.
بالمستشفى ..
كانت أم نايف جالسه مع دانه ..
دانه: أبي أكلم سطام أخوي ..
عطتها عمتها جوالها ..
دقت على أخوها وقالت له يجي للمستشفى ..
بعد نصف ساعه جاها أخوها ..
دخل للغرفة ..
راح لاخته وضمها: سلامتك يانور عين أخوك أشفيك ..
بكت بـ حضن أخوها وغرقت أعلى ثوبها ..
أم نايف كانت واقفه ..
سطام: كيف حالك ياخاله ..
أم نايف: الحمدلله ياولدي ..
سطام : شفيها دانه ؟
سكتت أم نايف ..
سطام: دانه شفيك ؟
دانه تعلقت عيونها بأخوها: تخيل نايف تزوج بنت عمه ..
انصدم سطام ..
دانه:قـــــــــــــــــــــــــــهــــــــــــــــ ـــــــرني ..
سطام باس أختها على راسها: ماعاش من يقهرك وأنتي أخت سطام .. ولك اللي تامرين فيه ..
دانه: أبي أتطلق منه ..
سطام متهور همه دانه ماتبكي ولاتتضايق: ولايهمك .. أهم شي لاتبكين ..
دانه: الله لايخليني منك .. أبي أكلم أمي ..
طلع لها جواله .. وخلاه تكلم أمه .. اللي انصدمت لما درت بالخبر ..
أم دانه : خلاص لاتبكين الليله أو بكرة وأنا عندك ..
دانه : طيب ..
سكرت وهي حاسه أنها بامان .. جلس أخوها معها ..
أم نايف: الحين بروح للبيت .. تبين يادانه أجيب لك شي ..
دانه: أبي ملابس ..
عمتها: أن شاء الله .. عن اذنكم ..
ببيت نايف ..
دخلت أم نايف ..
نايف : يمة ..
أمه : ايه ..
نايف : أنا كنت طالع لك جدتي اخرتني ..
أمه: وش تبي؟
نايف: تكلمني عن سمر ..
أمه: نمت ..
نايف: لا..
امه: لية ؟
نايف: ماهو براسي النوم .. من وصلت جدتي الظهر ورجعت عندكم وتالي كلمتني جدتي ورجعت لها .. عن اذنك الحين بروح لـ دانه ..
أمه: لا لاتروح .. سطام عندها .. لاتروح وتزيد الطين بله ..
تحطم نايف ..
أمه: نايف دانه كلمت أمها وأكيد الليله أو بكرة بيجون .. يعني لاتنصدم من شي .. مفروض من قبل هالشي تأخذ بنت عمك .. فشلت جدتك هي تعرف جده دانه وقريبه منها .. الله يصلحك .. وولدك ياخوفي يروح ..
نايف: يايمة لاتزودينها ..
امه : هذا الواقع ..
.
.
.
اليوم الثاني ..
ببيت سلطان ..
الظهر كان جاي من الصلاه ..
سلطان لعيال خواته : روحوا غيروا ملابسكم وكل واحد يمسك كتبه ويذاكر .. الين الغدا ..
قاموا العيال كلهم على غرفهم ..
سلطان: وين أمي ؟
ام شوق: بغرفتها ..سلطان بغيتك بموضوع ..
سلطان : لبيهـ ..
أم شوق: تسلمـ ليـ .. سلطان ماأبيك أول تزعل مني .. بس أبي أشترلي لي بيت منها أسكن أنا وعيالي ونخفف عليك همومنا وتعيش مع زوجتك زي الناس ..
سلطان: أيوه ..
أم شوق : أحسن .. صدقني ..
سلطان: ماأنتي مرتاحه هنا ؟ عيالك قاصرهم شي ؟
أم شوق بسرعه: لا والله فديتك ..بس ياسلطان حتى مشاعل مسكينه ماصارت تأخذ راحتها ابد ..
سلطان عصب : اها السالفه كذا .. وين مشاعل ؟
أم شوق بطيب نيه: بالمطبخ ..
قام سلطان وهو ثاير للمطبخ ..
دخل وهو يصارخ ماهو على عادته ..
سلطان: أنتـــــــي تطولين تطلعين وحده من خواتي من بيتي ..
مسك يدها من أعلاها ..
مشاعل: هــــــــــــي شفيــــــــــــك؟
سلطان : لاتستهبلين معي .. يكون في علمك أنتي ماتسوين وحده من خواتي ..
عليا قربت من سلطان وحاولت تفك يده من أعلى كتف مشاعل ..: سلطان شفيك ؟
سلطان بعصبيه: عليا بعدي هناك ..
مشاعل عصبت أكثر: عليا بعدي هناك خلي اشوف وش بيسوي ؟
سلطان: بكسر راسك ..
دخلت أم سلطان والصغار للمطبخ وشافت سلطان ماسك يد مشاعل ويصارخ ..
قربت أمه بسرعة: سلطان وراك على مرتك ؟ ابعد عنها ..
شد على يدها زود وقرب من وجهها: المره ذي بسكت لك وبـ خليك بس والله ثم والله اسمع أو اشوف كلمتي وحده من خواتي عن الطلعه من البيت أو ضايقتيهم والله مايصير لك خير .. كان حينها بيت أبوك يحتريك ..
أم سلطان: سلطان فك البنت ..
سلطان دفها : المره ذي حشيمة لامي ..
طلع من المطبخ ..
عمر مشاعل ماحست بالاهانه قد هالمره عمرها بحياتها ..
أم شوق : مشاعل والله أني اسفه أنا قلت له أني أبي اشتري بيت لي ولعيالي ونسكن فيه عاد حسب أنك أنتي السبب ..
كانت ساكته مشاعل لانها لو تكلمت بتبكي ..مافي مجال ..
طلعت مشاعل من المطبخ كان سلطان بالصاله مقهور ماتوقعها تسوي كذا ..
بالمطبخ ..
عليا: الله يهديه ..
طلعت أم شوق ..
أم شوق : سلطان تعال معي شوي ..
نزل الريموت ومشى معها ..
أم شوق: والله الله لاينجح عيالي أنت عارف وش كثر هم غاليين عندي يامشاعل أنها ماعمرها قالت شي ولاحتى تصرفت معنا تصرف مهو بحلو .. حتى الكل حاسدنا عليها .. وعلى تعاملها معنا ومع عيالنا ..
جات عليا ..
أم شوق: عليا بالله شرايك بـ تعامل مشاعل معنا ؟
عليا : والله ماشفنا منها الا كل خير .. حتى دروسها أغلب الاوقات تتركها وتجي تساعدني بالمطبخ وأمي محترمتها كأنها أمها وعيالي والله ذوق البنت معهم حيل ..
طالع سلطان خواته ..
عليا: الله يسامحك زعلتها واحرجتها .. لو سوت أي شي فيك الحين لاتلومها ..
ابتسم سلطان ..
أم شوق :ضايقتني الله يسامحك ..
سلطان: بصراحه تنرفزت على بالي هي اللي ضايقتك ..
.
.
.
بغرفهـ مشاعل وسلطان ..
دخلت مشاعل للمغاسل الداخليه وصكت الباب .. قعدت تبكي ..
ضربت بيدها على الجدار: حييييييييييوان أنا يهزئني كذا .. كثر ماكنت أكرهكم يالرجال صرت أكرهكم زود ..

