"نــــــــــــــــــــــــور"
الجزء الثامن عشر
اول ما دخل خليفه الي كان شكله داخل على عيله وهو يحرك الجواز في يده بقو وقف متنح بالي قاعده جدامه اول شي فكر انه مغلط
واول مافكر يلتفت يطلع طاح نظره على الخدامه الي قاعده عدال السرير على الكرسي وهيه تتحرك واقفه فتح عيونه اكثر وثبتهن على نوره الي انبهر ابها ومش مصدق بعيونه الي يشوفه تم واقف بس عيونه اهيه الي تتعمق اكثر واكثر في هالمخلوقه الي جدامه وكانها مخلوقه يايه من عاااالم ثاني حتى يده الي
ماسكه الجواز جمدت من هول ماشاااف
رفعت نوره عيونها وحطتها في عيونه كانها اتقول طالعنيه يا خليفه وقلليه وينها عيوبيه الي اخفيتها
وضحكت عليك عقب...طلعلي عيييب واحد يكون لك عذر على كل الي قلته واتهمتنيه فيه ....ماقدرت تستحمل نظرته المنصدمه ونزلت نظرها تحت تحاول قد ماتقدر تمنع دموعها عن لا تنزل مافيها ايقول بعد دموع تمثيل ان كنت ما اعرف للتمثيل قبل اليوم انا بمثل جدامك
على انيه انسانه قويه ماهمنيه كل الي صااار
خليفه بعده واقف ايحاول يستوعب اكثر ...هل هذي هيه فعلا نوووره؟؟......نوره الي كانت عايشه معايه؟؟؟خالة لعيااااال اهيه هذي؟؟؟
معقووووووووله؟؟؟؟بس هذي مافيها حرق ....ومش قبيحه .....ولا وحده عمرها كبيييير....هل هيه صدق نووووره
انا معقوووووله كنت طول الفتره الي فااااتت كنت مع هالانسااااانه؟؟؟؟
وبصعووووبه قدر يكسر نظرة عينه لتحت ويرجع ايطالعها وهو يتذكر كل التهم الي اتهمها ابها والهجوم الي شنه عليها الصبح
كانت كلها شكوووووك اوهااااااام اهيه ماضحكت عليه ولا حاولت اتجرجره وراها ومليووووون بالميه ماسحرته اهو الي انسحر بروحه..............اتذكر
كلامها بانها لبست النقاب عشان تمنع شي صار غصبا عنها وبلفعل اهيه حاولت وماقصرت بس اهوه الي كانت مشاعره ميننتنه كل شي فيها يننه عيل وييييين لو شافها من اول يوم اكييييد انه بتضيييع علومه كلها
حقيييييييير اقسم بالله انيه حقييييير....معقووووله انا الي سويييته والي قلته الهاا...رفع نظره الها مره ثانيه
هذي كم عمرها؟؟ حتى الجواز ما فكرت مره افتحه واشوف شو فيه
وعلى طول فتح الجواز الي بين ايديه عشااان ينصدم بصورتها وعمرها
عشرين سنه يانووووره عمرج؟؟؟عشرييين سنه وانا اتوهم ان عمرج فووووق على تصرفاااتج واسلوووبج ومعاملتج لليهااااال عشرييييين سنه
شوووو هذا الي يصييييير انا ويييين عقليه من زمااااااان
دخلت الدكتوره واتوجهت لنوره الي بدا ويهها يحمر وهيه تشوف انفعالات ويه خليفه المنصدم منها وتجليبه للجواز في يده خليفه حس انه ما يقدر يتكلم ولا ينبس باي كلمه
والي ذبحه اكثر يوم قالت الدكتوره الها معاوضه وانها بعدها صغيره والله بيعوضها وانها لوكانت منتبه لنفسها جان ماخسرت البيبي وماااااااااات يوم قالت نوره
نوره:لاتذبحينيه يادكتوره اكثر خلاااص راح
وانفجرت اتصييييح
خليفه حس انه مايقدر يسحب نفسه وهو يتذكر سحبه للنقاب الصبح بكل عنف وهو يستحقرها حاااول يسحب نفسه لاكنه ما قدر التفت عنهن وطلع
""خاااارج نطاااق التغطيه وهو طااالع اصطدم بممرضه حلوووووووووه وعشان ياخذ نفس حبسها واهيه يايه في طريقه
بينه وبين الجدار عشان يسحب النفس اهيه عااااده ولعت من المستحى وهيه قريبه من حضنه وريحة عطره تارسه راسها""
الممرضه:سلاماااااات ياباااشه
طالعها خليفه الي كان وااايد قريب منها ورفع ايديه عن الجدار عشان المسكينه تقدر تتحرر بعد ما شاااف ويهها المحمر
الدكتوره من داخل:يا ممرضه روريينا انتي فييين
الممرضه رورينا:انا هوون يا دكتووره جايه جايه
ههههههههه هذا المقطع خاص لحبيبتنا رورينا اهيه طالبه لقطه خاصه الها مع خليفه ان شالله انبسطتي يارورينا
ركب خليفه سيارته وابدا مش عااارف وين الوجهه لين ما وقف السياره عند الكاسر ونزل...وكان الله في عووونه

