كاتب الموضوع :
صبى الاوراق
المنتدى :
القصص المكتملة (بدون ردود)
السلام ورحمة الله وبركاته--
اسعد الله اوقاتكم بكل خير ..
استلمـــــــوا البارتين الثاني والاربعون والثالث والاربعون ..
قراءه ممتعه ومفيدة ,
---البارت الثاني والاربعون---
في احد فروع البنوك المعروفه --
عبير استلمت تيلفون خالتها اللي كان عالصامت ولافي امل تحس فيه ساره--
وبعد تقريبا 9 محاولات باءت بالفشل قررت ان الحل ثابت البيت ..
هنـــــــــــــاك بالمجلس فيصل كل مره يحول الاتصال ويرجع يدق نفس الرقم عرف ان مافي احد يرفعه ..
والحقيقه ان الشغاله من اول اتصال وعبير طالبه منها تتركه ولاترد عليه عشان تحس فيه ساره وترد ..
وفيصل العكس يبي الخدامه تحط خبر للي يتصل ان ساره نايمه ولايبي احد يزعجها ..
بعدها رفع اهو السماعه -- وفلاح مقابله يشرب كاس الشاهي بعد ماانتهى من فطوره
فيصل--الو
عبيربخجل--هلا شلونك
فيصل--والله بخير من ؟عبيــــــــــــــــر <<<فلاح -(اها عبير هذي منهي اخته؟؟
والله ان ماخاب ظني انها اخت(ن) لنايف ..
ويصير فيصل عمها..
اوما لو تكون من نصيبي ..
بيت رجال ماشاء الله وعلومهم غانمه ..
والبنت عقل واحسها اخلاق يكفي ان هم اهلها ..
ونسايب عزوه وسند ودين ..
الله لو تكون من نصيبيــــــــ)
فلاح معرفته في فيصل قبل راكان وهو اللي عرفهم على بعض والحقيقه ان فلاح اكبر من نايف وراكان بتقريبا سنتين يعني دخل الثلاثين
فيصل--هلا والله حيي الله هالصوت شلونتس
عبير بحرج--الله يبقيك الحمدلله ..ازعجتكم اجل؟؟
فيصل--لا انا تحت بالمجلس
عبير--اممم ابي اكلم ساره وينها
فيصل--نايمه
عبير--امم امي قلقانه عليها ومن البارح وهي تحاتيها
فيصل--لا ه بس المشكله توها نامت وعسى ترتاح مانامت الليل طوله من التعب
عبير--طيب ليه ماوديتها الدكتور
فيصل--عيت والله ترجيتها وعيت الله يهديها
عبير--وش تعيي ؟؟ يعني تعبانه تروح الدكتور
فيصل--والله عجزت فيها والمشكله انه كل مالها بزود
عبير--اجل بجي انا وامي ناخذها للدكتور يمكن تروح معنا
فيصل--ماظن بس تعالوا يمكن تعطيها حصه شي ولا تصلح لها
<<فلاح يقلب بالريموت ومرخي اذنه وهو اللي بدا يشك بقلبه
(شكل مرت فيصل مصخنه وانا جيت ونشبت له وهو اللي قاعد عندها ياليل مني انا بعد ..ضيقت على الرجال وام عياله)
عبير--خلاص انا بستاذن واجي بعد ماخلص اللي في يدي
فيصل--تستاذنين؟؟مداومه الله يعينتس<<<فلاح(موظفه وش تشتغل ؟؟عسى ماهي كبيره بس ولا بعد متزوجه لالا ماسمعت ان لهم نسايب )
عبير--اي وياك ياله مع السلامه
فيصل --فمان الله
---------------
وهناك --
راحت لمكتب سميره اللي شارفت على الولاده--اللي من مرت الصباح وهي وياها قهاوي وسوالف عن اللي صارواللي بيصير --
سميره فرعهم توه متوظف فيه 3 موظفات جديدات وماسكين الشغل يتدربون
وحاسه انهم غطوا الشغل عن عبير
وعائشه اللي بعد كاثر غيابها ..
بعدها سميره قالت تدرين وقعي خرو ج وروحي جهزي لأريج وباركيلهم بالنيابه --(لاتلومون عبير يوم تقول انها اجوديه هههههههههههه)
طلعت وهي بالطريق لبيت اهلها
تذكرت اريج واتصلت عليها<<<<<<<<<<<<
--------------------
بيت ال سعود--
وهي بالمطبخ وتحديدا واقفه تختار برادين للقهوه والشاي رن هاتفها <<عبير الورد
اريج--هلا
عبير--هلا يادوبه مارجعتي تنامين
اريج--لا
عبير--وش تسوين
اريج--تو افطرت وامي طلعت للسوق
عبير--اممم اها..اخباركم بعد
اريج--لا ياشيخه شكل الاخبار عندتس وشو له نتكلم
عبير--وشوو اخباره
اريج--اقول لاتستهبلين ادري انه قالتس
عبير--وشووو راكان وش صاير لاوالله مدري عن شي
اريج--لاتحلفين ياكذابه اجل ليش تقولين وش اخباركم بعد وش دراتس ان فيه اخبار
عبير--ههههههههههههه والله مدري عنه ولاكلمني لاتخليني اكلمه
اريج--هههههههه قولي والله اني مدري ياويلتس من ربي لاتحلفين كذب
عبير--والله والله اني مدري
اريج--اها ههههههههههههههه ماصار شي
عبير--اقول قولي ولا وربي لاكلمه
اريج--لالا تخيلي عاد تقولين وش صار؟خخخخ
عبير مره مبسوطه من نبرة صوتها حست ان مزاج اريج تغير شوي من ناحية راكان--طيب قولي
ابد اتصل علي من امس طيب ولا رديت ---------------وبدات تسرد السالفه من اولها
بعدها قالت عبير--اقول خليه يجي لاترسلين له شي مايبي الا انتي وشيبي بشاهي وقهوه هههههههههههههههه
اريج تبي تغير السالفه--وينتس وصلتي صح
عبير--اي سمعتي صوت باب بيتنا
عبيرتنادي --يماااااااااااه يمه
حصه--هلا يمي
عبير تحب راس امها --- يالله اروج اكلمتس بعدين
اريج--امممم لحظه
عبير--هلا
اريج--امممم وشلون اخليها تروح ولا لازم ادق اقول ان الشغاله بتجيب شاهي
عبير--الا دقي
اريج--لا لازم هو بيدري انها شغالتنا
عبير--يوووووه استغفر الله دقي وشعرفه انها شغالتكم ترا بيحسب انها من جيرانكم ال متعب خخخخخخخخ يمكن ناديه بنتهم تحبه ههههههههههههههه
اريج بابتسامه --اقول لايكثر برسلها وبس
عبيروهي تركب السياره مع امها وبعصبيه ومن بين اسنانها--يابيختس اجل ليش تاخذين رايي ؟؟
اريج--غلطت هههههههههههه
عبير--طيب طيب
اريج --ساندي خلاص ودي بيت جديد ..اسمعي طمنيني على السوري
عبير --اوك
-------------------
في العمل --
المزاج مو مره عند ابوخالد--
نايف مع ابو ماجد اللي تعود هو بنفسه يروح يجلس في مكتبه بحكم السن والاحترام وعلاقته مع ابوه خالد الله يرحمه--
ابوماجد--والله يابو خالد ان الامور ماتبشر بالخير من اهل الشرقيه
نايف--انا كنت حاس تعاملهم مافي تفكير وكل شي يسوونه بسرعه العجله مامنها خير
ابوماجد --انا سالت عن واحد هناك يقاله محمد ال-- وانه من توظف تحت الاداره تبع المبيعات وهم يقولون انه ماهنا خبره عنده ولا يتابع الامور
ولاهو فاهم شي هذا اذا تكرم ومرهم يشوف الشغل
نايف --لامايصير ذا العلم مايفهم ينزل ..ولا يوقع على شي الا بعد دراسه ترا ماتعبنا عشان يجي يدهورنا واحدن ماعنده خبره ولامفهوميه
ابو ماجد--انا قبل اسبوع بغيت ارسل لهم مشاري ولا سعد ابي احد منهم يتابع هناك لو فتره
نايف --لا لا ارسل ..ارسل مشاري
رفع ابو ماجد السماعه وبعد كم رقم --هلا مشاري
مشاري--سم طال عمرك
ابوماجد--تعالي المكتب لاهنت
مشاري--ابشر
دقايــــــــــــــــــــــــــــق صمت وبعدها--
نايف-- لامايصير وانا ماكنت مطمن لهم ..
