السلام عليكم ورحمة الله وبركاته
مسائكم كادي
مصافحه قصييره نسبياا
بس الاحداث مااتحمل اكثر من كذا
اسمحولي مرض امي اشغل بالي وااجد
والجو اللي يزخ تراب عندنا ماقصر فيني ابداا
كملحوظه ذكرتهاا قبل
انا من اشد معارضين النهايه الحزينه
بس احب الواقعيه جدا
يعني توقعوا النهايه مافيها موت ابدا بس يمكن فراق محتم
فراق لدليل واحد محد يموت من دون احد
الحياه تستمر
من الحين ابي توقعكم شخصيه واحد رئيسه بيحكم عليها الفراق
الفراق عن الحبيب
الفراق عن الاهل
والاهم الفراق عن البلد
توقعاتكم ؟؟
اخليكم مع المصافحه
واعذروني على التقصير
المصافحه الخامسه والعشرين
بيروت
الفندق
كان التوتر بااين حييل على شكلها ,,
وانقلب السحر على الساحر ,,
من كانت زعلانه وتبيه يراضيها ,,
لانها ذا الحين خايفه من زعله ,,
والاهم من غضبه ,,
دخل عليها بهدوء ,,
وحط كيس اللي شرت قبل شوي قدامها ,,
كانت نظراتها مركزه عليه ,,
بس ذا المره ماهو بتحدي ابدا ,,
لا برجاء ,,
وخــوف ,,
ورهبــه ,,
لكنه بادل نظراتها بنظره جرحتها اكثر ,,
عـتب ,,
مغلف بعدم المبالاه ,,
عمرك شفتوا نظره كذا ,,
مشاري ارسلها كمسج لساره ,,
ساره سبقته بتبرير كااذب : إنا ,, "بتردد" إنا دورتك ,,
مشاري بابتسامه : ساره انتي مادورتيني إنا كنت اخايلس من طلعتي كنس طاقه من بلاا ,, لين طلعتي من المحل ,,
ساره بمحاوله اكبر لتبرير : لا من يقوم ,, بس يمكن كنت ......
مشاري يقاطعها : بس خلاص ,, ماابي حكي زايد ,,
ساره واحترت من تسكيته لها : ويعني ؟؟!!,,
مشاري : يعني يلا البسي عباتس ,, واليوم بطق للكليه وبرتاح من ذا الهم اللي بليت حالي فيه ,,
ساره انصدمت من حكي مشاري ,,
اللي قط قنبلته عليها ببرود ,,
وبدا يطلع الجناط اللي مجهزه عند الباب ,,
وساره صدمتها مستمره ,,
تمنى نفسها لاخر لحظه ,,
لاخر نفس ,,
لاخر ثانيه ,,
إن مشاري بيواجه ,,
بيبرر فعل ما تم ,,
لكن خاب املها ,,
خاب حيييل ,,
وهي تشوف نظرته المنقرفه جدا ,,
لهاا هي ,,
تصدقون مشاري ورغم كل اخطائه معاها ,,
او اخطائها هي معاها ,,
كان لحد قبل ربع ساعه متيم لحد النخاع فيها ,,
متيم بنظراته ,,
باهتمامه ,,
بنبرة صوت خاصه لها ,,
لكن مااشد الانقلاب ,,
وخصوصا من الرجال ,,
فاليوم اسود ,,
بكره يمكن ابيض ,,
وجايز رمادي ,,
تبعته بهدوء ,,
وهي تتوقع بخيالها نهاية حياتها ,,
مع مشاري ,,
قريبا جدا ,,
جدا جدا ,,
يعني يمكن بعد شهر ,,
وماهو اليوم لسبب واحد بس !!,,
انها بنت عمه ,,
شوفته ,,
بوجهه ,,
وخايف من حكي الناس فيها ,,
يعني خلاص تعطي نفسها شهر ,,
شهر بس يامشاري ,,
بس !!,,
جايز ,,
تتوقع !!,,
***
اللهم صلي وسلم على سيدنا محمد
***
بنك بيت التمويل الكويتي
فرع ........