.................................................. ...........
دخل فهد للمطبخ الخارجي وحصل اليازي اهناك
فهد:انتي شو تسوييين اهنيه
اليازي بدون نفس:عمتيه مطرشتنيه اييب ملاااس كبير
فهد:وماشي خدامات في البيت؟
اليازي بعد ما سحبت نفس:مشغوووولاااات
قرب فهد منها وعيونه على قذلتها الي كانت طالعه
فهد:وهاذي مره دووووم طالعه عند الي يسوا والي مايسوا
اليازي:عااااادي
فهد بغيض:منو قاااال انه عااادي انتي ماتعرفين شي اسمه حرااام
اليازي:يووووووه انا عاده مش متعوده كييييفيه
فهد:لا مش على كيفج...سيري صيعي بعد برا وقولي على كيفيه
اليازي:اسمع عاده انا ادريبك انته تبا اتواقع وبس
واول ماالتفتت مسكها ولفها صوبه
فهد:احترمي نفسج واسمعينيه لين اخلص كلاااميه تفهمييين
اليازي:وان ما فهمت شو بتسوي؟
رفع يده وقبل لا يضربها وقفت يده
فهد:انقلعي عن ويههيه انقلعـــــــــــــــــــــي
تمت اليازي عيونها على يده المرفوعه والتفتت عنه وركضت داخل
فهد:الصبر يارب...انا الحين ما ابصم بانفصال شخصيتها الا ابصم انها متمرده ويبالها تادييب من اول ويدييد
.................................................. .......

