وحشني شوف اصحابي وربعي والغلا مستور .. للكاتبة وحيدة واهلي كثيرين

الجزء الثاني
تركي يكلم ابو نواف
تركي بفرحه : الله يبارك فيك ياعم
أبو نواف ك خلاص أجل بكره سوى تحاليل والملكه كان يناسبك الخميس ..
تركي : خلاص تم طال عمرك

بالصاله
غلا تبكي: ليه توافق؟؟
أبوها بواقعيه: غلا أنتي لو بطاوعك منتي متزوجه .. ,انا ماخترت ووافقت على تركي الااني مقتنع فيه تمام الاقتناع .. وواثق انه بيسعدك وبترحاين معه..
طلعت غلا وهي تبكي وتتحلطم لغرفتها ..
أبوهابندم: كني غلطت ياأم نواف يومني وافقت من غير رايها..
أم نواف بحكمه:لا ماغلطت .. أنت شايفها كل ماجاها واحد ردته واللي سويته عين الصواب.. وتركي من زحول الرجــــــــــــــــــــــــــــــــال .
أبو نواف : الله يريح بالك.
يوم الخميس..
يوم الملكه ..
غلا: ياربيه احراج ..
عهد : قلبي لاتخافين والله عادي ..
مشاعل: غلا لاتخافين طيب
فهمتها غلا لان مشاعل هي الوحيده اللي تدري ان غلا ماتبي تركي
أم نواف : غلا سعود يحتريك تحت
غلا خافت اكثر : يارببه
نزلت غلا وهي ميته خوف وزعل وقهر على ابوها اللي وافق من غير رايها .. ياربي ..
نزلت غلا مع امها ..
سعود وهو مروق وفرحان حيل لاخته الغاليه: يخرع رجلك مدري اشعنده يقول خلوه تدخل وحدها
غلا تخرعت ولفت لامها: يمه شيبي ذا !!
سعود انفجر ضحك : ههههههههههههههههههههههههههههههههههههههههه حلوه شيبي ذا بس لاتعيدينها ..
غلا : ضف وجهك
امهم : وتاليتها معكم لو قلت لنواف يجي كان ابرك منك ..
سعود وهو يعدل شماغه ومسوي زعلان: أفا يمه والملازم اول سعود ماهو بمالي عينك بس يعين الله .. وبعدين هي ماتبي تدخل عنده ..
امهم: الله يهديكم .. أدخلوا الرجال لاطعينه ساعه بالمجلس
سعود مسك يد اختها : غلو وانا اخوك لاتخافي انا معك وباس رأسها
غلا لمعت عيونها : الله لايخليني منك
وسمت بالله ودخلت مع سعود ..
تركي وقف وبجراءه وبنره : هلا والله بغلا .. وقعد يذكر الله عليها ..
سعود أبتسم : زين انك ذكرت الله عليها هههههههههههههههه
تركي بابتسامه: مايحسد المال الا اصحابه ياسعود .. بس ياسعود الله يجزاك خير انا محرصك ماتدخل ودخلت فممكن تتوكل ههههههههه
سعود يطالع بغلا اللي باين عليها بموت من الحيا الادمي اللي ماحاسب حاسب لاخوها وقاعد يقزها قز والا من قهره من هالزواج
سعود : غلو يطردني .
ماقدرت غلا تتكلم:..................
سعود: اقعدي قلبي هنا واشر لها على مكان قريب من تركي
وطلع سعود اما غلا ضاعت من الحيا والاحراج تقدم لها تركي و مسك يدها وجلسها بجنبه : تدرين اني أسعد انسان بهالدنيا كلها .. وأني من شفتك وانا ماغير افكر فيك .. وان طول هالاسبوع مستني الاربعاء عشان اطير للشرقيه ..
غلا بقلبهاا ياربيه ............
تركي وهو بعدها ماسك يدها ومبتسم : ممكن تطالعيني .. ولا مو ممكن ..
شوي الايدق جواله
تركي بفرحه : هلا يمه
امه بعدها زعلانه: كيفك
تركي : الحمدلله يمه تمام
امه يقهر: هاملكت
تركي : ايه يمه والحين هي يمي
امه : مبروك ولو ان كلن ودي تأخذ سلوى احسن واقرب .. وبعدين ماعليها قصور يكفي انها نبيك لكن محدن يطيع الشور ..
( كان تركي ملزق بغلا وغلا سمعت كل كلام امه يالله)
تركي يحاول يصرف مايبي البنت تنجرح : تسلمين يالغاليه الله يبارك فبك
امه: من اليوم بدت تفرض سيطرتها عليك وهيبتها ماقدرت تقول شي ..
تركي يحاول قد مايقدر مايتنرفز مايبي يخرع البنت منه : تسلمين يمه الله يخليك لي
امه بضيق : مع السلامه
تركي ضاق صدره حيل من تصرف امه خربت عليه فرحته
تركي وهو يحاول ينسى الضيقه : فلبي امي تسلم عليك
