كاتب الموضوع :
غير مسجل
المنتدى :
أريد حلا
مرحبا اختي
مثل ما اتفضل الدكتور خالد و شرح هي الحاله Vaginismus معروفة كتير و منتشرة كتير مو متل ما انتي مفكرة لدرجة انو فيه درس كامل في مقرر كليه الطب عنها يعني منك حاله شاذة او غير طبيعية مثل ما بتتخيلي
اول شئ بدنا نفهم اسباب هذا العارض و لاحضي اني سميتو عارض لانو مش مرض بالمعنى المفهوم
ال Vaginismus يمكن يكون اولي مثل حالتك و يرجع غالبا لاسباب نفسية و ثقافية يمكن حتى انتي ما تكوني واعية عليهم مثل اساليب التربيه الصارمة في الصغر و جهل المرأة بجسدها و بالعمليه الجنسية بشكل عام و النوع الثاني بيكون عائد الى صدمة نفسية او اساءة جنسية و ثاثا فيه الاسباب الطبيه الجسدية
اول شئ بتعمليه انك تروحي طبيب نسائي ،و ان كان المفروض يكون ها الشئ حصل قبل الزواج كما من المفترض ان يكون،و الكشف البسيط راح يلغي الاسباب العضوية لحالتك
طبعا بعد ما نلغي الاسباب العضوية العلاج راح يكون نفسي سلوكي و بسيط جدا
بدي انصحك ببعض تمارين فيكي تعمليهم كمرحلة اولى و راح يساعدوكي على التحكم في عضلات اسفل الحوض المسؤولة عن هيك حالة. التمارين و اسمهم تمارين كيجال Kegel معروفين كتير و يعتمدو على انك تحاولي تشدي عضلاتك و تريحيهم عشرين مرة بكل تمرين و فيكي تكرريهم على قد ما تقدري طول اليوم
طبعا العضلات اللي بدك تمرنيهم هم نفس العضلات اللي بيسمحو للانسان بالتحكم في عمليه التبول العادية لديه ففكي تجربي التمارين اول مرة في الحمام من شان تتأكدي انك عم تمرني العضلات الصحيحة مش عضلات البطن
و بعد تقريبا اسبوع او اكتر حسب حالتك فينا نتقدم اكتر و نجرب تمارين تانيه
و بالنسبة هلا للجانب النفسي بطلب منك انك لما تكوني لحالك تحاولي تسترخي و تسترجعي بذاكرتك الموقف اللي بتجيك فيه هي الحاله مع زوجك و تحاولي تسترجعيه مرارا و تكرارا و انتي مسترخية
كمان بدي اياكي تشيلي من ذهنك تما انو مشكلتك نادرة او غريبة او تدعو للذل او الاحراج متل ما قلتي لانها باذن الله حالة بسيطة و حتروح مع الوقت و طريقة تعاملك مع الموقف و تعامل الاخرين معه هو اللي بيحدد مدى سرعة زوال الاعراض.يعني لازم تتعاملي مع الحاله ببساطة و ان شاء الله بتنحل بسهولة
بالتوفيق اختي
|
02-11-09, 11:29 AM
جديد مواضيع قسم أريد حلا
العرض العادي
