يعطيك العافيه الزائره على

نقل القصه وانا متابعتهاا في المنتدى الي تنزل فيه

الكاتبه وبصراحه روايه روووووعه ووممتعه

وماقهرني الا خليف بس ياليت نوره تحمل وينفضح

وتمووت خطيبته ويتزوج نوره

جــ,ــ,ــودي

حبيبت قلبيييي نزل بارت جديد

ياليت تنزلينه للبنات

لجل عيووووونكن باغاليااااااات والله مصبحه من الصبح اكتب البارت

نــــــــــــــــــــــــــور"


الجزء السابع عشر

فرشت نور سيادتها واول مره توقف اتصلي وهيه تنتفض واتحس ان ريولها مش قادره اتشلها
لين الحين منظر السياره جدام عينها وشكل السياره مايبشر بخير.....احلامها مازالت تتراءا الها وهيه تشوفه موصلنها لبكستان وتاركنها اهناك
كانت تلحقه في الحلم وتقوله انها ماتريد اتم اهناك بروحها وكان ايقولها وحتى اهناك بتمين بروحج لانيه انا بروح
قالتله بتم عند يدوووه رد عليها وحتى يدوووه بيها يوم وبتروح فاحسلج اتمين اهنيه
شافته وهو يركب الطياره ويروح عنها بعيد بعيد تمت اتصييييح وتقوله يرجع ياخذها لين ما اختفى في السما
بعد ما انهت نور صلاتها رفعت ايديها تريد تدعي وخانتها دموعها وانفجرت اتصييييح
بدت بالثنا على الله والصلاه على النبي
وتمت تدعو وتدعووتطلب من الله انه يبقيه الها ويرده واشتكت لله عن وحدتها وحاجتها له وتمت نور على هالحال طول الوقت في دعاء وصياح واصرار على الله انه يبقيه حي الها
كانت هنيه واقفه عند الباب مع الخدامه الثانيه وهن يسمعن صوت نور الباكي وهيه تدعو وكانها قاعده تكلم حد جدامها
وهيه تنتفض هنيه فتحت الباب وطلت امنه وراعها شكل نور وهيه تصيح ورافعه ايديها ..هنيه حست ان اريولها ماتقدر اتشلها وقعدت عند مدخل الباب اتصيييح
خليفه اول ما وصل ارض الحادث مع اخوه ابوفهد تم يترجاهم يتركونه بس ايطل في السياره عشان يتاكد اذا كان موجود فيها ولا لاا
خليفه بصراخ:بس بشوووفه والله ما ادقه خلنيه بس اشوفه من بعيييد
سمح له الشرطي وتم يمشي معاه قرب خليفه من السياره وهو يدعو الله انه مايشوفه فيها وان زايد حول من السياره قبل الجلبه لاكنه انتفض اول ما شاف بياض كندورته حينها انهار وهو يصرخ والشرطي يمسكه
خليفه:زاااااااايد زااااايد خلوووونيه اشووووفه طلعوووووه حرام عليكووووو
ابعدو خليفه والبقيه عن ارض الحادث وراح ابو فهد للمصور وطلب امنه مايصور وهو يتذكر حال امه وبناته في البيت
مروان بعد ظرب واحد من المصورين الي قرب من السياره ايحاول ايصور من قريب وراقه واشار للجميع انهم ايبندون الكيمرات
واخيرا طلعو زايد من السياره بعد مايابو الات خاصه تقطع الحديد عشان يقدرون يطلعونه وكانت الاسعافات الاوليه بالانتظار ونقلوه على طول بعد ما اتاكدو انه مازال حي رغم ملابسه الي كانت كلها بلون الدم
على طوووول نقلوه للعنايه المركزه
البنات دخلن على يدتهن الي لجاة اهيه بعد لسيادتها وقالن الها انه حي ونقلوه للمستشفي
اريد اوضح شغله روضه لين الحين ماوضحت الها ملامح بدر اهيه صح شافته في التلفزون وشافت حاله لاكن التصوير ما ساعد انها تعرف شكله اوكيه مع الحزن الي كان عاصف ابها على زايد
وحتى راعي الدراجه الي تراقبه برا ومعجبه فيه ما شافته زييين
اما بخصوص عمر مي فهيه كملت الخمسة عشر وعلى نهاية صف اول ثانوي
انا مش قاصده ااخر شوفة خليفه لنوره بس الاحداث اتريد جذيه
...................................

