بسم الله ..
قراءه ممتعه ومفيده..
---البارت الثالث والثلاثون---
شيخه وهي تفتح الباب -- السلام عليكم صبايا
الاثنتان -- وعليكم السلام ..
اروج قايمه.. ايووه ..وشلونتس اليوم؟؟
عبير انسحبت لانها حست خالتها بتكلمها..
شيخه وهي ترتب مفرش اريج-- اروج دريتي ان راكان جاي بالطريق..
اريج بجديه وثقه-- لا ..هنيتس عقلانه
شيخه -- الله يسلمتس
مهما كان قلب الام في تلك اللحظه .. فهو يحمل ارق واصفى مشاعر الفرح والغبطه لابنتها بكرها ..
بنتها تعلن لها نضجها ..واستعدادها لحياه جديده مثلما صنعتها انا وابيها ..
شيخه ..هل ابنتك استعدت لصنع تلك الحياه التي اعلنتي بدئها بدون رايها وموافقتها .. فهل تعذرك الظروف لان تعلني موافقتها ؟؟ دون الرجوع لها ..
شيخه حيث شعور غريب يسكنها -- طيب وش رايتس فيه لانه خاطبتس ..
اريج بدون لاترفع نظراتها-- اللي تشوفونه يمه ..
شيخه -- حنا موافقين بس ابي اعرف رايتس فيه ؟؟
اريج تقهر غصه تريد كشف ماتستر اريج بداخلها-- يمه راكان ماعليه رجال .. والف بنت تتمناه ..
شيخه بضحك-- وشهوووووووو بسم الله عليه مانبي الالف بنت .. قولي يبي بنت تسوى الف بنت ..
اكملت قائله--وماعليه يكفيتس تحمله لمسؤولية نفسه .. وتعليم .. وصلاح .والله يسعدكم ويسخر كم لبعض يابنيتي ..
اريج--ابيتس بكره تروحين مع البنات تشترين كل اللي بخاطرتس فيه ..
اريج--وش اشتري ..
شيخه--كل شي عشانتس بيعرس وياخذتس برى تعالجون بسرعه وينجز دراسته وتعودون ولاعودتوا سوينها عرس ( ن )كبير .
اريج تطـــرد عبره تكسر قوتها لتقاوم ضعفها-- بسرعه يعني..
شيخه--اي يابنيتي مامعه الا تالي هالشهر ؟؟ وابوتس شرالكم البيت .. علمتس عبير صح ؟
اريج --ايـــــ على خير
شيخه--لاتشيلين هم لتس من الريال للمليون بس اطلبي انتي ..
اريج--لايوجد رد..
شيخه حست انها انحرجت منها ..
فقررت ان يكون اكمال الحوار مع عبير..
يمكن ان يكون ممتع ومفتوح اكثر معها دون والدتها ..لانها ترى توتر وحرج اريج اللي بدا يعلن الصمت لوالدتها..هكذا فسرت شيخه صمت ابنتها..
شيخه--الله يكتب اللي فيه خير وصالح ..لاتنسين يامي من بكره روحي تقضي ..
اريج--يمه
امها--لبى قلبتس
انا بكره مو فاضيه بروح للدار انا مابي اقطعهم من اللحين ..
شيخه وهي تتفادى الامر--اممم عبير بتوديتس .. خلاص اذا طلعتي من عندهم روحوا السوق وبخلي البنات الباقين اذا تبونهم يجونكم ..
اريج --لايوجد رد
------------------
شيخه في الصاله -- امي عبير جاو الرجال ..
عبيرباعجاب-- ايــــــــــ يمه يمه شفت راكان تغـــير بسم الله عليه
شيخه تركض للشباك بجوار عبير -- وينه وينــــــــــــه
عبير بابتسامه--دخــــــــل
شيخه --يوالله ..الله يصلحتس ماناديتيني .. اشوووفه اتصلي اتصلي ابي اشوفه
عبير-- طيب طيب.
ركضت لداخل حيث اريج اللي بدا الي وجهها يشير انها تكتم الكثير والكثير عما تشعر بداخلها ..
عبير اخفت ملاحظتها لها وهي تقول -- ارووووج ماشفتي تيلفوني ؟؟
ناولتها جهازها بهدوء ملحوظ ..
عبير كانت تعلم ان خالتها رمت سهامها على اريج..
فقررت الرجوع فورا لمشاركه اريج ..ومحاوله مساعدتها ..
وان كانت لاتستطيع في الاونه الاخيره فعل شي تجاهها ..
حاولت القيام وبقهر استطاعت.. لتذرف دمعات قهر وعتب لما هي عليه الان ..
حقيقه ان ماتحس به .. لاوقات وان تكن مؤقته لكن لاتهمل اريج بين الوقت والاخر ان تعلم ان مااصابها هو من عند الله ..
ومايرفع الباس الا رب العباد .. سبحانه
يارب لاتحوجني الا اليك ..يارب اكتب لي الخير.. يارب لاتحمل احدا هما(ن) لي..
--------------------
في الصاله--
شيخه بفرح--اتصلي اتصلي عليه خليه يجي .. ابي اشوفه هههههههههههه يانفدا عمره .. تلقينه كبر ..في الصور شيفته زينه ..
من يغدي شين عليه .. هااا خذي جوال اتصلي منه هاتس
عبير--لالا الله يهديتس خذي خذي اتصلت ..
عبير راحت تتاكد من شكلها بالمرايه طارده افكارها حول اريج..
اللي كم تمنت لو تذهب اليها وتقول شوفي راكان لو من ورا الباب ؟؟..
لكن حال اريج لايسعف ان تسمع بمثل تلك الاراء..
<<<<<<<<<<<<<
الوو
الووهلا يابوي تعال تعال نفدا عمرك خلني اشوفك ..
هلا بتس اكثر ابشري يالغاليه ..

عبير بصراخ عالدرج -- ميس الوووو تعالوااا شوفوا راكان بن محمد بيدخل ..بسرعــــــــه
واردفت مقهوره--ياليت امي قد وصلت اوووووووف من البنات اخروها ..
شيخه وهي تلبس شرشفها وتزين برقعها --تقول جننوها ماناموا الا متاخر الله يهديهم ..
صوت الباب يطق بمفتاح-- ياولــــــد..
شيخه من فرحتها كانها تصارخ-- وافديت هالطول ..يامرحــــــــبا بك يابوي ..الله حييه.. اقلط وانا امك ..
شيخه بس شافت هيئته .. بكت وهي تتمايل على جنب عشان يدخل الصاله يامرحبا يامرحبا
راكان يبدوا جادا ويخفي حرجه وتوتره لشيخه-- الله يسلمتس ويطول عمرتس..
شيخه--بسم الله عليك.. ماشاء الله ..زاينتن صحتك ..
راكان--ههههههههه الحمدلله ..انتو خابريني يومني صغير ايــــــه ياكم مرت ايام ضعفنا وانتكسنا بعد ههههههههههه الله يعين
شيخه بلهفه--واربك طيب وحالك زين ..
راكان وهو يرد تفاجا بالبنت اللي دخلت .. وقتها لم يقف مايدري ليه ..وبس شاف البنت وسمع صوتها-- توجهت له عرفـــــــــــــــــــــــــــــها
راكان باستغراب--ماشاء الله .. ماشاء الله ..عبير ههههههه
شيخه بابتسامه--اي تغيرت عليك اجل ..
راكان--الله الله.ايـــــــــه متى اني خابرها ..والله ابخيرانتي شلونتس .. اجل وين امي حصه ؟؟
عبيراللي تطرد ذكريات ماحدث اليوم على مسامع راكان --مابعد جات في الطريق ..
سمعوا صوت قادم من ملاحق الرجال الخارجيه اللي الصاله تطل عليها ..ياولــــــــــــــد
راكان وهو ينزل فنجانه ..الله حييه هذا ابوعايد جاء .. انا استاذن ..كثر الله خيركم ..
شيخه بفرح-- فداك يابوي فداك
عبير سمعت او ماسمعت (يعني فـــــــــــــــــــلاح بشوفه اليوم بعد ههههههههههه ياويلــــــــــــــي)
---------------------
في الحوش -- حيث ملاحق الرجال ..

راكان يضم فلاح اخوه وصديقه وانيسه في غربته ..ونايف وابوه ناصر شهدوا على العناق الحار على فراق يومان فقط..
شيخه تحب تشوف -- جات بجوار عبير وعلى الشباك -- يامــــــــــــــــاشاء الله امحق زيون اجتمعوا المزايين .. يافديت عمارهم
عبير التمعت عيناها اعجابا بذلك الشخص لليوم الثاني على التوالي ..
وكان الله يكتب لها ان تراه مره اخرى لتبني احلام جديده للزوج بمثله ..
دخلو الخيمه اللي اخفت المزايين عن الانظار ..
ميس والو.. ابدوا اعجابهم لابن عمهم الذي عهدوه لاول مره امام انظارهم .
-----------------------
عالغداء جات حصه والبنات مع ناجي ..
بندر الاخر راح يجيب عمه وخالته على سياره نايف ..
وهاهم يتقابلون عن باب ال سعود .. حيث ودعوا فلاح اللي استاذن بعد دقائق ليذهب لتوديع اخته وعبد العزيز..
واخذ مفتاح الشقه من راكان اللي حلف انهم يقضون عسلهم دامهم رايحين للندن--
راكان بحزم--شقتي هي شقتك ..
فك المفتاح من مجموعه مفاتيح ليسلمه الى فلاح ..
لزم عليه فيصل اليوم بالاستراحه ..
فلاح الاخر كان لايعلم اين يذهب ليلا .. وكالعاده فيصل اعلن عودة تجمعاتهم ليلا ..مع فلاح ولا راكان مايدري عن شي بالسعوديه الا قبل سبع سنين ..
اريج اعلنت ظهورها للتو من غرفتها ..
نزلت حصه والبنات من سيارة ناجي ..
حنون ونوره الى امهم وابوهم اللي فضحهم شوقهم لابنائهم ..
نايف ترقب الوضع .. ولايعلم لماذا انسحب حينما ميزها عن اختها ..
وفيصل اطال في السلام على راكان اللي هو الاخر اوضح اشتياقه له ..
دخلت ساره بعد سلامها على راكان وبجوار بناتها اللي شافوا راكان لاول مره ..
ورهف الاخرى اللي نزلت من اكتاف ابيها الى امها على الفور ..
والرجال دخلوا الخيمه ..
---------------------
في الصاله--
ساره تفاجات باأريج عسى ماشر ؟؟؟ وش هالعصى .. وش فيـــــــــــتس ناحفه ؟؟
ساره اقتربت من اريج اكثروبقلقــــــــــ .. وش جايتس ؟؟ انا اقوول ماكلمتوني ليش ؟؟
شيخه --لا الحمدلله على ماجاء من الله ..
ساره بصرخه--وش صايــــــر..
شيخه سردت اللي صار وانه فجاه ..
واريج تتفرج على صبغة شعر ساره ولوكها الجديد تحاول ان تتغاضى ماتسرده والدتها على خالتها.

