السلام عليكم ورحمة الله وبركاته
اسعد الله اوقاتكم بكل خير .. اكاد ارى امنياتي تتحقق ولله الحمد .. ماطلبه المتعه والفائده وحاليا ارى انامل ناقده رائعه ..
تقرا وتتعلم من ماتقرا ..بل تعرف ان تكتشف الصواب وتشير اليه بقوه .. املي دائما النقد السليم والهادف .. ليجعل من يقرا .. لايكتفي بالبارت بل يركز بالرد الناقد عليه .. كل الشكر
لحبايبي .والمنضمات الجدد (عيوز النار)هلا فيتس . واهديكم جميعا هالبارت --
بسم الله..
قراءه ممتعه ومفيده..
--- البارت السادس والعشرون ---
نايف بهدوء يكتم غضبه وبثقه -- لامعليش بنتكم عنيده ..واللي يدخل بيتي.. يعتبر نفسه يمشي عليه اللي يمشي على اهله يعني تسمع كلامي .....
ساره بضحك -- ...نـــــــــــــايف اي بس خف عليها ... واذا طلعوا مع السواق ؟؟ نويفان ترا بنيتي حساسه
فيصل برجوله وبثقه -- نــــــــــــايف لك اللحم ولنــــــــا العظام
نــــــــــايف وهو يصر على اسنانه لانه بدا يبخر حراره --لا ياعمي انا طالبك اللحم والعظـــــــــــام
فيصل وهو يلتفت على ساره اللي ضحكت من الفرحه وبرجوله وثقه -- نايف وانا وين بلقى ابرك منك ... هي لكــــــــــــــــــ
ساره تضحك مو مصدقه اللي صار باقل من دقيقه-- يالبــــــــــــــيه يانايفــــــــــــــــ الساعه المباركه
------------------------
الريــــــــــــــــــــــــــاض
في غرفة نايفــــــــــــ
ينتابه مشاعر ممزوجه .. هي ملكك ،، تعرف يعني وش ( هي لكــــــــــــــــ) ؟؟؟ يعني زوجتك لك انت <<<<يانايفــــــــــــــــ
نـــــــــــوره لك .. المغروره .. الزينه لكــــــ
لاتكـــــــــــــون تنــــــــــد مت -- لا انا كان مخرجي الوحيــــــــــــد اني اخطبها -- اجل تقول لامها اني شفتهــــــــــــا ..
وش وجهي لادرى فيصل اني شايفهـــــــــا -- واناقلت انها عنيـــــــــــده -قلت اخطبها والشوفه مابعدها الا الحـــــــــــلال -
مغـــروره ، وطفلـــــــــه ،، ابنفجـــــــــــــــر،،،، يعني خالتي تدري اني شفتهـــــا ... ورايحه تشكى عندهـــــــا مني ...
حلو انهم ماخذوا رايهـــــــــــــا ... اصلا طفله مالهـــــــــا راي ....
لك اللحم ولنا العظام .. لاياعمي انا طالبك ابي اللحم والعظام ... هـــــــــــــــــــــــي لك
تاكد انه لازال في غرفته استوعب افكاره .. استوعب مشاعره اللي خالطها شي غريب للتو .. الحين خل تعاندني سنعها عنـــــــدي ...
انا حاليـــــــــــــــــــــــــا خاطب وامي ماعرفت ؟؟
بدل بجامته لانه مايحب يطلع من غرفته ببجامه .. وحتى لبس الرجال البنطلون وهالسوالف عيب عند العائله ..
بس فيصل اذا ســــافر مع ساره ياخذ راحته لانه .. يدري ان محد بداري عنه ..
( يسميه فيصل هو وراكان لان اجيالهم لم تختلف والاعمار ليست بعيده عن بعضها ..
ودوم مع بعض .. بس اذا واجهه او يناديه يقول عمي ..)
لكن بالسوالف ولامع اهله فيصل حاف.. من الميانه الزائده ..
بينهم يحس انه مثل اخوه وصديقه..
