اتريدنيه
قرب ناصر من خالته
ناصر بهمس:خالووه انا اذا قعدت جداممحد بيشوفنيه نازل تحت شو تبين الناس ايقولون على خاليه دريول
نوره فاتحه عيونها من كلام ناصر:انته من وين تيب الرمسه هذي
خليفه:هاااه ترانيه بركب دانوه بدالكم
دز ناصر خالته للباب الجدامي وركبت وهيه منحرجه الطريق طويل واهيه ماتقدر تستحمل قربه وايد
خذت فطوم جدامها
نوره:عاده استحمل حشرتنا
خليفه وهو يضحك:فديييت انا حشرتكم ماعليه بستحملها
ما يدري خليفه ان كلامه يربكها ويزيد من دقات قلبها
طول الطريق وخليفه ضحك وسوالف مع عيال اخوه ونوره ساكته بس مستمتعه بضحكهم
وصلو ومشو متوجهين للبوابه
خليفه:انتي خليج مسؤله عن فطامي والباقي ماعليج منهم بسدهم
نوره:ان شاالله
استانسو اليهال وايد واول ما دخلو اشترا الهم خليفه قبعات عليها دباديب متدليه اريولها وايديها من القبعه
استانسو عليها اليهال ومن حضهم كان في مهرجان في الوندر لاند وفرقه موسيقيه من الافارقه ايهزون وسطهم
ونازله منهم دناديش وااايد كان خليفه شال دانوه الي قالت له اينزلها بسرعه واول مانزلها تمت اتهز وسطها اتقلدهم وهيه تضحك وضحكو البقيه عليها حتى احمد الي يشوفه خليفه دائما هادي
وقف عدال دانه وتم ايهز رقبته مستانس قعد خليفه على الارض وهو ميت من الضحك عليهم
خليفه:فدييييتكم كل هذا يطلع منكم ههههههههه
نوره كانت شاله فطامي الي كانت بعد اتحرك ايديها على اصوات الموسيقى حاولت نوره اتنزلها لاكنهااتشبثت فيها وهيه خايقه من اشكال الافارقه الي ملونين ويوههم
تمو على هالحال مستانسين عقب دخلو للصاله الكبيره المسكره وفيها العاب خاصه للاطفال وتمو ايلاعبون اليهال
خليفه ونوره من ورا الحاجز ايوصون ناصر وهند على دانه وفطامي وهم في لعبة الكور
مسك خليفه يد نوره بقصد انه ايخليها تمشي معاه للجهه الثانيه عشان ايشوفونهم زين
على طول نوره حست برجفه من مسكته اما اهو كان مندمج ايكلم اليهال ويحس ان شي حلو وناعم بين ايديه رفضت يده تتركها
حاولت نوره تسحب يدها وهيه متوتره لاكنه احكم مسكته مستانس على ملمسها بين ايديه التوتر زاد عند نوره وخليفه رافض انه يترك يدها وبدت يده
تستمتع بلمسها اكثر وهو يحرك يدها بين يده
كان احمد ايصارخ عليهم وهم في عالم ثاني لين ما قرب من الشبك الي هم واقفين وراه انتبه خليفه
خليفه:هاااه شبلاك اتصارخ
احمد:انتو ماتسمعون عيزت وانا انادي
التفت خليفه لنوره الي نزلت راسها تحت وهيه تحاول تسحب يدها واخيرا استوعب خليفه وافلت يدها
من الاحراج الي حست فيه حست ان ريولها ماتقدر اتشلها التفتت عنهم وراحت لين الكرسي الطويل وقعدت عليه في محاوله انها تهدى
خليفه زاد توتره وتم ايحاول ايركز على كلام احمد الي مافهم امنه شي
احمد بترجي:عموووه اريد اروح الحمام
خليفه:هاااه الحمام زين اطلع اطلع بوديك...اكوه الباب رح وانا بوقفلك عداله
التفت لنوره:انا بودي احمد الحمام انتبهي الهم
وقفت نوره وراحت للمكان الي كانو واقفين فيه
حاولت نوره عقب انها ماتمشي قريب من خليفه عشان تبعد توترها وتمت اكثر الاوقات اتلاعب فطامي بعيد عنهم
اتاخر الوقت والساعه وصلت العشر موعد تسكير الوندر لاند طبعا في الوندر لاند طلبلهم خليفه سندويجات وجبس وعصائر
اتوجهو للسياره
نوره:وايد اتاخرنا اكيد من نركب بيرقدون
خليفه:ياويييليه بتتكسر ارقابهم من السياره تدرين شرايج نحجز في الفندق انبات وباجر نرجع
لان باجر اجازه
نوره:مادري الي تشوفه
خليفه:هاه يا حلوين شرايكم انبات؟
احمد:هيييه ونريد الفندق فيه مسبح
خليفه:انته اليوم طلع لسانك
نوره:احمد يوم يستانس اتشوفه بشكل ثاني
خليفه:صدقج ماقد شفته مثل اليوم ان شالله دائمن بوديكم الحديقه
دانه:هييييييه عاش عميييي
خليفه بابتسامه:عفوا عفوا رقصتنا الافريقيه
دانه:ههه ههههههه انا رقااااااصه
ضحكو كلهم عقب على تعليقات دانه وبعد ما سكتو قالت فطامي
فطامي:اقااااصه اقاااااصه
نوره بصوت عالي:هههههههه ههههههه
حس خليفه ان قلبه رقع بقو من صوت ضحكتها الي يننته
##
##
##
ودمتم وديمه العطا

"نــــــــــــــــــور"
الجزء السابع

حجز خليفه سويت في احد الفنادق المطله على البحر غرفتين وصاله وكان السويت قمه في الروعه استانسو اليهال
