وهذا تكملت الباااااارت :)





-----------------------------------------------------------------------

في الشركة الـ... (الساعة 12 ونص الظهر)

.. في مكتب المدير ..

أبو نايف وهو يسكر الملف إلي بيده: والله أنا انسان ما أحب الظلم و ما أبي أظلم مي .. أنا كنت بكلمك في الموضوع في البيت بس أنت تقعد علشان أشوفك .. آخر مرة شفتك فيها أول ما تزوجت مي

نايف بملل: يبا الله يهداك مقعدني من عز نومي علشان تقول لي هالكلمتيــــن

أبو نايف بعصبية: ممكن تسكت وتسمعني للآخر

نايف:............................

أبو نايف وهو يقووم: شوف الدكتورة قالت إذا حالة مي ما تحسنت لمدة إسبوعين نوديها عند دكتور نفسي .. وأنا أشوف طاف شهر كامل وهي على نفس الحال .. فتصلت على دكتور نفسي وخذيت منه موعد وأبيك من بكرة توديها لين متى يعني بتظل ما تتكلم

.. وقعد على الكرسي إلي مجابل نايف .. أبو نايف: ومن يوم ورايح أبيكم تتغدون وتتعشون معانا
نايف وهو يعدل شماغة: ان شاء الله يلااا تامرني على شي
أبو نايف وهو ياخذ ملف من على المكتب ويمده لنايف: اي روح مكتبك وراجع هالملف وشوف شغلك
نايف وهو يرفع حاجب: أي شغل تتكلم عنه

أبو نايف بصرامة: اي شغل يعني شغلك على بالك إنت للحين ياهل .. تراك كبرت وتزوجت لين متى راح تظل تعيش بدون مسؤولية شوف الحين تروح مكتبك وتباشر شغل لااا تخليني أتصرف معاك تصرف ما يعجبك
قام نايف وطلع متوجه لمكتبه وهو متضايق من أبوه

-----------------------------------------------------------------------
.. في اليوم الثاني "العزاء" ..

في بيت أبو مشاري (الساعة 6 ونص بعد صلاة المغرب)

في الصالة كلها اسود بأسود ناس تدخل وناس تطلع و مشغلين قــرآن على صوت الشيخ مشاري بن راشد العفاسي ..

ومعارف ام مشاري كثار ومافي احد عرف الا وقام بالواجب شي اتعب ام مشاري اكثر من تعبها .. أم سعد وهي تهدي بـ أم مشاري : ترحمي عليه ياا قلبي مو زين إلي تسوينه وإذا على جاسم إدعو له مالكم غير الصبر وان شاء الله يصحى منها خلو املكم بربكم كبير اغلب اللي يدخلون في غيبوبه يرجعون منها ..

ام مشاري بخيبه امل: يعني واحد راح و واحد يمكن ما يصحى ولدي يمكن ما يصحى...

أم مصعب: ليش التشاؤم خلج متفائله ووكلي امرج لله وادعي ربج

ام مشاري نزلت دموعها انهار على خدها :ونعم بالله .. اللهم اجرني في مصيبتي واخلفني خيرا منها

وبدت تصيح بحرقه..

-----------------------------------------------------------------------

في مجلس الريايل مصعب وحمد وسلطان وحمدان و خليل وابو خليل وابو سعد وابو مشاري وابو مصعب كانو يستقبلون التعازي و أول يوم كان متعب على كثر الريايل إلي قدمو تعازيهم

مصعب وهو يقعد على الكنبة: ارجولي مو حاس فيها

قعد حمد يمه وهو ساكت .. كان في اثنين يالسين يم بعض يتساسرون

الأول: والله سمعت إنه صار له حادث و ودع

الثاني : لااا أنا سمعت إنه مات وهو محترق

الأول: من قال لك أنا رفيجي جاف الحادث

الثاني: والله كل شي جايز اللهم لااا شماته جفت شلون الله ما وفقه بعد إلي سواه فينا

الأول: إي والله أصلاا لو مو الوالد صر علي أيي أعزيهم بموته جان ما ييت

.. في الجهة الثانية ..

حمد يناظرهم: ياخي اموت اعرف هالأثنين شنو يقولون من يوم ما قعدوا وهم يتساسرون

سلطان يناظرهم بحقد: هذوله كان متهاوش معاهم مشاري الله يرحمة اذا تتذكر يوم كنا في الشاليه عند الشباب وشكلهم قاعدين يتشمتون

مصعب: لااا تقعدون تظنون السووء .. وبعدين الله عليهم ما عليكم منهم

-----------------------------------------------------------------------

.. في الصالة ..

مرام : جنون وين هنادي ما أشوفها

جنان بتنهد: مع هيام تحاول فيها من يوم ردت من المستشفى وهي في جناحها حابسة نفسها وما تبي تنزل حتى بنتها ما تدري عنها

مرام : لااا حول الله ولااا قوة إلااا بالله .. طيب بتروحين معاي المستشفى لجسووم

جنان بتعب: بروح ارتاح في غرفتي مافيني حيل من أمس ما نمت بنادي لج هنادي هي بتروح معاج ..

مرام : اوكي روحي ناديها و إنتي روحي نامي وارتاحي ..

جنان: من بوصلكم

مرام:اكيد مصعب بتصل عليه بخليه يشغل السياره

.. رفعت تلفونها و دقت على مصعب ..

مرام : هلاا مصعب شغل السياره الله يخليك

مصعب بطفش: شنوو شايفتني سواقج على غفله اقول قلبي ويهج تراني مو فاضي لج ولاا مزاجي متفيج لج إلي فيني مكفيني

مرام بجذب : أففف شدعوة عااد مصعب والله مرتك حالتها صعبه تصيح وحاله تقول إنها خايفة تفقد جسوم مثل مشاري .. فقلت لها بروح معاها المستشفى علشان تتطمن عليه

مصعب بحزن: لااا حول ولاا قوة إلااا بالله خلاااص لبسي إنتي وياها وبوديكم

مرام حست بحزن أخوها: طيب كلها دقايق وحنى طالعين

مصعب وهو يتنهد: يلاا مع السلااامة

سكرت من مصعب و قامت تلبس عبايتها

----------------------------------------------------------------------

.. في قسم هيام ..

خصوصا غرفة النوم ..توها بتدخل طلعت هنادي وهي تمسح دموعها .. جنان: شفيج

هنادي وهي تمسح دمعه وتحل محلها دمعه: مو قادرة أشوفها وهي بهل حاله .. حالتها صعبة وربي صعبة

ضمت جنان إختها وهي تحاول تهديها: خلاااص يااا قلبي خلاااص محنة وبتعدي إن شاااء الله .. الله كريم

هنادي وهي تمسح دموعها: الله كريم .. طيب إنتي قعدي معاها وحاولي تهدينها

جنان وهي تهز راسها: إن شااء الله .. إي ترى مرام تنتظرج تحت تبيج تروحين معاها لجاسم

هنادي: اوكي الحين بروح ألبس عباتي .. إلاا ما قلتي لي للحين الناس تحت

جنان: لااا كلهم رااحو بس ام يعقوب والأهل موجودين

هنادي وهي تمشي عن جنان: اهاا طيب

راحت هنادي لغرفتها .. ودخلت جنان للغرفة

مشت جنان بخطوات متراجفة .. الغرفـــــة بارده والإضاءه خافته كان صوت صياح هيام عالي كانت تشاهق من الصياح وهي على ركبها وعيونها على صورة مشاري ..

هيام: حبيبي ليش تركتني ليــــــــــــــــش .. وهمسة بدموعها: مشاري

.. مالقت رد وزادت دموعها .. ضمت صورة مشاري .. هيام: مشاري أنا دارية إنك زعلااان مني لأني ما يبت

الجوري إلا بعد ما أنت رحت ((زاد صياحها وشهقاتها)) و أنا السبب في موتك لأني خرعتك وقلت لك إني تعبانه

وإنت أسرعت الله يخليـــــــك سااامحني هئ هئ

وصلت جنان لعند هيام إلي كانت تصيح بقوة ومو قادرة تمسك نفسها

راحت جنان وحظنت هيام إلي يالسة على الأرض وهي منهارة عمرها ما شافت هيام بهالضعف كانت دوم تشوفها متماسكة وقوية وعمرها ما ضعفت وانهارت قدام أحد يمكن حزنها لفراق مشاري أقوى منها

جنان وهي حاظنه هيام: خلاااص ياا هياام هو مسامحج

هيام بنظره مثل نظره طفلة لقت حبل أمل يخليها ترتاح شوي: متأكدة إنه مسامحني

جنان: ايه مسامحج لأنه يحبج وبعدين مو انتي السبب في موته هذا قضاء وقدر ياا قلبي

مسحت دموعها بفرحة .. هيام: يعني مسامحني

جنان ببتسامه : اي مسامحج

رجعت هيام لصورة مشاري وباستها بقوة: حبيبي والله محتاجتك أنا والجوري مالي أحد غيرك إرجع عااد الله يخليك إرجع لااا تتركني وتترك بنتنا الله يخليــــــــــــــــك إرجع

قعدت جنان تهدي هيام إلي مو قادرة تصدق وتستحمل موتــــــــه

-----------------------------------------------------------------------

نزلت وهي تعدل شيلتها .. شافت مرام واقفة تطالعها .. قربت هنادي من مرام .. هنادي وهي تأشر على مرام: ينقال إنج تحجبتي الحين ومطلعة نص الشعر ليش حبيبتي تعبتي نفسج فصخيها أحسن لج

مرام وهي تفرفر عيونها: أوووف مالج شغل كيفي وبعدين سنة لين تنزلين نقعت أخوي بره .. والله لااا يعطينه تهزء من إلي يحبه قلبج

هنادي: بطقاق .. تعالي من إلي راح يودينا

مرام وهي تستهبل: الحين أنا شنو كنت أتكلم بنقلااادش ولاا صومالي أقوول لج أخوووي

هنادي: ادري أخوج بس أي واحد فيهم

مرام : أممم إنتي تبين أي واحد

هنادي: أقوول تحجي عدل من

مرام بنذاله: للأسف حمد لأنه حبيب القلب مشغووول

هنادي وهي مالها خلق: أقوول تراج صدعتي راسي يلاا إمشي كلش مو متفيجة لج ولسخافتج

طلعوا مرام وهنادي من البيت متوجهين لسيارة إلي إنصدمت هنادي إنه مصعب هو إلي راح يوصلهم وتوعدت في

مرام .. ومرام على طول ركبت ورى وطرت هنادي تركب جدام .. هنادي: السلااام عليكم

مصعب: وعليكم السلااام

حرك مصعب السيارة متوجه للمستشفى .. كانت السيارة صاااخة ما فيها غير صوت أنفاسهم تنسمع .. قرر مصعب يقطع الصمت .. وشغل شريط قرآن للقارئ السديس

-----------------------------------------------------------------------

في ماليـــــــــــــــــزيا .. في فندق لابيان (الساعة 1 الظهر)

فتح عيونه بتكاسل جاف ملاااك نايمة جمبة .. ابتسم وهو يتأملها .. كانت نايمة ومو حاسة بأي شي .. لف على

الجهة الثانية وشاف الساعة فتح عيونه على وسعها كان التاريخ ليوم ثاني معناته هم نامو يوم كامل .. قام

بسررعة ودخل الحمام (كرمكم الله) خذ له دوش يصحصحه وبعدها طلع وصل الصلاوات الي فاتته .. قرب لين

عندها مد يده لويها و بعد خصلة من شعرها عن ويها .. وصار يتمعن بملامحها الجذابة الناعمة .. كان يطالع

بعيونها الوسيعة ورموشها الكثاف إلي تجذب .. نزل نظره وصار يطالع بخدودها إلي واضح عليها النعومة ..

وبعدها بخشمها الصغير المرسوم رسم ما يدري ليش جذباه بصغر حجمه قرب منها أكثر وباس خشمها بكل رقة ..

بعدها نقل بصره على شفايفها الكبار الموردين بشكل عجيب .. سعد بصوت عذب: سبحان من خلقج وزينج وربي جمالج جمال .. رغوووده يا قلبي قومي بسج نوم

رغد وهي تلف الجهة الثانية وبصوت مليان نوم: بابا خلني نايمة بس شوي وبقوم

ابتسم على كلمتها وحب شوي يلعب عليها .. سعد: لاااا بسج نووم يلااا قومي وراج جامعة قوومي لااا تتأخرين على الإمتحان

رغد من سمعت سيرة الإمتحان فزت من النوم وهي تفرك عيونها .. رغد: أكااني قمت قمت

ما قدر يمسك نفسه وضحك .. سعد:ههههههههههههههههههه

رغد إلي للحين مو قادرة تفهم شسالفة .. وكلها لحظات وعرفت إنه كان يستهبل عليها .. رغد وهي تقوم وتدخل الحمام (أكرمكم الله) من دون ما تعبره حتى بكلمة

سعد وهو يبتسم: فديـــــــــــــت إلي يسون روحهم زعلااانين

-----------------------------------------------------------------------

.. في سيارة مصعب ..

وقف مصعب عند باركات المستشفى .. مصعب وهو يطالع مرام: مروم انتي نزلي .. بعد دقايق هنادي راح تلحقج

هنادي على طول طالعت بمصعب :..................

مرام حست بتوتر هنادي بس فضلت إنها تسمع الكلام .. وهي تفتح باب السيارة وتطلع: اوكي

مشت لحد الباب و دخلت مرام المستشفى متوجهه لغرفة جاسم .. أما في السيارة فكان الوضع متوتر ..

مصعب وهو تناظر باب المستشفى : ..............

هنادي وهي تنتظره يتكلم: مصعب شفيك ؟؟

مصعب وهو يطالعها: أنا أدري إنه الموضوع الي راح أكلمج فيه مو وقته

هنادي وهي تقاطع مصعب: انت قلتها مو وقته وبعدين الموضوع منتهي من زمان و أعتقد أنا قلت لك إني أبي الطلاق

مصعب بعصبية: هناادي شطلااااقه انتي تتكلمين عنه مينونه انتي

هنادي: لااا أنا مو مينونه و واعيه على نفسي و أعتقد إني كبيرة و أعرف مصلحتي

مصعب: واااضح إنج وااايد عاارفة مصلحتج

هنادي:...............

مصعب وهو يتعوذ من الشيطان: ياا هنادي أنا إلي أعرفه عنج إنج انسانه واعية وفاهمة على صغر سنج عقلج كبير .. انتي شنو تتوقعين من الناس تقول طلقها في ليلة دخلتها وما كمل معاها حتى اسبوع أكيد بقولون إنه فيج عيب أو شي ..

هنادي:......................

