السلام عليكم.........دموعي سالت انهار وراح تحصل فيضانات للمحيطات لما عرفت ان القصة باقيلها بارت وتخلص ....ودوووم شنو سويتي فيني؟؟؟ راح ارفع عليك قضية عطل وضرر....انا صرت مدمنه على قصصك بصراحة وكنت اصبر نفسي على الجرعات المتباعدة ..عفوا اقصد البارتات بس شسوي إذا خلص المخدر؟؟ ألقيلي حل مالي خص انا مدمنه بسببك الحين ولازم تلقين لي حل سريع...يعني بالعربي بشريني بقصة ثانية وتكون قريبة واسكت ولا بقوم الدنيا....ههههه الله يعطيك العافية تسلمين ودوم بالتفوق في الإبداع....هذا البارت ضحكني وايد لما وصلت لمقطع التضامن والحنان العائلي...والله هالنورة خطيرة من جد...وقلبي رقص سلو من المشاعر مع روضة وبدر بس صار من وصل لغزل البروفسور مروان صارت عنده حالة طوارئ..الله يوفق كل قلبين ينبضون بالحب الحلال...اعلنت الأرصاد الجوية عن هطول الأمطار حزنا على اليازي وفهد وماندري هل تستمر هذي الأمطار فترة طويلة ولا تكون أمطار صيف فترة وتعدي.
خجلانه اني اوقف عند موقف كنت متمنيته من بداية تعرفي على شخصية زايد بس لما تحقق حسين بالندموالشفقه...يعني احس حرام يكون زواج نور بهذي الطريقة...تسرع ابو فهد غريب عجيب...يفكر انه فاهم كل شي وانه عمره الكبير ومكانته تعطية ابواب الحكمة وان كل قراراته صحيحه...سرع زواج نور وكانه سلق بيض ولا كانه حرامي يسرق فلوس وخايف يصيدونه...انا ما همني في هذي الحفلة كلها إلا نور...الكلام يلي سمعته عن السبب الحقيقي لتصرفات زايد وشلون ابوه غرس في نفسه المفاهيم يلي ضاقت نور الحنظل من ثمارها واصرار ابو فهد على ان زايد ماراح يتغير خلاها في حالة صدمة ومثل مايقولون كانت هذي هي الشعرة يلي قصمت ظهر البعير...نور كانت بوضع كل ضاغط نفسيا تعامل زايد معاها ..والتوقعات يلي كانت عندها عن المجتمع العربي المسلم وتصوراتها عن ولد عمها يلي راح يكون سندها ودرعها الواقي وصدمتها فيه وفي مجتمعه الخليجي ويلي بصراحة يشوف نفسه على غيره وطبعا المصيبة المستجده عن المره يلي ربتها ومرضها كل هذا خلاها تيأس وتسلم أمرها وترضخ لأبو فهد مع ان قلبها مع زايد برغم كل جروحه لها..وبصراحة هذا يلي مكرهني بزواجها من منصور...يعني مو معترضه على زواجها من شخص ثاني بالعكس المرأه ممكن تغفر لزوجها كل شي واحيانا حتى الخيانه بس لايمكن تغفر له اهانتها وتحقيرها ومعايرها بأهلها...كل شي ولا الكرامه...عندي انا ادوس على قلبي ولا ادوس على كرامتي..لأن يلي يتنازل مرة عن كرامته راح يظل طول عمره يتنازل وإذا الإنسان فقد إحترامه لنفسه ماراح يكون عنده اي انوع من القيم يلي راح تنهار في نفسه واحد ورا الثاني... نرجع لموضوعنا..نور تطلقت من ولد عمها قريبها قبل لايكون زوجها..وكانت تحبه يعني الزواج مرة ثانية لازم يكون في هدوء ودراسه لجميع الظروف وقناعة ولا راح يكون مصيره الفشل لأنها راح تبتديه بغلطه...تتزوج واحد وقلبها مع ثاني..ولا زايد هذا الدرس هو الوحيد يلي بيخليه يعرف قيمة نفسه.
آسفه على محاضرة الفلسفه الطويلة الفارغة بس هذا كل منك ودوووم هذي آثار أنقطاع المخدر بجسمي من الحين بانت الله يعيني...شبسوي لما ينزل البارت الفاينل؟؟؟؟؟ أريد حلا

جعلنا ماننحرم من هاالطله يام حمد بارتين ولله ان كل واحد منها يقول الزود عندي يارب يوفقتس ويسعد قلبتس خليتينا نعيش في جو ولا احلا من المتعه والابداع

