السلام عليكم ورحمة الله وبركاته

شارمي ....


الف الحمدالله على السلامه.... ومبروك العوده ....

مثل ما قالو في الامثال ...

امطول الغيبات وين الغنايم ..... والظاهر هذه هي غنايمنا عندج.....


لي عوده وتعليق انشاء الله على البارت بعد القراءه ....


تقبلي مروري ....

ميثه

السلاام عليكم..

شاارمي.. او الضحكه.. الكااتبه المبدعه.. تدرين والله احس انتس راح تاخذين لقب تستحقينه قريبا.. لقب قاص ممكن يكون من نصيبتس بالفتره الجايه وتستحقينه واكثر ...
ابدعتي بكل معنى الكلمه بهذي البدايه.. الصراحه لي كم يوم مارديت على اي قصه .. وماكان عندي اي نيه للرد على اي قصه بسبب التعب القووي اللي اشووفه بالجامعه تعب يأثر علي اليووم كله. وكن ناويه اترك الرد على اغلب القصص الاسبوعيه ليوم الخميس والجمعه. لكن الصراحه ان وجود قصه لتس شاارمي خلاني اغيرر هالقراار.. واللي خلاني اعتزله اليوم الابدااع اللي موجود هنا ...

قصه عنواانها قمه بالرووعه.. يناابيع الراحلين.. من هي يناابيعه وايهم الراحلين؟؟؟ هل هالعنوان هذا بيكون مبهم لنهااية القصه؟؟؟اما موضوعهاا يختلف اختلااف كبير عن القصص اللي حنا نعرفها ونلقاها باكثر قصصنا .. القصه هذي بدايتها عن ام لكن ام شكل ثااااااااني وغير متعوّود عليه بمجتمعنا..( الام المزوااجه ) بعكس الام المعطااءه الام المضحيه.. الام القدووه. اللي متعوودين عليها بمجتماعاتنا وبقصصنا. هذي الام ام تسببت لعيالها بامراض نفسيه وتسببت لهم بالخجل والغضب وحتى التفكيير بانهم يحجرون عليها..
الصراحه يااشاارمي هالقصه بتكووون مليااااااااانه بكل العاهاات من الابطال .. لان الام اذااوهي تربي وتخاف على عيالها ماتظمن كيف بتكون حياتهم ولاا من بيقتدون فيه.؟؟. فكيف بام همهاا نفسهاا وراحتها على حساب رااحه عيالها..ام جاسم: باين انتس مشببه بعمرتس ومدعيه انتس للحين بعز الشباااب.. والصراحه ان هالشي بااين عليتس لان الشبااااب شباااب القلب.. يمكن انتي مااسويت اي شي حرام.. وكانت زواجاتس كلهااا بالنور ومو بالسر.. بس مو دااائما الحلال يرضي الناااس عنه..
تزوجتي يمكن 6 مرات ومن كل زواج جبتي ولد.. الحصيله لهالزواجات هي 6 اولاد .. 3 بنات و3 اولاد.. يعني كل وااحد منهم له اب.. ماافيه اي اشقاااااااء ابداااا.. كلهم اخواان من طرف الام.. واتوقع انهم يعتبرون اللي انتي فيه من زواج متكرر مصيبه وجمعت بينهم عشان كذا نشووف انهم متقااربين يمكن مو الكل بس البنات اكيد انهم اكثر قرب من البنات..
الام وحده لكن الالااام اللي تسببت فيها كثيره..
جاسم وغاليه وعليا ومنار وعزام وناصر.. كل واحد منهم يحمل في قلبه نفس الهم ونفس الحزن والاحساااس بالعااار ان امهم وحده مثلتس انتي.. لدرجة ان غاليه تتمنى ان ام بدريه تكون امها.. احسااااس صعب على البنت انها تتمنى ام لان امهاااا مااا عطتها حقها من الحنان والاهتمام ..
ماا ادري بالضبط انتي ليش تتصرفين كذا.. ؟؟ مع انتس مااسويتي شي حرام بس ولوكان هالفعل من رجل كان النااس اعتبروه امر عادي وماافيه اي مخالفه ..بس انه يصدر من حرمه اولااا ومن ام ثاانيااا هنا تكون كل الانتقادات موجهه لها .. تدرين يمكن انتي تسووين هالشي لحاجة في نفستس من انتي صغيره .. يمكن تدورين على الحب وعلى العاطفه.؟؟. ويمكن تبين تكملين نقص موجود بحياتس ويمكن لسبب نفسي وهوو الخووف من الوحده.؟؟. ويمكن اسباااب ثاانيه.. لكن للاسف مااوقفتي لحظه وفكرتي بعيالتس ..لكن شكلتس صرتي اكثر شرااهه وتبحثين عن اي زوج تصيدينه..
وكانت نتااائج كل زواج ولد او بنت يتحمل مااا يعتبره عاااار امه..
وكنتي سبب بالنظره الدووونيه اللي يشوفون فيها عيالتس انفسهم ويشوفونهم فيها الغير واللي خلت الشباااب يشوفون بناتس بنظره حقيره وعرضه لعلاقات سريه بسبب وجودهم بعيد عن امهم.. مثل حالة عليا.. اللي اضطرت تتزوج من واحد اكبر منها 30 سنه عشان تعلن للجميع انها ممكن تكون زوجه لشخص محترم اكثر من انها تكون صاحبة علاقه سريه بواحد من نفس عمرها بس يشوفها بكل احتقاار بسبب امها..
انتي ياا ام جااسم.. بالاخير اذنبتي ذنب بكبيييييييير لانتس اعتبرتي الزواج لعبه نتااائجها 6 اشخاص محطميين نفسياا بسبب من هي المفروووض تكون حاااامي لهم من كل ماايضرهم.. واكيييييييد ومليوون بالميه ان هاللي شفناه قد لايكون حتى نقطه ببحر القاادم..
بس اتوقع ان زواااجتس من ابو شااااهين بالذاااااااات هذاااا لغاايه في نفستس اكثر من انتس تبين تكونين بعصمة رجّال...؟؟ وقدي يكون هالسبب هو الانتقاام من شريفه حتى وهي ميته ومدفونه تحت الارض؟؟؟
غاليه: قهرر قهرر قههر ..هذاا هو اللي تحسين فيه وللاسف ان هالقهر والغضب نااتج عن اقرب النااااااااااس.. وشكلتس اكثر وحده من خواتس البنات تعاانين من وضع امكم الغريب؟؟ لدرجة انتس تخططين تحجرين عليها عشان تخلينها تترك اللي هي فيه عاده صاارت عندها وهي الزوااج .. شكله مو هواايه لها شكله صاار احتراف..هخهخهخه>> الحمد الله والشكر..عندي توقعاات كثيررررره عنتس غاليه بس لو قلتها كلها مااراح اخلي شي للايام الجايه ان الله احيانا..هخهخهخه
لكن من هالتوقعات ان ماتزوجتي للحين بسبب زواج امتس اللي تعتبروونه وصمة عاار لكم جميعااا وماتبين يجي وااحد ويعاايرتس بامتس مثل ماكان زوج عليا الاول يسووي؟؟ بس تعالي ليش عاايشه بروحتس؟؟ باين انتس كنتي عايشه مع امتس لين انضربت على راسها للمره المدري كم وتزوجت وتركتس وحيده ببيت فااضي ..يمكن تتوقع انها ترجع له قريبا..

