.
.
بالليل ..
ييبت تركي ..
راحت رهف لـ بيتها .. بكت غلا الين طاحت من طولها .. الصدمات ماتخليها بروحها .. والانهيار العصبي بالنسبة لها رفيق درب .. من شافت الحادث وهي صغيرة .. بس صدمتها بـ تركي كانـتـ شي يفوق الوصف ..
أم سيد : ست غلا ..
ماردت عليها كانت منسدحة على الكنبة بالصاله ..
أم سيد ..حركتها بس ماتحركت ..
أم سيد: ســــــــــت غلا .. غلا ..
دقت على السواق وزوجته ..عشان يودوها للمستشفى ..
بالمستشفى ..
الدكتور : شستصرين لها ؟
أم سيد : أنا بشتغل عندها ..
الدكتور:عموما عندها انهيار عصبي .. والحين هي بقسم الاعصاب سوينا لها تنويم ..بس وين زوجها ..
أم سيد : مسافر ..
الدكتور: عموما أنا مناوب هنا .. وقبل شوي طلبت ملفها وتبين انها حامل عشان كذا الحاله راح تتحول لاحد المختصين ..
أم سيد: طيب فين غرفتها ؟
الدكتور : تعالي معي ..
بـ غرفه غلا ..
جلست أم سيد عندها .. طبعا بـ غرفه وحدها لان غلا دايم تروح مستشفى خاص من قبل ..


اليوم الثاني ..
دقت أم سيد على رهف وجات ..
كانت غلا حاطه اصابعها على عيونها .. بس تشهق .. ماوقفت دموع من صحت ..
الدكتورة بعدت يدها على عيونها : ليه ياماما كذا ؟ هذي ثاني حاله تجيني من بنات متزوجات هالاسبوعين انهيار عصبي ..طيب غلا هدي ياماما ..
زداتها كلماتها بكا ..
جلست الدكتورة على طرف السرير .. : غلا طالعيني ..
أخذت لها الدكتورة مناديل وبعدت يدها ومسحت دموعها ..
رهف: عيوني تعالي خذي اغسلي وجهك ..
قومتها معها ..
مسك أم سيد غلا وساعدتها ..
الكتورة تطالع بـ رهف : بصراحه عندها انهيار عصبي من النوع الشديد وهالشي آثر عليها ..هي سبق وتعرضت لانهيارات ..
رهف: كثير .. لانها وهي صغيرة شافت حادث وهالشي آثر عليها ..
الدكتورة: اها وأنا اقول .. عموما عيوني الانهيارات كثير انواعها ومنها هالنوع وهالشي راح يأثر عليها كثير .. حاولوا تبعدوها عن الضغوط ..
رهف: أن شاء الله ..
الدكتورة : هي بـ تطلع بكرة أن شاء الله .. راح أعطيها أدوية حمل فقط اللي هي مانعه لـ تشوه الجنين وغيرها أن شاء الله ماتحتاج .. باين أنها تمر بحاله نفسية فضيعه وهالشي كاتمته بنفسها وراح يجر لاشياء ماتحمد عواقبها ..
تضايقت رهف ..
طلعت الدكتورة واراحت تشوف غلا ..
رهف : غلا شفيك ..
طلعت وهي تمسح وجهها ..
أم سيد : استفرغت .. أصله ماأكلتش من أمس ..
رهف: لا لازم تاكلين ..
غلا: والله مالي نفس رهف ..
جلست وأخذت جهازها ودقت على أخوها فيصل ..
غلا: هلا فيصل ..
فيصل: هــــــــــلا والله غلاوي .. شخبارك ؟
غلا: الحمدلله تمام .. اخباركم أنتم ؟
فيصل: الحمدلله تمام .. وينك أدق أمس عليك ماتردين ..
غلا : مدري مانتبهت ..فيصل ممكن تجي الرياض ..
فيصل : تامريني آمر .. بس ليه ؟ وبعدين غلا صوتك متغير .. توك باكية صح ..
مسحت دموعها: تكفى فيصل لايجي الليله الا وانت هنا ..
فيصل : خلاص لاتبكين الليله أو على العصر وأنا عندك بأذن الله..
غلا:أوك ..
سكرت من أخوها .. وماقالت له أنها بالمستشفى الا لما يوصل بتقوله خايفة عليه من الطريق ..
.
.
.
بالشرقية ..
سكر فيصل من أخته .. وأخذ المفاتيح والجوال والبوك .. وحط الشماغ على كتفه وطلع من غرفته ..
سعود : على وين ؟
فيصل: بنزل الرياض ..غلا توها مكلمتني وصوتها مايبشر بـ خير ..كانت تبكي ..
سعود : لحظه أنا بخاويك..
فيصل: لاتدري أمي وابوي ..
سعود: زين ..
راح بلغ نجود وطلع ..
.
.
.
باأبها ..
صحى تركي الساعه الساعه 11 الصباح ..
فتح جواله لقى مسجات من سلوى ..نزل الجوال وراح يغسل وجهه .. تالي أخذ جواله وطلع لامه وأبوه ..