ساره بقلق--وشلونتس اللحين طيب ..
اريج--الحمدلله .. عايشين على هالمسكنات ..
ساره تعاتبهم وفجاه بكت.. يعني اذا مانيب عندكم ماتقولولي شي ..والله اني اقول فيكم شي ..
-----------------------
في المجلس .. جو الخارج والداخل عتاب لاهل البيت ..
فيصل الاخر يعاتب اخيه ناصر ..

فيصل بضيق--تتعب ولاتقولون لي ليشــــــــــــ ..
ويجي راكان من برى عشانها ..
وانا اللي يمكم ماتبلغوني ..
ماصارت شف حالك تعبان ..وحالتك حاله ..
ناصر بهدوء موجع -- ياخوك اليد الوحده ماتصفق وانت ادرى بوضعي .
راكان بجديه -- خلاص اللحين الوضع ماينترك كذا .. انا جيت ولازم نبدا في اجراءات سفرها ..هي عندها جواز..؟؟
ناصر بدون لايفكر -- لا ماعندها
راكان بحزم --خلاص بكره نقص لها الموضوع مافيه تاجيل ..
فيصل بقلق --وينها يعني هي تعبانه مره ..؟؟xxxراكان الاخر يتمنى هو من يعرف الوضع اكثر عنها ..
ناصر --اول اشوى تقوم وتمشي اما اللحين خاطي مرت(ن) اشوفها تمشي ومعهاعصاتها بعد..
فيصل بقهر-- لاحوول ولاقوة الا بالله ..الله يرحمك يابو نايف ..xxxراكان بصدمه ؟؟xxx(لا ذاك الوجه تعبان لهدرجه مايمشيـــــــــــ ..تذكر صراخها الصباح على عبير,,
اكيد انها ماتبي تتزوج وهي بهالحاله ؟؟)
بندر وراكان ونايف وناصر-- اللهم اميــــــــــن
فيصل - انا داخل اشوفها..
راكان تمنى لو هو مكان عمه فيصل ..بس سرعان ماتذكر غضبها الصباح عندما سمعت مكالمته ..ماموقفها منه الان ؟؟
اعلن بيت الشعرخروج فيصل -- عم هدوء ملحوظ على الجميع ..
بينما كان احداهم يرفض ذلك الصمت ليحرر جمله دارت بداخله فعرف ان الان هو وقتها..
بنـــــــــــــدر بابتسامه قاصدا باعتقاده تغير الاجواء--عالبركه ياراكان الله يوفقك انا اقول لامي ماجاب راكان عقب هالسنين الا العرس هههههههه
راكان اخفى الكهرباء المفاجئه له من جملة بندر (الكل درى ؟؟؟وش السالفه)ونايف اضاف مباركته له-- الله يبارك بعماركم .
راكان عرف ان هذا وقته--يابوي انا والله باغي قربك ..الى وقت رجعتي واستعدادي للعرس ..بس الله كتب وقدمه ومابه شي الا بموافقتك ..
ناصر بحزم وثبات اكثر--هي لك وانا ابوك والبنت ان ماكانت زوجتك فهي اخت(ن) لك .. وانا سلمي ماجبر احد على شي .. كيف لموضوع مثل ذا ..وانت يابوك ماترضاها اكيد ..
راكان فهم قصده المفاجئ له--اكيد يابوي ..xx نايف الاخر تفاجأ ان الموضوع مابعد تم كليا ؟؟ xxفي المقابل هل ممكن ان ترفض نوره نايف ..وبسرعه لمعت شموع غضبه( مابقى الا هي بزر ترفضني..)
ناصر تنهد -- اليوم ارد لك خبر وان الله كتب ملكنا اليوم ..
والاجراءات نتممها وتسافر بها اخر هالاسبوع ان شاء الله..
وان الله ماكتب هي مثل اختك وتسافر بها انت وعبير ونايف(ن) اخوك..
نايف وراكان -- على خير..

-------------------------
امام مدخل بيت ال سعود..
فيصل تنحنح--وطلب الدخول .. المطلوب اريج وهذاهي امامه لكن لم تتقدم الا خطوه واحده ..
تحسب وذكر الله كثيرا.. وشلونتس اللحين..
اريج بابتسامه-- بخير خوفوك هههههههههههههه مافيني شي..
فيصل بهدوءموجع--طيب خذيتوا غسال وتمسحتي به ..
شيخه-- الله اللي يشفي ..
فيصل بجديه اكد النظر لعيناها--اسمعيني تروحين لقراي من بكره تسمعين ..
شيخه كان ودها تتكلم بس لاجدوى ..
اريج بابتسامه -- ان شاء الله وش اخبار الامارات ..
فيصل يهدا من قلقه -- ماعليها اسالوا الغزال تعلمكم ..هي وينها .. ساره ساره
حنان -- فووق فوق عند رهف وسعودي
فيصل بضحك -- سعود زاينه صحته ..
شيخه -- اي الحمدلله مستانسين وماعليهم شر ..
------------------
في المقابل للكنب اللي جلس عليها فيصل واريج--
التفتت ريناد على نوره وافنان --
يووه يجنن وش ذا العرايس راكان يهبل واروج بعد وش بيصيرون عيالهم ..
نوره وافنان--ماشاء الله
افنان-- تراني اتذكره ..كان نحيف واسمر ..ماشاء الله ياليت اروج شافته..
ريناد بابتسامه وبلاوعي -- وناسه ذا السنه بيصير عندنا زواجين ..
نوره وافنان --عطوها نظره من زواجه الثاني ؟؟
ريناد بقلق--ها اممممممم انا انا بتزوج هههههههههههههه
نوره--من بتاخذين هههههههههههههههه
افنان -- رنو رنو خذي صديق راكان خخخخخخخخخخخخخخ
ريناد--واووو وناسه بس بيهبلون فيني الاجنبيات هناك ..وانتوا تعرفون انا اغار هههههههههههههههه
نوره وافنان --ههههههههههههههه
-----------------------
صلو العصر وفي الطريق للبيت التفت فيصل على ناصر ..
فيصل بهدوء--ترى نايف خطب النوري بنتي وانا وافقت ..
ناصربابتسامه -- جعله مبارك الله يوفقهم اجل اسمعني ..كان اريج وافقت على راكان.. اليوم نملك عليهم..
فيصل بهدوء-- بس مدري عن نايف ..متى يبي عرسه؟؟..
ناصر بهدوءملحوظ--انا ابي عرس اريج بسرعه مثلك عارف السفر يجبرنا ..
فيصل برجوله --مدري انشده ..!!
التفت ناصر على راكان ونايف اللي يمشون وهم متعمقين بنقاش عن اوضاع الشركه اللي اعجب فيها راكان ..
وقف ناصروانتبه الاثنان له -- نايف عالبركه ماسرت فيه ..الله يوفقكم ويكتب لكم الخير انت واخوك ..
نايف بهدوء تقدم لأبيه ناصر وقبل راسه بأمتنان -- الله يبارك بعمرك وايامك ..
ثم اردف راكان بابتسامه -- ماشاء الله بتعرس .. اخيرا هههههههههههه منهي منه ..(مستبعد ان تكون من ال سعود بناء على ماوصله عن نايف)
فيصل بمزحه المعتاد معهم --وشهو ياخذ من برى وبنتي فيه .. بياخذ نوره بنتي -- ياخي نبي نورثه مانبي الحلال يظهر لغريب ههههههههههههههه
ناصر -- اوووص اوص ههههههههههه فضحتونا لايسمعونكم اللي ظاهرين من الصلاه ..تعالوا معي شوفوا بيت(ن) انا شاريه بيت ابو محمد شريته ..
فيصل تفاجأ-- وليه وبيتك ..!!
ناصر برجوله وهو يمسك بيد راكان من معصمها -- بيتي بيته .. بس ابيه يستقل لحاله ولامن عود على خير .. لينه يدري ان له بيت خاص به ولابيوتنا كله مفتوحه له..
فيصل عرف ان شرا البيت لراكان --يستاهل ابو سعود يستاهل ..

