قصه قلبي من كثر ماحبك تحمل خطآكـ

إليكم القصه..



فطوم : يووه يااربي ماكن في ذا لبيت الا فطوم .. وضحى (( ام فطوم )) :.. قومي جعلني قبلس قومي زيني السلطه
الرياجيل قدهم على وصول وانتي عادس مازينتي حاجه .. فطوم .. خلاص ابشري يمه بقوم بقوم ..راحت فطوم صوب المجلس
لقت خويلد اخوها معاه واحد من الاعيال .. فطوم اتقول في قلبها ااه برري حالي مززين ذا الووجه مااشااء الله تبارك الله ..
هههههه بعد لايصير في الولد شي ماعاد شفته هههه والله اني خبله خلني اروح ازين السلطه جعل اخررهاا زواع .. شوي الا تسمع
عند باب المطبخ احم احمم .. فهد: .. السلام عليس يابنت عمي .. فطوم .. يويلي فضحي من انت ..وتلملمت بجلالها
فهد: .. انا فهد .. شحالس اربس طيبه .. فطوم :.. بخير ياوجه الفلس ياخي صبيت ما قلبي .. فهد: ههههههههههه
.. ههههههههههه متى بتعقلين انتي وبعدين مانيب مالكل من السلطه اللي بتزينينها كانس من ذالحين تدعين على اللي بياكل منها
فطوم :.. قومي الشين يافهيد ماكن به خدامات في ذا البيت كله فطوم تعالي فطوم روحي فطوم سوي .. فهد :.. اااااااه امحق مره
وفيه مره ماتشتغل في البييت .. فطوم :.. اييي ماعليك الا الكلام وذبحتني بمهايطك المره والمره ليتك تمسي انت بس تعال جرب
ونظف غرفتك بس بتهلك .. دش عليهم خالد :.. السلاام عليكم ورحمه الله .. ردوا السلام .. فهد : ياخي لاتخلي ذا العانس
اتزين السلطه صجتنا على السلطه .. خالد :.. ههههههههه اتعلمني فييهاا خابررها عايش معها قد لي سنين .. فطوم: ياسخافتكم لاجيتوا
اتميلحون ..خالد :.. انزين اذلفي داخل كل شي جايبه من برى .. فطوم وجهها غدى احمر من الغيض .. فهد .. يضحك
هههههههههههه والله مهيب صااحيه فششلتها حرام عليك .. فطوم :.. بالعكس ريحتوني وشغلك بعدين ياخويلد ترى حاجتك عندي
مافهم فهد وخالد مات من الغيض وده ايتوطى في بطنها .. راحت فطوم للصآله لقت امها اتسبحن واتهلل .. جاتها وقالت يمه انا ابي اسير
ام فطوم :.. وين بتغدين .. فطوم: بروح صوب نجول .. ام فطوم : لا مابه احدن فاضي اتصلي في نجول وخليها اتجي مع ابوها لاجا العشى
فطوم :أي والله انس ذكيه .. ام فطوم :.. لسبتها بالمسباح .. فطوم :آآآآآح يمه عورتيني ههههههههه .. عبدالله :.. عسسسسسى
تستاهلين .. فطوم :.. هلا وغلا ومرحبا في ذمـتي .. عبود: من الاخر وش تبين .. فطوم :.. افاا مابي شي الحين ارحب بك
اقول عجل قطعا باللي جاا كذا اوكي ؟. عبود :.. هههههه اي اوكي الحين انتي اختـي . عبود قعد مع امه وفطوم راحت تتصل
على نجول .. بس محد ايررد .. شوي الا اللي رافسسه البااب ..نجول :.. السلاااااااااام عليييييكم فطيييييييييم وجدررري
انتي ساارقه الشااحن حق لاب تووبي اعتررررررفي .. هي على بالها محد في البيت تحسب ان الرياجيل في المجلس ..
عبدالله :.. وعليكم السلام ورحمه الله وبركاته .. وهو فيه ضحكه بس مايبي يحرجها .. نجول تيبست :ع .عبدالله ..
عبدالله: لبيس ..نجول نزلت راسها وقالت :.. شحالك .؟ عبدالله .. عبدالله :يسررس الحاال انتي شحالس وحب يحرجها وليش اتصيحين
وداشه كذاا مستشيطه ههههههه ..تذكرت انها رافعه نقابها شوي الا نزلت دمعتها من الاحراج ووجها قلب الوان .. لفت اعطته ظهرها
قالت : آسفه والله مب من عوايدي اني ادش كذا بس والله مادريت ان به احد هي اتقول في قلبها اشهد انه نقد عـلي ..
سكت عبدالله لانه حس بانها منحرجه واجد .. عبدالله :.. يالله انا بطلع ولا احد بداري اني كنت هنا هههههههههه بس اول مره
اشوفس كذا ولا توقعت انس اتحبين تلفتين الانتباه ..<< قالها كذا يبيها اتفكر في كلامه وهو في خاطره يمزح .. نجول بققت اعيونها
جات فطوم .. ييييييييمه انتي من متى وانتي هناا .. نجول: .. اسسكتي مني تراني مب فاضيه لس .. فطوم :.. ليش وش صاير عسى ماشر

