.
.
ببيت سلطان ..
رجعوآ البنات من المستشفى وآصروا على غلآ تروح معهم ..تغير جو بدال اللي ببيتها ..
دقت مشاعل على ريوف وآعطتها خبر ..
أم سلطان: الله يحيك يابنتي..
غلآ: الله يحيك خالتي..
مشاعل: هذا وليد حبيبي تعال هذي غلآ ..
راح لمشاعل وسحبته غلآ وقعدت تلاعبه ..
عليا: بآي شهر غلآ ..
غلآ: الحين بالثالث ..
عليا: الله يتمم عليك ..
غلآ: آمين ..شخبار ريم ؟
عليا: تمام كلمتني الحين هي بفرنسا وبترجع على هالاسبوع عشان دراستها ..
غلآ: آها الله يوفقها ..
شوق: آحلى شي آنها راح تشوف خالي لانه بفرنسا ..يؤ فديت قلبه وربي الرياض مالها داعي من غيره ..
أم سلطان: الله يرده بالسلامه قلبي عليه ..
غلا: آن شاء الله يرد بالسلامه ..
وطالعت بـ مشاعل ساكته والفقد باين بوجهها ..
سولفوآ شوي وتالي آخذو البنات غلآ وطلعوآ فيها لفوق ..
بالبوم الصور حق عرس ريم ..
شوق: شوفي هذولاي آخوانها طارق ومحمد اللي قبل شوي وهذولاي آخوي عبدالاله وين طس الثاني هع مع المعرس وخالي ..
مشاعل: وليد ماصور معهم ..
شوق: هع هع تلاقينه كان نايم هالدب ..
قعدوآ سوالف وضحك ..
.
.
.
ببيت تركي..
كان يكلم ريوف: شمعنى مشت مع صديقاتها وأنا ..
ريوف: خلآص خالي آهم حاجه آن غلآ تمام والحين خلها تغير جو .. وبعديت بصراحه بيتكم مدري وش يبي مع الشعب العايش فيه..آزعاج مب طيبيعي ..
تركي: هي آشتكت ؟
ريوف: مالها داعي تشتكي ياخالي من يوم العيد وآسمع آمي مكلمه سلوى وهذلاوي عندها خير ..
تركي: ههههههه شفيك معصبه.؟
ريوف: ياخالي اللي قاعد يصير بحياتك مهو بطبيعي ..وبعدين قهر اللي يصير لـ غلآ ..!لاتزعل مني بس زواجك من بنت عمك مال آمه داعي..
تركي : حلوه بنت عمك .. ريوف تقبلي سلوى زي غلآ ..
ريوف: مستحيل آنت خالي وعلى عيني وراسي بس زوجتك الثانية مالها عندي ولاشي ..
تركي: طيب عشاني..
ريوف: عارف ياخالي غلاتك عندي .. بس صعب آتقبل آنسان وآحبه وهو السبب بهدم بيت آغلا ناسي ..صعب ..
تركي: آنتي وخالتك رهف حاله غريبه ..
ريوف: هع هع فديتنا ..
تركي: يابعد عمر خالك نسيت مابارك لك آلف على مبروك على الخطوبة ..
آنحرجت ريوف: الله يبارك فيك خالي..
تركي: آخيرفكيتي العقده والتحريم على الزواج ..