نايف لبس ثوبه وطلع من الغرفه --
------------------
ولازالنا في وقت العصر الرياض وتحديدا بيت ال سعود غرفه اريج
اريج تغسل يدينها . ووجهها. وتوضت منه وضوء كامل
عبير وهي تعطيها المناديل -- الله ينفع به ويشفيتس ويعافيتس
اريج وهي تحس بالم وتحاول تقاومه -- اللهم اميــــن
---------------------------
الامـــــــارت--حيث - كافيه ارمـــــــاني - بدبي مول
فيصل بابتسامه -- وش فيك ماستوعبتي ؟
ساره بابتسامه -- اي والله ياويلي نايف بيصير رجل بنتي .. مدري مدري ماستوعبت احس اني احلم هههههههه..
فيصل بجديه -- نايف يستاهل بس كم بينهم ياالسوري؟؟ مدري بس احســــــــــ نوره ماكبرت صغيره عالعرس
ساره وبعد مافكرت --بينهم عشر سنينـــــــــ
فيصل وهي ياخذ الطلب -- كم؟؟
ساره بابتسامه -- 10 سنين
فيصل -- والله كثير
ساره --تدري كم بينا ؟
بصوت واحد سبعــــــــــــ سنينــــــــــ
ساره بجديه -- بالعكس انا مؤيده انه يكون الزوج اكبر ..ياخي على الاقل عارف الدنيا . ونايف ياويليه والله مو مصدقه .
ليت كل الرجال مثله . قايم باهله . وبشغله . ومافي مثله بالوصل والسمعه الزينه .
فيصل بجديه -- وانا اشهد انه رجال . والحمدلله بس اسمعي لاتقولين لها شي عن الخطبه ..لين نرجع طيب
ساره بابتسامه -- ان شاء الله واستطردت انا افكر ااجل العمليه .. وانزل لاني فهمت ان الاختبارت مابقى عليها الا اسبوعين وتشرف وانا ابي اروح عندهم
على راحتس
فيصل يبيها تغير السالفه --وش رايك بالمقهى ؟
ساره وهي تغرق بفرحتها من الاعماق -- جنان صراحه احسن من ستار بوكس هاللي يقولون ارباحهم يدعمون فيها اسرائيل
وعالفاضي غلاهم بس والله عرفوا العرب يقاطعونهم في السعوديه بس مدري عن هنا؟؟
فيصل -- طيب قربي باكلتس انا
ساره اللي كانت متحمسه وقاطعها بنظرته الحاده --باكل باكل انا
فيصل يركز فيها اكثر وبحده اكثر-- قربـــــــــــــــــــي
--------------
الريــــــــــــــاض وعند الغروب بيت ال خالد--
نزل نايفـــــ للصاله وبكل ثقه تحنحن -- يـــــــاولد
تعال يايمه -- مافي احد صوبك. ناموا سهارنين من امس. وماعاد يشوفون حبايبي ناموا-
حمد ربه لانه مايبي يشوفها . حاليـــا
نزل لراس امه وقبلــــــــــه --
لاهنت يابويـــــــــ ... ماري جيبي القهوه بابا نزل
نايف فضل قدوم القهوه اولا وهاهي القهوه وصلت
نايف وهو يقوم ويجلس امام دله القهوه -- لان نايف لايفضل القهوه الا في دلتها ..
مد الفنجان لامه -- الاوشلون عبير ؟؟ والله اني متشوق لها ..وشلون اريج؟؟ اريج هي اسمها وشلونها؟؟ ..
والله على حالها تقول عبير على الله وعلى ذا المسكن ..
يمه انا كلمت فيصل اليوم ومع الحكي عن بناته ويسال عنهم -- خطبت الكبيره منه >> نايف لم يفضل ذكر اسمها لاسباب شخصيه تهم رجولته امام والدته
يـــــــــــــا جعله مبارك والله النوري يالبووووووووووووش يازين من اخترت يانايفــــــ .. كلها ملح وقبله . كانك تشوف خالتك ابد وجيهها وجه خالتك ساره ..
الله يبارك بعمرتس والله ان همي افرحتس ..
قبل ايدينها الثنتين -- انا كل همي رضاتس علي
راضيه عليك يابعد جوفــــــــــــــي .. اهــ يانايف .. اخيرا بتعرس ..