نجول ابتسمت :.. مااشر فديتس شلونس انتي شعلومس .. فطوم: تدرين اني كنت اتصل على بييتكم قبل شوي بس محد فيه ..
نجول: ايه خواتي رايحين ايتقضون اغراض للعيد .. وانا ماكان لي خاطر اني اروح قلت حطوني عند فطوم .. والله اني مشتاقه لس
فطوم .: والله حتى انتي لس وحششه ..فطوم: تعالي شخبار العله روضه عادها اتضايقيس ..؟ نجول .. لا يختي اتحسين انها هاديه
بنت خالتي ذي مادري شفيها مارات اتكون راضيه ومرات لا مادري وش اللي جايزن لها بس يختي اتهاماتها وشكوكها وكلامها ..
وكل ماشافتني قالت البنت الزم ماعليها سمعتها وشرفها .. كانس اتقولين ماسكه علي شي .. فطوم :.. نقززت تااكل تبنها
خلينيي بس اشوفها والله لاابررد خاطرس يانجوول اصبري علي بس شايفتن عمررها على ويش هذا اللي ابي اعرفه المشكله
ماتشوف عمرها .. قطعت كلامها نجول :.. استغفري ربس بعدين صدق انس حسوديه .. فطوم اتشوف نجول بنص عين ..
انا حسووديه لييييييه .. وش قلت ولا وش حسدتس عليه ياحظي ..نجول: .. حاسدتني على الحسنات اللي اتجييني من وراها
ههههههههه بعدين يمه عادي خليها تتكلم من اليوم ليين بكرره ماحرركت فيني شعره بعدين والله انس مكبرره الموضوع وهو تافهه
فطوم : لايختي وشوو تافهه تخيلي اتقوول لأمس ولا اتقوول لااحد من اخوانس انا اشهد انس بتروحين فيها يختي ..
نجول : صبر صبر وشني مسوويه حبيبه قلبي انا وحده واثقه من نفسي والحمدلله ولاني من اللي من النوع اللعاب انا بنت قبايل
والمراجل كلها توقف تحت قدم اللي ربووني واهلي دوم يرفعون الراس تبيني انا اللي اوطي راسهم لا مب نجلاء اللي كذا وانتي ابخص
عبدالله نسى جواله في الصاله وجا عشان ياخذه وسمع كل كلام نجلاء سمع سالفه روضه بالكامل .. كان يبي اينبهم بس السالفه
شدته ..قال في خاطره والله انس كفو يابنت عمي .. دق باب الصاله .. انقززت فطوووم :.. لاااااااااااااااتدخـل عندي نجوول

عبدالله .. انا داري جعلس الوهم .. قومي جيبي جوالي تلقينه جنب التلفزيون .. فطوم : يووووهـ عاجززه بعيد
عبدالله : لعنبو غيررس قومي ولا والله بدخـل .. فطوم قالت له: احسن ادخل .. عبدالله دزها وفتح البااب ..ونجول كانت
سرحانه حتى ماانتبهت بس هوو تنح اول مره ا يشوفها بدون شيله .. ارفعت عينها وتلاقت عيونهم نزلت عينها وتغير لون وجهها
جاات فطووم مسسررعه انقلع برررررى عيييييييييب علييك تدخل ع البنت ..عبدالله : آ.آآآسف نزل راسه واخذ الجوال
وطلع جواله وجوال نجول نفس الشي ..هو كان حاطه على طاوله التلفزيون .. ونجول حاطه جوالها على المسند .. هو خذى جوالها ..