ريوف: نصيب .. طيب خالي تعال آحضر الملكه ..
تركي: آفا عليك كم ريوف عندي ..
ريوف: وجيب غلآ ..
تركي: وسلوى ..
ريوف: براحتك ..
تركي: ههههه آوك .. آوك ..
ريوف: خالي لاتزعل بس سلوى صعب آتقبلها ..
تركي بزله لسان وماحس: لاعادي خلي خالك بالاول يتقبلها ..!
ريوف : وشو؟؟
تركي تورط : هلآ ولاشي .. آقول ريوف بديت آفصل بروح آنوم ..
آبتسمت ريوف: آوتس .. آوتس ..سي يآآآ ..
.
.
.
بالليل ..
دخلت غلآ لبيتها من باب المطبخ لانه شافت سيارات عند المدخل الرئيسي ..
غلآ: سلآم ..
أم سيد: وعليكم السلآم .. آهلن ست غلآ ..
غلآ: هلآ بك ..
دخل تركي وكان محيوس مع سلوى اللي رافضه تحط يدها بشي شاف غلآ ..
تركي:هلآ ..
صدت عنه غلآ : في آحد بالصاله ..؟
أم سيد: لا كلهم داخل ..
غلآ كانت بتطلع بس تركي شادها باين آنه محيوس: شفيك؟
طالعها تركي:أنا ؟!
غلآ: آي ..
تركي بحيرة : العشا جا وماني عارف آشلون آتصرف ..
غلآ: هذا العشا ..
تركي: آي ..
غلآ: آوك روح وأنا بتصرف ..
طالعها ونسى كل شي..يحبها ويعشقها بكل تفاصيلها :جد ..
غلآ: خلآص روح ولاخلص بعطيك رنه ..
ضربت على جبينها: آوه نسيت مافي جوال .. خلآص بخلي ناورتي تعطيك خبر..
طالعها وركز النظر فيها كثير ..
انحرجت من نظراته ووقفت مكانها تركي فهى فيها ..
انحرجت منه وحبت تخليه يروح:خلآص روح ..
انتبه لنفسه..وابتسم وطلع وبداخله آلف حيرة وآلم وهم ..!
غلآ: راح نحط عشا الرجال بالمجلس الداخلي .. والحريم بغرفه الاكل آوك ..
شالوآ الصواني وحطوآ كل شي بالمجلس الداخلي ورتبته وطلعت من المجلس الداخلي وتالي آشرفت على عشا الحريم وخلصته وطلعت ..
غلآ: ناورتي عطي تركي خبر ..
راحت ناروتي ..
غلآ: آوك آجل بطلع لغرفتي بريح ..
آم سيد: والعشا ..
غلآ: لاالحمدلله متعشيه مع صديقاتي ..هم بالمجلس حق الحريم الداخلي؟
آم سيد: أيو ..
جات ناروتي ..
غلآ: قلتي له ؟
ناروتي: يس
جات بتطلع غلآ وصكت في تركي :بسم الله عليك عورتك؟
غلآ لمعت عيونها ماتتحمل هالنبرة بصوته..طلعت لغرفتها ودموعها بحر بعيونها ..
سكت تركي ورجع والضيقة بصدره ..!
.
.
.
دخلت لغرفتها ورمت نفسها على السرير وهي تبكي ..!
.
.
.