عليه نوره كانت ماخذه معاها ملابس احتياطيه لليهال سبحتهم وشربتهم حليب اشتروه وهم يايين
طلعت نوره للصاله وماشافت حد راحت على طول للبلكونه ووقفت اطالع البحر وتسمع صوته كان الجو روعه
وهيه سرحانه شمت ريحة عطر رجالي قوي وراها درت انه اهو نزلت بسرعه نقابها على ويهها والتفتت له
اتكى خليفه على الحاجز الي واقفه عداله وماكان لابس سفره
خليفه:رقدو اليهال؟
نوره:هيه
خليفه:وانتي ماتريدين ترقدين؟
نوره:الحين بروح ارقد بس شدنيه صوت البحر وقلت بطلع عن اليهال ياي عشان ما يدخل عليهم الهوا
كان الهوا يلعب بشعره وهو مغمض
التفتت له نوره
نوره:انته متسبح وطالع اهنيه روح داخل بتاخذ برد
خليفه:هههههه حتى انا بتخافين عليه
نوره:يمكن الحين ماتحس بشي بس بعدين بتتعب من الهوا البارد وشعرك خرسان
خليفه:اباه يحف
نوره :في مجفف داخل تعال بجففه لك
دخلت نوره وتبعها خليفه وابتسامته على شفايفه اول مره ايحصل اهتمام
كانت متجه لغرفة اليهال لاكن خليفه وقفها وهو يمسك يدها ويجرها لغرفته
خليفه:تعالي غرفتيه فيها مجفف عشان اليهال مايوعون
انتبهت اهنيه نوره لغلطتها وحست انها ماتقدر تمنع اريولها انها تلحقه في غرفة الملابس قعد خليفه واشار الها للمجفف التابع للفندق
خليفه:هااه مابتجففين شعري؟
هزت راسها باوكيه ومسكت المجفف واقتربت امنه اتجفف شعره ويدها تتخلل شعره اتفرق بين الشعر
كان مستانس ويحس بمتعه وهو مغمض عيونه خدمه مجانيه
بندت نوره المجفف
نوره:خلصت
خليفه:افاا والله كان جنااان
التفتت نوره اتريد اتروح
خليفه:هااه على وين؟
نوره :باروح ارقد
خليفه:توه الوقت
نوره بارتباك:انته مابترقد؟
خليفه:بعده بكير...شرايج ننزل نتمشى على الشاطئ
نوره بفرحه:صــــــــــــدق؟
خليفه:ننزل؟
نوره:ياليت والله بس انا مااقدر اخلي اليهال
خليفه:ماعليهم رقود
نوره:بس اخاف حد منهم يوعى ومايحصل حد
خليفه:عادتن يووعوون؟
نوره:لاا
خليفه:عيل احنا مابنتاخر
نوره:لا لا ما اقدر فرضا حد وعى على طول بعد ما نطلع
خليفه:يابنت الحلال مابيوعون صدقينيه لاعبين لين قالو بس التعب هاااد حيلهم
نوره:بعد ما اقدر....يمكن اللعبه الي كانو يلعبونها اتخلي فطامي تقافز في رقادها
خليفه:نووووره ياله خلينا ننزل مابيستوي عليهم شي على مسؤليتيه...ياله يابنت الحلال
لا تخافين بغفل عليهم ومابييهم شر ياله انسير ومافي داعي تلبسين عباتج بس ليلال ايكفي لان محد في طريقنا
طلعت نوره من غرفته
نوره وهيه متجهه للغرفه الثانيه:لاا ما اعرف اطلع من غير عباه
خليفه:اريحلج جذيه
نوره :لاا راحتيه بعباتيه ثواني بس
راحت عنه وتم واقف ايفكر ياترى كم عمرها وصلت الثلاثين لاكن عليها صوت عذااااب
ويد ملمسها يذبح...اعوذبالله من الشيطان وين راح تفكيريه انا
طلعت نوره معاه وهيه متردده تترك اليهال
نزلو تحت وكان المكان خالي الامن بعض الاجانب وخذو الطريق الي يودي للشاطئ وهناك بعيد عن اضواء الفندق التفت خليفه الها
خليفه:مابتعقين عباتج محد بيشوفج اهنيه
نوره:لا ماعليه
خليفه:بتخيس عباتج من البحر ترانا بنمشي على الشاطئ خليهن اهنيه على الكرسي واحنا رادين بنخطف عليهن
نوره:طيب
خلعت نوره العباه وصنفتها وحطتها على الكرسي وتمت بالنقاب والشيله الملونه الي عليها كان
خليفه رافع ثوبه ورابطنه على خصره وثاني اكمام الثوب اقتربت نوره امنه وهيه متوتره ومشت غريب امنه على امتداد الشاطئ
تم خليفه يتكلم ويسولف بدون مايحس بحواجز وكان اكثر كلامه عن زايد والاحوال الي تصيرله الحين فترة الانتخابات
وكل ماضحكت نوره حس خليفه ان ضحكتها اتلامس اوتار قلبه وفي سالفه من السالفات تم يضحك معاها بصوت عالي
وماحس بنفسه وهو يمسك يدها ويحاول ايهدي نفسه من الضحك وبعد عنا سكت من الضحك يوم شاف انها سكتت وعرف ان السبب هو مسكته لايدها تم يمشي معاها في طريق الرجعه ويده رافضه تترك هذا الملمس الناعم
وفي نفس الوقت كان يحس برجفت يدها الي استاااانس عليها
رن موبايله وكانت اميره المتصله الي تمت تساله اهو وين وشو يسوي وبعد ما قالها انه في دبي تمت اتحاكمه واشتغلت الغيره
وتم خليفه يشرح الها الوضع بدون ما اييب طاري لنوره انها معاه تمشي حس ابها انها اتحاول تسحب يدها في الوقت الي كان يحلف لااميره