غلا بهمس : الله يسلمك
تركي بتسامه : افا مالك نيه تطالعيني .. تراي مزيزن
ابسمت غلا برقه >>>مره واثق من نفسه
تركي : فديت هالبسمه ياناس.. تدرين خاطري اخذك معي للرياض
ناظرتها غلا بتلقائيه
تركي : جعلني مافقد هالنظره
تركي قلب السالفه جد : عادي اقدم العرس لقبل العطله .. وتكملين دراسه بالرياض .. واذا على الاسئله هي اسئله وزراه يعني كل المناطق سوى
غلا بقلبها من جده ذا يتكلم
تركي : هاموافقه ؟؟ صدقيني بترحاين
غلا تجر الحكي جر : هذي اخر سنه وابيها تكون مع صديقاتي .. وابي اقدم اختبارتي هنا ...
تركي تحطم بس حاول ثاني مره وبتسامه: وراح تكون احلى لما تكون مع تركي صوح
غلا بهمس: طيب ابي فصيل ونوف يحضرون
تركي تحطم : بهذي معك حق وسكت
غلا خافت لايكون اخذ بخاطره
قررت تقوم وتنقذ نفسها ..
تركي : على وين ؟؟
غلا : ..........
رحمها ربي بدخلها امها وام ريوف ويوف وبعض قرايب تر كي وقفوا سلموا عليهم .. غلا استغلت الفرصه وقعدت جنب امها وريوف اما تركي انقهر منها..
قعدوا شوي وعاد طلعوا .. دق سعود على تركي وقعد يستهبل معه شوي وقاله تعال فيه رجال جاور يباركون لك .. وعاد طلع تركي ..
بغرفه غلا ..
الكل راح مابقى غير صديقاتها وامهاتهم ..
بغرفه غلا
غلا طلعت من الحمام
مشاعل : نعيما
غلا : الله ينعم عليك دلبي .. وهـ يازين العافيه الفستان خنقني مع المكياج
شوق : تعالي يله سولفي
قعدت غلا بين صديقاته على سريرها ..
غلا: يمه يابنات أحراج .. مب صاحي
عهد : الحين حسيتي فيني يالدبه .. تذكرون لما قعدت أشتكي لكم وانتم تضحكون ..
غلا: ايو الله أذكر خخخخخخخخخخخخخ .. أحس ان هذا اصعب موقف تمر فيها البنت بحياتها ..
قطع كلامها جوالها وهو يدق
غلا : رقم غريب
وردت ..
غلا : ألو
صوت كئيب وحزين حيل : ليه كذا .. يهون عليك فهد يالغاليه يهون
غــــــــــــــــــــلا بخوف وفزت من مكانها : فهد شتبي ؟!
فهد وهو يمشي يقهر في غرفته : شتبي ؟ يعني أشبي أبيك أنتي ياغلا أبيك أنتي
غـــــــــــــــــــــــــــــــــــــــلا برجفه : أنــــــــــــــــــــــــــــــــــــــــــــــــ ـــــا !!
فهد وهو يصر على اسنانه : أيه أنتي .. عمري ماتخيلتك لغير ي عمري .. ولكن والله لاسومك سوم تتذكرينه ماحييتي .. والصور اللي عندي لك صدقيني لعبت فيها لعب وبعد شوي بتوصل للمحترم اللي اخذتيه ..
( طبعا غلا كانت لها صور مع بنات عمتها تصورها وهم في عرس نواف وبنات عمتها اصروا يأخذهـ وفهد أخذها غصب عنهم )
غـــــــــــــــــــــــلا خلاص أنهارات .. وطاحت على الارض وهي ماتدري عن الدنيا ..
صارخوا صديقاتها بسرعه جات امهاتهم كلهم ..
وكلموا سعود ربسرعه جا شالها .. وودها للمستشفى ..
الدكتوره : أحد صدمها .. بشي البنت معها انهيار عصبي حاد
سعود بصدمه أكبر من اللي بغلا : أنهيار عصبي ليه ؟؟
الدكتوره : انا اللي أسألك ؟؟
سعود : البنت الليله كانت ملكتهـ .. كيف انهيار عصبي ..
الدكتوره أنصدمت : ملكتهـ !!
شوي الا يدق عليه تركي : سعود وينك ؟؟ وشفيها غلا ؟؟
سعود :: أنا بالمستشفى .......... ياخي عندها انهيار عصبي حاد
تركي : وشو ؟؟ من أيش ؟؟
سعود : والله مدري وانا اخوك
تركي : أنا الحين جاي
وسكـــــــــــــــــــــــــــــــــــــــــــــــ ــــــــــــر ..
تركي نار تحرق بقلبها ليه غلا عندها انهيار عصبي ..
وفهــــــــــد الخوف مسيطر عليه على الغاليه لانها بالمستشفى ومن سببه >>>عرف من امه ..
و غـــــــــــــــــــــــــــــــــــــــــــــــــ ــــــــــلا من الانهيار الى الان مافاقت ..