.
.
ببيت سلطان ..
كان سلطان يكلم مشاعل ..

الليل وعيونك وانا
كل(ن) بكى وقت الوداع
عيون تخفي دمعها وعيون تجهر بالدموع
يا وحشة الفرقا
ويا درب المحبه والضياع
الله يصبر عاشق(ن) قلبه من الفرقا جزوع
في غيبتك يا لهفتي
ليلي معاناة وصراع
وحدي امني وحدتي بأحلام وصلك والرجوع
ابحر وطيفك والامل
والشوق والذكرى شراع
وارسي على مرسى الوله ما بين قلبك والضلوع

سلطان: وحشتيني ..
سكتت ..
سلطان: مشاعل ..
مشاعل : هلآ..
سلطان: هلا لك زود.. سولفي معي ترى ليل الغربة طويل ومتعب ..
مشاعل: آآآممم الحين كم الساعه ؟
ضحك سلطان: هذي سوالف ..يافديتك طمنيني عنك ..
مشاعل: تمام ..
سلطان: طيب الحين آنتي بغرفتنا ؟ كيفك بدوني؟
مشاعل: يب ..
آه لو تدري حبيبي ...
كيف أيامي بدونك ...!
!تسرق العمر و تفوت
سلطان: آشتقت لك ..
آنحرجت ..
سلطان: حبيتي ؟
مشاعل آبى الا ينطقها لسانها:عيونها ..
آبتسم سلطان وفرح من داخله ::تسلم لي عيونك ..كيف آمي عساها بخير ..
مشاعل: الحمدلله توني قبل شوي كنت عندها ..
سلطان: بغرفتها ؟
مشاعل: آيه ..والحين آكيد هي نايمة لان عطيتها علآجها وعاد طلعت ..
سلطان: وآخواتي وعيالهم ..آهم شي عيالهم كيفهم مع الدراسه صح مابعدت خلصت الاجازه بس عندهم آختبارات وخاصه طارق ومحمد وعبدالاله ..
مشاعل: تمام ماشين الحمدلله ..وتراهم يذاكرون لاتشيل هم ..
سلطان: طيب ذاكرتي للاختبارات راح تبدء بعد العيد ..
مشاعل: مالي خلق ..
سلطان : ليه مالك نفس؟
مشاعل: تسذآ ..!
سلطان: طيب ذاكري عشاني ..
مشاعل: تيب ..
سلطان: فديتها ..طيب عيوني بروح آنوم الوقت مرآ متأخر عندنا الحين آخر الليل وبكرة عندي آجتماعات زحمه ..
مشاعل: آنتبه لنفسك ..
سلطان: آن شاء الله ..
مشاعل: يله آستودعك الله الذي لاتضيع ودائعه ..
.
.
.
ببيت تركي ..
راحوا كل آخوات سلوى وآهلها ..
تركي: الحين حركه تسوينها ؟؟؟؟؟وآصلن آنتي قدها..؟!!!!!!
كانت ساكته ..
تركي: أكبر غلطه في حياتي زواجي منك .. مفروض لما فكرت اتزوج آتزوج وحده غيرك ..!
طلعت من الصالة ..
تركي بينه وبين نفسه: ياغبائي ..!
.
.
.
بغرفه غلآ ..
كانت تكلم آخوها فيصل ..
غلا: وعليكم السلام ورحمه الله .. هلا والله .. كيفك؟
فيصل: هلابك .. تمام أنتي آخبارك وينك عن جوالك ؟
غلا: آنا عايشه الحمدلله بهالدنيا .. آممم الجوال خربت الشريحه ..
فيصل: صوتك متغير كثير كنتي تبكين..بكاك تركي صح؟
مسحت دمعتها: لا فيصل.. بس خبرك الاجواء بارده و لازم آتعب .. آهم حاجه آخبارك وآخبار آمي وأبوي والكل ..
فيصل: ماني مقتنع ..الحمدلله الكل تمام آمي تسأل عنك وتوني قبل شوي طلعت من المستشفى وعاد دقيت على بيتك وآخير طحت باللي تشتغل عندك ..
غلا: ليه كنت تدق على البيت؟
فيصل: أيه طحت في صغار يصكون السماعه ..وتالي وحده الظاهر البقرة اللي مأخذه رجلك..
غلا ضحكت: هههههههههههههههههه حلوه بقرة فديتك ضحكتني ..
ضحك فيصل: هههههههههه جعلني ماآفقد هالضحكه .. آمي كانت عندي بس راحت تحضر عشاي خبرك من طلعت لشقه وصارت نادر ماآجي هنا ..
دخل تركي للغرفه ..
طالعته غلآ وصدت تكمل مكالمتها ..وطلعت للبلكونه ..
غلا: ليه ماترجع عادي يافيصل آنا شوف وين عايشه لاتخرب علاقتك مع آبوي عشاني خلاص يافيصل آبوي نساني حتى العيد اللي يصفي النفوس آبوي رفض يكلمني ..
وبكت .. صارت تشهق بالسماعه ..
كان تركي منسدح على السرير ويسمع كلام غلا وهي على بالها آنه طلع من الغرفة ..
فيصل: غلآ .. لاتبكين وأنا أخوك ..
غلا: فيصل آبوي تبرأ مني ..! ولاهو رضاي عني..!وكل هالشي ظلم عارف شمعني كلمه ظلم .. وربي تعبانة يافيصل بموت من التعب والهموم..
فيصل: يابعد عمر أخوك .. أبوي مصيره يعرف كل شي ..
غلآ: متى يافيصل.. لامت بيعرف ذاك الوقت .. تدري أنا مو حاز بخاطري الا آني بنته يعني مايعرفني مايعرف تربيته ؟!!
فيصل :غلآ آخوها لاتبكين ويشوفك ويحسك ضعيفه ..
غلآ: فيصل بعدين آكلمك ..
ضاق صدر آخوها: آوك ..
صكت السماعه وحطت يدينها على وجهها ..
سمع تركي بكاها وضاقت آخلاقه ..
قام لها ..
جلس على الاريكه جنبها وحاول يضمها لحضنها..
بس لا ياتركي ..
غلآ: وخررررررررررر عني لاتلمسني ..
آنصدم تركي معقوله هالدرجه خلآص غلآ كارهته ..
.
.
.

