من البارحة خلصت البارت بس اجلت الرد لسبيبن.. الاول ان زوزو فديتها يديها عورتها من كثر الردود اللي وصلتها<< فيس ما يبي يتعبها

والثاني انيه انصعقت اليوم ان باقي بارت واحد<< فيس مصدوم

ودووم تسلمين عالبارت اللي نصه غاوية ونصه يعور الفواد<< الفيس راعي الورود
زوزو.. تسلمين عالاعلان فديتج<< فيس يبوسج

روضة وبدر

الف الف الف مبروووك<< فيس توه راد من العرس.. الله يوفقكم.. واخيرن ذبحتونا ونحن نترياكم ترضون على بعض.. الا هالبدور كل يوم شاك فيج تحبين حد.. حتى راعي الدكان شك انج اتحبينه<< فيس يبالغ..وهذا كله بسبه لسانج اللي يبي له قص<< فيس يفضفض

مي ومروان

والله وطلعت هب هينه يا ميووه.. تحبين<< فيس يسوي عمره ما يدري.. بس الشرهه هب عليج على اللي قال انج ياهل<< فيس يطالعها بطرف عينه..وانته بس خلاص درينا ان امنيتك تحقق بس فج عن البينه خوز عنها خلها تتنفس<< فيس رومانسي يكابر.. لا الظاهر ان نهاية القصة بتكون على عرسكم.. ما اظن انكم بتتروين لين ما تخلص ميمي<< فيس رومانسي يبي نهايه كلها حب ووئام وسلام وامان

نورة و خليفة

زين تسوين به.. قلت لج قبل انج جي<< فيس مسوي لج اوكيك.. دواه بس عاد لو اجلتي يوم العايله هذا اللي فجاة ما ادري من وين اخترعتيه<< فيس مستغرب وفيس قلبه قاسي.. ها خلوف علومك<< فيس نذل

نور

لا الا هالمنصور ما حبيته موليه.. جان خليتها تاخذ جاويد اخير لها<< فيس يفكر باقل الاضرار.. يلا اخر توقع في القصة دامنا وصلنا البارت القبل الاخير.. طبعا هالمنصور بيظهر واحد هب زين ونور بتدعي عليه وبيطلقها وبترد البلاد.. وبتاخذ زيود الحينه عقب ما عقل<< فيس حالمي

زايد

دواك.. تستاهل اللي ياك.. جفت شقايل ضيعتها.. عاد الحينه تصرف<< فيس يلومه.. شرايك نجتل منصور وتاخذها انته<< فيس متاثر بالبارت ما يعرف شو يقول


نترياكن << الفيس راعي الورود

يــــــآه احسن شي ان نور تزوجت < آح بس على صدمة زايد
والله يستآهــــــــــــــل

السلام عليكم..
ماا ادري ليش ماقدرت اعلق على هالجزء كل ماقلت لازم اكتي رد .تجيني ضيقه وتمتلي عيوني دموع>>قيس حساااااااااااس وااااااااايد..