وبس ..
أبي رأيكم .. وابي تفاعل بليــــــــــــــــــــــــــز ..

القصــــــه منقـــوله لـ تميـز كـآتبتهـآفـ كتآبتهـآ

lالجــــــــــــــــــــــــــــــــزء الثالث ..

طبعا تركي درى من أخته أم ريوف .. وبسرعهـ كلم سعود يستفسر منه منه لانه ماقتنع بكلام اخته .!!

بالمستشفى ..

تركي وهو يفرك جبهته بتوتر : ماصحت ياسعود من جبتها ؟؟
سعود بنظره شرود : لا
تركي أنتبه لسعود : سعود أشفيك ؟؟
سعود بنفس النظره : ولاشي
تركي يحط يده على كتف سعود وقال :الحمدلله ياسعود أن شاء الله هينه .. ويبتسم من ورى قلبه .. وبعدين ترى غلا زوجتي
ابتسم سعود غصب : ويعني ؟؟
تركي: هههه يعني يحق لي احزن اكثر منك
سعود : تكفي ..
ياخي ودي اعرف وش اللي خلا غلا تنهار ..
تركي رجعت له التسأولات تدور بقبله .. : مدري والله .. بي تدري لحظه ..
ودق على ريوف ..
ريوف كانت جالسه على سريرها تقرء قران ..
من شافت رقم خالها عورها قلبها .. يؤ خالي وردت : الو
تركي وصوته متغير : هلا ريوف اخبارك
ريرف عورها قلبها من صوت خالها اكثر عارفه انه بيحقق : اهلين خالي تمام .. أخبار غلا ..
تركي بضيق : بعدها على حالها .. ريوف وش اللي خلا غلا يجيها انهيار عصبي ؟!
ريوف تعلثمت : هــــــــــــا
تركي شك الحين بجد ان في السالفه ان : من قال ها سمع .. ريوف غلا شفيها ؟؟
ريوف : اكيد من الارهاق
تركي بعصبيه : ريوف اقولك انهيار عصبي .. تقولين لي من الارهاق .. عطيني اسباب اللي صار فيها بسرعه .. انا متأكد أنك عارفه لانك صديقتها الروح بالروح ..
ريوف بخوف : صدقني ياخالي ماادري
تركي عصب : ريــــــــوف وبعدين يعني لازم اجي ؟؟ .. وبعدين من نبره صوتك عرفت ان فيه شي مب هين ..
ريوف بنفس : خالي الله يخليك انا ماادري عن شي .. غلو اكبيد مرهقه ..
تركي : طيب ياريوف انا الحين جـــــــــــــــأي .. واشوف هالارهاق اللي جاب انهيار عصبي .. وسكر ..
ريوف بكت وسكرت ..
تركي بنرفزه : تقول مافيه شي .. بس اجيب الخبر وانا تركي ..
وطلع من المستشفى لبيت اخته ..
فتح باب بيت اخته وبسرعه طلع لغرفه ريوف ودق الباب
فتحت ريوف الباب
تركي : السلام عليكم
ريوف وعيونها حمرا وخايفه من تحيقق خالها : وعليكم السلام
تركي : تعالي اجلسي ..
وجلست
تركي : ريوف انا ماكنتي تدرين عسكري .. ولا امسك قضايا تحيقق مهيب هينه .. واعرف اللي عنده سالفه والا ماعنده .. واعرف كيف اطلع المجرم من المظلوم .. لذلك وانا خالك مابتجي بنت عمرها 19 سنه وتقول شي مايدخل العقل وانا اصدقها ..وش اللي صـــــــــــــــــار لغلا ؟؟
وش الخبر او السالفه اللي سببت لها هالشي ؟؟ لان البنت عندها انهيار عصبي والانهيار مايجي من ارهاق ..