الجزء الواحد والعشرين ..
.
.
.
كان سلطان بيطلع لـ غرفتهم ..
استوقفه صوت أمه : تعال ياسلطان..
راح لامه ..
أم سلطان: الحين هذي طريقة تتفاهم فيها مع زوجتك ..قدام خواتك وعيالهم .. تراك أهنتها واللي راح تسويه مشاعل راح أوقف معها .. طريقة تصرفك غلط×غلط .. الحين الصغار بيأخذون فكرة عنكم .. وبعدين أنت مش واثق في زوجتك .. أنا متأكده أن مشاعل ماسوت شي .. لان البنت تصرفاتها معي ومع خواتك وعيالهم تصرفات تشرح الصدر .. انت ماتجلس معنا عشان تعرفها زين ..زوجتك نعمه مفروض تحمد ربي عليها .. والله أنها دره ..
أثلج كلام أمه صدرهـ .. وهالشي خلاهـ يتمسك بقراره فيها زود ..
سلطان: مالك الا طيبه الخاطر .. الحين بطلع لها وأراضيها ..
طلع سلطان لغرفتهم ..
مالقى مشاعل .. قرب للمغاسل ..سمع بس بكاها ..حاول يفتح الباب بس مافتح ..
سلطان: مشاعل أفتحي .. لاتبكين داخل ..
مادرت عليه .. نفسيتها زفت ..
سلطان: مشاعل بالله افتحي ..
سحبت لها مناديل ومسحت وجهها .. والله ماتعديها له ..

جا يطيب خاطـــــــــري بكلمتين
يحسب ان رضاي مضمون وسهل..