صدمه الصراحه انه كان صدم..ه اووله كاان رووعه وفوووق الوصف مع روضه وبدر استمتعناا بكل لحظاتهم .. مروان وجرأته مع مي لما لقطها وعلى طوووووول على غرفته اعجبنا..
وامييره اللي حلت مشكله كبييييييره وااجهتناا وهي كيف زياد المال يطلق العله اللي هو ماخذهاا واخر شي اتووقعه ان الحل يكون عن طريق هالعله.. طبعا هي مااسووته حب لزايد واهتمام فيه.بس من باااب موااصلة حقدها وغلها على الغير..
كل شي كان تماااااااااام لييين وصلناااا للعشر سطور الاخيره.. نسفت كل متعه حسيناا فيها واقوول حسينا فيها بشكل شجمااعي لاني وااثقه ان الكل حس باحسااااسي وهو الصدمه.. وارجع اقوول اتمنى من كل قلبي ان هالزواج مايكون تم صدق.. ياا تخلين زايد يحلم او ان الامر مجرد كذبه يلعبون فيها على زايد ويشوفون هل هو فعلا يحب نور.. ..المهم ماتكون فعلاا صاارت حليلة لمنصوور.. ويل قلب وش جااب الثرى للثرياا .. ؟؟ ياااربـــــــــــــــــــــي وديمه شووفي تدرين وش اكثر شي مخووفني انتس تقوولين الدنياا مب كلها وردي ولا كلها فرح.. ندري بهالشي بس واللي يااعفيتس لاا تقوولينه لناا الحين ولاتخلين هالموقف صحيح ولاا تخلينه يستمر.. لاا تخلين منصوور يتزوج نور وان تزوجهااااا خلاص انا بكلف نفسي واشتغل قناصه واوول من اقنصه وابدأ فيه هو منصوور وبيكون الاول والاخير بس فكينا منه وديه بدااهيه خليه يموت.. لاا لاا لاايموت بس يطلقها . والا خلي له يد باللي صااار لزااااااااااااااااايد. والله فكره حلووه وتدري فيه نوور وتطلب الطلااق منه وتسلمه للشرطه والله رووعه هالفكره بس فيكنا من هالحدث الغير متووقع..

المهم القصه يحز في قلبي انها بتنتهي وحنا يدينا على قلووبنا من نهاايتها..
بس احلى موااقف القصه .. كل القصه رووعه لما جيتي بجيب اكثر المواقف اللي اعجبتني لقيتني جبت القصه كلهاااا..
لكن بالاخير قلت بما ان كل المواقف معجبتني باختار شي منها..


كل اللقاءات الاولى لابطالنا ببطلاتنا حبيتها مره.. واكثر موقف زايد لما شاف نوور وهي عند الثلاجه..

ركضت هنيه وابتسم زايد غصبا عنه بعدها اتذكر شي وقام رايح للمطبخ
سمعت نور صوته قبل لايدخل المطبخ اينادي هنيه وكالعاده ركضت لمخباها السري لاكنها المره هذي نست شالها وفلها على طاولة المطبخ
دخل زايد:هنيه يابنت ياهنيه انتي قووورتي فييين
ما شااف حد وتوه بيلتفت عشان يطلع لفت نظره الشال الاصفر رجع ووقف قريب من الطاوله مسكه في يده
وتم ايطالعه مستغرب امنه حس بحركة وصوت حيووول التفت للثلاجه وشاف انعكاس اللون الاصفر على الجدار
تم يتقرب اكثر من الثلاجه وهو يحس ان في حد مندس وراها وقرب اكثر واكثر لين ما وضحت له الصوره
نـــــور على طول حطت ايديها على ويهها منحرجه من شعرها الي طالع وهيه بدون شالها لصقت اكثر في الزاويه
تم زايد ايطالعها منصدم ومش مستوعب اهو شو ايشوف كانت بلبس البنجاب قميص مشجر باللون الاخضر والاصفر
وصروال ماسك على ريولها بلون الشال اصفر ساده لدقايق وزايد مثبت نظره عليها وهيه تدعس بنفسها اكثر واكثر في الزاويه بين الجدار والثلاجه كانت
شي رهيييييب في شكلها شعرها السايح وجسمها المتناسق طبعا عيون زايد جالت على كل شبر فيها
بياض بشرتها كان صارخ حتى بدت مفاصل اصابعها تحمر من الاحراج وضغطها ابهن على ويهها شو هالانسانه الي ما قدر زايد يستوعبها؟
نور حست باحراااج قوي وشافت ان هالانسان مش راضي يبتعد عنها وهو يدري انها متكشفه صرخت عليه
نــور:تبا لك ...هيا اغرب عن وجهي ..الاترا انني بدون حجابي
انتبه زايد وابتعد بسرعه لاكنه وقف في وسط المطبخ وهو يحس انه معطاي ثلااااث مرات كف على ويهه
اول كف كان شكلها....ثاني كف اللغه العربيه الفصحى الي تكلمت ابها....ثالث كف السب الي ياااه تبا لك واغرب
رجع والتفت للطاوله وين ماكان شالها وبعده مش مستوعب شي بعدها مشى وهو مايحس بنفسه لين الطاوله الي برا وقعد على كرسيه وهو
ما زال يتخيل الي شافه
واكثر موقف دخت منه وبنفس الوقت قمت على صدمه هذاا..