انه مافي داعي تخاف من شي وانه قد كلمته بالقو سحبت يدها ومشت بخطوات سريعه تاركتنه رايحه لمكان عباتها واحساس موجع يدب في قلبها
بعد ما سكر عنها لحق نوره وتم واقف ينتظرها وكلام اميره ايرن في راسه بان نوره بتسحره وبتاخذه الها
هز راسه بمحاولة طرد هذي الافكار بعدها طلعو لفوق وعلى طوول نوره راحت للغرفه الي فيها اليهال ورقدت بدون ماتقول اي كلمه لخليفه
على اليوم الثاني طلع خليفه وحصل الكل صاحي واقترب منهم وقعد عدال نوره لاصق فيها كانت مشغوله
اتسوي سندويجات شل خليفه فطامي وقعدها على ريوله بعد ما رفعها من عدال نوره حاولت نوره تتجاهل وجوده
خليفه:اخبارهم الحلوين اليوم
احمد:عمي ودنا الالعاب مره ثانيه
خليفه:ياليت والله حبيبي بس انا عندي شغل ضروري اليوم ولازم نرجع الحين
احمد:تيبنا مره ثانيه
خليفه:اكييييد
التفت لنوره الي كان ايلاحظ ايديها ترتجف ومتوتره وهيه تسوي السندويجات همس الها
خليفه:شبلاج؟
التفتت له وتلاقت عيونها بعيونه لثواني:هاه لا ماشي
مد يده ليدها ومسكها
خليفه:ايديج ترتعش ليش
وقفت نوره بسرعه وسحبت يدها:مافيه شي مافيه شي نسيت اكل دوايه
وراحت لداخل وهيه تحاول تسحب نفسها تم خليفه ساكت منبهت اي دوا تقصد وتم ايفكر معقوله فيها مرض وانا مادري شوه لازم اكلمها في الموضوع
في السياره حاول خليفه يستفسر عن الدوا وقالت له انها فتامينات لازم تاخذها حس انها تجذب وهيه فعلا تجذب لانها ماتاخذ اي ادويه وجوده عدالها هو الي وترها وخلاها ترتجف
رجعو ومرت الايام احوال عيال اخوه مستقره حديث عادي ايكون بين خليفه ونوره وانشغل بعدها خليفه مع زايد بترتيب الانتخابات والاستعداد له
زايد بعد لقاءه مع نور تم يومين ايحس بتوتر وانزعاج من الموضوع كامل وتم ايحاول يلهي نفسه بلاستعداد للانتخابات
بدر قال لخليفه انه استعيل بفتح موضوع خطبته وهم مشغولين بالانتخابات وطلب انهم اياجلون الموضوع لين عقب
اما اليازي رجعت تتجنب فهد وتترقب الفرصه المناسبه عشان تنتقم فيها من فهد
رووووضه سالفه ثااانيه....ما خلت حد من صديقاتها ما قالت الها عن موضوع خطبتها واعلانها الرفض
واسباب الرفض ومن صديقاتها الي ايدتها والي رفضت تفكيرها واسبابها
اما هنيه فقد استخدمت كل وسائل الكبت على نور عشان تمنعها تطلع في الفله لاكنها تعبت معاها وهيه كل شوي محصلتنها في مكان في الفله
صرخت هنيه:بتعملي ايه يابنت
نور:هنيه انظري اليس من المستحسن ان نضع هذه هنا
امسكت هنيه نور من يدها وجرتها وراها الى ملحق الخدم
هنيه:يابنت حرااااااام عليكي انتي مابتوبيش عايزه تاطعي عيشي خليكي في الاوده يخرب بيتك
نور:يخرب بيتك.....ماذا تعنين هنيه؟
ادخلت هنيه نور الغرفه والتفتت لها
هنيه:اسمعي كلام انا تمااام اذا في سوي مشكل انا سوي انته مووووووت
اخذت نور تنظر اليها في محاوله ان تفهم اكثر
نور:انتي تتكلمين العربيه ولاكن لا اعرف ماذا تقولين او ماذا تريدين ان تقولي هل تفهمين لما اقول
هنيه:كلام زياده انا مايريد انته اجلس هنا روحي اعدي اقري في الكتاب بتاعك
واشارت لها على مصحفها
ابتسمت نور:لقد انتهيت من وردي هنيه لماذا انتي لا تقراين وردك
هنيه:انا مافي معلوم يقرا.......انا دلوئتي يروح برا سير يجي انتي مافي يروح برا اوكيه
ضحكت نور:لا افهم ما قلتي ولاكن حسنا اوكيه ههههه
هنيه:يالااااهوي منك
خرجت وتركت نور بعد ما سكرت عليها الباب زين
جلست نور على السرير وراح تفكيرها لصديقاتها في باكستان اتحس انها اشتاقت الهن
حرصت ام نور من يوم ما كانت نور صغيره ان تعلمها اللغه العربيه لغة القران وبعد ما توفت امها اهتمت ابها جدتها وسارت على نفس نهج ام نور في تعليم نور اللغه وتحفيضها القران والاحاديث
وبعد ما ماتت الجده اهتم ابها واحد من قرايب جدتها وكان رجل دين وصالح وكان يحب نور واااايد لانها من
اصل الجزيره العربيه وهذا الرجل يحب ابنا الجزيره العربيه لانهم ابنا الصحابه والخلفاء واول ما شاف هذا الرجل صور زايد في الجرايد راح عند نور يركض فرحان ورواها صوره
وقالها انها تشبهه وايد فرحت نور يوم عرفت بوجود ولد عمها الي حست انه شخص عظيم قدر يوصل
للمستوا الي وصله واكيد انه شخص صالح قدر بمحبته للناس وحبهم له انه يرتقي لاعلى المستويات
.................................................. .