راكان برجوله يقبل راسه-- جعل يكثر خيرك يابوي .. والله ان ولله الحمدعندي خير(ن) واجد ..xx قاطعه ناصر -- شف يابوي كذا ولا كذا انا ابي لك شين تملكه هنا..
لاجيت تنصاه عينته ..
انا داري باللي في خاطرك .. وماودي تفكر كثير.. ( طفايس )الدنيا تروح وتجي ومايسوى الرجال يشتحن عليها..
ناصر ذكر اسم الله وهو يفتح باب البيت للمره الثانيه اليوم .. حياكم ..
اعجبهم البيت اللي ماقصر ابومحمد في تنظيفه وتجهيزه لهم .. كما اثنوا عليه ودعو له..
مر فيصل على نايف في احدى الغرف --اجل يبيلي اعطيك بيت عشانك ماخذ بنتي بعد..
نايف ماتفاجا من مزح فيصل--من يقول اني ابطلع من عند اهلي .. ذاك بيتي واللي يبيني ..يسكن معي في بيتي ..
فيصل بمزح يدعي الغضب -- يعني حتى لو تقول مرتك اطلع منتب طالع ..
نايف بابتسامه رجوليه--اي ليش طلع هو بكيفها ..
فيصل يقترب منه اكثر --وشهو ههههههههههههههه اي بكيفها هذي النوري دلوعة ابوها ..
نايف بجديه وابتسامه -- انا ماعندي دلع ههههه..
فيصل يقبض يد نايف محاولا عكفها خلف ظهره وهو يضحك xx في المقابل بقوة جسد نايف لم يجعله يكتف يديه بسهوله لكن بعد مقاومه
سمع فيصل يقول .. والله لو ادري ان النوري تشكي منك لأسنعك هههههههههه
نايف وهو يعدل شماغه ويرخي يده من قبضة عمه -- هههههههههههه ماصار زواج تتدخل بينا ترى مايصير الابو يتدخل بحياة بنته هههههههههه وهي على ذمة رجال..
فيصل وهو مبتسم --ماعلي منك انت واحكامك --النوري تحطها في عيونك ..سامع
نايف بجديه طاردا ابتسامته--بنت عمي في عيوني (وفي قلبي وكل عرق ينبض في جسمي)
توجهوا للصاله في الدور الثاني حيث اصوات ابو اريج وراكان --xxراكان واجه اغلب الحوارات بصمت لاتعليق حيث الصمت الذي يقتله ..
لو كان يعلم ان الحديث يوفي ويطرح مدى شكره وامتنانه ..كان تحدث طول الوقت ..
لكن لاجدوى يريد احدا يجاوبه فقط ..
(من خطب لي اريج ؟؟وسؤال اخر بسيط كيف عرفتوا اني ابيها؟؟ وسؤال اخر اجابته سامه قاتله لي ..
عرفتها هذا الصباح ولكن اريد ان يسمعني احد(ن) الاجابه منها شخصيا ..
السؤال هل هي رافضتني ؟؟ )
قطع عليه حيرته جملة رماها عليه ابيه ناصر-- وترى امك شيخه.. حالفه ماتحط قطعه في هالبيت ..
سواء خذيت اريج او لا ..البيت اثاثه على امك شيخه ..
وابتسم بفرح-- انا مالي شغل هذي هدية امك هههههه
راكان يكتم ضيقه-- والله كثير الله يهديكم كلفتوا على عماركم..
ناصر بجديه--خيرن فداك ياولدي ..ومابينا عطا ..الولد وابوه حلالهم واحد ..
ناصر احسس بحرج راكان وتوتره خصوصا انه لايعلم هل ستوافق اريج ام لا ..
وانا بروح انشدها وارد لك خبر والله يكتب اللي فيه الخير ..
ثم التفت على نايف بتملك مع اخوك اليوم ..
نايف برجوله يخفي نجاح افكاره-- اللي تشوفه يابوي..
راكان بهدوء--على بركة الله ..
ناصر وهو يتراجع --هذا مفتاح بيتك يابوي انا ماشي ..

طلع من هنا وفيصل ونايف استلموه تعليقات على البيت يحاولون ينسونه انحراجه وتوتره الذي اشتعل للتو ..
--------------------
هناك وفي نفس الحاره ومقابل لمنزل ال سعود--
دخل ناصر البيت بدون لايتنحنح --لانه عارف ان مافي احد الا ساره وحصه اللي كانوا لابسين عباياتهم متوجهين للبيت يشوفونه ..بعرض من شيخه
ساره تفاجات برد اريج انها ماراح تروح -- وجلست تمازحها على ان الحرج والسحى مهوب وقته ..قومي شوفي بيتس ياحلوه ..
ناصر انتبه الى ان الجميع بعبايته وكانهم بيطلعون ..
شيخه اقتربت منه -- بنروح نشوف بيت راكان ..
ناصر بهدوء -- ابشروا ابشروا ..بس لحظه ..وين اريج؟؟
اريج قفز قلبها احسست ان اللقاء الموعود بـأبيها حان وقته..
وبربكه--لبيـــــــــ
ناصر--تعالي يابوتس ..

---البارت الرابع والثلاثون---
اريج اشرت لعبير تتقدم اكثر لمساعدتها..في الذهاب خلف ابيها..
اريج فعلا اصبحت ضعيفه .. ثقيلة في عزمها وليس وزنها .. ويبيلها 3 اضعاف قدرة الشخص السليم في الوقوف واعلان طولها ..
بعد دقائق اعلنت دخولها هي وعبير على ابيها في المقلط --
عبير جلستها على الكرسي .. واعلنت انسحابها..
بينما عادت للصاله حيث الجميع --
ساره--والله ماروح اذا اروج مهيب رايحه ..
شيخه-- بتروح بتروح خل ابوها يكلمها وبتروح .
عبير الاخرى قلبها على قلب اريج --
----------------------
في المقلط--
ناصر بهدوء -- راكان ولدعمتس خطبتس مني ..
صمـــــــــــت قاتل لأريج--
ناصر وش قلتي لان اخوه نايف اليوم بيملك على نوره بنت فيصل ..xxتفاجات من الخبر الجديد نايف والنوري الصغيره؟؟
ماقول شي على قولك يابوي ..
لاقولي نفدى عمرتس انا قايل له مافي شي الا برضاتس..
اريج--الراي رايك وانت اعرف باللي يناسب .
انا مازكيه على احد ..
الرجال يخاف ربه ..
ومصلي ..
وقايم بفرضه ..
ولو هم غير ذا العلم ..
مالي به حتى لو انه اعز عيالنا..
وش قولتس ياحبيبتي.. الراي لتس ..
اريج بدا توترها يفضحها--يابوي انت ادرى انا وش عرفني اذا انت موافق انا موافقه
ناصر حس فيها --يابوتس انا مابي اجبرتس الا الزواج مافيه جبر انت تبينه زين على زين واذا لا النصيب قدامتس..
اريج بتوتر مغلف بثقه--هو يدري اني ماعاد اقدر اقوم بنفسي ..!!
ناصر --الله الله وهو اللي بيعالجتس وبيكون وجه خيرعليتس..ويشهد ربي اني ماقلت له شي ..هو اللي قال لمتس ويوم جاني قبل شوي قال انا باغيها ..
قلت الشور شورها وانا لازم اخذ رايها ..وهو ربي يشهد علي قال انشدها..
اريج اختنقت بعبراتها اللي باتت تكتمها --اللي تشوفه .
ناصر اعلن طوله--على بركه الله اليوم الملكه بعد صلاة العشاء وبكره روحي السوق وتقضي والفلوس لاتشيلين همها انتي اخذي وخلي بطاقتس من بكره هي اللي تحاسب والله يوفقتس
نزل بطوله وجسده المتعب ليقبل راسها ..
ذرفت دمعات اريج لانها كانت دائما تتلافى حركته في تقبيل راسها فتنهض بسرعه لتقبل هي راسه وترفض نزوله لها..
اعلن خروجه وقابل عبير.. عبير خذي عربية اروج وجيبيها معكم لبيتها ..
حصه نادت باعلى صوتها --جعله مبارك يابو اريج..