صوت الاذان ملا المكان وقف نايفـــــ
وين يايمه توه ماأذن بتلحق -- لا يايمه بتحمم عشان الحق عليهم
---------------------
طلع منها لغرفته
بس شافته يختفي عن عيونها -- اخيرا يانو داري -- يالبيه وعلى بنت اختي -- وافديت عمره -- ياجعلني اشوف عيالك وجعلك انت اللي تربيهم --
كفكفت دمعاتها وهذي هي --تخرج هاتفها من جيبها ..
هذي تقرر تكلمها من فرحتها ..
واختارت رقم 9 اتصال سريع <جاري الاتصال بدلوعة زوجها
ام نايف بغصه وتحاول تمسك عبرتها من الفرحه -- يامرحبـــــــــــــــا بتس
وشلونتس عساتس طيبه .. وفيصل شعلومه ؟؟
حصه وشفيــــــــــــ صوتس ؟؟؟؟
وشفيني وبكت -- فرحــــــــــــــــانه والله فرحانت(ن) له والله .. اني منيب مصدقه ..
ساره بكت معها لا ارادي -- والله ولا انا الح.مـــــ.ــــــ.ـــ.ـــد لله .
ساره وهي تضحك والله ياحصه -- مدري وشلون اتصل علي .. والله مدري شلون اقولتس وانا اقوله شلوون بناتي ومن هالحكي --
خطبها وفيصل يسمع ويالبيه من بيفكر في نسابة نايف مهوب عشانه ولد اختي لاوالله الا قامه زين علومه ياحصه .. والله اني منيب مصدقه ..
الله يوفقهم ويسعدهم
حصه النوري لاحد يقولها ولا ابي احد يدري خلوه بينا
حصه اللي فهمت انها تقصد شيخه اختها-- اي اي اكيد مابه شي الا برجعتكم ان شاء الله
ساره--اي على خير
ام نايف--متى بتعودون ؟؟
ساره--والله اني تحمست ارجع حتى اقول لفيصل دامك مابعد سالت خل نجالها وهو يقول على راحتس
ام نايف--لاياحبيبتي الشي اللي فيه خير لكم لاتاجلونه
بس انا افكر ان الاختبارات مابقى عليها شي ولازم ارجع عند بناتي -- ياسخف هالثنتين اللي عندكم اريج وعبير ماشفت احد قال بدق بسال عن خالتي حيه ميته
ام نايف--والله طيبين وبخير مايبون يزعجونتس وانتي مع ابو سعود واستطردت تغير الموضوع -- اللي بيرضي ابو سعود قومي به . ان قال شي طيعيه
ان شاء الله ..سلمي عليهم كلهم . توصيني شي
ام نايف--سلامتس ياحبيبتي الله يستر عليكم
---------------------
لنـــــــــــــــــدن في غرفتهم --
فلاح ماخذا بداله ولا البسته اللي ماراح يحتاجها هناك
راكان يحس بمشاعر بطيئه تعذبه .فتح الورد وكتب --
احتار في شوقي لهـــا . اتردد للسفر لعيناهـــا.
اتعذب شوقا لأخبارهــــا . اتامل من حولي ذاهبا لديارهـــــا.
اغار ممن يسهل عليه النزول بقربهـــا.
لم اعد اتحمل مااشعر به من الم فراقهـــا.
اخاف ممن يجرا لطلبهـــا.
احترس من اسباب تجعل غيري يسلبهــــــا.
افكر كثيرا بما تشعر هي بداخلهــا.
ينغرس سهام مسمومه بجسدي حين اتخيل رفضهـــــا.
اشتعل مثل شموع رخيصه لافائده من اشعالهــــا.
شكوت ربي ان يــ ع جــل بخبر استخارتي بسببهـــــا...
تنهد وهو يعاود قراءة ماكتب
---------------------
دبيـــــــــــــــــــ برج العرب حيث مطعم المحارة للمأكولات البحرية--
وبعد ماوصلوا له برحلة في غواصة استغرقت 3 دقائق
محاط بحوض أسماك دائري ضخم ..شاهدوا خلاله.. جميع أنحاء المطعم
بعد مااختاروا مكان يجلسون فيه راح فيصل يطلب العشاء ..وساره اللي تعبت من المشي اليوم قررت تجلس تستمتع بالمنظر اللي حواليها ..
مبســــــــوطه.. وهي تراقب الاسماك .. الوانها .. واشكالها .. واو سبحان الله .. ياليت العيال معنا ..النوريـــــــــ ياحلوتس ياحبيبتي كبرتي..