الجزء السادس والعشرين ..

غلآ : آطلع برآ ...آنسى غلآ ..
تركي: غلآ قولي شفيك ؟
طالعته : آقولك وآنت بتسمعني ..؟
تركي باهتمام: آيه بسمعك ..بس قبل آنا بسألك ليه كلمتي واحد غيري ؟!
غلآ تطالعه وجفونها غرقانه دموع: والله ماكلمت والله ..
تركي: طيب والهدية اللي جات للبيت بأسمك والاشياء اللي تحت السرير وكان عارف مكانها وجوالك من آعطاه وبيتنا من دلااه ..هآآآآ؟
غلآ: والله ماكنت ولازلت ماأدري عن شي .. أنا كانت تجيني آزعاجات على الجوال والبيت وتذكر لما آعطيتك الجوال وكان رقم غريب ودريت وغير صوته لبنت تذكر؟؟؟
تركي باهتمام:آيه كملي ..
غلآ: ومن وقتها وهو مشتغل آزعااااجات وحتى لما جيت وصار اللي صار ..
تركي: طيب شسمه ؟
غلآ: مدري ..
تركي : شلون ماتعرفين آسمه وهو يكلمك ؟!
غلآ طالعته: لو آجيب لك المصحف وآحلف عليه ياتركي ماآنت مصدق لانك فقدت الثقة بس ياتركي لاتجيني بيوم من الايام وتقول لي سامحيني لاتجيني تأكد حينها ماراح تلاقي غلآ ..!
تركي: لانك كلمتي وخنتي ..! غلآ لاتقولين آنك ماكملتي لاكلمتي .. وللمعلومية ترى آصعب ماعلى الرجال آنه يتعرض للخيانة تراها تلوي ذراعه ..!
غلآ: خلآص روح ..عمرك ماراح تصدق ..بس تأكد ببيان الخافي المستور وبتجي لـ غلآ ..!
آحفظ هالكلمه زين لاتنساها ..
تركي: ناظريني ؟
غلآ: ماآبي ..
قعد يطالعها ..
غلآ: لانتاظر فيني آوف ..
لفها تركي : آرفعي عيونك لما آناظرك ..

ليش نـزلــتي عيـونـك إرفعيها وطـالعينـي
والا يعني إنحرجتيي يوم جاوبتي ســـــؤالي

ليش قلتيلي أحبــك ليش كنتي تخدعيني
ليش قلتيلي حبيبــي ليش قلتيلـــي ياغالي

كان ممكن ما أحبك كان ممــــكن تتركيني
كان ممكن من بدايه تخـــدعي غيــري بدالي

ليش أنا بالذات يعنـي ليش قولي جاوبيني
بعد غدرك خبريني وقولي بـــس شلي بقالي

والله إنـي ما جرحتك ليش أنتي تجرحيني
هنت على قلبك حسافه وإنقضت أجمل ليالي

والقــهر للحين أحبك وادري إنــــك ماتبيني
والمحبه من طـــــــرف واحد نهايتها زوالــــي

كان عمري بيدينك قولي وش كـان بيـديني
أذكــــر إنه من غلاتك كان قــــدرك فوق عالي
.
.