وساره اردفت مباركتها ورائها..
ساره وعبير راحوا للمقلط .. وتفاجاو ببكاء اريج--ساره انجنت وش فيتس لالا انتي فيتس شي..
عبير على طول بكت معها ..
عبير تبعد خصلات اريج عن وجهها -- عالبركه وش قالتس ؟؟
يقول لا اهو اللي خاطب ..
عبير بحزم تطرد افكارها--شفتــــــــي مستحيل اللي ببالتس مافي احد كذا
اريج بعصبيه لعبير -- طيب والكلام اللي سمعته منتس انتي وياه الصباح ..مدري من اصدق فيكم ..
ساره بتوتر تجلس على ركبها--اريج خير انتي وهي وشصاير؟ لايكون تقولين ان شيخه وناصر هم اللي مجبرينه ..
وش هالحكي الزواج مافيه كذا ..هو من سنين ماجا ..وبس عرف بتعبتس
عزم على زواجتس ولاترى ماهي صعبه يقدر يعدتس محرم مع عبير وتروحون عادي نايف وعبير اخوانه نسيتي قومي بس ..
شوفي بيتس ترى ابوتس يقول ينتظرتس..
اريج تكتم غضبها وقهرها --يقول الملكه اليوم ..وانتي بنتس بعد بتملك على نايف..
عبير بصراخ --واللـــــــــــــــــــــــــــــه نايف واوووووووووووو متى هالحكي وش هالسوالف طلعت تركض لامها .. xxساره تصارخ لها ترا النوري ماتدري لاتجيبين لنا بلوى
اليوم هههههههههه..
ساره بتوتر وضحك-- ياويلي تدرين مابعد قلتلها ..شكلنا بنروح بيتنا ههههههههههههه افهمها ونجيكم ههههههه طيب انتي قومي ياله روحوا وانا بالحقكم ابي اقولها ..
اريج-- لا هالعائله فيها شي ..اي انا معذوره ماتقولون لي ..بســــــــ النوري ليه حرام ماتاخذون رايها
شافوها اقبلت على المقلط وابتسمت امها لا ارادي --ماما بابا يبيك عالتيلفون وناولتها الهاتف وتفاجات بشكل اريج --
نوره بربكه تجلس على ركبها مقابل كرسي اريج-- عالبركه مستحيه هههههههههههههه
اريج تمسك شعرها وتعاود ربطه--الله يبارك بعمرتس ..
راحت ساره وهي تبتسم تكلم فيصل-- هلا بك
هلا والله اسمعي قولي للنوري ان ملكتها اليوم طيب
ياويلي طيب طيب
وشفيتس
لالا خلاص بقولها
تبين انا اقولها
لالاااا انا انا
مع السلامه
ساره بتجون تشوفون البيت
اي اي
سمعته يقول لراكان بيجون كلهم يشوفون البيت لاتسكره--
----------------
في المقابل -- اريج تحس ان نايف مايرفض نهائيا لدى الجميع وخبر خطبته للنوري بيكون شي بديهي مرحب فيه لنوره
نوره -- تستاهلين والله راكان يهبل وانتي ماشاء الله لايقين لبعض الله يوفقكم
اريج وهي توجه نظراتها لنوره-- وانتي بعد الله يوفقتس..
نوره ببراءه --امين
اريج بابتسامه --سكري الباب وتعالي
نوره ماحست بشي الى الان --
اريج اقولتس عالبركه ابوي بيملكنا انا وانتي اليوم بعد العشاء
<<<<<<<<<<<<<<<<<بادرت بابتسامه مخنوقه بعبرات متقطعه يمكن يخالطها سم مؤلم لتلك المفاجات ..وشووو انا
اي نايف خاطبتس
ارتفعت نوره من اعلى ركبها لتعلن جلوسها على الكرسي المقابل --نايف بن خالد
اريج بابتسامه -ايـــــــ تستاهلون بعض
وشهووووووانا مالي راي
ليه وانتي بترفضينه
ـــــــــــــــــــ
خلاص ياحلوه الملكه اليوم معي --خلتس معي مابي لحالي
نوره بعصبيه-- وش كذا ماياخذون رايي ليه انا كرسي عندهم
اريج--طيب وهذاهم خذو رايتس ؟؟
نوره بعصبيه----وش عقبه في نفس اليوم .. وطيب بشوف من اللي بيغصبونه على العرس ..انا مابي اتزوج اصلا
اريج بهدوء وترجي--لحظه لحظه قربي تكفين نوره قربي
نوره انخرطت ببكاء مكتوم xxاعلنت ساره دخولها واغلاق مكالمتها مع ابيها
ساره متفاجاه وبضحك--وش السالفه هههههههههههههههههه
اريج بكت بجوارها لان كلاهمها نفس الجرح ولا ربما كانت اعماق جروحهم متفاوته..
ساره جات واحتضنت راس نوره اللي غرق للتو في حضن اريج--النــــــــوري ..التفتت على اريج..وش فيها ؟؟
اريج بمراره -- انا ماخذوا رايي النوري وانتي ماشاء الله مافيتس الا العافيه ونايف ماينرد وكلن يتمناه ..
ساره بابتسامه --نايف وراكان ماينردون لبى قلوبهم رجال ماعليهم كلام..
نوره اخترقت الحوار بقوه ومن بين احضان امها--انا مابي مابي
ساره بابتسامه--ماتبين من نايف.. نويران نايف كلن يتمناه ..
نوره بصراخ--مابي اتزوج مابي

ساره تعلم بانحراج الفتيات وخصوصا مدللتهم الكبيره الصغيره في عينيها--مسكت راسها من بينها يديها ورفعته لوجهها..النوري هههههههه ماتبين نايف..نوره تبكي اكثر..
لا ماما انا مابي اتزوج --
وشووو شنو من قال زواج اللحين بس ملكه وش فيتس ..الزواج بعدين
وببكاء مؤلم لاريج--مابي مابي
عبير دخلت وتفاجات ولم تكمل كلمه مبروووو
وش في هااا؟؟
ساره بابتسامه--مافي شي ..عرايس مستحين ههههههههههه
عبير بهدوء --اروج وعرفنا بكاها ونويران خير..
ساره بابتسامه--نفس الشي مستحيه ههههههههههههه
عبير--وهي ترفع راس نوره ههههههههههههههه ياااااااااااو اجل لو سكرو ا عليكم الغرفه انتي وياه وش بتسوين هههههههههههههههههه
نوره تبعد يدين عبير عنها وتعاود احتضان ارجل ساره..
عبير تلبس اريج عبائتها--xxاريج هانت عليها مصيبتها يوم شافت وضع نوره--والله مالي حيل عالروحه ..
عبير وهي تناظر نوره--لالا ساندي جيبي هنا العربيه
اريج بضيق وصمت معبر --ركبت العربيه xxعبير تراهم راحوا ..الحقونا ياخاله وجيبي عروستنا معتس
ساره ابتسمت ابتسامه جافه--نوره قومي شوفيني مافي احد
اللحين فهميني ماتبين نايف.. ولاماتبين تتزوجين اصلا ..

---------------
في الشارع ..
نايف يجري اتصالا مشتركا من هاتف فيصل ..ليتحاوران مع ابوماجد بخصوص اوراق وثبوتيات للعمل..
في الطرف الاخر من منزله الذي اعلنوا امتلاكه له منذ قليل كان واقفا ..عند احد اشجار البيت في قسم الرجال ..
راكان بعد مابشره بموافقتها وقدام عينه سمع ابوه ناصر يتصل على الشيخ الماذون وطلب حضوره الى منزله بعد العشاء --
هو الان غارق بحيره ومحتاج احد يفك طلاسم هالقصه ..
من خطبها لي ؟؟
من عرض الفكره؟؟
ومن عرف اني ابيها؟؟
هل تكون صدفه اني انا بالخارج وعلاجها بالخارج عشان كذا وقع الخيار علي ؟؟؟؟
وش الســـــــــــــــــالفه ؟؟ ابي عبير ؟؟ وعبير الظاهر ماراح تتكلم ؟؟
كيف يباركون لي وانا اخر من يعلم ؟؟
كيف يخطبونها لي وهي ماتدري ؟؟
احسها رافضتنــــــــــــــي؟؟

-----------------------
طلعت اريج من باب المخصص للسيارات بحكم نزول العربيه ..
تفاجات بصوت ابيها ناصر --عبير عبير خذي الريموت وادخلو من باب السيارات
عبير بعد ماخذته --ابشر

اكملت مسيرة العربيه وهي تنكت على اريج وتتكلم باللغه العربيه--
وقفت بالعربيه امام المنزل من الخارج--مارايك في منزلك الكبير الذي سوف تتعبين وتتعيجزين من تنظيفه لكبر مساحته..هههههههههه
اريج بهدوء --اكثر من عجزي حاليا مافي
عبير اختنقت لجملتها الاخيره..
فتحت باب الريموت --xxتفاجا راكان بصوت الباب اللي انفتح خلفه؟؟xxxxانصــــــــــدم لروؤيته شكلها وهي على عربيه xxاريج توترت فاسدلت طرحتها على عيناها اكثر
وادخلت يداها باكمامها..
راكان تجمدت ساقاه لايعرف ويجهل ماهو التصرف الان --

لم يجف قلمي غدا يكمل ويكشف لنا اسرارهم
كل الود مني لكم
صبى الاوراق
همسه --انبسطت لظهور منهم وراء الكواليس اي قولولي استلمناه عشان اعرف انكم استلمتوه ..

اكملت مسيرة العربيه وهي تنكت على اريج وتتكلم باللغه العربيه--
وقفت بالعربيه امام المنزل من الخارج--مارايك في منزلك الكبير الذي سوف تتعبين وتتعيجزين من تنظيفه لكبر مساحته..هههههههههه
اريج بهدوء --اكثر من عجزي حاليا مافي
عبير اختنقت لجملتها الاخيره..
فتحت باب الريموت --xxتفاجا راكان بصوت الباب اللي انفتح خلفه؟؟xxxxانصــــــــــدم لروؤيته شكلها وهي على عربيه xxاريج توترت فاسدلت طرحتها على عيناها اكثر
وادخلت يداها باكمامها..
راكان تجمدت ساقاه لايعرف ويجهل ماهو التصرف الان --
(اريج--انت
راكان --انتيــــــ بكرسيـــــــ
اريج--انصدمت صح
راكان--لا بســـ تعب.ان.ه لهدرجه
اريج--مومهم المهم انك تفاجات وهذا اهم شي عرفته عنك..)

