لو سمحتم اللي دخل وشاف الرواية
وعجبتو بس لو يكتب تعليق واحد

اوكي
وشكرا على النصح

وانشاء الله اوضح في البارت الجي
وشكرا مرا ثانية
joli

انشاء الله يوم الخميس
انزل البارت الثالث
joli

الجزء الثالث )

ولما وصلت عند غرفة خالد
كان صوت خالد طالع من الباب
وسمعتو وهو يقول :
اوكي حبيبتي لا تزعلي
يالله كم يوم وارجع
بس عشان اطمن على
اختي
ههههههههههههه
لا كيف تبغيني اسيب
القمر بعيد عني
اوكي حبي
لازم اقفل
اوكي
باي وفتح الباب وشاف لانا قدام الباب
خالد : لانا
لانا وهي مصدومة : نعم
خالد : تبغي شيء
لانا : لا ما ابغى
ومشيت لجهة غرفة هيا
وخالد جالس يطالع فيها مستغرب
وفجاء لفت ورجعت تاني لخالد
خالد : كنت تبي تقولي شيء ونسيتي
لانا : ايوا ممكن شاحن الجوال حقك
خالد : ليش
لانا : اذا ما تبغى تعطيني هوا ترا مو لازم
خالد : لا ولا شيء بس مستغرب
خالد : طب بس دقيقة
لانا : طيب
(لانا جالسة تفكر مع نفسها معقولة عندو حبيبة او متزوج
بس لو متزوج لازم يقول لرشا همم بس هما مو اخوان
اخوان ممكن ما حب يقولها ياربي مايكون متزوج يارب )
فجاء قطع تفكيرها صوت خالد
خالد : تفضلي
لانا : شكرا
خالد : لانا فيكي شيء
لانا : لا ليه
خالد :ما ادري بس شكلك زعلان
لانا : لا ما فيا شيء
وشكرا انا لازم اروح
وهيا تبى تمشي مسك خالد يدها
خالد : لانا انا زعلتك من دون ما اقصد
لانا : لا وانا قلتلك مني زعلانة
ودحين ينفع تسيب يدي ابغا اروح
خالد : طيب
لانا : شكرا وراحت
خالد دخل الغرفة وهو مستغرب

0
0
0
0
0
عند رشا

بعد ما كبرت البنت وسار عمرها 13سنة
لما جاء اليوم الي من جد كرهت البنت اخوها
طلال : ليش اش سوى
الجدة : في يوم
كانت رشا بتعمل كيك
وهيا جالسة تخلط الكيك بالغلط
طاح صحن الكيك وانكب كل اللي فيلو على الارض
والمطبخ سار وصخ
فجابت منشفة عشان تنظف اللي وصختو
في داك الوقت دخلت صوفي فلما شافت
الوصخ اللي سار سارت تزعق وتضرب في
رشا فجاء فرشا عصبت انو خلاص مو
كم مرة اسكت وهيا تضرب فيا
فقامت دفتها بيدها فلما اندفت صوفي ورجعت
على ورى كان في كيك في الارض فتزحلقت وطاحت
وسار يطلع من جسم صوفي دم كثير فخافت رشا
فقامت اتصلت على احمد ولما
جاء احمد وشاف المنظر اللي فيلو صوفي
عصب وجلس يضرب في رشا
لما سار جسمها ازرق واحمر ولين دحي
علامات الضرب معلمة على جسمها

طلال : طيب بس كدا
الجدة لا انتا خليتني اكمل
لما جاء احمد وشال صوفي للمستشفي
قالولو زوجتك اجهضت بسبب طيحة قوية
ادت لإجهاض البيبي
فعصب احمد زوجتي حبيبتي صوفي كانت حامل
واختي هيا اللي موتت ولدي
فراح للبيت
وشاف رشا بتنظف المطبخ
احمد : دحين جالسة تنظفي بدري
فجاء انتبه على اصياخ الدجاج
على النار
فمسك الاصياخ وعلى طول على ظهرها
ولين دحين موجود الحروق
فلما عرفت انا اش صار
قلت ما تجلس رشا عند اخوها
وجبتها عندي لما سار عمرها 16
وبعد 3 سنين من الحادثة
راح اخوها مع زوجتو
مسافرين للابد لامريكا
عند اهل صوفي

بدر : طيب ليش رشا تسكن في بيتها وما تسكن معاكي
الجدة : بعد 3 ايام من سفر احمد وصوفي
جاتني رشا
وقالت : جدة انا ما بتقل على احد
فانا قررت انو اجلس في بيتي
ودام احمد راح فمافي خوف عليا
االجدة : لا ما اقدر اسيبك في بيت كبير لحالك
رشا : ياجدة انا كبيرة وما ينخاف عليا
وصراحة انا مني مرتاحة هنا
الجدة : ليش انا عملتلك شيء او جدك عملك شيء
رشا: لا بس انتو بيتكم بيت العائلة وكل يوم يجي احد عندكم
وانا صراحة ما اقدر اذاكر ولا اقدر اخوذ راحتي ولا شيء
وما اقدر اقول للناس لا تجو
الجدة : بس
رشا : لو سمحتي
الجدة : بشرط تاخذي معاكي نتالي المسولئة عن البيت
وي الحارس
رشا : بس ما اقدر كلهم لهم سنين وعشرة معاك
الجدة : لا بس ولا شيء زي ما احترمت قرارك احترمي قراري
رشا : طيب اذا دا يطمنك ما عندي اي مشاكل
الجدة: وي بس دي هيا الحكاية
بدر : يا حرام
طلال : مرا مو باين على احمد انو عصبي
الجدة : احمد مرا طيب بس صوفي هيا
اللي خربتو
طلال : طيب بعد دي السنين
كلها ليش احمد رجع
و ليش لما جاء ما جاءت صوفي
معاه
الجدة : مو انا دا المستغربتو
(عند رشا في السيارة )