كانت منسجمه بشغلها ,,
لكن فكرها ياخذها ويوديها من وقت لثاني ,,
كان امر زواجها القريب مقلقها شوي ,,
ومكدرها وااجد !!,,
واللي كدرها اكثر اتصال حصه فيها من ساعه ,,
الضيق كان واضح عليها ,,
رفيقاتها لاحظوا القلق ,,
ولكنها بددت كلامها بعذرها بتفكيرها بفستانها اللي كان مفروض يوصل هل اليومين ,,
لكن اللي مشغلها امر اخر ,,
وهو اتصال حصه وطلبها ,,
اللي يعترض جميع افكارها ومبادئها ,,
اصلا العرس ذا كله ماهو عاجبها ,,
طبعا باستثناء المعرس اللي وافقت عليها باقتناع ,,
لكن البذخ في العرس ,,
كارهته ,,
من اقصى قلبها ,,
دخول ام عبدالاله باوراق تتبعها مراءه قاطعها ,,
وقفت باحترام لمديرتها والعجوز المرافقه لها وهي تبتسم ,,
ام عبدالاله بابتسامه : المها حبيبتي ,, الخاله طالبتج تخلصين اوراقها انتي مخصوص ,,
المها وابتسامتها تكبر : ياهلا ومرحبا ,, ذي الساعه المباركه ,,
العجوز بابتسامه تبين من فتحات برقعها : ساعتس ابرك ياامس ,,
المها وهي تستلم الاوراق وتقترب من كرسيها : تفضلي ياخاله ,,
العجوز جلست بصمت ,,
والمها تبدء بتسجيل البيانات بالكمبيوتر ,,
كانت تجاوب على قد سؤال المها إن وجد ,,
او تلتزم الصمت بتأمل هادئ ,,
واعجاب يظهر من عيونها المبتسمه للمها ,,
المها وهي تبعد كرسيها عن الكمبيوتر بابتسامه وهي تمد الورقه الاخيره للتوقيع : اخر ورقه ,, وقعي ولا عليس امر "تاشر على المكان" هنا ,,
العجوز وهي توقع : هاا ,, "تبتسم" شفتي امحق من توقيعي يامس ,,
المها بابتسامه : مبارك وزين ياخاله ,,
العجوز : الله يبارك فيس وبعمرس ,, "تناديها" يابنت فهاد ,,
المها ترفع نظرها لها وهي عارفتها من جات ,,
شبهت على الاسم ,,
كان واضح ,,
ووضحه اكثر ابتسامتها اللي جايه بغير محلها ,,
المها : لبيه ياخاله ,,
العجوز : ياامس إنا جايتس بطلب وعساس ماترديني ,,
المها : ابشري ياخاله بعزس اذا هو بيدي ,,
العجوز : بايدس باذن الله ,, إنا اذاس ماعرفتيني عمة رجلس ,,
المها بهدوء قامت تسلم على العمه عفرا ,,
ووهي تتغصب الابتسامه بهدوء ,,
تعترف رغم إن ذا الشي ماظهر على وجهاا ,,
إن وجود العمه عفرا ضايقهاا ,,
نفس ماضايقها قبيله تدخل حصه ,,
مضايقها ذا الحين تدخل العمه بعد ,,
كانت العمه مسترسله بالحكي والمها مستمعه جيدا ,,
طلبت من المها اللي بخاطرها وكان رد المها عليها "بيصير خير باذن الله" ,,
اطلعت والمها تتبعها بمجامله فقط لا غير ,,
ولا هي بخاطرها ماودهاا ,,
المها
" طلعت الله ايسر لها ,,
وجودها ذا العجوز محبب ,,
بس ضايقني ,,
ضايقني حييل تدخلها ,,
وتدخل حصه من قبلها ,,
العرس كله مضايقني ,,
البذخ ماهو مرضيني ,,
من اختيارهم لاغلى قاعة بالكويت ,,
للبذخ بتزيين القاعه اللي اصلاا ماتحتاج ,,
الى الموسيقى المتواجده بالحفله ,,
مضايقني حكي الناس اللي يجيني وهم فرحانين ,,
فرحانين لي يوصلون لي كل صغيره وكبيره ,,
بس إنا مافرحت كذا مثلهم ,,
إنا ابي التوفيق ,,
بس ذا اللي ابيه ,,
طلبهم مني ادخل للقاعه احرجني ,,