ريوف رجعت بكت : خالي الله يخليك .. والله غلا مالها ذنب .. وربي ياخالي مالها ذنب .. انا اعرفها من وحنا صغار ..
تركي خاف وبهدوء اللي يسبق العاصفه : وشفيه ؟؟؟؟
ريوف تبكي بشكل :............
قام تركي جاب لها ماي وشربها ..
تركي يهديها : انا مااخذتها الا وانا واثق فيها وفي من ناسبت وانا خالك
قولي لي لك ولها الامان .. انا واثق بغلا زي مني واثق انك قاعده قبالي ..
ريوف تتحاول تتماسك : عقب ماطلعت من عندك .. قعدت غلا معنا بغرفتها وشوي الا يدق جوالها .. وكان وبكت ..................
تركي بعصبيه : مين ؟؟؟؟؟
ريوف : كان ...... كان .. ولد عمتها فهد اللي يحبها وتقدم لها اكثر مره وهي ترفضه وكان زعلان ليه توافق عليك وتتزوجك .. وقال ان عنده صور لها وان راح ينشرها وراح يحط لك منها نسخه عشان تطلقها .. واهي والله ياخالي مظلومه ..
تركي سودت الدنيا بعيونه : ياللــــــــــــــــــــــــــــــــــــــــــــــ ـــــــــــــــــــــــه .. وحط راسه بين يدينه .. وقـــــــــــــــــــــام بسرعه وهو مايشوف الدنيا من العصيبه ..
ريوف بكت أكثر خــــــــــــــــــــــــافت على خالها ..
طلع من بيت اخته مايشوف الدنيا من الزعل والقهر اللي بقلبه .. أجل انا زوجتي تتهدد .. والله لاعلمك يافهد ..

ريوف بسرعه راحت لغرفه اخوها محمد الكبير : محمد .. محمد ..
محمد اخوها فز : أشفيك؟؟
ريوف وهي تبكي : خالي تركي طلع من البيت وهو معصب وراح بيت عمه غلا !!
محمد وهو يجلس : ومنهي من عمات غلا ؟
ريوف: ام فهد
قام محمد بسرعه وهو محتاس وين مفاتيحي والجوال عطته ريوف وطلع حتى مابدل طلع بثوب النوم ..
وهو في سيارتهـ دق على خاله بس مايرد لاحول ولاقوه الابالله الله يهديك ياخالي ..
..........................
بسيــــــــــــــــــــــــــــــــاره تركي
دق على سعود لانه مايعرف بيت ابو فهد ..
تركي : سعود وين بيت عمتك ام فهد ؟؟
سعود وقف من على الكرسي اللي قاعد عليه : ليه ؟
تركي بنرفزهـ : سعود وينه ؟؟
سعود عرف ان السالفه فيها فهد وجاآر تركي وقاله : تعال ونروح سوى ..
مر تركي سعود للمستشفى وطلع سعود عقب ماتطمن ان غلا بغرفه وحدها وانها خلاص تنومت لانه وداها مستشفى خاص ..
أما محمد شاف ان انسب حل هو يروح يوقف قبال بيت أهل فهد لانه عارف ان خاله بيجي له ..
..
أما بسياره تركي ..كان سعود هو من يسوق السياره لانه يعرف بيت عمتهـ .. وعشان سيارتهـ عند المستشفى ..
سعدو وهو يضرب على الدركسون بعصبيه: والله لالعن خيره !!
تركي وهو حاط يده على فتحته القزاز : علمه عندي مو عند غيري !
وطول الطريق كل منهم يتوعد انه راح يشرب من دم فهد ..