مازالت نور مرابطه عند سيادتها وهنيه كل شوي تيها تطلب منها اتقوم تاكل شي وطمنتها انهم نقلوه المستشفي وبعده على قيد الحياه وهذا الشي خلا نور اكثر ترابط عند السياده وهيه تشكر الله وتحمده" ولئن شكرتم لازيدنكم"
جمووووع غفيره ترست قسم الطوارء الي في مستشفي خليفه والكل ايريد يطمن على زيااااد المااال
على المسا اصرت مي اتروح اتشوف زايد وهيه طول اليوم اتصيييح حاول ابوها اياجل سيرتها لاكنها اصرت وهيه تصييح
ابو فهد:خلاااص قولي حق روضه واليازي يتجهزن
روضه رفضت اتروح وهيه تحس بضيقه من الاحوال الي هم فيها وحال يدتها الي ما طاعت تاكل شي
روضه:ابويه مابتودي يدتيه اتشوفه وتطمن
ابو فهد:وين اتشوفه ياروضه الريال غايب ومايحس بالدنيا ادعيله ايقوم بس بالسلامه الا وين نور
روضه:عبدالله ايقول قالتله ايوديها فلة زايد سويت تيلفون على الفله وكلمتنيه هنيه اتقول مافارقت السياده وكله قاعده اتصيييح وتدعا
ابو فهد:والله ان عنده بنت عم ذهب ليته بس عرف قيمتها
طلع ابو فهد بمي واليازي ووداهن المستشفي الشباب كلهم كانو في قسم الطوارء ونااااس وايده موجوده ابو فهد اول ما وصل شاف عرب ايعرفهم والتها معاهم وتمت اليازي ومي واقفات بروحهن
التفت بدر ناحيتهن وطلب من فهد ايروح ايناديهن
مروان كان واقف بعيد مع واحد من ربعه وشاف البنتين الي قربن من بدر الي لوا على وحده منهن عرفها على طول وتمت عيونه عندهن
بدر:ميمي زايد بخير ومايحتاي اتشوفينه باجر تعالي
مي:ما ما اريد اريداشووووفه
بدر وهو يحضنها:فديييييت انا ميمي والله انه بخير بس هم قالو خلوه اشويه في العنايه
مي وهيه تشاهق:ار يد ارييييييد اشوووووفه
قطعت قلب بدر وقال ماله بد ايرويها اياااه
بدر:يالله تعالن بس بدون صياااح
دخل بدر وفهد ومي للقسم الخاص الي فيه العنايه المركزه ومشو لين اخر الممر وقف بدر وهو يسحب نفس وعقب سحب الستاره
اول ما شافت اليازي زايد صرخت وركضت راجعه ولحقها فهد
اما مي ففتحت عيونها اتحاول تستوعب منو هذا الي كله وايرات واجهزه وشكله غييييير مافيه اي ملامح لزايد
بدر:انروح يامي
مي:منو هذا ويييين زايد
سحبها بدر بعيد
مي:بطلنيه هذا مب اهوه والله العظيم مب اهوه
بدر ودموعه بدت تنزل :مي فدييييتج خلاااص عاده
احمر ويه بدر الي كان صعب عليه حال صديقه جذيه
التفتت مي وتمت ادور زايد في الاسره الثانيه
مي:وييييينه هذا مب اهوه لا لا لا مب اهوه حرااام عليكم قوووول انه ماااااات تضحكون علينا لييييييش
مسكها بدر ويرها لحضنه وانتحب معاها كان مروان لحضتها داخل وركض ناحيتهم
مرواااان :شوووووه يابدر
بدر:طلعها يامرواااان طلعها ودها البيييت انا خلااااص ماعاد فيه حيييييل استحمل اكثر من جذيه
كان صوت مي عاااالي وهيه تنتحب في صدر بدر
سحبها مروان امنه وخذها في حضنه وهو يطلعها من قسم العنايه المركزه
مروان وهو طالع :خلييييفه رح لبدر داخل بسرعه فديييتك
كانت غرفه للكشف صغيره في طريق مروان دخلها ومي معاااه تم حاضننها وهيه تصيييح في حضنه
مروان وهو يهديها:خلاااص خلاااص ان شالله بيعييييش
مي وهيه ميته من لمشاااهق:لا لا لا هذا مب اهوووه اكيييد انه ماااات
مروان:والله مامااات بس هذي الكدمااات لازم اول ايام الحادث بتكون موجوده
مي:مب اهوووه لاااا ما اصدق
مروان:ماعليج من التنفيخ كله بيروووح صدقييييينيه انه اهوه وانه قرييب بيكون بخيييير
تمت مي اتصييييح وهو ايلمها اكثر في صدره ايحس انها ملكه ومايريدها تصيييح قطعت قلبه لاكنها ياهل يا مروان والدليييل انهم سمحولك تاخذها في حضنك
بيمووووووووت من هالشعووووور شعور انه ايحبها ويريدها وشعور انها ياهل ماتصلح له
قعدها على الكنبه الي وراه ورفع غشوتها لفوق وشاف ويهها الي كان شعرها متبعثر عليه كان ثاني ركبه وهو قاعد على الارض ويطالع ويهها قام وياب كوب ماي وهيه بعدها اتصيييح
رجع وقعد مجابلنها وهو بلبس الشرطه
مروان:خلاااص عاده الصيااااح مايفيييد
مي وهيه بعدها اتصيييح:قوووول والله انه بعده حي
قام مروان وقعد عدالها ولفها بيديه ضامنها له وهو يحلف ويقسم وتم يمسح على راسها لحضااات ايحس انها يااااهل ولحضاااات يرتعش قلبه ويقوله هذي حبيبتك عذاااااااااب والله انج يامي عذااااب
حس عقب مروان انهابدت تهدا وتستكين وكل شوي شهقت وهيه مازااالت في حضنه
اما فهد الي لحق اليازي برا تم ايدورها وحصلها اخر شي عند السياره اتصييييح
فهد:اليازي
رفعت راسها له
اليازي:رجعنيه البييت ماريد اتم اهنييييه
فهد وهو يقرب منها راحمنها
اليازي:رح عنيه بعييييد ماريد اقعد اهنيه ليتك انته الي انجلبت وافتكيييت منك
فهد تم واقف منصعق من كلامها مع انه دائما يسمعها تدعا عليه لاكن المره هذي وبعد حالة زايد وانها توها شايفه حالته كان وقع كلامها قوي عليه
وبصوت صارم مافيه اي حنيه على حالها:اوووكيه امشي معاااايه صوب السياااره
مشت اليازي الي صدق حال زايد خلاها تفقد حواسها وخاطرها تواقع اي حد جدامها
كانت اتصيييح طول الطريق وهو يسوق ولا كانه يسمعها اول ما وصلو البيت
فهد:انزليي
تمت اشويه
فهد:تسمعيييين ولا ماتسمعييييين
نزلت اليازي ومشت لين السلم الي عند المدخل وقعدت عليه اما فهد فحرك السياره بقو وطلع
قبل يومين كان فهد نازل من فوق وحصلها قاعده بروحها يا وقعد عدالها وعقب اشوي انسدح على ريلها التفتت له
اليازي:ياسلاااام ريليه لك مخده
فهد بابتسامه:انتي بكبرج اليه
دزت راسه ووقفت:مااااصخ احترم نفسك احسن لك
وقف مجابلنها وحط عيونه في عيونها:ااااااسف معاج مافي احترام للنفس من اليوووم
اليازي:شقصدك؟
مسكها من خصرها ويرها بقو ناحيته لين مالامست صدره
فهد:هذا قصديه
فتحت عيونها:انته ماتستحي؟
فهد:اذا في حد عنده اعتراض خليه ايقول....وبعدين احنا ملجنا عشان ناخذ راحتنا في هالحركاااات
سحبت نفسها من بين ايديه ورفعت يدها تتحلف له:ياوييييييلك تسمع ياوييييلك ان حاولت مره ثانيه اتقل ادبك معايه
التفت عنها وهو يقول:عاده بكيفيه حرمتيه وحر فيها عقب التفت الها
فهد:غناتيه تبين شي من برا اي حاجه في خاطرج اطلبيها انا كم يزووووي عنديه
اليازي:كرييييه انته قاعد تطنز
ومن هذاك اليوم وفهد كل ماشافها غمز الها ولا ارسل الها حبه طايره وكانت متنرفزه امنه وتتحسبه قاعد يضحك عليها
عاده هذي الاحداث كانت من يومين الحين انجلب حال فهد عليها
.................................................. ...................