مصعب: هنادي أنا أعرف إنج مجروحه مني .. بس لاازم نحل كل شي بالهداوة

سكتت هنادي لأنه كل كلمة قال لها صح بس بعناد: مو وقته هالكلااام خل الأوضاع تهدى وبعدين لكل حادث حديث .. وبعدين أغراضي يا ليت تيبهم في بيت أبوي

مصعب كان يطالعها وهو مستغرب منها .. بصوت الشبه للهمس: شلي غيرج

لفت هنادي له و هي منصدمة من كلمتة: أنا تغيرت

-----------------------------------------------------------------------



نهايــــــــــــــــــــــــــــــــــــــــــــــ ـــــــــــة الباااااااااااااااااااااااارت والحين ما رااااااح انزل إلاااا في ثالث عيد


بلييييييييييييييييييييييييييز لااااا تقووووولوووون لي بعد تبووون بااااارت او نص بااااارت لأني ما اقدر أردكم


فديــــــــــــــــــــــــــــــــــــــتكم

مصعب: اي تغيرتي ما كنتي جذي إسلوبج تصرفاتج كل شي
سكتت لأنه كل إلي يقوله صح هي فعلاا تغيرت وصارت جافة معاه وإسلوبها متمرد وعنيد .. هنادي في نفسها "أنا ما ودي أعاملك بهل إسلوب بس من أتذكر كلامك وجفاك وحبك لـ مها أحس بنار و النار ما تنطفي إلااا إذا إبتعدت عنك"
بتمثيلية ضحكت هنادي بستهزاء.. عكس إلي بداخلها: هههههههه شدعوة عاد إنت تعرف إسلوبي و إلاا طبعي
عصب مصعب من إسلوبها معاه: سمعي عاد أنا ما بعور راسي معاج وعناد فيج مو حبا فيج حطي خطين تحتها طلااااق ما راح أطلق
جرحتها كلمته ((عناد فيج مو حبا فيج)) حست بطعنه في قلبها .. تمالكت دمعتها وطلعت وقبل لاا تسكر الباب نادها مصعب .. هنادي وهي معطته ظهرها:.....................
مصعب بكل برود الدنيا: بعد ساعة برد آخذكم
عصبت هنادي من بروده و سكرت باب السيارة بكل قوتها علشان تقهره مثل ما قهرها وجرحها .. مشت لداخل المستشفى وهي تمسح دموعها وتداري حزنها
-----------------------------------------------------------------------
أُحِبُّكِ))))
~~~~~~~~~~~
أُحبُّكِ ..
في زَمانِ الخوفِ والغُربةْ
أُحبُّكِ رَغمَ أحزاني
ورَغمَ ظُروفِنا الصعبةْ
وإنْ أصبحتُ لا أهلٌ ولا أحبابْ ...
أراكِ الأهلَ والأحبابَ والصحبةْ
أُحبُّكِ ..
في زَمانِ الخوفِ إيمانًا
بأنَّ الحبَّ يُنقِذُني
مِنَ الطوفانْ
أنا نُوحٌ
وأنتِ سَفينةُ العِشقِ
سَتحمِلُني على الشطآنْ
ومادُمتُ ..
سأرحلُ بينَ عينيكِ
خُذيني يا مُنَى عيني
لأيِّ مَكانْ
وضُمِّيني إلى صَدرِكْ
لأنَّ الخوفَ مَزَّقَني
لأنَّ زمانَنا هذا
يُهينُ كَرامةَ الإنسانْ
أُحبكِ ..
في زَمانِ الخوفِ يا عُمري
ولا أدري لِماذا يا مُنَى قَلبي
إذا ما الخوفُ حاصَرَني
لِصَدرِكِ دائمًا أجري
أُحِسُّ بأُلفةٍ نَحوَكْ
فكيفَ أُلامُ في حُبِّكْ
وقلبي صارَ مِن شَوقي
كَبُركانٍ مِن الإحساس
أُحِسُّ بِغُربةٍ بيني
وبينَ الناسْ
أجيءُ إليكِ مُشتاقًا
بأشواقٍ تَفوقُ الوَصفْ
وفي عينيكِ أحرِقُ كلَّ أقنِعَتي
وآخِرَ مُفرداتِ الزيفْ
ولا يَبقَى سِوى حُبِّكْ
جميلاً ساطِعًا .. عُمري
كَشمسِ الصيفْ
فكيفَ أخافُ مِن شيءٍ
وأنتِ الأمنُ لو يأتي
زَمانُ الخوفْ
~~~~~~~~~~~
كانت تمشي في الممر متوجه لغرفة جاسم .. لمحت وجه مألوف لها .. دققت بالشخص الواقف يم باب غرفة جاسم .. كانت بنت واقفة تمسح دموعها بكف يدها .. كان شكلها يقطع القلب .. قربت منها .. مرام بصوت مخنوق: لااا تخافين يا سارة راح يصحى قريب إن شاء الله
سارة والدموع مغرقة عيونها: أبي أشوفه يا مرام أبي أتطمن عليه
مرام وهي تحاول تسيطر على دموعها: ليش إنتي ما شفتيه
سارة وهي تمسح دموعها إلي مو راضية توقف: لاااا خفت أدخل و أحد يدخل ويشوفي .. وبعدين الدكتور موجود داخل

مرام وهي تهز راسها بحزن: طيب ياا قلبي أول ما يطلع الدكتور دخلي لااا تخافين أنا راح أكون موجوده هني وما راح أخلي أحد يشوفج
هزت سارة راسها .. بعد لحظات طلع الدكتور ومرام وسارة على طول راحوا له .. مرام: هاا دكتور طمنا
الدكتور وهو يبتسم: لااا تخافون الحمد الله صحته مستقره بس هو للحين في غيبوبه وإن شااء الله يصحى تطمنوا
مرام وهي تمسح دمعه خانتها: مشكوور يا دكتوور
الدكتور: هذا واجبنا
سارة: ممكن انشوفه
الدكتور: اي ممكن بس يا ليت بدون ازعاج
مرام وسارة في نفس الوقت: إن شاء الله
مشى الدكتور .. ولفت مرام على سارة .. مرام بصوت حزين: سارة دخلي إنتي أول أنا بحاول ألهي هنادي إخته بعد شوي راح تيي
سارة وهي تمسح دموعها: مشكورة يا مرام
مرام وهي تحاول تبتسم: العفوو يا قلبي
دخلت سارة الغرفة ومرام ظلت تنتظر هنادي وكلها دقايق وشافتها .. راحت مرام لهنادي إلي كان واضح عليها إنها صايحه وحزينة .. مرام وهي تحاول تبين طبيعية : هنوووي ياا قلبي شفيج
هنادي وهي تقعد على أحد الكراسي الموجودة في الممر لأنها تحس الرجولها مو قادرة تشيلها .. هنادي بحزن: ما فيني شي
مرام : مو علي هالحركات قولي لي شنو صار بينج وبين مصعب
هنادي: مو وقته هالكلااام امشي خل نروح لجسوم
مرام بسرررعه: لا لا
هنادي وهي تطالعها مستغربه: شفيج !!
مرام بتلعثم:ها لاا ولاا شي بس أنا ما راح أخليج تروحين لجاسم إلا لما تقولين لي شفيج و شنو صار بينج وبين اخوي مصعب
هنادي وهي تقوم : طيب خلينا نروح نقعد في مكان ثاني
مرام: طيب شرايج نروح الكفتيريا
هنادي وهي تقوم: اوكي
-----------------------------------------------------------------------
دخلت الغرفة بهدوء ومشت ناحيته .. كان نايم على سرير أبيض .. دمعت عيونها وهي تشوف آثار الجروح إلي منتشرة في جسمه .. مسكت يده بقوة وبصوت مليان صياح .. سارة: تكفى قووم ترى حياتي من دونك و من دون ضحكتك ما تسوى شي هئ هئ ((زادت شهقاتها)) تكفى هئ هئ
-----------------------------------------------------------------------
في الكفتيريا (في نفس الوقت)
مرام بصوت رايح من الصياح : وهذا وحنى قعدنا يلااا تكلمي
هنادي و هي تضغط على عيونها بأصابعها بسبب الصداع: شاقول لج و ما اقول لج
حست ان المشكلة وايد كبرت بين هنادي ومصعب .. مرام : قولي كل شي من يوم العرس
قعدت هنادي تقول لها كل السالفة .. مرام وهي فاتحة عيونها على الآخر: إنتي مينونه تطلبين الطلاق
هنادي بـأسى: والله يا مرام إني أحبه بس ما أدري من أكون معاه أو أسمع صوته أتذكر كلامه عن مها
مرام وهي تطالعها: بس هي ماتت
هنادي وهي تحاول تسيطر على دموعها: مو هذا إلي ذابحني أكثر يعني حتى وهي ميتة مو قادر ينساها أو حتى يتناساها
مرام بعقلانية: يا هنووي ياا قلبي يعني الحين مشاري الله يرحمه مات تتوقعين هيام رااح تنساه
هنادي:................
مرام بحزن: شفتي يعني هو يحبها وأكيد بكون صعب عليه إنه ينساها بس إنتي وذكائج تخلينه ينساها ويحبج .. وبعدين هو شكله بدى يميل لج لأنه لو هو ما يبيج جان فرح لما طلبتي الطلاق وطلق
تذكرت هنادي كلمته وقالت بقهر:لااا هو ما طلق علشان عناد فيني هو بنفسه قال يعني ماخذ السالفة عناد وأنا بصير أعند منه
مرام وهي تهز راسها بيأس: والله العناد ما راح يفيدج .. وبعدين فكري بأمج وأبوج إلي مساكين لحد الآن مو متقبلين موت مشاري الله يرحمه
دمعت عيون هنادي: الله يرحمه .. أنا ما راح أتكلم الحين في الموضوع علشان أمي وأبوي بس من أحس إنه الوضع يسمح لي راح أتكلم
مرام وهي تهز راسها: الله يهديج .. ويهدي أخوي يعني بصراحه وقتكم كلش غلط إنكم تتكلمون في هالموضوع ((و بصوت مخنوق)) مشاري توه متوفي وجسوم نايم وما ندري متى يصحى ((نزلت دمعه خانتها))
-----------------------------------------------------------------------
في قصر ابو نايف (الساعة 8 ونص بعد صلااة العشاء)
.. في غرفة الطعام ..
تحس نفسها كأنها أميرة .. أول مرة تلاقي هالمعاملة .. كانت قاعدة على طاولة الطعام .. والخدم يحطون لها الأكل .. على الرغم من إن ابوها عنده خير بس طول عمرها تاكل بروحها وعمرها كله ما تعاملت مثل هالمعاملة .. كانت أم نايف مجابلة نايف وأبو نايف صاير من بينهم و مي يم نايف .. أبو نايف بمزح: أنا اليوم أحس إنه لي نفس للأكل لأنه هالويه الحلو مجابلني (وهو يأشر على مي)
ابتسمت مي لأبو نايف إلي من شافته حبته كانت تحس إنه الله عوضها بأبو ثاني .. أم نايف وهي تبتسم: إي والله أصلا من يطالع هالويه السمح من يكون ماله نفس
أبو نايف: اي والله صدقتي .. خلاص من يوم ورايح من بكون مالي نفس على طول أبيج مجابلتني علشان نفسيتي تنفتح
أم نايف: الصلاة محمد عليها ما شاء الله تبارك الرحمن كل شي فيها حلو
أما مي تعالو دوروها كانت منحرجة من كلامهم عمرها كله ما سمعت أحد يمدحها ويمدح جمالها إلي كانت تشك فيه رفعت عيونها و لمحت نايف وهو يطالعها من نص عين .. نايف: بس الحين بتصدق نفسها وبيكبر راسها
تلاشت ابتسامتها ونزلت نظرها لصحنها وصارت تاكل بهدوء
أبو نايف عصب من كلام نايف بس ما حب يكبر السالفة .. أبو نايف: أقول نايف شصار على الموضوع إلي كلمتك فيه
نايف في نفسه "أووف وليه شبي فكنا الحين" .. رفع راسه وهو يسوي نفسه مو متذكر: أي موضوع
أبو نايف وهو يرفع حاجب وبنظره حاده: موضوع الدكتور
نايف في نفسه "أي أدري حق العلة إلي يمي" .. نايف بتمثيلية وهو يحك راسه وكأنه توه متذكر: الدكتور إي إي صح صح تذكرت .. بس ما صار شي في الموضوع خبرك أمس ما رديت إلاا متأخر وكانت (وهو يطالع مي ويبتسم بسخرية) ميمي نايمة ما حبيت أخرب نومتها
طالعته مي بنظرة إحتقار وفي نفسها "ميمي في عينك .. لك عين بعد تجذب يمي .. والله إنك حقير ما أدري أطز عيونك بهالشوكة علشان تعرف تقول ميمي يا شينها بالسانك بس وع" .. نزلت راسها وكملت أكلها بقهر من الموقف .. ابِتسم لنظرتها