طلعت ..
مشاعل تهاجم : ليه تهــــــــــــاوش أصغر عيالك أنا ؟ بعدين أنا شسويت ؟ عشان تسمك يدي وتهيني كذا ؟
سلطان مسك كفها ..
فكت مشاعل يدها : رد علي .. خل يدي مالك شغل فيني ..ولاتلمسني ..
سلطان: اسمعيني خل افهمك .. أختي قالت لي بطلع من البيت وقعدنا تنكلم وسألتها وقالت أنك ماتأخذين راحتك بالبيت ومدري أيش ..
مشاعل عصبت أكثر: قمت تهـــاوش .. أنت ماعندك طريقة تتفاهم فيها .. جايني ثاير للمطبخ .. وبعدين خير شهرين عايشين مع بعض ماعرفت مشاعل وطبعها .. شوف ياماما مهو بـ مشاعل اللي تستخدم هالطريقة الغبية ..
قعد سلطان يطالعها وهي تتكلم وقال : أنــــــــــــا آســــــــــــف ..
مشاعل تخصرت: لابجد .. وين أصرف أسفك .. تراكـ بجد بجد احرجتني ..وجرحتني
(لمعت عيونها ولفت بوجها عنه)
مسك أكتافها ..
زمرت عليه : قلت لا تلمسني ..
رجعت لفت عليه ..
مشاعل: وبعدين يالمحترم يالذوق أنت رجل اعمال يعني أبسط الاشياء مهي بـ عندك .. (صارخت فجأه من حرقه بقلبها) .. ليه تسوي كذا ؟ كثر ماكنت أكرهكم يالرجال صرت أكرهكم زود .. وجودكم بـ حياتي هو سبب همومي ..
سلطان: أطلبي اللي تبينه .. تبين اعتذر لك قدامهم عادي دامي غلطت ..
مشاعل: لابجد .. أقول ريح بس ..
راحت للفراش وتغطت تبي تنام ..
طالعها سلطان وهز راسه باسف ..
.
.
.
على حزة الغدا ..
أم سلطان: وين مشاعل ؟
سلطان: نايمة ..
عليا وأم شوق تضايقوا .. بس سكتوا ..
شوق: غريبه ميشو نايمة .. عاد اليوم مروقة ..
سلطان: ليه؟
شوق: لان بكرة آخر اختبار عليها من الاختبارات الشهرية ..
ريم: ههههههههههههه تقول بتذاكر العصر وأنا أشك دامها نامت ..
تضايق سلطان .. اكيد ماراح تذاكر وأنا السبب .. كمل غداه عشان مااحد يتضايق زود ..
.
.
.