مي من كثر ماكااانت اتصيح في حضن مروان يتها حالة نعاااس خلتها تهرب من الحال الي هم فيه وغفت عينها في حضنه
سند راسها على يده وهو ايطالع ويهها الراقد والمتنفخ من الصياح...ابتسم ورفع يده الثانيه وتم يبعد خصايل شعرها عن ويهها
مروان:وقسما بالله انيه احبج وامووووت فيج بليتنيه ياصغير السن بحبك
فتحت مي عيونها الي مجابله عيونه وارتبك مروان
مروان وهو يبعدها اشوي عنه:ا ا ا شوووه احسن الحيييين
دفعت مي بنفسها في حضنه وهيه تحط راسها على صدره وتسمع دقاااات قلبه الي ولعت ابتسمت متناسيه الماساااه الي هم فيها وغمضت عيونها
مروان:ا ا ا انتي واااعيه رفع راسها وشافها وشاف انها رااااقده
مددها على الكنبه الطويله وقاام وهو يحس بتوتر
عند الباب وقف والتفت صوبها وعقب طلع وتلقاااله احمد صديقه
احمد:منيه هي
مروان:هااااه منو تقصد؟
احمد :لبنيه الي دخلتها اهنيه ومن الصبح وانته قاعد عندها
مروان:ااا اهذي ميييمي ...بنيه ياااهل لا يغرك الطووول مسكينه كانت منهاره يوم شافت زااايد
وعلى طوووول مروان مشى عن احمد وراح للجهه الي فيها بدر يسال عن حاله
خبر مروان عقب ابو فهد ان مي في الغرفه الي وداها فيها وراح الها ابو فهد وشلها للبيت
على الساعه احدعشر طلبت نور من هنيه تتصل على خليفه كلمته وسالت عن حال زايد وبعد ماطمنها
طلبته ايي ياخذها عشان اتشوفه وياها خليفه ووداها المستشفي كان هادي والزياره انتهت
الا للاقارب ....وقفت نور مجابله زااايد ومنصعقه من شكله مسكها خليفه من اكتافها اول مالاحضهن يرتجفن
خليفه:نوووور
نور:اتركني عماااه
خطت كم خطوه رايحه صوبه وهيه اتشوفه بحاله الي مايسر عدو ولا صديق
نور وهيه تكلم زايد وخليفه على بعد خطوات منهم
نور:هل ستتركني حقا؟؟؟....هل ستدعني وحيده كما كنت ؟؟؟؟....الا تعلم انك من بقي لي من اقاربي؟؟؟
لا شك بان الجده ارضعت وااالدي ولاكن تبقى انته زيد من لحمي ودمي
قربت نور اكثر امنه وحطت ايديها على حواف السرير
نور:زييييد هل ستترك نور تعود الى هناااك لوحدهااا؟؟؟ انا لا اريد ان ابقى وحيييده كما كنت سالتك بالله الذي رفع سبع سمواااات من غير عمد ان تعود من اجلي والا تتركني وحييييده
اقسم لك بانني ساكون وحييييده ان تركتني ....رجوتك يابن عمي الاتتركني
فتح زايد عيونه بصعوووووبه وهو يشوف الدنيا مشوشه حوليه
زايد:ن نو......
ورجع غمض عيونه
نور وهيه تضحك ودموعها تنزل بغزاااره:ماذا ماذا قلت
التفتت لخليفه:عماااااه لقد استجااااب لندائي...رايته وهو يفتح عيناااه
ركض خليفه بسرعه ناحيتها:صدق يانووور
نور:اقسم لك
خليفه:زين زين بروح اقول للدكتووور
الدكتور ما صدق وقال انها يمكن تتوهم لانه في غيبوبه
نور:اقسم لك عماااه لقد كان يريد ان يناديني اقسم لكم
التفت خليفه للدكتور:انزين يادكتور شووو اللازم الي لازم اتسويه اذا كان كلامها صدق
الدكتور:خلاص خلاص انا راح اتصل للدكتور الاستشاري
التفت خليفه لنور:دعواتج يانووور
نور:عماااه اريد ان اقرا سورة البقره بجانبه ...رجوتك ياعماااه هل ابقى لقد اتييت بكتابي
خليفه:زين زين يانور بروح اييب لج كرسي
كل يوم خليفه ايمر على نور وييبها معاه تطمن على زايد وتقرا عليه يوميا سورة البقره
الوريم بدا يخف ويابو اليده عشان تطمن عليه لاكنه مازال في الغيبوبه ملامح ويهه رجعت مثل اول وبقايه جروووح معلمه في ويهه الدكاتره طمنوهم عليه
انه مافيه اي كسووور غير شوي في الريل اليمين والمشكله الوحيده الي عليها بيتحدد مصيره