ولف على أبوه ألي كان يوجه الكلام له .. أبو نايف وهو ينزل شوكته: الحمد الله صفرة دايمة .. نايف إذا خلصت عشاك تعال لي المكتب أنتظرك .. وطلع من الغرفة
نايف وهو ينزل قفشته (يعني ملعقة) بملل ويلف لها وبصوت محد يسمعه غيرها: والله علة لازم تتكلمين يعني اووف .. (دز الكرسي وقام) الحمد الله
مي ظلت تناظر فيه لين ما إختفى .. نزلت راسها وهي تداري دمعتها إلي غرقت عيونها وفي نفسها "الله يسامحك يا يبا على إلي وصلتني له .. آآه يا يما وينج تشوفين شنو يصير فيني حتى مستكثرين علي أتكلم .. الله كريم" .. رفعت راسها لأم نايف إلي كانت تطالعها .. مي وهي ترفع تدها بمعنى "الحمد الله"
-----------------------------------------------------------------------
.. في مكتب أبو نايف ..
كان قاعد على مكتبه سمع دق الباب .. أبو نايف : تفضل
دخل نايف : خير يبا
أبو نايف بعصبية وشوية إنفعال: وين الخير بيي وإنت مو هامك شي .. أنا ما حبيت أصغرك جدام زوجتك و أمك .. على بالك إنت للحين ياهل وما وراك مسؤولية ولاا هامك شي غير نفسك .. تطلع من الصبح وما ترجع إلاا في أنصاف الليالي ولاا كأنه عندك زوجة ومسؤولية .. أنا على بالك زوجتك ليش .. علشان سهراتك وطلعاتك وبطالتك تهدها وتوعي على نفسك وتحس بالمسؤولية لو شوي ..
نايف سكت مو عارف شنو يقول ويبـــــــــــرر:.......................
أبو نايف على نفس وضعه: أنا عيزت وأنا أعيد و أزيد في الكلام وإنت ولاا على بالك
نايف :إن شاء الله أنا راح أسوي كل شي إنت تامر فيه
أبو نايف: طيب اتصل على الدكتور إلي كلمتك عنه وخذ موعد معاه
نايف: إن شاء الله تامر بشي ثاني يبا
أبو نايف: لاا سلاامتك بس لاا تنسى تاخذ موعد
نايف وهو يطلع من مكتب أبوه: إن شاء الله
-----------------------------------------------------------------------
في المستشفى الـ... (في نفس الوقت)
.. في الكفتيريا ..
طالعت بساعتها .. مرام في نفسها "أكيد سارة طلعت من عند جسوم"
هنادي وهي تمسح دموعها : مرام خذالنا ساعة أبي أشوف جاسم
مرام بصوت مخنوق : طيب يلاا قومي
قامت مرام وهنادي وراحوا لغرفة جاسم .. مرام وهي تحاول تتماسك: إنتي دخلي
هنادي بحزن: وإنتي ما تبين تدخلين
مرام وهي تمسح دموعها وبصوت مرتجف: خايفة
هنادي وهي تحظنها بحنان: ياا قلبي من شنو خايفة
مرام وهي تدخل بنوبة صياح: خايفة أشوفه يموت جدام عيوني خايفة أشوفه جسد من غير روح
هنادي بعيون مغرقة بدموع: يا مرام تعوذي من إبليس إن شاء الله يقوم بالسلامة وبصحة وبعافية ويرد أحسن من قبل .. خلي إيمانج بالله قوي
مرام وهي تبتعد شوي عن هنادي وهي تصيح: ونعمة بالله إن شاء الله يقوم بالسلامة .. هئ هئ إنتي دخلي الحين أنا إذا هديت راح أدخل
هنادي بيأس: أوكي
دخلت هنادي الغرفة .. وظلت مرام عند الباب .. تحس نفسها مخنوقة فيها العبرة للحين مو مستوعبة إنه في غيبوبة كانت طول الوقت تحاول تبين عكس إلي داخلها من حزن وخوف بس في هاللحظة إنفجرت مشاعرها .. قعدت في أحد الكراسي الموجودة في الممر .. وصارت تصيح بشكل يقطع القلب وهي تتذكر كل مواقفها معاه بحلوها ومرها .. بفرحهم وزعلهم
.............................
جاسم راح حق البنات : السلام عليكم
البنات: وعليكم السلام
جاسم: اشلونكم عساكم بخير
البنات: الحمد الله
مرام وهي تطالعه ومبوزه : خير شتبي
جاسم وهو يرفع حاجب: شفيج انتي ليش تكلميني جذي
مرام وهي تطلع لسانها: بكيفي
جاسم وهو يضحك عليها : هههههههه انتي ما تستحين على ويهج اقول قومي ابيج في موضوع مهم جدا جدا يلا بسرعه
جنان وهي تناظرهم: والله خوش شي يعني كل مره نجتمع مع بعض قلت لها تعالي ابيج في موضوع مهم الي ابي اعرفه شالمواضيع الي بينكم هااا
مرام وهي تقوم: اقول جنان يلا هذا شي ما يخصج يلا قلبي ويهج
جنان : اي صفحه
مرام: الاخيره علشان افتك منج
جاسم وهو يضحك: ههههههههه زين تسوين فيها هههههههه ويووووو حرقوا ويهاااا ههههههههههه
.........................
كانت لابسة باطلون برمودة اسود وبدي أبيض وفيه كلمة Love بلون الاحمر ورافعة شعرها ذيل حصان وحاطه شوي ميك آب وفي يدها حلاوة مصاص كان شكلها جدا بريء .. ابتسم وتقدم لها .. كانت سرحانه و بعالم ثاني تفكر وما صحت الي عند سماعها صوته
مرام وهي تبتسم لجاسم: هلا و غلااا
جاسم رد لها الابتسامة : هلا وغلا فيج قلبووو شخبارج
مرام : انا تماااامو .. انت شخبارك يا الدب والله من زمان عنك
جاسم وهو يضحك: هههههههه شوي شوي علي .. اولا انا مو تمامووو وبس انا عال العال .. ثانيا مو مني اذا ما جفتيني نسيتي امج مو راضية انه نقعد انا وانتي مثل قبل بروحنا ونسولف
مرام وهي ترفع حاجب: اي ادري بس مو معناته انه تنقطع اخبارك خير شر اعتقد عندك تلفون
جاسم: انتي بعد عندج ليش ما دقيتي.. وبعدين انا معذور
مرام: معذووور؟؟ ليش ان شاء الله
جاسم وهو يبتسم: امممم انا
مرام وهي متحمسة: انت شنوووو؟؟
جاسم: انا اعترفت لـ سارة
مرام من الصدمة طاحت الحلاوة من يدها: قول والله!!
جاسم ضحك على شكلها: هههههههه والله .. اشفيج منصدمة
مرام وهي تحاول تستوعب: لحظة دقيقة خل استوعب
جاسم: ههههههههههههههههههه
بعد لحظات .. مرام بحماااس: يلااا بسرررررعة قول تحجة شنو صاااااااار بسرررررررعة
جاسم ضحك على حماسها وعلى شكلها الطفولي ولا كأنه هي بتوجيهي: ههههههههه طيب طيب سمعي (وقال لها السالفة)
.................................
مرام بصوت شوي عالي علشان يسمعها : كشوووخي صاير (وهي تغمز) كله علشانها

جاسم وهو يبتسم وبنفس ارتفاع صوت مرام: وهو في غيرها (قعد يطالعها من فوق لين تحت) ترى انتي بعد صايرة رووعه (أشر بيده لها بمعنى تلف) .. قعدت تدور وهي تضحك : ههههههه والله شكلنا يضحك
جاسم: هههههه اي لاااحظت
مرام وهي تطالع الوردة إلي بيده : حلوة الوردة
جاسم وكأنه توه متذكر: اي صح .. جدم لــعند اذونها وقال بصوت محد يسمعه غيرها: خذي هالورده وعطيها للورده
مرام وهي تضحك: ههههههههه طيب وشنو أقول لها
جاسم وهو يبتسم:قولي لها من القلب
مرام وهي تغمز له: إلى القلب
جاسم اتسعت ابتسامته: والله انج تفهمينها وهي طايرة
مرام وهي تمشي عنه: افاا عليك أعجبك
.................................
في غرفة مرام قاعدة تكلم جاسم بالتلفون وتشكي له من حركات وكلااام سارة
مرام بقهر: عيل أنا تقول لي ما أكلم اشكالج على شنو شايفة نفسها ترى والله جسوم لو مو علشانك تحبها جان مسحت فيها الأرض
جاسم بصوت حزين: والله يا مرام هي طيبه بس ما أدري شفيها حتى انا أمس سكرت التلفون في ويهي تخيلي بس
مرام: هــــــــــــه ولااا اتصلت لك تراضيك
جاسم: بصرااحه اتصلت بس انا ما رديت أبيها تحس شوي إنها غلطانه
مرام وهي محتارة: طيب ليش أنا وأنت بس تعاملنا جذي يعني أمس كل شخص يكلمها تسولف وتضحك معاه عادي إلى انا من أكلمها تشب فيني
جاسم بتردد: بصراحة لأنج إنتي السبب
مرام بعدم استوعاب: شنووو
جاسم: هي تحسب انه بيني وبينج شي يعني نحب بعض وانا دووم اقوول لها اني اعتبرج اختي بس هي تقول شلون اختك وتغزل فيها
مرام وهي تضحك: هههههههههه شكلها غارت يوم ضحكت معاي وعطيتني الورده جدام الكل واعتقدت انه بينه شي
جاسم: اوكي بس انا عطيتج الورده لها واذا على ضحكي معاج فهوو عادي
مرام وهي تعض شفاتها: انت متى امس كلمتها
جاسم: وقت العشى تقريبا
مرام وهي تضرب راسها بخفة: اهاا
جاسم بشك: ليش
مرام خايفة من ردت فعله: لأني امس عطيتها الورده قبل لاا نطلع لأنه كان الكل موجود ومو عدلة اعطيها الورده جدام الكل بعدين راح يشكون
جاسم بعصبية: شدعوه جان قلتي لها عن الورده انها لها وبعدين قبل لااا تطلعين تعطينها
مرام وهي تبعد التلفون عن اذنها: عورت اذوني لااا تصارخ وبعدين انا شدراني انها بتسوي افلااام هندية
جاسم بنبرة جد لأول مرة مرام تسمع منه هالنبرة: مراامووو مو وقت سخافتج انتي غلطتي و السبب استهزائج بكل شي حتى بحبي استهزئتي
مرام بصدمة: جاسم صل على النبي شدخل استهزء في حبك علشان غلطة ما كنت قاصدتها تقول لي اني استهزء
سكت جاسم وحس انه جرحها بالكلااام وحب يكحلها شوي: مرام انتي تعرفين اشكثر احب سارة و مو مستعد اخسرها على احساب غلطاتج << بدل ما يكحلها عماها
مرام بقهر وحزن في نفس الوقت: اهاا علشان وحده ما تستاهل صرت بالأول سخيفة وبعدين استهزء بكل شي حتى حبك والحين ما تبي تخسر احد على حساب غلطاتي طيب يا جاسم انا راح افكك من سخافتي واستهزائي وغلطاتي الي راح تخسرك حبيبتك وراح اخليك علشان تقدر تعيش حياتك من دون مضايقات
جاسم وهو يقاطعها: مراام بليييز لااا ...
.................................
قررت ترد على مكالمات جاسم إلي خذاله نص ساعة وهو يدق عليها وهي مطنشه بس بالأخير كسر خاطرها وردت
مرام وهي تتصنع الزعل : نعم
جاسم: نعم الله عليج .. شخبارج
مرام على نفس الإسلوب: زينة
جاسم حس انها ماخذه بخاطرها منه: ليش تقولينها جذي
مرام وهي متعمدة : لأني اخاف أقولها بإسلوب ثاني تعتبرها استهزاء فخلنا جذي أحسن
جاسم : مرام الله يخليج لااا تكلميني جذي والله أنا آسف على إلي قلته وما كان قصدي إنتي تعرفين غلااااتج عندي
كسر خاطرها وهو يتأسف لها فقررت ترحمه وتسامحه هو فعلااا جرحها بالكلااام بس هي تعرف انه مو من قلبه .. مرام بدلع وصراخ: خلاااااص سامحتك
ما قدر يمسك نفسه وضحك جاسم على اسلوبها الطفولي: هههههههه يا حليلج والله
.................................
في غرفة مرام .. كانت نايمة وتحلم بأحلاام وردية بس في صوت يخرب عليها ومزعج كل ماله ويزيد صوت التلفون أغنية شرين (لااازم أعيش) والصوت كان عالي وازعاج ردت من دون ما تشوف الرقم
مرام بصوت ناعس: ألووو
وصلها صوت جاسم: ألوو مرام إنتي للحين نايمة
مرام:..................
صرخ جاسم: قوووومي
فزت مرام بسرعة من صراخه .. قالت بنرفزة: جسوم يا الكريه ليش تصرخ
جاسم : علشان تقعدين
مرام: اففف طيب و هذا وأنا قعت خير شتبي من صباح الله خير
جاسم: ابيج تكشخين بنروح السينما أدري إنج متملله ومحد ما عطج ويه ويطلعج
مرام بوناسة: أحلف
جاسم: هههههه والله
مرام وهي حاطة يدها على شفاتها مثل اليهال: بس يمكن ماما وبابا ما يرضون
جاسم : أقول بلااا ماما وبابا وقومي جهزي نفسج بمر عليج نطلع و نروح المجمع أصلاا أنا استأذنت من خالي
مرام وهي تنط من السرير: اوكي نص ساعة وأكون جاهزة
جاسم : طيب مو تتأخرين يلااا باي
مرام: إن شاء الله باي
.................................
خذالهم ساعة ونص وهم يدورون في المجمع من دون هدف .. مرام : اقول جسوم
جاسم: هلااا
مرام وهي تحاول تلمح: تاريخ اليوم شنو
ابتسم جاسم وعرف انها تلمح ليوم ميلااادها "على بالها ناسي ههههه " .. جاسم يسوي روحه عادي وله كأنه متذكر: 21