ضعت اعلومك يولد البنت خبلت فيك في وسط بيتكم والناس متجمعه والداخل والطالع مامنعك تاخذ البنت الغرفك
اقول اليوم بوسه وضمه والاسبوع اللي بعده احم احم والاسبوع اللي بعده تاخذ نتيجة التحليل بحمل مي اقول اركد شوي والبنت شكلها مابه شهاده ولا دراسه خلها بس تخلص اولى ثنوي وفي الاجازه خذه ولله ماوراك سنه وسنتين عساك تصبر شهر ولا شهرين
ابوفهد الولد ماعاد هوب حاله حال زوجوه ولا بيفضحكم بين العربان البنت جابت خبره ولو تشرط عليه اذا خذه تجيب مي نسبتها 100 بقول تم وشكل البنت اردى منه اللي امتحنها مروان واجحت في امتحانه ماتقول ذي ام 16 سنه فذا الامور مابه احد صغير




ياشيخ وشذا الرومنسيه ولله انك انت واخوك شكلكم قطاوه منطلقه من خيشه كنكم ماشفتو خير خبلتو في البنيات ولا هم اللي خبلو فيكم
مهيب سهله شبر وربع رويضه ضيعت هيبة المحامي بدر خلته لايعرف يجلس مع رجال ولا يدابل شغل بس قدع يابدر قصيت السان روضه بحركاتك خليتها انثى بدال ماكانت خريجة سجون واتالت اوتلا اللهيتمم لكم علي خير وتبشرون ام بدر بعد سفرتكم بالبيبي
اقول بدر اكيد ورثتو ذا الحركات من ابوكم ولا ليش امك ماتزوجت بعد موته لانه مشبعها حب وغزل رمنسيه وماعاد تشوف غيره




وشذا الحركات اليازيه الحين غلا فهد وصرتي ترجينه يقعد عندتس من قدك يافهيدان قدرت تصوب قلب غزالك وتخليه تموت فيك بعد ماكانت كاره شوفتك وبعد حركاتك القرع معها
بس تبي شوري عندك ارجال خواتك لا يفوتونك خذ منهم دروس في الرومنسيه ذولي خطيرين
عط مرتك حبتين منها قبل السفر تصبيره لين ترجع ولا بلا دراسه بلا وجع قلب وخذها معك البنت ماتبي تدرس بايعه الشهاده تبيك انت وتبي قربك تحس ان مالها بعد الله فيذا الدنيا الا انت




خلاص يانوره الرجال عليل بحبتس تراه ماقصر وقالتس انه كتب البيت باسمتس ويوم خيرته خميره بينتس وبينها اختارتس انتي يعني القلب معاد فيه الا نوره ارحميه وفرحيه في بيبي منتس بدال اللي طاح وعيشي مع عيال اختس اسره وحده
ولله اني رحمت حاله يوم ارسلتي المسج وسمحتي انه يبات عندتس لقط ثوبه الرجال وجاتس ركض على غرفتس وضحكت موت وانا اتخيله مطير عيونه يوم شاف عيال اخوه نايمين معه في نفس الغرفه ولله انتس منتيب هينه يانوره
ودوم لا تبخلين علينا من الحركات الرومنسيه اللي تصير بين خليفه ونوره في البارت الاخير مثل ماستمتعنا برومسية الشباب يدر ومروان وفهد امتعينا مع خليفه ونوره



احسن شي سويتيه ياخميره من بديتي الروايه الا اليوم انتس خبرتي زايد عن ليلى عشان يطلقها ويعرف قدر نور هم وانزاح من قلبه واقلوبنا



ودوم الولد تملك على نور وسافر فيها يويل حالي يعني يمديه لمس البنت وخذ اللي يبي منها ونور عاد ماشاءالله بقوة ايمانها ماراح تمنعه حقه الشرعي حتى لو هي ماتبيه وتشوفه وحش قدامها رضى الله عندها فوق كل شي
بس مالقيتي الا حار العين منصور اللي بغى يقضي على الرجال بعينه جعله لين شاف نور يحسد عمره على ذا الزين اللي صار حلاله ويطيح صريع ولا يلمس شعره منها وهي تقعد تعالج فيه ويقولن علاجك طلاق البنت منك
بس مادري ليش عندي احساس ان زايد ر جع نور قبل ماتفضي العده ومحد يدري وان خاله زوج نور وهو مايدر فيذا الحاله ملاكها من منصور باطل لانها تحت عصمة رجال وماشاوره ولا ليش وصى مروان ان ابو فهد مايزوج نور وهو مسافر الا انه مرجعها وماقال الاحد
ويعد اذا عرفت نور انه اهتم في قريبتها ونقلها تعالج برا راح يغلى عندها اكثر
بس تدري زين اللي تمرمط زايد هذا درس لك تاحفظ على البنت اكثر وتعرف قيمتها
ودوم مهوب اذا رد زايد نور نكتفي بهذا القدر لا نبي كم مشهد رومنسي من اللي اياها عشان نشوف العشق الباكستاني مع العربي كيف يصير <<<<وحده واثقه ان نور الزايد