هيه كسر في فقرات العمود الفقري وان هذا الكسر لويلامس مخ العمود الفقري ادا الى شلل وبعد مشاورات تقرر انهم يسفرونه للخارج عشان العمليه
مرعلى الحادث اسبوعين الكل مرابط في المستشفي والنفسيات تعبت واااايد
بدر مابين المكتب وشركات زايد وبقية اليوووم عنده في المستشفي وخليفه طول الوقت عنده يتبع اخر التطورات ومع اتصال للمستشفيات الخارجيه ايدور انسب مستشفي يستقبل حالته وتقرر اخير السفر لالمانيا لاكن يبالهم بعد وقت
خلال السبوعين الي طافن عليهم كان خليف مره من المرات عند اميره الي طلبت امنه ايزورهم متحججه بشوقها له
اميره وهيه قاعده معاه في الليوان الكبير:فدييييتك يا خليفه والله ان شكلك تعبااان ليتنا ملجنا من زمان جان خففت عليك شويه
ابتسم خليفه الي كان شكله صدق تعبان ومنتهي:يعني كيف بتخففين عليه
اميره بضحكتها المايعه:يوووه عن الاحراج بخفف عليك بطريقتيه الخاصه
ابتسم الها
اميره:هيييه صدق انا اليوم بمر على اليهال وبوديهم معايه الحديقه اتصدق يا خليفه ماشالله عليهم ايجننووون
ماتخيلت انهم جذيه ادب واحترام ويسمعون الكلام انا بصراحه كنت متعقده من عيال اخويه محمد ايلوعوووون بالجبد وكله وقعه عشان جذيه كنت رافضه اربيهم لاكن الحين اربيهم واربي درزن مثلهم
خليفه مازال مبتسم ويفكر"ليتج فهمتيهم من البدايه قبل لا اتورط مع خالتهم وتجلبليه كيانيه
تمت اميره تسولف له عن عيال اخوه وعن دانوه الي تعلقت فيها واااايد
بعد اشوي دق الجرس ولمعت عيون اميره هذي اللحضه الي تنتظرها
اميره:بعد اذنك خليفه بروح اشوف منو عند الباب اظاهر الخدامه ماتسمع الجرس
قعد خليفه يشرب شايه لين رفه راسه وانصدم من الي واقفه جدامه حرمه نصف ويههها محروووق بشكل فضيييع
اميره وهيه تاشر للحرمه على الطريق:اتفضلي اتفضلي يام خالد منيه الميس الحين بنادي الوالده لج
ام خالد القت السلام على خليفه ومرت من جدامه رايحه للطريق الي تقوله اميره وبعد ما وصلتها اميره رجعت
اميره:اوووف قلبيه ايعورنيه يوم اشوووفها
خليفه تمت عيونه على طرف الزوليه سرحااان
اميره:مسكينه اتقول قبل كم سنه شبت حريقه في بيتهم وعشان تنقذ بنتها دخلت في الحريقه ياااااالله الحمدلله الي عافانا
انا مادري كيف عيالها متقبلينها مسكييينه ريلها
تركها وعرس عليها اتقول ما قدر ايجابلها...قلنالها لوتلبسين نقاب واتمين به احسن جان ما ودرج
وقف خليفه:اسمحيليه يا اميره انا مستعيل اريد امر على زااايد
اميره وهيه ضامنه ان الي تباه صااار:صدق اخباااره ولد اخوك بعده عايش
التفت الها:ان شالله انه بيعيش وبيطلع منها
وقفت اميره وقربت امنه:بس ايقولووون ان الي في حااالته اتصيرلهم احوال عقب
التفت الها خليفه:شقصدج؟
اميره:يعني اتشوفهم جدامك صاحييين لاكن مرات يتخيلون اشيا ما صااارت
طبعا هذا من الروع عن لا يسب عليها زايد في يوم من الايام
خليفه:ان شالله انه بيظهر منها سالم...يالله مع السلااامه
رجع خليفه البيت وبعدها صورة الحرمه الي منحرق ويهها اتلوح في خياله مايدري ليش ربط ويه نوره بويه الحرمه
كان دائمان يحلم بليلتين الي قضاهن مع نوره لاكن الحين اول ماتطرو عليه نوره غزت هالحرمه افكاره وكره ان تكون علاقه بينها وبينه
اكثر لام خليفه نفسه على الي صار...كيف رضى بالجسد بدون مايشوفها...يعني لو تكون قبيحه ماعليه او تكون كبيره في السن
خليفه وهو طايح على سريره رفع ايديه جدامه:بس انا لمست ويهها مافيه اي اثار للحرق
في المستشفي حصل خليفه ولد محروقه ايده يوم قعد الولد عداله مد خليفه يده للحرق وتم ايمررها عليه ملمسه نااااعم مايدل على اي حروووق