دخل زايد للفله متجه للدور الفوقي لاكن ريحه غريبه منعته ايكمل طريقه الريحه هذي ما يحبها اصلا مش حلوه
تم يتلفت ايدور مصدرها وشاف شي خلاه يصرخ باعلى صوووووته
زايد:هنـــــــــــــــــــــــــــــــــــــــــــ يه هنــــــــــــــــــــــــــــــــــــــــيه يعل مامن هنيه
كانت هنيه تركض وتتعثر في ركيضها لين قدرت توقف جدامه
هنيه بتلعثم وخوف:حادر ايوا مين جرا ايييه
زايد بنظرات غاضبه اشار الها على العود الي مدخل طرفه في فتحه صغيره ونهايته يطلع منها دخان معطر
زايد: هذا ......هذا الارف منو حاطنه؟
رفعت هنيه نظرها للعود وتذكرت نور
هنيه:ا ا انا ا ا
زايد:هيه صح ؟....هيه يعني سمحتيلها تطلع
هنيه والدموع بدت تتجمع في عيونها:ياباشه انا انا
صرخ:انا شو قلتلج ما قلت ياويلج ان خليتيها تمشي في الفله ..لا وحضرتها ماخذه راحتها تتحسب البيت بيت ابوها
حاطه اليه هالزق الي ريحته تيب المرض
انتحبت هنيه بالصياح وهيه خلاااص ماتقدر تستحمل اكثر
هنيه:يابااااااشه انا خلاااااص حاخد عيالي وامشي انا عارفه مليش مطرح هنا......دنا غلبت يابااااشه معاهااا هيه مش راضيه تسمع الكلام والله ياباشه
انا مابنامش الليل وانا بفكر انك حترجعني مصر تاني دنا غلباااانه يابااااشه دنا امي عياااانه واخواتي مش لاييين شغل واختي ارمله وتحتها كومة عيال
زايد:بس يا هنيه انا ادري بالاحوال هذي ما في داعي اتمين اتعيدينها اليه
هنيه:طب ياباااشه انا البنت نور دي مابتعبرنيش دي مابتفهمش انا اؤلها ايه هيه بتتكلم عربي بس مش فهمه احنا بنؤلها ايييه
تم زايد ايطالع هنيه عقب قال الها
زايد:سيري ازقريها اليه انا بسنعها مسودة الويه ناقصنيه عاده انا بس ريحتهم الخايسه
هنيه:طا طايب طيب
التفتت هنيه وركضت بسرعه عند نور
دخلت عليها الغرفه
هنيه:اوومي يابنت اووومي
نور بنظرات مستفسره:ماذا هناك؟
هنيه:مازا هناك ؟..هناك اجلك يابنت امشي معااايه الباشه عايزك
نور باستفسار:ماذا تعنين؟
هنيه بصوت عالي وهيه ترفع يدها:الباااشه عيزك
نور:الباشه هو السيد حسننا وما تعني الكلمه الثانيه
هنيه:يالاااااااااااهوي دنا حشق هدومي بنت يانووور امشي مع انا بااااشه برا يريد انتي
نور تشير لنفسها:يريدني انا؟
هنيه:ايوااا
ابتسمت نور:حقا هل صفح عني؟
هنيه:بلاش يابنت تتكلمي معايه كده امشي باااه
نور:حسنا حسنا سالبس حجابي واتي
اليوم نور كان اللبس الرئيسي الها هو الاحمر شال احمر وصروال احمر والقميص بالوان متداخل معاه اللون الاحمر
لفت الشال على راسها كالعاده واحضرت شال اكبر لونه اسود يغطي بقية جسمها وطلعت رايحه لزايد مستانسه
كانت تمشي واطالع تحت وهيه تمسك جوانب الشال الاسود ونظرها كل اشوي ارتفع لزايد قربت امنه اكثر وبدت اخدودها
تحمر وابتسامه عذبه مرسومه على شفايفها توتر زايد اول ما شافها وخصوصا ان شكلها يذكره انها تشبهه
تم ايطالعها من فوق لتحت بنظرات احتقار رفعت نظرها له
نور:طلبتني سيدي؟
حس انه ما يعرف شو يقول رغم انه يحتقرها الا ان حضورها قوي عليه
زايد:شوو هالزفاته الي معلقتنها اليه في كل مكان
كل مكان هيه الكلمتين الي فهمتهن اما بقية كلامه ما فهمته تمت اطالعه على امل انه يوضح شو قال
زايد بصوت عالي:انتي تسمعين ولا لا؟
نور:اسمعك سيدي ولاكن لم افهم ماذا قلت قبل قليل
زايد:انتي كيف تتكلمين عربي وماتفهمين؟
نور وهيه تنزل راسها تحت وترفعه:افهم القليل مما تقول سيدي....انته لا تتكلم الغه العربيه الفصحى
زايد:هذا الي ناقص
هزت راسها بنعم:اجل هذا الذي ينقصك
زايد بغيض:مـــــــــــــــرض انتي بتفهمينيه شو ينقصنيه
رفعت نور نظرها له مستغربه سبب غيضه
نور:اعتذر سيدي لم اقصد ان اقول شيء يغضبك
زايد:جــــــــــــــــــب
نور:هل تعني بان اصمت
زايد قرب ايمط شعره:قلت جــــــب
نزلت نور راسها تحت
نور:حسنا سوف اصمت
تم زايد ايطالعها ويحس بحراره تطلع من جسمه كيف يتفاهم معاها هذي
زايد:طالعينيه زين.....الوسخ هذا ممنوع تفهمين
سحب زايد العيدان وفرهن على الارض ودعس عليهن بريوله
واشار الها عليهن
زايد:هذاااا ممنووووووع ممنووووع تفهمين
هزت نور راسها بنعم وهيه اخيرا فهمت شو يريد
نور:حسنا حسنا لقد فهمت ...الم تعجبك رائحته؟
زايد:انجبي ما اريد اسمع صوتج ولا اريد اشوفج اهنيه ولا اريدج تدخلين الفله مره ثانيه
رفعت نظرها له وفهم من نظراتها المستفسره انها ما فهمت شي
زايد:لاحولا ولا قوة الابالله
ابتسمت نور يوم سمعته ايقول جذيه لانها اتحب ذكر الله واااايد ورددت وراه بصوت خافت
زايد:انتي ناويه تذبحينيه انقلعي داخل
رفع يده عقب واشار الها لملحق الخدم وصرخ بصوت عالي
زايد:انقلعـــــــــــي
ركضت نور ناحية الملحق واول ما دخلت ضحكت بصوت عالي
هنيه باستغراب:هو جرا ايييه بتضحكي يابنت
نور:هنيه ما ذا يعني بكلمة انقلعي
اغمضت هنيه عيونها اعلان انها نفذت عندها كل طاقات التحمل
نور ما فهمت الكلمه لاكنها فهمت لحركة يده
.....................................
