الجـــــــــــ2ـــــــــــزء

رحت لغرفتي وانا مقهوووره اف بس هاذا مايمل
هاذا تركي ولد خالتي اكبر مني بسبع سنين يعني عمره 29 اسمرني وملامحه جذابه عليه طول وهيبه تهز مجالس هو طبعه رزين وثقيل بس مادري ليش اذا شافني مايخليني بحالي
من كنت بثنوي وهو دايم يسولف لخواته انه يبيني بس انا مطنشته وماعطيته اي امل اني بيوم ابكون له
وهاذي ثالث مره يخطبني وارفضه


***


بعد سبوع كنا معزومين عد خالتي ام تركي وكنت رافضه اروح ماااابي اشوف خالتي او تركي بعد مارفضتهم بس امي حلفت اذا مارحت معد تكلمني ولا تحط لسانها بلساني
اخذت لي شور سريع ولبست تنوره بيضاء مخصره من فوق وفيها كسرات بشكل حلو وبلوزه سوداء مربوطه على الرقبه بشريطه سوداء نشفت شعري ونفضته وسوتله تجعيد خفيف بالبلسم حطيت مكياج خفيف وغرقت عيوني كحل بصراحه كل زميلاتي يقولون عيوووونك حوووه فيها شي يجذب عشان كذا احب اهتم فيها وابرز جمالها بالكحل والماسكرا
خلصت اخيراً
نزلت ورحنا لبيت خالتي


في بيت خالتي كنا جالسين نسولف بصاله وحده كبيره البنات بجهه والحريم بالجهة الثانيه
انا جنب سحر توأم روحي
بنت خالتي نوره ام تركي
ناضرتني خلود : اقول رهف وش تسوييين لوجهك تجنن نعووومته
ضحكت بنعومه ههههههه هاذي انا من يومي حلوه ما اسوي شي
رهام بنت خالتي حصه ناضرتني بقهر مادري ليش تكرهني يمكن عشانها تشوف تركي يبيني وهي ميته فيه ومايعطيا وجه قالت بستهزاء : وش نعومته يالحولا عادي مافيها زود
رديت بقهرها :اقول خلود اسألي رهام عن نعومتها يمكن تعرف اسرار الجمال
خلود ببرائه : بس رهام مافيها نعومه زيك
انفجرت اضحك من غير شعور هههههههههههه وربي بردت حرتي فيها

سمعنا صوت تركي بيدخل تغطينا وسكتنا
كنت ساكته ومنزله راسي اتعبث بالجوال سمعت صوت تركي : كيفك رهف
رفعت راسي : بخير الحمد لله انت كيفك
مارد كان يناضرني وشوي ياكلني بعيونه ناضرت نفسي متغطيه بس من غبائي تنورتي قصيره شوي وصندلي الاسود مبرز جمال رجلي سحبت الغطى على رجلي اففففف شعنده ذا سمعته يكلمني :شلون شغلك بالمستشفى ؟ على فكره هو كان معارض اني اشتغل بالمستشفى بس انا عنااااد فيه صممت على هالوضيفه رديت بضيق : ماشي الحال
رن جواله رفعه يكلم وطلع من عندنا شلت الغطى وانا انفض شعري من الحروالقرف

بعد العشى

نادتني سحر ورحنا لغرفتها وقعدنا نسولف انا وياها بعد شوي قالت رهف اب اقولك شي بس ماتزعلين :ابتسمت لها قولي
_ بصراحه ودي اعرف ليش ماتبين تركي وربي انه كاسر خاااطري خوي مع انه غاثنا ودايم يحب يتحكم فينا بس مايهون علي خوي
ناضرتها بجديه _ شوفي سحوره انتي قلتيها بنفسك يحب يفرض نفسه وشااايف انه فوووق
قالت بزعل _ بس يحبك ودايم يسئلني عنك مع انه مايحب يبين مشاعره لاحد
رديت عليها بثقه_سحر مسئلة اني اتزوج اخوك شيليها من بالك نهائي



**
يوم الجمعه صحيت من النوم وانا احس بألم شديييد في بطني كنت اضنه حلم بس صحيت
والالم كل ماله يزيد قمت بصعوبه وفتحت الباب وطحت عنده وانا اصرخ من الالم اخر شي شفته قبل اغيب عن الدنيا امي ورنيم وهم يطلعون من غرفهم ويجون يمي


بعد وقت مدري شكثره فتحت عيوني بصعوبه احسها ثقيله مثل الجبل
بس حسيت حد ماسك ايدي ونصدمت بشكل الايد اللي ماسكتني رفعت عيوني
وشهقت شهقه حسيت الالم رجعلي بعدها هاذا وش جااابه عندي


****

بارت رائع

بس الي الآن غامض

رهف ليش تزوجت رجال متزوج وخلة ولد خالتها وش تبي بغثى الحريم

ننتظر نشوف مين الي ماسك يد رهف لايكون بس تركي والا فارس

ابدعتي