الولد:حرقيه كان من الدرجه الثانيه كانت فيه ترضيفات شويه بس يوم العمليه شلوهن
هز خليفه راسه وقام خلاص يا خليفه انته تدري من البدايه انها محروقه ورضيت بالي سويته الحين بتلوم نفسك مره ثانيه اتركها في حالها وعش حياتك
بدون ماتخليها اتاثر عليك مره ثانيه
طلع بدر من غرفة زايد وصرخ على خليفه:خلييييفه زايد قاااااام
ركض خليفه لبدر ودخل عند زايد الي كان يون ويطلب مااااي اينشف به ريجه
خليفه:ببشر نووور
اتصللها وبشرها واستانست وااايد
في اليوم الثاني صارت تعقيدات على موضوع السفر وانهم مايقدرون يسفرونه من الخوف عليه
عن لا يسببون له اي حركه اتضره قالهم بدر انه طلب طياره خاصه له وبعد تعذر الهم الدكتور كانت نفسيةخليفه زفت يوم رجع البيت وتوه راقي السلم
نوره:خليييفه
التفت الها:شوووه
قربت نوره امنه وهيه متردده:ممكن اتكلم معاك اشويه
خليفه:شوووه شي صاير لليهال؟
نوره:لااا بس انا اريييد ا نزلت راسها تحت ورجعت رفعته
نوره:ماعرف شو اقولك ؟بس لااازم تدري انا تعبااانه
نزل خليفه السلمتين الي كان راقينهن وقف مجابلنها
خليفه:شبلاااج ...شو تانسييين؟
نوره بعد صمت ودموعها تنزل:والله ما اعرف شو اقولك انا بروحيه تفاجئت
خليفه:ارمسي شو صاااير؟
نوره:خليفه انا حامل
خليفه والصدمات ماوقفت عليه الفتره هذي تم فاتح عيونه كانه ماسمع شو قالت:شو قلتي؟
نوره:البارحه رحت للدكتوره وقالتليه انيه حامل
خليفه:حــــــــــــامل!!!ّ
تم واقف يردد الكلمه في راسه ايريد يستوعبها زييين
على طووول اتخيل ردة فعل اميره وشكلها منهاره وهيه تقوله يا خااااين
خليفه:نوووره انتي متاكده من هالكلااام
هزت راسها بنعم خلاااااص اهيه تعباااانه يكفيها هجره الها وقلبها الي متولع به زاد عليها موضوع الحمل هذا
خليفه:ماباااه انتي لااازم تنزلينه
انصدمت ورفعت راسها اطالعه:شو قلت؟انزله ...خليفه انته شو قاعد اتقوووول
خليفه وركبه عفريت من عفاريت زايد لقطه من المستشفي وهو مايدري هههه
خليفه:اقول الي سمعتيه
نوره:لا يا خليفه ليش اتقول جذيه هذا حرااام
خليفه:هذا ماكان اتفاقنا من البدايه
نوره:وانا شو ذنبيه انته الي جبرتنيه
صرخ خليفه:انا ما جبرتج...انتي سحرتينيه خليتينيه امشي وراج وانا مش حااااس بنفسيه
نوره وهيه تهز راسها مش مصدقه الي تسمعه
خليفه:انا ماتزوجتج ويبتج اهنيه الاعشان عيال اختج وعشان اسوي فيج خير والمج
نوره:وانا يا خليفه ماكانت نيتيه غير جذيه
خليفه:جذااااابه انتي جذااااابه انتي استقليتينيه مافي وحده في الدنيا بتضحي التضحيه الي تسوينها وتوافق على انها تخدم عيال اختها وتم متزوجه في الظل
خدعتينيه بقناعج الوهمي اخفيتي عيوبج واظهرتي اليه حسناتج ولا بتقولين اليه ليش لابسه النقاب واحنا متزوجين
نوره:انا انا مافيه عيييوب اخفيها انا سويت جذيه عشانك حددت اليه علاقتيه بك وانا والله مالبست النقاب الاعشان امنع الي صااار بس صار الي صاااار وانته مارضيت عقب اعقه
خليفه:جذب هذا كله جذب....وخداع على منووووه تبين تضحكين قالته اليه اميره من البدايه قالت انج بتفرين اليه راسيه
وبتستدرجيييينيه لين اتحصلين مبتغااااج ولا كل الي قلتيه مايدخل العقل
شفتينيه صيده سهله اتساهلت معاااج وقلتي خلينيه العب عليه مدام انيه بعيش معاه في بيت واحد وقريب امنه خلينيه اخبل فيييه وانسيه انه خاطب عمري ما شفت انا حد
ايفضل راحة غيره على راحته الام الي اهيه ام ماسوت الي تسوينه انتي باليهاااال وغير هذا ذبحتينيه بصوتج وعرفتي تستخدمين احسن شي فيييج عشان تجذبينيه لج بدون ماتعبين نفسج وتخلينيه اعرف انا مع منوووو اتعامل....تميتي لابسه هالنقااااب