وهذي هي كل ماتذكرت اللي صار العصر ومكالمة نايفــــــ وفرحة حصه
ابتســـــــــــــــــمتــــــــــــــــــــــــــــــــ
--فقررت تطبع مسج له <<الوسيـــــــــم --( يابختي انا والله ههههههههههههههههههه عمتك . وخالتك. ومرت عمك . وام زوجتك .نسيت لاقولك الف الف مبرووووووووووك عليك ياصهري هههههههههههههههههه)
----------------------------
في بيت ال سعود في غرفة اريج
شيخه تسولف عن العرس وانها حجزت ام سوسن وعاملات من المعالي شاطرات يساعدونها وام سوسن بتجيبهم معها
شيخه -- يمه اروج كانتس بتحتالين(تقدرين ) على المشي اراح معنا واستانسي ووسعي صدرتس
اريج تبعد التفكير وتخفي شيئا ما بداخلها -- وبالايماء براسها اكدت الرفض لامها وفضلت الصمت
عبير اجل انا بجلس دامتس منتيب رايحه ينعاف مكان بلياتس
اريج والله ويمين علي ان تروحين وانا ماعلي خلاف كلها كم ساعه الا انتوا عندي
شيخه لا اصلا امتس تقول انا بجلس عند اروج والبزران ..وعبير تحضر
عبير الله يهديتس ليش تحلفين ترفعين الضغط صراحه
اريج تبتسم ووتتثاوب --انا ماعاد اشوف عطيني علاجي بس
شيخه -- يلا انا طالعه اشوف ناصر اكيد جا
تناولت دواها وانسدحت بهدوء كانت محتاجه تخفي مابداخلها منذ عرض والدتها لها بالخروج والاختلاط بين الناس اهــ يايمه اهــ
معاقة يمه من صغري .. معاقة تشتكي حق مين
مدام ان البشر تنظر لحالي بعطف يعميني
اناظر هالبشر واسال ..انا وش موقعي الحيــن؟؟
وش اللي يميز الأعمى عن اللي شوفهم زيني
فقيرة حظ يا يمـه وحالي تعمي العينين
من اللي يعشق ويهوى معاقة حظها شيني
سألتيني وش اتمنى يايمه منيتي شيين
يكون الفرح اولهم بعدها تعيش رجليني
انا ودي ومنا عيني يكون لجسمي بس رجلين
تساعدني على برك .. وبرك غايتي وديني
يا ليت الناس ترحمني وترحم حالة المسكين
ولا تجلس تناظرلي بنظره تجرح سنيني
تلاقين الفرح مظلم ونور الحزن وسط العين
وألاقي الهم والحسرة وسمها الوقت بجبيني
معاقة يمه قوليلي علامك ساكتة تبكين
كلامي ازعجك ادري .. وادري الدمع يشكيني
دخيلك يمـه لي رجوة مدامك قادرة تكفين
ابي لي لعبة يا يمه تكون الصادقة بعيني !!
طلبتك يمه هاتيلي عروسة مالها رجلين
وابيها تكون في كرسي .. ( معاقة ) مثلي ترثيني؟؟
سمعت خطوات عبير..
اللي توضت واستعدت تسنن قبل لاتنام..
كتمت انفاسها.. وعبراتها تزداد..لتشتعل حرقتها ..
على امل ان لاتشعر بها عبير..
----------------------
لنـــــــــــــــــــــــدن -
- يستعد فلاح للسفر.. وهاهو اغلق حقائبه ..وارتدى ملابسه
راكان -- شعر به فنظر لشا شة الكمبيوتر التي امامه .. عسى المانع خير مادخلت اليوم؟ وابوي ناصر ماكلمني شسالفه ؟
طرد افكاره مأجلا(ن) قلقه عليهم ..لمابعد توصيل فلاح لطائرته
فلاح--ياله يارجال لاتفوتني الطياره
راكان--ياليتها تفوتك
فلاح--والله ودي بقعاد(ن) معك بس انت خابر
راكان--ماعليه عزيز وغالي
راكان--توكلنا على الله
------------------
بيت ال سعود حيث الريــــــــــــــــاض--
عبير حست بخمول وتعب -- فتحت المسن لدقائق لم تشعر برغبه في الحديث او البحث فاغلقته واستسلمت للنوم
------------------
بيت ال خالد
على صلاة الفجر --نايف اللي صلى العشاء ورفض العشاء و نام والحقيقه مايدري هو نام ام لا؟؟
من كثر مافكر يشعر انه نام وهو يفكر واكمل افكاره داخل احلامه
اليوم الاربعاء
مر على غرفة البنات ..