تركي: صباح الخير ..
الكل: صباح النور ..
مهند كان جالس يشرب شاهي : شعندك معرس .. منت بـ هين ..
ضحك تركي .. : تعرس معي ..
مهند: لا لا وحده ويالله قادرين عليها ..
أم تركي: ترى سلوى بتسافر لـ جده تجهز منها ..
تركي : العرس حددته مع عمي يوم الخميس مهو بالجاي اللي بعده ..وبعدين ماله داعي تسافر .. تجهز من هنا ..
أمه: خلها براحتها .. بتسافر مع نادية .. هي قالت لي أبلغك ..
عقد تركي حواجبه وبداخله وش هالجراءه فيها ..!
دقت رهف على أمها .. وقعدت تكلمها وتسألها ..
أم تركي : غلا شفيها ..
رفع تركي راسه من جواله .. وانكب الشاهي اللي بيده عليه ..
أم تركي كانت تطالع ولدها .. : بسم الله عليك .. انتبه .. دامك خايف عليها ليه أعرست عليها .. كملي يارهف .. ومتى دخلت المستشفى ؟
رهف : البارح ودوهم الخدم .. والله يمه تحزن .. دام تركي مرده لـ سلوى ليه يأخذها .. كلمت اخوها وبيجي أكيد ..
تركي : يمه عطيني ..
أم تركي: خذي معك أخوك ..
رهف: عطيني اياه ..
تركي: هلا .. شفيها غلا ..
رهف: هلا بالمعرس ..
تركي بخوف: شفيها غلا ..
رهف: ابد من سوايك .. الحين هي بالمستشفى .. وعندها انهيار عصبي ولا يالمعرس غلا ترى حامل ..
فهى تركي .. كيف حامل وحبوب منع الحمل .. وبعدين فيه علبين فاضيه يعني كانت تسخدمها ..
رهف: بسكر لاني بروح أصحي عيالي للظهر .. وبعد الظهر بروح لـ غلا .. والله اللي سويته ماهو بهين ..
تركي: من قال أنها حامل ..
رهف:هي قالت لي من قبل وبعد الدكتورة .. يله مع السلامه..
تركي: لحظه .. كيفها ..
رهف: والله تعبانه ياتركي تعبانه كثير .. ماهي غلا اللي قبل اسبوعين ..
تركي: الليله جاي .. روحي لها وانتبهي لي عليها ..
رهف فتحت عيونها: تركي لاأحد يسمعك غيري يقول ميت بـ غلا .. تراها كلمت أخوها فيصل ..
تركي عصب: تراها زوجتي ماهو معناها تزوجت خلاص ..
رهف : اعصابك ..
تركي: وبعدين قالوا لك بسمح لهم يأخذونها ..
رهف تنرفزت: بجد أنك أناني .. مع السلامه ..
سكرت ..
دق تركي أكد حجزه ..
أمه: بتسافر ..
تركي: أيه رحلتي الساعه 1الظهر ..
طلع من المجلس ..
مهند : ههههههههههههههه والله وتورط تركي ..
أمه: مالك يد بـ زواجه ..
مهند عدل جلسته : كلمني الاسبوع اللي فات وقال ضبط لي الامور عند عمي بخطب سلوى وعاد كلمت نادية وتولت الامور..
.
.
.
بالرياض ..
ببيت نايف ..
الظهر ..
نايف: يمه بس بـ شوفها ..
عصبت أمه وهي تحضر الغدا : نايف أنا وعدتها ماتشوفها لان شوفتك تضايقها .. وبعدين ليه تتزوج عليها ليه ؟ عجبي ..
نايف: ذ بحتوني كلكم ليه وليه ؟ ماأحد فاهمني ..
أمه : ابعد بس .. صحيح أنك وحيدي .. لاكن دانه بمقام بنتي .. وضناك غالي عندي .. ومنى عيني أشيله بين يديني ..

كانت دانه منسدحه وعيونها مغرقه بالدمع ..

حلفت لي
إنك معي ترشف المر ..
و إنك بتبقا لي سند.. للنهاية!
وعدتني و الوعد دينٍ على الحر ..!
كيف انتهينا ؟
و تونا في البداية ؟!

دخلت أم نايف الغدا لـ دانه ..
دانه: مالي نفسي .. أبي أنوم بس ..
عمتها: لازم تتغدين ..
دانه: وربي مالي نفس ..
عمتها جلست : دانه .. مهي بـ حاله .. حابسه نفسك بذا الغرفة ..
دانه: أبي اسافر لاهلي .. اللي الله كاتبه بيصير .. خلاص ماني قادره أتحمل .. (بكت) والله باليوم اموت الفين مره .. تعبانه كثير ..
.
.
.

الجزء الثاني والعشرين ..

أم نايف: يادانه ياعمري اصبري كلها كم شهر ..
دانه: هالكم شهر بتقضي علي .. والله ياعمتي ماني متصورة هالشعور كل يوم يتجدد بمراره أكبر .. أحس أني بحلم مزعج ..