طرق باب --
ابوماجد--تفضل
مشاري بطوله ونحافته والواضح انه بوسط الثلاثين يعني اكبر من نايف --السلام عليكم
وقف نايف-- وصافحه
مشاري بغتره بيضاء بياض الثلج --صباح الخير
نايف --صباح النور وشلونك بشرني عنك
مشاري --يسرك طال عمرك
ابوماجد--تفضل
مشاري --افضلت
جلس نايف وعدل شماغهxxابوماجد--شف انا ابيك تروح لفرعنا سانسك الشرقيه sansk damam
مشاري --ابشر
ابوماجد --ابيك تمسك الفرع شهر ولامحاريه (يعني تقريبا )
نايف--لا ولاهوب ملطوم لحكيك يابوماجد يبيلهم شهرين عشان ينصلح الوضع
مشاري-- ابشر من متى تبي اباشر هناك
ابوماجد --من يوم الاثنين يعني بعد باتسر
نايف -- وتراك محفول مكفول بس انت اطلب ولاتشيل هم
مشاري --لا ابد الخير واجد جعل يكثر خيركم ويطول اعماركم
ابوماجد -- وانت سالم وانا ماخترتك انا وابوخالد الا من ثقتنا فيك وش قلت
مشاري--ولا به زود انت تفصل وحنا نلبس يابوماجد
ابوماجد وهو يرفع السماعه --توكلنا على الله
السكرتاريه--
ابوماجد-- جب اوراق نقل مباشره لمكتبي
السكرتير--ورقه وحده
ابوماجد --اي نعم
السكرتير--ابشر طال عمرك
نايف اللي منتبه لمشاري --
انا بوصي ابو فهد هناك عليك ابد توصل جاهز انت واهلك بيت لك واي شي يقصر عليك ابد امر وتلاقيه عندك محفول ومكفول
مشاري--ماتقصر الا لايقصر بعمرك ومن يسمع
نايف --تستاهل يابو محمد تستاهل
دخل السكرتير ونزل الملف وعليه الورقه كتب كم جمله ابو ماجد ووقع
وناول الملف نايف --نايف الاخر وقع وخذا السكرتير الملف وطلع
مشاري--تامرني شي طال عمرك
نايف --ماتشوف شر بكره لاتجي ضبط امورك للسفر
مشاري --ابشر فمان الله
ابوماجد ونايف--فمان الكريم
ابوماجد--مشاري بيعجبك لاتشيل هم
نايف --عسى الله يعينا وياه.. كلم ابوفهد وعلمه ياخذ له بيت دور وعطه رقم مشاري يسنعه هو واهله..ياله انا بمكتبي اذا تبي شي اتصل وانا اجيك
ابوماجد --على خير
--------------------
بيت ال فيصل حيث حي الورود--
دخلت حصه ووراها عبير ..
كان فلاح مقابلهم طالع
حصه بعدت عنه ونزلت طرحتها على عيونها
عبير<<<<<<<<<<<<(شافته ماصدقت عيونها هــــو هو وناسه واخيرا تكرر حلمي ورجعت اشوفه لااااااااا ماصدق انا احلم..
يالبيــــــــــــه على الزين والسياره والترسيمه ووازينه ياناس ..)
فيصل-- هلا تعبناتس يام نايف
عبير تسلم عليه
حصه--مابه تعب الا ليش ماطاعتك ورحتوا للدكتور
فيصل --والله عجزت وانا اتحايل وتقول عادي متعوده انا احس انها اول مره تتعب كذا
حصه --انا برقى اشوفها
فيصل--البيت بيتس
عبير --ماهيب معهم نهائيا (كيف يعرف عمي فيصل؟
هو صديق راكان ؟؟يعني صديق عمي بعد ؟؟)
طلعوا فوق وحصه صحت ساره وبدات تسولف معها وتقول لها انها نزلت بس مو مره وان هالالام منها
حصه--لازم نروح وتحايل وتترجى وبالاخير حلفت انها تقوم تروح
واخيرا وافقت عشان حلفها..
والشعور الداخلي عشان حصه تعنت لها..
-------------------
هناك في الشركه--
رجع لمكتبه --وطلع جوالاته قبل لايجلس حس بشعور غريب اذا شاف جواله اللي نفس جهازها ..
ويوم كان ماوده يعترف يقدامها وهو المطلوب ماكان كذا بس شي في نفس نايف ..
قهرته اليوم .. ومن قمت وانا اتصلح والبس واقول بتشوفني واشوفها وبالاخير تروح مع السواق ولا مخبين الموضوع علي على اساس انها غايبه ؟؟
لا لا هذا استغفال هنا لازم توقف عند حدها ..
تذكر انه كم مره نبهها وقال لها صريح وتلميح تذكر يوم قفل ابواب السياره --(توقفت السياره قدام البيت --
نايــــــــف قرر يحرر الفكره اللي تدور بباله طـــــــــــــول الطريق
حط ايده على التحكم لمفاتيح الابواب
ضغط ازار باب الراكب اللي جنبه ونزلت ريناد
نوره تحاول تفتح الباب من قبل ان تتوقف السياره-- وهذاهي تستنى الباب ينفتح بخوف وهذي فكرة نايف سمعتــــــــــــــــــــــــــــــه يقول --
اسمعينــــــــــــــي . انا لاقلت كلمتي مارجع فيهــــــــــا . ودامك عندي بالبيت انتي وخواتك . انا اوديكم وانا اجيبكم...