بالمستشفى ..
العصر ..
كان نايف برآ .. شوي الاجاي سطام ومعه أمه وابوه ..
سلم أبو دانه على نايف وكان سلام بارد وأم دانه كذلك .. مالامهم نايف ابد اللي سواه بـ دانه مهو بـ هين ..
أبو دانه: تعال يانايف لـ داخل ..
دخل نايف وكانت أم نايف وجدته لامه موجودين ..
تنحنح أبو دانه قبل مايدخل ..
دخل سلم على بنته ..
دانه: يبهـ ..
أبوها: يابعد عين أبوك ..
سلم عليها أبوها واسنكات بحضن أبوها امانها من كل شي .. راحت سلمت عليها أمها وتالي سلمت على ام نايف وجدته ..
أبو دانه: لاعاد تبكين وأنا أبوك .. اللي تامرين فيه بيصير لو أيش ..
دانه: أبيه بس يطلقني ماعاد أبيه ..
أبوها: لك اللي تبغينه .. لاكن لاتبكين ..
أم دانه تتضايق من كثر مايدلع أبو دانه دانه .. كيف يخله يطلقها وهي حامل: الدكتورة جات هنا ..
أم نايف: ايه جات قبل شوي ..
أستأذن أبو دانه وأخذ نايف وسطام معه ..
أم دانه راحت لبنتها : كيفك ياماما ..
دانه: تـــــــــعبـــــــــانه ياماما كثير .. أحس أني مخنوقة موتـ .. أحس كل شي حولي كابوس ..
سكتت أمها وش ترد .. والله حيرة ..
أم دانه: وش ذا اللي سواه نايف بـ دانه .. كان من قبل أخذ بنت عمه .. الحين بينهم طفل ..
أم نايف: والله مالي علم بالسالفه ذي الا يوم علمني ..
أم دانه: طيب ليه تزوج على دانه وهو مامر على زواجهم سوى خمسه أشهر ..
أم نايف: والله زواجه فجأه ..
سكتت أم دانه ..
جدته لامه: عرس نايف ذا مهو على سنع .. وقولي جدتك يادانه قالت ..
طالعت دانه بـ جدتها..
أم دانه: ياخاله محدن بيغصبه ذا رجال ..
جدته لامه: والله وأنا أمك يادانه أنها عند نايف من ما عيونه .. وعرسه عليها به بلا ..
أم دانه: مصير الايام تظهر كل ماهو مخبى الحين أبي أشوف الدكتورة ..
أم نايف: تعالي نروح لها مكتبها ..
بمكتب الدكتورة ..
الدكتورة : هلا أم نايف ..
أم نايف: هلابك.. هذي ام دانه ..
الدكتورة: هلا بـ ام دانه زين جيتي ..والله ماأخبي عليك أن الله ستر على دانه وبقى طلفها وعدت الحمدلله مرحله الخطر برغم الطيحه والحاله النفسية السيئه اللي تمر فيها .. بس أنا راح أعطيها مثبات للحمل .. ويبي لها راحه تــــــــــــــامه تــــــــــــــامه يعني ماتتحرك ابد حتى راح تبقى عندنا في المستشفى لمده اسبوعين على الاقل .. عشان تضل تحت عنايتنا ..
أم دانه: عادي لو بعد اسبوعين تسافر ..
الدكتورة بسرعة: مستــــــــحيل لو سافرت مليون بالميه راح تجهض الجنين .. حتى الحين لما تطلع من المستشفى بيي لها راحه تامه نفس وجسد ..
أم دانه: يعني مستحيل ..
الدكتورة: ماأكذب عليك وأكون صرحيه دانه حملها وثباته قدرة من الله سبحانه وتعالى والا كثر من الحالات مرت على زي دانه ومافي ولا تم حمل وبعضهم لو حملت بسرعة تجهض من الشهر الاول أو الثاني ..
ودانه فرصتها بالحمل مره ثانية ضعيفه ..
.
.
.
اليوم الثاني ..
ببيت سلطان ..
الصباح ..
مشاعل :خالتي بروح لـ بيت أهلي من مبطي عنهم ..
أم سلطان : براحتك يابنيتي ..
لحقتها عليا ..
شوق وريم كانوا بيركون السيارة وقفوا ..
عليا ضحكت: اركبوا السيارة ..
ركبوا ..
مشاعل : هلا عليا ..
عليا: بتطولين عند أهلك ..
مشاعل: بصراحه مشتاقه لهم مرآ .. فـ أكيد بجلس عندهم ..
عليا: لاتطولين عاد ..
مشاعل : علاوي ترآ سالفه أمس مالها شغل بالروحه عند أهلي .. خلاص طاح الحطب .. بس مشتاقه موت لامي وابوي واخواني عشان كذا بجلس معهم ..
عليا: مش زعلانه من سلطان ؟
مشاعل : لا لا وين .. من امس خلاص تراضينا .. بس زي ماقلت لك ..
سلمت عليه ومشت ..
.
.
.
الظهر ..
ركبت مشاعل مع أخوها سيف ..
سيف: وحشتينا يابنت ..
مشاعل ضحكت : أنتم أكثر وربي ..
سيف: وينك ماعاد تنشافين ياساتر ..
مشاعل: هههههه مسؤليات .. الا ليه جوالك معك .. الله لو يدري أبوي ..
سيف: هوووووس لاتفضحينا .. عاد لو ماهو ماكان دقيتي علي ..
مسكت مشاعل جوالها وارسلت لـ سلطان مسج (( بروح لاهلي الاسبوع هذا أوك ))
استغرب سلطان أول ماشاف المسج ..
دق عليها ..
مشاعل : هلا ..
سلطان: هلا بك .. وينك ؟
مشاعل : لحضه .. (تكلم أخوها) .. خلاص أدخل داخل بس لاتقول لاامي طيب
ضحك سيف وشال كتبه ودخل ..
مشاعل: ايه هلا .. ببيت أهلي ..
سلطان: في شي ..
مشاعل : بزور أهلي فيه شي ..وبعدين بجلس عندهم ..
سلطان: تغدي عندهم والين الليل وبجيك ..
مشاعل : شوف لاتعب نفسك ولاشي .. قبل ماتهدى أعصابي ماني براجعه زين .. وأختك عليا اليوم سألتني وقلت لها خلاص السالفه انحلت .. بدخل داخل الحين ..
سلطان: أنتي وبعدين معك .. الليله بجي ..
سكرت بوجهه ..
طالع سلطان بالشاشه وانقهر .. ياها البنت ..!
.
.
.
العصر ..
كانت مشاعل تتقهوى وتأكل حلا ..
فارس : مشاعل صبي فنجان قهوة ..
صبت له ..
وجلسوا سوالف وضحك ..

