هلا حبيبتي
انت مثلي تماما ..طول عمري خجولة بس كنت أكون صداقات في المدرسة مع ناس هادئين مثلي ..ونفسك متفوقة طول عمري حتى هاللحظة والحين عندي كم صديقة واحس يكفوني مو لازم شلة كبيرة ..
شوفي انا احس مو لازم تكونين صداقات من ناس غرباء
الصداقة مو شرط من حد غريب
الصداقة ممكن تكونينها مع اي انسان تحسين براحة بصحبته ما تتوترين تتصرفين على طبيعتك اي شي خاطرك تقولينه قدامه تقولينه
ممكن مع أمك ..أو أختك أو بنت خالتك أو أخوك أو أبوك أو حماتك
أو ممكن زوجك
ممكن تصيرين صديقة زوجك
شوفي الخجل احسه وراثة فأنا كل أخواني خجولين مثلي
وسؤال هل أنت توك متزوجة ؟
يمكن بالبداية تحسين بخجل منه ..أنا أخجل من أبوي وأخوي ..أخجل من كل الرجال بشكل عام وأفهم شعورك
ولو تحسين أنك بحاجة لمساعدة خارجية ليش لاء؟
طبيب نفسي ممكن يفيدك ..ومافيها شي اعرف ناس كثير يروحون لطبيب نفسي..بسبب ضغوط يمرون فيها ..
بس أهم شي نركز عليك وعلى خجلك من زوجك
اول شي مافصلتي كيف الحوار بينكم ؟هل تسالفين معاه ولا تتوترين ؟
ولا تكلمينه بخجل ؟ولا تسكتين قدامه طول الوقت؟
أهم شي أنك تبذلين جهد أقصى ما عندك حتى لو دق قلبك وعرقتي ..حاولي تبدين حوار معاه ..تكلمي عن أي شي ..اشتري كتب عن فن الحوار أو كيف تكون الصداقات أو كيف تحسن علاقتك بشريك حياتك الكتب كل مكان ومفيدة مرة ..اقرأي مقالات بالنت عن كيفية التخلص من الخجل تلقين نصايح حلوة ..بس حاولي حبيبتي حاولي تناقشينه بأي موضوع بالدنيا النقاش بيزيل الخجل كلميه عن طفولتك مواقف مضحكة أو حزينة صارت لك ..موقف مع انسانة ..بالمدرسة مثلا ..احلى تجربة مريتي فيها أو أخوف تجربة ..وأحدى طرق النقاش هو طرح الأسئلة خليه يتكلم اسأليه عن طفولته عن شغله عن هوايته عن شي يحبه عشان يتحمس ويسألك رأيك ..
..بيكون صعب بالبداية بس شوي شوي هو بيستجيب وبيحاول يسهل عليك
نصيحتي أنك إما تشوفين طبيبة نفسية أو اجتماعية تعلمك كيف تصيرين أكثر ثقة بنفسك
أو أحسن أنك تخلين زوجك يساعدك تحلين المشكلة
روحي عندي ..واستجمعي شجاعتك ..وفكري انك لو صرتي جريئة هو بيعتبرك مساوية له ..صديقة له ..يلجأ لها ويستشيرها ويفضفض لها ..ترى الخجل الزايد يصنع حاجز بينك وبينه ..روحي عنده وافتحي قلبك له وقولي له انت تحس اني خجولة بزيادة ؟حاول تساعدني أتغلب على خجلي ..ترى هو أٌقرب أنسان لك ..قولي لي :أنت ما لاحظت أني خجولة بزيادة ..طيب انصحني كيف أصير مثلك ..
والله عادي ..ماعند أحد قريب منك يساعدك مثلا أخت أو من أهل زوجك ؟
انت قلتي أنك يتيمة ..ماعندك أخوان ؟لو أخو أوأخت ..أو أخت زوجك أو أمه أو زوجة أخوه ..أي انسانة مو شرط تكونين صديقتها بس على الأٌقل ترتاحين بصحبتها وماتكونين خجولة بزيادة معاها ..
خليك متفائلة لا تتشائمين وتقولين بخسر زوجي ..مابتخسرينه ان شاء الله .إذا ابتعدت عنه وانطويت على نفسك ممكن يصير بينكم حاجز ..بس لو هو ساعدك بمشكلة الخجل هذي بيكون بداية حلوة لتصير صداقة بينكم قوية ..
لا تخجلين منه هذا شريك حياتك أبو أولادك بالمستقبل ..شوي شوي بيخف الخجل صدقيني ..ولما تجيبين طفل بيروح كل الخجل بينكم ..لأنكم بتتعودون على بعض ..بس أهم شي أنك تبذلين جهد بس لو حسيتي ان مرة صعب وماقدرتي روحي لطبيب نفسي والله يساعدك ..روحي ولا تترددي حبيبتي ..وبشريني لو تحسنتي
أختك