مرام بقهر: وأي شهر
كتم ضحكته من شكلها .. جاسم على نفس الإسلوب: 7 بس ليش تسألين
توها بتتكلم قاطعها جاسم : ايييييي تذكرت
فرحت مرام : واخيرا
جاسم وهو يستهبل: عن جد سوري مروم بس توني متذكر
مرام وهي مبتسمة : لااا عادي أهم شي انك تذكرت
جاسم وهو يبتسم: صح أهم شي إني تذكرت انه اليوم شسمة شيسمونه هذا
حست بحباط لأنه واضح عليه مو متذكر وقاعد بس يستهبل .. مرام وبخيبة: جسوم عن الهباله إنت مو متذكر صح
جاسم وهو يحك راسه: بصرااحه لااا بس انتي ذكريني
عصبت "مو معقولة الكل ناسي ومو متذكر اففف قهر" .. مرام وهي تمشي عنه: ولااا شي
ضحك على شكلها وهي معصبة
.................................
كان مافي مسافة بينها وبين الشاب غير شبر .. كانت منزلة راسها ومغمضة عيونها و تتنفس بسرعة .. الشاب وهو مبتسم من الإحراج: آسف
مرام على نفس وضعها بس قالت بقهر وعصبية: آسف وين أصرفها ذي
واحد من الشباب: في البنك هههههه
رفعت مرام راسها له وطالعته من فوق لين تحت بحتقار: ما تضحك
جاسم بعصبية من قلة أدب الشاب: أقول احترم نفسك
الشاب تفشل وطاح ويهه: .........
الشاب (إلي كان بيصدم بمرام) قال بحترام : مسامحة إختي والله ما كان قصدي
توها مرام بتتكلم و بتشب فيه بس قاطعها جاسم بعصبية.. (يوجه الكلااام لشاب): حصل خير
جاسم وهو ماسكها من يدها ويسحبها .. جاسم بنبرة أمر: إمشي
مشت مرام معاه وهي مبوزة .. بعد ما أبتعدوا عن الشباب لفها لجهته وقال بعصبية.. جاسم: شالحركة إلي سويتيها
مرام وهي تطالعه بستغراب: هاالووهااا شسوية ماسوية شي
جاسم يتكتف: لااا حلفي بس
مرام تقلد حركته وقالت بدلع: والله
ما قدر ما يبتسم على حركتها ..جاسم : والله إن دلعج هو إلي ينقذج دووم مني
ابتسمت مرام: أدري
جاسم بحده: بس ترى آخر مرة تسوين هالحركة
مرام بطفولية وهي تحك راسها: يصير خير
جاسم بمزح: والله الريال خاف منج حشى
مرام وهي تبتسم وتصفق بيدها كأنها بيبي: أدري ألاااااااي فن ونااااسة ههههه
جاسم: هههههههه الحين أبي أعرف شنو الوناسة في الموضوع
مرام على نفس الوضع: انه خاف مني على إني ماقلت شي
جاسم وهو يهز راسه: اهاا هذا الوناسة إلي في الموضوع
مرام بحالمية: آآآآه الوناسة إنه عيني طاحت في عيونه
جاسم بنرفز من إستهبالها: أقول استحي على ويهج
.. وقال وهو يضيع السالفة: يلاااا خل نروح نلعب ترى أنا يبتج هالحزة علشان ناخذ راحتنا ونلعب وبعد الغدى نروح السينما
مرام بوناسة: أووووشااا
جاسم: هههههههههههههههه كل يوم لج حركة مرة ايهااا والحين اوووشا وباجر الله يستر
مرام وهي تمشي بدلع : ههههههه كيفي
.................................
مرام وهي تشم الباشميل وهي مغمضة عيونها: يام ياامي ريحته تشهي
جاسم وهو يضحك عليها: ههههه هبله
مرام وهي تاكل: حدك مغبر من زمان يعني في شي يديد
جاسم وهو ياكل من صحن مرام : الحمد الله تعترفين
مرام وهي تاكل بشهية: جسوم شيل يدك عن صحني
جاسم بعناد وهو ياكل من صحنها: والله كيفي آكل من صحن إلي ابيه
مرام وهي تدز يده: اقووول وخر يدك
جاسم بمزح: مرامي عفيه تكسرين بخاطري
مرام وهي تطالع فيه وقالت بهباله: خلاااص لااا تصيح جسومي يفداك الصحن وصاحبته بعد بس لااا تصيح
جاسم وهو يبتسم: لااا ما أبي صاحبته أبي بس الصحن
مرام وهي تسوي له مالت بيدها: عدااال عاد إلي يقول ميته عليك
.................................
طالعين من السينما .. مرام بوناسة: حده الفلم روووعه
جاسم: أي حده عجيب ما كنت متوقعه جذي
مرام : هههه ولااا أنا .. تخيل بروح البيت وعلى طول بتصل على نورة وبحرها لأنه خاطرها تشوف هل الفلم ههههه
جاسم: لااا حرام لااا تخربين عليها الأحداث
مرام وهي تهز راسها: بفكر هههه حدي نذلة صح
جاسم وهو يبتسم: بصراااحه حدج
مرام وهي تتخصر وتسوي روحها زعلااانه : حدي هااا طيب شوف من راح تكلمك .. ومشت عنه بدلع
جاسم وهو يسحبها من يدها: تعالي وين رايحة قاعد أمزح معاج يه
مرام وهي تلف عنه بدلع : مابي هدني
كان في شباب مغترين وشكلهم إماراتيين واقفين ويشوفون مرام وهي تدلع .. أول ما طالعهم يطالعون بمرام وهي ولااا على بالها عصب .. جاسم وهو صار على أسنانه وبعصبية: مروم بلااا دلع زايد وأمشي معاي بسكات
مرام بدلع عفوي: لااا تصارخ علي
عصب أكثر لأنه الشباب قاعدين يخزون بمرام وهي أبد .. جاسم: مروووم
مرام إستغربت من عصبية جاسم عليها ولفت مكان ما يطالع جاسم وشافت شباب لااا يقل عددهم عن 5 .. قاعدين يطالعونها ويخزيون .. يوم شافوها الشباب تطالعهم قاموا يأشرون لها وهي على طول لفت لجاسم وطالعته وهو بقمة عصبيته وهو يطالع فيها.. جاسم: إمشي يا مرام أحسن ما أسوي شي تندمين عليه وما يعجبج ولااا يعجبني..
.................................
وقف سيارته عند البحر علشان يراضيها قبل لااا يرجعها البيت وهي متكدرة .. جاسم وهو يلف لها ويبتسم: مروم أنا آسف لأني صارخت عليج
كانت لااافة ويها عنه ومو معطته ويه:........
جاسم وهو يمسك يدها : بليـــــــز مروم لااا تزعلين مني إنتي تعرفين إنه ما كان قصدي بس يوم شفت الشباب يخزون فيج ويتحرشون عصبت
مرام وهي تطالعه: تعصب عليهم مو علي أنا ما سوية شي هم إلي يتحرشون مو أنا

جاسم وهو يبتسم بحنية : أدري وحقج علي وأنا آسف يلااا عاد لااا تقعدين تمدين لي هالبوز شبرين ترى تصيرين كريها
مرام وهي تبتسم له: على الأقل أحلى منك
جاسم: ههههههه يا شين الثقة بس
مرام وهي تضربه بغشمره: جسوووم بلااا سخافة
جاسم: هههههههههههه طيب خلاااص ههههه
...................................
.. كانت ماشية بتدخل من باب الصالة بس وقفها صوته .. جاسم: مرام أبيج في موضوع مهم
مرام وهي عاقدة حواجبها: طيب خل ندخل داخل وقول لي
جاسم بإصرار: لااا خل نروح نتكلم في المجلس على راحتنا
مرام بإستغراب: الحين طول هالمدة معاي وما قلت لي الموضوع ويوم وصلنا البيت تبي تقول لي
جاسم وهو يبتسم: إي يلااا عاد
مرام بإستسلااام: طيب يلااا
مشت مرام مع جاسم ناحية المجلس .. جافت جاسم يطقطق في تلفونه وبعدين سكرة ودخله داخل مخباته ما تدري ليش شكت إن الموضوع في إنه .. فتحت الباب بهدوء و وقفة بصدمة وهي تطالع النور مطفي و في شموع على جنب منورة المكان وبالونات على الأرض كثيرة وزينة في كل مكان والكل موجود أمها وأبوها وأخوانها ما عدا مصعب .. ونورة وهنادي وجنان وشوق وغرور ورغد وسلطان وسعد و حمدان.. وفي وسطهم كيكة كبيرة وفوقها شمعة على رقم 18 .. وصورتها موجودة على الكيكة .. حطت يدها على فمها وهي مو مصدقة وعيونها دمعة من الفرحة .. اشتغلت إغنية happy birthday وقعدوا يغنون لها وهي طايرة من الفرح .. بعد ما خلصت الأغنية جدمة مرام وطفت الشموع وهي شاقة الحلج .. بعدها شغلوا النور .. جدموا أمها وأبوها وهي على طول حظنتهم.. لفت على جاسم وهي مبتسمة له : وأنت ما تتذكر هااا
جاسم وهو يضحك: هههههههه شاسوي لاااازم علشان المفاجأة وإنتي تتوقعين أقدر أنسى هاليوم
مرام وهي تقرصة من خده: فديتك والله
أبو مصعب وهو يسحب مرام من يدها: أقول إعقلي تتفدين فيه وأنا موجود
الكل: هههههههههههههههه
..................................
في المجلس .. مرام وهي تقعد يم جاسم .. مرام : جسوم إنت متزاعل مع سارة
طالعها جاسم بإستغراب من سؤالها: ليش تسألين
مرام وهي تهز كتفها: لاااا بس مستغربة يعني أنا معاك من الصبح وما شفتك إتصلت لها ولااا هي إتصلت لك فقلت يمكن متزاعلين
جاسم ببتسامة: لااا مو متزاعلين بس لأنه اليوم أنا مخليه بس لج فهمتي
مرام بفرح وإبتسامه: إي فهمت
...................................
قامت مرام وراحت لغرفتها وهي معصبة من اخوها ودقت على جاسم .. وكلها لحظات و وصلها صوته .. جاسم: الووو
مرام بدلعها المعتاد: الووو جسوم إلحق علي
جاسم بخوف: ليش شصاير
مرام وهي مقهورة: مصعبو السخيف يبيني التحجب
جاسم برتياح: آه خرعتيني على بالي فيج شي .. طيب واذا عاادي الحجاب ستر
مرام بدلع: بس انا ما أبي
جاسم: وليش
مرام: مو حلو علي
جاسم وهو يكتم ضحكته: لااا من قال اصلااا انتي بالحجاب احلى
مرام: لااا والله قص علي ولااا قص علي اصلااا متى انا لبسته علشان تحكم انه حلو علي هاا
جاسم: ههههههه ولااا مرة بس اكيد انه حلو عليج لأنج حلوة
مرام بخجل: ... اوكي
عرف انها استحت وما قدر يمسك ضحكته..جاسم: ههههههه يلااا الحين انا بسكر لأني بكلم ساروونه
مرام : طيب سلم لي عليها يلااا باااي
جاسم : يووصل باااي
...................................
صحت من أحلى ذكرياتها للواقع المر بالنسبة لها .. لمست يد سارة إلي قطعت عليها .. سارة بحزن: مرام
.. لفت مرام وهي تمسح دموعها: إنتي للحين هني
قعدت سارة يم مرام : كنت حابة أشكرج
مرام وعيونها مغرقة بدموع: ماله داعي تشكريني
سارة وهي تطالعها وفي نفسها "هي ليش حزينة كل هالدرجة وتصيح ..جاوبة على نفسها.. شلون ما تبينها تصيح وهي تعتبره بحسبت اخوها وهو دوم معاها وغلاته من غلات اخوانها يعني لو واحد من اخوانها اكيد راح تحزن وتصيح مثل ما تصيح وتحزن على جاسم" .. قطع عليها تفكيرها صوت مرام المبحوح من كثرة الصياح: تعرفين بكرة كم التاريخ
سارة بستغراب: اي 17
مرام بصوت مو مفهوم من الصياح: يوم مــ..ـلاااده
سارة وهي مو فاهمه شي: شنو
مرام وهي تحاول توضح كلامها: بكرة يوم ..... ميلاده ((ودخلت بنوبة صياح)) .. كنت أفكر اسويله مفاجأة بس هو ........
وصاروا يصيحون ويشاهقون .. طلعت من الغرفة وهي خايفة ومستغربة .. هنادي وهي مفجوعة من صياح مرام وسارة إلي كانو يصيحون بشكل مو طبيعي : مروووم قلبي .. سارة شفيكم تصيحيون
مرام وهي تضم هنادي وبصوت مو واضح من الصياح: مو مني قصبا عني هئ هئ
قعدت تهدي فيها لين ما هدت شوي .. هنادي وهي تطالعها : بسج دموع عااد
مرام وهي تمسح دموعها بكف يدها: إن شاء الله
لفت هنادي على سارة وهي واضح عليها الإستغراب: سارة عسى ما شر شفيج
سارة برتباك وهي تمسح دموعها: لااا ما شر بس أمي مرتفع الضغط عندها
هنادي: ما تشوووف شر .. هي في أي غرفة؟؟
سارة بلعثمة: لااا هي طلعت وهي في السيارة مع أخوي .. أنا كنت ماشة وشفت مرام
هنادي وهي مو مقتنعة بس مشت السالفة: اهاا .. طيب ليش عسى ما شر
سارة وهي متوهقة بأسألت هنادي إلي مو راضية تخلص .. سارة وهي تحاول تبين عادي دزت مرام من كتفها بمزح: كله من هذي قعدت تصيح علي وعورت قلبي و خلتني أصيح معاها
هنادي وهي تبتسم لمرام: إي والله طول الوقت وهي تصيح على جسوم أكثر مني أنا وجنان إلي حنى خواته ما صحنى كثرها .. حتى أمي فديتها ما قعدت تصيح بهالشكل إلي يقطع القلب