على المسا وعقب ما ضاقت الدنيا على خليفه راح المستشفي عند زايد وعرف من بدر ان السفر اتقرر عقب اربعة ايااام
طلب من نور اتروح معاه البيت تقعد عند اليهال لين ماتطلع نوره
فهمت نور من تلطيشات كلامه الي صار لنوره وتذكرت ان نوره قالتلها ان علاقتهم على ورق بس ما حبت تتكلم مع خليفه وتستفسر اكثر
في البيت كان خليفه قاعد على الكراسي الي تحت وسرحاااان وعيونه على نهاية السلم يتكرر له الي صار كل شوي ذابحنه الندم لانه ظلمها
نزلت نور من فوق ومشت رايحه صوبه حزنها شكله وقعدت عداله
نور:عمااااه ارى انك متعب كثيرا
التفت الها وشكل عيونه اتريد تنزل الدمع لاكن ماشي دموع
خليفه:تعبااان يانور والله انيه تعبااااان
حطت نور مخده صغيره على ريلها واشارت له يرقد عليها وماصدق خبر حط راسه وهو يسحب نفسه بصعوبه
تمت نور تمسح على راسه وهيه تقرا بعض الايات في سرها لين ماغمض خليفه ورقد...فكرت انه حزين على البيبي...ماتدري انه حزين لانه هو سبب فقدان البيبي
سحبت نور ريلها من تحت المخده وبندت الليتات ويابت لحاف لحفته وراحت فوق عند اليهال
من غبشه كان خليفه في المستشفي عند نوره دخل بشوييييش وسحب واحد من الكراسي وحطه مجابلنها وهيه راااقده وكانت الابجوره شغاله من قبل
رفعت الخدامه راسها وقاللها اوصصص ردي ارقدي
التفت لنوره ملااااك راقد شفت يالثووور هالملااك كانت راقده في حضنك في يوم وانته ماتدري
كل هالبراءه كانت ملكيه وانا مضيع مش عااارف شو فيه كانت تروينيه وانا احس بالعطش اكثر واكثر وصدق الشاعر يوم قال تاخذيني للبحر وترديني عطشان
والحين شو بتسوي يا خليفه بتطلب منها اتسااامحك عيييييب والله عيب عليك ترفع نظرك فيها اصلا
ومن الهم الي كابت على صدره رفع راسه للسقف وغفت عينه واول مافتحت نوره عيونها اتفاجئت به واعتدلت بسرعه
نزلت من السرير وراحت للحمام وتعمدت انها تصفق بالباب قو انتبه لحضتها خليفه وقام وقف وتم يتلفت في الغرفه وعقب طلع من الغرفه
استانست نوره يوم ردت البيت على الضحى ان نور جدامها
نور:حمدالله على سلااامتك
نوره:نوووور فديييتج انتي كنتي عند اليهال والله كنت احاتيهم وبدت دموع نوره تنزل
اقتربت منها نور وحضنتها
نور:طهورا ان شاالله والله سوف يعوض عليكم
مسحت نوره دموعها
نور:هيا اعطني يدك ارا انك متعبه كثيرا
نوره:لا الحمدلله اليوم انا احسن
نور:الحمد لله
نوره:فيها خيره ان شالله فطامي بعده صغيره وماباها اتغار من البيبي
نور:ارى ان الامور قد تحسنت بينك وبين عماااه
ابتسمت نوره ونزلت راسها تحت يعني شو بتقول؟؟
نور:هل تريديني ان اساعدك على الصعود الى اعلى؟؟
نوره:لا لا انا بخلي الخادمه تنزل لي اغراضي تحت سوف ابقى في قسم الضيوف ذالك خيرا لي
نور:وعمااه؟
نوره بتوتر:عاد هو كيفه
نور:لا اعتقد بان عمي سوف يتركك وحيده بالاسفل
سحبت نوره نفس مرتعش والتفتت للخدامه:ويييين فطامي تولهت عليها سيري هاتيها واول مايابتها حضنتها نوره ورجعت اتصيييح
نور:لما البكا ياعزيزتي؟
نوره:كنت شاله همهن واللــــــــــــــــــه ماتدرين شكثره البارحه تعبت وانا افكر فيهم....اااااااه نور المسؤليه واااااايد كاسره ظهريه وووااااااايد انا افكر فيهم
خص البنااات هذيلا همهن غيييير اخاف يتعرضن لاعتدا ولاشي ايضرهن
نور وهيه تقرب وتقعد عدال نوره الي تمت اتصيييح:اووووه نوره ذلك الشيطااان يصور لكي امورا مشينه
نوره:يانور الدنيا الحين مش مثل اول كل شي تغير والواحد لااازم ايخاااف غصبا عنه
نور:لاتخشي شيا انتي تعيشين معهم في منزل منعزل وهم تحت انظارك الخوف على الابنا الذين يعيشون في تلك البيوت المتقاربه والتي يكون الابنا فيها في الداخل والخارج لا احد يعلم عنهم شيا حفضهم الله جميعا
نوره:اميين بس بعد اتم احاتيهن...لو يصير واروح عنهم مثل البارحه كيف برتاح
نور:عماااه هنا وسوف يراهم لقد مرعلي وطلب مني الحضور لرعايتهم هو ايضا يخشى عليهم
نوره:ادري انه مش مقصر بس بعد ايتم قلبيه حارقنيه عليهم
نور:اين انت من رعاية الله؟
نوره:والنعم بالله بس الله ماقال همل وافتقد
نور:اطلبي العون عزيزتي دائما من الله اسمعي سوف اقول لك دعا وهو من الادعيه التي اقولها دائما في اذكاري الصباحيه والمسائيه وهذا الدعا
عظيم جدا يحفض لك كل ماتملكين من مال ونفس وابناء ...ردديه كل يوم واجعلي ثقتك في الله الى جانب عنايتك بهم...اتفقنا
نوره:يالييييت وينه هاتيييه والله لا اداوم عليه ليل ونهار ماشي اعظم من رعاية الله وانا محتاجتنها حييييييل محتاجتنها
نور:حسنا سوف اذهب واحضر قلم وورقه لاكتبه لك
قامت نور ويابت القلم والورقه وتمت تكتب الدعا عدال نوره
نور:ها هو انتهيت من كتابته سوف اقراءه لك...وهو دعا انس بن مالك قال ان رسول الله قد علمه اياها يدعو بها كل صباح ومساء
)بسم الله على نفسي وديني,بسم الله على اهلي ومالي وولدي،بسم الله على كل ما اعطاني ربي،الله،الله،الله ربي لا اشرك به شيئا،الله اكبر،الله اكبر،الله اكبر واعز واجل مما اخاف واحذر
اللهم اني اعوذ بك من شر نفسي ومن كل شيطان مريد ومن شر كل جبار عنيد،
فان تولو فقل حسبي الله لا اله الا هو عليه توكلت وهو رب العرش العظيم،عز جارك وجل ثناؤك ولا اله غيرك.امنت بالله العلي العظيم وحده وكفرت بالجبت والطاغوت واعتصمت بالعروة الوثقى لا انفصام لها والله سميع عليم،حسبي الله وكفى ،سمع الله من دعا، ليس وراء الله مرمى(
ثلاث مرات صباحا ومساء
نوره:مشكوره فديتج وجزاج الله كل خيير