الي ولا مره قدرت احصلج بدونه متمسكه فيه كانج تدرييين انج ان عقيتيه اختربت كل مخططاتج
نوره ودموعها مغرقه نقابها "ابشرو يا جماعه الصمغ قرب يفج"ّ:لاااا يا خليفه والله ماكان قصدي هذااااا...انا مالبسته الاعلشاااانك
خليفه:جذاااابه
قرب منها خليفه وسحب نقاااابها بقو ومعاه انسحبت الشيله الي غطت ويهها وشعرها معاه وكانت سحبته قويه خلتها تفقد توازنها واطيح بالقو على الارض
مسك خليفه النقاب وفره بعييييد
خليفه ونظره عليها وهيه طايحه على الارض:خلااااص هذا انا ماريييد اشوووفه...خلينيه اعرف اتعامل مع منووووه وحملج هذا لازم اتسقطينه تفهمييين كلاميه اهو الي يمشي
تبين اهلا وسهلا ماتبين انا بطلقج وبحطج في شقه وبحط معاج خدامات اطالعج لاكن هذا البيبي لاااازم ينزل
كانت نوره ترتجف على الارض وهيه حاطه يدها على بطنها الي بدا يعورها من الطيحه
نوره:خلاااص يا خليفه خلاااااص ايكفي انا ما اقدر استحمل اكثر من جذيه بس ارجووووك لا تبعدنيه عن اليهاااااال
مستعده ابتعد عنك ولا اتعرض لطريقك بس لاتبعدنيه عنهم اللـــــــــــــــه يخلييييك والبيبي اذا ماتباااه حتى انا بعد ما اباااه بس لا تبعدنيه عنهم
خليفه بنظرة احتقار ايطالعه:هييييه ابدي ابدي اسلحتج الثانيه خلااااص شفتي ان الحق ظهر صيييحي واترجييينيه
كله في سبيل انج اتمين مع اليهاااال
التفت عنها وطلع لفوق وهو ينتفض من الغيظ والقهر شوووو هذا الي يصيييرله لييييش ماسمع كلااام اميره من البدايه يوم نبهته
الحييين صااار الي ما يحمد عقباااه
تم تحت المااااي يحاول يهدي نفسه وعقبها طلع ومن التعب عق عمره وراح في ساااابع نوووومه من امس مارقد وهو منهد حييييله
ساعتين رقدهن وساعه احلامه ازعجته وهو ايشوف اميره منهاره وتقوله يا خااااين وصورة الحرمه الي محروق ويهها كل شوي هجمت عليه وهيه تضحك
قام وبدل ثيابه ونزل بعد ماياه اتصال من بدر انه ايييه المستشفي لاكنه يوم نزل اتفاجئ بالخدامه الي قاعده اتنضف الدم الي مغرق الدنيا
نزل بسرعه:شوووووهذا؟؟؟؟
الخدامه:سيييير مدام تعبااانه زيااااده في دم هو ومينا ايروح هوسبتل
قعد خليفه في نصف السلم مش قاااادر يوقف وعيونه اتشووووف كل هالدم:انا شوووو سويييت؟؟
هزت الخدامه راسها وهيه تنظف:شوووف هذا بيبي هو روووح مسكيييين ماماه زياااده تعباااان
وجن هالخدامه ضربته بسجين في صدره هالبيبي ولده اهوه ضناااه
خليفه وبعده قاعد ايلوم نفسه:انا عقيتبه ؟؟؟!!!!انا اول ضنا اليه اسويبه جذيييه؟؟؟!!!ّ
وقف بسرعه:لاحول ولا قوة الا بالله
ومشى بخطوات سريعه ايريد يطلع
خليفه:ويييين راحو اي مستشفي
اتصل خليفه على الدريول الي قاله انه وداها مستشفي الكورنيش وعلى طووول راحلها اهنااااك
لاكن الصدمه كانت عند باب الغرفه الي قالوله ان نوره فيها
خليفه:امييييره؟؟؟؟
اميره وعيونها متنفخه من الصياح:انا يا خليفه تضحك عليه انا اتخوننيه معاها وتقوليه اباااج
خليفه اسود ويهه ومسكها ودخلها الغرفه وتم معاها واقف في الممر الي تابع للغرفه
خليفه:اميييره اسمعييينيه غلطه والله غلطه ونااادم عليهااا
اميره:نسيتنيه يا خليفه انا ماقلت لك؟؟؟ما قلتلك انها بتاخذك منيه؟؟؟نسيت كم سنه واحنا مخطوبين لبعض
خليفه وهو يحاول يتقرب منها ويهديها وهيه كاسرهخاطره:اميره اسمعينيه خلينيه افهمج السلفه
اميره بصراااخ:مارييييد اسمع شي انته جذاااااب انته خنتنيه انا ما احبك جذااااااااب