فطوم.:. انا اسفه كله مني والله هو قال جيبي جوالي وانا اتعرفين لساني طويل ادري انس منحرجه الحين والله ماكان قصدي ..
بعدين لاتاخذين فكره عن عبدالله انه مايستحي تراه يستحي وانا متاكده انه نسى بانس هنا .. نجول :.تبي تلطف الجو وتبي تودي الاحراج
قالت ووجع انتي اتعلمييني في اعياال عمي والله انس خبل .. فطوم :.. ايه نسيت اقولس ترى عووش بنت خالي يمكن اتجينا اليوم

نجول :.. حيااهاا الله العيين اووسع لها من المكان الا تعالي بنحجز شاليه ولا .. فطوم :.. والله يختي ماني بداريه عنهم .
مره ايقولون بنروح ومره ايهونوون يختي كلمي ابوي انتي ترااه يسمع لس ..نجول .. خلاص بكلمه ابشري كم فطيم عندي ..



في السووق ..
جمول : يختي مابه شي يفررح ماخذيت لي الا بدي والتنانير اتجيب المرض..
هيا : يختي حنا وش نسوي مهب راضين يودونا الرياض ..
ام تركي : يالله منكم يويلي ودكن اتعذربن .. كل ذا عشان اتسافرن .ابشركن مابه سفر اخلصوا علي ارجيلي اتعورني
هيا : جموول جمول شووفي شوفي .. جمول : ويش اشوف .. هيا : شوفي ذيك مب روضه !
جمول : ييمه اي والله رووضه ..هيا .. : من اللي معهاا شووفي شلون تضحك ولاهي بلابسه برقع شوفي براطمها تلمع
من القلوس .. جموول : ههههههههههههههههههههه الله يقطع عدوس وش مطمرس على براطمها .. فضضضضضضحي
لايدري ابوها والله لايدفنها بالحيـا ..امشي خلينا نودي امي بعيد قولي لها خلصنا ..

روضه .: هلاا داانووه يالله تعاالي هني .. دانه ../يالله كااني ياايه الحيين حسبي الله عليج ياروضوه ذبحتيني من المشي
والمشكله ماشريتي شي بعدين غطي ويهج لاحد يشوفج .. روضه ..: لاعادي يه من صجج انتي محد راح ايجوفني ماانتبهت
لبنات خالتها انها بنفس المجمع .. مروا شله شباب وشافتهم روضه استخفت على واحد فيهم .. داانووه جوفي .. دانه .شنو
روضه ./ جوفي جوفي الشباب اللي على اليسار ايينن .. دانه :.. نزلي عينج وتغطي لاتفضحينا خلي عنج هالسوالف وامشي
روضه : يووه حتى لم نطالع حرام اوووووفففففففففففف .. بس مو احلى من عبدالله << عبدالله ماغيره .. والله مو قادره
اشيله من بالي ..مره دشت بيت خالتها ولقـت عبدالله قاعد عند مرره عمه وكانت نجلاء هي اللي اتقهوويهم دشت بكل جرأه
روضه السلام عليكم بدلع .. الكل وعليكم السلام .. ام تركي .. ياهلا والله ببنتي يمه دشي داخل عند البنات عندي عبدالله
ولد حمـاي .. روضه مااتت من القهر لانه اول شي ماعطاها وجه وثاني شي حست ان بينه وبين نجلا شي أستاذنت نجلا من
امها وولد عمها ..قالت السموحه بروح للبنت لاني انا اللي قايله لها تعالي .. عبدالله .. لا اقعدي شوي انا ابيس تقعدين
ماني بمطول .. انحرجت نجلا لاترده واقعدت .. روضه سمعته يوم قالها قعدي انقهررررت زيااده ومن ذاك اليوم هي تكررهه
نجلا لان كله يمدحونها وهي لا بدت الغيره تشتغل وتكبرر يوم عن يوم في قلب روووضه ..

في مجلس الرجاال ..