وسمعت زر الباب انفتح --ونزلت وهي اقرب للركض من المشي )
تذكر هالموقف وماابتسم ..
يعني هي ماتفهم ..
حتى لو تستحي لاتستغفلني ..
لحالها مع السواق لا ..
ولا بعد بدون شغاله ..
لا
لا..
ضرب جهازها اللي كان يتحسسه باصابعه بقوه على المكتب .
وبعدين رماه على دوسيه الاوراق..
وتكى بظهره متراجع للكرسي .
وسند براسه للخلف ..
يحاول يريح اعصابه ..
ياليت رقمها عندي ...؟؟امممم بدق اهزئها <<
لحظه لحظه تهزئ تبي رقمها تهزئ
وبعصبيه وبدون تفكير
اممم اي يارجال والله دبلت تسبدي ابيها وهي ماتبيــــــــــــــــــــــني )
-----------------
هناك بالجامعه -
نفس القلوب تفكر --
بعد ماسكرت منها افنان وبلغتهم انها جالسه بالقاعه --وعادي انتظركم
(كانت ودها تبكي او تلجا لامها وهي حاسه انها بتتصل في امها لو اصر بالطلعه
وهالفكره ريحت تفكيرها
يعني لو اصر بدق على ماما واقولها وهي تكلمه تقول لا بتروح مع السواق ..
خلاص لاتبكين ولاشي البنات ترا ملاحظين ان فيك شي وانتي جالسه لحالك ..
اممم خايفه والله خايفه
خلاص مو قلنا بتكلمين ماما
اي والله لاكلمها اذا عاند وافشله عندها )
بدوا البنات يدخلون واخيرا شافتهم دخلوا كالعاده ريناد تجلس بوسط نوره وافنان هالمره تركت افنان تجي بالوسط ..
نوره هنا كان ودها تنفجر (انا مو ناقصتها الثانيه ماراح اراضي احد ..انا ماغلطت )
بدات المحاضره وقد بدات افكارهم قبلها ..
افنان --( واضح ان ريناد زعلانه من نوره عشان كذا جلستني وسط)
ريناد--(المشكله انها تعرف اني حاولت اساعدها بس نايف محد له كلمه عليه)
نوره --(ماراح اراضي احد ومو ناقصه اصلا فيني اللي مكفيني ..)
والاستاذه متحمسه مررره والحقيقه انهابوادي وهم بوادي ثاني
والله يستر لاتكون اغلب القاعه كذا
-------------------------
الساعه 10 الا 10 دقايق- صباحا-
فيصل قال بوديكم وحلفت حصه انه يرتاح ولايروح لشغله --
هو ماحب يحرجها ويحلف لانه يدري في حصه تبي تاخذ راحتها ..
طلعوا وتوجهوا للحمادي علما ان لهم ملفات هناك اغلب العائله ..ومتعودين عليهم ..
دخلوا وتوجهوا للعياده تبع النساء والوالده كان قبلها 2 جلسوا بالعياده ينتظرون ..
عبير تذكرت حوسة اريج--<<<<<<<
عبير--الو
اريج--هلا
عبير--ها وش سويتي ؟
اريج--وشو ابد ارسلتها وتقول خذاها واحد رجال مافي سعودي ههههههههه بكيفه عاد هو بيعرف
عبير--اممم ولا دق عليتس
اريج--لا
عبير--اممم
اريج--وش اخبار السوري
عبير--هذا حنا نستنى الدكتوره في ثنتين قبلها
اريج--اها وهي طيبه زين اللي راحت الدكتور
عبير--يعني مو مره وجهها قالب وواضح انها تعبانه بس من تخلي العناد له حتى ابوي فيصل جالس تدرين ماداوم يترجاها تروح بس امي حلفت عليها
اريج--ياربي منها .طمنيني اوك
عبير--اوك
-----------------
في السياره --
فلاح بعد ماسكر من راكان وقاله بجيك بالبيت --
(والله هيئتها وطولها ورزتها ..ماعليها كلام ..طالعه من الدوام عشان مرت عمها ..الظاهر انها خالتها
مدري مدري ..بس مع ذاك الصوت والضحكه الحلوه واااااااو شي ودي اخلي اهلي يشوفونها ..
بس مهوب بدري عالعرس ..
خل اخلص دراسه
لا هذا راكان اعرس وولد عمه عادي ..وانا اللي اكبر منهم ..
اممم مدري الله يكتب الله فيه الخير..)
قطع عليه صوت تيلفونه --
هلا فهد
هلا بك ابشرك جاني عايد جانـــــــــــــي
لاااااااااا جعله مبرووووووووك الله يبشرك بالرضا والعافيه وصلاح قلوبهم بشر عن هند شلونها طيبه
والله الحمدلله طيبه طيبه
امي درت
اي
الحمد لله الحمدلله انت وين
بالمواساه
اجل شوي وجايك نقدر نشوفه
اي اي انا عنده اشوفه اللحين هههههههههههههه
والله ايـــــــ
تدري انه يشبهـــــــــــك كله انت كله لاعيونه ولا فمه كله انت ابد حتى حجانه
هههههههههههههههههه ترا تمايمه علي ولاتقول شي هذا عايد والله مايتمم له غيري هههههههههه
على خير تعال لاتبطي تعال شفه وهو مفتح بسم الله عليه ههههههههههههههه
فلاح سكر وهو يتحمد ربه
<<<<<<<<<اتصل على العنود وتذكر ان رقمها مغلق
اتصل على الشقه
وبعد وقت <<<<<<<<هلا عزوز شلونكم طبيبين
ابشر على فهد بعايد
ماشاء الله مبروووووووووووووووك مبروووووووووك هههههههههههههههه يتربى بعزكم
الله يبارك بعمرك وين العنود ؟؟
هذا هي لحظه
العنوووود تعالي فلاح
لاتقولها
طيب يارجال ههههههههههههه
هلا وشلونتس مبرووووووووك ولدت صح
الله يبارك بعمرتس وش دراتس ههههههههههههههه
سمعتكم هههههههههههههههههه
دقي على امي باركيلها اي اللحين ياله
ماتشوفون شر
باي
------------------
اسرع وهذاهو عند بيت راكان--
دخل --ياولد
وش ذا قهوه وفله حجاج هههههههههههههههه
ويناديـــــــــــ--بوسعووود
هلاااااااااا حياك
وراك ماتقهويت
وين
عند الباب
منهي منه
يمكن من المعزبه هههههههههههههههه مسوي ماتدري
لاوالله مادريت الا كن ذي زمازمهم
مدري
ابشر على فهد بعايــــــــــد
ماااااااااااااااشاء الله عالبركه مشاء الله والله مايتمم له غيري
اقول حلفت انا قبلك
لاصدق
اي والله
ماشاء الله ههههههههههههههه اجل مبسوط فهد
اي والله الحمدلله عقب بنتين
الله يخليهم له
امين
عقبالك
وياك
تذكر القهوه تعال نتقهوى لاوالله خالص من عند فيصل امش نروح نشوف عايد
والله مشتهي اشوف مواليد
لا عايد غير
ههههههههههههههههههه طيب لحظه ابلغ المصري
ياله
بنتظرك بالسياره..