زايد:نووور مساعه شو قلتي هههه بديتي تتعلمين كيف نتكلم
نور:القليل فقط
زايد:انزين شو تعرفين بعد؟
تمت نور منزله راسها تحت مستحيه
زايد:هاااه
نور رفعتله راسها:لا اعرف قل انته ماتريدني قوله وساقووول
مايدري ليش ايريدها اتكون قريبه امنه مسكها من يدها وحثها اتقوم وتقعد على ريوله مجابلتنه وتنهد وبدا يبتسم لحمرار اخدودها
زايد:بتقولين اي كلمه بطلبها منج
هزت راسها بنعم
زايد:امممممم شو تقولين شو تقوليييين ...زين قووووولي فديييييتك
رفعت نور نظرها له منصدمه من طلبه ابتسم الها
زايد:هاااه صعبه؟
نزلت نور راسها تحت وبدا الخجل ايسيطر عليها
زايد:بتقولينها؟
رفعت راسها:احمم .فديييييتوكا
زايد:نـعم نـعم شو قلتي فديتوكا ..ووين يايه توكا هذي بعد.....قولي فديييتك بدوون توكا
نور:فديييتوكا
زايد:هههههه بدووون توكا اسمعي قولي اول شي فديييييييي...........تك
سحبت نور نفسها بصعوبه
نور:حسنا ....فدييييي......تك
زايد:ماتعرفين الحين اتقولينها ورا بعض
نور:حسنا ساقولها وماذا ستجزيني في المقابل
مد زايد ايديه وتخللت شعرها وبدا ايحركهن
زايد:الي تطلبينه واوعدج ما اقووول لااااا
نور نست نفسها وهيه تحس باحاسيسها تتفجر مهما كان اهيه تحبه وهو الحين قاعد يوعدها باي شي اتريده
نور وعيونها في عيونه القريبه منها والشبيهه لعيونها:فديييتك
قلبه بدا يرقع
نور:فديييت قلبك........فديييت روووحك.....فديييت عمرك...فديييت
لاكنه ما اعطاها فرصه وهو يسحبها له ويسكتها بقبله حاااره لطالما تمنتها نور في اوقات مضت
مسك ايديها وحوطبهن راسه وعلى طووول قام وشلها وتوجه ابها للغرفه وهو بعده في سكرة القبله
ترددت اريوله يدخل ابها لغرفته وغير رايه وتوجه ابها لغرفتها نزلها على سريرها ابتعد عنها وهو واهيه كلا يرتجف بحده
زايد بصوت اجهش:اسف نووور اسف والله ما اقدر اسمحيليه يالغلا
نزلت نور نظرها تحت وبدت دموعها تنهمر بغزاره
نور:انا لا اريد شيا زيد اقسم لك
زايد:ااااه يا نووور شو الي سويتيييه فيه
كان مازال منزل راسه في مواجهتها وهو يكلمها مسند ايديه على السرير
زايد:انا يا نووور شو اسوي؟نووور انا ملجت من فتره ملجت على بنت ريال معرووف ووعدنيه انه ايرجع اليه كل الاصوات الي خسرتها بعد الحادث...نوور انااا
نور:اذهب زيد اذهب واعلم انني انا هيه المبتلاه بهذا الحب اذهب وفقك الله ولا تخشى شيا
رفعت نظرها له ودموعها في عيونها
نور:محبتي لك يا زيد هيه ابتلاااا من رب العالمين اولا يبتلا المؤمن...اذهب واعدك انني سوف اطلب من الله ان يرفع عني هذا البلاا
لا تخشى على يا زيد ايماني بالله قوي وسوف يرفعه باذن الله ويبارك لك في زواجك
قام زايد وروووحه مذبوووحه وطلع وعلى طووول طلع من الشاليه وراح للبحر