ناصر : خوويلد طلبتك قل تممم .. خالد .. لا ماني بقايل تم .. ناصر : ابكيك يالضفعه ههههههههه
خالد .. لا والله تبيني اقول تم وابتلش واذا قلت تم وانا ماني بقادر على اللي تبييه ارز وجهي واحد عمري على اقصاي ..
ناصر .. لالا تقدر بس انت قوول تم .. خالد اناا لله وان اليه راجعوون .. هاااا تمم .. ناصر ..ابيك اتخاويني بكره
خالد .. وين بنغدي .؟ .. ناصر بنروح سووريا حنا والشبااب ولا تجيب ولا حاجه الا ثيابك وكل شي علي ..
خالد .. خلني افكرر والله مادااني ارووح سوريا اغلب اللي ايروحون مالهم عازه .. ناصر : ابكي وجهك يالشايب ياخي امشش
شوف الاحمر والمزهريه .. خالد :.. والله ان ماهجعت ان اتسلم المزهريه على راسك صدق مهب كذب ..
ناصر .. ليه كل ذا الحقد هههههههههه ... خالد .. نويصر تراك نشبت جعلك الوهم .. عبدالله .. اميين
ناصر .. اااه مالت على الخبلان احد مايبي رووحه سورياا .. خالد وعبدالله : التعن ههههههههه ورااك عبدالله .. روح
وعوود مفلس لكن علي بالحرام مااسلفك ريال ..وش لك في سوريا روح ابها ان كاانك بتروح ابها فانا خووين لك .. وكل شي علي
ناصر . ابها شبعت منها والحين خلوني اشوف سوريا محد رجع منها متضايق .. عبدالله :: الكلام معك ضايع وانا قدني
تعبان ..ابي ارقد .. خالد .. روح فديتك مرقد جدي .. ناصر ايصييح : انت الخسسراااااان ياعبيد ..

عبدالله طالع واجهه ترركي أخو نجلا عند الباب ..
تركي السلام عليكم .. عبدالله .. وعليكم السلام .. تركي : يالله حيه .. عبدالله .. الله يحييك ويبقييك اعلوومه
تركي : اعلووم الخيرر وانتوا شعلومكم . عبدالله : كوولشي زين .. تركي .: عبيد روح سوو لي درب في بيتكم بسلم على
مرت عمي .. وباخذ اختي .. عبدالله يالله حيااك وراي مابه احد .. دش عبدالله البييت .. احممم دررب دررب

محد رد علييه .. يالله ترركي تعال مابه احد ..اقلط وانا بروح ادعـي امـي وبقول لفطوم تدعي نجلاء.. تركي ..طيب مابه خلاف

عبدالله : يمه يمه .. ام عبدالله .: لبيه يمه .. عبدالله : اربني ماغيررت عليس؟ .. ام عبدالله لا يمه تبي شي
عبدالله .. اي يمه تركي تحت يبي يسلم عليس .. ام عبدالله .. انزين يمه .. بلبس جلالي وبجيكم تحت..عبدالله:
يمه الله لايهنس ادعي نجلاء قولي لها اتروح لاخوها تحت .. .. ام عبدالله .. ان شااء الله يمه ..

نجلاء : ههههههههههههههههههههههه غيرر الله علييييييييييييس وش اللي مخليس تدخلين غرفته وهو مايدري ..
فطوم والله مدري شفت الباب مبطل الا ادخل غرفه خويلد اتعرفين غرفته تغري الا اشووف صوره يومه بزر والله ان عليه شكل
سدحني من الضحك ههههههههههههههههههه .. ام عبدالله .. تصوت نجلااااااء يانجلااء ..
نجلااء ..: لبيس يمه .. ام عبدالله : تعالي فديتس اخيس تحت البسي عباتس ونقابس والحقيني ..
نجلااء .: ابشري يمه انزلي وجايتس ذالحين .. فطوم استحت من يوم جابوا طاري تركي لان تركي خاطبها ويبيها .وهي بعد
تبيه بس تستحي لاتعترف بمشاعرها وهو مايدري وش اللي فخاطرها ولا يبيها توافق وهي ماتبيه ..

نجلااء .: شقوومس يختي سررحتي من يوم جابوا طاري عريس الغفله ههههههههههههههه .. فطوم مستحيه وسوت نفسها معصبه
نجيلا وش ذا الحكي يختي انا ماحبه .. نجلاء : اعتبر هذي رساله عشان اقولها له ؟ .. فطوم من السحى قالت اعتبريها مثل ماتعتبرينها

نجلاء تدري بان فطوم تحبه بس ماتبي تحرجها .. زين يختي عطييني جوالي ..فطوم جوالس تحت عند المسند يالفاهيه ..