ببيت سلطان ..
سلطان : الا شوق ماسألتي مشاعل كيف حلت اليوم ؟
شوق: لا ماشفتها لانها طلعت الساعه12 .. خل ادق عليها ..
دقت ..
مشاعل : هلا شوشو..
شوق: هلا والله وحشتيني .. بجد البيت ماله داعي من دونك ..
مشاعل: هع هع أدري ..
شوق: هههههههههههههههه
طالعها سلطان ..
شوق: طيب كيف اختبارك ؟
مشاعل كشرت : والله زفــــــــــــــــــــــــــــت مرآ ماله داعي .. كله أخطاء
شوق : ليه ؟
مشاعل : مدي امس ماذاكرت ولاجالي نفس .. طول اليوم نوم ..
قعدو يسولفون شوي .. وتالي سكرت ..
سلطان: ها كيف حلت ؟
شوق: تقول زفـــــــــــــت ماحلت ولاشي كله خطأ ..
تضايق سلطان زود ..
مر سلطان على انسابه المغرب ولزموا عليه الا يتعشى وتعشى معهم ..
مشعل: تبي أنادي لك مشاعل ..
سلطان: ياليت ..
راح مشعل ..
مشعل: يمه وين مشاعل ؟
أم مشعل : طلعت تنام من عقب ماحضرنا العشا .. ماسلمت عليه حتى لما شفته كانت تساعد الشغاله بالعشا ..
مشعل: الله يهديها وسلطان يبي يشوفها ..
أم مشعل : نامت ..
طلع مشعل لـ خويه ..
مشعل: نامت يا لـ خوي ..
ابتسم سلطان: يله مره ثانيه .. سلم على عمتي..عن اذنك ..
.
.
.

اليوم الثانيـ ..
بالشرقية ..
ببيت أبو عهد ..
عهد : يمة ماكأن فيه غير ذا السالفه ذبلتوا تسبدي فيها .. خالد ماني بـ راجعهـ له لو يموت ..
امها: بسم الله علينا وش ذا العناد فيك ..
عهد: ههههههههه أحسن خليه ينقلع .. وربي الحين راحه من دونه ..
أمها: بنت احترمي زوجك ..
عهد: خليه بالاول يحترمني .. يمة بنسافر الرياض العيد ذا ..
أمها : أكيد سنويا نروح .. لاكن أنتي وخالد كيف بنسوي بـ سالفتكم ..
عهد : والله خالتي أم خالد ماقصرتي يمه علمتيها بـ سواد وجه ولدها وخالاتي وجدتي يدرون على الرغم أني ماكنت ابي احد يدري لانه شي خاص لـ ذلك لاأحد يكلمني بخصوص هالموضوع ورجعتي لـ خالد والا بحبس نفسي بيت أبوي الين نرد للشرقية ..
أمها: ياضغطي ..
عهد:يمه فكري فيني .. والله اللي سواه خالد مهو بـ هين .. يمه لو أبوي سوى كذا .. شرده فعلك ؟
سكتت أمها ..
عهد: أجل لاتلوميني ..
أمها : خالد ترى الحين هو اللي زعلان عليك .. كلامك المره الاخيرة ماله داعي الله يصلحك ..
عهد: ماطلعت حرتي فيه وربي ..
دخل نادر : ســــــــــــــلام ..
امه/عهد: وعليكم السلام ..
نادر: عهدوه نطلع تنمشى ..
عهد: أيو الله زهقانه ..
نادر: يله يمه معنا ..
أمهم : لا أبوكم بيجي بعد شوي مابيلقى احد ..وانتي لاتمشين كثير .. ترجعين لي رجولك متنفخه ..
نادر: هع هع صايرة بطه خلقه ..بس قبل معي مفأجاه ..
أمه : وشهي ؟
نادر : والله ضيوف ..
عهد: تلعب علي ماراح تمشيني ..
نادر: غيري بيمشيك أحسن مني هع ..بس ياعسل معي ضيوف ضفي الفيس .. يبون يسلمون على ماماتي ..
عهد: ياشين السرج على البقر ..
نادر: كرشتك تشفع لك هع هع يله يالدبة ..
طلعت له لسانها ..ومشت ..
أمه : من جا ..
نادر: لحضه ..
طلعوا عيال خواتها واخوانها ..
أم نادر: هلا والله ..يالله أنك تحيهم..
.
.
.
ببيت تركي وغلا ..
تركي : أنا بجيكم ..
مهند : خلاص أجل نتقابل باأبها ..
سكر تركي من أخوها .. وهو يفكر باللي بيسويه .. ندم تالي قال لا .. خل تتأدب .. أحرق قلبها وأهنيها وتالي أطلقها .. لا .. لا أطلق غلا ..صعب .. أخ ليه تخونين ؟
طلع لها غرفتهم ..
تركي: أخذت الرقم بس ماله اسم ..
طالعته وتالي صدت ..
قرب منها ومسك يدها : أنا قصرت معك ؟ طيب لية أخذتي حبوب منع حمل .. ماتبين طفل مني .. طيب من متى تأخذينها من صار على الحادث أو توك لما تعرفتي على هالتعبان ؟
ماردت عليه ..
تركي: ردي أشوف لسانك ماله حس ..
غلا: اطلع برآ .. وفكنا .. خلاص طلقني أوف .. دامك مش واثق صدقني الطلاق أنسب حل لنا ..
تركي: عشان تروحين له .. تحلمين ..
فك يدها بقرف وطلع من الغرفة ..
.
.
.
بالشرقية ..
ببيت أبو عهد ..
أم نادر: لا حبايبي أجلسوا معنا ..
تكلم خالد : لاياخالتي جايين بس تمشية للبحر وبنرجع خبرك بكرة دوامات ..
خالته : براحتكم .. ولو كان ودي تجلسون معنا الليله على الاقل ..
سلموا العيال على خالتهم وطلعوا مابقى الاخالد وخالته ..
خالد: شخبار عهد؟
خالته: الحمدلله .. تبي تشوفها ..
خالد : أذأ رضت عادي ..
خالته : مهو بكيفها ..
طلعت لها ..
عهد: لامو بنازله ..
أمها : عهد والله لو مانزلتي وحستني اسلوبك مع خالد مايصير خير ..
عهد: يمة وش ذا ..
أمها: اللي سمعتيه ..
نزلت أمها .. ناظرت عهد شوي وتالي قامت غيرت ملابسها ونزلت ..شافت خالد وحده ..
عهد: سلام ..
قام لها: وعليكم السلام ..
جلست ..
خالد يناظرها .. : شخبارك ؟
عهد: تمام ..
خالد: كيفك مع الحمل ؟
عهد: تمام ..
جلس يناظرها .. وتالي تجرأ وقام لها ..
خالد: عهد ماتعبني من الفراق ..
عهد تناظره : لا .. أنت متى راح تطلق .. لازم أسوي خلع ..
خالد: أنتي لية قاسية كذا ؟ارجعي لي ولك عيوني لو تبيها؟
عهد: وأنت لية خنت ؟ ليهـ بعت؟ لية كذبت وقلت مابالقلب غيرك ياعهد ؟وجاي تقول ارجعي وسامحي ؟
جديدهـ [ لعبتك ] هذي ..
رجُوعك , ليه أبي أفهم ؟!
ترى ما جيت ( فـي ) وقتِك / أنا مُو حاسِب حسابك