عليا : اوول شي شكلتس طيبه واجد .. ومرتاحه مع انتس مع زوج اكبر منتس بـ 30 سنه.. لكن اللي مخليتس مرتااحه انتي لقيتي عنده حناان الام اللي فقديته المتمثل بام بدريه .. ويمكن هذا هو اللي يخليتس متمسكه بابوو بدريه .. مو عشان شخصه لأ.. لكن عشان ام بدريه اللي مغرقتي بحناان فقدتيه من يووم انولدتي..؟
منار : ضحيه من ضحايا زواج الام .. عايشه مع مرت ابوتس وخواتس منها . ولكن على الرغم من هذا انتي لخواتس بنات امتس اقرب من خواتس اللي تحملين معهم نفس اللقب ..
عزام : اعجبتني كثييير.. وخصووصا وانت ترفض انك تحجر على امك.. والبااين انك قووي جداا وممكن يكون متوقع منك حركات بالشكل هذا..يعني ممكن تكون شخص مستهتر.. لكن هالاستهتاار له حدوود..
جاسم : الاخ الاكبر واكثرررررررر شخص ناله نصيب من السخريه بسبب امه.. الشخص اللي حس بمعاناة اخوانه قبلهم وحااول يحميهم من هالاحسااااس لكن مااقدر يووقفه بشكل نهاائي.. كان ممكن تكون فعلاا ضحيه لاستهتاار امك لو ماااجامك عمك بالوقت المناااسب وشالك من الوضع اللي انت فيه .. وقدرت انك تبني حيااة مستقله وناجحه عملياا .. ننتظر وش رااح يصيرؤ فيك وانت تشووف امك ببيت واحد مع عمك ابو زوجتك...؟؟
شاهين : شكلي بصااااااادرك..بس بشوف اذا انت مو متزوج وهالشي ماا اتوقعه بانتس خلاص بتكوون من ربعي ومن مجمووعاتي فيااهلاا فيك..هخهخه
احسااااااااااااس صعب صعب انك تشووف ابوك يلقى وحده بدال امك وتكون صفاتها بنفس صفات ام جاسم.. والاصعب منه وانت تشووف ابوك بانه صغير بعد ماكنت تفخر فيه وتحس انه من مفاخرك بالحياة انك ولده..
مدري شااهين اتوقع انت بالذالات بتعااني من زواج ابوك من ام جاسم ويمكن اكثر من خواتك... بس تدري جاسم والله مدري ليش اشووفك مع غاليه.. هل بيكون زواج ابوك من امهااا له فايده بانك تلتقي مع نصيبك ونصفك الثاني؟؟؟
شاارمي ابدعتي بكل معني الكلمه وحنا للحين في اوووووول خطووه من المشوااار.. اتمنى تكوونين بقمة التألق بكل جزء ويكون كل جزء ارووع من الثاااني وصدقيني اني من الحين اقووولتس ان هالشي بيكوون وبدوون أي شك..
تدرين شارمي الحين ذكرت ام منااير باوطانك غربتي وكيف بالبداايه كنا كارهينها ومااحبينها وباخر القصه كانت من احلى الشخصياااات اللي تسببت بنجاح القصه.. هل من الممكن ان ام جاااسم تكون ام منااير وحنا فهمناها غلط؟؟؟؟بانتظااااااااااار الجزء القاادم بكل شووووووووق فلاا تتركين انتظاارناا يطووول ياامبدعه