شمعه لها فتيل قصير ..
مراللهب عليها فاشتعلت بسرعه ..
عبير توجهت بها مبتعده عن مسار راكان xxراكان ارتبك ليميل مارا بهم ليعلن خروجه من المنزل..
اريج بهدوء وطارده توترها باختفائه من المكان --هذا هو ؟؟
عبير بحماس--ايـــــــــ شفتيه اول مره تشوفينه صح
وبنبره واثقه --مسكين وش ذنبه يخذ وحده مثلي ..خاف يوم شافني مالومه .وش هالعروس اللي كانها عجوزههههه
اريج اكتسحها شي من الثبات ..واصبحت تتكلم بتهكم واضح--

عبير بحزم--ترا ازعجتينا بهالجمله تكفين اذا عنتدس شي زين قوليه ولا اسكتي ..
اريج بهدوء--الحمدلله على عطى ربي..
عبير --ايوه يستاهل الحمد..
تقابلت مع عمها فيصل اللي ابدى اعجابه وبارك لها عالفور..
نايف لمحها بالعربيه ودعى لها بالشفاء..
-----------------
في منزل ال سعود--حيث راكان وحيدا مكتفا بهمومه ..
وش السالفه ياعالم فينـــــــــــــــــــي اللي مكفيني جيت ابي افرح واتقدم .. لقيتهم خربوها ..ووصلوا لها ..مفهوم ثاني عني ..
انا لازم قبل لا املك اخلي عبير تفهمني اللي صاير ..
سمع اصوات البنات راجعين من برى ويضحكون وودهم يقابلون نوره مهوب مستوعبين ان ملكتها بعد صلاة العشاء --
تحدوا البنات ريناد تدخل تسلم عليه لانهم لمحوه بداخل بيت الشعر..
وفعلا قبلت التحدي ودخلت تسلم عليه هو انتفض من دخولها وهي تنزع نقابها له..
هلا وهو يجهل من تكون لانها نسى اسمها .. انتيــــــــ
ريناد
ماشاء الله شلونتس ..
اي سنه
في اول جامعه
ماشاء الله جامعه اي تخصص
اداره اعمال
ماشاء الله الله يوفقتس
عالبركه
الله يبارك بعمرتس..
شافها وهي توقف--اجلسي ارتاحي
لالا البنات ينتظروني
على راحتس
ريناد اذا شفتي عبير قولي لها اني ابيها دقيت عليها ماردت ..
اي جوالها مو معها ابشر..
تذكر موقف العربيه ..نفسيتها اكيد متعبه لانها بتتزوجني بهاالوضع ..
ياربي تلطف بها وتعافيها ياكريم ..ياارحم الراحمين..
-----------------
نوره هي الاخرى في حرب غامضه مع والدتها ..
نوره تتذكر--(حريـــد
مصيطر
مغرور
واثق من نفسه
اكبر مني بسنين كثيره
يعاملني بجفاء من الان
افكاره وقراراته غريبه
استحقرني في عدة مواقف
لاتهمه المراه
ببساطه لايوجد شي فيه يجعلني اختاره زوجا لي)
ساره بتفهم--لاتكبرينها مافي عرس اللحين ..ونايف واضح اهتمامه بتس ..نوره خذي واحد يحبتس مو انتي تحبينه ..
نوره--لايوجد رد ولكن القلوب تتحدث--(انا ماكرهه ولا امممم بســـــــــ)
ساره بهدوء--اوك اليوم ملكه والزواج بكيفكم على اتفاقكم ..
نوره وهي تمسح دموعها--يعني شلون بيشوفنيــــــــــــــــ ..
ان طلب يالبوشــــــــــ اقرب تضبيط لام سوسن .. هي اللي مزينتكم امس ؟؟.. ووجهتس مايحتاج تزيان يهبل وش حلاتس ..
نوره بربكه وخوف--لالا مابي ..
ساره بهدوء--اووهو اصلا مهوب طالب ..الظاهر عشان راكان ماراح يطلب يدخل اكيد مهوب داخل ..

واممممم وان طلب والله خلي يشوفتس من حقه وانتي ماشاء الله مايعيبتس شي
نوره وهي تبكي وبقهر--لاااااا لا اصلا ماشبع .. كم مره شافني اخره امس كل شوي ..وهو ناط بوجهي
ساره متفاجاه --هههههههههههههههههههههههيالبيــــــــــــه وانا اقول هههههههههههههه
سارع غرقت في ضحك ..ونوره تحتضنها اكثر-- ماما ..مابي تكفينـــــــ
ساره وهي تثبت وجه نوره بين ايدينها--اي يلومه خطبتس يادوبه هههههههههههههههه اثاريه شايفتس ههههههههههههههه
والله منت بسهل يانويفان ..ومسوي ثقل قدامنا هههههههههههههههه تدرين ..اسمعيني.. ارفعي راستس
النوري صدق صدق انتي وش رايتس بحياتي مع بابا ..
نوره --ـــــــــــ
واستطردت قائله--مو حلوه
نوره--الا بس اهو مو زيه لاتقولين مثله
ساره--لاوالله اساليني انا .. نايف كربون بابا ولو تبيني احلف حلفت
نوره بتوتر--مدري مدري ماما بس المهم مابي اطلع له اوك..
هههههههههههه طيب يصير خير
وافديتها اللحين تباركين لي ولا لا ههههههههههههههه
نوره انحرجت لتضمها اكثر
ساره بابتسامه وحزم --ياله يالدلوعه باركيلي بنتي بتكبرني وتخليني عجوزه ههههههههههه
نوره تبكي وتضحك
ساره وهي تمسح دموعها --الله يسعدكم ان شاء الله..ياله خل نروح نشوف بيت اروج وراكان--
------------------
تدور في كل غرفه وفناء من ارجاء بيتها اللي اعلن بهذا الصباح ..
اريج فعلا جرحها لانها اول مره تراه وهو يقابلها ..
وكونهما الان اصبحا مقترنين.. ومتصلين بسهام تربطهم اكثر ..
ولعل موقف مقابلتهم وهروب راكان من امامها ..
اعلن لها ان الموضوع فعلا الجرح الاول منه ..
باستثناء ماحدث مع مكالمة عبير اللي كشفت حقيقه من حولها ..
تعبانه ..ويمكن الان فات اوان ان يكون لي راي ..
او حتى لم يفرض لي راي من الاساس ..فالجميع رهينة مساعدتي فقط ..
يعني عشانه ولد عمي مايقدر يقول مابي وحده عاجزه..
او ليش تخطبونها لي ..
ليش ظلموا هاللي مايدري عن حالي ..
مهو نايف ولد عمي بعد ويعرف وضعي ومن سنين وانا على هالحال ليه ماجبروه ..
انت رجل لاتمنعك رجولتك من ان تحرم نفسك حق احل الله لك ان تختاره بنفسك وبرغبتك ..
ادري انظلمت يوم اجبروك علي ..
بس تدري لك على يمين ان بعد العلاج ابشر باللي تزوجك وتعوضك ..
بســـــــــ تدري عتبي عليك كبير كبير الرجال له كلمه ..
مهما كان بنيت مستقبلك بنفسك ..
واجي انا اهدمه بضعفي وعجزي ..وحتىـــــــــــ نعمة العيال ماراح تشوفهم مني ..
والله حرام لازم تعرف ..
وتعرف بعد بكل شي يتعلق فينيــــــــــــ لازم ..
والله بموت تعب ..
راسي بينفجر..
ولا احد حاس فيني..
جعل عمري مامشيت بس لاتجبرون انسان يساعدني والضحيه حياته ..ومستقبله..
الرجال يبي مره تقوم فيه مو العكس ..
انا مالي كلمه وكلمتي معك انت ..
بس منهو اللي بيوصلها لك ..
ماظن احد يبي يساعدنا ..
وهاهي تعود ادراج منزلها من نفس طريق دخولها حيث باب مدخل السيارات المائل الخاص بمرور العجلات ..
عبير -- الله يجعله منزل عامر ..ويوفقكم ويشفيتس ياعروسه..
اريج ولا ارادي امسكت براسها --ــــــــــــ
عبير انتبهت لحركة يدها--وشفيتس..راستس
اريج استوعبت نفسها--لالا بس ابي انسدح تعبت
عبير بقلق --تبكيـــــــــــن
اريج اطلقت عبره مكتومه وبكاء متقطع --
عبيربحزم --ياربيــــــــ وانا اقول ليش من يوم مافتشتي اثاريتس ..وساكته بعد اريــــــــــــج اذكري ربتس ..الزواج فاتحة خير باذن الله
اريج لا زالت ممسكه براسها--دخليني بيتنا ياله
عبير بربكه --اووك
دفعت الكرسي المتحرك مرورا بمدخل الرجال كون الممر المائل بجانبهم ..
-------------------
في قسم الرجال --حيث بيت الشعر..
هناك في اعمق الحورات عن تساهيل البنوك في اعطاء القروض حاليا كان الجميع
فيصل وناصر وراكان ونايف وبندر كلن يرمي بمعلوماته .. والاروع ثقافة راكان اللي تدخل فيها جمل انجليزيه..
وقتها ذكر ناصر حال المتقاعدين -- يهون وضع هاللي على مناصبهم ووظايفهم عكس حال المتقاعد يقولي واحد من الربع--تصدق يابوسعود كل البنوك السعوديه ماتعطي قرض تمويل ( مطابق للشريعه ) للمتقاعدين
السعوديين . فقط البنك الوحيد البنك العربي ( بنك أبو شكيم ) هو الوحيد الذي يقرض المتقاعدين بحيث تحول راتبك إليه من التأمينات ولاتصرف إلا عن طريقه حتى تسدد القرض ..طبعا شي ممتاز وتميز ولكن مايبعون أسهم ولاسيارات إنما يبعون جسور حديديه . ماهي
وكيف تبيعها أنت بعدما تشتريها ؟ الله أعلم يعني مضطر يبيعونها لك والمفتي فيها بن منيع ؟
لكن العجيب إن بقية البنوك السعوديه ماتقرض المتقاعد خايفين يموت وهو ما
سددهم القرض مع إن فيه متقاعدين مازالو شباب بعضهم ماوصل الـ 45 سنه من عمره (تقاعد
مبكر) مثل متقاعدي الاتصالات وغيرهم وكان بإمكانهم إشتراط عمر المتقاعد (مثلا لايتجاوز عمره
55 سنه ) مثلا لكن يحرم من القرض لانه متقاعد ؟ لازم يكون المقرض على رأس العمل و إلا
بالطقاق . شوفوا كيف ستدخل علينا البنوك الاجنبيه وتسحب البساط والعملاء من بنوك السعوديه
طالما البنوك ماعندها وطنيه بالطقاق نتعامل مع الاجنبي مادام عنده مصلحه مشروعه .
وقالي يقول كانك تعرف أحد في التأمينات يوصل لهم هالمعلومه إن كانوا لايعرفون لانهم قبل فتره أعلنوا موافقة التأمينات
و إلتزامها بتحويل راتب المتقاعد المقترض للبنك المقرض وضمان السداد للبنك بذلك.. والله هذا كلامه وهو ملتزم ويخاف ربه
فيصل--المشكلة هناك عدم تنسيق بين مصلحة المعاشات والتقاعد و التأمينات مع البنوك
يعني كل مين بيشتغل براسه وبقوانينه الخاصة
تصدق واحد من مؤسسة النقد يقول البنوك ورطانة بالمليارات مع المتقاعدين
في بداية ظهور ( القروض ) ما كانوا يفكروا أو يشترطوا عمر المقترض
كان هم البنوك التسابق من أجل الحصول على أكبر عدد من ( المقترضين ) فقط دون النظر
في العواقب .. وبعدين حصلت ( الطامة ) بالنسبة لهم !!!
نايف --كيف ؟؟
فيصل استطرد --بعد تقاعد الموظف يحول تقاعده مباشرة الى البنك العربي دون النظر في مسألة القروض
وخلافه وأصبحت البنوك تطالب والى الآن ارجاع تحويل راتب للمتقاعدين ( المقترضين ) الى
بنوكهم ولكن دون جدوى !!
راكان بحماس--ذكر قصه احد زملائه في اقتراضه من بنك اجنبي .. تبون الجد هالLoans قروض
اختلفوا فيها المشايخ والله ينجينا من الحرام No man's land
نايف -- راكان طيب انت وش رايك في البنوك الاجنبيه..
راكان يكمل حماسه--شوف وانا اخوك انا هالاموروهالديــــــــــــــــــــــ<<<تفاجا بانه بعز حماسه لفت نظره مرور الكرسي المتحرك وعبير من تدفعه بهدوء ..
والموقــــــــــــــــف المحرج انهم جميعا حينما انقطع صوت راكان انتبهوا للمصدر الذي قطعه ..
ناصر استدرك الموقف --عودوا من البيت بروح اشوف وش رايها ..
نايف اسلم يابو سعود..راكان يطرد توتره --اقولك انا رجال ماحب اركب عمري الديون Dean of Finance وحتى ربعي ماشجعهم لاقرض هنا ولاهناك
فيصل-- كفو والله ..وهم الرابحين..ان خذو بكلامك..
---------------------
ناصر اتجه لأريج وعبير اللي وقف الكرسي لحظه ترحيبه لهم --
هابشري يبوتس ارب البيت اعجبتس..
اريج تعدل من صوتها لترد بثقه ووضوح له--اي الله يعوض عليك.
خيرن فداكم.. ادخلو ا من الحر ..
ابتسمت عبير وهي تشوف اخوها نايف يراقبها ..
فيصل -- راكان ان تعرف عنوان المستشفى اللي كان ابونايف يبي يعالج اريج فيه
راكان بهدوء--ايــــــــ
نايف ماهو معهم نهائيا --حلو يعني وافقت علي ..ولا ماخذو رايها ..انا لازم اتاكد وش صار يوم عرفت لازم..
التفت وانتبه انهم متحمسين للسوالف ..
طلع منهم ليخرج هاتفه<<<<<<<<renad
الوو
الوووهلا رنو اخباركم
الحمدلله
جيتوا من البيت
اي عالبركه عبير تدق عليك مارديت عليها
الله يبارك بعمرتس ..انا جوال البيت ناسيه مامعي الا هالتيلفون
اها
بعدي شوي ابيتس لحالتس
امممم طيب
بعد لحظات--هلا
هلابتس ريناد وين نوره ؟؟
وبابتسامه--اممم هناك مع امها
وبربكه كانها شكت انه عارف انها تبكي
اي ايـــــــ عادي طبيعي اللي صار لاتشيل هم
وشهو اللي طبيعيــــــــ
ياخي انت لازم تسال خخخخ
اللي وصلك مايدري ان البنت تستحي وشوي وبتهدا..
وليه كل هذا ووش صار قولي من البدايه
اوووه الله يهديك
رنـــــــــــــــــو
يالله والله مدري ماكنت معهم بس البنات يقولون انها استحت وشوي وبتهدا انا ماواجهتها
تبكيــــ يعني
عادي طبيعي والله لاتاكل هم
نايفـــــــــــــــــ-- فعلا ماعاد يبي يسمع شي زود
اوك وامي طيبه
الحمدلله
خلي امي تكلمني بعيد عن المجلس.
اممم لحظه
لحظات
هلااا يابوي لبى قلبك
اطلعيلي يالغاليه ابيتس برى ..
ابشر وانا امك..
-----------------------
في الصاله ..
ساره وهي تدخل الصاله --ماشاء الله جيتوا هههههههههههه
حصه--ايــــــــ والله انتظرنا العروس وامها وابطوا علينا..وعودنا ..
ساره بابتسامه--اجل انا والنوري بنروح احد بيروح معنا مره ثانيه
شيخه--لالا المفتاح مع راكان الظاهر
ساره بحرج--مستحيه اخذه منه
شيخه--ارسلوا سعود ولافيصل له
ساره--اي تكفون
------------------
هناك بالمقلط ..
صراخ البنات ريناد وحنون ولمو وميس والو وزغاريد افنان لووووووووووووووووووووول فديت العرايس هههههههههههه
افنان -- يالبيه يالنوري نايف مرت(ن) وحده ههههههههههههههه
حنون --صراحه مفاجاه حلوه انتي واروج..وناسه