نسيتك أو تناسيتك .. ( دخيل اللـه ) لا تهتم
وأبشرك .. وجه أحزاني ضحك لي , وإنقفل بابك

[ وبسيطه ] جات مِن صالح حياتي .. طعنتك , للعلم
قريتـك وإستفد قلبي مِـن المضمون .. بكتابك

تَعَلَّم قلبي مِنْ إيدك علـى كِـل ما مضى [ يندم ]
زرعتِك شُوق .. أتحرى حضورك , وأثمر غيابك

تِحَمَّلتِك / ولكنـه .. جُبرنـي الجـرح : أتكلم
خيانـه شِفتهـا مِنِّك .. [ عِطِـرهَا ] , تارس ثيابك

[ بنيتِك ] حُب في قلبي وإنتَ .. حضرتِك .. تهدم
كرهتِك حيـل صدقنـي .. وكِل هـذا مِن أسبابك

تقول : آسف ..؟! يا خلف الله !!
بقى بـ ( وجه ) التسامح / دم ...؟
أسامح كِل شي إلا الخيانــه , ونشوة إعجابك

أنا .. يا لِكْ أجـي واحد يساوي في عيونك كم
وإلا ما أجـي ( عنـدك ) وأغيِّـر , ناتِج أحبابك

تجيني .. والندم واضح ولا أقدر أقولك : سم
لأن الجرح من شافك تضايق قال : وش جابك

وإذا تحسبني [ برجـع ] لِك .. بلاش تفكِّر وتحلم
لأنـي مُـو مثـل أوَّل أحقق , رغبـة أهدابك

قديمه لعبتك هذي .. وكفايـه .. ما أبي أفهم
[ رجاءاً ] ..
إبتعِد عنَّي أنا مُـو ناقص ألعابك
.
.
.