عمتها مسكت يدها: خليك أقوى من هالشي .. ونايف لاولدتي علميه قدره .. صحيح أنه ولدي لاكن اللي سواه ماعجبني ابد .. صدقيني بنت عمه ماهي مطوله معه ..
دانه : لو أيش .. خلاص نايف انتهى من حياتي .. جرحني ليه يسوي كذا .. ماهمني لو كان مهو بـ طيب وأخلاقه شينه .. لاكن كان غير غير غير معي كانت حياتنا كلها حب وحنان ..والحين فجأه يتزوج ..
ضمتها عمتها : خلاص يامي خلاص لاتتضايقين ..
.
.
.
بالمستشفى ..
توه فيصل داخل لـ وسط الرياض ..
فيصل: هلا غلا الحين بـ مرك ..
غلا: فيصل أنا مش بالبيت أنا المستشفى .............
فيصل: وشو ؟
غلا: لاتخاف عادي ..
فيصل: وشو لاتخاف .. الحين جايك ..يله سلام ..
.
.
.
بعد نصف ساعه كانوا اخوانها عندها ..
دقوا عليها وخذو رقم غرفتها ..
فيصل: التعبان سوى فيك كل ذا .. والله مااعديها له ..
غلا: خله ماعليك منه ..
سعود: ليه تزوج ؟وليه بالاهم مد يده ؟
غلا: مدري عنه .. اللي أعرفه أن كل شي غبي قاعد يصير ..
فيصل : وحشتيني .. وبعدين كذا ذبلانه ..
غلا: وأنت أكثر .. عادي من هاليوم توقع كل شي ..
سعود: لاتنهارين كذا .. غلا طلعي اللي بقلبك وأنا أخوك..
فيصل: ماأبي هالنظره تكتسيك .. خليك أقوى من كذا .. مهوب تركي اللي يحطمك ..
ناظرت أخوانها وتالي ناظرات راحه يدها .. ويدها الثانيه تمسح دموعها .. لمها فيصل لـ جهتهـ : مايستاهل دموعك .. خليها لـ شي غالي ..
جلسوا أخوانها يسولفون معها .. وتالي لما درت خالتهم سحر من أختهم نوف أنهم بالرياض الا لزمت عليهم يجونها ..
غلا: خلاص والله عادي روحوا .. اكيد بعد شوي صديقاتي بيجون لانهم كلموني وبعد رهف ..
فيصل: خلاص ساعه وبنرجع وبنجيب خالتي معنا لان رجلها مهو بـ فيه
طلعوا أخوانها ..
.
.
.
ببيت سلطان ..
مشاعل: سخيف الله يأخذه ليه سوى بـ غلا كذا ..
شوق: علينا ياختي حظ سبحان الله .. أنا وزوجني عمي غيابي بـ شايب وغبي وكل بلاوي الدنيا فيه .. عهد وتركت خالد لانه خاين .. ودانه تزوج نايف والكل كان يضرب المثل بحبه لها وتزوج غيرها .. وريوف ورافضه الزواج وكارهه الدنيا ..وأنتي عمرك ماتأقلمتي مع خالي .. وغلا آخر الضحايا تزوج تركي عليها وأنا متأكدها سببها ماهو ببعيد عنا ..
حطت مشاعل يدها على راسها : وربي أحس أن فينا شي ..
ريم مسكت :مشاعل أنتي مش مرتاحه مع خالي ..
طالعتها مشاعل بصدمه :لا لا ريوم .. بالعكس .. خالك مرآ طيب وحبوب..
ريم: أجل ليه شوق تقول عمرك ماتأقلمتي معه ..
شوق انصدمت هي ومشاعل صديقات متعودات يشكون لـ بعض .. وشوق عارفه كرهه مشاعل للرجال .. بس عمر مشاعل ماقالت لـ شوق عن مدى علاقتها بـ سلطان ..
مشاعل : لاياقلبي ماتقصد شوق ..بالعكس علاقتي مع خالك حلووهـ ..
ريم: تكفين يامشاعل الا خالي .. ترآ أموت فيه وأتمنى من كل قلبي تسعدينه .. خليه يرتاح بليز .. ولاتضايقنه ..
دخل سلطان على كلمه ريم الاخيره ..: السلام عليكم ..
الكل: وعليكم السلام ..
جلس سلطان بجنب مشاعل على طرف السرير ..: شخباركم ..
ريم ×شوق: تمام ..
طالع بـ مشاعل : شخبارك ؟
مشاعل: تمام ..
سلطان: منهو اللي لاتضايقنه ياريم ؟
ريم : أنت .. اوصي ميشو عليك ..
سلطان أبتسم : بعدي ريماي .. مشاعل ماهي مقصره .. فديتها ..
صفرت ريم ..: أموت باللي يتغزل ..
ضحك سلطان وشوق .. أما مشاعل انحرجت ..
مسك يدها وقومها معه : يله ياحلوات قوموا ذاكروا .. وأنا بأخذ هالحلوه معي ..
بـ غرفتهم ..
مشاعل كان وجها أحمر .. وسلطان كان مركز على تصرفاتها .. شافها متخربطه ..