.................................................. ......
كلم خليفه الدريول وقاله انه كان راجع بنوره والخدامه البيت
خليفه:رجعت ليش ما سوليه تيلفون؟؟
سكر عنه واتوجه على طووول للبيت مايعرف شو فيه لاكن اتصال اميره فاجئه ورجعه للواقع
اميره بدلع زااايد:وييينك حبيبي؟
بلع غصه يته غصبا عنه:موجووود راجع من عند زااايد
اميره:ووين رايح؟
خليفه:البيت
اميره:واخبارها مسودة الويه؟
غمض عيونه يحاول يكبت غيضه
اميره:خليييفه؟
خليفه:معاااج
اميره:شبلاااك؟
خليفه:اميره ليش قلتيليه من قبل ان نوره محروق ويهها؟
ارتبكت اميره:ا ا انا قلت ؟!!!ّ
فتح عيونه خليفه وتداركت اهيه الوضع
اميره:انا انا سالتها انيه اريد اشوف ويهها وقالت ما اقدر قلتلها ليييش قالت عنديه اسبابيه الخاصه عاده انا قلت يمكن ويهها محروق وسالتها وقالت هييه هيه جذبت عليه
انا شو خصنيه...حليليه حطت في بطني بطيخه صيفي على قولت اخوانا المصريين وياغافل لك الله
استوت علوووم وانا مادري...وانته ياي عقب ما لعبت لعوبك معاها ليش قلتلك محروقه الله يسااامحك اهي اهي
هز راسه خليفه:اميييييره انا ما اواقعج الحين انا بس استفسر
اميره:وليييش تتحسبني بتبلا عليها اصلا من حقيه ادافع عنك باي طريقه..لاكن انا مسكييينه ذنبيه الوحيد انيه احبك وعشانك مسامحتنك على الي سويته
خليفه:خلاص انزين يا اميره خلينا انسكر هالموضووووع
اميره:مابتمر علينا؟
خليفه:لا ما اقدر ورايه سفر واريد اجهز له
اميره:انزين اشويه حبيبي بطعمك الكيكه الي مسويتنها
خليفه:اميييره
اميره:خلوووفي حرااام والله عشانك مسويتنها وانته تدري مداني ادخل المطبخ
خليفه:انزين انزين بمر
اميره:يووووه فديت قلبك
من متى يا اميره تتفدينيه ولا تهتمين فيه لاكن شونسوي حريييم
عاده اميره كانت مدخنه المكان ومرتبه كل شي وميك اب فووووول الموووووت ذبحتها نوووره يوم شافتها
موزه مستغربه من اهتماام اميره الزايد باستقبال خليفه
موزه:اميييره انتو بعدكم ما ملجتو عيل وين لو تملجون بتدخنين الغرفه اظنيه
اميره بعصبيه:انقلعي عن ويهيه انتي..انا مش نااااقصه الا لسانج هذاابروحيه لايعه جبديه من كل الي اسويه
موزه:محد غصبج والله اقلعي الريال في حاااله
اميره:لااااا عشان تاخذه جاهز مجهز فارقت ويهها الخااايس
ضحكت موزه:هههههه عقب المدح الي قلتيه البارحه لاميه وانتي مقهوووره ما اظن حليييلك يا خليفه عندك القمر
والعن خيرك يوم استانست به شويه...الله يعينك على الي بيييك والله راحمتنه هالريال وانا اقول ان
الله عوضه
اميره:يعلج المرض قوووولي اميييين انقلعي انقلعي اشووووف
موزه:انزين ياماما خفي من هالمكياااج تراج اتفلخين مصدقه عمرج انتي مع ويه هالارجووووز
مسكت حينها اميره الجره الصغيره وحذفت ابها موزه الي شردت وهيه تضحك وتمت اميره تصاااارخ وتصاااارخ ويتها امها تركض
ام اميره:بسم الله عليج يابنيتيه شبلااااااج؟
اميره:الكلبه الحقيييره موييييز اتقول انها احلى منيه وان خليفه خلاااص مايريدنيه
لوت ام اميره عليها وتمت اتهديها وزاد صياح اميره وهيه تسمع صوت خليفه ورا امها يسال شو صاير؟
محد رد عليه وتمت اميره اتصيييح واتصيييح التفتت ام اميره
ام اميره:هذا حالها يا ولديه طول اليوم اتقول انك خلاااص ماتباااها
خليفه:لاحول ولا قوة الا بالله امييييره انا قلت جذيه؟
اميره:انته غاصب نفسك عليه انا ادري
خليفه:حرام عليج عاااده لو كنت ما اباااج جان قلت من زمان ما اباااج
اميره:اوعدنيه انك اول ماترجع من السفر نملج على طوووول ولا ليش عقب السفر اليووووم خليفه الله يخليك ان كنت اتحبنيه خلنا اليووووم نملج
رفع خليفه نظره لخالته وشاف دموعها
خليفه:خاااالتيه انتو ليش مهولين بالموضوووع شو تغير انا قلتلج يا اميره ان الي صااار مابيتكرر
اميره:ما اقدر اصدقك كنت جذيه اتقول
خليفه وهو يوقف:خلاااص انزين لج الي تبينه بييب المليج الليله وبخليه يملج
وقفت اميره وضحكت:صدق خليفه اميه سمعتي شو قااال قال بنملج اتصلي على ابويه وقوليله
راحت عقب اميره وضبطت مكياجها وتم خليفه مع خااالته وارتاح يوم شافها مستانسه مخه ظاااارب خلااااص ايحس انه يظلم كل من حوله