خليفه مسكها من اكتافها:امييييره الله يخلييييج سامحينيه والله قصبا عنيه ...انتي قلتيها من البدايه انه بتستدرجنيه الها والله يا اميره انيه ماحسييييت بنفسيه
نوره كانت في الغرفه وقاعده في نصف السرير حطت يدها على ثمها تمنع شهقتها حالتها حااااله توها قايمه من بعد الغسيل وتفاجئت باميره الي دخلت عليها مثل الارضيه وتمت اتسبها وتلعن خيرها طبعا اميره بعد ماطلعت انوره مع الخدامه المستشفي
دخلت البيت رايحه زياره وتفاجئت بالدم جدام عينها ولحقت نوره المستشفي عشان تتاكد
خليفه:ارجوووووج يا اميره انا مستعد اسوي الي تبينه تبينيه اطلقها بطلقها الي تبينه انا حاضر له
اميره:كيف تبانه اسامحك على خيانتك
تم خليفه يترجاها لين خلاااص فقد السيطره على نفسه وقام ايصارخ:خلاااص يا اميره ارحمونيه عاااده انا من منووووه بحصلها منج ولامنها ولا من زاااايد الي طايح في المستشفي ذبحتوووونيه
ماتبين ترضييين كييييفج هذا كله منج انتي الي حديتينيه عليها من كم سنه وانا اترجا واترجا وابدا مافي فاااايده اتلومينيه الحين عقب ماضحكت عليه هذي وعيشتنيه في حياه مستقره...يعني شو تبونيه اسوي
وقفت اميره بسرعه واندفعت ناحيته وحوطته بايديها
اميره:خلييييفه انا اريييدك اريدك وخايفه تتركنيه عشااانها ...ارجوووك خليفه انا مستعده نملج اليوم وايي اعيش عندك بدون عرس واي خرابيط بس لااااتتركنيه عشاااانها
اميره مانسه اللقعه عقب ما شاااافت نوره وماتوقعت ان خليفه بيترجااااها ترضى عليه واول ما جلب عليها وبدا يلومها
قامت عشان تربح اخر ورقه الها مع خليفه
تمت اتصيييح في حضنه
اميره:طلعنيه برا عنها طلعنيه برااااا ماريد اشووووفها اذا كنت اتحبنيه طلقهاااااا
لف خليفه ايديه حولين اميره وطلع معاها برا راجعبها لبيتها وهو يوعدها انه يلاقي حل للمشكله الي هم فيها
اميره:طلقها يا خليفه طلقها
خليفه:واليهاااال يا اميره
اميره:انا بسدهم انا مستعده ايي اليوم واعيش عندكم اذا ملجنا وبسدهم
خليفه:ما اقدر يا اميره الحين انا بسافر مع زااايد عقب كم يوووم وما اقدر اخليج مع اليهال بروحكم خليها عندهم لين ارجع وعقب بنحل الموضووووع
نزلها وهو رايح للمستشفي لزايد اتصلت عليه الخدامه الي عند نوره
خليفه:ايوووا مينا علووومج
مينا:باباااه ماما نوره زياااده تعبااان
غمض عيونه وهو يتخيل ان كل هذا تمثيل
خليفه:انزييين شو تبينيه اسوي تراكم في المستشفي
الخدامه:زييين باباه بس هدا دكتوره يقول لازم جيييب جواز مال هو مشان سوي ترتيبات مال هو عشان نوووم
خليفه:ماعليه ماعليه بيييبه
وعلى طووول اتوجه لمستشفي الكورنيش
كانت نوره قاعده وشكل عيونها وقف منها الدمع وشعرها مهدووود وويهها صاااافي من اي شي بيااااض رباني وجماااال يسحر كل عين اتشوفه
كل شي فيها يسحر ويبهر نعوووومه ماكنها انوجدت الا الها الخشم والعين ياويييلك ياخليفه كانت حانتنك وماتباااك تتوهق معاها عشانك خاطب
ماعندها شك انك بتنبهر ابها من اول يوووم يعني غلطت يوم حاولت تمنع شي صار غصبا عنها عقب
تنهدت نووره وهيه اكثر شي خايفه من موضووووع طلاقها وابتعاااادها عن اليهااااال اليوم نوره بتفتح النت وبتقرا كل قوانييين الرابطه عشاااان اتادب لحمير الي كانو ايصارخون قبل اشوي عند بابها اميييره كرهتها ومانست كم مره كانت تتصل الها وتتحلفلها
ماتتعرض لطريق خليفه والي سوته اليوووم يكفي عن كل شي كلاااام مثل السم جرعتها ايااااه
دخل خليفه الي كان شكله على عيله وهو يهز الجواز في يده ويظرببه في الهوا وطاحت عينه عليها وهو واقف في نصف الغرفه