احمد : كيف حالك
رشا : احمد مو انتا وعدتني انك ما تتكلم
احمد : طب انا جالس اتكلم
رشا : لا واش اللي بتعملو
احمد : بتكلم
رشا : انتا عبيط
احمد : ما اد..
رشا : خلاص بس لو تكلمت حنزل
ولفت وجهها جهت الشباك وانتبهت
انو دا مو طريق بيت هيا
وقالت : احمد وين رايح
احمد : البيت يعني وين رايح
رشا : مو انا قلتلك تروح بيت هيا
احمد : ايوا بس انا جاي من سفر وابغى انام صراحة
رشا : مو شغلي
يا توديني بيت هيا يا انك توقف انا اروح
احمد عارف انها خوافة وي ما تحب تركب مع تاكسي
بس اللي ما يعرفو انو السنين تغير الصفات
احمد وقفلها على جنب وقال : يالله انزلي
رشا : انت من جدك
احمد : ايوا من جدي رشا انزلي من سيارتي
رشا : طيب انا اوريك
احمد : يالله وريني كيف حتروحي بتاكسي
رشا : وهي بتزل من السيارة
طالعت في احمد وقالت :
ترى السنين تغير محد يجلس
على شيء واحد
يا اخوي
وقفلت الباب
احمد : انصدم بس قال خلينا نشوف كيف حتوقف تاكسي

عند رشا
رشا : يارب يطلع تاكسي كويس يارب
وجاءت سيارة تاكسي معدية من شارع
رشا
فرفعت رشا يدها عشان ينتبهلها
بس طنشها وجاء التاني
برضو كمان طنشها
واحمد جالس يضحك عليها
وهي معصبة
فعدا التاكسي الثالث فرفعت رشا يدها
فوقف
وفتحت باب التاكسي ودخلت وهيا بتطالع في
احمد
عند احمد
مستغرب كيف رشا الخوافة الضعيفة
قدرت تركب في تاكسي لحالها
بس ايش نقول الدنيا تتغير
وجالس يمشي ورى التاكسي
عشا يطمأن عليها

0
0
0
0
0
( بيت هيا )

دخلت لانا غرفة
ريم : اشبك اتاخرتي كدا
هيا : شكلها كانت قاعدة مع الحبيب
لانا لريم : اتفضلي
ريم : شكرا تعبتك معايا
لانا : ولو عادي مرا
لانا : يالله بنات باي
هيا : وين حتروحي
لانا : البيت
ريم : لانا بطلي استهبال
لانا : لا من جد لازم اروح
هيا وهي مستغربة : على كيفك
بس اليوم نروح نتعشى سوا
لانا : اوكي يالله باي
ريم : طيب جاء السواق
لانا : ايو بيستنى برا
وسلمت على ريم وهيا
هيا وهي بتوقف
لانا : على وين
هيا : اوصلك
لانا : لا ما لو داعي
هيا : لا ما يصير
لانا : مو البيت بيتي
هيا : ايوا
لانا : يصير استرحي
هيا : على راحتك
لانا : يالله بيننا الو
ريم : اوكي
لانا : باي
ريم وهيا :باي
ومشيت لانا لين ماوصلت عند الباب
اللي يوصل للحوش وهيا بتفتح الباب
سمعت صوت يناديها
خالد : لانا
لانا :نعم
خالد : وين رايحة من الصباح
لانا: البيت
خالد : ليش
لانا : شيء ما يخصك
خالد : على راحتك بس
كنت بسال
لانا : يالله باي
خالد : انا كمان خارج
نخرج مع بعض
لانا : اوكي
ولما قربو يوصلو
لباب الشارع
مسك خالد يد
لانا
خالد : لانا فيكي شيء اليوم
لانا : لا ليه
خالد : بس باين زعلانة
لانا : ما فيا شيء
خالد : بس ...
ودق جوال لانا
لانا : الو
رشا : الو
لانا : رشا انتي وين
رشا: عند بيت هيا بس ابغى احد يفتح الباب
لانا : طيب انا دحين افتحلك
وفتحتلها الباب
لانا لرشا : رشا اشبها رجلك متجبسة
اش صار
امس كنتي كويسة
رشا : خليني ادخل اول شيء
لانا : ايوا سوري اتفضلي
رشا طالعت في خالد
لانا : رشا دا خالد اخو هيا
رشا : اهلين
لانا : دي رشا برضو صحبتنا
خالد اهلين
لانا : يالله رشا باي
رشا : وين رايحة
لانا : البيت
رشا : ليه
لانا : بس لازم اروح يالله باي
ودخلت رشا بيت هيا
خالد للانا : انشاء الله ما اكون زعلتك
لانا وهيا بتطالع في خالد
ونفسها تقولو دا الكلام :
يهمك في إيه !
أموت ولا أعيش !
ده كلام ملكش
تسألني فيه
لا ولا شيء
وطلعت
انتهى البارت
ويارب يعجبكم
واكتبو توقعاتكم

اش حيصير بين لانا _ خالد
ورشا _ احمد
ورشا _ طلال وبدر
ومين حيحبها اكتر
وايش سر رجعت احمد

واكتبو ارائكم
وشكرا
joli