بغرفه سلوى ..
كان آختها نادية تكلمها ..
نادية: آنتي وبعدين معك ياحظي الردي ورى ماتلبيسن له من ذيك الملابس اللي تخيله يدوخ ..وحطي عطور يشم ريحتها وهو توه بالمدخل ذبحتيني ..
سلوى: يعني لو سويت كذا بيطالعني ؟
نادية: والرجال وش يبجب روسهم غير كذا .. آسمعي بعد شوي بيجيك وعطيه من قلت لك عليه فهمتي ..
سلوى: وش داراك آنه بيجي ؟
نادية: الحين بيجي يعني يبجي .. مع السلآمه ..
سكرت من آختها ..وقامت تنفذ اللي قالت لها عليه ..!
.
.
.
بـ غرفة غلآ وتركي ..
غلآ: خلآص خلآص روح عني ..
تركي : قومي عن البرد ..
غلآ: آبي آجلس هنا ..
تركي : برد قومي ..بتمرضين ..
غلآ تطالع بيدها: عاااتي ..
قعد تركي يناظرها..
غلآ: لاتناظري ..
تركي:مب زوجتي ..
غلآ: آسم بس ماآبي غير هالشي ..! مهو لعيونك لا لعيون ضناي ..
طالعها بتدقيق آكثر : وكل شي بيننا نسيته ..!
غلآ: مهو بـ آنا اللي نسيت آنت اللي بديت وتالي لازم ولابد من نفس الكأس اللي شربته تذوقة ..
دق التلفون ..
تركي: ردي ..
آخذت غلآ التلفون وردت ..
غلآ: آلو ..
......: قلبي وحشني صوتك..
غلآ طالعت بتركي اللي يطالعها والشك واضح بعيونه ..
نزلت التلفون على الطاولة .. والهم رد لها ..! هو من متى فارقها ..!
شاله تركي :آلو ..
.....: عطني حبيبتي ..
تركي قام: ياكلب لو آنت رجال عطني آسمك آو لاتكلم من شرايح مجهوله..
........: ماراح تقدر طلق غلآ وبس ترى نبي بعض ..
تركي عصب وعلي صوتة : كللللللللللللللللللللللللللللللللللب والله لو آنت رجال آنك تقابلني والله لاشرب من دمك وآذبحك مثل ذبح الخروف ولاجبت خبرك ..
.........: آعصابك .. عطني غلآآآآآتي ..
تركي: تحرم عليك زوجتي تحريمة البنت على آبوها والايام بتجمعني فيك وحينها اللي رجال يوقف بوجهي عليك ..
.........: بعدين بكلمها حبيتي ..
سكر الخط ..
كانت غلآ حاطه يدينها على وجهها ..تركي هالحين صاير وحش مايعرف لو آمه عنده ماعرفها ..
يالله آرحمني رحمه تغنيني عن رحمه من سواك ..
تركي وهويرص على آسنانه : وتقولين ماتكلمين وتحلفين ..!
كانت حاطه يدينها على وجهها ..
تركي يهزها: ررررررردي علي ..
غلآ تطالعه: وش آقول ؟! حلف وحلفت ماصدقت ..! وش آقول ..! خلآلآلآص مصير يبان الخافي المستور وحسبي الله ونعم الوكيل..
تركي قومها وصارت مقابلته: وبعدين ماذابحني الا هالبراءه على وجهك ..!
غلآ: سوى اللي تيبه ماعاد يهمني شي تبي تضرب آضرب خلآص آنا لي الواحد الاحد بيطلع برائتي ..
شد شعرها : آآآآآآآآآآنتي ......
سكت وصفقها كف وطلع ..
تركها بهمومها والآمها طايحه ..
تركها تصارع حزنها وقهرها والظلم اللي تشوفه ..
كان بيطلقها بس لا يبي وناوي لها عذاب ..
.
.
.
طلع تركي من غرفتهم ونزل لغرفته لما كان عزابي آنسدح فيها والضيقة ماليته ..
فكر بسلوى هي زوجته مالها ذنب آنها وافقت وتزوجته .. ليه ما يضغط على قلبه ويروح لسلوى لعل وعسى تنسيه غلآ ..!
فك آزارر ثوبة وقام من غرفته ..
.
.
.