وسمع اصواتهم عرف ان السهر جاب نتيجه معاهم ... بس مو زين كل يوم سهر ..ودوام ..ويرجعون ينامون ..ويجمعون الصلاه ؟؟؟
طرد افكاره اللي لو زاد التفكير بيقرر يتفاهم مع ريناد
صحى بندر ووثق من صوته انه بيلحقه للصلاه ..
بعد مارجع سمع صوت البنات بالمطبخ تمنى لو يسمعها على طبيعتها من بينهم..
هل انتي مغروره معي فقط..ام الجميع يعانون من.
هل هي ضريبه جمالتس.. ان تكوني ..
لا اعتقد ..
فانتي شبه امك ذات الروح الطيبه الشفافه ..
فلماذا اختي ملامحها دون الاهم .. لو كنتي .. لكنتي الاجمل في عينــــــــــــــي انا .انا . لوحـــدي
خرجت لمى وحنون بصينيه متوجهين للطاوله
والحقيقه ان افكار نايف انسته ..ان يتنحنح معلنا تواجده في الصاله ..
رجعوا ركض للمطبخ واهو تنحنح وصعد لغرفته..
في المطبخ نوره ..تدهن ساندوتش لفيصل وبني سعود..
سمعت ماحدث في الصاله ..
ارسلت لحنان نظره عدم الرضا.. حنان انا ابي افهم شرشفتس وينه ؟؟
حنون -- انا وش دراني انه قايم ولا في احد بالصاله الغلط منه؟؟
نوره -- الظاهر ان رجعتنا للبيت قربت .. افطري واخلصي البسي بسرعه
ريناد اللي توها جايه من الحديقه جايبه نعناع -- وين نويران تعالي الفطور ؟؟
نوره بهدوء -- مابي .. بروح اصحي رهوف ؟
----------------------
لنــــــــــــــــــــدن --حيث يوجد بها خمس مطارات
مطار هيثرو (Heathrow)،
مطار غاتويك (Gatwick)،
مطار لوتون (Luton)،
مطار ستانستيد (Stansted) و مطار المدينة (لندن) (City Airport).
وفي مطار هيثروا حيث احد رحلات العوده للسعوديه على الدايركت
فلاح وراكان اللي وصلوا متاخر --
فلاح وهو يبتسم --يالله وش هالزحمه شفت كلن بيروح وانت جالس هنا
راكان بابتسامه شكليه ارجعها له --( خلها على ربك )
اقترب فلاح ليضم اخوه وصديقه ..اللي ولأول مره يفارقه منذ ان تعرف عليه واستضافه في شقته ..فلاح( يعز علي ان بيسافر وانا اشوفك هالايام تايه ومشغول بالك)
راكان--(يمكن ماحتاجك .. بس الاكيد اني بفتقد حسك ياخوي)
فلاح--(ودي امس وحنا مع بعض شكيت لي وش بخاطرك وليش كل هالتفكير والسهر ..)
راكان سلم عليهم كلهم وجعلك ماتشوف شر لاتنسى تطمني بوصولك x سلمت من الشر الله يحفظنا وياك فمان الله
غادر راكان المطار وهو يدعو ان يكون بعد شهرين هنا هنا .. بمطار هيثرو ومنه للسعوديه
-----------------------
الريـــــــــــاض - بيت ال خالد
حصه تاكدت ان رهوف ركبت الباص مع الشباك
وبعد ماتطمنت ان بندر طيب وراح مع محمود للمدرسه وهي تدعي انه مايتعب ولا يصيرله شي مره ثانيه
نايف ينزل مع الدرج --وهو لابس ثوبه ..وشماغه وعقاله .. بيده اليمنى .. وهو يذكر مسج خالته اللي ارسلته له وبداخله --( مبرووك علي طفلتكم اللي بتكبر عندي )
لكنه اكتفى بطبع مسج لها--الله يبارك بعمرتس وايامتس..