كان بدر عند زايد في المسا وهو فاطس من الضحك
بدر:هههههه تتكلم اللغه العربيه ههههه
زايد: يعني انجلبت الايه بدال احنا ما نفهم الها ونتوهق بالي اتقوله صارت اهيه ماتفهم النا واحنا نفهم شو تقول
بدر:ليتنيه دريت ابها واحنا يايين جان استانست والله معاها بالسوالف
زايد:والله بتم اتسولف معاها بالفصحى
بدر:شو المشكله مب لغتنا
زايد:اي لغتنا الله يهديك انته اتشوف حد يتكلمها
بدر:لغة الاجانب بنتكلمها عادي ماعندنا مستحى فيها ....ويوم بيينا اجنبي يعرف عربي بتحصله يتكلم بالفصحى واحنا بنجاريه عشانه اهو
وبنتكلم بالفصحى عادي
زايد:تعال انته ...ناوي تنفخليه راسيه اكثر مماهو منفوخ ...اقلع عنك الرمسه هذي
بدر:ياحليييلها ولا لغه عربيه فصحى ههههه....تدري العجم حاسدينا على هذي اللغه وهم اتقنوها اكثرعننا...في باكستان والهند مدارس وااايد
كل طلابها يتكلمون الفصحى وحافضين القران والاحاديث مهتمين بعيالهم اكثر عننا احنا الي همنا اهنيه اننا اندخل عيالنا مدارس اجنبيه
زايد بطنازه:شرايك اتكلم باجر في الانتخابات ..يجب علينا العوده الى اللغه الفصحى عليكو ايتها القبائل العربيه
محاربة اللغه الاجنبيه
بدر:هههههه جناااان شرايك
زايد:لا والله ...عشان مايتم نعل في القاعه ماينفر عليه
ضحك بدر بصوت عالي وتم زايد ايهز راسه على دخلت خليفه الي تم يضحك هو بعد عقب بعد ما عرف بالسالفه
خليفه:والان ايها السيد هلا طلبت لنا الطعام هههههه
زايد بغيض:ويمييين ان ما اصطلبتم انكم اتعرفون عماركم زين انجبو
خليفه:هههههه حسنا حسنا
زايد:خاااال وبعديييين؟
خليفه:اوكيه اوكيه تنفع هذي هههههه
.................................................. .................
في اليوم الثاني كانت جدة زايد قاعده في الحوش عدال سيارة فهد الي طلع وحصلها
فهد:هااه يدوه علومج
الجده بعصبيه:الدريول وييين؟
فهد:طرشته اميه اييب سمان من المينا
الجده:هيييه امك انا ادريبها يوم درت انيه بروح لغنميه طرشته ماتبانيه اروحلهن
توهق فهد وحب ايدافع عن امه
فهد:يدووه انا قلتله ايروح عشان انا في خاطريه اوديج لغنمج واميه ماطرشته الامن بعد ماقلت انا انيه بوديج
الجده:زين عيل ياله شغل الموتر
التفتت عقب للباب
الجده:يزوووي يايزووووي ياله فديتج
طلعت اليازي:بنرووح
فهد:وانتي وين تبين اتروحين
اليازي:بروح مع يدتيه
تم ايطالعها فهد بنظرات
فهد:ووين عباتج
اليازي:مش لازم احنا بنروح الغنم
فهد:لااا والله ...مافي طريق فيه سياير لين العزبه
رفعت اكتافها:ماتهمنيه
فهد:زين اركبي اركبي خليهم ايقولون عيوز شاله معاها خدامتها
اليازي:انا مش خدامه
فهد:انا الي بقول؟ الي بيشوفونج بيقولون
اليازي:اووووه دقيقه انزين بيب عباتيه
راحت اليازي داخل وانرقع فهد على راسه بعصى جدته
فهد:اي........ يدوووه شبلاج
الجده:انته شبلاك على هالمسكينه جان خليتها تروح بدون عباه شو المشكله
فهد:ياسلااام ...من متى هذا احنا ماعندنا بنات تتصقع بدون عباه...ولا اهيه خلاص اتعودت بيت خالتها كل شي فري
الجده:جب جب سكر ثمك هذا ويويلك ان لعوزتها في السياره تراك مابتاخذ الا اهيه
فهد:اتهبي
وصلت اليازي وركبت معاهم
ساق فهد وطلع من البيت وشاف انها ماتغطت
فهد:انتي تتغطين ولا لا؟
بادلته اليازي بالنظرات من المرايه
اليازي:لااا ما اتغطى
فهد:والله ان ماتغطيتي انيه احولج اهنيه
اليازي:يدوووه قوليله ...اكيه يدوه مش متغطيه
فهد:هذي عيوز ولابسه برقع
الجده:عيوز امك يامسود الويه....شبلانيه انا ما اتغطى انا حرمه حشيم ولازم انيه بتغطى
فهد:زييين علمي بنت ولدج
الجده:وحتى بنت ولديه حشيييم ومزيونه ولازم انها بتتغطى الا انته مستعيل وماكلنا في بطنك
رفع نظره الها في انتظار انها اتنفذ الامر
اليازي:اووف
رفعت غطاها وتغطت وهيه متنرفزه
اليازي عاشت طفولتها في بيت خالتها الي كانت فري وماحصلت حد ايوجهها بالصح والغلط
ماكانت مهتمه بحجابها ولا انها اتغطي ويهها طبعا مش تعمد ولاكن جهل وهذا الشي مش فاهمنه فهد الي ماخذ عنها فكره سيئه
تحتاج البنت من الصغر التوجيهات وان تربي الام الستر والحيا في بنتها لاكن اليازي ماحصلت حد ايقوم بهذي المهمه
اتجه فهد بسيارته لطريق سويحان وين عزبة الجده في المناطق الصحراويه هناك
كانت اليازي فرحانه واااايد لانها اول مره اتروح العزبه
اليازي:اللــــــــــــــــــه يدوه هذي عزبتج
التفت فهد ناحيتها مستغرب انها اول مره تي
اليازي:يدووه انحول
الجده:هيييه فديتج حولي
حولت اليازي وصرخت:لااااااا
سكر فهد الباب والتفت ناحيتها
فهد:شبلاااج؟
اليازي:اندعس نعليه في التراب
تم ايطالعه مستنكر:والله لابسه كعب واتقولين اندعس؟
اليازي:الحين شو اسوي ما اقدر امشي
فهد بغيض:انتي ايه انتي وين عايشه؟ شوو هالملاقه؟ عقي النعول وامشي عادي
اليازي:واللـــــــــــــــــــه امشي حافيه على التراب اتريد اريوليه تتوسخ
فهد فقد صبره:لااااا والله بتتوسخ اريولج شيخه واحنا ماندري
اليازي بتحدي:هيه شيخه
فهد:ويوم انتي هب ويه سيرة العزبه ليش يايه