وجية العمه عفرا لي بنفسها احرجني اكثر واكثر ,,
شكلي بوافق ,,
مستحيه ارد العجوز المتعنيه ,,
مستحيه حييل ,,
بس ابدا ماراح اخالف ديني ومبادئ ,,
واللي ماكان مرضيني بعرس مشاري وسوت لولوه ,,
ماراح اخليه يصير بعرسي ,,
بادخل للقاعه ,,
بس محمد مايدخل ,,
اذا موافقين يبشرون ,,
واذا لا ,,
كيفهم ,,
إنا مااقدر اضغط على نفسي اكثر من كذا ,,
ما اقدر ,,"
***
اللهم صلي وسلم على سيدنا محمد
***
مستشفى هادي
اسم البنت وش ؟؟,,
علامة استفهام كبيره على وجيه الجميع ؟؟,,
ونظرات تحدي متبادله بين سعود ونفله ,,
عمرها ماصارت كذا ,,
وعمرها ماوصلوا للمرحله ذي ,,
الكل كان منشغل باسم البنت او امر اخر ,,
الا وحده نظرات التحدي بين الزوجين لفتت انتباهاا ,,
نوره استغربت الامر ذا ,,
واستنبطت الامر من خلال نبرة سعود الغاضبه على الاسم ,,
وعرفت سبب الخلاف ,,
الاسم اكيد ,,
نوره بسرعه خوف من التراجع : طلبت ياابوسلطان ,,؟؟
سعود واستغرب من الصوت ولكن من لف عرف راعيته ,, رد بحميه : ابشري بطلبس يابنت سالم ,,
نوره بسرعه : اسم البنت ,,
سعود وحس وجهه انقص من نوره ,,
نفله كانت بتسمي عليها وهو قص وجهها قدام اهلها ,,
انحرج منها ,,
ومن غضبه اللي مفروض كان يمسككه ويخشه لنفله بس ,,
سعود يتغصب الابتسامه : وهو لس ياام مي ,,
نوره تلف لاختها بابتسامه : تسلم يابو سلطان ,,
نوف بلقافتها المعهوده : النوري فديتس وش بتسمينها ,, "تسبل بعيونها بدلع" ماودس تسمينها علي ,,
ام سعود بنقمه : واجد عليس الشبهه ,, مانبي نوفن ثانيه تعل قلبي ,,
نوف تضحك : يعني إنا عاله قلبس يمه ,,
ام سعود : اي عالتن قلبي بمهاسس الواجد ,,
نوف : ماعليه الاخلاق تجاريه ياام سعود ,, نتحاسب البيت ,, "تلف لنوره بسرعه" وش النوري ,, "باستعجال" قووووولي ,,
نوره تلف على اختها نفله وابتسامتها تبان من عيونها ,,
وهي ترسل رساله لاختها ,,
انهم انتصروا على سعود ومخططه ,,
ولو بالحيله ,,
***
اللهم اشفي مرضنا و مرضى المسلمين جميعا
***
بنك بيت التمويل الكويتي
قريب من نهاية وقت الدوام
دخلت ام عبدالاله على المها اللي تضبط اوراقها ,,
كانت عباتها عليها عشان تطلع ,,
ومودها ماكان اوكي ابدا ابدا ,,
ام عبدالاله من جابت عمة محمد وهي ضميرها يانبها ,,
حست انها ضايقة المها وهي ماتقصد ,,
حست المها باحد يطالعها ,,
وبرفعتها راسها كانت ام عبدالاله بتبدى بالكلام ,,
ام عبدالاله : المها شفيج اليوم ,,
المها وترجع نظرها لاوراقها بهدوء : لا ياقلبي مافيني شي ,,
ام عبدالاله بارتباك : المها انتي والله غلاتج من غلات خواتي ,, واسمح لي اذا ضايقج اليوم اني دخلت العجوز علييج ,,
المهاا بابتسامه : وانتي عارفه غلاتس عندي ,, والله مااتفرق عن غلات لولوه اختي ,, بس اسمح الامر ضايقني ,,
ام عبدالاله : من اي ناحيه ضايقج ,,
المها توقف وهي ترفع نقابها وتلبس دسوسهاا : ضايقني إن العرس صار عرس الكل الا عرسي إنا ,, الكل مهتم لنفسه بس ابدا مااهتموا للمها واللي يضايقهاا ,,