مشاعل: بروح بعد شوي لـ صديقتي المستشفى ..
سلطان :شفيها؟
خزته مشاعل: ليه تسأل ؟
سلطان ابتسم: اسأل ..
مشاعل: عموما حبيت أحط عندك خبر بروح لها أنا وشوق ..
سلطان: خلاص بوصلكم العصر ..
طالعته مشاعل ..
ياهالانسان غير ..
.
.
.

العصر ..
وصل تركي للرياض .. ركب سيارته وطلع على المستشفى بسرعة ..
تركي: هلا رهف ..كم رقم الغرفه ..اها ..اوك .. يله سلام ..
سكر من أخته .. ونزل ..
دخل للغرفه ..صك الباب بهدوء ..وصل للسرير ..ناظرها نايمه ..والمغذي مأخذ مكانه بيدها .. ناظر يدها الثانية عليها لصقه بيضاء .. ووجهها آثار ضرب ..الحزن ..الالم .. الضيم .. القهر .. مرسوم بوجهها .. ضاق صدره الحين غلاي نايمة بسبي أنا على هالسرير ..شد بيده على طرف السرير بقهر ..
دخلوا اخوانها ..وخالتهم سحر .. اللي طلعت لما شافت تركي ..
ناظره فيصل وبسرعة راح له ..دفه ..:أنت تطولها بنت أبو نواف عشان تمد يدك عليها ..وتعرس عليها بعد ..
سند تركي طوله : خيرررررررر وين عايشين تضرب ..
صحت غلا ..
قرب له : شوف اختي تبعد عنها ..
مسكه تركي مع ياقه ثوبة: أختك زوجتي ولاني مبعد عنها..والشرع محلل لي أربع .....
قاطعهم سعود: خير وين عايش أنت وياه .. تراكم بمستشفى..
تركي: شوفه هو .. جاي يهاجم ..خير أن شاء الله ..
غلا: تركي .. وش تبي جاي ..خلاص أخذت بنت عمك ..وش تبي بعد ..
تركي قرب لها: سلامتك ..
فيصل: ياحليله .. أقول توكل ..مالك مره عندنا ..
تركي: كف الشر .. وأنت اللي أطلع برآ ..
غلا: طلعتي أنا وفيصل سوى .. ورجاء احترم نفسك ..
سعود: تركي تعال معي لـ برآ ..
كانت نظرات بين تركي وفيصل حاده ..
سعود: ياابن الحلال اطلع معي ..
طلعه سعود بعد الايش ..
فيصل ضمها لحضنه ..: لاتبكين هالزفت ..قومي معي غسلي وجهك ..قومها معه ..
دخلت مشاعل وشوق للغرفه ..
مشاعل: وينها ؟
شوق : مدري..لحظه خل أشوف ..
نزلت النقاب ..
مشاعل: بنزل الباقه والسله ..
كان فيصل داخل المغاسل لان فيه مغاسل خارجيه ..
شوق: غلا..
صكت بجسم ماهي جايه عنده شي ..ناظرت من تحت ثوب أبيض وجزمه)وأنتم بكرامه)والاهم ريحه العطر رجالي ..أو الساعه ..أوف بكت خلاص ماتحملت ..
فيصل جمد مكانه.. شوق .. الا هي عرفته حتى لو ماناظرتني لو دقيقه .. صورتها ببالي همس: شـــــــــــــــــوق ....
تراجعت بسرعة وهي ميته رعب .. وخوف ..
غلا: فيصل اشفيك ؟
فيصل ماهو باحسن من شوق: غلا شوق هنا .. هنا بالغرفه هذي ..
ضاق صدرها على أخوها ..سكتت وش تقوله ..
فيصل: ابطلع ..
طلع والدنيا سودت بوجهه .. آه ياشوق .. حسبي الله على عمك..
طلعت سملت علي صديقاتها ..
غلا وهي ضامه شوق: ليه تبكين ؟
شوق: فيصل يالله ماأبي اشوفه .. ليه ليه شفته أبي انساه ..
مشاعل: شوق لاتلعبين على نفسك وتقولين بانساه مستحيل دامك تحبينه .. أنتي روحك ذايبه بـ فيصل .. ليه تحرمين نفسك هالحب ..
جلست شوق: ماأحد فاهمني .. فيصل خليه يأخذ وحده زيه .. مهو أنا ..!
مشاعل: هبله وربي ..
مسكت مشاعل غلا لانها كانت بتطيح وجلستها: ياعمري سلامتك ..
غلا: الله يسلمك ..
جلست مشاعل تعدل لها المغذي والماسك حقه ..
وجلسوا يسولفون معها .. شوي الابدخله خالتها .. اللي جلست تسولف معهم ..
.
.
.
اليوم الثاني ..طلعت غلا مع أخوانها ..
دخل تركي لبيتهم .. ولقى سيارة فيصل بالحوش ..على باله داخل .. مالقاه ..طلع لـ غرفتهم ببذلته لان كان بالشغل ..لاقها تسكر الشنطه ..
تركي: أم سيد خلينا شوي ..