---------------
شيخه--راحت لمحل في اسواق العويس وخذيت شناط سفر 6 قطع طقم
ومرت قبله المركز واستلمت الصور بعد ماعطتهم الورقه المتفق عليها ..للاستلام
خذت لها كيلوا قهوه وشوية اغراض لها هناك مثل العود والزعفران ووو اعجبها طقم ارواب وخذته ..
وهذا هي وقفت عند باب البيت --وطلبت من السواق ينزل الاغراض والشنط
دخلت وشافت اريج بالصاله عند التيلفزيون --هلا بتس يعطيتس العافيه
شيخه-- الله يعافيتس ياربي ويوفقتس وخواتس والمسلمين اجمعين
اريج استحت يوم شافت الشناط xxها وش رايتس حلوه
اريج بحرج--اي انتي تشترين شي ومايجي زين
شيخه--لا لقيت اشياء بس هذي احلاهم ..لاجات عبير خليه تعاونتس وترتب اللي شريتوه البارح بالشناط ..
وخذي الساعه اللي جابتها السوري معتس..وملابستس الجديده واللي تحبين من اغراضتس لاتخلينها
اريج عالصامت متوتره وخايفه وكعادتها تحاول تتناسى انها بتسافر معه ؟؟
شيخه بدات تمدح لها اشياء اليوم العصر بتطلع هي والبنات اذا قاموا بدري وراحوا معها اشياء حلوه وعمليه لها هناك ..
اريج اللي اخترقتها الافكار ولاهي مع شيخه ابد ..
(كيف اسافر معه ؟؟
كيف انا وياه لحالنا؟؟
مدري وشلون بيعاملني ؟؟
على اساس انه خذاني يعالجني ؟؟
مدري كيف بنام ؟؟
كيف بقوم البس او حتى اجيب لي شغله من الغرفه
اصلا من بيطلع اغراضي من الشنطه ؟؟
من بيفرش لي سجادتي بسرعه؟؟؟؟
من بيسوي ويسوي كل هذا ياخذ مني وقت لاني ماقدر اسويه بسرعه ؟؟؟لايكـــــون هو لالا
لاماظن اصلا هو مفكر بس بالعمليه ..
وبعبره مكبوته--احس انه راحمني ..؟؟
انا بحاول
اي بحاول..اهــــ شلون شلون..
ماقدر والله ماقدرحتى لو بسوي شغله يبيلي وقت عشان اتحرك واسويها ؟؟)
ارتفعت عبراتها لمحاجرها
وفجـــــــــــــــــــــــــأه--قاطعت شيخه
اريج بهدوء--يمه
شيخه باستغراب --لبيه
اريج بضيقه--يمه تكفين حاولي في نايف خليه يخلي عبير تروح معي ..
شيخه--انا معلمتني يمي خالتس حصه تقول بيلحقونهم هو ماعيا ياحبيبتي ..واصلا انا بعد بجيتس لاتحاتين بس خل يختبرون البنات ويخلصون واجيتس ..
اريج-- متى بيخلصون الله يهديتس يعني باقي شهر ؟؟؟ انا وش اسوي هناك مع ذا الرجال ـــــــــــــــــــــــولاقدرت تعبر بعدها
شيخه بابتسامه--وشو رجاله ؟؟الرجال حلالتس رجلتس ياحبيبتي وعز الله انه حبيب وبيحطتس بعيونه ..
اريج وعيونها اعلنت البكاء --وش كذامحد فاهمني ..مايصيرترى ..
شيخه بضحكه تحاول تنسيها دمعتها-- ليه ياحبيبتي فاهمين يابعد عيني ..
شيخه تمسح لها دمعتها واكملت بابتسامه -- بعد هو لازم ياحبيبتي ياخذ فرصته معتس اول اسبوع واللي بعده ابد بتكون عندتس عبير ولا اللي بعده
اريج تتنهد ودها تسال امها اسأله تتعلق في وضعها معه بس ماقدرت تتكلم ..
شيخه وهي تاخذ الكيس --كليتي علاجتس ؟؟
اريج بهدوء--لا
شيخه--ليه ..بعدها طلعت الثلاث انواع وبدت تعطيها من كل نوع ..
هالموقف زاد على اريج لان امها اول مره تعطيها العلاج من عقب ماكانت بالثانوي كانت امها تعطيها حبوب مسكنه لألام الدوره ..
حاولت اريج ان تتماسك ..
وبقوه ..
استطاعت..
لانها شافت امها وساندي يدخلون الاغراض لغرفتها ..
خذت الريموت وبدات تغير بالقنوات ..وعلى العربيه استقرت لسماع الاخبار,,
وهاهو رنين هاتفها .. يخترق افكارها ..
خافت واخيرا اطمـأنت بعد ماشافت الشاشه ,.ساره ال---
هلا السلام عليكم
هلا وعليكم السلام
اخبارك الف مبروووك والله يسخره لك
والله بنعمه الله يبارك بعمرك تسلمين
انتي اخبارتس واخبار الدوام
الحمدلله انتي بشريني عنك؟؟
والله الحمدلله عايشه على حالي
الله يشفيك ويعافيك ويوفقك ويسعدك ويجعله فاتحة خير عليك..ترى وافقوا على الاجازه بس 3 شهور
الحمدلله عسى تكفي بس
ان شاء الله متى السفر
اخر هالاسبوع
توصيني شي عندي حصه مراجعه اللحين
سلامتك والله سلمي على المعلمات وفصلي امانه
ابشري وصل
باي
باي
------------------
في الجامعه --
تحديدا في الكافتيريا..
جلسوا وكل وحده تاكل بهدوء وتتحاشى ان تتقارب نظراتهم لبعض..
افنان بابتسامه--ترى والله مو لايق عليكم الزعل خخخخخخخخخ
نورهxxريناد
ماعطوها اي اعتبار ..وكانهم ماسمعوها..
افنان بضحكه --تدرون اني ضايعه بينكم ؟؟؟
نوره xxxريناد---عطوها نظــــــــــــره..