سارة بشك وفي نفسها "يا خوفي يطلع إلي في بالي صح وتكون مرام تحب جاسم وجاسم يحبها ويلعبون علي .. والله كل شي جايز في هالزمن .. مالي غير طريقة وحده أعرف اذا كان جاسم يحبي أو لاا .. بس خل يقوم وكل شي راح ينكشف ساعتها" .. سارة وهي تحاول تبتسم: يلااا عن إذنكم والله يشفي (وناظرت بمرام) جاسم ويقوم بالسلامة
مرام وهنادي من قلب: آآآمين
هنادي: مع السلامة وسلمي على امج وما تشوف شر
سارة وهي تمشي مبتعده عنهم: الشر ما ييج يوصل إن شاء الله .. مع لسلامة
هنادي ومرام: مع السلامة
بعد ما مشت سارة عنهم .. لفت هنادي على مرام .. هنادي: مروم يلااا دخلي وتطمني على جاسم لأنه بعد شوي راح أيي مصعب
مرام وهي تهز راسها: أوكي بس إنتي دخلي معاي
هنادي: إنتي دخلي وأنا بروح الحمام وبرد
مرام بستسلام: أوكو
راحت هنادي الحمام (كرمكم الله) .. ودخلت مرام الغرفة
-----------------------------------------------------------------------
فتحت باب الغرفه بهدوء ما تبي تسبب إزعاج
كانت الغرفه مظلمه وبارده حست البرد وصل لعروقها واصوات
الأجهزة وصداها غطها كل جزء في الغرفة .. قربت منه بدون تصديق إنها قدامه .. مررت اطراف اصابعها على الجروح اللي غطت ويهه و آثارها إلي انتشرت على يدينه وكل جسمه .. مسكت الكرسي وشدته بهدوء وقعدت ..
طلعت من شنطتها كتاب الله .. مسكت يده بقوه وبدت تقرى بصوتها الدافي الحنون اللي غطى أرجاء المكان بالسكينه والخشوع .. مع كل كلمة تقولها تمسح معاها انهار من الدموع إلي غطت ويهها .. مرام "آه يا جاسم ياليتني أنا مكانك ولا تتألم لحظة اصحى و أرجع مثل أول طلبتك اصحى"
-----------------------------------------------------------------------
.. في ماليــــــــــــــزيا .. (الساعة 6 المغرب) <<< طبعا الوقت غير في البحرين هع
توهم رادين من بره .. دخلوا جناحهم وصوت ضحكاتهم واصلة لآخر الدنيا .. سعد : ههههههههههههههه لاااا إنتي ما شفتي شكلج لما الأسد قام ههههههههههه
رغد: هههههههههههه بس أنا أهون منك أخاف من ههههههه أسد مو إنت ههههههههه من سبال ههههههههههههههههههه
سعد وهو يقعد على الكنبة بتعب : هههه بس خلاااص تعبت من الضحك
رغد: ههه أنا بعد آآخ حنجي عورني من كثر ما ضحكت
سعد وهو يقوم: أنا بقوم التسبح .. تبين نتعشى هني ولاا بره في مطعم
رغد وهي تهمز إرجولها : لااا والله إرجوولي ما أقدر خلنا هني أحسن تعبت من الصبح وأنا أدور
سعد وهو يبتسم: عيوووزة (عجوووزة) حشى
رغد بدلع وهي تلف عنه: إذا أنا عيوووزة إنت شنو
سعد وهو يبي يغايضها: حفيدج هع
رغد: ها ها ها سخيييف إنت شيبه
سعد وهو يسوي نفس المصاروة: يااالهويتي ياا فضيحتي ياا خرااابي
رغد: ههههههه بس تكفى رووح إطلب وإدخل الحمام خذ دووش ريحتك إطلعت
سعد وهو فاتح عيونه على وسعها: من صجج
رغد وهي تبي تقهره سدت خشمها: وففففف لاااعت جبدي روح الحماام تكفى فطستني
سعد وهو يشم نفسه: من صجج إنتي ريحتي واااع
رغد وهي تبتسم بهبالة: لااا أمزح معاك ههههههه
سعد وهو يطالعها بنظرة إنتقااام : عيل تمزحين هاا أراويج
وهي من الخوف منه إنحاشت وصار سعد يركض ورى رغد والمسكينة رغد طاحت على ويها وتفشلت وسعد: ههههههههههههههههههههههه ياا قلبي ههههههههه صار فيج شي هههههههههه
رغد وهي متفشلة منه من قلب .. وبصوت يالله يطلع من الإحراج: لااا ما فيني شي
حس بحراجها وما حب يزيد عليها تركها وإتصل في الروم سيرفس وطلب عشى وراح دخل الحمام (كرمكم الله) ياخذ له دوش
أما رغد فراحت واتصلت على أهلها .. وردت شوق: ألووو بيت أبو عبد الرحمن
رغد بطناز: ههههههههه أووونج سكرتيرة شركة هههههههه
شوق بفرح ممزوج بصرااخ: رغوووووووووود
رغد: بعينج رغوود أسمي رغد وإذا تبين تدلعين قولي رغووودة
شوق: مالت عااد رغووود رغووود كيفي إنتي رغوووود حرة أنا يه
رغد: هههه إنزين خلاااص ما يسوى علينا .. أقوول شواقه شخباركم شمسوين بدوني
شوق وهي مو عارفة تقول لها وله لااا : أحنى زينين بس
رغد بستغراب: بس شنووو
شوق وهي قررت ما تخرب عليهم شهر العسل ولو أهل سعد يبون يقولون فهم يقولون لهم: بس أنا وغرور مسوين برناااامج ههههههه
رغد: هههههههه شدعوة عااد إنتو أصلااا بكبركم برنامج
شوق: هههههههه سمعي بقول لج إلي سويناه قبل لااا تيي غروروو التيسة وتتنيحس وتقول لج السالفة
رغد بحماس: طيب يلااا قولي شوقتيني
شوق: الله يسلمج ويخليج بختصاار شديد
رغد بحماس: إييي
شوق: كنت أنا وغروروو أمس متملليــــــــــــــن وطفشانيـــــــــــن
رغد: عااد أنتي وياها كله متمللين وطفشانين مافي جديد
شوق: أنا للحين ما كملت السالفة سكتي وسمعيني
رغد: طيب يلااا هذا أنا سكت قولي
شوق: عااد خبرج قعدنا نفكر شنسوي من الملل وخبرج الأفكااار دوووم مني
رغد بسخرية: ونعم الأفكااار ياا أم الأفكاار
شوق: لااا تتطنزين وخليني أخلص
رغد: يلااا حشى ما صاار إختصاار هذي قصة أي قصة هذي رواااية حشى
شوق: عااد قمنا وتكشخنا آآآخر كشخــــــــــــة وخبرج عااد إحنى كشووووخي هههههههه
رغد: هههههههههه أنزين
شوق : وطبعا أنا كنت لااابسة فستان التركواز القصير تذكرينه
رغد: اي اي
شوق : وغرور لبست ثوب وشماغ عبدالرحمن ههههههه و بعدين قمنا وخذينا الكيمرا و شغلنا المسجل وسوينا فيديو كليب
رغد: هههههههههههه الله يقطع بليس كم
شوق:آآآآمين
رغد: إلي وين مامي وبابي وغرور وعبدالرحمن
شوق: بل بل حشى لاااازم تحددين قولي وين الكل وخلاااص

رغد: بعد شاسوي .. انزين وينهم
شوق: مامي وبابي في بيت خالتي نوال خبرج تجمع الشياب والعيايز وأخوووج مع ربعه وغرورو التيسة منخشة
رغد بستغراب: منخشة ليش
شوق بدلع: عطتني كف وشردت
رغد: ههههههههههه هبلاااااااان و ربي
.. طلع في هاللحظة سعد من الحمام .. رغد أول ما حست بـ سعد: شواقه حبيبتي أكلمج بعدين أوكي سلمي على مامي وبابي
شوق: اوكي يلااا بااي
رغد: بااي
لفت رغد وهي تبتسم لسعد بس أول ما شافته نزلت راسها بحراج ..كان لاااف المنشفة على خصره وباقي جسمه عااري .. ابتسم على حراجها بس هو سوه هالحركة عمداً يبي يحرجها <<< يااربي على هالريااال يحب يحرج
سعد وهو يبتسم : من كنتي تكلمين
رغد وهي منزلة راسها ومنحرجة: شوق إختي
سعد وهو يجرب من رغد: أهاا
حست رغد بمغص في بطنها من قرب سعد لها وهو شبه عاري .. رغد وهي مازالت منزله راسها وتلعب بأصابع يدها قالت بحرج: أنا بطلع أنتظرك بره
يات تبي تطلع بس يد سعد وقفتها .. حس برجفت يدها وهي بين يديه .. رغد يالله صوتها يطلع: سعد
سعد وهو يخليها تواجهه : عيون وروح سعد
ابتسمت بحراج وهي مازالت منزلة راسها:..............
سعد وهو يرفع راسها : حياتي
رغد وهي ترتجف: هلاا
سعد وهو يطالعها من فوق لين تحت : بردانة قلبي
هزت رغد راسها : شوي
سعد وهو يحملها : الحين أدفيج ياا قلبي وطبع بوسة على خدها
.. رغد بخجل: حبيبي مو وقته
سعد وهو يغمز لها: إلااا وقته ونص
رغد: بس العشى
سعد وهو ينزلها على السرير : لاااحقين عليه
رغد: بس
قاطعها سعد وهو يحط سبابته على شفايفها: أشششش
تركها وراح بسرعة وطفى النور و............................... *_^
-----------------------------------------------------------------------
في جناح نايف و مي (في نفس الوقت)
بدلت ملابسها ولبست بجامه خضرة بدون أكمام و باطلون قصير لحد الركبة .. ومشطت شعرها بهمال .. و رمت نفسها على السرير .. وطلعت دفتر مذكراتها وصارت تكتب فيه .. فتح الباب بقوة ودخل من دون لااا أحم ولااا دستور .. إرتبكت من دخلته عليها وعلى طول سكرت دفترها وحطته داخل الدرج إلي يمها .. وصارت تطالعه وهو واضح عليه العصبية .. تجدم من عندها ومسكها من يدها بقوة وهو يصرخ فيها .. نايف: مو أنا إلي يصرخ علي أبوي ويعصب علشان وحده مثلج
كانت تطالعه وهي مستغربه ومو فاهمة شي .. مي:.....................
نايف بنفس العصبية: سمعيني أنا راح أوديج للدكتور مو علشانج ولااا علشان أنا أبي أسمع صوتج لاااا ذا بعدج .. أنا راح أوديج علشان أبوووي وبس فهمتي
.. و رماها على السرير بقوة وهي دمعت عيونها من الخوف .. نايف وهو يلف بيطلع: جهزي نفسج بكرة الساعة 7 ونص ولااا تتأخرين ولااا بتشوفين مني شي ما يرضيج
.. وطلع تاركها لامة نفسها وتصيح وتندب على حظها وعلى حالها إلي ما يعلم بها غير الله
-----------------------------------------------------------------------
في المستشفى .. في غرفة جاسم .. بعد نص ساعة دخلت و شافت مرام وهي ماسكة القرآن وتقرأ بكل خشوع والدموع مغرقة ويها و ماسكة يده بقوة كأنها خايفة إنه يضيع منها .. تجدمت لها وحطت يدها على كتفها الأيسر .. لفت مرام على هنادي وبدت تمسح دموعها: إنتي وينج تأخرتي
هنادي بحنان وحزن في نفس الوقت: مرووم قلبي .. يوم طلعت من الحمام طلع في ويهي مصعب وقال لي يلا لااازم نمشي الحين
مرام بترجي: لااا تكفين أبي أظل معاه .. بليز هنوي قولي حق مصعب أبي أظل معاه
هنادي : مروم تكفين لاا تحطيني في موقف محرج مع مصعب
مرام بترجي: تكفيـــــــــــن هنوووي تكفيـــــــــــن أبي أقعد معاه ما أبي أتركه
في هاللحظة دخل وشاف مرام وهي تترجى في هنادي .. جرب لعندهم .. طالعوا فيه .. مصعب وهو يناظر جاسم المستلقي على السرير من دون حركة .. حس بحزن على حاله ودعا في سره إنه الله يشفيه ويقوم بالسلامة .. لف مصعب على مرام إلي يعرف تعلقها بجاسم بشكل كبير .. وأول ما شاف الحزن والدموع المعلمة على ويها حس بالضعف .. مصعب بحنان: يلااا مروم فديتج قومي وبكرة أنا راح أيبج
مرام بترجي وبصوت رايح من الصياح: تكفى مصعب تكفى الله يخليك أبي أظل معاه تكفى
مصعب: بس يا مرام قعدتج ما منها فايدة يعني تتعبين نفسج على الفاضي
مرام والدموع بدت تغرق عيونها: ما أبي أتركه تكفى أنا ما صدقت على الله يوم قال لي الدكتور إنه عادي نزوره ونظل معاه تكفى
مصعب وهو منكسر خاطرة عليها: خلاااص عااد هاا بكرة بايي وبردج البيت ترتاحين وبعدين راح أرد أييبج
مرام وهي تمسح دموعها: أوكي
مصعب وهو يطالع بـ هنادي إلي كان واضح عليها إنها تتجنب تطالعه: يلااا مشينا
مشت هنادي بهدوء مع مصعب وطلعو من الغرفة .. أما مرام فردت تقرأه قرآن بكل خشوع وهي ماسكة يد جاسم
-----------------------------------------------------------------------
.. في سيارة مصعب ..
ركبوا السيارة و هنادي طول الوقت تطالع الشارع ما تبي تطالع في عيونه تخاف تضعف .. اما مصعب فكان طول الفترة يكلم نفسه .. مصعب "الحين أنا شاسوي مع هذي يا ربي والله توهقت عاد أنا استاهل وافقت على ياهل ما تعرف شي .. بس اشلون ألومها لو أي وحدة مكانها أكيد راح تزعل .. أوووف يلااا مع الوقت راح تنسى .. بس أنا خايف تتهور وتقول شي حق عمتي أو إنها تروح حق أبوها وتطلب الطلاااق ساعتها راحت علي .. آآآه ياليتج يا مها عااايشة جان الحين إنتي زوجتي وحياتي حلوة .. أحسن من هالنكد .. بس شنقول غير الله كريم"
وصل مصعب عند بيت عمته أم مشاري ونزلت هنادي بدون أي كلمه وسكرت الباب بقوة تحس بقهر مما خلى مصعب يعصب على حركاتها .. مصعب بعصبية: صج ياااااااهل بس أنا برااااويج إن ما علمتج السنع ما أكون مصعب
-----------------------------------------------------------------------

