المنتدى :
الشعر والشعراء
:: لو بكيفهــــم يتشبهوون أشبهونـــي ::
مساءكم رائع بروعهـ مشاعركم وأحاسيسكم ..
قصيدة رآآآآئعة للشاعر/ حامد زيد
ياكثر مارافقت خلان واحباب..
وياكثر مافي شدتي هملوني..
على كثر ما أعدهم ستر وحجاب..
على كثر ما أحتجتهم وتركوني..
من صآرت الأخوه ثمن حفنة تراب ..
نفس الوجيه اللي نصوني ،، نسوني ..
من غير ذكر فروق وعروق وأنساب ..
كانوا ثلاثه والثلاثه جفوني ..
علمتهم وشلون الاهداف تنصاب ..
ولما سواعدهم قوت صوبوني ..
عشاني أصغرهم عمر صاروا أحزاب..
عشاني أصدقهم قصيد ظلموني..
اللي نجاح أسمي زرع فيهم أنياب..
حتى النصيحه مابغوا ينصحوني..
كنت أكتب لنفسي مشاريه وعتاب..
ولا أدري ان اللي قروني قروني..
لو شفتهم واحد يشوفوني أسراب..
من وين ما لدوا نظرهم لقوني..
أثر وجودي بينهم محرق أعصاب..
ومزعل بعضهم من بعض لو طروني..
دام العطايا عندهم دين واتعاب ..
والله لو اطلب ذنبهم ماعطوني ..
طالب نصيحه كأني طالب رقاب ..
وهي نصيحه كيف لو زوجوني ..
كنت أكتب لنفسي مشاريه ووعتاب
ولاادري ان اللي قروني .. قروني
تضاربت من دوني عقول وألباب
واجد بغوا غيري ,, وواجد بغوني ..
أقفل هدب ..تسهر على شعري أهداب..
كني حبست أرقادهم في جفوني ..
أثري وجودي بينهم محرق أعصاب..
ومزعل بعضهم من بعض لو طروني ..
ياكبري يعيني وانا توني شاب ..
واهم كتاب الشعر حاربوني ..
حتى ولو يهوي على نجمي شهاب..
يكفيني اني اسمي كبير بعيوني..
قد قال أبوي: ان هبتهم قول ما أهاب..
لو يقدرونك قول ماتقدروني..
مادام قبري محتضن راس مرقاب..
على كثر ماتقدرون أدفنوني..
لو ماني بذيب أنهشت عظمي الذياب..
لو ماقدرت أثبت وجودي لغوني..
لو ماسكنت بوجيههم مت بغياب..
لو ماقدرت أمحي ورقهم محوني..
أصبحت الاصعب لأنهم كانوا صعاب..
جننتهم مثل ماجننوني..
ياويل وجهي كن للدمع مخلاب..
ماجف ماه ولا استحى من طعوني..
كل ماطرالي منظر مريب وأرتاب..
كان الوحيد اللي يحرك شجوني..
قبلة صلاهـ، وذكر وخشوع، وكتاب..
وأمي على سجادة النور دوني..
تدعي لي الله يفتح بوجهي أبواب..
تتوسله بالشده يكون عوني..
من كثر ماخفاقها بالدعاء ذاب..
صارت تحس ان زملاي كرهوني..
بشرتها يمه،: معي ربع وأصحاب..
ماني الحالي واجد اللي يبوني..
من يوم حاز قلمي كل الالقاب..
قلطتهم في دفتري واحفظوني..
الله وهبنيهم بني عم واجناب..
من يوم جيتهم أعجبتهم وأعجبوني..
واعجابهم فيني ماهو باية اعجاب..
بأسلوبي ،بشرحي،بطرحي،بلوني
لو قلت عن نفسي بشر صرت كذاب..
لو قلت دمي من ذهب صدقوني..
لو بكيفهم كان ازرعوا دربي اعشاب
لو بكيفهم يتشبهون أشبهوني..
من كثرماصارو من طبوعي قراب ..
حتى بلبسة شمغهم قلدوني..
وآجد دعوني وأغلقوا دوني الباب
ووآجد أبكي لهم مابكوني..
لو طالوا لهدمي مناسيب وأطناب..
كان وغلاتك من زمان أهدموني
مدآم حطوا فيني عيوب وأسباب..
جنبت عنهم مثل ماجنبوني
أصلا لو بخوتي شي ينعاب
ذبحت نفسي قبل لايذبحوني..
أنا يدي لو ماكست متني ثياب
نذر علي أقطع يدي من متوني..
مو عيب ان جيت مدعوا ولا أشوف ترحاب
العيب لو أني رجعت ان دعوني..
وسلاآمتكم ..
|
09-11-09, 01:09 PM
جديد مواضيع قسم الشعر والشعراء
العرض العادي