لمى --تدرون ماتخيلت احد بيتزوج منا هههههههههه مدري ليه؟؟
ريناد-- ليش يعني تبينا نعس ونقابل وجيه بعضنا ههههههههه
نوره وهي شبه مزكومه ومصدعه ولابسه عبايتها وعلى احر من الجمر ان احد يقولها ساره تقول يالله تبي تهرب من ماتسمع منهم --
------------------
هناك في بيت الشعر في ملاحق الرجال--
حيث الصلابه اللي التوتر يحاول يخترق حضورهما ..ولكن دون جدوى ..
نايف يقف مقابل باب الفله ..ينتظر دعوة والدته..لحظات وهذي هي تفتح الباب له ..دخلوا مقلط الرجال بجوار المطبخ ..
نايف بابتسامه--شلونتس ..هنيتس عقلان ابوسعود..
ام نايف-- يهنالك الخير
هاوش قالوا الملكه بعد الصلاة
ايــــ
يمه كم اعطيها مهر ؟؟
بتعطيها اليوم ؟؟
اي اجل متى
بس اخاف اخوك اموره ماتساعده يعطيهم شي اليوم.
من راكان
اي صعب تعطيهم واهو مهوب معطيهم شي هالمره ..
طيب والسواة ..
مدري والله انشده..ولا تحرجه اذا معه زين على زين ..واذا لا ناجلها دام مابه عرسن قريب..
ايـــــ.. بروح اساله
الله يوفقكم رد لي خبر وانا امك
ابشري
----------------
في غرفة اريج ..
عبير-- خذي خذي بندول
اريج وهي تبلعها وتتناول الكاس من عبير..
عبير متضايقه تتمنى الدنيا فجاه تتغير ولاشافت اللي شافته اليوم من اريج ونوره--والله انكم تضيقون الصدر انتي ونوره
اريج بمراره--المشكله مابينا شبه انا واهي ..هيــــــــــــ بعد ضاق صدري عليها..
عبير--خير يعني وش فيها؟
اريج --مدري قامت تصيح تقول ماخذو رايي وبعدين قالت اصلا مابي اعرس
عبير بقهر وضيق متفاجئه--لاـــــــــــــــه خير نويران بعد وش صاير ..
ليه يعني ماتبي نايف
مدري عنها
عبير بعصبيه تتناول هاتفها --وين خاله .. خل اشوف شسالفة الرموز اليوم ..
<<<<<<<<<<<<دلوعة زوجها
الو هلا وينتس تعالي الغرفه ابيتس
هلاا لا انا بالطريق رايحه لبيت راكان
اها اممممممم نويران معتس
ايه هههههههه
خير وشعندها ماتبي تعرس
دل.ع هههههههه
اها اشوى
هههههههههه
اوك باي
هلا
-------------------
---البارت السادس والثلاثون---