افنان--والله صدق مدري من ابركب معه بعد ســــــــــاعه ..ههههههههههههههه
ريناد-- وش ماتدرين من تركبين معه ؟؟كلنا بنركب مع نايف
نوره بعصبيه--اركبي لحالتس انا سواقي ولا ناجي اي احد يجي ياخذني ..
وبصوت واطي مملوئ بالقهر--ولا اركب معه ..
ريناد--انا مالي شغل اجل تحملي اللي بيجيك
نوره بسخريه--يعني وش بيجينيـــــــ هاه ؟؟
افنان بضحكه -اووووووص فضحتونا الله يفشلكم
وبعد لحظات ..
نوره اغلقت تغليف الساندوتش مثل اللي انسدت شهيتها ..
ريناد تركت الساندوتش وفتحت كندر وابصم لكم انها ماكانت مشتهيتها لان واضح عليها وهي تاكله ..
افنان فاطسه ضحك عليهم--الزبده اني ضايعه بينكم هههههههههههههههههه
---------------------
في المواساه --
ساره بهدوء بعد ماسكرت من فيصل اللي قال--ها شلونتس اللحين ..
ساره--الحمدلله
فيصل--كشفتي ولا توتس
ساره--لاتو
فيصل--اممم اجل وافقتي لحصه وانا ماتروحين معي
ساره--اممم لا مو كذا
فيصل--اها ادري ههههههه احرجتس بس صدق انا زعلان
ساره--لا تمزح
فيصل--لا صادق زعلان
ساره تقصر صوتها --ليش
فيصل--عشانتس ماتبيني
ساره بحرج من حصه وعبير اللي بدوا يسولفون عشان ماتنحرج منهم--من قال
فيصل--انتي
ساره--انا
فيصل--اي
ساره--متاكد
فيصل--اي
ساره بتعب--هههههه
فيصل--جعله دوم الضحكه بس عادني زعلان
ساره--امر شتبي وارضيك
فيصل--امممم شي
ساره--شنو
فيصل مايدري شنو الطلب بس حب يسولف معها--صعب عليتس
ساره بهدوء --انت جرب ماعندي شي صعب
فيصل--اكيد
ساره وهي تحس بنغزات --امم اي اههه
فيصل--بسم الله عليتس وش يوجعتس اللحين
ساره--ــــــــــلايوجد رد
فيصل --السوري
ساره وهي تمسك اسفل بطنها وجنوبها --لبيــــ ه اس مع ك
فيصل بقلق--خلاص اجل اخليتس طمنيني اوك
ساره--اوك
ساره وهي تدخل الجوال بشنطتها --لو انكم خليتوني في بيتي اريح والله بتنزل هي صح مانزلت بقوه كعادتها بس بتنزل لو اني ريحت شوي
حصه-- ماعليه تعطيتس حبوب تنزلها وتعدلها هي كم لها وهي كذا؟؟
ساره --من قبل لا اجي
حصه--يعني بكم؟
ساره --قبل بيوم ابد اصلا يوم شفتها قلت لفيصل خل نعود
عبير -- اها يمكنتس شاربه بارد ولا ماشيه حافيه ودخلتس برد؟؟
ساره --والله مدري ؟
حصه --كان مانفعت حبوبها رحنا البيت وزينت لتس يانسون وانشاء الله ربي بيعافيتس..
النيرس اعلنت طولها وسطهم --مدام ساره ال بندر
عبير --اوك هنا هنا
النيرس--ياله تـألي مدام
بعدها قاموا ثلاثتهم ودخلوا معها ..
---البارت الثالث والاربعون--
---------------
طلعوا وبس ركبوا ..
مروا محل شوكلاه وورد ..
وجا يحطها ورى لمح كيس كبير فيه <<<<<<<الجاكيتين ومجموعة العطور اللي جابها لهم (امممممم نسيت لارجعت وديتها لهم ..)
حركو ا بسياراتهم للمواساه --راكان يضيع شوي عكس فلاح اللي واثق من الشوارع والمخارج--
دخلوا وشافوه وخذوله صور بجوالاتهم وراح فلاح يسلم على هند ورجع
راكان--الا والله يشبهك شف خشيمه ههههههههه
فلاح وهو متضايق ان ممنوع الدخول وليه ابوه داخل له --امش امش ندخل عليهم ماعليك امش
راكان--لاياخي لاتضرهم تراه لمصلحة الطفل يالله عليك
دخلــــــــوا
الا النيرس اللي ترضع طفل احمر حماره حمار شامي -- ممنوء ممنوء لالا روه برى
فلاح--بليز ون منت
راكان--اعجبه الولد الشامي وجلس يلمس راسه
فلاح--تعال ياخي هذا ولدنا مانبي ذا الاحمر هههههههه
راكان وهو يشوفه--ماشاء الله تبارك الرحمن والله كله انت ههههههههههههه
فلاح--ياخي عليه جمال هههههههههههه
راكان --رجعه رجعه تكفى لاتطرحه
فلاح--اعرف له وش قالولك ههههههههه
النيرس جيب جيب ياله ياله برى
خذته وهي معصبه --هدا مسؤول انا
فلاح--اقول ترفقي على ولدنا بس ههههههههه ياحلوه حلواه
راكان--اي ماشاء الله يارجال يازين الحضانه
فلاح--انت عاجبك الاحمر ههههههههههه
راكان --الله يخلي كلن لاهله
وطلعوا وهم يعلقون على خشيمه وعيونه وشعره وحتى اذانيه ماسلمت من القز ..
وبالمواقفــــــــــــــــــ..
فلاح -- انا مواعد فيصل بجيه بالشركه لاخلصت تعال نتغدى جميع
راكان وهو اللي ناوي يروح عندها -- مدري يمكن مو اكيد اجيكم ..
وقف راكان عند بيته وهو اللي لا ارادي من اول مايدخل شارع يشوف بيت ابوه ناصر قبل بيته ولاتسالونه ليش ..
وهذاهو دخل وعرف ان العمال لازالوا ولازال اصوات التكسير والتركيب مسموعه ..
رفع ثوبه وبدا يطلع درج البيت بسرعه وخطوات طويله ..
يابو مصطفـــــــــــــــــى
ايوا ياعم
خلصتوا؟؟
لاواللهي حنروح نتغدى وبعد صلاة العصر نرجع نكمل هو باقي حاجه بسيطه بس ايه رأيك؟؟
اي اكيد كم لكم من ساعه اوك العصر العصر
خلاص ياله لاني بقفل البيت وعالعصر اجي افتحه لكم..
ماشي ..يالا ياولاد
نزل ونزلوا وراه
لمح برادات الشاهي والقهوه
تذكر ..
التفت على ابومصطفى--تقهويتوا
اه واللهي كتر خيرك ياعم
هز راسه بالايجاب ..
طلعوا وقفل الباب وشافهم يحركون ..والى ان ابتعدوا وبعدها التفت على بابها ..