مانسى موقف خليفه مع فطامي وهوو يصيح والله اني صحت معه...
اول ما دخل خليفه فراشه في المسا اتذكر فطامي ودعا النوم قام مبتسم لبس فانيلته وطلع صوب غرفة نوره
سمعت نوره دق خفيف على الباب
نوره قربت من الباب :منووو
خليفه:احم ا اانا فطامي ارقدت؟
تذكرت نوره
نوره:لحضه شوي
راحت نوره لغرفة الملابس ولبست شيله كبيره ولبست النقاب وفتحت الباب لخليفه
نوره:لا بعدها واعيه
خليفه:ممكن اريد اشوفها؟
نوره وهيه تفتح الباب اكثر:تفضل
خليفه عجبه جو الغرفه باااارده وريحتها حلوه وما حس بنفسه وهو يقول:اللــــــــــــــــــــــه ريحة الحجرة جنان
قرب من البنت الي على السرير تستعد للرقاد
خليفه:مساء الخير يا حلووه
فتحت فطامي ايديها عشان ايقرب وتحضنه وذااب خليفه لحضتها بهالحضن المرحب به
خليفه:يووووه فديتج
قرب منها وطاح عدالها على السرير وحضنته فطامي وتمت اتحبه في ويهه وخليفه مستانس
خليفه:فديت روحج ثرج هب هينه الحين انا ياي حق لاذكار اتسويبيه جذيه
كانت نوره واقفه عند نهاية السرير اطالعهم وهيه مبتسمه
خليفه شافها:وانتي كل يوم معيده معاها على هالحب
نوره:هههه ههههه فطامي بس حبيبي
خليفه في خاطره"عاده انا بروحيه جو الغرفه مدوخنيه ادوخينيه بعد بضحكتج"
حط خليفه عيونه في عيون فطامي
خليفه:اشوف عيووونج
فتحت عيونها اكثر في عيونه ورجع يضحك ونوره احاسيس غريبه انتابتها مره ثانيه من وجوده معاهن
حضنت فطامي ويه خليفه وهيه تقول
فطامي:بـــــــــــــــــــــابا
انتفض خليفه من سمع الكلمه وحس بدموعه غصبا عنه تتجمع في عيونه ودعس بويهه في حضنها
ايحاول ايسيطر على مشاعره الي تمت اتزيد وفطامي تحضنه اكثر وهيه تكرر نفس الكلمه بعدها لفت ويهها
لنوره وقالت:مــــــــــــاما
انفجر خليفه الي ما قدر يستحمل اكثر بشهقه ركضت نوره بسرعه وطاحت ورا فطامي وهيه تحط يدها على كتفه
نوره:خليفه تعوذ من ابليس
قعد خليفه وهو يحضن فطامي ولامنها لصدره
خليفه:ما اقدر ما اقدر انا استحملت واااايد وكبت واااايد انتي ماتدرين بغلاة خلف اخويه ااااااااه ابيع نصف عمريه
واشوفه لو مره وحده بس
نوره:لا حول ولا قوة الا بالله كل شي مقدر ومكتوب واجله وقف وكلنا راحلين من هالدنيا.....الوعد في الجنه ان شالله
يعني شو الي مصبرنا على فرقا احبابنا الا اننا بنلاقيهم في الجنه يالله بحسن الخاتمه


