خطوات الاستعداد للزفاف

صباح الخير ايها الليلاسين
وينكم؟
بانتظاركم معي
لنبدأ
كل شخص يتحدث لنا عن
العادات والتقاليد في الاستعداد للزفاف
كل حسب بلده
وسأبدأ في فلسطين
اول شيئ يكون التعارف ومن ثم الطلبة وبهذه الخطوة يتقدم العريس مع مجموعة من اقاربه واصدقائه
لزيارة بيت العروس وطلب يد العروسة وسماع شروط اهل العروسة
اذا ما تم الاتفاق يتم قراءة الفاتحة على نية التوفيق
ومن ثم يتم الاتفاق على موعد الخطبة وتكون ما بين اهل العريس واهل العروس
وبعد الخطبة بمدة معينة يحددها الاهل حسب ظروف العريس وحسب اتمامه لبيت الزوجية من اثاث وغيره
يتم تحديد موعد الزفاف
قبل الزفاف هناك ليلة الحناء وهذه الليلة يتقدم اهل العريس ويحضروا الحناء وتكون على صينية ومفروشة بالورد وبالاغاني الشعبية يزوروا بيت العروس
وتقوم احداهن بنقش الحناء على يد العروس
وتكون السهرة في هذه الليلة في بيت العريس حيث يتجمع الاقارب واصدقاء ومعارف العريس ويقوموا بالدبكة الشعبية والغناء ويحيون السهرة الى منتصف الليل

حلو الموضوع كتير نرجس
شوفي بالنسبة عنا يعني بالبيت بقصد تبعا لزواجات اخواتي
كان الشاب يحكي مع اختي ولما توافق عليه تفتح الموضوع مع اهلي
طبعا احسن ما يتقدم ويلاقي صد ( مو حلو يتفشل ) ههههههههه
بس اختي ز واختي م كان زواجهم مختلف شويي بعدين بحكي عنهم
خليني هلء باخواتي من ـ خ التانيين ههههههههههه
بعد موافقة اخواتي تقدم الشخص عند اهلي واهلي بيهمهم موافقة البنت اولا واخيرا
وطبعا في شروط معينة :
* المذهب المتشابه هيده نقطة اولى واخيرة وبعد هيك مو مهم اي شي
يعني لو فقير مو مهم لو مو امكفي تعليمو كمان مو مهم لو مو امكون حالو كمان مو مهم
* بعد موافقة اهلي عليه بيحددوا موعد لزيارة اهلو لعنا علشان يتقدموا
وبعد ما بيجوا اهل العريس لعنا بيتفقواعلى المهر والشبكة ( في اغلب الاحيان المهر بيتم شراء فيه
الشبكة وبتساعد فيه البنت بتأسيس البيت ) بنحاول قد ما فينا انخفف الحمل عن كاهل العريس .
بعد هيك بيتم تحديد موعد كتب لكتاب بنفس القعدة الي بيكونوا اهل العريس فيها عنا
لانو حسب تقاليدنا ( جنوب لبنان ) مو حلو العريس يدخل ويطلع لعنا ( بالبيت ) وما ايكون
في علاقة رسمية ( كتب كتاب ) ما عنا شي اسمو خطبة ( الخطبة هالايام بتكون الفترة الي بيتعرف فيها
الشاب على البنت قبل ما يدخل بيت البنت ويتقدملها )
وابنعتبر الخطبة هيي الفترة الي قبل ما بيوافق فيها الاهل على الشاب لانهم بيسالو عنوا وبتكون تقريبا اسبوع .
المهم بعد ما يوافقوا اهل العريس على طلبات اهل العروس وهيي خفيفي كتير ( بيختلف هالشي من اسرة لاسرة )
بيتم البدأ بتاسيس البيت يعني اختي ( م ) كانت تستشير ماما وتخليها تروح معها علشان تساعدها بس اختي ( خ ) اسست البيت لحالها حسب ذوقها ـ والاتنين بيتهم كان حلو .
ومن ثم بيتم تحديد موعد الزفاف
واحنا ما ابنعمل الاعراس مختلطة لا منفصلة ـ شباب بصالة وبنات بصالة وتبعا لتقاليد كل اسرة يعني ماما مثلا ما بتحضر حفلات فيها اعراس علشان هيك اخواتي انكتب عليهم ما يعملوا اعراسهم متل ما بدهم علشان تحضر الوالدة العرس طبعا
بس ماما قالتلي انتي اتزوجي وحلال تعملي الي بدك اياه ههههههههههههههههه اغاني واي شي
الحمد لله

صباح الخير اخت رياحين
سعيدة جداً بمشاركتك
واطلاعنا على تقاليد الزواج
في جنوب لبنان
وطبعاً موافقة العروس شي
ضروري واساسي جداً

مشكورة على الموضوع