ام عبدالاله توقف معاها : بس هم يحبونج ويهتمون لج ولفرحج ,,
المها بضيق : وذا اللي يخنقني الا هتمام ,, الاهتمام حييل زااد عن حده لدرجة اني بديت اختنق ,,
***
اللهم اشفي مرضنا ومرض المسلمين
***
بعد اسبوع من اخر تواجد
بريطانيا
شقة عبدالله بن فالح
منيره وهي تضع اللمسات الاخيره لمكياجهاا ,,
كانت دلال قاعده على السرير وتنطرهاا طفرانه ,,
تاخروا حييل ,,
ومنيره مازالت تختار بين الروج البينك ولا البيج ,,
دلال وهي زهقانه : ماصارت منور كل هذا تلبسين ,,
منيره بابتسامه : ياربي منس توني راده من الجامعه ماصار لي ربع ساعه ,, عكسس انتي اليوم لاعبه لاعب ,,
دلال : اوووف منج خلصي يلااا البنات ينطرونا هناك ,,
منيره وهي تلف ملفعها : يالبى قلوبهم بس اشتقت لهم ,, مبطيه عنهم ,,
دلال : حتى هم مشتاقين لج ويحبونج بس يلااا تاخرناا ,,
دلال كانت خطواتها سريعه بتطلع ,,
موعدهم مفروض الساعه خمس ,,
والحين الساعه اربع وربع يعني يدووب يوصلون على موعدهم ,,
دلال كانت تمشي وتقود منور تقريبا ,,
كان مشعل تحت ينطرهم بيعطيهم السياره وبيروح ,,
ومنور ولا على بالها كل ماشافت انعكاس لوجهاا بدت اتضبط الكحل ولا الملفع ,,
تنهدت دلال بفرحه اول مافتح الاصانصير وشافت مشعل ينطرهم ,,
دلال : يلاا منور هذا مشعل ,,
منور بصدمه : وحنا وش يودينا مع مشعل ؟؟,,
دلال تسحبها : ماراح يودينا يالخبله ,, بناخذ السياره وبنروح إنا ويااج ,,
منور اتبعت دلال بهدوء ,,
ولكن احد شدها بصوره اكبر ,,
ومولمه حييل ,,
حست كتفهاا بينخلع ,,
لفت بغضب على بالها مزح بايخ من وحده من البنات ,,
بس حلت صدمتها لجزء من الثانيه ,,
ورد الغضب بصوره خجوله مو بقوتها قبيله ,,
فيصل وعيونها تشع من الغضب : وينس رايحه يامدام ,,
منيره بصقاره بابتسامه تمثيليه تضحك : هلاا فيصل ,, "اشرت على دلال" بروح مع دلال للـ .....
فيصل وهو يشدها ويبعدها بوسط استغراب دلال ,,
واستغراب اكبر من مشعل اللي نزل من السياره يستطلع الامر ,,
منيره من بين اسنانها : فيصل هدني فشلتني بالبنت واخوهاا ,,
فيصل : هاااا هذاس قلتيها اخوس ,, رايحه يامدام ووجهج ملطخ مع ذا الرجال الاجنبي ليه ,,
منيره بتبرير : فيصل انت ماعرفته ...
فيصل يقاطعها : ولا ابي اعرفه ,, ويلاا ارقي (اصعدي) انتظري عبدالله ولا إنا اوديس ,,
منيره بغضب : فيصل لو سمحت ,, عبدالله مشغول ,, وانا مضطره اروح ,, فهدني ووخر عن طريقي ,,
فيصل وغضبه ازداد : واذا قلت ماانتي برايحه ,,
منيره بتحدي : بروح ,,
فيصل بهدوء طلع اكلينكس من مخباه ,,
ومنيره متعجبه وفي بالها انه استسلم لها ,,
ولكن صدمتها ازدادت وهي يمسكها من حنجها بقوه ,,
ويمسح وجها بقوه ,,
كانت صدمتها شالتهاا ,,
كان بنظره انه ينظف قذاره من وجهاا ,,
ماكان يفكر انه يمكن يألمها ,,
حيييل مو شوي ,,
دموعها بدت تنزل وشهقاتها تتعالا ,,
وفيصل كانه يمسح طوفه مو وجهاا ,,
سمع شهقاتها وصرخات مشعل وراه ,,
وقتها صحى وابتعد ,,
وهي ابتعدت تركض للعماره ,,