بعد ما رجع خليفه للبيت شاف الخدامه اتنزل الاغراض من فوووق
خليفه:حق منوووه هذاا؟
الخدامه:ماما نوره يقول يريد يجلس تحت...اولاد بعد كلش ايريد ينزل
خليفه:نووور موجوده؟
الخدامه:موجووود
طلعت نور من قسم الضيوف الي تحت:عمااااه لقد اتيييت هيا اقترب سوف نريك مقرك الجديييد
خليفه منصدم:شوووه؟؟
نوروهيه توقف وراه ادزه ناحية قسم الضيوف:هيا زوجتك لا تستطيع ان تصعد الى الاعلى
وقد قررت ان تنتقل الى تحت والشعب كله يريد ذالك ولا بد انك تريد ذالك ايضا
خليفه:لحضه انزين صبري
نور وادزه اكثر:هيا هيا
يااااذي لوهقه
دفعته لين الغرفه وتفاجئت نوره به داخل ونور وراه ادزه
نور:ها هو العريس قد احضرنااااه عمااااه يقول ايضا هو لايستطيع ان يبقى في الاعلى لوحده
تلاقت نظرات نوره بنظرات خليفه وتداركت الموقف اهيه بابتسااامه عاده تعالو دورو قلب خليفه الي غاااب لثواني ورجع ايدق بقو وش هالابتساااااامه الي تذبح وتصرع انتو تدرووون انه ايموووت من مسكه اليد والخصر ويييين عاده الحييين مع هالابتسااااامه
نوره وبعدها ابتسامتها على شفايفها:حياااك واشااارت بيدها ايي قريب منها
دزته نورالي درت بسالفتهم كلها وسوت عمرها مش فاهمه شي
ارتبك خليفه وهو يحس انه رايح لوحده اول مره ايشوفها وماقد تعامل معاها
نوره بصوتها العذااااب على قولته:حيااااك حبيبي
جانه غاب امساااعه الحين وقف
قعد على طرف السرير وعيونه مش قااادر يرفعهن عليها من كل هالقرب
نوره وهيه تمد يدها لخده:خليفه شبلاااك شكلك تعبااان فطرت اليوووم
التفت الها وعيونه تحاول تستوعبها وتقولها حرااام عليج يانوره ليش اتسويبيه جذيه.؟؟؟...ليش اسويلك جذيه
ما انته ياما عذبتنيه بلمسااااتك ونظراااتك لين خليتنيه اجرجرك على قولتك
نور التفتت للجهه الثانيه مبتسمه وما حبت تطلع عشان المسرحيه ماتنتهي
نوره وبعدها يدها على خده:اخلي مينا تيبلك فطور؟
خليفه:لا لا الغدا قريب
التفتت الهم نور:سوف اذهب واحضر لك سندويج سوف يعجبك عماااه
طلعت نور وبسرعه نوره نزلت يدها والتفتت عنه
نوره بارتباك:نووور ماتدري بشي وانا مافيه افهمها السالفه اذا تريد اتقوللها كيفك
تم ساكت بعده ايحاول يستوعبها
ودخلت نور وهيه شاله الصنيه التفتت الها نوره ورفعت ايديها تاخذ الصنيه عشان اتحطها على ريولها
نوره:مشكوره يانور تعبناج معانا
نور:لا عليك انا في خدمة عمي هيا عماااه كل لك شطيره انها لذيذه
مسكت نوره واحد من السندويجات وهيه مبتسمه ورفعتها له
نوره:ياله سم باله
اهو الكلام لين الحين ماقدر يتكلمه وييين يبنه ياكل..مسك السندويج وتم ماسكنه ونظره تحت
نور حست بالتوتر الي بينهم وقالت احسن شي اطلع وانا مش فاهمه السالفه اصلا
نور:سوف اذهب لرؤية الاطفال اذا قدمو
وطلعت وعلى طول نوره انسحبت من السرير اتريد اتروح الحمام ونظرات خليفه تتبعها لاكنها يوم وقفت وخطت كم خطوه حس خليفه انها بتفقد توازنها وبسرعه اتداركها ومسكها قبل لا اطيح التفتت له بسرعه مواجهتنه وابعدت ايديه عنها بعصبيه
نوره:لو تسمح لا تلمسنيه مره ثانيه...ولو اطيح وينكسر راسيه ماعليك منيه
مثل الكف كلامها كان على ويهه تم ايطالعها والتفتت عنه وهيه تتساند على الجدار ودخلت داخل
ما ستحمل ايتم معاها في مكان واحد وطلع ولقى نور في الصاله
نور:ماذا هناك عمااه
خليفه:هااه ماشي خليج انتي عند نوره يمكن تحتاجج انا احس انيه تعبان بروح ارقد فوق شويه
وطلع بدون ما ينتظر منها جواب والله شكله تعباااان ويكسر الخاااطر
نور العصر رجعت لبيت عمها وانصدمت وهيه داخله بصريخ فهد على اليازي الي ماتابت وكانت برا قبل اشوي بحجابها المهمل كانت مي وروضه بعد موجودات
تمت نور اطالعهم واتوجهت لقسم يدتها عشان اطالعا
التفت فهد لليازي:هاااه طالعي الغريبه جيف حجابها حشيييم ومتستره حتى ويهها ماقد طلعته
اليازي:واللــــــــــــه هذن خواتك بويوههن ليش ماتواقعهن
فهد:لااااااا انتي الكلااام معااااج ضاااايع
خلاها وحصل نور في طريقه ولاحضت انه معصب
نور مخاطبه البنات:ماذا هنااك لماكل هذا الصريخ
اليازي وهيه مقهوره:كل شي انا اسويه غلط وحرام وغيريه ايسوي الي يسويه محد ايقوله حراااام