هناك عاد نايف للخيمه ..ولكن مالقى راكان .
وين راكان..
فيصل-- كان هنا ودق جواله واستاذن..
اممممممم تراجع الى الخلف للحديقه وشافه. يكلم وهو معصب شوي..
ياخوي انا قايل شقتك هي شقتي ..ودام اني مانيب فيها وهم رايحين هناك خلاص يسكنون فيها ..ولامن عودت انا يحلها حلال ..
ايـــــــــه هذا الحكي اللي ابي اسمعه ..اشوفك اجل بالليل ..ماتشوف شر
نايف --عسى ماشر
راكان انتبه لوجوده من لحظتين فقط-- ماشر..
نايف --راكان معك شي تعطي المره اليوم ..
راكان انتفض لانه ناسي هالموضوع وهو اللي لازم يفكر فيه اكثر من نايف كونها ملكه وزاج وخطبه مع بعض واليوم تعلن زوجته ..ايـــــه ايــــــــــه تصدق مدري وشلون غفلت ..
نايف برجوله--الله يعين
راكان بعد تفكير --طيب في بنوك اللحين
اي انا اعرف لك رجال بيساعدنا بس دقايق اتصل به اشوف مداوم ولا يرسلنا لاحد يخلص امورنا..
راكان يتذكر اخر مره استكشف على المبلغ اللي يجمعه من قبل لايروح حيث حلاله اللي ورثه من والدايه ..
واللي راتب ابوه يمشي له الى الان ولله الحمد .. (فيه خير وبركه بس مدري كم اعطيها ..)
حقيقه ان راكان يجهل مالمطلوب منه حاليا ..لذلك نسي المهر ومستوجبات الزواج ..
ولانه فعلا كل شي بيوم واحد ..وتحت هالظروف والمفاجات ارتبك رغم جهله في تلك الامور ..
ابتعد وهو يدور حول الشتلات ويجري مكالمته ..
بعدها قرر عدم الرجوع لراكان واجراء المكالمه الاهم <<<<<<<<
هلايمه
هلا يابوي
اي حلو طلعتي من عندهم اي يقول بدفع المهر بس كم
قبل كم اسمعني اللي بيقدر عليه اخوك ادفع مثله لايدفع كل واحدن منكم رقم خلكم رقمن واحد..
الخير واجد يمه انا عارف حلال راكان قوليــــــــــ كم ..ميه
ميه؟؟ميه تعرف كل شين غالي وانا ابوك ميه وبدون توابع ميه وفيها كل شي
ابشري ابشري فمان الله
الله يحفظكم
--------------------
في غرفة اريج--
شافت اريج اللي تحاول توقف فقتربت لمساعدتها ..
اريج بضعف--خلاص تدرين ماعاد ابي اوقف ..
عبير(قلبي عليتس والله)-- على راحتس.
دخلت ريناد --ازيكو ههههههههههه وافديت العروس هههههههههه
ابتسمت لها اريج xxريناد عبور ترى راكان يقول ابيتس ..شكله يدق عليتس ولا تردين ..
والله شرهتس على اللي يدري وين تيلفونه من يوم وانا ادور بجوال اروج وكل شوي اقول بدق على جوالي اشوف وينه وانسى..
ريناد تسمع امها تناديها--لبيــــــــــــــه
عبير اتصلت على هاتفها --وطلع صوته على رف في غرفه الملابس --انت هنا ههههههههه
اريج تتمنى ان عبير تكلمه قدامها -- بس ماتدري وشلون --تقولها
عبير تبي تبعد عن اريج بس ماتدري شلون--
طلعت من غرفه الملابس --اقتربت من اريج تناولها هاتفها وهيئتها واستعجالها كانها تعلن خروجها ابتعداد(ن) عن اريج--
لكـــــــــــــــــــن اريج مسكت بيدها اللي مدتها ..ومن بين اسنانها --كلمــــــــيه هنا ..
عبير ابتسمت بحرج --بســـــــ ماطلبتي شي
اريج وهي بدا قنديل الحراره يشتعل عندها --واذا قال عندتس احد قولــــــــــــــــــــــــــي لا ..
عبير ضحكت بصوت لا ارادي .. اوك
>>>>>>>>>>> فديت المتغرب ..
الوهلا عبير
الووهلابك
عالبركه والا انتظر الى بعد الصلاه ..ههههههه
يبارك بعمرتس
عبير عندتس احد
امم لا
لا مهوب تسوين فيني مثل الصبح اقول احد عندتس تقولين لا وفجاه تسمعنا وتتضايق
عبير فعلا تذكرت صدمه الصبح اللي كرهتها في نفسها..
نطق قلب عبير مو لسانها ليفهم راكان انها عندها تنهدت --والله اني مدري ضعت بينكم ..
راكان --يعني هي عندتس
عبير بهدوء نرفز اريج واشعل حيرتها--راكان صدقني افضل والله والله تعبت ماني فاهمه شي لامنك ولامنها ولامن اهلنا
طيب دام كذا ماراح استفيد شي.. اللي ابي اعرفه اللحين قولي لي.. اي .ولا. لا. بس ..هيـــــــــــــ موافقه علي ولا احد مجبرها ..
شاف نايف متجه له --ها موافقه ولا مجبرها احد
عبير وهي تبعد الانظار كليا وتحاول تتكلم ولكن لايوجد رد
الوووردي ولا افهمها..
وقفت وابتعدت عنها لالا والله موافقه ..ولا احد اجبرها..
زانت علومتس فمان الله
هلا
--------------------
عبير ماتدري ليش فجاه خنقتها عبراتها وعلى وشك تبكي بعد ماسمعت جملة اريج-- الظاهر ان كلامي واضح قلت لاتقولين له اني عندتس ..
بعدها انسحبت عبير من الغرفه من غير لاتلتفت على جملتها لانها اعلن كبتها الانفجار ..
لاتدري مالحل .. وماهو الوضع ..
وهل ماتوصلنا له واكتشفناه صحيح ..ام انه العكس وهذا
انا مستبعدته نهائيا ..ان يكون راكان هو اللي خاطب من قبل لايعرف بمرضها ..
او انه راغب فيها على قولته ..مدري مدري وليش مايكون يبيها ..
ياربي عدي هالليله على خير..
------------------
هناك ابلغه ان الموضوع تم .. والرجال ينتظرنا في البنك ,,استقلا سيارة نايف بعد ان استئذنا من عمومتهم انهم رايحيين
راكان --انا بطلع انا ونايف مشوار وبنصلي انشاء الله العشاء هنا ..
فيصل --لا احد يروح يمزع وجيههم والحلاقه توها طازه هههههههههه
ناصر --خلهم على راحتهم الله يستر عليكم
فيصل --ماتبوني اروح معكم
نايف --لا استرح استرح ههههههههههههههه
فمان الله اجل ههههههههههه لااحد يبطي علينا
راكان --ابشر فمان الله
ناصر بعد دقائق وبصوت مليئ من الالحان المختلطه مابين الفرح والحزن والجديه والتعب--ودي انه يشوف اريج ويتحدث هو وياها
واستطرد بجديه--دامهم عندنا كلها كم يوم ويروحون لحالهم واخاف يستنكرون بعض.. هو بعد يسمع بوضعها ولايدري انه لازم يقوم بها
فيصل وهو يتذكر حال اريج --يارجال راكان راضي وماخطبها الا اهو داري عن وضعها
وين يدري الله يهديك درى بتعبها وخطبها وهو هناك والله لايدري ..ويسمعنا وحنا نقول عربيه يحسب ان هي اللي تجلس ولاتقوم بعمرها ..ونايف يقول يمكن نلحقهم بعد اسبوع
مدري هو اني ارسل معها وحدتن من الشغالات تقوم بها ..
فيصل -- اسال امها يمكن البنت ماتبي احد يروح معها اول ايامها تعرف عروس ولا اقول انا بكلم ساره واخليها تجيب العلم ..من راس اريج
اتصل وعرف انهم في بيت راكان قال انا جايكم ..
----------------------
في منزل راكان--
راح لهم ونوره من قبل تحترم ابوها كثير وتنحرج منه ..كيف في هاللحظات ..
راحت نوره مع رهف --بعد ماقبل راسها وبارك لها
اسمعي ناصر يبي اريج تطلع لراكان عشان يعرفون اوضاع بعض ويشوفها ويناظروضعها تعرفين كلها اخر هالاسبوع
الا وهم مسافرين مع بعض ونايف مهوب رايح معهم اول الايام ..وبيلحقهم
ساره--يعني بتطلع له اليوم..
فيصل بجديه--ايـــــــــه
ساره وهي مبتسمه--طيب مات....
فيصل باستغراب--وشهووو
ساره--ماتزينت ولا ..
فيصل--هي في حال تزايان
فيصل بهدوء--يابنت الحلال ناصر ضايع بين ابنته وولد اخوه خايف انه مايقوم بها ولا ياخذها وهي مايدري عن حالها ..
ساره تخيلت انها تناقش اريج--طيب طيب
فيصل وهو يبعد شي ابيض من جلي البيت وقع على طرحة ساره--اسمعي واساليها ابوها يقول اذا ودها بشغاله تروح معها تعاونها بدل عبير..
ساره وهي تشوفه يبتعد--طيب فيصلــــــــــ,,النوري بعد بتطلع
فيصل وهو يتذكر--ها امممممم لالا ماقال شي نايف مدري
ساره--اخاف يقول ان راكان دخل وهو لا ..
فيصل بجديه--وراكان مثل وضعه لالا وش تظهر له..لالا
----------------
وعلى صوت اذان المغرب ..
هناك ناصر من قلقه اتصل على السنترال اللي بالصاله وعاد اللي بخاطره كله على شيخه ..
بعد ان استلمت الاوامر..
لمحت عبير..
توقعت ان اريج اكيد لحالها بالغرفه--
دخلت وشافتها شبه هادئه لكن الحقيقه ان الفكرمـــــــــشغول..
هلا يمي عسى منتيب تعبانه..
اريج--عدلت من جلستها بصعوبه وابتسمت ..لالا تعالي نفداتس
شيخه--اسمعي يمي انتي تدرين انتس بتسافرين معه ..اخر هالاسبوع ..وعبير ونايف بيلحقونكم بعد اسبوع xxxxقاطعتها بعد اسبــــــــــــوع ليه؟؟؟
ابتسمت شيخه--على بال ماياخذ اجازه له ولاخته ولتس اي انتي تدري ماقدمنا اوراقتس لازم ياحبيبتي وبيلحقونكم
اريج تقبض يداها الشفافتين بقهر xxxويقول ابوتس اذا تبي وحده من الخدامات تروح تعاونتس اخذي حقتي ولا اي وحده لوتبين ماري حليوه وبتقوم بتس
اريج بقهر--لااااااااا لا مابي شغاله يمه اللي صبرني يصبرني انتظر ايام وانتظر عبير واخوها لين تخلص امورنا ..
يابنيتي نايف لو عليه ماراح بس عشان عبير وهو تعرفين مايبي يضايقكم انت ورجلتس
اريج بقهر--يمــــــــــــــه والحل
خلاص خذي الخدامه لالا.. انا بقوم بعمري خلاص خلاص قفلوا السالفه خدامه تقومي مابي انا مابعد تحرولت !!!
شيخه--بسم الله عليتس ..تعاونتس يمي تغسل هدومتس ووو
يمه ماااااااابي خلوني تكفون انتظر عبير..
مدري اسمعي كلميه انتي ياحبيبتي ابوتس توه مسكر مني ..ويقولي خلها تطلع يشوفها ويعرف وضع ها وهي تكلمه دامهاهـــن xxxقاطعتها اطلع له بعد..
اي يمي وشفيتس رجلتس وابوتس يقول مابي يتفاجا بها او لاسافروا لينهم توهم يشوفون بعض وهو له حق خلاص رجلتس ياحبيبتي
يااااااااارب ارحمني
شيخه شافتها توترت وضاق صدرها --خلاص خلاص على راحتس لاتطلعين ابوتس قصده يجرأكم على بعض ويدري بحالتس دامكم عندنا خلاص خلاص وشهوله الضيقه اللحين خلاص
مالتس الا راحتس
عبير قررت تكشف وجودها اللي حضرته من اخره لكن فهمت الموضوع ..-- لا اله الا الله
شيخه بابتسامه-- انا وابوتس نبي لتس الخير ومابه شي غصبن عنتس
طلعت شيخه وقررت عدم ابلاغ ابوها
عبير --قالت خلاص دام النوري بتطلع اطلعي وترا امي شيخه صادقه خله يشوف وضعتس وابتسمت -- ويشوف وجهتس تراه رجلتس
اريج بحزم--خلينا من هذا كله ليش ماقلتيلي انتس ماراح تروحين معي برى كان هذي وصاة ابوي خالد الله يرحمه
وشهوووووو من قال اني ماراح اروح
اخوتس نايف يقول لا بنلحقكم بعدين
بعدين متى
مدري عنه
لحظه لحظه وش هاليوم اللي مو معدي كل ساع سالفه بدق عليه لحظه
<<<<<<<<<<<<<<
هلا بك
هلا والله
عالبركه
يبارك بعمرك .اسمعني انا مشغول ادق عليك وقت ثاني ..
اوك باي
ياربي مشغول يكلمني على اني رجال شكل عنده احد
اريج بعصبيه -- تسافرين معي تسافرين والله ماقدر اروح بدونتس وشلون وانا كذا ولا بعد معي رجال غريب
وشهووو غريب هذا رجلتس
اريج وهي تبكي -- رجلي حتى الوقوف ماراح اقدر اوقف له استغفــــــــــــــر الله بس
عبير تهديها-- طيب اطلعي له.. والله انسان متفهم وبيعجبتس
اريج تتمنى ان عبير تخربها وتزود على الطريح ..على قولتهم وتقول وش قال لها اخر مكالمه xxxعبير وانا بروح معتس الله لايعوق بشر بس صدق والله ان ابوي ناصر على حق لازم تتواجهون مايصير كذا كل واحد مايدري عن حال الثانيxxxنسيتي خلينا واقعيين هو شايفني وانا شاايفته وعارف اني بعربيه وشاف حالي على قولتكم
ايه بس مايدري ان اشياء كثيره xxقاطعتها الله يسلمتس علميه كل شي مو تمونون على بعض xxxعبير توترت اكثر وقررت تبتسم -- طيب عادي والله استشوري وروج وكحله والسلام xxxxلالا شوفه ماراح يشوفني xxxاوك اوك على راحتس ..
عبير تتذكر--تبين ام سوسن تجيتس xxx عبير وبعدين xxxههههههههه اوك
-------------------
بعد مادخلوا ساره والنوري ورهوف راجعين من البيت--
ساره شافتهم يصلون المغرب فقررت ضرب عصفورين بحجر الصلاه بغرفة اريج وتفاتحها بالموضوع ..
السلام --
لقتها توها تسلم وهي تصلي جالسه على كرسي بجوار السريرxxعبير تصلي هي الاخرى
هلا وعليكم السلام ..
اها ماشاء الله صليتوا كلكم بتوضا واجيتس..
صمت مليئ بالهموم --لايوجد رد
دخلت وبس طلعت تمسح وجهها وايدينها
اشوا شعرتس مستشور وتهبلين xx وش قصدتس على.. مانيب طالعه لهxx ليــــه لالا اروج لازم من حقهxxخاله خلاص تكفين شوفه ماراح اطلع xx لاحوووووووول تبينها تجي بخاطره xxاصلا الفايده لتس والله اخر هالاسبوع بينفرد بتس ولاول مره اطلعي له وحسسيه ياعمري له ..انتس تبينه مثل ماهو يبيتس xxxx خاله تكفين مابي.. مابي ..يصير اللي يصير ماراح اطلع له xxلاحول تعصبين.. ابوتس هو اللي طالب من فيصل اني اقولتس عشان راكان وانتي.. يقول لازم يشوفون بعض ويعرف بوضعها xxxعبير سلمت من صلاتها منذ لحظات وتتابع الحوار ..
اريج حيث الكبت يولد الانفجار الحقيقي ليوم متعب لها..وبصراخ .ودموع حاره .من اعين بريئه.
جميله .
حزينه ..
متعبه..
مليئه بالهموم..
--تــــــــــــرا كثرتوا حكي وطالت السالفه .. وضعها وضعها يعني معــــــــــــاقه قولوا له معاقه وهو بيفهم
ساره-- لاحول اذكري ربتس خلاص حبيبتي مالتس الا اللي يرضيتس ..والولد اجودي بياكلتس ..مهوب ماكلتس ..بالعون ماطلب.. ابوتس هو اللي قايل
اريج ووسط احضان ساره--(المصيبه انه ماطلب وانتوا تبون تفرضوني عليه بالقوه .شافني بالكرسي وانجن وشلون تبونه يطلب يشوف زوجه معاقه ..)
ساره بضيق--خلاص خلاص استغفر الله تعالي عبير عطيها ماء انا بصلــــــــــي ..
----------------
في البنك -- سحبوا المبالغ
وصلوا مع زميل نايف اللي ساعدهم ورجعوا للبيت ..
وفي الطريق اتصل نايف <<<<<aber
هلا
هلا وشفي صوتس
ماشي
عالبركه مرتن اخرى
يبارك بعمرتس
نايف امممم انت قايل ان حنا ماراح نروح مع راكان واروج xxxايــــــــ ايــــــــ بعدين الحكي
عبير وهي تبتعد عن اريج اكثر--لانايف تكفى اروج ضايق صدرها تعرف لازم احد يقوم بها xxxنايف وبحزم --رجالها معها..بنلحقهم بعدين
راكان عرف السالفه -- عادي يارجال الله يحييكم xx نايف بحزم -- عبير امي عندتس
..لا ..
طيب قوليلها اني رحت وخلصت ..
طيب ..
نايف اذاجيت بتدخل علمني قبل طيب ..ولاتدخلون كلكم بوقت واحد ابوي اشوف الثنتين ..
اممم وباستغراب ماتوقع هالشي ابدا -- خير خير فمان الله
(الله يرزقك يابوخالد كل الشي تبيه يصير بدون ماتتعنى له )
---------------
دخلوا ولا ابو اريج توه راجع من المطبخ ذابح ذبيحه بهالمناسبه ..
هذا هو اذن افلحوا للمسيد وانا ابوكم --
نايف-- ياله وراك وين فيصل ..
ناصر--يتجدد وبيلحقنا للمسيد --
نايف--ياله اجل معك..