ومستحيييييييييييييييييييييييييييييييييييييييييييييل مااا اذكر من الموااقف الحلوووه لقااااااااء مروان وصاافيه..
عايشه مدت يدها وكتت حاجه بين ثياب مي
مي:شوووه؟؟
مشت السياره وطلعت عايشه راسها :الحقي للصرصور قبل لا يخل في ثيابج اكثر
مي وهيه تصرخ وتركض لداخل:يا كرييييهه
اول ما دخلت مي الدروازه ركضت بسرعه لميلس الريايل وهيه اتعق العباه والشيله في طريقها للمغاسل والحمام لين ما دخلت وفتحت ازرار قميصها وهيه ترتجف في الوقت هذا دخل مروان الي انهى مهمته
في نفس المنطقه وكان متصارع مع واحد ومخيسنه بالرمل كان البيت هذا اقرب بيت له دخله عشان ايروح الحمام ويغسل ويهه
كان مستغرب من العباه والشيله الي في طريقه ماكان للحمام مغاسل دخله على طول وتوجه للولف وفتحه غسل ويهه واول مارفع راسه شافهامندسه ورا الباب
تلخبط بروحه وما عرف شو يسوي عقب اتدارك الموقف
وتم يتحسس الجدار مدعي انه اعمي والتفت الها وعيونه مركزه على الجدار فوقها ومد يده وهو يتحسس ومسك الباب وسكره
كانت عيونها عليه وتريد تتاكد انه صدق عمي خذت نفس يوم تاكدت
نزلت عيون مروان وياليته مانزلهن قممممممممه في الانوثه والجماااال الي ابهره وخلاه صدق مضيع
كانت يده على المفتاح الي قفل به الباب توترت مي وتمت اتفكر بالي بيسويه اكيد انه ما يدري بوجودها
مي:ا ا
مروان:حد اهنيه
مي:انا انا باباه خدامه
مروان وهو يحاول يكبت ضحكته:شوووه خدامه انتي متى دخلتي؟
مي:باباه انته مافي سوي مشان انا وقت..باباه بطل باب
استانس مروان على ذكاءها لاكنه استانس اكثر عليها وعلى الي يشوفه نظراته كانت تتشتت حوليها وترجع تثبت عليها
ولا في الاحلام مروان تخيل انه ايشوف هالانسانه كانت رهيييييبه بالنسبه له شووو هالرقه والنعومه والشفايف الي يحسبها تقطر عسل
شعرها متبعثر اشويه امنه حولين ويهها لانها كانت تلف حولين نفسها قبل اشوي متروعه من الصرصور الي اونه بين ثيابها وطلعت مجرد ورقه صغيره
مروان:انتي فلبيني ولا اندونيسي
مي بتردد:انا سريلانكي باباه
ابتسم مروان:وشو اسمج؟
مي وملامح ويهها تنكمش في محاولة انها تلاقي اسم:هااه اسمي صافيه
مروان وقلبه بدا يدق عن جد:صااافيه ايوووا وشو تسوين في حمام الريايل؟
مي واهيه تدور بعيونها الي ذبحت مروان عشان تلاقي الجواب:انا يييجي سوي تنظيف باباه
نزلت مي راسها تحت وعيونها بدت تدمع
مي:باباه بطل باب
مروان وهو يقرب منها:صااافيه انتي ليش في خوووف؟
رجعت لورا شوي وهيه تحاول اتسكر الازرار الفوقيه الي كانت مفتوحه:باباه بطل باب الله يخليك الحين في سير ييجي
مروان متنح وعيونه غصبا عنه تتبع اصابع ايديها:ايوا صح الحين في سير برا انا مايقدر بطل باب
نزلت دمعتها وهيه ترفع راسها اطالعه
شي فيها ذبحه وخلاه منجذب الها اكثر ايحس باحاسيس غريبه تجتاحه وهو مستمتع بشوفتها بالحال هذا
نسى الريال اهوه شوووه
دخل مروان ايديه في جيبه وطلع مية درهم
مروان:صاافيه
رفعت راسها له
مي:ايوااا
مروان:صافيه هذي ميه صح؟
مي:ايوااا باباه
مروان :تريدينها؟
هزت راسها بعدين تذكرت اهيه خدامه ولازم ماتقول لا
مي:ايريد باباه
مروان:انا بعطيج اياهن بس بشرط واذا تبين بزيدهن بعد
مي وهيه اطالعه بنظرات مستفسره اكثر
اشار مروان لشفايفه وهو مادنهن جدام
مروان:صافيه سوي مشان انا كيس
فتحت مي عيونها باتساعهن وحطت يدها على ثمها تمنع شهقتها وهزت راسها بلا
مروان :ويييينج انا يريد بس واحد كيس وبيعطي مشان انتي ثلاثه ميه
بدت مي ترتجف ومروان ايقرب منها
مي:لا لا باباه انا واحد خدامه عجوز سيم سيم ماماه انته
مروان:مافي مشكله انا يريد
عضت مي صبعها وهيه تهز يدها مش عارفه شو تسوي ونظراتها اتجول ادور شي
كان مستانس على تغيرات ويهها ونظراتها واول ما عضت على شفايفها وهيه تثبت نظرها عليه ما قدر يستحمل قرب منها وخذ "الكيس" بالقوه
لاكنه ابتعد على الصفعه الي يته
مي:يا حيواااااان
مروان:شبلااااج؟
وكردة فعل لمروان الي اول مره ينظرب مسك يدها وثبتها على الجدار وعيونه في عيونها وهو معصب
مي:ا ان انته مش مش اعمي
مروان:لا مش اعمي
صرخت مي وهيه تسحب يدها بالقو وتحطها على ويهها مع الثانيه وتضغط بقو
زفر مروان وهو يستوعب الي صار...حط يده على ويهه يفركه وبعدها رفعها وتم ايطالعها وهيه تدعس بويهها في زاويه الحمام وايديها مازالت
على ويهها
ابتسم مروان وقرب منها وهو يهمس
مروان:سوري الي صار غصبا عنيه
كانت ترتجف وماردت عليه
مروان:صااافيه
مي:كريييييه وخر عنيه مناااك
مروان:يعني شو تبينيه اسوي كنت اريد انقذج من الموقف الي كنتي فيه على اساس انج تطلعين اول ماتدرين انيه اعمي
مي:انته غفلت الباب
مروان:ماحسيت تراج ضيعتيبيه وخصوصا القميص كان مفتوح عاده انا انسان مش لوووح
مي:وخر عنيه منااااك وبطل الباااب احسن لك
ابتسم مروان:شو بتسوين عااده؟
مي:بخبر عليك ريل خالتيه
مروان:انتي من هل البيت هذا؟
انفجرت مي اتصيح وتشاهق
مروان:طيب طيب خلاااص انا بطلع وبتاكد من الطريق عن الصيااح
فتح مروان الباب وطلع راسه رجع والتفت الها:اسكتي اخاف حد يسمعج خلينيه اتاكد من الطريق
طلع مروان وهدت مي لاكنه رجع الها بسرعه وهو يايب عباتها وشيلتها
مروان:هاج البسيهن بسرعه