غلا: خذي هالشنطه ..
أخذت الشنطه وطلعت ..
تركي: أنتي الحين غلطتي وأنا عاقبتك بطريقتي الخاصه تستدعي ذي تتركين البيت ..
غلا: قصدك اخترعت كذبه ولجه وصدقت سالفه المكالمات .. خلاص زواج وتزوجت بنت عمك .. أنا وش تبي فيني ..
تركي:غلا بلاجنون .. وبعدين كل شي واضح ..لاتحاولين تبررين الموضوع..
غلا: عن اذنك ..
تركي: بلاجنون ..أنتي مقتنعه أنك بريئه ..
غلا: مو مهم تقتنع أهم حاجه أنا واثقه بعمري ..الله لايوصلني ياتركي للشرقيه الا وأنا بالاكفان أذأ أنت صادق بكلامك ..
حط تركي يده على شفايفها: لاتقولين ذا الكلام ..غلا مومعناها تزوجت خلاص لاياغلا.....
قاطعته غلا: عن اذنك ..
مسك يدها: لاخر مره أقولك بلاجنون ..
لمعت عيونها: فك يدي ترآ تعورني ..مو كفايه الابر والمغذيات ..
فكت يدها منه وطلعت ..
بالصاله ..
تركي: ماهي من السنع ياسعود أنكم تأخذونه ..
سعود: ولاهو من السنع تضربها .. وتعرس عليها .. وعزوتها جالسين ماهم متحركين .. يالنسيب .. عن أذنك ..
تركي:لو كل وحده اعرس عليها رجلها وتركت له البيت ماكان أحد معرس على مرته ..
سعود: تهنى ببنت عمك .. وصح الف مبروك توني تذكرت .. يله ياغلا ..
حطت الغطا على وجهها وعدلت عباتها على راسها وطلعت مع أخوها ..
ماقدر تركي يقول شي .. طلع غلا وهي طالعه من البيت حس روحه معاها راحت ..جلس على أقرب كنبه : لا اله الا الله ..يارب عونك ..
بسيارة فيصل ..
فيصل: خلص يمه لاوصلت كلمتك .. معي لك مفأجاه ..ههههه ..خلاص لاوصلت بتشوفين المفأجاه ..يله مع السلامه ..
سكر جواله وحطه بجنبه ..
غلا: هذي أمي ..
فيصل: ايه .. ماتدري وينا فيه .. لو درت أننا بالرياض كان ذبحتنا .. تعرفين خوفها علينا ..
غلا: ياعمري عليها ..
دق جوال فيصل..
سعود: شعندك كل شوي واحد داق عليك ..
فيصل: هههههههه خبرك دكتور ومزيون لازم الجوال مايوقف ..
سعود: ههههههههههه أقول رد رد ..رجنا جوالك ..
فيصل: الو .. هلا ملاك .. بخير جعلك بخير .. بالرياض والليله واصل ان شاء الله .. هلا .. كلنا سوى .. طيب .. طيب .. يله سلام ..
سكر جواله ..
سعود: ملاك .. ليكون معرس ..
فيصل: ياحبني لك هع ..
.
.
.

بالرياض ..
ببيت نايف ..
سمر: أبي أروح المدرسه ..
طالعها نايف: انتي كم عمرك؟
سمر: عمري 17سنه ..
نايف :17 سنه ..
سمر: ايه .. ابي أروح ..
نايف: انسي شي اسمه مدرسه .. ماهو معناها أننا بغرفه يعني خلاص صرنا زوجين .. لاياحلوه ..
سمر: شو .. لامستحيل ..لازم أدرس ..
نايف: قلت لك دراسه مافيه .. طلعه من البيت مافيه .. جوال تلفون نت مسن صديقات مافيه .. أنسي الدجه والضياع اللي كنتي فيه وطلعتي لنا ببلوى ..
سمر: لالالامستحيل ما اتحمل شي زي كذا ..
نايف: شوفي ماني برايق لك .. انقلعي عني ..
سمر: مالك شغل فيني ..
صارخ عليها:انقلعي برآآآآآآآآآآآآ ..لاقوم الحين عليك .. والله تكرهين عمرك انقلعي ..
رفست على الارض برجولها ..
كان مع نايف كتاب الفيزياء يحضر للشرح ..نزله ..وقام ..: أنتي وبعدين معك .. أنتي ماتستحين على وجهك .. ترآ وجودك بحياتي مقرف لي بشكل محد يتصوره .. شوفي حتي ابوك من تزوجك ماعاد دق عليك .. رموك رمي الكلاب ..
سمر : فك شعري وجع توني مزينته ..
صفقها كف: الضرب بالميت حرام .. عمري ماشفت أحقر منك ..لاوراح أشوف ..
وخرها عنه ونزل للصاله ..
جدته لابوه: وين سمر..
نايف: فوق ..
جدته لابوه: وراك عليها ..
تنرفز نايف فجأه: تراني تعبت شفيك عليها وشفيك .. مافينا شي .. خلاص ياجدتي ..
قام ..