مشعل بغضب : انت اشفيك مو صاحي ,,
فيصل بغضب يسترجعه : وانت وش دخلك ,, مرتي وكيفي ,,
وقتها انصدم مشعل وابتعد ,,
وهي يرسل نظرات لاخته انها تلحقه ,,
بس اخته من شافت إن مشعل ابتعد ومااشتبك مع فيصل ,,
ابتعدت وراا منيره وهي نظراتها بتحرق فيصل ,,
نظرات كره كبيره ,,
كره لجرحه لرفيقاتها ,,
وكره لتواجده عائق قدام اخوهاا ,,
***
اللهم اشفى مرضنا ومرض المسلمين
***
بيت سعود بن سلطان
يوم من ايام الويك اند المزدحمه ,,
نفاس نفله ذا المره كان في بيتها ,,
ولاول مره تصير ,,
استقبالها بالمستشفى ريحها شوي ,,
بس مازالوا النسوان وفضولهم يذبحهم ,,
كان بخاطرهم يشوفون بيت نفله ,,
ومكان جارتها من بيتهااا ,,
بخروج اخر وحده من النسوان ,,
باقي بس امهاا وشيخه اختهاا ,,,
وسحر اللي ماسكه زمام الاستقبال والضيوف ,,
نوف كانت ماسكه شبيهتها وتلاعبهاا ,,
نوف : يالبى قلب الماسه بس ,, عز الله انها ماسه فديت خشيمهاا ,,
سحر تقعد جنبها : اي شفتيهاا وجهاا اسم الله عليهاا ابيض ينور ,,
ام محمد بغضب : اذكري ربس ,,
نوف تضحك : ماشاء الله ياعمه ,, وتراني قريبه ماني ببعيده اذا ضريتها غسالي عندكم .,,
سحر ولا حظت نظرات ام محمد لها ,,
وعرفت انها هي المقصوده ,,
انجرحت بس اسكتت لانها تعودت على الجراح مؤخرا حييل ,,
وخصوصا من نفله ,,
سحر بهدوء قامت : ماشاء الله تبارك الرحمن ,, اسمحولي بستأذن ,,
نطرت احد يقولها اقعدي ماسمعت ,,
شيخه مشغولها بولدهاا ,,
ونوف وشبيهتها بحاله خاصه بروحهم ,,
ونفله وام محمد ونظراتهم الغير مهتمه بوجودهاا او خروجهاا ,,
خروج سحر عطى مجال لام محمد تاخذ راحتها ,,
ام محمد : الا يامس ذا العله الا ماغير مقابلتس ,, مالها بيت ,,
نفله : يمه حرام عليس ,,
ام محمد : حرمت عيشت العدو إن شاء الله ,,
شيخه : يمه الله يطول بعمرس لا تكبرين الامور ,, البنت مالها احد وتستانس بجمعتنا ,,
ام محمد : والله انك ماانتن بصاحيات ,, ذي عقربه بتمسك لين اتمكن ,,
وبدت وقتها ام محمد بتعديد الامثله من زمنها ,,
للزوجه الضعيفه باول حياتها ,,
وتسلطها بعد تمكنهاا ,,
وشغل الامر نفله ,,
شغلهاا وااجد ,,
نفله
" امي كنها تصب البانزين على ناري ,,
سعود من اللي سويته فيه بالمستشفى مايحاكيني ,,
وتحسف ,,
صحيح بردت قلبي وقتها ,,
بس غلطت مع الشخص ,,
ماهو بسعود اللي تلوى ايده ويقول حاضر ولبيه ,,
ماهوو هو ,,
سمى البنت على طلب نوره ,,
الماسه ,,
وسبب نوره اللي قالته بحضور سعود ,,
إن الماس مايجيب الا ماسه ,,
بس الماس طفى نوره ,,
طفى حييل ,,
مادام كذا سعود زعلان وماهو بصوبي ,,
ذا بيكون حالي ,,
امي قالت لي سميها مشاعل ,,
لانه باعتقادهم انها جات بعد شعلة قلبي بجيت الجاره فوق راسي ,,
وعمتي قالت سميها عنود ,,
عشان تعاند حظس وتعدل ويجي وراهاا عيال ,,
خرافات ,,
وتفكير ملبد قديم ,,
الشعله بالقلب ضاويه وماطفت ,,
سواء سميت مشاعل ولا لا ,,
وحظي كذا ماهو بمعاند ,,
سواء سميت عنود ولا لا ,,
وانا ماعادني بماسه بعين سعود ابدا ,,
