.. شـكــ وبارك الله فيك ـــرا لك ... لك مني أجمل تحية .

السلام عليكم ورحمة الله وبركاته

أهنئك على الفكرة المطروحة في روايتك .. الزوجة الثانية كيف تكون ؟؟.

فأنا وبكل صراحة عزيزتي .. أرفض فكرة الزوجة الثانية جملة وتفصيلا .. وأنا مع مبد أ أن الحياة الزوجية تقوم على التفاهم والتحاور فإذا كان لدى أحد الطرفين اعتراضا فلا بد من التصريح به حتى يصلوا لحل فبل أن تتفاقم بينهم المشاكل ..

أنا لا أعترض على الشرع ... لكن أؤمن بأن الشرع حلل الزواج المتعدد لظروف محددة .. كالعقم أو المرض لدى الزوجة ... وغيرهامن الظروف أعتقد أن بالإمكان التجاوز عنها ..

لي حوار سيطول لو أردت التكلم في هذا الموضوع ... ولكن سأكتفي بهذا القدر ...

موضوعك ... معاناتي ... وأعتقد أنه سيتكلم عن معاناة رهف .. التي قد تمثل فئة من الزوجةالأخرى . .. والذي سيصيبها هو نتيجة اختيارها وكل إنسان مسؤول عن اختياره ..

عموما عزيزتي ... ننتظر القادم منك ..

السلام عليكم ورحمة الله وبركاته
يعطيك العافيه خيتو
رهف جنت على نفسها شكله متزوجها متعه او شي
واللا كان صرح وقال لزوجته ووضح لهم بس ما يبي يخسر زوجته الاولى
وشكله مو مصارحها واللا ليه الضلم هذي زوجته بعد رغم معارضتي للزوجهة الثانيه بكل قوه ماعدا وجود سبب كمرض الزوجه او عدم تلبية
طلبات زوجها بحقه الشرعي
غير كذا رهف رضيت من البدايه تكون زوجه ثانيه فتتحمل تبعات قرارها

ويسلمو

ام شادن

ااالجزء السادس

**


اتصلت عليه بقوله بروح لامي من رجعنا من السفر ماشفتها بس مارد قهرني ليش مايرد افففف
بروووح مهو لازم يدري مع انه منبه علي ما اطلع الا بأذنه اتصلت على السواق اللي اتعامل معه ودايم يودينا مشاويرنا خلصت قهوتي ورحت البس حطيت لي مكياج خفيف وسرحت شعري ومسكته بربطه رشيت عطر واخذت عبايتي وشنطتي وطلعت من الغرفه لبست عبايتي وانا جايه بجلس انتضر السايق يجي
انفتح الباب ودخل فارس كان لابس اللاب كوت فوق ثوبه الاصفر ومشخص بالشماغ صاااير شكله عذاااب اكيد رايح للدوام لان عنده دوام مسائي
قرب مني وقال وهو شكله معصب : على وين نشالله
:بروح لامي عندك مانع
قرب مني اكثر وقال بصوت يخوف :شلون تروحين من دون ماتقولين لي وبعدين من بيوديك ؟
مامداه يكمل كلامه الا جوالي يرن ياويلي هاذا السايق جاء طلعته من الشنطه وقبل ارد اخذه مني ورد
:نعم
:خلاص انت توكل مانبي مشاوير
وسكر السماعه
ناضرني بعيونه الحااده :طيب الحين انا بمشيها بمزاجي لاني مستعجل ووراي دوام بس مراح انسى هالموضوع
يالله اذا تبيني اوديك وانا طالع
مشيت وراه وانا مقهوره من تصرفاته ليش يبي يمشي كل شي على كيفه
لكن دوااه عندي والاضلم دايم البادي


دخلت على اهلي وتفاجأت بامي وخالتي ام تركي جالسين وشكلهم يبكون وامي تمسح دموعها
رميت شنطتي واغراضي اللي جايبتها وركضت لامي اضمها
: يمه سلامات وش فيكم
امي بصوت باكي : تركي سافر ولا ندري وين راح
مدري ليش حسيت قلبي طاح يمكن عشاني السبب في زعله
قلت :طيب ليش راح ؟؟
هالمره خالتي اللي ردت : انتي تدرين ليش راح وحرق قلبي بروحته وهو ضايقه عليه اللدنيا
ليش تفضلين عليه واحد متزوج وعنده عيال وهو يتمناك زوجه له ويعشق الارض اللي تمشين عليها
تنهدت بضيق مدري متى ينسون هالسالفه :بس ياخالتي ان الزوج قسمه ونصيب وتركي يعرف اني مراح اتزوجه حتى لو ماتزوجت طول حياتي
ناضرتني امي بعتب : تدرين انه خلى جواله ورااح من غير مايخلي اي شي يدل على مكانه
قلت : بس تركي رجل عاقل مو بزر تخافون عليه مصيره يعرف ان تصرفه خطاء ويرجع لاهله


**

كنت ناااويه اناام عند اهلي وما ارجع للبيت حتى يقول لزوجته عن زواجنا ويقسم لنا كل وحده يوم
هين يا فارس انا مو لعبه عندك حتى تمشي حياتي على كيفك
رحت لغرفتي بعد ماراحت خالتي وتروشت ولبست لي بجامه قطن مريحه
ونسدحت بسريري اللي بغرفتي لاني ماغيرت فيها شي بعد زواجي
بعد شوي دق جوالي وكان فارس ابتسمت بخبث طيب يافروسي كنت اناضر اسمه بالجوال حتى وقف عن الرنين
ورن ثاني مره وبعد مارديت
لما شبع اتصالات قفلته وحطيته عند راسي تخطيت باللحاف وانا احس بالانتصار
بس ما امداني افرح الا باب غرفتي انفتح ودخلت امي ومعها جوالها مدته لي :هاذا فارس يبيك وينك انتي عن جوالك؟
ابعدت اللحاف عن وجهي وقلت بهمس :ماقدر اكلمه فيني النوم وتعبانه قوليله يكلمني بكرا

بارك الله فيك ورحم الله والديك, يعطيك الف عافيه