اليازي:وانا شو درانيه ان عزبتكم كلها رمل احنا انروح عزبة خالوه في المزرعه المكان اهناك كله نظيف
فهد:ماخربج انتي الا هالخاله المدرن مثل مايقولون...والله تبين تنزلين اكيه يدتج عند غنمها وان مابغيتي تمي في السياره
امبونج هب يايه اتساعدين
خلاها وراح وتمت اليازي اطالعه بنظرات كلها غيض وحقد عقب ركبت السياره وتمت فيها مقهوره
راح فهد عند يدته ودخل شبك الغنم ومسكلها وحده من الغنم قربها وتمت اطالعها وقالتله عقب ايروح عند الراعي اييب مقص عشان اتقص
الشعر الزائد في المعزه وفهد نفذ الها كل طلباتها وتم ماسك الغنمه والجده اتحلقها واليازي اطالعهم بنظرات مستغربه
شعر المعزه تطاير على فهد وخيس ملابسه وبعد ما خلصو تمو شويه عقب رجعو السياره كانت اليازي قاعده ورا فهد
حطت يدها على خشمها
اليازي:اووووف شو هالريحه
ولزت للجنب الثاني مبتعده من وراه ومازالت حاطه يدها على خشمها
اول ما ركب فهد
اليازي:اع شووو هالريحه
طالعها فهد من المرايه بغيض وتم ساكت ايسوق السياره وهو مقهور منها
اليازي تمت كل شوي تهب الريحه وتصدر كلمة اع اخ شو هالريحه وتحرك يدها تبعد الريحه عنها
بعد ما وصلو رقع فهد باب السياره وركض لفوق فكرت اليازي انه اكيد رايح يتسبح لاكنها انصدمت بيديه مسكتها
اول ما صعدت فوق وسحبها لاحد الغرف
اليازي:ايييييه اتركنيه
لصقها على الجدار وثبت ايديه على الجدار وهيه جدامه محصوره بين ايديه والجدار وتم ايطالعها بنظرات ناويه على الشر
فهد:هااه اليازي شو رايج في الريحه
اليازي:وخر عنيه ريحتك خايسه
فهد وهو يقرب عليها اكثر:والله عيل شمي اكثر عشان تتعودين
اليازي:اقولك وخر عنيه
طوقها فهد بين ايديه وهو يدعس بويهها في صدره
فهد:شمي زين شمي وافهمي انج باي حاجه ناويه اتغيضينيه انا بعاقبج ابها
كانت اتقاومه وتحاول تتفجج امنه رفعت ايديها وتمت تضربه على صدره ضحك فهد وهو يدعس ويهها اكثر واكثر
رفعت اليازي راسها وحطت عيونها في عيونه وهيه بعدها لاصقه في صدره
اليازي وهيه اتصيح:بطلنيه
حس فهد برجفه من شكلها القريب وايد دزها بعيد عنه وطلع بسرعه
.................................................. .................................
قعد زايد في الحديقه على الطاوله القريبه من برجة السباحه ينتظر هنيه تيب له الفطور لاكنه تفاجئ بوحده ثانيه
ابتسمت نور وحطت الصنيه على الطاوله
نور:اسعدت صباحا سيدي
التفت الها زايد وولعت عيونه من الغيض والاستفسار ليش اهيه الي يابت الريوق
نور:هنيه لم تستطع ان تحضر الفطار انها تعاني من الرشح وتشعر بدوار
صرخ زايد:وانتي منو قالج هاتي الريوق وين الخدامه الثانيه؟
فهمت نور انه يقصد الخدامه الثانيه
نور :ل لقد ذهبت مع السائق لاحظار بعض المستلزمات
زايد وهو يحاول يكبت نفسه:وانتي منو عطاج الاذن هاااه
تمت نور اطالعه ماتعرف شو تقوله
زايد:مليووووون مره قلت ما اريد اشوف ويهج
نور وكلامه بعده مش مفهوم الها
نور:ااسكب لك الحليب؟
زايد:انتي عنز ماتفهمين؟
تمت واقفه وتحاول تفهم شو يقول مع ان بعض الكلمات اتحس انها مفهومه لاكن المعنى مش واضح
زايد:لحووووووووو يالله انقلعي انقلعي داخل
بتردد:ماذا تعني بكلمة انقلعي
التفت زايد بسرعه للجهه الثانيه وهو يحاول يكتم ضحكته وبعد الموووت قدر التفت الها وهو يوقف
زايد:انقلعي يعني انقلعي وانا مش مسؤل منج عشان اقعد افسرلج الكلام ويالله فارجي
نور ما تحركت وتمت اطالعه بنظرات استفسار
زايد ووصلت عنده:تبين اتعرفين شو انقلعي انا بفهمج شوووه
جلب زايد صنيه الفطور واتناثر الاكل في كل مكان ونور اطالع بعيون مصدومه ومش متخيله الي يصير
زايد بصوت عالي :هذا يعني انقلعي يعني انا ما اريد اي خدمه منج فهمتي ولا ما فهمتي ما يهمنيه
المهم ما اريد اشوووووف ويهج
نور بانفعال وعيونها اتجول على النعمه المرمايه:تبا لك لما انت غاضب لما تفعل هاكذا بما انعم الله عليك
زايد :جـــــــــــــــــــــــــــب
نور بتحدي وغيض تملكها غصبا عنها وهيه تشوف النعمه تنرمى جذيه:لن اصمت لما انت متعجرف ؟ماذا فعلت لك كي تغضب
مسكها زايد من زنودها بغيض
زايد:انا اتقوليليه تبا لك يابنت الباكستانيه هااه منو انتي عشان ترفعين صوتج عليه؟
نور بضيق:اتركني ايها الوقح لا يجوز لك ان تلمسني هيا ابتعد عني
زايد قربها اكثر امنه ولامس صدرها صدره
زايد:ما بتركج زييين شو بتسوين يعني؟
رغم انه مستحقرنها الا انه حس بمتعه غريبه وهو ايقربها امنه بالغصب
ارتجفت نور وحست انها ما تقدر اتجادله اكثر فنزلت دموعها معلنه ضعفها
نور:اسالك بالله لاتفعل بي ذالك؟ ان ملامستك لي تغضب الرب
هزته كلماتها وتركها وهو يبعدها بعيد عنه
زايد:ماااااااا اريد اشووووووف ويهج انقلعي
اول ما ترك زايد نور طبعا طاحت على الارض قامت نور بسرعه وشلت الشال الاسود الي طاح منها اول ما مسكها زايد
ولفته عليها بسرعه والتفتت وهيه تطلق شهقه عاليه سمعها زايد وهيه رايحه داخل
تم واقف متنرفز ومتضايق وعيونه اتجول على الفوضى الي سواها
.................................................. ..........