(مدري
اروح لهم؟؟
بس ماظن بتطلع
طيب والجاكيت والعطورات
اممم
عبير ياليل انا ابي اعطيها بنفسي ..
ابي اشوفها..
احس اشتقت لملامحها ..
لهدوءها
لحياها
لربكتها
لصدتها
لغموضها
اشتقت اكون بجنبها اشوف جلستها
يتعبني ضعفها ..
يقتلني حزنها..
احس انها محتاجتني ..يعني مو انا ..بس انا اللي متاكد انها ماراح تلقى كثري محـتـــــــــــــاج لها.. )
شل طوفريه القدوع والبرادات القهوه والشاهي ونزلها عند غرفة السواق وطق عليه وقال دخلها على البيت ..
بعدها راكان ماعاد تحمل يواجه اكثر ..حرك سيارته وطلع على طول من الحي ..
يشغله اشياء كثيره فيها ..
غطاها منه ..
جفاها له
رسميتها بالتعامل معه..
صدها له ..
حتى السفر لوحدها معه رافضه ..
مدري ليه تعاملني كذا ..يعني مغصوبه علي ..
ولا عشان تعبها وكون اني بالخارج وافقت علي ؟؟
طيب ليش هالتعامل ..
انا والله ابيتس ..
احد يجاوبني هي وشفيها علي ..
ومن مراءة السياره رفع عيونه وعكست وجهه وجزء من رقبته --كنت ارى في راكان العصبيه والتوتر لاول مره ..
لايعلم اين الاتجاه الان فالساعه تشير الى 11 والنصف
جاء في باله على طول مالي الاهو ومن زمان عن مكانه ..خل اروح اشوف وش وضعه ..
------------------
عند عمل فيصل --وتحديدا عند باب المكتب ..
ناصروبيده اوراق--السلام عليكم
فيصل وقف وراح يسلم عليه --هلا وعليكم السلام شلونك شلون صحتك ؟؟
ناصر --والله بخير من الله
فيصل --الحمدلله تقهويت ..
ناصر --مانيب عايف قهوتك الا اذا عاد ابوعلي ماعاد هو اللي يسويها اذا من غيره مانبيها
فيصل --لا اجل ابشر بها
رفع السماعه <<<ابوعلي جب القهوه ابو سعود فيه ومخصوص يبي قهوتك
ابوعلي --حاضرين للطيبين طال عمرك
سكر منه ودقايق الا فلاح عند الباب --
فــــلاح --يامرحبا السلام عليكم
ناصر وفيصل--عليكم السلام
ناصر --شلونك يابوك عساك طيب
فلاح --والله ماننشد الامنك ..على ماتحب طال عمرك ..
ناصر --اجل وين اخوك راكان
فلاح --ابد تونا جايين من المستشفى ابشرك جاء على فهد عايد
ناصر --مـــــــــــــــــاشاء الله تبارك الرحمن والله غير مايتمم له غيري
فلاح --ماتقصر والله جعل خيرك في زود وبركه انا حالف ان مايتمم له الا انا حتى اني رديت راكان وفيصل بعد
ناصر --ماعلي منك ولا من راكان انا اكبر منك ومنه وعايد جعل عظتامه في الجنه ولو كان لي ولد كان ماترددت في سماوته عايد الله يرحمه ويغفر له
فلاح وفيصل--اللهم امين ..
دخل ابو علي يقهويهم ..
ناصر --فيصل شف يابوي ذي اوراق ابيك تسنع راعيها انا والله ماله مكان عندي
ولا ابوه لحيتن غانمه بس الولد مابه شهاده وابيك تسنعه باللي تقدر عليه ورد علي باقرب وقت
فيصل وهو يقلب الاوراق ويقرا الاسم --ابشر ابشر طال عمرك
ناصر وهو يوقف ويفرد شماغه ويعدله مره ثانيه--فلاح علم اخوك الغداء عندي اليوم كلكم ولا يغيب منكم احد وانت يافيصل لاتخلينا
فلاح--الله يرضى عليك ترى ماله لزوم هاللازايم والعزايم جعلني افداك بنحضر بليا لزوم كل مره
ناصر --مابه شي وانا ابوك ابيكم كلكم عندي ..ياله فمان الله
فيصل وفلاح--ماتشوف شر
---------------
في العياده --
الدكتوره --طيب ياساره هي الدوره..متاخره ولا ايه..
ساره وهي تلف طرحتها -- اي متاخره
الدكتوره--اممم هي بالعاده بتنزل بشكل طبيعي ولا ازاي
ساره-- لاعادي اول يومين غزير وبعدها عادي
الدكتوره --اممم طيب ياساره هي كم يوم بتجلس معاكي
ساره --خمس ايام
الدكتوره وهي ماسكه القلم--امممم وهي اليوم ده لها كام
ساره--الخامس
الدكتوره--طيب هو انتي بتخدي موانع ولا اي ادويه تانيه ..
ساره --لا
الدكتوره--ولا مستخدمه اي نظام
ساره --لا لانو ماحمل طبيعي لازم علاجات وحملاتي الاخيره بانابيب
الدكتوره --ولاهيــــــــ
حصه--اي وش حادها عالحلف ههههههه من تزوجت وهي لازم علاجات الله يرفع عنهاوعن المسلمين
الدكتوره--ماشي ضغطك مزبوط بس عاوزه اشوف نتيجة التحليل ونسبة الدم ازاي وان شاء الله مع الفيتامين ترجع الدوره لحالتها الطبيعيه
----------------
بعد ماطلعوا من المحاضره --
ريناد كارهه نفسها بس جات هاللحظه وهالمهمه اللي كانت طول الاربع ساعات الماضيه شايله هم هالحظه --
بس لازم مافي مفر ..
لازم تحسمها..
لازم رضا اخوها
ولازعل النوري
انــــــــــــــــا تعبت والله بينهم بتصل بس الزم ماعلي اخوي..
بس قبل خل اتاكد عشان مايقولون تسرعت ..