ووقف سعود قبال بيت عمته .. ونزل يدق الجرس بقوه .. ومن حسن حظه ان فهد هو اللي فتح اما فهد من سوء حظه .. لانه طاح بيد اثنيين كل منهم يتوعد بشرب دمه !!
مسكه سعود وتركي من غير أي تفاهم .. وقعدوا يضربونه ضرب .. ومحمد انتبه لهم وبسرعه نزل لهم وطلع اخو فهد اللي استغرب هالصجه عند بابهم .. ويالله بعدوا تركي وسعود عن فهد ..
تركي اللي رجع على فهد اللي كان على الارض : وين الصور وينها ؟
محمد يبعد خاله : خال اذكر الله .. بتذبحه !!
سعود وهو يحاول يفك نفسه من ولد عمته :وخر انت .. موتك على يدي يالتراب .. اجل تهدد بنت عمتك ياتراب .. طلع الصور ..
فهد وهو يالله يجلس : أي صور ؟؟!!
تركي بعصبيه: الصور اللي عند لاتتغيشم ( وبصراخ ) طلعها ..
فهد وهو يمسح الدم اللي نزل من أنفهـ وبصراخ : قلت لك ماعندي ؟؟
تركي وهو يحاول يفك نفسه من ولد اخته لكن ماقدر لان ولد اخته بنفس طوله وعرضه : طلعها .. والاالحين اّذبحكـ !!.. والله أذبحك ترى ذبحك عندي زي شربي من كأس المويهـ !! طلعهـــــــــــا ..
تدخل أخو فهد وهو ماسك سعود : أي صور تتكلمون عنها !!
سعود : الواطي اهو يعرفها . . خلهـ بس يطلعها .. والا اقلك عطني بس درب وان اعرف كيف اطلعها !!
اخو فهد بعصبيه: طيب علمني وانا اجيبها ..
سعود بحرقه:التعبان عنده صور لــــــ غلا .. مأخذهـ من عند خواتكـ .. ولاعب فيها ويهدد غلا فيها ..
أخوهـ أستحى وتفشل حيل: الله يسود وجهكـ !!
وأخذ سعود وطلع لغرفه فهد وطلع معهم تركي ومحمد عقب جهد جهيد .. ولحقهم فهد !!
لقى سعود الصور بظرف .. ولقى نسخ احتياط .. . وأخذ الاب توب حق فهد لاقهـ مفرمتهـ .. رامهـ وطلع .. أما تركي قبل مايطلع تفل بوجههـ وبغى يضربهـ لاكن ولد اخته ماخلاهـ وطلعه .. نزلوا من غرفه فهد وعند الباب لقى محمد أشمغه خاله وسعود وشالها وطلع..
عند سيارهـ تركي : خلاص يامحمد روح .. ولاحد يدري عن اللي صار ..
محمد : لاتوصي حريص .. طيب تعال معي ..
تركي وهو يأخذ الاشمغه من ولد اخته : لا بوصل سعود وعقب بجي .. يلهـ سلامـ ..
ركب تركي سيارتهـ .. ورمى الاشمغه ورى ..
تركي : شتبي تسوي بالصور ؟
سعود وهو يطالع بالصور ويزمر : الله يأخذهـ الحيوان .. شف أشلون مركب الصور !! .. راح أخليها عندي تحسبا لاي شي .!!
وصلوا عند بيت ابو نواف ..
سعود وهو ينزل : يله انزل نام عندنا .. مافيه غير انا وامي وابوي ..
تركي وهو يعطي سعود شماغه : لاتسلم يالنسيب .. بروح اتسبح شف شلون بس .. وبعدين الساعه قربت على الثلاث .. وبعد شوي بيأذن الفجر ..

وراح تركي لبيت اختهـ .. ودخل سعود لبيتهمـ ..


أبي رأيكمـ ..

الجزء الرابع ..