جدته لابوه أخذت بخاطرها ..عمر نايف مارفع صوته عليها .. والحين عادي ..
أم نايف: أعذريه ياخالتي .. تعرفين اللي يمر فيه ..
قامت أم نايف تشوف الغدا ..
.
.
.
ببيت سلطان ..
ارسل سلطان لـ مشاعل ..

أحــب عسف المـهـرة الـلــي تـغـلا ..
واحب اروّض كل طرف يموقي..

طالعته بطرف عين .. لان الكل كان جمعه ..
دق جوال سلطان ..
سلطان: هلا مشعل ..
مشعل: هلا بك زود .. كيف الحال ..
سلطان: بخير جعلك بخير ..
مشعل: عسى دايم .. أقولك الليله بمرك .. أبيك بـ سالفه ..
سلطان: حياك ربي .. أنتظرك ..
مشعل: الله يسلمك ..أجل أشوفك العصر..يله سلام ..
سكر الجوال ..
سلطان: بيمرني الليله نسيبي مشعل ..
أمه: الله يحيه ..
العصر ..
بالمجلس ..
سلطان مبتسم : والله نسبك يشرف .. وعن نفسي ماعندي مانع لاكن بـ شاور شوق وأمها .. وأرد لك خبر ..
مشعل: الله يسلمك .. خلاص أنا أنتظر درك .. ترى ماأحد من الاهل يدري حبيت اشوف راي البنت وتالي يجي الوالد معي .. وتخطبها الوالده لي ..
.
.
.
بالصاله الداخليه ..
كانت عليا وأم شوق وأمهم وسلطان ..
أم شوق: أنتي وبعدين معك ..
شوق : يمه مستحيل أتزوج مستحيل ..
أمها: وبعدين معك ..
سلطان : ياشوق مشعل ماينرد .. عناد ماكلمتك عليه .. لاكن مشعل صعب وأنا خالك أفوته من يدي .. والله أنه من خيار الرجال ..
شوق: خالي مافيه شي أدري والله .. لاهو ولاعناد ..بس ياخالي الزواج شايلته من راسي ..
خالها: ياشوق وأنا خالك .. فكري ماراح أضغط عليك لاكن مشعل تراه غير ..
سكتت شوق ..
عليا: ياماما فكري .. خذي لك وقت .. وبعدين أنتي عارفته أخته مشاعل مابه زيها ..
جدتها: شوق صادقه خالتك فكري ..
شوق: خالي ماابيه ..
زعلت أمها وطلعت من الصاله ..
شوق: خالي كلمها .. والله صعب تنجبر نفس على نفس ..
خالها كان ضايق .. بس جات براسه فكره .. مشعل مايتفوت ابد .. : خلاص وأنا خالك .. بروح لامك وبكلمها ..
.
.
.
بالشرقيه ..
ببيت أبو نواف ..
أم نواف: الحمدلله على سلامتكم .. وانتم ورى ماتقول لي ..
فيصل: ماله داعي كلها يومين ..
امه: غلا وش اللي صار بينك وبين زوجك وخلاه يعرس عليك ..
غلا : مدري عنه .. خلاص يمه تركي انتهى من حياتي ..
أبوها :خلاص لاتبكين .. أنا بشوف مد يده عليك مابعديها له لو كان ماكان ..الحين أطلعي غرفتك ريحي فيها .. وتالي يصير خير ..
طلعت لـ غرفتها .. بمساعده فيصل ونوف ..
نوف: اشتقت لك يالدوبه ..
غلا بـ شبه ابتسامه: ماراح تفكين هاللقب ..
نوف: أذأ طلع البيبي دب زيك نفكر نشيله عنك ونحطه فيه ..
فيصل: بجدهههههههه ..
.
.
.
ببيت سلطان المسا ..
طلع سلطان لـ غرفته أخته عليا ..عقب ماكان عند أم شوق .. وأقنعها ان الزواج قسمه ونصيب ..
سلطان: بصراحه ماودي أفوت مشعل من يدي .. ودام شوق مارضت أبيه لـ ريم ..
عليا سكتت شوي: بس هو يبي شوق ..
سلطان: هو يبي نسبنا .. وريم وشوق خوات .. ها .. عيال عم ريم ماأبي منهم .. بصراحه ماهم ذاك الزود ..وأنا عارفن بنيه عمامها يبونها تخلص ثانوي ويأخذونها لو احد من عيالهم .. لاكن ماأشوف أنهم مناسبين ولو هم قربيبن بالدم ..
عليا: والله ياسلطان ريم بنتك .. واللي تشوفه مناسب لها ماعندي مانع .. ومشعل ماينرد ..
سلطان: بعدي والله .. خلاص اعتمد ..
عليا : عن نفسي ماعندي مانع .. وحتى ريم ماراح تعارض ..
ابتسم سلطان ..
.
.
.
اليوم الثاني ..
دق سلطان على مشعل وقابله ..
مشعل : أهم شي ياسلطان نسبك عندي ..وريم أن شاء الله بمحاجر عيوني .. والله يقدرني وأسعدها ..