.. في اليوم الثاني .. (الساعة 5 ونص الصبح)
في قصر أبو نايف >> وخصوصا جناح مي ونايف << طول الليل ما غمضت عيونها خايفة تروح عليها نومة وما تصحى إلى متأخرة وبعدين من بيفكها من نايف وشره .. دخلت الحمام (أنتوا والكرامة) وسوت روتينها وطلعت وفرشت السيادة ولبست مشمر الصلاة (إلي عطتها أم نايف) .. بعد ما صلت .. راحت لخزانتها وصارت تدور لها لبس تلبسة .. طبعا هي ملااابسها كله بديات وجينزات وقمصان وبجامات يعني مستحيل يكون عندها شي إسمه تنورة أو فستان .. طلعت لها بدي بنك ضيج عليها أكمامه قصيرة و وبنطلون جينز أزرق غامج .. بللت شعرها وحطت جل وسوته كيرلي وبصعوبه صار لأنه شعرها وااايد ناااعم .. لبست ساعة وجوتي sport .. و تعطرت وعلى الساعة 7 جهزت .. وطلعت من غرفتها .. أول ما فتحت الباب شافت باب غرفة نايف مفتوحة والنور مشتغل إستغربت هو كل مرة هالحزة يكون في ساااابع نوووومه .. حست بفضول تجدمت من غرفته بكم خطوة .. بعدها وقفت وغيرت رايها .. بس الفضول غلب على خوفها وترددها .. مشت على أطراف أصابعها كأنها حرامي .. صارت عند الباب و صارت تطل .. شافته مستلقي على السرير و واضح عليه إنه بسابع نومه .. مي في نفسها "شكله نام ونسى النور مفتوح" .. ولفت بتنزلت بس لمحت شي خلها توقف .. مي في نفسها "معقولة توصل فيه المواصيل لهدرجة" .. دخلت الغرفة بهدوء علشان ما تصحيه .. وراحت لدرج إلي يم السرير علشان تأكد عيونها .. مي في نفسها "إبن الذيــــــــــــن .. طلع يتعاطى مخدرات" .. شالت الأبرة بيد ترتجف .. مي في نفسها "يمااا حتى شكلها يخرررع" .. لفت عليه بسرعه لأنها حست بحركة وانصدمت لأنه كان واقف وراها متكتف والشرار يطلع من عيونه .. نزلت راسها و غمضت عيونها وهي في نفسها .. مي "بيذبحني بيذبحني اليوووم نهااايتي يلعن أبووو الفضول إلي بيذبحني يااا ويلي ياا ويلي" .. قرب منها وخذ الأبرة من يدها ودخلها داخل الدرج وقفلاه .. بعدها رفع راسه .. كان يطالعها وهي منزلة راسها وكان واضح إنها مغمضة عيونها و عاضه على شفايفها التوتية وكل مفاصل جسمها ترتجف .. ما يدري ليش شفق عليها .. قرب لها وصارت تحس بأنفاسه الحارة تلسع ويها مما زاد الخوف في قلبها وصار يدق بشكل مو طبيعي .. رفع راسها بيدينه إلي حوطت ويها الطفولي الصغير .. وصار يطالع فيها .. ظلت 5 دقايق تقريبا وهي مغمضة عيونها .. مي في نفسها "لاااايكون ذبحني و أنا ميتة الحين .. بس لااا شلون أنا ميتة وبعدني أحس بلمست يده وأنفاسه" .. قررت تفتح عيونها بشويش وانصدمت من قرب نايف كان لاااصق فيها حيل وخشمه شوي ويلامس خشمها .. حست بمغص في بطنها .. وحمر ويها حست إنه حرارة جسمها إرتفعت .. أما نايف فكان ماخذ راحته على الآخر كان يطالع في ملامح ويها بكل تمعن وحس برغبة قربه منها .. صار يطبع بوساته على جبينها وعيونها وخدها وخشمها وشفايفها بكل هدوء وهي واقفة مثل الصنم مو قادرة تتحرك من الصدمة .. نزل بشفايفه على الرقبتها وصار يطبع ببوساته و انفاسه الحارة تلسعها لسع .. بحركة غير إيرادية منها دزته بيدها تبعده عنها .. إنقهر من حركتها طالع فيها وابتسم بستهزاء علشان يقهرها .. نايف: تسوين أووونج عااد ما تبين قربي .. ترى مو علي هالحركات وبعدين لااا تصدقين نفسج إني ميت عليج و أبي قربج لأني لو كنت أبي جان باخذه بطيب بالقصب ما راح تقدرين تمنعيني .. بس تقدرين تقولين إني شفقت عليج وقلت أعطيج لو جزء بسيط يملي رغبتج ولااا شلي يخليج تدخلين غرفتي .. سكت وهو يطالع الساعة إلي صارت 7 و ربع .. نايف وهو يدخل الحمام : طلعي بره غرفتي وسكري الباب وراج >>وسكر باب الحمام بقوة<< طلعت مي من الغرفة وقلبها مازال ينبض بشكل مو طبيعي حتى تفسها صار مو طبيعي تحس نفسها مخنوقه .. دخلت غرفتها ورمت نفسها على السرير وهي تتذكر كلماته إلي كانو بـ مثابت حمل ثقيل و جرح لـ كبريائها
-----------------------------------------------------------------------
في بيت أبو مشاري (في نفس الوقت)
في غرفة هيام .. كانت قاعده على السرير و يمها بنتها الجوري نايمه .. تطالع فيها وعيونها تدمع من يوم ما درت بوفاته وعيونها مو راضية توقف دموع ولااا قادرة تنام مثل باقي العالم والناس .. كل مكان تطيح عيونها في هالغرفة يذكرها فيه .. لفت وهي تناظر بنتها وتتذكر
................
.. قاعد يلبس ثوبه عند الخزانة .. وهيام منسدحة على السرير تحس بتعب خصوصا انها جريب راح تدخل شهرها .. مشاري وهو يمسك يدها ويبوسها: متأكدة يا قلبي ما تبين تروحين معاي السوق علشان البيبي
هيام بتعب: والله ودي بس مو قادرة
مشاري : طيب يا قلبي اهم شي عندي راحتج وأنا راح اشتري كل شي لبنتنا
هيام وهي تبتسم: وشنوو إلي خلاااك تقول انها بنت يمكن ولد
مشاري وهو يرفع يده يدعي: ياارب اصير ابو الجوري
ابتسم هيام له بحب: آميــــن
..................
ابتسم ولف بيطلع بس وقفه صوتها .. هيام: متى رجعت
لف لها وهو يبتسم: من شوي
عدلت هيام قعدتها: ما أشوف شي في يدك
مشاري: لحظة
طلع مشاري من الغرفة و أخذ الأكياس من الصالة ورد مرة ثانية .. مشاري بحب وهو يقعد يمها على السرير .. وهذي الأغراض
هيام وهي فاتحة عيونها على الآخر : هذا كله للبيبي
ضحك مشاري على شكلها : هههههههههه أي
هيام على نفس الوضع:بس كأنه وااايد زيادة عن اللزوم
مشاري وهو يبتسم: و زيدج من الشعر بيت في أكياس في السيارة ما نزلتها
هيام وهي تحط يدها على بطنها:يا بخته البيبي في ابوه
مشاري: قصدج يا بخته في امه.. على فكرة شريت ألعاااب واايد علشان لما تشرف الجوري أقعد ألعب معاها
ابتسمت هيام وقالت بحب: الله يطول بعمرك وتلعب معاها و مع عيال عيالها
مشاري: آمـــــــين
....................
قطع عليها ذكرى مشاري صوت صياح الجوري .. هيام و هي تمسح دموعها و تحظن الجوري .. هيام: بس ماما بس يا رووحي بس
سكتت الجوري وردت نامت .. هيام حطتها على السرير وبعدها قامت و راحت ناحية الخزانة .. فتحت الخزانة وطلعت ثوبة المعلق خذته وضمته وهي تتذكره وتشمه .. عيونها قامت تذرف دموع .. وبصوت واطي وفي بحه من الصياح: آآآه يا مشاري ياا حبيبي وينك إشتقت لك موووت ودي لو ترجع بس ثواني وأرتمي بحظنك وأحس بدفاك ... ((ودخلت بنوبة صياح))
-----------------------------------------------------------------------
.. في عيادة دكتور الـ.... (الساعة 8 الصبح)

نزل من السيارة ودخل العياده وبعدها طلع وأشر عليها بمعنى يلااا .. نزلت وهي تحس بخوف وإرتباك .. مي في نفسها "قوي نفسج يا مي قوي نفسج .. إن شاء الله ما بيصير إلااا كل الخير .. ياارب"
وصلت لنايف إلي كان يطالعها ببرود .. مشوا في ممر ضيج وبعدها وصلوا في صالة مو كبيرة يعني متوسطة .. شافت مكتب وقاعده فيه وحده .. و مجابلها كراسي للإنتظار .. نايف وهو يسحبها من يدها إلي أول ما لامس يدها يات لها رعشة .. بصوت هادئ .. نايف: إمشي ليش واقفة
مشت معاه ودخلوا غرفة كبيرة .. نايف: السلام عليكم
الدكتور وهو يسلم على نايف: وعليكم السلام هلااا والله حياكم تفضلوا
مشوا وقعدوا مجابلين الدكتور .. نايف وهو يأشر على مي .. نايف: هذي مي
الدكتور وهو يبتسم لـ مي: هلااا والله بـ مي .. هذي إختك الصغيرة لأني ما أشوف تشابه
إنحرج نايف من الدكتور وقال بقهر: لااا هذي زوجتي ((شدد على زوجتي هع))
ابتسمت مي وهي منزلة راسها وفي نفسها "ههههههه فشلووو هالشيبه ههههههه"
الدكتور إلي حس بـنايف إنه انحرج حب يلطف الجو شوي: هههه وااضح أصلااا إنها زوجتك بس حبيت أمازحك
نايف في قلبه "يا ثقل مزحك مثل ويهك": لااا عاادي
الدكتور وهو يطالع مي وبعدها طالع بنايف: لو سمحت ممكن تخليني معاها على إنفراد علشان أباشر شغلي
نايف وهو ما يبي يطلع ويخلي مي مع الدكتور بس مجبور .. قام وهو يوجه الكلام لـ مي: أنا بره أنتظر أوكي
هزت مي راسه لـ نايف بمعنى "أوكي"
طلع نايف وظل الدكتور مع مي .. الدكتور وهو يطلع أوراق من الدرج وقلم ويعطي مي .. الدكتور: خذي
خذتهم مي وهي مستغربة:.........
الدكتور: أنا بسألج وإنتي كتبي لي الإجابة أوكي
مي: أوكي
وصار الدكتور يسألها وهي تجاوب .. وطبعا هي كانت بكل جواب تكتبه بتردد .. لكن بعدين حست إنه الدكتور يفهمها مما حسسها بالإرتياح وصارت تكتب بدون تردد
-----------------------------------------------------------------------
بعد إسبوع .. مرام كانت طول الوقت مع جاسم إلي للحين في الغيبوبة ما كانت تتركه وكل يوم يمرها مصعب وتروح البيت وتبدل وترد المستشفى كانت ملااازمة جاسم ملااازمة .. أم مشاري إلي تحسنت شوي حالتها .. بس خوفها على جاسم مخليها ما ترتاح .. هنادي إلي للحين في بيت أبوها ومصعب إلي مطنش السالفة بمزاجه مو مفتكر .. هيام إلي حالتها يوم عن يوم تسوء و طول الوقت تتذكر مشاري مو قادره تنساه حتى ثانية .. لااا تاكل ولااا تنام حتى بنتها ما ترضع منها ترضع من الرضاعة .. وهذي إلي مخلي الكل يخاف عليها .. سارة إلي الشك ذابحها ومو مخليها تقدر تنام وصممت على الفكرة إلي في بالها بس تنتظر قعدت جاسم .. حمد ونورة إلي كاثرة إتصالاتهم ببعض وصار شي أساسي في حياتهم اليومية .. جنان إلي كانت دوم تحاول في هيام إنها تطلع من إلي فيها .. سلطان رد لمغازلته و مو هامة أحد .. سعد و رغد عايشين أحلى أيامهم بـــ ماليـــــــــزيا .. وطبعا محد خبرهم بموت مشاري علشان لااا يخربون عليهم سعادتهم بس سعد بدى يشك بالموضوع لأنه دوم يتصل يبي هيام بس دوم يطلعون أعذار .. نايف كل يوم يودي مي لدكتور النفسي .. وهو مو طايق ثقالت الدكتور وقرر يدور على دكتور ثاني بس أبوه رفض لأنه يعرف الدكتور شاطر ومي مرتاحة له .. مي تحس بتحسن بصحتها لأنه صارت عندها ثقة وطبعا هي قالت حق الدكتور جزء من قصتها .. وهو طلب منها المرة الثانية تعطيه دفتر مذكراتها .. وهي ترددت بس بالأخير وافقة وقالت له مرة ثانية ((بس طبعا هي للحين ما تتكلم)) .. وحمدان ابتدا يداوم في المستشفى وخبروه إنه بعد يومين عنده عمليه جراحية وهو طار من الفرح لأنه راح يبين لهم جدارته لهل عمل
-----------------------------------------------------------------------
..في المستشفى الـ.... (الساعة 5 ونص الصبح)
فتح عيونه بصعوبة و رد غمضها .. يحس بتعب في جسمه وريجة ناشف .. حاول يفتح عيونه مرة ثانية .. الصورة مو واضحه له لأنه النور خافت .. قال بصوت مو مسموع وبتعب وجهد .. جاسم: عـ..ـطـ..،ـشا..ن
بس ما سمع رد فتح عيونه وصار يحاول يشوف .. شاف مرام وهي نايمة .. جاسم بعد جهد بذلاه رفع صوته:مرااام .. مروم
سمعت صوت وتوقعة إنها تتخيل بس الصوت كل ماله ويرتفع .. فتحت عيونها وصارت تطالع بجاسم الممدد على السرير من دون أي حركة استغربت .. بس رد الصوت مرة ثانية بس هل المرة بهمس .. راحت على طول فتحت النور وراحت لـ جاسم .. مرام وهي تطالعه : جاسم إنت صاحي
جاسم وهو يبتسم شوي وبصوت هامس: أبي ماي
مرام من الفرح مو عارفة شنو تسوي .. صارت تدور على ماي بس ما حصلت .. طلعت من الغرفة بسرعة البرق وراحت للممرضات الموجودين في الرسبشن .. مرام: المريض إلي في غرفة 3 قعد من الغيبوبة ويبي ماي
الممرضة وهي تقوم معاها وتوجه الكلام للمرضة إلي يمها: خبري الدكتور علي بسرعة
الممرضة الثانية: بس الدكتور ماخذ إجازة
الممرضة الأولى: أمم خبري الدكتور سالم عيل اليوم توه مداوم بسرعة
الممرضة الثانية: إن شاء الله
-----------------------------------------------------------------------
دخلوا الغرفة والممرضة وهي تبتسم: الحمدالله على السلامة
جاسم بريج ناشف: الله يسلمج .. لااا هنتي أبي ماي عطـشان
الممرضة: إن شاء الله
مرام وهي تسحب الماي من الممرضة : عنج أنا أشربه
ابتسمت الممرضة لـ مرام: طيب هااج شربي خطيبج
ابتسمت مرام للمرضة من دون تعليق وصارت تشرب جاسم الماي
طلعت الممرضة من الغرفة .. مرام وهي تبتسم : وأخيـــــرا صحيت
جاسم وهو يعقد حواجبه: ليش شكثر أنا نمت
مرام ببتسامه: إسبووووووووووع بكبره ناااايم
جاسم: الله إسبوووع ههه زين ما نمت أكثر أنا أشوف جسمي متكسر أتاريه من النوم
مرام وهي تضحك: ههههههه سمعت الممرضة الهبلة شتقول
جاسم وهو يبتسم لها: إي
دخل الدكتور جاسم في هاللحظة .. د.جاسم: السلام عليكم
لفت مرام لجهة الدكتور وهي تبتسم مو قادرة تخفي فرحها : وعليكم السلا..م (الأخت أول ما شافت الدكتور خقت) <<< إنقلبت اللهجة خخخخخخخ
الدكتور شاف مرام شلون تطالعه إبتسم لها وهي إستحت وإنحرجت ولفت عنه وصرت تطالع بجسوم والبسمة مو راضية تفارق شفايفها .. صار الدكتور يفحص بجاسم ويسأله وبعدها .. د.سالم: الحين أقول لك الحمد الله على السلامة إنت صحتك الحمد الله وااايد زينه والجروح إلي على جسمك كلها أياام إن شاء الله وبتخف .. لااا تخاف
جاسم: الحمد الله .. مشكور يا دكتور
د.سالم: هذا واجبي .. عن إذنكم
مرام وجاسم: إذنك معاك
طلع الدكتور من الغرفة ومرام تتابع الدكتور بعيونها لين ما إختفى
جاسم وهو يناظر بمرام: إشفيج تطالعين في الريال جذي
مرام إنحرجت من جاسم: هاا لااا ولااا شي بس مشبهه عليه
جاسم إقتنع: أهاا
مرام وهي تطلع تلفونها من شنطتها إلي على الطاولة: بتصل على الأهل بطمنهم عليك و ببشرهم
جاسم: لااا خليهم نايمين بعدين خبريهم
مرام بعناد ودلع: ما أبي
واتصلت وخبرت أخوها مصعب وبعدها دقت على هنادي وخبرتها
-----------------------------------------------------------------------
في قصر أبو نايف (الساعة 7 ونص الصبح)
في جناح مي ونايف .. مي وهي تاخذ دفتر مذكراتها وتطلع بسرررعة تتوجه للمصعد .. وصلت الطابق الأول و صارت تركض لين طلعت من الجناح ((الفلة)) .. كان نايف قاعد في السيارة يطق هرانه يستعيلها علشان ما يتأخرون على الموعد .. ركبت السيارة .. نايف بشوية عصبية وإنفعال: سنة ما صارت ليش تأخرتي
مي وهي تأشر على الدفتر إلي بيدها .. مل نايف من سكوتها و إشاراتها .. نايف في نفسه "أووووف متى تتكلم مليت وهي بس تأشر لي و أنا ما أفهم شي"
حرك نايف السيارة متوجه للعيادة
-----------------------------------------------------------------------
في ماليــــــــــــــــــــزيا (الساعة 9 ونص الصبح)
كان يتأمل شكلها وهي نايمة بكل هدوء وراحة .. قرب لها وهو يمسح على شعرها .. وبصوت حنون .. سعد: رغووودة قلبي
رغد بصوت هادئ و مليان نعاس: هممم
سعد وهو يطبع بوسة على خدها الناعم: قوومي بسج نووم
رغد وهي تتكور: بس ثواني (واختفى صوتها)
سعد وهو يسحب البرنوص : يلااا حبيبتي بلااا دلع اليوم آخر يوم لنا في ماليـزيا لااا تقضينه بنوم
رغد وهي في سابع نومه .. سعد إحتار شلون يقعدها الحين .. قعد يفكر ويفكر .. قال ماكو غير الماي .. راح وخذ كوب وملاه بـ ماي .. سعد وهو يصارخ: بعد لـ ثلاثة إن ما قمتي بكب عليج الماي .. 1 .. 2 .. 2 وربع .. 2 ونص .. يلااا بقول .. 3 (وطش) كب عليها الماي الموجود في الكوب كله .. صحت بفزعة وصارت تطالعه وهي مبوزة يزعم زعلااانه .. رغد: سخــــــــيف ما أحبك
وردت نامت وتلحفت عناد فيه << ينقال لها يزعم معصبة و زعلانه هع
مسك سعد ضحكته بالغصب .. يحب دلعها يحب زعلها يحب عصبيتها يحب تغليها يحب كل شي يتعلق فيها يعشقها بكل عيوبها و زينها .. سعد وهو يدخل داخل البرنوص (اللحاف) ويضمها من خصرها .. يعني ظهرها ملاصق بصدره .. سعد وهو يهمس بحب بأذونها: بس أنا أعشقج أمووووت فيج .. وطبع بوسة على الرقبتها وكمل: يلاااا يا قلبي بليـــــــــــــز قومي بسج نوم
ابتسمت رغد وهي مغمضة عيونها وفي قلبها "أنا بعد أحبــــــــــك و أموووت فيك" .. سعد وهو يدلدغها : يلاااا عاااد بلااا تغلي خفي علي تكفين
رغد وهي تضحك: هههههههههه أوكي بس هههههههههههههه تكفى بس ههههههههههههههههه والله ههههههههههههههه مو قادرة هههههههههههههههههههههههههههههههههههههههههه
سعد وهو يضحك على ضحكاتها: هههههههههه زين عقاب لج علشان ما تتغلين وااايد
رغد: ههههههههههههه طيــ. ههههههههههههههههه طيب هههههههههه آآ هههه آخر مرة ههههههههههههههههههه
تركها سعد وصار واقف على السرير ويناقز كأنه ياهل .. سعد : بعد لين 3 إن ما قمتي راح أرد 1 .. 2 .. (ما شاف إلي وهي تنقز على طول للحمام هع)
-----------------------------------------------------------------------
في المستشفى الـ... (الساعة 10 ونص الصبح)
كانوا كل العايلة موجوده في غرفة جاسم .. وأم مشاري الفرحة مو واسعتها بقومة جاسم بالسلااامة .. أم مشاري وهي تبوس جاسم: وه الحمد الله على السلااامة يااا الغااالي والله خرعتني عليك
جاسم وهو يبوس يد إمه : الله يسلمج يااا يما .. بعد شنو نسوي الله كاتب
أم سعد: يلااا أهم شي إنك قمت بالسلامة
جاسم وهو يطالع بـ أبوه : يباا
أبو مشاري : هلااا يا ولدي
جاسم: مشاري أخوي شصار عليه
الكل سكت :.............................
جاسم وهو يطالعهم شلون يتفادون يطالعون فيه: شفيكم تحجوا مشاري شصار عليه
أبو مصعب وهو يأشر لأبو مشاري إنه يبيه في كلمة راس .. طلع أبو مصعب و أبو مشاري .. أبو مصعب: يااا أبو مشاري لااازم تقولون له مردة بعرف عاجلااا أم آجلااا
أبو مشاري بضعف: ما أدري أخاف يكون مو زين لصحته
أبو مصعب: لااا تخااف ولااا تحاتي إن شاء الله ما يصير إلااا كل خير بس لااازم تقول له
أبو مشاري : خلاااص راح أقول له والله يساعدني
دخلو مرة ثانية الغرفة إلي كانت هادئة وما ينسمع فيها غير صوت المكيف .. أبو مشاري وهو يقوي نفسه: إسمع يا جاسم
جاسم صار يطالع في أبوه بكل حرص كل حواسه مع أبوه .. أبو مشاري وهو يكمل كلامه: إنت إنسان مؤمن بالله وقدره وكل واحد له أجله ((كل نفس ذائقة الموت إلا وجهه)) .. وللأسف كان أجل مشاري يوم الحادث .. ومالك غير إنك تدعي له بالمغفرة و جنات النعيم
الكل صار يطالع بـ جاسم إلي كانت عيونه تمتلي بدموع ومو قادر يستوعب الكلام إلي سمعاه من أبوه .. جاسم من دون تصديق: يبا إنت شتقول
صار يطالع في أبوه وبعدها في كل شخص معاه في الغرفة من دون تصديق طاحت عيونه على مرام وقال برجى .. جاسم: مرام .. مرووم إنتي الوحيدة ما تجذبين علي وكل شي تقولينه لي تكفين طلبتج قولي لي الصج مشاري (وبغصة) أخوي صديقي ما مات صح
نزلت دموعها من دون توقف .. أول مرة تطالع ضعفه .. عورها قلبها على حال جاسم .. بصوت حزين .. مرام: للأسف يا جاسم كل الكلااام إلي قاله أبوك هو الحقيقة
في هاللحظة صاحت هنادي و تبعتها أم مشاري وجنان ما قدرت تستحمل وطلعت من الغرفة >>ما تحب أحد يشوف دموعها