بعد أسبوع ..
كانت دانه تبكي بشكل ..
أم دانه : شوفي ياقلب أمك .. تبين تسافرين معنا للشرقية من عيوني بس الاجهاض راح يتم للاسف ..
أم نايف: دانه فكري بعقلك .. ولك تجلسين معززه مكرمه واللي يسيء لك يسيء لي .. ونايف ماراح يشوفوك الا برضاك .. لاكن يادانه لاتحرمين نفسك من ضناك وتحرميني ..
جدته لامه : دانه خليك هنيا حتى تولدين وبعدها لك اللي تبغينه ..
دانه: مستحيل أجلس ..
خالتها مها : قلبي عشان البيبي ..خليك من نايف .. عشان ضناك والحين ياعمري أكيد الحين ضناك تبينت ملامحه ..
مسحت دموعها : خالتي والله قلبي يحترق مليون مره عشان ولدي بس نايف جرحني ..
خالتها: طيب ولدك شذنبه ؟
دانه: ذنبه أنه ولد نايف ..
خالتها : ياعمري لاتتضايقين .. والله مرده لك .. هي نزوه ..
دانه: خلي نزوته تنفعه ..
أم نايف: ها يادانه ؟
سندت دانه ظهرها على السرير: بجلس بس لا اشوفه ولايكلمني .. ومجرد مااولد اروح بسرعة لاهلي أنا وولدي وينسى شي اسمه دانه .. ويطلقني ..
أم نايف استبشرت خير: من عيوني ..
.
.
.
باأبها ..
ببيت أبو تركي ..
أبو تركي : تركي منت بـ صاحي ..
تركي : يايبه الله يعافيك ويبقيك .. هذا ماهو بطلبكم من قبل أعرس على بنت عمك هذاني بعرس عليها ..
دخلت أم تركي ومعها قهوة ..
قام تركي وخذا من أمه الصينيه ..
أبوتركي : سمعتي ولدك ؟
أم تركي : وش يقول ؟
تركي :يمه جهزي عمرك الليله بروح أملك على بنت عمي سلوى ..
ضربت أمه على صدرها ..
تركي: يمه شفيك
أمه: تركي وغلا .. ماهي ذي الا أخذتها غصب عنا كلنا ..
تركي: يايمه مالي الا بنت عمي ..
أمه: وغلا ..
تركي: وشفيها .. ماني بأول واحد يعرس على حرمته ..
أبوه: لاكن مالك الاست سبعه شهور من أعرست ..
تركي: عادي .. أهم شي الليله الملكه ..
(والله لاربيك ياغلا .. أنا تخونيني ..)