سلطان: والله يامشعل ماسعيت لك .. الا وانا عارف أنك من خيار الرجال .. وريم مابلقى لها أحسن منك ..
انحرج مشعل وهالشي خلاه يتمسك بنسب سلطان أكثر : الله يسلمك يالخوي ماعليك زود ..
.
.
.
بالليل ..
بـ غرفه مشاعل وسلطان ..
مشاعل مصدومه: وشو ؟
سلطان: أقولك مشعل خطب ريم ..
مشاعل: ياحليله .. سخيف ليه ماقالي ..
سلطان: مدري ..
مشاعل: الله يوفقهم .. تصبح على خير ..
سلطان: آآمين .. بدري ..
مشاعل: ماوراي شي.. أبي أنام ..
سلطان: ممكن اجل اتكلم معك ..
طالعته: عن حياتنا ..
سلطان: هو فيه غيرها ..
مشاعل: طيب أنت ليه ماتفهمني ..عمري ماحبتك ولاراح أحبك .. خذ لك وحده تحبها وتحبك .. أحسن .. تبي أخطب لك ..وأنا خلني بروحي أبي أرجع زي ماكنت مايقيدني شي ..
سلطان : انتي اللي افهميني وفهميني .. وش هالنفور من الرجال .. قلت من أول زواجنا أتركي هالخوف مني .. واسمحيلي صدقيني العشرة تجيب المحبه .. أنا احبك انتي .. أبيك أنتي .. أما سالفه أنك تخطبين لي وحده من راح تخطبين لي ..
مشاعل: اللي تبيها .. اشر بس ..
قام لها سلطان ومسك يدها : طيب راح اآشر ..
مشاعل : مين وأخطبها لك من بكره ..
حط يده على خصرها : أبيك تخطبين لي عمرك وتسلمين لي نفسك وروحك وقلبك ووأعدك أكون لك كل شي .. بس اسمحلي لـ قلبك يحبني ..
لاحظ سلطان أنها ماصارت ترتبك زي قبل لما يلمسها أو يقرب لها .. ابتسم تطور حلو .. والدنيا يبي لها صبر ..
مشاعل: أنا لا .. لا ..
حط أنفه على أنفها: ليه أنتي لا ؟
نزلت عيونها: لاني ماانفع لك ..
ابتسم حتى قبل عيونها بعيوني ماتنزلها .. والحين غير ..
رفع ذقنها: من قال .. أنا اقرر ننفع لـ بعض او لا ..
سكتت ..
سلطان: عليهم صابر(ن) والصبر طول .. وابتسم لها ..
مشاعل كانت مرتبكه متخربطه ..
.
.
.

اليوم الثاني ..
بالشرقيه ..
ببيت أبو نواف ..
غلا: مالي نفس بالاكل ..
نجود: غلا ياقلبي حرام عشان البيبي ..
غلا: وأنا وش مصبرني على تركي غير هالبيبي ..
نوف: طلعتي عاقله الحمدلله ..ماطلبتي الطلاق..
غلا: وش ذنب ولدي يطلع للدنيا وأمه وابوه منفصلين ..كنت يانوف اشوف بنات اهلهم منفصلين عن بعض كلن منهم تشكي اللي تشكي ظلم زوج امها واللي تشكي ظلم زوجه ابوها واللي تشكي ظلم اهل ابوها او امها أن كانت عايشه عندهم ..صعب أعيش ولدي كذا .. بكمل دراستي وتركي خلاص اللي بيبنا مسمى زواج .. أمام الناس .. وضناي .. أو غيرها خليه على بنت عمه ..
.
.
.
ببيت أبو عهد ..
عهد: عادي مافيها شي .. خل نسافر طيارة ..
أمها: عادي بس خايفه عليك ..
عهد: لا لا عادي مامي ..
أبوها: خلاص اجل بأكد الحجز الليله العصر .. وسافروا وأنا بجي على العيد ..
أم عهد: خلاص..
.
.
.
بالرياض ..
ببيت جد عهد ..
كانوا الكل جمعه .. كانت كانت متضايقه كل شوي يجيون طاري خالد .. زهقت .. كأنهم مستقصدينها بهاالطاري ..
أم خالد: عهد باي شهر ..
عهد: بديت بالخامس ..
خالتها: بد يكبر بطنك .. ماقالوا لك بنت أو ولد ..
عهد ابتسمت: كانت بتقول الدكتورة بس رفضت ..
بنت خالتها: ليه ؟
عهد: خلي مفأجاه احسن ..
أم عهد: بروح اسلم على أبوي وأخواني ..هم بالمجلس ..
أمها: ايه ..
أم عهد: عهد قومي سلمي على جدك وخوالك ..
عهد: بس هم فيه ..
جدتها: كلهم ماهم فيهم ..
قامت عهد مع أمها وراحت تسلم على خوالها وجدها ..
.
.
.
ببيت سلطان ..
كان سلطان جالس مع ريم ويأخذ رايها ..
سلطان: ريامي .. شقلتي ..
ريم كانت منحرجه من خالها ..