وضعفها<< .. أما الباقي فحاول إنه يتماسك بس النسوان وين والتماسك وين وصارت المناحة (يعني صارو يصيحون ويشاهقون)
.. سلطان وهو يربت على ظهر جاسم: صل على النبي هذي كتبت الله هذا يومه الله يرحمه
جاسم وهو يمسح دموعه: الله يرحمه ويغمد روحه اليــــــــــــــنة (يعني الجنة) .. أم سعد وهي تأشر على حمدان : حمدان يمه روح إيب ماي (يعني هات ماي)
حمدان: إن شاء الله يمه
.. طلع حمدان من الغرفة وصار يمشي في الممر متجه للكفتيريا .. لمح جنان وهي واقفة عند الحمامات تصيح وكان شكلها يقطع القلب .. اتجه لها .. حمدان : صلي على النبي يا جنان و إدعي له بالرحمة
أول ما سمعت صوته صارت تمسح دموعها .. طالعت فيه بعيون حزينة .. جنان: الله يرحمه
حمدان توه بيتكلم شافها ماعطته ظهرها و تمشي مبتعده عنه متوجهه لغرفة جاسم
-----------------------------------------------------------------------
في العياده الـ... (في نفس الوقت)
الدكتور وهو يسكر الدفتر بعد ما قراه .. الدكتور: سمعيني يا مي أنا راح أكلمج كصديق مو كـ صفتي دكتور .. كل إنسان في هالدنيا يعيش الحلو و المر أصابعج مو سوى يعني في نااس واااايد عاانو يمكن أكثر من معاناتج .. صحيح إنج إنحرمتي من أهم شي في الحياة وهو الحب والحنان .. بس هذا الشي ما يمنعج من متابعة حياتج .. لااازم يكون عندج الإصرار إنج تغيرين مجرى حياتج .. في ناس واايد يقولون إنه كل شي مقدر ومكتوب وهذا صح بس مو معناته إنج طتيحين في الهاوية وتوقفين مكتوفة اليدين وتقولين هذا قدر ومكتوب .. لااا لااازم تتحركين علشان إنتي بيدج مصيرج إلي ممكن يغير حالج .. أنا في هالأسبوع إلي طاف لاااحظت إنج مو عاجزة عن الكلااام لااا لأنج تقدرين تتكلمين بس الخوف إلي فيج يمنعج .. يمكن بعد كل الضغوطات إلي عشتيها سببت لج هالخوف .. بس إنتي حاولي إنج تتغلبين على خوفج وراح تشوفين كل شي راح ينحل بإذن الله .. أنا لاااحظت تحسن حالتج يوم بحتي عن ما بداخلج من بعد كتمان وضغط نفسي .. أنا للأسف الشديد إني أقول لج إنج ما عاد تحتاجيني لأنج الحمد الله حالتج تحسنت وعرفتي وين المشكلة بالضبط وإنه إلي فيج محد يقدر يشفيج ويطلعج منه غير إراتج
كانت تسمعه وهي مو مصدقة .. مي في نفسها "معقولة أنا مافيني شي مثل ما يقول وكل هذا إلي فيني من خوف وضغط نفسي وكتمان" .. كتبت مي في الورقة : بس شلون راح أواجه خوفي
الدكتور وهو يبتسم لها: تواجهين كل شي وما تكتمين بقلبج شي ممكن إنه يضايقج ويسبب لج مشكلة .. وتواجهين مصيرج بكل شجاعه .. وطبعا والأهم هو راحتج النفسية كلما هدت راح تنحل عقدج
ابتسمت مي بحزن لأنها تحس كلام الدكتور مستحيل يصير .. هي ضعيفه طول الفترة إلي طافت من حياتها .. حاولت تبين القوة والقسوة بس ما نفعها بشي .. طلع الدكتور مع مي من المكتب وشاف نايف قاعد في أحد كراسي الإنتظار يقره مجلة زهرة الخليج .. الدكتور: لو سمحت إستاذ نايف
نايف وهو يسكر المجلة ويوقف: خلصتوا
الدكتور وهو يبتسم لـ نايف: إي خلصنا بس ممكن حظرتك تيي على مكتبي
نايف وهو يمشي بتجاه الدكتور: أكيد
الدكتور وهو يناظر بـ مي: تفضلي إستريحي
قعدت مي ودخل نايف والدكتور للمكتب
-----------------------------------------------------------------------
الدكتور بدون أي مقدمات: أنا راح أدخل صلب الموضوع .. أنا عرفت مشكلتها وين بالضبط و أنا قلت لها العلاج
نايف: و شنو مشكلتها وعلااجها
الدكتور وهو يبتسم على عجلة نايف: طيب ياي لك بالكلام
سكت نايف وصار يسمع الدكتور : هي كانت تعاني من ضغط نفسي طول الوقت و كانت دوم تكتم في قلبها مما سبب لها عدم الثقة في النفس من مواجهت مصيرها .. هي بنت صغيرة في عز شبابها تحملت وإنحرمت من أهم شي في هالدنيا وهو الحب والحنان .. إلي لقت عكسه تماما وهو القسوة والحرمان .. من أبو ما عرف النعمة إلي عنده .. ويبدو إنه أبوها مريض نفسي لأني إستنتجت من كلامها عنه إنه مريض .. وهي من قبل تعرضت أيضا من خلال ما قريته في المذكرتها إنها تعرضت لمحاولت إغتصاب .. وإنها صارت لها حالة نفسية وإنهارت وحاولت الإنتحار لولااا صديقتها منيرة .. ودخولها لدار الأيتام حسسها بالضعف والنقص .. وهذا يثبت إنها عانت وااايد وكانت طول الفترة تكتم في قلبها
.. كان يسمع كلام الدكتور وهو مو مستوعب ولااا كلمة من إلي قالها الدكتور .. نايف في نفسه "معقووولة إلي أسمعه" ..
الدكتور وهو يطالع ملامح نايف إلي تغيرت و واضح إنه في قمة صدمته .. كمل بصوت هادئ .. الدكتور: و يوم إبوها زوجها لك إنصدمت و الصدمة أثرت عليها مما خلاها تستسلم لأنها لقت كل شي ضدها .. والصدمات تواجها وراى بعضها مما خلاها ما تقوى أكثر .. كل إلي أبي أقوله إنها وصلت لمرحله من حالتها النفسية وخوفها من كل شي وعدم قدرتها على التحمل بشي صار خارج نطاق تحملها سبب لها عدم القدرة على التكلم ..
نايف وهو يقطع الدكتور: وشنو علاج هالمرض
أبتسم الدكتور: هذا مو مرض يتعالج بدواء .. هذا مرض نفسي علاجه الراحة النفسية .. يعني لااازم تعيش ببيئة تكون حريصة عليها و تحاول كثر ما تقدر إنها تخليها ترتاح نفسيا وتبعدها عن أي ضغط نفسي .. وإنها تساعدها على ثقتها بنفسها .. تخليها تحب وتتمسك بالحياة
نايف: يعني الحين لازم أنا أعيشها جو خالي من إي شي ممكن إنه يسبب لها ضغط نفسي
الدكتور: بالضبط غرقها بالحب والحنان إلي إنحرمت منه من وهي صغيره وحاول إنك تزرع ثقتها .. الحين أنا إنتهت مهمتي وصارت مهمتك إنت لأنك زوجها ومن ما فهمته منها إنها ما عندها أحد غيرك من بعد ما أبوها تخلى عنها
نايف قام وسلم على الدكتور: مشكور وما قصرت مع السلامة
الدكتور: هذا واجبي .. الله يسلمك
طلع نايف من مكتب الدكتور وشاف مي وهي تلعب بأصابعها ما يدري ليش حس بالحزن على حالها .. نايف : يلااا مي
قامت مي وطلعت مع نايف من العيادة وركبو السيارة وهو طول الطريج يفكر بكلام الدكتور .. وصلت السيارة للقصر .. وقف نايف السيارة يم باب جناحهم ((الفلة)) .. نزلت مي بسرعة من السيارة تبي تختلي بنفسها وتفكر بكلام الدكتور بهدوء .. نايف وهو يحط راسه على سيت السيارة : والحل الحين شنو راح أسوي أوووف .. لف لناحيت الكرسي إلي يمه يتذكر مي .. شاف دفتر لونه أزرق مقلم متوسط الحجم فيه ريش .. شكله يجذب الواحد يعرف شنو هو .. بس نايف عرف هذا الدفتر شنو .. نايف بحيره وصراع مع أفكارة إلي توديه وتييبه .. وبعد فتره .. نايف: أنا راح أقره بس الصفحتين أولى والثانية وبس علشان أرضي شوي من فضولي لااا أكثر .. فتح نايف الدفتر على الصفحة الأولى ..

