ؤهااايو

الف الف الف مبروك على النهايه الحلوه والروايه الأحلى ... والأكمل .... والأمثل
وديـــــــــــــــمــــــه الــــــعــــــطـــــــــــــــــاء
لكي كل الشكر على قلمك المتميز وأحساسك الرائع ولكي كل شكر على
هذه الروايه التي استمتعنا بها وعشنا بها أحلام ورديه
وأحاسيس رائعه مع كل سطر كتبتيه وأهممممم شيء في هذه الروايه
هو الرساله الدينيه التي وصلت الينا عبر سطور روايتك الرائعه



غاليتي ...

لقد طلبتي منا ذكر المواقف الرائعه التي لن ننساها في
هذه الروايه
وأنا أخترت أجمل مقطع والي الان مازلت أتذكره ويطرى على بالي دوماً

هو حديث نور لهنيه عن الصلاة
فلا تعلمين مدى تأثري بهل المقطع ومدى الشكر الذي أريد توصيله لك على طريقتك الغير مباشرة في أهميه الصلاة ولا يسعني الا قول

جزاك الله خيرا عنى آلف جزاء


أما الموقف الرومنسي الي حبيته مرررررة هو موقف نظرات خليفه
لنورره

الذي أحببتهم من أول أتصال لهم فقد كانو أهم الأبطال عندي في هذا الروايه وأستغربت من سب البنااات لخليفة رغم الي كان يسويه شيء طبيعي وأهني الكاتبه المبدعه على تفهم هذه الشخصيه وظروفه وحاله
وتمسكها بلأحداث برغم أن العضوات الغاليات مخلوه في حاله


كانت نوره في الصاله الي تحت مع لعيال ادرسهم وكانت عدال دانوه تعلمها الكتابه ثانيه ركبها تحتها وحاطه راسها قريب من
دفتر دانوه وهيه طايحه على صدرها وصبرها نفذ معاها وهيهه اتعلمها
نوره:لا يا دانه الواو مب جذيه يكتبونه قلتلج على الجهه هذي
دانه:خلاااص بمسحه
نوره اعتدلت وجسمها تيبس من الطيحه ورفعت ايديها فوق تمتقط وتفاجئت بالي قاعد مجابلنها يتقهوا وعيونه عليها وجهت عيونها لمكان ثاني وقلبها تم ايدق هذا من متى قاعد الا ان خليفه عيونه مافارقتها وعلى السريع رجعت بنظرها باتجاهه وشافت انه بعده ايطالعها
حركتها وهيه تمتقط وترفع ايديها يننته وخصوصا نظرتها المتخربطه اهو من نزل وهو قاعد بس يتاملها ويسمع كلماتها حق دانوه وينتظر بس ترفع راسها كان ملاحظ التنوره السودا والقميص لمخطط وايديه لونهن اسود صدق انها كانت له عذاب
رجعت نوره اطالع دانوه وتحاول اتكون طبيعيه
دانوه:اروي عميه النجوووم؟
نوره:بعدين حبيبتي اول شي خلصي الحروف هذي
دانوه:لا بعدين عموه بيرووح
وقف خليفه وقرب منهن وقعد عدالهن وجوده كان طاقي بريحة عطره الي ترس المكان
خليفه:هاه حبيبتي شو تبين اتروينيه
دانوه بفرح:النجوووم اهنيه
خليفه:ياسلااااام شاطره يعني؟
دانوه:هيه والابله دوم اتقول انا اشطر وحده
خليفه:ماشالله ماشالله تستاهلين على هالنجاح هديه
دانوه:هيييه
خليفه:قومي قومي اشوف طولج اليوم
وقفت دانوه واخذها خليفه في حضنه بقو
خليفه:اااااااه فديتج يا دندن انتي اليوم ذابحتنيه تعالي اعطينيه شوية حناااان احس انيه تعباااان
توجهت عيونه لنوره الي التفتت بنظرها لجهه ثانيه وهيه تحس بنظراته مربكتنها
ابتعدت دانوه عنه:عميه وين بتروح؟
خليفه:بروح العزبه
دانوه:عيل ودنا معاك
خليفه:ماعنديه مانع اذا خالوه بتروح
التفتت لنوره:خالوه بتروحين؟
هزت نوره راسها بلا
كان خاطره ايقولها ليش مابتروحين لاكنه عجز
دانوه:لااا انريد انروووح
نوره:انزين محد بيمنعج انتي خلصتي واجبج والي خلص واجبه بيروح اما الي ماخلص بيتم
كشرت هند بويهها لانها من الصبح مع دفتر الرسم
هند:اريد اروووح
نوره:لاااا
احمد وهو يفر الدفتر:انا خلااااصت
نوره:وليش اتفر الدفتر جذيه
احمد:اووووه انزين انزين
كانت نظراته عليها وما فارقتها وهيه تحس انه موترنها الحين انا طالعه عشان اوتره يجلب الايه عليه
يعني شو لينه بيتم ايطالعنيه جذيه انزين انا ليش متوتره ليش ما احط عينيه في عينه واخليه يستحي على ويهه
رفعت نظرها له والتقت عيونهم مع بعض ثواني وما قدرت ونزلت نظرها واحمر ويههها بسرعه
خليفه في خاطره"تبين تكسرين نظرتيه يا نوره ماتدرين انيه مش قادر اسيطر على نفسيه وانيه مش في حاله وانا اشوفج من كل هالقرب
لا وبعدج تستحين منيه وويهج يحمر يا ناااااااااس الفزعه الله يخليكو حد ايي يعطينيه كف ايخلينيه اقوم مش قااادر والله انيه مش قااادر
نوره ساعتها وصل توترها حده بنظراته الجريئه عليها لدرجة انها حست انها ماتقدر توقف وهيه قاعده على الارض وهو قاعد قريب منهاوتشرد...صدق انك وقح وبعدييين يعني مع هالحال
التفتت لا حمد وناصر:انـ انتتو بتروحووون خلصتتوو
ناصر:هيه انا خلصت
نوره:انزييين سيرو البسو نعولكم وتجهزوو
هند:اريد اروووح
نوره بغيض من نظرات خليفه:لااا انتي ما بتروحييين
هند:خالوووه فديتج والله اول ما ارد بحله كله فديييتج
نوره وهيه تهز راسها:لا لالالا حلي واجبج اول شي
خليفه وبعده ايطالع نوره:هنوووده خلصي واجبج بنرقبج
نوره وفي خاطرها هذا الي ناقص:شو ترقبونها هذي يبالها ساعتين لين اتخلص
خليفه:ماعليه بنرقبها
زفرت نوره الي خلاااص صار ويههها طماطه من التوتر:خلاص خلاص روحي وهذي اخر مره اتاخرين واجباتج
هند بفرحه:انزين باجر اول ما اعطن من المدرسه بحلهن على طوووول
خليفه وهو مستانس على توترها:مابتروحين معانا
التفتت له وبعصبيه امنه:لاااااا
حاولت توقف واختل توازنها حاولت تتمسك في دانوه القريبه لاكن خليفه كان اقرب واسرع مسكها بسرعه مانع طيحتها
الي ما قدرو ايسيطرون عليها وطاحت في حضنه.......................رفعت راسها وشعرها المتناثر على ويهه وصدره متكيه على صدره اتحاول توقف الا ان مسكته الملتفه على خصرها منعتها ورعشات تسري على طول ظهرها
كانت مفتشله وعيونها في عيونه وهو ايحاول يكبت ابتسامته الا ان ضحكة اليهال عليها خلته غصبا عنه يصدر ضحكه مخنوقه
بعصبيه مدت يدها ليده الي ماسكه خصرها وابعدتها واعتدلت بسرعه ملتفته للي قاعدين يضحكون بصوت عالي
التوتر بعده طاغي عليها وبصعوبه قدرت توقف
نوره:حمير والله انه ولا واحد فيكم ايروووح
وعلى طول ركضت لقسم الضيوف
اعتدل خليفه الي حس ان قلبه وقف من الخفقان الموجع وزفر في محاوله انه يسحب نفس
ناصر:عميه شوووه بنروووح؟
خليفه:لاااا اظاهر انيه حتى انا ماعنديه طاقه للسيره