راحت للطاوله قربت عندها --
ريناد--بتروحين معنا ولا لاني باكلمه اللحين
نوره وقلبها يدق ومتوتره لكن في كبت مو طبيعي بس سمعت هالسؤال انفجرت--لأـــــــــــــــــ بروح مع ناجي كلمت خاله بترسله
افنان --متابعه بتوتر
ريناد التفتت على افنان--وانتيـــــــــ
افنان بابتسامه--والله مدري عنكم
ريناد--وش ماتدرين هو قايل كلكم وكان معصب مايمزح
افنان على امل ان نوره تغير رايها ونخلص من هالسالفه--اوك خلاص بروح معتس
ريناد-- اوك يعني بس انتي يالمعانديه اللهم اني بلغت
نوره --اي اوك درينا خلاص كلميه
ريناد توترت اكثر --ماتدري الا انو ماباقي وقت للتفكير ..الناس يطلعون
----------------------
وفي الاستراحه --
عبيرغارقه بافكارها --(وناسه يعرفنا مره يعني
والله يابخت اللي بتاخذه رزه وكشخه وثقل اجل ذاك اليوم كلهم يرقصون الاهو
ووواو يهبل يرفع عقاله ويحب خالاته مدري عماته
صراحه انه رجال
الله يجعل نصيبي مثله
يصلي
ويحب اهله
وثقل
ويحب الدراسه
وعز
وامه حتى حبوبه واضح عليها
بس انه مايشبه العنود ولافهد
والله اني افكر في اللي فالعرس ذاك اليوم مافي احد حلو من البنات
يعني من بيخطبون له ؟؟
صراحه يبيله وحده ماتجي اقل منه في الجمال
ووالله اني مانسى ذاك اليوم ابوي ناصر يمدحه يقول صلى معنا الجمعه وهــ بس عاللي انت من نصيبه ..بالعون انها بتتهنى ..)
ساره تسولف مع حصه عن اللي متقدم لعبير --
عبير امس قرت دعاء الاستخاره بعد صلاة العشاء بس مارتاحت --وتسمع سوالفهم وهي تحس بضيقه انها ماتبي احد يقنعها فيه ..
النيرس--مدام ساره تألي
قاموا الثلاث كلهم ودخلوا عليها مره ثانيه
---------------------
هناك عالطاوله --
افنان --اممم النوري اقصري الشر وخلاص
نوره --افنان حسي فيني والله ماقدر اركب معه
افنان تعاطفت ان نوره واخيرا قررت تناقش احد-- ادري بس خلينا نقصر الشر اليوم
نوره --مستحيل اركب معه يعني وش بيسحبني من الجامعه يدخل اذا يقدر خله يمشي وراي مثل الصباح الحمدلله بس
افنان--استغفر الله والله احسه بيعصب مايصير بعد انتي من اللحين تعاندينه
نوره -- افنان بعد مايصير يتحكم فيني جد انه حريد اقول مصدق اهو ترا تونا عالبر
افنان بضحك --وشو بره اقول ترا ملكه خلاص مابعدها شي ان شاء الله لو مايتزوج هههههههه
نوره --انا مانيب رايحه روحي انتي بسلامتس اما انا مانيب راكبه
افنان --استغفر الله
-----------------
مكتب نايف--
راكان توه داخل عليه --لاماشاء الله تغير الله يرحمك يابوي خالد ويجعل مثواك وابوي وامي بالجنه
نايف--اللهم امين
راكان --وش عندك اللحين ؟
نايف --ابد خلصت بس قبل لاتدخل كلمني ابوي ناصر وقالي ابلغك ان الغداء عنده
راكان تذكر بيتهم --اههاا على خير
نايف --اجل زين بيخلصون العصر من المكيفات
راكان --اي ان شاء الله يقوله والظاهر باقي ثلاثه بس
نايف --اها
راكان --رفيقك اللي بيصلح الجواز كلمه بالله وقله العصر بنجي ناخذه
نايف--لايارجال كلمني هو الصبح وقالي انا امرك بكره واعطيك اياه لاني تو ارسلت له البيانات وصورة العائله
راكان --بكره بكره
نايف--انت وراك عجل هههههههه
راكان بجديه--ابي تتعافى ودامنا هنا مابه علاج
نايف --طيب انت ماوديتها قراي
راكان --ودي بس
نايف --ماعليك خذ خاله ولاعبير كل يوم بعد المغرب يقرا عليها شيخ هنا في الراجحي
راكان --اممم اللي وين
نايف-- اللي على الدائري
راكان --على خير ابقولها واشوف
نايف--اي ولاتجلس كذا والقرايه ان نفعتها ولا ماتضرها
راكان--وانت صادق
نايف --اجل ياله نتوضا وبعدها اروح اجيب البنات من الجامعه
راكان--من البنات
نايف --ريناد اختي وبنت ابوي ناصر وبنت فيصل
راكان--المعزبه ههههههههههههه
نايف ابتسم وماطول --ياله توكل على الله
وطلعوا من المكتب
وهم يركبون سياراتهم --
رن هاتف نايف--<<<<<<<<<<renad
اوه عسى ماتاخرت عليهم
----------------------
في العياده --
دخلوا--السلام عليكم
الدكتوره مبتسمه وكل شوي ترفع الورقه وترجع تبحث عنها بابتسامه --اهلا وعليكوم السلام
حصه جلست عالكرسي --لا اله الا الله ها بشري يادكتوره اربتس مبتسمه عشانا
الدكتوره--ايه واللهي عشانكوم بسم الله ماشاء الله تصدقوا بالله
ساره حست بشي غريب-- ــــــــــــــ
عبيراللي توقعت ان احد المرضى صاير عليه مقلب وبتقوله لهم --وشو ههههه
الدكتوره --طيب احنا كلنا بنسدق بالله ان شاء الله والف الحمدلله على نعمتوه واللهي ديــــــــ ساره حامل
عبير وحصه التفتوا عليها --ماشاء الله
ساره بابتسامه وبصعوبه ولحظات تجمع الدموع بعيونها --الحمدلله
الدكتوره--اه واللهي الحمدلله بس ياحبيبتي معاك نزيف مش اوي وهي اللي كونتي بتقولي دوره لاه ارتاحي والزمي السرير
وماتتحركيش وبصي كمان ارفعي رجليكي على حاجه زي المسند او المخده القاسيه
ومافيش جماع ولا حتى حاجه من برا لبرا لاه خليكو حبايب هههههههههههههه
هو انتي عندك كم؟؟
حصه--عنده خير ولله الحمد
اها واللهي ماشاء الله
عبير التفتت على ساره وبسرعه وقفت وهي تدخل ايدها بشنطتها --ببشر فيصل
ساره لاااااااااااا تكفين
حصه بنظره غضب--- والله ماتعلمينه عبوور لا تعلمينه حلفت انا
الدكتوره --ليه خليها تفرحوا جوزها روحي يابت فرحيه وخودي الهديه ههههههههههههههههه يبقى جيبي لي حلاوه هههههههههههههههههههه
حصه --ابشري بالخير عطينا علاج طيب
الدكتوره بضحكه--طيب هو مسبتات للحمل وحمض الفوليك والفيتامين ماشي وتعالي ليا بعد اسبوع ماشي عشان اشوف الدم وانشاء الله يوقف
عبير طلعت معهم وهي مكتمه --وبالممر تكفووووووون خلوني ابشره
ساره--تبين البشاره ابشري بها بس لاتقولين له
عبير فاهمه خالتها لانه تعرف انها هي تبي تبشره ويطلع حركه --بس خاله انا ابي ابشر احد لو مره بحياتي تكفين
ساره --الا فيصل حبكت ههههههههههههههههه
عبير --حرام عليكم بنجن والله ابي ابشره انا
حصه--جعلتس تبشرين نايف بحمال نوره
عبير--ههههههههههههههه
ساره----على خير ههههههههه..خل ادق اطمن فيصل ..<<<<<<<
هلابك
اي عطتني علاجات
بتتغدى وين؟
اها
اوك
انا رايحه البيت
اوك باي
-------------------
نايف وهو يشغل السياره --
نايف--هلا
ريناد--هلا فيك
نايف--طلعتوا؟
ريناد--اي على بال ماتوصل نكونـــــــــــــ
نايف--اها جاي جاي فمان الله
سكر والحقيقه ان ريناد ماسكرت ولا وهاتفها لازال بالقرب من اذنها ..