كان مكتوب .. أنا صديقة الدموع و أنا رفيقة الحزن وأنا مخلصة للهموم وأنا والجحيم واحد .. إعتصر قلبه من إلي قراه .. فتح الصفحة الثانية إلي كان مكتوب فيها .. ليتني لم أولد ليتني أنمحي من الوجود وليت ليتني تحقق ما أريد .. كم عشت في سواد وظلام يحيط بي لم أرى النور بعد وأنا عمري عمر الزهور قد عانيت وتحملت جميع العذاب ولكن كل شي وله حدود .. تمنيت لو أرى في الظلام لو نجمة تلمع لتعطيني أملاا في أن الغد قد يكون أفضل من ذو قبل ولكن لاااا من أمل فالسواد الدامس يحيط بي ولن ينير هذا الظلام ولو بنور خافت ينير دربي ويعيشني في ربوع .. سكر الدفتر وهو يحس بهم على قلبه .. نايف: ياليتني ما فتحته ولااا قريته .. هذي صفحتين وخلت كل أحاسيسي تتحرك عيل لو قريت الدفتر كله شنو راح اسوي .. والله إني ما توقعتها تعاني جذي .. أنا لااازم أغير معاملتي لها .. والله كسرت خاطري
.. طلع من السيارة ودخل وعلى طووول راااح لغرفته وسكر الباب .. والفضول ذابحه إنه يقره البقية .. إنسدح على السرير وصار يقره صفحة ورى صفحة لين وصل للصفحة إلي تكتب عنه .. يبدو إن مكتوب علي بأن أخرج من جحيم لأدخل بجحيم آخر .. كل الأبواب مغلوقة في وجهي .. لقد عشت المر ويبدو إني سأعيش المرين .. لقد ذقت العذاب ويبدو إني سأذوق العذابين .. لقد لامست الظلم ويبدو إني سـألامسه ظلمين .. أنجو من حفرة لأدخل في حفرة حياتي مثل المتاهه .. كل شيء في حياتي أصبح أصعب من ذي قبل .. فالوحش الذي أسكن معه لااا يوجد به ذرت إنسانية ليرأف بحالي .. فالوحش الذي أسكن معه لااا يوجد به أي رحمة أو شفقة ليدعني أعيش حياتي .. لكن ماذا أقدر أن أقول غير الله كريم بعباده .. سكر الدفتر وهو مغمض عيونه .. نايف: أنا وحش أنا مجرد من الإنسانية أنا إلي ما في قلبي لااا رحمة ولااا شفقة لهدرجة هي عندها صورتي متشوهه .. رد فتح الدفتر وصار يقراه لآخر صفحــــــــــــــة
-----------------------------------------------------------------------
في بيت أبو مشاري (الساعة 2 ونص الظهر)
في غرفة هيام .. أم مشاري من الصبح وهي تحاول في هيام إنها تاكل بس أبــــــــــــــــد .. أم مشاري بحزن على حال هيام: والله يا هيام إلي تسوينه مو زين لااا لج ولااا لحد .. لو كان مشاري عايش الله يرحمه جان زعل عليج و ما رضى بإلي تسوينه
هيام وهي تدمع عيونها: يا عمتي والله مو بيدي .. أحس إني ماعت أقدر أعيش من دونه
أم مشاري بيأس وهي تطلع من الغرفة ومن القسم بكبره: لااا حول الله
هنادي سمعت أمها : يما
أم مشاري : هلااا يما
هنادي: كمليلها
أم مشاري بإستغراب: شنو أكمل
هنادي : كملي لااا حول ولااا قوة إلااا بالله
أم مشاري: لااا حول ولااا قوة إلااا بالله .. طيب عاادي لو قلت لااا حول الله مو هي كله واحد
هنادي : لااا يمه إنتي فكري فيها لاااحول لله يعني لااا حول لله يعني الله ما يقدر يسوي شي ((إستغفر الله)) فلااازم تكملينها وتقولين لااا حول الله ولااا قوة إلااا بالله يعني كل شي الله قادر عليه بقدرته
أم مشاري: إستغفر الله إستغفر الله إستغفر الله وانا طول الوقت أقول نصها
هنادي: يما ترى تتحاسبين يمكن قبل ما عرفتيها بس الحين عرفتي فحاسبي
أم مشاري : إن شاء الله
هنادي: حاولتي بـ هيام
أم مشاري: إلااا عيزت بس من دون فايدة
هنادي: لااا حول الله ولااا قوة إلااا بالله .. الله يعينها
أم مشاري وهي تمسك يد هنادي: تعالي أبيج في موضوع
هنادي بإستغراب وهي تمشي مع أمها: خير
أم مشاري وهي تقعد: إنتي تكلمين مصعب
إستغربت هنادي من سؤال أمها وفي نفس الوقت إرتبكت: هاا .. إي إي بس ليش
أم مشاري بشك: طيب شفيج إختبصتي
هنادي: لااا بس إستغربت
أم مشاري: والله يا بنتي أنا خفت إنج ما تكلمينه ولاا هو .. لأنج صار لج قاعده إسبوع كامل وهو ما قال شي خفت إنكم متزاعلين
هنادي في نفسها "آآخ يا يما خلي إلي في القلب في القلب الله يعين": لااا يما بس أنا طلبت منه اني أظل معاكم في هل الوقت إحنى كلنا محتاجين حق بعض
أم مشاري: وحتى زوجج محتاج لج يا بنتي ولااا نسيتيه .. لااا تخافين إحنى الحمد الله ميسورة حالنا .. صحيح للحين متأثرين من موت مشاري الله يرحمه (دمعه عيونها) بس يالله الله كريم
سكتت هنادي بحزن على حالها وحال أهلها .. أم مشاري وهي تمسك يد هنادي: يمه إتصلي له وخبريه إيي ياخذج هو محتاجج وهذا ريلج و إنتي عليج واجبات تقضينها حق ريلج وتعطينه كل حقوقه ما يصير يصبر أكثر من جذي
حست هنادي بمغص في بطنها .. في نفسها "ياا ربي شلون أتصل له و أقول له أيي ياخذني وأنا بتفسي قلت ما أبيه و أبي الطلاااق .. والله ودي أقول حق أمي بس يكفي إلي فيها كافيها مالي إلااا أجذب" : إن شااء الله يما
قامت هنادي وراحت غرفتها وهي متوهقة .. بعد نص ساعة نزلت تحت .. وكانت تتمنى أمها مو موجوده في الصالة أو نست السالفة بس للاسف ليس كل ما يتمناه المرء يدركه .. أم مشاري :هاا إتصلتي عليه
هنادي برتباك لأنها مو متعوده تجذب على أمها: أي يما كلمته بس قال لي إنه مو مستعيل و أهم شي راحتج إنتي وإن شاء الله إذا هدئ الوضع راح ياخذني
أم مشاري من دون إقتناع: أقووول عطيني التلفون بلااا كلااام فااضي
خافت هنادي تنكشف .. عطت إمها التلفون وهي خايفة ومرتبكة تعرف إمها إلي في راسها تسويه لو تنقلب الدنيا .. إتصلت أم مشاري بمصعب إلي رد عليها وهو مستغرب إنه هنادي متصله عليه .. مصعب بإستغراب: ألووو
أم مشاري: هلااا مصعب شخبارك
عرف مصعب الصوت : هلااا والله بعمتي فطووومه
أم مشاري: ههههههه هلااا فيك شخبارك
مصعب: والله الحمد الله ماشي الحال
أم مشاري: الحمد الله .. أنا آسفة إذا إتصلت عليك في هـل وقت يمكن مشغول وله شي
مصعب: لااا والله فاضي ما عندي لااا شغله ولااا مشغله قاعد على التلفزيون أطالع
أم مشاري بلوم: طيب ليش ما سمعت كلام هنادي عيل
مصعب بستغراب: أي كلام
أم مشاري: أي كلام بعد توها مكلمتك وقالت لك عن سالفة زواجكم
مصعب إعتقد إنه هنادي قالت حق أمها عن موضوع الطلاق وعصب لأنه محذرها : أنا قلت يا عمتي لبنتج الكلام وما راح أتراجع عنه طـ..
قطعت عليه كلمته ((أو بالأصح القنبلة)) أم مشاري: أسمع أنا عمتك وإذا كان عندي معزة عندك تعال خذها ولااا تعاند .. أنا الحمد الله حالتي زينة وكلها فترة وبتعدي إن شاء الله وهي زوجتك
مصعب إلي كأنه فهم الموضوع وحب يوهق بـ هنادي: بس هي تقول إنج محتاجتها
أم مشاري وهي تطالع بـ هنادي إلي واضح عليها الأرتباك: لااا الحمد الله ما فيني شي .. ما فيني إلااا كل العاافية
مصعب وكأنه حصل شي يتسله فيه لأنه ماخذ إجازة سنوية : أوكي عيل خبريها تتجهز بعد ساعة بكون عندكم
أم مشاري ببتسامة: أي إن شاء الله يلااا مع السلامة
مصعب ببتسامة إنتصار "وأخيرا براويج العناد على أصوووله": مع السلااامة
سكرت أم مشاري من مصعب وطالعت بـ هنادي: بعد ساعة راح أيي ياخذج روحي جهزي نفسج وتكشخي
حست هنادي ‘نها بتصبح على كثر ما حبت مصعب على كثر ما كرهته في هاللحظة .. قامت وهي تداري دموعها
-----------------------------------------------------------------------
في غرفة هيام (في نفس الوقت)
.. تفكر بكلام عمتها وأمها إلي زعلت منها وما عادت تتصل لها و لاا تزورها إلااا إذا ردت مثل الأول .. هيام وهي تفتح الخزانة وتطلع كل ثيابه وهي تصيح وتضمهم وتشم ريتحته إلي إشتاقت لها .. هيام بشهاق: أنا آآآآآسفة ياا قلبي أنا آآآسفة
لمت كل ثيابه وحطتهم في أجياس سود وحطتهم بره قسمها .. ودموعها مو راضية توقف .. هيام وهي تطالع صور مشاري: خلااااص ما أبي أتذكرك .. أنا آآسفة حبيبي .. بس أبي أرتااااااااح ((ودخلت بنوبة صياح))
-----------------------------------------------------------------------
بعد يومين .. رجع سعد و رغد من ماليـــــــــزيا ودروا بالخبر وسعد حزن وعصب في نفس الوقت ولااام الكل إنه ما خبروه و يوم درى عن هيام حزن أكثر على الحال إلي وصلت له .. هنادي راحت مع مصعب إلي خلاااها تكره نفسها في اللحظة مليون مرة لأنه هو مو حاس بحبها له وماخذ السالفة عناد وهذا شي قاهرها .. هيام إلي ساءت حالتها بدل ما تتحسن وصارت تهوجس بإسم مشاري لدرجة إنها ما تبي تتذكره وصارت كل شي يتعلق فيه ترميه .. حتى بنتها الجوري ما صارت تشوفها من يومين .. جاسم رخصوه وطلع من المستشفى وحزن من حال هيام بس ما في يده شي .. سارة إلي عصبت لأنه من قعد من غيبوبته وهو لاااهي عنها ولاا يدري عن هوى دارها إلااا في اليوم إلي رخصوه إتصل لها .. نايف إلي صار يتجاهل مي من يوم ما عرف معاناتها وقره دفتر مذكراتها ..
-----------------------------------------------------------------------
في المستشفى الـ... (الساعة 7 ونص الصبح)
كان في مكتبه مرتبك أول عملية جراحية له .. راح يسويها بعد 10 دقايق .. قطع عليه سرحانه الدكتورة مشاعل .. د.مشاعل: د.حمدان أكيد مرتبك وخايف صح
حمدان وهو يحاول يكون ريلاااكس: شوي تدرين أول عملية جراحية
د.مشاعل:إي إن شااء الله تمر سليمه ههههههه لااا تخاف
حمدان: ههههههه إن شاء الله .. إلااا ما قلتي شسم المريض لأنه الملف مو عندي عند د.علي
د.مشاعل: والله ما أدري لأنه المريض مو من البحرين وفاقد الذاكره مو متذكر شي
حمدان: مسكين الله يشفيه
د.مشاعل:آمــــــين
.. طق طق طق .. حمدان:إدخل
دخلت الممرضة: د.حمدان طالبينك في غرفة العمليات
حمدان وهو يطالع ساعته شاف إنها طافت الـ 10 دقايق: أوكي
قام حمدان وهو يبتسم لـ د.مشاعل: إدعي لي
د.مشاعل: إن شاء الله تنجح العملية
طلع حمدان وهو متوجه لغرفة العمليات .. دخل و غسل يده بمعقم ولبس لبس خاص ولبسوه غفازات .. ودخل غرفة العمليات ليبتدي العملية .. الممرضة: د.حمدان المريض مخدرينوا من شويا (المريض مخدرينه من شوي)
حمدان: طيب عيل شيلي الاكسجين من ويهه بعديه شوي
الممرضة: حاازر (حاظر)
شالت الممرضة الأكسجين من ويه المريض وحمدان بده يبتدي العملية وهو طاااااااااااااااااااااااااااير من الفرح ويحس يبي يخلص العملية بـ أسررررع ما يمكن مو مصدق عيونه
-----------------------------------------------------------------------
بعد ساعات في غرفة العمليات .. طلع حمدان وهو مو قادر يصدق إنه سوه عمليه .. مو مصدق إلي شافته عيونه .. بعد 5 ساعات .. راح حمدان للمريض وشافه توه يصحى من نومه .. حمدان ببتسامة: الحمدالله على السلااامة
المريض بصوت يالله يطلع: الله يسلمك
حمدان وهو يبتسم اكثر من الفرحة إلي غمرت قلبه: شنو تحس فيه
المريض: بشوية ألم في أرجولي
حمدان : لاااا تخااف ياا مشاااري ألم بسيط بعد العملية شي طبيعي
v
v
v
v
v
v
v
v
v
v
v

وهذي نهاية الخمس بارتات


^_^ هااا شراااايكم بالمفاجأة هع قلت لكم ما أقدر أردكم ولعيووونكم رديته عاايش والتكملة الباارت يوم السبت القااادم إن شاااء الله نااال إعجابكم ورضاكم البااارتات يلااا عااد أبي توقعاااتكم


.. شلون مشاري للحين عاايش؟؟
ومصعب وهنادي شنو نهايتهم من العنااد؟؟
نايف ومي شنو راح تكون حياتهم بعد إلي صار؟؟
هيام شنو راح يصير لهاا؟؟
جاسم وسارة ؟؟
مرام وجنان؟؟
وحمدان وسلطان؟؟
أبطال روايتي شنو نهايتهم وشنو راح يصير كل هذا في البارتات الجاااية
v
v
v
v
v
v
يلاااا لااا تبخلون علي بردودكم وتفاعلم وتوقعاتكم هع