غاليتي وديمه .. أتمنى لك التوفيق والنجاح في حياتك
وفي روايتك الجديدة المقبله وتأكدي أني من المتابعين لك دوما




وأخيرا كل الشكر والتقدير لأختي الزائرة على النقل

السلام عليكم ..
وانتهت نــــــــــــــــــــــــــــــور ..

رغم شوقناا ولهفتناا للنهاايه الا ان حزننا لازمنناا ونحن نقرأ النهاايه لأخر حرف ..
مشكوووووووووووووووره أم حمد ..
مبدعه مبدعه مبدعه بلا حدووووووووووووود
الله يسلم هالاياادي عن الناار ..ويقومتس بالسلامه ..ومثل مافرحناا بتمام القصه ..يفرحناا ربي بتماام حملتس وولادتس بالسلامه ياارب ..
الله يعطيتس العافيه يااودوومه ..امتعتيناا من اول جزء نزل هناا والقصه كل يوم عن يوم تزيد حلى ..ونشكرتس لتلبيه طلبناا وانضمامتس لكوكبه كتااب ليلاس ..وبانتظاار القادم في قسم من وحي قلم الاعضاء ..قريبااا بإذن الله ..

كلماات الشكر لاتوفيتس حقتس ياأم حمد ..وأعذريناا لو قصرناا معتس وعذرناا ان الصمت في حرم الجمال جمالآ ..

زوزو ..بوابة العبور ..ألف مليااار شكر ولايسدن يالغاليه ..على النقل الرااااائع ..انتقائتس للقصص ولاأروع بأنتظاار نقل آخر على ذوقتس يالغاليه ..
دمتي بحفظ الرحمن ..

روايه ممتعه ..

عسآك ع القوه < ان شاءالله نلاقي لك روايه ثآنيه بوقت قريب

الف شكر لك غاليتي وديمة
انا بصراحة في البداية ماحبيت الرواية من شان اللهجة لكن بعدين تعلقت فيها كثير وبابطال القصة اكثر
ما توقعت ان فيه اكثر من لهجة في الامارات لاني قريت كذا رواية وكانت اللهجة غير
بالفعل عشت لحظات حزن وفرح الابطال معاهم وبداخل بيوتهم
بصراحة راح افتقدهم كثييييييييير
اوجه لك الشكر الجزيل على الرواية الاكثر من رائعة
تمنياتي لك بوافر الصحة ونرى روايتك المقبلة

تحياتي

اكواريوس