ودوم ولله ان كل مقطع احلا من الثاني ماقدرت افرق بي المقاطع اللي عاجبتني اي مشهد يكون فيه خليفه ونوره ولا روضه وبدر يموت ضحك بصراحه الروايه كلها على بعضها قمة الابداع


على قدر يودوم منيب زعلانه على نهايتها على قدر منيب فرحانه ان حال الابطال بيتصلح
تكفين ام حمد لاتاخرين البارت الاخير مهوب عدم مراعات الضروفتس لا والله بس حلات الروايه بتسلسل احداثها وتواصله اذا تاخر البارت تملالانا



ودوم امنيتي ان التواصل ماينقطع واذا الاسبوع نهاية نور ولاسبوع اللي بعده تتحفينا بمولوده ثانيه مشكوره ام حمد على البارتين الجنان
الله يوفقس يارب ويرضى عليتس دنيا واخره

هلا هلا هلا ودوم
شخبارج عساج بصحه ونعمه؟؟ واشلون البيبي عسا مب متعبج خخخ
حرام علييييييييج مانبي القصه تخلص >< فيس متعلق بالقصه واااايد

توقعاتي
":
عاد انا عكس البنات اتوقع انهم قاصين على زايد وقايلين له انها سافرت وهي في الحقيقه لا تزوجت ولا سافرت بس يبغون يشوفون ردة فعل زايد واذا كان يبغي يردها واو لا .. خصوصا ان نور كانت رافضه الزواج من بعد زايد .. فكيف تتزوج .. وقلبها معلق فيه وهي مؤمنه وتعرف ان هالزواجة بيكون فيها ظلم لها ولمنصور ..
او اتوقع .. ان هالحركة مقصودة من ودوم .. اتزوج منصور لنور .. وبعدين يصير شي يفرق منصور عن نور وبجي تقدر نور ترد لزايد .. خصوصا ان نور عقب الطلاق وعقب تتمه العدة ماتقدر تتزوج زايد الا اذا تزوجت بعده وتطلقت بجي تقدر تتزوج ... او اذا رجعها زايد في ايام العدة خصوصا انه راح المحكمه .. وسأل من قبل عن حكم المطلقه واشلون اترجعها؟؟؟هاي الي اتوقعه .. ها ودوم اشرايج في توقعي خخخخخخخخ >< اقول اسكتي بس
نورة وخليفه هالثنائي عجييييييب ايننون اموت فيهم .. صج صج .. كل بارت لازم اعيد اقرا مواقفهم فوق الخمس مرات >< فيس حاط يده ع خده ويتنهد خخخخخ

مروان ومي .. يحليلهم واخيرا تتوج حب مروان لمي بالزواج .. عقبال مانجوف عيالهم خخخخ


بدر وروضه اخيييييييييييييرا .. مابغو .. صراحة هالثنائي بعد يعجبني وايد .. خصوصا بدر النخله هههههه .. الله يوفقهم عاد هالله هالله بالمواقف الحلوة بينهم

زايد .. ماحطيته ويا نور .. لان زايد حاله خاصه .. هو عانى من الكره من يوم هو صغير فكان صعب عليه يتقبل نور .. عشان جذي نور لازم تراعي زايد .. وانه حاول يتخلص من خصله صارت فيه من يوم وهو صغير .. يعني زايد ماينلام دامه كبر وكبرت معاه فكرة التفرقه بين الجنسيات وخصوصا كرهه لـ الباكستانيين .. عووور قلبي .. للحين احبه .. وللحين ابيه ياخذ نور .. مايخصني ..

فهد واليازي .. هههه .. اتوقع بيعشون حياتهم مستمرين والهواش بينهم بعد بيستمر .. احلا شي فيهم هواشهم >< فيس مشكلجي خخخ
اليازي لازم تصبر شوي على فهد .. الريال لا زم يسافر وهي لازم تخلص ع الاقل هالسنه .. ومن بعدها يحلها الف حلال ..

طلب : بليييييييز نبي النهايه سعيييدة .. ولاهنتي يالشيخه

اخيرا ودوم .. مانبي ننحرم من ابداعج .. وتواصلج ويانا .. وفرصه سعيدة الي فيها التقينا وياج .. والفضل لله ومن ثم زوزو الغاليه ..
نتمنى نجوف ابداعج القادم ..
ومثل ماقالت زوزو ماراح نقول وداعا .. بنقول الى اللقـــــاء ..

زوزو ياقلبي والله تسلمين ع القصه الاكثر من راااااااااااائعه يزاج الله الف خير وتسلم يمينج الي تنقل لنا .. دايما انتي مميزة حتى في انتقائج للقصص .. ننتظر القصص اليايه الحلوة من يدج
لاهنتي يالغلا




دانهـ