أنا اللي لاشفت خلي حط غيري في مكاني ..
والله اني لأتركه وان صد لاعشق سيد سيده
.
.
.
ببيت تركي ..
كانت غلا جالسه ونفسيتها زفت .. مرتها رهف ..
رهف: اجل وين تركي ؟
غلا: طالع من الصبح ..
رهف: غلا أحسك ذبلانه ..
غلا: اليوم رحت للمستشفى لما مريت صديقتي دانه .. عاد مريت وشفتي نتيجتي وطلعت حامل ..
رهف : بجد ألف مبــــــــــروك ..
غلا ابتسمت لها بالم: الله يبارك فيك ..
رهف: وأنا أقول وجهك ذابل ..
غلا بقلبها أخ بس يعين الله ؟؟
دق جوالها ..
غلا : نعم ..
.......: غلا ..
غلا: نعم مين ؟
المتصلهـ : ماراح تعرفيني .. ماتدرين وين تركي الليله ؟
غلا وقفت: من أنتي ؟ وبعدين وين تركي ؟
المتصله : تركي الليله ببيت عمه مع حبيبه عمره وقلبه سلوى والليله ملك عليها وصارت حليله له وعرسهم قريب ..
غلا : كــــــــــــــــــــــــذابــــــــــــــــــــــ ـــــــة ..
المتصله : هههههههههههههههههههههههههههههههههههههه دقي عليه ..
سكرت بوجهها ..
دقت غلا على تركي مايرد ..
غلا : رهف دقي على تركي ..
نزلت رهف بنتها ..وقامت لـ حماتها :غلا شفيك ؟ تركي فيه شي ؟
غلا : تكفين دقي عليه ..الله يخليك ..
أخذت رهف جوالها ودقت عليه..
رد تركي ..
تركي: هلا أم ماجد ..
أخذت غلا الجوال : تركي أنت وينك ؟
انصدم تركي للحظه وطالع بـ سلوى ..
غلا:رررررررررررررررد ..
تركي تلعثم : أنتي .. وش تبين ؟
غلا: قلت لك وينك ؟
تركي: باأبها ..
غلا دمعت: تزوجت بنت عمك؟
سكتـ ..
غلا : رد تزوجت بنت عمك ؟تزوجتها ؟ ياتركي؟
تركي (مصيرها تدري): أيه .. أخذت اللي تصوني بـ غيبتي وحضرتي ..
وتالي سكت لان سلوى تطالعهـ ..
سكتتـ .. سكرت السماعهـ .. جلست على أقرب كنبه ..
رهف: غلا شفيك ؟
كانت تطالعها .. وشريط ذكرياتهم ينعاد أمامها .. وضحكهم .. وحركاتهـ معها .. كل شي رجع بـ لحضهـ ..
رهف جلست مقابلتها : غلا شفيك؟ تركي شفية ؟
غلا مسحت دموعها : تركي ملك على سلوى الليله ..
رهف : غلا مسخنه ..
مدت لها الجوال .. : دقي عليه ..
حطت راسها بين يدينها وجلست تبكي ..
رهف: أكيد يمزح ..
كانت ساكته .. ماينسمع سوى صوت شهقاتها ..
ضمتها رهف لـ حضنها .. وهي صدمتهـ توازي صدمه غلا ..اللي كانت ساكته .. تحاول تستوعب الصدمة اللي حلت عليها ..
.
.
.
ببيت أبو مشاعل ..
كانت مشاعل توها جايه ويا أمها من بيت جيرانهم ..
على طلعه سلطان ومشعل ..
مشاعل بقلبها أوف وش بيي جاي ..
سلم سلطان على عمته ..
أم مشعل: ادخلوا داخل ..
سلطان حط مشاعل قدام الامر الواقع: تسلمين ياعمه .. جاي اخذ مشاعل ونروح لـ يبتنا ..
طالعته وسكتت ..
سلطان: خذي أغراضك وأنا أنتظرك بالسيارة ..
مشاعل: أوك ..
.
.
.
بـ سيارة سلطان ..
سلطان: شخبارك ؟
مشاعل: لية أخذتي ؟
سلطان طالعها للحظة وتالي ناظر الطريق: اسبوع كفاية تهدين فيه أعصابك .. وبعدين الاهل اشتاقوا لك ..
مشاعل : حركتك مالها داعي ..
سلطان: عشان اخذتك .. اللي مالها داعي جلستك اسبوع ببيت أهلك ..
مشاعل: لا بالله ..
سلطان: بعدك زعلانه ..
مشاعل : سلطان اللي بيني وبينك ولاشي .. وأنت بالنسبه لي زيك زي أي انسان .. ماهو بأي أحد بزعل منه ..!
شدد قبضته على الدركسون .. وسكت ..
ابتسمت مشاعل أنها قدرت تنرفزه ..
وقف بالحوش حق بيتهم ونزلوا .. كانت مشاعل توها بتسكر الباب حق السيارة .. انتبهت لليد اللي ماسكه يدها .. طالعته ..
سلطان : فكي نقابك .. وخلينا ندخل لـ داخل ..
مشاعل : فك يدي طيب ..
فك يدها حتى فكت نقابها .. ورجع مسكها ..
مشاعل بحمقه: أنت وش تبي ؟
ابتسم لها: أبيك ..!
لفت عنه ودخلوا لـ داخل ..
بالصاله ..
ولد عليا الصغير ناشب لـ مشاعل من جات ..
عليا: معاذ خل مشاعل ترتاح ..
باستها مشاعل : لاخليه والله وحشني موووووووووووت ..
معاذ: حووو ..
مشاعل : ايه فيه حلاو ... تعال نطلع لـ غرفتي واعطيك ..
شالته وطلعت فيه ..
جلس سلطان يسولف معهم شوي ..وتالي استأذن..
سلطان: عن اذنكم ..
طلع لاقهم ياكلوا جلاكسيات ومعاذ ملابسه كله توسخت ومشاعل زية ..
سلطان: وش ذا ؟
انتبهت له مشاعل : ها ..
شالت معاذ وجات بتدخل تغسل ..مسكها سلطان وقربها صوبه ..: ليه كلك شوكولاته ؟
مشاعل : الحين ببنظف ملابسنا ..
قربها سلطان لـ صوبها ..
مشاعل : ابعد عني .. الله يرحم والدينك ..
سلطان: وبعدين .. ترآ الصبر بد ينفذ ..
ضرب معاذ على صدر خاله ووسخه شوكولاته ..
مشاعل : ههههههههههههههه عيب ليه توسخ نفسك ..
ضحك سلطان ..
دخلت مشاعل تغسل لـ معاذ ولـ نفسها ..
.
.
.