سواء بنتي الماسه ولا غيرهاا ,,
لمتى وانا قويه او ادوس على نفسي للناس ,,
ماعندي حل وسط ,,
مااقدر اكون وسطيه ,,
هذا قراري من اليوم ,,
ماابي اكون قويه قدام سعود ,,
ولا ابي اني ادوس على قلبي ونفسي عشانه ,,
برد نفله قبل اجمع من كل شي ,,
بس خلاص تعبت ,,"
***
اللهم اشفى مرضنا ومرض المسلمين
***
بيت فهاد بن سعد
شقة مشاري
ساره
" توني راده من الصالون ,,
راضيه عن نفسي رضى تام ,,
مشاري اليوم بيطلع من الكليه ,,
اووف بس متى يجي شهر خمسه ويتخرج ,,
احس اني مشتته ,,
ماغير رايحه جايه على بيتي وبيت اهلي ,,
وعجوز النار اللي تحت ماغير شغاله تحرش فيني ,,
هي لو فيهاا قوه ليه مااطلعها على مرت سعد ,,
ولا ابوي مايقدر الا على امي ,,
بس وريتكم فيها يوم خواتها جووا بيقهووني خذيت اغراضي ورحت لاهلي ,,
يااني قصيت وجهاا قدامهم ,,
بس احسن عشان تفكر مره ثانيه قبل لا اتامر علي ,,
وانا بنت سالم مااني بخادمه عند حضرتهاا ,,
المهم ماابي اذكرها اتكر مزاجي ,,
بس تأخر مشاري ,,
مفروض الساعه ست جاي ,,
عااد لازم اليوم اضبط اموري معاه ,,
لمتى وحناا كذا ,,
ماغير انتناقر ,,
لازم نخلص من ذا الهم والعناد ,,
وارتاح ,,
وهو يرتاح ,,"
بنفس البيت
بصالة البيت الرئيسيه
مشاري وغضبه يتصاعد لاخره ,,
امه قدامه ودموعها ملت برقعها ,,
وتشكيها من ساره نرفزه ,,
ام سعد وهي تمسح دموعها : والله يامك اني ماعاد عرفت هي ماجوده ولا لا ,, يجني ذا النسوين بيقهون ,, وادعيها الا مابه احد ,, وتطلع رايحتن لبيت اهلها ,, فضحتني ياامك ,,
مشاري : خلاص ياام مايصير خاطرس الا طيب ,, ماعاد لها طلعه من ذا البيت الا وهي مشاورتس ,,
ام سعد : إنا قلت لك وش تبي بذا العوبه السفيه ,, عوبه وامها عوبه من قبلهاا ,,
مشاري : خلاص يمه الله يخليس لي ,,
ام سعد وهي تتعبر اكثر : إنا داريه بتروح ذا الحين وبتكذب عليك بكلمتين ,, وانت بصدقها وبتكذبني ,,
مشاري يوقف : افااا يمه ,, ماانتي مكذبه ابدا ,, ولسانها الطويل ذا بقصه لس ,, وبجيبها لس اتعذر ذا الحين ,,
ام سعد : لالا ,, ابدا لا تجيني ,, ياامك إنا ماابقلبي الا راحتك ,, بس ذا البنت مااجوز لك ابدا ,,
مشاري : يعني وش تبين بالضبط يمه ؟؟,, قلت لس بجيبها لس اتعذر وانتي ماتبين ,,
ام سعد : ابي ياامك تفارقني بنت وضحه ,,
مشاري ينتفض بغضب : يعني مثلاا قصدس اطلقهاا يمه ,,
ام سعد بفرح : اي جعلني قبلك ذا قصدي ,,
***
اللهم اشفى مرضنا ومرض المسلمين
***
شقة خالد بن سلطان
خالد يجهز شقته لعرس اللي بعد اسبوعين ,,
او انقول فرحته هو بروحه ,,
امه ماراح تحضر ابدا وحلفت بعد ,,
ولخاطره عمته وضحه بتحضر ,,
اتفق مع سلمى انه مافي عرس للحريم ,,
بس عرس رياجيل بالصاله ,,
ويجي ياخذها هو وعمته وخلاص ,,
وش لون يسوي عرس وامه ماهي موجوده ,,
حتى نوف اخته منعتها امه انها تفكر حتى تحضر ,,
فاختار انه يخش قصت الوجه ومايسوي عرس احسن له ,,
خالد
"اجرة شقه بنفس منطقة اهلي ,,
ابي قربهم لو هم مايبوني ,,
وسلمى مامانعت ابدا ,,