قبل راس والدته --صبحتس الله بالخير وشلونتس يالغاليه
حصه--ياهلا والله بالمعرس-- يــــــوالله .. لاتسمعني النوري
نايف استغرب من الجمله الاخيره ولكن رجولته لن تسمح له بالسؤال -- كملي يمه برري ؟؟ ليش قلتي كذا
<<ينتظر ان تكتمل جمله والدته
حصه -- ماري عجلي يايمه عاد وراهم مشوار للجامعه --
نايف بهدوء -- هم جاهزين؟؟؟
حصه--اي بعد قد قالوا محنا برايحيين وعيت عليهم رنو قالت لهم ههههههههههههه نايف مهوب مخليني اغيب واشوى وافقوا
نايف بهدوء-- من اللي مايبي يروح --؟؟؟
حصه ماتبي تقول احد معين -- قصدهم اليوم زواج جيران ال سعود الاولين .. ويبون ينامون عشان تزين وجيهم للعرس
مهوب عذر -- قومي افطري معي ياله
لاياعيني عليك بالعافيه كليت مع البنات
نايف--الله يعافيتس
راحت حصه للمطبخ تبي تحرر الفكره اللي ببالها--
رن جرس الباب ---
لف نايف عالباب قام وهو مقبل عالباب سبقته ماري وفتحته -- انتظر بمكانه ليرى من جاي هم بهالساعه-- نزلت طرحتهــــــــــا السلام ماري وين بنات ؟؟
نايف عطاها ظهره ورجع مكانهx افنان ارتبكت من ردة فعله ووجوده اللي فاجاها
--------------------
في غرفة البنات
نوره -- ترانا رايحيين بدري
ريناد -- لا على بال مانوصل
نوره -- وش من بعد المسافه ياليتنا غايبين ازين
افنان بتعب من الدرج --ياويــــــــــــلي شافني شافني
ريناد -- هلا والله وش فيتس
افنان وهي تسلم عليهم --اخوتس ياشيخه شافني ....يافضحـــــــــي والله
ريناد --يوه هو تحت اجل تاخرنا عليه ياله ياله
لالا شكله يفطر
نوره ( شافك وانت متزينه كذا ؟؟؟؟ هذا الظاهر ماخلا وحده ماشافها ...)
ريناد نزلت ورجعت لهم يالا بنات جاهزين ترانا متاخرين
--------------
لنـــــــــــدن --
يوم جاف اشرق على محيا راكان..
شعر ان لندن لاحياة فيها اليوم..
دون رفيقه واخوه ومن اعتاد على صحبته في غربته ..
وان كنت عرفته منذ فتره الا اني شعرت بقيمه ان يكون معك احد .. يشاركك حياتك
راكان لايوجد لديه محاضرات صباحيه .. ولنفاذ صبره ..
وقلة احتماله على الانتظار اكثر .. وكانه يبي يرتاح ويضمن السفره .. ليحقق مناله..
قام وصلى وادى صلاه الاستخاره --ودعى ان يكتب له الله ..بمافيه خير وصلاح له
بعدها راكان قرر يحرر الفكره اللي بباله -
-قرر زيارة العجوز اللي ساكنه فوق سوبر ماركت Hollywood lovers shop
عشاق هوليود
توجه راكان لمكتبة في المركز الاسلامي (مسجد الرجنت بارك ) ..
فيها كتب تدعو الى الاسلام باللغة الانجليزية ..وسعر الكتاب فيها 1 باوند
وهو اقرب لمحطة على المسجد (البيكر استريت ) ولكن مشي تقريبا من 10 دقائق الى المسجد
والكتب توضح لها اهمية الدين الاسلامي ومبادئه والحلال والحرام فيه ..
هاهو يطرق الباب عدة طرقات -- ومن ثم انتبه لوجود جرس ..وهاهي تفتح له الباب --
---------------------------
الرياض حي السفـــــــــــــارات --
فهد الذي كان يقود السياره باخيه..
فلاح --كان طول الطريق يسأل--
وفهد الاخر يجاوب عن مافعلوه من تجهيزات .. و في اي قاعه.؟ وكيف نفسيه العنود ؟وماخلا شي ماسال عنه ....