كان خليفه رايح البيت واميره اتكلمه في التيلفون
اميره:اظاهر ان الحرمه بدت تسحرك ما شوفك يتنا من ملجت عليها
خليفه:ييت البارحه وقالوليه انج راقده
اميره:انزين جان قلتلهم ايوعونيه
خليفه:اميره لاتنسين ان احنا بس مخطوبين لبعض ولوما انتي بنت خالتيه انا ما قدرت اشوفج واتكلم معاج يعني استحي اطلبج
وبعدج ما صرتي على ذمتيه
اميره:قصدك نملج
خليفه:زييين بديتي اتفكرين
اميره:خليفه انا ما اريد ملجه عاديه وخلاص انا اريد حفله كبيره اذا انته مستعد الها ما عنديه مانع
خليفه:الحين انا ما اقدر اسوي حفله لنج تدرين يبالها مراكض وانا والله وقتيه امراكض مع زايد
خليه لين ايخلص وعقب فالج طيب بسويلج حفله لا صارت ولا استوت هااه راضيه
اميره بدلع:ههه اكيد حبيبي
خليفه:اووووه خفي عليه انتي تدرين ان الكلمه هذي اتذوبنيه وبدال لا اروح البيت باييكم
اميره:هههه اصلا انا في الكليه
خليفه:فديييت انا الكليه
اميره:يوووه خليفه بس عاااد....هاااه انتبه انته اليه انا تحمل من الحرمه الثانيه تسحبك الها
خليفه:انتي متى بتفهمين شو سالفة الحرمه الثانيه
اميره:عاده انا اخاف منها ولازم تتذكر انها اهيه لابسه النقاب عشان تخفي عيوبها
خليفه:هيه بكبرها ماتهمنيه زييين جذيه
اميره:طيب حبيبي بسكر البنات كلونيه بعيونهن
خليفه:طيب باي
سكر عنها ونزل من السياره رايح داخل البيت وحصل الكل قاعد في الصاله استانس يوم شافهم وحذف عقاله وسفرته
خليفه:زيييين بلحق يعني اليوم اتغدا معاكم
ناصر:هيه بس احنا نتغدى على الارض مش على الطاوله
خليفه:وانا بعد بتغدا معاكم على الارض
ابتسمت نوره وراحت المطبخ عند الخدمات ويابت لفراش فرشو على الارض وحطو الاكل والتف الكل
على الغدا راح خليفه يغسل ايديه وقعد عدال نوره وهند امبينهن ارتبكت نوره من قربه وحاولت تتجاهل الموضوع
احمد:يوووه انا ما اريد اقعد عدال هذي ام كشه
دانه:انا مب ام كشه انته كشه وصاحت دانه
خليفه:لا لا لا افا ياعيال وقعه على الاكل
احمد:قلها اتروح مناك عنيه بعيد
نوره بحزم:احــــــــــــمد
رفع احمد نظره لنوره ورجع واعتدل في قعدته تم خليفه ايطالع ومستقرب من كلمتها واحساس غريب انها يمكن مرهبتنهم افكار سودا تمت اتجول في راسه لاكن
حركة احمد عقب بددت كل هالافكار
قرب احمد من دانه وحبها على خدها
احمد:فديييييت انا كشتج ههههه
عقب رد وطالع خالته وابتسامته على شفايفه....نوره تمت اطالعه بنظرات عيونها واحمد اينزل راسه تحت ايطالعها
احمد:خلاااص حبيتها ....خالوه اقول اداب الطعام
نوره:لا دانه الي بتقول
هند:لااا خلي عميه خليفه اهو الي يقول
التفتت نوره لخليفه
خليفه:هاااه انا ا ا ا لا خلو دانوه ابا اشوفها اذا تعرف
دانه:انا اعرف انته الي ماتعرف كلت العيش قبل لا تقول بسم الله
ضحك خليفه بصوت عالي:هههههه انا قلت بس انتي ماسمعتي
دانه:شوووف اول شي نغسل ايدينا عقب نقعد جذيه ريل تحتنا وريل عدالنا بعدين انقول بسم الله تدري ليش عشان الشيطان ما ياكل معانا
استانس خليفه عليها وهو ايهز راسه
دانه:بعدين ناكل من جدامنا بايدنا اليمين الرسول قال جذيه واحنا نسمع كلام رسولنا عشان نحيي السنه
خليفه:براااااافو دانوه
دانه:لا مش برااافو قول شاااااطره هذي مش مالتنا
خليفه:هههههه فديتج انتي متى التزمتي وما عطيتونيه علم
بعدها بدا الكل ياكل
احمد:خالووووه عطينيه لقمه من ايدج الحلوه اخر لقمه اليه
نوره:خلصت؟
احمد:هيييه
اعطت نوره لقمه اخيره لاحمد وقام وهو يقول الحمدلله
هند وقبل ماتقوم:وانا بعد خالووه
ابتسمت نوره واعطتها
دانه:وانا بعد
طالع خليفه ناصر الي ابتسم منحرج وقف وقبل لا يروح رجع ونزل خذ اللقمه من يدهاوراح
خليفه:هههه يعني لازم اخر لقمه ياكلونها من يدج
نوره:شو اسويلهم من العام وهم متعودين عليها
خليفه:واااال من العام
نوره:في البدايه ماكانو يرضون ياكلون بايديهم وبعد الموت وافقو على اساس اعطيهم انا اخر لقمه
خليفه:اكيد فيها سر هاللقمه
هند قربت منهم:جربهاا لذييييذه
خليفه:صدق!!!؟ عيل قولولها تعطيني اياها
التمو عليها وتمو يترجونها
نوره:طيب طيب روحي هند غسلي ثم فطامي وانتو ياله روحو فوق
احمد:اول شي عطيه اللقمه حراام طالعي كيف عويناته اطالعج
نوره:احـــــــــــــــــمد
ضحك احمد وركض فوق يلحق بالبقيه
قرب خليفه راسه منها:احم بتعطينيه انا بعد لقمتيه عشان اروح ارقد ؟
