نبوض ولله مقدرين ضروفتس وانا وحده ادرس مثلتس وعارفه الامتحانات وتعبه بس اتمنى ماطولين في البارت عن سبوع لان بجد بقصه مثل بنت الشاميه ننس وشصار قبل ماينزل البارت لان الاحداث مرتبطه ببعض مقدرين نبوض جهودتس في محاولة ارضائنا في تنزيل البارت وترانا منتظرين المحاوله ببارتين ذا الاسبوع


مي : نعم نعم وشقلتي ميوه ان رونق اذا عرفت بسبب خيلنتس لها بتعذرتس باي عذر باللى بتعذرتس رونق عن تركي ماعليه ماراح تبكي ندم عليه يوم تزوج منتس رونق ماتبي منتس الا تعلمين اهلتس واخوانتس انتس انتي اللي كنتي تكلمين الولد وان رونق مالها اي دخل مجرد كانت بس تبي تنقذتس من الموقف بس انتي خذلتيها ومثل ماقالت رونق جعلتس ماتوفقين انتي وياه يارب صدق فقدان مثله مهوب خساره وتبين الحق نبض انا متوقعه انه ماراح يبي مي وهو كان يحب رونق وغير كذا ابوها هو اللي عارضها عليك وهي ماراح تتقبلك وهي حاسه انك كنت من حقوق اختها ومن عرفت نفسها وتركي يحب رونق ورونق تحب تركي

رونق : بكيت نبوض على حال رونق بيوم ملاك مي وتركي وبعدين ليش ياهند ماتعطينها بندول يعني البنت بتموت من الصداع وانتي تفرجين نظميه لها ومالها شر ان شاءالله
ياحبي الفيصل وندى متاكده ان ندى وفيصل راح يكون لهم دور في اظهار برائة رونق اذا جا خالد ان شاءالله بيكون فيه تكاتف في ظهور برائتها
وبعدين انت يامحمد ماتشوف انك مصختها مع البنت يعني اذا كان وصار رونق غلطانه ليش ماقعت معها وتكلمت وسئلتها عن سبب خيانتها وانتي يارونق ليش ياثوره بدال ماتبينين برائتس تقولين سامحني يامحمد انتي مسويه شي غلط يوم تطلبين السماح كذا تثبتين انتس فعلن كنتي تكلمين شباب
ياترى يامحمد انت وهدى وعبدالرحمن وشراح تكون ردة الفعل عندكم اذا عرفتو ببرائة رونق هل عقدة الذنب بتلازمكم على فعلتكم هل بتحاولون تنسون رونق اللي سويتوه فيها خاصه ان مي بنت امكم هي اللي خانت الثقه مش بنت الشاميه يشين عقدة الذنب اللي تلازمك خاصه اذا كنت ظالم

نهى : عندي احساس انتس راح تكونين اقرب وحده الرونق ويمكن بتكونين من طاقم المنقذين الرونق ومثبتين البرائتها امجاد وفيصل وندى وانتي
نهى عندي احساس اللي سلم عيتس يوم ملكة تركي هو عزام وراح يحاول يرسم عليتس مثل ماسوى الرونق لانه يشوف ان وحده مثلتس ومثل رونق مالهم امهات توجهم راح يكونون صيده سهله وبتكون هذي هي بداية لاثبات رائة رونق يعني ان شاءالله بتطيح بشر اعمالك ياعزام
وبعدين مستغربه وبشده في ابو محمد يعني فيه فرق في المعامله بين رونق ونهى نهى كنت تمدح في امها وتحب البنت وتراعيه بعكس رونق اللي ماكانها بنتك وماخذها بذنب امها طيب يومك عارف ان الشاميه كذا ليش تزوجتها ياخي عليكم حركات ياذا العوده المزواجين ومايطحيح فيها الا عيالكم ولا فوق هذا بعد خيانة الشاميه رحت وخذت مصريه ماخفت تسوي مثل الشاميه وتعلق بنتها بذنبها وتصير بنت المصريه كان فكيت نفسك وخذت سعوديه ثانيه وثالثه ورابعه وافتكيت من الغثا
ولا قاعد يقنع ولد اخوه بمي ومستخسره على رونق نعم الاب


مشكوره نبوض على البارت القوي مع اني بكيت وخرعت وليدي يحسب اللي مصيحن ابوه ومع اني ماحب القصص الحزينه اللي تقطع القلب لاكن بنت الشاميه احسها قصه واقعيه عشان كذا حبيت اتابعها حتى لو هي حزينه لين اعرف حال بنت الشاميه وشصارعليها
وعلى فكره نبوض اموت انا على اللهجه القصيميه