دخل تركي لبيت أختهـ ولقى محمد وريوف بالصاله يحترونهـ ..
تركي : السلام عليكم
محمد +ريوف: وعليكم السلام
تركي : غريبه مانمتوا
محمد : نحتريك ..
تركي ابتسم : وهذاني جيت .. يله روحوا ناموا .. بس لاتغطوا بالنوم لان الفجر بعد شوي ..
محمد : بروح اتسبح ..عن اذنكم ..
ريوف تطلع بخالها ومتخرعه منه لانه لما طلع معصب شكله يخوف والحين شكله يخوف أكثر مبهذل حيل عشان مضاربتهـ مع فهد : تصبح على خير ..
تركي أبتسم : شكلك متخرعه مني ..
ريوف والخرعه على وجهها : ها .. لا .. لا ..
تركي قرب من بنت أخته وحب على راسها : اعذريني لو كنت قاسي معك شوي .. بس غصب عني ياريوف .. اللي صار فجعني بشكل ماتتصوريه .. بس الحمدلله الحين كني مرتاح نسبيا .. لان اللي كان عنده أخذته ..
ريوف بهمس : جد خالي ..
تركي : ايهـ الصور عند سعود .. والتعبان فهد انضرب الين قال امين ..
ريوف اخذت نفس وقالت بخوف والدمعه بعيونها : وغلا ؟؟
تركي عقد حواجبه : أشفيها ؟
ريوف : ماراح تسوي لها شي !!
ابتسم تركي : الا أباكلها .. خاطري فيها ..
ريوف انزاحت غمام هم كانت على قلبها : خخخخخخخخخخخخخخخخخخخخخخخخخخ .. شعندك خالي من خطبتها وانت تبي تأكلها ..
تركي : تجنن فديت قلبها يابنت !!
ريوف وهي هالمره تسلم على راس خالها : الله يهنيكم ببعض .. ويخليك لغلا وغلا لك .. وانا لكم خخخخخ
ابتسم تركي وبمزح : وانتي اشدخلك بالسالفه ؟
ريوف : انت خالي وهي صديقتي هع هع ..
تركي : احلفي ..
ريوف : طيب خالي روح تسبح .. واجهز لك شي تاكله ..
تركي : أوك

اليوم الثاني ..
ببيت ابو نواف ..

أم نواف : اعوذ يالله اما امس انخفض عندي الضغط .. والا غلا ماكان راح معها الا انا ..
سعود : لا الحمد لله أبشركم اهي طيبهـ .. وبعد شوي بروح لها .. تركي بيمرني ونروح عندها ..
أبوه : وين سيارتك ؟؟
سعود تورط : ابد طال عمرك بس خليتها بالمستشفى وجيت مع تركي >>>لان امه وابوه مايدورن عن الهوشه
ولو دروا كان صارت علوم ..
امهـ : بقوم اسوي شي لغلا عشان تأكله من امس مااكلت شي زي الناس ..
سعود وهو يطلع بجواله : هذا هو تركي يدق .. يله عن أذنكمـ ..

وطلع سعود ..

بسياره تركي ..

تركي : الوالد او الوالده درو ..
سعود : لا .. الله يتر لايدورن .. يأخي السالفه ذي بتصير فيها قبايل لو وصل العلم لهم .. وانا نبهت فهد وقلت له لو تطلع السالفه ذي لبشر مايلوم الا نفسه !!
تركي : ياخي مابردت حرتي فيه .. ودي اروح واضربه .. احس حتى لو شربت من دمه مهو بكفايه !!
سعود : خله عنكـ .. جالها اللي يكفيه ..
وفق تركي عند المستشفى وجا سعود بينزل : يله ماراح تنزل ؟
تركي ابتسم : لا بروح مشور صغير وبرجع ..
سعود بادله الابتسامه ونزل ..
دخل سعود للمستشفى .. وراح لغرفه غلا .. ولقاها تصلي الفجر لانها توها تصحى ..

خلصت وسعود كان قاعد يلعب بجواله ..

سعود : تقبل الله منا ومنك صالح الاعمال ..
غلا : امين ..
وراحت جلست على السرير ..
غطاها سعود ..
سعود : هاشخبارك الحين ؟
غلا دمعت عيونها :.........
سعود جلس جنبها على السرير وحط يدينه على اكتافها : شفيك؟ متضايقه عشان سالفه فهد ..
طالعت فيه غلا بسرعه : فهد !!
سعود : ايه فهد .. ترى دريت عنها..
غلا بخوف وهي تبكي : وربي وربي سعود انا مالي ذنب هو اخذ الصور من عند اخواته .. والله مالي ذنب ..
سعود وهو يهديها : غلوابسم الله عليكـ .. أذكري الله .. أنا واثق فيك تماما .. وابشرك الصور معي الحين .. وفهد اخذ جزاتهـ ..
غلا : والله .. يعني الصور كلها عندك .. وتركي ماراح يدري ..
ابتسم سعود وهويحط يده على شعر اخته : ايه كلها عندي .. بس تركي يدري لانه هو اللي طلع السالفه وعرف سبب الانهيار .. والله رجلك مب هين ..