نور:ايتها اليازي ماذا هنااااك ماهو الحرام الذي تقومين به؟
اليازي:حاشرينيه مع حجابيه ...انا من النوع الي ما اتحجب لازم يعني غصب
نور:ولاكنه امر محرم عزيزتي
اليازي:ياسلااااام العالم كلها حوليه اتسوي وااايد اشيا محرمه شمعنا انا داقين اليه
نور:وهل تريدين ان تهلكي نفسك كما البقيه تريد ان تهلك نفسها
اليازي:انا مش متعوده على لحجاب
نور:وما الذي يمنعك من ذالك؟؟...هل تعلمين بانه عند نزول اية الحجاب كانت النسا في الاسواق تمشي من دون حجاب وعندما علمن بنزول هذه الايه التصقن بالجدار وابين ان يتركن امكنتهن الا من بعد احضار الحجاب لهن
الله لا يامر بشي الاوهو يعلم ان ذالك الامر به منفعه للمرء وامر الله لا يعصى الحجاب امر انزله الله عليك ان تلتزمي به
سكتت اليازي وتمت اطالع تحت رجعت ورفعت راسها وقالت:خالتيه مش متحجبه وبناتها بعد
نور:هو جهل منهن وعليك ان تقدمي لهن النصيحه...الحجاب ستر للمسلمه ويبعد عنها كل الاعين الخبيثه
ان شعر المراءه تاج جمالها وهذا الجمال لايجب ان يطلع عليه الازوجها ومحارمها...عزيزتي اليازي الامر بسيط
اقتربي من الله بحجابك يقربك الله اليه ومن ترك شيا لله عوضه الله بخير منه
بدت دموع اليازي تنزل:بس اهو مايريدنيه اتحجب عشان انه حرااام اهو يتحسبنيه خااااايسه
نور:ما هذا الذي تقولينه ومن تعنييين؟؟
كان حينها فهد واقف في الممر ايريد يسمع نور شو تقول الها
اليااازي:فهــــــــــد فهد يتحسبنيه خااااايسه من البنات الي تغااازل انتي ماشفتي شو سواااابيه في المدرسه والله الحيوانات مايعاملونهن نفس ما عاملنيه
تمت تنحط وتصيييح واطلع كل الي في خاااطرها
اليازي:اتخيلي يا نووور مسكنيه جدام المدرسااات والبنات مثل الحيواااانه وتم يسحبنيه بدون عباااه وكل ما تخرطفت وانا انسحب ما اهتم وتم يسحبنيه
تخيلي من البوابه الداخليه لين البوابه الخارجيه وانا ما امشي على ريوليه كان يسحبنيه وفي السياره كل شوي التفت اليه وكفنيه على ويهيه وماشفتي شو سوابيه اهنيه داسنيه بريوله حيوانه انا عنده بس لانه شك فيه وظن ظن السوووء
انا في حيااااتيه وقسما بالله رغم الحياه الي عايشينها في بيت خالتيه لفري عمريه ما فكرت اغلط ولا اتعرف على حد دوم البنات ايحاولن معايه لاكنيه اعرف ان هذا غلط ويجر لاشيا غلط كبيره
والله يانووور انيه في عمريه ما رفعت عينيه في ريال غريب ولا اسمح لحد ايكلمنيه ايي هذا اخرتها يسحبنيه من المدرسه كانيه مسويه بلوه
والله اكره اكره وخله ايشك من اليوووم لين باجر فيه اريده ينحرق اكثر
غمض فهد عيونه متلوم واهو يسمعها
نور وهيه تلوي عليها:غااااااليتي انه سوء ظن وهو من عمل الشيطان لا تدعي له مجاااال بان يفسد عليك حياااتك
الفهد يحبك ويخشى عليك فانتي ابنة عمه
اليازي:لاااا هو ايخاااف على سمعته ولا انا محد مفتكر فيه
نور:هيا عزيزتي استعيذي من الشيطان واتركي ما مضى يذهب واسالي الله ان يصلح الحال وان ينير لك طريقك...وهذا العناااد لا يفيد بشي هل تريدين ان تبقي على هذا الحااال ابد الاابدين عليك ان تسعي لتصلحي الامووور واستعيني بذالك بالله
اليازي وهيه تمسح دموعها:ان شالله
التفتت عن نور وراحت فوووق
كانن روضه ومي قاعدااات ومتلومات فيها
نور:ماذا هناااك ايضا لما الوجوووم هذا
روضه:الله يرحمنا يانور احس اننا مره مانعرف شي
نور:انتي ايضا ياروضه لا يعجبني حجابك
روضه منصدمه:ليييش انا ما اطلع شعريه؟
نور:ولاكن حجابج قصير جدا ومعالم صدرك واكتافك بارزه
روضه:انزين انا ضعيفه
نور:تبقي ملفته للنظر انك عندما تلتفتين وتمشييين معالم جسدك كلها تكون واضحه فلو تستطيعين ان تبدلي هذا الحجاب باخر طويل يستر اكتافك وصدرك يكون من المستحسن
روضه:انا ما اطلع برا جذيه ومحد محرم عليه في البيت
نور:لقد رايتك كذا مره وابن عمي زيد جالس وانتي بهذا الحااال
روضه:شدرانيه بس انا ما احب الشيله الطويله
نور:الامر عائدا لك ما عليه الا البلااااغ.....واعلمي ان ابليس عند خروجك بهذا الشكل يتمثل لكل من يراك وهو يبرز جميع مفاتنك
روضه:ما عليه بحاااول
نور:افعليها ولن تندمي