تفاجا فلاح عند وصوله البيت.. ان اخوه فهد عازمه عالغداء ..وماخلا احد ماعزمه لرجوعه بالسلامه ..
---------------------
الرياض بيت ال خالد --
نزلوا البنات ..تقدمتهم رنو .. والاثنتان تاخروا في الظهور امام من يجلس في الصاله ..
طلعت امه من المطبخ -- يمه نـــــــــــــايف يمه لاتروووح
ريناد -- لالا هذا حنا مابعد رحنا--
جاءت حصه وهي منشغله بوضع العود عل الجمر --ومن فرحتها قالت-- تبخر فديت انا اللي بيعرس ...
نايف متعطر نفدى عمرتس -- الله لايهينتس -- طاب طيبتس
حصه --وعاش حبيبك يابعد عمري
ريناد بضحكه -- بيعـــــــــــــرس صدق.. كاني اشم ريحة شي مخبينه عني ؟؟
حصه تضيع الموضوع -- ان شاء الله انه بيعرس
نايف وقتها استغرب للمره الثانيه -- ان امه ماتبي تعلم احد
افنان التفـــــــــتت على طول على نوره اللي كذبت اللي سمعت -- بيعرس من بياخذ!!!!!؟؟؟
نوره بهدوء وهي تحاول تخفي شيئ غريب انتفض بداخلها-- مـــدري
---------------------
لنــــــــدن صباحا حيث غربه الروح والمشاعر راكـــــــــــان--
بعد ان انهى زيارته لها حيث شكرته ووعدته بقراءتها لاعجابها بالدين الاسلامي وتقدير الاسلام للمراه .شكرته كثيرا ..ووطلبت منه المرور بها دائما.. للسؤال عنها
لم يكن يريد السير بالسياره ففضل المشي قليلا -- استكشف كثيرا لهاتفه يترقب احدا يتصل من السعوديه -- لا احد
عسى مافيهم شي ولا فلاح يمكن وصل تعبان ونام
قلب بهاتفه كثيرا واخيرا قرر الاتصال بابيه ناصر--<<<<<<<<<لايوجد رد
انتفض قلبه توقع الساعه في السعوديه ليش يعني ماراح للشركه .. بنتظر الى مابعد المحاضره ..
والله يستر يمكن مايكون عنده .. او مشغول .. لالا ..طــــــــرد افكاره وهو يتذكر -- انه لابد يحسن النيه ولايتفائل الا بالخير .. ولابيذبحك القلق ياراكان..
--------------------
في السياره متوجهين للملز --
كعادة نظارته تخفي الكثير ممايدور بداخله .. ولذلك اعتاد على لبسها نهارا
لف على اخته سالها-- معتس مصروف --
رنو--ها ايييــــ
نايف بهدوء--هم معهم
رينادقربت اكثر منه -- اي اكيد ترا امس ماخذت الميه
نايف اللي مالتفت عليها يوم سمع جملتها - مثل اللي ماستبعده منها
جو الهدوء ملئ السياره .. واللي بالخلف.. من الحياء يتمنون يكتمون حتى انفاسهم
رفع نظره للمرايه -- يجهل هي اي وحده الاثنتان تقريبا خلف ريناد من هي منهم ..
(اشتقت لصوتها .. اصبحت تعنيني اكــثر
ترفض مني كل شي .. مع اني لم افعل لها شيئا ..!! ماذا سيكون حالها لو تعلم باني تقدمت لها .. واهلها لم يمانعوا .. وهي لي الان ؟؟
ابي اقولها .. امي ماتبي ليش ؟؟بس اكيد هي اللحين تدري .. اكيد خالتي قالتلها.. اي اي تدريـــ معناه تسمع كلامي وتطيعنيــــ )
وعند الاشاره القريبه من الجامعه -- التفتت ريناد على الخلف من جهة بابها -- اوششششش النوري..
نوره اللي انتبهت لها -- اشرت باصبعها --وشو
جبتي المرجع الي استعرناه
نوره شهقت----لـــــــــــــــــــــــــــاء
لم يجف قلمي غدا يكمل ويكشف لنا اسرارهم
كل الود مني لكم
صبى الاوراق
15-07-09, 06:43 PM
جديد مواضيع قسم القصص المكتملة (بدون ردود)
العرض العادي