مامدا غلا تتكلم الا بدخله تركي .. شكله كان مره مرهق باين عليه من عيونه فيها لون احمر ..
استحت غلا شكلها توحفه بجامه نوم وشعرها حايس وحالتها حاله .. كفايه بس وجهها المرهق حيل ..
تركي : السلام عليكم
سعود وغلا : وعليكم السلام ..
نزل تركي باقه الورداللي بيده وعلبهـ الشوكولاته وكيس ثاني ..
وراح لم غلا ومد يده ..
عاد سعود جا وقت لقافته ومد يده لتركي بدل غلا ..

ضحك تركي :هههههههههههههههه سعود تراني محترم نفسي ماسويت حركه ثانيه عشانك .. ورحماك عازبي هع هع
سعود : غلا رجلك وجهه مغسول بمرقه هههههههههههههههههه..
تركي بعده ماد يده : سعود الله يغربل ابليسك وخر يدك ..
سعود : ههههههههههههههههههه ..
تركي وهو ماسك يد غلا : أخبارك الحين حبيتي ..
سعود : الحمدلله ياحبيي ..
تركي : ههههههههههههه الله يخس ابليسك .. ياشين كلمه حبيبي منك .. اما من غيرك لو تطلع اشهد ان فيها علوم >>>وغمز
اما غلا من حركاته تركي وسعود كرهت عمرها واستحت زود ..
قام وجاب علبه الشوكولاته و.. عطى غلا وسعود .. وجاب آيس موكا لانه سأل ريوف وقالت ان غلا تحبه وجابه ..
سعود : الله لنا ..
تركي وهو يبتسم : لو تطلع ياسعود يكون فضلك على راسي ..
سعود وهو يبتسم: أفا ياذ العلم .. يله مقبوله منك يالنسيب ..
طلع سعود عشان يأخذون راحتهم ..
تركي وهو يقرب ويجلس جنب غلا : شخبارك
غلا همس : الحمدلله ..
تركي : الحمدلله .. ليه لونك مره منخطف ؟
غلا : انا .. لالا مافيني شي ..
تركي : اجل ليه احسك مو على بعضك ؟!
غلا وهي توخر كتفها عن كتفه : ولا شي بس حاسه ان راسي مصدع شوي ..
تركي : بسم الله عليك حبيتي .. طيب نامي
غلا بقلبها >>>والله انك تبطي انام قدامك ..:: مافيني نوم ..
تركي تشجع انها يكلمها بالسالفه عشان ماتظل حواجر بينهم بالمستقبل : غلا شو سالفه فهد >>>>يبي يسمعها منها !!
غلا وهي مره منحرجه وخايفه لكنها استجمعت نفسها : فهد مابيني وبينه سالفه ..
تركي أعبه ردها لاكن هو عنده حب التحقيق : اها .. طيب والصور ..
غلا خلاص بكت : والله مالي ذنب فيها .. اهو اخذها من عند خواته ..
تركي وهو يضمها : خلاص لاتبكين ..
غلا وهي تتمسك بتركي أكثر : قهرني ياتركي قهرني بغى يفضحني ..
وقعدت تبكي ..
تركي وهو يهديها : عمري الصور عند سعود .. لاتخافين .. الله ياخذه التعبان ..
غلا تمسكت بحضن تركي اكثر .. فرغت كل شحنت القهر والتعب بأحضان تركي اللي كان ودها يذبح فهد على اللي سواه بغلاهـ ..
غلا حست بنفسها انها في حضن تركي .. وسحبت نفسها بسرعه ووجها وانفها احمر من البكا والحيا ..
بس تركي رجع سحبها لحضنه وقالـ : استحي من كل الناس الا تركي .. لانك منه وفيها .. وباسها على خدها ..