شارمي


وش اقول وش احكي ......


منعطف قوي قوي جدا للروايات .....


ابصراحه .... انا اشجع المره تعيش حياتها وتتزوج .... الحياه حلوه


والله تستاهل والف مبروك يا ام جاسم ... عقبال البكاري والمطلقات والارامل خخخخخخخخخخخخ


ماشاء الله لها كل ذا العيال والله افتر راسي من كثرهم ..... بس عجبني عزام شكله عايش خياته .... والولد ناصر مسكين ضايع بسبب تدليل امه له .... يعني كم زواج لها .... اذا في كل زواج بنت او ولد وهي الين الحين تقريبا عندها 3 اولاد و3 بنات ..... والا انا غلطانه!!!!!



اقول شارمي تري هذا اول تعليق لي بعد الصدمه ..... الله ايكافيج شرها .....

السلام عليكم
كم هو رائع ان نبحر معك شارمي في قصه جديده
كاتبه مبدعه وانتاجك رائئع اليوم دخلت معك الى عمق ابطالك
اللي جذبني بشده ام جاسم بصراحه اقف في المنتصف كل الاشارات تدعوني الى كرهها والوقوف في صف ابنائها
ولكن مع شارمي لا توقع استمرار في الكره للاخير اكيد يكمن ورى زواجها المتكرر عقده قديمه
قد تكون اب متعدد الزيجات وحبت تنتقم لامها ولنفسها او ربما حبيب او زوج اول هجرها اوتزوج عليها ام ربما نقص في الحنان وخوف من الوحده
لكن للاسف عقدها ماهي شفيع لها عند اولادها
جاسم وزوجته هو يشعر بالعار من امه وهي تشعر بالخوف من ان تكون قصه حبها مع زوجها
مجرد كلام ولو غابت عنه لسبب قد يكون مصيرها مصير شريفه وابو شاهين
غاليه فتاه تمثل القوه
وتحاول تحجر على امها لكن اظن انها من الداخل فتاه كسيره تشعر بالوحده وعقد الدنيا كلها فيها
منار فتاه تشعر بالعار من ذاتها ويزيدعليه معايره خواتها من ابوها لها رغم اني اشوفها ارحم بسبب وقوف ابوها جنبها واخذه حقها
من خواتها وامهم لمست في الاب نزعه تدين ربما لها قصه
عليا هذي منتهى الضعف لمست في شخصيتها الضعف اللي ممكن يتحول قوه مفاجئه في القادم
ومنتهى العذاب انها تتمنى ضرتها ام لها
عزام يبين انه انسان فاهم مستقر عاطفيا مع ابوه ويتمنى ياخذ اخته للعيش معه ممكن انه راح يزوجها لوحد من اخوانه وه الواحد شخصيه مابعد ضهرت اتوقع هو الشخصيه المهمه جدا في الروايه
عيال بو شاهين هذول اكبر صدمه من عيال ام جاسم لان طول عمرهم كانو ينظرون لابوهم نظره اكبار وللاسف ابوهم كسر هذي النظره

شارمي ابدعتي هناااا وانا متابعه معك من الاول للاخير باذن الله