كانت متوتره وهيه ادلقم له لقمه كبيره دعستها في ثمه وعيونها مركزه في عيونه
خليفه فتح اعيونه اول ما حطت اللقمه في ثمه واول ما حاولت توقف عشان اتروح مسكها من يدها ومنعها توقف واشار بيده
الثانيه تنتظر لين ما بلع اللقمه
خليفه:اوف والله انها لقمه عجيبه
نوره:ههههه
خليفه وترته ضحكتها:ما تغديتي؟
نوره:ما عليه عقب بتغدا
خليفه:كنتي تتغدين مع اليهال وخربت عليج
نوره:لا والله انا اتغدى عقب.... ما اعرف اتغدا لين ما يخلصون
ابتسم خليفه:مشكووووره نوره انتي والله خاله ونعم الخاله
نزلت نوره راسها تحت:حتى انته ماتقصر فيهم
خليفه:انا مادري شو كنت بسوي لو ما انتي ....الا صدق انا مستقرب من دندن قاعده اتحدث
نوره:ههههه ههههه هيه حرمه مش ياهل وتفهم عيل وين لو سمعت فطامي اتقول اداب النوم
خليفه:صدق عيل افرشيليه فراش عندها اليوم
نوره وهيه منزله راسها تحت:فطامي ترقد عنديه
سكت خليفه وقام رايح للمغاسل وهو مبتسم
##
##
##
ودمتم وديمه العطا

وهذا أخر جزء نزلتوا وديمة وان شاء الله أصير انزل الأجزاء هنا كل جزء بعد الكاتبة أول بأول

قراءة ممتعة

السلااااااااااااام عليكم..
الزاائره نورتــــــــــــــــي منتدى النقل بنقل هالقصه اللي تهبل تووني الحين شفتها وعلى طووووووووووووووول قريتها مع ان لي فتره مااقريت اي جزء من الاجزااء اللي اتاابعها.. بس من شفت هالقصه وانها لوديمه على طوووووووووووووووول بديت فيها ومااقدرت اتركها الا لماخلصت كل الاجزااااء..
زاائرتنا شووفي عندي طلب لوو سمحتي. ياليت تقوولين للكااتبه اني صاااادرت زااايد فديت رووحه وخلووفي يجنن وباذن الله خليفه كرهه لاميره على يدي باذن الله.. فقدت هالاميره اللي احلى مافيها اسمها وبعد صاار لووعه..
مبين على وديمه ان اسلووبها تطووووور وااااااااااجد وخصووصاا شخصية نور ..
شخصيه رهيبه وغير متوووقعه .. تهبببببببببببببببببببل حااازت على اعجااااااااااااااابي الشديد.. والا اللغه الفصحى ياااااااااويلي تجنن والصراحه اني اعتبرها ترجمه لاي احد ماراح يفهم اللهجه الاماراتيه مع ان اللهجه مااتضيع فديتهاا وفديت كل من نطق فيها وعلى رااسهم غيثاااااااااااااااني ابو السياافي وفرووحة قلبي ..هخهخهخه >> ادري الا لااازم اجيب طاااري مكحول الاعيان غيثي..
المهم زوزوووو القصه ابدااااااااع والاختيااااار موفق وخصووصااا ان القصه لكاااتبه ثقه مثل وديمه لنا معها تجاارب بالالتزام وان قصصها لها نهاايه مو مترووكه كذاا بدون نهاايه لمدة سنوات..
كل ابطالها روووعه وفيه علاقات غريبه مثل علاقه خليفه ونوره .. يااليت من يمسك هالنقااااب ويحفر له عشرين متر تحت الارض وهوو بيعرف كم عمرها صدق .. اتوقع انها اصغر من ثلاثييين سنه .. يعني هي بتكون اصغر منه ..
اما زاااايد رااعي الكرسي ..ههههههههههههههه والله كل مااشفته بينهاار وهو يطري الكرسي ومسوووي نون وماايعلموون عشاانه قررت افصل له كرسي واخليه عميد جامعتناا يستااهل بو زيووود العمااده على الاقل بظمن له تصيويتي وتصويت شلتي وان بغى اكون مديرة حملتة الانتخااابيه يبشر بالخيييييييييييييييييير.. بس اهم شي انه يحصل له كرسي..فديت رووحه.. خووفي هالكرسي اللي بيموت عشاانه يجي بكره على رااسه.. المهم اعجبني لقاااءه مرررررره مرررررررره بنوور وخصووصاا لما قالت له تباا لك..هههههههههههههههههههههههههههههه والله انا اللي تفاجأت لحد الصدمه مو هوووووو.. اما تباا لك واغرب عن وجهي..هههههههههههههههههههههههههههههههههه.. احلى شي صرااحه والا وهي تسأله وش معنى انقلعي.. هههههههه الصرااحه ان هالقصه غير غييييييييير وبتكوون ابداع ..
امااا صرااحه نجمة القصه بلااااااااااااااا منااااااااااااااازع من وجهة نظــــري هنــــــيه... يااااااااااااااا اناااااااااااا امووووووووووووووووت فيهااا وخصووصاا وهي توولووول وتقووولي ياااا لهووووووووي ياالهوووي ياللهووووي يابت.. والا لما نور تكلمها فصحى وهي تكلمها عربي مكسر مثل كلامنا للهنود..هههههههههههههههه والله ان هنيه نجمة القصه بلااا جداااااااااااااال..والله كل ماشفت هنيه فطست ضحك من قبل ماتبدأ دووورها اللي ابدعت فيه..
الله يووسع صدرتس ياا ودووووم ..

بانتظاار الجزء القااادم بكل شووووووووووووق والله يعيطيتس الف عافيه
الزاائره كل الشكر لتس على نقل هالقصه الرهيبه اللي كلها خفة دم .. لااعدمناااتس..