مواقف هنيه مع نوور اوول ماجاات نور كلهاا تجنن و اكثر موقف ضحكني موقف نوور مع هنيه وهي تكلمها عن الصلاة وهنيه طول الوقت تصيح وتقوول دي صلاتي دعياا عليا.. والاحلى عااد لما تقووم وتوولوول وتقوول يااالاهوووووووي يااااا لهووووووووووي ياا لهوووووووووووووي.. احبهاا هنيه مره.
ووووووووووش بعد وشوو بعد ..؟؟ والله اقوولتس شكلي بجيب اغلب القصه هنااا..
يمكن بعد اجيب مواقف ثانيه بس الحين لازم ارووح اذااكر شوووي عندي اختباار الساعه 10 لازم اروح اذااكر بس تدرين قلبي يقوولي كملي قراايه موااقف القصه ..>>فيس حمار يبغاني اسقط..هخهخهخه

بانتظاار النهااايه باكثر من الشووووووووق.. فتكفيييييين خليهاا نهاايه سعيده وردي نوور لزايد خلاص والله حرم يسووي شي يضاايقها.. وانا اكفله لتس بس رديه>>يااخوفي بس انتس تكسرين بخاطري وخاطره وخااطر كل اللي حبوا القصه وتنهبلين بشي اسمه واقع .. ترى من الحين اقوولتس الوااقع حنا مانحبه وماانطيقه والا على قوولة النووري ليش ننحاش للقصص.. عالم ماتحب واقعها شنسوي عاد؟؟ لازم تسووين اللي نبيييييه >>فيس يكره الواقع

بالأنتظـــــــــــــــــــــــــــــار

وغلاة اللي تغلينهم كلهم نبغي النهايه سعيده اهم شي ترجع


نور لزايد