ودوووووووووووووووووووووووووووووووم ياجعل شيبانك للجنه وربي اتحفتينا ماصدقت عيوني بعد الظهر وانا اشوف البارت
الله يسعدك دنيا واخره مثل ماسعدتي قلبي
ولاتقولين ليش توك تردين (السلطات العليا سحبو مني الاب يقول ساحرتك هـ القصص حتى العيشه ماتهنينها

المهم
زايد ياويل قلبي عليك الله لايرجعها من انتخابات اللي بغت تقضي عليك يازياد المال
خلك في حالك ابرك من مقابل خميسان وربعه الله لايبارك فيهم
وبعدين الحمد لله انك صحيت من الغيبوبه ولاتنسى انه كله بعد فضل الله بفضل النوري وهي ماغير تدعيلك (يالبى قلبها ) وتقرى عليك سوره البقره الله لايحرمك من حنانها بس ها جينا للجد تراك انكشفت قدام الرابطه انك تموت في النوري اجل وشو له ماتنطق الا اسمها وانت بين الحياه والموت
اتوقع انه تتاجل سفرتك وتعقد على النوري عشان تسافر معك والايمكن تهتم فيك حتى الله يتم الشفا لك على يدها

************

خليفووووووووووووه يامال لبلا والهم والغم انت وحمارتك حمارة القايله الحقيره خميره
اجل جايبه لك مره محرقه وتذكرك في النوري لا ومن وساعه الوجه تقول زايد فاقد الذاكره فقدتي عقلك قولي امين ياوجه النحس اجل تقارنين نفسك بالنوري

لا وانت يالثور ماصدقت تقولك البنيه انها حامل تقوم ترميها الحين وش بتستفيد لاشفت الزين كله

وراح عليك لان النوري بناء على توجيهاتنا الساميه نحن اعضاء الرابطه راح تمسح فيك بلاط بيت زايد لين تقول اااااااااااميــــــــــــــــــــــــــــــــن

مي ويه الله يقطع ابليسك كبيره يامال البلا وشو له كل شوي متسدحه في حضن واح من عيال الجيران استحي على وجهك يالبلى لا ومن وساعه الوجه تتسمعين لحكي العاشق الولهان مروانوه والابتسامه شاقه الوجه
استحي على وجهك
وانت يامروان خلاص اعتق البنيه وخلها كم سنه عسى تعقل شوي ولا تشيل هم ذهبيه مجهزه المهر وحنا بنتقاط في القاعه وفالك طيب بس هاه لازم تعقل وتخلي خرابيطك الاوليه

**********
الجازي وربي انك انسانه متهوره تعبرين عن اعجابك بفهيدان بالدعاوي عليه ياربي رباه
كني اشوفك تقولين الحمد لله مو فهد اللي صار له ماصار لزايد تعبرين بالعكس
انا اشوف شخصيتك من جد تفقد للحنان ومتخبطه في مشاعرها ومو عارفه تعبر

اخيرا ودوم تشكرررررااااااااااات كثيراااااااااااااات على البارت
ونستنى الجزء القادم بكل شوق