المنطقه بعييده عن شغلها ,,
وعن اهلها ومع كذا مامانعت ,,
فديت قلبها بس ,,
كان ودي امي اجهز شقتي ,,
ونوف تحط لمساتها عليها ,,
احس اني فرحان وااجد ,,
وبعد احس اني متضايق وااجد ,,
شعورين متضاديين بلحظه وحده ,,
إن شاء الله مااندم اني خطيت الخطوه ذي ,,
ولا اندم اني سويت شي ماهو بخاطر امي ,,
الله ايسر بس "
***
اللهم اشفى مرضنا ومرض المسلمين
***
بريطانيا
احد المطاعم القريبه من سكن عبدالله ,,
جلسة عتاب كبيره ,,
كل واحد يعاتب الثاني بنظراته ,,
فيصل العتبان على رخوة عبدالله الزايده مع اخته ,,
وعبدالله العتبان على اللي وصله من منور عن فيصل ,,
عبدالله : الا ماودك اتقول اللي عندك ياولد عمي ,,
فيصل : ماعندي شي ابدا ,,
عبدالله : يعني موقفك قبل كم ساعه مع منور ولا شي ,,
فيصل بعدم مبالاه : والله مرتي وتحتاج تربيه ,,
عبدالله يعدل جلسته بغضب : وليه محتاجه تربيه بعد ,,
فيصل : عشانها محتاجه تربيه ,,
عبدالله بصوت مستهتر : لا ماشاء الله ,, يعني ياولد عمي امي وابوي ماربوا وانت جااي بتربي ,,
فيصل بتبرير : والله عمي ماقصر بالتربيه ,, بس الله يرحمه مات ,,
عبدالله : عطني من اخرهاا وش صايد على منور عشان تقول ذا الحكي ,,
فيصل : والله اخر ماصدت اليوم رايحه وهي ملونه وجهاا مع رجال اجنبي ,,
عبدالله : ومن قالك انها بتروح مع الرجال اصلاا ؟؟,,
فيصل وبدى اعصابه تفلت من تحقيق عبدالله معاه : عيوني قالت لي ,,
عبدالله : عيونك شافتها راكبه مع الرجال ,,
فيصل بثقه مزيفه : لا عيوني شافته خلاص قدها بتركب ,,
عبدالله : تدري شي يافيصل إن النقاش معاك عقيم ,,
فيصل بثقه اكبر من تراجع عبدالله : والله انت جاي ماغير تحكي وانت ماانت عارف تقضب اختك ,, اسمعك اذاك عجزان منها عطني اياها وانا اضبطهاا ,,
عبدالله : لذا الدرجه اختي عندك ارخيصه يافيصل ,, بس تعرف من رخصها اناا ,, "وبغصه" اي والله إنا يوم قلت فيصل بصونها اكثر مني وبعرف قيمة العطيه ,,
فيصل بتبرير والارتباك ظهر على صوته : لا تقول كذا لا عبدال.....
عبدالله : لو سمحت ,, لا تكمل واختي ذا اللي حاقرها وعلى بالك مالها والي كانت رايحه للسفاره مجتمعين مع زوجة السفير ,, ومشعل كان مودي لهم السياره بس بيروحون فيها البنات ,, بس إنا الغلطان نزلت مقدار اختي عندك وانت ماانت عارف قيمتها ,,
فيصل بتبرير لنفسه : ويعني اذا هي رايحه لزوجة السفير تحط كل ذا المكياج كنها رايحه لعرس ,,
عبدالله بقرف : قلت لك الحوار معاك عقييم ,, المهم السموحه ياولد عمي ,, إنا بليتك باختي وانت ماودك ,, فياليت الله لا يهينك اطلقها عشان ترتاح من هم تربيتها من اول وجديد ,,
***
اللهم اشفى مرضنا ومرض المسلمين
***
لنا لقاء باذن الله
بمصافحه خاصه لابناء فهاد بن سعد
فقط لفيصل وحمد وسعد ومشاري
لهم هم
وبنتعرف على حمد اكثر واكثر
والاهم بنتعرف على شخصيه مغيبه ومكروهه سعد !!
استودعكم الله الذي لا تضيع ودائعه
10-03-10, 04:07 PM
جديد مواضيع قسم الارشيف
العرض العادي