خالها: ها أنا قلت لامك أنا بكلمها وبأخذ رايها .. لاننا أصدقاء صوح ...
ريم:أكيد .. ماأدري خالي .. بس أنت مرتاح له ..
ابتسم خالها لها: بالحيل ..
ريم: خلاص أجل .. أهم حاجه أنك أنت مرتاح له ..طيب يشهبه لك ..
ابتسم لها خالها:أذأ قصدك شكله أطخم(حلو) ..
ريم: لالالا .. طباعهـ ؟
خالها: ليه؟
ريم: لان أحلى وأحن وأطيب آنسان شفته بـ حياتي كلها ..
ابتسم لها زود : مشعل طيب وحبيب ..والصاحب يأخذ من صاحبه فيه من طباعي وانا فيني من طباعهـ الكثير ..
ريم: الحمدلله .. أوك أجل ..
خالها: الـــــــــــف مبروك ..
باس على راسها ..
.
.
.
اليوم الثاني ..
ببيت جد عهد ..
عهد: من برآ يابنات ؟
منار: خالد برآ ..
عهد: آها .. طيب بطلع من الباب الخلفي .. بمر صديقتي دانه ..
منار: انادي خالد يوصلك..
عهد: لالالالالا بروح مع نادر أخوي برآ ينتظرني ..سيو..
طلعت لاخوها من الباب الخلفي ..
.
.
.

ببيت نايف ..
كانت عهد ضامه دانه لـ حضنها ..
دانه تشهق: عمري ماتوقعت هالتصرف منه ..دمرني .. صرت أكرهه وأكره حسه وصوته .. وكل شي ..
عهد: خليه .. انسيه من حياتك ..
دانه: ماهو قادره .. خاصه انه كل يوم أسمعه يكلم أمه .. يبي يدخلي .. بس عمتي ترفض .. لاني ماابي اشوفه ..
عهد: خليه يشوفك وعطيه كلام يغث .. أنا وخالد كذا .. قبل المره الاخيره تهاوشنا ودرا الكل بالسالفه ..
دانه: ماأقدر أقوله شي .. نايف غير ..
عهد: طيب كلميه بهدوء شوفي ليه سوى كذا ..
دانه: لو شفته راح اتهاوش معه .. تدرين أكثر من مره خاطري انادية وأصارخ عليه وأطلع كل حرتي ..
عهد بنذاله: عادي ..اهم حاجه راحتك ..هههههههههه
دق جوال عهد ..: أمي ..
ردت: هلا يمه ..
أم عهد: هاخلصتي ..
عهد: بجلس مع دندون الين الليل .. ونادر بيمرني ..
أمها: خالد بيمرك..
عهد: والله مااركب معه .. لاتخلينه يمر ..
أمها : حسبي الله على العدو ..ليه تحلفين ..
عهد: كذا ..بطلع من دندون مروقه .. مالي خلق أشوفه ..
أمها: الله يصلحك ..مع السلامه ..
سكرت عهد ..
دانه: ههههههه قوية ..
عهد: من برآ يادانه والله .. بس من داخلي يالله ..حاسه بضيقه وهم وكل شي متجمع ..
دانه: وش أقول انا ..
عهد: ماعلينا القروب بعد شوي بيجي ..
دانه:ايه.. دريتي عن غلوا .. الغبي تركي تزوج بنت عمه ..
حطت عهد يدها على فمها: أوووووووووووووما ..ليه؟ ..
.
.
.
اليوم الثاني ..
ببيت سلطان ..
سلطان : مشعل وعمي اليوم بيجون ..
مشاعل: أدري ..
سلطان: هههههههه أسلوبك رهيب ..
مشاعل: أدري ..
سلطان: طيب ساعدي ريم عشان تجهز ..
مشاعل :كيف؟
طالعها سلطان: كيف يعني كيف ؟ يعني أبيك تهئينها نفسيا .. عارفه البنت صغيره .. وكلميها عن مشعل ..
مشاعل: شقول لها يعني ..
طالعها سلطان زود : مشاعل تستهبلين ..
مشاعل: لا انكت ..
سلطان: ههههههههه بالله ..
مشاعل: أنا أدري عنك .. بروح لها ..
سلطان: ليه ماتجلسين معي ؟ابعرف ؟
مشاعل انقلب مزاجها: سلطان مو معنى كلامنا سوى بيغير من السالفه شي.. أنا ماأبيك ولاراح أتقبل فكره وجودك بحياتي ..ليه ماتطلقني عقب ملكه مشعل وريم ..
سلطان: أحد قرب لك من الرجال شي؟ لان هالكره ماهو بـ صاحي ..
ارتبكت شوي وتالي صدت ..
قام سلطان : مشاعل طالعيني وتكلمي وريحيني ..
مشاعل: لا .. بس أنا كذا ماأحبكم ..
سلطان: مافيه دخان من غير نار ..
مشاعل: بليز أتركني .. خل أفرح بأخوي الليله ..
فك يدها ..:لك اللي تبينه يامشاعل .. بس بعد عرس ريم ومشعل .. عشان مانخرب فرحتهم ..
.
.
.