.................................................. ...............
العصر كان خليفه قاعد مع اليهال يوم طلعت نوره وهيه لابسه كندوره برتقاليه مورده مع شيله بنفس اللون
الخدامه كانت ماره وركضت لنوره:ماما انتي تعبانه ليش يطلع برا
نوره بابتساامه:لا ماعليه انا بخييير
التفتت نوره لفطامي الي ركضت الها وطلبت انها اتشلها
خليفه وعيونه عليها ايحس ان هذي الانسانه اول مره ايشوفها ومايعرف كيف يتعامل معاها حس انه ايريد يمنعها انها اتشل فطامي لاكن السانه بعده مربوط وقدرته على انه يسوي شي منعدمه
شلت نوره فطامي وحست بويع ونزلتها
نوره:فطااامي قديتي ثقيله تعالي معايه برويج شي
كانت تتصرف ولا كانه موجووود التفتت للبنات وشافتهن ايلونن
نوره:ياسلااام لونتن ورقتيه
دانوه:هنوده قالت اليه
قعدت نوره عدالهن
نوره:ااااه هنوده قالتلج عيل انا بلون رسمتج
دانوه:لا لا انا بلونها
نوره:انتي لونتي رسمتيه شوفي هذا اسميه مكتوب عليها ولازم انا الون رسمتج
دانوه:لا لا ما اريد
نوره:انزين بلون كثر ما لونتي في رسمتيه
تم خليفه ايطالعهن ومليوووون غصه في صدره معقوله هذي ملكه وانه بات معاها ليلتييين مش متخيل
قام وطلع ولا حد عبره ولا قاله وييين بتروح راح لاخوه ابو فهد وقاله على سالفة ملجته وراحو عشان يملجون بعد الملجه كانو يباركوله وهو يتغصب الابتسامه ويتسال ليش مش مستاااانس