مصدومه ..
ليش ماقلت له..
ماعرفت اتكلم..
ولا مابيها تزعل..
ولا ابيه يزعل..
بــــس
الظاهر انهم بيزعلون ..بس مو مني اذا جاء وركبنا قلت حرك واذا قال باقي وحده لالا بس اخاف ماينتبه ان باقي وحده ؟؟انا بينجن منهم استغــــــــــــــفر الله
------------------
وبالسياره راجعين --
حصه --السوري تعالي عندي ببيتي وانسدحي على الاقل ذا الاشهر ..
ساره --لا صعبه والله العيال ودراستهم واختبارات وفيصل وين لا مهوب صابر بدوني
حصه--ماعليه كلها فتره وش يبي بتس ههههههههههههههه ماتسمعين الدكتوره
ساره--وهو بس كذا انا عارفه فيصل لازم انا عنده ياحصه لازم وتعرفين صعبه اولهم النوري مهيب جايه
حصه--وليه ماتجي مهوب حولها هو وحتى بياكلها واااااااافديت عينه خله يمقل عمره هههههههههههههه ماعليتس منها انتي بس تعالي واللي يبيتس بيجي عندي
ساره--لا والله تكفين صعبه
حصه --واني عارفه منتيب قاعده بتتحركين
ساره--لالا ان شاء الله
حصه--عادني بشوف والله مابي الاعافيتس والله يتم علينا وعليتس
ساره--عبيربتروحين لال سعود
عبير--اممم لا لغرفتي بنام ولاجا العصر بتمرني اريج نروح نقضي
وعند بيتهم --
نزلت عبير
حصه-- بروح معتس ازين سريرتس تحت واغراضتس وبعدها بعود عشان اغديتهم هم اعود عليتس مرة ثانيه
ساره--يالبى قلبتس بتعبتس معي عندي الشغالات بيقومون بي
حصه--ادري بس لازم اعلمهم وهز لتس مهوب عارفين
ساره--الله يخليتس لي ويعطيتس الصحه والعافيه
-----------------
عند باب الجامعه --
وهو ينتظر اللي في موقفه المعتاد يطلع عشان يجي مكانه عشان البنات صاروا عارفين مكان سيارته ..
طلع نايف تيلفونه واتصل <<<<renad
ريناد بربكه --هلا
نايف --ياله انا برى
ريناد--اممم اوك
سكرت والتفتت عليها نوره للمره الاخيره اقولتس نصيحه دام ناجي مابعد جاء اركبي معنا هو برى ومابعد قلتله
نوره وهي تحكم طرحتها وتتراجع للكرسي --لا روحوا وان شاء الله يقتنع اني ماقدر اركب معه
ريناد تغطت --اوووك اوك
يالا افنان بسرعه
افنان تقرب من نوره تكفين ياله والله احس بيعصب ..
نوره --انتوا ترا بالغتوا ترى هو عليه حالات ودامه ماحس بشي لاتحسسونه
افنان --اوووووف طيب استعجلي ناجي ياله
نوره اوك
باي
باي
-------------
طلعت افنان متوقعه ان ريناد راحت ..
استعجلت بسرعه الا اللي تمسكها تسحبها --تعااااليـــــــــــ
افنان باستغراب--ها مارحتي
ريناد بعصبيه --ها عادها معنده؟؟
افنان-- ايه مافي امل..
ريناد بصوت واطي --والله خايفه منه هو قايلي كلكم وانا مابيه يعصب
افنان--طيب شنسوي..تدرين النوري تقول مهوب حاس
ريناد--شلون ؟؟ خبله هيــــــ
افنان--مدري طيب على بال انها نزلت معي قولي انها نزلت
ريناد--لاااااااااااااااا صدق انكم مهبل
ريناد تذكرت انها مرات تشوفه يلمحهابالمرايه --امشي بس .. قفلت معي ترى يصير اللي يصير هي جابتها لنفسها
ركبوا السياره وكعادته مايحب يركز فيهم كم هم او من باقي يعرف انهم بعد اول مره صاروا يركبون سوا..
جو السياره ريحته الساحره --
والتكيف مره اوك..
ورزته بديت اقتنع انه مهوب بس وسيم الا عريس ..
ريناد تتصنع الثقه --السلام
صوت الباب اللي خلف الراكب تسكر يعنـــــــــــي
وفعلا فهم نايف وحرك --
ريناد خافت ولازال الخوف يزيد اكثر من قبل ..لانو قربوا يطلعون من مواقف السياره وهو مايدري
(ياربيــــــــــ عدي هالنهار على خير ..)
قررت تميل عليه وتقصر صوتها عشان اذا كان فيه ردة فعل من المتوقع يضبط نفسه قدام افنان --
اممم نايف
هلا
ترى نوره بترجع مع ناجي
فجـــــــــــــــــــأه صوت الفرامل ..التفت عليها هي وينها ؟؟؟اللحيــــــــــن وينها ؟؟
--------------------
في بيت ال عايد --
فلاح--السلام عليكم عالبركه عالبركه قلت مانيب زاهم عليتس بجي اباركلتس
طفله ام فهد --يامرحبا عليك السلام يبارك بعمرك جابيلي نفداه الصورفي الجوال وشفته ياماشاء الله
كله انت ابد كل من شافه يقول انت حتى امه وخواله ههههههههه
فلاح--اجل ماعليه خلاف يكفيتس اسمه جعل الله يغفر له
طفله--اللهم امين يالبوش ان غدا لعايد مات وعاد صيته كلن يحتسي به بالطيب الله يرحمه
فلاح --انا بروح معزوم عالغدا عند ابو سعود ناصر
طفله--ايي طيب لاجا عقب العصر بتوديني ولا فهد يوديني صوبهم
فلاح--ابشري ان وداتس ولا رحت بتس..
بسم الله --
لم يجف قلمي غدا يكمل ويكشف لنا اسرارهم
كل الود مني لكم
صبى الاوراق
|
27-09-09, 09:12 AM
جديد مواضيع قسم القصص المكتملة (بدون ردود)
العرض العادي