وبعد مارجعوا من الصلاه ..
اتجه ابو اريج للبيت حيث شيخه ليتاكد من القهوه ويطمأن شالاحوال داخل ..
اتجه راكان وفيصل لبيت الشعر ..
نايف اتجه لسيارته وليغطي نفسي بقارورة عطرمميزه من جفينشي ..(والله مستغرب وشلون تبكي وبيخلوني اشوفها ..وش السالفه مستحيه ولاماتبيني ؟؟المهم اني بشوفها ..بس وش بقول لها ؟؟وش نسولف عنه .. لامعي هديه ولا ..وش هديه مدري المفروض خاتم ..لالا حنا مصاريه.. يلبسها مدري مدري لو كذا كان امي قالت اشتر خاتم..)قطع افكاره سياره جيب لاند كروزر تقف وراء سيارته وسائقها رجال ملتحي..
عرف انه الشيخ --
نزل يسلم عليه ودخله في الخيمه
-----------------
هناك شيخه لم تعثر على مجال لابلاغ ناصر رفض اريج بالخروج ..
سال عنها ابلغته انها بغرفتها فذهب للاطمئنان ..عليها
في الغرفه..
اريج تبتعد عن السرير لتتمسك بالاريكه ومن ثم التسريحه ومنها تقف عندها لألمام شعرها المبعثر ..وتهدية ملامحها الحزينه ..
عبير تجلس على الكمبيوتر وتتصفح بفكر مشغول ..
ساره اعلنت خروجها للجلوس بجوار ابنتها المتوتره ..
دخل ناصر -- ياولــد
عبير انتفضت-- هلا يابوي
اريج تمسكت بالتسريحه بقوه ..هــــ.لا
ماشاء الله تبارك الله استعجلي وانا ابوتس ..عبير عاونيها خل تخلص نفدا عماركم xxxرن هاتف ناصر --هلا يابوي جا الرجال وابوماجد جاء جاي . جايكم ..
اغلق الباب خلفه وعلى طول للخارج حيث الرجال--
عبير ركزت نظراتها على اريجxxاريج غمضت عيونها من الصدمه ونزلت راسها--يــــــــــارب وش هالحاله
انهارت لتجلسها عبير على كرسي التسريحه بكت بكاء مر..
لم تضحك اليوم ابدا ,,
لم تهدا جفونها منذ مده,,
مقهوره هي ..
مجروحه هي ..
تعاني هي..
يعجز الكل عن توفير الراحه المطلوبه لها..
لا احد يفهمها ..
كم هي غاضبه..

لم يجف قلمي غدا يكمل ويكشف لنا اسرارهم
كل الود مني لك
صبى الاوراق