نجلااء تذكررت عبدالله يوم دش ابتسمت ياحليله ولد عمي كان مستحي واجد بس شفيه دخل مع انه يدري اني داخل معقوله اللي في بالي صح اااه ياقلبي
ليته صح ياعبدالله ريحني .. مرات احس اني بالنسبه له غير ومرات احس مايلاحظ وجودي عجزت افهم هاالانسان .. قطع حبل افكارها صياح فطوم

كاانت تبي اتحط المدخن فوق الطاوله حطته على الحافه وماانتبهت .. وتسندت على الطاوله وطاح الجمر على كتفها .. الجمر تووه مسوى .. عاده حي

نجووول : فطووووووووووووووووووم اسسسسسسسسم الله علييييييس رااحت نجول اتخب ييييمه يمه عبدالله تعالوا .. كاان في الحمام ايتسبح .. ولا سمع ..

جاات ام عبدالله .. وش فيييييييكم .. نجلااء ييييمه فطوم احتررررررررقت حريق امحق .... ام عبدالله : يوويلي على بنتي ..
ترركي كان مترردد ايروح فوق ولا لا تروع من صياح اخته .. والله ذا مب وقت سحى .. راح تركي فووق .. درررررب درررررررب ..

جاا تركي للصاله اللي فووق لقى اخته اتلبس فطوم وفطووم تبكي واتشاهق .. تركي ..ضاعت اعلومه ولا يقدر يمسكها وده
ايقولها شفيس وده يضمهااا وايقولها لاتبكين عووره قلبه هذي فطوم الغاليه ماعاد قدر يتحمل شفييييييها يانجول شفيهاااا ؟
نجلااء : ترووووووك مب وقته قوووم شغل السيارره بنوديها الحريق كاايد .. تركي يالله تعالوا السياره شغاله تبووني اساعدكم .. الحريق وين

طلع عبدالله ماعلييه الا فووطه .. شفيييييييييكم ليييش اتصيحوون شسالفه .. نجلاء اتشيل فطوم ياعبدالله تعاااااااااااااااال امسكها معي بس لاتعورها
عبدالله وهو متروع : اخووك ياصبي وشهوا منه .. تعالوا لي تحت نزل تذكر ان ماعليه الا فووطه .. وانا شموديني وماعلي الا فوطه لحظه بلبس بسرعه
وبنزل لكم

تركي راح شغل السـياره وهو مستعجل ..

نجلاااء ماسكه فطوم واتهدييها .. تأخر عبدالله وحررك ترركي لانه ماتحمل بكى فطوم ..

تركي قلبه معوره عليها بس ماقدر يتكلم عاجز يفهم هاالانسانه مايدري اذا هي تحبه ولا لا ودوم يسال نفسه ذا السؤال .. قطع

حبل افكاره اتصال عبدالله ..

عبدالله معصب : الوو وييييييييينك انت نزلت مالقييتكم
تركي يحاول يهديه : ياابن الحلال البنت مستاجعه وانت ابطيت يعني اخليها تستاجع وانا اقعد اشوفها وانطرك ؟ الله يهديك بس الله ماشفناه
بس بالعقل عرفناه وانت عاقل حط نفسك مكانهاا يااخي ..

عبدالله : يااخي تخيل احد شافكم ف المستشفى بيقولون اخوانها تارسين البيت ولا احد منهم ودااهاا قطع كلامه تركي ..
تركي منفعل : ذالحين تفكر في كلام العررب ولا تفكر في اختك ياخوي اللي بس كفو يتحاكى والله لااقطع لسانه محد كفو

فطوم تسمع كلام تركي واتشوف اهتماامه فيها نست الم الحرق ونزلت دمعتها بس هالدمعه مب دمعه الم دمعه فررحه لان تركي
مهتم فيها قالت بصوت مسموع :اااه فديته ..
نجول ابتسمت ههههههه : فطوم وش قلتي
فطوم وهي خايفه لاتكون نجول سمعتها : ماقول شي بس مستاااجعه

تركي بعد مااسكر من عبدالله ويوم سمع كلاام فطوم بأنها مستاجعه زااد السرررعه وهو يقول ليت الوجع فيني ولا فيس


وصلوا المستشفى .. نزلت فطوم من السياره وراها فطوم وامهاا .. وتركي نزل بس ماقدر يدخل عشان الحرق من عند الرقبه والكتوف


عقموا مكاان الحريق ..