بالشرقية ..
ببيت أبو ريوف ..
ريوف كانت تسولف مع آخوها محمد ..
محمد : هآآ ريوف راكان توه مكلمني يبي الملكه قريب ..
ريوف: وليه ماتكون مع العرس ..
محمد : ريوف كنتي عادي موافقه على الملكه تكون وحدها ..وحنا على هالاساس التزمنا ..ها الاسبوع الجاي ؟
ريوف: آآآآآآممم مدري ..
محمد: ريوف راكان ذبحني .. خلآص وآنا آخوك توكلي على الله ..
طالعت في آخوه .. وسكتت ..
محمد : ريوف آنتي موافقه على راكان ..؟ ترى ماآنتي مجبورة .. آهم شي سعادتك ..
ريوف: مدري يامحمد آنا متخوفه من الحياه الجديدة ..وماهو منا ؟
محمد: آكيد شي طيبيعي بس تأكدي راكان طيب ومحترم وكلنا نعرفه صحيح آنه حايلي ومن الشمال ومن قبيله غير بس هو منا وفينا ونعرفه عز المعرفة ويمكن خيرة وآنا آخوك آنك تأخذين من برآ العايله والقبيله ..
ريوف: طيب ليه كلمك ؟
محمد: لاني خوية نمون على بعض ويبي منك الموافقه ..
ريوف: آوك آجل موافقه ..
محمد : آلف مبروك ..
ريوف: الله يبارك فيك .. طيب ورى ماتعرس ؟
محمد : ههههه قريب آن شاء الله ..
دق جواله : خطيبك ..
محمد : هلآ والله ..
.
.
.
بالرياض ..
ببيت تركي ..
قام تركي من قدام المسبح وطلع لغرفه لسلوى ..
فتح الباب وشاف سلوى جالسه على التسريحه حقتها وتحط عطر طالعها بنظره وتالي ناداها تجي بجبنه ..
تركي ناظرها ماهو عارف آشلون يكلمها قلبه وعقله ماهو معها ..بس لازم يكلمها لانها زوجتها ولازم يعدل ..!
سلوى تعشق تركي : زعلان مني ..
تركي آبتسم : مفروض آنا اسألك هالسؤال ؟
سلوى: مستحيل آزعل عليك ياتركي الله يحفظك لي ..
ابتسم لها تركي ..: طالعه حلوه ..!
سلوى: آعجبتك ؟
تركي: أكيد ..
باسها على خدها ..
.
.
.
بغرفه غلآ ..
قامت غلست وجهها ووضت وصلت آخر الليل وقعدت تدعي ربها يفرج همها ..
.
.
.
اليوم الثاني ..
صحى تركي والنور طالع فز من السرير بسرعة يأخذ له دوش يصلي الفجر لانه متأخر ويلحق دوامه ..
بعد نص ساعة قعد يلبس بذلته طالع سلوى نايمة ولاحست فيه ..
تركي: سلوى ..
مادرت ..
تركي : سلوى .. قومي صلي الفجر ..
تحركت ببطْْْء ..
تركي وهو يحط الجوال والبوك بجيبه :قومي صلي ..
آخذ نظارته ورش عطر وطلع ..
لف نظره لـ غرفة غلآ ..
نزل من الدرج بس لازلام يشوفها ..!
دخل لغرفتها ..
لف نظرها بالغرفه بس مالاقها ..
دخل لداخل ..
وين شافها ..؟
شافها نايمة على السجاده ..والمصحف بحضنها ..
هزهـ هالشي ..!
عوره قلبه على منظرها وجلالها عليها ..
طالعها لوقت ..
راح يمها ونزل نظارته من يده ودنق وشالها..
حطها على السرير وبعد الجلال من عليها وغطاها بس طالع بوجهها آبتسم لما شاف الكف معلم بخدها ..!
وطلع من الغرفة عقب ماشال المصحف والسجادة ..
ولاعرف وش اللي فيها ..!
.
.
.
العصر ..
ببيت نايف ..
نايف: يمة ..
آمه: هاحبيبي
نايف: كلمتي دانه ؟
آمه: لآ ..
نايف: ليه؟
آمه: البنت من تسمع بطاريك تتغير ملامحها لضيق كيف تبي آقولها ..!
نايف: جد ..!
آمه ماتبي تضايقه: نايف اللي صار بينك وبين دانه مهو بذاك الشي الهين اللي ممكن ينحل بسهولة لا لازم تصبر شوي وتتنازل لان زوجتك الان ماهي حمل ناقش ولاسوالف ولاآي شي .. خل تولد ويصير خير..
نايف: أصبر الين تولد لايمه وين ..آبغى آكون معها مستحيل آخلي هالشهور تمر وآنا بعيد عنها ..
آمه: الله يهديك الحين قاعد تحن تبيها وكانت بيدك ليه تتزوج عليها ..وبعدين وجهك ليه متغير وصوتك بعد ..
نايف: آكيد نزله برد ..
آمه: وبعد بكرة عندك دوام ..
نايف: عادي مابه مشكله ..
آمه: روح للمستشفى ..
نايف: لاوين يمه بأخذ بنادول وبيخف الصداع ..
.
.
.