..............................................
في اليوم الثاني كانت نور في المستشفي وقالها خليفه ان سفرهم بعد ثلاثة ايااام
نور:عماااه اريد رؤيته
خليفه:الدكتور مانع يا نور اهو الحين منتبه ومتضايق من الحال الي هو فيه ...اتخيلي انسان مايقدر يتحرك ومنسدح على ظهره ورقبته محطوط الها مال الرقبه عشان مايتحرك اي حركه اتضره
نور:ولاكنني اريد روئيته عماه انا لا استطيع رؤيته من خلف الزجاج اريد ان اقترب منه واكلمه
خليفه:ماعليه تعالي بحاول اكلم الدكتور
رفض الدكتور وفي اليوم الثاني حاولت نور مع عمها انه يقنع الدكتور ووافق اخيرا
كان سريره مرفوع وااايد فوق عشان ما يقدر ينتبه لحركه اي حد ايمر عداله ويلتفت صوبه والي بيكلمه لازم يوقف عداله ويبان له راسه
وقفت نور وطلت بويهها عليه بعيونه التفت الها وتم ايطالعها بدون اي كلمه مع انه يقدر يتكلم بس بصعوبه
نور:حمدلله على سلااامتك طهور ان شاالله
زايد تم ايطالعها بدون ماترمش عينه
نور:زيد يجب ان نتزوج كي استطيع ان اسافر معك
غمض زااايد عيونه قو ومن بين ضروسه طلع صوته وهو ينادي خليفه
زايد:خ.....خـ.........لــ...يـييييـ...فه التفت الهم خليفه وقرب بسرعه
خليفه:شووووه يا زااايد
زايد:طـ طـــ.....ط....لــعهاااااا بـ....بــــــــــراااااااا ...ولا...بــــ...قووووم وبــــــ....ذبحهااااااا
##
##
##
ودمتم وديمه العطاا

هههههههههههههههههههه نور بتجيب جلطه لزايد اتوقققععع

ماتوقعت منها الجراءه الي مثل كذا تطلب هي منه الزواج

نوررررره الا المام وسوي كذا واكثر في خليفه خليه يكره اليوم الي

تملك فيه على النسره ويعرف هو شوو خسر وكبري علاقتك مع عيال

اختك وخليهمم هم اهتمامك وهتمامهم انت واسحبيي على خليفه والي

جابووه ولو يجي لك عريس ويقبل في عيال اختك اطلبي منه الطلاق

بس لا تطلقين بس تحرينه هو مراح يوافق ولا شي انه يطلقك بس حريييه

ننتظرك ياقلبيي بفارغ الصبررر

جـــــ,ــــــ,ــــودي

الروايه جنآن
أستنى التكمله وترى ماعندي صببر<<

السلاااااااااااااااام عليكم..
فديــــــــــــــــــــت نووور يانااااااااااااس.. ورب الكعبه انها رووعه هالبنت يااويلي عليها تجنن وهي تقوول