الممرضه : ازااي حصل الحريق
نجلاء : كانت متسنده ع الطاوله واهتزت وفوقهاا جمر وطاح عليها كله الجمر مب صغير كبير
الممرضه : ياسااتر وهي مابشوفش الطاوله
نجلاء : لا والله ماانتبهت عليهاا
فطوم ساكته واتفكر في تركي أحبه والله ليش ياربي عايشه في حيره هو يبيني ولا انا انفرضت عليه فرض انا ابيه يكون مستانس
مابيه ياخذني عشاني بنت عمه اسأل نجول ؟ لالا انا صاحيه أسـألهاا بس هو مهتم فيني يعني يحبني لا يمكن كسرت خاطره يوم ابكي
ياربي ابي اعرف انا ويش بالنسبه له بس شلون ياالله يارب اعرف الجواب يييييييييارب ..

الممرضه : دنتي دلوئتي زي الفل بس ماتخلي الجرح يتعرض للهوا الا لم يلتئم
ام فطوم : تسلمين يابنيتي ماقصرتي الله يعطيس العافيه وايبلغس في اعيالس
الممررضه : الله يسلمك ياحجه وسلاامتهاا ياامي ..

نجلا اطلعت لتركي .. وهي ملاحظه ان فطووم من يوم دخلت المستشفى وهي ساكته .. قالت ف خاطرها حاسه فيس يافطوم
وادري بعذابس بس والله لااخليس تسمعين باذنس بان تركي يموت عليس .. واريح بالس ..

ترركي لمح نجلاا ..

تركي فز : هاا شخبارها ذالحين
نجلا وهي مبتسمه : والله بخيـر لفوا لهاا الحرق فديتك
تركي : يعني الحين سكتت ماعاد تبكي ولا ساكته مستاجعه قولي
نجلا كسر خاطرها اخوهاا قالت : تركي ابي اقولك شي

تركي قلبه انقبض : قولي اسمعس
نجلا: انا ابي اسألك سؤال وابيك اتجاوبني بصراحه ..

تركي تنهد : أسألي فديتس
نجلا : انا ملاحظه اهتماامك في فطوم انت تحبها ولا بس بتاخذها عشان ماتطلع برى العائله ..
تركي استغرب من سؤال اخته وتوه بيتكلم الا مرت عمه وفطوم جاوو ..

تركي ردت له الروح من شاف فطوم : الحمدلله ع سلاامتس يالغاليه ماتشوفين شر ان شااء الله
فطوم تحس ان قلبها بيطلع من مكانه قالت : الله يسلمك

ام فطوم : جعل عيني ماتبكيك فديت وجهك ماقصررت انفداااك ياولدي ..
تركي : يمه ترى بزعل عليس وش ذا الكلام انا ماسويت شي لاتعتبريني غريب وفطوم أخاف عليها من الهوى الطاير تبيني اشوفها
مستاجعه ولا اسوي لها شي .. يعز علي يايمه ..

ام فطوم ابتسمت من كلام تركي وقالت : ربي يهنيكم وايوفقكم وأشوف أعيالكم

فطوووم وجهها حمـــر وترركي أعتفسس مايدري وش عاد يسوي .. قاالت نجلاا

نجلاا : يالله تروك جيب السيااره تراني خلاص قدني ماعاد اشوف فيني ارقاد جعل ابرك زمان
تركي شوي وايحب راس اخته : ان شااء الله الحين بجيبها بس ارتاحوا على مااجي ..

فطوم أخاف عليها من الهوى الطاير هذي اشاره من رب العالمين يعني يحبني ؟؟ معقوله لا انا مب متأكدهـ مابي اتعلق فيه واخر شي
اطلع عنده لارحت ولا جيت ,,

راح تركي وجاب السياره .. في السياره ام فطوم تسولف عادي وفطووم اتفكر في كلام تركي وسرحانه .. هي كانت راكبه ورى تركي

ارفعت عينها وشافته واسررحت شافته بنظره كلها حنيه تلاقت اعيونهم وتركي ماقدر ينزل عينه ولا فطوم بعد بس فطوم باالاخير نزلت عينها

وقالت ف خاطرها ياربي ليش يشوفني كذا وش تفسير هالنظرات اكيد يقول شفيها هذي ياالله ليش سويت كذاا لهالدرجه مااقدر اقاوم نظررته ..